TIKVAH-ETHIOPIA

02 декабря 2024 13:34

#Update

በትግራይ ጊዚያዊ አስተዳደር የተሾሙት የመቐለ ከተማ  ከንቲባ ብርሃነ ገ/የሱስ ስራቸውን በይፋ ጀመሩ።

ከንቲባ ብርሃነ ገ/የሱስ ዛሬ ከሰዓት በኋላ ወደ ቢሮ ሲገቡ በከተማው አመራሮች ሰራተኞች አቀባበል እንደተደረገላቸው ተሰምቷል። 

ከንቲባው ዛሬ ዝግ ሰብሰባ የሚያደርጉ ሲሆን አብረዋቸው ከሚሰሩ አካላት ጋር ስለ ቀጣይ እቅዳቸው ይወያያሉ። 

አዲሱ የመቐለ ከንቲባ ብርሃነ ገ/የሱስ በቀጣይ ስለ እቅዶቻቸው እና ስራዎቻቸውን ለሚድያ ይፋዊ መግለጫ እንደሚሰጡ ቲክቫህ ኢትዮጵያ የመቐለ ቤተሰብ ከአቀባበሉ ስነ-ሰርዓት አዘጋጆች ያገኘው መረጃ ያመለክታል።

@tikvahethiopia

TIKVAH-ETHIOPIA

02 декабря 2024 11:06

#Mekelle

በመቐለም ሁለት ከንቲባ መሾሙ ተሰማ።

የትግራይ ጊዚያዊ አስተዳደር ለመቐለ ከተማ አዲስ ከንቲባ ሾመ።

ከተማዋ በቅርቡ በም/ቤት ከንቲባ ተሹሞላት እንደነበር አይዘነጋም።

በጊዚያዊ አስተዳደሩ አዲስ የተሾሙት ከንቲባ ብርሃነ ገ/የሱስ ህወሓት ለሁለት ሳይሰነጠቅ የፓለቲካ ፓርቲው የማእከላዊ ኮሚቴ አባል የነበሩ ናቸው።

በፕሬዜዳንት ጌታቸው ረዳ ይፋዊ ደብዳቤ የተሾሙት ብርሃነ ገ/የሱስ ከጦርነቱ በፊት የከተማዋ ምክትል ከንቲባ በመሆን ያገለገሉ ናቸው።

የቲክቫህ ኢትዮጵያ የመቐለ ቤተሰብ አባል ባገኘው መረጃ አዲሱ ከንቲባ ከዛሬ ጀምሮ የከንቲባ ስልጣናቸው የሚፀና ይሆናል።

ፕሬዜዳንት ጌታቸው ረዳ እሁድ 22/2017 ዓ.ም ከትግራይ ደቡባዊ ምስራቅ ዞን ወጣቶች ባደረጉት ውይይት ፤ " ሁለት ከንቲባ የሚባል አይሰራም ፤ አንድ ከንቲባ ነው ያለው ያውም መንግስት የመደበው ብቻ ነው። በምክር ቤት ስም የሚካሄድ ከንቲባ የመቀየር ሂደት ተቀባይነት የለውም ፤ ህገ-ወጥ አካሄዱ መልክ እንዲይዝ ይሰራል " ብለዋል።

ባለፈው ጥቅምት 2017 ዓ.ም በደብረፅዮን ገ/ሚካኤል (ዶ/ር) የሚመራው ህወሓት ረዳኢ በርሀ (ዶ/ር) የከተማዋ ከንቲባ በማድረግ የሾመ ሲሆን የትግራይ ጊዚያዊ አስተዳደር ሹመቱ ውድቅ ማድረጉ መረጃ መለዋወጣችን ይታወሳል።

ከቀናት በፊት ዒግራይ ላይ የአቶ ጌታቸው ረዳ ጊዜያዊ አስተዳደር ዐለም አረጋዊን ከንቲባ አድርጎ ሲሾም በደብረጽዮን ገ/ሚካኤል የሚመራው የህወሓት ቡድን ደግሞ ረዳኢ ገ/እግዚአብሔርን ከንቲባ አድርጎ መሾሙ ይታወሳል።

#TikvahEthiopiaMekelle

@tikvahethiopia            

TIKVAH-ETHIOPIA

02 декабря 2024 11:02

🛑 ውድ የምናከብራችሁ የቤተሰባች አባላት በሀሰተኛ ገጾች ተታላችሁ ጊዜያችሁን እንዳታባክኑ ገንዘባችሁንም እንዳትበሉ አደራ እንላለን።

በቲክቫህ ኢትዮጵያ የቤተሰብ አባላት መሰባሰቢያ መድረክ ስም በርካታ ሀሰተኛ ገጾች ተከፍተው በማስታወቂያ ስም ገንዘብ እንደሚሰበስቡ ከዚህ ቀደም አሳውቀናል።

እኚህ አጭበርባሪዎች አሁን በዚሁ ተግባራቸው ቀጥለዋል።

ከቲክቫህ ኢትዮጵያ ጋር ምንም አይነት ግንኙነት ስለሌላቸው ጥንቃቄ ታደርጉ ዘንድ በትህትና እንጠይቃለን።

ከሰዎች ገንዘብ ለመሰብሰብ የሚያንቀሳቅሷቸው ገጾች እና ስልክ ቁጥሮች ከላይ ተያይዟል። ለሚመለከታቸው አካላትም ይድረስ !

የቲክቫህ ኢትዮጵያ መድረኮችን ሁሉ እናተው እስከ ገነባችሁት ድረስ ድምጻችሁን ማሰማት፣ ጥያቄያችሁን ማቅረብ ትችላላችሁ።

ከዚህ ባለፈ ከትልልቅ ድርጅቶች በስተቀር ወጣት ስራ ፈጣሪዎች፣ ጀማሪዎች የሆናችሁ የቲክቫህ አባላት ለማስታወቂያ ምንም ክፍያ አይጠበቅባችሁም በነጻ መገልገል ትችላላችሁ።

ቲክቫህ ኢትዮጵያ ከመነሻው አንስቶ በየትኛውም አካል / ድርጅት / ተቋም የማይደገፍ ፣ ድጋፍም የማይጠይቅ ፣ ጠይቆም የማያውቅ መድረክ ነው።

መድረኩ በቀናና ሚዛናዊ አመለካከት ቅድሚያ ሰውነትን ባስቀደሙ ነገሮችን በማመዛዘን የሚመለከቱ ፣ ከጥላቻ እና ጎጂ አመለካከት የነጹ ዜጎችን በማሰባሰብ እርስ በእርስ መረጃ ለመለዋወጥ ፣ ለመተጋገዝ ፣ የአባላቱን ድምጽ ለማሰማት የሚንቀሳቀስ ብቻ ነው።

ከዚህ በተጨማሪ ውድ ቤተሰቦቻችን በትክክለኛው ቲክቫህ ኢትዮጵያ ስም የሚንቀሳቀስ ፦

❌ ምንም አይነት አክቲቭ የYoutube ገጽ የለም።

❌ ምንም አይነት የTikTok (ቲክቶክ) ገጽ የለም።

❌ ምንም አይነት የFacebook ገጽ የለም።

@tikvahethiopia

TIKVAH-ETHIOPIA

01 декабря 2024 19:41

#ጉምሩክ

" ከስተም (ጉምሩክ) ውስጥ ተደራድሮ ገንዘብ የሚቀበል ሌባ ሰራተኛ (ሰነድ ምርመራ፣ ፍተሻ ...) እንዳለው ሁሉ ሀቀኛ ሰራተኛም አለ " - የጉምሩክ ኮሚሽን የሕግ ተገዢነት ዘርፍ ም/ኮሚሽነር ባዘዘው ጫኔ

🚨" ሀቀኛ አስመጪዎች እንዳሉት ሁሉ ኔትዎርክ ፈጥረው ሃገሪቱን የሚመነትፉ አሉ !  "

👉 " በአክሰሰሩና ዋጋውን በሚተምነው እጅ ላይ ነው ያለነው ፤ እሱ ደስ ካለው ከተመቸነው ዝቅ ያደርጋል ካልተመቸነው ከፍ ያደርጋል ! " - አስመጪ

ከሰሞኑን በአዲስ አበባ ከተማ ከአስመጪዎች እና አምራቾች ጋር በነበረው የውይይት መድረክ በተሳታፊዎች በኩል ጉምሩክ ውስጥ ስላሉ ችግሮች ተነስቶ ነበር።

የጉምሩክ ኮሚሽን የሕግ ተገዢነት ዘርፍ ምክትል ኮሚሽነር ባዘዘው ጫኔ በተገኙበት መድረክ ነው ከስተም (ጉምሩክ) ውስጥ ስላለው ችግር የተነሳው።

አንድ የመድረኩ ተሳታፊ ፤ " ከስተም ያሉ ሰዎች ለአንድ እቃ ብዙ አይነት ዋጋ ነው የሚሰጡት " ብለዋል።

" እኔ ከምን የመነጨ እንደሆነ አይገባኝም። አንዳንዴ የምትናደዱበት ሁኔታ ይፈጠራል። ምናለ ሞጆ ሄጄ ባስቀረጥኩ፣ ምናለ ቃሊቲ ባስቀረጥኩ እያላችሁ የምትናደዱበት ሁኔታ ይፈጠራል " ሲሉ ገልጸዋል።

" ይሄ ከቅርንጫፍ ቅርንጫፍ ልዩነት አለው የቀረጡ ዋጋ ፤ እኔ በቅርብ አንድ ወር ባልሞላ ጊዜ ውስጥ ያወጣሁት እቃ ስላለ ነው እንደዚህ ጨከን ብዬ የምናገረው " ብለዋል።

" ከቅርንጫፎች ባለፈ ደግሞ ያለው የክፍተት መጠን እንዲህ ነው ብሎ መናገር ይከብዳል  ፤ 6 / 7 አይነት ዋጋ አለ በቃ በአክሰሰሩና ዋጋውን በሚተምነው እጅ ላይ ነው ያለነው ፤ እሱ ደስ ካለው ከተመቸነው ዝቅ ያደርግልናል ችግር የለውም ካልተመቸነው ከፍ ያደርግብናል " ሲሉ ያለው ችግር አስረድተዋል።

የጉምሩክ ኮሚሽን የሕግ ተገዢነት ዘርፍ ምክትል ኮሚሽነር ባዘዘው ጫኔ በጉዳዩ ላይ ምላሽ ሰጥተዋል።

በዚህ ባለፈው የመጀመሪያ ሩብ ዓመት 10.4 ሚሊዮን ላይን አይተምን ዋጋ ፕሌት መደረጉን ጠቁመዋል።

ከቅርንጫፍ ቅርንጫፍ ዋጋ ይለያያል በሚለው ጉዳይ " በመሰረቱ ዋጋ በማዕከል ነው የሚደራጀው " ሲሉ መልሰዋል።

አቶ ባዘዘው ፥ " እናተ ጋር እንዳለው ሁሉ እኛም ጋር ከፍተኛ የስነምግባር ችግር አለ " ያሉ ሲሆን " ከስተምስ (ጉምሩክ) ውስጥ ሌባ አለ ተደራድሮ ገንዘብ የሚቀበል ፣ ፈታሽ ፣ ሰነድ ምርመራ አለ ስለምንጠይቃቸው፤ የምንጠይቀው አስመጪ አለ የምንጠይቀው ትራንዚተር አለ ፤ ስለ ትራንዚስተር ስላላወራችሁ ነው መሃል የሚደልል መአት አለ " ብለዋል።

በከስተም (ጉምሩክ) ውስጥ ሌባ ሰራተኞች እንዳሉ ሁሉ ስራቸውን በአግባቡ የሚሰሩ ሀቀኛ ሰራተኞችም አሉ ሲሉ ተናግረዋል።

ሀቀኛ አስመጪዎች እንዳሉት ሁሉ ኔትዎርክ ፈጥረው ሃገሪቱን የሚመነትፉ እንዳሉ በግልጽ አሳውቀዋል።

" እዚህ ቦታ ብፃአን አይደለም ያለው ሁሉም ቦታ ያለ ችግር አለ እሱን ለማስተካከል በጋር መስራት ይጠይቃል ፤ እንዲህ አይነት ጉራማይሌዎችን እያስተካከልን እንሄዳለን " ሲሉ ቃል ገብተዋል።

#TikvahEthiopiaFamily
#ጉምሩክ

@tikvahethiopia

TIKVAH-ETHIOPIA

01 декабря 2024 19:40

#SavetheChildren #MoH

የህፃናት አድን ደርጅት (Save the children) በኢትዮጵያ በ3 ክልሎችበ16 ወረዳዎች የክትባት ተደራሽነትን ለማስፋፋት የሚረዳ “ቡስት” የተሰኘ ፕሮጀክት ይፋ አድርጓል።

ድርጅቱ ፕሮጀክቱን ይፋ ያደደረገው ከጂኤስኬ ተገኘ በተባለ የገንዘብ ድጋፍ ፣ ከጤና ሚኒስቴር ጋር በመተባበር ነው።

ፕሮጀክቱ በአማራ፣ ኦሮሚያና ሶማሌ ክልሎች በሚገኙ 16 ወረዳዎች ተግባራዊ ይደረጋል ተብሏል።

ክትባት በሚስጥበት ወቅት ገጠራማ በሆኑ ቦታዎች ለትራንስፓርት አገልግሎት የሚረዱ 50 ታብሌቶች የተገጠሙላቸው 52 ሞተር ሳይክሎችን ድርጅቱ አበርክቷል።

ድርጅቱ ፥ “ በዚህ ፕሮጀክት ከ200 ሺሕ በላይ ልጆች እንዲከተቡ ይደረጋል ” ሲል ለቲክቫህ ኢትዮጵያ ተናግሯል።

ቲክቫህ ለህጻናቱ የሚሰጡት ክትባት የምን በሽታ መከላከያ ነው ? ሲል ላቀገበው ጥያቄ “ በጤና ሚኒስቴር የተቀመጡትን 13ቱንም ክትባቶች ሳፓርት እናደርጋለን ” የሚል መልስ ከድርጅቱ ተሰጥቷል።

ክትባቱ ፦
- ሚዝልስ፣
- ፓሊዮ፣
- ዲያሪያ፣
- ኒሞኒያና ከመሳሰሉ ህመሞች የሚከላከል ነው ተብሏል።

የጤና ሚኒስቴር ሚኒስቴር ዴዔታ ዶ/ር ደረጄ ድጉማ “ በኢትዮጵያ ውስጥ ክትባት በአግባቡ ያልወሰዱና ጭራሽም ያልወሰዱ በርከት ያሉ ህፃናት አሉ ” ሲሉ ጠቁመዋል።

እኚህም ከ1 ሚሊዮን በላይ እንደሚሆኑ ገልጸዋል።

እነዚህም ራቅ ያሉ ቦታዎች ላይ የሚገኙ ናቸው።

ምንም ክትባት ያላገኙና ጀምረው ያቋረጡ ህፃናት በአብዛኛው በአማራ፣ ኦሮሚያና በሶማሌ ክልሎች እንደሚገኙ በጥናት መረጋገጡን ገልጸዋል።

ያንብቡ : https://telegra.ph/Tikvah-Ethiopia-12-01

 #TikvahEthiopiaFamilyAA

@tikvahethiopia

TIKVAH-ETHIOPIA

01 декабря 2024 10:52

የኤርትራው ፕሬዝዳንት ምን አሉ ?

