8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
(هظم السبي)
بـعـد هـظـم الـسـبـي رديـت بـحـزانـي
اصـيـحـن يـاابـوفــاضـل مـاتـلـگــانـي
****
اجـيـت الـكـربـلـه والـعـيـن سـجـابـه
يـدري الـكـافـلـي مـايـرحـم اغـيـابــه
بـلـكـن مـن اجيت اسـتـمـع لـجـوابـه
ولا چـنـه ابـوجـوده بـزود جـابـانـي
*
كـلـمـات الـجـرح للكافل احـچـيـهـه
مـوهـيـچـي گلتلـه الـخـوه تـالـيـهـه
تـعـرج نـاگـتـي والـشـمــر يـحـديـهـه
گـتـلـه يـا كـفـيـلـي گـوم شـمـتـانـي
***
چـنـت مـخـدره والـگـمـر يحـمـيني
صـرت امـرمـره والـبـيـن وآ لـيـنـي
ردتـه بـجـيّتي يـگـعـد يـحـاچـينـي
حـيـف ألـي تـكـفـل وحدي عافانـي
*
دمـعـات الجـفـن بالعين مـسـفـوحـه
اعـاتـب والگـلب تـتـنازف اجـروحـه
يتسلـه بـحسـرتـه او ونـتـه ونـوحـه
لـلـشـام الـدهـر والـغـربــه ودانـي
*
هاي الـحـالـه ياعـبـاس تـرضـاهـه
يشتمني العـدو وبشتمي يـتـبـاهـه
إذانـي الـدهـر والـروح جـراحـاهـه
عـگـب هـاي المآسي البين رداني
*
اكـلـمـه والعيون ايسيل مـدمـعـهـه
اخـتـك لـلـوطـن يـاحـيـد رَجِـعـهـه
اصـيـح وصرخـتي ماچنه يسمعـه
صارت دمـعـتـي والـنـوح سلوانـي
*
اخـوي ومـا اصـدگ نـوم يـحـلالـه
كل ضـني يـگـوم ايشاهـد الـحـالـه
ايـتـلگـاني حسبته ويجمـع اعيالـه
بأصـعـب حـال مـن رديـت شافاني
***
الشاعر رعد الجريخي
أبوذيات
روحي اعله اخوتي زايد ولمها
مشيت ولا حصل بيـدي ولمها
بگيـت ارعــه ابيتاماهـا ولمها
وشاجف لليضربوها بديه
هاشم من وگع بالطف علمها
ابحال الحرم ما واحد علمها
چم طفله الغدت تصرخ علمها
وامها اتجول بأرض الغاضريه
الشاعر المرحوم
السيد عبد الحسين الشرع
القصيدة لاستشهاد الأمام الحسن المجتبى عليه السلام
صاح ناعي البين مسموم الحسن
سمموه باحقادهم أهل الفتن
شجرة الايمان والحق واليقين
ترمى بسهام الارجاس الناصبين
العداء لاهل النبوه الطاهرين
ثار الاصنام القديم تحطمن
ال اميه اعله النبي شنت حرب
دين مايردون بس سلب ونهب
يقتلون المجتبى بلايه ذنب
لأن ابن النبي ولدينه وطن
ابن ابو سفيان جند عسكره
ضد بني احمد سادات الورى
راد قتل الحسن قتله غادره
وينتصر للشرك عباد الوثن
اه ياسبط النبي وسيد البشر
سمهم قد جعل الكبد انتثر
ان يوم المجتبى يوم الخطر
لبني هاشم قد سم فتىً
كان قد قال النبي ابني الحسن
سيد السادات في وقت المحن
ووجيها قائما يحيي السنن
واماما قائما او قاعداً
محمد دعبل النوري
زِينِ الِعْبَادِ بْگَلُبْ يِسْعَرْ جَمُرْ
هَالْمِسِيَّه يِنْخِتِمْ مِنَّه الْعُمُرْ
----------------------------------
ذَابَتِ عْيُونَه عَلَى مْصَابِ الْحُسِينْ
وْرُوحَه ذَابَتْ بِالْبِوَاچِي وِالْوِنِينْ
وَالِدَه ظَامِي انْگِطَعْ مِنَّه الْوِتِينْ
وِالْحَرَمْ مَشُّوهِنِ بْدَرْبِ الْيِسُرْ
----------------------------------
عَايَنِ الطَّفِّ وْمُصَايِبْ كَرْبَلَه
بْلَايَه رُوسِ مْطَرَّحَه خِيرَةْ هَلَه
وِالْخِيَمْ حِرْگُوهَه فُوگِ الْعَايِلَه
وِانْهِتَكْ سِتْرَ الله مَا بِينِ الْكُفُرْ
----------------------------------
لِلْعَقِيلَه زِينَبِ وْهَمْهَه انْلِچَمْ
گْبَالَه ضِرْبُوهَه الْعِدَه بْسُوطِ الْأَلَمْ
عَالْهِزِيلَه طِلْعَتِ وْمَدْمَعْهَه دَمْ
يَا وِسَافَه وِالْحِدَه بِيهَه زَجُرْ
----------------------------------
بْگَلْبَه وَنَّاتِ الْخَرَابَه مَا تِهِيدْ
وِالشِّمَاتَه وِالْجَرَى بْمَجْلِسْ يِزِيدْ
وِاخْتَه مِنْ مَاتَتْ عَلَى رَاسِ الشَّهِيدْ
بْيَا وَضِعْ نَزَّلْ رُقَيَّه بِالْگَبُرْ
----------------------------------
تَالِي بِالسَّمْ وَسْفَه صَابَوْ چَبْدِتَه
وِالْوَلِيدِ بْچَتْلَه يَتَّمْ شِيعِتَه
شَالَوِ لْصُوبِ الْبَقِيعِ جْنَازِتَه
وْضَجَّتَ اصْوَاتِ النِّوَاعِي بْكِلْ كِتُرْ
----------------------------------
لَاچِنِ الْيِدْمِي الْگَلُبْ جَارِ الزَّمَنْ
وِانْهِدَمْ گَبْرَه وْگَبُرْ عَمَّه الْحَسَنْ
لَا ضَرِيحِ وْلَا مَنَارَاتِ وْصَحَنْ
مَاكُو شَمْعَه وْمَاكُو أَيْ زَايِرْ يِمُرْ
----------------------------------
يَمْتَه يِظْهَرْ صَاحِبِ الرَّايَه وْيِصِيحْ
يَا لِثَارَاتِ السِّبَايَه وِالذَّبِيحْ
حَتَّى يِبْنِي بِالْمَدِينَه چَمْ ضَرِيحْ
لْغِيبِتَكْ يَبْنِ الْحَسَنْ شَابِ الصَّبُرْ
----------------------------------
#السجاد
#محرم_١٤٤٧هج
الشاعر حسن خنافر
مصايب گلبك اهواي
واشدهن قصة الماي
ياهي التحجي اوين التخليهه
وابوك الصار اولهه وتواليهه
دمع. دمع
..........................
