8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
چلمه وحده وگالهه
راح اذل ابطالهه
،،،،،،،،،،،،،،،،،،،،،،،،،،،،،،،
عفيه اخوي ،،،، ويا هله
سنطه ليش ،،،، كربله
طباهه ،، عباس للحومه گصد طباهه
خلاهه ،، تگطع نفس حتى الحرب خلاهه
محلاهه،، هيبت ابن حيدر علي محلاهه
رداهه ،، للطين كل هاي البشر رداهه
يا ثگيل وهلحرب گامت تميل
شرد اگلك وانته أبن المستحيل
ما تظل ارجالهه
راح اذل ابطالهه
،،،،،،،،،،،،،،،،،،،،
چفه سيف ،،، عينه ماي
من يروح ،،، گلبه جاي
گلوله ،، لا يبطي اخته اشتاگت وگلوله
وصلوله،، حنيت لچفوفه وعلي وصلوله
والطوله ،، فدوه العطش والماي راح الطوله
معقوله ،، فرگنه عباس النهر معقوله
انته رايح والگلب يصرخ تعااال
نشف ريچ الماي وگلوب الرجال
من وصل خيالهه
راح اذل ابطالهه
،،،،،،،،،،،،،،،،،،،،،،،،،،،،،،،
يا شجاع ،،، يا شهم
بالصعاب ،،، تبتسم
يلهيبه ،، حياك يلكلك علي يلهيبه
والطيبه،، بيك الشرف والمرجله وي الطيبه
وتجيبه ،، تركض على الماي وغصب وتجيبه
والشيبه ،، شاب اوقار البيك حلى الشيبه
بعد روح اختك يبو الچف العنيد
هاي گاع المعركه وكلهم عبيد
رايه بيده وشالهه
راح اذل ابطالهه
،،،،،،،،،،،،،،،،،،،،،،،،،،،،،،،،،
انته اخو ،،، اي سمى
من علي ،،،، ومن فاطمه
يحلالك ،، اسم الكفيل من الزغر يحلالك
هنيالك ،، ظهر الحسين وحارسه هنيالك
يبرالك ،، من الخيمه گلبي وللنهر يبرالك
بافعالك ،، الوادم اتسولف تظل بافعالك
تنتهي الخوه اذا طولك يطيح
حسين بعدك لا ابد ما يستريح
خويه يا كفالهه
راح اذل ابطالهه
،،،،،،،،،،،،،،،،،،،،،،،،
علفرات ،، هب جحيم
يا سراط ،، المستقيم
وعيونه ،، چتاله مثل السيف هاي عيونه
ممنونه ،، للموت منك يلأخو ممنونه
تدرونه ،، وياي ما خان الوعد تدرونه
يسمونه،ساقي العطاشى وكافلي يسمونه
ها هو العباس قتال الالوف
تصمت الافواه في ظل السيوف
الحومه الف هنيالهه
راح اذل ابطالهه
كلمات الخادم
رعد الفريجي
ضلت ام عباس شنه اسبابهه
ابو اليمه الكربله ما جابهه
..............................
علي من اختارهه لازم سبب
وعنهه تاريخ الفخر ندري شكتب
مامشت وي الحرم ليش وعجب
وروحهه ما عزت اعله احبابهه
.......................
ماتعز الروح هاي ام الفخر
قدمت لحسينهه ثلاثه وگمر
درع صاروله وكفو احزام الضهر
لچن بالطف شنه معنى اغيابهه
.....................
اهواي گلبنه الروايات وقصص
ودورينه عن سبب غيبتهه نص
كلمن ورايه لجن عندي الخلص
وطرزت ناس الروت بكتابهه
.................
ضلت اتباري العفيفه ام البنين
ولد عباس ومرض بت الحسين
هوه يعرف فاطمه ام كلب الحنين
وكفو يابت الفخر واطيابهه
................................
ام وفه والله يعرف اهل الوفاء
اكو الكالت ما خذاهه الكربلاء
حتى لجل حسينهه تقيم العزاء
لو وصل ناعي الحسين البابهه
...........................
وحتى زينب من لفت من الغرب
موغريبه وگالتلهن خل تطب
هاي ام السهلو يوم الصعب
الطبو وسولف عجاج اترابهه
...........................
بمر معصوم وبقت ما سافرت
وهيه بمره وطاعت وما خالفت
ما اتوفي اقلامنه اشما سولفت
التركع الدنيا ابخجل لعتابهه
خادم اهل البيت /علي الزرگاني
يحسينه يا اول وتالي
مثلك بشر ماينوجد غالي
يفدينه كون بعمره
ودمعك رزق للفقره
.......................................
يأول معجزه مو آخر السبعه
الدنيا ابلا وجودك فاكده الشمعه
شاء الباري شأنك سيدي ايرفعه
لحد اليوم صوتك بينه وانسمعه
انته الحقيقه والكل اوهام
يالمنطي نحره وتانه الاسهام
لبست سواد اعليك الايام
اعليك الگلب شيصبره
ودمعك رزق للفقره
.......................................
قريناك وعرفنه العدنه والعدك
لگينه العدنه كله اللايذ ابسدك
دون ارگابنه اتلگه السهم چبدك
حنين وتبجي للوادم الأتضدك
واحد ولا ماصارو اثنين
هيهات نلگه حسين وحسين
والله اشكثر مرت عناوين
مانلگه مثلك فطره
ودمعك رزق للفقره
.......................................
اشما مرت اسنين ودوريناهه
من وجهه اليحبك نيته نقراهه
فريده انته الخصال البيك نلگاهه
يحگنه بيك دون الخلگ نتباهه
سر الحياة ودنيتك هاي
يحسين انته وشنهو الماي
والاك بس الطبعه وفاي
وهنيال حظه وقدره
ودمعك رزق للفقره
.......................................
بلايا حسين هاي الدنيا معدومه
بس ربك لطفهه ابشخصه مرحومه
گالاهه النبي مايشبهه ابيومه
بشر وادوسه خيل اعداه بالحومه
محد يشبهه حسين بالموت
عالصدر خيل النايبه تفوت
لاله الچفن لاشاله تابوت
مهشوم ضلعه وصدره
ودمعك رزق للفقره
.......................................
شسولف والسوالف سيدي ايلچمن
موقف للفواطم بعدك ايبچن
سمعن بيك طايح صاحن وركضن
وصلن بس لگن خيل العده يسحگن
وصلن وسمعن صحت عطشان
شيسون ابنص زلم نسوان
گطعو الراس وبچه القرآن
من الشمر حز نحره
ودمعك رزق للفقره
خادم اهل البيت علي الزرگاني
سكينه في لحظات مصرع الحسين عليه السلام
*
عمه الخيل داست صدره لحگيله
****
زينب هالوصل ذباحه يــــــا عمه
ظل يطبر بنحره وعلرمل دمـــــه
لو ذبحو ابونه منين نشتــــــــمه
عطشان انذبح يا مصعب الچلمه
ماي منين اجيب شلون اوديـــله
عمه الخيل داست صدره لحگيله
***
عمه اثنعش طبره وعلگفه مخليه
ما عنده رحم يا عمه يذبح بيـــــه
بويه الله واكبر شنهي المسويـــه
هذا الحجر ليش الفوگه ومأذيـــه
اريد امسح أدمومه بطارف الشيله
عمه الخيل داست صدره لحگيـــله
**
شالو راس ابونه وچثته مدميــــــه
عمه جروح جسمه الف وتسعميـه
راسه اعله الرمح بس باوع اعليه
ها بويه صرت يحسين مسبيـــه ؟
خل نمشي لابونه هناك نحچيـــله
عمه الخيل داست صدره لحگيله
**
سحگو بالحوافر جثة الهيــــبه
دم فوگ التراب وتارس الشيبه
خنصر منگطع ياهوه اليجــيبه
برماح وسيوف الوادم اتصيبه
ها يم عون عمه فياي سويــــــله
عمه الخيل داست صدره لحگيله
**
عشر خيول سحگت صدره وعظامه
هاي اعله الارض مدميه العمــــامه
خلينه انتگابل لطم علهــــــــــــــامه
على المحد فزعله وصار گــــــدامه
توزع عل ترب يا چف اليشيــله
عمه الخيل داست صدره لحگيله
****
يا حافر الخيل اسحگني يلحـــافر
اترك صدر ابوي أچم ضلع كاسر
أموت وياه خلني بشدة العـــــاشر
خايب هذا ابوي شبيك يلــــــكافر
تدري بفاطمه هل يمه تبــــــچيله
عمه الخيل داست صدره لحگيله
رعد الفريـــــجي
محرم الحرام
#الخروج
طور : دمعتي هامله
.
