1519094
ይህ የቲክቫህ (ተስፋ) ኢትዮጵያ ቤተሰብ አባላት መሰባሰቢያ እንዲሁም የመረጃ እና የመልዕክት መለዋወጫ መድረክ ነው። @tikvahuniversity @tikvahethAfaanOromoo @tikvahethmagazine @tikvahethsport @tikvahethiopiatigrigna #ኢትዮጵያ
#ETHIOPIA
ላለፉት 12 ዓመታ የኢትዮጵያ ምክትል ጠቅላይ ሚኒስትር ሆነው ባገለገሉት አቶ ደመቀ መኮንን ምትክ አቶ ተመስገን ጥሩነህ ምክትል ጠቅላይ ሚኒስትር ሆነው ዛሬ ተሹመዋል።
ጎጃም ብቸና ተወልደው ያደጉት አቶ ተመስገን በርካታ ዓመታትን በደህንነት እና ወታደራዊ ዘርፎች ውስጥ ሰርተዋል።
አቶ ደመቀ ከምክትል ጠቅላይ ሚኒስትርነት በተጨማሪ የውጭ ጉዳይ ሚኒስትር ቦታንም ደርበው ይዘው የነበረ ሲሆን በዚህም ቦታ አምባሳደር ታዬ አፅቀስላሴ የውጭ ጉዳይ ሚኒስትር ሆነው ተሹመዋል።
አምባሳደር ታዬ በተባበሩት መንግሥታት ድርጅት (UN) ኢትዮጵያን ወክለው ያገለገሉ ሲሆን ኢትዮጵያ ውስጥ አሉ ከሚባሉ በዘርፉ የረጅም ጊዜ የስራ ልምድ ካላቸውና ስመጥር ከሆኑ ዲፕሎማት አንዱ ናቸው።
የቀድሞው ምክትል ጠቅላይ ሚኒስትር እና የውጭ ጉዳይ ሚኒስትር አቶ ደመቀ መኮንን ከመንግስታዊ ኃላፊነታቸው ተሸኝተዋል።
@tikvahethiopia
#NewsAlert
ዶክተር መቅደስ ዳባ የጤና ሚኒስትር ሆነው ተሾሙ።
6ኛው የሕዝብ ተወካዮች ምክር ቤት 3ኛ ዓመት የስራ ዘመን በ15ኛ መደበኛ ስብሰባው የዶክተር መቅደስ ዳባ ሹመትን አጽድቋል፡፡
ጠቅላይ ሚኒስትር ዐቢይ አሕመድ (ዶ/ር) የዶክተር መቅደስ ዳባን የሥራ ልምድ ዘርዝረው ለምክር ቤቱ ባቀረቡት መሰረት ምክር ቤቱ በሙሉ ድምጽ ሹመቱን ማፅደቁን ብሔራዊ ቴሌቪዥን ጣቢያ (etv) ዘግቧል።
@tikvahethiopia
#Update
አቶ ተመስገን ጥሩነህ ምክትል ጠቅላይ ሚኒስትር ሆነው ተሾሙ።
6ኛው የሕዝብ ተወካዮች ምክር ቤት 3ኛ ዓመት የስራ ዘመን በ15ኛ መደበኛ ስብሰባው የአቶ ተመስገን ጥሩነህን ሹመት አጽድቋል፡፡
ጠቅላይ ሚኒስትር ዐቢይ አሕመድ (ዶ/ር) የአቶ ተመስገንን የሥራ ልምድ ዘርዝረው ለምክር ቤቱ ባቀረቡት መሰረት ምክር ቤቱ በሙሉ ድምጽ ሹመቱን ማጽደቁን ብሔራዊ የቴሌቪዥን ጣቢያ / etv ዘግቧል።
@tikvahethiopia
#ሴጅ
ቅዳሜ የካቲት 02, 2016 ዓ.ም 12ኛ ዙር የድህረ-ገፅ ማበልፀግ (MERN-Stack Website Development) ስልጠና ይጀምራል።
👉 100 % በተግባር የተደገፈ ስልጠና
👉 መሠረታዊ ኮምፒውተርና ፕሮግራሚንግ ትምህርቶችን አካቶ የሚሰጥ
👉 Front-end እና Back-end በአንድ ላይ እስከ Deployment ያካተተ
👉 በተግባር ድህረ ገጾችን እያበለፀጉ የሚሰለጥኑበት
👉 የሥራ ላይ ስልጠና (Internship) የተመቻቸለት
☎️ 0906777799 / 0906777755
አድራሻ፦ ፒያሣ ቸርችል ጎዳና ኤልያና ሆቴል 2ኛ ፎቅ
Telegram: /channel/sagetraininginstitute
Facebook: https://www.facebook.com/sagetraininginstitute
Instagram: https://www.instagram.com/sage_training_institute/
TikTok: sage_training_institute" rel="nofollow">https://www.tiktok.com/@sage_training_institute
#Update
የቅዱስ ሲኖዶስ ዋና ጸሐፊ እና የኒውዮርክና አካባቢው ሀገረ ስብከት ሊቀ ጳጳስ ብፁዕ አቡነ ጴጥሮስ (ዶ/ር) ዛሬ አሜሪካ ገብተዋል።
ብፁዕ አቡነ ጴጥሮስ (ዶ/ር) አሜሪካ ሲደርሱ አቀባበል ተደርጎላቸው።
ማክሰኞ ጥር 28 / 2016 ዓ/ም በአሜሪካ የነበራቸውን አገልግሎት አጠናቀው ወደ ኢትዮጵያ ቢመለሱም በቦሌ ዓለም አቀፍ ኤርፖርት ከደረሱ በኃላ ወደ #ኢትዮጵያ መግባት እንደማይችሉ ተነግሯቸው ዛሬ ወደ አሜሪካ ለመመለስ ተገደዋል።
የኢትዮጵያ ኦርቶዶክስ ተዋሕዶ ቤተክርስቲያን ፤ ብፁዕነታቸው ወደ አሜሪካ ከመመለሳቸው በፊት የሚመለከተው የመንግስት አካል የቤተክርስቲያኗ ከፍተኛ የሥራ ኃላፊና የቅዱስ ሲኖዶስ ዋና ጸሐፊ መሆናቸውን ከግምት ውስጥ በማስገባት ወደ አገር እንዲገቡ እንዲፈቀድላቸው እንዲያደርግ ብትጠይቅም የመፍትሄ ምላሽ ባለመገኘቱ ወደ መጡበት አሜሪካ ተመልሰዋል።
መንግሥት እስካሁን ስለጉዳዩ የሰጠው ማብራሪያ የሌለ ሲሆን በቀጣይ የሚሰጠው ማብራሪያ ካለ ተከታትለን እናቀርባለን።
@tikvahethiopia
" ወይ የሆነ መፍትሄ ተወስዶ እንዲቆዩ አልተደረጉ ፤ ከሄዱ ደግሞ በስነሥርዓት እንዲሸኙ ማድርግ ይገባ ነበር " - ስሙ እንዲጠቀስ ያልፈለገ ዶክተር (በባህር ዳር ዩኒቨርሲቲ፣ ጤና ሳይንስ ኮሌጅ ሌክቸረር)
በባህር ዳር ዩኒቨርሲቲ የጤና ሳይንስ ኮሌጅ ፤ ትላንት ምሽት 2:45 ሰዓት ገደማ ታጣቂዎች ተኩስ ከፍተው እንደነበር አንድ በተቋሙ ውስጥ በመምህርነት የሚሰራና ስሙ እንዳይጠቀስ የፈለገ ዶክተር ለቲክቫህ ኢትዮጵያ አሳውቋል።
" ከሰሞኑን በዩኒቨርሲቲው ጥሪ ተማሪዎች ገብተው ነበር " ያለው ይኸው ዶክተር ፤ ትላንት ምሽት በተማሪዎች ዶርም አካባቢ ታጣቂዎች ገብተው ከባድ ተኩስ ከፍተው ነበር ብሏል።
" የተማሪዎች ዶርም አካባቢ ነው ከባድ ተኩስ እና ፍንዳታ የነበረው ፤ እኔ በወቅቱ ለሪሰርች ስራ ላይብረሪ ነበርኩ ፤ ተኩሱና ፍንዳታው የተሰማበት ትክክለኛ ሰዓት ደግሞ ምሽት 2:45 ላይ ነው " ሲል ገልጿል።
" በኃላ ላይ ስንጠይቅ ታጣቂዎቹ ተማሪዎቹን ' እኛ እናተን ልንጎዳ አይደለም ግን ከነገ ጀምሮ ግቢውን ለቃችሁ እንድትወጡ ስለምንፈልግ ነው ' ብለዋቸዋል " ያለው ዶክተሩ ፤ " የነበረው ተኩስ ከ10 ደቂቃ በኃላ ከቆመ በኃላ እኛም ከላይብረሪ ወጥተን ወደየቤታችን ገባን " በማለት የትላንት ምሽቱን ሁኔታ አስረድቷል።
" ዛሬ ከጥዋት ጀምሮ ተማሪዎች ሲሄዱ ነበር ፤ ይሄን መረጃ ለእናተ በምሰጥበት ወቅት (ከሰዓት ላይ) ብዙ ተማሪ ሻንጣውን ጭኖ ፣ እየጎተተ እየወጣ ነው " ሲል የገለፀው ዶክተሩ ፤ " እኔ እንዳየሁት አስተዳደር አካባቢ ያሉ ሰዎችም አላነጋገሯቸውም ፤ ተማሪዎቹ ሰብሰብ ብለው ነው በራሳቸው ሲሄዱ የነበሩት፤ ከስንት ጊዜ በኃላ እድሜያቸው እንዳይሄድ ብለው ለመማር የመጡ ተማሪዎች ወይ የሆነ መፍትሄ ተወስዶ እንዲቆዩ አልተደረጉ ፤ ከሄዱ ደግሞ በስነሥርዓት እንዲሸኙ ማደርግ ይገባ ነበር " ብሏል።