🔵 " ሕገ-መንግሥቱ ለውጥረት መንስዔ ከመሆኑም ባሻገር ሀገር ግንባታን የሚያስፋፋ አይደለም " - የኤርትራው ፕሬዝዳንት

የኤርትራው ፕሬዝደንት ኢሳያስ አፈወርቂ ትላንት ምሽት በመንግሥታቸው የቴሌቪዥን ጣቢያ ቀርበው ስለወቅታዊ ጉዳዮች ቃለ-ምልልስ ሰጥተዋል።

ፕሬዝደንቱ ሶማሊያ፣ ግብፅ እና ሀገራቸው ኤርትራ ስለገቡት ስምምነት፣ በኢትዮጵያ በተለይ በትግራይ ክልል ስላለው ሁኔታ ተናግረዋል።

ምን አሉ ?

➡️ አሁን በኢትዮጵያ ያለው ግጭት እና ኢትዮጵያ ከጎረቤት ሀገራት ጋር ያላት አለመስማማት የመነጨው በአውሮፓውያኑ 1994 ተግባራዊ በሆነው ሕገ-መንግሥት ነው (ብሔር ተኮር አሰራር የዘረጋ)። ሕገ-መንግሥቱ ለውጥረት መንስዔ ከመሆኑም ባሻገር ሀገር ግንባታን የሚያስፋፋ አይደለም።

➡️ ኢትዮጵያ ከራሷ ጋር ሰላም ካልፈጠረች ቀጣናው ለሚያስፈልገው መረጋጋት፣ ትብብር እና መቻቻል አዎንታዊ አስተዋፅዖ አይኖራትም።

➡️ የኢትዮ-ኤርትራ ጦርነት እንዲሁም ለ20 ዓመታት ያክል በባድመ ምክንያት በሁለቱ ሀገራት መካከል ሰፍኖ የቆየው ውጥረት የዚህ ፖሊሲ ውጤት ነው።

➡️ በኢትዮጵያ እና ኤርትራ መካከል ለነበረው የድንበር ግጭት የውጭ ኃይሎች ተጠያቂ ናቸው። በኢትዮጵያ አዲስ አስተዳደር [የዶ/ር ዐቢይ አሕመድ መንግሥት] ከመጣ በኋላ የተቀሰቀሰውም ጦርነት በዚህ አግባብ ሊታይ ይገባል።

(ፕሬዝደንቱ በቀጣናው እንዲሁም በመላው የአፍሪካ ቀንድ ግጭት እያስፋፉ ነው ያሏቸው የውጭ ኃይሎችን ማንነት በስም አልጠቀሱም)

➡️ ህወሓት በኢትዮጵያ የመጣውን ለውጥ ' አልቀበልም ' ብሎ ጦርነት ውስጥ በመግባት ኤርትራ ውስጥ ከ70 በላይ ዒላማዎችን በረዥም ርቀት ሮኬት መትቷል።  የኤርትራ መንግሥት ህወሓት ከዚህ ድርጊቱ እንዲቆጠብ ያቀረበው ጥሪ ሰሚ አላገኘም።

➡️ ከፕሪቶሪያ የሰላም ስምምነት በኋላ በአማራ ክልል ግጭት ተከስቷል። ከዚህ ጋር በተያያዘ በመንግሥታችን ላይ የሚነሳውን ወቀሳ አንቀበልም። ደም አፋሳሽ ጦርነት ውስጥ ከመግባት ሁሌም እንደሚቆጠቡ ነው የምናሳስበው።

➡️ ዓላማችን በቀጣናው ሰላም እና መረጋጋት እንዲሰፍን ነው። የውጭ ኃይሎች ጣልቃ እንዲገቡ ክፍተት ላለመፈጠር እንሰራለን።

🔴 በትግራይ ክልል በተካሄደው ጦርነት የኤርትራ ሠራዊት መሳተፉ ይታወሳል። በዛም እጅግ በርካታ ግፍ እና የጦር ወንጀል በመፈጸም ይከሰሳል። ጦርነቱን ካስቆመው የፕሪቶሪያ ስምምነት በኋላ ግን የኤርትራ መንግሥት ከኢትዮጵያ ጋር ያለው ግንኙነት መቀዛቀዝ ተስተውሎበታል።

ከግብፅ እና ሶማሊያ ጋር ስላደረጉት ስምምነት ምን አሉ ?

ኢትዮጵያ ከሶማሊላንድ ጋር የባሕር በር የማግኘት የመግባቢያ ስምምነት ከተፈራረመች በኋላ ከሶማሊያ ጋር አለመግባባት ውስጥ እንደገባች ይወቃል።

ግብፅም በታላቁ የሕዳሴ ግድብ ምክንያት ከኢትዮጵያ ጋር አለመግባባት ውስጥ እንዳለች ይታወቃል።

ኢትዮጵያ በቀይ ባሕር ላይ መተላለፊ እንዲሁም ሚና እንዲኖራት ያላትን ፍላጎት ይፋ ካደረገች በኋላ በቀጥታም ባይሆን ኤርትራ ደስተኛ አለመሆኗን ስታሳይ ነበር።

በዚህም የሶማሊያው ፕሬዝዳንት አንድ ዓመት ባልሞላ ጊዜ ውስጥ በኤርትራ ከሦስት ጊዜ በላይ ጉብኝት አድርገዋል።

በተጨማሪም ሶማሊያ ከግብፅ ጋር የወታደራዊ ስምምነት መፈራረሟን ተከትሎ አሥመራ ላይ የተፈረመው የጋራ ስምምነት ከኢትዮጵያ አንጻር መሆኑ በተደጋጋሚ ሲነገር ቆይቷል።

ነገር ግን የኤርትራው ፕሬዝዳንት ይህንን አስተባብለዋል።

ፕሬዝደንት ኢሳያስ አፈወርቂ ፦

👉 የውጭ ኃይሎች እና አቀንቃኞች በመገናኛ ብዙኃን እና በማኅበራዊ ሚዲያ የሚያሠራጩት የተዛባ መረጃ እና ዘመቻ በቀጣናው ግጭት ያባብሳል።

👉 ይህ በመገናኛ ብዙኃን ላይ የሚሠራጨው የመነጨው ከልብ ለኢትየጵያ ከማሰብ አይደለም።

👉 በሦስቱ ሀገራት መካከል የተደረሰው ስምምነት ዋና ዓላማው በቀጣናዊ መረጋጋትን ማስፈን ነው።

👉 የኤርትራ ዋና ፍላጎት በመላው የአፍሪካ ቀንድ፣ በአባይ ተፋሰስ እና በቀይ ባሕር አጎራባች ሀገራት መረጋጋት እና ትብብር እንዲኖር ነው።

👉 ኤርትራ በፍፁም ኢትዮጵያ ያለመረጋጋት ውስጥ ገብታ የማየት ፍላጎት የላትም። በቀጣናው ሀገራት መካከል የሚደረሱ ስምምነቶች ያለመተማመንን ይቀርፋሉ፤ ፍሬያማም ናቸው።

... ብለዋል።

ቲክቫህ ኢትዮጵያ መረጃውን ከቢቢሲ አማርኛ አገልግሎት ነው የወሰደው።

@tikvahethiopia

TIKVAH-ETHIOPIA

30 ноября 2024 21:20

#AddisAbaba

“ አንዳች ነገር ኮሽ ባላለበት ከተማ ‘ቦምብ ፈነዳ፣ ሰዎች ሞቱ ፣ የፓሊስ አባላት ሞቱ ’ እየተባለ ስለሚወራው ወሬ ራሱ ነዋሪው ነው የሚታዘባቸው ” - የአዲስ አበባ ፓሊስ

በአዲስ አበባ ከተማ አስተዳደር “ ሰሚትና አያት አካባቢዎች የቦንብ ፍንዳታ ተከስቷል ” የሚሉ ወሬዎች ከትላንት ጀምሮ በX (ትዊተር) ላይ በስፋት ሲራወጡ ተስተውሏል።

ይህ መረጃ ዋና መነሻው የኢትዮጵያን ጉዳይ እየተከታተሉ ከሚፅፉ ገጾች ነው።

ጉዳዩን ግን በብዛት ሲያሰራጩት የተስተዋሉት ግብፃዊያን እና ሱማሊያዊያን ሲሆኑ፣ በቦምብ ፍንዳታው ሰዎች እደሞቱ ፣ የፓሊስ አባላት እንደተገደሉ ነው መረጃ ሲያሰራጩ የተስተዋሉት።

ቲክቫህ ኢትዮጵያም፣ በX (ቲዊተር) እየተራወጠ ያለውን መረጃ በተመለከተ የአዲስ አበባ ፓሊስ ኮሚሽንን መልዕክት እንዲያስተላልፍ ጠይቋል።

የኮሚሽኑ የሕዝብ ግንኙነት ዳይሬክተር ኮማንደር ማርቆስ ታደሰ፣ “ በከተማዋ ያለው ሰላም አስተማማኝ ነው ” ብዋል።

እንዲህ ያለ የሐሰተኛ መረጃ በሚነዙ አካላት ላይ እርምጃ እንደሚወሰድ በአንክሮ ገልጸዋል።

ኮማንደር ማርቆስ ታደሰ ምን አሉ ?

“ ማንም በዬጫት ቤቱ ቁጭ ብሎ የሚያወራውን የመንግስት ተቋም ምላሽ የሚሰጥ ከሆነ በጣም አስቸጋሪ ነው የሚሆነው።

ማኀበራዊ ድረ ገጹ እንደሚታውቀው ነው።

በጣም ጥቂት ድረገጾች ናቸው ትክክለኛና ታማኝ መረጃ የሚዘግቡት እንጂ በአብዛኛው የከተማው ሰላም መሆን የሚያስጨንቃቸውም ስለሆኑ ዓይናቸው ደም ይለብሳል።

እንደዚህ ተወለደ ፣ እንደዚህ ተፈጠረ እያሉ ያልተፈጠረ ነገር እያወሩ ሰው በሰላም ገብቶ እንዳይወጣ ሽብር የመንዛት ሀሳብ ነው ያላቸው።

የከተማው ሰላም አስማማኝ መሆኑን 24 ሰዓት የነዋሪውን እንቅስቃሴ በማዬት ብቻ ማረጋገጥ ይቻላል። ምንም አይነት ጥናትም የሚያስፈልገው ጉዳይ አይደለም። 

ከተማው 24 ሰዓት ክፍት ነው። አንዳች ነገር ኮሽ ባላለበት ከተማ ‘ቦምብ ፈነዳ፣ ሰዎች ሞቱ፣ የፓሊስ አባላት ሞቱ’ እየተባለ ስለሚወራው ወሬ ራሱ ነዋሪው ነው የሚታዘባቸው።

የተለመደ የበሬ ወለደ አይነት ወሬያቸው ነው። ዞሮ ዞሮ የከተማው ነዋሪ አሁን በጣም ገብቶታል። ለእነርሱ የሐሰት መረጃም ምንም ምላሽም አይሰጥም ትዝም አይለውም። መደበኛ ሥራውን ነው የሚምራው።

ከተማው አንዳችም የጸጥታ ችግር ያለበት ሁኔታ ላይ አይደለም። ሰላማዊ የሆነ እንቅስቃሴ ነው ያለው።

ምንም ነገር በሌለበት ሁኔታ እንደዚህ የሚሉ ግለሰቦችም ይሁኑ ቡድኖች ከድርጊታቸው እንዲታቀቡ ነው መልዕክት ማስተላለፍ የምንፈልገው።

እንደ አዲስ አበባ ፓሊስ የከተማው የጸጥታ ጉዳይ በቀጥታ የሚመለከተው ነው። ኃላፊነትም ተቀብሎ እየተንቀሳቀሰበት ያለ ጉዳይ ነው። እንደዚህ አይነት ሥራ በሚሰሩ ሰዎች ላይ ሕጋዊ እርምጃ ይወስዳል። ”  ብለዋል።

#TikvahEthiopiaFamilyAA

@tikvahethiopia

TIKVAH-ETHIOPIA

30 ноября 2024 21:13

#AddisAbaba : የአዲስ አበባ ከተማ አስተዳደር አዳዲስ ሹመቶችን ሰጥቷል።

አቶ ግርማ ሰይፉ ከኢንቨስትመንት ኮሚሽን ኮሚሽነር ተነስተው የከተማ ውበትና አረንጏዴ  ልማት ቢሮ ኃላፊ ሆነው ተሹመዋል

ወ/ሮ ቆንጂት ደበለ የኢንቨስትመንት ኮሚሽን ኮሚሽነር ሆነዋል።

ከዚህ ባለፈ ወ/ሮ ኒዕመተላህ ከበደ⁠ የኮልፌ ቀራኒዮ ክፍለ ከተማ ዋና ስራ አስፈፃሚ ሆነዋል።

ወ/ሮ ይመኙሻል ታደሰ ከከተማ ውበትና አረንጏዴ  ልማት ቢሮ ኃላፊነት ተነስተው የአዲስ አበባ ከተማ ምክትል ስራ አስኪያጅ ሆነው ተሹመዋል።

አቶ ሙባረክ ከማል የባህል ኪነ-ጥበብና ቱሪዝም ቢሮ ጽ/ቤት ኃላፊ ፤ አቶ ሁንዴ ከበደ - የባህል ኪነ-ጥበብና ቱሪዝም ቢሮ የባህል ዘርፍ ምክትል ኃላፊ ሆነው መሾማቸው ታውቋል።

አቶ ታረቀኝ ገመቹ ደግሞ የንግድ ቢሮ ፅ/ቤት ኃላፊ⁠ ሆነዋል።

@tikvahethiopia

TIKVAH-ETHIOPIA

30 ноября 2024 13:52

የአክሱም ፅዮን በዓል !

