1519094
ይህ የቲክቫህ (ተስፋ) ኢትዮጵያ ቤተሰብ አባላት መሰባሰቢያ እንዲሁም የመረጃ እና የመልዕክት መለዋወጫ መድረክ ነው። @tikvahuniversity @tikvahethAfaanOromoo @tikvahethmagazine @tikvahethsport @tikvahethiopiatigrigna #ኢትዮጵያ
ጠንካራ ሴት ለመሆን የሚከፈለውን ዋጋ በደንብ እንረዳለን፣ ህልምዎና ፍላጎትዎ እንዲሳካ የአደይ ቁጠባችን ያግዝዎታል! ባንካችን ዕድሜያቸው ከ18 ዓመት በላይ ለሆኑ ሴቶች ያዘጋጀውን አደይ ልዩ የቁጠባ ሂሳብ አቅራቢያዎ በሚገኝ ቅርንጫፍ በመክፈት የልዩ አገልግሎቶቹና ጥቅሞቹ ተጋሪ ይሁኑ።
#BankofAbyssina #WomenSavingAccount #bankinginethiopia #banksinethiopia #Ethiopia #የሁሉም_ምርጫ
ሳልሳይ ወያነ ትግራይ የፓለቲካ ፓርቲ ህጋዊ እውቅና አገኘ።
የፓርቲው ከፍተኛ አመራር አቶ ዓብለሎም መለስ ዛሬ በማህበራዊ ትስስር ገፃቸው ፤ "ሳልሳይ ወያነ ትግራይ የክልላዊ ፓለቲካ ፓርቲ የምዝገባና ህጋዊ ሰውነት ማረጋገጫ የምስክር ወረቀት አግኝቷል " ብለዋል።
ፓርቲው የምዝገባና ህጋዊ ሰውነት ማረጋገጫ የምስክር ወረቀት ለሰጠው የኢትዮጵያ ብሔራዊ ምርጫ ቦርድ ያመሰገኑት ከፍተኛ አመራሩ ፣ ፓርቲው ለሚያካሂደው ፓለቲካዊ ትግል እውቅናው ምቹነት ይፈጥርለታል ብለዋል።
ብሄራዊ ባይቶና ዓባይ ትግራይ ( ባይቶና ) የተባለ የትግራይ ተፎካካሪ ፓርቲ ባለፈው ጥር ወር 2016 ዓ.ም ከኢትዮጵያ ብሔራዊ ምርጫ ቦርድ የክልላዊ ፓለቲካ ፓርቲ የምዝገባና ህጋዊ ሰውነት ማረጋገጫ የምስክር ወረቀት ማግኘቱ መረጃ መለዋወጣችን ይታወሳል።
@tikvahethiopia
ከቴሌብር አካውንት ወደ ሌላ የቴሌብር ደንበኛ አካዉንት ገንዘብ መላኪያ ታሪፍ ላይ እስከ 80% ቅናሽ ማድረጋችንን ስናበስርዎ በታላቅ ደስታ ነው፡፡
በአዲሱ የታሪፍ ቅናሽ እስከ ብር 5,000 ሲልኩ 0.1% እንዲሁም ከብር 5,001-75,000 ለመላክ 5 ብር ብቻ የአገልግሎት ክፍያ ይፈጽማሉ።
የቴሌብር ሱፐርአፕን ከ http://onelink.to/fpgu4m ያውርዱ ወይም *127# ይደውሉ!
ቴሌብር - ቀላል፣ ፈጣን፣ ምቹ እና አስተማማኝ!
#Ethiotelecom #telebirr #RealizingDigitalEthiopia
#Update
" አንዳንድ ቤተሰቦች ተስፋ በመቁረጥ የለቅሶ ስነ ስርዓት ፈፅመዋል " - የደላንታ ወረዳ አስተዳደር
በናዳ ከተቀበሩ 18 ቀን የሞላቸው ወጣቶች ዛሬም አልተገኙም፡፡
በአማራ ክልል ደቡብ ወሎ ዞን ደላንታ ወረዳ ወገል ጤና አካባቢ በማዕድን ቁፋሮ ላይ እንዳሉ ጉድጓድ ከገቡ 18ኛ ቀን የሆናቸውን ወጣቶች እጣፋንታ ለማወቅ የተደረጉ የህዝብና የመንግስት ጥረቶች እስካሁን እንዳልተሳኩ የደላንታ ወረዳ አስተዳደር አስታውቋል።
አንዳንድ ቤተሰቦች ተስፋ በመቁረጥ የለቅሶ ስነ ስርዓት መፈፀማቸው ተነግሯል።
የአካባቢው ነዋሪዎች ወጣቶቹን ከተቀበሩበት ጉድጓድ ለማውጣት በሰው ኃይል ሲያደርጉት የነበረው ሙከራ ባለመሳካቱ ከአገር መከላከያ ሰራዊት ጋር በመተባበር ለቁፋሮ እንቅፋት የሆነውን የአለት ክፍል በከባድ መሳሪያ ለማስወገድ የተለያዩ ሙከራዎች ሲደረጉ ቢቆይም የተገኘ ምንም ውጤት እንደሌለ ወረዳው ገልጿል።
ወረዳው ፤ በባባህላዊ መንገድ ቁፋሮዎች ለተከታታይ አንድ ሳምንት ያክል ሲካሄድ መቆየቱን ግን ሌላ ናዳ በቆፋሪዎች ላይ ሊያስከትል የሚችል ስጋት በመፈጠሩ በሰው ጉልበት ሲደረግ የነበረው ቁፋሮ መቆሙን አመልክቷል።
ከዚህ ቀጥሎ ዞን፣ ክልልና ፌደራል መንግስት በጋራ ተነጋግረው በባለሙያዎች ተጠንቶ ተራራውን የሚንድ መሳሪያ እንዲመጣ ተደርጎ 35 ቶን የሚመዝን ተተኳሽ ተጠምዶ ተንጠልጣይ ቋጥኙን በፍንዳታ ለማስወገድ ቢሞከርም ሳይቻል ቀርቷል ብሏል።
ዛሬም የአካባቢው የመከላከያ ኃላፊ፣ የዞን የመንግስትና የፓርቲ አመራሮች በተገኙበት ቋጥኙን በተለያዩ ተተኳሾች ለማስወገድ የተደረገው ሙከራ እንዳልተሳካ ተገልጿል።
ዛሬ ብቻ ቋጥኙን 10 ጊዜ ያክል በታንክ ቢመታም ቋጥኙን ማስወገድ እንዳልተቻለ ወረዳው አሳውቋል።
የደቡብ ወሎ ዞን የኮሙዩኒኬሽን ጉዳዮች መምሪያ በናዳው 20 ያክል ወጣቶች መቀበራቸውን ከዚህ ቀደም ቢያሳውቅም ወረዳው ግን በተጨባጭ አደጋው የደረሰባቸው 9 ወጣቶች ናቸው ብሏል፡፡
ተስፋ የቆረጡ አንዳንድ ቤተሰቦች ለቅሶ መቀመጣቸውን ያሳወቀው ወረዳው ፤ እስካሁን የተደረጉ ሙከራዎች ባይሳኩም የቤተሰብ ፍላጎት እስካለ ድረስ ወጣቶቹን በህይወት የማገኘት እድሉ በእጅጉ የጠበበ ቢሆንም አስከሬንም የሚገኝ ከሆነና በወግና በስርዓት የቀብር ስነስርዓት ለመፈጸም ፍለጋው በሰው ኃይልም ቢሆን ተጠናክሮ ይቀጥላል ብሏል።
ይህ መረጃ ባለቤትነቱ የዶቼ ቨለ ሬድዮ ጣቢያ ነው።
ፎቶ፦ የደቡብ ወሎ ዞን ኮሚኒኬሽን
