TIKVAH-ETHIOPIA

29 октября 2024 18:34

#AddisAbaba

የ1997 የጋራ መኖሪያ ቤት ተመዝጋቢዎች ፥ " ለ20 ዓመታት ቤት ይደርሰናል ብለን ስንጠብቅ ከሰሞኑን የሰማነው ነገር አሳዝኖናል ፤ ፍትህ ተጓድሎብናል መፍትሄ እንፈልጋለን ፤ በቤት ኪራይ ተሰቃየን ፤ የቤት ችግር ኑሯችንን ፈተና ላይ ጥሎታል " ሲሉ ድምጻቸውን አሰምተዋል።

ትላንት ምሽት የአዲስ አበባ ቤቶች ልማትና አስተዳደር ቢሮ ማብራሪያ መስጠቱ ይታወሳል።

ዛሬ ደግሞ አስተዳደሩ በቤቶች ልማት ኮርፖሬሽን በኩል ማብራሪያ ሰጥቷል።

ኮርፖሬሽኑ ምን አለ ?

" ብቁና ንቁ የነበሩ የ1997 የጋራ መኖሪያ ቤት ተመዝጋቢዎች በ14ኛው ዙር ዕጣ ሙሉ በሙሉ ተስተናግደዋል " ብሏል።

" በ1997 ዓ/ም የቤት ባለቤት ለመሆን ተመዝግበው የነበሩ የከተማችን ነዋሪዎች በ2005 ዓ.ም በተካሄደው ዳግም ምዝገባ ወቅት ' ነባር ' የሚል መለያ ተሰጥቷቸው የነበረ ሲሆን ዳግም ከተመዘገቡና ውላቸውን ካደሱ ጊዜ ጀምሮ ሳያቋርጡ ሲቆጥቡ የነበሩ ናቸው " ሲል ገልጿል።  

" እነዚህ ተመዝጋቢዎች ቀደም ብለው የተመዘገቡ እንደመሆናቸው መጠን በ20/80 የቤት ልማት መርሃ ግብር ተገንብተው ለእጣ ከሚተላለፉት ቤቶች ውስጥ የጋራ መኖሪያና ንግድ ቤቶች ለተጠቃሚዎች ለማስተላለፍ በወጣው መመርያ ቁጥር 3/2011 መሰረት በነበሩት ዙሮች ቅድሚያ እየተሰጣቸው ሙሉ በሙሉ ተስተናግደዋል " ሲል አሳውቋል።

" በ2005 ዳግም ምዝገባ ያደረጉ ከ140 ሺህ በላይ ተመዝጋቢዎች ሳያቆራርጡ እስከ እጣ ማውጫ ቀን ድረስ እየቆጠቡ ለነበሩት እስከ 13ኛ ዙር በነበረው የጋራ መኖርያ ቤቶች እጣ ሲሰተናገዱ ቆይተዋል " ብሏል።

" ህዳር 6 ቀን 2015 ዓ.ም ለ14ኛ ዙር በተላለፉት የ20/80 የጋራ መኖርያ ቤቶች ላይም የ1997 ተመዝጋቢዎች ቅድሚያ ተሰጥቷቸው ነው የተስተናገዱት " ሲል አብራርቷል።

" በ14ኛ ዙር እጣ ዝግጅት በሚደረግበት ወቅት ንቁና ብቁ የነበሩ ከ43 ሺህ ያልበለጡ ቆጣቢዎች ቅድሚያ በመስጠት ሙሉ በሙሉ እንዲሰተናገዱ ተደርጓል " ነው ያለው።

" በእጣ ማውጫ ጊዜ በመረጃ ቋት ውስጥ የቀሩት የ1997 ተመዝጋቢዎች በጊዜው ንቁና ብቁ ያልነበሩ ናቸው "ብሏል።

" እነዚህና ሌሎች ቤት ፈላጊዎች በከተማ አስተዳደሩ እየተተገበሩ በሚገኙ የተለያዩ የቤት የልማት አማራጮች ተጠቃሚ እየሆኑ ይገኛሉ " ሲልም አመልክቷል።

ከዚህ በተጨማሪ ፥ " በአሁኑ ወቅት በከተማዋ እየተካሄዱ በሚገኙ የልማት ስራዎች ምክንያት ከመኖርያ አካባቢያቸው ለሚነሱ የልማት ተነሽዎች በአዲስ አበባ ቤቶች ልማትና አስተዳደር ቢሮ የወጣው በጋራ መኖሪያና ንግድ ቤቶች ማስተላለፍ መመርያ ቁጥር 3/2011 አንቀጽ 23 በተገለጸው መሰረት በከተማ መልሶ ማልማት ምክንያት ለሚነሱ ነዋሪዎች ምትክ ቤት ለመመደብ በተቀመጠው አሰራር መሰረት እየተስተናገዱ ናቸው " ብሏል።

ኤጀንሲው " በልማት ምክንያት የሚነሱ ነዋሪዎች ምትክ ቤት የሚሰጣቸው ከላይ በተጠቀሰው መመርያ ላይ በሰፈረው መሰረት በከተማ አስተዳደሩ ከሚገነቡ የጋራ መኖርያ ቤቶች ውስጥ ለልማት ተነሺ በሚል በመጠባበቂያ ከተያዙት ቤቶች እንጂ በመደበኛነት ለተመዝጋቢዎች ከሚተላለፉ ቤቶች አይደለም " ብሏል።

" የልማት ተነሺ ሆነው የጋራ መኖርያ ቤት ምትክ የወሰዱና በ20/80 ወይም በ40/60 የቤት ልማት ፕሮግራሞች ተመዝጋቢ የሆኑ ነዋሪዎች ከምዝገባ ቋት ውስጥ የሚቀነሱ ይሆናል " ሲልም አመልክቷል።

#AddisAbaba

@tikvahethiopia

TIKVAH-ETHIOPIA

29 октября 2024 11:40

" እኔ የፓርላማ አባል ሄጀ የተመለስኩ ሌላው ህዝብ እንዴት እየተገለገለ ነው ?  " -  የፓርላማ አባል

አንዳንድ ሚኒስትሮች ከተሾሙ በኃላ ለሆነ ጉዳይ ወደ ቢሯቸው ሲኬድ ቢሯቸውን እየዘጉ እንደሆነ አንድ የፓርላማ አባል ተናግረዋል።

አንድ ተሿሚ አመራር ከስልጣን ሲወርድ ህዝቡ ጋር እንደሚገባው በሹመቱ ሰዓትም ህዝቡ ጋር መኖር እንዳለበት አንሰተዋል።

ምን ጊዜም ተገልጋዮች ምላሽ እንዲያገኙ ቢሮዎች ክፍት መሆን አለባቸው ፤ በስልክም መገኘት አለባቸው የሚል ሃሳብ ተነስቷል።

የፓርላማ አባል ሄዶ ' ማግኘት አትችሉም ' ተብሎ ከተመለሰ ሌለው ተገልጋይ ህዝብ እንዴት እየሆነ ይሆን ? የሚል ጥያቄ ተነስቷል።

ወ/ሮ እታፈራሁ ዘገየ  (የፓርላማ አባል) ፥

" እኔ አንዳንዴ የሚጨንቀኝ ጉዳይ አለ። ተሿሚዎች የምናውቃቸውና የምናያቸው እዚህ ምክር ቤት ላይ መጥተው ሹመት ስንሰጣቸው ነው እንዴ ?

አንድ ተሿሚ ወይም አመራር ሚኒስተር ሆኖ ሲቀመጥ ሲወርድ ህዝብ ጋር እንደሚገባው ሲኖርም ህዝብ ጋር መኖር አለበት።

እያየን ነው ባለንበት ሂደት ሰው ተቋሙን ካበቃ እንደሚኖር ተቋሙን ካላበቃ ደግሞ ቦታ እንደሚፈለግለት እያየን ነው።

ስልጣን ጊዜያዊ ኮንትራት ነው።

ከዚህ ጋር በተያያዘ ሚኒስተር መ/ቤቶች ጋር የሚገጥመን ነገር አለ።

ምን ጊዜም ቢሮዎች ክፍት ነው መሆን ያለባቸው ለተገልጋይ  ምላሽ ለማግኘት።

ከፀሀፊ ይጀምራል ' ሚኒስትሩ የሉም ፣ ማግኘት አይቻልም ፣ ቀጠሮ ይዛችሁ ነው ' ይባላል። ይሄ መስተካከልና መሻሻል አለበት።

እኔ አንዳንድ ጊዜ ሚኒስትሮቹን እዛ ስንሾም ብቻ ነው እንዴ መልካቸውን የምናየው ? ለምን ቢሮ ላይ ሄደን አናገኛቸውም ? የምንላቸው ተቋማት አሉ።

እኔ አንድ ሚኒስቴር መ/ቤት ሄጄ ሚኒስትሩን ፈልጌ ነበር አልኩኝ  በጣም ተናደደብኝ ጥበቃው ' እንዴት ሚኒስትሩ ትያለሽ ? ' ብሎ አይ እኔ የፓርላማ አባል ነኝ ብዬ በግድ ነው የገባሁት።

ቢሮ ሁሉ ክፍት መሆን አለበት። ፀሀፊዎቹም ኦሬንት መደረግ አለባቸው።

እኔ ሄጄ (የፓርላማ አባል) የተመለሰ ሌላው ህዝብ እንዴት እየተገለገለ ነው ? የሚል ጥያቄና የራሴ ምልከታ አለኝ።

ባለጉዳይ የሚስተናገድበት ጊዜ መወሰን አለበት፤ ሂዶ ማግኘት የሚቻልበት ፤ ስልክ ላይ መገኘት ባለባቸው ሰዓት መገኘት አለባቸው።

ወርዶ ከህዝብ መቀላቀል ስለማይቀር ስንሾምም ደግሞ ነገ ህዝብ ጋር ስንኖር ስንወርድ ያምርብናል። "

@tikvahethiopia

TIKVAH-ETHIOPIA

29 октября 2024 09:30

" ሲሾሙ ' ወጣት ፣ በትምህርት ዝግጅታቸው ጥሩ '  ተብሎ ይሾማል ሲወርዱ ግን በምን ፐርፎርም እንዳደረጉና እንዳላደረጉ አይነገረንም " - ደሳለኝ ጫኔ (ዶ/ር)

የሕዝብ ተወካዮች ም/ቤት አባሉ እና የአማራ ብሔራዊ ንቅናቄ (አብን) ተመራጩ ደሳለም ጫኔ (ዶ/ር) ከሚሰጡ ሹመቶች ጋር በተያያዘ ያላቸውን ጥያቄ በምክር ቤት አንስተዋል።

ደሳለኝ ጫኔ (ዶ/ር) ፥ " የሚነሱ ሚኒስትሮች ከሾናቸው በኃላ ምን አጉለው እንደተነሱ ፤ ምን ድክመት እንዳሳዩ ፤ ወይ ምን የስነምግባር ጥሰት እንዳሳዩ አይቀርብም ፤ በተጨማሪም እነሱን የሚታኳቸው ሚኒስትሮች ከነሱ በምን እንደሚሻሉ አይነገረም " ብለዋል።

" እርግጥ ሲሾሙ ' ወጣት ፣ በትምህርት ዝግጅታቸው ጥሩ ' ምናም ተብሎ ይሾማል ሲወርዱ ግን በምን ፐርፎርም እንዳደረጉ በምን ፐርፎርም እንዳላደረጉ አነገረንም። " ሲሉ ገልጸዋል።

ይህ ከግልጽነት እና ከተጠያቂነት መርህ አንጻር ጥያቄ እየሚያስነሳ እንደሆነ አስገንዝበዋል።

ሚኒስትሮች ከቦታቸው ሲወርዱ ለምን በምን ምክንያት እንደወረዱ ፤ በምትካቸው የሚመጡትም ከነሱ በምን እንደሚሻሉ የኢትዮጵያ ህዝብ ፤ ምክር ቤቱም ማወቅ የለበትም ? ሲሉ ደሳለኝ ጫኔ (ዶ/ር) ጠይቀዋል።

#TikvahEthiopiaFamilyAA

@tikvahethiopia

TIKVAH-ETHIOPIA

29 октября 2024 09:04

#HoPR

የሕዝብ ተወካዮች ም/ቤት ዛሬ እያካሄደው በሚገኘው 4ኛ ዓመት የሥራ ዘመን 2ኛ መደበኛ ስብሰባ የ5 ሚኒስትሮችን ሹመት በአብላጫ ድምጽ አጸድቋል።

የኢ.ፌ.ዴ.ሪ ጠ/ሚኒስትር ዐቢይ አሕመድ ለከፍተኛ የመንግሥት ሃላፊነት ቦታዎች ሹመት እንፀድቅላቸው በደብዳቤ ባቀረቡት ጥያቄ መሰረት ነው ሹመቱ በምክር ቤቱ እንዲጸድቅ የተደረገው።

ሹመታቸው የፀደቀው ፦

- የውጭ ጉዳይ ሚኒስትር ጌዲዮን ጤሞቲዎስ(ዶ/ር)፣
- የፍትሕ ሚኒስትር ሃና አርዓያ ሥላሴ፣
- የንግድና ቀጣናዊ ትስስር ሚኒስትር ካሳሁን ጎፌ (ዶ/ር)፣
-  የቱሪዝም ሚኒስትር ሰላማዊት ካሳ
- የባሕልና ስፖርት ሚኒስትር ሸዊት ሻንካ ናቸው፡፡

ምክር ቤቱ ሹመቱን በአንድ ተቃውሞ፣ በሁለት ድምፀ ተአቅቦ በአብላጫ ድምፅ አጽድቀዋል።

@tikvahethiopia

TIKVAH-ETHIOPIA

29 октября 2024 09:03

#WELL_Computer

ለተማሪዎች እና ለሠራተኞች ታላቅ ቅናሽ !ጥሩ ላፕቶፕ ለመግዛት አሰበዋል? እንግዲያውስ 𝐖𝐄𝐋𝐋 ኮምፒውተር አለልዎት!

