8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
بلضيم خلصت العمر. مشلوع كلبي من الزغر
الماطالعه حته بحلم. من الخيمه طلعهه الشمر
ماجني بنيت علي. راح الدلال الاولي
ضليت علتل والتفت. ياهو اليدليني بهلي
انه ماابجي علا روحي انته وحدك تعبتني
من اجيت اركض جزيتك ومن جزيتك ماشفتني
ياهو انشده عليك يضحك. هيه هاي الهاضمتني
بقيت اتنشد الميتين
منكم ياهو شاف حسين
ادور والشماته هواي
علي تتمضحك الصوبين
ادور بلكت اندلك
ضايع بلرمل كلك
كمت ومتونك بلاراس
لو ماكايم احسلك
كامالي بس يكسر الخاطر
يكوم ويطيحنه الحوافر
يهومش بديه والوادم هواي
شككو ثوبه وضال حاير
@@@@
هاكد عليكم دورت. دورت حد ماتيهت
من شفتك وكلبي انكسر. محتار بسهامك طحت
يمطشر وبعدك عدل. تسحب رجل وترد رجل
يبن امي كافي من الرفس. تتكلب وماتنعدل
كافي لاتتعب يروحي. كلي وين اليوجعنك
لايشوفونك بناتك وعلي يموتن من يجنك
ينمرد كلبي من اشوفك. تزحف ومسموع ونك
لاترفس يبعد الروح
تمرد كلبي من تنوح
من دون الخلك يحسين
شفتك بلعكس مذبوح
ارحلك وارد كوه
فدوه تسابك بفدوه
عساهه بذمتك يلماي
مخرب ضحكته الحلوه
من جان بلخيمه شحلاته
هسه الحوافر ساحكاته
هاكد محنه بكلب الحسين
مذبوح بس عينه لخواته
@@@@@
يابعد العيون العمن. احتركن بناتك وانجون
لاتبقه نايم بلدرب. وخر الخيل عليك اجن
كوم انحنه الزينب ضهر. هذا انته لو. جومة حجر
ضيعتك وماتنعرف ..يمطشر وصاير وذر
عاد فك عينك عليه حته اكولن هسه راجع
وعلي ماضل حيل بيه حته وي الخيل ادافع
تعبتني بهذا وضعك نايم بحضني وتنازع
سولف لاتون بسكوت
نايم لو تريد تموت
بصفك انه اضل انعه....( الله ولحد.)
يلوحدك بلازاتوت
اجيتك والضهر محني
الشمر من شفته فرحني
كلت اتخلص وارتاح
كمت حسبالي يذبحني
من الخيمه غربه طلعتني
ياريت ذباحك ذبحني
ماعنده غيره الشمر يحسين
وانه اركض برجله رفسني
امين السلطان
دخّـان اخيام إمن التل للشام ليليه احلام تتراولي
صارت دنياي هيمه بلاماي واسياط اهواي تمشي ابالي
ــــــــــــــــــــــــــــــــــــــ
راحو اهلي وكل عمامي 00 وراحن اوياهم خواتي
وانه عود امحضره نفسي 00 اهدومي واحجابي وعباتي
وچلمة اللا فشلتني 00 وطشرت كل امنياتي
سار 00 ظعن الغالين وانه اركض خلف احبابي
نار 00 فرگاكم گلتلهم تطفه ابدگة بابي
دار 00 وجهه احسين وحيل اتوجع من اعتابي
اربع مرات جر الحسرات والعلويات تبچي الحالي
صارت دنياي هيمه بلاماي واسياط اهواي تمشي ابالي
ــــــــــــــــــــــــــــــــــــــ
آنه ياناس العليله 00 الضايع ادواي و عـلاجي
فارشه امصلاتي وادعي 00 بدمعة العين واناجي
روحي مشتاگه وانادي 00 الشوفة احسين احتياجي
ضام 00 ياگلبي ابيا بير أسرارك ماتعلنهه
لام 00 كل ادموع الدنيه وبعيونك ساجنهه
شام 00 يتخايلي وفوگ الهزّل زينب چنهه
وبعاشوراء وحر الصحراء ظعن الحوراء مابي والي
صارت دنياي هيمه بلاماي واسياط اهواي تمشي ابالي
ــــــــــــــــــــــــــــــــــــــ
اغفه واهواي بمنامي 00 تنعرظلي اچم روايه
سچه اشوفن بس بعيده 00 وگبه اشوف إبلا رايه
يعني عمــي اعله الشريعه 00 ويعني عماتي سبايه
ليش 00 لو مرتاحين ابهالسفره اشبيهه انفاسي
جيش 00 من الأفكار التقلقني تمشي ابراسي
بيش 00 اطرد من اعماقي الخوف وكل وهواسي
شمعه وبسكوت ابچي بلاصوت يوميه الموت يتدنالي
صارت دنياي هيمه بلاماي واسياط اهواي تمشي ابالي
ــــــــــــــــــــــــــــــــــــــ
ليله من ذني الليالي 00 الفززت بيه المناحه
من شفت عبدالله يبجي 00 والسهم بالرگبه لاحه
چنه ياعالم حمامه 00 والقدر كاسر جناحه
چان 00 عبدالله ابضحكاته ايطيب كل اجروحي
چان 00 شمة كاروكه وانفاسه اتذوب روحي
حان 00 تبديل اسمه إمن اليا عمري اليا مذبوحي
ليش ايعطشون طفل ازغيرون ليش ايذبحون كل امالي
صارت دنياي هيمه بلاماي واسياط اهواي تمشي ابالي
ــــــــــــــــــــــــــــــــــــــ
كل مرض يحصل شفائه 00 بس الايفارگ مصيبه
طابع اچفوفه اعله ظهره 00 وينتظر جية حبيبه
وآنه يادنيه شتاني 00 اجنازه لو جثه سليبه
خيل 00 اسمعهه اتدوس وصوت الحافر باسماعي
ليل 00 غرگني ابساعاته وكسّر طول اشراعي
ويل 00 چم مجلس بعيوني وينعه براسي الناعي
احسب دمعات احمل لوعات وتطلع ونات من اخيالي
صارت دنياي هيمه بلامـاي واسياط اهواي تمشي ابالي
محمد الجماسي
#اللهم_عجل_لوليك_الفرج
ليلة الوحشه
خيام خيام .. صارت رماد الليله
خيام خيام .. بالبر تبات العيله
****
العاشت ابهيبة أهلها اتدور اعليها اليحن
الدنيا وين اتريد بيه حگه لو ذاب الجفن
دمعة الغربه ثجيله ابين شماتي اون
هذا ذابح من اخوتي وهذا ورملي المتن
عذاب عذاب .. ياهو البقى واشكيله
عذاب عذاب .. بالبر تبات العيله
****
ياهو لشكيله امن اخوتي كلها صرعه اعله الترب
مادرو صارت اختهم فرجه بعيون الغرب
انه بت حيدر تراني وين صارت وانضرب
شبت اخيامي عليه اشيحتمل بالله الگلب
مصاب مصاب .. وادي النجف اربيله
مصاب مصاب .. بالبر تبات العيله
****
نشرد اليا صوب بالله والجمر ما ينحمل
الما لحگ متني ابسياطه يركض ايدور طفل
حاطت الخياله بينه وحضروا لينه الهزل
جمعونه وهاي شده لفّو اعلينه الحبل
حبال حبال .. واليا درب نمشيله
حبال حبال .. بالبر تبات العيله
****
ها يهل جبتونه للطف هالوضع ما ينشرح
هاي شدوهن ادينه والجرح يتبع جرح
نسمع الحراس صاحت جيبو للعيله الرمح
ثاري راس حسين فوگه ودمه عالغبره يسح
رماح رماح .. راس الحبيب اتشيله
رماح رماح .. بالبر تبات العيله
****
وين ابو الغيره كفيلي وين چفينه بقت
ما نهظ لينه علامه عيليته ابحيره صفت
تبچي سكنه اليوم لاچن مو عله الجربه بچت
والله يا عباس تبچي شلون الاخدور انسبت
كفيل كفيل .. يمته يرد ابحيله
كفيل كفيل .. بالبر تبات العيله
****
الشاعر اياد الديراوي
#ليلة_الوحشة
ليلة الحادي عشر. ليلة احزان وخطر
متنه من كثر القهر. ذبحو حسين
٠٠٠٠٠٠٠٠٠٠٠٠٠٠٠٠٠٠
من يوصّل للنبي وحامي الحميه
خبر مفجع والحدث بالغاضريه
ذبحوا حسين بحقدهم ال اميه
وداسوا بصدرة حوافر اعوجيه
حركو علينه الخيم. فرّت اطفال وحرم
من بعد راعي العَلَم. نتّجه وين
٠٠٠٠٠٠٠٠٠٠٠٠٠٠٠٠٠٠٠٠
چلچل الليل بضلامه واحنه غربه
شلون احميها اليتامه والله صعبه
الليل موحش والگمر مكطوع دربه
الچان يحرسنه وكع ونصاب گلبه
خيمه ماكو ولا خدر. وسفه يحرسنه الشمر
باجر بنوگ الأسر كلنه ماشين
٠٠٠٠٠٠٠٠٠٠٠٠٠٠٠٠٠٠٠
ذاك اخوي حسين جسمه مگطعينه
وبحوافر خيل صدره مرضرضينه
والكفيل عله النهر مطفيه عينه
الليله من يحرسنه يا ناس انسبينه
عيله مجتوفه بحبل. منّي ولآخر طفل
لا اخو عندي عدل. ويلي ميتين
٠٠٠٠٠٠٠٠٠٠٠٠٠٠٠٠٠٠
ترجف گلوب اليتامه وموحش الليل
بيها رهبه وخوف سوّت غارت الخيل
والله من كثر التعب ما ظل بعد حيل
مثل دم جروح اخوتي دموعنه تسيل
ويلي لو صار الصبح. ننسبي دمعه وجرح
راسك براس الرمح ياضوه العين
٠٠٠٠٠٠٠٠٠٠٠٠٠٠٠٠٠٠٠٠
هذه آخر ليله باجر للسبي انروح
والمصيبه انعوف اخوي حسين مذبوح
بالسيوف امگطعينه جروح بجروح
آه ميدفنون جسمه ويبقى مطروح
يا وكت بنت النبي. تمشي بدروب السبي
يحدي بيها الأجنبي للدواوين
سيد زيد الفحام
محرم ١٤٤٧هـ
__________&&&
⬛️🔳القصيدة-2-🔳⬛️
وفارَقَها بعدَ الحسينِ منامُها
ووَحشَتهُا منها يزيدُ ظلامُها
ولم يبقَ في ليلِ الدُجىٰ غيرُ خَيمةٍ
فقد أُحرِقَت حينَ الهجومِ خيامُها
عقيلة ُبيتِ الوحيِّ ِمكسورةً غدَت
وبين العدا أنىٰ يكونُ مُقامُها !