.
يمكسورة ضلع
أزورچ بالدمع
وأودعچ آيا يمه بهالمسيه
أنا والعايله
نروح لكربله
ييمه وما أرد لچ يالزچيه
أودعچ بالجُروح
وإلى المصرع أروح
ييمه وحان الإمگدر عليه
بعِيالي وصحبتي
أروح لذبحتي
ويصير الما جرى يا يمه بيه
أودعچ والوعد
إذا الطاغي صعد
على صدري أو حانت لي المنيه
إذا حز منحري
ييمه احضري
يَيُمه وعِيني زينب عالرزيه
البقية من هلي
تشاهد مقتلي
ويمنعوها تون حتى عليه
وتروح اميسره
وأظل اعلى الثره
وعليّه اتدوس يمه الأعوجيه
عِظامي تنطحن
وأظل ابلا دفن
ثلث تيام مرمي اعله الوطيه
وبناتي باليسر
يَيُمه تنقهر
ويِگعدون ابخرابه الهاشميه
___
تمت ببركات مولاتي الزهراء عليها السلام
#فاطمة_كريم
٢٠٢٤ م
لاحِ بْسِمَانَه
غُرَّةْ عَزَانَه
هَاذَه الْمُحَرَّمْ
بِالْهَمْ إِجَانَه
------------------------------
شَهْرِ الرِّزِيَّه
بِالغَـاضِــرِيَّـه
ذِبْحَوْ وِلِينَه
فُوگِ الْوِطِيَّه
------------------------------
گِطْعُولَه نَحْرَه
سِحْگُولَه صَدْرَه
تَحْتِ الْحَوَافِرْ
وِاخْتَه تِنُظْرَه
------------------------------
بَدْرِ الطَّلِيعَه
يَمِّ الشِّرِيعَه
رَاحِ الْمُحَامِي
وْعَافِ الْوِدِيعَه
------------------------------
زِينَبْ غَرِيبَه
وَالله مُصِيبَه
بِنْتِ الزِّچِيَّه
طِلْعَتْ سَلِيبَه
------------------------------
عْيَالَه وْبَنَاتَه
أَهْلَه وْخَوَاتَه
رَاحَنْ سِبَايَه
شِبْعَنْ شِمَاتَه
------------------------------
يَعْنِي رُقَيَّه
طَاحَتْ خَطِيَّه
طِفْلَه وِسَافَه
بِينَ آلُ امَيَّه
------------------------------
#هلال_محرم
#محرم_١٤٤٧هج
شاع الخبر شب وكبر
شبل الحسن للطف حضر
وزينب تكله يحسين ثوب العرس يحلاله
...........................................
بصاية أبوه القاسم أنـــــزف عرسه
وجانت وصيته العمه ترخص نفسه
من الصغر رملــــة تحزمه الدرسه
ولمـــن ضوه وغصنه أرتوه
بعزه وفخر شال اللـــــــوه
ودك صدره العمه العريس وقدم وصيته أكباله
......................................................
من الحسن طلسم قراه الصنديد
جاسم يخويه لـــــو كبر أيد بأيد
بيدك تلبسه لامتـه ودرعه أيريد
حسين أنحنى وشاف الضنى
صب دمعته ورد أعتنه
مثل البدر شافه حسين سبط الحسن من جاله
.......................................................
بكسرة كلب بيده رفـــــــع فقاره
وزينب لفت جابت بديها أصياره
شعلت شمع عرسه بدمع يتجاره
ورمله تحس شمع العرس
دوره أنتهى بأول درس
من شافت بدمعه حسين كام الحمد يقراله
...................................................
للحومه جاسم شد عزم عمه وصال
من هيبته ما واحـــــــــد البيهم كال
الخيال لــــــــو خلف يخلف الخيال
الكون أنكلب مطرة ركب
شبل الحسن بالدم كتب
كل عمري فدوه لحسين وشحده من يدناله
.....................................................
سوح الحرب عجه وعطش هندس ليل
شسعه أنكطع والحيل مامش ضل حيل
جاسم وحيــــــــد وحاطت أعليه الخيل
طاح وعثر مثل الكمر
شافه حسين وضهره أنكسر
عاين الزينب محتار وكلها الولد يا حاله
.......................................................
سمعت رباب حسين يا رمله أيصيح
جاسم وكع عالغبره ودم نحره أيسيح
سكنه أسمعت كامت أبممشاها أتطيح
والكل تون تنوح وتحن
ثوب العرس صار الجفن
وحسين بالطف محتار شكم غالي طاح وشاله
...................................................
خادم خدمة الحسين
الشاعر
محمد الموالي
بسم القل هوه رمله والضوه جاسم والحديث أبتده
قرءآن الوفه وحي العاطفة يتبدى مثل الندى
يمه
.........................................................
يا حلم عاش بخيالي وياتعب ذيج الليالي
وتعبي ورباي
يا ذخر شلته المشيبي يوم المبارك حبيبي
زفتك هــــاي
شمعة أسنيني وغلاتك يمه جاسم وأشحلاتك
نجمة بسماي
جاسم ييمه أهناك بالحومه عرسك
ربيتك الهاليوم ما تغلـــــــى نفسك
العمك أعتني وأكباله أنحني وأستأذن وطب للحرب
يا ليث الوغى والمبتغى يغلب وما ينغلب
يمه
.........................................
يمه يملوحة حجينه عمك أعيونه علينه
أو وحده حاير
كسرة الخوان كسره هيبته وأحزام ضهره
أهلال صاير
حيرته ما صح مثلها جبل ما يحمل ثكلها
بلا مناصر
من طيحة العباس كافل خدرنه
وحشة لذيذ الماي وحشة خيمنه
يا يمه أستعد كونك من تهد أتكحل أعيون السمه
فوت بهيبتك يمه وغيرتك وأكسر قرار الضمه
يمه
.............................................
ألولد بعيون أهله غالي يمه حسين أغله
وبيك أفدي
لو طحت يا يمه فدوه حسين عمك والله يسوه
الدنيا عندي
أتوكل أو أخذ الوصية العمك أو أدي التحية
كون جندي
هاك الدرع والسيف ورث الحسن هاك
جاسم ييمه أوصيك تتحنه أمن أدمـــاك
يا ضي الشمس بثياب العرس أتوكل وطبلهم ضوه
أوكف عالزلم بصرار وعزم وخلهم يدورون الهوه
يمه
............................................
نزل جاسم كله غيرة وأبتسم شيخ العشيرة
بهمه وبزود
لمع فقاره وتبختر والتفت لحسين وأشر
وخط الحدود
ما وصل لحدوده واحد الزلمه بيهم ركض شارد
أوليدي هادود
الما لاحه سيف الموت خوفه يذبحه
غير العطش جسام ما وصل صبحه
نيران الضمه أمست مضرمه ودلالي يا ويلي أنفطر
طاح الوحًده واسهام العده نزلت على أوليدي مطر
يمه
.................................................
أمن الخيمه شفته أعتناله محني ضهره وكوه شاله
ويلي لحسين
خطوه يمشي وخطوه يعثر صاح رمله وفًه وأكثر
جاسم الدين
ضحه لجل الدين دمه ويفتخر يا رمله عمه
سلوة العين
كتله الولد يحسين فـــــدوه وغلاتك
ألمهم أنته أتعود أفيــــــــاي البناتك
طفيت الشمع وأجريت الدمع ألمن بعد حنه وعرس
مذبوح الولد يا طير السعد وضل ويلي نايم بالشمس
يمه
....................................................
خادم خدمة الحسين
الشاعر
محمد الموالي
أمودع الله بالسلامه أدعيلك
أمودع الله للحرب شد حيلك
يبني يبني يبني يبني
..........................................
يبني يا يبعد حيل أمك وحيلي
يملوحة حجينة ويا نجم ليلـــي
هاك الدرع هاك السيف يبنــي وللحرب أنزل
ومثل جدك علي بصفين أريدك يبني من تحمل
علــــي وبوسطة الميدان أرفـــع بيرغك وأجبل
يا هيبة وعليــــك أيلوك ثـــــوب القادة متفصل
يا حــــلاتك ويا حلات أرسومك
يا حــــلاتك وهذا يبنــــي يومك
يبني يبني يبني يبني
.........................................................