" አክሱም ፍፁም ሰላም ናት ፤ ለአገር ውስጥና የውጭ ቱሪስቶች የሚያውክ የፀጥታ ስጋት የለም " - የአክሱም ከተማ ከንቲባ አበበ ብርሃነ

ዓመታዊው የአክሱም ህዳር ፅዮን 2017 ዓ.ም በዓል በልዩ ድምቀት መከበሩን አክሱም የሚገኘው የቲክቫህ ኢትዮጵያ ቤተሰብ አባል አሳውቆናል።

በዓሉ ለመታደም ከቅርብ እና ከሩቅ የመጡ በመቶ ሺዎች የሚቆጠሩ ምእመናን ምእመናትና ጉብኚዎች ተገኝተው ነበር።

በዓሉ በሰላም ተከብሮ መጠናቀቁም ታውቋል።

አክሱም ከተማ እጅግ ደምቃለች።

ከበዓሉ ጋር በተያያዘ ግን ወደ አክሱም የሚደረግ የአውሮፕላን ትኬት ዋጋ ልክ በዓሉ ሲቃረብ መጨመሩ በርካቶችን እንዳስከፋ ከበዓሉ ታዳሚዎች ለመረዳት ችለናል።

የዋጋ ጭማሪው ከተጓዦች ባለፈ የጊዜያዊ አስተዳደሩ ካቢኔዎች መነጋገሪያ የሆነ ሲሆን በጉዳዩ ላይ እንደሚነጋገሩበት ለመረዳት ተችሏል።

በሌላ በኩል ፤ ካለፉት የአከባበራ ዓመታት በተለየ መልኩ ዘንድሮ በበዓሉ የክልሉ ጊዚያዊ አስተዳደር ፕሬዜዳንት አቶ ጌታቸው ረዳ ጨምሮ የተገኘ ከፍተኛ የመንግስትም ሆነ የፓለቲካ ፓርቲ አመራር  የለም።

በአክሱም የሚገኘው የቲክቫህ ኢትዮጵያ የመቐለ ቤተሰብ አባል ከበዓሉ አዘጋጆች ጠይቆ ባገኘው መረጃ ፤ ለሁለት የተከፈሉት የህወሓት አመራሮች በበዓሉ መልእክት እንዳያስተላልፉ መከልከላቸውን አረጋግጠዋል።  

ይህ በእንዲህ እንዳለ የጊዚያዊ አስተዳደሩ ፕሬዜዳንት ጌታቸው ረዳ በ X ገፃቸው ፤ የህወሓት ሊቀ-መንበር ደብረፅዮን ገ/ሚካኤል (ዶ/ር) በፌስኩክ ገፃቸው " የእንኳን አደረሳችሁ !! " መልእክት አስተላልፈዋል።  

ዛሬ በተከናወነው ደማው የበዓል ስነስርዓት የአክሱም ከተማ ከንቲባ አበበ ብርሃነ ተገኝተው መልዕክት አስተላልፈዋል።

" ስጋት ያንዣበበባቸው የአክሱም ሀውልቶች የመጠገን ስራ ተጀምረዋል " ያሉ ሲሆን ጅምሩ ከጫፍ እንዲደርስ የፌደራል መንግስትና የዓለም አቀፍ የቅርሶች ተቆርቋሪ ተቋማት ድጋፋቸው እንዲቸሩ ጠይቋል።

" አክሱም ፍፁም ሰላም ናት፣ ለአገር ውስጥ እና የውጭ ቱሪስቶች የሚያውክ የፀጥታ ስጋት የለም " ያሉት ከንቲባው " በትግራይ የፀጥታ ሃይሎች ላይ የሚደረገው ስም የማጥፋት ዘመቻ በመከላከል ህዝቡ የበኩሉ እንዲወጣ " ሲሉ አደራ ብለዋል።

በዋዜማ እና በዋናው የበዓሉ ዕለት በ14 ቤተ መቅደሶች በአበው ጳጳሳት የተመሩ የቅዳሴ ፣ የስብከት እና የመዝሙር ስነ-ሰርዓቶች ተከናውነዋል።

ከታሪካዊቷ ዓድዋ በ25 ኪ/ሜ ፣ ከእንዳስላሰ-ሽረ ከተማ በ60 ኪ/ሜ ርቀት የምትገኘው ቅድስት እና ታሪካዊትዋ የአክሱም ከተማ በውስጥዋ እና በዙሪያዋ በቱሪስት መስህቦች የበለፀገች ናት።
- የታቦተ ፅዮን ማድሪያ
- የበርካታ ሀውልቶች መገኛ 
- የማህሌታይ ያሬድ የሙዚቃ ኖታ እና የፈላስፋ ዘርዓያዕቆብ ማህደር
- የኢትዮጵያ ፊደላት ፣ ቁጥር ፣ የግእዝ ቋንቋና  የዘመን አቆጣጠር ያበቀለች
- የኢትዮጵያ የኪነ-ህንፃና ስነ-ፅሁፍ መፍለቂያ
- የነገስታት መቃብር
- የተለያዩ የእጅ ጥበብ ውጤቶች
- ጥንታዊ ሙዝየሞችና ሌሎች መገኛ ናት አክሱም። 

እንዲሁም በአርኪሎጂስቶች ግኝት መሰረት ከአክሱም ከተማ ቀድሞ መመስረቱ የሚነገርለት በእንዳስላሰ-ሽረ ከተማ አጠገብ የማይ አድራሻ ጥንታዊ ከተማ ፤ ነጮች የተሸነፉበት የዓድዋ እና የተምቤን ወርቃኣምባ ታሪካዊ ተራራዎች ከአክሱም ከተማ በቅርብ ርቀት ይገኛሉ።

#TikvahEthiopiaFamilyAxum

ፎቶ፦ ትግራይ ቴሌቪዥን

@tikvahethiopia            

TIKVAH-ETHIOPIA

30 ноября 2024 13:52

#MPESASafaricom

ጊዜ እና ገንዘባችን ሳይባክን በM-PESA ያለምንም ክፍያ ብር በመላክ ነጻ አገልግሎታችንን እናጣጥም!

የM-PESA ሳፋሪኮም መተግበሪያን በዚህ ሊንክ እናውርድ https://play.google.com/store/apps/details?id=et.safaricom.mpesa.lifestyle

የቴሌግራም ቻናላችንን እዚህ እንቀላቀል 👉/channel/Safaricom_Ethiopia_PLC

ስለ አገልግሎታችን ማንኛውንም ጥያቄ ወይም መረጃ  በቴሌግራም   ቻናላችን /channel/Safaricom_Ethiopia_PLC 24/7 ማግኘት ይቻላል!
 
#FurtherAheadTogether

TIKVAH-ETHIOPIA

29 ноября 2024 20:23

" ሰው ሞተ ሲባል ስንት ነው ? ማለት ጀምረናል ይኼን ያህል ነው ሞትን የተለማመድነው " - ወጣት ነዋሪዎች

በሽርካ ወረዳ ትላንት ለሊት ከተፈጸመው ግድያ በኃላ በተለይ ወጣቶች አካባቢያቸውን ለቀው ለመውጣት መገደዳቸውን በእድሜ የገፉ ነዋሪዎች ለቲክቫህ ኢትዮጵያ ተናግረዋል።

ቲክቫህ ኢትዮጵያ የወጣቶቹን ቃል ተቀብሏል።

ምን አሉ ?

" ወጣቱ አከባቢውን ጥሎ ወጥቷል። የቀሩት ቤተሰቦቻችን ናቸው ለእነሱ ነው ከፍተኛ ስጋት ያለን።

አሁን ላይ ያየነውን እንኳን መናገር አንችልም ፤ ማን እንደሚጠቁምብህ አታቅም። ሁሉም ፈርቶ  ዝም ብሎ ነው የተቀመጠው።

አሁን ላይ ይኽ እልቂት ተፈጸመ እንጂ በየጊዜው የሚሰማው ነገር ይዘገንናል።

ሰው ሞተ ሲባል ስንት ነው ? ማለት ጀምረናል ይኼን ያህል ነው ሞት የተለማመድነው።

አምና በተመሳሳይ ወቅት ተመሳሳይ ውጥረት ነበር። አብዛኛው ሰው ጥቃቱን ሽሽት ወደ ከተማ መጥቷል።

አሁን አዝመራ የሚሰበሰብበት ወቅት ነው። ሰዎች በጋራ ተሰብስበው ለማረስ ሲሄዱ ጥቆማ የሚሰጥ አካል አለ ጥቃቱ የሚጀምረው ከመንገድ ላይ ነው።

ያለፉት ወራት ሰዎች ይታገታሉ የሚጠየቀው ብር ነበር አሁን ግን ግድያ እየተፈጸመ ነው።

ቀጣይ ወራት ስጋት አለ አዝመራ ለመሰብሰብ ሲመጣ ጠብቀው ያጠቋቸዋል ፤ እስከ ታኅሳስ መጨረሻ ስጋት ነው።

በፊት ሰው ታግቶ ጫካ ድረስ ትጓዛለህ አሁን 200 ሜትር አትጓዝም እዚያው የሚቀበልህ ሰው ይመጣል።

ይህን ያህል ነው የአካባቢው የፀጥታ ችግር። "

የአካባቢው ነዋሪዎች እውነተኛ ፍትህ እንዲሰፍን ፣ ተጠያቂነት እንዲረጋገጥ ደህንነታቸው እንዲጠበቅ ለሚመለከተው አካል ሁሉ በቲክቫህ ኢትዮጵያ በኩል አቤት ብለዋል።

#TikvahEthiopiaFamily

@tikvahethiopia

TIKVAH-ETHIOPIA

29 ноября 2024 19:52

#ሽርካ

" በየቤቱ ይዘው በማገት ወደ ወንዝ አካባቢ ወስደዋቸው፤ አሰልፈው ነው የገደሏቸው " - ነዋሪዎች

በኦሮሚያ ክልል አርሲ ዞን ሽርካ ወረዳ ትላንት በአካባቢው የሚንቀሳቀሱ ታጣቂዎች 9 ሰዎችን ከቤታቸው በመውሰድ መግደላቸውን የተጎጂ ቤተሰቦች እና ነዋሪዎችን ዋቢ በማድረግ ቢቢሲ አማርኛ ዘግቧል።

ግድያው የተፈጸመው ሐሙስ ኅዳር 19/ 2017 ዓ.ም. ከሌሊቱ 6፡00 አካባቢ መሆኑን ቤተሰቦች ገልጸዋል።

ታጣቂዎቹ 9 ወንዶችን ከቤታቸው ከወሰዱ በኋላ ወንዝ አካባቢ እንደገደሏቸው ገልጸዋል።

በወረዳው ሶሌ ፈረንቀሳ በተባለ ቀበሌ የተፈጸመው ግድያ " ሃይማኖት ተኮር " እንደሆነ ነዋሪዎች እና ቤተሰቦች አመልክተዋል።

" በየቤቱ ይዘው በማገት ወደ ወንዝ አካባቢ ወስደዋቸው፤ ዘጠኙን አንድ ላይ አሰልፈው ነው የገደሏቸው " ያሉ አንድ የአካባቢው ነዋሪ፤ ከከሟቹች ውስጥ አንዱ የ42 ዓመት ዕድሜ ያላቸው አጎታቸው መሆናቸውን ተናግረዋል።

ሟቾቹ " አንድ ሰፈር " የሚኖሩ ጎረቤቶች እና ዘመዳሞች እንደሆኑ የተናገሩት የአካባቢው ነዋሪ ሰለባዎቹ " በሙሉ የእኛ ቤተሰቦች ናቸው " ብለዋል።

ጥቃቱ ከደረሰ በኋላ አካባቢው ላይ እንደደረሱ የተናገሩ አንድ የተጎጂ ቤተሰብ ከሟቾቹ ውስጥ ወንድማቸው እንደሚገኝበት አረጋግጠዋል።

እኩለ ሌሊት ላይ ወደ መኖሪያ መንደሩ የመጡት ታጣቂዎች እያንዳንዱን ሟች ከየቤቱ ለቅመው ወደ ወንዝ ወስደው እንደገደሉ ተናግረዋል።

ስጋት ውስጥ የነበረው የአካባቢው ማኅበረሰብ በማግስቱ ዛሬ ተኩስ ወደተሰማበት አካባቢ ፍለጋ መውጣቱን የተናገሩ አንድ ነዋሪ፤ አስከሬን ወንዝ ዳር " እንዳለ ተረፍርፎ ተገኘ " ብለዋል።