እጅግ ዘመናዊ የሆኑ የ2023/24 ሞዴል ላፕቶፖች እና ኮምፒዩተሮችን ለጨረታም ሆነ ለግልዎ፣ የተለያዩ አዳዲስ ጌሚንግ እንዲሁም ዱባይ ዩዝድ ላፕቶፖችን ከአስተማማኝ ዋስትና ጋር እናቀርባለን።

አድራሻ፦ መገናኛ ከዘፍመሽ ዝቅ ብሎ 3ኤም ሲቲ ሞል / 3M City Mall 1ኛ ፎቅ ቁ. FL04 Well Computer

የሚፈልጉትን ላፕቶፕ ይምረጡ፦ /channel/welllaptop የአንድ ዓመት ሙሉ ዋስትና
Call Us: @cr7_well
ስልክ ፦0943847549 / 0910238672

TIKVAH-ETHIOPIA

28 октября 2024 19:04

#ረቂቅአዋጅ

የከተማ መሬትን በድርድር በሊዝ ማስተላለፍ የሚፈቅድ የአዋጅ ረቂቅ ለፓርላማ ሊቀርብ ነው።

የከተማ መሬትን ከጨረታ እና ከምደባ በተጨማሪ #በድርድር በሊዝ ማስተላለፍ የሚፈቅድ የአዋጅ ረቂቅ ለፓርላማ ሊቀርብ መሆኑን ' ኢትዮጵያ ኢንሳይደር ' አስነብቧል።

አዲሱ የአዋጅ ረቂቅ፤ ከተሞች በምደባ ለማቅረብ ካዘጋጁት መሬት መጠን ውስጥ፤ ቢያንስ 20 በመቶውን ለቤት ግንባታ አገልግሎት መዋል እንዳለባቸው ግዴታ ይጥላል። 

" የከተማ መሬትን በሊዝ ስለመያዝ " እንደወጣ የተገለጸው ይህ አዋጅ፤ ነገ በሚካሄድ የህዝብ ተወካዮች ምክር ቤት መደበኛ ስብሰባ ላይ እንዲቀርብ አጀንዳ ተይዞለታል።

ረቂቅ አዋጁ " መሬትን በድርድር በሊዝ ለማስተላለፍ " ምን ይላል ?

➡️ ረቂቅ አዋጁ መሬትን በድርድር በሊዝ ለማስተላለፍ የሚፈቅደው ድንጋጌ ይገኝበታል።

➡️ 13 ዓመት ያስቆጠረው ነባሩ አዋጁ፤ የከተማ ቦታ በሊዝ እንዲያዝ የሚፈቀደው በጨረታ ወይም በምደባ ስልት ብቻ ነበር።

➡️ በአዲሱ አዋጅ የተካተተው ' የድርድር ' ስልት፤ በጨረታ እና በምደባ አግባብ ለተጠቃሚ ሊተላለፉ በማይችሉ የከተማ መሬቶች ላይ፤ አንድ አልሚ " ለተለዩ ሀገራዊ ፋይዳ ላላቸው አገልግሎቶች " መሬት በሊዝ ይዞ ማልማት የሚፈቀድበት ነው። 

➡️ ይህ ተግባራዊ የሚደረገው " አግባብ ያለው አካል " ከአልሚዎች ጋር በሚያስቀምጠው " የልማት እቅድ መሰረት " እና " ከአልሚው ጋር በመደራደር " ነው።

➡️ የከተማ መሬት በድርድር ሊተላለፍ የሚችለው " ሀገራዊ እና ክልላዊ የከተማ ልማት ስፓሻል ፕላንን " መሰረት በማድረግ ነው ይላል ረቂቅ አዋጁ።

➡️ በመንግስት እና በግሉ ዘርፍ ለሚቀርቡ የልማት ጥያቄዎች፤ መሬት በድርድር አግባብ ሊተላለፍ እንደሚችል በአዲሱ አዋጅ ተደንጓል።

➡️ በፌደራል መንግስት ለሚተዳደሩ የኢንዱስትሪ ፓርኮች፣ ለኢንዱስትሪ ልማት፣ ለከፍተኛ የትምህርት እና የጤና ተቋማት እንዲሁም ለምርምር ዘርፍ ፕሮጀክቶች የከተማ መሬት በድርድር ሊተላለፍ እንደሚችል ተዘርዝሯል።

➡️ የአገልግሎት ዘርፉን የሚደግፉ ባለኮከብ ሆቴሎች እና ለቱሪስት ልማት ለሚውሉ ሪዞርቶችም የሚቀርቡ የመሬት ጥያቄዎች በድርድር አሰራር ሊስተናገዱ ይችላሉ።

➡️ በግሉ ዘርፍ አሊያም በመንግስትና በግሉ ዘርፍ በሽርክና ሊለሙ የሚችሉ የከተማ መልሶ ማልማት ፕሮጀክቶችም፤ በዚሁ የመሬት አሰጣጥ አግባብ እንደሚስተናገዱ በአዋጁ ላይ ሰፍሯል።

➡️ ለሪል ስቴት ወይም ለቤት ልማት የሚቀርቡ የመሬት ጥያቄዎች፣ የግዙፍ የገበያ ማዕከላት (ሞል) ፕሮጀክቶች፣ ትላልቅ የነዳጅ ማጠራቀሚያዎች እና ማከፈፋያዎች፣ ለዘመናዊ የመኪና ማቆሚያ ህንጻ ግንባታዎች የሚውሉ ቦታዎች፤ በተመሳሳይ መልኩ በድርድር ማግኘት እንደሚቻልም ተመላክቷል።

➡️ በድርድር አግባብ የሚስተናገዱ ፕሮጀክቶች " የሚመጣዉ ልማት ይዘት፣ ስፋትና ጥልቀት፤ ለልማት በተመረጠው ቦታ ነባር ተጠቃሚ የሆኑ ባለይዞታዎች መስተንግዶና ተጠቃሚነት፣ በዙሪያ ባሉ ማህበረሰቦች ተጠቃሚነትና ጉዳት ቅነሳ እንዲሁም የመሰረተ ልማት አቅርቦት ድርሻ " ከግምት ውስጥ እንደሚገባ የአዋጅ ረቂቁ አትቷል።

➡️ የከተማ ቦታ በድርድር አግባብ እንዲተላለፍ የሚደረገው፤ በክልሎች፣ በአዲስ አበባ እና ድሬዳዋ አስተዳደሮች " ካቢኔ ሲወሰን ብቻ " ነው።

➡️ መሬት በድርድር የማስተላለፊያ ዋጋ፤ ከአካባቢው አማካይ የሊዝ ጨረታ ዋጋ በታች መሆን እንደሌለበትም በአዲሱ አዋጅ ተደንግጓል። 

በምደባ ስለሚሰጥ የከተማ መሬትስ ምን ይላል ?

🔴 አዲሱ ድንጋጌ ' ከተሞች በምደባ ለማቅረብ ካዘጋጁት የመሬት መጠን " ውስጥ " ቢያንስ 20 በመቶ የሚሆነውን " ለቤት ግንባታ አገልግሎት መዋል እንዳለባቸው ግዴታ ይጥላል።

🔴 በአንድ ከተማ በመኖሪያ ቤት ህብረት ስራ ማህበር፣ በጋራ መኖሪያ ቤት ልማት ፕሮግራም ወይም በተናጠል የከተማ መሬትን በምደባ ተጠቃሚ የሆነ ግለሰብ፤ በዚያው ከተማ " ለሁለተኛ ጊዜ በምደባ ተጠቃሚ እንዳይሆን " የሚያግድ አዲስ ድንጋጌም ተካቷል።

🔴 በአዲሱ አዋጅ፤ መሬት በጨረታ የሚያሸነፉ ግለሰቦች ለሚያሟላቸው የሚገቡ መስፈርቶች ላይ ማሻሻያ ተደርጎበታል። እስካሁን በስራ ላይ ባለው የሊዝ አዋጅ፤ አንድ ተጫራች የመሬት ጨረታ አሸናፊ የሚሆነው፤ ባቀረበው የጨረታ ዋጋ እና የቅድመ ክፍያ መጠን ላይ ተመስርቶ በሚደረግ ስሌት ከፍተኛውን ነጥብ ሲያገኝ ነው። በአዋጅ ረቂቁ ላይ ይህ ተቀይሮ የሊዝ ጨረታ አሸናፊዎች የሚለዩት፤ ከጨረታ ዋጋ እና የቅድሚያ ክፍያ በተጨማሪ የሊዝ ክፍያ ማጠናቀቂያ ጊዜ ተሰልቶ በሚገኘው የድምር ውጤት ነው። የጨረታ ዋጋ 65 በመቶ፣ የቅድሚያ ክፍያ 20 በመቶ እና የሊዝ ክፍያ ማጠናቀቂያ 15 በመቶ ነጥብ ይኖራቸዋል።

ተጨማሪ መረጃ ፦

🔵 አዲሱ አዋጅ የሊዝ መነሻ ዋጋ የሚከለስበትን ጊዜ ከ2 ዓመት ወደ 3 ዓመት ከፍ አድርጎታል።

NB. " የሊዝ መነሻ ዋጋ " ማለት ዋና ዋና የመሰረተ-ልማት አውታሮች የመዘርጊያ ወጪን፣ ነባር ግንባታዎችና ንብረቶችን ለማንሳት የሚያስፈልገውን ወጪና ለልማት ተነሺዎች የሚከፈል ካሳአን እና ሌሎች አግባብነት ያላቸውን መስፈርቶች ታሳቢ ያደረገ የመሬት ዝቅተኛ ዋጋ ነው።

🔵 ረቂቁ የመሸጋገሪያ ድንጋጌም ያያዘ ሲሆን አዋጁ ከመውጣቱ በፊት አግባብ ላለው አካል ለቀረቡ የከተማ መሬት ጥያቄዎች የሚሆን አንቀጽ አስቀምጧል። እነዚህ ጥያቄዎች አዋጁ ከጸናበት ቀን ጀምሮ እስከ 6 ወራት ድረስ፤ በነባሩ አዋጅ እና አዋጁን መሰረት አድርገው በወጡ ደንብ እና መመሪያዎች ውሳኔ የሚያገኙ እንደሚሆን ገልጿል።

ይህ መረጃ ባለቤትነቱ የ ' ኢትዮጵያ ኢንሳይደር ' ድረገጽ ነው።

ፎቶ ፦ ፋይል

@tikvahethiopia

TIKVAH-ETHIOPIA

28 октября 2024 18:11

#EthiopianInstitutionoftheOmbudsman

የኢትዮጵያ ሕዝብ ዕንባ ጠባቂ ተቋም ስለ 1997 ተመዝጋቢዎች ምን አለ ?