فأينَ مضىٰ الفتيانُ من قومِها تُرىٰ!
وأينَ تَوارىٰ من لؤيٍ حُسامُها !
لقد شاهدَت فوقَ الصعيدِ جُسومَهُم
مُطرَّحة ً أخنَت عليها لئامُها
وأما أخُوها خيلُهُم فوقَ صَدرِهِ
تجولُ عَوادٍ لم يُشدَّ زِمامُها
ولمّا أتَت نحوَ الشهيدِ بِوَجدِها ..
وقد فاضَ من إثرِ المصابِ هيامُها ..
نَعتهُ بحُزن ٍ والسمٰواتُ أُطبقَت
ومِن قلبِها المفجوعِ شبَّ ضِرامُها
تُخاطبُـهُ يابنَ البتولِ رَزيتي
بفقدِكَ ياعيني دَهتني جِسامُها
ورُوحي غَزتها النآئباتُ وبعدَكُم
عيونُ الأعادي آلمَتني سِهامُها
وألقَت عتابَ الأختِ لكنْ تصَبَرَت
برَغمِ الأسىٰ أنّـَت و فيه ِختامُها
#سمير_الصالحي
#البصرة_الموالية
————————————-
⬛️🔳القصيدة-3-🔳⬛️
ليلة الحادي عشر
ليلة المأساة والألم ....
ياليلةَ الحادي عشَر
فيكِ تبايَنَت الصِوَر
قتلٌ وحرقٌ للخِبا
والرعبُ خَيَّمَ والخَطر
هذا الحسينٌ مُقطعُ
في كربلا دمُهُ انتَثر
وبنوُهُ معَ أصحابِهِ
مثلَ النُجومِ أو الدُرَر
أشلاؤهُم مرميةٌ
من حالِها الطاغي يُسَر
ياليلةَ الحادي عشَر
هذي فِعالُ الادعياء ِ
وفِعلُهُم لن يُغتَفَر
جَسدٌ يُداسُ بِخيلهِم
مِن رَضِِّهِ بانَ الأثَر
والرأسُ يُرفعُ بالقنا
يعني الحسينُ قد انتَصَر
ماذنبُ نسوتِهِ غَدت
مسبيةً بئسَ الخَبر
ولزينبٍ نوحٌ فقَد
أبكى النياقَ معَ الحَجر
مِن حولِها أيتامُها
والخوفُ بادٍ والحَذر
عطَشٌ وجوعٌ والسَما
تبكي دماءً كالمَطر
أينَ الكفيلُ مَضى تُرى!
أينَ الشبيبةُ من مُضَر
في وَحشَتي وبِغُربتي
سأظّل ُ أندُب ياقَمر
ياابنَ الغضنفرِ والدي
فيكَ الأميرُ قد افتَخر
عباسُ عجّل إنني
قلبي من الحزنِ انفَطر
إذ ناظرايَ توَرَما
من أدمُعي ومِن السَهَر
أولستُ كنتُ بظِلِكُم
مثلَ الزهورِ معَ الشَجر
عجباً لكُم هذا الجَفا
عَتبي عليكَ قد انهَمر
#سمير_الصالحي
#البصرة_الموالية
—————————————
🏴 مقطوعة نعي
🏴رقية .. ليلة الوحشة 11
يتيمة والده وعگبك سبيه
وتالي تيتِمَت بتك رقيه
زغيره شلون تحمل هضم وسياط
وترافتها گضت من جور أميه
ذبلت مثل ورده وفگدت الماي
وحر وخوف يا عالم بنيه
من شافت حسين مگطع اوصال
محزوز النحر فوگ الوطيه
رادت تعتنيله بوحشة الليل
وتسگي شفايفه بگطرة اميه
تركض والدموع تسيل نهران
وتصرخ حيل من سوده عليه
وزينب من وراها تصيح ويلاه
تخاف تضيع بارض الغاضريه
درجعيلي يعمه حسين مذبوح
ومايچ ما يريده وهاي هيه
#سمير_الصالحي
#بغداد_المدائن_النهروان
*خطاب العقيلة لجسد الغريب السليب في ليلة الوحشة*
نشر مؤثر جديد مع طور مُفجع جديد
*انته لِحسين.. ما اصدگ وين صدرك ياضِيَه العين*
*انته لحسين.. چفوف ماعندك دگلي وينِ لِيدين*
*انته لحسين.. شلون اعُرفك وين راسك گِلّي في وين*
(انه جيتك عله ريحة الخُوّه..)
*مْحسِّبة تگوم.. تِلِمّ وَيّايِ اليتامه الْضاعتِ اليوم*
*محسبة تگوم.. مَعْرَفِتْ تحتاج المّنّك يمظلوم*
*محسبة تگوم.. ماتتركني وحيدة بْوِلْيَةِ الگُوم*
(انه بگيت محيّرة واصفگ بليدين.. لاعباس يبرالي ولا حسين)
*وحدي ظلّيت.. أجمع اضلاعك أُو تتنفّس تمنّيت*
*وحدي ظليت.. حايرة بنحرك أشمّه وْنُوبْ غطيت*
*وحدي ظليت.. چفوفيِ انخضْبَنِ بْدمّك مَيْتة ياريت*
تمت عصر تاسوعاء 1447 هـ
الله عجل لوليك الفرج واحفظه
نعي
على لسان السيده زينب// ع//
غـابـت شمسنه وصـار الـغـروب
وحسين فوگ الـتـرب مـگـلـوب
ما ادري اروحن ومشي ياصوب
ولـلـخـيـل عـيّــه بـكـل الـدروب
ضـلـيـت انـاطـر والـدمـع سال
وبلحظه أفگدت سبعين خيال
زحمه وچبيره شـلـون تـنـگـال
أنـه الـعـقـيـلـه أبـيـن الارجـال
عـاتـبـت الذي يـسـوّن العتاب
يـوم الـعـلـيـه نـظـرت اجـناب
صـار الـحـزن والـنـوح جلباب
بليله وضحاهه والخـدر غـاب
عيـونـي للگمر ضـلـن مشبحـات
ما احمل حچي وجروح شـمـات
التـمَـن عـلــي ويــن الثـكـيــلات
هـيـهـات الـخـدر ينـعــاد هيهات
*-------------------*----------------*
✍ خادم الحسين
الشاعر رعد الجريخي
فزاعية ليلة الوحشه الامام الحسين ع
الليله ام الحزن زينب
بالأيتام حيرانه
…………………..
نايم مافز واليهه
حراس العده ليهه
دنيه مظلم اعليهه
واتنادي الحزنانه
………….::………
تنادي يلولي وينك
عايفني وغفت عينك
عمت عيني ونينك
دمعه العين غدرانه
……………………
دمعه تجري عيني
خويه ماتحاچيني
يلوحدي امخليني
طول الليل سهرانه
…………………..
بيه اشعمل چتالك
عذبني وعذب حالك
يبچون خويه اطفالك
خويه انه عطشانه
…………………….
اگعد شوف حالتنه
سبايه عگب خوتنه
بلبر عگب ظلتنه
بس العدو يبرانه
…………………….
گليبي زاد أعتابه
روحي نار الهابه
خويه طول غيابه
بس رأسك ويانه
…………………..