شسولف هنه كثره وصعبه ينعدن
وابكلبك يبو الباقر هضم خلن
اشما تغمضهه عينك كلهن يعرضن
يجنك جية المشتاك وايلجمن
دليلك دومه ملجوم
عمر خلصته مظلوم
روح ابلا فرح بس الحزن بيهه
وابوك الصار اولهه وتواليهه
دمع دمع
@@@@@@@@@@@@@@@@
ابدي من خير وهوه اكلف هم
هظم مامنه حتى البالمهد يسلم
عليكم طفهه يوم العاشر اتحزم
يوم وبيه كلشي يريد منكم دم
الكل دمكم يطلبون
اتكول اعليكم اديون
من دم النحر طفهم ترويهه
وابوك الصار اولهه وتواليهه دمع دمع
@@@@@@@@@@@@@@@@
عتابك سيدي ويالماي ما ينفع
كلهه امحزمه وصار الذبح مطمع
ابضهره الماي ذبو كلمن اليطلع
شتذبون اله وعباس ما يرجع
الرايح جدمه للموت
بعد مايسمع الصوت
مشه وزينب اخوهه مايرد ليهه
وابوك الصار اولهه وتواليهه
دمع دمع
@@@@@@@@@@@@@@@@
الگرب ينفطم يكسر گلبهه امه
اشما يتدنه ليهه الموقف يهضمه
مشه حسين برضيعه وسولف الخصمه
وقرر حرمله ابقوس ونبل فطمه
بدل ماي الي ينطيه
ابسهم بالركبه يرميه
وحرورة دمه عبدالله حس بيهه
وابوك الصار اولهه وتواليهه
دمع دمع
@@@@@@@@@@@@@@@@
الابو يومه ثجيل اويهظم اولاده
اذا عنهم مشه يصير الحزن عاده
وين اهل الجفافي الخضر يالساده
حسين امن التراب الركبته اوساده
يكوم شويه ويطيح
بويه حيدره ايصيح
ترس دمه الطفوف وكل اراضيهه
وابوك الصار اولهه وتواليهه
دمع دمع
@@@@@@@@@@@@@@@@
اول ميت ايسحكونه خياله
مكطوع النحر واميسره اعياله
وسفه عالجمر ركضتهم اطفاله
كلبك سيدي من الهم اشحاله
بخال وحوافرهن يسحكونه
كسرهن يوصل وانتم تسمعونه
وحرمكم طبت الظالم تتانيهه
وابوك الصار اولهه وتواليهه
دمع دمع
خادم اهل البيت علي الزرگاني
يا عذابي. جنها ساعة موتي هاي
يا عذابي. اشلون اشربنك يماي
وانته عطشت الحسين
*
دنت مني المنيه وحانت الفرگه
وبعيوني دمع وخيام محترگه
جسمي امن الحزن بي روح ما تلگه
شفت حسين ابوي الحافر يسحگه
والهضيمه. ايلوج من شدت ظماه
والهضيمه. كطره محد شرباه
تجري كل هاي السنين
وانته عطشت الحسين
***
ما اكدر ابطل النوح والونه
وبالطف شفت ابوي الخيل داسنه
شبيها الخيل عمدآ فوكه تتعنه
الم بعظامه ويرجعن يطشرنه
بلا عمامه. ومجفي وجها اعله التراب
بلا عمامه. اشحال مسلوب الثياب
وانه زين العابدين
وانته عطشت الحسين
****
اكطعت درب اليسر وياي شماتي
الحبل من ركبتي لجفوف عماتي
بدرب الشام ما خلصت معاناتي
اعاين للخرابه وتجري دمعاتي
والله حيره. الگبل حيل مخدرات
والله حيره. اليوم اشوف ميسرات
وكل اخوتي مذبحين
وانته عطشت الحسين
***
صحت يا ماي كلي اشلون اضوكنك
وابوي حسين بالطف انحرم منك
وكت الموت اجه. ودرت الوجه عنك
واعذارك بعد لا ما يفيدنك
ما اعذرك. بعد عذرك ما يفيد
ما اعذرك. انته من عدنه شتريد
وعمنه مكطوع الادين
وانته عطشت الحسين
**
ما بين المصايب خلصت عمري
واثار الصياط انطبعت بضهري
دنت مني المنيه والدمع يجري
وريد حسين ابوي ايشيلني الكبري
وفوگ نعشي. يكثر الون والنحيب
وفوگ نعشي. يوكف ايصلي الغريب
وينزل بلحدي الحنين
وانته عطشت الحسين
**
تمت
تحسين الخفاجي
شور 💠😥😥
مولاتي غريبه غريبه غريبه
مولاتي سليبه سليبه سليبه
يازينب يازينب
....................................................................
كل اليله بدروب اليسر بت حيدر يهضمونهه
التنشد اديهه بالحبل تكدر تحامي امتــــــونهه
ضربوهه بس مادنكت تشبح الخوهه عيونهه
بهذا العمر يابه الفظل وختك حجي يرامونهه
مولاتي غريبه غريبه غريبه
مولاتي سليبه سليبه سليبه
...............................................................
عباس من جان الحرس تحلف الدنيه بصيتج
يم الخدر وين الخدر بكيف الشمر تاليتـــج
دروب السبي كلهه قهر حسره والم ساكيتج
شما ابجي والطم عالصدر لحضه فلا وفيتج
مولاتي غريبه غريبه غريبه
مولاتي سليبه سليبه سليبه
.............................................................
من كثر ونهه البالدرب حنت النوك عليهه
بت علي هاي مخدره وسفه الشمر يحديهه
يلومون بيانه شكثر جادمعتي مبــــــديـــهه
مقصر احسن بالطم جاعيني ماعاميـــــهه
مولاتي غريبه غريبه غريبه
مولاتي سليبه سليبه سليبه
.........................................................
جانت حجايتهه امر من الكاع يتلكونهه
ياوسفه هسه لوحجت بالسوط ويسكتونهه
مكيده بين الزلم للمجلس يدخلــــــــونهه
هاي الاميره بت علي الخارجه يسمونهه
مولاتي غريبه غريبه غريبه
مولاتي سليبه سليبه سليبه
........................................................................
