1519094
ይህ የቲክቫህ (ተስፋ) ኢትዮጵያ ቤተሰብ አባላት መሰባሰቢያ እንዲሁም የመረጃ እና የመልዕክት መለዋወጫ መድረክ ነው። @tikvahuniversity @tikvahethAfaanOromoo @tikvahethmagazine @tikvahethsport @tikvahethiopiatigrigna #ኢትዮጵያ
እነሆ የአድዋ ድል መታሰቢያ በዓልን ይበልጥ የሚያደምቅ ልዩ አድዋ የሞባይል ጥቅል አሰናድተን እስከ 20% በሚደርስ ቅናሽ በአርዲ ቻትቦት፣ በማይ ኢትዮቴል እና *999# እንዲሁም በቴሌብር http://onelink.to/fpgu4m ከተጨማሪ 10% ቅናሽ ጋር አቅርበናል።
ጥቅሉን ለራስዎ በመግዛትና በስጦታ በማበርከት በዓሉን በደስታ ያሳልፉ!
መልካም የድል በዓል!
#Ethiotelecom #telebirr #RealizingDigitalEthiopia
#HappeningNow
የኢትዮጵያ ምርጫ ቦርድ የ6ኛው ዙር ቀሪና ድጋሚ ጠቅላላ ምርጫ #ሰኔ_6 ለማካሄድ ማቀዱን ዛሬ ከፖለቲካ ፖርቲዎች እና ከሲቪክ ማኅበራት ጋር በጊዜ ሰለዳው ላይ እያደረገ ባለው ውይይት ላይ ተጠቅሷል።
ተጨማሪ ይኖረናል!
@tikvahethiopia
#ሴጅ_ማሰልጠኛ
ቅዳሜ የካቲት 30 2016 ዓ.ም የካፒታል ማርኬት ስልጠና ይጀምራል። የካፒታል ማርኬት ገበያ በኢትዮጵያ ሊጀመር ነው። እርስዎም ኢንስቲትዩታችን ውስጥ የሚሰጠውን የፋይናንስና ካፒታል ማርኬት ስልጠና በመውሰድ ራስዎን ለትግበራው ያዘጋጁ:: ብቁ በሆኑ መምህራን የሚሰጠው ስልጠናው ከመሰረታዊ የካፒታል ገበያ ምንነት አንስቶ እንዴት አንድ ግለሰብ ወይም ተቋም ከስጋት ነፃ በሆነ መንገድ በገበያው ላይ መሳተፍ እንደሚችል ግልፅ ያደርጋል:: ስልጠናውን ይውሰዱና ትግበራውን ይጠባበቁ!
ስልክ ፦ 0906777799 / 0906777755
አድራሻ፦ ፒያሣ ቸርችል ጎዳና ኤልያና ሆቴል 2ኛ ፎቅ
Telegram: /channel/sagetraininginstitute
Facebook: https://www.facebook.com/sagetraininginstitute
Instagram: https://www.instagram.com/sage_training_institute/
TikTok: sage_training_institute" rel="nofollow">https://www.tiktok.com/@sage_training_institute
#እንድታውቁት
በሞተር ብስክሌት ላይ እስከ ሰኞ ገደብ ተጣለ።
በአዲስ አበባ ከነገ አርብ የካቲት 22/2016 ዓ.ም ከጠዋቱ 12:00 ጀምሮ እስከ ሰኞ የካቲት 25/2016 ዓ.ም እስከ ጠዋት 12:00 ሰአት ድረስ ሞተር ብስክሌት ማሽከርከር ፍጹም የተከለከለ መሆኑን የአዲስ አበባ ትራንስፖርት ቢሮ አሳውቋል።
ቢሮው ክልከላው ለምን እንደተጣለ በግልፅ ያሳወቀው ነገር የለም።
ክልከላው የፀጥታ እና የትራፊክ ቁጥጥር የሚሰሩ አካላትን አያካትትም ተብሏል።
የሞተር ብስክሌት ባለንብረቶች ሆኑ አሽከርካሪዎች እስከ ተጠቀሰው ቀን ድረስ በትዕግስት እንዲጠብቁ ቢሮው አሳስቦ ይህን መልእክት በሚተላለፉ አካላት ላይ እርምጃ ይወሰዳል ሲል አስጠንቅቋል።
ባለፈው ከአፍሪካ ሕብረት ጉባኤ ጋር በተያያዘ ለቀናት የሞተር ብስክሌት አሽከርካሪዎች የእንቅስቃሴ ገደብ ተጥሎባቸው እንደነበር ይታወሳል።
@tikvahethiopia
#ኢትዮጵያ #ኬንያ #ታንዛኒያ
በኬንያ ናይሮቢ ለ2 ቀን የስራ ጉብኝት ያደረጉት የኢትዮጵያ ጠ/ሚ ዶ/ር ዐቢይ አህመድ ዛሬ ደግሞ ወደ ታንዛኒያ አቅንተዋል።
በታንዛኒያ የሶስት ቀን የስራ ጉብኝት ያደርጋሉ ተብሏል።
በሌላ በኩል ደግሞ ፤ የኢትዮጵያ ጦር ኃይሎች ጠቅላይ ኢታማዦር ሹም ፊልድ ማርሻል ብርሃኑ ጁላ በኬንያ ይፋዊ የሥራ ጉብኝት ማድረጋቸው ተነግሯል።
ኢታማዦር ሹሙ ፤ ከኬንያው አቻቸው ጄኔራል ፍራንሲስ ኦሞንዲ ኦጎላ ጋር የሁለቱን ሀገራት ትስስር ይበልጥ ማጠናከር በሚቻልባቸው ጉዳዮች ላይ መምከራቸው ተገልጿል።
በወታደራዊ መሪዎቹ መካከል በተካሄደ ውይይት የቀጣናውን ደህንነት ማስጠበቅ፣ የመከላከያ ትብብር እና የጋራ ስልጠና ልምምዶችን ማሳደግ የሚሉት ተነስተዋል ተብሏል።
@tikvahethiopia
#ጋና
የጋና ፓርላማ ከተመሳሳይ ፆታ ግንኙነቶች እና በዚህ ዙሪያ ከሚደረጉ እንቅስቃሴዎች ጋር በተያያዘ በሚከሰሱ ሰዎች ላይ ጠንከር ባለ እስር የሚቀጣ ሕግ አጽድቋል።
አዲሱ ሕግ ምን ይላል ?
