8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
يلا علكوا الرايه .. هل محرم قادم
للطم وقرايه .. هل محرم قادم
***
هالمجالس بيها دارس عشك شيخ الساده
عشك فطره وعاده عدنه ومانبطل العاده
لابو فاضل كلبي ينبض عشگي امير القاده
واليطلبه بشده طايح منه نال مراده
وللمجالس هايه .. هل محرم قادم
للطم وقرايه .. هل محرم قادم
***
حسين عدنه الخدمة جنه ونفتخر خدامه
بالخدامه نشد حزمنه ونلطم اعلى الهامه
ولمحرم جيته نهتم قربت النه ايامه
واليضدنه وبينه يشكل خل يضل بأوهامه
تضدنه ناس هوايه .. هل محرم قادم
للطم وقرايه .. هل محرم قادم
***
هالشعيره تسري بينه تمشي وي دمانه
كلب واحد كلنه صرنه وخل يرف لوانه
الما يعجبه اللطم گله شجابك انت ويانه
احنه ناس نحب دمعنه ينزل لمولانه
وللدمع شرايه .. هل محرم قادم
للطم وقرايه .. هل محرم قادم
***
بينه حسره وبينه جمره وياهو اليطفيها
يهل محرم والليالي بالدمع نحييها
هاي عيني وعلى حسيني اليوم اريد اعميها
ومايهمني حجي العالم بينه جا شعليها
وبالايام الجايه .. هل محرم قادم
للطم وقرايه .. هل محرم قادم
***
هاي نعمه من ابو اليمه خادمه مخليني
وين الكه العنده اخدم وملك مسويني
ماوكفت ابابه حاير شماردت ينطيني
اله ترخص كل حياتي وما اوفي بديني
والخدم وفايه .. هل محرم قادم
للطم وقرايه .. هل محرم قادم
***
نذر عمري سنيني كلها فدوه لابن الزهره
الماله دمعه بالمٱتم بعد شله بعمره
هذا عشكي وي المجالس وياها صارت عشره
عشك عذري من الولاده وهذا عشك الفطره
حسين نمشي برايه .. هل محرم قادم
للطم وقرايه .. هل محرم قادم
***
تمت
احمد الخفاجي
ننشد هلالك محرم وينه
أحنه من العام منتضرينه
ساعه ساعه ننتظر
لأحلى أيام العمر
يامحـرم....يا محـرم
____
تدري عگبك ياشهر عاشت الروح أبّحر
تسبح ويالروج ما تندل دربهه
ماكو موسى بهالزمن يشطر أمواج الفتن
ينتشلهه الروح من روجة ذنبهه
بالبحر وتصيح من يفزعلهه
ظلمه بين أمواج من ينتشلهه
نضره من حسين ردّت أملهه
بين الأمواج البشاره تلوحهه
شوفة هلالك سفينة نوحهه
بيهه تصعد من تمر لأحلى أيام العمر
يا محـرم يا محـرم
_____
الروح ليّـامك تحن عاشت خلافك سجن
أتغرّبت والدنيا صارت الهه سجّان
دنيا تفرضهن فرض غيبه واخذان العرض
وياهن اليغفه بحضنهه يعيش ندمان
تزينت و الناس دفعت مهرهه
تركت أمر الله وتمشي بأمرهه
نصّبت أعوان تغفه ابحجرهه
تسحب بروحي لحضنهه أعوانهه
يا محرم جرهـه من أحضانهـه
شدهه من هذا الگبر لأحلى أيام العمر
يامحـرم يامحـرم
_____
هلال كل شهر المضه خنگه وهلالك فضه
بيك نتنفس حياة أبمجلس حسين
فاطمه أتميز الخَلَگ من الصدگ والما صدك
من الگصدهه من الگعد وي الشياطين
تقيّم الزهراء كلمن يجيهه
لدمعة الخدام تتلگه أديهه
بالقيامه ذنوب تغسلهه بيهه
اتشوّر أيامك وفاطم بيهه
الله يلعن كلمن ايعاديهه
عدهه لليحضر ذخر لأحلى أيام العمر يامحـرم يامحـرم
____
أنطاك ربنه المقدره هلال رحمه ومغفره
بسم أبو السجاد شانك ربنه علّاه
كل موالي منفجع يدعي ويهل الدمع
عالحسين الله يرزقه الدمعه والآه
النيته ويّه حسين مابيهه زلّه
شانه بين الناس راح أيتعلّى
بالخدامه يشوف تحلى المذلّه
للحسين الدمعه من ننويهه
شبيهه لذّه الله من نبچيهه
والدمع يجري أجر لأحلى أيام العمر
_____
يامحرم من تهل بيك يلتم الشمل
ويّه ناس ال الله رازقهه بهل أيام
نحضر بلوعه وقهر نبچي وي المنتظر
بجاهه ندعي للزچيه أنصير خدام
الچنّه منتظرين يظهر علينه
اليوم للخدّام مشبوحه عينه
بلهفه راد يشوف لطمة أدينه
فاطمه من أتشوف صدرك دامي
اتگـله يمّه سجلـه من خـدّامي
آخذه بيوم الحشر لأحلى أيام العمر
يامحـرم يامحـرم
____
الشاعر أبو محمد السعيدي
شهرك يا مـحرم حيّـر الكـون
عكس الناس ناسك من يفرحون
بيك الحزن والنوح مصدر لذّة الروح شهرك يا محرم
_
هلالك مو مثل باقي الأهلّـه
لليعـرف مـضـامينه ويجلّـه
ضيگ صدورنه أيامك تحلّه
مـن أتهـل يهل الخيـر كلّه
خير البيك يحتاجه البشر عام
للميسـور و الفقـره و الأيـتام
للعشاگ مسموح مصدر لذّة الروح
شهرك يا محرم
____
طبـع العيـن من يكـثر دمعهـه
يضعف نورهه و يكبـر وجعهه
وأنته دموعك أتداوي بطبعهه
ويوسع نورهه الدنيا بوسعهه
خيراتـك محـرم مـا نحدهـن
يخلص كل عمرنه من نعدهن
بالخيرات ممدوح مصدر لذّة الروح
شهرك يا محرم
_
هـلالك تختلـف بيه المـوازين
والألـوان كلهـه أتمـوت بالعـين
يبقى لون الأسود ينعه الحسين
لونه ايصير معشـوگ الملايين
بعد ما چان لونه ظلمـة أشباح
هسّه الناس من أتشوفه ترتاح
بلونه العافيه أتلوح مصدر لذّة الروح
هلالك يا محرم
___
عجيبه الروح بيك أتشد عزمهه
چانت من بعوضه أيفز المهه
من تذكر مصاب حسين يمهه
أخذ سچين وأكطع من جسمهه
صـاحت آه مو من السچاچين
شافت شمر يذبح نحـر الحسين
بچت عالنحر مذبوح مصدر لذّة الروح
شهرك يا محرم
_
شهر عاشـور ماخذهـه المهـابه
من أبو السجاد زادك و الطبابه
وصفـتك آه يحسين ومصـابه
تسـد الجـوع واتـداوي الكـآبه
المايسمع نشيدك هَمّه يزداد
ترجعله الكـآبه ويكـره الـزاد
بيك الصدر مشروح مصدر لذّة الروح
شهرك يا محرم
__
نلگه الخير من نگصد نضيفك
سفرتـك عامره بريحة رغيفك
منك حاجه نطلبهه بمضيفك
ويالخدام ممشاك أعله كيفـك
ويانـه الـعام ركضـه خلصتـهه
بعد بيهه الخدم حيل وعفتهه
بهذا العام لتروح مصدر لذّة الروح
شهرك يا محرم
____
الشاعر أبو محمد السعيدي
*جديد في الخدمه المقدسه*
*#محرم ١٤٤٧هجري*
ابيات لهلال شهر المحرم
***
شِلَك وياي ياشهر الحزن شِتْريد
بيك الناس تصرخ تسمع الهم ويد
اوبني اميهْ ابْچَتلك صار عدهم عيد
فرح عدهم اوانته اموسد الغبره
..................................