الديوان تصعب طبته هاه يالغيور عله المره
زينب كاتلهه الهضم يسبون كامو حيــــدره
خل عينك تهل بالدمع وموقف يشيعي تصوره
راوهه ضيم الماحصل جدام سبع الكنطــــره
مولاتي غريبه غريبه غريبه
مولاتي سليبه سليبه سليبه
خادم اهل البيت ع
فلاح طالب الماجدي
*محنة السجاد ع*…… دخل عليه أبو حمزة الثمالي يوماً فرآه حزيناً كئيباً على عادة الإمام فقال له: سيّدي، ما هذا البكاء؟ أما آن لحزنك أن ينقضي، إنّ القتل لكم عادة وكرامتكم من الله الشهادة، فقال له الإمام عليه السلام: شكر الله سعيك يا أبا حمزة، كما ذكرت، إنّ القتل لنا عادة وكرامتنا من الله الشهادة، ولكن *يا أبا حمزة هل سمعت أذناك أو رأت عيناك أنّ امرأة منّا أسرت أو هتكت قبل يوم* *عاشوراء؟! والله يا أبا حمزة ما نظرت إلى عمّاتي وأخواتي إلّا* *وذكرت فرارهنّ في البيداء من خيمة إلى خيمة ومن خباء إلى*
*خباء، والمنادي ينادي أحرقوا خيام الظالمين*
يبو حمزة لو شافت عينك بالطفوف شصار
خيام حسين محروگه وبالصيوان تشب النار
وفرّن هالحرم كلهن ويّاهن يتامى زغار
القتل عادة وكرامة ٱلنا لكن صعبة لمصيبه
〰〰〰〰
قبل يوم المحن بالطف سمعت النا انسبت نسوان؟
وسمْعت اذنك بحرّه مثل زينب تطب ديوان؟
مسبية على الهزّل وترافق بالغرب عدوان!
مشدودة باديها حبال
ويخاطبها ابن شيبه
〰〰〰〰
لحن اسمع عتابي♪
فوق الهزيله~ دروب الطويله
مشيت سبايا ~ وما عدها حيله
بديرة أجانب ~ وبين النواصب زينب سبيه ~ أم المصايب
بحشمة خدرها ~ تمشي بيسرها
لكن طويله~ رخلة صبرها
بـ جدها البدايه~ وبالطف نهايه
ورثت عن امها~ كل الحكايه
خادمة آل محمد✍🏻
اصعب آلام عشتهن اصعبآلام
كالوا الشام يويلي كالوا الشام
..............
من ثنايا أحزان نوحي و من ألم يتبع ألم
و من بواطن دمعة بيهة الحيل ياويلي انهدم
بيهة تحتار العقول و بيهة يحتار القلم
بيهة لوعة و بيهة حسره و بيهة دمعة تنرسم
مثل الاوهام شفتهن مثل الاوهام
كالوا الشام يويلي كالوا الشام
..............
يا مُصيبة و يا رزية و يا جرح ما منهن بره
ردنه نسمعهة بلسانك لمن شفته اعله الثره
جسم ابوك حسين لمن منه كطعوا نحره
من شفت بالخيل صدره كل ضلوعه أمكسره
و يا جفن نام بعدهة يا جفن نام
كالوا الشام يويلي كالوا الشام
..............
يا علي السجاد دمعك يشرح أجروح الهجر
من شفت لحسين راسه كاعد يكطعه الشمر
أشلون حالك وانته تنضر من كعد فوك الصدر
وزينب أمن الخيمه ركضت والعساكر تنتضر
الحرك الخيام تنوح الحرك الخيام
كالوا الشام. يويلي كالوا الشام
........................
أصعب أجروح العشتهن تبدي ويلي بيا جرح
بالحبل مجتوفه زينب وانذبح وجه الصبح
راس أبوك اشلون شفت يا علي فوك الرمح
والكفل خدر العقيله بلا جفوف ومنذبح
أمترس اسهام لكيته أمترس اسهام
كالوا الشام يويلي كالو الشام
..........................
أيعينك الله وهذا وضعك وانته قيد الجامعه
والضعن وياك يمشي ومن دمه أيهل مدمعه
شجم عزيز أكبال عينك شفته لاكه مصرعه
وراس أبوك أوياك يمشي وجثته متوزعه
دهرك شضام مصايب دهرك شضام
كالوا الشام. يويلي كالوا الشام
.........
كلمات الشاعر محمد الموالي
قصيدة للإمام السجاد عليه السلام عن الإمام الباقر عليه السلام ينعى والده.....
انـــحب واجري عيني وما اگطع ونيني
روحي اعله الابو تذوب رايح ما يجيني
======================
انه الفاگد وحگي من انوحن حيل
عيني اعله الابو ما تســتراح الليل
انه الباقــــر وگلبي علــــيك اعليل
بوية ابشوفتك چانت همومي اتزيل
انسى غيابك شلون ساكن وسط العيون
بوية بغيـــبتك دوم اتچوة بحــــنيني
__
الفاگدلة ابو ايحــــس ابالم گلبي
اطـــــيني الصبر عالفـــرگة يا ربي
ياعيني اعله ابوي اجري ودمع صبي
عيـــني اعله الدرب ظلت الك تربي
نايم حدر التراب عن عيني الابو غاب
آه ياوكت الغروب ياخذ كل سنيني
----------------------------------------------
شمعة واحــــتركَ يا بوية بغيابك
ياخـــذني الحنيـــن واوگف ابابك
ارسم صورتك وانحب على مصابك
وأكثر احتركَ من تنـــشد احبابك
تبچي وتنشد عليك احبابك تناديك
نعقد مجلس انياح انه وكل بنيني
----------------------------------------
راح الچان الي ذخر والي تچوة
چان ابكل حياتي والدي سلوة
المفاركَ ابو انياحة وبچي يهوة
الحياة ابلا ابو صعبة وفلا تسوة
رايح سلوة الروح يسوة الونة والنوح
أظل مطلوب الك دين ما وفيتة ديني
---------------------------------------------
ما اصـــدكَ تغيب وتــــبتعد عني
أشعر انتة عايـــش تســـتمع وني
صوتك دوم اسمعة وانظرك چني
يا وسفة الدهر خان وخذك مني
ما عني غبت يوم انه بعازتك دوم
عشرة ابطول السنين بين الهم وبيني
--------------------------------------------
أسألكم الدعاء رائد الاسدي
ابو حمزه الثمالي ... خذت حيلي الليالي
بعدها اكَبال عيني ... افاركَ غالي غالي
مصيبتنه جبيره ...اسيره اتجر اسيره
اليفكَد واحد اتهون ... وأنه الفاكَد عشيره
كل حيلي ...راح من شفت الخيم حركَوهه
كل حيلي ...راح حين ام الخدر شتموهه
كل حيلي .. نهدم وي سكنه لمن ضربوهه
ـــــــــــــ
أنه المالذ شرابي ... بعد أعرف عذابي
لون كون الله كلّه ... فلا يحمل مصابي
المهر من ردلي خالي ...احير بوصفه حالي
ردت الحكَ عالحسين ... شمكَوم اعثر شجالي
سنديني ...صحت ياعمه ارد اشوف احسيني
سنديني ...غبره حالت بين اخوج وبيني
سنديني ...راسي لو شيّب حزن عذريني
ـــــــــــــــــ
جرح طف حزني عشته ...هظم بكَليبي شلته
الماي شما اشربه ... بدموعي مزجته
الشام شخلّه بيّه .... راواني المنيّه
تبجي الهه السماوات ... بس محنة رقيه
دمعاتي ...تحجي الك عظم الجره اعله الخدّر
دمعاتي ... تخبرك أوجوه انتهت من الحر
دمعاتي ...على طفله ماتت اعله المنحر
ــــــــــــــــــــ
والشاهد عليّه ... هاك انظر اديّه
نجرحن من الاحبال ...مثل اختي رقيه
والاصعب علينا ...بسوك الذل مشينه
من شدّة نظرهم .... للخدر خُزينا
خلّوني ... ميت موته آنه اموت بهايه
خلوني ...مجلس ايزيد ادخله بلا رايه
خلوني ...يبيد حيلي شما سمعت احجايه
ـــــــــــــ
شسولفك مصايب ... دليلي منهه ذايب
البيهن وصّى الله ... نامن بالخرايب
التاكل من ادينه .... تتصدّق علينه
دنيه بلايه رحمه ... آل الله انسبينه
هضموني ...سوكَ بي شمات من دخلونه
هظموني ...سرعه نمشي ونعثر يخلّونه
هظموني ...ياثمالي بالحجر شمرونه
ـــــــــــــــــــــ
الشاعر محمد حسن ضيغم
/channel/kasaedalatharDaygham
#شاقَني_الحنين💔
سَيلٌ منَ الدّمعاتِ
يمشي نحوَهُ
يَسقي عَطاشى كربلا
يَطفي الظّما
والرّكبُ في
دربِ الحُسينِ مَسيرُهُ
يرجو قَبولَ السّعيِ
من ربِّ السّما
كم شاقَني
ذاكَ الحنينُ لنَينوى!