ليلى أمن الخيم تنضر ضوه أرباها
أنحنى باس أيــــد أبوه ونزل يتباها
علـــي الأكبر علي يبني ليلــــــى أتصيح يا يمه
الفارس لـــو يطب ميدان يتحنــــــــى بنزف دمه
شحلاة أوليدي نجم سهيل نزل ضهر بضهر عمه
لمع فقاره وسط الجيـش وكلها هــــــوست بأسمه
هيبة هيبة وترهب بصولاتك
هيبة هيبة يا علـــــي وكفاتك
يبني يبني يبني يبني
.....................................................
علي من طب صفوف الجيش يتبختر
وكلها أتصيح أجه العباس لـــو حيدر
بدت تدوي المعارة وصار عجيج الخيل بالحومه
وبده يحصد ركاب أعداه وشاعت بالسمه أعلومه
جعل سيل الدمه طوفان وهـــوس وأرتجل يومه
ألتفت لحسين من أبعيد كمر وايباهي بنجومه
هوساله يا جبير أولادي
هوساله يا شبيه الهادي
يبني يبني يبني يبني
..........................................
علي وجمر العطش تسعر بدت ناره
رجع لخيام أبـــــــوه البخت والشاره
حديث النور وي النور دار وليلى منتضره
تشوف حسين واوليده كل واحد يشم ثغره
ركضت ركضت الجناز لبنها وشمته بنحره
تكله يبني أمشي أعليك تعب أرباي والعشره
هذا حالك ما يسر حاجيني
هذا حالك ألمن تخلينــــــي
يبني يبني يبني يبني
.......................................................
رد للحرب ضـــــــــــي أعيوني بالكوه
آه أمن العطش بوليــــــــــــدي وشسوه
شفت عجت ترابه وطاح فارس بالدمه مخضب
رحت أركض على أبني الصار لخيول العده ملعب
شفته أعله الترب مطروح دامي ويلي ومترب
شلته وللخيم رديت حضنته وكمت أون وانحب
ليلى ليلى هذا جبته اوليدج
ليلى ليلى مسحي دمه بأيدج
يبني يبني يبني يبني
.........................................................
تره أفراك الولــــــــد ما ينحمل ليله
لو أكضي العمر صبح ومسه أبجيله
بعدك وين كلي الوين يبني أتجه لا وين
علي بويه علي بجفاك كلي أبيش أصبر العين
بقيت الوحًدي واعداي عليه أندارت الصوبين
حيرة وضلت النسوان تتصارخ يبويه حسين
حيرة حيرة دوهناني أفراكك
حيرة حيرة يالولد محتاجك
يبني يبني
.........................................................
خادم خدمة الحسين
الشاعر
محمد الموالي
برز من أخيامه كمر شد ألثامه
وزينب أتكله هــــلا
هلا براعي المرجله
أبو فاضل
................................................
طلع من أخيامه عبــــاس شحلاته
وزينب أتكله هـــــلا أبهيبة خواته
أستبشر حسين وأجه يمشي برهاته
أنحنه العبـــــــاس من شافه شغلاته
وصل يمه.. وبده أيشمه..وشد حرز بمتونه
هوسالــــــه..وشد رحاله..من سـرج ميمونه
وأخذ منه أحجايه وعكد طرف الرايه
وبيرغ الخـــوه عله
هلا براعي المرجله
أبو فاضل
..................................................
نـــــــــزل عباس ولمع فقاره بيده
نزل وألكون أرتجف مثل الرعيده
وكف هوس وأرتجل وسطة البيده
آنــــه سبع الكنطرة وأبن الصميده
غضب نازل..أبــو فاضل..باشط أبأفعاله
سيفه يحصد..غيمه ترعد..وسطة الخياله
ورسم شاطي أحدوده هيبة يمشي بزوده
وبدة يقره الزلزلـــه
هلا براعي المرجله
أبو فاضل
.........................................................
زحمه صارت كربله ورف اللوه
وأنكطع من خزرته حتـــى الهوه
وصل مشراد الزلم حــــد الضوه
ودخن العباس والشاطــــي أنجوه
نشف مايه..ورفع رايه..من وصل لجروفـه
راد يشرب..سمع زينب..وأنجفه أمن أجفوفه
وما شرب كافلها ترس جوده وكلها
بعد بــــــاء البسمله
هلا براعي المرجله
أبو فاضل
....................................................
رجع من الشاطي والجمره بدليله
وكال أوصل الماي لخيـام العقيله
جان غيــر السيف ما عنده وسيله
ويلــي والعباس يتوجه أعله حيله
كوه كوه..يمشي خطوه..ويلتفت لحسينـــه
أيكله تكوه..الموت يسوه..وطاح الله أيعينه
العطش ما ينحمل وكله ها يابا الفضل
هـــــا يبن عقد الوله
هلا براعي المرجله
أبو فاضل
.........................................................
عجت الخيل وبدت تدوي المعاره
وبالسهام أتولته وبــــــان أنكساره
ويلي كطعوا يمنته وكطعوا يساره
وكع دامـــي الزينب أيقدم أعتذاره
طفت عينه..وصاح وينه..حسين خل يفزع الي
من وصله..خويه كله..هاك أسمــــــــــع مايلي
هاك أخذ جفينه الزينب ولسكينه
وأعتــــــــذر للعايله
هلا براعي المرجله
أبو فاضل
.................................................
خادم خدمة الحسين
الشاعر
محمد الموالي
كمر كمر كوم شيل الراية
..................................................
زينب تحشم وينه العطش نار ماذينه
جيب الماي لسكينه
يا كفيل العيلة
للخيام مــــــر بيها غيرك منو اليرويها
يعباس واسيهــــــــا
يا كفيل العيلة
وشل دمع مبجاهــا يسعر لهيب أحشاها
حــر الشمس جواها
يا كفيل العيلة
يا بالفضل منك تريد أحجاية
كمر كمر كـــوم شيل الراية
................................................
دك صدره راعي الغيرة أستأذن وأخـــذ تأشيرة
حي الله شيخ الديرة
للشدد راعيها
يرعد نـــــــزل للحومه عباس حلـــوه أرسومه
ليث الوغى وجيدومه
للشدد راعيها
شد رايته أعله أمتونـــه وما كدروا أيلاكونـــــه
خله الهوه أيدورونه
للشدد راعيها
هيبة علي بالحومه سوه أسواية
كمر كمر كــــــــوم شيل الراية
..................................................
سل سيفه عم الساده وصفين عاد أمجاده
يحصد ركاب القاده
ويهوس بجفيته
العسكر شهك بانفاسه وكلمن يدور راســـه
لا شمر لا حراسه
ويهوس بجفيته
للشاطي فات بزوده شحده اليصل لحدوده
جر طارفه وشد جوده
ويهوس بجفيته
كمر كمر عالنهر دك ثاية
كمر كمر كوم شيل الراية
.........................................................
لخيامـــــــه رد الكافل وأنذار صار وعاجل
سترالله شنهو الحاصل
عباس مارد لينه
أسمع صده أمن البيده عباس كطعــــــوا أيده
خل يحضرلنه أعضيده
عباس مارد لينه
أركض رحت ناديته شفته وطحت ضميته
وبيدي السهم جريته
عباس مارد لينه
شلته وصحت عباس كوم اوياية
كمر كمر كــــــــوم شيل الراية
.........................................................
ألهج كمت بحروفه زينب أشلون أتشوفه
متكطعات أجفوفــــــــــه
والسهم صوب عينه
لا جود لا راية بقت عالرمله طاحت وانجفت
ياويلي لو زينب أجت
والسهم صوب عينه
عالشاطي وأتشوفه وذر والجسد دامي بلا نحر
كافلها عباس أنكسر
والسهم صوب عينه
تنصب عزه لو تسوي أقراية
كمر كمر كــــوم شيل الراية
.................................................
خادم خدمة الحسين
الشاعر
محمد الموالي
أتبختر الكافل حي أبو فاضل للحرب نازل
..................................................
نزل راعي المرجلة وراعي اللوه
هوس وفقاره شـــــــع مثل الضوه
وكف عاين وأنرعب حتـــى الهوه
صحرى صارت كل أراضي نينوه
هيبتة وعزمه يا حلاة أسمه للحرب نازل
.........................................................
سرفن أزنوده وبــــده أيعد الركب
وزلزل الحومه وعساكرها ورعب
الزلمه بيهم شرد والعبـــــاس طب
كلب عاليها أعله سافلهــــــا وركب
اليوصل الحده ويلي وشحده للحرب نازل
...........................................
هد على العسكر مثل سيل الحمم
أووصل شاطيها وتربــــع عالقمم
حسين حيهم كله من صوب الخيم
ترس جــــوده وهوس ورف العلم
وزينب أتشوفه يومي بجفوفه للحرب نازل
........................................................