ياشهر المحرم ريت لاهلّيت
وَلابيّن اهلالك بالسمه اوضَوّيت
تدري اشصار اويلي ابكربلا اشْسوّيت
مات احسين ضامي اويسچب العبره
*السيد محمد زاهر الخطيب*
*كربلاء المقدسه*
#الهلال
حبيبي ياحُسين .. حبيبي ياحُسين
*
يقيني ما يشـــوف يكدر صبــر يروف
جرح كلب عطوف جرحه من الطفوف
اشما اكابر وأدفن وأظم
أبقى بملامح منهضــــم
للمثلي ما يكفــــــي لطم .. ولا لوعه ونحيب
امن الحركه حسراتي جمر
انظر حياتي ومنقهـــــــــــر
العمر خطوات العمـــر .. يمته ابجي عالحبيب
ظل ذكره .. بيه عبره
بأنفاسي ما لحظه أهنأ
والدنيه ما إلها معنـــى
ووجودي يُمحى ويفنـأ
.. من دون حسين ..
متعجبه مني الليالـــــي
مسهرها فكري وخيالي
يتناغم ذكره ويه بالـــي ..
.. وتصب العين ..
*
إبّحر الاسى أعـــــوم وأطفو على غموم
وأرسي بجرف هموم بجو كربله أحــوم
مو غامض وأمري جلي
ثوب السعاده مو ألـــــي
أنعي يروحـــي أو ولوي .. اشما دامت الحياة
عيشي بأجواء الملحمه
ولا لا تهمج لايمـــــــــه
امصابج ترى ما اعظمه .. ابجي الى الممات
دوم ابجي .. وبيه احجي
حزني بلب كلبي تمضـــه
عاشر دليلي ويه نبضـــه
واوجاعي ماتنسه لحضه
.. صوت الارزاء ..
دمعي ما يعرف تأنـي
منظر لا مابعده عنــي
لوحه ألهم بِمرى مني ..
.. دم وأشلاء ..
*
هواجس الحنيــــن تؤرقُ السنيـــن
ورسخ حزن مكين بالروح والوتين
باقي على طول المــدى
مهضوم واشعر بالاسى
قاسي مع كلبـــي الردى .. بفعاله بالامام
استذكـر جروح الزمن
وكل المصايب والمحن
ومن بالي لا ما ينمحن .. الصابتهن السهام
وياي عاشن .. وما راحن
مكتظه كل ذكرياتــــــــي
بأحزان امصيبة ولاتـــي
الهج كل عمري وحياتي
ببن الزهراء
ما هزني زخرف زمانــــي
انصب كلبي لوجهة حناني
وحبي إلهم مني خذانــــــي
.. لذيج الرمضاء ..
*
مشاعــــر الهيـــــام ترسم لظى الخيام
وترسم سحب سهام اعلى عيلـة الامام
شوغات من وسط الخيم
يجرح صداها امن الالــم
بأسماعي احسنــه أحتدم .. واستوطن الخيال
حلو المُحيا الينسحــــــك
وصدره اعلى ظهره ينطبك
اتصوره من يحتــــــــرك .. وتحتضنه الرمال
ظل جرحه .. ما يُمحى
بكل عثره تتجـــــوه اديها
وكل سوط يظل طبعه بيها
مختنكه وشحـــــــة عليها
.. جرة الانفاس ..
عتمه اعلى عيون اليتامه
وضاكت بأطفال الامامــــه
ولا رحمه وذرة شهامــــه
.. عند الارجاس ..
*
سلام المشعل
#في_خدمة_الخطباء
#محرم_١٤٤٧
#الليلة_الأولى
١ / هذا بلالُ الحزنِ أذَّنَ للعزاءْ
واستعبرَ البيتُ العتيقُ لكربلاءْ
فلقدْ بكى للرّزءِ أصحابُ الكساءْ
وملائكُ الرّحمانِ تُجري الأدمُعا
٢ / نُشرَ القميصُ ويا لثوبٍ يُنشرُ
فبدا العزاءُ بوجهِ أحمدَ يُنظرُ
هذا محرّمُ ، والفؤادُ مفطّرُ
فمنِ الذي واسى فؤادًا رُوِّعا ؟
٣ / يعقوبُ عافاهُ القميصُ وأبصرا
أمّا محمّدُ ، أشعثًا ومغبَّرا
يهوي على ثوبٍ تلطّخَ أحمرا
حقٌّ عليهِ القلبُ أن يتوجّعا
٤ / ما لا يُرى أو ما يُرى يبكي الحُسين
من عاشرِ الأرزاءِ حتّى الأربعين
خلقٌ وأملاكٌ وجنٌّ نادبين
مَن كأسَ طامّاتِ المصائبِ جُرِّعا
٥ / هوتِ الثّريّا والثّرى لمّا هوى
وتقطّعتْ أوصالُهُ في نينوى
آهٍ لقلبِ الأمِّ منهُ يُكتوى
وعليُّ جاءَ إلى المصارعِ مُسرِعا
٦ / وخيامُ زينبَ بالبراري تلهبُ
والعزُّ ماتَ وعزَّ تُسبى زينبُ
أوما شفقتَ لخدرِها يتسلّبُ
تبكي لحينٍ منهُ رضّوا الأضلعا
٧ / يا صاحبَ الثّاراتِ عجِّلْ طالبِا
عند البقيعِ على المصائبِ نادِبا
أمًّا وجدًّا ، عمّةً ، عمًّا ، أبا
ولكربلا نُحيي هناكَ المصرَعا
حسين مازح
من صبرچ انطيني
مولاتي وفقيني
يا زينب أحميني ،، دخيل ،، دخيل
-------------------------------------------
تاخذني دنيا وللأسف ،، اركض عليهه بلا وعي ،، والتالي وين ايامي ؟
شو چني گاعد من حلم ،، هو العمر شو منتهي ،، شنهي البعد گدامي ؟
لعمر الطفوله هوايه اشتاگ
شبسرعه هاي سنيني تنباگ ؟
محني الظهر لا حيل بالساگ
مو بالنهر غركان بالراگ
اي هيه خلصانه
مشوار دفانه
هالدنيا خسرانه دخيل ،، دخيل
--------------------------------------------
زينب عليچ ام الحسن ،، محتاج وكفة كافلچ ،، حاجة گليبي احچيهه ؟
ما عندي بس الله ودمع ،، باچيه على امصاب النحر ،، يم عون لترديهه
ما بيهه ذله مجدي علباب
من عندچ اطلب من ابو تراب
آنه الدخيل امحمل اعتاب
يمكم مريض لهسه ما طاب
يا ساده عينوني
بالحضره شوفوني
صوت بحچي عيوني دخيل ،، دخيل
-------------------------------------
انطيني من صبرچ صبر ،، ضيم المشو بين علي ،، من فارگوني احبابي
كلهم ترى بگاع النجف ،، وانه البقيت بلا اهل ،، يم عون هذا مصابي
فگد العزيز ايموت الاجدام
يبدي بعمى ويوصل للعظام
يخنگ بعدهم يشبه الشام
لا مو جسد توجعني الايام
بلوى وعلي بلوى
دنياي مو حلوه
گوه النفس گوه دخيل ،، دخيل
-----------------------------------------
وفقيني اخدم وانقبل ،، واتواضع لكل الخدم ،، وفقيني حسن النيه
آنه العليكم منتچي ،، بساعة ولا واحد يظل ،، يوم اللحد علويه
لو صرت جثه وتغمض العين
الكم بعد انطي الوجه وين
انترك طين ورد على الطين
تتبرى كلهه ويبقى الحسين
بيوم الگبر ظلمه
يحضرني ما حشمه
انه الگلت لامه دخيل ،، دخيل
-----------------------------------------