@tikvahethiopia
#እንድታውቁት
የኢትዮጵያ አየር መንገድ ከነገ ጀምሮ የሀገር ውስጥ መንገደኞች ማስተናገጃ ተርሚናል 1 ከእድሳትና የማስፋፋት ሥራ በኋላ ሙሉ በሙሉ ለአገልግሎት ክፍት በማድረግ ሁሉም የሀገር ውስጥ በረራዎችን ማስተናገድ እንደሚጀምር አሳውቋል።
ከአዲስ አበባ ወደ ሁሉም የሀገር ውስጥ መዳረሻዎች እንዲሁም ከሀገር ውስጥ መዳረሻዎች ወደ አዲስ አበባ የሚያደርጉት በረራዎች በተርሚናል 1 ይደረጋሉ።
በሌላ በኩል ፤ የኢትዮጵያ አየር መንገድ ወደ ደንቢዶሎ በሳምንት 3 በረራዎችን ዛሬ መልሶ አስጀምሯል፡፡
ይህ በረራ የኢትዮጵያ አየር መንገድ በሀገር ውስጥ የሚሰጠውን የአየር ትራንስፖርት አገልግሎት የማስፋፋት አንዱ አካል ነው ተብሏል።
@tikvahethiopia
#MoE
ትምህርት ሚኒስቴር ፤ የ2016 ዓ .ም አጋማሽ የመውጫ ፈተና ውጤት ከየካቲት 18/2016 ዓ/ም ጀምሮ መለቀቁን አሳውቋል።
ሚኒስቴሩ ይህን ያሳወቀው ፤ ለሁሉም የግልና የመንግስት ከፍተኛ ትምህርት ተቋማት በሙሉ ባስተላለፈው መልዕክት ነው።
ተፈታኞች ውጤታቸውን በ https://result.ethernet.edu.et ሊንክ ማየት ይችላሉ ተብሏል።
@tikvahethiopia
#Hadiya
የሀዲያ ዞን አዲስ አስተዳዳሪ ተሾመለት።
በማዕከላዊ ኢትዮጵያ ክልል ፤ የሀዲያ ዞን ምክር ቤት ዛሬ 4ኛ ዙር 11ኛ ዓመት የ6ኛ ዙር አስቸኳይ ጉባዔ እያካሄደ ነው።
በዚህም #አቶ_ማቴዎስ_አኒዮን የዞኑ ዋና አስተዳዳሪ አድርጎ ሾሟል።
@tikvahethiopia
#CentralEthiopia
ትላንትና እሁድ በማዕከላዊ ኢትዮጵያ ክልል፣ በምሥራቅ ጉራጌ ዞን መስቃን ወረዳ በደረሰ የትራፊክ አደጋ የ6 ሰዎች ሕይወት አልፏል።
አደጋው ከአዲስ አበባ ወደ ቡታጅራ ይጓዝ የነበረ የደረቅ ጭነት ተሽከርካሪ 7 ሰዎችን ከጫነ " ባጃጅ " ጋር በመጋጨቱ ነው የደረሰው።
የ5ቱ ተጓዦች ሕይወት ወዲያውኑ ሲያልፍ ፤ በሁለቱ ላይ ከባድ የአካል ጉዳት ደርሶ ነበር። ከባድ ጉዳት አጋጥሟቸው ወደ ሆስፒታል ከተላኩት መካከል አንደኛው ሆስፒታል ከደረሰ በኋላ ህይወቱ አልፏል።
@tikvahethiopia
" በከተራ በዓል የታሰሩ 32 ሰዎች ተፈትተዋል " -የታሳሪ ቤተሰብ
በ2016 በተለይ ከከተራ በዓላት ጀምሮ ወጣቶች በአፈሳ መልኩ ታሰሩ የሚሉ ቅሬታዎች ለቲክቫህ ኢትዮጵያ ደርሰውት ነበር።
ለአብነትም በ2016 ዓ/ም የከተራ በዓል ዕለት አዲስ አበባ ንፋስ ስልክ ላፍቶ ክፍለ ከተማ፣ " 32 የአማራ ተወላጆች በፓሊስ ተይዘው " ንፋስ ስልክ ላፍቶ ወረዳ 12 መታሰራቸውን፣ እነዚህ ሰዎች ሥራ ሰርተው ልጅ የሚያሳድጉ፣ ቤተሰብ የሚረዱ ሰዎች እንደሆኑ የታሳሪዎቹ ቤተሰቦች መግለጻቸው አይዘነጋም።
እኚሁ ግለሰብ በወቅቱ ታሳሪዎቹን ሂደው ጠይቀው እንደነበርና የታሰሩበትን ምክንያት ምን እንደሆነ ሲጠይቁ አንዱ ታሳሪ፣ " እነሱ የከሰሱን ሁላችንንም ‘ ፋኖ በሚል ነው' " ሲሉ እንደመለሱላቸው፣ " ፖሊስም ብናናግር ‘እኛ መፍትሄ አንሰጥም’ ነው የሚሉት" የሚል ቅሬታ ለቲክቫህ አቅርበው በወቅቱ ተዘግቦ ነበር።
ሰዎቹ መታሰራቸውን በወቅቱ ገልጸው የነበሩት እኚሁ የመረጃ ምንጭ የጉዳዩን ሂደት በተመለከተ ድጋሚ በሰጡን ቃል፣ " በከተራ በዓል የታሰሩ 32 ሰዎች ተፈትተዋል " ብለዋል።
መቼ ከእስራት እንደተፈቱ በገለጹበት አውድም ፣ " በጥር 16 ቀን 2016 ዓ/ም ከእስር ቤት እንዲወጡ ነበር የተፈረደላቸው፣ በጥር 30 ቀን 2016 ዓ/ም ነው ጠቅለው የወጡት (ግን 29ም የወጡ አሉ) " ሲሉ ተናግረዋል።
" አሁንም ባጃጅ ነው የሚሰሩት " ያሉት እኚሁ ቤተሰቦቻቸው ታስረውባቸው የነበሩ የመረጃ ምንጩ፣ ሰዎቹ ታስረው ሲወጡ የሥነ ልቦና ጉዳት እንደደረሰባቸው፣ በአካላቸው ላይ ግን ምንም የደረሰ ጉዳት እንደሌለ አስረድተዋል።
በተያያዘ ዜና ፤ በ2016 የጥምቀት በዓል ወቅት በየካ ክፍለ ከተማ ኮተቤ ቅዱስ ገብርኤል ቤተክርስቲያን በበዓለ ንግሱ እንዲሁ በፓሊስ አባላት የታሰሩ ወጣቶች እንደነበሩ በወቅቱ ሲገለጽ የነበረ ሲሆን፣ ሁሉም ስለመፈታታቸውና አለመፈታታቸው ለጊዜው ማወቅ ባይቻልም የተወሰኑት ከእስር እንደተለቀቁ ተሰምቷል።
መረጃውን አዘጋጅቶ የላከው የአ/አ ቲክቫህ ኢትዮጵያ ቤተሰብ አባል ነው።
@tikvahethiopia
Whether you're an aspiring entrepreneur or an established business owner, our mission is to nurture your entrepreneurial journey by supporting you build a new business from scratch. Joining us means contributing to a vision of a prosperous Africa, driven by high-impact entrepreneurship.