" ለ20 ዓመታት ያህል ' ቤት ይደርሰናል ' ብለው እየጠበቁ ቢሆንም መንግሥት ምላሽ አልሰጠንም ያሉ ቢያንስ 67 ሰዎችን አቤቱታ ተቀለን እየመረመርን ነው።

' በ1997 ተመዝግበን ቤት ሳይደርሰን ለሌሎች ተሰጥቷል ' ፤ በሚል ተደራጅተው ጠይቀዋል፣ እኛም ጥያቄ አቅርበናል፡፡ ነገር ግን የከተማ አስተዳደሩ እስካሁን መልስ አልሰጠንም።

መልስ የማይሰጠን ከሆነ ለረዥም ጊዜ ጠብቀው ምላሽ ያልተሰጣቸውን ሰዎች አቤቱታ ለሕዝብ ተወካዮች ምክር ቤት በማቅረብ የመጨረሻ ዕልባት እንዲያገኝ እናደርጋለን። "

ይህ ቃል ከሪፖርተር ጋዜጣ የተወሰደ ነው።

@tikvahethiopia

TIKVAH-ETHIOPIA

28 октября 2024 17:24

ፎቶ ፦ በድሬደዋ እና ሱማሌ ክልል ሲቲ ዞን መካከል አሁን በተከሰተ የሰደድ እሳት ምክንያት ለግዜው የባቡር እንቅስቃሴ መቆሙን ኢንጂነር ታከለ ኡማ አሳውቀዋል።

" እሳቱን ለመቆጣጠር እና አገልግሎቱን ለማስጀመር የድሬደዋ የእሳት አደጋ እና የሽንሌ ዞን ሀላፊዎች ከጣቢያው ሰራተኞች ጋር በመሆን ባደረጉት ርብርብ እሳቱን ማጥፋት ተችሏል " ሲሉ ገልጸዋል።

@tikvahethiopia

TIKVAH-ETHIOPIA

28 октября 2024 17:02

🔈 #የነዋሪዎችድምጽ

" የከንቲባዋ ቃል አሳዝኖናል " - የ97 ተመዝጋቢዎች

" የ1997 ኮንዶሚኒየም ተመዝጋቢዎች 20 አመት ሙሉ የጠበቅነዉን ተስፋ ከንቲባ አዳነች አቤቤ ' 97 ሰጥተን ጨርሰናል ' ማለታቸዉ በጣም አሳዝኖናል " ሲሉ ገልጸዋል።

" ቁጠባችንን በአግባቡ እየቆጠብን የነበርን በሺዎች የምንቆጠር ዜጎች አለን " ብለዋል።

" እኛም ዜጎች ነን በኪራይ ቤት እድሜችን አለቀ " ሲሉ አክለዋል።

ነዋሪዎቹ ፥ " ለሕዝብ ዕንባ ጠበቂ ተቋም ደብዳቤ አስገብተናል አዲስ አበባ ቤቶች ኤጀንሲ ግን መልስ አልሰጣቸውም " ሲሉ አስታውሰዋል።

" ከዚህ ባለፈ የጠቅላይ ሚኒስቴር ቢሮም መፍትሄ እንዲፈልግልን ብለን ነበር ጋር ግን ምላሽ ተነፍጎናል " ብለዋል።

" ወዴት እንደምንሄድ ጨንቆናል ፍትህ ተጓሎብናል ፤ አሁን ካለው የኑሮ ጫና አንጻር የቤት ኪራይ ትልቁ ፈተና ነው እባካችሁ መፍትሄ ፈልጉልን " ሲሉ ድምጻቸውን አሰምተዋል።

#TikvahEthiopiaFamilyAA

@tikvahethiopia

TIKVAH-ETHIOPIA

28 октября 2024 17:01

#EHRC

ሰሞኑን የኢትዮጵያ ሰብዓዊ መብቶች ኮሚሽን የሴቶች እና የሕፃናት ሰብአዊ መብቶች ሁኔታ ዓመታዊ ሪፖርት ይፋ አድርጎ ነበር።

ይህ ሪፖርት ከሰኔ 2015 ዓ/ም እስከ ሰኔ 2016 ዓ/ም ያለውን ጊዜ የሚሸፍን ነው።

በዚሁ የዓመታዊ ሪፖርት ፥ በግጭት ውስጥ ባሉ እና በትጥቅ ግጭት ውስጥ በቆዩ የሀገሪቱ አካባቢዎች በመንግሥት የጸጥታ ኃይሎች እና በታጣቂ ቡድኖች በተለያየ ጊዜ በሚፈጸሙ ጥቃቶች ሴቶችና ሕፃናትን ፦

🔴 ለሞት ፣ ለአካል ጉዳት እንዲሁም ለወሲባዊ እና ጾታዊ ጥቃቶች መጋለጣቸው፤

🔴 በግጭት ዐውድ ውስጥ በቆዩት፦
° አፋር፣
° ቤኒሻንጉል ጉሙዝ
° ትግራይ ክልሎች በቂ መልሶ የማቋቋም ሥራ ባለመከናወኑ በሕክምና ተቋማት የውሃና ኤሌክትሪክ ፣ የሕክምና ቁሳቁስ ፣ የአምቡላንስ ፣ የመድኃኒት ፣ የክትባትና የምግብ አቅርቦት ውስንነት ምክንያት እናቶችና ጨቅላ ሕፃናት በቅድመ ወሊድ ፣ በወሊድ ፣ ድኅረ ወሊድ ፣ በድንገተኛ ወሊድ ወቅት ሊያገኙት የሚገባቸውን መሠረታዊ አገልግሎቶች እያገኙ ባለመሆኑ የእናቶችና ሕፃናት ሞት እየጨመረ መምጣቱ፣

🔴 በሀገሪቱ በቀጠሉ ግጭቶች እና በተፈጠረው የደኅንነት ሥጋት በተለያዩ ክልሎች የሚገኙ በሺህዎች የሚቆጠሩ ትምህርት ቤቶች መዘጋታቸው በአሳሳቢነት ተጠቅሰዋል፡፡

(ሙሉ ሪፖርቱ ከላይ ተያይዟል)

@tikvahethiopia

TIKVAH-ETHIOPIA

28 октября 2024 14:10

#Tigray

"  እስከ በጀት መገደብ የሚደርስ ቅጣት ሊጣል ይችላል " - የትግራይ ጊዜያዊ አስተዳደር

የትግራይ ጊዚያዊ አስተዳደር በፕሬዜዳንት አቶ ጌታቸው ረዳ ፊርማ ተፈርሞ ባሰራጨው መመሪያ ፤ " የጊዚያዊ አስተዳደሩ እቅዶች ማደናቀፍ እና በዘፈቀደ ህጋዊ ያልሆነ ሹመት መስጠትና መንሳት የበጀት ቅጣትና የህግ ተጠያቂነት ያስከትላል " ሲል አሳስቧል።

መመሪያ ደ/18/8/84 እንደሚለው " በህወሓት አመራሮች የተፈጠረ የፓለቲካ ልዩነት ምክንያት በማድረግ መንግስታዊ ስልጣን እና ሃላፊነት የሌለው ' ቡድን ' በማለት የተጠቀሰው በዶ/ር ደብረፅዮን ገ/ሚካኤል የሚመራው ህወሓት የሚሰጠው ሹመት የመሻርና ሹመት የመስጠት ተግባር ፍፁም ተቀባይነት የለውም " ብሏል።

በመሆኑም ፦

1. ቡድኑ የሚያካሄዳቸውን ህጋዊ ያልሆኑ ተግባራት እንዲቆም ፤ ይህንን የጊዚያዊ መንግስቱ መመሪያ በመቀበል ፍርድ ቤት ጨምሮ የዞን እና የወረዳ የመንግስት መዋቅሮች ህጋዊ አሰራር እንዲከተሉና ህግ በሚጥስ ላይ ህጋዊ እርምጃ እንዲወስዱ፤

2. በክልሉ በየመዋቅሩ ያሉ ምክር ቤቶች ጊዚያቸው ያለፈ እና ህጋዊ መሰረታቸው ያበቃ መሆኑን በመቀበል ሹመት ከመስጠትና ከመሻር እንዲቆጠቡ፤

... ሲል ማስጠንቀቅያ ሰጥቷል።

ከዚህ ባለፈ የጊዚያዊ አስተዳደሩን እቅዶች የሚፃረር የከተማና የገጠር ወረዳ የአስተዳደር መዋቅር በጀት እስከመገደብ የሚደርስ ቅጣት እንደሚጣልበት በአፅንኦት አሳስቧል።

#TikvahEthiopiaFamilyMeklle

@tikvahethiopia 

TIKVAH-ETHIOPIA

28 октября 2024 14:09

#ጥቆማ

አሸዋ ቴክኖሎጂ ሶሉሽንስ፣ ኢትዮጵያውያን የፈጠራ ባለሙያዎች በNehabi No Code Website Builder በመጠቀም ችሎታቸውን የሚያሳዩበትን የነሃቢ ዌብሳይት ዲዛይነሮች ውድድር በይፋ ማስጀመሩን ለቲክቫህ ኢትዮጵያ ገልጿል።

" አሸናፊዎች እስከ 100,000 ብር የገንዘብ ሽልማት ድረስና ተጨማሪ ሽልማቶችን ያገኛሉ " ብሏል።

" ተወዳዳሪዎች የፈጠራ ችሎታቸውን በመጠቀም አዳዲስ ነገሮችን እንዲያመጡ፣ AI Powered ዌብሳይቶችን እንዲያበለፅጉ እንዲሁም የራሳቸውን ተጨማሪ Plugins በማዘጋጀት እንዲሰሩ ይበረታታሉ " ሲል ገልጿል።

ምዝገባው እስከ ጥቅምት 29፣ 2017 ዓ.ም ድረስ ክፍት ነው ተብሏል።

ውድድሩ ላይ ለመመዝገብ ይህን ሊንክ ይጫኑ: https://nehabi.ashewa.com/contest/

@tikvahethiopia

TIKVAH-ETHIOPIA

28 октября 2024 14:09

#ብርሃን_ባንክ

የብርሃን ጉዞጎ ተጠቃሚዎች ብቻ የሚያገኙትን ልዩ ቅናሾች እና ጥቅሞች ያግኙ፣ ይህም ጉዞዎን የበለጠ ተመጣጣኝ እና አስደሳች ያደርገዋል።

👉ደንበኞች በአካል መሄድ ሳያስፈልጋቸው ከ10 በላይ አለም አቀፍ የአየር መንገዶች የበረራ ትኬቶችን ዋጋ ማወዳደር ያስችላል።
👉ደንበኞች በሚመርጡት አየር መንገድ የበረራ ትኬቶች ላይ ቅናሽ ዋጋዎች እንዲያገኙ ያስችላል።
👉ደንበኞች በሚመርጡት ሰዓት እና ዋጋ አስተማማኝ የበረራ ቡኪንግ ለመያዝ ያስችላል።
👉በሁሉም የባንካችን ቅርንጫፎች፣ በሞባይል ወይንም በኢንተርኔት ባንኪንግ ክፍያዎችን መፈጸም ያስችላል፡፡
👉ያለ ተጨማሪ ክፍያ ሳምንቱን ሙሉ ለ 24 ሰዓታት የባለሙያ ምክር እና እርዳታ እንዲያገኙ ያስችላል። ስለ ብርሃን ጉዞጎ (GuzoGo) አገልግሎት ተጨማሪ መረጃ ለማግኘት በ0116506355 /0116507425 ወይም በነፃ የጥሪ ማዕከል ቁጥር 8292 ላይ ይደውሉ፤

ከታች የሚገኙትን ሊንኮች በመጫን የማህበራዊ ድህረ-ገጾቻችንን ይቀላቀሉ!
Facebook
Telegram
Instagram
Twitter
LinkedIn
YouTube

TIKVAH-ETHIOPIA

27 октября 2024 19:59

#Update

" ዘግተው የወጡትን ሰዎች በህግ እንዲፈለጉ እያደረግን ነው " -የሆስፒታሉ ስራ አስኪያጅ

ከክፍያ ጋር በተያያዘ የአንጋጫ የመጀመሪያ ደረጃ ሆስፒታልን ዘግተው ስለወጡና ስራ ስላቆሙ ጤና ባለሞያዎች በተመለከተ የሆስፒታሉ ስራ አስኪያጅ አቶ ተሰማ አበራ ዝርዝር ምላሽ ሰጥተዋል።

