1519094
ይህ የቲክቫህ (ተስፋ) ኢትዮጵያ ቤተሰብ አባላት መሰባሰቢያ እንዲሁም የመረጃ እና የመልዕክት መለዋወጫ መድረክ ነው። @tikvahuniversity @tikvahethAfaanOromoo @tikvahethmagazine @tikvahethsport @tikvahethiopiatigrigna #ኢትዮጵያ
" ዋና ኃላፊዋ በሀገር ውስጥ የሉም። ነገር ግን ደብዳቤያችን ከደረሳቸው በኃላ ነው የወጡት " - የመንግሥት ወጪ አስተዳደርና ቁጥጥር ጉዳዮች ቋሚ ኮሚቴ
በዛሬው ዕለት በህዝብ ተወካዮች ምክር ቤት የመንግሥት ወጪ አስተዳደር እና ቁጥጥር ጉዳዮች ቋሚ ኮሚቴ የኢሚግሬሽንና ዜግነት አገልግሎት የ2015 /2016 በጀት አመት የፓስፖርት አገልግሎት አሰጣጥና ውጤታማነትን በተመለከተ የተከናወነ የክዋኔ ኦዲት ሪፖርት እንዲሁም የ2015 የሂሳብ ኦዲት ሪፖርት ላይ ለመወያየት ስብሰባ ጠርቶ ነበር።
ነገር ግን የኢሚግሬሽን እና ዜግነት አገልግሎት ዋና ዳይሬክተር ሰላማዊት ዳዊት ስብሰባው ላይ ሳይገኙ መቅረታቸው ቁጣን ፈጥሯል።
የቋሚ ኮሚቴው ሰብሳቢ የሺእመቤት ደምሴ (ዶ/ር) ምን አሉ ?
" በመሰረቱ ምክር ቤቱ ተመርምረው የቀረቡለትን የዋና ኦዲት ሪፖርቶችን ይፋዊ ውይይት የሚያደርግባቸው የመስሪያ ቤቱ የበላይ ኃላፊ ነው።
እኔ የመጣችሁትን የተመርማሪ መ/ቤት ኃላፊዎች ኃላፊነታችሁን አከብራለሁ ነገር ግን ዋና ኃላፊ በኦዲት ሪፖርት ምርመራ ላይ መገኘት ግዴታ ነው።
ዋና ኃላፊዋ በሀገር ውስጥ የሉም። ነገር ግን ደብዳቤያችን ከደረሳቸው በኃላ ነው የወጡት። ይህ ድርጊት ተገቢ አይደለም።
እኛ ከ10 ቀን በፊት ነው የምናሳውቀው ከ10 ቀን በፊት የምናሳውቅበት የራሱ ምክንያት አለው። መገኘት የማይችሉ ከሆነ reschedule መደረግ ካለበት reschedule መደረግ አለበት አለበለዚህ ግን ችግር የለውም ባላቹ ሰዎች መካሄድ ይችላል ተብሎ ወደ ጎን የሚተው ተግባር አይደለም።
ይሄ እኮ የመ/ቤቱ ቁልፍ ተግባር ነው።
ምክር ቤቱ ሃብት ነው የሚሰጠው፣ ይህ ሃብት በአግባቡ፣ በህግ እና በስርዓት መዋሉን ማረጋገጥ መቆጣጠር ይፈልጋል በዛ በሚቆጣጠርበት ሰዓት ኃላፊነት የሰጣቸው አካል አለመገኘት ተገቢ አይደለም።
በርካታ ስራዎች ሊኖሩ ይችላሉ ግን ከበርካታ ስራዎች የቅድሚያ ቅድሚያ የሚሰጠው ተግባር ነው (በኦዲት ምርመራ ሪፖርቱ ላይ መገኘት)።
ይህ የሚያመላክተው ለኦዲቱ የሰጣችሁትን ትኩረት ነው። ትኩረት መስጠታችሁ አንዱ ማሳያ ተገኝቶ ይሄን ተምሪያለሁ፣ ፈጽሚያለሁ፣ ይሄን አልፈጸኩም ብሎ ፊት ለፊት ያልፈጸመበትን ምክንያት ማስረዳት ከአንድ ኃላፊ የሚጠበቅ ነው።
ለወደፊቱ እንዳይደገም አሳስባለሁ " ብለዋል።
ምንም እንኳን ዋና ኃላፊዋ ባይገኙም ስብሰባው ምክትል ዋና ዳይሬክተሮቹ ቢቂላ መዝገቡ እና ጎሳ ደምሴን ጨምሮ ሌሎችም አመራሮች በተገኙበት ተካሂዷል።
ምክትል ዋና ዳይሬክተሮቹ በተፈጠረው ነገር ይቅርታ ጠይቀው " ድጋሚ አይደገምም " ሲሉ ቃል ገብተዋል።
ዋና ኃላፊዋ መገኘት የማይችሉ ከሆነው ቀድመው መናገር ነበረባቸው ተብሏል።
በዚህ አይነት መንገድ (ዋና ኃላፊዋ በሌሉበት) ሰብሰባውን ማድረግ የማይገባ ቢሆንም ከዋና ኦዲተር ጀምሮ፣ ከጠ/ሚ ፅ/ቤት ፣ ከተለያዩ ተቋማትም ጉዳዩ የሚመለከታቸው ባለድርሻ አካላት ጊዜያቸውን መስዕዋት አድርገው " ዋና ተግባራችን ነው " ብለው ስለተገኙ ብቻ ስብሰባው መደረጉ ተገልጿል።
በዛሬው ስብሰባ የኢሚግሬሽንና ዜግነት አገልግሎት በ2015/2016 በጀት ዓመት የክዋኔ እና ሂሳብ ኦዲት ሲመረመር በርካታ ገድለቶች መገኘታቸው ተገልጿል።
ከሪፖርቱ በመነሳት ቋሚ ኮሚቴው በርካታ ጥያቄዎችን አቅርቧል። በጥያቄዎቹ ላይም የአገልግሎቱ ኃላፊዎች ምላሽ ያሉትን ሰጥተዋል።
#TikvahEthiopia
@tikvahethiopia
#ነቀምቴ
ሳፋሪኮም ኢትዮጵያ በኦሮሚያ ክልል ነቀምቴ ከተማ የ4G አገልግሎት አስጀመረ።
ሳፋሪኮም ኢትዮጵያ አገልግሎቱት ማስጀመሩን ከመግለጹ ጋር አያይዞ ለሃይስኩል ተማሪዎች የላፕቶፕና የራውተር ስጦታ ማበርከቱን ገልጿል።
በዚሁ መርሃ ግብር የተገኙት የከተማዋ አካላት፣ የኔቶርክ አገልግሎቱ መዘርጋት ለማህበረሰቡ ከፍተኛ ጥቅም እንዳለው በመግለጽ፣ ድርጅቱን አመስግነዋል።
በፕሮግራሙ የተገኘው ቲክቫህ ኢትዮጵያም፣ ከከተማዎች በተጨማሪ አገልሎቱን በገጠር አካባቢዎች ለማድረስ ምን ታቅዷል ? ሲል ለድርጅቱ ጥያቄ አቀርቧል።
ለዚሁ ጥያቄ ምላሽ የሰጡት የድርጅቱ ዋና ሥራ አስፈጻሚ ዊም ቫንሄልፑት፣ " በነቀምቴ ከተማ አገልግሎቱን አስጀምረናል ፤ ቀጣይ በአሶሳ ከተማ እናስጀምራለን በዚህም 50 በመቶ የሚሆነውን ህዝብ ተጠቃሚ እናደርጋለን " ብለዋል።
ኔትዎርኩን በሁሉም አካባቢዎች ለማዳረስ ከመንግስት የአምስት ዓመት ጊዜ እንደተሰጣቸው፣ አሁን ሁለት ዓመት እንዳስቆጠሩ፣ በቀሪው ሦስት ዓመት 80 በመቶ ለሚሆነው ህዝብ አገልግሎቱን ለማዳረስ እንዳቀዱ ገልጸዋል።
በተለያዩ አካባቢዎች የጸጥታ ችግሮች ይስተዋላሉ፣ ይህ አገልግሎቱን ተደራሽ ከማድረግ አንጻር በድርጅትዎ ላይ የደቀነው ፈተና አለ ? ስንል ላቀረበላቸው ጥያቄ በሰጡት ማብራሪያ የጸጥታ ችግር አገልግሎቱን ተደራሽ ለማድረግ ተፅዕኖ እንዳለው አስረድተዋል።
የጸጥታ ችግር ከሚስተዋልባቸው አካባቢዎች መካከል ነቀምቴ ከተማን ጠቅሰው፣ በጸጥታው ችግር ድርጅቱ የአገልግሎት ተጠቃሚ ለማድረግ ሳያስችለው እንደቆዬ፣ “ አሁን አንጻራዊ ሰላም ስላለ ” አገልግሎቱን እንዳስጀመሩ አስረድተዋል።
አገልግሎቱን ለማዳረስ በመቐለ ከተማ ተመሳሳይ ችግር ገጥሟቸው እንደነበር፣ በኋላም እንዳስጀመሩ፣ ከሁለት ሳምንታት በፊት በሶማሌ ክልል በጎዴ የኔቶርክ አገልግሎት እንዳስጀመሩ አስታውሰው፣ አንጻራዊ ሰላም ባለባቸው አካባቢዎች የኔትዎርክ ዝርጋታውን እንደሚቀጥሉ ጠቁመዋል።
የኔትዎርክ አገልግሎቱን ተደራሽ ለማድረግ ፈልጋችሁ ግን ያን እንዳታደርጉ የጸጥታው ችግር የገደባችሁ አካባቢዎች አሉ ? ሲል ቲክቫህ ኢትዮጵያ ላቀረቀው ጥያቄም፣ ዊም አማራ ክልልን ጠቅሰው ምላሽ ሰጥተዋል።
በአማራ ክልል ለኔቶርክ መሠረተ ልማት የሚሆኑ 800 ታውሮች እንዳሏቸው ጠቅሰው፣ የተለያዩ አካባቢዎች ባለው የአስቸጋሪ ጸጥታ ችግር በመቶዎች የሚቆጠሩት ታወሮች ኦፕሬሽናል እንዳልሆኑ፣ በቀጣዩቹ ዓመታት ችግሩ ሲቀረፍ አገልግሎቱን ተደራሽ እንደሚያደርጉ ጠቁመዋል።
#TikvahEthiopiaFamilyAA
@tikvahethiopia
ዶዳይ ማኑፋክቸሪንግ !
ታላቅ ቅናሽ እስከ ህዳር 22 ብቻ የሚቆይ
በአንድ ጊዜ ቻርጅ እስከ 150ኪሜ መጓዝ የሚችሉ
• ለሙሉ ቻርጅ 10ብር ብቻ ሚጠይቁ
• 150ኪሎ ተሸክመው በሰአት እስከ 60ኪሜ የሚሄዱ
• ለእለት ተለት ጉዞ ቢሉ ፣ አልያም ለዲሊቨሪ ስራ የሚሆኑ
ዋጋውስ ለምትሉ
• V3 Lite: በ165ሺ
• V3: በ200ሺ
ይፍጠኑ ይሂዱ > ይጎብኙ > ይግዙ!