Apply for Cohort 6 of the Jasiri Talent Investor, http://jasiri.org/application
#Jasiri4Africa
STEMpower ከ Embassy of Finland Ethiopia እና IBM በመተባበር Digital Skills Training for Woman, ትጋት በተሰኘ ፕሮግራም ከዚህ ቀደም ያወጣነውን ማስታወቂያ ተመልክተው በርካቶች ተመዝግበው የonline ስልጠናውን እየወሰዱ ይገኛሉ፡፡ ይህ በእንዲህ እያለ፣ ተመዝግበዉ ስልጠናውን ያልጀመሩ ሰልጣኞች በድህረ ገጻችን https://www.stempower.org/list-of-trainees-who-did-not-complete-the-sign-up-process ያወጣነዉን ዝርዝር በመመልከት ከ IBM SkillsBuild የተላከላችሁን የ ኢሜል መልዕክት በመክፈት የsign-up ሂደቱን በማጠናቀቅ ስልጠናዉን መጀመር ይችላሉ፡፡ ለተጨማሪ መረጃ የቴሌግራም ቻናላችንን /channel/+ZhllDBta0HY4NjM0 ይቀላቀሉ ፡፡
Читать полностью…
" ... ተራ የዝርፍያ ሙከራ ሳይሆን #በባለሙያ የተደገፈና የተጠና ነው " - አቶ አዳነ ሓጎስ
የካቲት 14 ቀን 2016 ዓ/ም ሌሊት 8:00 ሰዓት በተደራጁ የዘራፊ ቡድኖች በመቐለ " ሓሚዳይ የኢንዱስትሪ መንደር " የኤሌክትሪክ ትራንስፎርመር ስርቆት ሙከራ ተደርጓል።
የመቐለው የቲክቫህ አባል ፤ ለጎርፍ መከላከያና የተለያዩ አጥሮች የሚውሉ የብረት ምርቶች የሚያመርተውን " ምድሓን ጋብዮን ፋብሪካ " የተባለ ደርጅት ባለቤት የሆኑት ባለሃብት አቶ አዳነ ሓጎስ ስለጉዳዩ እንዲያብራሩለት በስልክ ጠይቆዋቸዋል።
ትራንስፎርመሩ ለፋብሪካቸው የኤሌክትሪክ ሃይል አቅርቦት እንዲውል የገዙትና ዋጋው 3 ሚሊዮን ብር መሆኑን ፤ የትራንስፎርመር ስርቆቱ በአከባቢው ተደጋግሞ የተፈፀመና ተራ ዝርፍያ ሳይሆን #በባለሙያ የተደገፈና የተጠና መሆኑን ገልጻዋል።
ይህ እየታወቀ ግን መንግስትና ፓሊስ ልዩ ትኩረትና ክትትል በማድረግ ባለማስቆማቸው ማዘናቸውን አስረድተዋል።
" የስርቆት ሙከራው እጅግ የተጠና ባለሃብቱን ተስፋ ከማስቆረጥ አልፎ አገር አስጥሎ የሚያሰድድ ነው " ብለዋል።
#TikvahFamilyMekelle
@tikvahethiopia
#ጾመነነዌ
" ... ለይቅርታ ስንነሣ ትዕቢትን እናሽንፋለን። ፉክክርን እናርቃለን። ለጋራ ሀገራችን የጋራ መፍትሔ ለጋራ ቤተ ክርስቲያናችን የጋራ መድኃኒትን እናገኛለን " - ቅዱስነታቸድ
የ2016 ዓ/ም ጾመ ነነዌ ነገ ይገባል።
ጾመ ነነዌን አስመልክቶ ብፁዕ ወቅዱስ አቡነ ማትያስ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአኵስም ወዕጨጌ ዘመንበረ ተክለ ሃይማኖት መልዕክት አስተላልፈዋል።
ከቅዱስነታቸው መልዕክት የተወሰደ ፦
" ዘመንን በዘመን እየተካ፣ መዓቱን በምሕረት እየመለሰ የሚያኖረን እግዚኣብሔር እንኳን ለ2016 ዓ.ም ጾመ ነነዌ አደረሰን አደረሳችሁ ለማለት እንወዳለን።
በብሉይ ኪዳን ዘመን የነበሩት የሰው ልጆች በኃጢአት በወደቁ ጊዜ እግዚአብሔር አምላክ የሁሉ አባት በመሆኑ ' ተወልዶ ብልጫ፣…የለም ' እንዲሉ ከእስራኤል ውጭ ወዳለችው ነነዌ ነቢዩ ዮናስንና ነቢዩ ናሆምን ልኳል።
በበደል ውስጥ ሆነው ቢጸሙም ሆነ ቢጸልዩ ጸሎቱ ድል የሚነሣ መሥዋዕቱም የሚያስምር አይሆንምና ንስሐም ለድሀና አቅም ለሌለው የሚሰበክ ሳይሆን ከሊቅ እስከ ደቂቅ ያደፈ ሁሉ የሚጠራበት የሕይወት መስታወት ነውና የሕይወት ትንሣኤ በሆነው ንስሐ ነነዌን ለማንሣት ዮናስ ወደ ንጉሡና ወደ ሠራዊቱ የንስሐ ሰባኪ ሁኖ ተልኳል።
ነነዌ ከተማዋ አድጎ ልማቷ ቢሰለጥንም እግዚአብሔር ግን የተመለከታት ፈርሳና ተበላሽታ ነበር።
በፈረሰ ልብ የሚገነቡ ከተሞች የቀን ጉዳይ እንጂ #ፍርስራሽ መሆናቸው አይቀሬ ስለሆነ ዛሬ ነነዌ ከታሪክ መዝገብ ላይ ብትሰፍርም በዓይን ግን የምትታይ አይደለችም።
ቅድስት ቤተ ክርስቲያን የነነዌን ጾም ያወጀችው ዓመት ሙሉ የተጣላ በነዚህ ሦስት ቀናት እንዲታረቅ፣ ሲካሰስ የሚኖር ሕዝብም ወደፈጣሪው በንስሐ እንዲመለስ ነው።
እግዚአብሔር አምላክ ነቢዩን ወደ ነነዌ ሲልከው- “ተነሥተህ ሂድ" ማለቱ በበደል የሳተን በሩቅ ሆኖ መተቸት መንፈሳዊ ተልእኮ ባለመሆኑ ተነሥተን ብንሄድ፣ መንገድ አጋምሰን ወገኖቻችንን ብንፈልግ ሁሉንም ለንስሐ ማብቃት እንደምንችል ሲያስተምረን ነው። ለመነሣት ስንፍናንና ፍርሃትን ድል መንሣት ያስፈልጋል።
ለይቅርታ ስንነሣ ትዕቢትን እናሽንፋለን። ፉክክርን እናርቃለን። ለጋራ ሀገራችን የጋራ መፍትሔ ለጋራ ቤተ ክርስቲያናችን የጋራ መድኃኒትን እናገኛለን።
በሌላ በኩል አምላካችን እግዚአብሔር በደለኛይቱን ከተማ ታላቂቱ ከተማ በማለት ሲጠራት ሕዝቡንም ግራና ቀኙን የማያውቅ በማለት ራርቷል።
እግዚአብሔር አምላክ አክባሪ አዛኝ በደለኛውንም በክብር እንጂ በውርደት የማይጠራ አምላክ ነው።
እኛም ይህንን የነነዌን ጾም ስንጾም በአንድ በኩል እንጀራን የተራቡ፣ በሌላ በኩል ሰላም የተራቡ ወገኖች ስለአሉን ወደ እነዚህ ወገኖች የንስሐን ስብከት የማጽናናትን መልእክት ይዘን መሄድ አለብን።
በተጨማሪም ከቀዬአቸው የተፈናቀሉትን፣ በረሃብ፣ በመታረዝ፣ በጦርነት ውስጥ የሚገኙ ወገኖቻችንን የመከራ ማቅ በሕሊናችን ተሸክመን ስለጾሙ የተውነው የዕለት ቊርሳችንን ለእነርሱ ሞትን ማባረሪያ እንዲሆን ልንፈቅድ ያስፈልጋል። "
(የቅዱስነታቸው ሙሉ መልዕክት ከላይ ተያይዟል)
@tikvahethiopia
#JASIRI: ታለንት ኢንቨስተር
- ለፈጣን ዕድገት አቅም ካላችሁ እና አዲስ ቢዝነስ ለመፍጠር ከቆረጣችሁ፤
- በማንኛናውም ዘርፍ ውስጥ ክፍተቶችን መለየት እና እድሎችን ማወቅ ከቻሉ፤
- ትኩረት ባደረጋቹበት ቦታ ሁሉ የስኬት፣ የችግር አፈታት እና ዋጋ የመፍጠር ልምድ ካላቹ፤
- በሙያዊ መስካችሁ ከፍተኛ መረጃ እና እውቀት ያላቹ ከሆነ፤
- በቡድናቹ ውስጥ ካሉ ተመሳሳይ ትልቅ ፍላጎት ካላቸው መስራቾች ጋር ለመገናኘት እና ከመሰረቱ ቬንቸር ለመገንባት እና በቡድን ለመስራት ዝግጁ ከሆናችሁ፤
- ስራዎን በሙሉ ጊዜ ለመገንባት ቃል ገብታቹ እና በሁሉም ታለንት ኢንቬስተር ደረጃዎች ለ14ወራት እንዲሁም በሩዋንዳ ባለው ፕሮግራም ለ3 ወር ተገኝታቹ በንቃት ለመሳተፍ ዝግጁ ከሆናቹ፤
አሁኑኑ በ jasiri.org/application ላይ ይመዝገቡ
ሴት ስራ ፈጣሪዎች እንዲመዘገቡ በጣም እናበረታታለን!