قُم نعزِفِ الأشواقَ
لحنًا مُؤلِما
نُنشِد حَكايا الوالهينَ
على الملا
يَفدونَ سِبط المُرتضى
حَتمًا دِما
قُم نعبُرِ الأزمانَ...،
نطوِ مسافةً
نروِ الثّرى حيثُ ارتَقى
حامي الحِمى
أوَ نترُكُ العبّاسَ
يَقضي ظامئًا!؟
كلّا..؛ وعَهدُ اللّٰهِ
فينا أُبرِما
في الطَّفِّ حَشدٌ،
مِن حبيبٍ عَزمُهُ
لبّى نِداءَ السّبطِ
نصرًا مذ رَمى
✌️✌️✌️✌️
زينب الموسوي
#بنت_الزهراء
#نعي
ياطارشي البيدة دطرها
وبـيـوت هاشم روح مرها
حيهم يـ عدنان ومضرها
صيح ويمنتك حيل فرها
گلهم ترى يهظم خبرها
طلعت الحره من خدرها
والهيمه ماينحمل حرها
ونوگ الهزل غرب شمرها
مسبيه حشم ياضخرها
مچتوفه بحبال ويجرها
عالهزله ويشوبح نضرها
وين الكلف ليفك أسرها
ويبنيلها خيمه السترها
ادري بمحمد لو نحرها
وعوچيته مغتاض وكسرها
يتجادح أعيونه جمرها
والمهره لو هزت شعرها
يعت الرسن ويطگ ظهرها
لو حل العمامه ونشرها
وولادة يمه أدگ صدرها
ويطرد على الحومه صگرها
أرگاب الكفر سيفه يكرها
والروس تتساگط حدرها
ويـضـّوگ العدوان مـرهـا
صل هاشمي ورداد شرها
خل يخلس الگوم وخطرها
لو زمخ بيها ولو زجرها
بظهورها ييبس بزرها
ومن الجثث يدفن نهرها
✍🏻حسين حمدان الدلفي
#اللهم_عجل_لوليك_الفرج
#ابوذية
يگـلبـي موت المن === ظال متني
الهزل والناس والتل === ظال متني
عگـب عـباس للطگ === ظال متني
هذاه وذاك كيفه ايهد عليه
سجاد ابراهيم الكعبي
#اللهم_عجل_لوليك_الفرج
غابن ابكهف النايحه انجومي
حزني أشوفه ابـ صحوتي و نومي
ابوجهي المناحه امشرعه ماانسه ذیچ الفاجعه
*******
آنه اسمي علي السجاد
صرت أذرف نمير العين
إذا بالگوه ارد اوگف
تدفعني دواهي البين
مصاب الطف کسر گلبي
من حیلي هدم ثلثین
ظل ينحرني يوميه
و ماادري لفاني امنين
غیر الدمع یادنیتي اشعندي
نار المصیبه تحرگ ابچبدي
الفاگد دمه ایهل مدمعه ماانسه ذیچ الفاجعه
*******
اشعدها الدنيا ويايه
و دهري اويايه ما ينصح
خلصت العمر كله
دم من ناظري يسفح اريد احچي غصص گلبي
عن كل الجره اشرح
شفت ابعاشر امحرم
اهلي ابخطة المذبح
و انه نحيل و یرتعش جسمي
ابطف كربله موتي گلت حتمي
و الروح هایه امصدعه ماانسه ذیچ الفاجعه
*******
مرعوبه الحرم انظُر
و اشوف اطفال عطشانه
زينب عمتي شتصير!!!
أبهاي العيله حيرانه
عبدالله الطفل شفته
يلوج و هوه بمچانه
اخويه و عمره ست اشهور
ظامي و يابس السانه
تالي انرمه عبدالله بالنبله
و امصاب اخويه الغالي شيحمله
و الدم فلا جف منبعه ماانسه ذیچ الفاجعه
*******
علیل ابـ خيمتي و انظر
گضت بالمعرکه الفتیان
و انصار الوفه السبعين
طاحو كلها بالميدان
اخوتي و كل بني هاشم
جثث متگطعه عالتربان
و ابوالغیره الگمر عباس
عله الشاطي بلا ذرعان
وحده ابويه و ضاقت أنفاسي
و ابـ لحظه صار ابيض شعر راسي
ضده الزلم متجمعه ماانسه ذیچ الفاجعه
*******
ابـ فَمَه شفت الحسين انصاب
ابويه و يجري ظل دمه[١]
وحيد ابولية الأعداء
ناس الـ باعت الذمه
عطشان و يريد الماي
ولا ناصر حظر يمه
رغم اجروحه نوره ايشع[٢]
ابروحه ايجود ابواليمه
مهره اجانه و السرج مايل
راسي لطمته و دمعي ظل سايل
و ابالي صورة مصرعه ماانسه ذیچ الفاجعه
*******
هلا ابجيتك صحت ياموت
و اعوام انتظر هاليوم
من هالدنيا راح ارتاح
لچن مني الچبد مسموم
هالیوم انختم عمري
عله اعیوني الأجل مرسوم
و السَم يسري بدمايه
و علیه طیر المنیه ایحوم
الباقر يشيع نعشي بدموعه
و اعله مصابي يلزم اضلوعه
چبدتي ویلي امگطعه ماانسه ذیچ الفاجعه
*******
لخادم الحسين علي فلاح الواسطي
١٨محرم الحرام
١٤٤٧هـ٢٠٢٥مـ
قال هشام : حدّثنى عمرو بن شمر ، عن جابر الجُعْفىّ، قال : عطش الحسين حتى اشتدَّ عليه العطش ، فدنا ليشرب من الماء ، فرماه حصين بن تميم بسهم ، فوقع فى فمه ، فجعل يتلقى الدم من فمه ،و يرمي به إلى السماء ، ثم حمد اللّه وأثنى عليه ، ثمّ جمع يديه فقال : اللهم أحصهم عدداً ، واقتلهم بدداً ، ولا تذر على الأرض منهم أحداً .