" እኔ እንደ ተቋሙ ስራ አስኪያጅ ይከፈላቸው ብዬ እየጠየኩ ነው በዕለቱም ይህንን ጉዳይ ከሚመለከተው አካል ጋር ለመነጋገር ስሄድ ነው ዘግተው የወጡት " ሲሉ ተናግረዋል።

" ስመጣ ሁሉም ክፍል ዝግ ሆኖ ነው የጠበቀኝ ታካሚው ውጪ ሲጉላላ ነው የደረስኩት " ብለዋል።

ወረዳውም የተጠየቀውን ክፍያ ለመክፈል ዝግጁ ነው ያሉት አቶ ተሰማ " ነገር ግን ' የገንዘብ እጥረት አለብኝ 'ታገሱ ' ብሏል " ሲሉ ለቲክቫህ ኢትዮጵያ ተናግረዋል።

" ጤና ጣቢያ ለአንድ ደቂቃም መዘጋት የለበትም " የሚሉት ሃላፊው " እነሱ ግን ዘግተው ወጡ እንደዚህ ሲሆን ማስታወቂያ አወጣን ' ወደ ስራቹ ተመለሱ ' የሚል አልመጡም በመሃል ወሊድ ፋታ የማይሰጥ በመሆኑ የመጡት እናቶች ሪፈር በሚደረጉ ወቅት ከፍተኛ ችግር ደርሶባቸዋል " ብለዋል።

" ላብራቶሪ ፣ ማዋለጃ ፣ መድሃኒት ክፍል ሁሉንም ዘግተው ነው የሄዱት ቁልፍ አስረክበው ቢሄዱ አንድ ነገር ነው ትልቅ ወንጀል ነው ሰርተው የሄዱት " ሲሉ ተናግረዋል።

ስራ አስኪያጁ አምናም በተመሳሳይ ከዲዩቲ ክፍያ ጋር በተያያዘ ሆስፒታሉ ተዘግቶ እንደነበር ገልጸዋል።

" ያኔ ምንም እርምጃ አልተወሰደም በዚሁ ከቀጠለ ጤና ተቋማት እየተዘጉ ህዝብ ያልቃል እርምጃ ካልተወሰደ ነገም ቢሆን እየዘጉ ይወጣሉ በዚህ መሃል ሰው ይሞታል የሞተ ሰውን ደግሞ መመለስ አይቻልም " ብለዋል።

በተቋሙ ዘግተው የወጡትን ሰዎች በህግ እንዲፈለጉ እያደረግን ነው የዘጓቸውን ክፍሎች ግን በህጋዊ መንገድ ሰብረን ገብተናል ሲሉ ገልጸዋል።

ለጊዜው ከሌሎች አካባቢዎች ባለሞያዎችን አምጥተው ሥራ ለመጀመር እንቅስቃሴዎችን እያደረጉ እንደሆነ ተናግረዋል።

ከ80 በላይ ባለሞያዎች በአንድ ጊዜ ነው ስራ ያቆሙት ምን ያህል ባለሞያዎችን አግኝታቹሃል ? ስንል ላቀረብንላቸው ጥያቄ " ባሉት ዋና ዋና ጊዜ የማይሰጡ የወሊድ እና የድንገተኛ ህክምና ቦታዎች ላይ 7 ባለሞያዎች አምጥተናል ኦፕሬሽን ላይ ግን ሰው ማግኘት አልተቻለም " ብለዋል።

እነዚህ ባለሞያዎች ክፈተቱን ለመሸፈን የመጡ እንጂ ቋሚ ተቀጣሪዎች አይደሉም ሲሉ አስረድተዋል።

ስራ ያቆሙት ባለሞያዎች ተመልሰው ቢሙጡ ትቀበላላቹ ወይ ? ስንል ላነሳንላቸው ጥያቄ  " እስካሁን የመጣ ባለሞያ የለም " የሚል ምላሽ ሰጥተዋል።

" ' በሌሎች ተገፋፍተን አስፈራርተውን ነው ' የወጣነው የሚሉ ባለሞያዎች አሉ የሚመለሱ ከሆነ አስፈላጊውን አስተዳደራዊ እርምጃ የምንወስድ ይሆናል ነገር ግን አስቀድመን ከማህበረሰቡ ጋር ውይይቶችን አድርገን ነው የሚሆነው " ሲሉ ገልጸዋል።

ሃላፊው ፥ " ስራ በማቆማቸው ቀዳሚ ተጎጂ ማህበረሰቡ መሆኑን ጠቁመው ከሰኞ በኋላ ከሚመለከታቸው ጋር ተነጋግረን ይመለሱ አይመለሱ የሚለውን የምንወስን ይሆናል " ሲሉ አክለዋል።

ወደ አመራርነት ከመጡ 2 ወራቸው እንደሆነ የገለጹት አቶ ተሰማ " በሆስፒታሉ ውስጥ የአከፋፈል ስርዓት ችግር አለ ከታካሚው አንጻር ትርፍ ባለሞያ ነው ያለው አንዳንድ የማሻሻያ ስራዎች እየሰራን ነው ተቋሙ ላይ መድኃኒት መኖር አለበት መድሃኒት በህገወጥ መንገድ የሚወጣበት ተቋም ነው። ይህ እንዳይሆን አንዳንድ ስራዎችን መስራት ጀምረናል ይህ ያስቆጣቸው ሰዎች አሉ " ብለዋል።

ቲክቫክ ኢትዮጵያ ሰራተኞቹ የጠየቁት የተጠራቀመ እና የሰሩበትን ክፍያ ነው በምን ያህል ጊዜ ችግራቸውን ትፈታላቹ ? የሚል ጥይቄ አንስቷል።

ስራ አስኪያጁ ፤ " እኔ ያሰራኋቸውን የሁለት ወር የዲዩቲ ክፍያ ለመክፈል 1.4 ሚልዮን ብር ያስፈልጋል ይህንንም ለመክፈል ቀኑን መወሰን አይቻልም ወረዳው ' ያለውን ነገር ተነጋግረን እንፈታለን ' ብለዋል ይከፈላቸዋል " ሲሉ መልሰዋል።

" ያልተከፈላቸውን ክፍያ ሁሉ ለመክፈል ወረዳው ዝግጁ ነው " ያሉ ሲሆን ነገር ግን የበጀት እጥረት በመኖሩ ቀኑን መወሰን እንደማይቻል ገልጸዋል።

በ2016 የጥር ወር ላይ የ4 ወር የዲዩቲ ክፍያ ባለመከፈሉ በተመሳሳይ ሰራተኞች ስራ አቁመው እንደነበር መዘገባችን የሚታወስ ነው።

በወቅቱ ሆስፒታሉ ከወረዳው ከሚገኙ የጤና ጣቢያዎች 17 ያህል ባለሞያዎችን ቀጥሮ ስራ አስጀምሮ ነበር።

ከዚያ በኋላም የአንድ ወር እንዲከፈላቸው ተደርጎ ወደ ስራ ተመልሰው የነበረ ሲሆን በጊዜያዊነት ተቀጥረው የነበሩት 17 ባለሞያዎች አብረው እንዲቀጥሉ ተደርገዋል።

አቶ ተሰማ እኚህ 17 ባለሞያዎች አሁን የስራ ማቆም አድማ ካደረጉት ውስጥ እንደሚገኙ ጠቁመዋል።

ባለሞያዎች ወደመጡበት እንዲመለሱ በወረዳው አስተዳደር መወሰኑን ተናግረዋል።

ቲክቫህ ኢትዮጵያ የሆስፒታሉን ምክትል ቦርድ ሰብሳቢ እና የአንጋጫ ወረዳ አስተዳዳሪ የሆኑትን አቶ ማርቆስ ማሞን በጉዳዩ ላይ ምላሽ እንዲሰጡ ተደጋጋሚ የስልክ ጥሪ ቢያደርግም ለጊዜው አልተሳካም።

#TikvahEthiopiaFamilyAA

@tikvahethiopia

TIKVAH-ETHIOPIA

27 октября 2024 14:40

#ድሬዳዋ

በአማራ ክልል ባለው የፀጥታ ችግር ሳቢያ የመተማ መስመር በመዘጋቱ፣ በድሬዳዋ በኩል የሚደረገው ሕገወጥ የሰዎች ዝውውር በከፍተኛ ሁኔታ መጨመሩ ተገለጸ።

ይህንን የገለጸው የድሬዳዋ ከተማ አስተዳደር ሴቶችና ማኅበራዊ ጉዳይ ቢሮ ነው።

ቢሮው ፤ " የመተማ መስመር በመዘጋቱ ድሬዳዋ እንደ መተላለፊያነት ስለምታገለግል ከፍተኛ የዜጎች ፍልሰት በከተማዋ ታይቷል " ብሏል።

ከተማዋ በምሥራቅ አቅጣጫ ድንበር መተላለፊያ በመሆኗ ሥራ ፍለጋ ወደ መካከለኛው ምሥራቅ የሚሻገሩ ሰዎች ፍልሰታቸው እየጨመረ መሆኑን ገልጿል።

ፍልሰተኞቹ ድንበር ለመሻገርም ሆነ በአጋጣሚ ያሰቡት ሳይሳካላቸው ሲቀር ተመልሰው ድሬዳዋ ውስጥ የሚቀሩ መኖራቸው ተመላክቷል።

በፍትሕ ሚኒስቴር የድሬዳዋ ቅርንጫፍ ጽ/ቤት በበኩሉ ፥ ከተማዋ የመተላለፊያ በር በመሆኗ ከፍተኛ ቁጥር ያላቸው ሰዎች ይፈልሳሉ ብሏል።

በቀን ከ80 አስከ 100 ያህል ከ14 እስከ 35 የዕድሜ ክልል ውስጥ ያሉ ሰዎች በሕገወጥ መንገድ ለመውጣት ጥረት እንደሚያደርጉ ጠቁሟል።

➡ የሰላም ዕጦት

➡ ሥራ አጥነት

➡ በደላሎች መታለል ለዚህ ገፊ ምክንያት መሆናቸውንም ጽ/ቤቱ ጠቁሟል።

ከጊዜ ወደ ጊዜ በድሬዳዋ በኩል የሚደረገው ሕገወጥ የሰዎች ዝውውር በከፍተኛ ሁኔታ የጨመረው፣ አዘዋዋሪዎች በቴሌግራም፣ በፌስቡክና በሌሎች ማኅበራዊ የትስስር ገጾች ማስታወቂያዎች ነው ተብሏል።

ችግሩን ለመፍታት ዘመኑን የሚመስሉ የወንጀል ምርመራ ሒደቶችን በመከተል በፍርድ ቤት ከማስረጃ ምዘና በተያያዘ ችግሮች እንዳይፈጠሩ፣ የወንጀል አፈጻጸም ዘዴ ግምት ውስጥ ያስገቡ የሕግ ማሻሻዎች ማድረግ እንደሚገባ ተጠቁሟል።

የተቋማት ግንባታን በሚገባ ማጠናከርና ያላቸውን ግንኙነት ማሻሻል ይገባል ያለው ጽ/ቤቱ ወንጀሉ በአንድ ቦታ ብቻ የሚያበቃ ባለመሆኑ በክልሎች፣ በወረዳዎችና በቀበሌዎች የሚገኙ የፀጥታ አካላት ሊተባበሩ እንደሚገባ አሳስቧል።

ዜጎች በሕገወጥ መንገድ ሲሰደዱ አዘዋዋሪዎች የሰውነት ክፍሎቻቸውን እያወጡ መሸጥና ሌሎችም ወንጀሎችን ስለሚፈጽሙባቸው ለመከላከል፣ የአገሮች ቅንጅት በእጅጉ አስፈላጊ መሆኑም ተጠቁሟል።

ዜጎች ከሚነሱባቸው አካባቢዎች ያሉ የሕግ አካላት እስከ መዳረሻ አገሮች ድረስ ከፀጥታ አካላት ጋር ቅንጅታዊ አሠራሮችን ማሻሻልና ማዘመን ይገባል ተብሏል።

ድንበር ላይ የተያዙ ዜጎች ወደ መጡበት ለመመለስ የትራንስፖርትና የጊዜያዊ ማቆያ ችግሮች አሉ የተባለ ሲሆን ካለው ብዛት አኳያ ግን በቂ አለመሆኑን ተገልጿል።

በተለይ የባህር ላይ ወጀብ በማይኖርበት ወቅት ሕገወጥ የሰዎች ዝውውር እንደሚጨምር ተመላክቷል።

ከድሬዳዋ ጂቡቲ ርቀቱ 300 ኪሎ ሜትር በመሆኑ ለሕገወጥ የሰዎች ዝውውር ድሬዳዋ አመቺ ከተማ በመሆኗ ከተለያዩ አቅጣጫዎች ከፍተኛ ቁጥር ያላቸው ሰዎች ወደ ከተማዋ እንደሚፈልሱ ተነግሯል።

መረጃው ከሪፖርተር ጋዜጣ የተገኘ ነው።

@tikvahethiopia

TIKVAH-ETHIOPIA

29 октября 2024 18:34

#Ethiotelecom

🎉✨ ጥሪ ማሳመሪያ ዳግም በሽልማት ተመልሷል!!