" የመፍረስ አደጋ ተደቅኖብኛል " - የሲዳማ ፌደራሊስት ፓርቲ
" ቅሬታዎችን ተቀብለን እየመረመርን ነው " - የኢትዮጵያ ብሄራዊ ምርጫ ቦርድ
ከወራት በፊት የሲዳማ ክልል የጸጥታ ሀይሎች የቀድሞ አባል የነበረና ከፓርቲዉ ጋር በገባዉ ግጭት ምክኒያት በዲስፕሊን የተገለለን ግለሰብ ወደ ፓርቲዉ ቢሮ ይዘዉ በመምጣት ቢሯችን ተሰብሮ የተለያዩ ንብረቶች አዘርፈዉብናል ማለታቸዉና ጉዳዩንም ወደምርጫ ቦርድ በመዉሰድ ክስ መመስረታቸዉ ይታወሳል።
ይህ ክስ እልባት ባላገኘበት ሁኔታ ደግሞ ከሰሞኑ የኢትዮጵያ ብሄራዊ ምርጫ ቦርድ ህጋዊ አካሄዶችን በተቃረነ መልኩ ጣልቃ በመግባት የፓርቲዉን ህልዉና አደጋ ላይ በሚጥሉ አካላት ላይ የተወሰነዉን ዉሳኔ በማያገባዉ ገብቶ ዉድቅ አድርጎብኛል በማለት ቅሬታዉን ለቲክቫህ ኢትዮጽያ አቅርቧል።
ፓርቲዉ ህጋዊ አካሄዶችን ተከትሎና በዉስጡ ሊያጠፉት የሚተጉ አባላቶችን ድርጊት መርምሮ የዲስፕሊን ግድፈት በሚል ከወራት በፊት የዉሳኔዉን ቃለ ጉባኤ ለምርጫ ቦርድ ማስገባቱን የሚያነሱት የፓርቲዉ ጽህፈት ቤት ሀላፊ አቶ ገነነ ሆሳና ከወራት መዘግየት በኋላ እንደገና ቃለጉባኤ ተጠይቀናል ይላሉ።
ይሁንና ቢሯችን በህገወጥ ሀይሎች ተሰብሮ ዶክሜንቶች በመወሰዳቸዉና አሁንም ወደቢሮ መግባት ባለመቻላችን በድጋሜ ቃለጉባኤ ማቅረብ አልቻልንም ብለዋል።
አቶ ገነነ አሁን ላይ አስራ ሁለቱ የፓርቲዉ ስራ አስፈጻሚ ከቢሮ ዉጭ በሆነበት ወቅት " ድጋሜ ቃለ ጉባኤ ካልመጣ " በሚል የምርጫ ቦርድ ዉሳኔያችን ዉድቅ ሊያደርግብን አይገባም በማለት የኢትዮጵያ ብሄራዊ ምርጫ ቦርድ ሀላፊን ለማነጋገር የተወከሉ የፓርቲዉ አመራሮች ቢላኩም " ሀሳባችሁን ለሌላ ጊዜ በደብዳቤ ይዛችሁ ተመለሱ " መባሉ በጣም አሳዝኖናል በማለት ቅሬታቸዉን አቅርበዋል።
በጉዳዩ ላይ በኮምዩኒኬሽን ክፍሉ በኩል ምላሽ የሰጠን የኢትዮጵያ ብሄራዊ ምርጫ ቦርድ እንደገለፀው የሲዳማ ፌደራሊስት ፓርቲ የኦዲትና ቁጥጥር ኮሚሽን በፓርቲውን ተቀዳሚ ሊቀ-መንበርና በሌሎች አራት የማዕከላዊ ኮሚቴ አባላት ላይ ሰኔ 5 ቀን 2015 ዓ.ም. የዕግድ ውሣኔ መስጠቱን አስታዉሷል።
ይኽ ውሣኔ በፓርቲው መተዳደሪያ ደንብ መሠረት ለፓርቲው የሥነ-ሥርዓት ኮሚቴ ቀርቦ ያለመታየቱንና ውሣኔውም የተሰጠው ሥልጣን በሌለው አካል መሆኑን ቦርዱ እንዳረጋገጠ ገልጿል።
በዚህም በፓርቲው መተዳደሪያ ደንብ አንቀጽ 36 እና ተከታዮቹ ደንቦች መሠረት እንዲኽ ዓይነት ውሣኔ በፓርቲው የሥነ-ሥርዓት ኮሚቴ የሚታይ መሆኑን በመግለጽ ቀድሞ የተሰጠውን የዕግድ ውሣኔ ውድቅ መደረጉን መስከረም 2 ቀን 2016 ዓ.ም. እና መስከረም 21 ቀን 2016 ዓ.ም በተጻፉ ሁለት ደብዳቤዎች ቦርዱ ለፓርቲው ማሳዎቁን ገልጿል።
ፓርቲው እነዚኽ ሁለት ደብዳቤዎች ሲደርሱት ጉዳዩን በሥነ-ሥርዓት ኮሚቴ እንዲታይ አድርጊያለሁ በማለት ቀደም ሲል ተቀዳሚ ም/ሊቀመንበሩን ጨምሮ በሦስቱ የማዕከላዊ ኮሚት አባላት ላይ የተሰጠው ከኃላፊነት አንስቻለሁ የሚል ውሣኔ በመቀየር ውሣኔ አስተላልፌያለሁ በማለት ኅዳር 15 ቀን 2016 ዓ.ም. በተጻፈ ደብዳቤ ለቦርዱ ገልጿል።
ቦርዱም ይኽ ደብዳቤ እንደደረሰው የፓርቲው የሥነ-ሥርዓት ኮሚቴ የተቋቋመው አግባብነት ያላቸውን ሕጎች ተከትሎ መሆኑን ለማረጋገጥ ይረዳው ዘንድ፤ ኮሚቴው የተፈራረመበት ቃለ-ጉባዔ እንዲቀርብለት የጠየቀ ሲሆን ይሁንና ቃለ-ጉባዔው ለቦርዱ እንዳልቀረበለት ለቲክቫህ ኢትዮጵያ አስረድቷል።
በመሆኑም ኮሚቴው ሰጠ የተባለው ውሣኔ ውድቅ እንዲሆን ተደርጓል።
በዚኽም የቦርዱ ውሣኔ ላይ የካቲት 11 ቀን 2016 ዓ.ም. የተጻፈ አቤቱታ ለቦርዱ ቀርቦ እየተመረመረ ይገኛል በማለት ምላሽ ሰጥቷል።
@tikvahethiopia
" ... በተደጋጋሚ የማስፈራሪያ ዛቻና ገዳሙን ለቃችሁ ውጡ የሚባሉ መልእክቶች ይደርሱ ነበር " - መጋቤ ካህናት ቆሞስ አባ ሃብተ ጊዮርጊስ አስራት
በኢትዮጵያ ኦርቶዶክስ ተዋሕዶ ቤተ ክርስቲያን የገዳማት አስተዳደር መምሪያ ኃላፊ መጋቤ ካህናት ቆሞስ አባ ሃብተ ጊዮርጊስ ዓሥራት የዝቋላ ደብረ ከዋክብት አቡነ ገብረ መንፈስ ቅዱስ ገዳም አባቶች ግድያ ዙሪያ ለተዋሕዶ ሚዲያ ማዕከል ቃላቸውን ሰጥተው ነበር።
ምን አሉ ?