ለበለጠ መረጃ :📍ሾው ሩም: ጎፋ ገብርኤል
📲 ስልክ: 0938022222
🌐 ethiopia.dodai.co
• TikTok Page: dodai_et?is_from_webapp=1&sender_device=pc" rel="nofollow">https://www.tiktok.com/@dodai_et?is_from_webapp=1&sender_device=pc
• Telegram Page: /channel/+z09SxQgb6vsyNzU8
#ወጣቶቻችን😭
" በሶስት ወራት ብቻ ከ6,600 በላይ ወጣቶች በህገ-ወጥ መንገድ ተሰድዋል !! " - የትግራይ የወጣቶች ጉዳይ ቢሮ
በትግራይ ክልል ከተሞች በሚገኙ አውራ መንገዶች " ልጄ በህገ-ወጥ መንገድ ወደ ስደት ሲሄድ በአጋቾች ተይዞ ይህንን ብር ክፈል ፣ ካልከፈልክ ትገደላለህ ብለውኛል እርዱኝ " የሚሉ በትልቅ ባነር በተቀመጠ የወጣቶች ፎቶ አስደግፈው እርዳታ የሚለሙኑ ወላጆች ተበራክተዋል።
ከነዚሁ ወላጆች የአክሱም ከተማ ነዋሪዋ ወ/ሮ ኣስካለ ውብኣንተ አንድዋ ሲሆኑ ፤ ይጦረኛል ብለው ኮስኩሰው አስተምረው ያሳደጉት ወንድ ልጃቸው ህገ-ወጥ ስደት የነጠቃቸው እናት ናቸው።
" ልጄ በጦርነቱ ማግስት በአከባቢው የስራ እድል በማጣቱ በህገ-ወጥ መንገድ የተለያዩ ሃገራት ደንበር አቋርጦ ሊብያ ሲደርስ ለሰው ህይወት ቁብ በሌላቸው ሽፍቶ እጅ ወድቆ ቁም ስቅሉን እያሳዩት ነው " ብለዋል።
" አካል ጉዳተኛ ነኝ ፤ ልጄ እኔ እናቱን ለመጦር ዳቦ መጋገሪያ ቤት ከፍቶ የነበረ ቢሆንም ንብረቱ መዘረፉ አናድዶት ነው በህገ-ወጥ መንገድ ወደ ስደት የሄደው " ወ/ሲሉ እኚሁ እናት እንባ እተናነቃቸው ተናግረዋል።
" ልጄ በአጋቾች ቁጥጥር ስር ውሎ ጥዋት እና ማታ በሚደርስበት ገርፋት እየተሰቃየ ሲያናገርኝ የምይዘው የምጨብጠው ይጠፋብኛል ፤ ' የጠየቁኝ ብር ካልተከፈለ ኩላሊቴ ያወጡታል ምን ማድረግ ነው ያለብኝ ? ' ካለኝ ቀንና ሰዓት ጀምሮ አእምሮየ ልክ አይደለም " ብለዋል።
" ልጄ በመጀመሪያው አከባቢ በሙሉ ጤንነት እያለ 1.5 ሚሊዮን ብር እንድከፍል ጠየቁኝ ደጋግመው ደብድበው አካል ጉዳተኛ እና በሽተኛ ካደረጉት በኋላ ግን 300 ሺህ ቀንሰው 1.2 ሚሊዮን ብር ጠይቀውኛል። ይህንን ገቢ ካላደረግኩ ድግሞ እንገድለዋለን ብለውኛል እባካችሁ አርዱኝ " ሲሉ ተማፅነዋል።
ወ/ሮ አስካለ ልጆቻቸው የህገ-ወጥ ስደት ገፋት ቀማሽ ሆኖውባቸው ሌት ተቀን ከሚያለቅሱ በሺህ የሚቆጠሩ የትግራይ እናቶች አንድዋ ናቸው።
እሳቸው ለሚድያ ቃላቸው በሰጡባት ቀን ሰዓትና ደቂቃ ሳይቀር በተለያዩ አቅጣጫዎች በርካታ ወጣቶች በአከባቢያቸው ተስፋ ሰጪ ሁኔታ በማጣት እግራቸው ወደ መራቸው ይሰደዳሉ።
የትግራይ የወጣቶች ጉዳይ ቢሮ ሃላፊ ሓይሽ ስባጋድስ ፣ የህገ-ወጥ ስደቱ ዋና መነሻ የሰራ እና መልካም አስተዳደር እጦት መሆኑ ገልጸዋል።
ወጣቶች በነዚህና ሌሎች ችግሮች ተማረው አደገኛ የሆነውን ስደት በመምረጥ ለተለያዩ አደገኛ ነገሮች እየተጋለጡ እንደሆነ አስረድተዋል።
በቢሮቸው የተካሄደው ዳሰሳ እንደሚያመለክተው ከሓምለ 2016 አስከ መስከረም 2017 ዓ.ም ባሉት ሦስት ወራት ብቻ በክልሉ ማእከላዊ ፣ ምስራቅ እና ሰሜናዊ ምዕራብ ከሚገኙ 11 ወረዳዎች ከ6,600 በላይ ወጣቶች በህገ-ወጥ መንገድ ተሰደዋል ሲሉ ገልጸዋል።
" የትግራይ የፓለቲካ አመራሮች ከገቡበት የስልጣን መቆራቆስ በመውጣት በህገ-ወጥ ስደት ለከፍተኛ አደጋ እና እልቀቂት የተጋለጠውን የወጣቱን ክፍል ለመታደግ ቅድሚያ መስጠት አለባቸው " ብለዋል።
የመረጃው ምንጭ ቲክቫህ ኢትዮጵያ የመቐለ ቤተሰብ እና ትግራይ ቴሌቪዥን የህዳር 17/2017 ዓ/ም የዜና ዘገባ ናቸው።
@tikvahethiopia
🔈#የመምህራንድምጽ
#Update
" ሰባቱን ፍርድ ቤት ዋስትና እያስሞሉ ነው። ሌሎቹን ደግሞ ፈተዋቸዋል " - የኮሬ ዞን መምህራን ማኀበር
በደቡብ ኢትዮጵያ ክልል ኮሬ ዞን ሳርማሌ ወረዳ የሚገኙ መምህራን ያለፈቃዳቸው ከደመወዛቸው የተቆረጠ ገንዘብ እንዲመለስ በመጠየቃቸው መታሰራቸውን የዞኑና የክልሉ መምህራን ማኀበር ለቲክቫህ ኢትዮጵያ መግለጻቸው የሚታወስ ነው።
በአጠቃላይ ታስረው የነበሩት ከ66 በላይ እንደነበሩ፣ 22 የሚሆኑት መምህራን እስከዛሬ ድረስ በእስር ላይ እንደቆዩ፣ ቀሪዎቹ ግን ሰሞኑን እንደፈቷቸው የዞኑ መምህራን ማኀበር ለቲክቫህ ኢትዮጵያ ሲገልጽ ነበር።
ከእስራት ያልተፈቱት ቀሪ 22ቱ መምህራን ዛሬ እንዲፈቱ ውይይት እየተደረገ እንደነበርም ማኀበሩ ጠቁሞ ነበር።
የዞኑ ትምህርት መምሪያ በበኩሉ፣ 22ቱ መምህራን እንዲፈቱ ውይይት እየተደረገ መሆኑን ገልጾ፣ ዛሬ እንደሚፈቱ ለቲክቫህ ተናግሯል።
የዞኑ ትምህርት መምሪያ ኃላፊ አቶ ሰርበ አሻግሬ ዛሬ ከሰዓት ከቲክቫህ ኢትዮጵያ ጋር በነበራቸው ቆይታ ደመወዛቸው የተቆረጠው ተስማምተው ስለመሆኑ ስም ዝርዝር እንዳላቸው ፤ በእስር ላይ ያሉትም እንደሚፈቱ ገልጸዋል።
ጥያቄያቸው ወይ የእነርሱ ይስተካከል ወይ የእኛ ይመለስ የሚል ቢሆን እኔም ከጎናቸው ነኝ ብለዋል።
አቶ ሰርበ አሻግሬ ምን አሉ ?
“ ተስማምተው ከቆረጡ በኋላ እኔም ጋ የመጡት ‘እኛ ቆርጠን ሌሎቹ አልቆረጡም፤ ልክ አይደለም ተነጋገሩ’ ብለው ነበር። እኔም ስልጠና ላይ ስለነበርኩ ነው የቆየነው።
መምህራኑ ይፈታሉ። ማታ ለሁለት በድን ነግሬአለሁ። የመጀመሪያዎቹ ዋና በጥባጮቹ ሰባት ናቸው። ‘እነርሱ ለምን ታሰሩ?’ ብለው የገቡት 15 ናቸው። 15ቱ ከትላንትና ወዲያም ይውጡ ተብሎ ‘አንድ ላይ ነው የምንወጣው’ ብለው ነው።
የእናንት የሁለታችሁ ኬዝ የተለያዬ ስለሆነ ነው። የእናንተ ከፓሊስ ጋር በመጋጨት ነው ውጡ ተብለው እኮ 15ቱ መምህራን አንወጣም ነው እኮ ያሉት።
የታሰሩት 22 መምህራን ናቸው። ሰባቱ ተማሪዎቹን አባረው መምህራንንም የጠበጡ ናቸው። አሁን 66 ታሰሩ የሚለው ውሸት ነው። ሰባቱ መጀመሪያ ተያዙ፤ 15 በኋላ ገቡ። ትላንት ውጡ ተብለው እምቢ ብለው ነው። ዛሬ ይወጣሉ። ” ብለዋል።
መምህራኑ ተፈተዋል ?
የዞኑ መምህራን ማኀበር ሰብሳቢ አቶ ተስፋዬ ጭበጮ ምሽት 12 ሰዓት ገደማ ለቲክቫህ ኢትዮጵያ በገለጹት መሠረት፣ መምህራኑ ከእስር ተፈትተዋል።
የማኀበሩ ሰብሳቢ አቶ ተስፋዬ ለቲክቫህ ኢትዮጵያ በሰጡት ቃል፣ ሰባቱን ፍርድ ቤት ዋስትና እያስሞሉ ነው። ሌሉሎቹን ደግሞ ፈትተዋቸዋል " ሲሉ ተናግረዋል።
ሁሉም ተፈትተዋል ማለት ይቻላል? ስንል ላቀረብነው ጥያቄ በሰጡት ምላሽ፣ "ኦረዲ አዎ ለሰባቱ ብቻ ተያዢ ፈልገው ነው፡፡ ተያዦቹም ኦረዲ እየጨረሱ ናቸው" ብለዋል።
ተደበደቡ የተባሉት ምህራን እስከዛሬ ህክምና አግኝተው ነበር ስንል ላቀረብነው ጥያቄም፣ ሳያገኙ እንደቆዩ የሚታከሙት ገና ካሁን ወዲያ እንደሆነ ምላሽ ሰጥተዋል።
የተፈቱት በምን ተስማምታችሁ ነው ? ለተሚለው የቲክቫህ ጥያቄ የሰጡት ማብራሪያ ደግሞ፣ መምህራኑና ትምህርት መምሪያው እንዲወያዩ፣ መምህራኑ ይመለስ ካሉ ገንዘቡ እንዲመለስ መወሰኑን ነው የገለጹት።
#TikvahEthiopiaFamilyAA
@tikvahethiopia
#ኢትዮጵያ
የዘንድሮው በጀት ዓመት የፌዴራል መንግስት የአጠቃላይ በጀት 1.5 ትሪሊየን ብር ሆኗል።
ዛሬ የህዝብ ተወካዮች ም/ቤት 582 ቢሊየን ብር ተጨማሪ የፌደራል መንግስት በጀት አፅድቋል።
ለ2017 በጀት ዓመት ተጨማሪ ሆኖ የፀደቀው በጀት ፦
- ለውጭ እና ለሀገር ውስጥ ዕዳ ክፍያ፣
- ለማህበራዊ በጀት ድጎማ (ለነዳጅ፣ ለማዳበሪያ፣ ለመድሐኒት፣ ለምግብ ዘይትና ሌሎች)፣
- ለካፒታል ፕሮጀክቶች ማስፋፊያ፣
- ለማህበራዊ ሴፍቲኔት ፕሮግራም እና ለመንግስት ሰራተኞች ደመወዝ ማሻሻያ እንደሚውል የመንግስት ዋና ተጠሪ ሚኒስትር ተስፋዬ በልጅጌ (ዶ/ር) አሳውቀዋል።
ከተጨማሪ በጀቱ ለመደበኛ ወጪ 393 ቢሊዮን ፣ ለካፒታል ወጪ 70 ቢሊዮን ብር፣ ለወጪ አሸፋፈን ማስተካከያ 119 ቢሊዮን ብር ይውላል።
የምክር ቤት አባላት ምን ጠየቁ ?
- ተጨማሪ በጀቱ አልባዛም ወይ ?
- በገበያ ውስጥ የዋጋ ግሽበትን አያስከትምልም ወይ ?
- ከተጨማሪ በጀቱ 282 ቢሊየን ብር ከግብር የሚሰበሰብ ከሆነ በግብር ከፋዮች ላይ ጫና አያሳድርም ወይ ? የሚል ጥያቄ አቅርበዋል።
የገንዘብ ሚኒትሩ አቶ አህመድ ሽዴ ፤ " የቀረበው ተጨማሪ በጀት120 ሚሊየን ህዝብ ላላትና በኢኮኖሚ በማደግ ላይ ላለች ሀገር ብዙ የሚባል አይደለም " ብለዋል።
" በጀቱ ከሀገር ውስጥ እና ከውጪ ከሚገኝ ገቢ የሚሸፈንና ዝቅተኛ ተከፋይ ለሆኑ የመንግስት ሰራተኞች እንዲሁም ለሴፍቲኔት ተጠቃሚዎች የሚውል በመሆኑ በዋጋ ግሽበቱ ላይ ለውጥ አያመጣም " ሲሉ መልሰዋል።
ምክር ቤቱ ተጨማሪ በጀቱን በ3 ተቃውሞ እና በ5 ድምፀ ተዓቅቦ በአብላጫ ድምጽ አፅድቆታዋል።
ይህ መረጃ ባለቤትነቱ የህዝብ ተወካዮች ምክር ቤት ነው።
@tikvahethiopia
📣 ኢትዮ ቴሌኮም የዲጂታል መታወቂያ ካርድ ኅትመት በቴሌብር ሱፐርአፕ ጀመረ!!
💁♂️ ቴሌብር ሱፐርአፕ ላይ ‘’NID (Fayda) Printing’’ በሚለው ሚኒ መተግበሪያ ተጠቅመው የፋይዳ ቁጥርዎን በማስገባትና ክፍያዎን በመፈጸም በመረጡት የመረከቢያ ቀንና ቦታ የዲጂታል መታወቂያ ካርድዎን ይረከቡ፡፡
📍 በመዲናችን የሚገኙ የመረከቢያ ቦታዎችን ለመመልከት፡ https://bit.ly/3UT6rY3
🔗 ቴሌብር ሱፐርአፕን https://onelink.to/uecbbr ይጫኑ!
ቴሌብር - እጅግ ቀላል፣ ፈጣን፣ ምቹ እና አስተማማኝ!
#Ethiotelecom #telebirr #telebirrSupperApp #DigitalEthiopia #DigitalAfrica #RealizingDigitalEthiopia
#ነዳጅ #ረቂቅአዋጅ
🔴" ዋናው ነገር ኮንትሮባንድ ንግድ መስራታቸው እንደተጠበቀ ሆኖ ከባንኮች ብድር መውሰጃ እንደሆነ አረጋግጠናል " - የኢትዮጵያ ነዳጅ አቅራቢ ድርጅት
🔵 " ለኮንትሮባንድ ንግድና ብድር ማግኛ ብሎ የገባው ኩባንያ ስርዓት ይይዛል " - ንግድና ቀጠናዊ ትስስር ሚኒስቴር
በህገወጥ የነዳጅ ግብይት የታየዘ ግለሰብ ነዳጁ ተወርሶ ከ3 ዓመት በማይበልጥ እስራትና እስከ 100 ሺህ ብር የገንዘብ ቅጣት እንዲቀጣ የሚያደርግ ረቂቅ አዋጅ ተዘጋጀ።
ረቂቁ ምን ይላል ?