➡ በተመሳሳይ ፆታ ግንኙነት ውስጥ መሆናቸውን የሚገልጹ እንዲሁም ሆነው የተገኙ ሰዎችን እስከ 3 ዓመት የሚደርስ እስር ፤
➡ ቡድኖችን የሚያቋቁሙ እና በገንዘብ የሚደግፉ እስከ 5 ዓመት እስር እንዲቀጡ ያደርጋል።
በአገሪቱ ሁለት ዋነኛ የፖለቲካ ፓርቲዎች የተደገፈው እና ፓርላማው ያጸደቀው ይህ ሕግ ተግባራዊ የሚሆነው የጋናው ፕሬዝዳንት ናና አኩፎ-አዶ በፊርማቸው ሲያጸድቁት ነው።
ፕሬዝዳንቱ ቀደም ሲል አብዛኛው የአገሪቱ ዜጎች የሚፈልጉት ከሆነ ሕጉን እንደሚያጸድቁት ተናግረው ነበር።
የተመሳሳይ ፆታ ግንኙነት በጋና ውስጥ ቀደም ብሎም ሕገወጥ ሆኖ በ3 ዓመት እስር የሚያስቀጣ ነው።
አዲሱ የጋና ሕግ በተለይ ህጻናት ላይ አተኩሮ የተመሳሳይ ፆታ ግንኙነትን ለማስተዋወቅ በሚደረግ እንቅስቃሴዎች ውስጥ የተሳተፈ ማንኛውም ሰው አስከ 10 ዓመት የሚደርስ እስር የሚቀጣ ነው።
ባለሥልጣናት “ አስፈላጊውን እርምጃ እንዲወስዱ ” ለማስቻል ሕብረተሰቡ የተመሳሳይ ፆታ ግንኙነት ማኅበራት አባላትን እንዲጠቁሙ ሕጉ ያበረታታል።
ይህ ሕግ እንዲረቅ ምክንያት የሆነው ከ3 ዓመት በፊት በጋና ዋና ከተማ አክራ የመጀመሪያው የተመሳሳይ ፆታ ግንኙነት የማኅበረሰብ ማዕከል መከፈቱን ተከትሎ እንደሆነ የፓርላማ አባላቱ ተናግረዋል።
ይህንንም ተከትሎ ብዙኃኑ ክርስቲያን በሆነባት ጋና የሃይማኖት እና ባህላዊ መሪዎች በፈጠሩት ግፊት ሕዝባዊ ተቃውሞ በመቀስቀሱ ፖሊስ ማዕከሉ እንዲዘጋ አድርጓል።
በወቅቱ የጋና የክርስትና እምነት ማኅበራት ባወጡት የጋራ መግለጫ የተመሳሳይ ፆታ ግንኙነት “ ለአገሪቱ ባህል እና የቤተሰብ ዕሴት እንግዳ በመሆኑ የጋና ዜጎች ሊቀበሉት አይችሉም ” ሲሉ ተቀውመዋል።
የተለያዩ አገራት እና ዓለም አቀፍ ተቋማት የጋና ፓርላማ ያጸደቀውን ሕግ በመቃወም አስተያየት እየሰጡ ነው።
መረጃው የቢቢሲ ነው።
@tikvahethiopia
#ሴጅማሰልጠኛ
የፊታችን ሰኞ የካቲት 25 2016 ዓ.ም 18ኛ ዙር የግራፊክስ ዲዛይን፣ ቪዲዮ ኤዲቲንግ፣ ሞሽን ግራፊክስ እና ዲጂታል ማርኬቲንግ ስልጠና ይጀምራል። ቀድመው ይመዝገቡ!
👉 100% በተግባር የተደገፈ ስልጠና
👉 Advanced Graphics + Video Editing + Motion Graphics + Digital Marketing በአንድ ላይ
👉 ከ15 በላይ ፕሮጀክቶች ያሉት
👉 የሥራ ላይ ስልጠና (Internship) የተመቻቸለት
ስልክ ፦ 0906777799 / 0906777755
አድራሻ፦ ፒያሣ ቸርችል ጎዳና ኤልያና ሆቴል 2ኛ ፎቅ
Telegram: /channel/sagetraininginstitute
Facebook: https://www.facebook.com/sagetraininginstitute
Instagram: https://www.instagram.com/sage_training_institute/
Linkedin: https://www.linkedin.com/company/sage-training-institute
#ፒያሳ
በአዲስ አበባ ፤ ፒያሳ አካባቢ በተለምዶ " ዶሮ ማነቂያ " ተብሎ በሚጠራው ቦታ የሚገኙ ነዋሪዎች፤ በ3 ወራት ጊዜ ውስጥ ከስፍራው እንዲነሱ ቀነ ገደብ እንደተሰጣቸው ተናግረዋል።
የከተማ አስተዳደሩ ምትክ የመኖሪያ እና የንግድ ቦታ ሳያዘጋጅላቸው፤ ከስፍራው " በአጭር ጊዜ ውስጥ " ተነሱ ማለቱ በነዋሪዎቹ ዘንድ ከፍተኛ ቅሬታ አስነስቷል።
የፒያሳና 4 ኪሎ አካባቢ መልሶ የማልማት ፕሮጀክትን በተመለከተ ትላንት በወረዳ ደረጃ የተደረጉ ውይይቶች " በአለመግባባት " እና " በረብሻ " መበተናቸውን ተከትሎ ዛሬ ከአዲስ አበባ አስተዳደር እና ከአራዳ ክ/ከተማ የስራ ኃላፊዎች ጋር ነዋሪዎች ውይይት አድርገው ነበር።
ነዋሪዎች ምን አሉ ?
° በፒያሳ አካባቢ በአክሲዮን የተደራጁ ነዋሪዎች ማህበርን በሰብሳቢነት የሚመሩ ግለሰብ ፦
" ቤት ለመቀባት እንኳ 3 ቀናት ይበቃል ወይ? ትላንት በነበሩ ውይይቶች ይህንን ውሳኔ የሰሙ የአካባቢው ነዋሪዎች፤ ለሊቱን ሙሉ ሳይተኙ አድረዋል።አሁንም በስጋት ላይ ናቸው። "
° 5 አባላት ያሉት ቤተሰብ አስተዳዳሪ መሆናቸውን የገለጹ እናት ፦
" አብዛኞቹ የአካባቢው ነዋሪዎች እንደ እኔ በዝቅተኛ የኑሮ ደረጃ የሚገኙ ናቸው። በስፍራው የታቀደው የመልሶ ማልማት ነዋሪዎችን ከግምት ውስጥ ያስገባ እና ምትክ የመኖሪያ ስፍራ ያዘጋጀ ሊሆን ይገባዋል። "
° ሌላኛዋ የአካባቢው ነዋሪ ፦
" ለልማት ተነሺዎች የሚያዘጋጀው አማራጭ የስፍራውን ማህበራዊ ትስስር በማይበጥስ መልኩ ሊደርግ ይገባል። በዝቅተኛ የኑሮ ደረጃ ያለን የአካባቢው ነዋሪዎች እርስ በእርስ ተደጋግፈን የምንኖር በመሆናችን ምትክ የኮንዶሚኒየም ቤት የሚሰጠን ከሆነ በአንድ ቦታ ላይ የምንሰፍርበት ሁኔታ ይመቻች ። "
ከባለስልጣናት ምን ምላሽ ተሰጠ ?