بيوم الحشر خوف وندم ،، وشده الابد ما تنوصف ،، ياهو اليأمن خوفي ؟
اتنخى بامچ فاطمه ،، من تشفع لاهل الدمع ،، هم آنه اشيل چفوفي
آنه اليون من يسمع ام عون
ويلطم بديه ويدگ بالعيون
بحسين لا تسأل شنو ؟ شلون ؟
عقلي اكتمل من صرت مجنون
صاحب وعي وعابد
لله فقط ساجد
هو العلي الواحد دخيل ،، دخيل
كلمات الخادم / رعد الفريجي
ثوابها الى روح والدتي
((مهرك مكسور))
عاشور وبنص عاشــور
من ردلي مهرك مكسور
والــــدمعه بعيونه تفور .. صاح الضليمه
من ردلي شارد مـرعوب
وبضهره سرجك مگلوب
گتله الحرم كلها تلــــوب .. صارت يتيمه
دليـــــــني وين بيا گــاع
يامهـــــــر وديني بســاع
ياشملي من ايدي وضاع .. والضيم هيمه
بالحافر إيدگ ملــهوف
چنه المهر عنده حروف
خليــــته وبنص سيوف .. هاي الهضيمه
ياخويه ياخويه حسين ...
""""""""""""""""""""""""""""""""""""""""""""""""'''""""
يامهر شو محني الراس
ظــــل العجيد ابلا ناس
چـــــــا مارحت للعباس .. وگله المصيبه
يامهر خل نرجع ليهّ
بلكي جرح ونداويهّ
وحده بذبح ماخليهّ .. بدمه الخضيبه
شو امشي وآنه امشي وياك
وتانيــــني امشـــي بممشاك
مــــــــابيه حيــــــل وانخاك .. آنه الحبيبه
يامهـــر بــــس خبره بهاي
مو عن عطش مو عن ماي
گله اختك وصاحــــو هاي .. هاي الغريبه
ياخويه ياخويه حسين ...
""""""""""""""""""""""""""""""""""""""""""""""""'''""""
ابلا راس ياهو المگلوب
يامهــــر احچي ولتلوب
مو تدري گلبي المنكوب .. تدري بمصابي
ياهو العليّ هـذا احجار
مت عيني شو يلهب نار
يامهر شـــــو هم محتار .. گلي بعذابي
هــذا النحر يابس ليش
يصوابه لا مـــو بالريش
هذا الوحيد بنص جيش .. اسمع عتابي
كل طعنه مطعونه اثنين
وشصاير بجـسم حسين
وين الشريعه چا ويــــن .. نخبره بمصابي
ياخويه ياخويه حسين ...
""""""""""""""""""""""""""""""""""""""""""""""""'''""""
عباس گــــوم من الموت
اسمعني مبحوح الصوت
هاي الحــــوافر وتفــوت .. بصدره يويلي
ماتوگف وتسحگ حيـل
عباس رد هــاي الخــيل
مطحون صدره وياويل .. رد ياكفيلي
مـــــاريد جربه ولا ماي
بس كونك تشوف وياي
رَمـــــــاي وبصف رَمـاي .. وصابو دليلي
ميت ويرمـون اسهام
وحجار بحسين اكوام
ياريت تفــــزع محتام .. يابعد حيلي
ياخويه ياخويه حسين ...
عبد زينب
محمد الابراهيمي
((منذورك))
والعمر منـذورك
منتضر عاشورك ... ياحسين
"""""""""""""""""""""""""""""""""""'''''''''''
محرم طولت بينه يصدري ولطمت ضلوعه
صرت اتنطر هلالك وأضملك بــالگلب لوعه
ونطر لحضةّ أحزاني وفــزع گلبي ودموعه
وينك .. خليني أعلگ چـــم عــلم
وينك .. حتى ألطم براس السهم
وينك .. طلعنه مـــــن ديرةّ وهــم
والگلب منحورك
منتضر عاشـورك ... ياحسين
"""""""""""""""""""""""""""""""""""'''''''''''
اشاور حزنك البيه محـــرم غيرك شعدنه
ترى ماننتضر جيتك تدري حسين سودنه
اخذني الليلةّ العاشر ويـــم حسين گعدنه
تدري .. وداعةّ العل هـــزل مشـــن
تدري .. حزن السبي اصبح وطـــن
تدري .. وروح الحسن وأبن الحسن
وناطفه تنـــورك
منتضر عاشورك ... ياحسين
"""""""""""""""""""""""""""""""""""'''''''''''
عيد عيوني بالملگه بهـــــلالك تفز عيني
وتطلع دمعتي بخدي وأحاچيها وتسليني
وعنك دمعتي تسئل محرم يـا اصل ديني
تسئل .. دمعاتي رادن شوفتك
تسئل .. خَــــيمّ علينه بدمعتك
تسئل .. روحي الحزينه رادتك
وبالجروح نزورك
منتضر عاشــورك ... ياحسين
"""""""""""""""""""""""""""""""""""'''''''''''
تعال اختنگت جروحي تانن منك اللچلمه
اريد اسمع طفل يبچي من يصيح يا عمه
موتني بجرح ضــــــامي وبعبدالله وبدمه
زينب .. تنطي الـــوجه أليا كتر
زينب .. بالصفنه هم يطلع شمر
زينب .. معقوله يـــاويلي بجمر
بينه حاضر نورك
منتضر عاشــورك ... ياحسين
عبد زينب
محمد الإبراهيمي
يــا ونّــه الــتهود الــگلب ياهن
بعد ذيچ الخيم والجیش یاهن
الــسبوهن عاشر ابعاشور یاهن
هـذن جدهن رسول الله ونبيه
هادي الامغيطي البوغبيش
#حبيته_عالفطرة
حبيته عـالـفـطـره واليعشگ بـزغـره مـا يـنـظـر لــ ثاني
من ادخل الحضره گلبي يدگ صدره المحبوبي بحزاني
حسين حسين حبيبي حسين حسين حبيبي
*---------------*---------------*
صحره دنياي ولگيته لــ روحي مطره
حـسـيـن آيات الـمـحـبـه البيهن اقـره
حسين عاشرته ابشعوري احله عِشره
الـعـشـگ صادق تـحـسـه الچنه جمره
تتزايد اجـروحـه ومـايـهـتـم لـ روحه البالعشگ قـانع
الدمعه مسموحه اتزيد الوفه املوحه معناهه ياسامع
*---------------*---------------*
بعالم الـفـطـره عـشـگـته وگلبي جَنـه
ما شفت بالكون نـفـسـه بـهـالـمـحـنـه
اهـواي ازعله اوهوّه يـتـقـبـل زعـلـنـه
اخطه وٱبديلـه اعتذاري ويـعـفـي عنه
يـتـقـبـل ابسرعه وينشّف الـدمعـه مـيـرجـع الـواحـد
ابـلـيـلـة الجمـعـه لــ كـربـلاء اسعه مـاهـمـن لــ حاقد
*---------------*---------------*
اعـرفـت معنه الـمـحـبـه من عـرفـتـه
بعيني ماشـايـف حبيبي بكلبي شفته
تكثر اجـروحـي واروحـن يم حضرته
اسرح لـ عالم خـيـالـي بسر مـحـبـتـه
اتـغـزل بـحـبـه مـاعـوفـن لـ دربه احـچـيـهـه للغـالـي
الوادم الـغـربـه ما تـدخـل لـ گلبه الـعـاشـگ امـثـالـي
