1519094
ይህ የቲክቫህ (ተስፋ) ኢትዮጵያ ቤተሰብ አባላት መሰባሰቢያ እንዲሁም የመረጃ እና የመልዕክት መለዋወጫ መድረክ ነው። @tikvahuniversity @tikvahethAfaanOromoo @tikvahethmagazine @tikvahethsport @tikvahethiopiatigrigna #ኢትዮጵያ
የኤሌክትሪክ አገልግሎት ተደራሽነት ውስንነት በቤንሻንጉል ጉሙዝ ክልል ፦
ያንብቡ https://telegra.ph/Tikvah-Ethiopia-03-08
#አቢሲንያ_ባንክ
ዓለምአቀፍ የሴቶች ቀን (ማርች 8) ምክንያት በማድረግ የተዘጋጀውና የተለያዩ ውድድሮችን ያካተተው 3ኛው ዙር “እችላለሁ”ዘመቻ በይፋ ተጀምረ!
ባንካችን አቢሲንያ የሴቶችን የፋይናንስ አካታችነት (Financial Inclusion) ለማሻሻል በሚደረጉ ጥረቶች ውስጥ የበኩሉን አስተዋፅኦ ለመወጣት ለሴቶች የተሻለ ጥቅም የሚያስገኙ አደይና ዛሃራ የተሰኙ የሴቶች የቁጠባ ሂሳቦችን ማቅረቡ ይታውቃል፡፡
አገልግሎቱን መሰረት በማድረግ በየአመቱ የሚከበረውን ዓለምአቀፍ የሴቶች ቀን (ማርች 8) አስመልክቶ ለሶስትኛ ጊዜ እችላለው በሚል መሪ ቃል የተዘጋጀ ውድድር ይፋ አድርጓል።
ውድድሩ የካቲት 29 እስከ መጋቢት 14 ቀን 2016 ዓም. ድረስ በሶስት የተለያዩ የውድድር ዘርፎች የሚካሂድ መሆኑን አስታውቋል። #ICAN
" በትግራይ ከተሞች የሚታየው የፀጥታ ስጋት ልዩ ትኩረት ያሻዋል " - ነዋሪዎች
በሳምንት ውስጥ 2 ወጣቶች ተገድለዋል ፤ ገዳዮቹ አስከ አሁን አልተያዙም።
በመቐለ ከተማ በሳምንት ውስጥ 2 ወጣቶች " ማንነታቸው አልታወቀም " በተባሉ ሰዎች መገደላቸውን የመቐለው የቲክቫህ ኢትዮጵያ ቤተሰብ አባል የላከው መረጃ ያሳያል።
ሟቾች በክልሉ ጦርነት በነበረበት ወቅት በትጥቅ ትግል ተሳታፊ የነበሩ ናቸው ተብሏል።
ወጣት በሪሁ ኪዱ ባለፈው ሳምንት ሌሊት ላይ ተገድሎ መንገድ ላይ ተጥሎ የተገኘ ሲሆን ፤ ወጣት ሃይሉሽ መሰረት ደግሞ የካቲት 28 /2016 ዓ.ም ሌሊት በመዝናኛ ቦታ " ማንነታቸው አልታወቀም " በተባሉ ሰዎች #በቢላዋ ተወግቶ ተገዷል።
ቃላቸውን የሰጡ የመቐለ ነዋሪዎች ፤ ገዳዮቹ አለመያዛቸው እጅግ እንዳሳሰባቸው ገልጸው በትግራይ ከተሞች የሚታየው የፀጥታ ስጋት ልዩ ትኩረት ያሻዋል ብለዋል።
መረጃውን አዘጋጅቶ የላከው የመቐለው የቲክቫህ ቤተሰብ አባል ነው።
@tikvahethiopia
መልካም የሴቶች ቀን!
እርስዎ ዛሬ አድንቆታችሁን እንዲያውቁላችሁ የምትፈልጉትን ሴቶች ታግ ያድርጓቸው።
የሀገራችን ምርጥ ተዋናይቶች በአቦል ቲቪ ቻናል ቁጥር 465 ይከታተሉ!
የዲኤስቲቪ አገልግሎቶችን ለማግኘት ከታች ያለውን የMyDStv Telegram bot ሊንክ ይጫኑ!
👇
https://bit.ly/2WDuBLk
#ሁሉምያለውእኛጋርነው #DStvEthiopia
#Update
የደብረ ብርሃን 2 - ሸዋ ሮቢት - ኮምቦልቻ ባለ 230 ኪሎ ቮልት የከፍተኛ ኃይል ማስተላለፊያ መስመር ተጠግኖ ማምሻውን ሥራ መጀመሩን የኢትዮጵያ ኤሌክትሪክ ኃይል አሳውቋል።
በሸዋ ሮቢት አቅራቢያ ጉዳት ደርሶበት የነበረው የከፍተኛ ኃይል ማስተላለፊያ መስመር በመጠገኑ ካለፈው እሁድ ጀምሮ ኃይል ተቋርጦባቸው የነበሩ የአፋር መዲና ሠመራን ጨምሮ በሰሜን ምሥራቅ የሚገኙ ከተሞች ዳግም ኃይል አግኝተዋል ብሏል።
በአሁኑ ሰዓት ኤሌክትሪክ ተቋርጦባቸው የቆዩት ሁሉም የሰሜን ምሥራቅ ከተሞች ኤሌክትሪክ ዳግም አግኝተዋል ተብሏል።
@tikvahethiopia
የግጭት ዳፋ በትምህርት ተቋማት !
(በጋዜጠኛ ኢዮብ ትኩዬ የተዘጋጀ)
ተማሪ ፀሐይ አፈወርቅ (ለዚህ ዘገባ ስሟ ተቀይሯል) በቤንሻንጉል ጉሙዝ ክልል ካማሺ ዞን ታጣቂዎች ሲሰነዝሩት በነበረው ጥቃት በወደመ ትምህርት ቤት በመማር ትምህርቷን ላለማቋረጥ የምትፍገመገም ተማሪ ነች።
ታዳጊዋ ለቲክቫህ ኢትዮጵያ በሰጠችው ቃል ምን አለች ?
" ትምህርት ቤቴ ስለፈረሰ የተሟላ አይደለም፣ ግን መማር እፈልጋለሁ።
የምማርበት ትምህርት ቤት በግጭት ምክንያት ከመውደሙ በፊት በተሟላ መቀመጫ ወንበር፣ ላይብረሪ፣ ኮምፒዩተሮች እንማር ነበር።
የምንማርበት ትምህርት ቤት መፈራረሱ ለትምህርት ያለኝን ልዩ ፍላጎት ስላልገደበው ብፍጨረጨርም ፣ ባልተሟላ ትምህርት ቤት መማር ከትምህርት አቀባበል ጀምሮ አንዳች አሉታዊ ተፅዕኖ ይፈጥራል።
ውድድሩ በቴክኖሎጂ በሆነበት ዓለም ከቴክኖሎጅ ርቆ መማር ለአሁኑ ካለመማር ቢሻልም፣ ለችግሩ መፍትሄ ካልተሰጠው ደግሞ ለወደፊት ግን በዚህ መልኩ ከመማር አለመማር ሊሻል የሚችልበት ደረጃ እንዳይደረስ እሰጋለሁ።
በምንማርበት ትምህርት ቤት እንደቀድሞው የመማር ማስተማር ቁሳቁሶች እንዳልነበሩ ሆነዋል። ይህም አንዱ የግጭት አስከፊ ገጽታ የሚያስገነዝብ ነው።
ትምህርቷን ላለማቋረጥ የቻልኩትን እያደረኩ ነው። ቢሆንም ቁሳቁስ ባልተሟላበት ትምህርት ቤት መማራችንን ተከትሎ በርካታ ተማሪዎች የትምህርት አቀባበላቸው እየተሸረሸረ ይገኛል። "
ያንብቡ ፦ https://telegra.ph/TikvahEthiopia-03-07
@tikvahethiopia
#DStv
ቀላል እና ፈጣን መላ ለዲኤስቲቪ ደንበኞች በሙሉ!
ወደ ዲኤስቲቪ የጥሪ ማዕከል ሳይደውሉ በማንኛውም ሰዓት በሞባይልዎ *9299# በመደወል እና My DStv App ስምዎንና የስማርት ካርድ ቁጥርዎን አስገብተው የዲኤስቲቪ ክፍያ መጠንዎንና ቀኑን በቀላሉ ለማወቅ ፓኬጅ ለመቀየር ብሎም በቴሌብር ፣ በሲቢኢ ብር እና በአዋሽ ብር መክፈል ይችላሉ።
የMyDStv Telegram ሊንክ ይጫኑ!