በአዲስ አበባ ከተማ አስተዳደር የከንቲባ ጽህፈት ቤት የካቢኔ ጉዳዮች ኃላፊ አቶ ጥላሁን ፤ ነዋሪዎቹን ከቦታው ለማንሳት ያቀደው በዘጠና ቀናት ውስጥ መሆኑን ተናግረዋል።
አስተዳደሩ ለነዋሪዎች ምትክ የኮንዶሚኒየም፣ የቀበሌ እና የኪራይ ቤቶች እንደሚያዘጋጅ ቃል ገብተዋል።
የአራዳ ክፍለ ከተማ ዋና ስራ አስፈጻሚ አቶ አበበ ተቀባ ፤ አስተዳደሩ " ቅደመ ሁኔታ ሳያሟላ አንድም ሰው አይነቃነቅም " ብለዋል።
የከተማው አስተዳደር " ቅደመ ሁኔታውን ካሟላ " ነዋሪዎች በ3 ቀን ቢነሱ ችግር እንደማይፈጥርም ጠቁመዋል።
" ይህ ፕሮጀክት እንዳያልቅ የሚያንጓትት ካለ ኃላፊነቱን ራሱ ነው የሚወስደው " ሲሉ አስጠንቅቀዋል።
በዛሬው ስብሰባ ማጠቃለያ ላይ በመልሶ ማልማቱ የልማት ተነሺዎቹን ሂደት የሚከታተል ኮሚቴ አባላት ምርጫ ተከናውኗል።
በመልሶ ማልማት እቅዱ የተካተተውን የፒያሳ አካባቢን በ6 በመክፈል፤ ከእያንዳንዱ ስፍራ 6 ሰዎች በህዝብ ተመርጠዋል።
(ከላይ በፒያሳ ስለሚካሄደው መልሶ ማልማት ስራ ማብራሪያ ተያይዟል)
ቲክቫህ ኢትዮጵያ ይህ መረጃ የ " ኢትዮጵያ ኢንሳይደር " መሆኑን ይገልጻል።
@tikvahethiopia
#ጋምቤላ
በጋምቤላ ብቻ እንዲህ ሆኖ ነበር ....
ከኢሰመኮ ሪፖርት ፦
➡ ግንቦት 14 ቀን 2015 ዓ.ም. ከቀኑ 9፡00 ሰዓት ገደማ በጋምቤላ ከተማ፣ 04 ቀበሌ ብሔር ብሔረሰብ ተብሎ በሚጠራው ስፍራ አንድ ሰው እና ሐምሌ ወር 2015 ዓ.ም. ትክክለኛ ቀኑ ባልታወቀበት ነገር ግን ሰዓቱ ከቀኑ 10፡00 ሰዓት አካባቢ ዶምቦስኮ ትምህርት ቤት አካባቢ አንድ ሰው ማንነታቸው ባልታወቀ የታጠቁ ሰዎች ተገድለዋል።
➡ ግንቦት 14/2015 ዓ/ም ከምሽቱ 12፡00 ሰዓት አካባቢ 01 ቀበሌ ጀጀቤ ወንዝ አካባቢ 2 ሰዎች ማንነታቸው ባልታወቀ ሰዎች በጥይት ተመትተው ሞተዋል።
➡ 01 ቀበሌ ጀጀቤ ተራራ አካባቢ ሰኔ 24 ቀን 2015 ዓ.ም. ከቀኑ 11፡00 ሰዓት ገደማ 7 ሰዎች በጥይት ተገድለዋል።
➡ ሰኔ 25 ቀን 2015 ዓ.ም. ከጠዋቱ 3፡00 ሰዓት አካባቢ አንድ በአካባቢው ማኅበረሰብ #የአእምሮ_ሕመም እንዳለበት የተገለጸ ሰው 04 ቀበሌ የክልሉ ፋይናንስ ቢሮ አካባቢ #በቡድን በተሰባሰቡ ወጣቶች ጥቃት #በስለት_ተወግቶ ተገድሏል።
➡ ሰኔ 24 ቀን 2015 ዓ.ም. ከቀኑ 10፡00 ሰዓት ገደማ 04 ቀበሌ ብሔር ብሔረሰብ ተብሎ በሚጠራው አካባቢ ቁጥራቸው ከ200 በላይ የሚሆኑ ፦
* የቀድሞውን የጋምቤላ ክልል ልዩ ኃይል፤
* የጋምቤላ ክልል መደበኛ ፖሊስ
* የጋምቤላ ክልል ሚሊሻ መለዮ ልብሶችን የለበሱ እና ሌሎች የታጠቁ ሰዎች በ3 የተለያየ አቅጣጫ በመግባት በቦታው የነበሩ 9 ሰዎችን በጥይት ገድለዋል፤ ሌሎች 4 ሰዎች ላይ ጉዳት አድርሰዋል።
➡ ሐምሌ 14 ቀን 2015 ዓ.ም. ከንጋቱ 11፡00 ሰዓት አካባቢ 04 ቀበሌ፣ ቄራ ሰፈር አጉኛ አካባቢ የታጠቁ ሰዎች ወደ አንድ መኖሪያ ቤት በመግባት ተኩስ ከፍተው፤ አንድ ሰው ሲገድሉ በሌላ አንድ ሰው ላይ ከፍተኛ የአካል ጉዳት አድርሰዋል፡፡
የኢሰመኮ ባለ15 ገፅ ሪፖርት ፦ /channel/tikvahethiopia/85541
@tikvahethiopia
በሳፋሪኮም ያልተገደበ ኢንተርኔት የምንወደውን ሙዚቃ ያለምንም መቆራረጥ እናጣጥም! በ60 ብር ብቻ ያልተገደበ ዕለታዊ የኢንተርኔት ጥቅል የM-PESA Appን በመጠቀም አሁኑኑ እንግዛ!
🔗የM-PESA ሳፋሪኮም መተግበሪያ በዚህ ሊንክ እናዉርድ: https://bit.ly/M-PESA_SafaricomEthiopia
ስለ አገልግሎታችን ማንኛውንም ጥያቄ ወይም መረጃ በቴሌግራም የቻት ግሩፕ /channel/Safaricom_Ethiopia_PLC /channel/SafaricomETForum እንዲሁም @SafaricomETCare 24/7 መጠየቅ ይቻላል!