راجع الطبري ص ٣٦١
مقتل الحسين ابو مخنف ص ١٨٩
قال هلال بن نافع كنت واقفاً نحو الحسين و هو يجود بنفسه فوالله ما رأيت قتيلاً قط مضمخاً بدمه احسن منه وجهاً ولا انور!و لقد شغلني نور وجهه عن الفكرة في قتله فاستقي في هذه الحال ماء فأبوا أن يسقوه
راجع مقتل الحسين للمقرم ص ٢٨١
اللهوف لأبن طاووس ص ٧٥
العوالم للبحراني ص ٣٠١
أجـينه مـن السبي انـجـر الجدم گوه
تـلـگـونــه يـهـلـنـه ابــداعــة الـخــوه
*---------------*---------------*
رديــنــه حــرم والـبـيـن سـابـيـهـه
حـرايـركـم شـمـر والزجـر حاديـهـه
الظـعـينـه اتـسلـبت وتريد اهاليهـه
نـزلـوهـه اضـعـون الـخِـدر
*---------------*---------------*
مـلـيـّنـه الـبـواچـي ولـوعـة الـغـربـه
مـن الشـام نشكي ومـحنـتـه ودربـه
حـالـتـنـه أجـيـنـه مـؤلـمـه وصـعبـه
للوالي الحـرمـه اتـسـولـف
*---------------*---------------*
نـيـران الـحـزن والـلـوعـه حـراگــه
الوالي ابغـيـبـتـه مايـرحـم افـراگـه
فـارگـنـه الــدهـر ونـريــد نـتـلاگــه
اشـتـاگيـنـه ألـكـم يالهيبه
*---------------*---------------*
نسولف بالضعن والشام وجروحـه
المدامع والمناحه اليـوم مسموحه
روحـتـنـه بغرب يامصعب الروحه
بجروحهـه الـشـام ايعلعـل
*---------------*---------------*
طــرينـه الـبـراري وبـعـدت الـديـره
خلـصـنـه السبـي وجيناكـم بحيـره
لاويـن الـوجـه بـجـفـاكــم انـديـره
مـدفـونـه الـغـيـره ويـاكـم
*---------------*---------------*
يـاهـوه الـيـشـيـد لـلـحـرم خـيـمـه
عذبـنـه الـزمـان بمحنـتـه وضيـمـه
مـشونـه بـشـتـم وبظلمت الـهـيـمـه
وَإذانـه بحـچـيّـه الـشـامـت
*---------------*---------------*
✍ خادم الحسين ع
الشاعر رعد الجريخي
عمره وحياته ادموع بدموع
يبجي على العطشان ويلوع
محمد النوري
فتحة مجلس ثگيل بين مولاتي الزهراء عليها السلام والسجاد عليه السلام
يازهراء يا زهراء يازهراء
.......................
انوح اعليك يبني الما بطل نوحك
جثيره وما اعدهن يبني اجروحك
تبجي العمتك لو تنعه مذبوحك
يالسجاد حزنك ياكل ابروحك
يا زهراء يازهراء يا زهراء
.................
آنه الزهره امك يبني حاجيني
ومثلك طف حزنكم هم يبجيني
ما همني الضلع لاسطره البعيني
كابلتك وانوح اوياك لحسيني
يا زهراء يازهراء يا زهراء
....................
من ذبحة هلك حدما كرب موتك
للمذبوح اسمعه وبطل صوتك
بلا نوح وحزن مالحظه الاتفوتك
وين اهلك غرب شيعت تابوتك
يا زهراء يازهراء يا زهراء
..................
مايرحم زماني ولا تحن دنياي
وماحل ابشر يمه الحصل وياي
يعرضلي الحسين ابشربتي للماي
واطيح الدموع اعله الوجن بهداي
يا زهراء يازهراء يا زهراء
.............
حسين امطبرينه وجسمه مايسلم
من اخيلوهم شفت الابو امهشم
بعد يالزهره شحجي عن الامخيم
احترك وانه وحيد وحيلي امهدم
يا زهراء يازهراء يا زهراء
...................
لا بيه اكوم ولا اشد حيلي
وهضيمه بالغرب لمن يحل ليلي
يم حسين حكج يمي تبجيلي
مابيه الاكوم ومن يتجيلي
يا زهراء يازهراء يا زهراء
خادم اهل البيت علي الزرگاني
صگر الهواشم خيم اعله الحومه
ظنو علي الكرار رد ابيومه
&&&&&&&&&&&&&&&&
شد الحزم عباس طب اعليهه
ترتاح لحظه ماظن ايخليهه
الجيش من كثر الركض حل بيهه
ماتگد اتشيل الجدم رجليهه
كلهه محتاره الناس
علي الطب لو عباس
والمشرعه ابزود النفل ملزومه
&&&&&&&&&&&&&&&&
ملزوم شطهه وحارت الخياله
وين اليكصده وفنه الادناله
عباس عارك خصمه حتى اخياله
ماشفته لاجن سولفتلي افعاله
يوصل وكلهه اطيح
هذا ون ذاك ايصيح
عدوانه من جرة النفس محرومه
&&&&&&&&&&&&&&&&
يمكن ابغيره فاطيمنه ابزغره
مغضب وعينه اعله اليضدهم جمره
والزود من عباس ماخذ شمره
يذبح ابصدره ومادنوه ابضهره
منين ماتدناه موت
كوه الگوم ايفوت
لويصح خصمه اكباله ذب اهدومه
&&&&&&&&&&&&&&&&
اشما يتعب اعليهم يشد ابحيله
طبهه الكفو متخيل اعله اكحيله
يحجي اويه اخوه اويمنته توميله
اليوصل اخيامك سيدي ياويله.