👇👇👇
https://bit.ly/2WDuBLk
የፕሌይ ስቶር ሊንክ ይጫኑ!
👇👇👇
https://bit.ly/3qJ95Us
የአፕ ስቶር ሊንክ ይጫኑ!
👇👇👇
https://bit.ly/45hIwEU
በተጨማሪም ስለ አገልግሎታችን ጥራት በሚደርስዎት የፅሁፍ መልዕክት ላይ ሊንኩን በመጫን መጠይቁን እንዲሞሉ በትህትና እንጠይቃለን።
ይሞክሩትና የማይጠገብ የመዝናኛ አማራጭ ያለማቋረጥ ያጣጥሙ ፤ የእርስዎንም አስተያየት ያጋሩ!
#ሁሉምያለውእኛጋርነው #DStvEthiopia #DStvSelfServiceET'
ቢጂአይ-ኢትዮጵያ መግለጫ ሰጠ።
በቢጂአይ-ኢትዮጵያ እና በፐርፐዝ ብላክ ኢትዮጵያ መካከል ሲካሄድ የቆየው አ/አ #ሜክሲኮ የሚገኘው የቢጂአይ-ኢትዮጵያ ዋና መስሪያ ቤት ህንፃ ሽያጭ ድርድር ውል ለማሰር ባለመቻሉ ሂደቱ መቋረጡን ተከትሎ ከሁለቱም ወገን መግለጫዎች መውጣታቸው ይታወሳል።
ቢጂአይ ኢትዮጵያ ውሉ ስለመቋረጡ ከገለጸ በኋላ ፐርፐዝ ብላክ ኢትዮጵያ በሰጠው መግለጫ ላይ በተነሱ ጉዳዮች ዙሪያ የቢጂአይ-ኢትዮጵያ ህግ ክፍሉ ዳይሬክተር አቶ ነጋ ምህረቴ እንዲሁም የህግ አማካሪ የሆነው "ምህረታብ እና ጌቱ አድቮኬትስ ኤል ኤል ፒ" መግለጫ ሰጥተዋል።
በመግለጫው ላይ የተነሱ ጉዳዮች ምንድናቸው ?
- የድርድር ሂደቱ 8 ወራት ፈጅቷል። ቀድመን የተፈራረምነው የቀብድ ውል ነው። የቀብድ ውሉ የጊዜ ገደቡ ሦስት ወር ቢሆንም በእኛ በኩል በቅንነት 8 ወራት ጠብቀናል።
- ቀብድ ውሉን ከተፈራረምን በኋላ በእኛ በድርጅታችን ኃላፊ ጭምር እንዲሁም የመክፈል አቅም እንዳላቸው በተደጋጋሚ ማስረጃ እንዲሰጡን ብንጠይቅም እንከፍላለን ከሚል ደብዳቤ በስተቀር የሚጠበቅባቸውን ብር ለመክፈል አቅም እንዳላቸው ማስረጃ ማቅረብ አልቻሉም።
- ግብር ለመክፈል ወደኋላ የምንል አይደለንም። የሚሸጠውም ህንጻ እዳ ያለበት አይደለም ቢጂአይ እዳ ያለበት ንብረት ለሽያጭ አያቀርብም።
- ካፒታል ጌን ኪሊራንስ ለማውጣት በቅድሚያ የሽያጭ ውል መሟላት አለበት። ይህ በሌለበት ሁኔታ ክሊራንስ ማውጣት አንችልም። ይህ በህጉ የተቀመጠ የታወቀ አሰራር ነው። ቢጂአይ ክሊራንስ ለማምጣት ዝግጁ ቢሆንም ነን በቀብድ ውሉ በተጠቀሰው መሰረት በቅደም ተከተል በተቀመጠው መሰረት የሽያጭ ውሉ ላይ መስማማት ያስፈልጋል። የተለያዩ ውይይቶች ቢደረግም እሱን መፈረም አልቻሉም።
- በቀብድ ውሉ መሰረት የተከፈለው 1 ቢሊዮን ብር +15 VAT ሲሆን ቀጣዩን ክፍያ ለመክፈል የሽያጭ ውሉን መፈረም እንዲሁም በውልና ማስረጃ ሌሎች የሚያስፈልጉ ዶክመንቶች ቀርቦ እንዲጸድቅ ይጠበቃል። ይህንን ለማድረግ ከሚያስፈልገው አንዱ የሽያጭ ውል ሲሆን ፐርፐዝ ብላክ ኢትዮጵያ ይህንን መፈረም ባለመቻሉ ውሉን ለማቋረጥ ተገደናል።
- ከፐርፐዝ ብላክ ጋር ያለን ውል ተቋርጧል። ዳግም ተመልሰን የምንደራደርበት ነገር የለም። ይህ ውል ከተጠናቀቀ በኋላ ህንጻውን የመሸጥ አሁንም ፍላጎት አለን።
#TikvahFamilyAddisAbaba
@tikvahethiopia
#AmazonFashion
አማዞን ፋሽን ከታች ባለው ቲክቶክ ኣካውንታችንን ፎሎው በማረግ የ 20ሺ ብር ሽልማት ላይ ይሳተፉ::
ሙሉ ልብስ ኮት ሸሚዝ አና ጨርቅ ሱሪ በታላቅ ቅናሽ
ስልክ ፦0919339250/ 0911072936
አድራሻ፦ ፒያሳ Down Town ህንፃ ምድር ላይ እና 2ኛ ፎቅ
👉amazonfashionethiopia?_t=8j8DJ50UqhR&_r=1" rel="nofollow">https://www.tiktok.com/@amazonfashionethiopia?_t=8j8DJ50UqhR&_r=1
#Ethiopia
የሀገር መከላከያ ሚኒስትሩ ዶክተር አብርሃም በላይ ከብሄራዊ ቴሌቪዥን ጋር በነበራቸው ቆይታ ከሰላም ስምምነቱ በኃላ አሁንም በኢትዮጵያ፣ የትግራይ መሬት ስለሚገኙ የ " ሻብዕያ ሰራዊት " ኃይሎች ተጠይቀው ነበር።
እሳቸውም ፦
" ከፕሪቶሪያ የሰላም ስምምነት በፊት በበርካታ የትግራይ አከባቢዎች የሻዕብያ ሃይል ገብቶ ነበር ፣ ከስምምነቱ በኋላ እንዲወጣ ተደርጓል።
አሁንም #የተቀሩ_ቦታዎች ካሉ ቦታዎቹ እና ቀበሌዎች ከፌደራል እና ከትግራይ ጊዚያዊ አስተዳደር የተውጣጣ ቡድን በዝርዝር አጥንቶ እንዲያቀርብና መፍትሄ እንዲሰጠው እየሰራን ነው። ሁሉም ልክና መስመር ይይዛል !! " ሲሉ መልሰዋል።
@tikvahethiopia
#Update
የባሕር ዳር ዩኒቨርሲቲ ለ2016 ዓ/ም አዲስ ገቢ ተማሪዎች ጥር 21 ቀን 2016 ዓ/ም ያደረገውን ጥሪ ባላወቁት ምክንያት አራዝሞት እንደነበር፣ ይሁን እንጂ ከዚያ ወዲህም “ኑም” ሆነ “አትምጡ” ባለማለቱና የትምህርት ጊዜው እያገፋ በመሆኑ ጭንቀት ውስጥ መሆናቸውን ጠቅሰው፣ " ዩኒቨርሲቲው የሚጠራም ከሆነ የማይጠራም ከሆነ አቋሙን ያሳወቀን " የሚል ጥያቄ አቅርበው ነበር።
ቲክቫህ ኢትዮጵያ በወቅቱ ያነጋገራቸው አንድ የዩኒቨርሲቲው አካል በሰጡት ቃል፣ “ ዩኒቨርስቲው አሁን አልጠራም ማለትም አይችልም (ምክንያቱም አልጠራም ቢል ከትምህርት ሚኒስቴር ግዳጅ አለበት)። ጠርቶ እንዳያስገባ ደግሞ አካባቢው ላይ እየተንቀሳቀሱ ያሉ ኃይሎች እያደረጉ ያሉትን ነገር በዓይናችን እያዬን ነው ” የሚል ምላሽ መስጠታቸውን መዘገባችን አይዘነጋም።
ይህን ተከትሎም፣ የተወሰኑ የተማሪዎቹን ቅሬታና ሀሳብ የወከሉ ተማሪዎች ሰሞኑን ወደ ትምህርት ሚኒስቴር በአካል ሂደው ነበር።
በዚህም ወቅት በ2016 የትምህርት ዘመን ባሕር ዳር ዩኒቨርሲቲ የተመደቡ አዲስ ገቢ ተማሪዎችን ዩኒቨርሲቲው ስላልጠራ ትምህርታቸውን እየተከታተሉ ባለመሆኑ፣ ትምህርት ሚኒስቴር ወደ ሌሎች ዩኒቨርሲቲዎች እንደገና እንዲመድባቸው ጠይቀዋል።