#SafaricomET
#FurtherAheadTogether
#MPESASafaricom #TerekBeMPESA
#FurtherAheadTogether
የሶማሊያው ፕሬዜዳንት ሀሰን ሼክ ሞሀሙድ ኬንያ፣ ናይሮቢ ገቡ።
ፕሬዝዳንቱ ናይሮቢ ጆሞ ኬንያታ ኤርፖርት ሲደርሱ የኬንያ ምክትል ፕሬዜዳንት ሪጋቲ ጋቻጓ ተቀብለዋቸዋል።
ሀሰን ሼክ ሞሀሙድ ዛሬ ኬንያ የገቡት በኬንያ በሚካሄድ የተባበሩት መንግስታት የአካባቢ ጥበቃ ጉባኤ (UNEA-6) ስብሰባ ላይ ለመካፈል ነው።
ጠ/ሚ ዶ/ር ዐቢይ አህመድም ለይፋዊ ስራ ጉብኝት ኬንያ እንደሚገኙ ይታወቃል።
በቅርቡ ከኢትዮ-ሶማሌላንድ የመግባቢያ ስምምነት ጋር በተያያዘ ከኢትዮጵያ ጠ/ሚ ዶ/ር ዐቢይ አህመድ ጋር ቅራኔ ውስጥ የገቡት የሶማሊያው ፕሬዝዳንት ሀሰን ሼክ ሞሀሙድ ናይሮቢ ውስጥ ተገናኝተው ይወያዩ እንደሆነ የታወቀ ነገር የለም።
ኬንያ ሁለቱን መሪዎች ለማቀራረብ ጥረት እያደረገች እንደሆነም የሚታወቅ ነገር የለም።
@tikvahethiopia
#አሰቦት
" የገዳማውያኑን የእርዳታ ጥሪ በተጠንቀቅ ጠብቁ " - አባ ገ/ሚካኤል
በአሰቦት ደብረ ወገግ ቅድስት ሥላሴ ወአባ ሳሙኤል አንድነት ገዳም አካባቢ በከፍተኛ ደረጃ የሰደድ እሳት የተነሳ ሲሆን ከትላንት ምሽት ጀምሮ ግን ወደ ገዳሙ በከፍተኛ ሁኔታ #እየተጠጋ እንደሆነና እሳቱን ለማጥፋት ከፍተኛ ርብርብ እየተደረገ መሆኑ ተነግሯል።
አባ ገ/ሚካኤል የተባሉ የገዳሙ አገልጋይ ለተዋሕዶ ሚዲያ ማዕከል በሰጡት ቃል ፤ የእሳት ቃጠሎ መነሻው በሥርዓት ያልታወቀና የሰደድ እሳት እንደሆነ ገልጸዋል።
ከ3 ዓመታት በፊት ከፍተኛ እሳት ተከስቶ ለዘመናት የኖሩ የገዳሙን ብርቅዬ አራዊትና ደን ማውደሙን አስታውሰዋል።
በአሁኑ ሰዓት እሳቱን ለመቆጣጠር ርብርብ እየተደረገ መሆኑን ገልጸው ፤ የእሳቱ አደጋ የሚከፋ ከሆነና መቆጣጠር ካልተቻለ በመላው ሀገሪቱ የሚገኙ ኦርቶዶክሳውያን የገዳማውያኑን የእርዳታ ጥሪ በተጠንቀቅ ሊጠብቁ ይገባል ብለዋል። #ተሚማ
@tikvahethiopia
#Ethiopia
" የፕሪቶሪያ የሰላም ስምምነት ፈራሚዎች በቀጣይ ሳምንታት ከአደራዳሪዎች ጋር ለመወያየት መርሃ ግብር ተይዟል " - የትግራይ ኮሙኒኬሽን ጉዳዮች ፅህፈት ቤት
የትግራይ ክልል የኮሚኒኬሽን ፅህፈት ቤት ሃላፊ አቶ ረዳኢ ሓለፎም የካቲት 19/2016 ዓ.ም ምሽት ለትግራይ ቴሌቪዥን በሰጡት መግለጫ ፤ የፕሪቶሪያው የሰላም ስምምነት ውል ሙሉ በሙሉ ባለመተግበሩ ምክንያት የህዝብ ስቃይና ሞት መቆም አልቻለም ፤ ስለሆነም ውሉ በሙሉ እንዲተገበር የትግራይ ጊዚያዊ አስተዳደር የፌደራል መንግስትና የዓለም አቀፍ ማህበረሰብ ተከታታይ ውይይቶች በማካሄድ ላይ ናቸው ብለዋል።
" ሰላማዊ ፣ ዴሞክራሲያዊና ፓለቲካዊ መንገድ በመጠቀም የትግራይ ህዝብ ጥያቁዎች እንዲመለሱ መስራት ተመራጭ አማራጭ ነው " ያሉት አቶ ረዳኢ ይህንን ታሳቢ በማድግ በሚቀጥሉት ሳምንታት የፕሪቶሪያ የሰላም ውል ፈራሚዎች ከአደራዳሪዎች ለመወያየት መርሃ ግብር ተይዟል ብለዋል።
በትግራይ የተከሰተው ደርቅ ወለድ ረሃብና ሞት አስመልክቶ ከፌደራል መንግስት የነበሩ ልዩነቶች ወደ አንድ ማምጣት እንደተቻለ የገለፁት አቶ ረዳኢ ሓለፎም ፤ የጋራ መፍትሄ ለማበጀት በጋራ እየተሰራ መሆኑ አብራርተዋል።
ሃላፊው አያይዘው እንደገለጹት ፤ የጊዚያዊ አስተዳደሩ ካቢኔ የካቲት 18 ና 19 /2016 ዓ.ም ለ2 ቀናት ባካሄደው ስብሰባ የተለያዩ ውሳኔዎች አስተላልፏል።
ካቢኔው የኢንቨስትመንትና የኤክስፓርት መመሪያ እንዲሁም የአርበኞች ኮሚሽን አሁናዊ ሁኔታ ባገናዘበ መልኩ ተሻሽሎ እንዲተገበርና እንዲቋቋም ወስኗል።
የትግራይ ህዝብ በከባድ ሰው ሰራሽና ተፈጥሮአዊ ችግሮች ውስጥ እያለ ፤ በጊዚያዊ አስተዳደሩና በፀጥታ ሃይል አዛዦች ላይ እየተደረገ ያለው የተቀናጀና የተናበበ የማጥላላት ዘመቻ ያወገዘው ካቢኔው ፤ የትግራይ ህዝብና አመራሩ ከመቼውም ጊዜ በላይ በአንድነት መንፈስ ያጋጠመውን ችግር ለመፍታት እንዲረባረቡ ሲል ጥሪ አቅርቧል።
መረጃውን የትግራይ ቴሌቪዥን ዋቢ በማድረግ አዘጋጅቶ የላከው የመቐለ የቲክቫህ ኢትዮጵያ ቤተሰብ አባል ነው።
@tikvahethiopia
#Infinix_Hot40
አዲሱ ኢንፊኒክስ 'Hot 40 pro' ስልክ ያለ ሃሳብ የፈለጉትን መተግበሪያ ለመጠቀም የሚያስችል ‘ Ultra speed helio G99’ የተሰኘ ፕሮሰሰር የተገጠመለት በመሆኑ በተጠቃሚዎች ዘንድ ተመራጭ ያደርገዋል!