- አዲስ የነዳጅ ምርት አከፋፋዮች ስራ ለመጀመር ቢያንስ 500 ሺህ ሊትር የነዳጅ ውጤቶች መያዝ የሚችል ማከማቻ / ዴፖ እና 4 ማደያዎችን ማዘጋጀት እንዳለባቸው ያስገድዳል።
- በስራ ላይ ያሉ ማደያዎች ደግሞ አዋጁ ከሚጸድቅበት ጊዜ ጀምሮ ለአዲስ አከፋፋዮች የተጣሉትን ግዴታዎች ማሟላት ይጠበቅባቸዋል።
- አዲስ ጀማሪ ሆኑ ነባሮቹ በ3 ዓመታት ውስጥ ተጨማሪ 6 ማደያዎችን የመገንባት ግዴታ አለባቸው።
- የነዳጅ ውጤቶችን ከተፈቀደው ቦታ ውጭ ያከማቸ፣ ሊሸጥ ከሚገባው ሰው ቦታና የግብይት ስርዓት ውጭ ሲሸጥ የተገኘ ወይም አደጋ ያስከትላሉ በተባሉ መያዣዎች ሲሸጥ የተገኘ ማንኛውም ግለሰብ የተያዘው የነዳጅ ውጤት ተወርሶ ከ3 ዓመት በማይበልጥ እስርና ከብር 50 ሺህ እስከ ብር 100 ሺህ የሚደርስ ቅጣት ይፈጸምበታል።
- መንግሥት ከሚያወጣው የነዳጅ ምርቶች መሸጫ ተመን ውጪ በተደጋጋሚ የመገበያየት ወንጀል እንዲሁም የነዳጅ ምርቶችን ከባዕድ ነገሮች ጋር መቀላቀል እስከ 3 ዓመት እስርና እስከ 300 ሺህ ብር ቅጣት ያስጥላል።
የኢትዮጵያ ነዳጅ አቅራቢ ድርጅት ዋና ስራ አስፈጻሚ እስመለአለም ምህረቱ ምን አሉ ?
አሁን አሁን ወደነዳጅ አቅራቢነት ስራ ለመሰማራት ከፍተኛ ፍላጎት እየታየ ነው ብለዋል።
በድርጅቱ በተደረገው ጥናት ይህ ፍላጎት የኮንትሮባንድ ንግድ እና ከባንክ ብድር ለመወሰድ ተብሎ የሚደረግ እንደሆነ ተደርሶበታል ሲሉ ገልጸዋል።
ዋና ስራ አስፈጻሚው ፥ በዚህ 9 እና 10 ዓመት ውስጥ ከነበሩት 8 ወይም 9 ካምፓኒዎች አሁን 59 መድረሳቸውን ጠቁመዋል።
3ቱ የመንግሥት ገንዘብ አባክነው በፍርድ ቤት ክርክር ላይ ናቸው።
56ቱ ካምፓኒዎችን በማርኬትሼር በመደልደል ነዳጅ እየተሰጠ መሆኑን የገለጹ ሲሆን " ይህ ሁኔታ እራሱ እስካሁን ስምምነት የሌለበት ሁልጊዜ ጭቅጭቅ ያለበት ድርጊት ነው " ብለዋል።
ወደ ነዳጅ ግብይት አዲስ የሚገቡ ካምፓኒዎችን በተመለከተ ምንድነው አላማቸው ? ለምንድነው እንዲህ እያደገ የመጣው የሚለው መጠናቱን ገልጸዋል።
በጥናቱ ውጤትም " ዋናው ነገር ኮንትሮባንድ መስራታቸው እንደተጠበቀ ሆኖ ከባንኮች ብድር መውሰጃ እንደሆነ ነው የተረጋገጠው " ብለዋል።
እነዚህ የነዳጅ ካምፓኒዎች ባንኮች ጋር ሄደው ብድር በሚጠይቁበት ጊዜ ባንኮቹ " ከናተ ጋር ያላቸው የሥራ አፈጻጸም ይጻፍልን " እየተባለ ደብዳቤ እንደሚጻፍ ገልጸዋል።
የንግድና ቀጠናዊ ትስስር ሚኒስትር ካሳሁን ጎፌ (ዶ/ር) ምን አሉ ?
° አዋጁ አላማ መንግሥት በየዓመቱ በሚሊዮን ዶላሮች የሚያወጣበትን ለነዳጅ ምርት በአግባቡ ለማስተዳደር ነው።
° በመንግሥት በኩል የነዳጅ አቅርቦትን የማበራከት አላማ የለም።
° አዋጁ በእያንዳዱ የግብይት ሰንሰለት ውስጥ ባሉት ተዋናዮች ላይ የህግ ሪስትሪክሽኖችን ይጥላል። የአቅራቢ፣ የማደያ ... ግዴታዎች አሉ።
° ግብይታችን ችግር አለበት። የአቅርቦት ችግር ሳይኖር ስርጭት ላይ ትልቅ ችግር አለ። የታሰበላቸው ቦታ ያለመድረስን በተመለከተ በክልሎች የሚቀርበው ቅሬታ ገሚሱ ትክክል ነው።
° ነዳጅ አለ !! ሳምንት ሁለት ሳምንት ገበያ ማስራብ ፣ በነዳጅ ማደያዎች ውስጥ ነዳጅ ይዞ ' ቤንዚን የለም ፤ ናፍጣ የለም ' ብሎ መለጠፍ ይሄ ደግሞ ተጠያቂነት የማያስከትልበት ሴክተራል ባህሪው እንዲቀየር ይታሰባል፤ ይፈለጋል በመንግሥት በኩል ለዛም ነው ይሄ አዋጅ የሚወጣው።
° ከዚህ በኃላ ንግድን አንከለክልም እናሰፋዋለን ፤ ግብይቱ እንዲሳለጥ እንፈልጋለን ነገር ግን ለኮንትሮባንድ ንግድና ብድር ማግኛ ብሎ የገባው ኩባንያ ስርዓት ይይዛል።
° የነዳጅ ኮታ እና ስርጭት ላይ ፍትሃዊ ስርዓት ለመፍጠር ይሰራል።
° ከአቅርቦት እና ስርጭት ይልቅ ማስተዳደሩ ከባድ ነው።
° ነዳጅ እያላቸው ዘግተው የሚቀመጡ ማደያዎች በስፋት አሉ። የቅጣት መጠኑ ላይ ጠንካራ ስራ ይሰራል።
ቲክቫህ ኢትዮጵያ መረጃውን ከሪፖርተር እንዲሁም ከህ/ተ/ም/ቤት የቀጥታ ስርጭት ማግኘቱን ይገልጻል።
#ኢትዮጵያ #ነዳጅ #ረቂቅአዋጅ
@tikvahethiopia
#Update
🔴 " የቤንዚን አቅርቦት ባለባቸው ማደያዎች የፀጥታ መዋቅር እየተቆጣጠረ ተገቢዉ ስርጭት እየተካሄደ ነዉ " - ግብረ ኃይሉ
🔵 " ምንም እንኳን ማደያዎች አካባቢ ያለው ግብግብ ቢሻሻልም አሁንም ተሰልፎ መዋል ነው " - ነዋሪዎች
በሲዳማ ክልል፣ በሀዋሳ ከተማ የነበረዉን ሕገወጥ የቤንዚን ንግድ በተመለከተ ተደጋጋሚ መረጃዎችን መለዋወጣችን ይታወሳል።
ከሰሞኑን የተለያዩ እርምጃዎች እየተወሰዱ እንደሆነ መገለጹም የሚዘነጋ አይደለም።
ምንም እንኳን የመፍትሄ አቅጣጫዎች ቢቀመጡም እርምጃዎችም እየተወሰዱ እንደሆነ ቢነገርም አሁንም ያልተቀረፉ ችግሮች መኖራቸውን መታዘቡን የሀዋሳ የቲክቫህ ኢትዮጵያ ቤተሰብ አባል ከስፍራው ያለውን ሁኔታ አድርሶናል።
በክልሉ የነዳጅ ሥርጭቱን ለመቆጣጠር ግብረ-ኃይል መቋቋሙን ተከትሎ የከተማዉ ንግድ ኃላፊ ከኃላፊነታቸው መነሳታቸውን ፤ ሁለት ከፍተኛ ባለሙያዎች በቁጥጥር ስር መዋላቸውን፤ ሦስት ማደያዎች ላይ እርምጃ መወሰዱንና በአጠቃላይ ከ8 ሺህ ሊትር በላይ በሕገወጥ መንገድ የተከማቸ ቤንዚን መያዙ ተገልጿል።
ሆኖም ግን ግብረ-ኃይሉ ከቀናት በፊት ባካሄደው ውይይት ላይ " ከዚህ ቀደም ተሽከሪካሪ ተለይቶ ይደለደል የነበረዉ አሰራር ከአሁን ጀምሮ አይኖርም " ተብሎ ቢገለጽም ይህ የተሽከሪካሪ ምደባ አሁንም መቀጠሉን ታዝበናል።
ይህ ለምን ሆነ ? ብለን ለሀዋሳ ከተማ አስተዳደር ምክትል ከንቲባና የንግድ መምሪያ ኃላፊ ጥያቄ ያቀረብን ሲሆን " ምደባዉን ማስቆማችን አይቀርም አሁን ላይ ባለዉ እጥረት ለቁጥጥር ስለሚያስቸግር ነዉ ያላቆምነዉ። ከአራት በላይ ማደያዎች አቅርቦት ሲኖር ምደባዉን እናስቆማለን " የሚል ምላሽ ሰጥተውናል።
በቀጣይም በባለሙያዎች እና ማደያዎች ላይ የተጀመረው እርምጃ ተጠናክሮ ይቀጥላል የተባለ ሲሆን የተረጋጋ የቤንዚን ስርጭት እስኪፈጠር ግብረሃይሉ በትኩረት ይሰራል ተብሏል።
በተጨማሪም ግብረኃይሉ፦
- የቤንዚን አቅርቦት ባለባቸው ማደያዎች የፀጥታ መዋቅር እየተቆጣጠረ ተገቢዉ ስርጭት እየተካሄደ ነዉ።
- በሕገወጥ ግብይትና ተባባሪነት የተጠረጠሩ 34 ሰዎች በቁጥጥር ስር ዉለዋል።
- ለጥቁር ገበያዉ አመላላሽ የነበሩ ከ20 በላይ ተሽከርካሪዎች ተይዘዋል።
- የፀጥታ ሃይሎችና በእንግድነት ወደ ከተማዋ የሚገቡ ሰዎች እየተጣሩ ያለ ሰልፍ እንዲቀዱ ይደረጋል ... ብሏል።
ማደያዎች ምን አሉ ? ማደያዎች ግብረኃይሉ በሚመራው አካሄድ ስርጭት እየተካሄደ ነው ሲሉ ገልጸዋል።
አሽከርካሪዎች እና ነዋሪዎች ምን ይላሉ ?
ያነጋገርናቸው አሽከርካሪዎች በማደያዎች አከባቢ ይስተዋሉ የነበሩ ግብግቦች መቀነሳቸውንና አሁን ላይ እየተቀዳ ያለዉ በተራ ብቻ መሆኑን ገልጸዋል።
ሆኖም ግን የባጃጅ አሽከርካሪዎች " ከሰልፉ ብዛት የተነሳ አሁንም ተሰልፎ ዉሎ አለመቅዳት ስላለ፥ አይደለም የምንሰራበት ተሰልፈን ዉለን 12:ዐዐ ሲዘጋ ወደቤት መመለሻ እያጣን ነዉ " ሲሉ ቅሬታቸውን አቅርበዋል።
አሁንም ቢሆን የቤንዚን ሰልፉ በጣም ረጃጅም መሆኑን የገለጹት አሽከርካሪዎች " የታክሲ አገልግሎት ሰጥተን ቤተሰቦቻችንን የምንመራ ሰዎች ለከፍተኛ ችግር ተዳርገናል " ሲሉ ሁኔታውን ገልጸዋል።
ቁጥጥሩ ወቅታዊ እንዳይሆን ስጋት ያላቸው አሽከርካሪዎቹ የዕለቱ የቤንዚን ስርጭት ከተዘጋ በኋላ በአንዳንድ ማደያዎች ያለ ተራ የመቅዳት ተግባራት እንደሚስተዋሉ ጠቁመዋል።
የሞተር ባለንበረቶችም እንደልብ ነዳጅ ማግኘትና መንቀሳቀስ አሁንም እንዳልተቻለ ፤ እርምጃዎች ተወሰዱ ከተባለ በኃላ በተጨባጭ የታየ ለውጥ መመልከት እንዳልሻሉ ጠቁመዋል።
ቃላቸውን ለቲክቫህ የሰጡ ሌሎች የከተማው ነዋሪዎች " በማደያዎች አከባቢ መሻሻሎች ቢኖሩም ችግሩ አልተቀረፈም የትራንስፖርት እንቅስቃሴ ላይ ከፍተኛ መቀዛቀዞች ይስተዋላሉ " ብለዋል።
#TikvahEthiopiaFamilyHawassa
@tikvahethiopia
#USA
ተመራጩ የአሜሪካ ፕሬዜዳንት ዶናልድ ትራምፕ ጾታቸውን የቀየሩ የሀገሪቱ ጦር አባላት ወታደሮችን እንደሚያግዱ ተነገረ።
ትራምፕ ሰዎች ተፈጥሯዊ ጾታዎችን መቀየር የለባቸውም ብለው ያምናሉ።
ይህን ተከትሎም ጾታቸውን የቀየሩ እና የሀገሪቱ ጦር አባላት የሆኑ ወታደሮችን ከስራ እንደሚያግዱ ዘ ታየምስ ዘግቧል።
እንደዘገባው ከሆነ 15 ሺህ ጾታቸውን የቀየሩ ወታደሮችን የማባረር እቅድ አላቸው።
ከዚህ በተጨማሪም ተፈጥሯዊ ጾታቸውን የቀየሩ አሜሪካዊያን የሀገሪቱን ጦር መቀላቀል እንዳይችሉ እገዳ እንደሚጥሉም ተገልጿል።
ዶኔልድ ትራምፕ በከ2016-2020 ድረስ በስልጣን ላይ በነበሩባቸው ዓመታት ውስጥ ተፈጥሯዊ ጾታቸውን የቀየሩ ዜጎች የአሜሪካ ጦርን እንዳይቀላቀሉ እገዳ ጥለው የነበረ ቢሆንም ፕሬዝዳንት ጆ ባይደን ይህንን እገዳ አንስተውታል።
ይህን መረጃ ዘ ታይምስን ዋቢ በማድረግ ያጋራው አል አይን ኒውስ ነው።
@tikvahethiopia
#ExchangeRate
ከሰሞኑን የዶላር ምንዛሬ ዋጋ ጭማሪ እያሳየ ነው።
ባለፉት በርካታ ቀናት በኢትዮጵያ ንግድ ባንክ አንድ የአሜሪካ ዶላር መግዣው 119 ብር ከ2044 ሳንቲም ፤ መሸጫው ደግሞ 121 ብር ከ5885 ሳንቲም ነበር።
ካለፈው ቅዳሜ አንስቶ ግን የምንዛሬ ዋጋው ጨምሯል።
ባንኩ በመግዣ ዋጋው ላይ ከ3 ብር በላይ ጭማሪ በማድረግ 122 ብር ከ5986 ሳንቲም አስገብቶታል።
መሸጫውም በተመሳሳይ ከ3 ብር በላይ ጨምሮ 125 ብር ከ0506 ሳንቲም ገብቷል።
ከግል ባንኮች በአቢሲንያ ባንክ ዶላር 123 ብር ከ0001 ሳንቲም እየተገዛ በ125 ብር ከ4601 ሳንቲም እየተሸጠ ነው።
በሕብረት ባንክ ደግሞ መግዣው 121 ብር ሲሆን መሸጫው 123 ብር ከ4200 ሳንቲም ነው።
(ከዶላር ውጭ የሌሎች ሀገራት ገንዘብ ምንዛሬ ከላይ ተያይዟል)
@tikvahethiopia
ፎቶ ፦ በግዙፉ የመገበያያ ስፍራ ' መርካቶ ' ያለው የንግድ እንቅስቃሴ።
@tikvahethiopia
#SafaricomEthiopia
💫ከዳር እስከ ዳር አስተማማኙን ኔትወርካችንን እያሰፋን ወደ እናንተ እየቀረብን ነው!🙌👏ከአስተማማኙ ኔትወርካችን ጋር አሁንም በአብሮነት ወደፊት!