ለአገልግሎቱ ተመዝግበው ሙዚቃዎችን ወይም መንፈሳዊ ዜማዎችን እንደገዙ ከ 645 ለሚደርስዎት ጥያቄዎች ትክክለኛ ምላሽ በመስጠት ዕድልዎን ይሞክሩ!

📺 ስማርት ቴሌቪዥኖች
💻 ላፕቶፖች
📱 የ5ጂ ስማርት ስልኮችና ሳምሰንግ ታብሌቶች
🎁 እንዲሁም በርካታ የሞባይል ጥቅሎችን በሽልማት ያግኙ!

ለመመዝገብ 822 ወይም *822# ይደውሉ አልያም http://www.crbt.et ይጎብኙ!

🗓 እስከ ታኅሣሥ 28/2017 ዓ.ም ብቻ!

#CRBT #telebirr #DigitalAfrica #DigitalEthiopia #RealizingDigitalEthiopia

TIKVAH-ETHIOPIA

29 октября 2024 11:38

#ExchangeRate

የዶላር ምንዛሬ ዋጋ ጭማሪ አሳየ።

ባለፉት ቀናት በኢትዮጵያ ንግድ ባንክ አንድ የአሜሪካ ዶላር መግዣው 116 ብር ከ6699 ሳንቲም  ፤ መሸጫው ደግሞ 119 ብር ከ0033 ሳንቲም ነበር።

ዛሬ ይፋ በሆነው ምንዛሬ ዋጋው ጨምሯል።

ባንኩ በመግዣ ዋጋው ላይ ከ2 ብር በላይ ጭማሪ በማድረግ 119 ብር ከ2044 ሳንቲም አስገብቶታል።

መሸጫውም በተመሳሳይ ከ2 ብር በላይ ጨምሮ 121 ብር ከ5885 ሳንቲም ገብቷል።

በግል ባንኮችም ዶላር ከ119 ብር - 120 ብር ባለው እየተገዛ ፤ እስከ 123 ብር ድረስ እየተሸጠ ይገኛል።

(በግል ባንኮች ያለውን የዶላር የምንዛሬ ተመንን እንዲሁም የሌሎች ሀገራት ገንዘብ ምንዛሬ ከላይ ተያይዟል)

@tikvahethiopia

TIKVAH-ETHIOPIA

29 октября 2024 09:09

#HoP

" የምክር ቤት አባላት ያለመከሰስ መብታችን (immunity) ሳይነሳ እንደ ሽፍታ ተጎትተን ስንታሰርና ለወራት ስንቀመጥ ምን ሰሩ ? " - ደሰለኝ ጫኔ (ዶ/ር)

የሕዝብ ተወካዮች ም/ቤት አባሉና የአማራ ብሔራዊ ንቅናቄ (አብን) ተመራጩ ደሳለኝ ጫኔ (ዶ/ር) በቀድሞ የፍትህ ሚኒስትር ጌድዮን ጢሞትዬስ (ዶ/ር) ላይ ከፍተኛ ወቀሳ ሰነዘሩ።

የቀድሞው የፍትህ ሚኒስትር አሁን የውጭ ጉዳይ ሚኒስትር ሆነው መሾማቸው ላይ ጥያቄ አንስተዋል።

" የፍትህ ዘርፉን ከፍተኛ ችግር ውስጥ የከተቱ ስለሆኑ ትራክሪከርዳቸው የውጭ ጉዳይን ለመምራት ብቁ ሊያደርጋቸው አይገባም " ብለዋል።

ደሳለኝ ጫኔ (ዶ/ር) ፥ ጌዲዮን ጢሞቲዮስ ዶ/ር ወደ ፍትህ ሚኒስቴር ሲመጡ ከፍተኛ ተስፋ አድርገው እንደነበር ጠቁመዋል።

ነገር ግን ከሳቸው በፊት ከነበሩት ሚኒስትሮች ምን የተለየ ነገር አሳኩ ? ሲሉ ጠይቀዋል።

በህግ ከውጭ ዩኒቨርሲቲ ፒኤችዲ ይዘው መምጣታቸውና እዚህም ትልቁ የሀገራችን ተቋም አዲስ አበባ ዩኒቨርሲቲ ማስተማራቸው ላይ ምን ለውጥ አመጡ የሚለው አልተገመገመም ብለዋል።

በፍትህ ሚኒስትርነት ያላቸው ትራክሪከርድ / የሰሯቸው ስራዎች ለውጭ ጉዳይ ሚኒስትርነት ብቁ ያደርጋቸዋል የሚለውም አልተገመገመም ሲሉ ተናግረዋል።

" እኔ በግሌ ቅሬታ አለኝ " ያሉት ደሳለኝ (ዶ/ር) " በፍትህ ሚኒስትር ዶክተር ጌዲዮን የእውቀት ችግር አለባቸው ብዬ አይደለም ፤ በተለያዩ መድረኮች አይቻቸዋለሁ ሞያቸውን በጣም ጠንቅቀው ያውቃሉ ፤ ነገር ግን አፈጻጸማቸውን ካየነው የኢትዮጵያ ህዝብ ለዘመናት ሲጠይቅ የነበረውን የፍትህ ጥማት ከማስታገስና ያን ከማርካት ይልቅ አሁንም የፍትህ ስርዓቱ የፖለቲካ መሳሪያ እንዲሆን አድርገዋል " የሚል ወቀሳ አቅርበዋል።

" በሀገራችን በተለይ በኢህአዴግ ዘመን የፍትህ ስርዓቱ ተቃዋሚዎችን ማጥቂያ፣ የፖለቲካ መሳሪያ፣ የገዢው ፓርቲ አንድ አርም ተደርጎ ሲሰራ ነበር አሁንም ያ ተቀይሯል ብዬ አላስብም " ብለዋል።

" የምክር ቤት አባላት ያለመከሰስ መብታችን (immunity) ሳይነሳ እንደ ሽፍታ ተጎትተን ስንታሰርና ለወራት ስንቀመጥ ሌሎች የምክር ቤት አባላት የፌዴሬሽን ፣ የህዝብ ተወካዮች ምክር ቤት አባላት ተገቢ ፍትህ ሳያገኙ ለአመታት ሲንገላቱ የፍትህ ሚኒስትር ምንም የሰራው ነገር የለም። ከሳሹ እራሱ የፍትህ ሚኒስትር ነው። " ሲሉ ተናግረዋል።

ደሳለኝ ጫኔ (ዶ/ር) " እንደኔ እንደኔ ዶክተር ጌዲዮን የእውቀት ችግር የለባቸው ግን የፍትህ ሚኒስትር ላይ ያላቸው ትራክሪከርድ በውጭ ጉዳይ ሚኒስትርነት ሀገሪቱን ለመምራት የሚያስችላቸው አይደለም። የፍትህ ዘርፉን ከፍተኛ ችግር ውስጥ የከተቱ ስለሆነ ለዛ ቦታ ሊቀርቡ አይገባቸውም " ብለዋል።

#TikvahEthiopia

@tikvahethiopia

TIKVAH-ETHIOPIA

29 октября 2024 09:03

#ረቂቅአዋጅ

የመገናኛ ብዙሃን አዋጅ ቁጥር 1238/2013 ለማሻሻል የወጣው ረቂቅ አዋጅ ለህዝብ ተወካዮች ምክር ቤት ይቀርባል።

የተሻሻለው ረቂቅ አዋጅ ምን ይዟል ? ምን ዋና ዋና ማሻሻያ ተደርጓል ?

🔵 ከኢትዮጵያ መገናኛ ብዙሃን ባለሥልጣን የስራ አመራር ቦርድ አሰያየም እና አወቃቀር ጋር በተያያዘ ማሻሻያዎች ተደርገዋል።

በአዋጁ የተዘረጋው የቦርድ አሰያየምና አወቃቀር የተንዛዛ እና ረጅም ሂደትን የሚከተል መሆኑ ከዘርፉ ተለዋዋጭ ሁኔታ አንጻር አብሮ የማይሄድ መሆኑ፣ ይህም ባለሥልጣኑ መደበኛ ተልእኮዎችንና አስቸኳይ ውሳኔዎችን ከመስጠት አንጻር የመፈጸም አቅሙን የሚያስተጓጉል መሆኑ፣ እንዲሁም በነባሩ አዋጅ የተካተተው የቦርድ አባላት ስብጥር ከባለሥልጣኑ ሬጉላቶሪ ሚና ጋር በተያያዘ የጥቅም ግጭትን የሚፈጥር ሆኖ መገኘቱ እንደክፍተት ተገልጿል።

የተደረጉ ማሻሻያዎች ፦

" አንቀፅ 9/5/ሀ/ የቦርዱ አባላት ለመገናኛ ብዙሃን ዘርፍ ቅርበትና አግባብነት ካላቸው የተለያዩ አካላት እና የሕብረተሰብ ክፍሎች የተውጣጡ ይሆናሉ " በሚል በረቂቅ አዋጁ ማሻሻያ የተደረገበት ሲሆን የቦርድ አወቃቀር ላይ አስቻይ ያልሆኑ ገደቦች እንዲሻሻሉ ተደርጓል፡፡

🔵 የኢትዮጵያ መገናኛ ብዙሃን ባለሥልጣን የስራ አመራር ቦርድ በወሳኝ የፖሊሲ ጉዳዮች ላይ እንዲያተኩር ለማድረግ የሚያስችሉ ማሻሻያዎች ተደርገዋል።

በረቂቁ ማብራሪያ ላይ ፥ " በመርህ ደረጃ የባለሥልጣኑ ስራ አመራር ቦርድ ባለሥልጣኑን በፖሊሲ የሚመራ አካል ቢሆንም፣ በአዋጁ አንቀፅ 13(2) መሰረት በዕለት ተዕለት የሚከወኑ የሬጉላቶሪ ሥራዎች በቦርድ እንዲከናወኑ ተደርጓል " ይላል።

" በተጨማሪም የሀገርን ደህንነት ወይም የሕዝብን ሰላምና ፀጥታ የሚያደፈርስ ዘገባ በማናቸውም መገናኛ ብዙሃንና በማናቸውም ጊዜ ቢሰራጭ በአንቀፅ 81 መሰረት ፈቃድ የማገድ፣ የመሰረዝና አለማደስን የተመለከተ አስተዳደራዊ ውሳኔ የመስጠት ስልጣን ለቦርድ ተሰጥቷል " ሲል ያብራራል።

" ስለሆነም አዋጁ ቦርዱ ከሚጠበቅበት የፖሊሲ አቅጣጫ ሰጪነት ሚና ውጭ በዕለት ተዕለት የሬጉላቶሪ ተግባርና ሃላፊነት ውስጥ እንዲገባ አድርጎታል፡፡  ይህም ባለሥልጣኑ በህግ የተሰጠውን ተልእኮ ለመፈጸም ወቅቱን የጠበቀ ውሳኔ መስጠት እንዳይችል ገድቦታል " ይላል።

" በተመሳሳይ የሚዲያውን አውድ ታሳቢ ያላደረገ የውሳኔዎች መዘግየት በዴሞክራሲ ግንባታም ሆነ በሀገር ደህንነት ላይ አሉታዊ ጎኑ አመዝኖ ይታያል " ሲክ አክሏል።

የተደረጉ ማሻሻያዎች ፡-

➡ " የፈቃድ አለማደስ፣ የፈቃድ ማገድ፣ ወይም የፈቃድ መሠረዝ የሚያስከትሉ ውሳኔዎችን የመወሰን ሥልጣን የባለሥልጣኑ ቦርድ ይሆናል" የሚለው ድንጋጌ ተሻሽሏል።

