1519094
ይህ የቲክቫህ (ተስፋ) ኢትዮጵያ ቤተሰብ አባላት መሰባሰቢያ እንዲሁም የመረጃ እና የመልዕክት መለዋወጫ መድረክ ነው። @tikvahuniversity @tikvahethAfaanOromoo @tikvahethmagazine @tikvahethsport @tikvahethiopiatigrigna #ኢትዮጵያ
#AAU
የአዲስ አበባ ዩኒቨርሲቲ ራስ ገዝ ዩኒቨርሲቲ መሆኑን ተከትሎ ተማሪዎችን ለማስተማር በራሱ መስፈርት አወዳድሮ እንደሚቀበል የምልመላ ፖሊሲ መዘርጋቱን ከዚህ ቀደም መግለጹ ይታወሳል፡፡
ለማስተማር የተቀባላቸውን ተማሪዎች በተመለከተም ዛሬ መግለጫ ሰጥቷል፡፡
የዩኒቨርሲቲው የአካዳሚክ ምክትል ፕሬዚደንት ዩኒቨርሲቲ ጀይል ዑመር (ዶ/ር) ፣ “ ዩኒቨርሲቲው በቅድመ ምረቃም ሆነ በድህረ ምረቃ ፕሮግራሞች የሚከታተሉትን ብቃትና አቅም ለመመልመል የሚያስችል የቅበላ ፖሊሲ በማዘጋጀት ምልመላውን አዘጋጂቷል ” ብለዋል፡፡
“ ለምልመላው ትልቁ መስፈርት በሀገራችን ለቅድመ መረቃ ፕሮግራሞች በአገሪቷ የ12ኛ ክፍል ብሔራዊ ፈተና ወደ ዩኒቨርሲቲ መግባት የሚያስችል ውጤት ያላቸው ተማሪዎች እንዲወዳደሩ ነው የተደረገው ” ነው ያሉት፡፡
ለምልመላው በጥቅሉ፣ ዩኒቨርሲቲው የሰጠው የአድሚሽን ፈተና ከ50 ፐርሰንት፣ የ12ኛ ክፍል መልቀቂያ ውጤት ከ50 ፐርሰንት መያዙ ተነግሯል፡፡
“ በዚህ ዓመት ለከፍተኛ ትምህርት ብቁ ናቸው ተብለው ትምህርት ሚኒስቴር ካረጋገጠላቸው መካካል 11 ሺሕ 939 ተማሪዎች ለአዲስ አበባ ዩኒቨርሲቲ ለመመረጥ ለፈተና ቀርበዋል፡፡ የቅበላ ፈተናው የሚለካው ተማሪዎቹ ወደ ዩኒቨርሲቲው ቢገቡ ያለ ምንም እንከን የቅድሞ ምረቃውን ፕሮግራም ዝግጁነት ኑሯቸው የሚችሉ መሆኑን የሚያረጋግጡ ናቸው ” ሲሉ ተናግረዋል፡፡
የክሪቲካል ቲንኪንግ፣ የቋንቋ ዝግጁነትን፣ የስሌት ብቃቶችን ሊያረጋግጡ የሚችሉ ጉዳዮችን የቅበላ ፈተናው ማካተቱንም ገልጸዋል፡፡
“ ከ11 ሺሕ 939 ለፈተናው የተቀመጡትን ስናይ፣ በቅድመ ምረቃ ፕሮግራም የመጀመሪያው ነው፡፡ የፍሬሽማን ፕሮግራም ዘርፍ አለው፡፡ በተፈጥሮ ሳይንስና በማህበራዊ ሳይንስ ተብሎ ይከፈላል ” ነው ያሉት።
“ በተፈጥሮ ሳይንስ ያመለከቱትና ለፈተና የተቀመጡት 7,589 ሲሆኑ፣ በሶሻል ሳይንስ ደግሞ 4,350 ተማሪዎች ናቸው ” ነው የተባለው።
በዚህም በመንግስት ስኮላርሽፕ የሚማሩት 4,402፣ በራሳቸው ከፍለው የሚማሩት ደግሞ 7,537 ተማሪዎች ለፈተና እንደተቀመጡ ተገልጿል፡፡
በዬፕሮግራሞቹ የማስተናገድ አቅምም አንዱ ታሳቢ የሆነ መስፈርት እንደሆነ የገለጸው ዩኒቨርሲቲው፣ “ በዚህ ስሌት በመንግስት ስፖንሰርነት የተመለመሉት 2,660፣ በግል አመልካችነት (ከፍሎ ለመማር) 2,640፣ በአጠቃላይ ዩኒቨርሲቲው በቅድመ ምረቃ ፕሮግራም 5300 ተማሪዎችን ቅበላ አድርጓል ” ነው ያሉት፡፡
በሚቀጥሉት ጥቂት ቀናት ውስጥ ተመዝግበው ትምህርትቸውን እንደሚቀጥሉም ተመላክቷል፡፡
በተለይ የጸጥታ ችግር ባለባቸው አካባቢዎች ያሉ ተማሪዎች ወደ አዲስ አበባ ዩኒቨርሲቲ መጥተው ለመማር የሚፈልጉ ከመሆናቸው አንጻር ዩኒቨርሲቲው ምልመላውን በምን መልኩ እንደዳሰሰው ለቀረበለት ጥያቄ በሰጠው ምላሽ፣ “ ከየትኛውም የአገሪቷ ኮርነር ላሉት እድሉ ተሰጥቷል፡፡ ዩኒቨርሲቲው በዚህ በኩል ነፍጓል የምንለው ነገር የለም ” ብሏል፡፡
ክፍያው ስንት እንደሆነ ከጋዜጠኞች ለቀረበው ጥያቄም፣ ክፍያው የተለያዬ እንደሆነ፣ መንግስት ስፖንሰር ያደረጋቸው የምግብ፣ የመኝታ፣ የትምህርታና ሌሎች ወጪዎው በመንግስት እንደሚሸፈኑ ዪኒቨርሲቲው ምላሽ ሰጥቶበታል፡፡
“ ከፍለው የሚማሩ ደግሞ ምግብም፣ መኝታ ቤትም ያስፈልገኛል ለሚል ኮስት ያደርጋል፡፡ የትምህርት ወጪ የምንለው ስሌቱ በኢሲቲኤስ ነው፡፡
እንደዬየፕሮግራሞቹ ይለያያል፡፡ ለምሳሌ ዝቅተኛ በአንድ ኢሲቲኤስ 600 ብር፣ በኢሲቲኤስ ከፍተኛው እስከ 2000 ብር የሚሄድ ነው ” ብሏል፡፡
#TikvahEthiopiaFamilyAA
@tikvahethiopia
#Afar #Tigray
ትግራይ እና ዓፋር ክልሎች በፕሬዜዳንቶቻቸው በኩል ባደረጉት ይፋዊ ግንኙነት የሁለቱም ህዝቦች አብሮነት የሚጎዱ ወንጀለኞች ተላለፈው እንዲሰጣጡ ተሰማሙ።
በትግራይ ክልል ጊዚያዊ አስተዳደር አቶ ጌታቸው ረዳ የተመራ ልኡክ በዓፋር ክልል ሰመራ ከተማ ያደረገው የአንድ ቀን ምክክር አድርጓል።
ምክክሩ ውጤታማ እንደነበር ተገልጿል።
የትግራይ ጊዚያዊ አስተዳደር ልኡክ አባል የዓፋር ክልል አጎራባች ደቡባዊ ምስራቅ ዞን ዋና አስተዳዳሪ ጸጋይ ገብረተኽለ ፥ " ውይይቱ የሁለቱ ክልል ህዝቦች ጉርብትና ሰላማዊ ሆኖ እንዲቀጥል የሚያግዝ ውጤታማ ውይይት ነው " ብሎውታል።
" በትግራይ እና ዓፋር ክልሎች የህዝብ ለህዝብ ግንኙነት እንዲጀመር ፣ የተዘጉ መንገዶች እንዲከፈቱ ፣ ነፃ የሆነ ግንኙነት እንዲኖር ፣ ተፈናቃዮች ወደ ቄያቸው እንዲመለሱ እና የቆየው የሰላም እና የልማት ግንኙነት እንዲቀጥል በውይይቱ ስምምነት ላይ ተደርሷል " ብለዋል።
" ሁለቱ ክልሎች በሚያዋስኑ አከባቢዎች ተደጋጋሚ ግጭቶች እንደሚከሰቱ " የገለፁት ዋና አስተዳዳሪው " ግጭት ጠማቂዎችና ወንጀለኞች ተላልፈው እንዲሰጣጡ ፣ የጋራ የሰላም እና የፀጥታ እቅድ እንዲኖርና በየወሩ እየተገመገመ እንዲመራ ትግራይ እና ዓፋር ተስማምተዋል " ሲሉ አሳውቀዋል።
በፕሬዜዳንት ጌታቸው ረዳ የተመራ ልኡክ በዓፋር ክልል የነበረው የአንድ ቀን ቆይታ አጠናቅቆ ወደ መቐለ መመለሱ የጊዚያዊ አስተዳደሩ ፕሬዜዳንት ፅህፈት ቤት በመጥቀስ ቲክቫህ ኢትዮጵያ የመቐለ ቤተሰብ ዘግቧል።