حدي للموت اوياك
موت اشبعهه اعداك
وصاني ابوي ابجلمته المعلومه
&&&&&&&&&&&&&&&&
للموت حدي اوياك يابو سكينه
وهنياله كلمن يفدي اخوه ابعينه
وهنيال الاموفي الاخو ابجفينه
اني واخوتي الذمه خويه ابرينه
خافنه الك يحسين ماوفينه
عذرا ابهذا اليوم
عفتك ابين الگوم
واليبجي للخوه ابد ما الومه
ؤ
خادم اهل البيت علي الزرگاني
يَا هَضِيمَه...چَمْ مُصِيبَه الْعَايَنِتْهَه
يَا هَضِيمَه...وَنِّتَكْ لَا مَا عِفِتْهَه
يَا هَضِيمَه...بِالسَّبِي زِينَبْ شِفِتْهَه
----------------------------------
هَاذَه حَالَكْ...دَمْعَةِ عْيُونَكْ جِرِيَّه
هَاذَه حَالَكْ...كِلْ صَبَاحِ وْكِلْ مِسِيَّه
هَاذَه حَالَكْ...عَايِشَه وْيَاكِ الرِّزِيَّه
----------------------------------
عَالتَّرَايِبْ...طَاحَ ابُوكِ وْگَلْبَه جَمْرَه
عَالتَّرَايِبْ...سَلْوِتَكْ گِطْعُولَه نَحْرَه
عَالتَّرَايِبْ...دَاسَتِ الْخَيَّالَه صَدْرَه
----------------------------------
آ يَزِينَبْ...صَرْخِتَكْ وِالْهَمْ صَدَاهَه
آ يَزِينَبْ...عَالْهِزِلْ خَصْمَكْ سِبَاهَه
آ يَزِينَبْ...لَلْيِسُرْ ظَالِمْ خَذَاهَه
----------------------------------
#السجاد
#محرم_١٤٤٧هج
الشاعر حسن خنافر العاملي
▪️ في استشهاد الإمام زين العابدين (عليه السلام)
وردَ عنْ إمامِنا السجَّاد (عليه السلام) أنه أنشأ لسهل بن سعد الساعدي في الشام :
(أُقادُ ذليلاً في دمشقَ كأنَّنيْ
من الزِّنجِ عبدٌ غابَ عنهُ نصيرُ)
(وجدِّي رسولُ اللهِ فيْ كلِّ مشهدٍ
وشيخِي أميرُ المؤمنينَ أميرُ)
(فَيَا ليتَ أمِّيْ لمْ تَلِدْنِيْ ولمْ أكنْ
يرانيْ يزيدٌ في البلادِ أسيرُ)
ألمْ يكفِ ما في كربلاءَ رأيْتُهُ ؟
ومنهُ الجبالُ الرَّاسياتُ تمورُ
حسينٌ حبيبُ المرتضى، وابنُ فاطمٍ
ذبيحٌ على حرِّ الصَّعيدِ عفيرُ
وقد داستِ الخيلُ الصَّفونُ بصدرِهِ
وراحتْ على تلكَ الضلوعِ تدورُ
ونصبَ عيوني هرولتْ فخرُ خِدْرِنا
فبالنَّارِ شبَّتْ للنِّساءِ خدورُ
وأقبلَ سلاَّباً لِقُرْطَيْ رُقيَّةٍ
بِعُنْفٍ لَعينُ الوالدينِ كَفُورُ
أيَجْذبُ نَطْعي ثُمَّ يقلِبُني الخنَا
وبِيْ عِلَّةٌ منها يُدَكُّ ثبيرُ ؟!
وأُسْبى على عُجْفٍ ويُضربُ عاتقي
بسوطٍ ، ومنْ متني الدماءُ تفورُ
وكمْ مرَّةٍ عنْ ناقتي ملتُ للثَّرى
فمدمَعُها ممَّا تراهُ غزيرُ
وأُرْشَقُ بالأحجارِ مِنْ شرِّ أمَّةٍ
تراني غريباً ما لديَّ مُجيرُ
فطرْفُ عليٍّ بالدموعِ مُجرَّحٌ
وطرفُ ابنِ حربٍ بالمصابِ قريرُ
ميت وعينك بگت عالغاضريه
ياعلي السجاد وادموعك جريه ...
تذكر الدم ... كل محرم
ياعلي السجاد وادموعك جريه
ياحزن محرم ... ياگلب تالم ..
يابو العيون المست تنظر على الدم
العله مو بلائك .... العله كربلائك
الما طبت منهه بعد عاشر محرم
انت يالماتهده ما يبرد غليلك
لهسه الا من ناصرٍ تجرح دليلك
من كلت لحسين فازعلك عليلك
ايد الك فوك الضهر وايد اعلى سيفك
حتى خاف امن التعب يطلع رجيفك
امن المخيم ......كل محرم
...........................
وحده شفته حاير ..... ضل بلا مناصر
وبين نفسه وعيلته ايجود بحياته
جبهته رموهه .... عينه غمضوهه
وهاي اخر نضره جانتله البناته
عاينت لحسين ضل من جسمه منحر
طاح والخيل امست بجثته اتعثر
جن خرز سبحه وعلى الكاع ايتطشر
ماكدرت اتلمه الا بجف حصيره
هوايه صاير وانت جفينك زغيره
جفك اشلم .... كل محرم
..........................................
عفته عالترابه .... گلبك بعذابه
واركضت صوب الخيم تجمع بالايتام
مدري تطفي خيمه ..... لو تجي بيتيمه
لو تكّوم باليطيحن حدر الاخيام
من بعد ماطاح ديوان العشيره
يعين گلبك حيرتك حيره جبيره
الليله بالطف باجر بكل ليله ديره
منكسر بس كابرت كدام الازغار
وانت دمعك ياعلي امصلايتك صار
كلهه تعلم ........كل محرم
..........................
كافل السبايه ...... بعد ماكو رايه
سلسه بجفك وتصعد عالهزيله
تسمع بخرابه ..... بابا بابا بابا
صوت طفله مدلله ماعدهه حيله
شافته جاهه ابحلم ذيج المسيه
وهيه ماتدري اجت ليهه المنيه
على راس احسين من ماتت رقيه
شكد سياط اعله المتن من غسلوهه
ميته بين اجفوفك اختك رجعوهه
گلبك اشضم ......كل محرم
..............................