አስተማማኙን ኔትወርክ ዛሬውኑ እንቀላቀል!
የቴሌግራም ቦታችንን /channel/official_safaricomet_bot በመጠቀም የአየር ሰዓት ወይንም ልዩ ልዩ ጥቅሎችን እንግዛ!
#MPESASafaricom #1Wedefit
#Furtheraheadtogether
#ማይናማር🚨
🔴 “ ልጆቻችን በስቃይ ውስጥ ነው ያሉት። መንግስት አንድ መፍትሄ ይፍጠርልን ” - የወላጆች ኮሚቴ
🔵 “ ከአገራቱ ጋር የስራ ሥምሪት ስምምነት ባለመኖሩ፣ ሰዎቹም ያቀኑት በህገ ወጥ መንገድ በመሆኑ ያሉበት ቦታና ቁጥራቸውን በትክክል ለማወቅ አስቸጋሪ ሆኗል ” - ውጪ ጉዳይ ሚኒስቴር
ማይናማር የሚገኙ ኢትዮጵያዊያን ወላጆች ኮሚቴ አዋቅረው የውጪ ጉዳይ ሚኒስቴር ልጆቻቸው ካሉበት አስከፊ ሁኔታ እንዲያወጣላቸው እየጠየቁ ቢሆንም እስካሁን ልጆቻቸው ወደ አገር ባለመመለሳቸው ጥልቅ ጭንቀት ላይ መሆናቸውን በቲክቫህ ኢትዮጵያ በኩል ተናግረዋል።
መንግስት ለጉዳዩ ይበልጥ ትኩረት እንዲሰጥም በአጽንኦት ጠይቀዋል።
የኮሚቴው በዝርዝር ምን አለ ?
“ ልጆቻችን አሁንም እየተገረፉ፤ እየተደበደቡ ነው። 18 ሰዓት እያሰሯቸው ነው። ጭራሽ ገንዘብ ካልገባና አጨበርብረው ብር ካላመጡ 24 ሰዓት ሙሉ ኮምፑዩተር ላይ ቁጭ ስለሚያደርጓቸው ፌንት እየነቀሉ የሚወድቁበት ሁኔታ አለ።
ልጆቻችን በስቃይ ውስጥ ነው ያሉት። መንግስት አንድ መፍትሄ ይፍጠርልን። በአካባቢው ያሉ ዲፕሎማቶች እንዲሰሩ የሚያሳስብ ነው የኛ ማመልከቻ።
ታግተው ካሉት ውስጥ 2 ሴት ወጣቶች መለቀቃቸውን ብቻ ነው የማውቀው። እኛ ወደ 153 ወጣቶችን ዝርዝር ነው ይዘን ወደ ውጪ ጉዳይ ሚኒስቴር እየሄድን ያለው።
ከእነዛ ውስጥ ወደ 2 ሴቶች ብቻ ናቸው የወጡት። በመንግስት በኩል ወደ 31 ወጣቶች ወጥተዋል የሚል ዜና ነው ያየነው። በተጨባጭ የወጡትን ልጆች አላየናቸውም።
ይሄው 11ኛ ወራችን ነው በማመልከቻ ውጪ ጉዳይ ሚኒስቴር መመላለስ ከጀመርን እካሁን ጠብ ያለ መፍትሄ የለም። ከ3,000 በላይ ኢትዮጵያን ናቸው እዛ እየተሰቃዩ ያሉት።
በስቃይ ላይ የሚገኙት ቢያንስ ከመጀመሪያ ድግሪ በላይ የትምህርት ደረጃ ያላቸው ልጆች ናቸው። ይሄ ለቤተሰብ ብቻ ሳይሆን ለአገርም ኪሳራ ነው። ለኛም ትልቅ ጭንቀት ነው ሆኖብን ያለው ” ብሏል።
የኢትዮጵያ ውጪ ጉዳይ ሚኒስትርን እየተመላለሳችሁ እየጠየቃችሁ ከሆነ ምን ምላሽ ሰጣችሁ? የሚል ጥያቄ ያቀሰብንለት ኮሚቴው፣ “ ‘ለተወካዮች እናሳውቃለን በዛ በኩል ነው መታዬት ያለበት፤ ቶኪዮ ያለው ነው ማይናማርን የሚመለከተው’ የሚል መልስ የሚሰጡን ” ብሏል።
በማይናማር ስለሚገኙ ኢትዮጵያዊያንና ቤተሰቦቻቸው ዜጎቹ በስቃይ ውስጥ እንደሆኑ፣ ለዚህም መንግስት መፍትሄ እንዲሰጣቸው እየተማጸኑ እንደሆነ በመግለጽ፣ ምን እየሰራ ነው ? ጉዳዩ ተስፋ አለው ? ስንል የውጪ ጉዳይ ሚኒስቴርን ጠይቀናል።
የሚኒስቴር መስሪያ ቤቱ ቃል አቀባይ አምባሳደር ነብያት ጌታቸው በበኩላቸው ተከታዩን አጭር ምላሽ ሰጥተዋል።
አምባደር ነብያት ጌታቸው ፦
“ ባለፈው ሳምንት መግለጫ ሰጥተን ነበር። በዛ ላይ እስከ ባለፈው ሳምነት መጨረሻ ያሉ ደቨሎፕመንቶችን ነው ያቀረብነው።
ከዚያ ወዲህ የክትትል ሥራ ነው የተሰራው ቶኪዮ ያለው ኤምባሲያችን ከማይናማር መንግስት አካላት ጋር በዚህ ሳምነት ውስጥ ክትትል እንደተደረገ ተገልጾልናል። እስካሁን ያለው ሂደት እዚህ ላይ ነው ያለው።
እስካሁን በተደረገ ጥረት 31 ዜጎቻችን ከነበሩበት አስቸጋሪ ሁኔታ ውስጥ ወጥተው ወደ አገራቸው እንዲመለሱ ማድረግ ተችሏል።
ከአገራቱ ጋር የስራ ሥምሪት ስምምነት ባለመኖሩ እና ሰዎቹም ያቀኑት በህገ ወጥ መንገድ በመሆኑ ያሉበት ቦታ እና ቁጥራቸውን በትክክል ለማወቅ አስቸጋሪ ሆኗል።
መንግሥት ለዜጋ ተኮር ቅድሚያ ትኩረት ስለሚሰጥ ጥረቱን አጠናክሮ ይቀጥላል።
አሁንም ህብረተሰባችን ከህገ ወጥ የሰዎች አዘዋዋሪዎችና ህገ ወጥ ጉዞ ራሱንና ልጆቹን መጠበቅ አለበት።
መገናኛ ብዙኃንም ይህን ጉዳይ ልዩ ትኩረት ሰጥተው መስራት ይገባል። ዜጎቻችን የህገ ወጥ ሰዎች አዘዋዋሪዎች ሰለባ መሆን የለባቸውም ” ብለዋል።
ቤተሰቦቻቸው በጣም ተጨንቀው እያለቀሱ ነው። ታጋቾቹም አብረዋቸው የነበሩ የሌሎች አገራት እየተለቀቁ ስለሆነ የኢትዮጵያ መንግስትም ጫና ቢያደርግ የመውጣት እድል እንዳላቸው እየገለጹ ነው፤ እንዲያው ሚኒስቴር መስሪያ ቤትዎ ምን ያህል ጥረት አድርጓል ? ስንል ለአምባሳደሩ ጥያቄ አቅርበናል።
አምባሳደር ነብያት ፤ “ ከአገራቱ ጋር የሥራ ስምሪት ስምምነት ያለበት ቦታ አይደለም። ሰዎቹም የሄዱት ሕገ ወጥ በሆነ መንገድ ነው። ያሉበትን ቦታና ቁጥራቸውን ራሱ በትክክል ለማወቅ እጅግ አዳጋች ነው ” ብለዋል።
“ የማይናማር መንግስት ከሚቆጣጠረው አካባቢም ያሉ አይደሉም ለዛነው ችግሩ እጅግ አስቸጋሪ የሆነው ” ሲሉ አክለዋል።
#TikvahEthiopiaFamilyAA
@tikvahethiopia
#DStvEthiopia
⚽️አዲስ ነገር ለኳስ አፍቃሪያን...
👉ከሕዳር 16 ጀምሮ ፈጥነው ወደ ሜዳ ስፖርት ፓኬጅ ከፍ ይበሉ! ሁሉንም የአውሮፓ ቻምፒዮንስ ሊግ ጨዋታዎችን፣ የእንግሊዝ ፕሪምየር ሊግ ፣ ሎችም ዋና ዋና እግር ኳስ እና ምርጥ ምርጥ መዝናኛዎችን ያካተቱ ከ129 በላይ ቻናሎችን በወር በ1699 ብር ብቻ!
ደንብና ሁኔታዎች ተፈፀሚነት አላቸው! ለበለጠ መረጃ
👇
www.dstv.com/en-et
ደንበኝነትዎን ያራዝሙ!
👇
https://bit.ly/48oVhj8
#ሁሉምያለውእኛጋርነው #MedaSport
#ኢትዮጵያ
ከሰሞኑን የመብቶች እና የዲሞክራሲ እድገት ማዕከል (CARD) ፣ ስብስብ ለሰብዓዊ መብቶች በኢትዮጵያ እና የሕግ ባለሙያዎች ለሰብዓዊ መብቶች የተሰኙ የሲቪል ማኅበረሰብ ድርጅቶች ታግደዋል።
ድርጅቶቹ " ከፖለቲካ ገለልተኛ አልሆኑም " በሚል እንደታገዱ ነው የተነገረው።
ድርጅቶቹ " ከፖለቲካ ገለልተኛ መሆን ሲገባቸው፣ ከዓላማቸው ውጪ በመንቀሳቀስ የአገርን ጥቅም የሚጎዱ ተግባራት ላይ ተሰማርተዋል " የሚል የእግድ ደብዳቤ ደርሷቸዋል።
ከዚሁ ጋር በተያያዘ ፥ የኢትዮጵያ ሰብዓዊ መብቶች ተሟጋቾች ማዕከል ባወጣው መግለጫ በሲቪል ማኅበረሰብ ድርጅቶች እና መሪዎች ላይ ጫናዎችና እገዳዎች እየደረሱ ነው ብሏል።
ይህም " ምኅዳሩን የሚያጠብ፣ ፍራቻ የሚፈጥር እና ተሳትፎን የሚያኮስስ ነው " ሲል ኮንኗል።
እገዳው ሕገ መንግሥቱ የሰጣቸውን የመደራጀት፣ የመሰብሰብ እና ሀሳብን በነጻነት የመግለጽ መብቶችንም የሚጎዳ እንደሆነ ጠቁሟል።
የሲቪል ማኅበረሰብ ድርጅቶች አዋጅ ከእገዳ በፊት ማስጠንቀቂያ መሰጠት እንዳለበት የሚደነግግ መሆኑንም አንስቷል።
እርምጃው " ሕግን ያልተከተለ እና ግልጽነት የጎደለው " እንደሆነ አመልክቷል።
የሲቪል ማኅበረሰብ ድርጅት መሪዎች በፀጥታ ኃይሎች " ተደጋጋሚ ማስፈራሪያ እና ወከባ እየደረሰባቸው " ነው ያለው ማዕከሉ በአካል እና በስልክ የሚደርሰውን ማስፈራሪያና ወከባ በመስጋት 4 የሲቪል ማኅበረሰብ ድርጅት መሪዎች አገር ጥለው መሰደዳቸውን አመልክቷል።
➡ የመብቶች እና የዲሞክራሲ እድገት ማዕከል (ካርድ) መሥራች እና የፕሮግራም ዳይሬክተር አቶ አጥናፍ ብርሃኔ፣
➡ ስብስብ ለሰብዓዊ መብቶች በኢትዮጵያ ዋና ዳይሬክተር ወ/ሮ ኤደን ፍስሐ እና እሳቸውን የተኩት ወ/ት መሠረት አሊ
➡ ከ30 ዓመት በላይ ያስቆጠረው የኢትዮጵያ ሰብዓዊ መብቶች ጉባኤ (ኢሰመጉ) ዳይሬክተር አቶ ዳን ይርጋ በደረሰባቸው " ከፍተኛ ጫና፣ ወከባ እና ማስፈራሪያ " ተሰደዋል ብሏል።
(የማዕከሉ ሙሉ መግለጫ ከላይ ተያይዟል)
@tikvahethiopia
#ሴጅ_ማሰልጠኛ
ለህንፃ የኤሌክትሪክ መስመር ዝርጋታ ስልጠና ፈላጊዎች ምዝገባ ላይ ነን። ይመዝገቡ !