#TikvahEthiopiaFamilyMekelle
@tikvahethiopia
#Afar #Tigray
የትግራይ እና ዓፋር ክልሎች በፕሬዜዳንቶቻቸው የተደገፈ ይፋዊ ምክክር አደረጉ።
ዛሬ በዓፋርዋ ሰመራ ከተማ የተሳለጠው ግንኙነት በትግራይ ክልል ጊዚያዊ አስተዳደር ጌታቸው ረዳ እና በዓፋር ክልል ፕሬዜዳንት አወል አርባ የተመራ ነው።
በአቶ ጌታቸው ረዳ የተመራ ልኡክ ሰመራ ከተማ አውሮፕላን ማረፍያ ሲደርስ ፕሬዜዳንት አወል አርባ እና ካቢኔያቸው አቀባበል አደርገውለታል።
የሁለቱ አጎራባች ክልሎች ይፋዊ ግንኙነት በሰሜኑ ጦርነት ምክንያት የሻከረው ግንኙነት ለማደስ ያለመ እንደሆነ ድምጺ ወያነ ዘግቧል።
@tikvahethiopia
#ኢትዮጵያ #ማክሮኢኮኖሚ
የማክሮ ኢኮኖሚ ኮሚቴ ዛሬ ጠዋት ተሰብስቦ ነበር።
በቅርብ የተደረገውን የተሟላ የማክሮ ኢኮኖሚ ፖሊሲ ማሻሻያዎች አፈፃፀም መገምገሙም ተሰምቷል።
ይህን ተከትሎ ጠ/ሚ ዐቢይ አህመድ (ዶ/ር) ፥ " ፖሊሲው ተፈፃሚ በሆነባቸው ሁለት ወራት የተረጋጋ የውጭ ምንዛሪ ከባቢን መመልከት ችለናል " ሲሉ ገልጸዋል።
" በተመሳሳይ የገቢ ግባችን የተቀመጠለትን ግብ በመምታት በታለመለት መንገድ ላይ ይገኛል " ብለዋል።
" በአጠቃላይ ያለፉት ሁለት ወራት ፖሊሲው በስኬታማ አፈፃፀም ላይ መሆኑን አሳይተዋል " ሲሉ ገልጸዋል።
@tikvahethiopia
#Djibouti
45 ስደተኞች ህይወታቸው ማለፉ ተሰማ።
ከየመን 310 ስደተኞችን በመጫን በጉዞ ላይ የነበሩ ሁለት ጀልባዎች ሰጥመው እስካሁን ባለው 45 ሰዎች መሞታቸውን ዓለም አቀፉ የስደተኞች ድርጅት (IOM) አስታውቋል።
የጅቡቲ የባህር ጠረፍ ጠባቂ እንዳስታወቀው አደጋው በሰሜናዊ ምዕራብ ሖር አንጋር አካባቢ ካለው የባህር ዳርቻ 150 ሜትሮች ርቆ ነው የተከሰተው።
ከሰኞ ጀምሮ በተደረገው ፍለጋ በህይወት የተረፉ 115 ሰዎች ማዳን እንደተቻለ የጅቡቲ የባህር ጠረፍ ጥበቃ አሳውቋል።
እስካሁን በርካታ ስደተኞች የደረሱበት አልታወቀም።
@tikvahethiopia
#እናትፓርቲ
" አንዱን ሰቆቃ ማን ፣ እንዴት ፣ ለምን እንዳደረገው በበቂ ሳይጠናና ጠያቂም፣ ተጠያቂም ሳይኖር ለጥቂት ጊዜያት ዝም ያለና የቆመ ካስመሰለ በኋላ ያለፈውን በሚያስንቅ እልቂቱ ይቀጥላል " - እናት ፓርቲ
እናት ፓርቲ በወቅታዊ ጉዳይ ላይ መግለጫ ልኳል።
ፓርቲው " በሀገራችን ኢትዮጵያ ሥርዓታዊ የሆነ በእምነት ተቋማት፣ በሃይማኖት አባቶችና ምእመናን ላይ የሚደርስ ጥቃት አቻ በሌለው መልኩ ከዳር ዳር ሲያምሳት ማየትና ምንም እንዳልተፈጠረ በዝምታ ማለፍ የተለመደና በተዘዋዋሪ ይኹንታ የመስጠት የሚመስል ክስተት ከሆነ ዓመታት ተቆጥረዋል " ብሏል።
" የግፉ መጠን ከዕለት ዕለት እየቀነሰ ከመሄድ ይልቅ መልኩንና ቦታውን እየቀያየረ አሰቃቂነቱንም በየወቅቱ የከፋ እያደረገ ቀጥሏል " ሲል ገልጿል።
" አንዱን ሰቆቃ ማን፣ እንዴት፣ ለምን እንዳደረገው በበቂ ሳይጠናና ጠያቂም፣ ተጠያቂም ሳይኖር ለጥቂት ጊዜያት ዝም ያለና የቆመ ካስመሰለ በኋላ ያለፈውን በሚያስንቅ እልቂቱ ይቀጥላል። እንደማኅበረሰብም ጣት መቀሳሰርና አኹን አኹን ደግሞ እልቂትን በጥንቃቄ በመለማመድ ላይ ያለን ይመስላል " ብሏል።
" ባለፈው መስከረም 16/2017 ዓ/ም በኦሮሚያ ክልል ምሥራቅ ሸዋ ዞን ሞጆ ወረዳ የቢቃ ደ/መ/ቅዱስ ሚካኤል ቤተ ክርስቲያን አገልጋይ ካህን የነበሩት ቀሲስ ወልደ ኢየሱስ አያሌው እና 4 ቤተሰባቸው በግፍ በአሰቃቂ ኹኔታ መገደል ተራ ግድያ ሳይሆን በእምነት ተቋማት ላይ ያነጣጠረ፣ ቤተሰብን በሙሉ በአንድ ላይ በመፍጀት ዘር እንዳይተርፍ ጭምር የተወሰደና ቀደም ሲል ከተፈጸሙ መሰል ግድያዎች የጥፋት ደረጃውን ከፍ አድርጎ ያሳየ ጭፍጨፋ ነው " ሲል ፓርቲው ገልጿል።
ፓርቲው " ይኽንና ቀደም ሲል በተለያዩ ጊዜያት የደረሱ ጥቃቶችና የጅምላ ፍጅቶች በአጋጣሚና በዘፈቀደ እየሆኑ ያሉ ሳይሆን በተጠና መልኩ ሀገርን አጽንተው ባቆሙ ሃይማኖታዊ እሴቶቻችን ላይ ያነጣጠሩና ፈርጀ ብዙ አንድምታ ያላቸው በመጣህብኝ ሰበብ የተጠና ዘር ማጽዳትና ማሳሳት/systemic ethnic cleansing/፣ በቀል/revenge/፣ ማዋረድ/humiliation/፣ የአዲሱን ዓለም አስተሳሰብ/new world order/ ትግበራ አካል እንደሆነ በጽኑ እናምናለን " ብሏል።
" በዓለም ላይ የተፈጸሙ መሰል ድርጊቶች ያለመንግሥት መዋቅር ቀጥተኛም ይኹን ተዘዋዋሪ ተሳትፎ አልተፈጸሙም " የሚለው ፓርቲው " የእኛውም ከዚያ ሊለይበት የሚችል አመክንዮና ዕውናዊ ማሳያ ይኖራል ተብሎ አይታመንም " ሲል ገልጿል።
" እንዲህ ያሉ ድርጊቶች በጥንቃቄና አሻራ በማይተው መልኩ፣ ገፋ አድርጎ ቢሄድም በማዳፈን የሚፈጸሙ ናቸው። እርግጥ ነው የጊዜ ጉዳይ ካልሆነ በስተቀር የዚኽም ሆነ የቀደሙ ጅምላ ጭፍጨፋዎች ተዋንያን ለፍርድ አደባባይ መቅረባቸው አይቀሬ ነው " ብሏል።
" የእኛን ፓርቲ ጨምሮ መሰል ተቋማትና ግለሰቦች በቀደሙት ጊዜያት በተደጋጋሚ ያሰማነው ዜጎችና ተጋላጭ የሆኑ የሃይማኖት ተቋማት /hotspot areas/ ጥበቃ እንዲደረግላቸው ያስተላለፍነው ጥሪ ሰሚ በማጣቱ ወይም ሆነ ተብሎ በመታለፉ ዛሬም ጭፍጨፋውና ግድያው በከፋ መልኩ እንደቀጠለ ነው " ብሏል።
" ኢትዮጵያውያን አንዳችን የአንዳችንን ደህንነት እየጠበቅን የእምነት ተቋማቶቻችንን ከሥርዓታዊ ጥቃት ለመታደግ እጅ ለእጅ ተያይዘን እንድንቆምና ለተሻለ ጊዜ እንድንተጋ " ሲል እናት ፓርቲ ባወጣው መግለጫ አሳስቧል።
@tikvahethiopia
Hibret Bank !