#InfinixEthiopia #InfinixMobile #Infinix_Hot40 #Infinix_HotSeries
#Update
የጨረታ መክፈቻው ተራዘመ።
የአዲስ አበባ ቤቶች ልማት ኮርፖሬሽን ከአዲስ አበባ ዲዛይንና ግንባታ ስራዎች ቢሮ ጋር በመተባበር ያስገነቧቸውን 3,452 የመኖሪያና የንግድ ቤቶችን በሽያጭ ለማስተላለፍ የጨረታ ሰነድ በመሸጥ ላይ ይገኛል።
ኮርፖሬሽኑ ፤ ከሕብረተሰቡ መጣልኝ ባለው ጥያቄ መነሻነት የጨረታ መክፈቻ ጊዜው ለ10 ቀናት የተራዘመ መሆኑ አሳውቋል።
በጨረታው መሳተፍ የሚፈልግ ማንኛውም ተጫራች እስከ መጋቢት 02/2016 ዓ/ም ድረስ ዘወትር ከሰኞ እስከ ቅዳሜ ከጠዋቱ 1፡30 እስከ ምሽቱ 1፡30 እንዲሁም እሁድ ከጠዋቱ 1፡30 እስከ ቀኑ 6፡00 በሁሉም ክፍለከተሞች ዲዛይንና ግንባታ ስራዎች ቢሮ በአካል በመቅረብ የጨረታ ሰነዱን መግዛት ይችላል ተብሏል።
@tikvahethiopia
#AddisAbaba
የሚዘጉ መንገዶች ይፋ ሆኑ።
128ኛው የዓድዋ ድል መታሰቢያ ክብረ በዓል በአዲስ አበባ ይከበራል፡፡
በዓሉ ፒያሳ አካባቢ በሚገኘው የዓድዋ ድል መታሰቢያ ሙዚየም እንደሚከበር ተገልጿል፡፡
ይህ ተከትሎ መንገዶች ይዘጋሉ።
በዚህም መሰረት፡-
- ከአፍንጮ በር ወደ ቅ/ጊዮርጊስ ቤ/ክርስቲያን
- ከሰሜን ሆቴል ወደ ቅ/ጊዮርጊስ ቤ/ክርስቲያን
- ከዮሃንስ ቤተ ክርስቲያን ወደ አቡነ ጴጥሮስ
• ከአራት መንታ ወደ ጅንአድ
- ከይርጋ ሃይሌ የገበያ ማዕከል ወደ አቡነ ጴጥሮስ
- ከሃብተ ጊዮርጊስ ድልድይ ወደ ሱማሌ ተራ
- ከሱማሌ ተራ ወደ ኤሊያና ሆቴል(ባንኮዲሮማ) መስቀለኛ
- ከተክለ ሃይማኖት አደባባይ ወደ ቴዎድሮስ አደባባይ
- ከአገር አስተዳደር መብራት( ኢሚግሬሽን) ወደ ቴዎድሮስ አደባባይ
- ከንግድ ማተሚያ ቤት ወደ ቴዎድሮስ አደባባይ
- ከአሮጌው ቄራ ወደ ባንኮ ዲሮማ መብራት
- ከራስ መኮንን ድልድይ ወደ ደጎል አደባባይ
- ከራስ መኮንን ድልድይ ወደ ቅ/ጊዮርጊስ ቤ/ክርስቲያን
- ከመቅደላ ሆቴል ወደ ቅ/ጊዮርጊስ ቤ/ክርስቲያን
- ከቅ/ጊዮርጊስ ቤ/ክርስቲያን ወደ ቴሌ እና ወደ ቅ/ጊዮርጊስ ቤ/ክርስቲያን ፊት ለፊት ወደሚገኘው አደባባይ የሚወስዱት መንገዶች የካቲት 23 ቀን 2016 ዓ/ም ከንጋቱ 11 ሰዓት ጀምሮ ለተሽከርካሪ ዝግ ይሆናሉ።
አሽከርካሪዎች አማራጭ መንገዶችን እንዲጠቀሙ እና የትራፊክ ፖሊሶች የሚጠቁሟቸውን አማራጭ አቅጣጫዎችን በመጠቀም አስፈላጊውን ትብብር እንዲያደርጉ የአዲስ አበባ ፖሊስ ጥሪ አቅርቧል።
ክብረ በዓሉ በሚከበርበት ዙሪያ ከዋዜማው ከየካቲት 22 ቀን 2016 ዓ/ም ጀምሮ በዓሉ እስከሚጠናቀቅ ድረስ ከላይ በተጠቀሱት መንገዶች እና ፕሮግሙ በሚካሄድበት በአድዋ መታሰቢያ ሙዚየም ዙሪያ ተሽከርካሪን ማሳደርም ሆነ ለአጭርም ሆነ ለረጀም ሰዓት አቁሞ መሄድ ፈፅሞ የተከለከለ ነው ተብሏል።
#AddisAbabaPolice
@tikvahethiopia
" የአድዋ ሩጫ እንዳይካሔድ ተከልክለናል " - አዘጋጆቹ
' አድዋ ሩጫ ' የተሰኘ ድርጅት በአዲስ አበባ ሊያካሂድ የነበረው ሩጫ መከልከሉን አስታወቀ።
ድርጅቱ ዛሬ ጥዋት ለቲክቫህ ኢትዮጵያ በላከው መግለጫ የሚመለከታቸው እና ፍቃድ መስጠት ያለባቸው የመንግሥት አካላት ሩጫው እንዲካሄድ ፍቃድ ሰጥተው እንደነበር ገልጿል።
ነገር ግን በቀን 05/06/2016 የአዲስ አበባ ሰላምና ፀጥታ ቢሮ ሩጫው መካሄድ እንደማይችል እንዳሳወቀው አመልክቷል።
ድርጅቱ ይህንንም ሊያስቀይር ይችላል ያልነውን " ምናልባት በፀጥታ ሁኔታ ምክንያት ከሆነ የምከለክሉን የዚህን አመት ብቻ በፕሮፌሽናል አትሌቶች ብቻ ማካሔድ እንችላለን " የሚል አማራጭ ሃሳብ በቃል ማቅረቡን ገልጿል።
ነገር የድርጅቱ ሰዎች ከቢሮ ውጪ እንድንቆዩ ተደርጎ ከደቂቃዎች የስልክ ውይይት በኃላ ዳግም ተጠርተው " አድዋን ተዉት " የሚል ትዕዛዝ አዘል የክልከላ መልስ እንደተሰጣቸው አሳውቋል።
ድርጅቱ ህገወጥ ነው ባለው በዚህ ክልከላ የሞራልና የገንዘብ ኪሳራ እንዳጋጠመው አመልክቶ " ከምንም በላይ ደግሞ አኩሪ ታሪካችን የሆነውን የአድዋ ድል በአል እንደዜጋ ማክበር አለመቻሉ ክፉኛ አሳዝኖናል " ብሏል።
በተጨማሪም " ይህንንም ክልከላ ለአንዳንድ ሚዲያዎች ለጉዳዩ ሽፋን ሰጥተው ለህዝብ እንዲያሳውቁልን ብንጠይቅም ሽፋን ሊሰጡት ፍቃዳቸው እንዳልነበር ህዝብ " ይወቅልን ብሏል።
(ድርጅቱ የላከው መግለጫ ከላይ ተያይዟል)
@tikvahethiopia
#Infinix_Hot40
ዘመናዊ ቴክኖሎጂ እና ማራኪ ዲዛይንን በማጣመር የተመረተው አዲሱ 'Hot 40 pro' ስልክ በተጠቃሚዎች ዘንድ ተመራጭ ያደርገዋል!
