1519094
ይህ የቲክቫህ (ተስፋ) ኢትዮጵያ ቤተሰብ አባላት መሰባሰቢያ እንዲሁም የመረጃ እና የመልዕክት መለዋወጫ መድረክ ነው። @tikvahuniversity @tikvahethAfaanOromoo @tikvahethmagazine @tikvahethsport @tikvahethiopiatigrigna #ኢትዮጵያ
" ያሉበትን ሁኔታ ለማወቅ አስቸጋሪ ነው " - የደቡብ ወሎ ዞን
በደቡብ ወሎ ዞን ደላንታ ወረዳ "018 አለኋት" ቀበሌ በተለምዶ ቆቅ ውኃ እየተባለ በሚጠራ አካባቢ ጥር 30/2016 ሌሊት የኦፓል ማዕድን በቁፋሮ ለማውጣት ሲሞክሩ የነበሩ ከ20 በላይ ወጣቶች የቆፈሩት አለት በመናዱ ያሉበትን ሁኔታ ለማወቅ አስቸጋሪ ሁኔታ መፈጠሩን የደቡብ ወሎ ዞን ኮሚኒኬሽን አሳውቋል።
" በአለቱ የተዳፈኑትን ወጣቶች ለማውጣት የቦታው አቀማመጥ ለማሽን የተመቸ ባለመሆኑ በሰው ኃይል በቁፋሮ ህይወታቸውን ለማትረፍ ርብርብ እየተደረገ ይገኛል " ብሏል።
ዋሻው ከ750 ሜትር በላይ ርዝመት ያለው ሲሆን ለዋሻው መግቢያ ቅርበት ባለው የውስጠኛው ክፍል ላይ ነው የወጣቶቹን ህይወት ለማትረፍ ርብርብ እየተደረገ የሚገኘው።
መረጃው የደቡብ ወሎ ኮሚኒኬሽን ነው።
@tikvahethiopia
@samcomptech
⭐ አሁንም አዳዲስ ላፕቶፕች ገብተዋል!!!!
ብዛትም ጥራትም በአንድ ቦታ እኩል የተገናኙበት ሁሉንም አይነት ላፕቶፕ የያዘ የላፕቶፕ መደብር አለን።
🟥ለተማሪዎች፣ ለቢሮ ሰራተኞች, ለጌመሮች, ለቪዲዮ ኤዲተሮች ,ለግራፌክስ ዲዛይነሮች አዳዲስ ላፕቶፕች እና ስልኮች በቅናሽ ከአንድ አመት ዋስትና ጋር ይዘን ቀርበናል።
🔵 @samcomptech
👏የሚገርም ፍጥነት ያላቸው ፣ ቀላል እና ከ 10 ሰዓት በላይ የባትሪ ቆይታ ያላቸዉ ዘመናዊ ላፕቶፖች አሉን ፦
ቴሌግራም ላይ ሁሉም ዝርዝር አለ በመቀላቀል የሜፈልጉትን ይምረጡ ።
/channel/samcomptech
@sww2844
☎️ 0928442662/ 0940141114
#አልነጃሺ
በጦርነቱ ጉዳት የደረሰበት ታሪካዊው የአል ነጃሺ መስጅድ ጥገና ባለመደረጉ የሶሀባዎች መቃብር በዝናብ እና በፀሀይ እየተደበደበ መሆኑ ተገለፀ።
ከኢትዮጵያውያን ሙስሊሞች አልፎም የዓለም ሙስሊሞች ታሪክ የሆነው ታሪካዊው የአል ነጃሺ መስጅድ በሰሜን ኢትዮጵያ በነበረው ጦርነት ምክንያት ከፍተኛ ጉዳት ደርሶበት በውስጡ የነበሩ ቅርሶችም ተዘርፈው መወሰዳቸውን የአል ነጃሺ መስጅድ ኢማም እና አስጎብኚ ተናግረዋል።
በጦርነቱ ምክንያት የንጉስ አል ነጃሺን ጨምሮ የ8 ሶኻባዎች የመቃብር ስፍራ ያለበት ቦታ ከፍተኛ ጉዳት የደረሰበት በመሆኑ በዝናብ እና ፀሀይ እየተደበደበ ከመሆኑም ባሻገር የመፍረስ አዳጋ እንደተጋረጠበት ኢማሙ ተናግረዋል።
በተጨማሪ የአል ነጃሺ መስጂድ ሚናራ በመሳሪያ የተመታ በመሆኑ በዝናብ ፍሳሽ እንደተቸገሩ ገልጸዋል።
ከቅርብ ሳምንታት በፊት በመንግሥት በኩል " የአል ነጃሺ መስጅድ በቱርክ መንግስት እድሳት እንደሚደረግ ቢገለፅም እስካሁን የመጣ አካል የለም " ሲሉ ኢማሙ ተናግረዋል።
በሌላ ዜና ፤ ሼህ ሙሀመድ አልሀሙዲን ለታሪካዊው የአልነጃሺ መስጂድ ትራንስፎርመር በመቃጠሉ የተቋረጠውን የውሀ እና መብራት አግልግሎት ለማስቀጠል ጥገና ለማድረግ በሚድሮክ ኩባኒያ በኩል ቃል መግባታቸው በመጅሊስ ልዑካን ቡድኑ መስማታቸው እንዳስደሰታቸው የተናገሩት የነጃሺ አካባቢ ነዋሪዎች ችግሩ ጊዜ የማይሰጥ በመሆኑ ቶሎ ተፈፃሚ እንዲሆን ጠይቀዋል።
መረጃው የሀሩን ሚዲያ ነው።
@tikvahethiopia
የዋንጫውን አሸናፊ በመገመት ሽልማት ይውሰዱ!
- ሽልማቱን የምናበረክተው የቴሌግራም ገፃችንን /channel/GlobalBankEth ለተቀላቀሉ ብቻ ይሆናል፡፡
- ከአንድ በላይ ግምት መስጠት ለሽልማት ብቁ አያደርግም፣ ትክክለኛ 5 አሸናፊዎችን የምንለየው በዕጣ ይሆናል፡፡
#GlobalBankEthiopia #OurSharedSuccess #BankInEthiopia #Bank #GBE #nigcam #nigeria #ivorycoast #afcon #winner
#WolaitaSodo
በደቡብ ኢትዮጵያ ክልል ወላይታ ሶዶ ከተማ ዛሬ በደረሰ የትራፊክ አደጋ ሁለት ሰዎች ሕይወታቸው ሲያልፍ፣ 23 ሰዎች ላይ ደግሞ ቀላልና ከባድ የአካል ጉዳት መድረሱን የከተማው ፓሊስ ለቲክቫህ ኢትዮጵያ አረጋግጧል።
የወላይታ ሶዶ ከተማ ፓሊስ አዛዥ ዋና ኢንስፔክተር ተስፋዬ ምስጋናው ለቲክቫህ ኢትዮጵያ በሰጡት ቃል፣ " ወላይታ ሶዶ ከተማ አራዳ ቀበሌ ተብሎ በሚጠራበት ኪዳነ ምህረት ቀጠና ላይ ከጠዋቱ 3 ሰዓት ገደማ አደጋ ተከስቷል። በዚህ አደጋ የ2 ሰዎች (ወንድና ሴት) ሕይወት ሲያልፍ ችሏል" ብለዋል።
" ሌሎቹ 17 የሚሆኑ ወንዶች፣ 6 ሴቶች ጉዳት ደርሶባቸዋል " ያሉ ዋና ኢንስፔክተሩ፣ በወላይታ ሶዶ ክርስቲያና ኦቶና ሆስፒታል ህክምና እየተደረገላቸው መሆኑን አስረድተዋል።
ዋና ኢንስፔክተሩ፣ "አንደኛዋ ሟች ከሹፌሩ ጋር የነቀረች ሴት ናት። አንደኛው ደግሞ ባለሁለት እግር ሞተር አሽከርካሪ ነበር" ነው ያሉት።
አደጋው የተከሰተውም በሕዝብ ማመላለሻ፣ በባለ ሦስት እግር (ባጃጅ)፣ በባለ ሁለት እግር ሞተር፣ በአንድ የቤት መኪና መካከል መሆኑን ገልጸው፣ "ሁሉም ላይ ጉዳት ደርሷል" ብለዋል።
" የአደጋው መንስኤ፣ ጥፋት የማነው? የሚለውን በሂደት ላይ ነን፣ ሹፌርም ተጎድቷል " ሲሉ ለቲክቫህ ኢትዮጵያ ተናግረዋል።
የወላይታ ሶዶ ዞን የመንግሥት ኮሚዩኒኬሽን በበኩሉ፣ " የአፈር ማዳበሪያ የጫነው የጭነት መኪና ፍሬን በመበጠስ ምክንያት ከባድ የመኪና አደጋ ተከስቷል " ብሎ በዚህም 2 ሰዎች ሞተዋል ፤ 24 ሰዎች ከባድ ጉዳት ደርሶባቸዋል ሲል አሳውቋል።
በአደጋው ፦