بس راسك امگلني
لو شفته يعذبني
شگولن يخال ابني
ذبحتك ذبحانه
……………………
تمــت الحمــدلله
بقلم اخادمة اهل البيت عليهم السلام
✍🏻📜 [الشاعرة بـتـول الـكـربـلائـيـة📓]
غير مبرى ذمة أمام الله والزهراء ع
تأخذ كلمات وينسب لـه❌
وننام بحما ابا الفضل هاي المسيه
آه آه وبعد أن جمعت السيدة زينب عليها السلام العائلة و الأطفال إنسلَّت جوف الليل تتخطى القتلى ، قتيلاً بعد قتيل إلى أن وصلت إلى ذلك الجسد المرضوض بحوافر الخيل وكاني بها رأت سوادة عند الجسد تنعاه وتنادي ولدي حسين (أعرفتها؟)فاقتربت واذا بها امها الزهراء جلست عنده تقبله و تشمه و تضمه وهي تنادي حسين يا حسين ~
وجدت سوادة عند الجسد تنوح لعلها الزهرااااا وتنادي واولدها واحسيناه وااذبيحاه~
تگله يا وليدي وحبيبي منهو حزّ ليك النحر
منهو الي گطع اوصالك وداسه يا وليدي الصدر
وين ثوبك الي تمزّق بحافر خيول العصر
جيت اضمدلك جروحك
واحفر بايدي القبر
------------------
*وكأني بزينب رأتها تخضب وجهها من فيض نحر الحسين ع… ولسان حالها~*
خلني اعينك عالمصايب وعالأخو لحزّوا وتينه
يمه جيتك وجيت اعينك عالمحن آيالحزينه
تگلها روحي لابو فاضل عالشريعه وعاتبينه
گومي نتعنه ونشوفه
مرمي عالشاطي الگمر
----------------
*يلا مع زينب والزهراء راحن لعباس للعلقمي~*ولسان حال زينب*
تگلها يمه انت گِعدي عن شماله وعاينينه
وانه اگعد عالترايب يم اخويه عن يمينه
بلكن نركّب زنودة ويحميه بچفوفه الظعينه
وسهم لي بعينه نشيله خل يشوف اخته بيسر
خادمة آل محمد✍🏻
وكأني بزينب اطمأنت الزهراء عند جسد الحسين ع تنصب مأتم العزاء وهنا تعود زينب وتحفظ ايتام الحسين ~~ عادت لتصلي نافلتها وتبتهل لربها ~
العقيلة زينب عليها السلام في تلك الليلة لم تترك صلاة الليل ، ولكن يقول : حُجَة الله الإمام السجاد عليه السلام : رأيتها تصلي من جلوس ، قلت لها : عمّه زينب أراكِ تصلين من جلوس ؟ فقالت : يابن أخي إن مصاب أبيك الحُسين هدّ قوتي… وكيف لا ينهدم ركنها من عاينت اخيها ذبيحا فوق الرمضاء تصهره الشمس بحرارتها دون غسلٍ او تكفين ~~
لحن يُم الولد للشيخ زمان الحسناوي♪
زينب آنه… وشفت العجب~
بطف كربله… عمري انكتب~
ذبح وقتل… وخدري انسلب~
برحلة سبي… گْطعت الدرب~
زينب آنه… وشفت العجب~
(ماذا رايتِ مولاتي يا زينب اسمع اسمع)
شفت العجب شفت العجب
شفت الشمر بصدره گعد
شفته بسيفه حز النحر
شفت الذبيح على الترب
••••••••••••••
شفت برمح راس الحسين
شفت الصدر رضّه اللعين
شفت النحر مگطع الوتين
بست النحر ودمه يصب
آه واحسيناه واذبيحاه
خادمة آل محمد✍🏻
هذه هي زينب عقيلة بني هاشم التي بقيت ليلة الحادي عشر بلا محامي ولا كفيل وطول تلك الليلة لم تهدأ لها عين إلا دقائق غلب عليها النوم قهراً ، رأت في منامها رؤيا ، كأن فارساً مقبلاً على المخيم ، قالت : ياهذا لا تقربنا ، فصار يدنو منهن ، قالت : ياهذا إن أردتُ ترويعنا فإنَّا مروعات ، و إن أردتَ سلبنا فنحن مُسلبات ، صار يدنو منهن أكثر فأكثر ، قالت : ياهذا أقسمت عليك بحق أمّنا الزهراء لا تقربنا ، لما سمع بإسم فاطمة تحادرت دموعه على خديه وقال : بنية زينب أَنا أبوكِ عليَّ~
يا زينب آنه حيدرة جيت احرس الخيمات
من صحتي باسمي يا علي احضرني بالشدات
لا تظنّي اعوفچ من بعد عباس ابو الكلفات
حاضر يا زينب واحرسچ بهالليلة لا تخافين
آيزينب ~³ آه
✵✵✵✵✵✵✵✵✵
كالتله يا حامي الحِمى شوف الجرى علينه
كافلنا ظل عالعلقمي بلا خيمه ظلّينه
بغربه آنه وايتامي صرت وفقدنا والينه
جسمه عفير على الترب وگطوا نحر الحسين
✵✵✵✵✵✵✵✵
گال الها گومي واغمضي عينچ يا محزونه
باچر تروحين بسفر وظعنچ
بـ يسبونه
باچر تعوفي كربله وخدرچ يشوفونه
ادري انت صعبه تنسبي وتطبيِ الدواوين
خادمة آل محمد ✍🏻
ساعد قلب ام المصائب زينب المفجوعة باخوتها وكأني بها تبث شكواها لأمير المؤمنين ~~
لحن الجفيري~♪
راح الدلال راح الخدر
وركضنا من فوق الجمر
لوّعنا بسياطه الشمر
وانه الي كنت مدلّـله
✵✵✵✵✵✵✵✵✵
احترگت عباتي باللهب
وشفنا مشاهد هالرعب
واخوتي ذبايح عالترب
ومنين اجتني كربله
✵✵✵✵✵✵✵✵✵
ما عدنا خيمة لن ننام
ومحروگه من عدنا الخيام
من خيّم علينا الظلام
ايتامي كلها معوله
✵✵✵✵✵✵✵✵✵
خادمة آل محمد✍🏻
*جلَّ المصابُ فبعدَ إحراقِ الخِيَمْ
يا أيْنَ نامتْ بِنتُ فاطِمَ والحرمْ ؟!
واللهِ كافِلةُ اليتامى لمْ تَنْم
حرستْ نساءً يرتجينَ كفيلا
او تكفين ~~
لحن يُم الولد للشيخ زمان الحسناوي♪
زينب آنه… وشفت العجب~
بطف كربله… عمري انكتب~
ذبح وقتل… وخدري انسلب~
برحلة سبي… گْطعت الدرب~
زينب آنه… وشفت العجب~
(ماذا رايتِ مولاتي يا زينب اسمع اسمع)
شفت العجب شفت العجب
شفت الشمر بصدره گعد
شفته بسيفه حز النحر
شفت الذبيح على الترب
••••••••••••••
شفت برمح راس الحسين
شفت الصدر رضّه اللعين
شفت النحر مگطع الوتين
بست النحر ودمه يصب
آه واحسيناه واذبيحاه
خادمة آل محمد✍🏻
هذه هي زينب عقيلة بني هاشم التي بقيت ليلة الحادي عشر بلا محامي ولا كفيل وطول تلك الليلة لم تهدأ لها عين إلا دقائق غلب عليها النوم قهراً ، رأت في منامها رؤيا ، كأن فارساً مقبلاً على المخيم ، قالت : ياهذا لا تقربنا ، فصار يدنو منهن ، قالت : ياهذا إن أردتُ ترويعنا فإنَّا مروعات ، و إن أردتَ سلبنا فنحن مُسلبات ، صار يدنو منهن أكثر فأكثر ، قالت : ياهذا أقسمت عليك بحق أمّنا الزهراء لا تقربنا ، لما سمع بإسم فاطمة تحادرت دموعه على خديه وقال : بنية زينب أَنا أبوكِ عليَّ~
يا زينب آنه حيدرة جيت احرس الخيمات
من صحتي باسمي يا علي احضرني بالشدات
لا تظنّي اعوفچ من بعد عباس ابو الكلفات
حاضر يا زينب واحرسچ بهالليلة لا تخافين
آيزينب ~³ آه
✵✵✵✵✵✵✵✵✵
كالتله يا حامي الحِمى شوف الجرى علينه
كافلنا ظل عالعلقمي بلا خيمه ظلّينه
بغربه آنه وايتامي صرت وفقدنا والينه
جسمه عفير على الترب وگطوا نحر الحسين
✵✵✵✵✵✵✵✵
گال الها گومي واغمضي عينچ يا محزونه
باچر تروحين بسفر وظعنچ
بـ يسبونه
باچر تعوفي كربله وخدرچ يشوفونه
ادري انت صعبه تنسبي وتطبيِ الدواوين
خادمة آل محمد ✍🏻
ساعد الله قلب ام المصائب هذه الليلة المؤلمة وهي تبث شكواها *مجلس غربة زينب (ع) ورزيّتها ليلة الحادي عشر*
المقدمة
صلے الله عليك يـا أبـا عبدالله³
صلى الله عليك يا من غسله دمه ونسج الريح أكفانه والتراب الذاري كافوره والقنا الخطي نعشه ~
السَّلَامُ عَلَى الْأَرْوَاحِ الْمُخْتَلَسَاتِ، السَّلَامُ عَلَى الْأَجْسَادِ الْعَارِيَاتِ، السَّلَامُ عَلَى الْجُسُومِ الشَّاحِبَاتِ السَّلَامُ عَلَى الدِّمَاءِ السَّائِلَاتِ، السَّلَامُ عَلَى الْأَعْضَاءِ الْمُقَطَّعَاتِ، السَّلَامُ عَلَى الرُّؤوسِ الْمُشَالاتِ، السَّلَامُ عَلَى النِّسْوَةِ الْبَارِزَاتِ
لعن الله الظالمين لكم يا ليتنا كنا معكم فنفوز فوزا عظيما~
اَلسَّـلامُ عَلَى الْحُسَــيْنِ وَعَلى عَلِيِّ بْنِ الْحُسَــيْنِ وَعَلى أَوْلادِ الْحُسَـــيْنِ وَعَلى أَصْحابِ الْحُسَــيْنِ
القصيدة
طعنٌ على جسدِ الحُسينِ
يَهيلُ