بدت تدوي الحومه والأكبر نزل
حيهم العبــــــــــاس كله وأرتجل
لزم صوب الميمنه وصال وحمل
ولـــزم عمه الميسره وسيفه زعل
واحد الواحد يرهب أمن ايهد للحرب نازل
......................................................
دكـــــوا الضهر بضهر مثل النجم
العسكر أمن الخوف ضل يردم ردم
هدوا أعله المشرعه غيــــرة وعزم
وببن أخيـــــــه الكمر واكف مبتسم
حيهم أيكله وعلي أيهوسله للحرب نازل
.........................................................
لحد كطع النفس واحــــــدهم يهد
وبركاب القاده ضل يحصد حصد
من دمه المنحر رسم لـــوحة مجد
علــــــــي الأكبر يقره آيات الحمد
والكمر سيفه يحصد بكيفه للحرب نازل
.................................................
خادم خدمة الحسين
الشاعر
محمد الموالي
بسم حسين حسين أتخلد... صوت الأنصار
زلزال الطف والطف يشهد... صوت الأنصار
أنصار حسين...... بالطف سبعين
أنصار حسين
.......................................
صدح صوت الغيارة بسم راعيها...
يم خيمة الحره
سمع شيخ العشيرة حسين واليها... حبيب ودكله صدره
رفع راية وعكد طارف صواريها....
ودك عشرة أعله عشره
أخذ رخصة ونزل بالدم يحنيها....ونذر لحسين عمره
شال الراية وهد وكبر... صوت الأنصار
و بالسبعين حسين أستبشر... صوت الأنصار
أنصار. أحرار
أنصار حسين...... بالطف سبعين
أنصار حسين
......................................
نزل شايل حبيب أعله الصدر راية... واتوسط عرينه
هوس وارتجل وبزوده دك ثاية.....
وفقاره بيمينه
هتف هل من مقاتل كد الحجاية...
خل يحضرلي وينه
ما واحد وصل حده وحكم رايه.....يحني أجفوف ادينه
أذن بسم حسين وصلى... صوت الأنصار
بالدم وجه الشايب أحلى... صوت الأنصار
أنصار حسين.....بالطف سبعين
أنصار حسين
.................................
عابس شك قميصه وصاح اسمعوني...من هلهل فقاره
مجنون وفخر واتباها بجنوني....
وي دمي ايتجاره
عن حسين فنكم لو تبعدوني... وأخذ دور الصداره
مشه وبالدم هتف كلهم تحنوني... هاي أعضم بشاره
مجنون وعاشك واتأمل... صوت الأنصار
بيوم المحشر أني الأول... صوت الأنصار
أنصار حسين... بالطف سبعين
أنصار حسين
...............................
بدت تدوي المعارة وعجت الصحره... أثر جون وقتاله
زهير أعله الزلم ضل صارمه يقره...ونشيد الطف قراله
وهب جدحت اعيونه وغوركت حمره....بدت ساعة نزاله
مشوا ضهر بضهر عاليمنه واليسره... جبل يرهب خياله
من الدم صار الطف أحمر... صوت الأنصار
راس براس أحتار العسكر.... صوت الأنصار
أنصار حسين..... بالطف سبعين
أنصار حسين
................................
حانت ساعة التوديع ويه حسين... عشاك الشهادة
وفوا بالعهد من دمهم السبعين... عن فكرة وارادة
أنصار وكفوا نصروا أصول الدين...
بنهجه واعتقادة
على مر الزمان وعالعهد باقين....
بالخدمة القيادة
من عابس جم عابس خضر... صوت الأنصار
بركان بكل عاشك فجر... صوت الأنصار
أنصار حسين...... بالطف سبعين
أنصار حسين
....................................
خادم خدمة الحسين
الشاعر
محمد الموالي
شال الشيـــــخ الراية وأنطه حسين أحجاية
ألك يابو الشيم قسم نقسم قسم
شال الشيخ الراية
...............................................
هوس شيخ الديرة وخلى الكون بحيرة
حي الله أنصار حسين
الغيرة أتحشم الغيرة
شدوا حيل الشايب مثل النجم الثاقب
هدوا وحسين أيشوف
الصاحب يفدي الصاحب
من أخيامه أتبختر وعباس ألهم أشر
الله يحيي الزلم الك نفسم قسم
شال الشيخ الراية
..............................................
بدت تدوي الحومة ونزل هيبة كومه
أبن ضاهر حياه
يا حي الله أعلومه
الشال حسين براسه أكبر شارب داسه
يرعد والعسكر حار
ضل يحسب بانفاسه
ما وصلوا لحدوده هيبه ويمشي بزوده
رفع بيده العلم ألك نقسم قسم
شال الشيخ الراية
............................................
للموت أشتد عزمه ما خاف ولا همه
هوس أبشر يحسين
ناذر روحه ودمه
لاكه الموت أملاكه وقدم جفه وساكه
طاح صيار السبعين
طيحة دمع أفراكه
أبشر يبن الزهرة الشايب قدم نحرة
على الرملة أنرسم قسم نقسم قسم
شال الشيخ الراية
.......................................................
هد عابس وعيونه ترسم شوك أضنونه
شك ثوبه وهد وصاح
وأتبختر بجنونه
بسيفه أيعد ويحصد ولحسين أيرد وأيهد
طاح وهوس لحسين
بدمه ضل متوسد
طاح وشاطي أجروفه حسين أيخط أحروفه
العشك بسمه أنحسم قسم نقسم قسم
شال الشيخ الراية
........................................................
جون بروحه أتحزم هد وحسين أتبسم
شافه وكل العباس
بثوب الخدمة أتوسم
شاري الموت أشراية وما ثنالي أحجاية
أسود صح لونه وجان
أبيض مثل الثاية
طاح وقبًل جونه أتبسم وأبيض لونه
على نحره أنختم قسم نقسم قسم
شال الشيخ الراية
.............................................
أبن القين أيتاني ألحر والنصراني
أمسابك ركضوا عالموت
واحد حزًم الثاني
بدم الغيرة أتحنوا ولحسين الكل وفوا
يا حي الله السبعين
راية وسيف ألتموا
هذا الكطعوا نحره وذاك الداسوا صدره
أهل نخوه وهمم ألك نقسم قسم
شال الشيخ الراية
...........................................
خادم خدمة الحسين
الشاعر
محمد الموالي
كـــواكب أربعة هوت عالمشرعة
هوت عالمشرعه
كواكب أربعه
...............................................
نعى الناعي بشر بارض المدينة
ويـــــــن الكه مره طيبة وحنينة
سمعت فاطمة وركضت حـزينة
آنـــــــــه أم البنين أوليدي أوينه
يبن حذلم فـــــــده اولادي البنينه
المهم سالم أبـــــــو ألاكبر يجينه
يكلها الفــــــاجعة هوت عالمشرعة
...................................................
يكلها أم البنين أمنين أخبـــــــــرج
عون أعله الثرى ضـل مرمي أبنج
أصبري والصبــــــر ألله اليصبرج
أنــــــذبح عبدالله وي جعفر ابشرج
ذبـــل وجهج أشوفه وحنى ضهرج
عالعباس والعباس الله ايعضم اجرج
جثث متكطعـــــــة هوت عالمشرعة
..........................................
تكله يا بشر شليت حالـــــــــــــــي
وين حسين جاوب عن سؤالــــــــي
أنحنى ضهري صدك عباس غالــي
بلايا حسين وجه الكمر خالـــــــــي
عافيتي وحرز عزي ودلالــــــــــي
غير حسين محد شغل بالــــــــــــي
يجاوب مدمعه هوت عالمشرعة
...............................................
يكلها الوحًــــــــــده ومحد ينصره
أول مــــره يمشي ومحني ضهره
صدك كسر ألأخـــــو محد يجبره
مايكفي الدمع لــــــو خلص عمره
وحـــــده حسين ضل محتار بامره
يلم عبـــــــــــاس شفته وذره وذره
صورة مصرعه هوت عالمشرعه
....................................
ضل حسين وحده بلايا ناسه
وزينب عالخيم وكفت حراسه
وكع ضامي وشمر بالخيل داسه
كض طارف لحيته وكطع راسه
الكبل نحره النبي بشفافه باسه
بحلك السيف يم عباس جاسه
ختــــــــام الواقعة هوت عالمشرعة
......................................
خادم خدمة الحسين
الشاعر
محمد الموالي
طلع جاسم للحرب وبسيف ابوه
چنه نار وبالعرك ما گا بلوه
.................