👉 ተግባርን ከንድፈ ሀሳብ ያስተሳሰረ ስልጠና
👉 የሳተላይት ዲሽ መስመር ዝርጋታ በተጨማሪነት የሚሰጥበት
👉 ከትምህርት ቢሮ የCOC ምዘና የተዘጋጀለት
ስልክ ፦ 0906777799 / 0906777755
አድራሻ፦ ቁ.1: ፒያሣ ቸርችል ጎዳና ኤልያና ሆቴል 2ኛ ፎቅ እና ቁ.2 መገናኛ ታሜጋስ ህንፃ 2ኛ ፎቅ
Telegram: /channel/sagetraininginstitute
Tiktok: sage_training_institute" rel="nofollow">https://www.tiktok.com/@sage_training_institute
Linkedin: https://www.linkedin.com/company/sage-training-institute
" ... ግብፆች መርዳት ከፈለጉ ለምን ፍልስጤሞችንና ሌሎች ዓረብ አገሮችን አይረዱም ? " - አምባሳደር አብዱላሂ መሐመድ ዱአሌ
አምባሳደር አብዱላሂ መሐመድ ዱአሌ ፤ የሶማሌላንድ የአፍሪካ ኅብረትና የኢጋድ ልዩ መልዕክተኛ ግብፅ በቀጣናው ስለምታደርገው እንቅስቃሴ ምን አሉ ?
(ለሪፖርተር ጋዜጣ ከተናገሩት የተወሰደ)
" የግብፅ እንቅስቃሴ በግልጽ ጣልቃ ገብነት ነው፡፡ ግብፅ ወደ ሶማሊያ መሣሪያ እያሠራጨች ነው፡፡
በመሣሪያ እየታመሰ ባለ ቀጣና ውስጥ ሌላ መሣሪያ እንዲመጣ አንፈልግም፣ በሶማሊያ እያንዳንዱ ግዛት መሣሪያ ተበትኗል፡፡ ነገር ግን ሶማሊያውያን መሣሪያ የተራቡ አይደሉም፡፡
ሶማሊያን ለመጠበቅ በርካታ አገሮች ማለትም ኢትዮጵያ፣ ብሩንዲ፣ ኡጋንዳና ሌሎች ልጆቻቸውን ገብረዋል፣ ውድ ቤተሰቦቻቸውን፣ ገብረዋል፡፡ አሁን በድንገት ግብፅ መጥታ አለሁላችሁ ብትል አይሠራም፡፡
ሶማሊያ የምትባል አገር መጀመሪያ የራሷን የቤት ሥራ ትሥራ፣ ቤቷን ትጠብቅ፡፡
ሶማሌላንዶች ከሕዝብ ገንዘብ ሰብስበን በጀት መድበን አገር እያስተዳደርን ያለን ሰላማዊ አገር ነን፡፡ ከማንም ለምነን አይደለም አገር የምንመራው፡፡
ሶማሊያን ተመልከት ማን እንደሚደግፋቸው፡፡ ዓለም አቀፉ ማኅበረሰብ፣ የተባበሩት መንግሥታት ድርጅትና ዕርዳታ ሰጪ ድርጅቶች ናቸው፡፡
የሶማሊያ ፕሬዚዳንት ሐሰን ሼክ ኢትዮጵያንም ሶማሌላንድንም ከማን ጋር ስምምነት መፈጸም እንዳለባቸው ሊነግሯቸው አይገባም፡፡
ግብፆች መርዳት ከፈለጉ ለምን ፍልስጤሞችንና ሌሎች ዓረብ አገሮችን አይረዱም ? አሁን ግብፅ መሣሪያና ወታደር በአውሮፕላን እየጫኑ እያመጡ ነው፡፡
ይህ የግብጽ ጣልቃ ገብነት ትልቅ ሥጋት ነው፡፡ ለሶማሌላንድ ጭምር አደጋ ነው፡፡ ይህን ሥጋት ለአፍሪካ ኅብረትና ለዓለም አቀፍ ማኅበረሰቡ፣ እንዲሁም ለኢጋድ አሳውቀናል፡፡ "
#Somaliland #Egypt
@tikvahethiopia
የሕግ ባለሙያውና ጠበቃው ምን ገጠማቸው ?
" ቅስም ይሰብራል ! " - የሕግ ባለሙያና ጠበቃ አንዷለም በውቀቱ
🔴 " ሰፈሩ መፍረሱና መልሶ መልማቱ ላይ ተቃውሞ የሌለውን ኮሚኒቲ በ2 እና በ3 ሰአት እያዋከቡ ማስወጣት መውደቂያውን ሳያውቅ ማሳቀቅ መጨረሻው ይሄ ነው !! "
የሕግ ባለሙያና ጠበቃ የሆኑት አንዷለም በውቀቱ ዛሬ እጅግ ቅስማቸውን የሰበረ ክስተት እንደገጠማቸው ገልጸዋል።
ነገሩ እንዲህ ነው ...
ባለፈው አርብ " ፒኮክ መናፈሻ " አካባቢ አትክልት በማምረት ስራ የሚተዳደሩ ቤተሰቦችና ልጆቻቸው ቢሯቸው ይመጣሉ።
እነዚሁ ነዋሪዎች " ሰፈሩ ለልማት ሊነሳ ነው እየተባለ ነው። ከወላጆቻችን ዘመን ጀምሮ በአካባቢው ለ73 አመታት ቆይተናል። ድንገት ተነሱ ብንባል ምን ይዋጠን!? " ሲሉ ይገልጹላቸዋል።
እሳቸውም " መጀመሪያ የምትሄዱበትን ቦታ ማመቻቸት የመንግስት ግዴታ ነው። ያ ሳይሆን ለማስነሳት እንቅስቃሴ የሚደረግ ቢሆን ለፍርድ ቤት አቤቱታ አቅርቤ እግድ እንዲሰጣችሁ አደርጋለሁ ! " ብለዋቸው ይለያያሉ።
ቅዳሜ ጉዳዩ የሚታይበትን አግባብ ሲያዘጋጁ እንደዋሉ የሚናገሩት የሕግ ባለሙያው ፤ እሁድ ጠዋት ግን ስልክ ይደወልላቸው። በዚህም " ከቤተክርስትያን ስንመለስ ቤታችን እየፈረሰ አገኘነው " ሲሉ እነዚሁ ቤተሰቦች ይነግሯቸዋል።
እሳቸውም ከባልደረባቸው ጋር ወደ ቦታው ሄዱ።
አፅናንተዋቸው " መትረፍ የሚችለውን ለማስቆም እንሞክራለን " ይሏቸዋል።
እስከ ማታ ድረስ ለኢትዮጵያ ሰብዓዊ መብት ኮሚሽን ጨምሮ ለሚመለከታቸው አካላት የህግ አቤቱታዎችን ሲያዘጋጁ ያመሻሉ።
ሰኞ ጠዋት ኮሚኒቲው ህጋዊ የህብረት ስራ ማህበር ያላቸው በመሆኑ በማህበራቸው ስም ሊቀመንበሩ አቶ ዱላ ኑርጋ ውክልና እንዲሰጧቸው እንደተነጋገሩ የሕግ ባለሙያው አመክተዋል።
ትላንት ከሰአት ሊቀመንበሩ የጠበቃ ውክልና ለመስጠት የማህበሩን የመመስረቻ ጽሁፍ ስላጡት ለማክሰኞ ጠዋት እንደሚሰጧቸው ቀጥሮ ይይዛሉ።
ዛሬ ጠዋት ሊቀመንበሩ አቶ ዱላ ከቤታቸው ሲወጡ ግን የማህበሩ አባላት ሰፈር ውስጥ ለማፍረሻ የመጣ ዶዘር ቆሟል።
ሌሎች አባላቶች ውክልና ለመስጠት ውልና ማስረጃ እየጠበቋቸው ነበር።
እንደ ሕግ ባለሙያው ማብራሪያ ሊቀመንበሩ አብራቸው ከቤት የወጡትን ባለቤታቸውን " መጣሁ እየሄድሽ ጠብቂኝ ! " ብለዋቸው ወደ ቤት ይመለሳሉ።
በኃላም በአንዲት ቀጭን ሲባጎ እራሳቸውን አንጠልጥለው እንደተገኘ አስረድተዋል።
የሕግ ባለሙያው ዛሬ ጠዋት 3:00 ላይ አቤቱታውን ይዘው የአቶ ዱላን ስልክ ሲጠብቁ እንደነበር ገልጸዋል። መጨረሻው ግን ፍጹም አሳዛኝ ነው የሆነ።
" ሰፈሩ መፍረሱና መልሶ መልማቱ ላይ ተቃውሞ የሌለውን ኮሚኒቲ በ2 እና በ3 ሰአት እያዋከቡ ማስወጣት መውደቂያውን ሳያውቅ ማሳቀቅ መጨረሻው ይሄ ነው " ሲሉ የሕግ ባለሙያው ሁኔታውን በሀዘን ገልጸዋል።
" አቶ ዱላ ለ20 አመት ያህል በሊቀመንበርነት ያገለገሉትን ከ70 አመት በላይ በአንድ ቦታ የቆየውን ለፍቶ አዳሪ ማህበረሰብ ' ፌይል አደርጌያቸዋለሁ ' ብለው እራሳቸውን አጥፍተዋል " ያሉት የሕግ ባለሙያው " እኔም ያንን ኮሚኒቲ ፌይል አድርጌዋለሁ። ትላንት አቤቱታውን ባስገባ ምናልባት ሊቀመንበሩ ከውሳኔው ይቆጠብ ይሆን?! ከጠዋት ጀምሮ በሰቀቀን ውስጥ ነኝ! ቀብራቸው ነገ ይፈጸማል! ነፍሳቸውን ፈጣሪ ይቀበላት!! " ሲሉ ቃላቸውን ደምድመዋል።
#AddisAbaba
@tikvahethiopia
#ኢትዮጵያ
" ... የውጭ ምንዛሬ ለውጡ in in terms of Dollar ያመጣውን ለውጥ ሊያካክስ የሚችል የደመወዝ ጭማሪ መጨመር ነበረበት " - ደሳለኝ ጫኔ (ዶ/ር)
🔴 " አንድ ደመወዝተኛ በውጭ ምንዛሬ ስናሰላው ያገኝ የነበረው ገቢ በዶላር ከ50% በላይ እንዲቀነስ ተደርጓል !! "
የህ/ተ/ም/ቤት አባሉና የአማራ ብሔራዊ ንቅናቄ (አብን) ተወካዩ ደሳለኝ ጫኔ (ዶ/ር) በተጨማሪ በጀቱ ዙሪያ ስጋቶች እንዳላቸው ገልጸዋል።
የማክሮ ኢኮኖሚ እና ፊስካል ማዕቀፍ ማሻሻያው ሀገራዊ ውጥቅጥ ውስጥ እንዳስገባን በግልጽ እንደሚታይ ተናግረው ይሄ በጀት እሱን ምን ያህል አ
ተደራሽ ያደርጋል ? ሲሉ ጠይቀዋል።
ከዚህ ባለፈም ደሳለኝ (ዶ/ር) ፤ ስለ ኑሮ ውድነት ፣ ስለሰራተኞች የደመወዝ ጭማሪ ፣ በጀቱን ለመሸፈን ስለሚጣል ግብር አንስተው ጠይቀዋል ፤ ሃሳባቸውን አካፍለዋል።
ምን አሉ ?
" በኑሮ ውድነት ላይ / ቋሚ ደመወዝተኛ በሆነው አካል ላይ የውጭ ምንዛሬው (Foreign exchange) ለውጡ የፈጠረው ጫና አለ።
አንድ ደመወዝተኛ በውጭ ምንዛሬ ስናሰላው ያገኝ የነበረው ገቢ በዶላር ከ50% በላይ እንዲቀነስ ተደርጓል ፤ በውጭ ምንዛሬው ለውጥ ምክንያት።
መንግሥት የደመወዝ ማሻሻያ በተለይ ዝቅተኛ ገቢ ያላቸውን ተቀጣሪዎችን ደመወዝ ማሻሻያ አድርጊያለሁ ቢልም አብዛኛው ደመወዝተኛ ከ1 ሺህ ብር እና ከ2 ሺህ ብር በላይ ጭማሪ አልተደረገለትም። ስለዚህ እነዚህ የማህበረሰብ ክፍሎች ኑሯቸውን እንዴት እንዲመሩ ታስቦ ነው ?
በእኔ በኩል ቢያንስ መንግሥት ሌሎች የmarket variables ትቶ የውጭ ምንዛሬ ለውጡ in in terms of Dollar ያመጣውን ለውጥ ሊያካክስ የሚችል ጭማሪ መጨመር ነበረበት።
አንድ የ12 ሺህ ብር ደመወዝተኛ ከምንዛሬ ለውጡ በፊት ወደ 300 እስከ 350 ዶላር አካባቢ ያገኝ ነበር አሁን መንግሥት ጨመርኩ ያለው 1 ሺህ ብር ነው ወደ ዶላር ሲቀየር ደመወዙ የሚወድቀው ወደ 150 ዶላር አካባቢ ነው።
ይህ ከፍተኛ ጫና፣ የመንግሥት ሰራተኛውን ወደ ልመና፣ ወደ ጎዳና እያስወጣው እንደሆነ መሸፈን በማንችልበት ሁኔታ ዘገባዎች እየወጡ ነው።
ስለዚህ ይህን በስነስርዓት address በሚያደርግ መንገድ የደመወዝ ማስተካከያው መስተካከል ነበረበት። ጭማሪውም ለዛ ትኩረት መስጠት ነበረበት።
ሌላው የ281.5 ቢሊዮን ተጨማሪ ታክስ raise በማድረግ ይሄን 532 ቢሊዮን ተጨማሪ በጀት ለመሸፈን ከሚደረገው ውስጥ አንደኛው ታክሱ ነው።
ይህ ከፍተኛ የታክስ ጫና (burden) ነጋዴው ላይ የሚጭን ነው። ነጋዴው ላይ ከፍተኛ የታክስ ጫና እየፈጠረ ነው። የንግዱ ማህበረሰብን ከፍተኛ confusion (መደናገር) ውስጥ እየተከተተው ነው።
የማክሮ ኢኮኖሚ ማሻሻያው ጋር ተያይዞ ቀድሞውኑ shock ውስጥ ነው ቢዝነሱ ፤ ብዙ ነጋዴዎች confusion ውስጥ እንደገቡ ይናገራሉ ከዛ ላይ ተጨማሪ confusion እና ተጨማሪ መደናገጥ እንዲሁም shock የሚፈጥር ነው ይሄ እንዴት ታስቦ ነው ?