- አንድ ቶዮታ ሃይሉክስ መኪና
- ሁለት ቶዮታ ቪትዝ
- ሶስት ባለ ሶስት እግር ተሽከርካሪዎች ከጥቅም ውጭ ሲሆኑ አንድ የህዝብ ማመላለሻ አይሱዙ ከፍተኛ ጉዳት ደርሶበታል።
More - /channel/ThiqaMediaEth/301
ዘገባውን የላከው የአ/አ ቲክቫህ ኢትዮጵያ ቤተሰብ አባል ነው።
ፎቶ፦ የወላይታ ዞን ኮሚኒኬሽን
@tikvahethiopia
#EMA
ከ600 በላይ የሕክምና ባለሙያዎችና ውሳኔ ሰጪዎች ውይይት ሊያደርጉ መሆኑን የኢትዮጵያ ሕክምና ማኀበር ገለጸ።
የማኀበሩ ራዕይ ጥራት ያለው የጤና አገልግሎት ማግኘት የሚችል ጤናማና የበለጸገ ማህበረሰብ እውን ለማድረግ ይረዳ ዘንድ ከሚመለከታቸው የመንግሥት መ/ቤቶች የጤና ሚኒስትርን ጨምሮ የማህበረሰብ ክፍሎች፣ ከስፔሻሊቲ ሶሳይቲዎች፣ ከማኀበሩ አባላት ጋር በመሆን ምክክር የሚያደርግበት ዓመታዊ ጉባዔ ያካሂዷል።
በዚሁ መሠረት ዘንድሮ 60ኛውን ዓመታዊ የሕክምና ጉባኤና ዓለም አቀፍ የጤና አውደ ርዕይ ከየካቲት 29 እስከ 30/2016 ዓ/ም በኢትዮጵያ ስካይላይት ሆቴል ለማካሄድ ዝግጅቱን እያጠናቀቀ መሆኑን አስታውቋል።
በዓመታዊ የሕክምና ኮንፈረንሱ (AMC፣ በውስጥ እና ውጭ ሀገራት የሚኖሩ እውቅ የህክምና ባለሙያዎች ያላቸውን እውቀት፣ የምርምር ግኝቶችን፣ የሕክምና ልምዶችን ለመለዋወጥ የሚረዳ መድረክ መሆኑንም አመላክቷል።
በጉባዔው የዓመቱን መሪ ቃል መነሻ በማድረግ የፓናል ውይይቶች እንደሚካሄዱ፣ CEU የሚያስገኙ የሙያ ማሻሻያ ስልጠናዎች እንደሚሰጡ እንዲሁም የሳይንሳዊ ግኝቶች የሚቀርቡበት ክፍለጊዜም እንደተዘጋጀ ተጠቁሟል።
በማህበሩ 60ኛው ዓመታዊ የሕክምና ጉባኤና ዓለም አቀፍ የጤና አውደ ርዕይ፦
* ከ600 በላይ የተከበሩ የሕክምና ባለሙያዎች
* ከሁሉም ክልል የሚመጡ የማህበሩ አባላት ተወካዮች፣
* ከተለያዩ የጤና ባለሙያዎች ማኀበራት፣
* ከስፔሻሊስቶች ማኀበራት የተውጣጡ ተወካዮች፣
* የሕክምና ኮሌጅ ኃላፊዎች
* የመንግሥት አካላት
* የጤና አውደ ርዕይ ከ100 በላይ ድርጅቶች
* ከ2,000 በላይ ሰዎችም ይጎበኙታል ተብሎ ይጠበቃል።
በተጨማሪም በየዓመቱ ተጠባቂው የኢትዮጵያ ሕክምና ማኀበር የሽልማት መርሀ ግብር ግብርም በ2016 ዓ/ም በአራት ዘርፍ ማለትም ፦
• “የኢትዮጵያ ሕክምና ማህበር የአመቱ ምርጥ የህክምና ተማሪዎች
• የኢትዮጵያ ሕክምና ማህበር የሕይወት ዘመን
• የኢትዮጵያ ሕክምና ማኀበር ተፅዕኖ ፈጣሪ እና ምርጥ ወጣት ሀኪም
• የኢትዮጵያ ሕክምና ማህበር የ2016 የዓመቱ ምርጥ ተቋም ሽልማት የሚሰጥ ይሆናል” ተብሏል።
የኢትዮጵያ ሕክምና ማኅበር ከተመሰረተ 1954 ዓ/ም ጀምሮ በሕክምና አገልግሎት አሰጣጥ ጥራት፣ በታካሚዎች ደኀንነት እና በአጠቃላይ በሕክምናው ዘርፍ ቁልፍ ሚና በመጫዎት አገልግሎት እየሰጠ የሚገኝ ማኀበር ነው፡፡
#AddisAbabaTikvahFamily
@tikvahethiopia
25 ዓመታት በሕብረት
ሕብረት ባንክ
በሕብረት እንደግ!
ቴሌግራም- /channel/HibretBanket
ፌስቡክ፦ https://www.facebook.com/HibretBank
ሊንክዲን- https://www.linkedin.com/company/hibretbank/
ዌብሳይት- https://www.hibretbank.com.et/
#Hibretbank
#ETHIOPIA
የኢትዮጵያ የሃይማኖት ተቋማት ጉባኤ የበላይ ጠባቂ አባቶች ዛሬ መግለጫ አውጥተዋል።
መግለጫቸው ፤ በአውሮፓ ኅብረት እና በአፍሪካ፣ በካሪቢያንና በፓስፊክ ሀገራት መካከል የተፈረመውንና የሳሞአ ስምምነት በመባል የሚታወቀውን የንግድና የኢኮኖሚ አጋርነት ስምምነት የተመለከተ ነው።
ጉባኤው ስምምነቱ ተካተውበታል ያላቸውን ጎጂ ሀሳቦች በዝርዝር አስፍሯል።
ከነዚህም መካከል ፦
- በስምምነቱ አንቀፅ 36.2 ላይ የተጠቀሰው የወሲብና የተዋልዶ ጤናና መብቶች" ("Sexual and Reproductive Health and Rights") የሚለው ሐረግ በቀጥታ ፦
* #ከግብረሰዶም መብቶች፤
* ከፆታ መቀየር፤
* ከውርጃ፤
* ሁሉን አቀፍ የወሲብ ትምህርትና ግልሙትናን ሕጋዊ ከማድረግ በቀጥታ የተያያዘ መሆኑ በአውሮፓ ፓርላማና በዓለም የጤና ድርጅት የመረጃ ምንጮች ላይ በግልፅ መቀመጡ፤
- በስምምነቱ የአፍሪካ ፕሮቶኮል አንቀፅ 40.6 ላይ በአህጉሪቱ ለሚገኙ ልጆችና ታዳጊዎች ሁሉን አቀፍ የወሲብ ትምህርት (Comprehensive Sexuality Education) የተባለ እጅግ አደገኛ ኢግብረገባዊና ልቅ የወሲብ ትምህርት እንዲማሩ አስገዳጅ መሆኑ ለዚህም በዩኔስኮ የተዘጋጀውና እጅግ አደገኛ ይዘት እንዳለው የተረጋገጠው መተግበርያ "International Technical Guidance on Sexuality Education” በስም ተጠቅሶ መቀመጡ፤
- የፆታ ትንኮሳን (gender based violence) ማስቀረት በሚል በጣም አሻሚ የሆነ ግብረሰዶማዊ አስተሳሰቦችን ለማስረፅ እንዲረዳው በሰነዱ በበርካታ ክፍሎች ውስጥ " አካታች " (inclusive) በሚሉ ቃላት ተሸፍኖ እንዲገባ የተደረገ መሆኑ፤
- በበርካታ ሥፍራዎች የተጠቀሰው "Gender" የሚለው ቃል ወንድና ሴት ተብሎ እንደሚተረጎም በስምምነቱ በግልጽ ባለመቀመጡ ይልቁንም በርካታ ጾታዎች እንዳሉ በማስመሰል ሀገራትን የሚያደናግሩባቸው እንደ (sexual orientation እና gender identity)ን የመሳስሉ ግብረሰዶማዊ አስተሳሰቦችን የያዙ ዶክመንቶች በስም ተጠቅሰው በስምምነቱ ውስጥ መካተታቸው፤
- ስምምነቱ የወላጆችን መብት የሚጥስና የኢትዮጵያዊ ቤተሰብ እሴቶችን አደጋ ላይ የሚጥሉ አንቀፆችን የያዘ ስለመሆኑ በሰነዱ ላይ ከተደረገ የኤክስፐርቶች ጥልቅ ጥናት ተረድተናል... የሚሉት ይገኙበታል።