በእርሻ እና እንጨት ሥራ የተሰማሩ ነበር የተባሉት የአራት ልጆች አባት ሟች ከሌሎች ሰለባዎች ጋር ፈረንቃሳ በተባለ ወንዝ አቅራቢያ ተገድለው ተገኝተዋል።

ከሟቾቹ መካከል ሁለት የ70 ዓመት አዛውንቶች እንደሚገኙ የተናገሩ አንድ ነዋሪ፤ ሌሎቹ ደግሞ ከ45 ዓመት በታች የሆኑ እና በግብርና ሥራ የተሰማሩ የአካባቢው ነዋሪዎች ናቸው ብለዋል።

የተገደሉት ሰዎች የቀብር ሥርዓት ዛሬ በሶሌ ቅዱስ ሚካኤል ቤተክርስቲያን ተፈጽሟል።

ነዋሪዎች በጥቃቱ ቀን ከአካባቢው ሌሎች አ5 ሰዎችም ታግተው እንደተወሰዱ ገልጸው እስካሁን ታጋቾቹ እንዳልተገኙ ተናግረዋል።

አንድ ቤተሰብ የታገቱት ሰዎችን አስከሬን እየጠበቀ እንደነበር ጠቁመው ተወሰዱበት በተባለው ቦታ ቢፈለጉም አስከሬናቸው አልተገኘም ብለዋል።

ሌላ ነዋሪ ግን ከወንዙ ተሻግሮ ቡርቃ በተባለ አካባቢ አራቱ ሰዎች ሳይገደሉ እንዳልቀሩ ጠቁመዋል።

ባለፉት ቀናት በአካባቢው ተመሳሳይ ግድያዎች እና እገታዎች እንደነበሩ የተናገሩ አንድ ነዋሪ የኅዳር 19ኙ ጥቃት " ሌላ ዙር ጥቃት ነው " ብለዋል።

" በግራ በቀኝ ግድያ አለ። ከሦስት ቀን በፊት ሦስት ወይም አራት ሰዎች ተገድለዋል " ብለዋል።

ወረዳቸው ግድያ እና እገታ በተደጋጋሚ የሚፈጸምበት መሆኑን አመልክተዋል።

የአካባቢው ነዋሪ በተደጋጋሚ ጥቃቶች " የተፈናቀለ ነው " ያሉ ሌላ ነዋሪው፤ አካባቢው ተረጋግቷል በሚል ሰብል ለመሰብሰብ ወደ ቀበሌው ያመሩ ሰዎችም የግድያው ሰለባ እንደሆኑ ተናግረዋል።

በአካባቢው የሸኔ ታጣቂዎች በስፋት እንደሚንቀሳቀሱ የተናገሩት ነዋሪዎች፤ የፀጥታ ኃይሎች ጥቃት በደረሰበት ሶሌ ፈረንቀሳ ቀበሌ " የጥይት ተኩስ " በሚሰማበት ርቀት ላይ ይገኛሉ ብለዋል።

" ያን ያህል ርቀት በሌለበት ቦታ ላይ ነው ሰው እየተገደለ፤ ሰው ሞተ የሚለውን የሚሰሙት። ሁለት ኪሎ ሜትር ቢሆን ነው። ቢያንስ ተኩስ ይሰማል። የደረሰልን ግን የለም " ብለዋል።

ዛሬ ረፋድ ቀብር ከተፈጸመ በኋላ ሚካኤል ቤተክርስቲያን ውስጥ የአካባቢው አስተዳዳሪዎች ከመከላከያ ሠራዊት ጋር በመሆን ጥበቃ እንሚያደርጉላቸው ቃል መግባታቸውን የተናገሩ የሟች ቤተሰብ፤ " እንቆጣጠራለን፤ ሕዝቡ ከእኛ ጋር ይሁን " ማለታቸውን ተናግረዋል።

ይህ መረጃ ባለቤትነቱ የቢቢሲ አማርኛው ክፍል ነው።

@tikvahethiopia

TIKVAH-ETHIOPIA

29 ноября 2024 19:48

#ለጥንቃቄ🚨

" ሰሞኑን የተከሰተው ጉንፋን መሰል በሽታ ለመከላከል ህብረተሰቡ ከፍተኛ ጥንቃቄ ማድረግ አለበት " - የአዲስ አበባ ጤና ቢሮ

ሰሞኑን በስፋት የሚስተዋለውን ጉንፋን መሰል በሽታ ለመከላከል ከፍተኛ ጥንቃቄ ማድረግ እንደሚገባ የአዲስ አበባ ጤና ቢሮ ገለጸ፡፡

ቢሮ ለኢፕድ እንደገለጸው " ከሰሞኑ በስፋት የተከሰተው የጉንፋን በሽታ የላይኛውን የመተንፈሻ የሰውነት ክፍሎች የሚያጠቃ ተላላፊ ሕመም ነው " ብሏል።

በሽታውን ለመከላከልና እንዳይስፋፋ ህብረተሰቡ ከፍተኛ ጥንቃቄ ሊያደርግ ይገባል ሲልም አሳስቧል።

የተከሰተው ጉንፋን መሰል በሽታ በዋነኝነት በተለይ የኢንፍሉዌንዛ ቫይረሶች አማካኝነት የሚከሰት መሆኑን ገልጾ የላይኛውን የመተንፈሻ የሰውነት ክፍሎች ማለትም ፦
- አፍንጫን፣
- ጉሮሮን
- የአየር መተላለፊያ ባንቧን እንደሚያጠቃ ቢሮው አመልክቷል።

ከወቅታዊው የቅዝቃዜና ደረቅ የአየር ፀባይ ጋር ተያይዞ ለቫይረሶች ምቹ የመራቢያ ወቅት በመሆኑ በስፋት የሚሰራጭ መሆኑ ተጠቅሷል።

ትምህርት ቤቶችና ክረምቱን ተከትሎ የሚዘጉ የሥራ ተቋማት በመከፈታቸው የሰዎች ግንኙነት ከመጨመሩ ጋር ተያይዞ ስርጭቱ የጨመረ መሆኑ ተመላክቷል።

° ሳል፣
° ትኩሳት፣
° ራስ ምታት፣
° ጉሮሮን መከርከር፣
° ማስነጠስ፣
° የአፍንጫ ፈሳሽ መብዛት፣
° ከፍተኛ ድካም፣
° ብርድ ብርድ ማለት፣
° የትንፋሽ ማጠር እና የምግብ ፍላጎት መቀነስ ዋና ዋናዎቹ ምልክቶች ናቸዉ ተብሏል።

ቫይረሱ በቀላሉ ከሰው ወደ ሰው የሚተላለፍ ሲሆን በቫይረሱ የተጠቃ ግለሰብ በሚያስልበት እና በሚያስነጥስበት ጊዜ ከሚወጡ ጠብታዎች  ጋር ንክኪ፣ ቫይረሱ ያረፈበትን ቁሳቁስ ንክኪ ማድረግ ዋነኛ መተላለፊያ መንገዶች ናቸው።

በመሆኑም ፦
🔴 የእጅና የቁሳቁስ ንጽህናን በመጠበቅ፣
🔴 ሰዎች በተሰበሰቡበት ቦታ የአፍና አፍንጫ ጭምብል በማድረግ፣
🔴 ስፖርታዊ እንቅስቃዜን ማዘወትር፣
🔴 መስኮቶችን በመክፈት በቂ የአየር ዝዉዉር እንዲኖር ማድረግ
🔴 በቂ የጸሀይ ብርሀን ማግኘትና አትክልትና ፍራፍሬ በመመገብ በሽታውን መከላከል እንደሚገባ ቢሮው ገልጿል።

በሽታው በሁሉም ሰው ላይ የሚከሰት ቢሆንም በተለይም እድሜያቸው ከ5 ዓመት በታች የሆኑ ህጻናት፣ አዛውንቶችና እና ተጓዳኝ በሽታ ያለባቸው ሰዎች ላይ የሚጠነክር በመሆኑም በትኩረት መከላከልና ከተያዙ አስፈላጊው ክትትልና የህክምና ድጋፍ ሊያገኙ ይገባል ሲል አሳስቧል።

በመከላከያ መንገዶች ላይ ትኩረት ማድረግ በሽታውን ከመከላከል ጀምሮ በህመሙ ከተያዙ በቤት ውስጥ ከሚደረጉ ክትትሎች እና ወደ ጤና ተቋም በመሄድ አስፈላጊውን ህክምና ማግኘት ይገባል ተብሏል።

#EPA

@tikvahethiopia

TIKVAH-ETHIOPIA

29 ноября 2024 11:48

#ጭማሪ

የአዲስ አበባ ቀላል ባቡር ትራንስፖርት አገልግሎት ታሪፍ ላይ ጭማሪ ተደረገ።

አሁን አገልግሎት እየተሰጠበት ያለው 10 ብር ሲሆን ወደ 20 ብር ጭማሪ እንደተደረገ ታውቋል።

የታሪፍ ጭማሪው ከታኅሣስ 1/ 2017 ዓ.ም ጀምሮ ተግባራዊ እንደሚደረግ ከአዲስ አበባ ትራንስፖርት ቢሮ የተገኘው መረጃ ያሳያል።
 
@tikvahethiopia

TIKVAH-ETHIOPIA

29 ноября 2024 10:41

#Myanmar (Burma) #ማይናማር

" በህይወት እወጣለሁ ብዬ አላሰብኩም ነበር " - ሽኩር  (የአይን ምስክር)

" ስሜ ሽኩር ይባላል።

የኮቪድ-19 ወረርሽኝ ዓለምን ባመሰቃቃላ ግዜ እኔ ሥራ ካጡ ሰዎች አንዱ ነበርኩ።

በአገራችን ያለው የኢኮኖሚ ሁኔታ ጉዳዩን የበለጠ አባብሶት የነበረ ቢሆንም ለመኖር ሲባል ለ 7ወር የህል በመምህርነት አገልግያለሁ። ነገር ግን ገቢዬ ፍላጎቴን ለማሟላት በቂ አልነበረም።

አንድ ቀን በታይላንድ ውስጥ የውሂብ ማስገቢያ ኦፕሬተር ለመሆን በማህበራዊ ሚዲያ ላይ የስራ ማስታወቂያ አየሁ።

በጣም ማራኪ መስሎ ታየኝ። በወር 1,000 ዶላር ቃል ገቡልኝ።

ማረፊያ ቦታ እና በቀን 8 ግዜ የምግብ ሰዓት እንደለው    ተነገረኝ።

ቤተሰቤን እና ራሴን ከድህነት ለማላቀቅ እና የተሻለ ህይወት ለመኖር ወደ ታይላንድ መሄድ  እንዳለብኝ አሰብኩ።

በማስታወቂያው ላይ ያለውን ቁጥር አግኝቼ የመፃፍ ችሎታዬን እና የእንግሊዝኛ ችሎታዬን በቪዲዮ ገመገሙ። 

ከዛም ታይላድ ከሄድኩ በኃላ ተወዳደርኩ እና ፈተናውን አልፌ በመቀጠሬ ኩራት ተሰማኝ።

🛬 ስራው ለህልሜ መልስ ይሆናል ብዬ ነበር 🛬

በታይላንድ ውስጥ ያለው ስራ ለህልሜ መልስ ይሆናል ብዬ አስቤ ነበር ፤ ለቤተሰቤ እና ለጓደኞቼ የተሻለ ህይወት ይሰጥልኝ ይሆን ብዬም ነበር።

ነገር ግን ያሰብኩት ነገር ቅዠት ሆኖ ተገኘ።

ባንኮክ አየር ማረፊያ ስደርስ አንድ ሰው ወደ መድረሻው በር ወሰደኝና ሹፌሩን እንድጠብቅ ነገረኝ።

ሹፌሩ እኔንና ሌላ ሠራተኛ ጨምሮ እዞን ሄደ።

እዞን የሄደው ማይ-ሶት ወደምትባል የታይላንድ ትንሽ ከተማ (ማይናማር  ጋር ትዋሰናለች) ወደዛ ነው።

ያኔ ጨለማ ስለነበር ምን እየሆነ እንዳለ ሙሉ በሙሉ አላውቅም ነበር። 

ጥቂት ሰዎች ወደ እኛ መጡ፣ እና በጀልባ እንድንገባ አስገደዱን። ሳንፈልግ ወደ ማይናማር ወሰዱን። ማይናማር  ወዳለው ግቢ ስንደርስ ደነገጥኩ፣ ፈራሁ ፤ አቅመ ቢስ ሆንኩኝ።

🏦 አሰሪዎቻችን ህይወታችንን ተቆጣጠሩት 🏦

ግቢው ሰፊና በህንጻዎች የተሞላ ነበር።

እያንዳንዱ ሕንፃ አራት ፎቆች ያሉት ሲሆን እያንዳንዱ ወለል 16 ክፍሎች አሉት። እያንዳንዱ ክፍል አራት ተደራቢ አልጋዎች አሉት።

በግቢው ውስጥ አሠሪዎቻችን ሕይወታችንን ሙሉ በሙሉ ተቆጣጠሩት።

በሳምንት ሰባት ቀን እስከ 16 ሰአት እንድንሰራ አድርገውናል።

በሥራ ላይ እያለ እንቅልፍ ከተሰማን ወይም እግሮቻችንን ትይዩ ካላደረግን እንቀጣለን።

በግቢዎቹ ውስጥ በሺዎች የሚቆጠሩ ሰዎች ነበሩ። 

በጣም ብዙ ኢትዮጵያዊያን ፣ ህንዶች፣ ፊሊፒኖዎች፣ ፓኪስታናውያን፣ ቻይናውያን፣ ኢንዶኔዥያውያን፣ ሩሲያውያን፣ ዩክሬናውያን፣ ታይላንድ፣ ጃፓናውያን፣ አፍሪካውያን ከኡጋንዳ እና ኬንያ እና የአካባቢው  ማይናማር ሰዎች ጭምር ይገኙበታል።