" ተማሪዎች በዚህ መንገድ ከግቢ መውጣታቸው በጣም ስላሳሰበኝ ነው ይሄን ለናተ የምናገረው ፤ ትላንት ማታ ላይብረሪ ውስጥ የነበሩበት ሁኔታ አሳዛኝ ነበር ፣ ሲያልቅሱ ነበር ፤ አንዳንዶቹ ድምፅም ሰምተው የሚያውቁ አይደሉም ብቻ ያሳዝናል " ሲል ገልጿል።
በህክምና ኮሌጁ ሌክቸረር የሆኑት እኚህ ዶክተር ፤ " ለተማሪዎች ስነልቦና የሚያነጋግራቸው አካል ሊኖር ይገባ ነበር ፣ ተረጋጉ የሚላቸው አካልም መኖር ነበረበት ፤ ከጥዋት ጀምሮ ይሄን መረጅ እስከሰጠሁበት ሰዓት ያነጋገራቸው አካል የለም ፤ የግቢ ጥበቃዎችም መሳሪያ ተነጥቀናል ምንም ማድረግ አልቻልንም ነው የሚሉት ፤ ብቻ ተማሪዎቹ መፍትሄ ቢፈልጋላቸው " ሲሉ ድምፃቸውን አሰምተዋል።
ቲክቫህ ኢትዮጵያ በዩኒቨርሲቲው በኩል ስለጉዳዩ ምን አይነት ምላሽ እንዳለ ለማወቅ ጥረት አድርጓል፤ ነገ ጥዋት ይቀርባል።
@tikvahethiopia
#Update
በትግራይ ክልል የሚገኙት የኢትዮጵያ እስልምና ጉዳዮች ጠቅላይ ምክር ቤት ልዑካን ቡድን አባላት ዛሬ ከሰዓት በጦርነት ምክንያት ጉዳት የደረሰበትን ታሪካዊውን የ " አል ነጃሺ መስጂድ "ን ጎብኝተዋል።
የትግራይ ክልል እስልምና ጉዳዮች ከፍተኛ ምክር ቤት ፕሬዚዳንት ሼኽ አደም ፤ " ነጃሺ ያለ ኢትዮጵያ ሙስሊም ምንም ነው፤ የሚለማው ታሪኩም የኢትዮጵያ ሙስሊም ነው " ብለዋል።
የፌዴራል መጅሊሱ ፕሬዝዳንት ሼኽ ሀጂ ኢብራሂም ፤ " ነጃሺ ታሪካችን ብቻ ሳይሆን ምልክታችን ነው እጅ ለእጅ ተያይዘን ወደቀደመ ቁመናው እንመልሰዋለን " ሲሉ ተናግረዋል።
መረጃው ከሀሩን ሚዲያ የተገኘ ነው።
@tikvahethiopia
ቀጣዩን ማስፈንጠሪያ በመጫን ይቀላቀሉ »»» https://bit.ly/3RBi8kH
#ግሎባል_ባንክ_ኢትዮጵያ
ፎቶ ፦ በኢትዮጵያ እስልምና ጉዳዮች ጠቅላይ ምክር ቤት ፕሬዜዳንት ሼይኽ ሐጂ ኢብራሂም ቱፋ የሚመራ የምክር ቤቱ ከፍተኛ አመራሮች የልኡካን ቡድን ዛሬ ትግራይ ክልል፣ መቐለ ገብቷል።
የልኡካን ቡድኑ ፦
- በትግራይ ጊዚያዊ አስተዳደር አመራሮች፤
- በትግራይ እስልምና ጉዳይ አመራሮች
- በመቐለ ከተማ ሙስሊም ማህበረሰብ አቀባበል ተደርጎለታል።
በኢትዮጵያ እስልምና ጉዳዮች ጠቅላይ ም/ ቤት እና በትግራይ ክልል እስልምና ጉዳዮች ም/ቤት መካከል የነበረውና በጦርነት ተቋርጦ የቆየው ግንኙነት በቅርቡ በይቅርታ ወደነበረበት እንዲመለስ መደረጉ ይታወሳል።
Photo Credit፦ ድምፂ ወያነ
@tikvahethiopia
#EHRC
የኢትዮጵያ ሰብዓዊ መብቶች ጉባኤ (ኢሰመጉ) በአማራ ከልል ምዕራብ ጎጃም ዞን መርዓዊ ከተማ በ20/05/2016 ዓ.ም በመንግስት የጸጥታ ኃይሎች እና በታጣቂ ቡድኖች መካከል በነበረ ግጭት ከፍተኛ የሆኑ የሰብዓዊ መብቶች ጥሰቶች መፈጸማቸውን የሚያሳዩ መረጃዎች እንደደረሱት ባወጣው መግለጫ አሳውቋል።
በእዚህ ግጭት ምክንያት በመርዓዊ ከተማ የነበረው የትራንስፖርት አገልግሎት ሙሉ በሙሉ ተቋርጦ እንደነበር ፤ በግጭቱ ተሳትፎ የሌላቸው ሰዎች ላይ ግድያ፣ የአካል ጉዳት፣ ድበደባ፣ ማስፈራራትና ሌሎችም የሰብዓዊ መብቶች ጥሰቶች መፈፀማቸውን ገልጿል።
በአካባቢው በነበረው ግጭት ምክንያት ከ80 በላይ የሆኑ በግጭቱ ተሳትፎ የሌላቸው ሰዎች የተገደሉ መሆኑን ከእነዚህም መካከል ሁለት ሴቶች እንደሚገኙበትና ለግድያው ምክንያት የነበረው በግጭቱ ወቅት የነበረው ከፍተኛ የተኩስ ልውውጥ እንደነበር አመልክቷል።
በተጨማሪም ቤት ለቤት በመዘዋወር ግድያ መፈጸሙን ከአካባቢው ካሰባሰብኳቸው መረጃዎች ለመረዳት ችያለሁ ብሏል።
በእዚህ ግጭት ወቅት አካል ጉዳተኞች ላይ ድብደባ የተፈጸመ መሆኑንና ከተገደሉ ሰዎች መካከል አንድ የ17 አመት ታዳጊ እንደሚገኝበት ከአካባቢ ከነበሩ የአይን እማኞች ለመረዳት እንደተቻለ ገልጿል።
ከአይን እማኞች አገኘሁት ባለው መረጃ መሰረት ፦
- ወንዶችን ቤት ለቤት አሰሳ በማድረግ ወደመንገድ በማውጣት የጅምላ ግድያ መፈጸሙን፤
- ከ21/05/2016 ዓ.ም ጀምሮ የሟቾች አስከሬን በመርዓዊ ከተማ ማሪያም ቤተክርስቲያን በጅምላ እየተቀበሩ የነበረ መሆኑን፤
- በከፍተኛ የሆነ የሰብዓዊ መብቶች ጥሰት ምክንያት የአካባቢው ነዋሪ አካባቢውን ለቆ እየወጣ መሆኑን አመልክቷል።
ኢሰመጉ ከላይ የተዘረዘሩትን ጉዳዮች በአካል በመገኘት ምርመራ በማድረግ ለማረጋገጥ እንዳልቻለ በመግለጫው አሳውቋል።
ይህንን ጉዳይ አስመልከቶ የአካባቢው የጸጥታው ሁኔታ ሲፈቅድ ተጨማሪ የምርመራ ስራን በማከናወን ዝርዝር መግለጫን እንደሚያዘጋጅ ይፋ አድርጓል።
እስካሁን በመንግስት በኩል የተሰጠ ምላሽም ይሁን መረጃ የለም።
ቲክቫህ ኢትዮጵያ ከቀናት በፊት በመርዓዊ ጉዳይ ባዘጋጀው አንድ ዘገባ ፦
* የክልሉ የኮሚዩኒኬሽን ምክትል፣
* የክልሉና የሰሜን ጎጃም ዞን ኮማንድ ፖስት፣
* የክልሉ ሰላምና ጸጥታ ቢሮ ስለጉዳዩ ምን ምላሽ እንዳለቸው ለማወቅ እና ሃሳባቸውን ለማካተት ስልክ ቢደውልም ለማንሳት ፈቃደኛ ባለመሆናቸው ሀሳባቸውን ለማካተት ሳይችል ቀርቷል።
በክልሉ ኮሚኒኬሽን በኩል ምላሽ ለማግኘት ለአንድ ኃላፊ ስልክ ብንደውልም ጥያቄውን በዝርዝር ከሰሙ በኋላ " ስብሰባ ላይ ነኝ መልሼ ደውላለሁ " ቢሉም አልደወሉም ፤ በድጋሚም ስልክ ሲደወል ስልክ ለማንሳት ፈቃደኛ አልሆኑም።
" እባክዎ ስልክዎን ያንሱና በኮሚዩኒኬሽን በኩል ያለውን የመርዓዊ ጉዳይ ማብራሪያ በመስጠት ኃላፊነትዎን ይወጡ " የሚል የፅሑፍ መልዕክት (SMS) ቢላክላቸውም ምላሽ ሳይሰጡ ቀርተዋል።
የኢትዮጵያ ሰብዓዊ ኮሚሽን ( #ኢሰመኮ ) ምክትል ኮሚሽነር ራኬብ መሰለ ለቲክቫህ ኢትዮጵያ በሰጡት ቃል ፤ " መረጃው ደርሶናል (የመርዓዊ ጉዳይ) ። እያረጋገጥን ነው " ብለዋል።
አክለው ፣ " የጸጥታ ጉዳይ ስለሆነ ትንሽ መንቀሳቀስና መረጃ መሰብሰብ አስቸጋሪ ሊሆን ስለሚችል ሊዘገይ ይችላል። ግን እያጣራን ነው " ሲሉ ተናግረዋል።
@tikvahethiopia
Ethiopian go-getters, this is your call to action! Do you have the drive, the passion, and the determination to be an outstanding entrepreneur? Jasiri is searching for individuals who are ready to embark on a high-impact entrepreneurial journey. If you're looking to push boundaries and create change, we want you. Apply for Cohort 6 at jasiri.org/application and join the ranks of those transforming the future of business.