ለማንኛውም ጥያቄ ወይም ቅሬታ ወደ 995 የጥሪ ማዕከላችን በመደወል ፣ በኢሜል CRM@hibretbank.com.et በመላክ ወይም በዋናው መ/ቤት 3ኛ ፎቅ በመቅረብ አገልግሎቱን ማግኘት ይችላሉ፡፡
ሕብረት ባንክ
በሕብረት እንደግ!
ለበለጠ መረጃ ወደ 995 ነፃ የጥሪ ማዕከል ይደውሉ፡፡ አዳዲስ መረጃ እንዲደርሶ የሚከተሉትን የማህበራዊ ገፆቻችንን ይቀላቀሉ፡፡
ቴሌግራም- /channel/HibretBanket
linktr.ee/Hibret.Bank
#Hibretbank
#MiddleEast
የእስራኤል ጦር ለምሽቱ የኢራን የሚሳኤል ጥቃት ጨምሮ በቀጠናው ለቀጠለው ውጥረት ምላሽ በመካከለኛው ምስራቅ ከፍተኛ የሆነ የአየር ድብደባ እንደሚፈጽም ማረጋገጡን የእስራኤል ጦር ሬድዮ ጣብያ ዘግቧል።
ጦሩ ' ከፍተኛ ' ያለውን የአየር ድብደባ የት የት ሀገራት ላይ እንደሚፈጽም አላሳወቀም።
የመካከለኛው ምስራቅ ሁኔታ እጅግ ወደከፋ ሁኔታ እየተሻሸገረ ነው።
(ቪድዮ ፦ የኢራን ሚሳኤል በማዕከላዊ እራኤል ሲያርፍ )
Via @thiqaheth
መካከለኛው ምስራቅ ወደየት ያመራል ?
በእስራኤልና ፍልስጤም ሃማስ መካከል የጀመረው ጦርነት መፍትሄ ሳያገኝ ቀርቶ ችግሩ አድማሱን አስፍቶ ቀጠናው መታመሱን ዛሬም ድረስ ቀጥሏል።
የቀጠናው ችግር ከመሻሻል ይልቅ ከቀን ወደ ቀን እየተባባሰ ነው።
ከሰሞኑ ደግሞ በእስራኤል እና በሊባኖስ ሄዝቦላህ መካከል የነበረው ግጭት ተባብሶ በርካቶች ሞተዋል ፤ ተጎድተዋል።
የሂዝቦላህ መሪ ሀሰን ነርሰራላህ እና ሌሎችም ቁልፍ ሰዎች በእስራል ጥቃት መገደላቸው ሁኔታውን እጅግ አስከፊ አድርጎታል።
ከዚህ ቀደም እስራኤል በቀጣናው የምትፈጽመውን ጥቃት እንድታቆም ስታስጠነቅቅ የነበረችው ኢራን ወደ እርምጃ ገብታለች።
ዛሬ የእስራኤል ከተሞች በሳይረን ድምጽ ሲናወጡ ነው ያመሹት።
ኢራን በመቶዎች የሚቆጠሩ የባላስቲክ ሚሳኤሎችን ወደ እስራኤል አስወንጭፋለች።
የሀገሪቱ ዜጎችም ህይወታቸውን ለማዳን ወደ አደጋ መከካከያ ስፍራዎች እንዲገቡ ተደርገው ነበር።
የኢራን አብዮታዊ ዘብ ጥበቃ 250 ሚሳኤሎች መተኮሱን አመልክቷል።
የእስራኤል ጦር ከኢራን በኩል የባላስቲክ ማሳኤል መወንጨፉን አረጋግጧል።
የእስራኤል ጦር አሁን ላይ ከኢራን በኩል የሚያሰጋ ጥቃት እንደሌለና በየመጠለያው የተሸሸጉ መውጣት እንደሚችሉ አመልክቷል።
የኢራን እርምጃ ከዚህ ቀደም እንደተፈራው ሁኔታውን እጅግ ወደከፋ ሁኔታ ሊያስገባው እንደሚችል ተሰግቷል።
More : @thiqaheth
@tikvahethiopia
#ትራይዳል
ትራይዳል ቴክኖሎጂስ ኃ፡የተ፡የግ፡ማ የሶፈትዌር ሶሉሽኖችን ለሀገር ውስጥ እና አለም አቀፍ ደንበኞች በከፈተኛ ጥራት እና ተመጣጣኝ ዋጋ በማቅረብ ይታውቃል።
የሞባይል አፕሊኬሽን ዴቨሎፕመንት፣ ከስተምይዝድ ሶፍትዌር ዴቨሎፕመንት፣ ኢኮሜርስ ሲስተም ዴቨሎፕመንት እና ዌብሳይት ዴቨሎፕመንት አገልግሎቶችን ለደንበኝዎች እንሰጣለን።
በቴክኖሎጂ ዘርፍ ውስጥ ለሚሰሩ ድርጅቶች የሶፍትዌር ፕሮጀክቶችን በመረከብ በተመጣጣኝ ዋጋ የአውት ሶርሲንግ ሰርቪስ እንሰጣለን።
ለበለጠ መረጃ : www.tridal.org
ስልክ : 0901357160
አድራሻ : አዲስ አበባ፣ ብሪቲሽ ኢምባሲ፣ ፍቅር ቢውልዲንግ
" እስከተባለው ጊዜ ካልገባችሁ በእጣና በሽያጭ ነው ለሌላ ነዋሪ የሚተላለፈው " - የአዲስ አበባ ቤቶች ልማት ኮርፖሬሽን
በተለያዩ ጊዜያት በእጣ እና በጨረታ ተላልፈው ነዋሪ ያልገባባቸው የጋራ መኖሪያ ቤቶች እስከ ጥቅምት 30/2017 ዓ.ም ድረስ የቤት ባለቤቶቹ የማይገቡበት ከሆነ ውል የሚቋረጥ መሆኑን የአዲስ አበባ ቤቶች ልማት ኮርፖሬሽን ማስጠንቀቁ ይታወሳል።
ኮርፖሬሽኑ የጋራ መኖሪያ ቤቶችን ገንብቶ በተለያዩ ጊዜያት በእጣ እና በጨረታ ማስተላለፉ አመልክቷል።
" በተለያዩ ጊዜያት በሽያጭ ተላልፈው የቤት ባለቤቶች ውል የተዋዋሉባቸው የጋራ መኖሪያ ቤቶች እስከ አሁን ነዋሪ ባለመግባቱ ምክንያት የተለያዩ ህገ ወጥ ተግባራት እየተፈፀመባቸው እና ለፀጥታ ስጋት እየሆኑ ይገኛል " ብሏል።
ነዋሪ ያልገባባቸው የጋራ መኖሪያ ቤቶች እስከ ጥቅምት 30/2017 ዓ.ም ድረስ ባለቤቶቹ ወደ ቤታቸው እንዲገቡ የማይገቡ ነዋሪዎች የሽያጭ ውላቸው እንደሚቋረጥ ገልጿል።
ውል ከተቋረጠ በበኃላ #በእጣ እና #በሽያጭ ለሌላ ነዋሪ እንደሚተላለፍ ነው ኮርፖሬሽኑ ' ለመጨረሻ ጊዜ ' ሲል ያስጠነቀቀው።
@tikvahethiopia
#Update
በዶ/ር ደብረፅዮን ገ/ሚካኤል ከሚመራው የህወሓት ቡድን ጋር ያላቸው ልዩነት በሰላማዊ መንገድ እንዲፈታ እንደሚሰራ በአቶ ጌታቸው ረዳ የሚመራው የህወሓት ቡድን ተናግሯል።
በምክትል ሊቀመንበሩ አቶ ጌታቸው ረዳ የሚመራው የህወሓት ማእከላዊ ኮሚቴ አባላትና ከፍተኛ ካድሬዎች መስከረም 20/2017 ዓ.ም በመቐለ ውይይት ማካሄድ ጀምሯል።
ውይይቱ ለሁለት የተከፈለው ድርጅት ለማዳንና የትግራይ ህዝብ ህልውና ለማረጋገጥ ያለመ ነው ተብሏል።
በዚህም ወቅት በአቶ ጌታቸው የሚመራው ቡድን የተፈጠረው ልዩነት እንዲሰፋ እየሰራ ያለው " የፕሪቶሪያ የሰላም ስምምነት እንዳይሳካ የተሰለፈ የሰላም ፀር የሆነ ሃይል ነው " ብሏል።
የውይይቱ ተሳታፊዎች የህወሓት ህጋዊነት እንዳይመለስ እና የፕሪቶሪያ የሰላም ስምምነት እንዳይፈፅምና የተገኘው ተነፃፃሪ ሰላም እንዳይቀጥል እንቅፋት የሆነው " የሰላም ፀር " ሲሉ የጠሩትን በዶ/ር ደብረፅዮን የሚመራውን ህወሓት ከሰዋል።
" በዶ/ር ደብረፅዮን የሚመራው ሃይል ጉባኤ አካሂጃለሁ በሚል ሽፋን ራሱን እንደ ህጋዊ በመቁጠር የወረዳና የከተማ ምክር ቤቶች እየሰበሰበ ይገኛል " በማለት አክለዋል።
በዶ/ር ደብረፅዮን የሚመራው ሃይል በስም ማጥፋት ተግባራት መሰማራቱ የገለፀው በምክትል ሊቀመንበር ጌታቸው የሚመራ ህወሓት ከዚህ ተግባሩ እንዲቆጠብና ሰርዓት እንዲይዝ ጠይቋል።
በአቶ ጌታቸው ረዳ የሚመራ ህወሓት ዛሬ በጊዚያዊ አስተዳደሩ ስራዎች ላይ መሰረት ያደረገ ውይይት ይቀጥላል ተብሎ ይጠበቃል።
#TikvahEthiopiaMekelle
@tikvahethiopia
ስለ ሲፒ ጉዳተኛ ህጻናት ይመለከተኛል !!