👨‍💻 ስራው ማጭበርበር ነበር 👨‍💻 

በግቢው ውስጥ የነበረው ስራ አሰቃቂ ነበር።
 
ዋናው ሥራው በCrypto-currency ማጭበርበሮች በዓለም ዙሪያ ካሉ ሰዎች ገንዘብ መስረቅ ነበር።

አሰሪዎቻችን በማህበራዊ ሚዲያ ላይ የውሸት መገለጫዎችን (ፌክ ፕሮፋይል የሴት / የወንድ) እንድንፈጥር አስገድደውናል።

የተዘጋጀውን ስክሪፕት ተከትዬ፣ ከአሜሪካ ፣ ከጃፓን እንዲሁም ከታይዋን የውጭ ዜጎች እንዲወዱኝ አድርጌአለሁ።

አመኔታቸዉን ካገኘሁ በኋላ ብዙ ገንዘብ ማግኘት እንዲችሉ የCrypto-currency መድረክን አስተዋውቄያለሁ። 

ግን ሁሉም ውሸት ነበር።

እስከ ዛሬ ድረስ የተገደድኩበትን ሥራ ከቤተሰብ ወይም ከጓደኞቼ ጋር ለመካፈል አፍራለሁ።

ሰዎችን በማጭበርበር ተጸየፍኩኝ ነገር ግን ምንም ምርጫ አልነበረኝም ፤ ለህይወቴ እፈራ ስለነበር ነው።

🪖 ቦታው በታጠቁ ሰዎች ነው የሚጠበቀው 🪖

ከዚያ ቦታ ለማምለጥ ምንም መንገድ አልነበረም። 10 ጫማ ከፍታ ያላቸው ግድግዳዎች በላዩ ላይ ሽቦዎች ነበሯቸው።

ቦታው በታጠቁ ሰዎች ከፍተኛ ጥበቃ ይደረግለት ነበር። 

ከግቢው ለማምለጥ የሚደረግ ማንኛውም ሙከራ የሞት ምኞት ነው።

ሰዎችን ማጭበርበር አለመቻል ማለት አካላዊ ጉዳት ወይም ሞትንም ያስከትላል።

አንድ ጓደኛችን ለቅጣት ወደ ‘ ውሃ እስር ቤት ’ ተላከ። ተደብድቦ ወደ ቢሮው ተመለሰ ከዛ በኃላ ማውራትም ሆነ መሄድ አልቻለም።

ሞባይል ስልኮቻችንን፣ ፓስፖርቶቻችንን እና ሁሉንም የግል ማህደሮች የባንክ ካርዶችን ጨምሮ ነው የተወሰደው።

የሚሉንን ያህል ብንሰራም ቃል የገቡትን ገንዘብ በፍጹም አይከፍሉም።

💰 3000 ዶላር ከፈልን 💰

ወደ ቤት ሀገሬ ለመምጣት በጣም ፈለኩኝ።

ነገር ግን አጋቾቼ ለመልቀቅ 5,000 ዶላር መክፈል እንዳለብኝ ነገሩኝ።

የሌለኝ እና ማድረግ የማልችለው ገንዘብ ስለሆነ   ከሌሎች ሰዎች ጋር በመሆን ከአለቃው ጋር በድጋሚ ለመደራደር ሞከርን። 

3000 ዶላር ከፈልኩኝ፣ በመጨረሻም ለቀቁኝ።

ማይናማር ወደ ባንኮክ መሻገር በጣም አስፈሪ ነበር ነገር ግን የአለህ ፊቃድ ሁኖ ከዛ እስር ቤት ወጣሁ።

ከዚያ መከራ በመትረፌ እፎይታ ተሰማኝ።

በህይወት እወጣለሁ ብዬ አላሰብኩም ነበር። ለዚህ እድል እና እንዲወጣ ለረዱኝ ሰዎች የዘላለም አመስጋኝ እሆናለሁ።

ወደፊት እየሄድኩ፣ አዲስ ጅምር እፈልጋለሁ። አሁን ቤተሰቤን ለማስተዳደር ጥሩ ሥራ እየፈለግኩ ነው።

💻 በማህበራዊ ሚዲያዎች ላይ የውሸት ማስታወቂያ አያለሁ 💻

አሁንም በማህበራዊ ሚዲያ ላይ የውሸት የስራ ማስታወቂያዎችን እያየሁ ነው። ይህን ሳይ በግቢው ውስጥ የታሰሩትን ሰራተኞች አስባለሁ። 

የሀገራት መንግስታት እንዲሁም ሌሎች ኤጀንሲዎች ሰዎችን ከህገወጥ ዝውውር እና ከግዳጅ የጉልበት ስራ ለመጠበቅ ስለዚህ ጉዳይ የበለጠ ግንዛቤ እንደሚገነቡ ተስፋ አደርጋለሁ።

ይህ መቆም አለበት !

ህብረተሰባችን ከህገወጥ የሰዎች አዘዋዋሪዎችና ህገ ወጥ ጉዞ ራሱንና ልጆቹን መጠበቅ አለበት። "

(ሽኩር ለቲክቫህ ኢትዮጵያ)

@tikvahethiopia

TIKVAH-ETHIOPIA

02 декабря 2024 11:08

#ፍሬዘርበቀለ👏

በኢትዮጵያ አየር መንገድ የሴኪዩሪቲ ክፍል ባልደረባ የሆኑት አቶ ፍሬዘር በቀለ ህዳር 16 ቀን 2024 ዓ.ም ከመንገደኛ ወድቆ ያገኙትን 50,000 የአሜሪካ ዶላር በታማኝንት ለመንገደኛው ማስረከባቸውን የኢትዮጵያ አየር መንገድ ገልጿል።

አየር መንገዱ " ባልደረባችን በኢትዮጵያዊ ጨዋነትና ሲቀጠሩ በገቡት ቃል መሰረት አየር መንገዱ የሚመራበትን መርህና ሥነ ምገባር እንዲሁም ሙያዊ ታማኝነታቸውን በብቃት በመወጣት አስመስክረዋል " ብሏል።

" አየር መንገዳችን ዓለም-አቀፍ ደረጃውን የጠበቀ እና ስነ-ምግባር የተላበሰ የደንበኞች አገልግሎት ምንግዜም ያላሰለሰ ጥረት ያደርጋል " ሲል አክሏል።

@tikvahethiopia

TIKVAH-ETHIOPIA

02 декабря 2024 11:02

#Sidama

🔴 " በብልፅግና ፓርቲ መዋጮ ምክንያት አባላትና አመራሮች እየታሰሩብኝ ነው " -የሲዳማ ህዝብ አንድነት ዲሞክራሲያዊ ድርጅት (ሲህአዲድ)

🔵 " በፓለቲካ አቋሙና አመለካከቱ የታሰረ የፖለቲካ ፓርቲ አባልና አመራር የለም " - የሲዳማ ክልል ፖለቲካ ፖርቲ የጋራ ምክር ቤት

🚨" የታሰርነዉ ለሁለት ፖርቲዎች መዋጮ አናዋጣም ስላልን ነው " - የሲህአዲድ አባላትና አመራሮች

የሲዳማ ህዝብ አንድነት ዲሞክራሲያዊ ድርጅት ሊቀመንበር እና የኢትዮጵያ ፖለቲካ ፓርቲዎች የጋራ ምክር ቤት አባል አቶ ሠለሞን ቡሮዳ የፓርቲያቸው አባላትና አመራሮች " ለብልፅግና  ፖርቲ መዋጮ አናዋጣም " በማለታቸዉ እየታሰሩና በሐሰት እየተወነጀሉ ሲሉ ቅሬታቸውን ለቲክቫህ ኢትዮጵያ አቀረቡ።

በክልሉ ከጥቅምት ወር መገባደጃ ጀምሮ በሁሉም የክልሉ አከባቢዎች አባላትና አመራሮቻቸው ሰበብ እየተፈለገ ሲታሰሩና ሲፈቱ መቆየታቸውን ገልጸዋል።

አሁን ላይ ደግሞ በአባላቶቻቸው ላይ ሐሰተኛ ክስ እየተፈበረከባቸዉ መሆኑን ጠቁመዋል።

በአንዳንድ ወረዳዎች ማሸማቀቅ ተበራክቷል ሲሉ ቅሬታቸውን አሰምተዋል።

ለአብነትም ፦
- ወንሾ፣
- ጠጥቻ፣
- ጎርቼ፣
- ቦና ዙሪያ፣
- ቡርሳ፣
- ጫቤ ጋምቤልቱ፣
- ሸበዲኖ፣
- ጭሬና በንሳ ወረዳዎች አባላትና አመራሮቻቸው " የብልፅግና ፓርቲ መዋጮ ለምን አታዋጡም " በሚል ለእስር ተዳርገዉ እንደነበር አንስተዋል።

አቶ ሠለሞን ፤ " አሸናፊዉ ፓርቲ ብልፅግና ነዉ፤ ሁሉም ለብልፅግና ፓርቲ የህንፃ ግንባታ  መዋጮ የማዋጣት ግዴታ አለበት " የሚል የተሳሳተ ግንዛቤ በአንዳንድ ወረዳዎች በግልፅ እየተስተዋለ ነው ብለዋል።

" በዚህ ሁኔታ የሚደረጉ ኢ-ሕገ መንግስታዊና የሁሉም ፖለቲካ ፓርቲዎች የቃል ኪዳን ሰነድ በሚፃረርር መልኩ የሚደረጉ እንቅስቃሴዎች በአስቸኳይ ሊቆሙ ይገባል " ሲሉ ተናግረዋል።

ቲክቫህ ኢትዮጵያ በጉዳዩ ላይ የሲዳማ ክልል የፖለቲካ ፓርቲዎች የጋራ ምክር ቤት ሰብሳቢና የኢሶዴፖ ማዕከላዊ ኮሚቴ አባልና የደቡባዊ ቀጠና የህዝብ ግንኙነት ኃላፊ አቶ በለጠ ሲጄቦ አነጋግሯል።

ቅሬታ መቅረቡን አልሸሸጉም።

ቅሬታውን ተከትሎ ምክር ቤቱ የታሰሩ ሰዎች እንዲፈቱ በማድረግ ኮሚቴ ተሰይሞ የማጣራት ሥራ መስራቱን ገልጸዋል።

በዚህም የታሰሩት ግለሰቦች በደረቅ ወንጀል የተጠረጠሩ አንጂ በፖለቲካ አቋማቸዉና አመለካከታቸዉ ምክንያት እንዳልሆነ መረጋገጡን አሳውቀዋል።

ከ2013 ዓ/ም ጀምሮ የፓርቲው የወረዳ አባል መሆናቸውን የሚገልጹት የጠጥቻ ወረዳ ነዋሪ አቶ አስራት ወርሶ ግን " ለሁለት ፓርቲ መዋጮ አላዋጣም በማለቴ ታስሬ ነበር " ሲሉ ስለእስራቸው ምክንያት ይገልጻሉ።

ከአንድ ቀን እስር በኋላም የፓርቲው አመራሮች ባቀረቧቸዉ መረጃዎች ምክንያት ከእስር መለለቃቸዉን አስረድተዋል።

የሲዳማ ህዝብ አንድነት ዲሞክራሲያዊ ድርጅት ማዕከላዊ ኮሚቴ አባልና የሁላ ወረዳ ስራ አስፈፃሚ መ/ር ሀንሳሶ በበኩላቸው " እኔም አባላቶቻችን ለምን ታሰሩ " በሚል ልንጠይቃቸዉ በሄድንበት ከሁለት አባላት ጋር ታስረን ነበር ሲሉ " ተጨማሪ ምስክርነት ሰጥተዋል።

አክለውም " ለብልፅግና ፓርቲ የሕንፃ መሰሪያ መዋጮ ካላዋጣችሁ በሚል በአባላትና አመራሮቻቸዉ ላይ በበርካታ ወረዳዎች እየደረሰ ያለዉ ጫና ስጋት ዉስጥ ከቶናል " ሲሉ ገልጸዋል።

የብሔራዊ ምርጫ ቦርድ ሲዳማ ክልል ቅርንጫፍ እና የገዢዉ ብልፅግና ፓርቲ ሃሳብ ለማካተት ያደረግነዉ ሙከራ ያልተሳካ ሲሆን ኃሳባቸውን እንዳገኘን የምናካትት ይሆናል።

#TikvahEthiopia

@tikvahethiopia

TIKVAH-ETHIOPIA

02 декабря 2024 11:02

#ብርሃን_ባንክ
#ይቀበሉ_ይመንዝሩ_ተጨማሪ_ያግኙ

ከውጪ ሃገራት የሚላክልዎትን ገንዘብ ከብርሃን ጋር ከሚሰሩ አለምአቀፍ የገንዘብ አስተላላፊዎች #ሪያ #ዳሃብሽል #ዌስተርን_ዩኒየን #መኒግራም #ትራንስ_ፋስትና #ወርልድ_ረሚት ሲቀበሉ ወይም በእጅዎ ያለውን የውጭ ሃገር ገንዘብ በባንካችን ሲመነዝሩ ተጨማሪ ያገኛሉ!
#moneytransfer #Stressfreebanking #berhanbank #bank #finance #bankinethiopia

ከታች የሚገኙትን ሊንኮች በመጫን የማህበራዊ ድህረ-ገጾቻችንን ይቀላቀሉ!
➡️ Facebook
➡️ Telegram
➡️ Instagram
➡️ Twitter
➡️ LinkedIn
➡️ YouTube

TIKVAH-ETHIOPIA

01 декабря 2024 19:40

#መቄዶንያ❤️

🔵 “ የጎዳና ኑሮ ከባድ ነው፣ የ85 ዓመት እናቶች ተደፍረው የመጡበት አጋጣሚዎች አሉ። ጎዳና ላይ ሰዎች በብርድ ምክንያት ይሞታሉ” - የክብር ዶክተር ቢኒያም በለጠ

🔴 “ ኢትዮጵያዊያን እባካችሁ ወደ ቀልባችን እንመለስ። ሰውን በመግደል፣ በማፈናቀል የምናገኘው ጥቅም የለም። ሰውን በመርዳት ግን ጥቅም ይገኛል ” - ቀሲስ ታጋይ ታደለ

የኢትዮጵያ የሃይማኖት ተቋማት ጉባዔ ከመቄዶንያ በጎ አድራጎት ማኀበር ጋር በመተባበር ለመጀመሪያ ጊዜ በመቄዶንያን ቅጥር ግቢ ውስጥ አረጋዊያን በተገኙበት ዛሬ የጸሎት መርሀ ግብር አዘጋጅቶ ነበር።

ጸሎቱን የሰባቱም የሃይማኖት ተቋማት አባቶች ሁሉም በዬእምነታቸው መርሀ ግብሩን በጸሎት አስጀምረው፣ የጸሎት መርሀ ግብሩ ተከናውኗል።

የጸሎት ፕሮግራሙ ዓላማ አረጋዊያንን ጋር ተኩኖ ቢጸለይ ፈጣሪ ሰላሙን፣ ፍቅሩን እንደሚሰጥ በማሰብ እንዲሁም የካቲት 1 ቀን 2017 ዓ/ም በሚደረገው ለመቄዶንያ ርዳታ የማሰባሰብ መርሃ ግብር ሁሉም ኢትዮጵያውያን ርብርብ ያደርጉ ጥሪ ለማቅረብ ነው።

የመቄዶንያ መስራች የክብር ዶክተር ቢኒያም በለጠ ምን አሉ?