Читать полностью…
#AddisAbaba #Update
በማህበር የተደራጁ የጋራ መኖሪያ ቤት ፈላጊዎች በወሰን ማስከበር ምክንያት እንቅፋት ስላጋጠማቸው ግንባታቸው መጓተቱ ተገለጿል።
ከዚህ ቀደም በ40/60 እና በ20/80 ተመዝጋቢ የነበሩ እና በማህበር ተደራጅተው የጋራ መኖሪያ ቤት ለመገንባት የተዘጋጁ 57 ማህበራት በወሰን ማስከበር ምክንያት የግንባታ ስራቸው ላይ እንቅፋት እንዳጋጠማቸው ዛሬ በቤቶች ልማት አስተዳደር ቢሮ በተሰጠ ጋዜጣዊ መግለጫ ማወቅ ተችሏል።
በመግለጫው ላይ የተወሰኑ ሳይቶች ላይ ችግሮቹ ቢፈቱም አሁንም ግን አብዛኞቹ ሳይቶች የወሰን ማስከበር ችግር እንዳለባቸው ተነግሯል።
ፍርድ ቤቶችም ለችግሩ አፋጣኝ ውሳኔ በመስጠት የሚታየው መዘግየት ቀርፈው ማህበራቱ ወደ ግንባታ እንዲገቡ ምላሽ መስጠት አለባቸው ተብሏል።
የማህበራቱ ተወካዮችም ፤ በአፋጣኝ ወደስራ ባለመግባታቸው በየጊዜው ለሚታየው ለግንባታ ዋጋ ንረት መዳረጋቸውን ገልፀዋል።
መረጃው ከቤቶች ልማት አስተዳደር ቢሮ የተገኘ ነው።
@tikvahethiopia
ይክፈሉ ያሸንፉ!
የኤሌክትሪክ አገልግሎት ሂሳብዎን በቴሌብር ሱፐርአፕ http://onelink.to/fpgu4m በመክፈል ታብሌት፣ የሞባይል ቀፎ እንዲሁም የኢንተርኔት ፓኬጅን ጨምሮ ሌሎች አጓጊ ሽልማቶችን ለማሸነፍ የዕጣ ውድድር (Scratch & Win) ይሳተፉ፤
በተጨማሪም የክፍያ ጊዜዎን በየወሩ ማስታወስ ሳይጠበቅብዎ አስቀድመው በማስተካከል (Schedule Payment) ክፍያዎን ይፈጽሙ፡፡
#Ethiotelecom #telebirr #RealizingDigitalEthiopia
ብፁዕ አቡነ ጴጥሮስ ወደ አገር እንዳይገቡ ተከለከሉ።
ብፁዕ አቡነ ጴጥሮስ የቅዱስ ሲኖዶስ ዋና ጸሐፊ እና የኒውዮርክና አካባቢው ሀገረ ስብከት ሊቀ ጳጳስ በአሜሪካ የነበራቸውን ሐዋርያዊ አገልግሎት ጨርሰው ቦሌ ዓለም አቀፍ አየር ማረፊያ ሲደርሱ እንዳይገቡ መከልከላቸውን የኢትዮጵያ ኦርቶዶክስ ተወሕዶ ቤተክርስቲያን አስታውቃለች።
ቤተክርስቲያን ፤ ብፁዕነታቸው ከሳምንታት በፊት በቋሚ ሲኖዶስ እውቅና ወደ ሀገረ ስብከታቸው በመሄድ የአጋእዝተ ዓለም ሥላሴ ዓመታዊ በዓል፣ የከተራና የጥምቀት በዓላትን ከመንፈስ ልጆቻቸው ጋር ያከበሩ ሲሆን ለአዳጊ ሕጻናትም ማዕረገ ዲቁና ሰጥተው እንደነበር አስታውሳለች።
ብፁዕነታቸው በአሁኑ ሰዓት ቦሌ ዓለም አቀፍ አየር ማረፊያው የሚገኙ መሆኑን ጠቅላይ ጽሕፈት ቤቱ በአየር መንገድ አቀባበል ለማድረግ በተገኘበት ወቅት ማረጋገጡን ቤተክርስቲያን ገልጻለች።
" ብፁዕነታቸው ወደ አሜሪካ ከመመለሳቸው በፊት የሚመለከተው የመንግስት አካል የቤተክርስቲያናችን ከፍተኛ የሥራ ኃላፊና የቅዱስ ሲኖዶስ ዋና ጸሐፊ መሆናቸውን ከግምት ውስጥ በማስገባት ወደ አገር እንዲገቡ እንዲፈቀድላቸው እንዲደርግ " ስትል ቅድስት ቤተክርስቲያን ጥሪዋን አስተላልፋለች።
@tikvahethiopia
" በጣም ብዙ መታሰር የሚገባቸው ሰዎች በየቀኑ ይታለፋሉ " - ዶ/ር ዐቢይ አህመድ
ጠ/ሚ ዶ/ር ዐቢይ አህመድ ዛሬ ከፓርላማ አባላት ከተጠየቁት ጥያቄዎች አንዱ የዜጎች #እስር ጉዳይ ነው።
" እስር በዝቷል " በሚል ጥያቄ ተነስቶላቸው መልስ ሰጥተዋል።
ጠቅላይ ሚኒስትሩ ፤ " እውነቱን ለመናገር አሁን እንዳለው anarchy ፣ ስድብ ፣ጥፋት እስር ቢበዛ ኖሮ ፓርክ ሳይሆን እስር ቤት ነበር የምንገነባው " ያሉ ሲሆን " በጣም ብዙ መታሰር የሚገባቸው ሰዎች በየቀኑ ይታለፋሉ " ብለዋል።
ምሳሌ ብለውም ፤ ሸራተን ጀርባ ብዙ ተለፍቶበት ተሰርቷል ያሉትና ስራ ከጀመረ 15 ቀን ገደማ በሆነው መንገድ ላይ ቆመው ሽንት የሚሸኑ ሰዎች ጠቅሰዋል።
" እነዚህ ሰዎች ቢታሰሩ አገባብ አይደለም ወይ ? " ሲሉ ጠይቀው " ለማጥፋት ነው የሚመስለው እንጂ ካልጠፋ ቦታ እንደዛ አይነት ቦታ ላይ ሄዶ እንደዛ አይደረግም " ብለዋል።
" እኛ እስር ቤት ሳይሆን ፓርክ ነው እየገነባን ያለነው " ያሉት ጠቅላይ ሚኒስትሩ " ከአስቸኳይ ጊዜ አዋጁ ጋር ከሆነ የእስር ጉዳይ የተነሳው ... ከተያዘው አብዛኛው ሰው ተምሮ ወጥቷል። " ብለዋል።
በሺህ የሚቆጠር ሰው ከእስር እንደወጣ የገለፁት ዶ/ር ዐቢይ " አሁን በጣም በመቶ የሚቆጠሩ ሰዎች ናቸው እስር ቤት ያሉት። እነሱም እየተጣሩ፣ እየተማሩ ሊፈቱ ይገባል ፤ ሰው እስር ቤት አቆይቶ መቀለብ ለድሃ መንግሥት አያዋጣም። አስተምሮ መመለስ ያስፈልጋል " ብለዋል
ጠቅላይ ሚኒስትሩ፤ " የታሰሩ ሰዎች እዚህም እዚያም አሉ " ያሉ ሲሆን " የአስቸኳይ ጊዜ አዋጁን የሚመራው ኃይል እየመረመረ እያወያየ እያሰለጠነ አብዛኛዎችን ይፈታል ብዬ ተስፋ አደርጋለሁ፤ መሆንም ያለበት እንደዛ ነው። " ብለዋል።
" ይህ እንዳለ ሆኖ ግን ከዚያ ጋር አብሮ የሚጨፈለቅ ፣አብሮ የሚታይ ነገር ካለ መፈተሽ ጥሩ ነው " ብለዋል።
" እንደው እንከን የለውም የመንግስት አሰራር ብሎ መሄድ ጥሩ አይደለም። የምንፈጥረው ስህተት ካለ እየመረመርን ማስተካከል አለብን። ካጠፋን ይቅርታ መጠየቅ አለብን። " ሲሉ ተደምጠዋል።
" ሀገር ሲፈርስ ዝም ብለን አናይም፤ ስራችን መጠበቅ ስለሆነ ሀገር ጠባቂ ነን ብለን ደግሞ ጥፋት የምናመጣ ከሆነ መጠየቅ አለብን። በጣም በርካታ ሰዎች እኛ ውስጥ ሆነው የሚሰርቁ የሚያጠፉ አሉ " ሲሉ ተናግረዋል።