' እዝነት አካል ጉዳተኛ ህፃናትና ወላጆች መርጃ ድርጅት ' የዓለም አቀፍ የሲፒ ጉዳተኞች ቀን አስመልክቶ የእግር ጉዞ ማዘጋጀቱን ለቲክቫህ ኢትዮጵያ ገልጿል።
ድርጅቱ የእግር ጉዞውን አዘጋጅቶ ነበረው በኢትዮጵያ መስረም 26 / 2017 የነበረ ቢሆን በዚህ ሰሞን ከሚከበረው ባህላዊ፣ ሃይማኖታዊ እንዲሁም በምልእተ ህዝብ የሚከበር አመታዊ ክብረ በአል (ኢሬቻ) ጋር ስለተገጣጠመበት መርሃግብሩን እንደቀየረ አመልክቷል።
የእግር ጉዞው የሚያረደርግበት ቀንም ጥቅምት 03 / 2017 መሆኑን ገልጿል።
ድርጅቱ በሃገራችን ያለው የሲፒ ጉዳተኞች ስርጭት ከፍተኛ መሆኑን በማመልከት የድጋፍ ስራው ማህበረሰቡን ያሳተፈ እንዲሆን፣ ግንዛቤ ለማስጨበጥና የድርጅቱን ተደራሽነት ከፍ እንዲል ለማድረግ ነው የዓለም አቀፍ የሲፒ ጉዳተኞች ቀን በማሰብ ይህን መርሃ ግብር ያዘጋጀው፡፡
የድርጅቱ መሰራች እና ስራ አስኪያጅ ወ/ሮ ዘቢባ አህመድ " ቀን ለውጡን ያረግንበት ዋና አላማ የህዝቡን ትኩረት እና ድጋፍ በይበልጥ ለማግኘት ፣ እንደ እቅዳችን ብዙ ህዝብ ያካተተ ሆኖ ተደራሽነቱ ከፍ እንዲል ነው " ብለዋል።
ድርጅቱ ቀኑን የቀየረው አምኖበት ቢሆንም ቀደመው ቲሸርት ለገዙ ተሳታፊዎች ይቅርታ ጠይቋል።
በኢትዮጵያ ለመጀመሪያ ጊዜ በዓለም አቀፍ ደረጃ የሚከበረውን የዓለም የሰረብራል ፓልሲ ጉዳተኞች ቀንን ተንተርሶ የሚዘጋጀው መርሃግብር በአዲስ አበባ ከተማ ጥቅምት 03 / 2017 ከጠዋቱ 2፡00 እስከ 7፡00 ድረስ መነሻውን አድዋ ዐዐ መዳረሻውን ኩባ ፓርክ ያደርጋል።
@tikvahethiopia
ዋሪት ፈርኒቸር !
የቤትዎን ምቾትና ውበት የሚያስናፍቁ የዋሪት ምርቶች በሁሉም ማሳያ ሱቆቻችን ያገኛሉ ። ከእርሶ ሚጠበቀው ጎራ ማለት ብቻ ነው። በሚወዱት የቀለም ምርጫ ይሸምቱ!!
ዋሪት ፈርኒቸር
ትክክለኛ ምርጫ!!
* 22- ዋሪት ህንፃ
* ጉርድ ሾላ- ሴንቸሪ ሞል
* ለቡ- ቫርኔሮ ፊት ለፊት
* ፒያሳ- ፍርዱ ኮሜርሻል
* ቡልቡላ- ልዑል ህንፃ ፊት ለፊት
* አዳማ- ሶረቲ ሞል
📞0911210706 | 07
www.warytze.com
ፌስቡክ፡ www.fb.com/WARYTZE
ቴሌግራም፡ /channel/warytfurniture
ኢንስታግራም፡ https://www.instagram.com/warytfurniture/
ቲክቶክ፡ warytzefurniture" rel="nofollow">https://www.tiktok.com/@warytzefurniture
🇪🇹በኢትዮጵያ የተመረተ 🇪🇹
" ከዛሬ ጀምሮ እስከ ጥምቅት 30/2017 ወደ ቤታችሁ ግቡ ፤ ይህ ካልሆነ የሽያጭ ውሉ እንዲቋረጥ ተደርጎ ቤቱን ለሌላ ዕድለኛ እናስተላልፋለን " - የቤቶች ልማት ኮርፖሬሽን
በአዲስ አበባ ከተማ አስተዳደር የጋራ መኖሪያ ቤቶችን እየገነባ ለቤት ተጠቃሚዎች በዕጣና በጨረታ የሚያስተላልፈው የቤቶች ልማት ኮርፖሬሽን " በሽያጭ ከተላለፉና ውል ከተፈጸመባቸው ቤቶች መካከል የቤት ባለቤቶች ወደ ቤታቸው ገብተው እየኖሩ አለመሆኑን አረጋግጫለሁ " ብሏል።
" በህጋዊ መንገድ ውል የተያዘባቸው ቤቶች ለህገወጥ ተግባር እየዋሉ ነው " ያለው ኮርፖሬሽኑ ፥ የቤት ባለቤቶች ከኮርፖሬሽኑ ጋር በያዙት የሽያጭ ውል ከዛሬ ጀምሮ እስከ ጥቅምት 30 ቀን 2017 ዓ.ም ድረስ ወደ ቤታቸው እንዲገቡ አስጠንቅቋል።
" በተባለው ጊዜ ውስጥ ወደ ቤቱ የማይገባ የቤት ባለቤት የሽያጭ ውሉ በህግ አግባብ እንዲቋረጥ ተደርጎ ቤቱን ለሌላ ዕድለኛ እናስተላልፋለን " ሲልም ገልጿል።
#AddisAbaba
@tikvahethiopia
#NBE : የኢትዮጵያ ብሔራዊ ባንክ ለአምስት ባንክ ላልሆኑ የውጭ ምንዛሪ ቢሮዎች የስራ ፈቃድ ሰጠ።
የስራ ፍቃድ የተሰጣቸው ፦
1. Dugda Fidelity Investment PLC
2. Ethio Independent Foreign Exchange Bureau
3. Global Independent Foreign Exchange Bureau
4. Robust Independent Foreign Exchange Bureau
5. Yoga Forex Bureau ናቸው።
" እነዚህ የውጭ ምንዛሪ ቢሮዎች በሙሉ ተቀባይነት ያላቸው " ናቸው ያለው ብሔራዊ ባንክ " የውጭ ሀገር ጥሬ ገንዘቦችን በመግዛትና በመሸጥ እንዲሁም ከባንኮች ጋር በመቀናጀት ለወጪና ገቢ ንግድ የሚውል የውጭ ምንዛሪ በማመቻቸት የሀገሪቱን የውጭ ምንዛሪ ገበያ ለማስፋፋትና ለማዳበር የሚረዳ ሚና ይኖራቸዋል " ብሏል።
የውጭ ምንዛሪ ቢሮዎቹ በዋናነት የሚያካሂዱት የውጭ ምንዛሪ ሽያጭም ሆነ ግዥ ወዲያውኑ የሚፈጸም (spot transaction) ብቻ ይሆናል ተብሏል።
የውጭ ምንዛሪ ቢሮዎች ያለ ጉምሩክ ዴክላራሲዮን ከደንበኞች እስከ 10 ሺህ የአሜሪካን ዶላር፣ የጉምሩክ ፈቃድ ከሚያቀርቡት ደግሞ ከዚያ በላይ የውጭ ምንዛሪ በጥሬ ገንዘብ መግዛት ይችላሉ፡፡
እንዲሁም ተፈላጊ የጉዞ መረጃ ላላቸው የግል ተጓዦች እስከ 5 ሺህ የአሜሪካን ዶላር፣ ለንግድ ሥራ ተጓዦች ደግሞ እስከ 10 ሺህ የአሜሪካን ዶላር በጥሬ ገንዘብ መሸጥ ይችላሉ፡፡
@tikvahethiopia
#MPESASafaricom