شمرٌ وصدرٌ والجلوسُ طويلُ
زجرٌ وذبحٌ والدماءُ تناثَرتْ
ركْلٌ ورضٌّ والخيولُ صهيلُ
تلٌ وزينبُ والصياحُ وحالُها
آهٍ وآهٍ فالجُزوعُ قليلُ
خيلٌ وعَدْوٌ والصّغارُ تعثّرتْ
طُحنتْ وحشرجةُ الضلوعِ عويلُ
نارٌ وكرٌّ والنساءُ تراكَضتْ
ضربٌ وزجرٌ والسُّبابُ رَذيلُ
سلبٌ ونهبٌ والحرائرُ جُرِّدتْ
قِرطٌ وشَدٌّ والدِّماءُ تسيلُ
في البابِ زينبُ لا تفِرُّ كغيرها
في النارِ بُرقعُ فاطمٍ وعليلُ
بحْثٌ وَعَدٌّ فالعيالُ تشرّدتْ
طِفلانِ ماتا والفؤادُ غليلُ
وَضَعا الرمالَ على ظِمى كِبديهما
هل من مُعينٍ في البُكَا فأُطيلُ
طفلٌ ذبيحٌ والربابُ تنوحُهُ
لبنٌ أتاها والرضيعُ قتيلُ
عطشٌ وجوعٌ والعراءُ مآلُهُم
وأنينُ فَقْدٍ للجبالِ يُزيلُ
ليلٌ وزينبُ والصلاةُ وحَيلُها
قعَدَتْ ومِن عِظَمِ المُصابِ تَميلُ
قد أبكتِ الأملاكَ حينَ جلوسِها
وبكى لها القرآنُ والإنجيلُ
د محمد الدغلي
*يعين الله قلب زينب التي جمعت النساء والايتام ليلة الحادي عشر وجعلت توصيهن بوصايا* ولسان. حالها~ / لحن الجفيري ~
يا ليلة الحادي عشر
رِحمي قلبنا من القهر
يتمنا هالليله الدهر
والينه عالغبره يبات
✵✵✵✵✵✵✵✵✵
يمدلّـلات اخويه الذبيح
باچر سبي وما نستريح
باچر مدامعنا تسيح
سلبو بنات مدلّـلات
✵✵✵✵✵✵✵✵✵
باچر سبايا عالهزل
وايدينه مشدوده بحبل
نصرخ چاينه ابو الفضل
نايم على نهر الفرات
✵✵✵✵✵✵✵✵✵
باچر سبي ويا الغرب
رح نمشي وبعيد الدرب
لو منكم احدى تنضرب
صبرن يروحي للممات
✵✵✵✵✵✵✵✵✵
لا ترفعن صوت البچي
لنْ تسمعن شتم وحچي
حادي ظعنكن اجنبي
آيا لفواطم سبيّات
خادمة آل محمد ✍🏻
*عظم الله اجوركم*
*… فَقُتِلَ مَنْ قُتِلَ وَسُبِيَ مَنْ سُبِيَ وَأُقْصِيَ مَنْ أُقْصِيَ وَجَرى القَضاءُ لَهُمْ بِما يُرْجى لَهُ حُسْنُ المَثُوبَةِ*
*سيدي ابا صالح أما آن يومك لتظهر وتطلب بثأر من ظلم اهل بيتك وسبي نساءكم ادري أن القتل لكم عادة وكرامتكم من الله الشهادة ولكن عذرا سيدي فالسبي ليس لكم عادة فهذه مصيبة عمتك زينب ع تؤلم قلبك الجزوع فعمتك الغريبة ام المصائب تسبى بين الاجانب والرجال واويلاه* … آه يا زينب أدري ان مصابها يفجع قلبك العذر منك سيدي اذا ذكرت سبي عمتكم آه آه / بحر طويل ولحن الملا عبد الحي قنبر يا جبريل او. تمنيته يدوم الليل♪
*مجلس غربة زينب (ع) ورزيّتها ليلة الحادي عشر*
المقدمة
صلے الله عليك يـا أبـا عبدالله³
صلى الله عليك يا من غسله دمه ونسج الريح أكفانه والتراب الذاري كافوره والقنا الخطي نعشه ~
السَّلَامُ عَلَى الْأَرْوَاحِ الْمُخْتَلَسَاتِ، السَّلَامُ عَلَى الْأَجْسَادِ الْعَارِيَاتِ، السَّلَامُ عَلَى الْجُسُومِ الشَّاحِبَاتِ السَّلَامُ عَلَى الدِّمَاءِ السَّائِلَاتِ، السَّلَامُ عَلَى الْأَعْضَاءِ الْمُقَطَّعَاتِ، السَّلَامُ عَلَى الرُّؤوسِ الْمُشَالاتِ، السَّلَامُ عَلَى النِّسْوَةِ الْبَارِزَاتِ
لعن الله الظالمين لكم يا ليتنا كنا معكم فنفوز فوزا عظيما~
اَلسَّـلامُ عَلَى الْحُسَــيْنِ وَعَلى عَلِيِّ بْنِ الْحُسَــيْنِ وَعَلى أَوْلادِ الْحُسَـــيْنِ وَعَلى أَصْحابِ الْحُسَــيْنِ
القصيدة
طعنٌ على جسدِ الحُسينِ
يَهيلُ
شمرٌ وصدرٌ والجلوسُ طويلُ
زجرٌ وذبحٌ والدماءُ تناثَرتْ
ركْلٌ ورضٌّ والخيولُ صهيلُ
تلٌ وزينبُ والصياحُ وحالُها
آهٍ وآهٍ فالجُزوعُ قليلُ
خيلٌ وعَدْوٌ والصّغارُ تعثّرتْ
طُحنتْ وحشرجةُ الضلوعِ عويلُ
نارٌ وكرٌّ والنساءُ تراكَضتْ
ضربٌ وزجرٌ والسُّبابُ رَذيلُ
سلبٌ ونهبٌ والحرائرُ جُرِّدتْ
قِرطٌ وشَدٌّ والدِّماءُ تسيلُ
في البابِ زينبُ لا تفِرُّ كغيرها
في النارِ بُرقعُ فاطمٍ وعليلُ
بحْثٌ وَعَدٌّ فالعيالُ تشرّدتْ
طِفلانِ ماتا والفؤادُ غليلُ
وَضَعا الرمالَ على ظِمى كِبديهما
هل من مُعينٍ في البُكَا فأُطيلُ
طفلٌ ذبيحٌ والربابُ تنوحُهُ
لبنٌ أتاها والرضيعُ قتيلُ
عطشٌ وجوعٌ والعراءُ مآلُهُم
وأنينُ فَقْدٍ للجبالِ يُزيلُ
ليلٌ وزينبُ والصلاةُ وحَيلُها
قعَدَتْ ومِن عِظَمِ المُصابِ تَميلُ
قد أبكتِ الأملاكَ حينَ جلوسِها
وبكى لها القرآنُ والإنجيلُ
د محمد الدغلي
*يعين الله قلب زينب التي جمعت النساء والايتام ليلة الحادي عشر وجعلت توصيهن بوصايا* ولسان. حالها~ / لحن الجفيري ~
يا ليلة الحادي عشر
رِحمي قلبنا من القهر
يتمنا هالليله الدهر
والينه عالغبره يبات
✵✵✵✵✵✵✵✵✵
يمدلّـلات اخويه الذبيح
باچر سبي وما نستريح
باچر مدامعنا تسيح
سلبو بنات مدلّـلات
✵✵✵✵✵✵✵✵✵
باچر سبايا عالهزل
وايدينه مشدوده بحبل
نصرخ چاينه ابو الفضل
نايم على نهر الفرات
✵✵✵✵✵✵✵✵✵
باچر سبي ويا الغرب
رح نمشي وبعيد الدرب
لو منكم احدى تنضرب
صبرن يروحي للممات
✵✵✵✵✵✵✵✵✵
لا ترفعن صوت البچي
لنْ تسمعن شتم وحچي
حادي ظعنكن اجنبي
آيا لفواطم سبيّات
خادمة آل محمد ✍🏻
*عظم الله اجوركم*
*… فَقُتِلَ مَنْ قُتِلَ وَسُبِيَ مَنْ سُبِيَ وَأُقْصِيَ مَنْ أُقْصِيَ وَجَرى القَضاءُ لَهُمْ بِما يُرْجى لَهُ حُسْنُ المَثُوبَةِ*
*سيدي ابا صالح امام أنا آن يومك لتظهر وتطلب بثأر من ظلم اهل بيتك وسبى نساءكم ادري أن القتل لكم عادة وكرامتكم من الله الشهادة ولكن عذرا سيدي فالسبي ليس لكم عادة فهذه مصيبة عمتك زينب ع تؤلم قلبك الجزوع فعمتك الغريبة ام المصائب تسبى بين الاجانب والرجال واويلاه* … آه يا زينب أدري ان مصابها يفجع قلبك العذر منك سيدي اذا ذكرت سبي عمتكم آه آه / بحر طويل ولحن الملا عبد الحي قنبر يا جبريل او. تمنيته يدوم الليل♪
عمتك يا ابو صالح عالهزل راحت سبيه~
يحدي في ظعن الرساله ناصبي من آل اميه~
بالحبل مچتوفه طلعت وطلعت من ارض المنيه~
وعافت حسين بطفوفه مرمي من فوق الترب
〰️〰️〰️〰️
عمتك يضرب متنها سوط اميه عالمتن
حادي ناقتها خولّى والشمر حادي الظعن
من بعد عين ابو فاضل ذاقت الوان المحن
والستر كفين ايديها ترافق ارجال الغرب
〰️〰️〰️〰️〰️
لِيكسر الخاطر مشيها هالأميرة تنشتم
يسمع الراس لبچيها وينظر ايتام وحرم
تنسبي بين الاجانب والله صعبه تنهضم
وين حيدر وين اخوها ابطال العرب
خادمة آل محمد✍🏻
*والله يعز عليك ابا صالح ان اذكر مأساة سبي عمتك زينب وهتك خدرها وسبيها للشام آه آه يالشام شسويتي بزينب… زينب بعد ماهي زينب اتصور حال زينب لما دخلت الشام امرأة عزيزة اميرة تحيط،بها الرجال الاجانب.*
صعب الوصف يا بنت حمّاي الدخيل
تنشي سبيه بلا ولي وبلا كفيل
عالهزل اميرة والمحمل يميل
مچتوفة بحبل كنها من العبيد
〰️〰️〰️〰️〰️
راحت سبيه وراح وياها الدلال
وغاب واليها والحمية من الرجال
تتستر بديها ومشدودة بحبال
وللطاغي هديه جابوها ليزيد
خادمة آل محمد ✍🏻
قال الامام الصادق ع في وصيته لشيعته في شهر محرم *"(تقول): عظَّم الله أجورنا بمصابنا بالحسين عليه السلام، وجعلنا من الطالبين بثأره مع وليِّه الإمام المهدي عجل الله فرجه الشريف من آل محمّد"*
أين الطالب بدم المقتول بكربلاء~~~ اين الباكي على مصيبة زينب الحوراء
يا هلالاً غائباً عن كل عين
وضياءً ساطعاً في الخافقين
نشر جديد
قصيدة ليلة الوحشة
عجباً أتُغضي صاحبَ الأمرِ
وحسينُ ملْقىً في فلاً قفرِ ؟!