#InfinixEthiopia #InfinixMobile #Infinix_Hot40 #Infinix_HotSeries
“ ከ4,000 በላይ ሴቶች ተደፍረዋል ” - የአማራ ክልል ሴቶች ማኀበር
የኢትዮጵያ ሴቶች ማኀበር ሴቶች ላይ እየደረሱ ናቸው የተባሉ ፈርጀ ብዙ ችግሮችን በተመለከተ በየክልሉ በዘርፉ የተሰማሩ ተቋማትን በመጋበዝ ትላንት ረቡዕ በአዲስ አበባ ኢሊሊ ሆቴል የውይይት መድረክ አዘጋጅቶ ነበር።
በዚህም ላይ ከተገኙት ባለድርሻ አካላት መካከል የአማራ ክልል ሴቶች ማኀበር አንዱ ነው።
በአማራ ክልል በ “ፋኖ” ታጣቂዎችና በመከላከያ ሠራዊት መካከል በየወቅቱ እያገረሸ የሚስተዋለውን የተኩስ ልውውጥ ተከትሎ በሴቶችና ሕጻናት ላይ የሚስተዋለው ሞት እየጨመረ መሆኑን፣ ሴቶችም ላይ የአስገድዶ መድፈር ወንጀሎች እየተበራከቱ መሆኑን የክልሉ ሴቶች ማኀበር ለቲክቫህ ኢትዮጵያ ገልጿል።
የክልሉን ሴቶች ማኀበር ወክለው የመጡ ወ/ሮ በላይነሽ ሽባባው ምን አሉ ?
➡ ከጤና ጋር ተያይዞ የእናቶች ሞት፣ የሕጻናት ሞት ከበፊቱ በጣም እየጨመረ መጥቷል።
➡ በጣም በርካታ ሴቶች ከጦርነቱ ጋር ተያይዞ ጥቃት እየደረሰባቸው ነው። አንደኛ ፍትህ የሚያገኙበት አጋጣሚም የለም። ሁለተኛ ደግሞ ከጦርነቱ ዘለው ወደ IDP center እንኳን ሲገቡ እዚያው ውስጥም መልሶ ጥቃት የሚያጋጥምበት ሁኔታ አለ።
➡ ሰላም አስካልተጠበቀ ድረስ ሴቶች ነገም፣ ከነገ በኋላም የጥቃቱ ሰለባ ናቸው። በአጠቃላይ እንደ አገራችን፣ እንደ አማራ ክልልም ሴቶች ጥቃት እየደረሰባቸው ያለው ከጦርነቱ ጋር በተያያዘ ነውና የሴቶች አደረጃጀቶች ሰላምን ከማስጠበቅ አንጻር ጎልተው መውጣት አለባቸው።
➡ አማራ ክልል ራሱ የበፊቱን እንኳን ትተነው አሁን በሚስተዋለው ግጭት ብቻ ከ4,000 በላይ ሴቶች ተደፍረዋል። ስለዚህ በዋናነት ይህን ጥቃት ለማስቆም መስራት ያለብን ሰላሙ ላይ ነውና በተለይ የሴቶች አደረጃጀት ደግሞ በጋራ ሆነው መንግሥትን፣ ሌላውንም አካል በማወያየት ሰላሙ ላይ ብንሰራ የሴቶችን ጥቃት መቀነስ ይቻላል.
በትላንቱ መርሀ ግብር የተለያዩ ተቋማትን ወክለው የተገኙ ኃላፊዎች በበኩላቸው ማኀበራቱ ሁሉ በጸጥታ ወቅት የሚፈጸሙ ፆታዊ ጥቃቶችን በተመለከተ ቅንጅት በሠፍጠር ልዩ ትኩረት እንዲሰጥበት በውይይታቸው አንስተዋል።
ቲክቫህ ኢትዮጵያ ተከታታይ የመረጃ ልውውጥ ያደርጋል።
መረጃውን አዘጋጅቶ የላከው የአዲስ አበባ ቲክቫህ ኢትዮጵያ ቤተሰብ አባል ኢዮብ ትኩዬ ነው።
@tikvahethiopia
📣 አዲስ ነገር ይዘን መጥተናል!
👉ከጥር 6 እስከ መጋቢት 22 ፓኬጅ ሲያሳድጉ...እኛም ቀጣዩን ፓኬጅ ለአንድ ወር እንጋብዝዎታለን!
⏰ ይህ አገልግሎት ክፍያ ከፈፀሙ ከ48 ሰዓት በኋላ ተግባራዊ ይሆናል።
*ደንብና ሁኔታዎች ተፈፃሚነት አላቸው።
ለሚሰጡን አስተያየት በቅድሚያ እያመሰገንን፣ ስለ አገልግሎታችን ጥራት የሚደርስዎትን የፅሁፍ መልዕክት ሊንኩን በመጫን መጠይቁን እንዲሞሉ በትህትና እንጠይቃለን።
የዲኤስቲቪ አገልግሎቶችን ለማግኘት ከታች ያለውን ሊንክ ይጫኑ!