انت بالبدايه .... تدري بالنهايه
تموت من غصة مصاب الغاضريه
تنتهي حياتك .... وانت امنياتك
ماتجي ابالك بعد جلمة سبيه
تموت وعيونك تضل مختنكه بالدم
من الذبح والسبي ومن حرك المخيم
سبب موتك جان من عاشر محرم
ان وعد الله حق وهاي هيه
الله يرحم كلبك شكد شاف اذيه
شكد تالم ..... كل محرم
ياعلي السجاد وعيونك جريه
نسالكم الدعاء
ايوب السويطي
#شهادة_الإمام_السجاد
رأيتُ قدومهم حِمما ... دخانٌ ألهب الخيما
عباءة عمّتي التهما .. وأطفال بدون حمى
دموعاً بل بكيتُ دما
دموعًا بل بكيتُ دما
أظلمتْ فينا سماءٌ والنهارُ
فرأيت الرأسَ يعلوهُ الوِقارُ
فوق رمحٍ .. ثمَّ جاؤونا ونارُ
عمّتي قومي عليكنَّ الفِرارُ
رأيتُ كأنّهم سيلُ ... وطفلٌ داسهُ الخيلُ
نساءٌ دونما حيلُ ... ووجهٌ مغبرٌ لُطِمَا
دموعًا بل بكيتُ دما
دموعًا بل بكيتُ دما
شبّتِ النّيرانُ ما بين الخيامِ
فرّت الأطفالُ تاهتْ في الظلامِ
لاذتِ الأيتامُ خوفًا بالإمام
كانَ ميتًا دون رأسٍ كان حامي
أرادوا بالعصا ضربي ... وقتلي والنِسا جنبي
على وجهي على التُربِ ... رميتُ وزادني ألما
دموعًا بل بكيتُ دما
دموعًا بل بكيت دما
قيّدونا كالأسارى بالحبالِ
أركبونا فوق أقطاب الجمالِ
وأرى عمّاتي ما بين الرجالِ
بعد عزٍّ ووقارٍ ودلالِ
على الأبوابِ ما انصرفا... بنا ركْبُ العِدا وقفا
ووجهُ نسائنا انكشفا ... تراهنُّ الجموعُ لمَ؟
دموعاً بل بكيتُ دما
دموعًا بل بكيت دما
زيّنوا الأبوابَ جاؤوا بالطبولِ
أمروا ركب السبايا بالدخولِ
عمّتي نادتْ عليهم بالأفولِ
ورموا الأشواكَ في آلِ الرسولِ
خطبتُ وقلتُ عن نسبي .. وجدّي والحسين أبي
أنا من نسلِ خير نبي ... فما راعوا لنا الحرما
دموعا بل بكيت دما
دموعا بل بكيت دما
أسكنونا في خرابات المدينة
من حريقِ الشّمسِ كانتْ لا تقينا
جنَّ ليلٌ نادتِ الاطفالُ أينَ؟
وسمعنا صرخةً نادتْ حسينا
بكتْ ثم اختفى الصوتُ ... غفت أم جاءها الموتُ؟
دموعا بل بكيت دما
دموعا بل بكيت دما
كوثر حجازي
قصيده مربعه حزينه
للاستشهاد السيده خوله
((عليها السلام))
درب الشام راواني شكثر لوعــــات
عفه گلبي اويـ خوله ياخلگ مامات
🏴🏴🏴🏴🏴🏴
عفه گلبي يعمه ما متت وياچ
مشينه وبالگبر يحبيبه خليناچ
جمر دمعي اصبه وبالدرب انعاچ
عليچ دموعي ما تنشف بعد هيهات
🏴🏴🏴🏴🏴🏴
عليچ دموعي ماتنشف يبت حسين
يريت ويـاچ ياخوله خذاني البيــن
امشي اويـ الضعن وعليچ ادير العين
وحيده وبرض غربه هالمسيه تبــات
🏴🏴🏴🏴🏴🏴
برض غربه منيتچ ويلي يـاعمـــه
شلون امشي واعوفچ والگبر ظلمـه
ييمه وداعــة الله لو گلت زحمـــــه
اظل وياچ لـــو احرس المسبيــــات
🏴🏴🏴🏴🏴🏴
رحت عنچ يخوله والدموع اعبار
وحبل گيدچ اخذتــه منـچ و تذكار
اشم بي ريحة ايدچ والگلب بي نار
نيرانچ ابــد ما يطفـــن مسعــــرات
🏴🏴🏴🏴🏴🏴
تسعر نار گلبي وبالحشه جـمره
عله الماتت بدرب الشام منقهره
غُمضَت عينها وهيه تجر حسره
اويلي ع الگضن وماتن غريبات
🏴🏴🏴🏴🏴🏴
بنات حسين ماتن وآنه خلني
بضيم وللمصايب ليش عفتني
وياچن ريت ياعمه اخذتني
گبل مايصل ضعني لديرة الشمات
🏴🏴🏴🏴🏴🏴
تمت بحمد الله
✍️. أم محمد علي الشيباني
▪️ في استشهاد الإمام زين العابدين (عليه السلام)
وردَ عنْ إمامِنا السجَّاد (عليه السلام) أنه أنشأ لسهل بن سعد الساعدي في الشام :
(أُقادُ ذليلاً في دمشقَ كأنَّنيْ
من الزِّنجِ عبدٌ غابَ عنهُ نصيرُ)
(وجدِّي رسولُ اللهِ فيْ كلِّ مشهدٍ
وشيخِي أميرُ المؤمنينَ أميرُ)
(فَيَا ليتَ أمِّيْ لمْ تَلِدْنِيْ ولمْ أكنْ
يرانيْ يزيدٌ في البلادِ أسيرُ)
ألمْ يكفِ ما في كربلاءَ رأيْتُهُ ؟
ومنهُ الجبالُ الرَّاسياتُ تمورُ
حسينٌ حبيبُ المرتضى، وابنُ فاطمٍ
ذبيحٌ على حرِّ الصَّعيدِ عفيرُ
وقد داستِ الخيلُ الصَّفونُ بصدرِهِ
وراحتْ على تلكَ الضلوعِ تدورُ
ونصبَ عيوني هرولتْ فخرُ خِدْرِنا
فبالنَّارِ شبَّتْ للنِّساءِ خدورُ
وأقبلَ سلاَّباً لِقُرْطَيْ رُقيَّةٍ
بِعُنْفٍ لَعينُ الوالدينِ كَفُورُ
أيَجْذبُ نَطْعي ثُمَّ يقلِبُني الخنَا
وبِيْ عِلَّةٌ منها يُدَكُّ ثبيرُ ؟!
وأُسْبى على عُجْفٍ ويُضربُ عاتقي
بسوطٍ ، ومنْ متني الدماءُ تفورُ
وكمْ مرَّةٍ عنْ ناقتي ملتُ للثَّرى
فمدمَعُها ممَّا تراهُ غزيرُ
وأُرْشَقُ بالأحجارِ مِنْ شرِّ أمَّةٍ
تراني غريباً ما لديَّ مُجيرُ
فطرْفُ عليٍّ بالدموعِ مُجرَّحٌ
وطرفُ ابنِ حربٍ بالمصابِ قريرُ
الشاعر علي عسيلي العاملي
#الإمام_السجاد
#اللهم_عجل_لوليك_الفرج
النه الجيش بغض وحقد عاده
ونفس الظلم يوم الباب عاده
صحيح القتل ان صبح عاده
لجن زينب صعب تمشي سبيه
.......