- ከጥቃቱ በፊትም በተደጋጋሚ የማስፈራሪያ ዛቻና ገዳሙን ለቃችሁ ውጡ የሚባሉ መልእክቶች ይደርሱ ነበር።
➡ " ሁል ጊዜ ዛቻው ልቀቁልን ነው፤ ልቀቁልን ነው የሚሉን። ገዳሙን መነኮሳቱ ለቀው እነሱ ገብተው ሊቀድሱበት ይሁን ፣ሊያስተምሩበት ይሁን ፣ ሊያቆርቡበት ይሁን ምንም አይገባኝም "
- ከዚህ ግድያ ክስተት ቀደም ብሎ የገዳሙ መጠበቂያ መሣሪያና የመናንያኑ እህል በኃይል ተወስዷል። ገዳሙም እንዲራቆት ተደርጓል። የሚመለከተው አካል ለጉዳዩ ትኩረት ካልሰጠ ወደ ፊትም ከዚህ ያልተናነሰ ወንጀል በገዳሙ ሊፈጸም የማይችልበት ምክንያት አይኖርም።
- ምንም እንኳ ለቤተክርስቲያን አባቶች መደብደብ መሰደድና መገደል የነበረ ቢሆንም የአሁኑ ግን መሞታቸው ብቻ ሳይሆን አሟሟታቸውም ዘግናኝ ነበረ አስከሬናቸው እንኳ ተለቃቅሞ እንዲቀበር ነው የሆነው።
- ገዳማትን መጠበቅ የቤተክርስቲያኗ ኃላፊነት ብቻ ሳይሆን የመንግሥትም ኃላፊነት ነው መንግሥት ከፌደራል እስከ ክልል ባሉት የጸጥታ መዋቅሮቹ ገዳማትን እንደማንኛውም ተቋም ሊጠብቅ ይገባል።
- በሀገር ውስጥም ሆነ ከሀገር ውጭ ያሉ ምእመናን በአስከፊ ሁኔታ ውስጥ ለሚገኙት የዝቋላ ደብረ ከዋክብት አቡነ ገብረ መንፈስ ቅዱስ ገዳም መናንያን በገዳሙ ሕጋዊ አካውንት የኢትዮጵያ ንግድ ባንክ 1000011282222 (የዝቋላ ደብረ ከዋክብት አቡነ ገብረ መንፈስ ቅዱስ አንድነት ገዳም) ድጋፍ እናድርግ።
ቲክቫህ ኢትዮጵያ መረጃው የተ.ሚ.ማ መሆኑን ይገልጻል።
@tikvahethiopia
#Update
በጸጥታ ችግር ከኦሮሚያ ክልል የተለያዩ ዞኖች ተፈናቅለው በአማራ ክልል የሚገኙ ተፈናቃዮችን ወደዬ ቄያቸው ለመመለስ የቅድመ ዝግጅት ሥራዎች እየተሰሩ እንደነበር የኦሮሚያና አማራ ክልል የኮሚዩኒኬሽን ቢሮዎች በተደጋጋሚ ለቲክቫህ ኢትዮጵያ መግለጻቸው አይዘነጋም።
የክልሎቹ የኮሚዩኒኬሽን ቢሮዎች ከሁለት ወራት በፊት ሲገልጹ የነበረው፣ የጸጥታ ችግር የነበራቸውን የኦሮሚያ ክልል አካባቢዎች በቅድሚያ ሰላምን መስፈኑን በማረጋገጥ ተፈናቃዮቹ እንዲመለሱ የማድረግ ሥራ እንደሚከናውን ነበር።
ይህን ተከትሎም ከተፈናቃዮቹ መካከል በአማራ ክልል በሰሜን ሸዋ ዞን ደብረ ብርሃን መጠለያ ጣቢያ የሚገኙ ተፈናቃዮች አንዳንዶቹ “ ተገደን ” ነው፣ ሌላኛዎቹ ደግሞ “ በፈቃዳችን ” ነው ባሉት ንግግር ወደ ወለጋ እየተመለሱ መሆኑን ሰሞኑን ሲገልጹ ተስተውለዋል።
ለጉዳዩ ምን ምላሽ እንዳላቸው ከቲክቫህ ኢትዮጵያ ጥያቄ የቀረበላቸው የሰሜን ሸዋ ዞን አደጋ መከላከል ምግብ ዋስትና ጽሕፈት ቤት ኃላፊ አቶ አበባው መለሰ፣ “ ከኦሮሚያ ክልል ወደ አማራ ክልል የመመለስ ስለሆነ ፕሮግራሙን የያዘው፣ አመራርም መድቦ ሲያወያይ የቆዩት የፌደራልና የሁለቱ ክልሎች መንግሥታት ናቸው ” ብለዋል።
የኦሮሚያ ክልል ኮሚዩኒኬሽን ቢሮ ኃላፊ አቶ ኃይሉ አዱኛ ስልክ ለማንሳት ፈቃደኛ ባይሆኑም፣ “ አጠቃላይ መልሶ ማቋቋምን አስመልክቶ ሁለቱ ክልሎች በቅርቡ ይፋዊ መግለጫ ይሰጣሉ ” ሲሉ አጭር የፅሑፍ ምላሽ ሰጥተዋል።
የአማራ ክልል ቢሮ ኃላፊ መንገሻ ፈንታው (ዶ/ር) እና ምክትል ኃላፊ አቶ ወንድወሰን ለገሰ ተደጋጋሚ ስልክ ለማንሳት ፈቃደኛ ባለመሆናቸው፣ ተፈናቃዮች ከፊሎቹ " ተገደን ነው እየተመለስን ያለነው "፣ ከፊሎቹ ደግሞ " በፈቃዳችን ነው እየተመለስን ያለነው " የሚሉ ሀሳቦች ማቅረባቸውን በተመለከተ ምላሽ እንዲሰጡ ከቲክቫህ ኢትዮጵያ ለተላከላቸው የፅሑፍ መልዕክትም ምላሽ ለመስጠት ፈቃደኛ አልሆኑም።
በተጨማሪ ስለ ተፈናቃዮቹ ቅሬታ ምላሽ መስጠት ይችሉ እንደሆን ቲክቫህ ኢትዮጵያ ጥያቄ ያቀረበላቸው የአማራ ክልል አደጋ መከላከልና ምግብ ዋስትና ማስተባበሪያ ኮሚሽን የሕዝብ ግንኙነት ኃላፊ ወ/ሮ ፍቅሬ ሙሉጌታ በበኩላቸው፣ “ ተፈናቃዮች ከኦሮሚያ ክልል ከተለያዩ ዞኖች፣ ከሱዳንም፣ ከተለያዩ ቦታዎች ሰዎች እየተፈናቀሉ በመጠለያ እንዲሁም Host community ሆነውም የሚኖሩ አሉ ” ብለዋል።
“ ይሄን ደግሞ መንግሥት ትኩረት አድርጎ እየሰራበት ያለ ጉዳይ ነው” ያሉት ኃላፊዋ፣ “እናም ይሄ ከብዙ አካላት ጋር በቅንጅት የሚሰራ ጉዳይ፣ በከፌተኛ የሥራ ኃላፊዎች ተይዞ እየተከናወነ ያለ ጉዳይ ስለሆነ፣ እኛ በቂ ክልትትል ስሌለን፣ አሁንም ደግሞ ይሄ ነው ብለን ለሕዝብ የምንነግረው ያን ያክል ዝርዝር መረጃ ለእናንተ የምናደርሰው በአሁኑ ሰዓት አይኖረንም” ነው ያሉት ኃላፊዋ።
መረጃውን ያዘጋጀው የአ/አ ቲክቫህ ኢትዮጵያ ቤተሰብ አባል ነው።
@tikvahethiopia
#Infinix_Hot40
በአጭር ደቂቃ ስልኮን ፉል ቻርጅ ማድረግ የሚያስችል ቴክኖሎጂ የተገጠመለት አዲሱን ኢንፊኒክስ ‘Hot 40 pro’ የግሎ ያድርጉ!
#InfinixEthiopia #InfinixMobile #Infinix_Hot40 #Infinix_HotSeries
#Mekelle
በመቐለ የታገተ የ9 ዓመት ህፃን ልጅ ለማስለቀቅ 4 ሚሊዮን ብር ቢጠየቅም ልጁ ከ1 ሳምንት እግታ በኃላ በፓሊስና ህብረተሰብ ትብብር ነፃ ሊወጣ ችሏል።
ለመሆኑ እግታው እንዴት ተፈፀመ ?