ጉባኤው በነዚህ እና ሌሎች ጎጂ ምክንያቶች ፦
➡ መንግስት የሳሞአ የንግድና የኢኮኖሚ የአጋርነት ስምምነትን በርካታ ጎጂ ጎኖች እንዳሉት በማመን ከዚህ ስምምነት #ኢትዮጵያ ራሷን እንድታገልል በማድረግ መንግስታዊ ኃላፊነቱንና አደራውን በተግባር እንዲወጣ በአጽንኦት ጠይቋል።
➡ የኢፌዲሪ የሕዝብ ተወካዮች ምክር ቤትና በሥሩ ያሉ የሚመለከታቸው ቋሚ ኮሚቴዎች የስምምነት ሰነዱ ውስጥ በዝርዝር የቀረቡትን በተለይም ፦
° ከሰብኣዊ መብቶች፣
° ከወሲባዊና የተዋልዶ ጤናና መብቶች፣
° ሁሉን አቀፍ የወሲብ ትምህርት፤
° አካታችነት እና መሰል በሰነዱ የተካተቱ አንቀጾች ወይም ይዘቶች ከግብረሰዶማዊነትና ጾታን ከመቀየር እንዲሁም ከልቅ ወሲብና ከውርጃ ጋራ በቀጥታ ተያያዥነት ያላቸው ጽንስ ሃሳቦች መሆናቸውን በመረዳት ይህንን እጅግ አደገኛ ስምምነት ባለማጽደቅ ህዝባዊና ታሪካዊ አደራውን እንዲወጣ በአጽንኦት ጠይቋል።
(ሙሉ መግለጫው ከላይ ተያይዟል)
ቲክቫህ ኢትዮጵያ ከዚህ ቀደም ስለ " ሳሞአ ስምምነት " ያዘጋጀው ሰፊ እና ዝርዝር ዘገባ በዚህ ይገኛል ፦ /channel/tikvahethiopia/84172
@tikvahethiopia
#Mekelle
መቐለ ከተማ የነዳጅ እጥረት አጋጥሟታል።
ቤንዚን በጥቁር ገበያ እስከ 300 ብር በሊትር እየተሸጠ ነው።
ቲክቫህ ኢትዮጵያ የመቐለ ቤተሰብ በከተማዋ የሚገኙ ሁሉም የነዳጅ ማደያዎች አገልግሎት በመስጠት ላይ እንዳልሆኑ አረጋግጧል።
በነዳጅ መጥፋት ምክንያት በተለይ የባጃጅ ትራንስፓርት ዋጋ ጨምረዋል።
ህዝቡ ለአንድ ሰው ኮንተራት ላጠረው መዳረሻ እስከ ሁለት መቶ ብር እየተጠየቀ በመሆኑ ባለፈው አስከፊ ጦርነት የነበረው ሁኔታ በማስታወስ ምሬቱ እየገለፀ ነው።
ቲክቫህ ኢትዮጵያ የነዳጅ እጥረቱ መነሻ ምን እንደሆነ ለማወቅ ያደረገው ጥረት ለጊዜው አልተሳካም። በዚሁ ዙሪያ የሚመለከተው አካል የሚሰጠን አስቸኳይ የመፍትሄ ሃሳብ ካለ ተከታትለን እናቀርባለን።
የንግድና ቀጣናዊ ትስስር ሚኒስቴር በያዝነው ሳምንት መጀመሪያ ፤ የየካቲት ወር የነዳጅ ምርቶች የችርቻሮ መሸጫ ዋጋ በጥር ወር ሲሸጥ በነበረበት ዋጋ የሚቀጠል መሆኑ ማስታወቁ ይታወሳል።
በዚሁ መሰረት ፦
- ቤንዚን በሊትር 77 ብር ከ65 ሳንቲም
- ነጭ ናፍጣ በሊትር 79 ብር ከ75 ሳንቲም
- ኬሮሲን በሊትር 79 ብር ከ75 ሳንቲም
- ቀላል ጥቁር ናፍጣ በሊትር 62 ብር ከ36 ሳንቲም
- ከባድ ጥቁር ናፍጣ በሊትር 61 ብር ከ16 ሳንቲም
ሆኖ በየካቲት ወር እንደሚቀጥል መዘገባችን ይታወሳል።
@tikvahethiopia
#አቢሲንያ_ባንክ
በአቢሲንያ ባንክ ፀሐይ አትጠልቅም!
24 ሰዓት የተሟላ የባንክ አገልግሎት በአቢሲንያ የቨርችዋል ባንኪንግ ማዕከላት ያግኙ
አቢሲንያ የሁሉም ምርጫ!
#virtualbanking #bankinginethiopia #banksinethiopia #ITM #bankofabyssinia #Ethiopia #የሁሉም_ምርጫ
ዛሬ ጠቅለይ ሚኒስትር ዶ/ር ዐቢይ አህመድ ከትግራይ ጊዜያዊ አስተዳደር አመራሮች ጋር በቢሯቸው መምከር መጀመራቸው ተነግሯል።
ዶ/ር ዐቢይ የትግራይ ጊዜያዊ አስተዳደር ከጀመረበት ጊዜ አንስቶ የነበሩትን ስራዎች እና መሻሻሎች ላይ ነው ግምገማ ማካሄድ የጀመሩት።
በዚህ የግምገማ መድረክ ከትግራይ ጊዜያዊ አስተዳደር አማራሮች በተጨማሪ የፌዴራል መንግሥት ከፍተኛ ባለስልጣናትም ተገኝተዋል።
የጠቅላይ ሚ/ር ፅ/ቤት " ይህ በፌደራል እና የክልል ኃላፊነት ባላቸው የስራ ተዋንያን የሚደረገው ጠቃሚ ግምገማ በድኅረ ግጭት መልሶ ግንባታ እና በሰላም ስምምነት አፈጻጸም ላይ ያተኮረ ነው። " ብሏል።
በዛሬው መድረክ የህወሓት ሊቀመንበር እና የቀድሞ የትግራይ ክልል ፕሬዜዳንት ዶክተር ደብረፅዮን ገ/ሚካኤል በአካል ከጠቅላይ ሚኒስትር ዶ/ር ዐቢይ አህመድ ጋር ተገናኝተዋል።
@tikvahethiopia
#ሴጅ
17ኛ ዙር የግራፊክስ ዲዛይን፣ ቪዲዮ ኢዲቲንግ፣ ሞሽን ግራፊክስ እና ዲጂታል ማርኬቲንግ ስልጠና ምዝገባ ላይ ነን።
👉 100% በተግባር የተደገፈ ስልጠና
👉 Advanced Graphics + Video Editing + Motion Graphics + Digital Marketing በአንድ ላይ
👉 ከ15 በላይ ፕሮጀክቶች ያሉት
👉 የሥራ ላይ ስልጠና (Internship) የተመቻቸለት
☎️ 0906777799 / 0906777755
አድራሻ፦ ፒያሣ ቸርችል ጎዳና ኤልያና ሆቴል 2ኛ ፎቅ
Telegram: /channel/sagetraininginstitute
Facebook: https://www.facebook.com/sagetraininginstitute
Instagram: https://www.instagram.com/sage_training_institute/
Tiktok: sage_training_institute" rel="nofollow">https://www.tiktok.com/@sage_training_institute
#Update
የኢትዮጵያ እስልምና ጉዳዮች ጠቅላይ ምክር ቤት እና የትግራይ ክልል የእስልምና ጉዳዮች ከፍተኛ ምክር ቤት በመካከል የነበራቸውን ችግር #በይቅርታ ከፈቱ በኃላ ግንኙነታቸውን ወደነበረበት መልሰዋል።
የጠቅላይ ምክር ቤቱ ከፍተኛ አመራሮችም ወደ ትግራይ ተጉዘው በጦርነት የተጎዳውን የአልነጃሺ መስጂድን ጉብኝተው በጦርነት ተፈናቅለው መጠለያ ውስጥ ላሉ እና በድርቅ ለተጎዳው ህዝብ ድጋፍ ሰጥተው ወደ አዲስ አበባ ተመልሰዋል።
የተደረገው ድጋፍ የጥሬ ገንዘብ፣ የመድሃኒትና የእህል ሲሆን የርክክብ ስነ-ሰርዓቱ ዛሬ በመቐለ ከተማ ተከናውነዋል።
ድጋፉ በዝርዝር ምን ይመስላል ?