ይህ በተመለከት አንድ ተማሪ ለቲክቫህ ኢትዮጵያ በሰጠው ቃል፣ “ የጠየቅነው ጥያቄ ወደ ሌሎች ዩኒቨርሲቲዎች እንዲመድቡን ነበር። የሰጡን መልስ፣ መጀመሪያ ዩኒቨርሲቲው ‘መቀበል አልችልም፣ ካቅሜ በላይ ነው’ ማለት አለበት ” የሚል ነው ብሏል።
አክሎም ፣ “ ሲቀጥል ደግሞ የክልሉ መንግሥት ‘እነዚህ ልጆች ወደ ሌላ ዩኒቨርሲቲ መመደብ አለባቸው’ ብሎ ደብዳቤ መፃፍ አለበት’ አሉን” ያለ ሲሆን ሌሎች ጥያቄውን በአካል ተገኝተን አቅርበናል ካሉት መካከል የሆኑት ሦስት ተማሪዎች ትምህርት ሚኒስቴር እንደሰጣቸው የተገለጸው ማብራሪያ እውነተኛነት ተጋርተዋል።
ቲክቫህ ኢትዮጵያ ተማሪዎቹ ትምህርት ሚኒስቴር ሰጠን ያሉትን ማሳሰቢያ በመጥቀስ፣ ዩኒቨርሲቲው ለትምህርት ሚኒስቴር ያለው ምላሽ ምንድን ነው ? ሲል ከዚህ በፊት በተሰሩት ዘገባዎች ተማሪዎቹ ሲያነሷቸው ለነበሩት ቅሬታዎች ማብራሪያ ሲሰጡ ለነበሩ አንድ የዩኒቨርሲቲው አካል ጥያቄ አቅርቧል።
ጥያቄው የቀረበላቸው አካል በሰጡት አጭር የጽሑፍ ምላሽ፣ “ ከዓርብ ጀምሮ ሁሉም ነገር ተዘግቷል፣ ከተማሪዎቹ ጋር በተያያዘም ከፍተኛ ስጋት ላይ ወድቋል። ስለዚህ ዩኒቨርሲቲው ተማሪዎችን እንዴት መጥራት ይችላል? ” ብለዋል።
ጥያቄውን ባቀረብነው መሠረት እንዲብራራ የተፈለገው ጉዳይ ዩኒቨርሲቲው ለምን ተማሪዎችን አይቀበልም ? ሳይሆን ወደ ሌሎች ዩኒቨርሲቲዎች በድጋሚ እንዲመደቡ ይመቻችላቸው ዘንድ ለምን ተማሪዎቹን አልቀበልም በማለት ለትምህርት ሚኒስቴር ምላሽ አይሰጥም የሚል በመሆኑ ቀጥተኛ ምላሽ እንዲሰጡ በድጋሚ ከቲክቫህ ኢትዮጵያ ጥያቄ ቀርቦላቸዋል።
በሰጡት ምላሽም፣ “ አልጠራም ማለት አይችልም። ከዛ ይልቅ አንፃራዊ ሰላም ሲኖር አስገብቶ በ45 ቀን 1 Semister አስተምሮ ሊያካክሰው ይችላል እንጂ like ከአሁን በፊት በነበረው Corona and War እንዳደረገው” ነው ያሉት።
በተጨማሪ ቲክቫህ ኢትዮጵያ ትምህርት ሚኒስቴር ክልሉ መስጠት እንዳለበት ገልጿል የተባለውን ማሳሰቢያ በተመለከተ ምን ምላሽ እንዳለው ለአማራ ክልል ኮሚዩኒኬሽን ቢሮ ኃላፊዎች ያደረገው ሙከራ ስልክ ለማንሳት ፈቃደኛ ባለመሆናቸው ቃላቸውን ማካተት አልተቻለም።
መረጃውን አዘጋጅቶ የላከው የአ/አ ቲክቫህ ኢትዮጵያ ቤተሰብ አባል ነው።
@tikvahethiopia
በፈጣኑ የሳፋሪኮም ኢንተርኔት አገልግሎት እንንበሽበሽ!
በ2500ብር ብቻ ከ10 ሰው በላይ የሚያስጠቅም ተንቀሻቃሽ ማይ ፋይ ከአንድ ወር ያልተገደበ ነፃ ኢንተርኔት ጋር ከሳፋሪኮም ሱቆች!
🔗የM-PESA ሳፋሪኮም መተግበሪያ በዚህ ሊንክ እናዉርድ:
https://bit.ly/M-PESA_SafaricomEthiopia
ስለ አገልግሎታችን ማንኛውንም ጥያቄ ወይም መረጃ በቴሌግራም ቻናላችን /channel/Safaricom_Ethiopia_PLC 24/7 ማግኘት ይቻላል!
#SafaricomET #MPESASafaricom #FurtherAheadTogether
#እንድታውቁት
የኢትዮጵያ የእስልምና ጉዳዮች ጠቅላይ ምክር ቤት የ2016 የሐጅ ምዝገባ ቀናት መራዘሙን አሳውቋል።
ምክር ቤቱ ዘንድሮ የምዝገባ ሂደቱን ከተለመደው ጊዜ ቀደም ብሎ ማስጀመሩ ይታወሳል።
የሳዑዲ ሐጅ ሚኒስቴር ከወትሮ በተለየ መልኩ የአመዘጋገቡን ሂደት እና የምዝገባ ጊዜውን ቀደም ብሎ በማስጀመሩ ብቻ ሳይሆን ክፊያዎች የሚጠናቀቁበትን የጊዜ ገደብ ጭምር በመገደቡ የተነሳ #ኢትዮጵያን ጨምሮ አብዛኛው የዓለም ሃገራት በተፈለገው ፍጥነት እና በተቀመጠው ቀነ ገደብ የሚፈለግባቸውን ቅድመ ሁኔታዎችን ማሟላት እንዳልቻሉ ተገልጿል።
በዚህም የሐጅ ምዝገባው እንዲራዘም ምክር ቤቱ ጉዳዩ ከሚመለከተው የሳዑዲ ሐጅ ሚኒስቴር ጋር ሰፊ ውይይት ካደረገ በኋላ ላልተወሰነ ጊዜ እንዲራዘም ተደርጓል።
ይህ ተከትሎ በየካቲት 27 ቀን 2016 ይጠናቀቅ የነበረው የምዝገባ ሂደት የዓመቱ ኮታ እስኪሞላ ድረስ የጠቅላይ ምክር ቤቱ የሐጅ አብይ ኮሚቴ የምዝገባ ሂደቱ እንደሚቀጥል በወሰነው ውሳኔ መሰረት ምዝገባው ይቀጥላል።
እስካሁን ድረስ ቀርበው ያልተመዘገቡ ሑጃጆች በቀረው ጊዜና ኮታ በመጠቀም መመዝገብ ይችላሉ ተብሏል።
በጥር 25 ቀን 2016 በ27 ምዝገባ ጣቢያዎች የዘንድሮውን የሐጅ ምዝገባ የጀመረው ጠቅላይ ምክር ቤቱ የእቅዱን 80% ሀጃጆችን መመዝገቡን አሳውቋል።
@tikvahethiopia
#Nairobi
በኬንያ ዋና ከተማ ናይሮቢ አንድ የመለማመጃ አውሮፕላን ከመንገደኞች አውሮፕላን ጋር አየር ላይ ተጋጭቶ በደረሰ አደጋ የሁለት ሰዎች ሕይወት ማለፉን ቢቢሲ የናይሮቢ ፖሊስን ዋቢ በማድረግ ዘግቧል።
ሟቾች በበረራ መለማመጃ አውሮፕላን ውስጥ የነበሩት የበረራ አስተማሪና ተማሪው መሆናቸው ተነግሯል።
አውሮፕላኖቹ #አየር_ላይ_ከተጋጩ በኋላ የበረራ መለማመጃ የሆነው አውሮፕላን በናይሮቢ ከተማ ውስጥ በሚገኘው ብሔራዊ ፓርክ ውስጥ ወድቆ በመከስከሱ ነው ሁለቱ ሰዎች የሞቱት።
ከመለማመጃው አውሮፕላን ጋር የተጋጨው 44 ሰዎችን አሳፍሮ ተንደርድሮ የተነሳ ንብረትነቱ " ሳፋሪሊንክ " የተባለ አየር መንገድ አውሮፕላን ነው።
በግጭቱ ከባዱ አደጋ የደረሰው በመለማመጃው አውሮፕላን ላይ ሲሆን፣ መነገደኞችን አሳፍሮ የነበረው አውሮፕላን አደጋው ከተከሰተ በኋላ ተመልሶ ዊልሰን አየር ማረፊያ ለማረፍ ተገዷል።
በዚህም አደጋ በአውሮፕላኑ ውስጥ የነበሩት 39 ተሳፋሪዎች እና 5 የበረራ ሠራተኞች ምንም ዓይነት ጉዳት እንዳልደረሰባቸው አየር መንገዱ ገልጿል።
መረጃው የቢቢሲ አማርኛ አገልግሎት ነው።
More ➡️/channel/ThiqaMediaEth
@tikvahethiopia
ብርቱ አጋርዎ ነን!