መንግሥት fair በሆነ መንገድ ከከፍተኛ ታክስ ከፋዩ ላይ ከሚደበቁትን፣ የታክስ ሆሎችን ተጠቅመው የሚሰወሩትን እሱን መሰብሰብ አለበት በእርግጠኝነት ፤ ግን ደግሞ ከአቅም በላይ የሆነውን የመንግሥት spending compensate ለማድረግ ሲባል የታክስ ጫናውን ከአቅም በላይ መለጠጥ በንግድ እንቅስቃሴው ላይ በተለይ በሀገር ውስጥ የንግድ እንቅስቃሴ ላይ ያለው ችግር በደንብ ተገምግሟል ? የሚኒስትሮች ም/ቤት ይሄን እንዴት አይቶት ነው ?
ሌው ጭማሪው 532 ቢሊዮኑ በዋነኝነት ለዕዳ ክፍያ፣ ለማህበራዊ ድጎማ ፣ ለደመወዝ ጭማሪ እንደሚውል ነው የተገለጸው።
ባለፈው 971 ቢሊዮኑ በጀቱ ሲፀድቅ አሁንም የካፒታል ፕሮጀክቶችን ጉዳይ አንስቼ ነበር። መንግሥት literally ትቶታል።
- አዲስ መንገድ
- አዲስ ግድብ
- አዲስ ዩኒቨርሲቲ
- አዲስ ሆስፒታል ... አዳዲስ መሰረተ ልማቶችን መተው የሚታየው አሁን በተጨመረው 582 ቢሊዮን ውስጥ 90 ቢሊዮን ብቻ የካፒታል ፕሮጀክት ማሻሻያ ብቻ ነው የተካተተው።
ሌላው ነገር የለም። already እያልን ያለነው ኮሪደር ልማት ብቻ እንስራ ነው። እንደዚህ ሆኖ ሀገር እንዴት ሊለማ ይችላል ? መሰረታዊ የሚባሉ የ irrigation development ፣ ግድቦች ላይ ፣ አገር አቋራጭ መንገዶች ላይ፣ ፈጣን መንገዶች ላይ ፣ የኃይል ተቋማት ላይ፣ ሆስፒታሎች ፣ ዩኒቨርሲቲዎች ላይ እንዲህ አይነት critical የሆኑ የህዝብ መሰረተ ልማቶች ላይ በጀታችንን ካላዋልነው አሁንም ዞሮ ዞሮ የማብለጭለጭ አይነት ልማት structurally ምንም ለውጥ የማያመጣ ልማት ላይ ነው እንዳለ ገንዘባችንን ፈሰስ እያደረግን ያለነው። እዚህ ላይ ስጋት አለኝ።
መሰረታዊ የሚባሉ investment ላይ መንግሥት ውጪውን ቅድሚያ መስጠት አለበት። "
#TikvahEthiopia #ደመወዝ #ዶክተርደሳለኝጫኔ
@tikvahethiopia
#ሴጅ_ማሰልጠኛ
ሙሉ የሒሳብ መዝገብ አያያዝ (Principles and Practices of Accounting) የ3 ወር እና 6 ወር የቀንና የማታ መርሐግብር ስልጠና በፒያሣ እና መገናኛ ካምፓስ ካምፓስ ሰኞ ህዳር 23/2017 ዓ.ም ይጀምራል።
👉 100% በተግባር የተደገፈ ስልጠና
👉 መሠረታዊ አካውንቲንግ እና ኦዲት አሰራር፣ ሙሉ የአካውንቲንግ ሒሳብ አሰራር በፒስቺሪ ተደግፎ እና የግብር አያያዝ ትምህርቶችን አካቶ የሚሰጥ
👉 የሥራ ላይ ስልጠና (Internship) የተመቻቸለት
ስልክ፦ 0906777799 / 0906777755
አድራሻ፦ ቁ.1: ፒያሣ ቸርችል ጎዳና ኤልያና ሆቴል 2ኛ ፎቅ እና ቁ.2 መገናኛ ታሜጋስ ህንፃ 2ኛ ፎቅ
Telegram: /channel/sagetraininginstitute
Tiktok: sage_training_institute" rel="nofollow">https://www.tiktok.com/@sage_training_institute
Linkedin: https://www.linkedin.com/company/sage-training-institute
#ፋይዳ #ዲጂታል_መታወቂያ
በፋይዳ ይታወቁ ፣ በፋይዳ ይገልገሉ ፣ በፋይዳ ይዘምኑ!!!
ፋይዳ ለኢትዮዺያ!
Addis Ababa CRRSA - Civil Registration and Residency Service Agency Ethio telecom
#ፋይዳ #መታወቅ #DigitalID #fayda
የፖለቲከኛ ጃል በቴ ኡርጌሳ ግድያ ምርመራ ምን ደረሰ ?
🔴 “ መረጃ የማሰባብ ሥራችን እንደቀጠለ ነው ” - ኢሰመኮ
የኦሮሞ ነፃነት ግንባር (ኦነግ) ከፍተኛ አመራር ፓለቲከኛ ጃል በቴ ኡርጌሳ በትውልድ ቦታቸው መቂ ከተማ በግፍ መገደላቸው የሚታወቅ ሲሆን፣ ባለቤቱም ሰሞኑን ልጆቻቸውን ይዘው ወደ አሜሪካ መሄዳቸው ተናግረዋል።
የኢትዮጵያ ሰብዓዊ መብቶች ኮሚሽን (ኢሰመኮ) በወቅቱ ስለግድያው ምርመራ ጀምሮ የነበረ ሲሆን፣ በኦሮሚያ ክልል በኩል በደረሰበት ጫና ምርመራውን ማቆሙን ለክልሉ በደብዳቤ ማሳወቁ በኋላ ደግሞ እንደገና ምርመራው እንደተጀመረ ለቲክቫህ ኢትዮጵያ መግለጹ ይታወሳል።
ምርመራው ቁሞ የነበረው፣ “ የመንግስት የጸጥታ ኃይሎች ተሳትፎ መኖሩን የሚያመለክት ምስክሮችን ማሰባሰብ ከጀመረ ከሦስት ቀናት በኋላ የምርመራው ቡድን ምርመራውን እንዲያቋርጥ በመገደዱ ” መሆኑ በወቅቱ በኢሰመኮ ደብዳቤ መጠቀሱ ተነግሮ ነበር።
የፓለቲከኛውን ግድያ ከተፈጸመ ከስድስት ወራት በላይ ያስቆጠረ ሲሆን፣ የግድያው ምክንያት እውቅና ግን የተነገረ ውጤት የለም።
ስለምርመራው አሁንስ ምን አዲስ ነገር አለ ?
እንዲያው የፓለቲከኛ ጃል በቴ ኡሬጌሳ ግድያን በተመለከተ የተጀመረው ምርመራ ከምን ደረሰ ? ያለው ሂደትስ ምንድን ነው ? ሲል ቲክቫህ ኢትዮጵያ የኢትዮጵያ ሰብዓዊ መብቶች ኮሚሽን (ኢሰመኮ)ን ጠይቋል።
ኮሚሽኑም ምርመራው እንደቀጠለ ገልጿል።
“ ሥራችንን ስናጠናቅቅ ውጤቱን ይፋ የምናደርግ ይሆናል። አሁን ግን መረጃ የማሰባብ ሥራችን እንደቀጠለ ነው ” ብሏል።
ሂደቱን በተመለከተ “ ከክልሉ የሚመለከታቸው ባለስልጣናት ጋርም እየተነጋገርን ነው ” ሲል ገልጿል።
ስለግድያ የሚያደርገውን ምርመራ በተመለከተ ኮሚሽኑ ከዚህ ቀደም የኦሮሚያ ክልል አካላት ጋር መንገራገጭ ገጥሞት እንደነበር ይታወሳል፤ ለመሆኑ አሁን በምን ደረጃ ላይ ነው ? ችግሩ ተፈታ ወይስ አልተፈታም ? ሲልም ቲክቫህ ለኮሚሽኑ ጥያቄ አቅርቧል።
ኮሚሽኑም፣ “ ከክልሉ ጋር ያለው ግንኙኘት በተመለከተ አሁን መረጀ መስጠት አልችልም ” ከማለት ውጪ ስለግንኙነታቸው አሁናዊ ሁኔታ ማብራሪያ ከመስጠት ተቆጥቧል።
አክሎ ደግሞ፣ “ ግን ሥራ እየሰራን ነው። አልተውንነውም ጉዳዩን ” ሲል ለቲክቫህ ኢትዮጵያ ገልጿል።
የኦሮሚያ ክልል መንግሥት ጃል በቴ ኡርጌሳ መቂ ላይ በግፍ በተገደሉበት ወቅት በሚዲያ ቀርቦ ግድያው ' ባልታወቁ ሰዎች መፈጸሙን ' ገልጾ መርምሬ ለህዝብ ውጤቱን ይፋ አደርጋለሁ ማለቱ ይታወሳል። ይህን ካለ ወራት ቢያልፉም እስካሁን ለህዝብ የተሰጠ ግልጽ እና ተጨባጭ መረጃም ሆነ ማብራሪያ የለም።
ሁነቱን እስከመጨረሻ በመከታተል መረጃ የምናደርሳችሁ ይሆናል።
#TikvahEthiopiaFamilyAA
@tikvahethiopia
#ብርሃን_ባንክ
#በባንካችን ሲቀበሉ እና ሲመነዝሩ ጭማሪዎን ያገኛሉ!
ከውጪ ሃገራት የሚላክልዎትን ገንዘብ በባንኩ የስዊፍት ኮድ (BERHETAA) እና ከብርሃን ጋር በሚሰሩ አለምአቀፍ የገንዘብ አስተላላፊዎች #ሪያ #ዳሃብሽል #ዌስተርን_ዩኒየን #መኒግራም #ትራንስ_ፋስትና #ወርልድ_ረሚት በኩል በቀላሉ ይቀበሉ!
#moneytransfer #Stressfreebanking #berhanbank #bank #finance #bankinethiopia
ከታች የሚገኙትን ሊንኮች በመጫን የማህበራዊ ድህረ-ገጾቻችንን ይቀላቀሉ!
➡️ Facebook
➡️ Telegram
➡️ Instagram
➡️ Twitter
➡️ LinkedIn
➡️ YouTube
#ትግራይ
" የፌደራል መንግስት ውስጣዊ ችግራችን በውይይት መፍታት ካልቻልን ትግራይን የማስተዳደር ስልጣኑን ብልፅግና በብቸኝነት እንደሚይዘው በግልፅ ነግሮናል " - አቶ ጌታቸው ረዳ
የትግራይ ጊዚያዊ አስተዳደር ፕሬዜዳንት ጌታቸው ረዳ ወደ ሁለት በተከፈሉ የህወሓት አመራሮች እየታመሰ የሚገኘው የክልሉ የፓለቲካ ሁኔታ ከመሻሻል ይልቅ ተባብሶ መቀጠሉ ተናግረዋል።
" በምንገኝበት የአፍሪካ ቀንድ ከፍተኛ የፓለቲካ የአሰላለፍ ለውጥ እየተፈጠረ ነው ፤ የትግራይ ሁኔታም ከሚታየው ለውጥ ተያይዞ ያሉት ዕድሎች እና ፈተናዎች መተንተን ያስፈልጋል " ብለዋል።
" የትግራይ ፓለቲካ ሀገራዊ ፣ አህጉራዊ እና ዓለም አቀፋዊ ሁኔታ መገንዘብ ትቶ በአመራሮቹ እየታመሰ ነው " ሲሉም ገልጸዋል።
" የፌደራል መንግስት ውስጣዊ ችግራችንን እንድንፈታ እየገለፀ ነው ካልተቻለ ግን የማስተዳደር ስልጣኑን ብልፅግና በብቸኝነት እንደሚይዘው ግልፅ አድርጓል " ሲሉም አክለዋል።
በህወሓት አመራሮች መካከል የተፈጠረው መከፋፈል ተባብሶ መቀጠሉን የገለጹት አቶ ጌታቸው ረዳ ፤ በቅርቡ በአፍሪካ ህብረት ለሚካሄደው በፕሪቶሪያ የሰላም አፈፃፀም የሚመለከት የግምገማ መድረክ ከወዲሁ " እኔ ነው መሳተፍ ያለብኝ " ወደ ሚል መሳሳብ ተገብቷል ሲሉ በምሬት ተናግረዋል።
" የህወሓት አመራር ሉአላዊ የትግራይ ግዛት ከፌደራል የሀገር መከላከያ ሰራዊት ውጭ ያሉ ታጣቂዎች ነጻ ሆኖ ተፈናቃዮች ወደ ቄያቸው የመመለስ ዋና አጀንዳ ዘንግቶ የጊዚያዊ አስተዳደሩ የእለት ተእለት ስራዎች በማድናቀፍ ተጠምዷል " ሲሉም ከሰዋል።
" ከፕሬዜዳንት ስልጣን ወርደዋል ፤ ወደ ውጭ አገር ሊወጡ እያመቻቹ ነው ፤ ውጭ ሀገር ወጥተው እንዲቀሩ መንግሥት እያመቻቸላቸው ነው " ተብሎ ሲወራባቸው ስለ መሰንበቱ የተጠየቁት አቶ ጌታቸው ረዳ " ለስራ በምወጣበት ጊዜ ከሁለቱ ምክትሎች አንዱ መወከል የተለመደ አሰራር ነው መወከሌም እቀጥላሎህ ፤ ' ከሀገር ሊወጣ ነው ' ተብሎ የተነዛው ወሬም ከሃቅ የራቀ መሰረተ ቢስ የውሸት ወሬ ነው " ሲሉ መልሰዋል።
' ለስልጣን መቆራቆስ ትተን በጦርነት እና ጦርነት ወለድ ችግሮች የተጎሳቆለው ህዝባችን መካስ ማስቀደም አለብን " ያሉት አቶ ጌታቸው ረዳ በእሳቸው የሚመሩ የህወሓት ከፍተኛ አመራሮች በደብረፅዮን ገ/ሚካኤል (ዶ/ር) ከሚመራው የህወሓት ከፍተኛ አመራር ጋር የሃይማኖት አባቶች በጀመሩት የእርቅ ጥረት ችግሮቻቸው ለመፍታት ቁርጠኛ እንደሆኑ አረጋግጠዋል።
#TikvahEthiopiaMekelle
@tikvahethiopia
#ነጋዴዎች #ደረሰኝ #መርካቶ
" ደረሰኝ መቆረጥ አለበት በዚህ ላይ ምንም አይነት ድርድር የለውም " - የአዲስ አበባ ከተማ አስተዳደር
ከሰሞኑን በአዲስ አበባ በተለይ በግዙፉ የገበያ ማዕከል ' መርካቶ ' በንግድ ስርዓቱ ጋር በተያያዘ ቅሬታ አለን ያሉ ነጋዴዎች ሱቅ የመዝጋትና ስራ የማቆም እንቅስቃሴ ማድረጋቸው ይታወሳል።
ሰሞነኛውን የመርካቶ ገበያ ሁኔታ በተመለከተም ነጋዴዎቹ ከከተማ አስተዳደር ኃላፊዎች ጋር ውይይት ተቀምጠው ነበር።
በውይይቱ በነጋዴዎቹ በኩል በርካታ ጥያቄዎችና ሃሳቦች ተነስተው ነበር። ለተነሱት ጥያቄዎች የመንግሥት አካላት ምላሽ ሰጥተዋል።
ነጋዴዎች ሃሳባቸው ፣ ጥያቄያቸው፣ ቅሬታቸው ምንድነው ?