" #መለዮ ለብሰው ሰላም ማስከበር ሲገባቸው ጥፋት ላይ የሚሳተፉ ሰዎች አሉ " በማለት የተናገሩት ጠ/ሚኒስትሩ " ብዙዎቹ ይያዛሉ እነሱም ይጠየቃሉ። 100% የተሟላ ባይሆንም በውስጥ የእርማት ስራዎች በስፋት ይሰራሉ " ብለዋል።
@tikvahethiopia
#Update
" ተማሪዎች ላይ የደረሰ ጉዳት የለም " - የባሕር ዳር ዩኒቨርሲቲ የጤና ሳይንስ ኮሌጅ ሁነኛ አካል
በአማራ ክልል ባሕር ዳር ዩኒቨርሲቲ ጥበበ ግዮን ጤና ሳይንስ ኮሌጅ የሚገኙ ተማሪዎች ማክሰኞ ጥር 28 ቀን ከምሽቱ 2፡30 ገደማ ታጣቂዎች በካምፓሱ ውስጥ ተኩስ መክፈታቸውን፣ ተማሪዎቹ ከግቢው እንዲወጡም ማስጠንቀቂያ መስጠታቸውን ለቲክቫህ ኢትዮጵያ ገልጸው፣ የሚመለከተው አካል ሰላም ወዳለበት ግቢ እንዲቀይርላቸው ጠይቀዋል።
በኮሌጁ የጸጥታ ችግር አለ የሚል መረጃ ደርሶናል እውነት ነው ? ሲል ቲክቫህ ኢትዮጵያ ጥያቄ ያቀረበላቸው ስማቸው እንዲጠቀስ ያልፈለጉ አንድ የኮሌጁ ሁነኛ አካል ፣ " ተማሪዎቹ የነገሯችሁ #እውነት ነው። ችግሩ ተፈጠረ፣ ግቢው ተደበደበ። ተማሪዎች ወጡ " ሲሉ አረጋግጠዋል።
በተማሪዎች ላይ የደረሰ ጉዳት አለ ? ተብሎ ለቀረበላቸው ጥያቄ ፤ " ተማሪዎች ላይ የደረሰ #ጉዳት የለም። ከግቢው ገቡ፣ ከዚያ ተኩስ ተጀመረ፣ ከዚያ #ቦምብ አፈነዱ፣ ጥይት ተተኮሰ " ሲሉ አስረድተው፣ " ‘ተማሪዎች መውጣት አለባችሁ የሚል ነገር ተናገሩ እነርሱ (ታጣቂዎቹ) " ብለዋል።
ታጣቂዎቹ ተማሪዎቹን ከግቢ መውጣት እንዳለባቸው ይህን ካላደረጉ ግን በቀጥይ እርምጃ እንደሚወስዱ እንዳስጠነቀቁ ገልጸዋል።
የሴቶች ብሎክ 1 እና 3 ሕንጻ የተወሰነ በታጣቂዎች መመታቱን የገለፁ ሲሆን " ተማሪ ግን #አልጎዱም " ብለዋል።
" ተማሪዎች ላይ ታርጌት አላደረጉም ሕንጻውን ነው የደበደቡት። ቦምቡ ደግሞ ከተማሪዎች ወደ ካፌ መሄጃ በኩል እዚያው ከግቢው ውስጥ ፈንድቷል። የፈነዳበት ቦታ ይታወቃል " ሲሉ አክለዋል።
ተኩስ የከፈቱት ታጣቂዎች ፍላጎታቸው ምንድን ነው ? ለሚለው ጥያቄ እኚሁ ግለሰብ " ‘ዩኒቨርሲቲ በቃችሁ፣ ከመጀመሪያውስ ለምን መጣችሁ?’ እያሉ ሲናገሩ ነበር " ያሉ ሲሆን " ‘አሁንም ግቢውን ለቃችሁ ውጡ። ዛሬ አንጎዳችሁም። ቀጣይ ግን ስንመጣ ብናገኛችሁ ቀጥታ እርምጃ እንወስዳለን’ የሚል እንድምታ ነበር ብለዋል።
በግቢው አጠቃላይ ከ1,500 እስከ 2,000 ተማሪ የሚገኝበት ሲሆን ከትላንት ጠዋት ጀምሮ #አብዛኞቹ ተማሪዎች ግቢውን ለቀው መውጣታቸውን ተናግረዋል።
" ወደ ቤት የሚሄዱ አሉ (ምክንያቱም በጣም ጭንቅ ነበር በተለይ ሴቶች፣ ሌሊትም #ሲያለቅሱ ነበር) ዘመድ ጋ ወደ ከተማ የሚጠጉም አሉ። #ሆቴል ይዘው ያደሩ ልጆችም አሉ። ቤተሰብ ሩቅ የሆነባቸው፣ ገንዘብ የሌላቸው ተማሪዎች አሉ ግቢ ውስጥ ቁጭ ብለው በጭንቀት " ሲሉ የሁኔታውን አሳሳቢነት አስረድተዋል።
ታጣቂዎቹ ወደ ካምፓሱ ሲገቡ ጥበቃዎች አልነበሩም ? ሲል ቲክቫህ ኢትዮጵያ ላቀረበው ጥያቄ ፣ " የእኛ ካምፓስ አዲስ ስለሆነ አጥር የለውም። በዙሪያው ጥበቃዎች አሉ። ግን ጥበቃዎች በኮማንድ ፓስቱ ምክንያት መሣሪያ አይዙም። መሣሪያ ቢይዙም የመጣው ኃይል በጣም ብዙ ነው " ብለዋል።
የተማሪዎቹ ፍላጎትስ ምንድነው ? ለሚለው ጥያቄም፣ " ተማሪዎች መማር ይፈልጋሉ። ምክንያቱም በኮሮና ጊዜ፣ በጦርነት ምክንያት አማራ ክልል ላይ ብዙ ታሹ። አብዛኛው ተማሪ መማር ይፈልጋል፣ ግን ደግሞ ከሕይወት የሚበልጥ ነገር የለም " የሚል ምላሽ ተሰጥተዋል።
የካምፓሱ ከፍተኛ ባለስልጣናት በጉዳዩ ዙሪያ ረቡዕ ጥር 29 ቀን 2016 ዓ/ም አስቸኳይ ስብሰባ እንደነበራቸው፣ በዚህም " በጥበቃ (በመከላከያ) ተጠብቀው ይማሩ ወይስ ሌላ ግቢ እናመቻችላቸው ? " በሚለው ጉዳይ እንደተወያዩና ውሳኔው ግን እንዳልታወቀ ተመላክቷል።
መረጃው የተዘጋጀው በአ/አ ቲክቫህ ኢትዮጵያ ቤተሰብ አባል ነው።
@tikvahethiopia
#NewsAlert
አምባሳደር ታዬ አፅቀሥላሴ የውጭ ጉዳይ ሚኒስትር ሆነው ተሾሙ።
6ኛው የሕዝብ ተወካዮች ምክር ቤት 3ኛ ዓመት የስራ ዘመን በ15ኛ መደበኛ ስብሰባው አምባሳደር ታዬ አፅቀሥላሴ ሹመት አጽድቋል፡፡
ጠቅላይ ሚኒስትር ዐቢይ አሕመድ (ዶ/ር) የአምባሳደር ታዬ አፅቀሥላሴ የሥራ ልምድ ዘርዝረው ለምክር ቤቱ ባቀረቡት መሰረት ምክር ቤቱ በሙሉ ድምጽ ሹመቱን ማፅደቁን ብሔራዊ የቴሌቪዥን ጣቢያ (etv) ዘግቧል።
@tikvahethiopia
#Update
ከየካቲት 6-9/2016 ዓ.ም የሚሰጠውን የመውጫ ፈተና ለመፈተን በመጠባበቅ ላይ የምትገኙ የድጋሚ (Re-exam) ተፈታኞች በሙሉ የመፈታኛ የይለፍ-ቃል (Password) ከስር በተገለፁት አማራጮች ማግኘት የምትችሉ መሆኑን ትምህርት ሚኒስቴር አሳውቋል።
1. በምዝገባ ወቅት በሞላችሁት email በኩል፣
2. https://exam.ethernet.edu.et ላይ በመግባት የከፈላችሁበትን Transaction Number በማስገባት፣
3. ከተመደባብችሁብት የመፈተኛ ተቋም ማግኘት ትችላላችሁ።
ማሳሰቢያ፦
ለመጀመሪያ ጊዜ የመውጫ ፈተና የምትፈተኑ እጩ ተመራቂዎች የይለፍ-ቃል የምታገኙት ከምትማሩበት ወይም ከተመደባብችሁበት የመፈተኛ ተቋም ብቻ መሆኑ ተገልጿል።
ተፈታኞች የሞዴል ፈተና እስከ የካቲት 5/2016 ዓ.ም መውሰድ እንዳለባችሁ ሚኒስቴሩ አሳስቧል።
@tikvahuniversity
#CBE
በቀጥታ ወደ ወዳጅ ዘመድዎ ሂሳብ!