ልጁ ሳሚኤል መሓሪ ከበደ ይበላል። ገና 9 ዓመቱ ነው። ነዋሪነቱ በዓይደር ክፍለ ከተማ ዓዲሓ ቀበሌ ነው።
ይኸው ልጅ አገር አማን ብሎ ቅዳሜና እሁድ በመንደሩ ከጓደኞቹ በመጫወትና በመቦረቅ ላይ እያለ በባጃጅ የመጡ ሰዎች አፍነው ወሰዱት።
ወላጆቹ ልጃችን ይመጣል ብለው ቢጠብቁም ብርሃን በጨለማ ተተክቶ የውሃ ሽታ ሆነባቸው።
ወደ ፓሊስ ቢያመለክቱም ፤ ወደ መንግስትና የግል የጤና ተቋማትና አብያተ ክርስትያናትም ጭምር ቢያፈላልጉ የሚወዱት ህፃን ልጃቸውን ማግኘት አልቻሉም።
ከቀናት ፍለጋ በኃላ የህፃኑ ቤተሰቦች ስልክ ተደወለላቸው።
አጋቾቹ ልጃቸው መታገቱንና እንዲለቀቅ ከተፈለገ 4 ሚሊዮን ብር እንዲከፍሉ ጠየቁ።
በዚህ መሀል ፓሊስ ብርቱ የክትትል እያደረገ ስለነበር ከሳምንት እልህ አስጨራሽ ፍለጋ በኃላ አጋቾቹ በቁጥጥር ስር ሊውሉ ችለዋል።
ህፃኑም ለህክምና ምርመራ ወደ ጤና ተቋም እንዲላክ ሆኗል።
በድርጊቱ እጃቸው አለበት የተባሉ 5 ተጠርጣሪዎች በቁጥጥር ስር ውለዋል።
መረጃው የመቐለ ፓሊስ ዛሬ ለጋዜጠኛች የሰጠውን ጋዜጣዊ መግለጫ ዋቢ በማድረግ ያደረሰን የመቐለው የቲክቫህ ኢትዮጵይም ቤተሰብ አባል ነው።
@tikvahethiopia
#ወጋገን_ባንክ
በማንኛውም ጊዜ እና ቦታ በሞባይል ስልክዎ ወጋገን ሞባይል መተግበሪያን ከፕለይስቶር ወይም ከአፕስቶር በማውረድ ምቾትዎ ተጠብቆ ሂሳብዎን ያንቀሳቅሱ። አገልግሎቱን ለማግኘት የወጋገን ባንክ ሂሳብ በመክፈት የወጋገን የሞባይል ባንክ አገልግሎት *866# ይመዝገቡ፡፡
ከዚያም ቀጣዩን ሂደት ይከተሉ፤
(ሀ) መተግበሪያውን ከአፕስቶር ወይም ጎግል ፕሌይስቶር በማውረድ ስልክዎ ላይ ይጫኑ፤
(ለ) ወደ *866# በመደወል “Activate Your Mobile Application” የሚለውን ይምረጡ፤
(ሐ) በአጭር ፅሁፍ መልዕክት አገልግሎቱን ማስጀመሪያ የአንድ ጊዜ የይለፍ ቃል (Activation Code) ሲደርስዎት መተግበሪያው ላይ ይህንኑ ሚስጥራዊ ቁጥር ያስገቡ፤
(መ) የሚስጥር ቁጥር በመቀየር አገልግሎቱን መጠቀም መጀመር ይችላሉ፡፡
ለተጨማሪ መረጃ: በ 866 ነፃ የስልክ መስመር ወደ ደንበኞች ግንኙነት ማዕከል ይደውሉ፣ ይስተናገዱ፡፡
Download now:
Android:https://play.google.com/store/apps/details?id=com.act.wegagen&hl
IOS:https://apps.apple.com/in/app/wegagen-mobile/id6472656143
" የሟቾች ቁጥር ከ8 ወደ 11 ከፍ ብሏል " - ኢስፔክተር ተስፋዬ ደምሴ
ወደ ሐዋሳ ጉዞውን እያደረገ በነበረ ተሽከርካሪ ላይ በደረሰው አደጋ የሟቾች ቁጥር 11 መድረሱን የሐዋሳ ከተማ ፖሊስ ለቲክቫህ ኢትዮጵያ ገልጿል።
ትላንት ማምሻውን መነሻውን ከአርባ ምንጭ አድርጎ ወዘ ሐዋሳ እያመራ የነበረ ተሽከርካሪ በዎላይታ ዞን በዱጉና ፋንጎ ወረዳ ፋንጎ ኮይሻ ቀበሌ ልዩ ቦታው " ዞንጋ " በተባለው ቦታ አስከፊ አደጋ እንደደረሰበት ይታወቃል።
በዚህም አደጋ የሟቾች ቁጥር ከ8 ወደ 11 ከፍ ብሏል።
የሀዋሳ ከተማ የትራፊክ ፖሊስ ኃላፊዉ ኢንስፔክተር ተስፋዬ ደምሴ ዛሬ ጥዋት ለቲክቫህ ኢትዮጵያ በሰጡት ቃል ፤ በመኪናው ውስጥ ከነበሩት ውስጥ አብዛኛው ወጣት የጤና ቡድን አባላት መሆናቸዉን ገልጸው የደረሰዉ አደጋ ከፍተኛ ሀዘን መፈጠሩን ገልጸዋል።
ትናንት ከተገለጸዉ 8 ሰዎች በተጨማሪ ሆስፒታል ከደረሱ በኋላ 3ቱ ማለፋቸዉን ተከትሎ የሟቾች ቁጥር 11 መድረሱን ገልጸዋል።
ኢስፔክተር ተስፋዬ ፤ " የጤና ቡድኑን ይዞ ይጓዝ የነበረዉ መኪና የፍሬን ችግር እንደነበረበት መረጃ ደርሶኛል " ያሉ ሲሆን አደጋው የደረሰው በዎላይታ ዞን ስር በመሆኑ ዝርዝር መረጃ ከመስጠት ተቆጥበዋል።
አሁን ላይ በሀዋሳ ያኔት ሆስፒታል ውስጥ 2 ሰዎች በጽኑ ህክምና ክትትል ዉስጥ ሲሆኑ ከ5 በላይ ሰዎች ቀላል ጉዳት በማስተናገዳቸዉ ህክምና ተደርጎላቸዉ መሄዳቸው ተሰምቷል።
አስከፊ በተባለው በዚህ የትራፊክ አደጋ ህይወታቸው ያለፈው የጤና ስፖርት ቡድን አባላት ወጣቶች በሀዋሳ ከተማ ነዋሪ የሆኑና ከማህበረሰቡ ጋር ተግባቢ ፣ በፀባያቸው በስራቸው ፣ በማህበራዊ ኑሯቸው በነዋሪዎች ዘንድ እጅግ የሚወደዱ እንደሆኑ ቲክቫህ ኢትዮጵያ ተረድቷል።
በተከሰተው አደጋ እና በጠፋው የሰው ህይወት ምክንያት ከተማዋ የሀዘን ማቅ ለብሳለች ሲሉ የከተማው ነዋሪዎች ለቲክቫህ ኢትዮጵያ ተናግረዋል።
መረጃዉን አጠናክሮ የላከዉ የሀዋሳዉ ቲኪቫህ ቤተሰብ አባል ነዉ
@tikvahethiopia
#Oromia
ዛሬ ሌሊት ላይ በቢሾፍቱ ከተማ ፤ ዱከም ክፍለ ከተማ በደረሰ የትራፊክ አደጋ የ7 ሰዎች ሕይወት አልፏል።
አደጋው አንድ ሲኖትራክ ተሽከርካሪ ከሁለት ሚኒባሶች እና አንድ ላንድ ክሮዘር መኪና ጋር በመጋጨቱ ነው የተከሰተው፡፡
በተከሰተው አደጋ የ7 ሰዎች ሕይወት አልፏል።
በተጨማሪም 11 ሰዎች ከባድ ጉዳት ደርሶባቸው በቢሾፍቱ ሆስፒታል የሕክምና ክትትል እየተደረገላቸው ነው።