1ኛ. እህል ➡ 5,700 ኩንታል በቆሎ/እህል ብር 24 ሚልዮን የሚያወጣ።
2ኛ. መድሐኒት ➡ 1 ኮንተይነር 40 ፊት መድሐኒት ብር 40,200,000 ብር የሚያወጣ።
3ኛ. ለአልነጃሺ ትራንስፎርመር ➡ 3 ሚልዮን ብር
4ኛ. ለሌሎች ➡ 1.2 ሚልዮን ብር
ጠቅላላ ብር 67 ነጥብ 2 ሚልዮን ብር የሚያወጣ ድጋፍ ለትግራይ ህዝብ መደረጉ ተነግሯል።
መረጃው በመቐለ የቲክቫህ ኢትዮጵያ ቤተሰብ አባል የተዘጋጀ ነው።
ፎቶ፦ የኢትዮጵያ እስልምና ጉዳዮች ጠቅላይ ምክር ቤት
@tikvahethiopia
#Update
በባሕር ዳር ዩኒቨርሲቲ፤ ጤና ሳይንስ ኮሌጅ " ታጣቂዎች ተኩስ ከፍተው፣ ተማሪዎቹ ከግቢው እንዲወጡ ማስጠንቀቂያ ሰጥተዋል " የተባለውን ጉዳይ በተመለከተ ማብራሪያ እንዲሰጡ ቲክቫህ ኢትዮጵያ ለአንድ ስማቸውን እንዲገለፅ ላልፈለጉ የዩኒቨርስቲው አካል ጥያቄ አቅርቦ ነበር።
እኚህ የዩኒቨርሲቲው አካል፤ በትላንት በስቲያ ምሽቱ ተኩስ ተማሪ ላይ ያተኮረ / ተማሪ ላይ ታርጌት ያደረገ ጉዳት እንዳልደረሰ ገልጸዋል።
" ተማሪዎች እንጠራ ብለው በተደጋጋሚ ትምህርት ሚኒስቴርን ጠይቀዋል። ትምህርት ሚኒስቴርም ባስተላለፈው መመሪያ መሠረት ነው ዩንቨርሲቲው ሊጠራ የቻለው " ሲሉ አስታውሰዋል።
" ዩንቨርሲቲው አሁን ላይ እያስተማረ ነው። ተማሪዎችም ትምህርት ጀምረዋል። በርከት ያሉ ተማሪዎች መጥተዋል። በዚህ መንገድ ደግሞ ተደጋጋሚ የሚፈጠሩ ነገሮች አሉ። ዩንቨርሲቲው አቅም እስከፈቀደለት ድርስ ትምህርቱን ይቀጥላል። በመካከል ተማሪዎች ለራሳቸው የሚፈሩት፣ የሚሰጉት ነገር ካለ አይገደዱም " ሲሉም አክለዋል።
" ምን ሊፈጠር እንደሚችል ማንም አይገምትም። ማንም ለማንም ዋስትና መሆን አይችልም። By theway በዚህ ጊዜ ላይ ከባድ ነውና ሁሉም ተማሪ ለራሱ ዲሳይድ ማድርግ መቻል አለበት " ያሉት እኚሁ የዩኒቨርሲቲው አካል፤ " ሲመጡም ያንን ተገቢ ግምት ውስጥ ያስገባሉ ተብሎ ነው የሚታሰበው። ተማሪዎች መማር አለብን ብሎ የሚያስብ ከሆነ ማስቀጠል እስከተቻለ ድረስ ይማራሉ " ብለዋል።
አክለውም " ይህንን ዓመት Withdraw ማድልግ እፈልጋለሁ የሚል (ተማሪ) አይከለከልም። ተማሪ በራሱ አምኖበት የሚያደርገው ስለሆነ በዩኒቨርስቲ በኩልም አይጠየቅም " ያሉ ሲሆን " ሁኔታው ግን እስከመቼ እንደዚህ ይቀጥላል ? የሚለው ነገር እንዲህ ነው ብዬ ማለት አልችልም/አላውቅም " ሲሉ ገልጸዋል።
" የጸጥታው ሁኔታ አጠቃላይ በአገሪቱም፣ በክልሉ አግሪቬት እያደረገ በሄደ ቁጥር ዩኒቨርሲቲዎች ሴንተር ሊሆኑ ይችላሉ። እከባለፉት ዓመታት ጀምሮ ዩኒቨርሲቲዎች ላይ ካየነው ሁኔታ አንጻር፣ ዩኒቨርስቲዎች የማህበረሰቡ ነፀብራቅ ስለሆኑ እዚያ (ውጭ ላይ) የተፈጠረው ነገር እዚህም (ዩኒቨርሲቲ ውስጥ) ይፈጠራል " ብለዋል።
የሁኔታውን አሳሳቢነት በተመለከተ በሰጡት ቃልም፣ " Risk free የሆነ Environment የለንም። ምንም ስጋት የሌለበት ሁኔታ የለም። አሁን ከሚታዩት ነገሮችም አንጻርም፣ ከዚህ በኋላም ማለቴ ነው ፤ Risk free zone ስለሌለን ተማሪዎች መወሰን አለባቸው " ብለዋል።
ተማሪዎች በበኩላቸው " የዩንቨርስቲው ከፍተኛ አመራሮች ውይይት እያደረጉ ነበር " ቢባልም የመፍትሄ ሀሳብ እንዳልተነገራቸው፣ ቢያንስ ሰላም ወዳለበት ካምፓስ እንዲያዘዋውሯቸው ጠይቀዋል።
ይህን ተከትሎም ቲክቫህ ኢትዮጵያ በጉዳዩ ዙሪያ ውይይት አድርጋችሁ ? ሲል ጠይቋል።
" እንኳን እንዲህ አይነት ነገር ተፈጥሮ ሁሌም አስቸኳይ ስብሰባ አለ " ሲሉ ገልጸው፣ " ችግር ተፈጥሮ በጉዳዩ ዙሪያ ሳይወራ አይቀርም። ካምፓስ ተቀይሮ የሚመጣ ለውጥ አለ ወይ? Through time long run ምን ይፈጠራል ? የሚለውን analaysis ሲሰራ ካምፓስ መቀየር ዘላቂ የሆነ Problem solve mechanism ነው ? የሚለው ነገር ላይ ያጠራጥራል " የሚል ምላሽ ሰጥተዋል።
አክለው፣ " እስከመቼ ድረስ ቀይረህ ትችለዋለህ ? ደግሞስ ካምፓስ ተቀይሮ ምን ያህል ይችላል ? አንድ ካምፓስ ምን ያህል ይችላል ? የሚሉት ጉዳዮች አሉ በዚያው ልክ። ለተማሪዎቹ imidate የሆነ መፍትሄ እየተፈለገ ነው። ግን ዘላቂያዊነቱ ላይ ነው ትንሽ ጥያቄ ያለው " ሲሉ አስረድተዋል።
#TikvahFamilyAA
@tikvahethiopia
#Update
አምባሳደር ሬድዋን ሁሴን የአቶ ተመስገን ጥሩነህን ቦታ በመተካት የብሔራዊ መረጃና ደህንነት አገልግሎት ዋና ዳይረክተር ሆነው በጠቅላይ ሚኒስትር ዶ/ር ዐቢይ አህመድ ተሹመዋል።
አምባሳደር ሬድዋን ሁሴን የዛሬው ሹመት እስኪሰጣቸው ድረስ የጠቅላይ ሚኒስትሩ ብሔራዊ ደህንነት አማካሪ ሆነው እየሰሩ የነበረ ሲሆን ከኢህአዴግ ጊዜ አንስቶ እስካሁን በስልጣን ላይ የሚገኙ ጉምቱ ባለስልጣን ናቸው።
በሌላ በኩል፤ ትዕግስት ሃሚድ የኢንፎርሜሽን መረብ ደህንነት አስተዳደር ዋና ዳይረክተር ሆነው በጠቅላይ ሚኒስትሩ ተሹመዋል።
@tikvahethiopia
#OxfamInternational
ኦክስፋም ኢንተርናሽናል በትግራይ ክልል ጦርነትና የዝናብ እጥረት ያስከተለውን የከፋ የሰብዓዊ ቀውስ ጠቅሶ፣ " ሰው ሲራብ ቆሞ መመልከት የሞራልና የፖለቲካ ኪሳራ ነው " ሲል አስታወቀ፡፡
ኦክስፋም ፤ በረሃብ የተጠቁ ቤተሰቦች ችግሩን ለማምለጥና በሕይወት ለመትረፍ ሲሉ የመጨረሻ ተስፋ አስቆራጭ ዕርምጃዎችን እየወሰዱ መሆናቸውን አስታውቋል፡፡
ኦክስፋን አነጋገርኳቸው ያላቸው በአንድ ትምህርት ቤት ከተጠለሉ ቤተሰቦች መካከል ፦
- እናቶች፣ ልጆቻቸው ተርበው ቀኑን በሙሉ የሚያበሏቸው ነገር ማጣታቸውን፣
- እናቶች ልጆቻቸው ረሃቡን ሊቋቋሙ ባለመቻላቸው የረሃብ ሕመምን ለማስታገስ ለረጅም ሰዓታት እንዲተኙ እንደሚያስገድዷቸው
- ሰዎች ለእንስሳት የሚሆኑ ሥራ ሥሮችን ለመመገብ መገደዳቸውን መናገራቸውን ገልጿል፡፡
ነፍሰ ጡርና የሚያጠቡ እናቶች በረሃብ እየተሰቃዩ መሆናቸውንም አክሏል፡፡