لا شكَّ عينُكَ شاهدتْ حدثاً
أجرى دموعَ العرشِ كالقَطْرِ
لا لستُ أقصدُ سهمَ حرملةٍ
أو ما جناهُ باترُ الشِّمرِ
كلاَّ ولا رضَّ الخيولِ لهِ
راحتْ على أضلاعهِ تجري
لكنْ عنيتُ مصابَ زينبَ إذْ
ركضتْ لهُ محنيَّةَ الظَّهرِ
قامتْ تفَتِّشُ عنهُ في جُثثٍ
مفصولةِ الأعضاءِ والنَّحرِ
عَرَفَتْهُ منْ عطرِ البتولِ ويا
لَلهِ ذاكَ العطرُ منْ عطرِ !
عجباً وليَّ الثأرِ تشهدُها
ويُطيقُ سيفُكَ مغمَدَ الصبرِ ؟!
أهوتْ لديهِ تقولُ يا عمَدي
يا شيخَ عزِّيَ يا رجا عُمْري
آهٍ عليكَ بقيتَ منعفراً
تحتَ المواضي البيضِ والسُّمْرِ
لمْ تَلْقَ غُسْلاً في الطفوفِ سوى
منْ دمعِ وحْشٍ هامَ في البرِّ
وعليكَ ما مدَّ البنونَ رِداً
لكنْ تُظِلُّكَ أَجْنُحُ الطَّيرِ
أحسينُ قمْ وانظرْ نساكَ فقدْ
نامتْ على كُثُبٍ منَ الجمْرِ
حرقوا الخيامَ لنا وحارسُنا
زجرٌ يُريعُ الظَّعنَ بالزَّجرِ
أحسينُ كيفَ ترى العيونُ إذا
جاءَ الظلامُ ولمْ يجِئْ بدري !
تمت بعناية الحجة (عجل الله فرجه)
الشاعر علي عسيلي العاملي
#ليلة_الوحشة
#اللهم_عجل_لوليك_الفرج
والله ليله الليله چن سورة فجر
ليلة اوداع الشمس و ام الخدر
الليله
ليلة العاشر
و حسين
ينذبح باچر
*
الليله كلهه ترتيل
و المدامع اتسيل
الليله يحيوهه ابشفع و الوتْر و النوافل
خیمه خیمه قرآن
ايشعشعن بالإيمان
و خيمة حسين ابوسطهن كعبة البواسل
الليله لبسَوْا احرام
و العطش بالخيام
ضاميه چبود الورود اتصیح یا بوفاضل
و الگمر رگبته
امدنّگه الجربته
مستحي من عيون سكنه و نظرة العوائل
ينظر الجوده و چفوفه و یحتسر
یدري راح اچفوفه باچر تنبتر
و نبله
اتصوب الناظر
و حسين
ينذبح باچر
*
الليله ليلة الآه
و العقيله ويلاه
تنظر الوجه الحسين و منكسر گلبهه
تسطبي العيونه
هيبته و سكونه
بالعتب متروسه ويلي دمعة الْتصبهه
تدري باچر افراگ
هزله ظهر الانیاگ
راح باچر تبدي ويلي اويه الشمر حربهه
تنتكل عليمن
حيره تنتخيمن
لو ابن جوشن تجاسر باچر و ضربهه
آ. یغربة زينب ابّين الكفر
ذاكه يضحك هذا يضربهه ابزجر
باچر
یضحک الکافر
و حسين
ينذبح باچر
*
اللیله لیلة اوداع
وسفه تگضي ابساع
تسهر الليله العقيله و صافنه الشمعهه
تهلي دمعة العين
وي دموع الحسين
تمسح ابدمعات اخوهه و يمسح ابدمعهه
الليله جمر العتاب
يچوي گلب الأحباب
حسره حسره اتذوب لمّن تشتکي ابوضعهه
تشكي باچر المن؟
تلوذ گلّي بيمن؟
و بغياب حسين تشكي ، اِلْمن ابوجعهه ؟
طايح حسين ، الشمر فوگ الصدر
یَمهه یرفس صدره حتّی تنقهر
بیده
خنجره الفاجر
و حسين
ينذبح باچر
*
يبدي باچر النوح
خیرة الله مذبوح
ينذبح جد عين زينب منحر الإمامه
زینب العقیله
ابدهشه تسطبیله
يعني نعش حسين هذا الرضرضوا عظامه
زينب الأميره
تنسبي و اسيره
و حرمله يسطر رقيه و يسلب اليتامه
ترچیة رقيه
عد بني اميه
عالرمح راس الحسين و تحترگ خیامه
و الیتامه خايفه و بالبر تفر
حافيه و مرعوبه تعثر عالجمر
ياريت
حيدره حاضر
و حسين
ينذبح باچر
*
باچر الله یستر
راح نحر الاصغر
ينذبح ضامي وريده ابنبلة آل اميه
باچر الودیعه
اتشاهد الفجیعه
ینذبح بین الحفیره منحر الشفیه
تنسفک دمومه
و تنسلب هدومه
و ابكتر نعشه اعلى خدهه تلطم الزچیه
ضامي نحره منحور
صبعه ويلي مبتور
باچر ایدوسون صدره ابخیل الاعوجیه
باچر الله ایبشّر حسینه ابنصر
يعني نفسه المطمئنه تستقر
يرويه
جدّهُ الطاهر
و حسين
ينذبح باچر
*
خادم خدمة الحسين عليه السلام
ناصرآلبوعبید
زینب تنعي بنیاح حبیبیِ الْحسین
لا تذبح یذباح حبیبیِ الْحسین
کُفْ یبن الدعیه
هذه بن الزچیه «حبیبی الحسین»
*
رجّع ایدک یا شمر عوف الوتین
عوف نحر القبّله طاها الامین
من عساهن ریت شلّن هالایدین
لا تحزّ بخنجرک نحر الحسین
لاتذبح یقاسی حبیبیِ الحسین
والله اغلی ناسی حبیبی الحسین
وشمس الله الزهیه
هذه بن الزچیه «حبیبی الحسین»
*
رجّع ایدک یا شمر ما تسطبی
هل اجه و یلطم عله اعیونه النبی
ایصیح یارب ذبحوا حسین الابیّ
استحی من المصطفی یالناصبي
یصرخ طاها وینوح حبیبی الحسین
آ یبنی یمذبوح حبیبی الحسین
ربّيته ابایدیه
هذه ابن الزچیه «حبیبی الحسین»
*
رجّع ایدک یا شمر و اترک اخويْ
ما تشوف من الحزن مِحْدِب ابوي
صد، عِيونه الخنجرک یبچی ویلويْ
ایصیح آ یحسین یولیدی و یهويْ
یذرف دمعه ویصیح حبیبي الحسین
وبکل دمعه تصریح حبیبی الحسین
فگده ایعِزْ علیه
هذه بن الزچیه «حبیبی الحسین »
*
رجّع ایدک یا شمر یبن الوثن
جای محدودب اخوی الموتمن
و منزجر دلّاله من نار المِحَن
یلطم اعله الراس وینوح الحسن
ینحب یابوالاحرار حبیبی الحسین
شبنی مصرعک نار حبیبی الحسین
وسفه اعله الدنیّه
هذه بن الزچیه «حبیبی الحسین»
*
رجّع ایدک یا شمر شوف السّمه
غیّمت مو بالمطر غیْمَت دمه
هل اجت مفجوعه امی فاطمه
اتهرول و تعثر غدت بالملحمه
ینعی ایون ضلعهه حبیبی الحسین
صرْت انعی بوضعهه حبیبی الحسین
برض الغاضریه
هذه بن الزچبه «حبیبی الحسین»
*
خادم خدمةالحسین ع
ناصرآلبوعبید
يالذبحته .. من رگبته
اتگص اصبعه..شنهي ذنبه
أنته ربك..ماتخافه
الثوب عوفه..لاتسلبه
ــــــــــــــــــــــــــــــــــــــ
ذبحته من ركبته وهوه عطشان
تسلب ثوبه ليش اتعوفه عريان
الشمس سوت ابجسم احسين نيشان
عمت عيني وطلع من ضهره دخان
ضهره مجوي..بالترابه
ودمه وشل..من وريده
طبره طبره..كمت اشمهن
من ركبته..الخنصر ايده
ــــــــــــــــــــــــــــــــــــــ
فوك الخيل الامتعبات صدره
اثنعش طبره عله الركبه تطبره
ذنبك بيش يالضالم تكفره
الرمح من كلبه واصل لحد ضهره
الرمح هذا..خاف اسحبه
وكلبه يطلع..من مكانه
واليتامه..يسألني
ليش ابونه..مااجانه
ــــــــــــــــــــــــــــــــــــــ
سلبت التاج منه وحته درعه
دنت نفسك عله المحبس تشلعه
تريد اتجره ماتكدر تطلعه
تالي بخنجرك كصيت اصبعه
الزهره امنه..هيه خصمك
من تجينه..بالقيامه
النبي يطردك .من رحمته
والله تشبع..بس ندامه
ــــــــــــــــــــــــــــــــــــــ
قميص احسين خايب خل اشمه
مثل يوسف قميصه ايشافي الاعمه
وخر خل اسولفله واكلمه
ابن طه النبي خلوله حرمه
رجع الخيل..كافي منه
روحه خلصت.. كطره كطره
ابعيني اول..ميت انظر
صدره طابك..وي ضهره
ــــــــــــــــــــــــــــــــــــــ
تسعميه والف ياعالم اهواي