💨 ⚡ቅመም MIFIን ገዝተን ፈጣን 4G ኢንተርኔት እንጠቀም! ለ30 ቀን ከሚቆይ ነጻ 100ጊባ ዳታ ጉርሻ ጋር 😋
ከሳፋሪኮም ጋር አንድ ወደፊት⚡
🔗 የM-PESA ሳፋሪኮም መተግበሪያ በዚህ ሊንክ እናዉርድ፦ https://play.google.com/store/apps/details?id=et.safaricom.mpesa.lifestyle
ስለ አገልግሎታችን ማንኛውንም ጥያቄ ወይም መረጃ በቴሌግራም ቻናላችን /channel/Safaricom_Ethiopia_PLC 24/7 ማግኘት ይቻላል!
#SafaricomEthiopia #1Wedefit #Furtheraheadtogether
#ኢትዮጵያ
ባንኮች በአገልግሎት ክፍያ ዋጋ ላይ የተጨማሪ እሴት ታክስ ታሪፍ ጨምረዋል።
በአዲሱ የተጨማሪ እሴት ታክስ ሕግ መሰረት ባንኮች በሚሰጧቸው አገልግሎቶች ላይ ተጨማሪ እሴት ታክስ እንዲጣል ታውጇል፡፡
በዚህም የመንግሥት እና የግል ባንኮች ከመስከረም 21 ቀን 2017 ዓ. ም ጀምሮ በባንክ አገልግሎቶች ላይ በሚከፈል የአገልግሎት ክፍያ ላይ የተጨማሪ እሴት ታክስ ታሪፍ ጨምረዋል።
@tikvahethiopia
#EZEMA
" የህዝባዊ በዓላት የፖለቲካ መድረክ ሊሆን አይገባም " ሲል የኢትዮጵያ ዜጎች ለማኅበራዊ ፍትሕ ፓርቲ ገለጸ።
ከቅርብ ጊዜያት ወዲህ በተለይ " ኢሬቻ " በዓልን በማክበር ሒደት በመንግሥት መዋቅሮች እና በመንግሥታዊ ኃላፊነት ቦታ ላይ የተቀመጡ ባለሥልጣናት ባሕሉ ካለው ሕዝባዊ እሴት ባፈነገጠ መልኩ ባሕሉን ከሕዝቡ ባለቤትነት ነጥቆ ፖለቲከኞቹ ዋነኛ አጋፋሪ ሆነው መጥተዋል ብሏል።
ይህ በሌሎች ዘንድ የመገለል እና የስጋት ስሜት ይፈጥራል ሲል አመልክቷል።
" ገዢው ፓርቲም በዚህ መልኩ የፖለቲካ ትርፍ ለማግኘት በሚመስል መልኩ መንቀሳቀሱ ተገቢ አይደለም ብለን እናምናለን " ብሏል።
ፓርቲው ፤ በተለይ ለባሕሉ ተብሎ በተለያዩ አካባቢዎች ከተቋማት እና ከንግዱ ማኅበረሠብ በድጋፍ ስም በመንግስት መስሪያ ቤቶች ደብዳቤ የንግድ ማኅበረሠቡን በሚያስጨንቅ እና ከአቅም በላይ የሆነ ከፍተኛ አስገዳጅ የገንዘብ መዋጮ የመጠየቅ እንቅስቃሴ እንዳለ ጠቁሟል።
ይህ ተግባር " ማኅበረሠቡን ከፍተኛ ምሬት ውስጥ በመክተት ባሕሉን በስጋት እንዲመለከተው እያደረገ ይገኛል " ብሏል።
" የባሕሉ ባለቤት የሆነው ሕዝብ ' ተቋማትን እና ግለሰቦችን አስጨንቃችሁ መዋጮ በመሰብሰብ በዓሉን አድምቁልኝ ' አይልም ፤ ይህንንም ሕገወጥ ተግባር የሚጠየፈው መሆኑን አንዳች ጥርጥር የለንም " ሲል ገልጿል።
" የየትኛውንም ማኅበረሠብ ባሕላዊም ሆነ ሃይማኖታዊ በዓል ለፖለቲካ ፍጆታ ማዋል ባሕሉን መበረዝ እንደሆነ ሊታወቅ ይገባል " ያለው ፓርቲው " ይህን መሰል የአደባባይ ክብረ በዓላት ለየትኛውም አይነት የፖለቲካ አጀንዳ ማራመጃነት መጠቀምን ፍፁም እናወግዛለን " ብሏል።
በንግዱ ማኅበረሠብ ላይ እየተደረገ ያለውን ተጠያቂነት የሌለበት ሕገወጥ ጫናን ጨምሮ ሌሎች አስገዳጅ ድርጊቶችን መንግሥት በቶሎ እንዲያቆም አሳስቧል።
መንግሥት ባሕሎችን ጠንቅቆ ለሚያውቀው ማኅበረሠብ እንዲመልስ መሠረታዊ ኃላፊነቶቹን ብቻ በቅጡ እንዲወጣም ጠይቋል።
#Ethiopia
@tikvahethiopia
#TPLF
" ህጋዊ እና ትክክለኛ 14ኛ ጉባኤ ለማካሄድ ቅድመ ዝግጅት በማድረግ ላይ እንገኛለን " - በአቶ ጌታቸው ረዳ የሚመራው ህወሓት
" ህዝብ እና ህወሓት በማዳን የትግራይ ህዝብ ህልውና ማረጋገጥ " በሚል መሪ ቃል ሰብሰባ የተቀመጠው በምክትል ሊቀመንበር አቶ ጌታቸው ረዳ የሚመራው ህወሓት ሰብሰባውን ቀጥሏል።
የማእከላዊ ኮሚቴ አባላት እና ከፍተኛ ካድሬዎች " ህዝብ እና ህወሓት በማዳን የትግራይ ህልውና ማረጋገጥ " በሚል ርእስ በተዘጋጀ ሰነድ ላይ ተወያይተዋል።
በአቶ ጌታቸው ረዳ የሚመራ ህወሓት ህጋዊ እና ትክክለኛ የድርጅቱ 14ኛ ጉባኤ ለማካሄድ ቅድመ ዝግጅት በመደረግ ላይ መሆኑ በውይይት መድረኩ ገልጿል።
" ድርጅቱ አሁን ለደረሰበት የመከፋፈል አደጋ ዋና መንስኤው በድርጅቱ ስር የሰደደው ፀረ ዴሞክራሲ አካሄድና ተጠያቂነት አለመኖር ነው " ብለዋል ተሳታፊዎቹ።
" የድርጅትና የመንግስት አሰራር መደባላለቅ ይቁም " በማለት አቋም የያዘው በአቶ ጌታቸው ረዳ የሚመራው ቡድን " በነበረው ይቀጥል " ከሚለው በዶ/ር ደብረፅዮን የሚመራው ቡድን እንደ አንድ የመለያያ ነጥብ ሆኖ በመድረኩ ውይይት እንደተካሄደበት ታውቋል።
በዶ/ር ደብረፅዮን የተመራው 14ኛው ጉባኤ እንዲሳተፉ ጥሪ ቀርቦለት ያልተቀበለው በአቶ ጌታቸው ረዳ የሚመራው በዱን አሁን በተራው " ህጋዊና ትክክለኛ " በማለት ለማካሄድ ቅድመ ዝግጅት እያደረገለት በሚገኘው 14ኛው ጉባኤ ከዶ/ር ደብረፅዮን ጎን የወገኑት " ከያዙት የተሳሳተ መንገድ በመውጣት ጉባኤው ላይ እንዲሳተፉ " ከወዲሁ ጥሪ አቅርቧል።
የኢትዮጵያ ብሄራዊ የምርጫ ቦርድ በዶ/ር ደብረፅዮን ገ/ሚካኤል መሪነት የተካሄደው ጉባኤ ቀደም ብሎ ጉባኤውም ሆነ ውሳኔዎቹ ቅቡልነት እንደሌለው ማሳወቁ መዘገባችን ይታወሳል ሲል ቲክቫህ ኢትዮጵያ የመቐለ ቤተሰብ ዘግቧል።
#TikvahEthiopiaMekelleFamily
@tikvahethiopia
#SamiTech
አዳዲስ ላፕቶፕች ከአንድ ዓመት ዋስትና ጋር!!