የኦክስፋም የኢትዮጵያ ዋና ዳይሬክተር አቶ ገዛኸኝ ፤ " አሁን የሚታየው የችግሩ ጫፍ ነው " ብለዋል።
በሚሊዮኖች የሚቆጠሩ ዜጎች አስከፊ የሆነ ረሃብ ውስጥ ሊገቡ እንደሚችሉና ዜጎች ቀጣዩን ምግባቸውን ማግኘት ከባድ የሆኑ መንገዶችን እያለፉ መሆኑን አስረድተዋል፡፡
በዓለም አቀፍ ደረጃ አስከፊ ከሆኑ የሰብዓዊ ቀውስ ክስተቶች አንዱ ለሆነው የሰሜን ኢትዮጵያ የዕርዳታ አቅርቦት፣ ይጠበቅ ከነበረው 4 ቢሊዮን ዶላር ማግኘት የተቻለው 34 በመቶ ብቻ መሆኑን ኦክስፋም ጠቁሟል፡፡
አፋጣኝ የሰብዓዊ ዕርዳታ አቅርቦት ካልተደረገ የበርካታ ዜጎች ሕይወት አደጋ ውስጥ መሆኑን ዋና ዳይሬክተሩ አቶ ገዛኸኝ ተናግረዋል፡፡
በተመሳሳይ ኮንሰርን ወርልድ ዋይድ የተሰኘው ዓለም አቀፍ ድርጅት ባወጣው ሪፖርት፣ በኢትዮጵያ ተከስቷል ያለው ረሃብ አሳሳቢ ደረጃ ላይ መድረሱን አስታውቋል፡፡
በአፋር፣ በአማራ እና በትግራይ ክልሎች የተከሰተው የተመጣጠነ ምግብ እጥረት በዓለም አቀፍ ደረጃ ዕውቅና ከተሰጣቸው መሰል ክስተቶች እጅግ የላቀ መሆኑን ድርጅቱ በሪፖርቱ አመላክቷል።
የሕዝብ ዕንባ ጠባቂ ተቋም በቅርቡ ይፋ ባደረገው ሪፖርት በትግራይ እና በአማራ ድርቅ ባስከተለው ረሃብ ምክንያት 372 ሰዎች መሞታቸውን ፤ 23 ህፃናት በአልሚ ምግብ እጥረት ምክንያት ተገቢዉን ዕድገት ባለማግኘታቸዉ ሞተው መወለዳቸውን ማረጋገጡ ማሳወቁ ይታወሳል።
ጠቅላይ ሚኒስትር ዶክተር ዐቢይ አህመድ በሕዝብ ተወካዮች ምክር ቤት በሰጡት ማብራሪያ " ድርቅ ለኢትዮጵያውያን ልክ እንደ ባህላችንና እንደ ዓድዋ ድል ለ100 ዓመታት ሲጎበኘን የቆየ ጉዳይ በመሆኑ፣ እንደ አዲስ ሊወራ የሚችል ነገር አይደለም " ብለው ነበር።
" ድርቁን መንግሥት አላመጣውም " ያሉት ጠ/ሚኒስትሩ፤ " ድርቅን እንደ ፖለቲካ ማየት የለብንም፡፡ የአየር ንብረት ለውጥ ችግር አለ፣ ችግኝ እንትከል ሲባል ችግኝ ምን ያደርጋል ? ድርቅና ረሃብ አለ ስንዴ እናምርት ሲባል ስንዴ ምን ያደርጋል? ካልን በኋላ ድርቅ መጣ ብለን ብንጮኸ ትርጉም የለውም " ሲሉ አስረድተዋል፡፡
" ድርቁን ለፖለቲካ መጠቀም ጥፋት ነው " ብለው፤ ባለፉት 4 ወራት 500 ሺሕ ኩንታል እህል በመንግሥትና በተራድኦ ድርጅቶች ትብብር ለተረጂዎች መላኩን ተናግረዋል፡፡
" ይህ ሀብት በቂ ካልሆነ ደግሞ የኢትዮጵያ መንግሥት አቅም እያለው በረሃብ የሚሞት ሰው ዓይተን ዝም አንልም " ብለዋል፡፡
" እስካሁን ባለኝ መረጃ በረሃብ ምክንያት የሚሞት ሰው የለም " ያሉት ዶ/ር ዐቢይ " መንግሥት ትናንት እንዳደረገው ዛሬም የሚራብ ሰው ካለ ፕሮጀክት ሁሉ አጥፎ በረሃብ እንዳይሞት ከሕዝቡ፣ ከባለሀብቶችና ከክልል መንግሥት ጋር በመሆን የሚችለውን ሁሉ ይሰራል " ብለዋል።
#ሪፖርተር
@tikvahethiopia
#Kabba
ካባ የልጆች ትራንስፖርት ፦
አብረውን እየሰሩ ያሉ ት/ቤቶች በጥቂቱ
#FLIPPER INTERNATIONAL SCHOOL #GIBSON SCHOOL#MALD SCHOOL #school of tomorrow
#CAMBRIDGE ACADEMY #Safari Academy#One Planet International School #Diamond Academy
#British International School #Andinet ACADEMY#Fountain of Knowledge School #Ethio-Parents' School
#RICE ACADEMY #NEPS ACADEMY
መተግበሪያውን እዚህ ላይ በማውረድ ይመዝገቡ
https://play.google.com/store/apps/details?id=com.vintechplc.kabba.parent
ለበለጠ መረጃ 0960009900 ይደውሉ
#ማዳጋስካር
ማዳጋስካር ህጻናትን የሚደፍሩ ወንዶችን ብልት እንዲቆረጥ የሚያዝ ህግ ማዘጋጀቷ ተሰምቷል።
በደቡብ ምዕራብ አፍሪካ የምትገኘው ማዳጋስካር ህጻናትን የሚደፍሩ ወንዶችን ብልት እንዲቆረጥ የሚያስገድድ ህግ አውጥታለች፡፡
ሀገሪቱ ህጻናቶቿን ከመደፈር አደጋ ለመጠበቅ ጥብቅ ረቂቅ ህግ ያዘጋጀች ሲሆን በዚህ ህግ መሰረት ደፋሪዎች ብልታቸው እንዲቆረጥ ይደረጋሉ ተብሏል።
ከ10 ዓመት በታች የሆኑ ህጻናትን የደፈሩ ወንዶች ብልታቸው በቀዶ ጥገና ሐኪም ተቆርጦ እንዲጣል ይደረጋል የተባለ ሲሆን ከ13 እስከ 18 ዓመት የሆናቸው ህጻናትን የደፈሩ ሰዎች ደግሞ በኬሚካል አማካኝነት ብልታቸው እንዲጎዳ ይደረጋል ተብሏል፡፡
የማዳጋስካር ፍትህ ሚኒስትር ላንዲ በጉዳዩ ዙሪያ ለኤፍፒ በሰጡት ማብራሪያ ፤ በሀገሪቱ የሚደፈሩ ህጻናት ቁጥር እየጨመረ ሲሆን ይህንንም ለመከላከል የግድ ጠንካራ ህግ ማዘጋጀት አስፈልጎናል ብለዋል፡፡
" በ2023 ብቻ 600 ህጻናት ተደፍረዋል " ያሉት ሚኒስትሯ ላንዲ ጥፋተኛ የሆኑ ተከሳሾች በትንሹ ከ5 ዓመት ጀምሮ እስር እየተላለፈባቸው ቢሆንም ለውጥ አለመምጣቱንም ጠቅሰዋል፡፡
ዓለም አቀፉ የሰብዓዊ ተቋም አምንስቲ ኢንተርናሽናል ባወጣው መግለጫ ድርጊቱ ጭካኔ እንጂ ጥፋተኞችን አያስተምርም ሲል አዲሱን የማዳጋስካር ህግ ተችቷል፡፡
" ህጻናት ከጥቃት መጠበቅ አለባቸው፣ ደፋሪዎችም በህግ መጠየቅ አለባቸው " ያለው አምንስቲ ኢንተርናሽናል ነገር ግን እርምጃው በሰዎች ላይ መገለልን እና የባሰ ጨካኝ እንዲሆኑ የሚያደርግ ነው ብሏል፡፡
ድርጅቱ ፤ ወንጀሉን ሳይፈጽሙ ነገር ግን በብዙ ምክንያቶች ጥፋተኛ የሚባሉ ሰዎች ይኖራሉ በዚህ ጊዜ ህጉ ተግባራዊ ከተደረገ ሊቀለበስ የማይችል ጉዳት በሰዎች ላይ ሊደርስም ይችላል ሲል አሳስቧል፡፡
ይህ አከራካሪ ህግ አስገዳጅ ህግ ለመሆን ከግማሽ በላይ ያሉ ሂደቶችን አልፏል የተባለ ሲሆን የላይኛው ምክር ቤት ውሳኔ እና የሀገሪቱ ፕሬዝዳንት ፊርማ ይቀረዋል ተብሏል፡፡
መረጃውን ኤኤፍፒን ዋቢ በማድረግ ያስነበበው አል አይን ኒውስ ነው።
@tikvahethiopia
4ኛ ዙር የተረክ በM-PESA ዕጣ አሸናፊዎች ታውቀዋል!