الشاعر محمد حسن ضيغم
فزاعية للأمام علي السجاد عليه السلام ( دار الهواشم صبحت )
دار الهواشم صبحت
غير اللطم مابيهه
بس المناحه واللطم
شايل يشيال الهضم
امصيبته اتلوح العظم
والعيون تعميهه
تعمي العيون امصيبته
شايل وكلفه شيلته
ارجع خواته نادته
واشلون يرجع ليهه
مايرجع الراح بنعش
والبيت وامچانه وحش
الناعي ينعه بالعرش
والطاهره ايعازيهه
جبريل عازه الطاهره
حمل علي للمگبره
الدار وحشه امكدره
ظلمه اندفن راعيهه
الدار ضلت مظلمه
راح اليحل الموزمه
امتونه تتناگط دمه
واجروحه شيداويهه
ضلت امتونه امجرحه
بالدار نصبو فاتحه
عد الفواطم نايحه
نصبت عزه الواليهه
نصبن الواليهن عزه
وجنازه بضعونه جزه
حمل اليحضر بالوزه
والمايله ايساويهه
✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
#نعي
الـبـاقـر حـين للـتـغـســـيل جـابـه
ابـوه أوجـرد امـن الـولـي اثـيـابـه
شـاف امتونـه سـود وصاح يـابـه
ألف وسفه اعلى سلـطان النجابـه
يـبـويـه الـمـاي خـافـنـه يـلـچـمـك
يـبـويـه مــن يـلــوح آثــار مـتـنـك
أنـا احـتـاريت بويه أمنـين ألـزمك
خـاطــر يـوالــي أگـــــدر اغـســلك
يـامـكــبـر رزيـتـه وعـظـم يــومــه
يـوم الـشـاعـة اعله الـكـل اعلـومـه
وشـالـوه للبـقـيـع اهـلـه او گــومـه
ويـم عمـه الحـسـن وارو ارسـومـه
اشكبر صـبره الباقـر مــن نـزل وياه
أو وسد خده ابـوه وعالـترب خـلاه
وعلـيـه رد الـتـراب وعـالگـبر هـالاه
يكـسـر كـل گلب حين الرجع ممشاه
يكفكف بالدمع وإيده اعلى مـگـفـاه
مــنــــــدوم أويـــــذب آه بـــثـــر آه
لاچن هـم نگول اشوه اويخف حزنه
يـوم الـمـات مـاكـو اخـيـول داســنه
ولاصـدره حـوافـر فـرس سـحـگــنه
آ يـحـســـين يالـيــومــك فـــلا مــنه
نسألكم الدعاء.
#اللهم_عجل_لوليك_الفرج
عشرين اعوام تنحب يا نور الأيمان
عشرين اعوام گلبك مرکز للأحزان
ماتخلص دمعاتك معروف ابـ اهاتك
*******
كافي تبچي سيدي يازين العباد
من تجر الحسره تتهدّم الأطواد
تنحب اعله اهلك اشوفك رايح و راد
اتموت راح امن الحزن یاعلی السجاد
ارحم حالك خايف يا مولاي اتموت
ارحم حالك يونس انته ابوسط الحوت
ماتخلص دمعاتك معروف ابـ اهاتك
*******
سيدي و القتل عدكم صار عاده
هاي كرامتكم من الله الشهاده
شكر الله سعيك السجاد ناده
هَم سمعت انته سبو عمة الساده
راحت زينب مسبيه اتشتمها الناس
راحت زينب عالهزّل أخت العباس
ماتخلص دمعاتك معروف ابـ اهاتك
*******
الساني یگصر لو اعدد بالمصايب
لا اهل ظلت علينه و لا گرایب
روحي طلعت و الگلب من عندي ذایب
من شفت كل اهلي طاحو عالترايب
كلها اتنادي نطلب من عدهم ثارات
كلها اتنادي ضربو ابـ حرگه العلویات
ماتخلص دمعاتك معروف ابـ اهاتك
*******
علي الأكبر دارو اعليه بالعواسل
جاسم العریس شفته دمه سایل
عله الشاطي صوبو عين ابوفاضل
طاح ابوالغيره و حملنه عگبه مایل
وحسین اینوح لازم ظهره و ظل ينعاه
وحسین اینوح و ايخضب راسه بدماه
ماتخلص دمعاتك معروف ابـ اهاتك
*******
انه ابو الباقر عليه المرض خيّم
ركن عزمي ابـ كربله شفته تهدم
مُهر ابويه حسين اجانه امخضّب ابدم
لنها ساعه و حرگو اعلینه المخيّم
فوگ الغبره جاسم طایح و الأکبر
فوگ الغبره و حسین ابدمه امعفر
ماتخلص دمعاتك معروف ابـ اهاتك
*******
عگب ما ذبحو زلمنه یسرونه
و ابحچي الما ینحچي اشگد سمعونه
الشام و الكوفه الشماته شتمونه
راس ابويه حسين وسفه يضربونه
طبينه الشام وگفونه اباب الساعات
طبینه الشام علویات و مستحیات
ماتخلص دمعاتك معروف ابـ اهاتك
*******
گرب موتي و الدمع عالوجن منثور
انختم عمري ابهل مسه و‌دلالي مکسور
السم بقه یسري ابدمایه و چبدي مجمور
و انه میت من شفت فاجعة عاشور
حفرو گبري و الباقر نعشي ایشیله
حفرو گبري و المدمع دم ایسیله
ماتخلص دمعاتك معروف ابـ اهاتك
*******
لخادم الحسين علي فلاح الواسطي
٢٠محرم الحرام
١٤٤٧هـ٢٠٢٥مـ
قال الأمام الصادق عليه السلام : بكى علي بن الحسين عليه السلام عشرين سنة، وما وضع بين يديه طعام إلّا بكى، حتى قال مولى له : جعلت فداك، يا بن رسول اللّٰه، إنّي أخاف أن تَكُونَ مِنَ الْهالِكِينَ ) .
قَالَ : إِنَا أَشْكُوا بَنِّي وَحُزْنِي إِلَى اللهِ وَأَعْلَمُ مِنَ اللهِ مَا لا تَعْلَمُونَ إنّي لم أذكر مصرع بني فاطمة إلّا خنقتني العبرة
راجع المازندراني ص ١١١ ج ١١و أمالي الصدوق ص ٢٠٤ مج ٢٩ ح ٢٢١
و الخصال ص ٢٧٣ ح ١٥ و روضة الواعظين ص ١٧٠
نعي للامام السجاد ع
...........
على ياهي الاسولف هاي لوهاي
مصايب كربله فتت لبيب حشاي
واذا اكظم المها اسولف عضاي
احس الفاجعة متعوفني وياي
اسولف عن عطش اطفال للماي
لوعن جسد ماضل عليه فياي
لوعن عذابي الراح والجاي
شفت زينب سبوها بغير حماي
شفت تبجي سكينه تنوح بهداي
بويه حسين وين انته يرجواي
...
شفت حرك الخيم وملاهب النيران
شفت سبي الحرم من غير وليان
شفت مذبوحه يمي بسهم رضعان
عبد الله شفتها النبله بالشريان
شفت جسم ابوي الباقي عريان
ترض صدره خيول مغطه تربان
اسولف ياهظم ياضيم واحزان
تطب مجلس يزيد الطاغي نسوان
وعلينه عيون تنظر كلها عدوان
اسولف حال عمتي شلون جان
تصد للراس ظلت والكلب لهفان
عليك شلون سبيي كفيلي هان
..........
الشاعر
اياد الفرح المهدوي