የማህበራዊ ሚዲያዎቻችን ተከታይ ይሁኑ…
💥 ፌስቡክ፡ https://bit.ly/47R6ZSI
💥ቴሌግራም፡ https://bit.ly/3Ti6vAJ
💥ዩትዩብ፡ https://bit.ly/3RBi8kH
💥ትዊተር/ ኤክስ፡ https://bit.ly/3GAG1Tt
💥ኢንስታግራም፡ https://bit.ly/3NiRHOn
💥ሊንክድ ኢን፡ https://bit.ly/3TnPvJ9
💥ቲክቶክ፡ https://bit.ly/48tZgcT
OMEGA COMPUTER TRADING
ሁሉንም አይነት ላፕቶፖች ያገኛሉ !!!
ከ4ተኛ አስከ 13ተኛ Generation ከ core i3 አስከ core i9 ከ 2GB አስከ 16GB Dedicated Graphics card ያላቸው
👉 አዳዲስ ጌሚንግ ላፕቶፖች
👉 ዱባይ ዩዝድ ላፕቶፖች
ከመልካም መስተንግዶ ከተሟሉ ሶፍትዌሮች በ ጥራት እና በ ብዛት ላፕቶፖችን አና ዴስክቶፖችን ከ እኛ ጋር ያገኛሉ
👉 እንገዛለን እንሸጣለን ይዘው ይምጡ ይዘው ይሒዱ
👉ከአንድ ዓመት ዋስትና ጋር
የተለያዩ ዓይነት ላፕቶፓችን ለማየትና ለመምረጥ ሊንኩን ይጠቀሙ - Telegram- 👉 /channel/Omegacom21
አድራሻ፦ መገናኛ ማራቶን ህንፃ ግራውንድ
Inbox me - @Yime29
ስልክ - 0974060288
" አሸናፊዎች ባለመቅረባቸው ገንዘቡ ወደ ተቋሙ ገብቷል " - ብሔራዊ ሎተሪ አስተዳደር
እያንዳንዳቸው 4 ሚሊዮን ብር ዕጣ ያላቸው ሁለት የሎተሪ ቲኬቶች አሸናፊዎች ባለመቅረባቸው ስምንት ሚሊዮን ብር ዛሬ የካቲት 29 ቀን 2016 ዓ.ም ተመላሽ መደረጉን የብሔራዊ ሎተሪ አስተዳደር አስታውቋል።
ተቋሙ ለቢቢሲ አማርኛው ክፍል በሰጠው ቃል ፤ እነዚህ ሁለት ዕጣዎች ብሔራዊ ሎተሪ ከሚያሳትማቸው ከፍተኛ ዕጣ የሆነው 20 ሚሊዮን ብር የሚያስገኘው የእንቁጣጣሽ ሎተሪ ቲኬቶች ናቸው ብሏል።
በእንቁጣጣሽ ሎተሪ ከቀረቡት 5 ቲኬቶች ሶስቱ ቀርበው 12 ሚሊዮን ብር ሁለት አሸናፊዎች ቢረከቡም የቀሪዎቹ ሁለት ቲኬቶች አሸናፊዎች ባለመቅረባቸው ገንዘቡ ወደ ተቋሙ ገብቷል ሲል አሳውቋል።
ጳጉሜ 2015 ዓ.ም የወጣው የእንቁጣጣሽ ሎተሪ የሁለቱ ቲኬቶች ወይም የ8 ሚሊዮን ብር አሸናፊ በቀን ስራ የሚተዳደር አንድ ግለሰብ ሲሆን ዕጣው ከወጣ ከ3 ወር በኋላም ወስዷል።
ሌላኛው አሸናፊ የቀን ሰራተኛው የሚሰራበት መኪና አሽከርካሪ የሆነ ግለሰብ ሲሆን መስከረም ወር መጨረሻ ላይ መጥቶ የ4 ሚሊዮን ብር ሽልማቱን መውሰዱን ቢቢሲ አማርኛው ክፍል የብሔራዊ ሎተሪ አስተዳደርን ዋቢ በማድረግ አስነብቧል።
@tikvahethiopia
#Amhara
“ ወደ 1.8 ሚሊዮን የሚጠጉ ሰዎች የዕለት ምግብ ይፈልጋሉ ” - አማራ ክልል
የአማራ ክልል አደጋ መከላከልና ምግብ ዋስትና ማስተባበሪያ ኮሚሽን የሕዝብ ግንኙት ኃላፊ ወ/ሮ ፍቅሬ ሙሉጌታ፣ ለቲክቫህ ኢትዮጵያ በሰጡት ቃል፣ በክልሉ “ በአጠቃላይ ወደ 1.8 ሚሊዮን የሚጠጉ ሰዎች የዕለት ምግብ ይፈልጋሉ ” ብለዋል።
“ በአማራ ክልል በ2015/16 የምርት ዘመንን ተከትሎ የዝናብ መቆራረጥ ተከስቷል። በተለይ ደግሞ ተከዜ ተፋሰስ የሚያዋስናቸው ወረዳዎችና ዞኖች ድርቅ ተከስቶባቸል” ሲሉም አስረድተዋል።
* “ዘጠኝ ዞኖች
* 43 ወረዳዎች
* 429 ቀበሌዎች ላይ ተጋላጭ ሆነዋል ለድርቅ ” ነው ያሉት ኃላፊዋ።
በገለጻው መሠረት፣ “ከተጎዱት ዘጠኝ ዞኖች ውስጥ በተለይ ደግሞ በጣም ተጋላጭ የሆኑት ከሰሜን ጎንደር 3 ወረዳዎች፣ ከዋግኽምራ ብሔረሰብ 3 ወረዳዎች በብዛት ተጋላጭ ሆነዋል በድርቁ። " ብለዋል።
“ የድርቅ መከሰትን ተከትሎ የዕለት የምግብ ምላሽ ለመስጠት የክልሉ መንግስት ከመጠባበቂያ በጀት መድቧል ” ያሉት ወ/ሮ ፍቅሬ፣ “ወደ 430 ሚሊዮን ብር የክልሉ መንግሥት ፈቅዷል የዕለት ምግብ የሚገዛበት። ከዚህ ውስጥ ወደ 300 ሚሊዮን ብር የምግብ እህል ተገዝቷል። ስርጭትም ተከናውኗል” ሲሉ ተናግረዋል።
አክለውም፣ “ከዚህ ባሻገር ደግሞ የተለያዩ በጎ አድራጊ ግለሰቦች፣ መግሥታዊ ያልሆኑ ድርጅቶች፣ ልዩ ልዩ ተቋማት እንደዚሁ ባገኙት መረጃ መሠረት በተለያየ ጊዜ የምግብ እህል እየገዙ እያጓጓዙ እያቀረቡ ነው” ብለዋል።
ድርቅ ከተጋረጠባቸው ወገኖች ባሻገር በክልሉ መጠለያዎች ጣቢያዎች፣ ከህብረተሰቡ ጋር የሚኖሩ ተፈናቃዮች እንዳሉ የገለጹት ኃላፊዋ፣ “ላለፉት 2 ዓመታት የሰሜኑ ጦርነት ነበረ አሁንም የፀጥታ ችግር አለ በክልሉ። እነዚህ ጉዳዩች ተደራራቢ ችግር እንዳለ ያሳያን። ይህን መሰረት በማድረግ ስራዎች እየተሰሩ ነው” ሲሉ ተናግረዋል።
በክልሉ ያለው የጸጥታ ችግር አለ ለስራዎች እንቅፋት እየሆነ መሆኑን አመልክተዋል።
“የፀጥታው ችግር የዕለት ምግብ ለማድረስ በትራንስፖርት ለመንቀሳቀስ ችግር ፈጥሮብን ቆይቷል። በቀጣይም ተደራራቢ ችግሮች ናቸው። እነዚህ ተደራራቢ ችግሮች ህብረተሰቡ ችግር ላይ እንዳይወድቅ የሚላኩት የድጋፍ እህሎች በወቅቱ ሊደርሱ ይገባልና በየአካባቢው የሚጓጓዙት ትራንስፖቴሽኖችን ሊተባበሯቸው ይገባል ” ሲሉ አሳስበዋል።
መረጃው ተዘጋጅቶ የተላከው በአ/አ ቲክቫህ ኢትዮጵያ ቤተሰብ አባል ነው።
@tikvahethiopia
በዲጂታል እና ፋይናንሻል አካታችነት ሴቶችን ማብቃት!