መኪና እንደሚያስፈልገው ያሰበው የአዲስ ወጣት በምኞት ብቻ አላስቀረውም፤ በተረክ በM-PESA ግቢው አስገብቷታል!
ቀጣይ ተረኞች እናንተ ናችሁ!
M-PESA ላይ እንመዝገብ፣ በM-PESA እንገበያይ፣ ቀጣይ እድለኛ አሸናፊዎች እንሁን።
🔗 የM-PESA ሳፋሪኮምን መተግበሪያ በዚህ ሊንክ ያውርዱ፡ https://bit.ly/M-PESA_SafaricomEthiopia
#MPESASafaricom #TerekBeMPESA
#furtheraheadtogether
#Tigray #Meklle
የኢትዮጵያ የሰላም ግንባታ በዘላቂነት " / PEACE BUILDING IN ETHIOPIA AND BEYOND / " በሚል መሪ ቃል ዓለም አቀፍ የሰላም ኮንፈረስ እየተካሄደ ነው።
በመቐለ ዩኒቨርስቲና ተባባሪ አካላት በተዘጋጀው የሰላም ኮንፈረንስ ከ10 በላይ የኢትዮጵያ ዩኒቨርስቲዎች ተሳታፊ ናቸው።
ለሁለት ቀናት በሚቆየው የሰላም ኮንፈረንስ በሰላም ግንባታና ትርፋቶቹ ያተኮሩ ሶስት ሙሁራዊና ጥናታዊ ፅሁፎች በአገር ውስጥና የውጭ ሙሁራን ቀርበው ወይይት ይካሄድባቸዋል።
ከዓለም አቀፍ ኮንፈረንሱ በተጨማሪ በመቐለ ከተማ በሚገኙ ታሪካዊ ቦታዎችና የተፈናቃይ መጠለያ ጣብያዎች ጉብኝት እንደሚካሄድ ከወጣው መርሃ ግብር ለመረዳት ተችሏል።
በመቐለ ከተማ በመካሄድ በሚገኘው አለም አቀፍ የሰላም ኮንፈረንስ የጊዚያዎ አስተዳደሩ ከፍተኛ የስራ ሃላፊዎች የኢትዮጵያ ዩኒቨርስቲዎች ከፍተኛ አመራሮችና ሌሎች ጥሪ የተደረገላቸው እንግዶች መገኘታቸው የመቐለ የቲክቫህ ኢትዮጵያ ቤተሰብ አባል ዘግቧል።
ተጨማሪ ፦ https://telegra.ph/Tikvah-Ethiopia-02-10
@tikvahethiopia
@samcomptech
⭐ አሁንም አዳዲስ ላፕቶፕች ገብተዋል!!!!
ብዛትም ጥራትም በአንድ ቦታ እኩል የተገናኙበት ሁሉንም አይነት ላፕቶፕ የያዘ የላፕቶፕ መደብር አለን።
🟥ለተማሪዎች፣ ለቢሮ ሰራተኞች, ለጌመሮች, ለቪዲዮ ኤዲተሮች ,ለግራፌክስ ዲዛይነሮች አዳዲስ ላፕቶፕች እና ስልኮች በቅናሽ ከአንድ አመት ዋስትና ጋር ይዘን ቀርበናል።
🔵 @samcomptech
👏የሚገርም ፍጥነት ያላቸው ፣ ቀላል እና ከ 10 ሰዓት በላይ የባትሪ ቆይታ ያላቸዉ ዘመናዊ ላፕቶፖች አሉን ፦
ቴሌግራም ላይ ሁሉም ዝርዝር አለ በመቀላቀል የሜፈልጉትን ይምረጡ ።
/channel/samcomptech
@sww2844
☎️ 0928442662/ 0940141114
#እንድታውቁት
የሰነዶች ማረጋገጫ እና ምዝገባ አገልግሎት እስከ ምሽቱ 1 ሰዓት ድረስ አገልግሎት መስጠት መጀመሩን ይፋ አደርጓል።
በ15 ቅርንጫፍ ፅ/ቤቶች በቀን በአማካይ እስከ 6 ሺህ ተገልጋዮችን የሚያስተናግደው መ/ቤቱ ከየካቲት 1/2016 አንስቶ የስራ ሰዓት ማሻሻያ አድርጓል።
በተደረገው የስራ ሰዓት ማሻሻያ መሰረት ከዛሬ ጀምሮ ፦
- ከሰኞ እስከ አርብ ከጥዋቱ 2:00 ሰዓት ጀምሮ እስከ #ምሽቱ 1:00 ሰዓት ድረስ (በአዲስ አበባ ዋናው መ/ቤት እና በድሬዳዋ ቅርንጫፍ) አገልግሎት ይሰጣል።
👉 እስከ ምሽት 1:00 ሰዓት የሚቆየው የስራ ሰዓት በሌሎች ቅርንጫፎችም በሂደት እንደሚጀመር ተነግሯል።
- ቅዳሜ ከጥዋት አንስቶ እስከ ቀኑ 11:30 ድረስ (በሁሉም ቅርንጫፍ) #አገልግሎት ይሰጣል።
በአዲሱ የስራ ሰዓት ማሻሻያ አገልግሎቱ " ለምሳ ሰዓት " በሚል የማይቋረጥ ሲሆን በምሳ ሰዓትም አገልግሎት ማግኘት ይቻላል ተብሏል።
ከዚህ ቀደም በዚህ መስሪያ ቤት አገልግሎት ሲሰጥ የነበረው ከጥዋት 3:00 ሰዓት አንስቶ ሲሆን ለምሳ ተብሎ ደግሞ ሰራተኞቹ ወጥተው 8:00 ነበር የሚገቡት።
ቅዳሜ ደግሞ ግማሽ ቀን ነበር የሚሰራው።
ከዛሬ በኃላ በአ/አ ዋናው መ/ቤት እና በድሬዳዋ ቅርንጫፍ ከሰኞ እስከ አርብ ከጥዋት 2:00 ሰዓት እስከ ምሽት 1:00 ሰዓት ፤ ቅዳሜ በሁሉም ቅርንጫፍ ከጥዋት እስከ 11:30 አገልግሎት ይሰጣል።
ዛሬ የሰነዶች ማረጋገጫ እና ምዝገባ አገልግሎት የስራ ሰዓት ማሻሻያ ባደረገበት ስነስርዓት ላይ የተገኘው ፍትህ ሚኒስቴር ፤ ይህ አሰራር የተገልጋዮችን እንግልት በእጅጉ የሚቀንስ በመሆኑ ሌሎችም ተቋማት መሰል አሰራር ቢከተሉና ወስራ ቢያስገቡ ሲል ጠይቋል።
@tikvahethiopia
#USA #ETHIOPIA #MERAWI
በአማራ ክልል መርዓዊ ከተማ ሰላማዊ ሰዎችን ኢላማ በማድረግ ግድያ የፈጸሙ ላይ ምርመራ ተደርጎ ለፍርድ እንዲቀርቡ በኢትዮጵያ የአሜሪካ አምባሳደር ጠየቁ።
አምባሳደር ኧርቪን ማሲንጋ በኤምባሲው የX ገጽ ላይ ባወጡት መልዕክት በመርዓዊ ከተማ በሰላማዊ ሰዎች ላይ የተፈጸመውን ግድያ በሚመለከት የወጡ ሪፖርቶች የአሜሪካ መንግሥትን እንደሚያሳስበው ገልጸዋል።
አምባሳደር ማሲንጋ፣ የክስተቱን አሳሳቢነት ከመግለጻቸው ባሻገር " የግድያውን ፈጻሚዎች ለሕግ ለማቅረብ " ገለልተኛ የሰብዓዊ መብት ተቆጣጣሪዎች ምንም ገደብ ሳይደረግባቸው ወደ ሥፍራው እንዲንቀሳቀሱ እንዲፈቀድላቸው እንዲሁም በግድያው ዙሪያ ገለልተኛ ምርመራ እንዲደረግ ጠይቀዋል።
በአገሪቱ ባሉት የአማራ እና የኦሮሚያ ክልሎችን ጨምሮ በሌሎችም ቦታዎች ላይ " በመንግሥት እና ከመንግሥት ውጪ በሆኑ ኃይሎች በተመሳሳይ የመብት ጥሰቶች እና ጥቃቶችን መፈጸማቸውን የሚያመልክቱ በርካታ የሚረብሹ ሪፖርቶች " እየወጡ መሆናቸውንም አምባሳደሩ ጠቅሰዋል።
" ኃይል ሳይሆን ውይይት ብቸኛው አማራጭ ነው"ም ሲሉ አሳውቀዋል። #USEmbassy #BBC
@tikvahethiopia
ከቴሌብር አካውንት ወደ ሌላ የቴሌብር ደንበኛ አካዉንት ገንዘብ መላኪያ ታሪፍ ላይ እስከ 80% ቅናሽ ማድረጋችንን ስናበስርዎ በታላቅ ደስታ ነው፡፡
በአዲሱ የታሪፍ ቅናሽ እስከ ብር 5,000 ሲልኩ 0.1% እንዲሁም ከብር 5,001-75,000 ለመላክ 5 ብር ብቻ የአገልግሎት ክፍያ ይፈጽማሉ።
የቴሌብር ሱፐርአፕን ከ http://onelink.to/fpgu4m ያውርዱ ወይም *127# ይደውሉ!