“ እንደሚታወቀው መቄዶኒያ የዘር፣ የሃይማኖት፣ የጾታ ልዩነት ሳያደርግ ሁሉንም የህብረተሰብ ክፍሎች ነው የሚረዳው።

ሁሉም የእምነት ተከታዮች በመቄዶንያ አሉ። መቄዶንያ ውስጥ ፕሮቴስታንቶች፣ ሙስሊሞች፣ ኦሮቶዶክሶች፣ ካቶሊኮች አሉ።

እንዲያውም የሚጠበቅብን ምግብ፣ ልብስ መጠለያ ማሟላት ነው። ነገር ግን ከሚጠበቅበት በላይ ድርጅቱ መንፈሳዊ ፍላጎቶችንም ጭምር እያሟላ ይገኛል።

ዛሬ ስለመጣችሁ በጣም ደስ ብሎናል ምክንያቱም ሁሉም የሃይማኖት ተከታዮች እዚህ ስላሉ እናንተን ሲያዩ በጣም ደስ ይላቸዋል። ወደፊትም በሚመቻችሁ ጊዜ እንደዚሁ እየመጣችሁ ብትጎበኙን በጣም ደስ ይለናል።
 
በአሁኑ ወቅት በጣም በርካታ ሰዎች እየረዳን እንገኛለን። 5 ወለል ያለው ህንጻ እየገነባን እንገኛለን። በክልሎችም እንደዚሁ በተለያዩ ቦታዎች ግንባታዎች እየተፋጠኑ ይገኛሉ።

ደሴ፣ ድሬዳዋ፣ ጋምቤላ፣ ኮንሶ፣ ሞያሌ፣ ያቤሎ፣ ጅማ፣ አምቦ፣ ዓዲግራት፣ ዓድዋና ሌሎችም ቦታዎች መቄዶንያ አለ። በተለይ ደግሞ እኛ የምንረዳቸው የአልጋ ቁራኛ፣ የጎዳና ነዋሪ የሆኑ ሰዎችን ነው። 

የጎዳና ኑሮ በጣም ከባድ ነው፣ የሚገርማችሁ የ85 ዓመት እናቶች ተደፍረው እዚህ የመጡበት አጋጣሚዎች አሉ። ጎዳና ላይ ሰዎች በብርድ ምክንያት ይሞታሉ። ብርድ የመታቸው ሰዎች ወደ ህክምና የሚወስዳቸው የለም ” ብለዋል።

በመሆኑም የካቲት 1 ቀን 2017 ዓ/ም በሚደረገው ዓለም አቀፍ ገቢ የማሰባሰብ መርሀ ግብር፣ ሁሉም አካላት ከወዲሁ ዝግጅት እንዲያደርጉ በ8,000 አረጋዊያን ስም ጥሪ አቅርበዋል።

በመርሀ ግብሩ የተገኙት የኢትዮጵያ ሃይማኖት ተቋማት ጉባዔ የበላይ ፀሐፊ ሊቀ ትጉሃን ቀሲስ ታጋይ ታደለ በበኩላቸው፣ መርሀ ግብሩ የተዘጋጀው ከአረጋዊያኑ ጋር ቢጸለይ ፈጣሪ ጸሎት ይሰማን ተብሎ ታስቦ መሆኑን አስረድተዋል።

ቀሲስ ታጋይ ምን አሉ ?

“ ዛሬ በመቄዶንያ የተገኘነው ሁለት ጉዳዮችን መሠረት አድርገን ነው። አንደኛው ጸሎት ለማድረግ ነው። 

በአገር ሰላም ላይ ሁሉም ኢትዮጵያዊያን የድርሻቸውን እንዲወጡ በማሰብ ጸሎት ማድረግና የሰላም ጥሪ የቀረበላቸው ወገኖች ወደ ሰላም እንዲመለሱ አስቸኳይ ሁኔታ ለመፍጠር የተደረገ ነው።

ሁለተኛው በመቄዶንያ የተገኘንበት ምክንያት በመቄዶንያ ከ8,000 የሚልቁ ለችግር የተጋለጡ፣ ጎዳና ላይ የወደቁ ኢትዮጵያዊያን ምዕመናን፣ ሙስሊሞች ክርስቲያኖች በኀብረት አሉ።

ስለዚህ ከእነርሱ ጋር ሆነን ብንጸልይ፣ ወደ ፈጣሪ ብናነባ ፈጣሪ ምህረት፣ ቸርነት ያደርግልናል በሚል እሳቤና መቄዶንያም መደገፍ ስላለበት ድጋፍ እንዲደረግለት በዚሁ አጋጣሚ ጥሪ ለማቅረብ ነው።

ስለዚህ ኢትዮጵያዊያን እባካችሁ ወደ ቀልባችን እንመለስ። ሰውን በመግደል፣ በማፈናቀል የምናገኘው ጥቅም የለም። ሰውን በመርዳት ግን ጥቅም ይገኛል። ሰላምን በማረጋገጥ ግን ጥቅም ይገኛል ” ብለዋል።

#TikvahEthiopiaFamilyAA

@tikvahethiopia

TIKVAH-ETHIOPIA

01 декабря 2024 11:13

#ፍራንኮቫሉታ

የጉሙሩክ ኮሚሽን በፍራንኮ ቫሉታ ግዢ የተፈፀመባቸው ሽቀጦች ከአንድ ወር ባነሰ ጊዜ ዉስጥ ወደ ሃገር እንዲገቡ ትዕዛዝ ሰጥቷል።

በፍራንኮ ቫሉታ ከውጭ የሚገቡ መሰረታዊ የፍጆታ ሸቀጦች በመደበኛ የንግድ ባንኮች የመተማመኛ ሰነድ /LC/ አማካኝነት እንዲገቡ መወሰኑን የገንዘብ ሚኒስትር ማስታወቁ ይታወሳል።

የጉምሩክ ኮሚሽን ህዳር 17 ቀን 2017 ዓ.ም. በፃፈዉ ደብዳቤ በፍራንኮ ቫሉታ ግዢ የተፈፀመባቸው ሸቀጦች በአንድ ወራት ባነሰ ጊዜ ዉስጥ ብቻ ወደ ሃገር ዉስጥ መግባት እንዳለባቸው አሳስቧል።

ኮሚሽኑ ይህን ያስተላለፈው የገንዘብ ሚኒስቴርን ዉሳኔ ተከትሎ መሆኑን ያስታወቀ ሲሆን ለሁሉም ቅርንጫፍ ፅህፈት ቤቶች እንዲያዉቁት አድርጓል።

መንግስት በመሰረታዊ የንግድ ሸቀጦች ላይ የምርት እጥረት እንዳይከሰት በማሰብ ለግል ባለሀብቶች ፍራንኮ ቫሉታ መፍቀዱ ይታወሳል፡፡

የገንዘብ ሚኒስትር አህመድ ሽዴ ህዳር 4 ቀን 2017 ዓ.ም. በሰጡት መግለጫ እንደገለጹት ፍራንኮ ቫሉታ መሰረታዊ ሸቀጦችን ወደ ሀገር ውስጥ በማስገባት የምርት እጥረት እንዳይከሰት የተወሰነ እገዛ አድርጓል፡፡

ይሁን እንጂ የፍራንኮ ቫሉታ ባልተገባ መንገድ ለጥቁር ገበያ በመጋለጡ በውጭ ምንዛሬ ላይ ጫና በማሳደር ከጥቅሙ ይልቅ ጉዳቱ አመዝኗል ሲሉም ሚኒስትሩ ተናግረዋል ።

መሰረታዊ የፍጆታ ሸቀጦችን በፍራንኮ ቫሉታ ወደ ሀገር ውስጥ የማስገባት ውሳኔ ሙሉ በሙሉ እንዲቆም መደረጉንም የገለፁት አቶ አህመድ ሽዴ " በሂደት ላይ ያሉ ከውጭ የሚገቡ ሸቀጦች በሁለት ሳምንታት ውስጥ እንዲገቡ እንደሚደረግም " ተናግረው ነበር።

የጉምሩክ ኮሚሽን ከ ከጥቅም 28 ቀን 2017 ዓ.ም. በፊት የንግድ ሸቀጦች በፍራንኮቫሉታ ግዢ የተፈፀመባቸውን ሰነዶች በቅርንጫፍ ጽ/ቤት ያስመዘገቡ እና በዋና መስሪያቤት በኩል የተረጋገጡ አስመጪዎች በአንድ ወር ዉስጥ የንግድ ሸቀጣቸዉን አጠቃለዉ ወደ አገር ዉስጥ እንዲያስገቡ ነዉ ማሳሰቢያ የሰጠዉ።

መረጃው የካፒታል ጋዜጣ ነው።

@tikvahethiopia

TIKVAH-ETHIOPIA

01 декабря 2024 10:52

#DStvEthiopia

⚽️አዲስ ነገር ለኳስ አፍቃሪያን...

ሁሉንም ታላላቅ ሊጎች፣ ሁሉንም የቡድን ወኔ እንደ ምርጫችን በዲኤስቲቪ!

ℹ️ ሁሉንም የአውሮፓ ቻምፒዮንስ ሊግ ጨዋታዎችን፣ የእንግሊዝ ፕሪምየር ሊግ ፣ ሎችም ዋና ዋና እግር ኳስ እና ምርጥ ምርጥ መዝናኛዎችን ያካተቱ ከ125 በላይ ቻናሎችን በወር በ1699 ብር ብቻ!

ደንብና ሁኔታዎች ተፈፀሚነት አላቸው! ለበለጠ መረጃ
👇
www.dstv.com/en-et
ዲኤስቲቪ ያስገቡ ፣ ደንበኝነትዎን ያራዝሙ!
👇
https://bit.ly/3RFtEvh

#DStvEthiopia  #ሁሉምያለውእኛጋርነው

TIKVAH-ETHIOPIA

30 ноября 2024 21:14

#Update

" አየር መንገዱ ላደረገው ያልተገባ የዋጋ ጭማሪ  ማብራርያ እንዲሰጠን እንጠይቃለን " - የትግራይ ጊዚያዊ አስተዳደር

የትግራይ ጊዚያዊ አስተዳደር በክልሉ ትራንስፓርት እና መገናኛ ቢሮ በኩል ባወጣው መግለጫ ፤ የኢትዮጵያ አየር መንገድ ወደ አክሱም ህዳር ፅዮን ዓመታዊ ክብረ በዓል ለመሳተፍ በተጓዙ ወገኖች ላይ የተጋነነ የዋጋ ጭማሪ አድርጓል አለ።

ይኸው የተጋነነ ዋጋ ጭማሪ " ኢ-ፍትሃዊ እና አስደማሚ ነው " ብሎታል።

ቢሮ ለኢትዮጵያ አየር መንገድ እና ለፌደራል የትራንስፓርት ሚንስቴር በፃፈው ድብዳቤ እንደጠቆመው፤ " ተቋሙ የፈፀመው የተጋነነ የዋጋ ጭማሪ ታማኝነቱ ጥያቄ ውስጥ ከማስገባት ባለፈ ሌላ ፓለቲካዊ መልክ የሚያስይዝ ነው " ሲል አብራርተዋል።  

ስለሆነም የበደላቸው ተጓዥ ደንበኞቹ እንዲክስ ፣ እንዲደግፍና ተግባሩ እንዲፈፅም ምክንያት የሆነውን በቂ ማብራርያ ለህዝብ እንዲሰጥ ቢሮው ጠይቋል።

ከአክሱም ህዳር ፅዮን በዓል ተጓዥ ተሳታፊዎች ጋር ተያይዞ የኢትዮጵያ አየር መንገድ ያደረገው የትኬት ጭማሪ የትግራይ ጊዚያዊ  አስተዳደር ካቢኔ መወያያ አጀንዳ እንዳደረገው ቲክቫህ ኢትዮጵያ የመቐለ ቤተሰብ አባል መረጃ ማጋራቱ ይታወሳል።

#TikvahEthiopiaMekelle

@tikvahethiopia            

TIKVAH-ETHIOPIA

30 ноября 2024 13:54

" ባለቤቷን ጨምሮ ታስራ እንድትደበደብ ውሳኔ ያሳለፉ ሽማግሌዎች የፍርድ ውሳኔ ተላልፎባቸዋል " - የወረዳው አቃቤ ሕግ

በምስራቅ ቦራና በውጫሌ ወረዳ የ3 ልጆች እናት የሆነችውን ገበያ መሀል አስረው ግርፋት የፈጸሙ ግለሰቦች በእስራት መቀጣታቸው ተገልጿል።

ወ/ሮ ኩሹ ቦናያ በገበያ ቦታ ላይ ከዛፍ ጋር ታስራ በባለቤቷ በአሰቃቂ ሁኔታ ስትደበደብ የሚያሳይ ቪዲዮ ከታየ በኋላ በርካቶችን ማስቆጣቱ ይታወሳል።

ይህ ግርፋት የተፈጸመው ደግሞ በአካባቢ ሽማግሌዎች ትዕዛዝ ሲሆን፣ የታሰረችውም በርካታ ሰዎች ቆመው በሚያዩበት የገበያ ስፍራ ነበር።

ጉዳዩን ሲመለከት የቆየው የዋጪሌ ወረዳ ፍርድ ቤት ድርጊቱን በመፈፀም እና በመተባበር የተከሰሱ አራት ግለሰቦች ላይ ሕዳር 19 /2017 ዓ.ም. በዋለው ችሎት ከ7 እስከ 4 ዓመት የሚደርስ እስራት ወስኗል።

የወረዳው አቃቤ ሕግ የሆኑት አቶ ጉያ አሬሮ ምን አሉ ?