ኢትዮ ቴሌኮም የዲጂታል ስርዓተ-ፆታ ልዩነትን ለማጥበብ እና የሴቶችን የዲጂታል ተካታችነት ለማሳደግ የሚያስችል ስምምነት “Connected Women” ኢኒሼቲቭ- ከ GSMA ጋር በባርሴሎና ስፔን ተፈራርሟል::
ስምምነቱ በሀገራችን የሴቶችን የሞባይል ኢንተርኔት እና የሞባይል ገንዘብ አገልግሎት /ቴሌብር/ ተጠቃሚ ቁጥር እ.ኤ.አ እስከ 2026 በከፍተኛ ሁኔታ ለማሳደግ ያለመ ሲሆን ኩባንያው ለተግባራዊነቱ የተለያዩ ስትራቴጂዎችን በመንደፍ እና በመተግበር እንዲሁም ከባለድርሻ አካላት ጋር በመተባበር ሴቶች የሚያጋጥሟቸውን ማህበራዊና ኢኮኖሚያዊ ችግሮች መፍታት ላይ ልዩ ትኩረት በመስጠት አካታች የሞባይል ኢንተርኔት እና የዲጂታል ፋይናንስ አገልግሎቶች ማቅረብን ታሳቢ ያደረገ ነው፡፡
በስምምነቱ ወቅት የኩባንያው ሥራ አስፈጻሚ ፍሬሕይወት ታምሩ “ሴቶች በሀገራችን ልማት ውስጥ ወሳኝ ሚና ይጫወታሉ፡፡ ኩባንያችን አሁን የሚታየውን የዲጂታል ስርዓተ-ፆታ ክፍተት ለማጥበብ የሞባይል ኢንተርኔትና የሞባይል ፋይናንሺያል አገልግሎቶችን ለሴቶች ይበልጥ ተደራሽ ለማድረግ ሴቶች በዲጂታል ኢኮኖሚው ንቁ ተሳታፊና ተጠቃሚ እንዲሆኑ በቁርጠኝነት እየሰራ ይገኛል፡፡” ብለዋል፡፡
#DigitalEthiopia #DigitalAfrica #DigitalEconomy #EthiopianCommunicationAuthority #GSMA #AU #ITU #WorldBank #OECD #G6countries #SmartAfrica #HOPR #HOF
#Wolkite
ለአመታት በውሃ ችግር የሚፈተነው የወልቂጤ ከተማ ህዝብ ዛሬም " የመንግስት ያለህ " እያለ ነዉ።
ችግሩን ለመፍታት ጥረት ላይ እየተደረገ ነዉ የሚለው የከተማው አስተዳደር በበኩሉ " ሩጫ ላይ ነኝ " ይላል።
የከተማዋ ዋና ዋና መንገዶች የውሀ ጀሪካኖች በጫኑ ባጃጆችና ጋሪዎች ተሞልተዉ ይታያሉ። ሆቴሎች የሻወር አገልግሎትን ከረሱ የቆዩ ይመስላሉ።
በአጠቃላይ ውሀ ቅንጦት መሆኑ ግለጽ ነዉ ይህን ጉዳይ ተመልክቶ የአካባቢዉን ማህበረሰብ ስለጉዳዩ የጠየቀዉ የቲክቫህ ኢትዮጵያ ሪፖርተር ችግሩ ለአመታት የቀጠለ መሆኑን ተረድቷል።
እንደነዋሪዎቹ ገለጻ የቧንቧ ውሀ በወር አንዴ በጣም ፈጠነ ሲባል በሁለት ሳምንት አንዴ ያውም ለሰአታት ብትመጣም አንዳንዴ የምትመጣዉ ሌሊት ሲሆን እንደምታመልጣቸዉ ይገልጻሉ።
ለሽንኩርትና ቲማቲም ከሚያወጡት እኩል ለውሀ ግዥ እንደሚያወጡ የሚገልጹት ነዋሪዎቹ መንግስት ችግራቸዉን ይቀርፍላቸዉ ዘንድ በምሬት ይጠይቃሉ።
በዚህ ጉዳይ ላይ ጠንካራ ጥያቄ ከሰሞኑ በነበረ የምክር ቤት ጉባኤ የቀረበለት የማእከላዊ ኢትዮጵያ ክልል መንግስት በበኩሉ የውሀ ችግሮች ያለመፈታታቸዉ ምክኒያት በየዞንና ከተሞች የተጀመሩ የውሀ ጉድጓድ ፕሮጀክቶች እየተጀመሩ በመቆማቸዉ የተከሰተ መሆኑን ገልጾ የማህበረሰቡን ጥያቄ ለመመለስ በሙሉ ሀይሉ እንደሚሰራ ገልጾ ነበር።
ከቲክቫህ ኢትዮጵያ ይህ የህዝብ ጥያቄ የቀረበላቸዉ የወልቂጤ ከተማ የውሀና ፍሳሽ አገልግሎት ቢሮ ሀላፊዉ አቶ ዳዊት ሀይሌ በበኩላቸዉ ችግሩ መኖሩን በመግለጽ አሁን ላይ የቅሀ አጥረቱ ከተማዉን እየፈተነ መሆኑና ችግሩን ለመቅረፍ የተጀመሩ ስራዎች እንዳሉና ከሚጠበቁ መፍትሄዎች አንዱ የሀይድሮ ኤሌክትሪክ ስራው ላይ መሆኑን ገልጸዋል።
አቶ ዳዊት አክለዉም ፤ በቅርቡ የጉራጌ ዞን የውሀና መአድን ቢሮ ጋር በመሆን ሁኔታዎች እንደሚገመገሙና ለህዝብ አስፈላጊዉ መረጃ እንደሚሰጥ በመግለጽ ሁኔታዉን ከከተማዉ ባለስልጣናት ባለፈ የዞኑም ሆነ የበላይ አካላት በትኩረት እየሰሩበት መሆኑን ጠቁመዋል።
መረጃው ወደ ወልቂጤ ተጉዞ የነበረው የቲክቫህ ኢትዮጵያ ቤተሰብ አባል ነው አዘጋጅቶ የላከው።
ፎቶ ፦ Tikvah Family
@tikvahethiopia
#PretoriaPeaceAgreement
በኢትዮጵያ ሆነ በትግራይ ክልል ውስጥ ዘላቂ ሰላም እንዲሰፍን ከተፈለገ የፕሪቶሪያ የሰላም ውል በሙሉነት መተግበር አጅግ አስፈላጊ መሆኑ የክልሉ ጊዜያዊ ፕሬዜዳንት ጌታቸው ረዳ ገለፁ።
ፕሬዜዳንት ጌታቸው ረዳ ዛሬ በፕሪቶሪያው የሰላም ስምነት የአተገባበር ሂደት ያተኮረ ተፈራራሚ አካላትና የአፍሪካ ህብረት ያሳተፈ ግምገማ በአዲስ አበባ መካሄድ መጀመሩን አመልክተዋል።