የአደጋው መንስኤ እየተጣራ ነው ተብሏል።
መረጃው የቢሾፍቱ ከተማ ኮሚኒኬሽን ነው።
@tikvahethiopia
#OROMIA
የኢትዮጵያ ሰብአዊ መብቶች ኮሚሽን፤ በኦሮሚያ ክልል በተለይ ከመስከረም 1 ቀን 2014 ዓ.ም. እስከ ጥቅምት 30 ቀን 2016 ዓ.ም. ባሉት 2 ዓመታት ያደረገውን ክትትል እና ምርመራ መሠረት በማድረግ ከሕግ/ከፍርድ ውጪ የሆኑ እና በሲቪል ሰዎች ላይ የሚፈጸሙ ግድያዎች በከፍተኛ ደረጃ አሳሳቢ መሆናቸውን በማመላከት በተለይ የክልሉ እና የፌዴራል የጸጥታ አካላት ተገቢውን ምርመራ በማድረግ ተጠያቂነት ማረጋገጥን ጨምሮ ዘላቂ መፍትሔ በአስቸኳይ እንዲሰጡ ጥሪ አድርጓል።
ይህን ጥሪ ያደረገው የሁለቱን ዓመታት ግኝቶች ይፋ ባደረገበት ባለ 11 ገጾች ሪፖርት ነው።
ኢሰመኮ ፦
➡ የመንግሥት የጸጥታ ኃይሎች፣
➡ የኦሮሞ ነጻነት ሰራዊት (በተለምዶ “ኦነግ ሸኔ” በመባል የሚጠራው)
➡ ኢ-መደበኛ የሆኑ የአማራ ታጣቂዎች ዓለም አቀፍ እና ሀገር አቀፍ የሰብአዊ መብቶች እና የሰብአዊነት ሕጎችን በመጣስ በግጭት ወይም በውጊያ ዐውድና ከውጊያ ዐውድ ውጭ #በርካታ ሲቪል ሰዎችን ከሕግ ወይም ከፍርድ ውጪ መግደላቸውን አረጋግጧል።
በኦሮሚያ የተለያዩ አካባቢዎች በሲቪል ሰዎች ላይ ለሚደርስ የመብቶች ጥሰት እንደ ዋነኛ ምክንያት የተገለጸው ፦
* በመንግሥት የጸጥታ አካላት በኩል " ለታጣቂ ቡድኖች መረጃ እና ሎጂስቲክስ ታቀርባላችሁ፤ የቡድኑ አባል ናችሁ " በሚል ምክንያት ነው።
* በኦሮሞ ነጻነት ሰራዊት (በተለምዶ "ኦነግ ሸኔ") በኩል " ለመንግሥት መረጃ ትሰጣላችሁ፣ የቤተሰብ አባላችሁ በመንግሥት ጸጥታ ኃይል ውስጥ እያገለገለ ነው ወይም ከእኛ ጋር በመሆን አልታገላችሁም/ድጋፍ አላደረጋችሁም " በሚል ምክንያት ሲቪል ሰዎችን ማጥቃት፣ ማንገላታት፤ ማገት እና ከፍተኛ ገንዘብ እንዲከፍሉ ማድረግ ነው።
* በኢ-መደበኛ የአማራ ታጣቂዎች ከአማራ ክልል ጋር በሚዋሰኑ የኦሮሚያ ክልል አካባቢዎች የአካባቢውን ነዋሪዎች በጅምላ " በኦነግ ሸኔነት " በመፈረጅ እና የክልሉ አንዳንድ አካባቢዎች ላይ የመሬት ይገባኛል ጥያቄዎችን በማንሳት በሲቪል ሰዎች ላይ ሞት፣ የአካል ጉዳት፣ ዘረፋ እና ማፈናቀል እንደሚፈጸም ኮሚሽኑ ተገንዝቧል፡፡
(ሙሉ ሪፖርቱ ከላይ ተያይዟል)
@tikvahethiopia
የተረክ በM-PESA የዕጣ ሽልማት ሊያልቅ 1 ወር ብቻ ቀርቶታል! አልሰማንም የሚልን እንዳይኖር!
የመጨረሻዋ መኪና ሌሎች ዕጣዎችን ጨምሮ እናንተን እየጠበቀ ነው። ውሰዱት እንጂ!
M-PESA ላይ እንመዝገብ፣ በM-PESA እንገበያይ፣ ቀጣይ እድለኛ አሸናፊዎች እንሁን።
🔗 የM-PESA ሳፋሪኮም መተግበሪያ በዚህ ሊንክ እናዉርድ: https://bit.ly/M-PESA_SafaricomEthiopia
ስለ አገልግሎታችን ማንኛውንም ጥያቄ ወይም መረጃ በቴሌግራም የቻት ግሩፕ @SafaricomETForum እንዲሁም @SafaricomETCare
24/7 መጠየቅ ይቻላል!
#SafaricomET
#FurtherAheadTogether
#MPESASafaricom #TerekBeMPESA
#FurtherAheadTogether
ወደ ሐዋሳ እያመራ በነበረ ተሽከርካሪ ላይ በደረሰ የትራፊክ አደጋ የ8 ሰዎች ህይወት ተቀጠፈ።
በዎላይታ ዞን በዱጉና ፋንጎ ወረዳ ፋንጎ ኮይሻ ቀበሌ ልዩ ቦታው " ዞንጋ " በተባለው ቦታ ማምሻውን አስከፊ የትራፊክ አደጋ ደርሷል።
በዚህም አደጋ የ8 ሰው ሕይወት መቀጠፉ ተሰምቷል።
አደጋው የደረሰው በዛሬው ዕለት ምሽት 12:30 ገደማ መነሻውን ከአርባምንጭ ከተማ አደርጎ ወደ ሐዋሳ ከተማ በመጓዝ ላይ የነበረ የሰሌዳ ቁጥር " ኮድ 3 A 01784 " ተሽከርካሪ በመገልበጡ ነው።
በመኪናው ውስጡ የነበሩት የጤና ቡድን #ስፖርተኞች (ከተለያዩ ከመንግሥት ሠራተኞች እና ከባለሀብት የተወጣጡ) ሲሆኑ ከመካከላቸው የ8 ሕይወታቸው ሲያልፍ፣ 13 ከባድእና በ6ቱ ቀላል የአካል ጉዳት ደርሶባቸዋል።
በዎላይታ ዱጉና ፋንጎ ወረዳ ከፋንጎ ሁምቦ ቀበሌ እስከ ድምቱ እንዲሁም ከኤቱና ዳገት እስከ ቀርጨጬ ከተማ ድረስ ያለውን ጠመዝማዛና ቁልቁለታማ መንገድን በከፍተኛ ጥንቃቄ የሚያስፈልግበት ነው ተብሏል።
ቲክቫህ ኢትዮጵያ መረጃውን ከዎላይታ ዞን ኮሚኒኬሽን ነው ያገኘው።
@tikvahethiopia
#Infinix_Hot40
ውበት እና ዘመናዊነት በአዲሱ ኢንፊኒክስ ‘Hot 40 pro’ ይገለጻል!
#InfinixEthiopia #InfinixMobile #Infinix_Hot40 #Infinix_HotSeries
#መቐለ
ባለፈው የካቲት 14 ቀን 2016 ዓ/ም ሌሊት በትግራይ መቐለ ከተማ ዓይደር ከፍለ ከተማ በተለምዶ " ሓሚዳይ የኢንዱስትሪ መንደር " ተብሎ በሚጠራ ቦታ በቡድን የተደራጁ ዘራፊዎች የተጠና ስርቆት ሊፈፅሙ ሲሉ ተደርሶባቸው አምልጠዋል።
በወቅቱ ይህ መረጃ የደረሰው የመቐለ የቲክቫህ ኢትዮጵያ ቤተሰብ አባል ቦታው ድረስ በመሄድ ጉዳዩን ተከታትሏል።
ድርጊቱ እንዴት ተፈፀመ ?