اجروح الماله ثوب ولا اله افياي
كلتله شيوجعك باصرني ابراي
يكلي اليوجعني انتي والماي
كتله أنه..فدوه لاسمك
كلي خدرج.. خويه غالي
كتله بعدك.. سلبوني
ياأخي وبيّن خيالي
ــــــــــــــــــــــــــــــــــــــ
يسلابة احسين ابن الزجيه
عيب اعله الزلم تضرب رقيه
ذبحتو اجم أمام اليوم بيه
امن اخذتوني عله الهزل سبيه
ضهري ورم..من ضربكم
بالسياط و..بالحجاره
لاكن ابقه..جني مرقد
وراس ابواليمه المناره
محمد الجماسي
#اللهم_عجل_لوليك_الفرج
شيل جفك والطم اعله الهامه
حسين ضلو بالبراري ايتامه
،،،،،،،،،،. ،،،،،،،،،،،،،،
شيل جفك والطم ابحرگه الصدر
شفنه من دنيانه لوعات اشكثر
لچن ماشفنه طفل فوك الجمر
يركض اوتركض وراه ضلامه
،،،،،،،،،،،، ،،،،،،،،،،،،،
بين خيمه وخيمه تلكالك طفل
مختنك ويصيح حيهم يالاهل
احنه مطشرين وحسين انكتل
وخدر زينب ماترد ايامه
،،،،،،،،،،،، ،،،،،. ,,,,,,،،،،،،،،،،
طفله محتركه وطفل جاويته نار
والشمر يفتر يدور عالزغار
عين مصطوره وطلع منهه الشرار
وركض جم واحد وذب الثامه
،،،،،،،،،،،،،، ،،،،،،،،،،،،،،
خل يأمن طايح اليوم الحرس
وبين خيمه وخيمه مخنوك النفس
ركضو وعباس يمكن بيهه حس
اشعجب ماكام وايشد احزامه
،،،،،،،،،،،،. ،،،،،،،،،،،،،
يوم اسود منه ماواحد سلم
خيم محتركه وعليل البالخيم
واكو ترچيه انسبت متروسه دم
سلبوهه ابن الدعي وازلامه
،،،،،،،،،،،،،،. ،،،،،،،،،،،،،،،،
ركضو وزينب على التل وتصيح
مره توكف تنحني ومره التطيح
ياعلي لحگ تره حسينك ذبيح
وبالچفوف اعله الوجه لطامه
،،،،،،،،،،،،. ،،،،,,,,,،،،،،،،،
هاي كلهه اتهون بس حال العليل
مرض واهموم وحمل كلش ثجيل
وحرم طشار وعدو ولافيله ليل
ويسمع حسين الكسر بعضامه
،،،،،،،،،،،،،، ،،،،. ،،،،،،،،،،،،،
يابو صالح عذري من الله والك
جارت الدنيا وگضو بالطف هلك
ثار الحسين العليه اشعطلك
وكل نفس بعدك صفت لوامه
،،،،،،،،،،،،،. ،،،،،،،،،،،،،،،،،،،
خادم اهل البيت
علي فرهود الزرگاني
قصيده جنوبيه للوحشه{{ الليله لوحدي}}
الليلة لوحدي خواني بالحومة
عافوني غريبة وانه مهضومة
❥❥❥❥ـــــــــــــ❁❁ـــــــــــــ❥❥❥❥
عافوني غــــــريبه شلون بحوالي
بس سوط وشمر بالصحره يبرالي
مايدري بقيت لوحدي الوالي
نايم عالترب وامسلبه اهدومة
{{مهضومة // فز لاختك صبحت}}
❥❥❥❥ـــــــــــــ❁❁ـــــــــــــ❥❥❥❥
بالصحره بقيت افتر يخال ابني
وكلساعه الشمر يحسين يضربني
راسك ليه جابه وگصد يهظمني
ومن شاله الشمر ظليت مهظومه
{{اگعد يالوالي //إنه بعازه}}
❥❥❥❥ـــــــــــــ❁❁ـــــــــــــ❥❥❥❥
ماعندي ولي ويگلي شعلومج
حيل امغيره يازينب ارسومج
النار شجابهه حاجيني لهدومج
محروگه وعليج يبان مالومه
{{شيحمله الضيم //المراني}}
❥❥❥❥ـــــــــــــ❁❁ـــــــــــــ❥❥❥❥
شلع گلبي الگطع راسك وخلاني
ماعندي أهل ومذبحه اخواني
زماني بفرگتك يحسين بچاني
تفتر وي ذباحك المحشومه
{{امجتفيهه// ياحيف اعداك}}
❥❥❥❥ـــــــــــــ❁❁ـــــــــــــ❥❥❥❥
ياريت العمر خلص وهاهيه
من تالي الدلال اتروح مسبيه
اون يعزاز گلبي ونين يوميه
ونين بنص گلبهه تنوح ملجومه
{{يكتل يفراگ //البي هيبه}}
ليلة الوحشه
اجه الليل اجه الليل يبو اليمه اجه الليل
--------
لا عباس لا انته يحله الليله الونين
اجه الليل ----
وحشه وغربه يا خويه اشتنفع دمعة العين
اجه الليل ----
كل اخيامي محترگه گلي نستچن وين
اجه الليل ----
شمر لمن گطع راسك جابل سوطه متنين
اجه الليل ----
عسن انه اللي ذبحوني شافو طولي ياحيف
اجه الليل ----
گوم وشوف ذباحك يشتم صار بالكيف
اجه الليل ----
خويه بعينه يخزرني ومن نظراته ميعيف
اجه الليل ----
سيفه اب ايده راواني بدمك يگطر السيف
اجه الليل ----
****
اجه الخيل اجه الخيل يبو اليمه اجه الخيل
--------
بذاك الظهر لو تدري من شبوها لخيام
اجه الخيل ----
احامي اليا طفل منهم وانه اشگف بالاسهام
اجه الخيل ----
نركض وين ياخويه مچويه تره اجدام
اجه الخيل ----
گوم وشوف بعيونك حدر الحافر ايتام
اجه الخيل ----
دخنان ورمل حافر بيهن يلعب الريح
اجه الخيل ----
هامت بنتك ارقيه ظلت والدي اتصيح
اجه الخيل ----
من الخوف ياخويه تنهظ مره وتطيح
اجه الخيل ----
انسلبت منها ترچيه وظل دم بنتك ايسيح
اجه الخيل ----
****
الشاعر اياد الديراوي
يعباس صار الليل حاميني
-- -- -- -- -- -- -- -- --
امسه المسه وخيامنه محروگه
وصدورنه من رمادهن مخنوگه
وايتامنه بخيل وزلم مسحوگه
يعباس وين نروح حاچيني
-- -- -- -- -- -- -- -- --
چا وين طولك وين يابو الشيمه
گعدن خواتك هالمسه بالهيمه
ولا رايه تستر لا غطه ولا خيمه
يعباس شمر يريد يحديني
-- -- -- -- -- -- -- -- --
كل ليل چان يمرني انه محروسه
بچفك الچان اشبه بعصة موسه
فرسان من اسمك گبل مخلوسه
يعباس خصمك جاي يسبيني
-- -- -- -- -- -- -- -- --
بهذا الظلام احتار وين انطي العين
وعباس ما ظل عندي لا ظل حسين
ولا يمنه ابونه المرتضى انجيبه منين
يعباس بالكرار دليني
-- -- -- -- -- -- -- -- --
لا خوف يسكن لا جفن يرضه ينام
لا طاب خاطر لا جرح خف والتام
ابنات الزچيه وبينه حاطت ظلام
يعباس عيب النوم يلفيني
-- -- -- -- -- -- -- -- --
صح العطش خويه بيتاماكم جاس
ما سألو اعله الماي لآخر انفاس
سألوني كلهم وين راح العباس
يعباس ليك اضماي رويني
-- -- -- -- -- -- -- -- --
ياسر حسن
محرم الحرام ¹⁴⁴7
⬛️◾️القصيدة-1-◾️⬛️
وما هَجَعت بعدَ المُصابِ عيُونُها
مُقَّرَحَةٌ بل دامياتٌ جُفونُها
لقد هالَها ذبحُ الحسينِ وصحبِه ِ
وفي ليلةِ الأحزانِ هاجَ شُجُونُها
بِخوفٍ ورُعبٍ والأيامىٰ تُحّيطُها
وكيفَ بتلكَ الثاكلاتِ تصونُها
فكم كابدَت صُبحَ البلياتِ لوعَةً!
وكم ألِفَت ضَربَ السياطِ مُتونُها !
وكم هتَفَت باسمِ الحسينِ بكربلا
وكم سُرَّ من ذاكَ الهتافِ خَؤونُها
وكم صَرَخَت أينَ الكفيلُ بِحُرقَة ٍ!
وكم نَدَبت زايَ الزكيةِ نونُها !
بليلٍ بهيمٍ والعباءاتُ أحرِقَت
تَمنَّت لَيأتي الروحَ مِنها مَنونُها
مخدرةً قد فارقَ الخدرُ شخصَها
فأينَ مضىٰ الكرارُ ذاكَ حَنونُها!
وأينَ عليُ الغوثُ ليلةَ أوحِشَت!
وزينبُ أمسَت ذابلاتٍ غُصونُها
تَـئِنُ وتبكي واليتيماتُ حولَها
إلى م َ وبعدَ الطيبينَ رُكونُها !