👇
https://mydstv.onelink.me/vGln/eth2
#ሁሉምያለውእኛጋርነው #DStvEthiopia #DStvSelfServiceET #StepUp
#መቐለ
" ባለ ውለታ ይከበራል እንጂ ፤ በረሃብና በሽታ አይቀጣም " - የትግራይ ጡረተኞች
የትግራይ ጡረተኞች ዛሬ የካቲት 21/2016 ዓ.ም በመቐለ ከተማ ሰላማዊ ሰልፍ አካሄዱ።
ሰልፎኞቹ በመቐለ ከተማ ባካሂዱት ሰልፍ :-
- የትግራይ ጡረተኞች ድምፅ ይሰማ !!
- የ18 ወራት ውዙፍ አበል በአስቸኳይ ይከፈለን !
- የፕሪቶሪያ ውል በአስቸኳይ ይተግበር !
- የትግራይ ጊዚያዊ አስተዳደር የጡረተኞች መብት ያክብር ያስከብር !!
- መንግስት የጡረተኞች አዋጅና ደንብ ያክብር !
- ባለ ውለታ ይከበራል እንጂ ፤ በረሃብና በሽታ አይቀጣም !!
- የዓለም አቀፍ ተቋማት የት ናችሁ ? !
የሚሉ መፈክሮች እያሰሙ በከተማዋ በዋና ዋና መንገዶች ተዘዋውረዋል።
የጡረተኞቹን ሰላማዊ ጥያቄ ያዳመጠውና የተቀበለው በኢፌዲሪ የመንግስት ሰራተኞች ማህበራዊ ዋስትና ኤጀንሲ የሰሜን ሪጅን ቅርንጫፍ ፤ የታህሳስ 2015 ዓ.ም የውል አበል በተያዘው ሳምንት ለመከፈል መዘጋጀቱን ፤ ቀሪ የ18 ወራት የጡረታ አበል እንዲከፈል ከክልሉ ጊዚያዊ አስተዳደርና ከፌደራል መንግስት በመነጋገር ላይ መሆኑ አስታውቋል።
መረጃው በመቐለው የቲክቫህ ቤተሰብ አባል የተዘጋጀ ነው።
@tikvahethiopia
#Tecno_Mobile
የኢኖቬሽን እና ቴክኖሎጂ ብራንድ የሆነው TECNO ሞባይል ዘመኑ የደረሰበትን ቴክኖሎጂ የዋጀ ምርቶቹን በMWC Barcelona አስተዋወቀ !
በኤግዚቢሽኑ ላይ ከቀረቡት የቴክኖሎጂ ውጤቶች መካከል Dynamic 1 ፣ የመጀመሪያው የሆነው AI- ሮቦት ውሻ እና Pocket Go ይገኙበታል ። Pocket Go የተሰኝው የፈጠራ ውጤት የኢንዱስትሪው የመጀመሪያ የሆነው የኤአር መነፅር እና የዊንዶውስ ጌሚንግን ያጣመረ የቴክኖሎጂ ውጤት ነው ። በተጨማሪም አዲሱን የPolarAce የተሰኘ AIን የሚጠቀም ኢሜጂንግ ሲስተም በዝግጅቱ ላይ አስተዋውቋል ።
#TecnoMobile #Tecno
#Update
የኢትዮጵያ ጠ/ሚ ዶ/ር ዐቢይ አህመድ እና የኬንያው ፕሬዝዳንት ዊሊያም ሩቶ የጋራ መግለጫ ምን ይላል ?
የጠቅላይ ሚኒስትር ዶ/ር ዐቢይ አህመድ የኬንያ ያስራ ጉብኝትን እና ከፕሬዜዳንት ዊሊያም ሩቶ ጋር ያደረጉትን ምክክር ተከትሎ የኬንያ " ስቴት ሀውስ " የጋራ ነው ያለውን መግለጫ ዛሬ ምሽት አውጥቷል።
በዚህም መግለጫ ፤ ፕሬዚዳንት ሩቶ እና ጠ/ሚ ዶ/ር ዐብይ ከአፍሪቃ ቀንድ ደህንነት ጋር በተያያዘ ፤ በአህጉሪቱ ውስጥ ሰላም፣ ደህንነት እና መረጋጋትን ማስጠበቅ ለኢኮኖሚ እድገትና ልማት አስፈላጊ ቅድመ ሁኔታ መሆኑን አጽንኦት መስጠታቸው ተገልጿል።
በዚህም መሠረት ፤ ለሀገራት ግዛቶች ሉዓላዊነትና የግዛት አንድነት እውቅና መስጠት ሉዓላዊነታቸውን ማክበርና ማስከበር እንደሚገባ አረጋግጠዋል።
ሕገ መንግሥታዊ ያልሆኑ የመንግሥት ለውጦችን እንዲሁም በአፍሪካ አገሮች የውስጥ ፖለቲካ የውጭ ጣልቃ መግባት እንደማይቀበሉት አስረግጠዋል።
ከዚህ በተጨማሪ መሪዎቹ ፤ ሁለቱ ሀገራት የንግድና ኢንቨስትመንትን ጨምሮ በተለያዩ ዘርፎች ማለትም በግብርና፣ አሳ ሀብት፣ ትራንስፖርት፣ አይሲቲ፣ ቱሪዝም፣ ጤና፣ ባህል እና ደን ልማት ያላቸውን ትብብር ለማጠናከር ቁርጠኝነታቸውን አረጋግጠዋል።
(ከስቴት ሀውስ የወጣው መግለጫ ከላይ ተያይዟል)
@tikvahethiopia
#ጋምቤላ
የኢትዮጵያ ሰብዓዊ መብቶች ኮሚሽን ፦
" ግንቦት 13/2015 ዓ.ም. በኢታንግ ልዩ ወረዳ ሥር በሚገኝ ፒኝዋ ቀበሌ ነዋሪ የነበሩ አንድ ግለሰብ መጥፋታቸውን ተከትሎ፣ በፒኝዋ ቀበሌ እና አጎራባች በሆነው በሌር ቀበሌ ነዋሪዎች መካከል በተነሳ ግጭት በወቅቱ በርካታ ሰዎች መሞታቸውን፣ የአካል ጉዳት መድረሱን፣ የግለሰቦች እና የተቋማት ንብረት ላይ ጉዳት እና ዘረፋ መድረሱን ለማወቅ ተችሏል፡፡
በዚሁ ግጭት በክልሉ የተለያዩ አካባቢዎች በተለይም በጎግ ወረዳ፣ ጋምቤላ ወረዳ እና ጋምቤላ ከተማ ከግንቦት ወር 2015 ዓ.ም. እስከ ጥር ወር 2016 ዓ.ም. በተለያዩ ወቅቶች በሰዎች ሕይወት እና በንብረት ላይ ተጨማሪ ጉዳት ደርሷል።
ኢሰመኮ ማረጋገጥ በቻለው መረጃዎች እና ማስረጃዎች መሠረት ቢያንስ የ138 ሰዎች ሕይወት አልፏል ፣ 113 ሰዎች ላይ አካል ጉዳት ደርሷል ፤ በግለሰቦች እና ተቋማት ንብረት ላይ ጉዳት ደርሷል። "
(ኢሰመኮ በጋምቤላ ክልል የተከሰቱ ግጭቶችና የፀጥታ መደፍረስ ሁኔታዎች ያስከተሉትን የሰብዓዊ መብቶች ጥሰቶችን በተመለከተ የላከልን ባለ 15 ገፅ ሪፖርት ከላይ ተያይዟል)
@tikvahethiopia
If you missed our first in-person information session in Ethiopia 🇪🇹🇪🇹🇪🇹, we have another opportunity for you to meet our programs team and hear directly from Jasiri Community Fellows who have completed the program.