➡ የፈቃድ ወይም የምዝገባ ምስክር ወረቀት አለማደስ፣ ማገድ፣ መሰረዝ፣ የጽሁፍ ማስጠንቀቂያ፣ ከባድ የገንዘብ ቅጣት ወይም አንድ ፕሮግራም ማገድ ወይም መሰረዝ የሚያስከትሉ ውሳኔዎችን የመወሰን ሥልጣን #የባለሥልጣኑ_ይሆናል፡፡

➡ ረቂቁ " ባለሥልጣኑ የፈቃድ ወይም የምዝገባ ምስክር ወረቀት አለማደስ፣ መሰረዝ፣ ከባድ የገንዘብ ቅጣት ወይም አንድ ፕሮግራም መሰረዝ የሚያስከትል ቅጣት የሚዳርግ ክስ ሲቀርብለት ባለፈቃዱ ወይም የምዝገባ የምስክር ወረቀት የተሰጠው መገናኛ ብዙሃን በጉዳዩ ላይ ያለውን ምላሽ በፅሁፍ በ7 የስራ ቀናት ውስጥ ለባለሥልጣኑ እንዲያቀርብ እድል ሊሰጠው ይገባል "  ይላል።

➡ " በተወሰኑት ውሳኔዎች ቅር የተሰኘ ባለፈቃድ ወይም የምዝገባ ምስክር ወረቀት የተሰጠው የመገናኛ ብዙሃን ውሳኔው በደረሰው በ14 የሥራ ቀናት ውስጥ ቅሬታውን ለቦርዱ ሊያቀርብ ይችላል፤ ቦርዱ አቤቱታው በደረሰው በ30 የሥራ ቀናት ውስጥ ውሳኔ መስጠት አለበት " በሚል በረቂቅ አዋጁ ማሻሻያ ተደርጎበታል፡፡

🔵 የኢትዮጵያ መገናኛ ብዙሃን ባለሥልጣን ዋና ዳይሬክተር አሿሿምን በተመለከተ ማሻሻያ ተደርጓል።

" የባለሥልጣኑ ዋና ዳይሬክተር በቦርዱ ተመልምሎ በመንግስት አቅራቢነት በህዝብ ተወካዮች ምክር ቤት ይሰየማል " የሚለው ድንጋጌ እንዲሻሻል ተደርጓል፡፡

የተደረገው ማሻሻያ፡-

☑ የባለሥልጣኑ ዋና ዳይሬክተር በጠቅላይ ሚኒስትሩ አቅራቢነት በሕዝብ ተወካዮች ምክር ቤት ይሾማል፡፡

🔵 ከብሮድካስት አገልግሎት ባለፈቃድ ግዴታዎች ጋር በተያያዘም ማሻሻያ ተደርጓል።

የረቂቁ ማብራሪያ ላይ " በመገናኛ ብዙሃን አዋጁ ከቀጥታ ሥርጭት ውጭ የማናቸውም ፕሮግራም ይዘት በጣቢያው ከመሠራጨቱ በፊት ሕግን የሚያከብር መሆኑን የማረጋገጥ፤ ግዴታ እንዳለበት ይደነግጋል፡፡

ይህ ድንጋጌ በቀጥታ ስርጭት ወቅት ህገወጥ ይዘቶች ከተሰራጩ የብሮድካስት አገልግሎት ሰጪዎችን ተጠያቂ የማያደርግ በመሆኑ፣ አስፈላጊውን ኤዲቶሪያል ጥንቃቄ እንዳያደርጉ ያደርጋል፡፡

በመሆኑም የሀገርን ብሔራዊ ጥቅም በሚፃረር እና በሀገር ሉአላዊነት ላይ አደጋ ሊያስከትሉ የሚችሉ እንደ ጦርነት ጥሪ እና የጥላቻ ንግግር የመሳሰሉ ይዘቶች እንዲሰራጩ መንገድ ይከፍታል፡፡

በመሆኑም ይህን ለመከላከል የሌሎች አገራትን ተሞክሮ በመውሰድ ማሻሻል አስፈልጓል " ብሏል።

የተደረገው ማሻሻያ፡-

የማናቸውም ፕሮግራም ይዘት በብሮድካስት አገልግሎት ጣቢያው ከመሠራጨቱ በፊት ሕግን የሚያከብር መሆኑን የማረጋገጥ፤ በሚል በረቂቅ አዋጁ ማሻሻያ ተደርጎበታል፡፡

#TikvahEthiopiaFamilyAA

@tikvahethiopia

TIKVAH-ETHIOPIA

29 октября 2024 09:03

በአቢሲንያ የቨርቹዋል ባንኪንግ ማዕከሎች የATM ካርድ በቆማችሁበት በሰከንዶች ውስጥ ማግኘት ትችላላችሁ።

የአቢሲንያ ባንክ ፌስቡክ ፔጅን ሊንኩን በመጠቀም ይቀላቀሉ፡ https://www.facebook.com/BoAeth

#Banking #BanksinEthiopia #AddisAbaba #Ethiopia #የሁሉም_ምርጫ

TIKVAH-ETHIOPIA

28 октября 2024 18:22

#ዶክተርነቢያትተስፋዬ 👏 #ኢትዮጵያ

ከስፓይና ቢፊዳ የጤና እከል ጋር የተወለዱት ግለሰብ በማሌንዢያ የስፓይና ቢፊዳ ዓለም አቀፍ ኮንግረንስ የሕይወት ዘመን ተሸላሚ ሆኑ።

ከ30 ዓመታት በፊት ከህመሙ ጋር የተወለዱት ዶ/ር ነቢያት ተስፋዬ ፣ በማሊዥያ የስፓይና ቢፊዳ ዓለም አቀፍ ኮንግረስ የሕይወት ዘመን ተሸላሚ መሆናቸውን ለቲክቫህ ኢትዮጵያ ገልጸዋል።

የሕይወት ዘመን ተሸላሚ የሆኑት፣ ያሳለፉትን የሕይወት ውጣ ውረድ ሌሎች ልጆች እንዳያልፉ በሕይወት ልምዳቸውና በሙያቸው ኢትዮጵያውያንን ለማገልገል በሚያደርጉት ጥረት ነው።

ለኢትዮጵያውያን የሚሰጡትን አግልግሎት አድማስ ለማስፋት “ አለያንስ ፎር በርዝ ዲፌክት ” የተሰኘ በስማቸው ሀገር በቀል ግብረሰናይ ድርጅት በመመስረት አገልግሎት መስጠት እንደጀመሩም ተናግረዋል።

ድርጅታቸው ከሀገር ውስጥና ውጭ ካሉ ድርጅቶች ጋር በመተባበር በስፓይና ቢፊዳ እና ተያያዥ የጤና ችግር ውስጥ ለሚገኙ የህብረተሰብ ክፍሎች የተሟላ ድጋፍ ለማድረግ ሽልማታቸውን ከተቀበሉ በኋላ ቃል ገብተዋል።

በዓለም አቀፍ ደረጃ ወደ ግማሽ ሚሊዮን የሚጠጉ ሕፃናት በዓመት ከስፓይና ቢፊዳና ተያያዥ የጤና እክሎች ጋር አብረው የሚወለዱ ሲሆን፣ በኢትዮጵያም በርካታ ሕፃናት ከዚህ ችግር ጋር አብረው ከሚወለድባቸው ሀገሮች ግንባር ቀደም መሆኗን አስረድተዋል።

በመሆኑም ከጤና ሚንስቴር ፣ ከሆስፒታሎችና ከሌሎች አጋሮች ጋር በመተባበር በዚህ ችግር የተጠቁ የህብረተሰብ ክፍሎች የክትትልና የማገገም አገልግሎት እንዲያገኙ በትጋት እየሰሩ መሆናቸው ተገልጿል።

የተሸላሚው የሕይወት ጉዞ ምን ይመስላል ?

ከ30 ዓመታት በፊት ከዚህ የጤና ችግር ጋር ተወልደዋል። ከዚህ ችግር ጋር አብረው በመወለዳቸው በሕይወታቸው ውስጥ ብዙ ውጣውረዶች አሳልፈዋል።

የተለያዩ ቀዶ ጥገና ሕክምናዎችንም አድርገዋል።

በልጅነት ጊዜያቸው በዚሁ በሽታ ሳቢያ ትምህርታቸውን ቤት ተቀምጠው እስከመከታተል ተገደዋል። በተለያዩ የጤና ችግሮች ውስጥም አልፈዋል።

እነዚህን ሁሉ ችግሮች በትጋትና በጥንካሬ ከቤተሰቦቼ ጋር በመሆን አልፈው የህክምና ትምህርት መማር ችለዋል።

ለአምስት አመታት የህክምና ትምህርታቸውን ተከታትለው ከጨረኩበት ማግስት ጀምረው እንደሳቸው ሁሉ ከዚህ የጤና ችግር ጋር ለሚወለዱ ሕፃናት የተለያዩ ድጋፎችና የህክምና አገልግሎቶች እንዲያገኙ በማድረግ በሺዎች ለሚቆጠሩ ቤተሰቦች ተስፋ ለመሆን በቅተዋል።

ልጆች ከዚህ ከባድ የጤና ችግር ጋር አብረው እንዳይወለዱና መከላከል እንዲቻል ከተለያዩ ባለድርሻ አካላት ጋር በመተባበር ፎሊክ አሲድ በምግብ እንዲበለፅግ የማስተማርና የማስተዋውቅ ሥራ እየሰሩ ይገኛሉ።

ለሁለት አመታት Reachanother foundation በሚባል ግብረሰናይ ድርጅት ውስጥ የአገልግሎት ዳይሬክተር በመሆን በአገራችን በተለያዩ ክልሎች በሚገኙ 8 ሆስፒታሎች ሕፃናት ጥራት ያለው የቀዶ ሕክምና አገልግሎት  እንዲያገኙ ባለሙያዎች ማስልጠን እና ግብቶችን የሟሟላት ሥራ በመስራት ላይም ይገኛሉ።

ስለ ስፓይና ቢፊዳ ይወቁ ፦ /channel/tikvahethiopia/74429?single

#TikvahEthiopiaFamilyAA

@tikvahethiopia

TIKVAH-ETHIOPIA

28 октября 2024 17:35

#Update

ከ1997 የጋራ መኖሪያ ቤት ተመዝጋቢዎች ጉዳይ ጋር በተያያዘ የአዲስ አበባ ቤቶች ልማት እና አስተዳደር ቢሮ ከደቂቃዎች በፊት ማብራሪያ ሰጥቷል።

ቢሮው እየተሰራጨ ያለው መረጃ ከአውድ ውጪ በተተረጎመ መንገድ እንደሆነ ጠቁሟል።

" የ1997 የጋራ መኖርያ ቤት ተመዝጋቢዎችን በተመለከተ ሰሞኑን በተለያዩ ሚዲያዎች እየተሰራጨ ያለው የተሳሳተ መረጃ ትክክል ባልሆነ መልኩ  ከአውድ ውጪ ተተርጉሞ የቀረበ ነው " ብሏል።

ቢሮው በሰጠው ማብራሪያ ምን አለ ?