በኢትዮጵያም ሆነ በትግራይ ክልል ዘላቂ ሰላም እንዲሰፍን የፕሪቶሪያ የሰላም ውል በሙሉነት መተግበር የግድ ነው ያሉት ፕሬዜዳንት ጌታቸው ፡ ስምምነቱ ሕግና ሕገ-መንግስታዊ የትግራይ ህዝብ ጥያቄዎች ባከተተ መልኩ መገምገም ያስፈልጋል ብለዋል።
ስምምነቱ የጠብመንጃ ላንቃ ህልም በኢትዮጵያና በመላ ትግራይ ክልል በሚያጠፋ መልኩ ሙሉ በሙሉ መፈፀምና መተግበር ይገባዋል ሲሉ አክለዋል።
የአፍሪካ ህብረት የፕሪቶሪያው የሰላም የስምምነት መሬት ላይ እንዴት እየተፈፀመና እየተተገበረ አንደሆነ አስመልክቶ በጀመረው ስትራቴጂክ ግምገማ ከስምምነቱ ፈራሚዎች በተጨማሪ የተባበሩት መንግስታት ድርጅት ፣ የአውሮፓ ህብረት ፣ ኢጋድ እና አሜሪካ ይገኛሉ ተብሎ ይጠበቃል።
@tikvahethiopia
ቢጂአይ-ኢትዮጵያ ፤ " ውሉ የተቋረጠው ፐርፐዝ ብላክ ኢትዮጵያ የሽያጭ ውሉን ለመፈረም ፈቃደኛ ባለመሆኑ ነው " ሲል ዛሬ በሰጠው መግለጫ አሳውቋል።
" የመክፈል አቅም እንዳላቸው በተደጋጋሚ ማስረጃ እንዲሰጡን ብንጠይቅም ' እንከፍላለን ' ከሚል ደብዳቤ በስተቀር የሚጠበቅባቸውን ብር ለመክፈል አቅም እንዳላቸው ማስረጃ ማቅረብ አልቻሉም " ሲልም ገልጿል።
ቢጂአይ-ኢትዮጵያ ግብር ለመክፈል ወደኋላ የሚል እንዳልሆነና የሚሸጠውም ሜክሲኮ የሚገኘው የዋናው መስሪያ ቤት ህንጻ እዳ እንደሌለበት አስገንዝቧል።
እዳ ያለበት ንብረት ለሽያጭ እንደማያቀርብም ገልጿል።
" ከፐርፐዝ ብላክ ጋር ያለን ውል ተቋርጧል። " ያለው ቢጂአይ-ኢትዮጵያ " ዳግም ተመልሰን የምንደራደርበት ነገር የለም። ይህ ውል ከተጠናቀቀ በኋላ ህንጻውን የመሸጥ አሁንም ፍላጎት አለን " ብሏል።
#TikvahFamilyAddisAbaba
@tikvahethiopia
4W COMPUTERS
አዲስና በብዙ አማራጭ የአሜሪካ የአውሮፓ የዱባይ ላፕቶፖችን በተመጣጣኝና ከገበያዉ በተሻለ ዋጋ ከመልካም መስተንግዶ ከተሟሉ ሶፍትዌሮች ጋር ይዘን እንጠብቆታለን። በተጨማሪ የአንድ ዓመት ዋስትና እንዲዉም የ 30 ቀን የመሞከሪያ ግዜ እንሰጣለን። የተለያዩ ዓይነት ላፕቶፓች ለማየትና ለመምረጥ ሊንኩን ይጠቀሙ Telegram- 👉 t.me/computers4w
አድራሻ፦ መገናኛ ማራቶን ህንፃ 1ኛ ፎቅ -ፎርደብሊ ኮምፒውተር
ስልክ - 0911867992
" ዓርብ መጋቢት 6 ምሽት ወደ ትግበራ እንዲገባ ይታወጃል " - ዶ/ር ጣሰው ገብሬ
የአዲስ አበባ ከተማ አስተዳደር የመንግሥት ሠራተኞችና አመራሮች የብቃት ማረጋገጫ ፈተና ወስደው የወደቁ ከ7,500 በላይ ሠራተኞች ከደረጃ ዝቅ ተደርገው የተመደቡበት የሥራ ዕርከን ድልድል መጋቢት 6 ቀን 2016 ዓ.ም. ይፋ ይደረጋል ተብሏል።
የአዲስ አበባ ከተማ ፐብሊክ ሰርቪስና የሰው ሀብት ቢሮ ኃላፊ ዶ/ር ጣሰው ገብሬ ለሪፖርተር ጋዜጣ በሰጡት ቃል ፤ " ፈተና ያላለፉት ከደረጃ ዝቅ ብለው ነው የሚሠሩት። ድልድሉ ስለተጠናቀቀ ደብዳቤው በየተቋሙ ይሰጣል " ብለዋል።
" ከሰኞ የካቲት 25 ቀን 2016 ዓ.ም. ጀምሮ ለ5 ቀናት የሚቆይ የአቅም ግንባታ ሥልጠና እየሰጠናቸው ነው " ያሉት ኃላፊው " 2ኛው ዙር ሥልጠና ከመጪው ሳምንት ሰኞ መጋቢት 2 እስከ ዓርብ መጋቢት 6/ 2016 ዓ.ም. ይሰጣል። ዓርብ መጋቢት 6/ 2016 ዓ.ም. ምሽት ወደ ትግበራ እንዲገባ ይታወጃል፣ ሥልጠናው እንዳለቀ ወደ ትግበራ ነው የሚገባው " ብለዋል።
በሌላ በኩል ፤ የሠራተኞች ድልድል እንደ አዲስ ተካሂዶ እስኪጠናቀቅ ድረስ በከተማው ሁሉም ክ/ከተሞች " ማናቸውም የመሬት አገልግሎቶች " ለአጭር ጊዜያት መታገዳቸው ይታወሳል።
ታዲያ በመጪው ሳምንት ድልድሉ ይፋ ሲሆን የመሬት አገልግሎቶች መሰጠት ይቀጥላሉ ወይ ? ተብለው ከጋዜጣው የተጠየቁት ዶ/ር ጣሰው ፤ በጉዳዩ ላይ ምንም ዓይነት አስተያየት ከመስጠት ተቆጥበዋል።
ጋዜጣው ግን ከመጋቢት 6 ቀን 2016 ዓ.ም. አዲስ የሥራ ዕርከን ድልድል በኋላ የመሬት ሥራ አገልግሎት በቅርብ እንደሚጀመር በዘርፉ ከተሰማሩ ምንጮች መስማቱን አመላክቷል። #ሪፖርተር
@tikvahethiopia
#DrAbrhamBelay
የሀገር መከላከያ ሚኒስትር ዶክተር አብርሃም በላይ በወቅታዊ ጉዳዮች ዙሪያ በትግርኛ ቋንቋ ለብሔራዊ ቴሌቪዥን ጣቢያ በሰጡት ቃለ ምልልስ ምን አሉ ?