" ጥቃቱን በመፈጸም የመጀመሪያ ተከሳሽ ሆኖ የቀረበው ድብደባውን የፈጸመው ባለቤቷ ጋልጋሎ ዋሪዮ ነው።

ሁለተኛ እና ሦስተኛ ተከሳሾች ታስራ እንድትደበደብ ውሳኔ ያሳለፉ ሽማግሌዎች ናቸው።

በዚህም መሰረት አንደኛ እና ሁለተኛ ተከሳሽ በ6 ዓመት ጽኑ እስራት እንዲቀጡ ተወስኗል።

ሦስተኛው ተከሳሽ የሆኑት የአካባቢ ሽማግሌ ከዛፍ ጋር ታስራ እንድትገረፍ ብቻ ሳይሆን፣ ከግርፋቱ በኋላም ታስራ እንድትቆይ በመወሰናቸው 7 ዓመት ከ2 ወር እስራት ተፈርዶባቸዋል።

አራተኛው ተከሳሽ የቃቃሎ መንደር የሰላም እና ሚሊሻ ጽህፈት ቤት ኃላፊ ናቸው።

ሽማግሌዎቹ በግርፋት እንድትቀጣ ሲወስኑ ሚስትየው ወደዚህ ግለሰብ ሄዳ ጣልቃ እንዲገባ እና እንዲያስቆም ብትጠይቅም ኃላፊነታቸውን ለመወጣት ፈቃደኛ ሳይሆኑ ቀርተዋል።

ተበዳይ በወቅቱ ኃላፊውን ' አንተ የሕግ ሰው ነህና አስቁምልኝ ' ስትል ብትጠይቃቸውም ' በፍርዳቸው ጣልቃ መግባት አልችልም ' በማለት መልሷል።

ድብደባ ከተፈጸመባት በኋለ ' ሚሊሻዎቹ ሴትዮዋን ይዘው ወደ ማቆያ ጣቢያ እንዲወስዷት አዟል ' በሚል በሁለት ወንጀል ተከሷል።

በግለሰቡ ላይ ፍርድ ቤት የ4 አመት እስራት እና 5ሺህ 500 ብር እንዲከፍል የቅጣት ውሳኔውን አስተላልፏል " ብለዋል።

ተበዳይ አሁን በምን ሁኔታ ላይ ትገኛለች ?

ስለ ወቅታዊ ሁኔታ የተጠየቀው የወረዳው አቃቤ ሕግ በሀዋሳ ሪፈራል ሆስፒታል ሕክምና እየተደረገላት መሆኑ አሳውቀዋል።

" አሁን በሕክምና ሕይወቷን ማትረፍ ተችሏል " ብለው  በጥሩ ጤንነት ላይ መሆኗን እና ብይኑ ሲሰጥም በችሎቱ ላይ መገኘቷን ተናግረዋል።

የ3 ልጆች እናት የሆነችውን ሴት የሽማግሌዎችን ትዕዛዝ አላከበረችም በሚል ዋጪሌ ገበያ ላይ አስሮ የመግረፉ ድርጊት የተፈጸመው መስከረም 9/ 2017 ዓ.ም. ነበር።

ይህ መረጃ ባለቤትነቱ የቢቢሲ አፋን ኦሮሞ ክፍል ነው።

ፎቶ / ቪድዮ ፦ ፋይል

@tikvahethiopia

TIKVAH-ETHIOPIA

30 ноября 2024 13:52

🇪🇹 ማጀስቲክ ትሬዲንግ 🇪🇹

ለቢሮ፤ ለሆቴል፤ ካፌዎች ለተለያዩ የንግድ ሱቆች እና ለመኖሪያ ቤቶች የሚሆኑ ፡-
-Design-Built - Interior Design -Woodworking - Finishing works
-Furniture (Office Furniture's , Sofas ,Beds) - IT and System - Consulting

በማንኛውም ጊዜና ቦታ ካሉበት ሆነው ምን ማሰራት እንደሚፈልጉ በማህበራዊ ትስስር ገጾቻችን ባለሙያዎቻችንን ያማክሩ፡፡ ቁልፍ ሰተው ቁልፍ የሚረከቡበት አገልግሎት።
Contact :-
+251901288882 - +251901919991
+251901911111 - +251911253679/89

TikTok:- Majestic Trading Website:- https://www.majestictradingplc.com
አድራሻችን፡-
📍Dembel New building, 2nd floor

TIKVAH-ETHIOPIA

29 ноября 2024 22:01

#ደረሰኝ

🔴 " ከዛ ቤት የሚወጣ እቃ ደረሰኝ አያውቅም ይሄንን ሳታውቁ ቀርታችሁ አይደለም። ቻይኖቹን ፈርታችሁ ይሁን ምን ይሁን እኛ አይገባንም " - የውይይት ተሳታፊ

🟠 " የ1 ሚሊዮን ብር እቃ ገዝታችሁ የ300 ሺህ ብር ደረሰኝ ነው የሚፅፉት (ይህ ምሳሌ ነው) " - የውይይት ተሳታፊ

🔵 " ከቻይኖች (ከፋብሪካዎች) ጋር የተነሳው ጉዳይ ከፌዴራልም ጋር በነበረን መድረክ ተነስቷል ፤ ግብረኃይልም ተቋቁሞ ወደ ስራ ገብቷል " - የአ/አ ገቢዎች ቢሮ ኃላፊ

👉 " ያለ ደረሰኝ ግብይት ፈጽማችሁ የምትገኙ ከሆነ በ100 ሺህ ብር ቅጣት ብቻ አናልፍም ! "

ከሰሞኑን በአዲስ አበባ ከደረሰኝ ጋር በተያያዘ ከፍተኛ ቁጥጥር እየተደረገ መሆኑ ይታወቃል።

በዚህም የተነሳ ከአሰራር ጋር ተያይዞ ከነጋዴዎች በኩል አንዳንድ ቅሬታዎች መደመጣቸው አይዘነጋም።

በተለይ ታች ያለው ነጋዴ " ጉዳዩ ስር የሰደደ ነው ከላይ ጀምሮ መጥራት አለበት። መቼ ፋብሪካዎች፣ አስመጪዎች ፣ አምራቾች አከፋፋዮች ደረሰኝ ይሰጡናል ፤ ዝም ብለው አይደል የሚያወጡት መጀመሪያ እነሱን መቆጣጠር አለባችሁ " የሚሉ አስተያየቶችን ሲሰጡ ነበር።

ከቀናት በፊት የገቢዎች ቢሮ ኃላፊ አቶ ቢንያም ምክሩን ጨምሮ ሌሎች አመራሮች በተገኙበት ከአስመጪዎች እና አከፋፋዮች ጋር ውይይት ተካሂዶ ነበር።

አንድ የውይይቱ ተሳታፊ " እኛ ፎሬይን ዳይሬክት ኢንቨስትመንት አይተግበር እያልን አይደለም ነገር ግን ዱከም ኢንዱስትሪ ዞንን ዞር ብላችሁ ያያችሁትም አይመስለኝም ፤ እኔ አሁን አሁንማ የሌላ ሀገር እየመሰለኝ መጥቷል። እሱ ቦታ ከዛ ቤት የሚወጣ እቃ ደረሰኝ አያውቅም ይሄንን ሳታውቁ ቀርታችሁ አይደለም። ቻይኖቹን ፈርታችሁ ይሁን ምን ይሁን እኛ አይገባንም " ብለዋል።

" ግራ እየገባን ነው እኛ ሀገራችን ነው ብንሰርቅም እዚሁ ነው የምንጥለው የሆነ ሰዓት መገኘታችን አይቀርም እነሱ ግን ሀገራቸው አይደለም ሰርቀው ይዘውት ነው የሚሄዱት " ሲሉ ተናግረዋል።

ሌላ ተሳታፊው " በኢስት ኢንዱስትሪ ዞን ያለው ነገር ግልጽ ነው ይሄ ለናተ ተደግሞ መነሳትም ያለበት ነገር አይደለም ፤ የ1 ሚሊዮን ብር እቃ ገዝታችሁ የ300 ሺህ ብር ደረሰኝ ነው የሚፅፉት (ይህ ምሳሌ ነው)" ብለዋል።

" በአንድ ደረሰኝ ከ20 እና 30 በላይ መኪና ይመላለሳል " ሲሉ ገልጸዋል።

" ኢንቨስትመንቱ ሁሉም ነገር እንዳለ ሆኖ ግን ሀገራችን ላይ እናተ በአቅማችሁ ደረጃ ማኔጅ ማድረግ የማትችሉትን ነገር ነው መሰለኝ እየፈቀዳችሁ ያላችሁት ለፎሬይን ኢንቨስትመንት ምክንያቱም ከውጭ ፌሬይን ኢንቨስትመንት ይግባ ሲባል ያንን ማኔጅ ማድረግ እንችላለን ወይ ? የሚለው ጥያቄ አብሮ መመለስ አለበት ካልሆነ ከጥቅሙ ጉዳቱ ያመዝናል እንደ ሀገር ። እዛ ላይ የሚመለከተው አካል ይስራበት " ሲሉ አክለዋል።

በዚሁ ጉዳይ ላይ የከተማው ገቢዎች ቢሮ ኃላፊ ቢንያም ምክሩ ሃሳባቸውን ሰጥተው ነበር።

" የተነሳው ትክክል ነው እኛም እናውቀዋለን " ብለዋል።

" ከቻይኖች ጋር የተነሳው ጉዳይ ከፌዴራልም ጋር በነበረን መድረክ ተነስቷል። ከዚህ ጋር የተያያዙ ችግሮችን የሚፈታ በክብርት ሚኒስትሯ የሚመራ የፌዴራል ገቢዎች ፣ ጉምሩክ ኮሚሽን፣ ኦሮሚያ ክልል መንግሥትን ያቀፈ አንድ የጋራ ቅንጅት የሚመራበት ማንዋል ፀድቆ ወደ ስራ ተገብቷል " ሲሉ ተናግረዋል።

" ይህ የኢስት ኢንዲስትሪ ዞንና ሌሎች ጋር የተገናኙ ወደ ከተማው የሚገባ ምርት በሸገር ከተማ ዙሪያ የሚመረቱ ነገር ግን ያለደረሰኝ ከፋብሪካ የሚወጡትን እዛ ያለው አዲስ የተቋቋመው ግብረኃይል ይከታተለዋል " ብለዋል።

በሌላ በኩል ፤ የገቢዎች ቢሮ ኃላፊው በመርካቶም ሆነ በሌላ የከተማው አካባቢ የሚካሄደው የደረሰኝ ቁጥጥሩ ወቅታዊ ሳይሆን በዘላቂነት የሚሰራበት ነው ብለዋል።

ከአሰራር ጋር በተያያዘ ያሉት ችግሮች እንደሚፈቱ ቃል ገብተው ለአስመጪና አስከፋፋዮች ጠንካራ ማስጠንቀቂያ ሰጥተዋል።

ኃላፊው ፤ " ከዚህ በኃላ በግልጽ ልንነግራችሁ የምንፈልገው አስመጪ እና አከፋፋይ የሆናችሁ ያለ ደረሰኝ ግብይት ፈጽማችሁ የምትገኙ ከሆነ በ100 ሺህ ብር ቅጣት ብቻ አይደለም የምናልፈው " ብለዋል

" በቀጥታ የኦዲት ምርመራ (Investigation Audit) ውስጥ ነው የምንገባው ይህ ደግሞ በጣን ክፉኛ ይጎዳችኋል " ሲሉ አስጠንቅቀዋል።

" መርካቶ ውስጥ ያለ ድረሰኝ ግብይት ሙሉ ለሙሉ መቆም አለበት " ያሉም ሲሆን ከጊዜ ጋር በተያያዘ ለሚነሳው ጥያቄ " ለዝግጅት የሚሰጥ ጊዜ የለም ቁጥጥራችን ይጠናከራል "  ብለዋል።

#TikvahEthiopiaFamilyAA

@tikvahethiopia

TIKVAH-ETHIOPIA

29 ноября 2024 20:07

የሽርካ ወረዳ ነዋሪዎች ምን አሉ ?

" ከዚህ ቀደም ሰዎች ይታገታሉ የሆነ ብር ተከፍሎ ይለቀቁ ነበር። አሁን የተፈጸመው ግን እጅግ አስከፊ ነው " - ነዋሪዎች

የሽርካ ወረዳ፣ ፈረቀሳ ነዋሪዎች ትላንት ለሊት 9 ሰዎች በአሰቃቂ ሁኔታ መገደላቸውን ለቲክቫህ ኢትዮጵያ ተናግረዋል።

ቃላቸውን ለቲክቫህ ኢትዮጵያ የሰጡ ነዋሪዎች ምን አሉ ?