مو وحيد اتكول جن جيش ابگفاه
يموت من اعيونه كلمن كا بلاه
دور ابوه بالمعركه جاسم خذاه
وهذا صاحوله الحسن فازع لخوه
..................................
نفس ذاك الطوم يوم اعليهه صال
وسيفه گام ايلگط ابروس الثگال
عمره هذا اثمن طعش گالو محال
فعله بالخمسين لمن قدروه
.......................
شنهي شاب ايطبهه ماصاعد مهر
وشنهي شاب الكتل القاده اشكثر
داعيتله امه الكدر بالطف يفر
واليطب ينسه اسمه واسم الخلفوه
....................
انه ابن حيدر علي البچه المحن
وانه اطيع حسين وصاني الحسن
حسين يمكم كالاسير المرتهن
ليش خانو كتبه ناس البايعوه
........................
يلي مو گد الحجي وگد العتب
احنه مانخرب مثل طبع الذهب
ياهو گابل هاشم وچفه الغلب
وبحرب صفين حيدر ما دروه
...........................
ركض والعسكر لمن شافاه ركض
چنه صم الماي وبساعتهه فض
الطلع من سيفه بس العنده حض
واليشطره السيف نصه مالگوه
.............................
چان ابوه القاسم ايسولف عليه
حسين من ينخاك طيح ابين اديه
كون تطي الروح بس لاتطي بيه
وادري جفك كل زلمهم مالووه
.............................
ومرت الايام لاچن چنهه طيف
وجاسم الطباهم وصار الرجيف
وهوه مثل المجتبى ماردله ضيف
ولوله ماحيلة غدر ما صوبوه
خادم اهل البيت / علي الزرگاني
للموت منك ابد ما نتبره
يحسين وعيونك وضلع الزهره
.....................................
عالفطره حبنه اوياك ياوالينه
هذا نهجنه وعالوفه اتربينه
ابثارك المهدي ايطالب امتانينه
كلنه اعله دربه والفرج ننتضره
......................................
مثل النفس يحسين تسري ويانه
يالحبك اعله العادتك علانه
مو منه هذا ولا مشه ابممشانه
الما يهوه اسمك سيدي اعله الفطره
..........................................
ياخذنه دهرك ضالم الجف ضالم
والجور بينه سنين وانته العالم
بس نقسم ابچبد الرضيع وجاسم
من طف ثورتك بينه عاشت ثوره
...........................................
بالطف وحيد وماكو عندك ناصر
ومن كل جهاته اعليك عسكر داير
لا رجف گلبك لا دليلك حاير
ولاگيتهه ابهيبة ابوك وصبره
.......................................
نفتخر بسمك حگنه لو نتباهه
وهيهات للذل عشنه كل معناهه
بوجوه خصمك سيدي وگلناهه الميت ابذله ياهو بعده ايذكره
......................................
مرفوع راسك لاجن ايهابونك
يرتجف عسكر من يصد لعيونك
ميت جسد ما گدرو ايموتنك
عايش ومنك لا تظن نتبره
......................................
من طفك الهل يوم ما گدروهه
چلمة الكلا الفنهم ايمنعوهه
اشگد حاولو ما گدرو ايموتوهه
عند اليحبك عايشه ابكل عمره
خادم اهل البيت علي الزرگاني
آنه بالدنيا شلي من غيرك انته
من عرفتك حتى دين الله عرفته
عندي اغله من هلي
خادمك يابو علي
من عرفتك حتى دين الله عرفته
.............................................
گبل لا انولد وابظهر ابوي آنه
لگيت حسين عاش بروحي عنوانه
الما يتنفسك لا يبجي ويانه
الفقير العاش حبك دمعه نيشانه
اول ما فتحت اعيوني لاگيتك
نفس بالروح وسط الريه شمينك
حرز يحسين وسط الروح خليتك
عشگي انته الاولي
خادمك يابو علي
تنذكر يمي وتهل العين سكته
من عرفتك حتى دين الله عرفته
.............................................
يشريان الدمه من الجدم للراس
انه المخلوق لجلك ما تهمني الناس
وحگ دم الرضيع ويمنة العباس
انه اتمنيت دونك يا حبيبي انداس
كون الخيل تسحگ دونك بصدري
واصيرن سد الك وايكسرن ضهري
وحگك ما ينگصن ذره من صبري
الك فدوه يالولي
خادمك يابو علي
وينكسر ضلعي يريت انه السمعته
من عرفتك حتى دين الله عرفته
.............................................
گبلما انطق اسمي سولفت بسمك
ازغار وعالورق بالفطره وانرسمك
هوه وتندار بينه حسين نشتمك
كبرنه وكل محرم دمنه وي دمك
يريته ينخبط مولاي وي دمنه
نموت اوياك كون وياعظم حظنه
نتمنه اشكثر خيل العده اترضنه
انخه كلمن يدعي الي
خادمك يابو علي
حسين يالاسمك گبل اسمي كتبته
من عرفتك حتى دين الله عرفته
.............................................
زرع فطره ولگينه اغصانه بطفوفك
مو بالعين گلب الحبك ايشوفك
يبو المعروف ياهو اليوفي معروفك
يعطشنه الزمن بس نروه بجروفك
عطشان وتروي ابجرفك احبابك
يباب الله الوسيع الفاتح اعتابك
خيمه انته وتلم ابطيبك احبابك
بيك كل هم ينجلي
خادمك يابو علي
من اذكرك تنزل الدمعات سكته
من عرفتك حتى دين الله عرفته
.............................................
واريد اختم كلامي واحزم ابكلمه
الدنيا ابلا كرامه ابدون ابو اليمه
دين الله انهتك بس خضر ابدمه
وذل السيف نحره وعاشت الكلمه
لولا حسين ضاعت كل عناوينه
دين الله وبعد ما گمنه صلينه
واحنه اعله الوفه وياه تربينه
ويبقه صوتي ويعتلي
خادمك يابو علي
سور عرش اهل الظلم بيدك هدمته
من عرفتك حتى دين الله عرفته
خادم اهل البيت علي الزرگاني
جديد
طلع شبل الهواشم هــــلا أتكله الفواطم
مشــه العمه....أنحنى وشمه
ونزل للحومه جاسم
...................................
طلع من الخيــــــم جاسم شمس وبنوره ساطع
وهــــــــــــــلا رمله تكله للحرب يوليدي طالع
أخذ بيده الوصيه وأنحنــــــــــــى العمه ويباوع
جرى دمعه وحنى ضلعى وبدت تدوي المواجع
أبتسم شافه ويكله ونضر توميله رمله
عزيز أمه أنحنى وشمه
ونزل للحومه جاسم
.......................................................
أخذ رخصة وشهر سيفه ونزل يمشي برهاته
أبتسم عمه وهتف بسمه وتشيـــــــــم يا حلاته
كمر جنه ورغــــــــــــــــم سنه يهد أبمشتهاته
الوصل حده ولا عــــــــــده وكف موس بلهاته
بده موسم حصاده وأخذ دور السياده
رعب خصمه أنحنى وشمه
نزل للحومه جاسم
.......................................................
بدت تدوي المعارة وهوس وفقاره كبًـــــــــــر
وبـــدى أيحز بالركاب وعالعساكر سيفه زمهر
ألتفت لخيامه جاسم شاف الحسيــــــــن أيتبختر
وكف شد عزمه كله أبـــــــــــــشر وعمه تبشر
ركض هيبة عمامه وأمه تدعي بالسلامه
فدى الرسمه أنحنى وشمه
نزل للحومه جاسم
.....................................................
بدت نار العطش تجـــــــوي دليله وحيله عثره
أنكطع شسعه وحنى طوله وبدى يتلاشه صبره
نضر شاف العساكر هــــــــــدت وعمه ينضره
السهم صابه وبدى أصوابه يحز يا ويلــي نحره
ركض عمه يشيله كسر ضهره رحيله
نذر دمــــه أنحنى وشمه
نزل للحومه جاسم
....................................................
رجع للخيمه محنــــي وعاين الرمله بدمعته
يكلها طفــــــــي شمعه وبالدمه عجنيها حنته
جاسم أبدمه تحنـــــى وعالرمل يا رمله عفته
طشت أرسومه الحوافر والشمر كاطع ركبته
أنطفت شمعة شبابه تحنـــــى من خضابه
أنذبح حلمه أنحنى وشمه
نزل للحومه جاسم
.......................................................