@samcomptech
በጥራትም፣ በብራንድም፣ በባትሪ ቆይታም አስተማማኝ የሆኑ የተለያዩ ሞዴል ያላቸዉ በፈለጉት ስክሪን መጠን ኮር እና ጀነሬሽን አሉን።
ላፕቶፕ ከመገዛቶ በፊት ማወቅ ያለባቹሁን ወሳኝ ነገሮች እናስረዳለን። ለቢሮዎች፣ ለተማሪዎች ፣ ለዲዛይን ባለሙያዎች ፣ ለጌመሮች ወ.ዘ.ተ ሁሉም አሉን ። በላፕፖቻችን ጥራት ላይ አንደራደርም!
!
የዕቃዎች ዋጋ፣ ዓይነት እና አድራሻ ለማግኘት ይሄን 👉 @samcomptech ተጭነው በቴሌግራምው ማየት ይችላሉ።
@sww2844 0928442662 / 0940141114
https://maps.app.goo.gl/H3PM1NrTcQ4SWkK17
#DV2026
የ2026 የአሜሪካ ዳይቨርሲቲ ቪዛ (DV) ማመልከቻ ከነገ ጀምሮ ክፍት ይደረጋል።
ለ2026 የፊስካል ዓመት እስከ 55,000 የዳይቨርሲቲ ቪዛ (DV) አዘጋጅታለች።
ለማመልከት ምንም አይነት ክፍያ አያስፈልግም።
አሜሪካ በየዓመቱ ከኢትዮጵያ ጨምሮ ከተለያዩ ሀገራት በሺዎች የሚቆጠሩ ሰዎችን በዳይቨርሲቲ ቪዛ (DV) አማካኝነት እንደምትቀበል ይታወቃል።
በነገው ዕለት ዝርዝር መረጃ የምንልክላችሁ ይሆናል።
@tikvahethiopia
ቪድዮ ፦ ዛሬ ምሽት ኢራን እስራኤል ላይ የባላስቲክ ሚሳኤል ስታዘንብ ነበር።
በርካታ የኢራን ሚሳኤሎች እስራኤል ከተሞች ላይ ተጥለዋል።
ምን ያህል ጉዳት ደረሰ ? ኢራንስ ምን ታርጌት መታች ? የሚለው ለጊዜ የሚታወቅ ነገር የለም።
ኢራን፣ ከዚህ ቀደምም እስራኤል በፍልስጤማውያን ላይ እየፈጸመች ነው ያለችውን ግፍ እንድታቆም ፤ ያ ካልሆነ እጅግ የከፋ ቅጣት እንደሚጠብቃት ስትዝት ዝታም ብቻ ሳይሆን እስራኤልን በድሮን ፣ በሚሳኤልና ሮኬቶች መደብደቧ ይታወሳል።
ከሰሞኑን ደግሞ እስራኤል ' አሸባሪ ' በምትለው የሊባኖሱ ፣ሄዝቦላህ ላይ በከተፈተችው ጥቃት የቡድኑን አመራሮች ጨምሮ በርካቶች መገደሏን ተከትሎ ቀጠናው የለየትለት ከባድ ሁኔታ ውስጥ ገብቷል።
ዛሬ ምሽት ደግሞ ኢራን፣ እስራኤል ላይ ሚሳኤል አዝንባለች።
በቀጣይ እስራኤል ምን አይነት አጸፋ ትወስዳለች የሚለው ሁሉም በትልቅ ስጋት የሚጠብቀው ጉዳይ ሆኗል።
የተመድ ዋና ፀሀፊ አንቶኒዮ ጉተሬዝ " የመካከለኛው ምስራቅ ግጭት እየሰፋ መሄዱን እና ውጥረቱ እየተባባሰ መምጣቱን አወግዛለሁ " ብለዋል።
" ይህ መቆም አለበት " ያሉት ዋና ፀሀፊው " ተኩስ እንዲቆም እንፈልጋለን " ሲሉ ገልጸዋል።
@tikvahethiopia
#Ethiopia
የቻይና ባለሀብቶች በኢትዮጵያ እምነት የሚጣልበት ቢሮክራሲና በየጊዜው የማይለወጥ የኢንቨስትመንት ሕግ አተገባበር ተግባራዊ እንዲደረግ ጥያቄ አቅርበዋል።
የኢትዮጵያ የኢንቨስትመንት ምኅዳር ተገማች፣ የተረጋጋና ሥልጡን የሰው ኃይል የሚመራውና የውጭ ባለሀብቶች ሊተማመኑበት የሚያስችል ከባቢ እንዲፈጠር ቻይናውያን ባለሀብቶች አሳስበዋል፡፡
ከቅርብ ጊዜ ወዲህ በኢትዮጵያ የኢንቨስትመንት ምኅዳር ውስጥ በፀጥታ ችግር፣ በቢሮክራሲ፣ በብልሹ አሠራርና በሙስና ምክንያት ሥራ መሥራት አልቻልንም የሚል ቅሬታ በብዛት እየተደመጠ መሆኑን ገልጸው፣ በኢትዮጵያ ከፍተኛ መዋዕለ ንዋይ አፍስሰናል ያሉት የቻይና ባለሀብቶች ያሉት ችግሮች እንዲፈቱ ጠይቀዋል፡፡
ባለው የኢንቨስትመንት ማነቆ ላይ የፖሊሲ ምክክር በማድረግ በመንግሥትና በባለሀብቶቹ መካከል ድልድይ በመሆን ይሠራል የተባለለት " አፍሪካ – ቻይና ትሬድ ኤንድ ኢንቨስትመንት ፋሲልቴሽን " የተሰኘ አማካሪ ቡድን ይፋ ተደርጓል።
የአማካሪ ቡድኑ መሥራች ቻይናዊው ባለሀብት ጉዋን ሹ ምን አሉ ?