ቴሌብር - ቀላል፣ ፈጣን፣ ምቹ እና አስተማማኝ!
#Ethiotelecom #telebirr #RealizingDigitalEthiopia
#AddisAbaba
ዝግ የሚሆኑ መንገዶች ይፋ ተደረጉ።
የዓድዋ መታሰቢያ ሙዚየም የካቲት 03 ቀን 2016 ዓ.ም ይመረቃል።
የምረቃ ስነ-ስርዓትን ተከትሎ በዕለቱ ከቀኑ 6 ሰዓት ጀምሮ ለተሽከርካሪ ዝግ የሚሆኑ መንገዶች ይፋ ተደርገዋል፡፡
በዚህም መሰረት:-
➡ ከአፍንጮ በር ወደ ቅ/ጊዮርጊስ ቤ/ክርስቲያን፣
➡ ከሰሜን ሆቴል ወደ ቅ/ጊዮርጊስ ቤ/ክርስቲያን፣ከዮሃንስ ቤተ ክርስቲያን ወደ አቡነ ጴጥሮስ፣
➡ ከአራት መንታ ወደ ጅንአድ፣
➡ ከይርጋ ሃይሌ የገበያ ማዕከል ወደ አቡነ ጴጥሮስ፣
➡ ከሃብተ ጊዮርጊስ ድልድይ ወደ ሱማሌ ተራ ፣
➡ከሱማሌ ተራ ወደ ኤሊያና ሆቴል(ባንኮዲሮማ) መስቀለኛ፣
➡ ከተክለ ሃይማኖት አደባባይ ወደ ቴዎድሮስ አደባባይ
➡️ ከሀገር አስተዳደር መብራት (ኢሚግሬሽን) ወደ ቴዎድሮስ አደባባይ፣
➡️ ከንግድ ማተሚያ ቤት ወደ ቴዎድሮስ አደባባይ፣
➡️ ከአሮጌው ቄራ ወደ ባንኮ ዲሮማ መብራት፣
➡️ ከራስ መኮንን ድልድይ ወደ ደጎል አደባባይ፣
➡️ ከራስ መኮንን ድልድይ ወደ ቅ/ጊዮርጊስ ቤ/ክርስቲያን ፣
➡️ ከመቅደላ ሆቴል ወደ ቅ/ጊዮርጊስ ቤ/ክርስቲያን፣
➡️ ከቅ/ጊዮርጊስ ቤ/ክርስቲያን ወደ ቴሌ እና ወደ ቅ/ጊዮርጊስ ቤ/ክርስቲያን ፊት ለፊት ወደሚገኘው አደባባይ የሚወስዱት መንገዶች በተጠቀሰው ቀን እና ሰዓት (የካቲት 3 ቀን 2016 ዓ.ም ከቀኑ 6 ሰዓት ጀምሮ) ለተሽከርካሪ ዝግ ይሆናሉ።
አሽከርካሪዎች ይህንን ተገንዝበው አማራጭ መንገዶችን እንዲጠቀሙ እና የትራፊክ ፖሊሶች በሚጠቁሟቸውን አማራጭ አቅጣጫዎችን በመጠቀም አስፈላጊውን ትብብር እንዲያደርጉ ጥሪ ቀርቧል።
በዋዜማው የካቲት 2 ቀን 2016 ዓ.ም ከላይ በተጠቀሱት መንገዶችና የምረቃ ስነ-ስርዓቱ በሚከናወንበት በዓድዋ መታሰቢያ ሙዚየም ዙሪያ ተሽከርካሪ ማሳደርም ሆነ ለአጭርም ሆነ ለረጀም ሰዓት አቁሞ መሄድ የተከለከለ መሆኑንም ማሳሰቢያ ተሰጥቷል።
ይለፍ ያላቸው አሽከርካሪዎች ቸርችር ጎዳና ጫፍ የቀድሞ ሜክሲኮ ታክሲ ተራ እና ከቴዎድሮስ አደባባይ እስከ ቸርችር ጎዳና ጫፍ መኪናዎቻቸውን መቆም ይችላሉ።
ለጋራ ደህንነት ሲባል ፍተሻ እንደሚኖር በመገንዘብ ታዳሚዎች የተለመደ ትብብር እንዲያደርጉ መልዕክት ተላልፏል።
የምረቃ ሥነ-ሥርዓት ተጀምሮ እስከሚጠናቀቅ ጥሪ ከተደረገላቸው እንግዶች ውጪ ወደ ሙዚየም የሚወስዱ መንገዶች ዝግጅቱ ተጀምሮ እስከሚጠናቀቅ ለእግረኞች ዝግ ይሆናሉ።
(አዲስ አበባ ፖሊስ)
@tikvahethiopia
@samcomptech
⭐ አሁንም አዳዲስ ላፕቶፕች ገብተዋል!!!!