*---------------*---------------*
الـدمـعـه ويــاه الـسـعـاده وكلهه نعمه
اختنگ والغالي احسّه لــ روحي نسمه
اجمل الايام عـنـدي الـبـيـهـه اخـدّمـه
وتـنـزل ادمـوعـي جريه واذكر اسـمـه
للغالي اجـريـهـه والعـيـن اداويهه وتـفـاخـرت خـادم
التحچي معليهه الـدمـعـه شاريهه مـعـلـيّـه بـالــوادم
*---------------*---------------*
بـالـزغـر انطيتـه گـلـبـي وكلشي بـيـه
وافـخـر بـهـاي الـخِـدامـه وهـالـهـويـه
وسّمت عيـنـي ابـدمـع وچـفـوف اديه
ويـبـقـه للموت الـعـهـد لٱبـن الـزچـيـه
اسنيني منذوره والتحچي معذوره مـاعرفوا بـروحـي
اتخـيـل الصوره وٱحـتـارن بــنــوره وتتهيّج اجروحي
*---------------*---------------*
✍️خادم الحسين ع
الشاعر رعد الچريخي
يا هلي ..
كلشي اختلف ليل اهدعش
من الاميره للهزل
معقوله بت حيدر علي
مشدوده اديها بالحبل
ليل او موت .. او مامش صوت .. كافلي
بذاك الليل .. مات الحيل .. يا هلي
لا رفت علم .. لا ظلت خيم .. للفاطمية
لا جف هاشمي .. للحره ايحمي .. بذيج المسية
ما يتوصف المصاب
خوف او دمه او عذاب
واحسين عالتراب
:
:
كربلا
ما رحمت بدلالي ابد
ذبحت هلي بعد العطش
والصار ما صار ابشر
جسم الاخو بخيل انفرش
ظل احسين .. نور العين .. عالترب
ياهل الراي .. يحمل هاي .. يا گلب
من شفت المهر .. رد او منكسر .. وبلايه والي
حيل اتحيرت .. من عدها اعرفت .. ما ظلي غالي
ابن امي ظل طريح
فوك الرمل ذبيح
او بسمه الگلب يصيح
:
:
منكسر
ظهري على افراك الأهل
بذاك المسه گلبي انفطر
محتاره الم العايله
لو روحن الصوب النهر
بهاي اشلون .. تبقى اعيون .. ناظره
اصياح اطفال .. والكفال .. انطره
تنزل دمعتي .. ما عندي اخوتي .. وانه العقيلة
ليل بنص غرب .. شيصير الگلب .. ابلايه كفيله
انشد على الكفيل
ودموعي دم تسيل
وتوجّر الدليل
:
:
غربتي
بذاك المسه ما تنوصف
حرمه وحيده بلا ولي
محيوطه بعيون العده
يا عازته الظيغم علي
والخوان .. بالوديان .. املسبه
بنص شمات … والدمعات .. ساچبه
ابن امي المنذبح .. راسه اعله الرمح .. هاي العجيبة
اعياله اتشاهده .. بجفوف العده .. اشعظم المصيبة
يا ضيمي عاللي صار
تتفرهد الزغار
او تحركها وسفه نار
:
:
محترك
گلبي مثل حرك الخيم
والحومة متروسه رعب
جم طفل بالهيمه انسحك
لو ضيعت عينه الدرب
خيل او نار .. او هاي ازغار .. بالفلا
حكها الروح .. مني اتروح .. بكربلا
مكتوب السبي .. لعيال النبي .. ها يالهواشم
وسفه الاجنبي .. عكب الطالبي .. يحدي الفواطم
جرح الگلب چبير
ويه الغرب أسير
حگي أنه أحير
:
:
فاضل عباس الخزاعي
قصيده للحسين (ع(
__
السلام عليك ياحسين 2
يرتفع هاذ الندا بصوت الحزين
_
انصيح كلنه ونهتف ابهاذ النداء
حسين سيدنا وسيد الشهداء
هوه مولانه وعند الله الرجاء
انريد من عنده الشفاعه ونادبين
السلام عليك يا حسين
✍🏻ام محمود الصليحاوي
●●●●●●●●●
يا حسين ويا غريبا بلطفوف
سيدي یلصرت موضع للسيوف
نحزن ونلطم علی گطع الچفوف
بکل وکت مولاي لجلک نادبین
✍️ #علویه ام فاضل
●●●●●●●●●
انريد من عنده الشفاعه سيدي
وحنا غير حسين بيمن نقتدي
هوه يحضرنا الحضرته نرتجي
او يختم النا بجاه سيد المرسلين
السلام عليك يا حسين
✍🏻خادمة اهل البيت عليهم السلام العلويه ام سيد مهدي الموسوي
●●●●●●●●●
احنه کل خدام الك شیب وصبي
ریت تقبلنه یبن طه النبي
بجاه للراحت غریبه للسبي
بجاه ابوفاضل ابن ام البنین
✍🏻ام یاس الساعدیه
●●●●●●●●●
السلام علیک یاغریب
مهجة الزهرا وللهادی حبیب
سیدی بالطف صحت مامن مجیب
ریت هل الشیعه بالطف حاضرین
✍🏻خادمة اهل البیت ام علی عچرش
●●●●●●●●●
السلام علي الضل علتراب
والدما المنحر اله صاير خضاب
واهل بيته امذبحه شیب وشباب
وهلشعارایضل علي مرالسنین
✍🏻المیرزه ام ليلي الخاقانی
●●●●●●●●●
تمت بااقلام رابطة شاعرات فخرالمخدرات
بنات الاهواز
🏴 #محرم_1447هـ
📝 #طور_الخضيب
فـاطم وهْي تحـت الترب
نــــــادت أيــــــا مظلــوم
يوليدي روحي بكل وكت
يمّــــك تــــرف وتحــــوم
مـا لحظة اعوفك واتبعك
للغاضـــريــــــــة اليــــوم
واتمــــدد ابطــولك أنــــه
مــــن تبقــى عالتـربــــان
اه يـا يمـه اه يـا يمـه اه يـا عطشان
ــــــــــــــــــ ❁ ❁ ❁ ـــــــــــــــــــ
لا تحسب امـك بالگبـــر
تغفــل عـن اللـي صــار
أحضر و اشوفك وحّــدك
تبقــى بلايــــه انصــــار
حامـــل لوائــك عالنهــــر
واختـك چــوتهــا النــار
تتجمــع اجيــوش الكفــر
ضـــدّك يبــن عــدنـــان
اه يـا يمـه اه يـا يمـه اه يـا عطشان
ــــــــــــــــــ ❁ ❁ ❁ ـــــــــــــــــــ
بعيوني اشوفن كل عضو
منّـــك يظــل مجـــروح
واگعـد جهة راسـك واونّ
وانــــدب أيــا مــــذبــوح
و انظر بناتك مــن تجــي
يــــم جثّــتــك وتــنـــوح
أنحب على جرح الگلب
لــــو گطعــة الشـــريـــان
اه يـا يمـه اه يـا يمـه اه يـا عطشان
ــــــــــــــــــ ❁ ❁ ❁ ـــــــــــــــــــ
📝 #طور_الفراق
آنه اجيلك. واحضُــرك وكــت المنيــة
آنه اجيلك. مــن تطيـح اعله الوطيـة
آنه اجيلك. و المس اجروحك بديـه
آنه اجيلك. ساعــة اليوگــع عضيــدك
آنه اجيلك. مــــن يحــزّولك وريـــدك
آنه اجيلك. وانظر الگص خنصر ايدك