➡ በአገር ውስጥ የተሰማራ አምራች ኩባንያ የሚያመርተው ምርት ብቻ ሳይሆን፣ የሚመረተውን የሚጠቀመው ማኅበረሰብ ለሚቀርብለት ምርት መተማመኛ ይፈልጋል ተብሏል፡፡ ለዚህ ደግሞ የተረጋጋ የፀጥታ ሁኔታና አስቻይ ፖሊሲ ያስፈልጋል።
➡ ግልጽ የሆኑ መመርያዎች፣ ሊተነበዩና ተግባራዊ መደረግ የሚችሉ የኢንቨስትመንት ሕጎች ያስፈልጋሉ። ሕጎቹ ኢንቨስተሮች ወደ አገር ውስጥ ሲገቡ ለአንድና ለሁለት ዓመት ብቻ ሳይሆን ረዘም ላለ ጊዜ መተማመን የሚፈጥር መልኩ ዋስትና መስጠት አለባቸው።
➡ የውጭ ኢንቨስተሮች ሀብታቸውን በሚያፈሱባቸው አካባቢዎች ባሉ አስተዳደሮች ለንብረታቸው የጥበቃ ከለላ ማድረግ አስፈላጊ ነው። ለንብረታቸው መተማመኛ ያላገኙና የሕጎች አተገባበር መለዋወጥ ያስቸገራቸው ባለሀብቶች ወደ ጎረቤት ኬንያ፣ ታንዛኒያና ኡጋንዳ ሲሄዱ አይተናል።
➡ በሥራ ላይ ያለው የኢንቨስትመንት ፖሊሲ ወይም ሕግ ተገማችነቱ በግልጽ መቀመጡ ለኢንቨስተሮች መተማመንን ይፈጥራል። መተማመን ሲፈጠር ባለሀብቶች ባሉበት የመቆየትና ኢንቨስትመንታቸውን የማስፋት አቅማቸው ይጨምራል።
➡ በኢትዮጵያ ያለው የግብር ሥርዓት የኩባንያዎቹን ቁመናና አፈጻጸም ግምት ውስጥ ያላስገባ ከመሆኑም በላይ አሠራሩና አወሳሰኑ ግልጽ አይደለም። በዚህም የተነሳ ኢንቨስተሮች እንዴት እምነት አድሮባቸው ሊሠሩ ይችላሉ ?
➡ መንግሥት በአንድ በኩል የውጭ ባለሀብቶችን ለመሳብ የኃይል አቅርቦትና መሠረት ልማት ለማሟላት ሀብት፣ እያፈሰሰ በሌላ በኩል የሚወጡ ሕጎች ይዘት ተገማችነትና አተገባበር፣ እንዲሁም አሠራሮች ከዓላማው ጋር በልኩ ካልተጣጣሙ ሒደቱ ወደኋላ ይጎትታል።
➡ የባለሙያዎቹ ቡድን የተቋቋመው በተለያዩ የአገሪቱ ክፍሎች መዋዕለ ንዋይ ያፈሰሱና ለመሰማራት ፍላጎት ያላቸው ባለሀብቶች፣ በኢንቨስትመንታቸው የሚታየውን ክፍተት ለመሙላት ነው።
አንድ ቻይና ኤምባሲ ዲፕሎማት በኢትዮጵያ በርካታ የቻይና ኩባንያዎች መዋዕለ ንዋያቸውን እያፈሰሱ መሆናቸው የታመነበት ቢሆንም፣ ከቅርብ ጊዜ ወዲህ አንዳንድ ኩባንያዎች ከኢትዮጵያ እየለቀቁ ወደ ታንዛኒያ፣ ኡጋንዳና ሌሎች አገሮች እየተሰደዱ ናቸው ብለዋል፡፡
ይህ የሆነው ተገማች ያልሆኑ ሕጎችና ብልሹ አሠራሮች ከቢሮክራሲ ማነቆ ጋር በመደራረባቸው እንደሆነ ገልጸዋል።
ይህንን አሳሳቢ ችግር ለማስተካከል የምሁራን ቡድኑ ትልቅ ሚና ይጠበቅበታል ብለዋል።
በየካቲት 2016 ዓ.ም. ወደ ኢትዮጵያ ከመጡ ጀምሮ ባለሀብቶች ወደ ሌላ አገር እየተሻገሩ እንደሆነ መስማታቸውን ጠቅሰው፣ ይህ የምሁራን ስብስብ የቻይና ባለሀብቶችን ብቻ ሳይሆን ኢትዮጵያውያንንም ሊጠቅም ይገባል ብለዋል፡፡
የሕዝብ ተወካዮች ምክር ቤት አባልና የአማካሪ ቡድኑ ቦርድ ሰብሳቢ አቶ አዳሌ ኦዳ ምን አሉ ፤ " የተማሰረተው ዕውቀትን መሠረት ያደረገ ውሳኔ ለማስተላለፍ ዕገዛ የሚያደርግ ቡድን ነው " ብለዋል።
" በቀጣይ ኢንቨስተሮች ሊያጋጥማቸው የሚችሉ አስቸጋሪ ሁኔታዎችን በማመላከትና የፖሊሲ ማማከር ሥራ በማከናወን ቀጣይነት ያለው የቢዝነስና የንግድ ግንኙነት እንዲፈጠር ማድረግ ላይ ጥረት ይደረጋል " ሲሉ ገልጸዋል።
በኢትዮጵያ የቻይና ባለሀብቶች ተወካይ ፤ በዓለም አቀፍ ደረጃ በፋይናንስ እጥረትና በጦርነት፣ ኢትዮጵያ ውስጥ ደግሞ በፀጥታ ችግር የግብር ሥርዓት አስቸጋሪ መሆኑን ገልጸዋል።
" አንድ ጊዜ ከገቢዎች ቢሮ ስልክ ከተደወለ ተኝቶ ማደር የለም " ሲሉ ተናግረዋል፡፡
" የገቢዎችና የጉምሩክ ሠራተኞች የሚጠቀሙበት ሲስተም በትክክል ለምን አይሠራም ብዬ ስጠይቃቸው አናውቅም ይላሉ፡፡ በዚህ ላይ ሠራተኞቹ የተረጋጉ አለመሆናቸው አሳሳቢ ነው " ብለዋል፡፡
" ምንም እንኳ ትርፍ ለማግኘት ኢትዮጵያ ብንመጣም አብረን ማደግ እንችላለን፣ በየተቋማቱ ያሉ አሠራሮች ግን ይስተካከሉ " ብለዋል።
የማይገመት አሠራርና ተለዋዋጭ የሕግ አተገባበር ትልቅ ማነቆ በመሆኑ መንግሥት ማስተካከያ ያድርግ ሲሉም አሳስበዋል፡፡ #ሪፖርተርጋዜጣ
@tikvahethiopia
#Ethiotelecom
🌟 11% የገንዘብ ስጦታ ያግኙ፤ ዓለም አቀፍ የበረራ ትኬትን ጨምሮ በልዩ ሽልማቶች ይንበሽበሹ!!
ከባህርማዶ በቴሌብር ሬሚት እና በአጋሮቻችን በኩል በቴሌብር ዓለም አቀፍ ሐዋላ የተላከልዎን ገንዘብ ሲቀበሉ 11% የገንዘብ ስጦታ ያገኛሉ፡፡
💁♂️ በተጨማሪም 5 ሺህ ብር እና ከዛ በላይ ሲቀበሉ አጓጊ ለሆነው የዕድል ጨዋታ ብቁ ይሆናሉ!
✈️ የውጭ ሀገር ደርሶ መልስ የበረራ ትኬት - እያንዳንዳቸው 480,000 ብር
🏞 ኩሪፍቱ ወተር ፓርክ ቤተሰብ ፓኬጅ - እያንዳንዳቸው 44,000 ብር
🐏 የበግ ስጦታዎች - እያንዳንዳቸው 20,000 ብር...
የሚቀበሉት የገንዘብ መጠን ሲጨምር የጨዋታ ዕድልዎም ይጨምራል!
🗓 እስከ ነገ መስከረም 22 ቀን 2017 ዓ.ም ብቻ
#telebirr #telebirrSupperApp #DigitalEthiopia #DigitalAfrica #RealizingDigitalEthiopia
" ... ከከተማ ወጣ ባሉ አካባቢዎች እየተፈጸመ የሚገኘው በደልና ግፍ ታሪክ ይቅር የማይለው ነው " - ብፁዕ አቡነ ጎርጎርዮስ
በምሥራቅ ሸዋ ሀገረ ስብከት በሉሜ ወረዳ ቤተ ክህነት በሙዳ ቅዱስ ገብርኤል አጥቢያ 8 ኦርቶዶክሳውያን በግፍና በጭካኔ መገደላቸውን የቤተክርስቲያኒቱ መገናኛ ብዙሃን ዘግቧል።
ግድያው " ለጊዜው ማንነታቸው አልታወቀም " በተባሉ የታጠቁ ኃይሎች መፈጸሙ ነው የተነገረው።
የሀገረ ስብከቱ ሚዲያ የሆነው ሐመረ ተዋሕዶ ፥ " በሙዳ ሰንቀሌ ቀበሌ በሙዳ ቅዱስ ገብርኤል አጥቢያ የሚገኙ ኦርቶዶክሳውያን ክርስቲያኖችን የታጠቁ ኃይሎች ቅዳሜ መስከረም18 ቀን 2017 ዓ.ም ሌሊት ከየቤታቸው በመልቀም ይዘዋቸው የሄዱ ሲሆን ጀቢሳ በሚባል አነስተኛ ወንዝ ሥር በግፍ የሰማዕትነት ጽዋ እንዲቀበሉ አድርገዋቸዋል " ብሏል።
በቦታው የደረሰው የኢ.ፌ.ዴ.ሪ ሀገር መከላከያ ሠራዊት አስክሬናቸውን በማንሳት በቅዱስ ገብርኤል ቤተ ክርስቲያን እንዳሳረፈም አመልክቷል።
የምሥራቅ ሸዋ ሀገረ ስብከት ሊቀ ጳጳስ ብፁዕ አቡነ ጎርጎርዮስ ምን አሉ ?