➡️ ደረሰኝ መቁረጥ ፣ ግብር መክፈል ለሀገር ወሳኝ ፤ ለራስም ይጠቅማል። ግን አከፋፈሉ ጥያቄ የሚያስነሳ ነው።
➡️ እኛ ስንገበያይ ደረሰኝ እናገኛለን ወይ ? አንዳንድ ምርት የሚነሳው ከገበሬ ነው። ከገበሬ ነጋዴ ይሰበስባል ይከፍላል፣ ተረካቢው ይረከባል ይከፍላል፣ ተጭኖ ይመጣል እኛ እንረከባለን ይሄ ሁሉ ይከፍላል ብዙ ነገር ነው ያለው። የቆረጠው ይቆርጥልናል የሌለውን ንግድ ፍቃድ እናያይዛለን። እንዲህ ስንሰራ ነው የቆየነው።
➡️ ሁሉም እየመጣ ባለድርሻ ነኝ ይላል። መርካቶ እንደምንታመስ ያውቃል ሌባው ይገባና " ሄደህ 100 ሺህ ብር ከምትቀጣ ለኔ ይሄን ስጠኝ " ይላል።
➡️ እቃው በደላላ ነው የሚመጣው ፤ ድሮ አስመጪ በእያንዳንዱ ሱቅ ሄዶ እቃ ይበትን ነበር አሁን ግን አስመጪው ለደላላ፣ ለቤተሰብ ፣ ለዘመዱ ፣ ለጎረቤት፣ ለጓደኛ ነው የሚሰጠው። እቃው ይመጣና በተለያየ መጋዘን ይቅመጣል ከዛ በስልክ ነው ልውውጥ የሚደረገው ነጋዴው ደላላውን ' ደረሰኝ ስጠኝ ' ካለው ነገ እቃ አይሰጥም።
➡️ ቁጥጥር እየተባሉ የሚመደቡ ሰዎች ባጅ የላቸው፣ ምናቸውም አይታውቅ፣ ሱቅ የሚገቡት እንደ ሌባ 3 እና 2 እየሆኑ ነው ስለዚህ ህጋዊ ይሁኑ ህገወጥ ምናቸው ይለያል ?
➡️ ባልተማከለ ሲስተም ውስጥ ነው ያለነው። ደረሰኝ አልቆረጣችሁም በሚል መቶ ብር አትርፈን 100 ሺህ ብር ነው የምንጠየቀው።
➡️ እስቲ ኢንዱስትሪውን ተቆጣጠሩ ደረሰኝ ቼክ ይደረግ የሚወጣው አንደርኢንቮይስ ከሆነ በምን አግባብ ነው ነጋዴው የሚጠየቀው ?
➡️ " ደረሰኝ ቁረጡ ደረሰኝ ቁረጡ " ሲባል ሌላ ነገር ነው የሚመስለው ደረሰኝ ይዞት የሚመጣው ገንዘብ ነው። መጀመሪያ የንግድ ስርዓቱ መስተካከል አለበት።
➡️ ለ100 ሺህ ብር ቅጣት በዚህ ፍጥነት ከተሰራ ነጋዴውን ለማገዝ በገንዘብ ሚኒስቴር የሚሰጠቱን ዕድሎች ተፈጻሚ ለማድረግ ለምን አልተቻለም ?
➡️ አሰራሩ እኮ ብዙ ነው። አልታየም። እንደ ከተማ አንድም አስመጪ የለም። አስመጪዎቹ ' መርካቶ መጥተን አንሸጥም ጅግጅጋ መጥታችሁ ግዙ ' ይሉናል። በደረሰኝ ስንት ስቃይ ነው ያለው። እዛ ተኪዶ ነው ሚገዛው ? እሺ እዚህ ስናመጣ ገቢዎች ላይ ብዙ ነገር አለ ፤ ደረሠኝ ይጥላሉ፣ ' አንቀበልም ' ይላሉ የት እንሂድ ?
➡️ አሰራሩ ላይ ትልቅ ችግር አለ።
➡️ አምራቾች፣ አከፋፋዮች፣ አስመጪዎች ደረሰኝ ይሰጣሉ ወይ ? የሚለው ትልቁ ጥያቄ ነው።
ለነጋዴዎች ጥያቄ የአዲስ አበባ ከተማ አስተዳደር ኃላፊዎች ምን መለሱ ?
🔴 የገቢዎች የቁጥጥር ሰራተኞችን በተመለከተ መታወቂያ አላቸው፣ 3 እና 4 ሆነው ነው የሚገቡት። መታወቂያ የሌለው ካለ ህገወጥ አጭበርባሪ ነው ተከላከሉት።
🔴 " የገቢዎች ሰራተኛ ነን " ብለው ሲያጭበረብሩ የተያዙ ሰዎች አሉ።
🔴 ለገቢዎች ሰራተኞች መታወቂያ ተሰጥቷል። መታወቂያ ማሳየት አለባቸው። እናተም ጠይቋቸው።
🔴 ደረሰን ላለመቁረጥ የሚሰጡትን ምክንያቶች በጋር እየተነጋገርን እንፈታለን እንጂ ደረሰኝ መቁረጥ እንዲቆምላችሁ የምትጠይቁትን ጥያቄ መንግስት መመለስ አይችልም። ይሄን በግልጽ እየወቁት።
🔴 በገቢዎች ውስጥ ያሉ ችግሮች ይታወቃሉ መፈታት አለባቸው። ከብልሹ አሰራር፣ ከሌብነት ጋር በተያያዘ የተነሱ ችግሮች ይታረማሉ።
🔴 ቫትን በተመለከተ በአዲሱ አሰራር 7 ሺህ ብር ነው የቀን ግምቱ የተቀመጠው። ቀደም ሲል ቫት የነበረ ወደ ታች ሊወርድ አይችልም። በቀን 7 ሺህ ብር የሚሸጥ ሰው ምን ያክል ነው የሚለውን እናተው ታውቃላችሁ። ቅድሚያ እየተሰጠ ያለው ቫት ውስጥ መግባት እያለበት ቫት ውስጥ ያልገባው ነጋዴ በተለይ መርካቶ እሱ ባለመግባቱ በሚሸጠው እቃ ላይ የዋጋ ልዩነት እየመጣ ስለሆነ ቫት ውስጥ መግባት ያለበትን ቫት ውስጥ እያስገባን ነው።
🔴 ቫት ውስጥ የነበረ ነጋዴ ልወርድ ይገባል ብሎ ተጨባጭ ማስረጃ ካቀረበ ይታያል። አሁን ባለው የዋጋ ምረት እታች ያለው ወደላይ ይወጣል እንጂ እላይ የነበረው ወደ ታች አይወርድም።
🔴 የቁጥጥር ስርዓቱ እየጠበቀ ነው የሚሄደው።
🔴 እኛ ስለትላንቱ አለነሳንም አሁን ግን መርካቶ የሚደርገው ግብይት በደረሰኝ እና በደረሰኝ ብቻ መሆን አለበት። ይህን የሚያደርገውን ነጋዴ እንደግፋለን።
🔴 ነጋዴው በህጋዊ መንገድ ይጠቀም አልን እንጂ ነጋዴውን የሚያስቀይም ፣ የሚያሳድድ እርምጃ ለመውሰድ የሚፈልግ አካል የለም።
🔴 መርካቶ የሚደረገው እንቅስቃሴ በክልል ጥያቄ ያስነሳል። መረካቶ ደረሰኝ ስለማይቆረጥ የንግዱ ማህበረሰብ ክልል ሄዶ ሲነግድ ደረሰኝ አቅርቡ ሲባል " ያለ ደረሰኝ ነው የገዛነው እዛ ደረሰኝ አልተቆረጠም " የሚሉ አሉ።
🔴 የዚህ አመት እቅዳችን ግዙፍ የሆነ ገቢ ለመሰብሰብ አቅደናል። ይህን የምናደርገው የታክስ ቤዛችንን በማስፋት፣ ኢመደበኛውን ንግድ ወደ መደበኛ በመቀየር ነው።
🔴 ኢ-መደበኛ እናሳድዳለን አላልንም ግን ወደ መደበኛ ይግባ እያልን ነው።
🔴 ብዙዎቻችሁ (ነጋዴዎች) ያነሳችሁት ጥያቄ ደረሰኝ እንዳይቆረጥ የሚጠይቅ ዝንባሌ አለው። " ደረሰኝ አያስፈልግም " አትሉም ግን ጅምላውን፣ አከፋፋዩን ፣ አምራቹን ቅድሚያ ስጡ ነው የምትሉት። ጅምላውም ላይ፣ አከፋፋዩም ላይ ፣ አምራቹም ላይ እንሰራለን ቸርቻሪም ላይ እንደዛው ይሰራል። ሁሉም ደረሰኝ መቁረጥ አለበት።
🔴 ደረሰኝ ለመቁረጥ የማይስችል ሁኔታ ካለ ማስረዳት ነው እንጂ " ደረሰኝ አንቆርጥ " የሚል እሳቤ ተቀባይነት የለውም።
🔴 በደረሰኝ መቆረጥ አለበት ምንም አይነት ድርድር የለውም በዚህ ጉዳይ። እኛ ኢመደበኛውን ንግድ ወደ መደበኛ እናስገባለን።
🔴 አቤቱታ ካላችሁ በማንኛውም ጊዜ አቅርቡ። ገቢዎች አካባቢ ያለውን ነገርም እንፈትሻለን።
#AddisAbaba #Merkato
@tikvahethiopia
#ሴጅ_ማሰልጠኛ
የግራፊክ ዲዛይን፣ ቪዲዮ ኢዲቲንግ፣ ሞሽን ግራፊክ እና ዲጂታል ማርኬቲንግ ስልጠና በፒያሣ እና መገናኛ ካምፓስ ሰኞ ህዳር 23/2017 ዓ.ም ይጀምራል።
👉 100% በተግባር የተደገፈ ስልጠና
👉 Advanced Graphics + Video Editing + Motion Graphics + Digital Marketing በአንድ ላይ
👉 ከ50 በላይ ፕሮጀክቶች ያሉት
👉 የሥራ ላይ ስልጠና (Internship) የተመቻቸለት
ስልክ ፦ 0906777799 / 0906777755
አድራሻ፦ ቁ.1: ፒያሣ ቸርችል ጎዳና ኤልያና ሆቴል 2ኛ ፎቅ እና ቁ.2 መገናኛ ታሜጋስ ህንፃ 2ኛ ፎቅ
Telegram: /channel/sagetraininginstitute
Tiktok: sage_training_institute" rel="nofollow">https://www.tiktok.com/@sage_training_institute
Linkedin: https://www.linkedin.com/company/sage-training-institute
#ትግራይ
" ' ተቀምተናል ' የሚሉትን ስልጣን ለማስመለስ ስም ከማጥፋት ባለፈ እስከ ፕሬዜዳንት መቀየር ያለመ አደገኛ እንቅስቃሴ እየተካሄደ ነው " - ፕረዚደንት አቶ ጌታቸው ረዳ
ዛሬ የትግራይ ክልል ጊዜያዊ አስተዳደር ፕሬዝዳንት አቶ ጌታቸው ረዳ በወቅታዊ የፀጥታ እና ማህበራዊ ጉዳዮች ላይ መግለጫ ሰጥተው ነበር።
በዚህም ወቅት አቶ ጌታቸው ፥ " የህዝብ ጥቅም ማእከል አድርጎ በሚንቀሳቀስ የፓለቲካ ፓርቲ ውስጥ ለግሉ ጥቅም ብቻ የሚያስብ አመራር ከተፈጠረ ረጅም ጊዜ ሆኗል " ብለዋል።
" ' ስልጣን ለኛ ነው የሚገባው ' የሚሉ የህዝብ አጀንዳ በማፈን ፍላጎታቸው ለማሳካት የግጭትና የግርግር መልእክቶች በማስተላለፍ ላይ ይገኛሉ " ሲሉም ገልጸዋል።
እነዚህን አካላት በስም አልጠቀሷቸውም።
ፕሬዜዳንቱ በስም ያልገለፁዋቸው አካላት " ተቀምተናል " የሚሉት ስልጣን ለማስመለስ ስም ከማጥፋት ባለፈ እስከ ፕሬዜዳንት መቀየር ያለመ አደገኛ እንቅስቃሴ እያካሄዱ እንደሆነ አመላክተዋል።
" ትኩረታችን የትግራይ ህዝብ መሆን ይገባ ነበር " ያሉት ፕሬዜዳንቱ " ለወንበር ሲባል የጊዚያዊ አስተዳደሩ ስራዎች የማደናቅፍ ስራዎች ተባብሰው ቀጥለዋል " ሲሉ ገልፀዋል።