EthioDirect
===========
በኢትዮ-ዳይሬክት ከውጭ ሀገር ገንዘብ መላኪያ መተግበሪያ የማስተር ወይም የቪዛ ካርድዎን ተጠቅመው በማንኛውም ጊዜና ቦታ በሞባይል ስልክዎ ቀጥታ ወደ ወዳጅ ዘመድዎ ሂሳብ መላክ ይችላሉ፡፡
#ቀላል #ፈጣን #አስተማማኝ #ነፃ
===========
የEthioDirect የሞባይል መተግበሪያ ከPlay Store ወይም App Store በማውረድ አገልግሎቱን ይጠቀሙ።
• ለአንድሮይድ ስልኮች
https://play.google.com/store/apps/details?id=com.combanketh.ethiodirect
• ለአፕል ስልኮች
https://apps.apple.com/us/app/ethiodirect/id1602064491
***
የፌስቡክ እና የቴሌግራም ገፆቻችንን ይቀላቀሉ!
• Facebook፡- https://www.facebook.com/combanketh
• Telegram፡- /channel/combankethofficial
#Update
" ከስራ የታገድኩበትን የኢየሱስ ይመጣል ስብከት ወደፊት በስፋት የምሰራበት ጊዜ ይመጣል ፤ አሁን ግን ጊዜው ህዝብን የማገልገያ ነው " - ኢንስፔክተር ተስፋዬ ደምሴ
ከወራት በፊት የደንብ ልብስ በመልበስና የፖሊስ መኪና በመያዝ " ኢየሱስ ይመጣል !! " በሚል ሃይማኖታዊ ቅስቀሳ እና ስብከት በማካሄዳቸው ከስራ የታገዱት ኢንስፔክተር ተስፋዬ ደምሴ እግዱ ተነስቶላቸው ወደስራዉ መመለሳቸውን ቲክቫህ ኢትዮጵያ ሰምቷል።
ዛሬ ምሽቱን ከቲክቫህ ኢትዮጵያ ለቀረበላቸዉ ጥያቄ ምላሽ የሰጡት ኢንስፔክተር ተሰፋዬ ደምሴ ፤ አሁን ላይ ፍጹም ደስታ ውስጥ መሆናቸዉን በመግለጽ ባሳለፏቸዉ ጊዜያት በጸሎት እና በተለያየ መልኩ ከጎናቸዉ ለነበሩት ሁሉ ምስጋናቸውን አቅርበዋል።
ኢንስፔክተሩ " የክልሉ አመራር መክሮ እና ይቅርታዬን ተቀብሎ ወደስራ ስላስገባኝ አመሰግናለሁ " ያሉ ሲሆን " ሙስሊም ክርስቲያን ሳልል በቅንነትና በትጋት ለማገልገል ዝግጁ ነኝ " ብለዋል።
" ከስራ የታገድኩበትን የኢየሱስ ይመጣል ስብከት ወደፊት በስፋት የምሰራበት ጊዜ ይመጣል " ያሉት ኢንስፔክተር ተስፋዬ ደምሴ " አሁን ግን ጊዜው ህዝብን የማገልገያ ነው " ብለዋል።
መረጃውን አዘጋጅቶ የላከው የሀዋሳው የቲክቫህ ኢትዮጵያ ቤተሰብ አባል ነው።
@tikvahethiopia
የኢንቨስትመንት ባንክ ምንድነው ? ከሌሎች ባንኮች በምን ይለያል ?
➡ የንግድ ባንኮች የሚባሉት ፦ በብሔራዊ ባንክ ስር የሚተዳደሩ ፤ ከብሔራዊ ባንክ ፍቃድ ተሰጥቷቸው የሚተዳደሩ ናቸው።
➡ ኢንቨስትመንት ባንክ ፦ በካፒታል ገበያ አዋጅ መሰረት የሚቋቋም፣ በካፒታል ገበያ ባለስልጣን ፍቃድ የሚሰጠው ነው። ከግለሰቦች ተቀማጭ የሚወስድ ከሆነ የኢንቨስትመንት ባንክ መሆን አይችልም።
የኢንቨስትመንት ባንኪግ ስራ ምንድነው ?
ዋና ስራው ወደ ካፒታል ገበያ የሚመጡትን ኩባንያዎች፣ ድርጅቶች ፣ መንግስት ፣ ከተሞች ሊሆኑ ይችላሉ ቦንድ መሸጥ ሲፈልጉ ፣ አክሲዮን መሸጥ ሲፈልጉ ፦
* አክሲዮኑ ምን ይመስላል ?
* አክሲዮኑ በምን ያህል ዋጋ ይሸጥ ?
* መቼና ለማን ይሸጥ ? የሚለውን የፋይናንስ ስትራተጂ ላይ የምክር አገልግሎት የሚሰጡና የሚያገናኙ በካፒታል ገበያ ውስጥ ትልቁን ድርሻ የሚጫወቱ ናቸው።
ለምሳሌ ፦ አንድ በግል የተያዘ ድርጅት ፤ ወደ ህዝብ ድርጅት ነው መቀየር የምፈልገው ፣ የሼር ኩባንያ ነው መሆን የምፈልገው ብሎ ሼሩን የካፒታል ማርኬት ላይ መሸጥ ቢፈልግ ድርጅቱ ምን ያህል ነው ዋጋው ? ለአብነት ወደ 2000 ሼር ቀይሬ 2 ሺህ ሼር ለገበያው ሸጣለሁ ቢል እያንዳንዱ ሼር ዋጋው ምን ያህል ነው የሚለውን አጠቃላይ ስራ የሚሰራው ኢንቨስትመንት ባንክ ነው።
በተጨማሪ ኢንቨስትመንት ባንክ ፦
* price discovery / ገበያው ላይ ኩባንያዎች ያላቸው እውነተኛ ዋጋቸው ምንድነው የሚለውን ያጣራል።
* የካፒታል ገበያ ላይ የሚሳተፉ አካላትን ያማክራል።
* የካፒታል ብክነት እንዳይኖርና ካፒታል ወደአስፈላጊው ቦታ እንዲሄድ ያደርጋል።
ኢንቨስትመንት ባንኮች እንደ ሌሎች የንግድ ባንኮች ከሰዎች ላይ ተቀማጭ ገንዘብ / deposit አይወስዱም።
የኢንቨስትመንት ባንኮች የማማከር ስራን የሚሰሩ ሲሆን አንዳንድ ኩባንያዎች የኢትዮጵያ ሰነደ መዋዕለ ነዋይ ገበያ ለመግባት ሲወስኑ ኩባንያውን ማዛጋጀት፣ ሼሩ ምን ያህል ነው የሚለውን መለየት ፣ ምን ያህል ሼር ለምን ያህል ሰው የሚለውን መለየት ስራዎችን ይሰራሉ።
የካፒታል ገበያውን የሚቆጣጠረው አካል ፤ በካፒታል ገበያው ለሚሳተፉ አካላት ፍቃድ ከመስጠት እና ሂደቱን ከመቆጣጠር ባለፈ ኢንቬስተሮች በየትኛው ዘርፍ መሳተፍ አለባቸው የሚለውን አይወስንም ሃሳብም አይሰጥም ፤ ይህን የሚያደርጉት የአዋጭነት ትንተናዎችን በመስራት የኢንቨስትመንት ባንኮች ናቸው።
ማማከር፣ ኢንቬስተሮችን እና ተፈላጊ የፋይናንስ ሃብት ማገናኘት የኢንቨስትመንት ባንኮች ስራ ይሆናል። የካፒታል ገበያ ላይ የሚሳተፉ ድርጅቶችን ወክለው ከሰነደ መዋዕለ ነዋይ ገበያው ሆነ ከተቆጣጣሪ መ/ቤቱ ጋር በመሆን ብዙ ስራዎች ይሰራሉ።
☑ ለኢንቨስትመንት ባንክ መስረታ የሚጠየቀው ካፒታል ለንግድ ባንኮች ከሚጠየቀው #ያነሰ ነው።
የንግድ ባንኮች በዚህ ላይ መሳተፍ ይችላሉ ?