የካቲት 14/2016 ዓ.ም ከሌሊቱ 8:00 ሰዓት የተደራጁ ዘራፊዎች በሁለት አቅጣጫ #ጠባቂ_በመመደብ የተቀሩት በከፍታ ቦታ የተሰቀለው ባለ 400 ኪሎ ቮልት ትልቅ ትራንስፎርመር መሳልል በመጠቀም ወደ መሬት ለማውደቅ ይጥራሉ።
በዚህ መሃል በአከባቢው የነበረ ጥብቃ ማንነታቸው ሲጠይቃቸው ዘራፊዎቹ የመንግስት ስራ በመስራት ላይ መሆናቸውንና ከማደናቀፍ ተቆጥቦ ስራውን እንዲሰራ ያስጠነቅቁታል።
ብዛት ያላቸው መሆናቸው የተገነዘበው የጥበቃ ባለሞያ ትእዛዛቸው ተቀብሎ የሄደ በመምሰል ራቅ ወዳለ ቦታ በመሄድ በአካባቢው ከሚያውቃቸው ጥበቃዎች ወደ አንዱ ስልክ ይደውላል።
በዚህ መሃል ዘራፊዎቹ ትራንስፎርመሩ ከነበረበት ከፍታ ቦታ ወደ መሬት በመጣል የሚፈልጉት የውስጥ አካል ለመዝረፍ በጥድፍያ ይሰራሉ።
በዚህ ሰዓት በፀጥታ የተዋጠው አከባቢ በጥይት #ቶክስ እና በጥሩምባ ድምፅ ይረበሻል።
ዘራፊዎቹ እጅግ ከመደንገጣቸው የተነሳ የጀመሩት ሳይጨርሱ በሩጫ በትንትናቸው ይወጣል።
በአከባቢው በነበሩ የጥበቃ ሰራተኞች ጥረት ስርቆቱ ከመፈፀም ቢድንም ትራንስፎርመሩ ከከፍታ ወደ መሬት ተከስክሶ ከጥቅም ውጪ ሆኗል።
የስርቆት ሙከራው ወደ ፓሊስና የኤሌክትሪክ ሃይል አገልግሎተ ሪፓርት ተደርገዋል።
ፖሊስ ተጠርጣሪዎችን ለመያዝ እያፈላለገ ነው።
የኤሌክትሪክ ሃይል የቴክኒክ ቡድን ከስርቆት አምልጦ መሬት ላይ ወድቆ የተከሰከሰው ትራንስፎርመር ተጥግኖ መልሶ አገልግሎት መስጠት ይችል እንደሆነ እየሰራበት ነው።
የስርቆት ሙከራው የተካሄደበት ቦታ ሓሚዳይ የተባለ የኢንዱስትሪ መንደር ፡ ቀን ሰውና ተሽከርካሪ የሚበዛበት ፤ ጨለማ ሲሆን ደግሞ በሰው እጦት ፀጥታ የሚሰፍንበት ነው።
የስርቆት ሙከራው ሲፈፀም በመቐለ በንፋስ ምክንያት በበርካታ አከባቢዎች የኤሌክትሪክ አገልግሎት መቋረጥ ስለነበረ ለስርቆቱ አመቺ ሁኔታ ሳይፈጥርላቸው አልቀረም ተብሏል።
ቃላቸውን ለቲክቫህ ኢትዮጵያ የሰጡ ገለሰብ ፤ የስርቆት ሙከራው ተራ ስርቆት ሳይሆን በኤሌክትሪክ ሃይል ሰራተኞች የታገዘ የባለሙያ ስርቆት ነው የሚል ጥርጣሬ እንዳላቸው ገልጸዋል።
የትራንስፎርመር ስርቆት ሙከራው ምን ያለመ ነበር ?
የመቐለ የቲክቫህ ቤተሰብ አባል ስርቆቱ ለምን አላማ እንደተፈፀመ ለአንድ የኤሌክትሪክ ሃይል የቴክኒክ ባለሞያ ጥያቄ አቅርቦ ነበር።
ባለሞያው ፦
- ይህ መሰል ሰርቆት በተለይ በጦርነቱ ጊዜ እጅግ የተባባሰ እንደነበረ ፤ ሰርቆቱ በትራንስፎርመሩ ውስጥ የሚገኘው ፈሳሽ ዘይትና ኬብል ለመውሰድ ያለመ መሆኑን፤
- ከትራንስፎርመሩ የሚቀዳ ዘይት ከነዳጅ ጋር ተቀላቅሎ ጥቅም ላይ እንደሚውል ፣ ኬብሉ ደግሞ ቀልጦ ከወርቅ ተደባልቆ እንደሚሰራና በተጨማሪ ለብየዳ ስራ እንደሚውል ፤
- አሁን ስርቆቱ በተፈፀመበት ቦታ በጦርነቱ ጊዜ 800 ኪሎ ቮልት ያለው በአከባቢው የሚገኙ ኢንዱስትሪዎችና ፋብሪካዎች የሚጠቀሙበት ትልቅ ትራስፎርመር በመፍታት በወስጡ ያለው ዘይት በመዘረፉ ምክንያት ተቃጥሎ ከጥቅም ውጭ በመሆኑ በመንግስት ላይ ከፍተኛ ኪሳራ መደረሱን ገልጸዋል።
#TikvahFamilyMekelle
@tikvahethiopia
📣 ሰምተዋል?
በማንኪያ ሲሉ በጭልፋ ፤ በጭልፋ ሲሉ በአካፋ!
👉 ከጥር 6 እስከ መጋቢት 22 ድረስ ከሚጠቀሙት ፓኬጅ ከፍ ካሉ በእኛ ወጪ ወደ ቀጣዩ ትልቅ ፓኬጅ ለአንድ ወር ከፍ ይላሉ!
⏰ ይህ አገልግሎት ክፍያ ከፈፀሙ ከ48 ሰዓት በኋላ ተግባራዊ ይሆናል።
*ደንብና ሁኔታዎች ተፈፃሚነት አላቸው።
የዲኤስቲቪ አገልግሎቶችን ለማግኘት ከታች ያለውን
የMyDStv Telegram ሊንክ ይጫኑ!
👇👇👇
https://bit.ly/2WDuBLk
#ሁሉምያለውእኛጋርነው #DStvEthiopia #StepUp
" ሰው በእሳት አይተዳደርም " - ጃርሶ ዱጎ
ከቀናት በፊት 75ኛው የጉጂ አባገዳ በመሆን ለቀጣይ 8 ዓመታት ኃላፊነቱን የተረከቡት ጃርሶ ዱጎ ስለ ሰላም ምን አሉ ?
አባገዳ ጃርሶ ዱጎ ፦
" የተሰጠኝ ኃላፊነት ቀላል አይደለም። ገዳ ደግሞ ሰላም ነው። ከችግር እና መከራ መውጫ መንገድም ጭምር።
ባለፈው የገዳ ሃርሙፋ የሥልጣን ዘመን ቀዳዳዎች ነበሩ። ሰው መግባባት ተሳነው። ሰው ተቀምጦ ማረስ ህይወቱን መምራት አለበት። ለዚህ ደግሞ ሰላም መሰረት ነው። ሰላም ማስፈን ከቻልን ጉጂ በሰላም ያድራል። ኦሮሞ ሁሉ ሰላም ይሆናል።
የተሰጠንን ኃላፊነት ይዘን ይህን ህዝብ ማስተዳደር እንዲቻለን በሰላም ላይ ነው በአጽንኦት መሥራት ያለብን።
ሰላም መውረድ አለበት። ተመካክረን ሰላም ማምጣት የግድ ነው። ጦርነት መልካም ነገር አይደለም። ሰው በእሳት አይተዳደርም። ተደማምጠን ይህን ገዳ ሮባሌን የጥጋብና የሰላም ማድረግ አለብን።
... በዚህ ገዳ አገዛዝ ውስጥ ምንም አይነት የጥይት ድምጽ እንዳይሰማ ገዳ ጦርነት ሳይሆን ሰላም ያውጃል። "
@tikvahethiopia
#Infinix_Hot40
የሚወዷቸውን ጌሞች በልዩ ጥራት እና ፍጥነት በአዲሱ ኢንፊኒክስ ‘Hot 40 pro’ ስልክ ይጫወቱ!
#InfinixEthiopia #InfinixMobile #Infinix_Hot40 #Infinix_HotSeries