" በዚህ ሳምንት ሞት አላቋረጠም፤ ቢያንስ ላለፉት ሦስት ቀናት በአከባቢው በተለያዩ ቀበሌያት የሞት አላቋረጠም።

ትላንት ደግሞ በእኛ ቀበሌ ፈረቀሳ የእነዚህ 9 ሰዎች ተገድለዋል። እጅግ አሳዛኝ ነው።

5 ሰዓት ላይ ተኩስ ተጀመረ ግድያው ለሊት 8:00 ገደማ ነው የተፈጸመው።

በየቤታቸው በመሄድ ለቅመው አንድ ላይ ካከማቿቸው በኋላ ነው ጅምላ ጭፍጨፋ ያደረጉባቸው።

ከዚህ ቀደም ሰዎች ይታገታሉ የሆነ ብር ተከፍሎ ይለቀቁ ነበር። አሁን የተፈጸመው ግን እጅግ አስከፊ ነው።

ሰዎቹ ምንም አይነት የሌላ ንክኪ የላቸውም ፤ በሃይማኖት ተለይተው ነው ይህ ጥቃት የተፈጸመባቸው።

ከሞቱት መካከል አባትና ልጅ እንዲሁም ባልና ሚስት ይገኙበታል።

3ቱ አብረው ታግተው ሳለ 9ኙን ሲገድሉ ይኑሩ ይሙቱ አይታወቅም።

ድርጊቱን የፈጸሙት የሸኔ አባላት ናቸው። ሆኖም ግን ምንም እንኳን ስሙ በሸኔ ይነገድ እንጂ በስሩ ሌላ ቡድን የተደራጀ አለ። ሙሉ ለሙሉ ሸኔ ለማለት ያስቸግራል።

በሌላ ቦታ ላይ የሸኔ አድራጎት ሲሰማ ብር ይጠይቃል ሰዎችን ይለቃል ፤ እዚህ ያለው ሃይማኖትን በመቃወም ጥቅም ለማግኘት የሸኔ ስም በመጠቀም የተደራጀ ቡድን አለ ብለን ነው የምናስበው።

የመንግስት አካላት ከዞንም መጥተው ዛሬ ላይ ደርሶ ' አይዟችሁ ነገ ላይ አጸፋውን እንመልሳለን አሳልፋችሁ ከሰጣችሁን ' በሚል የማጽናኛ ተስፋ ሰጥተውናል።

መከላከያውም የመንግስት አመራሩም አለ ገፋ አድርጎ ግን ለህዝብ መፍትሔ የሰጠ የለም።

ጫካውን ደኑን ተገን በማድረግ ግድያ ይፈጸማል።

ባለፈው ዓመት በነሐሴ ወር [2015 ዓ.ም] ነው የተጀመረው አለፍ እያለ እያረሳሱ አሉ የሚባሉ ሰዎች ሽማግሌ አይሉም ወጣት፤ አሉ የተባሉ ሰዎችንዠ ተገድለዋል።

9ኙ የተገደሉት የአንድ ሃይማኖት አባላት ሲሆኑ ቀብራቸውም ዛሬ 9 ሰዓት ነው የተፈጸመው።

ህብረተሰቡ ነግ በኔ ነው እያለ ነው። ከቀብር መልስ የመንግስት አባላት ከዞን መጥተው አጽናንቶ ነው የሄደው።

አዝመራ ልንሰበስብ አንችልም። የቀበሌው አመራር ተደራጅተን አንድ ላይ ሆነን እንሰብስብ እያለን ነው። እንደዚህ በተደራጀ መልኩ የምንቀሳቀስ ከሆነ እንጂ ለዛሬውም አዳር ሰግተን ነው ያለነው።

በተለይ ወጣቱ በአሳዛኝ ሁኔታ ላይ ነው ያለው፤ ይኸው ይሄ ጩኸት 2 ዓመት ያስቆጠረ ነው ምንም የተደረገ ነገር የለም።

ሰርግ ኃዘን አንድ ላይ ነበር ያሳለፍነው [የአከባቢው ማኅበረሰብ] አንድ ቢላ ነበር የሚለየን አሁን ላይ ግን ይሄ ተረስቶ በገቢያም በምንም ያለው ነገር ጎራ መከፈሉን ያሳያል።

በሃይማኖት አባቶች በኩል ህብረተሰቡን ለማቀራረብ ሞክረዋል። በተደጋጋሚ በተደረጉ ስብሰባዎች ግን ስብሰባዎች እየተበተኑ፤ ስብሰባውን ረግጠው እየወጡ ሳይሳካ ቀርቷል።

በድርድሩ ምንም አይነት መፍትሔ የሚመጣ አይመስለኝም የሃይማኖት አባቶች እንዳሉት ከፈጣሪ ከመጠበቅ በቀር ሌላ ምንም ተስፋ የምናደርገው ነገር የለም።

በቀጣይ ቀናትም በተመሳሳይ ጥቃት ይፈጸማል በሚል የአከባቢው ሰው ንብረቱን ትቶ አከባቢውን ለቆ ወደ ቤተክርስቲያንም ወደ ከተማ ቤት ተከራይቶም እየሄደ ነው ያለው።

አሁን ያለው ሁኔታ እንኳን ለወጣቱ ለአዛውንቱም የሚዘገንን ሁኔታ ነው። ምን አይነት ሰዓት ላይ ተፈጠርን በሚል ወጣቱ በኃዘን ተውጦ ነው ያለው።

በአከባቢያችን ካሉ 4 ቀበሌዎች ላይ ካሉ 5 እና 6 ደብሮች አገልግሎት የሚሰጠው አንድ የሚካኤል ደብር ነው። ቀብርም ካለ የሚፈጸመው እዛ ነው። ይህ ከሆነ አንድ አመት አልፎታል።

እንደ ወረዳው ግን ከ35 አብያተ ክርስቲያናት በላይ ተመሳሳይ እጣ ደርሷቸዋል። ሦስት አራት ደብሮች ናቸው አገልግሎት የሚሰጡት። ይህም በጸጥታው ምክንያት ነው።

ከ32 ቀበሌ ከየአቅጣጫው ተመርጦ የሚገደለው ግን የሀገር ሽማግሌ ነው ከዚህ ቀደምም እየተመረጠ አልቋል። ይሄን ያህል ነው ጥቃት የደረሰብን።

የሚመለከተው አካል ከፈጣሪ ጋር የድረሱልን ጥሪ አሰሙልን ወገን ለወገን ደራሽ ነው። "

#TikvahEthiopia

@tikvahethiopia

TIKVAH-ETHIOPIA

29 ноября 2024 19:50

" መንደር 2 የተባለ ቦታ ብቻ ከ50 አስከ 60 ሄክታር ይሆናል የተቃጠለው፡፡ ሰክሽን 'ዲ እና ኢ'ም ተቃጥሏል " - የፋብሪካው ሠራተኛ

በምዕራብ ኦሮሚያ ሆሮ ጉዱሩ ወለጋ ዞን ሱሉላ ፍንጫ ወረዳ የሚገኘው የፍንጫ ስኳር ፍብሪካ የአገዳ ምርት ትናንት መቃጠሉን  የፋብሪካዉ ሠራተኞችና ነዋሪዎች አስታወቁ።

የፋብሪካዉ ሠራተኞች እንዳሉት ትናንት ከቀኑ 8 ሰዓት አካባቢ የተነሳዉ እሳት በአምስት ማሳዎች ላይ የነበረዉን የሸንኮራ አገዳ አቃጥሎታል።

የፍንጫ ስኳር ፍብሪካ በሚሊዩን ኩንታል የሚቆጠር ስኳር ያመርት ነበር።

ከ2015 ዓ.ም ወዲህ በተለያየ ጊዜ በደረሰበት ጥቃት ምርቱ መቀነሱን ሰራተኞቹ ተናግረዋል፡፡

የትናንትናው ቃጠሉ በማን እንደተለኮሰ ባይታወቅም ከዚህ ቀደም በፋብሪካው ይዞታ ውስጥ በህግ ወጥ መንገድ የሚያርሱ ግለሰቦች ያመረቱትን ምርት የአካባቢው የወረዳ አስተዳደር መውረስ መጀመሩን ተከትሎ በቂም በቀል ያደረጉት ሳይሆን እንዳልቀረ ሰራተኞች ጠቁመዋል፡፡ 

" ትናንት አገዳ ተቃጥሎብን ነበር፡፡ አንድ ዶዘርም ተቃጥሏል፡፡ ከቀኑ 8፡00 እስከ ምሽቱ 1፡30 የእሳቱን እያጠፋን ነበር፡፡ ብዙ ሄክታር የሚሆን አገዳ የተቃጠለ ሲሆን መንደር 2 የተባለ ቦታ ብቻ ከ50 አስከ 60 ሄክታር ይሆናል የተቃጠለው፡፡ ሰክሽን ‹ዲ እና ኢ‹ የሚባሉ ቦታዎች አሉ እዛም ተቃጥሏል " ብለዋል አንድ ሰራተማ

የፍንጫ ስኳር ፍብሪካ በግንቦት ወር 2015 ዓ/ም በደረሰበት ጥቃት በቢሊዩን ብር የሚገመት ውድመት ደርሶበት እንደነበር አይዘነጋም።

መረጃው የዶቼ ቨለ ሬድዮ ጣቢያ ነው።

@tikvahethiopia

TIKVAH-ETHIOPIA

29 ноября 2024 19:48

የጥሪ ማሳመሪያ ዕድለኞች ሽልማታቸውን ተረከቡ!!
እንኳን ደስ አላችሁ 🎉✨

አሁንም ለጥሪ ማሳመሪያ ተመዝግበው ሙዚቃዎችን ወይም መንፈሳዊ ዜማዎችን በመግዛት ከ645 ለሚደርስዎት ጥያቄዎች ትክክለኛ ምላሽ በመስጠት ሽልማቶችን ይውሰዱ!

📺 ስማርት ቴሌቪዥኖች
💻 ላፕቶፖች
📱 5ጂ ስማርት ስልኮችና ሳምሰንግ ታብሌቶች
🎁 እንዲሁም በርካታ የሞባይል ጥቅሎችን በሽልማት ያግኙ!

ለመመዝገብ 822 ወይም *822# ይደውሉ አልያም http://www.crbt.et ይጎብኙ!

🗓 እስከ ታኅሣሥ 28/2017 ዓ.ም ብቻ!


#CRBT
#Ethiotelecom #telebirr #DigitalAfrica #DigitalEthiopia #RealizingDigitalEthiopia

TIKVAH-ETHIOPIA

29 ноября 2024 10:55

ዩጋንዳ በሀከሮች 17 ሚሊዮን ዶላር ተዘረፈች።

ዩጋንዳ በማዕከላዊ ባንኳ ላይ በተፈጸመ የሳይበር ጥቃት 62 ቢሊዮን ሽልንግ ወይም 17 ሚሊዮን ዶላር ተዘርፋለች፡፡

ቢው ቪዥን ጋዜጣ እንደዘገበው ምዝበራው የተፈጸመው ሀከሮች (ጠላፊዎች) የባንኩን አይቲ ክፍል ከተቆጣጠሩ በኋላ ነው፡፡

ምዝበራው ባሳለፍነው ማክሰኞ ነው እንደተፈጸመ የተነገረው።

ምዝበራው በደቡብ እስያ የሚገኙ ጠላፊዎች የተፈጸመ እንደሆነ ገንዘቡ በመጨረሻ ወደ ጃፓን እንደተላከ ባንኩ አስታውቋል፡፡

ባንኩ ከተመዘበረው ገንዘብ ውስጥ ግማሹን አስመልሻለሁ ብሏል፡፡

የሀገሪቱ ፕሬዝዳንት ዮሪ ሙሴቪኒ መንግስታቸው በሚስተዳድረው ባንክ ላይ የተፈጸመው ምዝበራ እንዲመረመር አዘዋል።

ዴይሊ ሞኒተር ባወጣው ዘገባ ይህ ምዝበራ የተፈጸመው በባንኩ የውስጥ ሰራተኞች እርዳታ አማካኝነት ሳይሆን አይቀርም።

የፕሬዝዳንቱን ጥዕዛዝ ተከትሎ ፖሊስ ሁኔታውን እየመረመረ ነው ተብሏል። በቅርቡ ውጤቱን ለህዝብ ይፋ እንደሚያደርግ ተገልጿል።

ዩጋንዳ በተደጋጋሚ መሰል የበይነ መረብ / ሳይበር ጥቆቶችን ስታስተናግድ የአሁኑ የመጀሪያዋ አይደለም።

በተለይም በቴሌኮም ኩባንያዎች እና የገንዘብ አተላላፊ ተቋማቶቿ ላይ በተደጋጋሚ ዝርፊያ ተፈጽሟል፡፡

በባንኮች ላይም መሰል ምዝበራዎች የሚፈጸሙ ቢሆንም ባንኮች ከደንበኞቻቸው ሊደርስ የሚችልን ጉዳት በመፍራት ምን ያህል ገንዘብ እንደተሰረቁ ከመናገር ይቆጠባሉ፡፡

ይህን መረጃ አል አይን ኒውስ ቢው ቪዥን ጋዜጣና ዴይሊ ሞኒተርን ዋቢ በማድረግ ነው ያጋራው።

@tikvahethiopia

TIKVAH-ETHIOPIA

29 ноября 2024 10:40

#ሹመት : የኢትዮጵያ መገናኛ ብዙሃን ባለስልጣን ዋና ዳይሬክተር ሆነው ሲያገለግሉ የቆዩት አቶ መሐመድ እድሪስ የሰላም ሚኒስቴር ሚኒስትር ሆነው ተሾሙ።

ጠቅላይ ሚኒስትር ዐቢይ አሕመድ (ዶ/ር) ከሕዳር 18 ቀን 2017 ዓ.ም ጀምሮ አቶ መሐመድ እድሪስን የሰላም ሚኒስቴር ሚኒስትር አድርገው ሾመዋቸዋል።

@tikvahethiopia