" ከተማ አስተዳደሩ የጋራ መኖሪያ እና ንግድ ቤቶች ለማስተላለፍ ባወጣው መመሪያ ቁጥር 3/2011 መሰረት ክፍል 3 አንቀፅ 13 ንኡስ አንቀፅ 1 እና 2 መሰረት ብቁ እና ንቁ ማለትም ' የቤት ፈላጊዎች በገቡት ግዴታ መሰረት የቁጠባ መጠን በኢትዮጵያ ንግድ ባንክ በትክክል ተቀማጭ ማድረጋቸውን ከእጣ በፊት ያረጋግጣል ' ይላል።

ስለሆነም የ1997 ተመዝጋቢዎች በወቅቱ በመረጃ ቋት ውስጥ ንቁ እና ብቁ  የነበሩ ተመዝጋቢዎችን ከተማ አስተዳደሩ ሙሉ በሙሉ አስተናግዶ ያጠናቀቀ ሲሆን ነገር ግን በወቅቱ ብቁ ያልነበሩትን የ1997 ተመዝጋቢዎች እና ሌሎች የ2005 እጣ ያልደረሳቸው የቤት ፈላጊዎች እየተተገበሩ ባሉ የተለያዩ የቤት ልማት አማራጮች እያስተናገደ ይገኛል፡፡

ስለሆነም በወቅቱ ብቁ እና ንቁ  ያልነበሩ የ1997 ተመዝጋቢዎች ከየትኛውም የቤት ልማት መርሃ ግብር ውጪ እንደተደረጉ ተደርጎ የተሰራጨው የሀሰት መረጃ ተገቢ እንዳልሆነ ህብረተሰቡ እንዲገነዘብ እና ይህንን ሀሰተኛ መረጃ የሚያሰራጩትን ከተማ አስተዳደሩ በህግ የሚጠይቅ ይሆናል።

ከተማ አስተዳደሩ ተመዝግበው የሚጠባበቁትን ሆነ ሌሎች የከተማችዋን የቤት ፈላጊዎች ቤት ተደራሽ ለማድረግ የተለያዩ አዳዲስ የቤት ልማት አማራጮችን በመቀየስ እየተገበረ ይገኛል " ብሏል።

#AddisAbabaHousingDevelopmentandAdministrationBureau

@tikvahethiopia

TIKVAH-ETHIOPIA

28 октября 2024 17:07

#የ97ተመዝጋቢዎች

" ምላሽ ካልተሰጠበት በ15 ቀናት ውስጥ ለሕዝብ ተ/ም/ቤት እናቀርባለን " - የሕዝብ ዕንባ ጠባቂ ተቋም

የጋራ መኖሪያ (ኮንዶሚኒየም) ቤት ለማግኝት ተመዝግበው ገንዘብ በባንክ ሲቆጥቡ የነበሩና እስካሁን ቤቱን ያላገኙ የ1997 ዓ.ም. ተመዝጋቢዎች አቤቱታ፣ የአዲስ አበባ ከተማ አስተዳደር ምላሽ ካልሰጠበት፣ በ15 ቀናት ውስጥ ለሕዝብ ተወካዮች ምክር ቤት እንደሚያቀርበው የሕዝብ ዕንባ ጠባቂ ተቋም አስታወቀ፡፡

ተቋሙ ፤ ለ20 ዓመታት ያህል " ቤት ይደርሰናል " ብለው እየጠበቁ ቢሆንም መንግሥት ምላሽ አልሰጠንም ያሉ ቢያንስ 67 ሰዎችን አቤቱታ ተቀብሎ እየመረመረ መሆኑን ጠቁሟል።

አቤቱታውን ተከትሎም የከተማ አስተዳደሩን ማብራሪያ ጠይቋል።

ምላሽ ካልመጣ ተቋሙ የሚወስደው ዕርምጃ እንደሚኖ ገልጿል።

" በ1997 ዓ.ም. ተመዝግበን ቤት ሳይደርሰን ለሌሎች ተሰጥቷል ፤ በሚል ተደራጅተው ጠይቀዋል፣ እኛም ጥያቄ አቅርበናል፡፡ ነገር ግን የከተማ አስተዳደሩ እስካሁን መልስ አልሰጠንም " ብሏል።

የአዲስ አበባ ከንቲባ ወ/ሮ አዳነች አቤቤ በቅርቡ በነበረ የውይይት መድረክ ፤ ከዚህ በፊት በ2015 ዓ/ም በተላለፉት ቤቶች የ1997 ዓ/ም ቆጣቢዎች ሁሉም ዕጣ እንዲወጣላቸው መደረጉንና ለተመዘገቡት ሁሉ ቤት ተሰጥቶ መጠናቀቁን ገልጸው ነበር፡፡

ይሁን እንጂ የሕዝብ ዋና ዕንባ ጠባቂ ተቋም በዚህ ሁኔታ ከከተማ አስተዳደሩ የደረሰው ምላሽ እንደሌለ አመልክቷል።

ለረዥም ጊዜ ጠብቀው ምላሽ ያልተሰጣቸውን ሰዎች አቤቱታ ለሕዝብ ተወካዮች ምክር ቤት በማቅረብ የመጨረሻ ዕልባት እንዲያገኝ ይደረጋልም ብሏል።

በ1997 ዓ.ም. የቤት ምዝገባ በርካቶች ተመዝግበው ለ20 ዓመታት ሲቆጥቡ መቆየታቸውን የገለጸው ተቋሙ ፤ " መንግሥት የተሠሩትን ቤቶችን ለአርሶ አደር ልጆች ፣ ለፖለቲካ ሹመኞች እና ለተለያዩ ግለሰቦች እየሰጠ ነው " በማለት ቅሬታ ሲያቀርቡ ነበር ብሏል።

ከዚህ ቀደም በአዲስ አበባና በሸገር ከተማ ቤታቸው የፈረሰባቸው ነዋሪዎች ባቀረቡት አቤቱታ ካሳና ተለዋጭ ቦታ እንዲሰጥ በተደጋጋሚ ጥያቄ ሲቀርብ እንደነበር መረጃ የደረሰው ዕንባ ጠባቂ  ተቋም፣ አሁን በመሀል አዲስ አበባ ከሚከናወነው የኮሪደር ልማት ጋር በተገናኘ የደረሰው የሕዝብ አቤቱታ እንደሌለ አመልክቷል።

በአሁኑ ወቅት ወደ ሕዝብ ዕንባ ጠባቂ ተቋም በብዛት እየቀረቡ ያሉ አቤቱታዎች ፦
° የሥራ ስንብት፣
° የመሬት አገልግሎት፣
° የጡረታ መብት
° የመንግሥት አገልግሎት አሰጣጥን የተመለከቱ መሆናቸውን አመልክቷል።

ይህ መረጃ ባለቤትነቱ የሪፖርተር ጋዜጣ ነው።

@tikvahethiopia

TIKVAH-ETHIOPIA

28 октября 2024 17:01

#EHRC

የኢትዮጵያ ሰብዓዊ መብቶች ኮሚሽን የሀገር ውስጥ ተፈናቃዮች የሰብአዊ መብቶች ሁኔታ ዓመታዊ ሪፖርት ይፋ አድርጓል።

በዚህም ሪፖርቱ ለሀገር ውስጥ ተፈናቃዮች የሰብአዊ ድጋፍ በአግባቡ ሊቀርብ እንዲሁም ደግሞ የሰብአዊ መብቶች መርሖችን ፣ የተፈናቃዮችን ክብር ፣ ደኅንነት እና ፍላጎት ያከበረ ዘላቂ መፍትሔ ሊመቻች እንደሚገባ አሳስቧል።

የኢሰመኮ ተጠባባቂ ዋና ኮሚሽነር ራኬብ መሰለ ምን አሉ ?

" ኢትዮጵያ ውስጥ መፈናቀል በአብዛኛው እየተከሰተ ያለው በግጭቶች ምክንያት በመሆኑ ግጭቶችን በአፋጣኝ ሁኔታ በሰላማዊ መንገድ መፍታትና እንዳይባባሱ አስፈላጊውን እርምጃ መውሰድ፤ መፈናቀልን ለመከላከል እና በዘላቂነት መፍትሔ ለመስጠት ወሳኝ በመሆናቸው ትኩረት ሰጥቶ መተግበር ያስፈልጋል።

በተፈጥሮ አደጋም የሚከሰት መፈናቀል ከጊዜ ወደ ጊዜ እየተስፋፋ በመምጣቱ ለቅድመ አደጋ መከላከል እና ለአደጋ ጊዜ ምላሽ አሰጣጥ ትኩረት ሊሰጠው ይገባል።

የሰብአዊ መብቶች መርሖችን መሠረት ያደረገ ዘላቂ መፍትሔ ለመስጠት እንዲሁም የሽግግር ፍትሕ እና የሀገራዊ ምክክር ሂደቶች የሀገር ውስጥ ተፈናቃዮችን መብቶችና ተሳትፎ በሚያረጋገጥ ሁኔታ እንዲተገበሩ ሁሉም ባለድርሻ አካላት ኃላፊነታቸውን ሊወጡ ይገባል። "

(ሙሉ ሪፖርቱ ከላይ ተያይዟል)

@tikvahethiopia

TIKVAH-ETHIOPIA

28 октября 2024 14:27

#Update

🔵 “ መምህራኑን ስምንት ቀናት አስረው ነው የፈቷቸው። በሕግ አምላክ አሁንም ደመወዛችን ይከፈለን ” - የወላይታ ዞን መምህራን

🔴 “ ከ10,500 በላይ መምህራን ደመወዝ አልተፈጸመላቸውም ” - የዞኑ መምህራን ማኀበር

በወላይታ ዞን የሚገኙ መምህራን ያልተከፈላቸውን ደመወዝ በተመለከተ ለኢትዮጵያ ሰብዓዊ መብቶች ኮሚሽን (ኢሰመኮ) አቤቱታ ለማስገባት እንቅስቃሴ ሲያደርጉ “ በፓሊስ መታሰራቸው ” ተሰምቶ ነበር።

የደመወዝ ቅሬታቸው ባለመፈታቱ የመብት ጥያቄ ለማንሳት ባደረጉት ፒቲሽን የማሰባሰብ እንቅስቃሴ ነበር ፓሊስ “ አመጽ ለመቀስቀስ ተንቀሳቅሰዋል። የዞኑን ገጽታ አጥፍተዋል ” በሚል ያሰራቸው።

ቲክቫህ ኢትዮጵያም የታሰሩት መምህራን ተፈቱ ? የደመወዝ ቅሬታችሁስ መፍትሄ አገኘ ? ሲል ዛሬ ቅሬታ ያላቸው መምህራንን ጠይቋል።

ምን መለሱ ?

“ ምህራኑን ስምንት ቀናት አስረው ነው የፈቷቸው። ሦስቱም መምህራን ተፈትተዋል። በሕግ አምላክ አሁንም ደመወዛችን ይከፈለን። 

‘ መንግስትን ከሕዝብ አጣልታችኋል ’ የሚለው ክስ በፍርድ ቤት ሲቀርብ ምንም መረጃ የላቸውም። ከዚያ ጋር ተያይዞ ነው ፍርድ ቤት በዋስ የለቀቃቸው።

የመማር ማስተማር ሥራ ተጀምሯል።

አሁንም ደመወዝ እንዲከፈለን እንፈልጋለን።

መምህራን ከአዕምሮ ጋር የተያያዘ ሥራ ስለሚሰሩ የመማር ማስተማር ሂደቱን በትክክል እንዲተገብሩ ደመወዝ መከፈል አለበት።

የሐምሌ ደመወዝ እስካሁን አልተከፈለም። ለመምህራንና ለጤና ባለሙያ 40 በመቶ፣ ለፓሊስ 20 በመቶ እንጂ ከዚህ ውጪ ደመወዝ አልተከፈለም።

አሁን እንደገና አጠቃላይ የትምህርት ባለሙያም ወደታች ወርዶ ‘የሐምሌን ደመወዝ እንከፍላለን’ በማለት አመራርም በአጠቃላይ ተረባርቦ መምህራን ወደ ስራ አስገብተዋል።

ፍርድ ቤትም ገና የራሱን ቀጠሮ እየሰጠ ነው የሐምሌ ደመወዝ ባለመከፈሉ ምክንያት ” ብለዋል።

ደመወዛቸው በወቅቱ አለመፈጸሙ ትልቅ ጥፋት ሆኖ እያለ ይህንኑ ቅሬታ መምህራን ታስረው መቆዬታቸው ግፍ መሆኑን ያስረዱ ሲሆን፣ ቲክቫህ ኢትዮጵያም በዚሁ ቅሬታ ላይ ምን እየሰሩ እንደሆነ የክልሉና የዞኑን መምህራን ማኀበር ጠይቋል።

የክልሉ መምህራን ማኀበር የመምህራንን መታሰር በተመለከተ እስካሁን ሪፓርት እንዳልተደረገለት/ቅሬታ ያደረሰው አካል እንደሌለ ገልጾ፣ በይበልጥ የዞኑ መምህራን ማኀበር እንዲጠየቅ አሳስቧል።

ተመሳሳይ ጥያቄ ያቀረብንላቸው የወላይታ ዞን መምህራን ማኀበር ሊቀ መንበር መምህርት ባዩሽ ዘውዴ፣ “ በቅርቡ ታስረዋል ስለተባሉት መምህራን ለኛ ኦፊሻሊ የቀረበልን ምንም መረጃ የለም ” የሚል ምላሽ ሰጥተውናል።

“ ያመለከተልን አካል የለም። ከውጪ ወሬ ነው እየሰማን ያለነው። ወደ አክሽን እንዳንገባ የመጣልን መረጃ የለም ” ያሉት ሊቀመንበሯ፣ “ እንነጋገርበት ወደኛ መምጣት ይችላሉ ” ብለዋል።