#سمير_الصالحي
#النجف_الأشرف
————————————-
كسف نور الشمس واظلُمت دنيانه
عله مصاب الحسين الروح حزنانه
ا@@@@@@@@@@@@@
حزنانه النفس من طاح ابوالأكبر
يانار البگلبي هايجه وتسعر
صورة ذبحتك أنساها ما اگدر
متفارگ عيوني وبيها حيرانه
ا##################
حيرانه من اجيتك واعثر بجدمي
أشوفك ياولينه وهذا كل همي
من شفتك طريح مگطع ومدمي
ناديتك يخويه حسين هاي آنه
ا##################
زينب هاي آنه ويابعد زينب
ليش تلوج خويه وساعه تتگلب
أثاري جروحه كثره وبس جرح يصعب
يوميلي عليه وروحه خلصانه
ا##################
گلي هلجرح يختي اليألمني
گلبي من السهم تدرينه باهضني
لاچن مو مهم حالچ الي يهمني
سبيه شلون عگبي بولية اعدانه
ا##################
يازينب يخيتي اوصيج بعيالي
لو سار الظعن عينچ عله اطفالي
تدريهم ترافه تربو بجالي
واخاف الشمر مايرحم يتامانه
ا##################
ياروح الزچيه راسك المگطوع
فوگ الرمح يزهر بالسمه مرفوع
أصد الشيبتك وتسيل مني دموع
ياوسفه العده عگبك الترعانه
ا##################
ما حَسّبت يوم اتفارگ آنه وياك
ولا اگضي العمر ياهيبتي بلياك
شلون انساك وآنه عايشه بذكراك
أظل سنين دهري عليك ولهانه
ا@@@@@@@@@@@@@
🌑 الأبوذية
شاحسب چم جرح گلي واعدلك
ومالي حيل أگلبنك واعدلك
كل مرة أذَكرَنك واعدلك
دَلَحگ حرگوا خيامي عليه
#سمير_الصالحي
#النجف_الأشرف
⬛️أبوذيات⬛️
لچمت الگلب ياعاشور مَرات
مصايب كلفه صارت بيك مُرات
شلون انسه العقيله يوم مرات
على العباس والدمعه جريه
الشمر طگني عله عيني ومَرد
صحت وينه الكفل زينب ومرد
يخويه اهنا اظل يمكم ومرد
تخلوهم يودوني سبيه
متوني من سياط السبي خوان
وطبع الوكت يا هناس خوان
ما ظل عگب يوم حسين خوان
والخوان نومه اعله الوطيه
#سمير_الصالحي
#البصرة_الموالية
أمسى المسا والنّار ما خلّت لنا خيام
صيوان ماظل تلتجي بظلّه هالايتام
أگبل عليّ الليل وازدادت الوحشه
ما شوف غير ايتام تتصارخ بْدَهشه
وشيخ العشيره حسين ماحد شال نعشه
مطروح وبْجَنْبه علي الأكبر وجسّام
عبّاس عندي البارحه ايحوط الصّواوين
يامر وينهى واخوته كلهم مسلحين
والخيل مسروجه واهلها مستعدّين
مصغين للصايح ولا منهم جفن نام
وحسين من يسمع بچا بخيمه دخلها
ايسلّي الحرمه وياخذ بصدره طفلها
وباتت خيمنا مطنّبه وتزهر بهلها
وصيوان اخوي حسين حوله ترفرف اعلام
واصبحت وشْبول الهواشم حولي اوگوف
وامسيت مالي اگناع واتْستَّر بلچفوف
ويّا يتامى اگلوبها طارت من الخوف
وين المعزّه اُووين زهوة ذيچ ليّام
أصبحت حولي سْباع وامسيت اصفج الچف
وانظر جنايزهم عرايا بعرصة الطّف
باچر يركبونا الاعادي اجمال عجّف
دربٍ طويل ونبتلي بعدوان ظلاّم
گلها علي السجّاد يا عمّه شجاني
حالچ وانا مگدر اتحرّك من مكاني
صاحت يَنور العين عتبي اعله زماني
اللي علي الكرّار ابوها اشلون تنضام
والاّ المصيبه ضجّة الايتام حولي
الوعد الصّبح چان العدا شدّوا ذلولي
واعظم مصيبه چان گاد الجمل خولي
وساعة الگشره چان راح الظّعن للشّام
ملا عطية الجمري
لِيلَةِ الْوِحْشَه شْنِوَصِّفْهَه شْنِگُولْ
وِالْغَرِيبَه بْلَا أَهَلْ بِنْتِ الْبَتُولْ
نَامَتَ اصْوَاتِ الْمَوَاضِي وِالْخُيُولْ
وْفَزَّتِ جْرُوحِ الْعَقِيلَه مْنِ الْقَهَرْ
----------------------------------
هَايْ لِيلَه شَبَّتِ بْنَارِ الْخِيمَ
لَا حُسِينِ الْبِيهَه لَا رَفَّةْ عَلَمْ
هَاذِي يَا حَسْرَه وْچِوَتْ گَلْبِ الْحَرَمْ
سَاعَدَ الله زِينَبِ تْدِيرِ النَّظَرْ
----------------------------------
حْسِينَ اخُوهَه عَالْوِطِيَّه نُومِتَه
عَالرَّمُلْ مَگْلُوبَه وَسْفَه جِثِّتَه
عَارِي مَا تِگْدَرْ تِگُومِ لْدَفْنِتَه
وْعَالشِّرِيعَه نَايِمِ اللِّيلَه الْگُمَرْ
----------------------------------
شْلُونْ لِيلَه مِرْتِفِعْ بِيهَه الْوِنِينْ
وِحْدَه تَصْرَخْ يَبْنِي وِحْدَه يَا حُسِينْ
وِالرَّبَابِ تْنَاغِي عَبْدَ الله بْحَنِينْ
تْگِلَّه وِينَكْ گَلْبِي يَا يُمَّه انْفُطَرْ
----------------------------------
عِيلَةِ الظَّامِي بُقَتْ وِبْلَا سِتِرْ
سِلْبَوَ ارْبَابِ الشَّرَفْ وَاهْلِ الْخِدِرْ
مِنْ بَعَدْ عِينِ الْكِفَلْهِنْ لَنْ شِمِرْ
عْلِيهِنَ اصْبَحْ وَالِي يَا هَضْمِ الدَّهَرْ
----------------------------------
#ليلة_الوحشة
#محرم_١٤٤٧هج
الشاعر حسن خنافر العاملي
ابضلام الليل اخت عباس .. تندس
تون او بالجسد يحسين .... تندس
تگول اعليك اخاف انوب ..... تنداس
اضمك وين خويه اشلون بيه ...
گبل چان النه حشمه .. والنه هيبه
الهوى احنه النحركه ... والنهيبه
لچن وليه أنولينه ....... والنهيبه
كفال الضعن ما رجع ليه ..
ابو فاطمة الطائي
عمتك يا ابو صالح عالهزل راحت سبيه~
يحدي في ظعن الرساله ناصبي من آل اميه~
بالحبل مچتوفه طلعت وطلعت من ارض المنيه~
وعافت حسين بطفوفه مرمي من فوق الترب
〰️〰️〰️〰️
عمتك يضرب متنها سوط اميه عالمتن
حادي ناقتها خولّى والشمر حادي الظعن
من بعد عين ابو فاضل ذاقت الوان المحن
والستر كفين ايديها ترافق ارجال الغرب
〰️〰️〰️〰️〰️
لِيكسر الخاطر مشيها هالأميرة تنشتم
يسمع الراس لبچيها وينظر ايتام وحرم
تنسبي بين الاجانب والله صعبه تنهضم
وين حيدر وين اخوها ابطال العرب
خادمة آل محمد✍🏻
*والله يعز عليك ابا صالح ان اذكر مأساة سبي عمتك زينب وهتك خدرها وسبيها للشام آه آه يالشام شسويتي بزينب… زينب بعد ماهي زينب اتصور حال زينب لما دخلت الشام امرأة عزيزة اميرة تحيط،بها الرجال الاجانب.*
صعب الوصف يا بنت حمّاي الدخيل
تمشي سبيه بلا ولي وبلا كفيل
عالهزل اميرة والمحمل يميل
مچتوفة بحبل كنها من العبيد
〰️〰️〰️〰️〰️
راحت سبيه وراح وياها الدلال
وغاب واليها والحمية من الرجال
تتستر بديها ومشدودة بحبال
وللطاغي هديه جابوها ليزيد
خادمة آل محمد ✍🏻
قال الامام الصادق ع في وصيته لشيعته في شهر محرم *"(تقول): عظَّم الله أجورنا بمصابنا بالحسين عليه السلام، وجعلنا من الطالبين بثأره مع وليِّه الإمام المهدي عجل الله فرجه الشريف من آل محمّد"*
أين الطالب بدم المقتول بكربلاء~~~ اين الباكي على مصيبة زينب الحوراء
يا هلالاً غائباً عن كل عين
وضياءً ساطعاً في الخافقين
قم ونادي يالثارات الحسين
يالثارات الحسين
يالثارات الحسين~
*يلا بعين القلب شوف امام زمانك ينصب خيمة عزائه عند خيمة زينب المحروقة*
جيت بدموعي والنحيب
انصب عزيه عالغريب
ابكي على الشيب الخضيب
ابكي مصيبة كربله
✵✵✵✵✵✵✵
ابكي على ام الخدر
وعماتي راحن باليسر
ما عدها والي ولا گمر
زينب سبيه بكربله
✵✵✵✵✵✵✵
ابكي الغريبه بلا خيم
ابكي التنوح من الألم
عين الشمر ليها سهم
هاي العقيلة مدلّـله
✵✵✵✵✵✵✵
خادمة آل محمد✍🏻
*ماذا تبكي بعد سيدي يا صاحب الزمان؟*
*بَــدَلَ الدُّموعِ عيونُكَ انْسَكبتْ دَما
حُــزْناً على مَــنْ قيَّدوها كالإِمـــا
بالسَّوطِ تُجلَدُ إِنْ دعَتْ حامي الحمى
فارفَعْ لِواءَ الثَّأْرِ يا بْنَ المُرْتضى..
*أَوَمِثلُ زينَبِكُمْ تُسبُّ وتُضْربُ؟!
وإذا حكَتْ يا بنَ الكِرامِ تُكذَّبُ !****
والكــلُّ يومِــئُ قائِلاً:"ذي زينــبُ"
بَعْدَ الحجَابِ فأيْنَ سَيْفُكَ يُنتضى؟ ش علي عسيلي
*فقُتل من قُتل وسُبي من سُبي…*
آهـ عليكَن يا بنآت الرسَآلَه مفجوعات مسبيات محزونات نائحات… فها هي الخيام اصبحت رمادا ، وبنات رسُول الله سُلبوا ، و الملاحف إنتزعت والمقانع ، والمتون سوّدتها السياط وكعاب الرماح... و بنات الرسول يندبن واجداه وامحمداه ...والرجال صرعى فوق الرمضاء مرملين بالدماء دون كفن او دفن او رداء …
وها هي ام المصائب زينب وحيدة و الخيام محروقة و الرحال منهوبة و العيال مسلوبة والاطفال جائعة ليس لديهن طعام ولا شراب~ ولا غطاء ولا فراش ولا ضياء ولا أثاث فأحدقن بالامام زين العابدين ع وهو بقية الماضين
فجمعت السيدة زينب عليها السلام الأطفال في مكان المخيم ، ولكن هذه تنادي أين عمي ؟ و تلك تنادي أين أبي ؟ أين إبن عمي ؟ أين أخي و شقيقي ؟
(ولسان احوالهن كل واحدة تبث شكواها لزينب ولسان حالها)
عمه زينب ... عالمتن آنه ضْربوني
عمه زينب… شوفي متني من وِلُوني
عمه زينب… جذبوا عباتي ويشتموني
عمه زينب… اللطمة من فوق المتون
عمه زينب… من البچي حمره العيون
عمه زينب… راحو اهلنا وما يجيون
خادمة آل محمد✍🏻
وبعض الروايات تنقل أن طفلة كانت تفرش السجادة للإمام الحسين عليه السلام ، تقول : لقد حضر وقت الصلاة مالي لا أرى أبي ، فتقول لها العقيلة زينب بُنيَة إن أباكِ في سفر بعيد ، ماسكتت الطفلة ؟ عمه متى يرجع ؟ هل يعود اليوم ؟ غداً ؟
.~( هل تعودون ياكرآمَ علينَا أم قضى ذو الجلال ألا تعودوا )~.