አሁን በኢትዮጵያ ስራ ላይ ያሉ የንግድ ባንኮች ጎን ለጎን የኢንቨስትመንት ባንክ ተሳትፎ የሚያደርጉበት እድል አላቸው።
▪እንደ ኢትዮጵያ የካፒታል ገበያ ባለስልጣን መረጃ ከመጪው ሰኞ ጀምሮ መስፈርቱን ለሚያሟሉ የኢንቨስትመንት ባንክ ፍቃድ መስጠት የሚጀምር ሲሆን በአጭር ጊዜ ውስጥ በኢትዮጵያ ያሉና ከኢትዮጵያ ውጭ ያሉ ባንኮችም የኢንቨስትመንት ባንክ ፍቃድ ይወስዳሉ ተብሎ እንደሚጠብቅ ተስፋ ተደርጓል።
Credit ፦
#DrBirukTaye (ECMA Director)
#SirakSolomon (ECMA Senior Legal Advisor)
#YohanessArega (ECMA Senior Advisor)
#WuberstTessema (Journalist , FBC)
ዝግጅት ፦ #TikvahEthiopia
@tikvahethiopia
#አሽከርካሪዎች
➡ “ ታጣቂዎች ሌመን አካባቢ በከፈቱት ተኩስ ሁለት ሰዎች ተገድለዋል። መረጃው እውነት ነው ”- የዓይን እማኝና ባለስልጣን
➡ “ በ3 ዓመታት ውስጥ 100 የሚደርሱ አሽከርካሪዎች በወንበዴ ጥይት ሕይወታቸው ሲቀጠፍ፣ ንብረት በየሜዳው ሲነድ፣ ገዳይን አሳደው ለሕግ ሲያቀርቡ አላየንም ” - የሹፌሮች አንደበት
በተለያዩ አካባቢዎች ላይ ሲከሰት ቢስተዋልም በተለይ በኦሮሚያ ክልል በሚገኙ ታጣቂ ቡድኖች አማካኝነት “ የገበያ ዕቀባ ” የሚል የተሽከርካሪዎችን እንቅስቃሴ በመግታት፣ በሚንቀሳቀሱ ሹፌሮችና ተጓዦች ግድያ፣ የተሽከርካሪዎች ቃጠሎ በስፋት እየተፈጸመ መሆኑን ባለስልጣን፣ የዓይን እማኝና ሹፌሮች ለቲክቫህ ኢትዮጵያ ገልጸዋል።
“ ሰሞኑን ከአዲስ አዲስ አበባ ወደ ወላይታ ሶዶ ሲጓዝ በነበረ ተሽከርካሪ የሸኔ ታጣቂዎች ሌመን አካባቢ በከፈቱት ተኩስ ሁለት ሰዎች ተገድለዋል። ሬሳቸውም ወደ ወላይታ ሶዶ ዞን ካዎ ኮይሻ ወረዳ ተወስዷል ” ሲሉ አንድ የዓይን እማኝ ገልጸውልናል።
የተገደሉበት ምክንያት ምን እንደሆነ እንዲያስረዱ ሲጠየቁም፣ “ ታጣቂዎቹ ‘የገበያ ዕቀባ’ በሚል ሰሞኑን ተሽከርካሪዎች እንዳይንቀሳቀሱ አግደው ስለነበር ነው ” ብለዋል።
“ ሁለት ሰዎች በታጣቂዎች ተገደሉ ” መባሉ እውነት ነው ? ሲል ቲክቫህ ኢትዮጵያ ጥያቄ ያቀረበላቸው ሟቾቹ የሚኖሩበት ወረዳ አንድ ባለስልጣን “ ልክ ነው። መረጃው እውነት ነው ” ሲሉ አረጋግጠዋል።
“ ታጣቂዎች ናቸው የገደሏቸው ” የሚል መረጃ ደርሶናል ይህስ እውነት ነው ? ተብሎ ለቀረበላቸው ጥያቄም፣ “ አዎ በታጣቂዎች ነው። እውነት ነው ” ብለዋል።
አንድ ቃላቸውን ለቲክቫህ ኢትዮጵያ የሰጡ ሹፌር በበኩላቸው፣ “ መንግሥት የትራንስፖርት አገልግሎት ስጡ ይላል። ታጣቂዎች በገሀድ መንገድ በመዝጋት ሹፌሮችን ይገድላሉ። እዚህ አገር አዛዡ ማነው ? ” ሲሉ ጠይቀዋል።
አክለውም፣ “ ሹፌሮች በሰላም ወጥቶ መግባት ብርቅ ሆኖባቸዋል። በርካቶች እንወጡ እየቀሩ ነው። መንግሥት ለዚህ ጉዳይ መፍትሄ የማይሰጠው ለምን ይሆን ? ምን ሰርተንስ ቤተሰብ እናስተዳድር ? ” የሚል ጥያቄም አንስተዋል።
የአሽከርካሪዎችን ሁኔታ በየወቅቱ በመከታተል የሚታወቀው የሹፌሮች አንደበት በበኩሉ፣ “ የመንግሥት የጸጥታ ኃይሎች በአገሪቱ በ3 አመታት ጊዜ ውስጥ 100 የሚደርሱ አሽከርካሪዎች በወንበዴ ጥይት ሕይወታቸው ሲቀጠፍ፣ ንብረት በየሜዳው ሲነድ፣ ገዳይን አሳደው ለሕግ ሲያቀርቡ አላየንም ” ሲል ወቅሷል።
አክሎም፣ “ ወንበዴን አሳዶ መያዝ፣ አድኖ መቅጣት ያልቻለ ኃይል እና አካል የእንቅስቃሴ እቀባን ተግብረው ከተማ የሚቆሙትን ‘ውጡ’ በማለት አስገድደው ልከው እንዲቃጠሉ አድርገዋል። ሶስት (3) የሚደርሱ ተሽከርካሪዎች መቃጠላቸው መረጃ ደርሶናል ” ብሏል።
ለጉዳዩ ምን ምላሽ እንዳለቸው ቲክቫህ ኢትዮጵያ ወደ ኦሮሚያ ክልል ኮሚዩኒኬሽን ቢሮ ኃላፊ አቶ ኃይሉ አዱኛ ያደረገው ሙከራ ስልክ ለማንሳት ፈቃደኛ ባለመሆናቸው ባይሳካም፣ ኃላፊው ጉዳዩን በተመለከተ ሰሞኑን ለኢፕድ በሰጡት ማብራሪያ፣ “ አሸባሪው ሸኔ የጠራው የገበያ አድማ በሕዝብና መንግሥት የተቀናጀ ሥራ ማክሸፍ ተችሏል ” ብለዋል።
መረጃው በቲክቫህ ኢትዮጵያ ቤተሰብ አባል ኢዮብ ትኩዬ ተዘጋጅቶ የተላከ ነው።
ፎቶ፦ ፋይል
@tikvahethiopia
#CapitalMarket #Ethiopia
በኢትዮጵያ የካፒታል ገበያ አገልግሎት ሰጪዎች ፈቃድ አሰጣጥና ቁጥጥር መመሪያ ቁጥር 980/2016 ስራ ላይ ውሎ ይገኛል።
በዚህ መሰረት የኢትዮጵያ የካፒታል ገበያ ባለስልጣን ከፊታችን #ሰኞ ጀምሮ ለካፒታል ገበያ አገልግሎት ሰጪነት ፈቃድ ማመልከቻዎችን መቀበል እንደሚጀምር አሳውቋል።
በዘርፉ ለመሰማራት ፍላጎት ያላቸው አካላት በመመሪያው የተቀመጡትን የፈቃድ መስፈርቶችን በማሟላት መመዝገብ ይችላሉ ተብሏል።
በሌላ በኩል ፤ ከፊታችን ሰኞ ጀምሮ በኢትዮጵያ ለመጀመሪያ ጊዜ በሚባል ደረጃ የ " ኢንቨስትመንት ባንክ " ፍቃድ መስጠት እንደሚጀመር የኢትዮጵያ ካፒታል ገበያ ባለስልጣን አሳውቋል።
በዚህ ላይ መሰማራት የሚፈልግ መስፈርቶችን የሚያሟላ አካል ቢሮ ድረስ በመሄድ ማመልከቻ ማስገባት ይችላል ተብሏል።
በተጨማሪም ፦
- የካፒታል ገበያ አገልግሎት ሰጪ ምን ማለት ነው ?
- ማመልከት የሚችለው ማነው ?
- የአገልግሎት ሰጪ ፈቃድ ለማግኘት ዋና ዋና መስፈርቶች ምንድን ናቸው?