የደመወዝ ክፍያን ቅሬታ በተመለከተም በሰጡን ምላሽም፣ ከ10 ሺህ 500 በላይ መምህራን ደመመወዝ እንዳልተፈጸመላቸው ገልጸው፣ ማኀበሩ ለሚመለከታቸው አካላት ሁሉ እንዳሳወቀ አስረድተዋል።

የክፍያ አለመፈጸምን በተለመከተ ምላሽ እንዲሰጡ ከዚህ ቀደም የጠየቅናቸው የወላይታ ዞን ትምህርት መምሪያ ኃላፊ አቶ ጎበዜ ጎደና፣ “ አራት ወረዳዎች ላይ መሉ ደመወዝም ሳይሆን የተወሰነ እየተከፈለ ነው። የሐምሌ ወር ክፍያ ላልተፈጸመላቸውም ወረዳዎች ገቢ ሰብስበው እንዲከፍሉ እየተደረገ ነው ” ብለው ነበር።

#TikvahEthiopiaFamilyAA

@tikvahethiopia

TIKVAH-ETHIOPIA

28 октября 2024 14:10

" አባታችንን አፈልጉን " - ቤተሰቦች

ከላይ በፎቶው ላይ የምትመለከቷቸው አቶ አቡበከር ያሲን ኡመር ይባላሉ።

ነዋሪነታቸው በአዲስ አበባ ኮ/ቀ ክፍለ ከተማ ዓለም ባንክ አካባቢ ሲሆን፤ በቀን ጥቅምት 13 ቀን 2017 ዓ.ም ከቤት እንደወጡ አልተመለሱም።

የለበሱት ልብስ እና ጫማ እንዲሁም ደግሞ በወቅቱ የያዙት ሳምሶናይት ከተፍኪ ከተማ ትንሽ አለፍ ብሎ ባለ አካባቢ የተገኘ ቢሆንም ፤ የአካባቢው ፖሊስ እና የአደጋ ግዜ ሰራተኞች በውሀ ውስጥ እና በአካባቢው ፍለጋ አድርገው አቶ አቡበከርን ሊገኙ አልቻሉም።

አቶ አቡበከር እድሜያቸው ከ55 እስከ 60 የሚጠጋ ሲሆን፤ ረጅም ጠቆር ያሉ አባት ናቸው።

በወቅቱ ለብሰውት የነበረው ልብስ ወድቆ በመገኘቱ በአሁኑ ወቅት የአለባበሳቸውን ሁኔታ መለየት አልተቻልም።

በዚህም ምክንያት አባታቸው ከጠፉበት ሰዓት ጀምሮ ቤተሰባቸው በጣም ከፍተኛ ጭንቅ ውስጥ ይገኛሉ።

እኚህን አባት ያያችሁ አሊያም ያሉበትን የምታውቁ ጥቆማ በመስጠት ተባበሩን ሲሉ ቤተሰቦቻቸው ተማጽነዋል።

ፈላጊ ቤተሰብ ስልክ ፦ 0938704092

@tikvahethiopia

TIKVAH-ETHIOPIA

28 октября 2024 14:09

#WELL_Computer

ለተማሪዎች እና ለሠራተኞች ታላቅ ቅናሽ !ጥሩ ላፕቶፕ ለመግዛት አሰበዋል? እንግዲያውስ 𝐖𝐄𝐋𝐋 ኮምፒውተር አለልዎት!

እጅግ ዘመናዊ የሆኑ የ2023/24 ሞዴል ላፕቶፖች እና ኮምፒዩተሮችን ለጨረታም ሆነ ለግልዎ፣ የተለያዩ አዳዲስ ጌሚንግ እንዲሁም ዱባይ ዩዝድ ላፕቶፖችን ከአስተማማኝ ዋስትና ጋር እናቀርባለን።

አድራሻ፦ መገናኛ ከዘፍመሽ ዝቅ ብሎ 3ኤም ሲቲ ሞል / 3M City Mall 1ኛ ፎቅ ቁ. FL04 Well Computer

የሚፈልጉትን ላፕቶፕ ይምረጡ፦ /channel/welllaptop የአንድ ዓመት ሙሉ ዋስትና
Call Us: @cr7_well
ስልክ ፦0943847549 / 0910238672

TIKVAH-ETHIOPIA

28 октября 2024 14:09

#Safaricom

💫ከዳር እስከ ዳር አስተማማኙን ኔትወርካችንን እያሰፋን ወደ እናንተ እይቀረብን ነው!🙌👏 ከአስተማማኙ ኔትወርካችን ጋር አሁንም በአብሮነት ወደፊት!

አስተማማኙን ኔትወርክ ዛሬውኑ እንቀላቀል!

የቴሌግራም ቦታችንን /channel/official_safaricomet_bot በመጠቀም የአየር ሰዓት ወይንም ልዩ ልዩ ጥቅሎችን እንግዛ!

#SafaricomEthiopia #MPESASafaricom #1Wedefit
#Furtheraheadtogether

TIKVAH-ETHIOPIA

27 октября 2024 14:48

#Update

" የጤና ባለሞያ ወንጀለኛ አይደለም " - የሆስፒታሉ ሰራተኞች

በማዕከላዊ ኢትዮጵያ ክልል፣ ከምባታ ጠምባሮ ዞን አንጋጫ ወረዳ ውስጥ የሚገኘው የአንጋጫ የመጀመሪያ ደረጃ ሆስፒታል ውስጥ የሚሰሩ ከ80 በላይ የጤና ባለሞያዎች ለ6 ወራት የሰሩበት የተጠራቀመ የዲዩቲ ክፍያ ስላልተከፈላቸው ከ12/02/17 ዓ/ም ጀምሮ ስራ ማቆማቸውን መዘገባችን ይታወሳል።

የጤና ባለሞያዎቹ እስካሁን ወደ ሥራ ገበታቸው ያልተመለሱ ሲሆን ጥያቄያቸው ምላሽ ሳያገኝ የመመለስ ፍላጎት እንደሌላቸው ገልጸውልናል።

ስራ አቁመው በቆዩባቸው ቀናት ከወሊድ ጋር በተገናኘ ወደ ሆስፒታሉ መጥተው የነበሩ እናቶች ጉዳት እንዳጋጠማቸው ቲክቫህ ኢትዮጵያ ካነጋገራቸው ባለሞያዎች እና ከሆስፒታሉ አመራር ተረድቷል።

ጉዳያቹ ከምን ደረሰ ? ስንል በድጋሚ ጥያቄ ያቀረብንላቸው የጤና ባለሞያዎች " የስራ ማቆም አድማውን አስተባብራቹሃል " በሚል 14 በሚሆኑ ባለሞያዎች ላይ የእስር ማዘዣ ወጥቶ እየተፈለጉ መሆኑን እና ይህንንም ፍራቻ ከአካባቢው ርቀው መደበቃቸውን ተናግረዋል።

" እኛ ስራ ካቆምን በኋላ የምንጠብቀው የሚመለከታቸው አመራሮች ችግራቹ ምንድነው ? እንዴት ዘጋቹ ? ምንድነው ችግሩ ? ብለው መጠየቅ እና መሰብሰብ ሲገባቸው ጭራሽ ወደ ማሳደድ ገብተዋል " ሲሉ ገልጸዋል።

" ሸሽተን ነው ያለነው በፖሊስ ማዘዣ ወጥቶ በተገኙበት ይያዙ ተብሏል እየተፈለግን ነው። ለጊዜው ከአካባቢው ሸሽተናል " ሲሉ አክለዋል።

" ተቋሙ በቂ መድኃኒት እና የህክምና ግብአቶች የሉትም ለበርካታ ጊዜያት የመድኃኒት ግዢ አልተፈጸመም ሆስፒታሉን የምናገለግለው ባለው ነገር ነው " ያሉ ሲሆን ነገር ግን ስብሰባ ላይ ያለውን ችግር የሚናገሩ ሰዎች '" አድመኛ እና ሌላ አላማ ያላቸው ተብለው እየተፈረጁ ነው " ሲሉ ተናግረዋል።

ባለሙያዎቹ " ይህንን ችግር ችለን እየሰራንም የሰራንበትን የትርፍ ሰዓት ክፍያ አልተከፈለንም ደሞዛችን ለምንም የሚበቃ አይደለም ነው " ያሉት።

" ስራ በማቆማችን የኛን ችግር ከመቅረፍ ይልቅ በማህበረሰቡ ዘንድ እንድንጠላ ሥራ እየሰሩ ነው " ያሉ ሲሆን " እየተሰቃየ ቀን እና ማታ የሚሰራ ሰው የ2016 ዕዳውን ሳይከፍል ፣ የቤት ኪራይ ክፈል ወይም ልቀቅ እየተባለ በስቃይ ነው ያለው ባለሞያው ከተለያዩ የኢትዮጵያ አካባቢዎች መጥቶ ነው ስራውን የሚሰራው እረፍት ወጥቶ ሄዶ እናቱን እና አባቱን እንዳይጠይቅ የህክምና ስራ እረፍት የለውም " ብለዋል።

" ችግርህ ምንድነው ተብሎ አይጠየቅም ? ሲሪንጅ (Syringes) የለም ብለን ማውራት የለብንም እንዴ ? ማቴሪያል ለዚህ ተቋም ያስፈልጋል ህዝቡ መንገላታት የለበትም ብለን መጠየቅ የለብንም ? ይህንን ባወራን በፖሊስ መጥሪያ መውጣት የለበትም አግባብ አይደለም " ሲሉ ገልጸዋል።

" ጤና ባለሞያ ወንጀለኛ አይደለም ይሄንን ሌላ ቦታ አላወራንም ስብሰባ ላይ ነው ያወራነው " ሲሉ አክለዋል።

ባለሙያዎቹ ፥ " እኛ ስራውን ከማቆማችን በፊት ሁሉም ባለሞያ ቀደም ብሎ ተኝቶ ታካሚዎችን ወደ ሌላ ቦታ ሪፈር አድርገን ነው የወጣነው " ያሉ ሲሆን እነሱ ግን ታካሚዎችን ትተን እንደወጣን በማስመሰል በማህበረሰቡ ዘንድ የማጥላላት ሥራዎችን እየሰሩ ነው " ሲሉ ተናግረዋል።

በተጨማሪም ፥ " ለመንግስት የስራ ሰዓት ብለን ለምንሰራው ሥራ የሚከፈለን ደሞዝ ለእኛ በቂ አይደለም ኢኮኖሚውን መቋቋም አልቻልንም። " ብለዋል።

" የቆየ ችግር ነው ከ2015 ጀምሮ እየተቆራረጠ ነው የሚመጣው እያቃተን ነው ። የሚገባልን ደሞዝ እዳችንን ራሱ መክፈል አልቻለም። አሁንም ችግራችንን ከመፍታት ይልቅ ' ለሌላ ሆስፒታል ሰራተኞች ማስተማሪያ የሚሆን እርምጃ ይወሰድባቸው ' ተብሎ እየተፈለግን ነው ሲሉ ነግረውናል።

ቲክቫህ ኢትዮጵያ የሆስፒታሉን አመራር አግኝቶ ስለ ችግሩ ጠይቋል። የአመራሩ ምላሽ በቀጣይ ይቀርባል።

#TikvahEthiopiaFamilyAA

@tikvahethiopia

TIKVAH-ETHIOPIA

27 октября 2024 14:40

#BK_COMPUTERS

ማንኛውንም አይነት አዳዲስ ላፕቶፖች ፣ ዱባይ ዩዝድ ላፕቶፖች፣ ዴስክ ቶፖችን ጨምሮ ከብዛት እና ከታላቅ ቅናሽ ጋር ያዘንላቹ መጥተናል።
ለቢሮዎች፣ ለተማሪዎች፣ ለግሪፊክስ ዲዛይን ባለሙያዎች፣ ለጌመሮች እንዲሁም ለጨረታ የሚሆኑ በጥራትና በብዛት ከ1 አመት ዋስትና ጋር እኛ ያገኛሉ።

ለተጨማሪ  መረጃ እና የላፕቶፕ አማራጮችን ለማየት የቴሌግራም ፔጃችንን Join ያድርጉ።
Tg. /channel/BKComputers
Inbox @bkcomputer27

አድራሻ አዲስ አበባ መገናኛ ሲቲ ሞል ከመሰረት ደፋር ህንፃ አጠገብ 1 ፎቅ ላይ እንገኛለን።
ስልክ ፦ 0911448148. 0955413433 we make IT easy!