- ሁሉም ክልሎች እና የፌደራል መንግስት ተቋማት ለትግራይ መልሶ ማቋቋም እንዲረዱ ፣ ትምህርት ጨምሮ ሁሉም የመንግስት አገልግሎቶች እንዲጀምሩ ያስቻለው የፕሪቶሪያው የሰላም ውል ነው ፡፡ ስለሆንም የፕሪቶሪያው የሰላም ውል አሁንም በቦታው ነው ያለው።
- ከጦርነቱ በፊት የነበረው #ግጭት_ቆስቋሽ ሁኔታ እና አካሄድ ወደ ጦርነት እንዳይሸጋገር ለማድረግ በፌደራሉ መንግስት ብዙ ጥረት ተደርጓል። ክልሉን ይመሩ የነበሩ ሰዎች ሁኔታውን ከማባባስ እንዲቆጠቡ ለማድረግ ከፍተኛ ጥረት ተደርጓል። ጦርነቱ በትግራይ #አመራሮች እና #ኤሊቶች ገፋፊነት ከተጀመረ በኋላም ጦርነቱ ቆሞ ወደ ውይይት እንዲገባ ጥረት ተደርጓል። ጦርነቱ ውድመቱ እንዳይባባስ በድብቅም ይሁን በግላጭ በርካታ ውይይቶች ቢካሄዱም ሊሳካ አልቻለም።
- ጦርነቱ ተከትሎ በተለይም ከትግራይ ውጪ በመላ አገሪቱ ውስጥ የነበሩ ባለሃብቶች ፣ የመንግስት ሰራተኞችና በሌላ ስራ የተሰማሩ ከስራ ውጪ የሆኑበት ፣ የታሰሩበት ፣ ንብረታቸው በርካሽ በመሸጥ እንዲሰደዱ የሚገደዱበት ሁኔታ ተፈጥሮ ነበር። ይህን እንዲቆም የፌደራል መንግስት ባደረገው ሰፊ ጥረት ሙሉ በሙሉ ባይሆንም ብዙ አላሳፈላጊ ነገሮች ማቆም ተችሏል።
- " በፕሪቶሪያው የሰላም ስምምነት ከኔ በላይ ደስተኛ ያለ አይመስለኝም። ምክንያቱ ስምምነቱ ብዙ ነገሮችን ከማባባስ ታድጓል፡፡ በፌደራል መንግሥት በኩል ስምምነቱን የፈረሙ የመንግስት ልኡካን ጀግኖች ናቸው፡፡ ምክንያቱ እንደ አገር ሊቀጥል የነበረው የስውና የንብረት ኪሳራ እንዲቆም ያደረጉ ናቸውና፡፡ "
- የፕሪቶሪያው የሰላም ስምምነት ሁሉም የትግራይ ችግሮች ይፈታል ብሎ ማሰብ የዋህነት ነው። ስምምነቱ እንደ አገርና ትግራይ ብዙ ጥፋቶችን አስቁሞልናል፡፡ ስምምነቱ በመፈረሙ ምክንያት ተኩሶ ቆሞ ህዝቡ የሰላም አየር እንዲተነፍስ ሆኗል፡፡ ትልቁ የስምምነቱ ትሩፋት ይህ ነው።
- ከተወሰኑት በቀር በርካታው የትግራይ አከባቢዎች በፌደራል መንግስት ቁጥጥር ስር ውለው ነበር። በፕሪቶሪያ ስምምነት መሰረት የአከካቢው አስተዳደር ተረክቧል። አሁን የተቀሩት አከራካሪ የሚባሉ ቦታዎች ናቸው። እነዚህም ተጨማሪ ግጭትና ደም መፋሰስ እንዳያስከትሉ በማሰብ በፌደራል መከላከያ ሰራዊት ስር እንዲቆዩ ተደርጓል።
- በትግራይ ክልል የተቋቋመው ጊዚያዊ አስተዳደር የፕሪቶሪያው የሰላም ውል ውጤት ነው። ሁሉም ክልሎችና የፌደራል መንግስት ተቋማት ለክልሉ እንዲረዱ ፣ ትምህርት ጨምሮ ሁሉም የመንግስት አገልግሎት እንዲጀምሩ ያስቻለው የፕሪቶሪያው የሰላም ውል ነው ፣ ስለሆንም የፕሪቶሪያው የሰላም ውል አሁንም በቦታው አለ።
- ስምምነቱ ከውል በላይ በሁለቱ ተወያዮች በኩል መተማመን እንዲፈጠረ ያበረከተው አስተዋፅኦ ስምምነቱ ከስምምነት በላይ መሆኑ አንድ አመላካች ተደርጎ ይወሰዳል።
- የእርሻ እና የኢንዳስትሪ ስራ እንዲነቃቃ የሚያግዝ የማሽነሪና የውጭ ምንዛሪ መሰጠቱ፣ የክልሉ የትምህርትና የጤና ተቋማት መልሶ የመገንባት ሂደት እንዲፋጠን ያስቻለው የፕሪቶሪያ የሰላም ስምምነት ውጤት ነው።
- የፕሪቶሪያ የሰላም ስምምነት የፌደራል መንግስት የሚመራውን የብልፅግና ፓርቲ ጨምሮ ሌሎች የፓለቲካ ፓርቲዎች የተካተቱበት አሳታፊ ጊዚያዊ አስተዳደር እንዲቋቋም ቢደነግግም ፣ የፌደራል መንግስትና የብልፅግና ፓርቲ በሆደ ሰፊነትና ለሰላም ካለቸው ፍላጎት በሚመነጭ ክልሉ ሃላፊነት ወስዶ በፍጥነት ጊዚያዊ አስተዳደር እንዲመሰረት እድል መሰጠቱ ሊመሰገንና እውቅና ሊሰጠው የሚገባ ጉዳይ ነው።
- ከትግራይ ምዕራባዊና ደቡባዊ ዞኖች የተፈናቀሉ ወገኖች ወደ ቄያቸው የመመለስ ጉዳይ መዘግየቱ አለ የሚባል ቢሆንም የተዘነጋ እንዳልሆነ ግን ሊሰመርበት ይገባል። የፌደራል መንግስት ፍላጎት ተፈናቃዮች ወደ ቄያቸው እንዲመለሱ ማድረግ ነው። ይህ አቋሙም ከፕሪቶሪያ የሰላም ስምምነት ውል ማግስት ጥረት ከማድረግ ባሻገር 2015 ዓ.ም ክረምት እንዲመለስ ፍላጎት ነበር። ይሁን እንጂ በአፈፃፀም መዘግየት ምክንያት እስከ አሁን አልተሳካም።
- ተፈናቃዮች ወደ ቄያቸው የመመለስ ጉዳይ ዳግም ወደ ጦርነት በማይመልሰን መልኩ መፈፀም አለበት የሚለው አቅጣጫ ተቀምጦ የፌደራል መከላከያ ሰራዊት ጥያቄዎች በሚነሳባቸው አከባቢዎች ያሉ ታጣቂዎች ትጥቃቸው እንዲፈቱ የማድረግ ስራ እየሰራ ነው። ቢሆንም ህዝቡ ሙሉ በሙሉ ወደ አከባቢው አልተመለሰም የፌደራል መንግስት አቋም ህዝቡ ወደ ቄየው ተመልሶ የራሱ አመራሮች መርጦ በአመቺ ጊዜ በአከባቢው ህዝብ ውሳኔ እንዲካሄድ ማድረግ ነው።
- የፌደራል መንግስት አቋም ግልፅ ነው ተፈናቃዮች ወደ ቄያቸው ይመለሱ ፣ ራሳቸው በመረጡዋቸው መሪዎች ይተዳደሩ ፣ የህዝበ ውሳኔው ጉዳይ ጊዜ ሲደርስ የሚከናወን ይሆናል። አሁንም አቅጣጫው እንዲፈፀም በመጠባበቅ ላይ ነን ፣ ዳግም ግጭት ሳይፈጠር ከዚህ በላይ የተሻለ አማራጭ አለኝ የሚል ካለ ደግሞ የፌደራል መንግስት ለማዳመጥ ዝግጁ ነው።
- የሻብዕያ ሰራዊት ከኢትዮጵያ መሬት ስለመውጣት ጉዳይ ምን አሉ ? 👉 " ከፕሪቶሪያ የሰላም ስምምነት በፊት በበርካታ የትግራይ አከባቢዎች የሻዕብያ ሃይል ገብቶ ነበር ፣ ከስምምነቱ በኋላ እንዲወጣ ተደርጓል ፣ አሁንም የተቀሩ ቦታዎች ካሉ ቦታዎቹ እና ቀበሌዎች ከፌደራልና ከትግራይ ጊዚያዊ አስተዳደር የተውጣጣ ቡድን በዝርዝር አጥንቶ እንዲያቀርብና መፍትሄ እንዲሰጠው እየሰራን ነው ሁሉም ልክና መስመር ይይዛል። "
- በትግራይ የተከሰተው ድርቅ እና ረሃብ በተለመደው አካሄድ ይፈታል የሚል እምነት የለንም ፣ እርግጥ ነው ወደ አከባቢው መድረስ ያለበት የሰብአዊ ድጋፍ እየደረሰ ነው ፣ እየተላከ ያለው ድጋፍ ወደ ተጠቃሚው መድረሱ ማረጋገጥ እንዳለ ሆኖ ፣ ሁሉም የኢትዮጵያ ክልሎችና የፈደራል የመንግስት ተቋማት እገዛ በማድረግ ችግሩ በመፍታት እንዲረባረቡ አቅጣጫ ተቀምጧል።
- በትግራይ የተከሰተው ድርቅ እና ረሃብ በዘላቂነት የሚፈታ ከፌደራልና ከክልሉ የተውጣጣ ግብረ ሃይል ተቋቁሞ በቅርቡ ይፋ ይደረጋል። ይህንን ግብረ ሃይል የሚያቀርበው ጥያቄ ለመመለስ ሁሉም የትግራይ ተወላጆችና መላ ኢትዮጵያውያን ዝግጁ እንዲሆኑ ከወዲሁ ጥሪ እናቀርባለን።
ቃለ ምልልሱን ተከታትሎና ወደ አማርኛ ትርጉም መልሶ ያቀረበው የመቐለ ቲክቫህ ኢትዮጵያ ቤተሰብ አባል ነው፡፡
#TikvahMekelleFamily
@tikvahethiopia
#Update
የተበጠሰው የባህር ዳር - ጋሸና - አላማጣ መስመር ተጠገነ።
ትናንት ጉዳት ደርሶበት የተበጠሰው የባህር ዳር - ደብረታቦር - ንፋስ መውጫ - ጋሸና - አላማጣ ባለ 230 ኪሎ ቮልት የከፍተኛ ኃይል ማስተላለፊያ መስመር በከፍተኛ ርብርብ መጠገኑን በኢትዮጵያ ኤሌክትሪክ ኃይል አሳውቋል።
ዛሬ ከማለዳ ጀምሮ በተከናወነው የጥገና ሥራ የተበጠሰውን መስመር መልሶ የማገናኘቱ ሥራ ማምሻውን ተጠናቋል።
የባህር ዳር ወልዲያ ኮምቦልቻ የኃይል ማስተላለፊያ ፕሮጀክትን በመገንባት ላይ የሚገኘው ታታ ሊሚትድ ማሽነሪ ከማቅረብ ባለፈ ባለሙያዎቹ ከሪጅኑ የጥገና ባለሙያዎች ጋር እንዲሳተፉ ማድረጉን ተነግሯል።
ጥገናውን ተከትሎ የክልሉ መዲና ባህርዳር፣ ጎንደር እና ሌሎች ከተሞች እንዲሁም የትግራይ መዲና መቐሌና ሌሎች ከተሞች ዳግም ኃይል ማግኘታቸውን ተገልጿል።
ወልዲያ፣ ኮምቦልቻና በአካባቢው ያሉ ከተሞች እንዲሁም በኮምቦልቻ በኩል ኃይል ሲያገኙ የነበሩት የአፋር መዲና ሠመራ እና ሌሎች ከተሞችን ለማገናኘት ጥረቱ ቀጥሏል ተብሏል።
@tikvahethiopia
Meet Liya Daniel, a Jasiri Community Fellow! 🌟 She shares her entrepreneurial journey with Jasiri, nurtured with resources, a rich network, and a supportive community. Ready to make an impact? Join us by applying for Cohort 6 of the Jasiri Talent Investor Program at jasiri.org/application.