ــــــــــــــــــ ❁ ❁ ❁ ـــــــــــــــــــ
✍ زينب الخفاجي
🤲 #اللهم_صل_على_محمد_وآله
قصيدة لفاطمة العليلة
:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
ما يطمن وضع بنتك يا حسين
خاف جانت علة صارت علتين
علة اغيابك تره وعلة مرضها
::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
بغيبتك يابوعلي ضلت تحن
گابلت بابك حزينه وبس تون
بعد عينك ما غمض ليها جفن
خلة عيونك بعد ما صح عوضها ___ علة اغيابك تره وعلة مرضها
:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
عاشراها النوح من يوم الرحت
عينها بگطعت وصالك ما غفت
بجت وهواي برحيله تحسرت
ضاگت الوسعه تره واضاگت ارضها ____ علة اغيابك تره وعلة مرضها
:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
أه يا جمرة رحيلك يالحبيب
خلصت عمرك حزين انته وغريب
جرح گلبك يالولي لا ما يطيب
اعليك بنتك بس تون خلص عمرها ____ علة اغيابك تره وعلة مرضها
:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
صاحت اشتاگيتلج يختي رقيه
يهلي هداني المرض واني شبديه
بويه انه اتمنيت بس نرجع اليه
فاطمه يحسين مو خلص صبرها _ علة اغيابك تره وعلة مرضها
:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
تگول راحو كل هلي ماضن يجون
تبقى تبجي اعله المشو هاي العيون
صعب فرگاهم تره ما ينسون
اعليك ها يابوعلي طول عتبها __ علة اغيابك تره وعلة مرضها
تمت بحمد الله تعالى نسألكم الدعاء بالتوفيق لخدمة اهل البيت عليهم السلام
الشاعرة ام زهير الفاطمية
لبدايه شهر محرم الحرام
ــــــــــــــــــــــــــ
بعد چم يوم ويهـــــل شهر الالام
حضري ادموع ويه المشت للشام
......
حضري دمعـــــــتچ والــونه والاه
وصيحي واحــــــسينا واحسيناه
الطمي الصدر حــيل وياها الاحاه
شـما طال الدهــــــر مولانه ننعاه
ابن خير الورى و ذبــــحته الظلام
ـ....
على المذبوح خـــل نون سويه
وخلي ونتــــــــــــج ونه شجيه
منعوف اللطم حــــــــــــد المنيه
نجــــــــــدد هالعزه ويه الزچيه
كل يوم العزه مو بس هلاايام
.....
يالمظلوم يل دمـــــه خضابه
مامر علخلگ يومه ومـــصابه
وذكري وياچ رمـــــله والربابه
ياجسام يلضـــــــــايع شبابه
گلب امه انكسر چن كسرة الجام
.....
وي ليلى بـــعـــد علـــــولد نقره
لشبيه المصطفى من نجر حسره
كســرتها ابـــــــــــــد ماالها جبره
گلب الفاجده گولي شيــــــصبره
يضل ينزف دمــــه وشلون يلتام
....
.بيوم السابع انــــــعازي ام البنين
فدت لحسين واهله اربع قرابين
وين البي حـــــــــميه وقرة العين
خلو بالگلب تــــــــــــنزف نياشين
عليهم كون كلنه ندگ على الهام
.....
شعندچ نوح نوحي اويه العقيله
والمدمع عــــــليه من دم نسيله
غير حـــــــــسين ماعدنه وسيله
هذا ابن النبي الماصح مـــــثيله
باچر يحضرچ من عيـــــــنچ تنام
ـــ
تمت بقلمي ام علي البابلي
القصيدة لشيخ الأنصار حبيب أبن مظاهر ... يا هو مثلي بكلمه تاريخه أنرسم
ياهو مثلي وزينب اتنادي يعم
اليحلم بشيبه ايخدمهه
. تالي بالطف صار عمهه
ياهو مثلي يا هو مثلي
-------------------------------
ياهو مثلي أسمه شع بالطف علامه
أبن ظاهر شيخ لنصار الأمامه
باسمي من نادت يعم زادت مقامه
يعني عم حسين اصير شهل الكرامه
شكبر فضل الله عليه و نعمته
اختارني الباري وذكرني بكلمته
كلمه طلعت من خدرهه
زينب التعرف قدرهه
يا هو مثلي يا هو مثلي
------------------------------
أشكر الله الشيبه للطف انتجبهه
بموكب الأنصار يتشرف نسبهه
والوقار الزادهه وضاعف حسبهه
كلمه گالت زينب او من كل گلبهه
عمي گالت بت علي سيد المله
وغيري ما عدهه عمام بكربله
حرت و الكلمه ثجيله
بيش اجازيهه العقيلة
ياهو مثلي يا هو مثلي
------------------------------
من وگفت گبالهه و گالت يعمي
شفت من هيبتهه أبوهه الچان يمّي
چنّه مو تسعين عمري وذاك علمي
عمري أحسّه سنين تسعه وهيّه أمي
من أندعتلي بعبره شالت أيدهه
چنّي مو عمهه حبيب وليدهه
هواي اشوفنهه عليّه
تندعيلي الفاطميّه
ياهو مثلي يا هو مثلي
------------------------------
أبن ظاهر بالشدد محّد لواني
الخوف لاصاحبني مرّه ولا هواني
الحره من نادت يعم مدري شجاني
حرت هاي الگاع ترجف ارجف آني
رهبه بحچايتهه حاير بيهه
الله للعباس بس منطيهه
كلمة الياعم هديه
الله بيهه أنعم عليّه
ياهو مثلي ياهو مثلي
--------------------------------
صحت ياسلمان يا عم الزچيه
هالمقام العندك أتفصّل عليّه
كنيتك خلّتهه فاطم أحمديه
وآنه صاغتهه العقيله حيدريّه
مثل ما سلمان نال الراده
صرت مثله اليوم عمّ الساده
بأمرمن الله ونبيّه
وقعتلي الطالبيه
ياهو مثلي ياهو مثلي
-----------------------------
ياهو مثلي وعنده كل هاي التجاره
عنده بيت بكربله و حسين جاره
بنص ضريحه وگبته ونفس المناره
والسجل بيدي انحفظ وكت الزياره
بيدي يثگل باربعين الغالي
بأسم كل زاير الف هنيالي
اشكر الزهره العفيفة
عينتني بها الوضيفه
ياهو مثلي ياهو مثلي
-------------------------------
الشاعر ابومحمد السعيدي
قصيدة فزاعية لفاطمة العليلة (ع)
...............................................................................................