Register via https://bit.ly/49MPjIv
See you there.
#Ethiopia #Kenya
ጠ/ሚ ዶ/ር ዐቢይ አሕመድ በኬንያ እያደረጉት በሚገኘው ይፋዊ ጉብኝት በፕሬዝዳነት ዊልያም ሩቶ በስቴት ሀውስ ኬንያ አቀባበል ተደርጎላቸዋል።
የጠ/ሚ ፅ/ቤት ፤ " የአቀባበል ስነስርዓቱ ሁለቱ መሪዎች እና ልዑካን ቡድኖቻቸው በሁለትዮሽ፣ ቀጠናዊ እና ባለብዙ ወገን ጉዳዮች ላይ እያደርጓቸው ያሉ ጉልህ ግንኙነቶች እና ውይይቶች ጅማሮ ነው። " ብሏል።
ሁለቱ መሪዎች በድይይታቸው የሁለቱን ሀገራት ጥልቅ እና ታሪካዊ ግንኙነት ብሎም ኢኮኖሚያዊ ትስስር አንስተው ይኽንኑ በቁርጠኝነት ማጠናከር እንደሚገባ ከስምምነት ላይ መድረሳቸውን ተነግሯል።
" ውይይቱ በሁለቱ ሀገራት ግንኙነት ወሳኝ አጋጣሚ ሆኖ የዲፕሎማሲያዊ እና ኢኮኖሚያዊ ትስስርን የበለጠ ለማዳበር ብሩህ መፃዒ ጊዜን ያመላከተ ሆኗል " ሲል የጠ/ሚ ፅ/ቤት አሳውቋል።
ጠ/ሚ ዶ/ር ዐቢይ አህመድ ትላንት ለሁለት ቀን ይፋዊ የስራ ጉብኝት ኬንያ መግባታቸውና ፕሬዝዳንት ዊሊያም ሩቶ እንደተቀበሏቸው ይታወሳል።
@tikvahethiopia
#እንድታውቁት
የኢትዮጵያ አየር መንገድ ፤ የሀገር ውስጥ በረራ የሚያደርጉ መንገደኞች ወደ ተርሚናል ቁጥር 1 ብቻ እንዲገቡ ጥሪ አቀረበ።
አየር መንገዱ ፤ የቦሌ ዓለም አቀፍ አውሮፕላን ማረፊያ የመንገደኞች ማስተናገጃ ተርሚናል 1 (በተለምዶው የሀገር ውስጥ/Domestic Terminal) የማስፋፊያ እና የማዘመን ስራው ተጠናቅቆለት ሙሉ ለሙሉ አገልግሎት መስጠት መጀመሩን ገልጿል።
በዚህም የሀገር ውስጥ በረራ ለማድረግ ወደ ኤርፖርት የሚመጡ መንገደኞች በቀጥታ ወደ ተርሚናል ቁጥር 1 ብቻ እንዲገቡ ብሏል።
@tikvahethiopia
ፍትህ ሚኒስቴር ፤ የሽግግር ፍትህ ፖሊሲን አስመልክቶ ዛሬ መግለጫ አውጥቷል።
በዚሁ መግለጫ ፤ የሽግግር ፍትህ የባለሞያዎች ቡድን የተሰጠውን ኃላፊነት በወቅቱ ማጠናቀቁን ገልጿል።
የሽግግር ፍትህ ፖሊሲው የመጨረሻ ረቂቅ ስራ እንዳለቀ ለሚኒስትሮች ምክር ቤት ተልኮ በጥቂት ሳምንታት ውስጥ በመንግስት እንደሚፀድቅ ተመላክቷል።
(መግለጫው ከላይ ተያይዟል)
@tikvahethiopia
በማንኛውም ቦታ ሆነው በግሎባል ሞባይል ተመዝግበው አካውንትዎን ማንቀሳቀስ፣ ክፍያ መፈፀምና ማስተዳደር ይችላሉ፡፡
ግሎባል ሞባይል ባንኪንግ መተግበሪያ ለማውረድ ሊንኩን ጠቀሙ
https://play.google.com/store/apps/details?id=com.ofss.dgbb
በሚቀርብዎ አማራጮች ያግኙን https://bit.ly/3TkrrXD
ግሎባል ባንክ ኢትዮጵያ
ለጋራ ስኬታችን!
#GlobalBankEthiopia #GBE #SharedSuccess
ፎቶ፦ ጠ/ሚ ዶ/ር ዐቢይ አሕመድና ባለቤታቸው ቀዳማዊት እመቤት ዝናሽ ታያቸው ለ2 ቀናት መንግሥታዊ ጉብኝት ኬንያ ናይሮቢ ገብተዋል።
ጠቅላይ ሚኒስትሩ እና ባለቤታቸው ናይሮቢ በጆሞ ኬንያታ አውሮፕላን ጣቢያ ሲደርሱ በፕሬዝዳንት ዊልያም ሩቶ አቀባበል ተደርጎላቸዋል።
በመቀጠል ፕሬዝዳንት ዊሊያም ሩቶ የወጣቶችን የአርቴፊሻል ኢንተለጀንስ ተሳትፎ የሚያሳይ የአይሲቲ ፓርክ ለጠቅላይ ሚኒስትር አስጎብኝተዋል።
መረጃው የጠ/ሚ ፅ/ቤት ነው።
@tikvahethiopia