#Jasiri4Africa
#Amhara
አብዛኛው የአማራ አካባቢዎች ኃይል በመቋረጡ በጨለማ ተውጠዋል።
ኃይል የተቋረጠው በኤሌክትሪክ ኃይል ማስተላለፊያ መስመር ላይ መበጠስ አጋጥሞ እንደሆነ ቲክቫህ ኢትዮጵያ ከኢትዮጵያ ኤሌክትሪክ ኃይል ያገኘው መረጃ ያመለክታል።
የኢትዮጵያ ኤሌክትሪክ ኃይል እንዳሳወቀው ትላንት ከባህር ዳር - በደብረ ታቦር፣ ንፋስ መውጫ፣ ጋሸና፣ አላማጣ የተዘረጋው ባለ230 ኪሎ ቮልት የከፍተኛ የኃይል ማስተላለፊያ መስመር ተበጥሷል። በተመሳሳይ ከደብረ ብርሃን፣ ሸዋሮቢት፣ ኮምቦልቻ የተዘረጋውም ተበጥሷል።
የተቋሙ የኮሚኒኬሽን ዳይሬክተር አቶ ሞገስ መኮንን እነዚህ ሁለት መስመሮች በምን ምክንያት ነው የተበጠሱት ተብሎ ከቲክቫህ ኢትዮጵያ ለቀረበላቸው ጥያቄ ፤ " መስመሩ መበጠሱን እንጂ ያረጋገጥነው በምን በምን ምክንያት እንደተበጠሰ ማወቅ አልቻልንም " ሲሉ መልሰዋል።
መቼ ነው እሺ የተበጠሱት መስመሮች ተጠግነው ህዝቡ ኃይል የሚያገኘው በሚል ከቲክቫህ ኢትዮጵያ ለቀረበው ጥያቄ ፤ " በቀላል የሚገናኙ መስመሮች ይኖራሉ ፤ በቀላል ሊገናኙ የማይችሉ እና የተበጠሰበትን ቦታ ብቻ ሳይሆን መስመር መቀየር የሚያስፈልጉም ሊኖሩ ስለሚችሉ እነዚህን እርግጠኛ ባልሆንንበት በዚህ ቀን ሊባል አይችልም " የሚል ምላሽ ነው የሰጡት።
በሌላ በኩል ፤ የአማራ ክልል ፖሊስ ኮሚሽን ትላንት ሌሊት ባሰራጨው መግለጫ የአማራ አብዛኛው ክፍል በጨለማ የተዋጠው ንፋስ መውጫ አካባቢ የባለ 230 ኪሎ ቮልት የከፍተኛ ኃይል ማስተላለፊ መስመር አንደኛው ፌዝ በክልሉ በሚንቀሳቀሱት " ፅንፈኛ " ሲል በጠራቸው ታጣቂዎች በመሳሪያ በመመታቱ ነው ሲል አሳውቋል።
" ይህም ህዝቡን በማሰቃየት የተወሳሰበ ችግር ውስጥ መክተት ፣ እና ክልሉን ወደ ጨለማ የመውሰድ እንቅስቃሴ ነው " ብሎ ይህ የሚደረገው ህዝብ እንዲማረር በማድረግ ለትግል ለማነሳሳት ነው ብሏል። " ይህ ዘዴ ያረጀ ያፈጀ ፣ ያለፈበትና የተነቃበት የትግል ስልት ነው " ሲል በመግለጫው ላይ ገልጿል።
በአማራ ክልል በመንግሥት እና በፋኖ ታጣቂ ኃይሎች መካከል የትጥቅ ግጭት መካሄድ ከጀመረ ወራት ተቆጥረዋል።
ክልሉ ገና ከሰሜኑ ጦርነት ባላገገመበት ወቅት የተቀሰቀሰ ሲሆን የትጥቅ ግጭቶቹ በተለያየ ቦታ እና ጊዜ እየተካሄዱ ናቸው። በዚህም የበርካቶች ህይወት እየጠፋ፣ ንብረት እየወደመ ፣ የክልሉ ኢኮኖሚም እያዳከመው መጥቷል።
በግጭቱ ምክንያት የዳታ ኢንተርኔት ከተዘጋ በርካታ ወራት ያለፈ ሲሆን አሁን ደግሞ በከፍተኛ የኤሌክትሪክ ኃይል ማስተላለፊያ መስመር መበጠስ አብዛኛው የአማራ ክፍል በጨለማ ውስጥ ገብቷል።
@tikvahethiopia
4W COMPUTERS
አዲስና በብዙ አማራጭ የአሜሪካ የአውሮፓ የዱባይ ላፕቶፖችን በተመጣጣኝና ከገበያዉ በተሻለ ዋጋ ከመልካም መስተንግዶ ከተሟሉ ሶፍትዌሮች ጋር ይዘን እንጠብቆታለን። በተጨማሪ የአንድ ዓመት ዋስትና እንዲዉም የ 30 ቀን የመሞከሪያ ግዜ እንሰጣለን። የተለያዩ ዓይነት ላፕቶፓች ለማየትና ለመምረጥ ሊንኩን ይጠቀሙ Telegram- 👉 t.me/computers4w
አድራሻ፦ መገናኛ ማራቶን ህንፃ 1ኛ ፎቅ -ፎርደብሊ ኮምፒውተር
ስልክ - 0911867992
#Telegram
ቴሌግራም በሰዓታት ውስጥ በሚሊዮን የሚቆጠሩ አዳዲስ ተጠቃሚዎች አገኘ።
ዓለም ላይ ለሰዓታት ፌስቡክ እና ኢንስታግራም መቋረጣቸውን ተከትሎ " ቴሌግራም "ን በሚሊዮን የሚቆጠሩ ሰዎች መቀላቀላቸውን የቴሌግራም መስራች እና ዋና ስራ አስፈፃሚ ፓቨል ዱሮቭ ገለጹ።
ዋና ስራ አስፈፃሚው ፤ " ኢንስታግራም እና ፌስቡክ በተቋረጡበት ባለፉት ሰአታት በሚሊዮን የሚቆጠሩ ሰዎች ቴሌግራም ላይ ሲመዘገቡ እና ይዘቶችን ሲያጋሩ ቆይተዋል " ብለዋል።
" ቴሌግራም " ከእነዚህ አገልግሎቶች የበለጠ አስተማማኝ ነው ሲሉም አክለዋል።
" ምንም እንኳን ከሜታ አንድ ሺህ ጊዜ ያነሱ ቋሚ የሆኑ ሰራተኞች ቢኖሩንም በመተግበሪያው ላይ አዳዲስ ይዘቶችን ለማሻሻል እና አዳዲስ ፈጠራዎችን ለማከል ፈጣኖች ነን " ብለዋል።
ዋና ስራ አስፈፃሚው ፤ " በ2023 ሙሉ ከዓመቱ 525,600 ደቂቃዎች ውስጥ የቴሌግራምን አገልግሎት ማግኘት ያልተቻለው በአጠቃላይ ለ9 ደቂቃ ብቻ ነው " ያሉ ሲሆን " ይህም 99.999983% ቴሌግራም ስራ ላይ እንደነበር አመላካች ነው " ሲሉ ገልጸዋል።
@tikvahethiopia