بويه شلون ابطل النوح
وجهك غاب عن عيني
..............................................................................................
ما بطل ونيني اعليك
گلبي يلوج ما ناسيك
روحي تلهج ابطاريك
يتيمه لا تخليني
...................................................................................................
شايل وين يا عزنا
دونك كلشي ما عدنا
غيابك حيل ضاهدنا
تمنيت انته تلفيني
..............................................................................................
بويه بلا فكر ضليت
من فرگاك انه مليت
الشوفك يالأبو حنيت
يغالي الحزن غاطيني
............................................................................................
روحي اليوم رايدته
بعدة النوم ما شفته
عزيز الروح فارگته
بس هوا اليسليني
.................................................................................................
ابد ما جانت اعله البال
يغياب الأهل جتال
يتيمه المثلي ما تنگال
هنا يحسين حاجيني
...................................................................................................
تمت بحمد الله تعالى نسألكم الدعاء بالتوفيق لخدمة اهل البيت عليهم السلام
الشاعرة ام زهير الفاطمية
حزن ودمع منج سال... تذكرين زينب وعيال
وكعدت رقيه.. بكل مغربيه
.........
تذكرين كعدات لاهل والدمع يجري بلاصوت
والضعن منعندج رحل وصبحت وحشه البيوت
تتمنى لوجاها لاجل وساعه الموادع وتموت
تصيحين بويه يحسين.. لاوين عني ماشين
وعدكم ابنيه. بكل مغربيـــه
✍️الشاعره ام روكان الشمري
ــــــــــــــــــــــــــــــــــــ
بيوم الصفيتي الوحدچ والنزل خالي منهم
وضعن الاهل عنچ مشه وهم بعدچ بأملهم
كل طارش اليمچ يمر تسألينه عن خبرهم
وبالدرب دوم تنطرين
لاوين عني ماشين
مرو عليه بكل المغربيه
✍️ ام مهدي الفرطوسي
ـــــــــــــــــــــــــــــــــ
ماخذني يابويه المرض بگلبي نزف بدمه
اتطشر يبويه الشمل گلي بعد شيلمه
ابقيت بويه بونتي كلبي بضيمه اوهمه
گلبي رجف للطبيين
لاوين عني ماشين
زهره الكناني
ـــــــــــــــــــــــــــــــــ
عالباب اناطرهم هلي وايست تالي راحو
حسباتي تلفي بليل بياديره همه النامو
اشعطله الغالي من مشه ولاجوني ولا ردو
وفراكم يعمي العين
لاوين عني ماشين
✍️ام مصطفى الاسدي
ــــــــــــــــــــــــــــــــــــ
حدر ضعنكم وبتعد روحي مشت بويه وياه
رجعيت مكسورة گلب خلوني اهلي ويلاه
ماشفته دربي اوچدت والباب منعندي تاه
وشعمل بيه هالبين ،،،،لاوين عني ماشين
والحسره بيه،،،،بكل مغربيه
ام علي المالكي
تمت بأاقلام شاعرات رابطة كفيل زينب عليها السلا
شيعي يبقى بكل وكت عنواني
ويبقى سلطان البشر سلطاني
....
الساكن ابطوس وأله اكبر مقام
الليله من هذا المكان ابعث سلام
ابو محمد اعترف انت الامام
وبيك والله أمن الزغر ايماني
......
نور مشهد يشع من نورك اكيد
يلي حبك اغلى من دم الوريد
بالگلب موجود گبرك مو بعيد
گلت تشفع للذي،زاراني
......
الضامن انت وضامن اعمالي تضل
يا اخو المعصومه يل بيك الامل
حبك ودرب الزياره افضل عمل
على سچة خالقي دلاني
.....
انت شافع للبشر تمحي الذنوب
ويم ضريحك سيدي تهوى القلوب
شمعه وببابك اضل آنه واذوب
أمجدّي دوم بعتبتك تلگاني
......
ثامن انوار الله انت الضل يشع
وانت من حيدر علي وفاطم فرع
بيك راس الي يحبك يرتفع
بخدمتك مرفوع يصبح شاني
......