خادم خدمة الحسين
الشاعر
محمد الموالي
قصيدة لأبي الفظل العباس عليه السلام
خادمكم عبدالهادي العريفاوي
وداع القائد الحربي ومنك الصبر ياربي
والينه والينه يبو فاظل يبو فاظل
---------------------
رياح الحزن قد لاحت مأقينا
وغير الحق لاشيئ يدانينا
شهم معروف يخوف الخوف عليهم صاعقه ينزل
يهز الجيش اعله راسه الريش شجاع بنظرته يكتل
يعاود يمته لخيامه جيوش هوايه جدامه
والينه والينه يبو فاظل يبو فاظل
-----------------------
حسين السبط مكسورا من الظهر
رأى عباسه ملقى على النهر
ترد ويياي تشمت اعداي اذا عنك ارد وحدي
بلايه جفوف علم ملفوف بعد غيرك منو العندي
شفت مكطوعه جفينك يويلي وسهم البعينك
والينه والينه يبو فاظل يبو فاظل
-------------------------
فيا حزني على العباس في الطف
وداعا يااخي امدد لي الكفي
العيال شلون اذا يدرون الكفيل اعله النهر مطروح
الزمان يدور ارد مكسور اخوك اعله الاثر مذبوح
يدوس الحافر بصدره بغيابك ينكطع نحره
والينه والينه يبو فاظل يبو فاظل
----------------------
عيال المطفى تشتاق لقياكا
وغدر الدهر صوب النهر ارداكا
وكلب زينب جمر يلهب تريدك توصل احدودك
امان يصير عيال بخير تأمن كلها بو جودك
العساكر تزحف اعلينه بعد منهو اليحامينه
والينه والينه يبو فاظل يبو فاظل
-----------------------------
وداعا يا اخي والصبر عنواني
فقدت اليوم اصحابي وخلاني
العقيله شلون اذا ترحون وضعها هوايه اذاني
تشوف اسباع خذتها الكاع وتناديكم يخواني
تنادي ومايرد كل صوت على الأخوه الخذاها الموت
والينه والينه يبو فاظل يبو فاظل
---------------------------
ملاحظه لحن القصيده على لحن ناغيني
للرادود حسين الزغير الكربلائي وذا عندك لحن شي يخصك تحياتي للجميع
يا جسام...شيل حسين بصدرك
يا جسام...الله أيعظم أجـــــرك
....................................
أمن الخيم رمله أطلعت تنخي الولد
يمه يا جسام يـــــــــــــا طير السعد
يمه هذا اليوم من جــــــــــــــد وجد
لا يهمك يمه عــــــــــــــده ولا عدد
لجل حسين...روح والله ينصرك
يا جســـام...ألله أيعظم أجـــــرك
...................................................
أتعنه شبل المجتبى العمـــه وعزم
وأنحنى أكباله ورفع جفـــــه العلم
أرخصني كله عمي وأقسملك قسم
ألا أجيب العلكمي حـــــــدر الخيم
عد عيناك...أشر وآنه أنتضرك
يا جسام...الله أيعظم أجــــــرك
.....................................................
لبس درعه ولامته وكام أرتجل
شافه لحسين وتبسم مـــــن نزل
هوس بسيفه وقرالـــــه المستهل
جنه عباس وعلـى العسكر حمل
رمله أتصيح...جاسم بيش أيذكرك
يا جســــــام...الله أيعظم أجــــرك
.........................................................
سرفن أزنوده وبدى يمطر غضب
أمنين مــــــا يندار يحصد بالركب
واحد الواحد سأل ياهو الــي طب
حيـــــدر العباس والجيش أنرعب
هز الكون...عودك خويه وذخرك
يا جســام...الله أيعظم أجــــــــرك
.................................................
غصت الحومه وبدى فيض الدمــــه
وجاسم أعله الجيش هلهل صارمـــه
لحد ما طاح وشهك مــــــــن الضمه
حسين شافه وركض راعي الموزمه
من أبعيد...راد حسين أيحضرك
يا جسام...الله أيعظم أجــــــــرك
....................................................
هدوا العسكر علــــــــــــــى جاسم سره
واحد الواحد يحــــــــــــــــــــز أبمنحره
ألتفت لامـــــــــــــــــــه ويكلها المعذره
لحد ما عالكاع دم نحره جــــــــــــــــره
يا عريس...ومحنى بدم نحرك
يا جسام...الله أيعظم أجـــــرك
.....................................................
خادم خدمة الحسين
الشاعر
محمد الموالي
رملة المسه بدمع الأسه أتودع وِلدهــا
يبن الهلا والمرجلة وعزها وضُمدها
التوديـــع الأحباب حتى الكلب شاب
أتودع وِلدها
..............................................
أباب الخيم شفت الحرم ويلي ودمعهن
عالخد جره أووكفن سره وطفن شمـعهن
مثل الشمس جاسم طلع رملــــه تكلهن
ردت الوِلد ذخر وسند وأشتد أزرهن
شفته أنحنه الأمه ودنه وقًبل زندها
يبن الهلا والمرجلة وعزها وضمدها
ومثل الهوه الهاب حتى الكلب شاب
أتودع وِلدها
............................................
من أعتنه جاسم ألي وبيده البشارة
أكبالي وكف شفته وهتف مثل المنارة
يا عم ألك آنه أرخصت دمي وقراره
وهذا الأمر من والدي وهاي العبارة
من الحسن كاتب ألك وأقره سندها
يبن الهلا والمرجلة وعزها ةضمدها
وضل دمعي سجاب حتى الكلب شاب
أتودع وِلدها
..............................................
حسين بدمع عينه قره أحروف الوصية
وشاف الحسن من أمتحن بوليد أخيه
شم منحره وكله الوغى دار المنية
يا عمي لو شفت الشمر أرجع أليه
فكد الِولد أصعب وأشد وأمك وحدها
يبن الهلا والمرجلة وعزها وضمدها
مثل الأسد غاب حتى الكلب شاب
أتودع وِلدها
.........................................
جاسم نزل وحده وحمل وأشهر حسامه
ومثل البدر ما ينكسر هيبة عمامه
خله الجثث فوك الترب للكل علامه
الحد ما بدت نار العطش تكسر هيامه
شسعه أنكطع شفته او وكع لمن حصدها
يبن الهلا والمرجله وعزها وضمدها
وجمر الغضى أرتاب حتى الكلب شاب
أتودع وِلدها
....................................................
أركض رحت يمه وطحت طيحة ركبته
شلته وشفت دم منحره أمخرب ضحكته
من الخيم أسمع صده رملة وحضنته
ويلي صحت جاسم كلت ضهري كسرته
نار الهجر ما تنطفي وفكدك أشدها
يبن الهلا والمرجلة وعزها وضمدها
يا شمس الأطياب حتى الكلب شاب
أتودع وِلدها
.........................................................
خادم خدمة الحسين
الشاعر
محمد الموالي
يا كسرة الفاكد ولد الخيمة طاحة والعمد
يا نجمة أسهيل
.............................................
أمودع الله يالولد شد عزمـــك وروح
لاترد يبني أوصيتـــي ألا أنته مذبوح
يوليدي نيران العطش ما تبطل النوح
وي عمك أبرز للحرب ياسلوة الروح
شمحلاها موتتكــــم سوه هوه الضوه أيماشي الضوه
يا نجمة أسهيل
..........................................
شد رايته أبهمه وعــــــــزم وأتعنه شراي
وعباس هوس وأرتجل كله أمشــــي وياي
حسين لوليده أبتسم وكله النهر جــــــــــاي
من شاف أبو فاضل نزل وسوه العلي أفياي
ومن شافه للشاطي وصل كـــــام وقراله ألمستهل
يا نجمة أسهيل
...................................................
طوفان من هدوا سوه مثل الهوه الهاب
وكــل واحد بسيفه بدى يحصد بالركاب
الأكبــر أعله الميسرة وعباس أسد غاب
عالميمنه خلــــــى الجثث تتغطه ألتراب
اليوصلهم أبدور الرحه يقره أعله روحه الفاتحه
يا نجمة أسهيل
..................................................
شد العطش حيله وبدى الأكبر علي أيميل
ورد منحني الصوب الخيم وأنفاسة ترتيل
ليلى تعاين عالولد ودمع الهــــــــلا أيسيل
حسين من شافه أعتنه أتبدى وركض ويل
كله يبويه المعذره بشفافه يا طلسم قره
يا نجمة أسهيل
.......................................................
رد أعتنه الأكبـــــــر لجن أنفاسه آهات
ونار العطش وسط الكلب كتبت عبارت
لاخر نفس آه يا علـــــــــي للذله هيهات
وحسين صاح أمن الخيم مات الولد مات
طاح وصبغ ثوبه الدمه وجانت حروف الخاتمه
يا نجمة أسهيل
.....................................................