- የማመልከቻ አቀራረብ ሂደቱ ምን ይመስላል ? የሚሉትን ጉዳዮች ከላይ በተያያዘው አጭር ማብራሪያ መመልከት ይቻላል።
ቲክቫህ ኢትዮጵያ መረጃውን ከኢትዮጵያ የካፓታል ገበያ ባለስልጣን ነው ያገኘው።
@tikvahethiopia
#መቐለ
በጦርነት ምክንያት ተቋርጦ የነበረው የመቐለ ከተማ የመጠጥ ውሃ ፕሮጀክት ግንባታ ዳግም ጀመረ።
የመጠጥ ውሃ ፕሮጀክቱ የከተማዋ የንፁህ የመጠጥ ውሃ አቅምን በ30 ከመቶ ያሳድገዋል።
ፕሮጀክቱ ከ150 ሺህ በላይ ህዝብ ተጠቃሚ ያደርጋል።
ከጦርነቱ በፊት በ830 ሚሊዮን ብር ግንባታው ጀምሮ 12 ከመቶ ሲደርስ የተቋረጠው ገረብ ሰገን የተባለው ፕሮክጀክት ፤ በክልሉ የውሃ ሃብት ቢሮና በአፍሪካ ልማት ባንክ ቅንጅት ዳግም ግንባታው ጥር 28/2016 ዓ.ም በይፋ ተጀምሯል።
ከአፍሪካ ልማት ባንክ በተገኘው የ10 ሚሊዮን ዶላር በድር የሚገነባው ፕሮጀክቱ በ420 የስራ ቀናት እንደሚጠናቀቅ የግንባታው አስተባባሪ ኢንጅነር ደሰታ ግደይ ገልፀዋል።
እንደ መቐለ የቲክቫህ ኢትዮጵያ ቤተሰብ አባል ምልከታ የመቐለ ከተማ የንፁህ የመጠጥ ውሃ እጥረት በእጅግ አሳሳቢ ሁኔታ ይገኛል።
በከተማዋ ለወራት የንፁህ ውሃ መጠጥ አገልግሎት የማያገኙ አከባቢዎች ከጉድጓድ ለሚቀዳ ለአንድ የ20 ሊትር ጀሪካን ውሃ በብር 20 ለመኪና ቦቴ ደግሞ አስከ 1 ሺህ ብር በመከፈል ለመግዛት ይገደዳሉ።
የከተማዋ የውሃ አጥረት ያሳሰባቸውና በስራቸው ከፍተኛ አሉታዊ ጫና የፈጠረባቸው በሆቴልና መስተንግዶ የስራ ዘርፍ የተሰማሩ ባለሃብቶች በተለይ ከሰላም ስምምነቱ በኃላ የውሃ ቁፋሮ ማሸነሪ በመከራየት የከርሰ ምድር ውሃ ማውጣት እንደ አማራጭ በመውሰድ እየተጠቀሙበት ይገኛሉ።
ከጊዜ ወደ ጊዜ የነዋሪዋችዋ ቁጥር እየጨመረ የሚገኘው መቐለ ከቻይና መንግስት በተገኘ በረጅም ጊዜ በድር በፌደራል መንግስትና በትግራይ ክልላዊ መንግስት ትብብር ተጀምሮ የነበረው ግዙፉ የገረብ ግባ የንፁህ ውሃ መጠጥ ፕሮጀክት በጦርነቱ ምክንያት ተቋርጦ በስራው የነበሩ በርካታ ማሽነሪዎች ለስርቆትና ብልሸት ተዳርገዋል።
ቻይናዊው የፕሮጀክቱ ተቋራጭ ከሰላም ስምምነቱ በኃላ በፕሮጀክቱ የደረሰ ውድመትና ያለበት ሁኔታ ለመታዘብ ከትግራይ ክልል ከፍተኛ ሹማምንት በመሆን በቦታው ድረሰ በመምጣት ከወራት በፊት ጉብኝት ያደረገ ቢሆንም እስከ አሁን ደረስ ወደ ስራ ተመልሶ አለመግባቱ የመቐለ የቲክቫህ ኢትዮጵያ ቤተሰብ አባል ዘግቧል።
@tikvahethiopia
የM-PESA Safaricom APPን ተጠቅመን ወርሃዊ ፣ሣምንታዊ እና ዕለታዊ ያልተገደበ የኢንተርኔት ጥቅል እናግኝ::
🔗የM-PESA ሳፋሪኮም መተግበሪያ በዚህ ሊንክ እናዉርድ: https://bit.ly/M-PESA_SafaricomEthiopia
የሳፋሪኮም ኢትዮጵያን ትክክለኛ መረጃዎችን በቀላሉ ለማግኘት ቀጥሎ በሚገኙት ይፋዊ የማህበራዊ ሚዲያዎች እንዲከታተሉ እንጋብዛለን።
👉 Facebook: https://www.facebook.com/SafaricomET
👉Telegram: /channel/Safaricom_Ethiopia_PLC
👉LinkedIn: https://www.linkedin.com/company/safaricom-ethiopia
👉Twitter:
https://x.com/SafaricomET?t=y2XAHAhPNvFeZqXa2YE6aQ&s=08
👉Instagram: https://www.instagram.com/safaricomet?igsh=MWJtcjJrMzNhMzVsNg==
👉 YouTube: safaricomethiopia2751?si=w2o8uz61oHeZM9gm" rel="nofollow">https://youtube.com/@safaricomethiopia2751?si=w2o8uz61oHeZM9gm
ብፁዕነታቸው ወደ አሜሪካ እንደተመለሱ ተሰምቷል።
ብፁዕ አቡነ ጴጥሮስ የቅዱስ ሲኖዶስ ዋና ጸሐፊ እና የኒውዮርክና አካባቢው ሀገረ ስብከት ሊቀ ጳጳስ ወደ ሀገር እንዳይገቡ በመከልከላቸው ወደ አሜሪካ ለመመለስ መገደዳቸውን አሳውቀዋል።
ብፁዕነታቸው ከደቂቃዎች በፊት ለማሕበረ ቅዱሳን ቴሌቪዥን ጣቢያ በሰጡት ቃል ፤ " አሁን አሳፍረውኝ ተመለስኩ፤ ወደ አሜሪካ ወደመጣሁበት መለሱኝ ፤ ወደ ስራዬ እንዳልመለስ ከለከሉኝ። " ብለዋል።
ለቴሌቪዥን ጣቢያው ቃላቸውን በሰጡበት ወቅት አውሮፕላኑ ሊነሳ እንደነበር ለማወቅ የተቻለ ሲሆን ወደ አሜሪካ እንዲመለሱ የሚደረግበት ምክንያት ምንድነው ? ተብለው ተጠይቀው ፤ ብፅዕነታቸው ፤ " በቃ ግሪን ካርዱን ብቻ ነው የምንፈልገው እኛ ያንተን ፓስፖርት አንፈልግም ግሪንካርድ ብቻ ነው የምንፈልገው ብለው ወሰዱ በሩን ዘጉ !! " ሲሉ ተናግረዋል።
ይህን ያደረጉት የደህንነት ሰዎች ናቸው ብለዋል።
ብፅዕነታቸው ወደ አውሮፕላን እንዲገቡ ከመደረጋቸው በፊት ውጭ ላይ ሲጉላሉ እንደነበር ተናግረው አንድ የኢሚግሬሽን ሰው " የማውቀው ነገር የለም ግሪንካርዱ ትክክል አይደለም " እንዳላቸውና እሳቸውን ግሪንካርዱ ገና 3 ዓመት እንደሚቀረው እንደነገሩት አስረድተዋል።
ይህን ሲያስረዱ ከግለሰቡ መልስ እንዳልተሰጣቸውና " ሌሎች ሰዎችንም #ዲፖርት እያደረግን ነው " በማለት እንደነገራቸው ገልጸዋል።
ብፅዕነታቸው የአሜሪካ ፓስፖርት እንዳላቸው ገልጸው ፤ " እሱን ምንም ለማድረግ ስላልቻሉ ግሪንካርድ እንወስዳለን በማለት ወስደዋል " ሲሉ ተናግረዋል።
ከሳምንታት በፊት ለአገልግሎት ከሀገር ሲወጡ ብፁዕ አቡነ አብርሃምን ጨምሮ ሌሎችም " ሊያስቀሩህ ይችላሉ " የሚል ነገር ሰምተው እንደነገሯቸው ነገር ግን በአሜሪካ የያዙትን አገልግሎት መተው ስላልፈለጉ ወደ አሜሪካ መሄዳቸውን ገልጸዋል።
ብፅዕነታቸው ወደ አሜሪካ በሄዱበት ወቅት " ኮበለሉ " የሚሉ መረጃዎች ተሰራጭተው እንደነበር ይታወሳል። በኃላም ቤተክርስቲያኗ በሰጠችው መግለጫ ፤ በህጋዊ መንገድ በቤተክርስቲያን እውቅና ከሀገር እንደወጡ ፤ የሚደበቁም ሆነ የሚኮበልሉ የወንጅል ሰው እንዳልሆኑ አሳውቃ ነበር።
@tikvahethiopia
#Update
በኑሮ መማረራቸውን ተከትሎ “ ራሳቸውን ለማጥፋት ” ከትልቁ የኤሌክትሪክ ታወር ጫፍ ወጥተው በፓሊስና በአባታቸው ልመና ወርደው በሕይወት የተረፉት የሁለት ልጆች እናት ወ/ሮ ሂሩት በቀለ በወላይታ ሶዶ ኦተና ሆስፒታል የአዕምሮ ህክምናቸው ላይ መሆናቸውን ቲክቫህ ኢትዮጵያ በሆስፒታሉ ተገኝቶ አረጋግጧል።
በሆስፒታሉ የሚገኙት የወ/ሮ ሂሩት አባት አቶ በቀለ ደኣ ፣ ባለቤታቸው አቶ ማርቆስ አሳላ ፣ የቅርብ ቤተሰብ አቶ ኢሳያስ ለቲክቫህ ኢትዮጵያ ቃላቸውን ሰጥተዋል።
ምን አሉ ?