الشاعر محمد حسن ضيغم
/channel/kasaedalatharDaygham
أول مره احس بثگل الحجايه
كسر ظهري اخوي وطيحة الرايه
يزينب كل الثگال ..حملهن عالنهر مال
**
صوتي ودمعة عيوني .. حيلي وهدلة متوني
رديت الظهر مكسور ..وامشي گوه خلوني
يزينب طيحة الغالي .. يويلي شسوت بحالي
الدنيا كلها بيه تميل .. ومحد خويه تجالي
اعلى حالي ونت الناكه .. يزينب يكتل فراكه
ماضلت لاخوي جفوف . يشبكني بالملاكه
أول مره احس عيوني ذبلانه
عطشان واجتني سكينه عطشانه
وكوه الجدم ينشال..حملهن عالنهر مال
**
اجيت من النهر دامي .. ضامي مفارك الضامي
ماضل للحوافر حيل .. يخويه بكسرة عظامي
يزينب حيل مابيه .. الدنيه اندارت اعليه
جبت كل الدرب عثرات .. واحس عيوني معميه
اجيت ودمعتي بعيني .. صحت زينب تلكيني
على الممشه يخت عباس .. ارد لخيامي عينيني
اجيتج يالحنينه ولازم ضلوعي
عله العباس من دم تنزل دموعي
دمعي يهد الجبال ..حملهن عالنهر مال
**
راح الكافل وجوده..يزينب كطعوا زنوده
عفته اعلى النهر مطروح .. وعينه بسهم ممروده
صابو بالعمد راسه .. ورمحهم كاطع انفاسه
سمعته يون يخويه حسين .. ينادي بدمعة احساسه
شلته بحظني خليته .. ودمه مخضب لحيته
ينزل راسه فوك الكاع .. وارد الصدري ضميته
يكلي من يشيل من الترب راسك
وحوافرهم ثكيله وتكطع انفاسك
لكيته مكطع اوصال ..حملهن عالنهر مال
**
شيبني سهم عينه .. يخويه وجلمة ونينه
حرت اركض على يساره .. لو اركض على يمينه
يون بكثرة جروحه .. وطلعت عالنهر روحه
وآخر جلمه من عباس .. يخويه التنكط ملوحه
جنت اتمنه سامعها .. علي زادت مواجعها
جلمة خويه من سنين ..ليش بموته طلعها
جلمة خويه حسره بكلبي خلاها
ليش آخر نفس عباس كالاها
ليش بموته تنكال ..حملهن عالنهر مال
**
يخويه وداعة الخوه .. اجيت من النهر كوه
مثل سعفه بمهب الريح .. دهري بحالتي شسوه
فاركت الهوه بريتي ..عفت عالنهر عافيتي
ليش بدم ابو الكلفات .. ارد مخضب لحيتي
بجسد ميت اجيت امشي .. شاب من الحزن رمشي
ياخويه عله راك الماي .. بالطف ضيعت كلشي
رديت ودمعتي تشرح الحاله
يزينب عفت اخوي مطشره اوصاله
اجفيهن خويه الدلال ..حملهن عالنهر مال
**
راح البالشدد هيبه .. راعي النخوه والطيبه
يزينب راح ابو الكلفات .. وبعد الموت شيجيبه
حكها تهجم الغاره .. عليه سيوف بتاره
راح الجنت ازامط بيه .. التلوذ الدنيه بأكتاره
راح الكله حنيه ..اخوي بكل معانيه
رديت اعله كلبي الآخ .. ومحد يفهم البيه
شلون الناس تفهم فاكد الخوه
مايمشي اعلى طوله يمشي بالكوه
وفكد الاخو جتال ..حملهن عالنهر مال
**
تمت
احمد الخفاجي
لحن( مهرك مكسور)
بصوت
ملا جعفر صادق
بغداد _ الشعله
لحن (منذورك)
بصوت
ملا علي الفاطمي
سماوه
وين ايروح مسدوده بوجهَ البيبان
وين ايروح حاير بالكوفه وعطشان
حيرته ما تنوصف الديره ما بيها عرف
*
كل البايعت مسلم صار الليل وبتعدت
الكوفه بوجه ياوسفه كل بيبانها انسدت
ظل مسلم غريب الدار وحده وحالته اشتدت
ظل ابحيره مسلم طاح الليله بشده
غربه الديره مايعرف يابيت ايگصده
وين الغيره شو عافوه بالغربه الوحده
شبيها الناس مسلم مبعوث من حسين
شبيها الناس الجانو وياه راحو وين
وضعه هالليله كلف الديره ما بيها عرف
***
متعوب ويهد الحيل غريب وغربته صعبه
ما يدري يروح منين ومنين الوطن دربه
عطشان ويدور ماي واشد من الضمه الغربه
يمشي الوحده وماتنعد اجروحه الليله
صارو ضده وهذا الموقف هدم حيله
والله الشده ماكو احد مسلم يمشيله
ضامي اهواي وتعبان وماظل بي حيل
ضامي اهواي وين ايروح بهذا الليل
بحيره ابو حجي الترف الديره ما بيها عرف
*
يمشي والطرق ظلمه ويدير بعينه عالبيبان
منو يستقبله بهالليل وگلبه من العطش نيران
مره شاف وگصد ليها وگلها مضيع وعطشان
يحجي وياها مكسور ومهضوم وحاير
گلها بحسره ماي انطيني بكسرت خاطر
تغير حاله شايف مسلم بيه شصاير
رايد ماي گلها وظل واگف عالباب
رايد ماي مسلم ماظل عنده احباب
كلشي بي شو مختلف الديره ما بيها عرف
**
شعندك واگف ابابي شرايد گلي واهلك وين
غريب واهل ماعندي يگلها والدمع بالعين
مسلم آنه ياطوعه وابن عمي يصير حسين
خانو بيه والوحدي الوادم عافوني
وهاي الحيره بالكوفه اتلفت خلوني
مدري شبيهم مبعوث حسين وغدروني
هذا الصار لا اندل لا عندي اخوان
هذا الصار وين امشي وكلهم عدوان
وياي واحدهم صلف الديره ما بيها عرف
***
هلا بريحة الغالي حسين تعال ابيتي اضيفنك
اذا ما شالتك هالگاع وسط عيوني اشيلنك
بحيدر گلها ذكريني ابشر راح اذكرنك
أله اگضيهم وأله الكوفه تظن رد حيدر
ونذكرهم ياطوعه بسفين وخيبر
عمي الانزع وبكثرتهم ما أتأثر
سل السيف والعسكر من شافه احتار
سل السيف وجن طب ليهم حامي الجار
الكوفه رادت تنخسف الديره ما بيها عرف
***
عليه تتكاثر الرميات ومسلم حاطته الاشرار
ناس ارماح ناس اسيوف وناس اسهام ناس احجار
جابوه العده طعنات ونزيف الدم خذاه ونهار
شگد يتألم شما طعنوه برمح بظهره
وبأنفاسه گوه ايجر ولازم صدره
عالقصر انظر مسلم ضامي حزو نحره
مسلم مات ومن القصر اعداه ذبوه
مسلم مات وظلو بحبال ايجروه
وجثته كلها نزف الديره ما بيها عرف
****
تمت
ميثم العمري
اخلاف امحبتك ماطاب عيشنه
وعلى حُبك يبو السجاد عشنه
نِتِيه وحظرتك يحسين عشنه
اشما نــــبـعد نـرد للغاضـريـه
~
حيدر بشار وسيد علي الموسوي
مصيبة.. كربلا .. عذبت .. گلب ام عون
عجيبة.. بالفلا .. اطلعت .. بين اعيون
مكسوره .. عكب الكمر مكسوره
مقهوره .. بت فاطمة مقهوره
محتاره .. بلايه ولي محتاره
بتاره .. راح الاخو او بتاره
يهل الراي .. زينبكم وحيده
بلا حماي .. يرضاها الصميده
ما معقول.. مسبية او غريبة
تمشي اشلون .. لديار البعيده
ويلي بذاك الظهر
من رد خالي المهر