" ' ሰራዊት ከኛ ጎን ነው ' በማለት የግለሰቦችን ስልጣን ለማርካት ታስቦ የፀጥታ ሃይል ለመከፋፈል አልሞ እየተሰራ ነው " ሲሉም አክለዋል።
አቶ ጌታቸው ፥ " በትግራይ ሁሉንም ነገር በብቸኝነት ተቆጣጥሮ የቆየ ሃይል አሁንም የፀጥታ ሃይል ፤ ሚድያ ተቆጣጥሮ በለመደው መንገድ በመሄድ የግል ጥቅሙን ለማረጋገጥ ጠላት ከሚለው እየተደራደረ ይገኛል " ብለዋብ።
" ጠላት " ያሉትን ሃይል በስም አልገለፁም።
የም/ ቤት አባላት በማንሳት የአስተዳዳሪዎች ስልጣን እንዲለወጥ መስራት መፈንቅለ መንግስት ነው ያሉት አቶ ጌታቸው " መንግስትን ለማፍረስ የሚደረጉ መድረኮች በመንግስት በጀት ነው የሚካሄዱት " ሲሉ ተግባሩን ኮንነዋል።
" ' የፀጥታ ሃይል ከኛ ነው ' የሚለው አነጋገር የፀጥታ ሃይሉን በመጠቀም ' ከስልጣን እናስወግዳችኋለን ' የሚል መልእክት ለማስተላለፍ ተፈልጎ የሚሰራ ነው " ሲሉም ተናግረዋል።
#TikvahEthiopiaFamilyMekelle
ፎቶ፦ DW
@tikvahethiopia
#ማይናማር🚨
🔴 “ አምልጠን እንኳ ብንወጣ ያመለጠውን ኢትዮጵያዊ ለሚይዙ 500 ዶላር ይከፈላቸዋል። ” -ኢትዮጵያዊያን በማይናማር
🔵 “ ደብድበውት ራሱን አያውቅም ወጣቶች ተሸክመው ሆስፒታል ሲወስዱት የውጪ ዜጋ አናክምም ብለው መለሱት ” - በእንባ የታጀቡ እናት
ሰርተን እንለወጣለን፣ ቤተሰብም እንለውጣለን ብለው ከአገር የወጡ በርካታ ኢትዮጵያዊያን በማይናማር በስቃይ ውስጥ መሆናቸው ከዚህ ቀደም በተደጋጋሚ መገለጻችን አይዘነጋም።
ኢትዮጵያዊያኑ ከሀገር ሲወጡ የተነገራቸውና አሁን ያሉበት ሁኔታ የማይገናኝ ነው።
ጉልበታቸው እየተበዘበዘ ከሆኑም ባሻገር የሚፈጸምባቸው ድብደባና የአካል ጉዳት አሰቃቂ መሆኑን የገፈቱ ቀማሾች ከዚህ ቀደም ለቲክቫህ ኢትዮጵያ ገልጸው ነበር።
የውጪ ጉዳይ ሚኒስቴር በበኩሉ፣ ኢትዮጵያዊያኑን ወደ አገራቸው ለመመለስ ከሚመለከታቸው አካላት ጋር እየተየጋገረ መሆኑን ለቲክቫህ ኢትዮጵያ መግለጹ ይታወሳል።
የኢትዮጵያዊያኖቹ ጉዳይ አሁንስ ከምን ደረሰ ?
በምን ሁኔታ ላይ እንደሚገኙ፣ ያገቷቸው አካላት ካሉበት አገር መንግስት ጋር ያላቸውን ግንኙት…በተመለከተ ቲክቫህ ኢትዮጵያ ማብራሪያ የጠየቃቸው በማይናማር የሚገኙት ኢትዮጵያዊያን፣ በጣም በከፋ ሁኔታ ውስጥ መሆናቸውን በሀዘን ስሜት ገልጸው፣ የመንግስትን እርዳታ ጠይቀዋል።
በዝርዝር ምን አሉ ?
“ የኢትዮጵያ መንግስት ሙሉ ኃላፊነት ወስዶ ከረዳን ብቻ ነው መውጣት የሚቻለው። የሌሎች አገራት እንዳደረጉት። ነገር ግን የተባልነው ነገር የለም እስካሁን በስቃይ ላይ ነን።
ያለንበት አገር ብዙም የተጠናከረ መንግስት የለውም። እንደሚታወቀው ወታደራዊ መንግስት ነውና። መንግስት ከመንግስት ጋር ተነጋግሮ ሊያስወጣን ከቻለ ብቻ ነው እንጂ።
እንወጣለን በሚል ተስፋ እያደረግን፣ እያለምን ነው እንጂ እስካሁን ምንም የተባልነው ነገር የለም። የኢትዮጵያ መንግስት ጫና ካላደረገ በስተቀር የያዙን ሽፍታዎችና የአገሪቱ መንግስት በጥቅም የተሳሰሩ ናቸውና መውጣት ይከብዳል።
አምልጠን እንኳ ብንወጣ ያመለጠውን ኢትዮጵያዊ ለሚይዙ 500 ዶላር ይከፈላቸዋል። ስለዚህ ተሳክቶልን ብናመልጥ እንኳ የአካባቢው ማህበረሰብ ይዞ አሳልፎ ይሰጠናል።
ሽፍቶቹ በቁጥር ብዙ ባይሆኑም መመሪያ የተሰጣቸው ናቸው። በዬቦታው ተሰራጭተው ነው የሚጠብቁት። ከእገታ ቦታው ወጣ ብለው በእስናይፐር የሚጠብቀ አሉ። በቁጥር ትንሽ ቢሆኑም የተጠናከረ ጥበቃ ላይ ያሉ ሽፍቶች ናቸው የያዙን።
የሚያሰሩን ቻይያዎች ናቸው። ያለነው ማይናማር ነው። ዜጎቹ ግን የቻይና ናቸው። ከአገሪቱ መንግስት ጋር በጥቅም የተሳሰሩ ናቸው። ለዚሁ መንግስት ግብር ይከፍላሁና ነገሩን ከባድ ያደረገው ከመንግስት ጋር የተያያዙ መሆናቸው ነው።
ወታደራዊ መንግስት ነው ያለው። ስለዚህ ከእኛ ከሚሰበሰው ገቢ ውስጥ ለመንግስት ይከፈላል። ለዛም ነው ሽፍቶቹ ደኀንነታቸው ተጠብቆ ሙሉ ድፍረት አግኝተው የሚሰሩት። የሕግ ከለላም አላቸው ነገሩ የተሳሰረ ነው። አጠቃላይ የአገራቱ መንግስት ሁኔታውን ሁሉ ያውቃል።
በስልክ እየደወልን ቤተሰብን ከመጠየቅ በስተቀር የኢትዮጵያ መንግስት ስለመውጣታችን እንዲህ ነው ያለን የሰማነው ነገር የለም። እባካችሁ በሕይወት ድረሱልን ” ሲሉ ተማጽነዋል።
ልጆቻቸው፣ የትዳር አጋሮቻቸው፣ እህትና ወንድሞቻቸው በማይናማር በከፋ ሁኔታ የሚገኙ ቤተሰቦች በበኩላቸው፣ ለወራት በከፍተኛ ጭንቀት ውስጥ እንደሆኑ ለቲክቫህ ኢትዮጵያ ተናግረዋል።
ልጃቸው የታገተባቸው አንዲት እናት እያለቀሱ በሰጡን ቃል፣ “ እኛም በጭንቀት ተሰቃዬን እንዴት አድርጌ እንደምገልጽ አላውቅም ” ሲሉ ጭንቀታቸውን አጋርተዋል።
እኝሁ እናት አክለው ፦
“ ደብድበውት ራሱን አያውቅም ወጣቶች ተሸክመው ሆስፒታል ቢወስዱት 'የውጪ አገር ዜጋ አናክምም ' ብለው መለሱት።
እንደ ዜጋ መንግስት በዚህ ጉዳይ ላይ ጣልቃ መግባት ሲገባው ‘የራሳቸው ጉዳይ’ የተባለ ነው የሚመስለው። በጣም ያሳዝናል ለመናገር በጣም ነው የሚቸግረኝ።
እንደ ወላድ ይጨንቃል። ተቸግረን አሳድገን እንዲህ ሲሆኑ። እንደ ሀገር እኛ ከኡጋንዳ ሀገር በታች ነው እንዴ የኛ ሀገር መንግስት ! እንዲያው ጆሮ ዳባ ብለውን ነው እንጂ።
ስቲል ይሄዳሉ ልጆች ወደ ውጪ አገር። አምባሳደሩን ገብተን የውጪ ጉዳይ ቆንጽላ ጽህፈት ቤት ተሰባስበን አነጋግረን ነበር ከ15 ቀናት በፊት።
ልጆቻችን አካለ ጎደሎ እየሆኑ፣ በሥነ ልቦና እየተሰቃዩ፣ እየተጎዱ ነው ዳግም ሌላ ወጣት እንዳይሄድ ስንል ‘የመንቀሳቀስ መብትን መንፈግ ነው የሚሆነው እኛ እንዴት ብለን እናሳግዳለን ?’ ነው ያሉን ” ሲሉ ገልጸዋል።
ገና የ8 ወር ልጅ ይዘው የቀሩ የትዳር አጋራቸው በማይናማር እንደታገተባቸው የገለጹ ሌላኛዋ እናት በበኩላቸው፣ ባለቤታቸው በከፋ ሁኔታ እንደሚገኝ፣ ልጅ አዝለው ውጪ ጉዳይ ሚኒስቴር ድረስ ቢሄዱም አጥጋቢ ምላሽ እንዳላገኙ ተናግረዋል።
በዝርዝር ምን አሉ ?
“ ባለቤቴ ማይናማር በስቃይ ውሰጥ ነው። ከሄደ 5 ወራት አስቆጥሯል። ‘የሥራ እድል አለ’ ተብሎ በደላሎች አማካኝነት ነበር ወደ ታይላንድ የሄደው። በሙያው ሐኪም ነው። ከሄደ በኋላ ግን ታይላንድ አይደለም የቀረው ወደ ማይናማር ነው የወሰዱት።
ያለበት ሁኔታ በጣም ከባድ ነው። የጨለማ ክፍል የሚባል አለ፤ ድብደባ አለ። በነገረኝ መሠረት አሰቃቂ ሁኔታ ነው። እኔም መፍትሄ ፍለጋ የውጪ ጉዳይ ሚኒስቴር ልጅ አዝዬ ጭምር ብዙ ጊዜ ተመላልሻለሁ።
የሚሰጠኝ ምላሽ በራሳቸው ፍላጎት እንደሄዱ፣ በሕገወጥ መንገድ እንደሄዱ ነው። ከሦስት ቀናት በፊትም ሂጀ ነበርና ከታች ያሉት የቀረበውን ቅሬታ ካሳወቁ ከ10 ወራት በላይ እንዳስቆጠረ፣ ግን መፍትሄ እንዳልተገኘለት ነው የነገሩኝ።
‘ ከላይ ያሉት አካላት ናቸው መስራት ያለባቸው ’ ነው ያሉኝ። ጥሩ መልስ የሰጠን የኤምባሲ አካል ግን አላገኘንም። ቤተሰቡ በጭንቀት ውስጥ ነው ያለው። ባለቤቴ ከሄደ በኋላ ኑሮው ከብዶኛል።
ስለእርሱ መጨነቁ፣ የኑሮ ውድነቱ ተደራረቡብኝ። የባለቤቴ ደመወዝ ተቋርጧል። አዲስ አበባ ከተማ ላይ ብቻዬን ልጅ እያሳደኩ ስቃይ ላይ ነኝ።
የኢትዮጵያ መንግስት በደንብ ትኩረት ሰጥቶ ቢሰራበት የማይናማር መንግስት ሊለቃቸው እንደሚችል ባለቤቴ ነገሮኛል። ባለቤቴ ጋር የነበሩ የህንድ አገር ዜጎች ወጥተዋል። መንግስት መፍትሄ ይስጠን ” ሲሉ ተማጽነዋል።
ማይናማር ውስጥ የሚገኙ የታጋች ኢትዮጵያዊያኑ ወላጅች ያቋቋሙት ኮሚቴ በበኩሉ፣ መፍትሄ እየጠየቀ መሆኑን የገለጸ ሲሆን፣ የውጪ ጉዳይ ሚኒስቴር ምን እየሰራ እንሆነ ለቲክቫህ ኢትዮጵያ ከሰጠው ምላሽ ጋር በቀጣይ ይቀርባል።
#TikvahEthiopiaFamilyAA
@tikvahethiopia
#SafaricomEthiopia
ለማይቋረጥ የኢንተርኔት ጌም ወሳኙ የማይቋረጥ ኢንተርኔት ነው ፤ አሁኑኑ የሳፋሪኮምን የ4G ዋይ ፋይ ጥቅል ከM-PESA ሳፋሪኮም mini app በመግዛት በጌማችን እንፍታታ!
#MPESASafaricom #FurtherAheadTogether