خادم خدمة الحسين
الشاعر
محمد الموالي
بدمع الحزن نعيتك
يا كافلــــي وأجيتك
فـــوك الترب لكيتك
دمعـــة عتب قريتك
بدمع الحزن أنحب وأون يابو الوفه والنوماس
يم النهر ضهري أنكسر يا ابا الفضل يا عباس
......................................................
بين الكمر وأم الخدر دمعـــة عتب مجراها
من الخيم حد النهر جـــود وعلــــم مرساها
عالشاطي جان الملتقى وراعي الوفه وافاها
قـــــــــدم أجفوفه وأعتذر قربان ألها أنطاها
وزينب تدور أخباره
ودمع الحزن يتجاره
من تنسأل طفلة وطفل يا ابا الفضل محتاره
وينك يماخذ حيلــــي
طارش خبر وديلـــي
عباس موحش ليلــــي
أرجعلي فدوه أحجيلي
اليمتى أنتضر ما ضل صبر تخنكني حتى الأنفاس
بدمـــــع الحزن أنحب وأون يا ابو الوفه والنوماس
.......................................................
مرسال زينب من وصل للشاطي الله أيصبره
شافه أو وكـــــع يمه وبده أيسأله ويشم بنحره
مد أيده لجفوفه ونضر لا يمنه ألـــــه لا يسره
كلـــــــــه يخويه أمروتك زينب بقت منتضره
عباس كوم أويايه
الجود عوفه ومايه
أنته الهوه وشوفك ضوه الزينب يراعي الرايه
يابو الوفه والغيرة
بعدك تضل بحيرة
بجالك أجت أميرة
وبعدي تضل أسيرة
ومن تنولي خيمة هلــي تمشي وينضروها الناس
بدمــــع الحزن أنحب وأون يا بو الوفه والنوماس
.......................................................
رد محني لخيامه وأجت زينب وشافت حاله
كالتله يحسين شعجب عباس غاب أهلالــــــه
كاللها عالشاطـــــــي بقه ومطشرات أوصاله
وأمشامر أجفوفه صبح يا ويلـــــــــي للخياله
وحافر الخيل الداسه
ما خله شــي بانفاسه
وشفت السهم غافي ودمه تارس لحيته وراسه
عباس ما جــن هوه
يشتم هـــــوه بالكوه
راح الأخو واليسوه
وكت الشدد والنخوه
آخر نفس بأذني همس وسولفلي عنج بأحساس
بدمع الحزن أنحب وأون يا بو الوفه والنوماس
...............................................
طاحت على الرمله ونعت زينب ونار الفركه
شبت وصاحت والخيــــم عجت عجاج الملكه
عباس خويه أم الخــــــــدر تلطم عليك بحركه
يا كسرة التفكد أخـــــــــــو ومثلك كمر ما تلكه
الفكدك يراعي الشيمه
أنطيــح العمد والخيمه
فكد الأخــــــــــو كلش صعب رملة عجاج بهيمه
يم الخيــــــم أتاني
وطيفك ولا أجاني
دمع الهجر عماني
ضيم الدهر ولاني
مثل الشمع شفت الدمـع عالخد جرى والمقياس
بدمع الحزن أنحب وأون يا ابو الوفه والنوماس
.........................................................
كلشي أنتهى ومات الحلم وبعين زينب غربه
وليلة العاشر قرًبت والنفس لازم كلبـــــــــــه
حسين باجـــــــــــر ينذبح وكلمن يروح بدربه
وزينب يجتفوها بحبل يا خويه هــــاي الصعبه
وللشام تمشي ميسره
وبالعيله تبقه محيـره
وكلش صعب بين الغرب من تمشي يا ويلي المره
بسوطه الشمر يجيها
يضربها يشتـــِـم بيها
ونسمع صـدى بجيها
مـــــن تنضر الوليها
وفوك الرمح ينزف جرح من يلتفت خويه الراس
بدمــــع الحزن أنحب وأون يا بو الوفه والنوماس
.......................................................
خادم خدمة الحسين
الشاعر
محمد الموالي
نزل يرهب خياله نشيد الطف قراله
حي الله أبو فاضل
.............................................
من أبعيد أشـــــــــــر هيبة الساده
وبفقاره هوس وسطــــــــــة القاده
نـــــــزل عباس حيهم ياخذ أمراده
أرتجل للشاطي يتبختر على أعناده
نزل يمشي برهاته كمر فدوه شحلاته
حي الله أبو فاضل
....................................................
جبل وملاكه سيفه الوادي والتله
تشرد وين وبكل صوب أله قبلـه
كبًر سيفه وبدم الركب صلــــــه
قبل الجود شفته تارس السلــــــه
وصل للشاطي وحده شحده الوصل حده
حي الله أبو فاضل
.....................................................
جاب النهر عباس ومشــــــــــه بزوده
وفتح طارف الراية وهــــــوس بجوده
الشمر شافه وركض من سرفن أزنوده
والسبعين ألف مـــــــــا وصلوا أحدوده
غضب بركان نازل رعب كل الفصائل
حي الله أبو فاضل
......................................................
توجه للخيم شايل علــــــي براسه
ومن جمر العطش يتشاكف أنفاسه
أنتفضت غيرته وجرف النهر داسه
أخوي ويدري زينب ديرته وناســـه
شمر من جف مايه وكله أمشي ورايه
حي الله أبو فاضل
.......................................................
رجع وأعيونه تقره البسملة وكوه
من شاف النفس بيه ريحة الخــوه
وكف راعي الكفاله الينكط أمروه
عرف من دمـــه لازم شيبه يتروه
قره أحروف الوصيه وشمر جفينه أليه
حي الله ألبو فاضل
.................................................
خادم خدمة الحسين
الشاعر
محمد الموالي
واه ويلي على العباس واه ويلي على العباس
....................................................
طلع من خيمتي عباس جنه أهــــلال
جوده ورايته وفقاره راحـــــــــة بال
خطى وناديته يا خــــويه ألك مرسال
دمــع طفلة العطش نيرانه تجويها
.........................................................
دك صدره وهتــــــف يا زينب أتامرين
لجيب الماي صوغة وتبشر أخت حسين
وغلاتج لكلب الحومه وتشوف العيـــــن
وكــــــــل طفله أمن أديج الماي ترويها
......................................................
نزل وبسيفه هـــــــــوس وأرتجل عباس
وخله الزلــــــم تركض راس يلطم راس
ألشرد منه لبـــــــــــــــد وأيدور الأنفاس
وكمر هاشـــــــــــم كلب عاليها واطيها
.........................................................
وصــــل للشاطي عباس ونضر عالماي
وكض طارف أجروفه وكله كوم أوياي
أبو فاضل وكــــــــف عالمشرعة شراي
ترس جوده وتبختر بيهـــــــــــا راعيها
........................................................
ألتفت لخيامي عباس ورفعلي ألـــــــواه
وشفت الجود شاله وعالمتن خـــــــــلاه
أبشرن يا بنات حسين جــــــــــوده وياه
ما يخلف عهد والكلفه يكضيهـــــــــــا
.......................................................
ننتضره بقينه ومدري شنهو الصـــــــار
غابت شمس أخــــــوي أنكطعت الأخبار
رحت لحسين أركض والدمـــــــع مدرار
كلتله وين أبـــــــــــــــــو فاضل يواليها
.................................................
أعتنه حسين وقريت بعين جرح أفراك
وشفت عثرة أبمشيته وساك يسبك ساك
حنيت واحس كلبـــــــــــــي بده يشتاك
من غرب علـــــــــي وأدموعه جاريها
...................................................
ويلي منكسر محني رجــــــــــع وأيميل
زينب راح أبو الغيره ودمــــــــاه أتسيل
بـــــــلايا أجفوفه عفته أتدوس بيه الخيل
وسهم الصاب عينه يختـــــــــي عاميها
.........................................................
خادم خدمة الحسين
الشاعر
محمد الموالي
زينب أتحاجـــــي ألكمر
مـــــــــا وصل منك خبر
ضهرك وضهري أنكسر
خويه عباس
..........................................
خويه لو تسمعني سولف وأشكي حالك
طارش أوي حسيــــــــن وديت وأجالك
بلل أرداني الدمع ويلـــــــــــي ودعالك
أمن يُجيــــــــــب وطلسم الجيتك قرالك
الفاتحة والقُل هــــوه
أقــــــره ويشح الهوه
يا ضوه وفارك ضوه
خويه عباس
..................................................