አባት ፦
- ልጄ ትተርፋለች የሚል ተስፋ አልነበረኝም።
- አሁንም ቢሆን በጭንቀት ሳቢያ ያገረሸውን የልጄ የአዕምሮ ህመም የሕክምና ወጪ ለመሸፈን ተቸግርያለሁ።
ባለቤት ፦
* ቤተሰብ የሚያስተዳድሩት የቀን ሥራ እየሰሩ እንደሆነና ለዚህም ወደ አዲስ አበባ ለሥራ ሂደው እንደነበር ገልጸዋል።
* " እኔ ሰርቼ እስክመጣ ተረጋጊና ጠብቂኝ ብዬ ነግሪያት ሄድኩ። ከዛ ከቤት ወጥታ ቤተሰብ ጋ ነበረች።
* የኑሮ ችግር ነው አዲስ አበባ የወሰደኝ። ሰርቼ ማኖር ብችል ባለቤቴ አትታመምም ነበር።
* እኔ በነበርኩበት ሰዓት ጤንነቷ ደኀና ነበር። እኔ በወጣሁበት ወቅት ነው ሕመሟ የተነሳባት። የምትበላውም፣ የምትጠጣውም ያሳስባታል። በዚያ ምክንያት ነው በሽታው የተነሳባት በጭንቀት። እኔ አቅም የለኝም ለማሳከም። 10,000 ብር ከሰው ተበድሬ ነው የመጣሁት። ሊበቃም ላይበቃም ይችላል። ተሽሏት ከወጣች ከእርሷ ጋር እኖራለሁ።
የቅርብ ቤተሰብ (አቶ ኢሳያስ) ፦
° ቀድሞውንም በኑሮ ውድነቱ ጭምር በባልና ሚስቱ በኩል ጭቅጭቅ ነበር ፤ አቶ ማርቆስ የጫንጮ እንጨት እየቆረጡ ቤተሰብ ያስተዳድሩ ነበር።
° በአሁኑ ደግሞ ለልጆች ምግብ ለማሟላት ወደ አዲስ አበባ ሂደው ለገና በዓል መመለስ የነበረባቸው ቢሆንም የእንጀራ ነገር ሆኖባቸው አልተመለሱም ፤ ለበዓል ሲቀሩም የልጆችን ጨምሮ ለበዓል መሰናዶ አለመኖር ወ/ሮ ሂሩትን በይበልጥ አማሯቸው ነበር።
° የ6 ወር ህፃን አለች ፤ ባልና ሚስቱ በአጠቃላይ የ6 ወርና የ4 ልጆች አላቸው፤ በተለይ በአሁኑ ወቅት ከቤተሰብ ጋር ቢሆኑም ችግር ውስጥ ናቸው።
° ለወ/ሮ ሂሩት መድኃኒት ከሆስፒታል ውጪ ስለሚገዛ የገንዘብ እጥረት ፈተና ሆኗል።
3ቱም ቤተሰቦቿ ወ/ሮ ሂሩትን ለማሳከም ፍላጎት ያለው ሁሉ የበኩሉን እንዲወጣ ተማጽነዋል።
@tikvahethiopia
#አቢሲንያ_ባንክ
ስለ አዲሱ የአቢሲንያ የሞባይል ባንኪንግ አፕ ብዙዎች መነጋገር ጀምረዋል።
ሊንኩን በመጠቀም መተግበሪያውን አሁኑኑ ያውርዱ!
ለአንድሮይድ ስልኮች https://play.google.com/store/apps/details?id=com.boa.boaMobileBanking&hl=en&gl=US
ለአፕል ስልኮች፡ https://apps.apple.com/us/app/boamobile/id6463218765
ለሁዋዌ ስልኮች https://appgallery.huawei.com/app/C110106115
#ETHIOPIA
ኢትዮጵያ ላይ የሚመጣ ማንኛውም የውጭ ስጋት ካለ በአግባቡ ለከላከል ዝግጁነት እንዳለ ጠ/ሚ ዶ/ር ዐቢይ አህመድ ተናግረዋል።
ይህን ጉዳይ ያነሱት ስለ ባህር በር እና ስለ ሕዳሴ ግድብ ጉዳይ ባነሱበት አውድ ነው።
" ሶማሊያ ውስጥ የምንሞተው የእነሱ ሰላም የእኛ ሰላም ስለሆነ ነው " ያሉት ጠ/ሚኒስትሩ ፤ " ለሶማሊያ ሰላም ሶማሊያ ውስጥ እንደ እኛ የሞተ የለም፤ መግለጫ ያወጣ ግን አለ " ብለዋል።
የሶማሊያ መንግስት ከኢትዮጵያ ጋር መጣላት ፍላጎት እንደሌለው የተናገሩት ዶ/ር ዐቢይ ፤ ነገር ግን አንዳንድ አካላት ሁለቱን ሀገራት ለማጋጨት ፍላጎት አላቸው ብለዋል።
እነዚህ ፍላጎት አላቸው ያሏቸውን አካላት በስም ከመጥራት ተቆጥበዋል።
" እኛ የማንንም ሉዐላዊነት መንካት አንፈልግም " ያሉት ጠ/ሚኒስትሩ ፤ " ወደማንም አንሄድም ወደ እኛ የሚመጣ ካለ ግን ስጋት አይግባችሁ በአግባቡ እንከላከላለን " ሲሉ ተናግረዋል።
ከህዳሴ ግድብ ጋር በተያያዘ ባነሱት ሀሳብ " #የግብጾች ስጋት ውሃ ከያዛችሁ አስዋን ግድብ ይቀንሳል " የሚል እንደነበር ገልጸው " ውሃ ይዘን ጨርሰናል፤ የአስዋን ግድብ ውሃ ግን አልቀነሰም " ሲሉ ተደምጠዋል።
ኢትዮጵያ በግድቡ ዙሪያ አሁንም ከግብጽ ጋር ለመደራደር ፣ ጥያቄያቸውን ለመስማት ዝግጁ መሆኗን አሳውቀዋል። እነሱም የኢትዮጵያ ጥያቄ ለማስተናገድ ዝግጁ መሆን አለባቸው ብለዋል።
ተጨማሪ ፦
* የብድር አቅርቦት
* የአገር ውስጥ ገቢ
* የእዳ ጫና
* የአስቸኳይ ጊዜ አዋጅ አፈፃፀም
* የፕሪቶሪያ ስምምነት ጉዳይ
* የአማራ ክልል ሁኔታ
* የሸኔ ድርድር ... ሌሎች ጉዳዮችን በተመለከተ የሰጧቸው ምላሾች በዚህ ይገኛሉ ፦ https://telegra.ph/PMOffice-02-06
@tikvahethiopia
#ድርቅ
ጠቅላይ ሚኒስትሩ ድርቅን በተመለከተ በሰጡት ማብራሪያ " አሁን የተከሰተው ከ77ም ያልተናነሰ ነው " በሚል ከዚህ ቀደም የተሰጡ አስተያየቶችን ኮነኑ።
" የሚታረስ መሬት እያለን የሰው ጉልበት እያለን ድህነንት እና ልመናን ጌጥ አናድርገው " ያሉት ዶ/ር ዐቢይ አህመድ " ተቸግረዋል ሊያልቁ ነው ሲሉን እንደ ሽልማት አንውሰደው ኮሮና መጣ ሊረግፉ ነው አሉ ረገፍን እንዴ ? አልረገፍንም ሟርት ነው። ጦርነት ስንጀምር ታስታውሳላችሁ ረሃብ ረሃብ ረሃብ አሉ እውነት ነው እንዴ ? " ሲሉ ተናግረዋል።
" በአንድ በኩል መዘናጋት የለብንም ችግር ሲመጣ ተረባርባን እንፍታው " ያሉት ጠቅላይ ሚኒስትሩ " 6 ወር ያልፍና የታለ የሞተ ሰው ፣ የተባለው የታለ ሲባል ማፍር ያመጣል " ብለዋል።
" አንዳንዱ ከ77 ያልተናነሰ ድርቅ አለ ይላል ማለትም 1 ሚሊዮን ገደማ ሰው ይሞታል ማለት ነው ፤ አንድ ሚሊዮን ካልሞተ እየዋሸ ነው ሰውየው እኛ ደግሞ 1 ሚሊዮን ሳይሆን አንድም እንዳይሞት አቅማችን በፈቀደ እንፍጨረጨራለን ከአቅም በላይ ከሆነስ ? እሱ ምን ይደረጋል " ብለዋል
አሁን ኢትዮጵያ ባለችበት ሁኔታ ከተረባረበች ቢያንስ ሰው እንዳይሞት የማድረግ አቅም እንዳላት ተናግረዋል።
ከወራት በፊት የትግራይ ክልል ጊዜያዊ አስተዳደር የአደጋ መከላከያ እና ዝግጁነት ኮሚሽን ኮሚሽነር ገብረሕይወት ገ/እግዚአብሔር (ዶ/ር) ፤ በትግራይ የከፋው ድርቅ የተከሰተው በ1951 እና በ1977 እንደነበርና አሁን ያጋጠመው ከዚህም በላይ እንደሆነ ተናግረው ነበር።
የትግራይ ጊዜያዊ አስተዳደር ፕሬዜዳንት አቶ ጌታቸው ረዳ በቅርቡ ፤ " በትግራይ ረሃብ እና ሞት እያንዣበበ ነው " ያሉ ሲሆን ከ1977 በኋላ ታይቶ በማይታወቅ ሁኔታ እጅግ የከፋ ድርቅ ነው የተከሰተው ሲሉ ተናግረው ነበር።
በእድሜ የገፉ አዛውንቶችም በክልሉ ቴሌቪዥን ቀርበው መሬት እህል አላበቅል እንዳላቸውና ሁኔታው ከ1977 የከፋ እንደሆነ መናገራቸው ይታወሳል።
@tikvahethiopia