ብዛትም ጥራትም በአንድ ቦታ እኩል የተገናኙበት ሁሉንም አይነት ላፕቶፕ የያዘ የላፕቶፕ መደብር አለን።
🟥ለተማሪዎች፣ ለቢሮ ሰራተኞች, ለጌመሮች, ለቪዲዮ ኤዲተሮች ,ለግራፌክስ ዲዛይነሮች አዳዲስ ላፕቶፕች እና ስልኮች በቅናሽ ከአንድ አመት ዋስትና ጋር ይዘን ቀርበናል።
🔵 @samcomptech
👏የሚገርም ፍጥነት ያላቸው ፣ ቀላል እና ከ 10 ሰዓት በላይ የባትሪ ቆይታ ያላቸዉ ዘመናዊ ላፕቶፖች አሉን ፦
ቴሌግራም ላይ ሁሉም ዝርዝር አለ በመቀላቀል የሜፈልጉትን ይምረጡ ።
/channel/samcomptech
@sww2844
☎️ 0928442662/ 0940141114
" ሙሉ በሙሉ እገዳቸው ተነስቷል ፤ ግንባታቸውን መቀጠል ይችላሉ " - የቤቶች ልማት እና አስተዳደር ቢሮ
በአዲስ አበባ ከተማ የማህበር ቤት ለመገንባት የወሰን ማስከበር ችግር የነበረባቸው መሬቶች ሙሉ በሙሉ እግዳቸው ተነሳ።
የአዲስ አበባ ቤቶች ልማት እና አስተዳደር ቢሮ ኃላፊ ፅጌወይን ካሳ ፤ " የማህበር ቤት ለመገንባት የወሰን ማስከበር ችግር የነበረባቸው መሬቶች ሙሉ በሙሉ እግዳቸው ተነስቷል " ብለዋል።
ማህበራቱም ግንባታቸውን መቀጠል እንደሚችሉ ኃላፊዋ ገልፀዋል።
በ40/60 እና በ20/80 ተመዝጋቢ የነበሩ እና በማህበር ተደራጅተው የጋራ መኖሪያ ቤት ለመገንባት የተዘጋጁ 57 ማህበራት በወሰን ማስከበር ምክንያት የግንባታ ስራቸው ላይ እንቅፋት እንዳጋጠማቸው የቤቶች ልማት አስተዳደር ቢሮ አስታውቆ እንደነበር ይታወሳል።
ቲክቫህ ኢትዮጵያ መረጃውን ከቤቶች ልማት አስተዳደር ቢሮ ነው ያገኘው።
@tikvahethiopia
#CRRSA
የሲቪል ምዝገባ እና የነዋሪነት አገልግሎት ኤጀንሲ ፤ በጥር ወር አገልግሎትን በገንዘብ በመሸጥ እንዲሁም ሃሰተኛ ሰነድ በማዘጋጀት ላይ የተሰማሩ ተጠርጣሪዎችን በቁጥጥር ስር ማዋሉን ለቲክቫህ ኢትዮጵያ ገለጸ።
ኤጀንሲው ፥ በሃሰተኛ ሰነድ ዝግጅት ላይ የተሰማራ ህገ-ወጥ ደላላ እና አንድ የሌላ ተቋም ሰራተኛ እንዲሁም ላልተገባ ግለሰብ በገንዘብ አገልግሎት የሰጠ የተቋሙ ሰራተኛ እና ተገልጋዮችን በፖሊስ ቁጥጥር ስር እንዲውሉ ማድረጉን ነው ገለጸው።
ኤጀንሲው በሰጠን ማብራሪያ ፤ የአቃቂ ክፍለ ከተማ ወረዳ 8 የስራ ዕድል ፈጠራ ጽ/ቤት #ሰራተኛ የሆነ ተጠርጣሪ 30 ሺህ ብር በመቀበል በአቃቂ ቃሊቲ ክ/ከተማ ወረዳ 5 የሲቪል ምዝገባ እና የነዋሪነት አገልግሎት ጽ/ቤት ስም የተዘጋጀ ከጽ/ቤቱ ያልወጣ ሀሰተኛ የነዋሪነት መታወቂያ እና የጋብቻ ሰርትፍኬት ማዘጋጀቱ ተደርሶበር በህግ ቁጥጥር ስር እንዲውል ተደርጓል፡፡
በተመሳሳይ ሁኔታ ፤ በኮልፌ ቀራንዮ ክ/ከተማ ወረዳ 8 የሲቪል ምዝገባ እና የነዋሪነት አገልግሎት ጽ/ቤት ስም የተዘጋጀ ከጽ/ቤቱ ያልወጣ ሀሰተኛ የነዋሪነት መታወቂያ፣ የልደት ሰርተፍኬት እና የመሸኛ ማስረጃ /Clearance / በ10 ሺ ብር ያዘጋጀውን ግለሰብ ከየካ ከፍለ ከተማ ፖሊስ መምሪያ ጋር በመተባበር በየካ ወረዳ 10 አካባቢ እጅ ከፍንጅ በቁጥጥር ስር አውሎታል።
ኤጀንሲው፤ ከኢሚግሬሽን እና ዜግነት አገልግሎት በደረሰው ጥቆማ ከአዲስ አበባ ፖሊስ ኮሚሽን ጋር በመቀናጀት በየካ ክ/ከተማ ወረዳ 4 እና አዲስ ከተማ ወረዳ 9 የሲቪል ምዝገባ እና የነዋሪነት ምዝገባ ጽ/ቤት ሰራተኛ የሆኑ ተጠርጣሪዎች ኢትዮጵያዊ ላልሆኑ ግለሰቦች የነዋሪነት መታወቂያ እና የልደት ማስረጃ በመስጠታቸው በህግ ቁጥጥር ስር እንዲውሉ ተደርጎ ምርመራ እየተደረገ እንደሚገኝ ለቲክቫህ ኢትዮጵያ ገልጿል።
በዚህ ጥር ወር በኤጀንሲው ስነ-ምግባር እና ፀረ ሙስና ዳይሬክቶሬት በተመራው ክትትል እና ኦፕሬሽን ፦
- ሰባት በተቋሙ ስም የተሰሩ ሃሰተኛ ማስረጃ የያዙ ግለሰቦች፣
- ሶስት የተቋሙ ሰራተኞች ፣
- አንድ የሌላ ተቋም ሰራተኛ እና አንድ በሃሰተኛ ሰነድ ዝግጅት ላይ የተሰማሩ በድምሩ 12 ተጠርጣሪዎች በህግ ቁጥጥር ስር እንዲውሉ ማድረግ መቻሉን አሳውቋል።
ኤጀንሲው ፤ " በመዋቅሬ ያለውን የአገልግሎት አሰጣጥ ክትትል በማድረግ ከሌብነት የፀዳ ተቋም ለመገንባት ጥረት እያደረኩ ነው " ያለ ሲሆን ህብረተሰቡ በተቋሙ ስም ከሚያጭበረብሩ ህገ-ወጥ ግለሰቦች እራሱን እንዲጠብቅ አሳስቧል።
" በተቋሙ ጥቂት ሰራተኞች የሚፈፀሙ ህገ-ወጥ ተግባራት በቅንነት እና ታማኝነት የሚያገለግሉ ሰራተኞችንም አይወክልም " ብሎ " በህዝብ የሚታመን አገልጋይ ተቋም ለመገንባት በሚደረገው ጥረት ነዋሪው አጋዥ እንዲሆን " ሲል ጥሪ አቅርቧል።
@tikvahethiopia
የማይጠገብ የመዝናኛ አማራጭ ከዴኤስቲቪ!
ፓኬጅዎን ያሳድጉ የአውሮፓ ምርጥ ተጫዋቾችን የሻምፕየንስ ሊግ ፍልሚያ እና አዳዲስ ፊልሞችና ሾዎች በዲኤስቲቪ ቻናሎች ይከታተሉ
የዲኤስቲቪ አገልግሎቶችን ለማግኘት ከታች ያለውን የMyDStv Telegram bot ሊንክ ይጫኑ!
👇
https://bit.ly/2WDuBLk
#ሁሉምያለውእኛጋርነው #DStvEthiopia
#DrMekdesDaba
ዛሬ ዶ/ር ሊያ ታደሰን በመተካት የኢትዮጵያ የጤና ሚኒስትር ሆነው የተሾሙት ዶክተር መቅደስ ዳባ እ.ኤ.አ በ2021 በማኅጸንና ጽንስ ሕክምና ዘርፍ ባደረጉት ምርምር እና አስተዋጽዖ በሴቶች ዘርፍ በዓለም የጽንስና የማኅፀን ፌዴሬሽን ከመላ ዓለም ከተመረጡት ሃኪሞች አንዷ በመሆን የ #FIGO አዋርድ / ሽልማት ተበርክቶላቸዋል።
ትውልድ እና እድገታቸው በአዲስ አበባ ሲሆን የተወለዱት በቅዱስ ጳውሎስ ሆስፒታል ውስጥ ነው።
የመጀመሪያ እና ሁለተኛ ደረጃ ትምህርታቸውን (ከነርሰሪ እስከ 12ኛ ክፍል) በአዲስ አበባ ምስካየ ኅዙናን መድኃኔዓለም ገዳም ትምህርት ቤት ነው የተከታተሉት።
የሁለተኛ ደረጃ ትምህርታቸውን እንዳጠናቀቁ ወደ ሀዋሳ ዩኒቨርሲቲ በመግባት የመጀመሪያ ደረጃ የህክምና ትምህርታቸውን ተከታትለዋል ፤ ልክ እንደጨረሱ በዛው ሀዋሳ ዩኒቨርሲቲ አገልግለዋል።
የህብረተሰብ ጤና ማስተርስ ትምህርታቸውንም እዛው ዩኒቨርሲቲ ተምረዋል።
የማህጸንና ጽንስ ስፔሻሊቲ ትምህርታቸውን ደግሞ በአዲስ አበባ ዩኒቨርሲቲ ጥቁር አንበሳ ስፔሻላይዝድ ሆስፒታል ተከታትለዋል።
ዶክተር መቅደስ ዳባ በስራው ዓለም በዓለም የጤና ድርጅት (WHO) የምክትል ዳይሬክተር ረዳት ፣ የኢትዮጵያ የጽንስና ማህጸን ሃኪሞች ማህበር ፕሬዝዳንት ፣ በቅዱስ ጳውሎስ ሆስፒታል በጽንስና ማህጸን ትምህርት ክፍል ውስጥም ሰርተዋል።
ዛሬ በይፋ የኢትዮጵያ የጤና ሚኒስትር ሆነው ተሹመዋል።
@tikvahethiopia