طلعت أمن الخيمه زينب يا بـــو فاضل
شافت حسيـن أعله طوله أهــــلال مايل
ركضت وشافت دِمه أعله أهدومه سايل
كلــــــــــــــي يا زينب بقيتي بلايا كافل
راح ما يرجع بعد
أنحنى وطاح العمد
ويلي دلالي انمرد
خويه عباس
...................................................
أمراكض النسوان صوب أخيام الحسين
ليش وحدك جاي والعباس جـــــــا وين
كلهن أعله الشاطـــــــي عفته بلايا جفين
وجسمه لسهام العده صاير نياشيـــــــــن
جوده طاح أويه العلم
وعينـــه طفاها السهم
كلشـــــي منه ما سلم
خويه عباس
....................................................
شحت الخوه ودمــــــع هجرك جواني
لحد ما عينـــــــي طفت خويه وعماني
صدك نايم والسهم ماخذ مكانـــــــــــي
ليــــــــــــش وألمن عالنهر بعدك تتاني
حسين وحده ومنكسر
وآنـــــه بالخيمه أنتضر
هلبـــت أرسومك تمر
خويه عباس
.......................................................
أجنازة اليـــــــــــــــسوه سلف تنعاها ديرة
وجادر أعله الخـــــــــوه تنصبله العشيرة
ويلي يا عباس وجهــــــــــــي ألوين أديره
بلايا خــــــــــــــــوان المرة حيرتها حيرة
يالجبتني أمن الوطن
ميته من كون وعسن
أرموش عيني شيبن
خويه عباس
......................................................
خادم خدمة الحسين
الشاعر
محمد الموالي
أنصار يابو اليمه
أحـرار يابو اليمه
....................................................
وقعنه العهد يحسين بدمانـــــــــه
نعيش أنموت هـي الدنيا خلصانه
أعله مودك سيدي سبحانه سوانـه
ومن فاظلكم أنعجنت ذرة ألطينــه
.....................................................
يا شيخ العشيرة وصاحب الصالحب
واحدنه أعله نحره أمــن المهد كاتب
حسين أبن علـــــــــي أبن أبي طالب
شما عشنه يضل شـــوك العشك بينه
.....................................................
هــــــــــــوس وأرتجل شيبة أسد بالدر
بالدم والركاب أنضحـــــــــي بس أشر
أبشر يا حسيـــــــــــن أعله العهد أبشر
وبشر زينب أنصــــــــــــــارك يوالينه
........................................................
حبيب أعله الصدر شـــد رايته وكبر
ونزل وأعله العساكر صارمه زنجر
لحد كطع ألنفس قـــــــدم فده المنحر
وتخضب بالدمه قربان لحسينـــــــه
....................................................
عابس شك قميصه بلهفة الملكـــــــــه
وهتف طبع اليحب يتسودن بعشكـــــه
أليدور بيه غير حسين ما يكلـــــــــــه
والأخر نفس دربه اليدلينـــــــــــــــــه
........................................................
واحد واحد بدمه رســــــــــــــــم دربه
زهير وجون أنطو درس للصحبـــــــه
وهب نصرانـــــــــــي لكن كرمنه ربه
كل واحد نذر لحسين ضــــــــــي عينه
.........................................................
خادم خدمة الحسين
الشاعر
محمد الموالي
بالدم أنكتب تاريخ ألانصار
أحرار ولحد المـوت أحرار
ليوث الغانمة ليوث ألغانمة
ليوث الغانمة
..........................................
عنوان الملاحـــــــــم والبطولات
من دم الركب كتبـوا روايـــــــات
ما خلفوا عهد لا والله هيهــــــــات
أنصار الحسين ألهم كرامــــــــات
مثلهم مــــا يصح بين البريه
أهل شاره وبخت كلهم حميه
ليوث الغانمة
....................................................
مـــن الشيبة يبدي عشك الحسين
حبيب ومن سمع صوت النساوين
حديث أيدور بين العفـــــه والدين
جمع صحبانه كلهم واحــــد أثنين
زينب تسأل ومنتضره لجواب
حيهم وأبتدى أيهوس بالكراب
ليوث الغانمة
........................................................
بدى سوح المنايه بـــــــلا مواعيد
ونفخ بـــوق الحرب شيخ الصناديد
رفــــــــــع راية ولمع فقاره تجويد
وبدى أيشمر الركب أمن للأيد للأيد
لحد مــا دمه خضب شيبته وطاح
والك يا بو علي فدوه العمر صاح
ليوث الغانمة
...................................................
أرتجل عابس هتف يا من تسمعون
بحب حسين هايـــــــــم بيه مجنون
شك ثوبـــــــه ونزل للموت ممنون
ألتفت لحسين كله تبشر أم عـــــون
أنصارك نعــم والكطع الأنفاس
وللصحبه درس وأنطينه مقياس
ليوث الغانمة
.....................................................
زهيـــــــــــر أبعزمه راح أتعنه للموت
وجـــــــــون أبضهره كله أشحده ليفوت
وهب سل صارمه وضل يهتف أبصوت
ألزلمه أيكول زلــــــــمه موش بسكوت
رجف عسكر يزيد بكل كتر هاد
ألزلمه البيهم أيدورلــــــه مشراد
ليوث الغانمة
..............................................
وفـــــــــــوا بالعهد سبعين ألأفعال
وطاحوا عالرمل بس طاحوا أجبال
واحدهم صعد عالموت خيـــــــــال
ورسموا مــن دماهم درب ألاجيال
يضل بكل وكت خالد ذكرهم
مثلهم مـا يصح صحبة مثلهم
ليوث الغانمة
.......................................................
خادم خدمة الحسين
الشاعر
محمد الموالي
يالأربعة أمنيتــي جنت أوياكم
وآخذ حرز للزهرة من أدماكم
عفية ولدي الشيموا راسي
عفية يبنـــي الكمر عباسي
عفية ولدي
..............................................
آنه مو أربع ولد لــــــو عندي مية
كلهم أنذرهم نذر لأبـــــــن الزجية
ألمهم حسين سالم يـــــــــــــرد ليه
شنهو عذري لو سأل حامي الحمية
لمن حدى الحادي وبدى مسراكم
طشيت ماي أعيوني أثـر ممشاكم
والفاتحة تسبيحة أنفاســـي
عفية ولدي الشيموا راسي
عفية ولدي
............................................
يمه من تمشون أمشوا أربع كواكب
لجن وكت الحرب صيروا نجم ثاقب
ولــــــــد حيدر والنعم ولد أبو طالب
بصاية العباس باجـــــــر من أعاتب
حي الله ولدي الما خسرت أرباكم
عين ألله تحرسكم وكلبـــي أوياكم
يا فخر هاشم هلي وناسي
عفية ولدي الشيموا راسي
عفية ولدي
.........................................
يا ضواي أعيونـــي جانت تغفى كوه
خطوه أمشي وجنت أعثر يمه خطوه
ألدنيا مــــــــا تسوه لجن حسين يسوه
يمه من دمكم تحنوا الخــــــــوه حلوه
وزينب أمانة تعيش وي أنفاسكم
عاشت أميــــــــرة أمدلله بحماكم
عباس كونك للعهد ناســي
عفية ولدي الشيموا راسي
عفية ولدي
......................................................
يمه من شميت حــــــرك أخيام أهلنه
جن أحس كلبي أنعصر والنبضه ونه
من أجه بشر ونعـــــى بوسطة سلفنه
طولي طاح ومدري شنهي الطاح منه
كوه كمت من شفته شاحب لونه
توه حجه كتله الحسيـــن أشلونه
يا فخر هاشم هلي وناسي
عفية ولدي الشيموا راسي
عفية ولدي
....................................................
بدى ايكلي جعفر وكتله والحسين
كال عبدالله بـــــعد كتله والحسين
كال عونج هم تــره كتله والحسين
كال عباس وطحت كتله والحسين
كلي أنذبح كدام عيــــــــن أطفاله
وذباحه كض طارف لحيته وشاله
وانـــه كوه أتمالك أنفاسي
عفية ولدي الشيموا راسي
عفية ولدي
.......................................................
كتله سولفلـــــــــي الكمر عباس وفه
كال وادي الطف شهك من سيل نزفه
وحـده عالشاطي وكف دك بيده جرفه
ما قبل يشرب كبــــــــــل خوانه كلفه
من النــــــهر للخيمة رد بجوده
ما وصل لخته وكطعاها أزنوده
حاله جان اعله الضعن قاسي
عفية ولـــــدي الشيموا راسي
عفية ولدي
......................................................
خادم خدمة الحسين
الشاعر
محمد الموالي