طلعت أم الخدر
:
:
غربية .. تلتفت .. للنهر .. بحسره او لوم
تكله .. ما شفت .. ضي كمر .. بين الكوم
مهضومه .. بطف نينوى مهضومه
ملچومه .. مامش ذخر ملچومه
تتلافت .. اتدور الاهل تتلافت
ما شافت .. فَي هاشمي ما شافت
اخت احسين .. سلتها المصايب
بلايه اخوان.. وليتها الاجانب
الطايح تاذيه.. ضحكات الشماته
بت عدنان.. راحت للخرايب
جرح اكبر من جرح
من الهم للذبح
راس العز عالرمح
:
:
جبيرة .. مخدره .. واركضت .. بين الخيل
تدور .. بالثره .. وعثرت .. باهل الحيل
مرعوبه .. فرت تره مرعوبه
مسلوبه .. خدر او خيم مسلوبه
اتطشّر .. ذاك الضياء اتطشر
بت حيدر .. محد بقه البت حيدر
كتر احسين .. من تلها تناظر
اتكله اشلون .. تولاك الحوافر
طايح وين .. يبن امي ارد اجيلك
ما معقول .. تسكت عني صاير
يا عزنه انهض تره
سموني اميسره
انه الجنت امخدره
:
:
تعاين .. بس غرب ..والحبل ..بالايدين
يهلها .. يلقلب.. عالهزل ..اخت احسين
مجتوفه .. ام الخدر مجتوفه
للكوفة .. خذها العدو للكوفه
مسيبة تالي اصبحت مسبية
مو هيه .. جن بت علي مو هيه
يهل ام عون .. كوموا اتلاحكوها
لارض الشام .. زينبكم خذوها
وبلا صوت .. تبجي اعله الهواشم
موت او خوف .. درب البي سبوها
تمشي او تنشد عسه
الكافلها ما نسه
يرجع ليها المسه
:
:
الاميره .. انسبت .. ودخلت .. بالديوان
حسافه .. عاينت ..بالطشت .. روس اخوان
انفاسها .. اتكطعت انفاسها
عباسها .. راسه برمح عباسها
بالحسره .. تچوي الگلب بالحسره
منكسره.. سكته البجي منكسره
بسوك الشام .. خدر الله يهاشم
اشلون بهاي .. يا خضر العمايم
كلشي اهناك .. شامت بالعقيلة
حتى الماي .. شامت بالفواطم
وين اتصد الدرب
ما بي بس الغرب
شلون اتصبر الگلب
:
:
فاضل عباس الخزاعي
#محرم الحرام
فزاعیه في حق مولاتي فاطمه العلیله
☆▪︎▪︎☆▪︎▪︎☆
شایل وین ابوي حسین
اخذني ولاتخلیني
ــــــــــــــــــــــــــــ
بویه اویاکم اخذوني
من دم تجري اعیوني
خابت منکم اضنوني
ضاع العمرواسنیني
✍🏻ام یاس الساعدیه
☆▪︎▪︎☆▪︎▪︎☆
ما اصبر بلیاکم
صعب یابوي فرگاکم
اتمنه الموت بجفاکم
عگبکم من یسلیني
✍️ام قاسم البوغبیش
☆▪︎▪︎☆▪︎▪︎☆
عليه اعيوني سچابه
یحن گلبی علی احبابه
خلاني وقفل بابه
فراگه والله يعميني
✍🏻ام حيدر النصاري
ـــــــــــــــــــــــــــــــــــــ
بچیتلکم وراح الشوف
واتلَّـمَّس گمت بالطوف
هنِدِس لیل کله وخوف
و محد یسمع اونیینی
✍🏻 محمدالکعبی
ــــــــــــــــــــــــــــــــــ
اخذنی یلولی ویاک
عليله ومگدر ابلیاک
اگعد بلدرب اتناک
ادخیلک لا تجافینی
✍️ #علویه ام فاضل
☆▪︎▪︎☆▪︎▪︎☆
خذني اسرج الكم خيل
واحط فراشكم بليل.
واصير الك شمع ودليل
دخيلك لا تبچيني
✍🏻ام محمود الصليحاوي
☆▪︎▪︎☆▪︎▪︎☆
مریضه وحیل مابیه
دگلی وین هلنیه
یمته ترجع علیه
اخلافک من یبارینی
✍🏻ام محمد الیامعیه
ـــــــــــــــــــــــــــــــــ
تمت بعون الله بااقلام شاعرات الاهواز
قناة رابطة فخرالمخدرات
جديد ~في~الخدمه ~المقدسه
*#محرم ~١٤٤٧ هجري*
*ابيات للحوراء زينب ع وهي
تخاطب اخاها الحسين ع يوم العاشر من المحرم*
***
شفت راسك عالرمح ينزف دمه
ريت ماشفته اوعسى ابعيني العمه
والجره الأمر الألاه امسلمه
صعب يبن امي الذي يجرالك
.....................................
صعب يبن امي الجره اعليك او سده
ابگيت وحدك حاطت اعليك العده
اصحابك ابكترك يخويه اموسده
وانته نايم نومتك تحلالك.
.....................................
شلون نايم يبن حيدر عالثره
الجثه بسيوف الاعادي اموذره
اوخيل اميه لازمه اعليها سره
اتدوسها اتريد اوتغير احوالك
.....................................
عليك الگلب يبن امي تفسر
يريت اضلوعي بمچانك تكسر
اجيتك والجدم مني تعثر
طحت عالگاع وادمومي جريه
*السيد محمد زاهر الخطيب*
*#محرّم_١٤٤٧*
*#نعي*
*#هلال_كربلاء*
عادَت لتوقِدَ جَمرَ قلبي كربلا
آيَ العزاءِ هلالُها إذ رتّلا
يَنعى الحُسينَ وصَحبَهُ في طفِّها
ذا الرّأسُ مِنهُم فوقَ رُمحٍ قد علا
أمّا الجُسومُ على الثّرى مَلقِيّةٌ
بقِيَت ثلاثًا عارياتٍ في الفَلا
جُد يا مُوالي للذّبيحِ بِعَبرةٍ
وأقِم مآتِمَ رُزئِهِ وَسطَ المَلا
واذكُر غريبًا ظامِئًا في نينَوى
يَهوي على الرّمضاءِ آهِ مُرَمّلا
والخَيلُ رضّت مِنهُ أضلاعًا فَذا
سِبطُ البتولِ غدا هُناكَ مُجَدّلا
لهفَ القُلوبِ لزَينبٍ في خِدرِها
رأتِ الجوادَ بِلا حُسينٍ مُقبِلا
وسُكَينةُ العطشى تُنادي عمَّها
فالعَمُّ أمسى بالدِّماءِ مُغَسّلا
ماتَ الكفيلُ أيا سُكينةُ، فاذرِفي
عبَراتِكِ الحرّى، فقَد حلَّ البَلا
وانعَي شَبيهَ المُصطفى البدرَ الّذي
أضحى لِكُلِّ مُقاومٍ ذا مِشعَلا
وابنَ الزّكِيِّ المُجتبى خَيرِ الورى
يَفدي الحبيبَ؛ رجاؤُهُ أن يُقتَلا
وابكي الرّضيعَ بحِضنِ مَولانا غَفا
فكأنَّ عَرشًا في السّماءِ تكربلا!!
*زينب الموسوي*
*#بنت_الزهراء*
#طور_الجفيري
#الخروج_من_المدينة
#حوار_بين_الإمام_الحسين ع والسيدة زينب ع والعباس
گومي يختنا لكربله
بيها انكتب آه وبله
نبقى رهاين بالفله
وانتِ كفيلة عايله
أمر الله وعلينا أنكتب
انا ذبيح اعلى التُرَب
وانتِ سبيّه وتنضَرَب
والناقة تمشي مايله
ونّت ونين من القهر
شو يعني ناوي اعلى السفر
ناديلي عباس القمر
عندي ويا خويه مسأله
#وكأني حضر العباس ملبّياً عطوفا ، نظرت إليه :
قلّي يبن حيدر علي
منهو اليجهز محملي ( شو الجواب من ابو فاضل )
قاللّها يختي اتدّللي
وأمرك لا بُدّ اتمثّله
تِسلم يا غالي مَجْمّلك (ما اجملك)
عيني تصدلك اتأمّلك
وادري بكفوفك مو إلك
تبقى قطيعة مرمّله
تسلملي ريتك يالشهم
ولا انظر ابعينك سهم
تنوح اعلى فقدك هالحرم
يصعب وداعك نحمله
🖊خادمة ابي الفضل