በክስተቱ የተሰማቸውን ሐዘን ገልጸው በሀገረ ስብከቱ እየተበራከተ የመጣውን የንጹሐን ግድያ በማስመልከት ከሚመለከታቸው የምሥራቅ ሸዋ ዞን አስተዳዳሪዎችና ከዞኑ የጸጥታ መዋቅር ጋር ሰፊ ውይይት ያደረጉ መሆኑን ጠቁመዋል።
ለአካባቢው ምእመናንና ለአደጋ ተጋላጭ ናቸው ተብለው በሚታሰቡ ቦታዎች ሁሉ ጥበቃና ከላላ እንዲደረግ በአጽንዖት አሳስበዋል።
የዞኑ አስተዳደርና የዞኑ የጸጥታ መዋቅር ይህ ዜና ከተሰማበት ጊዜ ጀምሮ ለዞኑ የጸጥታ ኃይል ስምሪት በመስጠት በአካባቢው የሚገኙ የጸጥታ ኃይሎችን ለጊዜው በማሠር የማጣራት ሥራና በአካባቢው የኦፕሬሽን ሥራ እያካሄደ መሆኑ ተገልጿል፡፡
ከዝቋላ ደብረ ከዋክብት አቡነ ገብረ መንፈስ ቅዱስ አንድነት ገዳም አባቶች ግድያ ጀምሮ ከሚመለከታቸው የፌደራልና የክልል እንዲሁም የዞን አመራሮች ጋር ሰፊ ውይይት እያካሄዱ እንደሚገኙ ተመላክቷል።
በሀገረ ስብከቱ ከከተማ ወጣ ባሉ አካባቢዎች እየተፈጸመ የሚገኘው በደልና ግፍ ታሪክ ይቅር የማይለው በመሆኑ የሚመለከተው ሁሉ ለሰላም ጠንክሮ እንዲሠራና ይኽን መሠል ድርጊት ያለ ርኅራኄ የሚፈጽሙትን መቃወምና ድርጊቱን ማውገዝ የሚገባ እንደሆነ አጽንኦት ሰጥተው ተናግረዋል።
@tikvahethiopia
" ህጋዊ ሰውነት ያለው ማህበር ለመመስረት አስበናል " - የጎንደር ዩኒቨርሲቲ 31ኛ ዙር የህክምና ምሩቃን
የጎንደር ዩኒቨርሲቲ 31ኛ ዙር የህክምና ምሩቃን የነበሩ በአሁኑ ሰዓት በተለያዩ የሀገራችን ክፍሎችና ከሀገር ውጭ በህክምናው ዘርፍ ሙያዊ ግዴታቸውን በመወጣት ላይ ይገኛሉ።
ሀኪሞቹ የ10ኛ ዓመት የምረቃ በዓላቸውን ለማክበር በዝግጅት ላይ እንደሚገኙ ገልጸዋል።
እነዚህ ተመራቂዎች በጎንደር ዩኒቨርሲቲ ግቢ ውስጥ ትምህርታቸውን ሲከታተሉ በነበሩበት ወቅት በሚያደርጉት የበጎ ፈቃድ አገልግሎት እና በነበረው ጠንካራ የተማሪዎች ህብረት በስኬታማ ስራዎች ይታወቁ ነበር።
ሀኪሞች በህክምናው መስክ በተናጠል እያደረጉ ያሉት አስተዋፅኦ ይበልጥ ፍሬያማ እንዲሆን እና ለመደጋገፍ እንዲያመች ጥቅምት 9/ 2017 ዓ.ም ሁሉም ከያሉበት በመሰባሰብ ምክክር ለማድረግ እንዲሁም ህጋዊ ሰውነት ያለው ማህበር ለመመስረት እንዳሰቡ ገልጸዋል።
ህብረቱ ዩኒቨርሲቲውን ለማገዝ እንዲሁም የጤና ዘርፉን ለመደገፍ ላሰበው በጎ ተግባር በኢትዮጲያ ውስጥና ከኢትዮጵያ ዉጭ ያሉ ሃኪሞች ' ሸራተን አዲስ ' በመገኘት በመርሀግብሩ ተሳታፊ እንዲሆኑ ሲል ' የጎልደን ባች ሪዩኒየን ስራ አስፈፃሚ ኮሚቴ ' ጥሪውን አስተላልፏል።
@tikvahethiopia
#SamiTech
አዳዲስ ላፕቶፕች ከአንድ ዓመት ዋስትና ጋር!!
@samcomptech
በጥራትም፣ በብራንድም፣ በባትሪ ቆይታም አስተማማኝ የሆኑ የተለያዩ ሞዴል ያላቸዉ በፈለጉት ስክሪን መጠን ኮር እና ጀነሬሽን አሉን።
ላፕቶፕ ከመገዛቶ በፊት ማወቅ ያለባቹሁን ወሳኝ ነገሮች እናስረዳለን። ለቢሮዎች፣ ለተማሪዎች ፣ ለዲዛይን ባለሙያዎች ፣ ለጌመሮች ወ.ዘ.ተ ሁሉም አሉን ። በላፕፖቻችን ጥራት ላይ አንደራደርም!
!
የዕቃዎች ዋጋ፣ ዓይነት እና አድራሻ ለማግኘት ይሄን 👉 @samcomptech ተጭነው በቴሌግራምው ማየት ይችላሉ።
@sww2844 0928442662 / 0940141114
https://maps.app.goo.gl/H3PM1NrTcQ4SWkK17
#CBE🚨
በኢትዮጵያ ንግድ ባንክ የአገልግሎት ክፍያ ላይ የተጨማሪ እሴት ታክስ ታሪፍ ተጨመረ።
መንግስት በቅርቡ ባወጣው አዲስ የተጨማሪ እሴት ታክስ ሕግ መስረት የኢትዮጵያ ንግድ ባንክ በሚያቀርባቸው ምርት እና አገልግሎቶች ላይ በነበረው የአገልግሎት ክፍያ ላይ ተጨማሪ እሴት ታክስ እንዲከፈልባቸው መወሰኑን ገልጿል።
በዚህም ከነገ መስከረም 21 ቀን 2017 ዓ. ም ጀምሮ የባንኩ ምርትና የአገልግሎት ዓይነቶች ላይ በሚከፈል የአገልግሎት ክፍያ ላይ የተጨማሪ እሴት ታክስ ታሪፍ የተጨመረባቸው መሆኑን ባንኩ አሳውቋል።
@tikvahethiopia
#VisitAmhara
ግሸን ደብረ ከርቤ !
ግሸን ደብረ ከርቤ በኢትዮጵያ ኦርቶዶክስ ተዋህዶ እምነት ተከታዮች ዘንድ በአንጋፋነታቸው ከሚታወቁት ቅዱሳን ሥፍራዎች አንዷ ናት፡፡
የእምነቱ ተከታዮች እንዲሁም ሌሎች የገዳሟን ታሪክ ማወቅ የሚፈልጉ ሰዎች በየጊዜው ወደ ግሸን ይጓዛሉ፡፡
በተለይ ከመስቀል በዓል እስከ መስከረም 21፣ ጥር 21 እንዲሁም መጋቢት 10 ወደ ግሸን የሚጓዘው ሕዝብ በመቶ ሽዎች ይቆጠራል፡፡
በረከት ለማግኘት፣ ታሪክ ለማወቅ እና ለመፈወስ ግሸን ለእምነቱ ተከታዮች ቀዳሚ መዳረሻ ናት፡፡
በኢትዮጵያ የሀይማኖት ቱሪዝም ታሪክ ብዙ እንግዶችን በማስተናገድ ግሸን ከቀዳሚዎች መካከል ትገኛለች፡፡
ነገ መስከረም 21 ታላቁ የግሸን ደብረ ከርቤ ቅድስት ማርያም ክብረ በዓል ይከበራል፡፡
እንኳን አደረሳችሁ !
(Vist Amhara)
#TourismAndPeace #GishenDebreKerbe #SouthWollo #ReligiousFestival #Ethiopia #LandOfOrigins
@tikvahethiopia