زينب كانت تنادي الاطفال وتجمعهم حولها وتتفقدهم فإفتقدت طفلة لأخيها الحسين عليه السلام بينما هي كذلك و إذا بفارس يحوم حول الخيمة ، قالت : من أنت أيها الفارس ؟ قال : بعثني عمر بن سعد لأحرسكن سواد هذة الليلة ، فإختنقت زينب عليها السلام بعبرتها ، وقالت : أو بعد عين سيد الغيارى أبي عبدالله عليه السلام أنت الذي تتولى حراستنا أو بعد عين أبا أنت الذي تتولى حراستنا ...دارت وجهها نحو المشرعة تگله
يا كفيلي… بلا كفيل ولا حبايب
يا كفيلي… مدلّـلتكم عالترايب
يا كفيلي… بكربله شفت العجايب
زينب تبث شكواها للعباس هذه الليلة !!!
حارس خيمنا عالنهر ما يدري بينا~
اطفالي نامت عالترب خلّه يجينا~
يفرش كفوفه ظِلّ ويفيّي علينه~
قم ونادي يالثارات الحسين
يالثارات الحسين
يالثارات الحسين~
*يلا بعين القلب شوف امام زمانك ينصب خيمة عزائه عند خيمة زينب المحروقة*
جيت بدموعي والنحيب
انصب عزيه عالغريب
ابكي على الشيب الخضيب
ابكي مصيبة كربله
✵✵✵✵✵✵✵
ابكي على ام الخدر
وعماتي راحن باليسر
ما عدها والي ولا گمر
زينب سبيه بكربله
✵✵✵✵✵✵✵
ابكي الغريبه بلا خيم
ابكي التنوح من الألم
عين الشمر ليها سهم
هاي العقيلة مدلّـله
✵✵✵✵✵✵✵
خادمة آل محمد✍🏻
*ماذا تبكي بعد سيدي يا صاحب الزمان؟*
*بَــدَلَ الدُّموعِ عيونُكَ انْسَكبتْ دَما
حُــزْناً على مَــنْ قيَّدوها كالإِمـــا
بالسَّوطِ تُجلَدُ إِنْ دعَتْ حامي الحمى
فارفَعْ لِواءَ الثَّأْرِ يا بْنَ المُرْتضى..
*أَوَمِثلُ زينَبِكُمْ تُسبُّ وتُضْربُ؟!
وإذا حكَتْ يا بنَ الكِرامِ تُكذَّبُ !****
والكــلُّ يومِــئُ قائِلاً:"ذي زينــبُ"
بَعْدَ الحجَابِ فأيْنَ سَيْفُكَ يُنتضى؟ ش علي عسيلي
*فقُتل من قُتل وسُبي من سُبي…*
آهـ عليكَن يا بنآت الرسَآلَه مفجوعات مسبيات محزونات نائحات… فها هي الخيام اصبحت رمادا ، وبنات رسُول الله سُلبّوا ، و الملاحف إنتزعت والمقانع ، والمتون سوّدتها السياط وكعاب الرماح... و بنات رسول يندبن واجداه وامحمداه ...والرجال صرعى فوق الرمضاء مرملين بالدماء دون كفن او دفن او رداء …
وها هي ام المصائب زينب وحيدة و الخيام محروقة و الرحال منهوبة و العيال مسلوبة والاطفال جائعة ليس لديهن طعام ولا شراب~ ولا غطاء ولا فراش ولا ضياء ولا أثاث فأحدقن بالامام زين العابدين ع وهو بقية الماضين
فجمعت السيدة زينب عليها السلام الأطفال في مكان المخيم ، ولكن هذه تنادي أين عمي ؟ و تلك تنادي أين أبي ؟ أين إبن عمي ؟ أين أخي و شقيقي ؟
(ولسان احوالهن كل واحدة تبث شكواها لزينب ولسان حالها)
عمه زينب ... عالمتن آنه ضْربوني
عمه زينب… شوفي متني من وِلُوني
عمه زينب… جذبوا عباتي ويشتموني
عمه زينب… اللطمة من فوق المتون
عمه زينب… من البچي حمره العيون
عمه زينب… راحو اهلنا وما يجيون
خادمة آل محمد✍🏻
وبعض الروايات تنقل أن طفلة كانت تفرش السجادة للإمام الحسين عليه السلام ، تقول : لقد حضر وقت الصلاة مالي لا أرى أبي ، فتقول لها العقيلة زينب بُنيَة إن أباكِ في سفر بعيد ، ماسكتت الطفلة ؟ عمه متى يرجع ؟ هل يعود اليوم ؟ غداً ؟
.~( هل تعودون ياكرآمَ علينَا أم قضى ذو الجلال ألا تعودوا )~.
زينب كانت تنادي الاطفال وتجمعهم حولها وتتفقدهم فإفتقدت طفلة لأخيها الحسين عليه السلام بينما هي كذلك و إذا بفارس يحوم حول الخيمة ، قالت : من أنت أيها الفارس ؟ قال : بعثني عمر بن سعد لأحرسكن سواد هذة الليلة ، فإختنقت زينب عليها السلام بعبرتها ، وقالت : أو بعد عين سيد الغيارى أبي عبدالله عليه السلام أنت الذي تتولى حراستنا أو بعد عين أبا أنت الذي تتولى حراستنا ...دارت وجهها نحو المشرعة تگله
يا كفيلي… بلا كفيل ولا حبايب
يا كفيلي… مدلّـلتكم عالترايب
يا كفيلي… بكربله شفت العجايب
زينب تبث شكواها للعباس هذه الليلة !!!
حارس خيمنا عالنهر ما يدري بينا~
اطفالي نامت عالترب خلّه يجينا~
يفرش كفوفه ظِلّ ويفيّي علينه~
وننام بحما ابا الفضل هاي المسيه
آه آه وبعد أن جمعت السيدة زينب عليها السلام العائلة و الأطفال إنسلَّت جوف الليل تتخطى القتلى ، قتيلاً بعد قتيل إلى أن وصلت إلى ذلك الجسد المرضوض بحوافر الخيل وكاني بها رأت سوادة عند الجسد تنعاه وتنادي ولدي حسين (أعرفتها؟)فاقتربت واذا بها امها الزهراء جلست عنده تقبله و تشمه و تضمه وهي تنادي حسين يا حسين ~
وجدت سوادة عند الجسد تنوح لعلها الزهرااااا وتنادي واولدها واحسيناه وااذبيحاه~
تگله يا وليدي وحبيبي منهو حزّ ليك النحر
منهو الي گطع اوصالك وداسه يا وليدي الصدر
وين ثوبك الي تمزّق بحافر خيول العصر
جيت اضمدلك جروحك
واحفر بايدي القبر
------------------
*وكاني بزينب راتها تخضب وجهها من فيض نحر الحسين ع… ولسان حالها~*
خلني اعينك عالمصايب وعالأخو لحزّوا وتينه
يمه جيتك وجيت اعينك عالمحن آيالحزينه
تگلها روحي لابو فاضل عالشريعه وعاتبينه
گومي نتعنه ونشوفه
مرمي عالشاطي الگمر
----------------
*يلا مع زينب والزهراء راحن لعباس للعلقمي~*ولسان حال زينب*
تگلها يمه انت گِعدي عن شماله وعاينينه
وانه اگعد عالترايب يم اخويه عن يمينه
بلكن نركب زنودة ويحميه بچفوفه الظعينه
وسهم لي بعينه نشيله خل يشوف اخته بيسر
خادمة آل محمد✍🏻
وكاني بزينب اطمأنت الزهراء عند جسد الحسين ع تنصب مأتم العزاء وهنا تعود زينب وتحفظ ايتام الحسين ~~ عادت لتصلي نافلتها وتبتهل لربها ~
العقيلة زينب عليها السلام في تلك الليلة لم تترك صلاة الليل ، ولكن يقول : حُجَة الله الإمام السجاد عليه السلام : رأيتها تصلي من جلوس ، قلت لها : عمّه زينب أراكِ تصلين من جلوس ؟ فقالت : يابن أخي إن مصاب أبيك الحُسين هدّ قوتي… وكيف لا ينهدم ركنها من عاينت اخيها ذبيحا فوق الرمضاء تصهره الشمس بحرارتها دون غسلٍ
عتاب للخيل الاعوجيه.
.................................
طايح عالتراب حسين والينــه.
هــــا ياخيل بالج لا تسحكَينه.
..........................................
ها. ياخيل هونج عالولي ياخيل
مطبور اثنعش طبره التهد الحيل.
رمل الحومه .حار. ودمه حار يسيل.
شمخلي العطش بيه وتدوسينه.
..............................................
لوعندج كَلب جا ماسحكتي اعليه.
جا مو دامي صدره .بحافر تكسـريه
توه الشمر حز نحره الذبـح ماذيه
هذا حسين جنُّج مـــــا تعرفينه.
...............................................
لو منج. فلا امشي اعله وجه الكَاع.
ما. .أطب أرض بيها للحسين اتبـاع
انتي بسحك صدره والله صيتج ضاع
صرتي اويـالشمر. لــوعتي ابو سكينه.
............................................
ما..تدرين ياخيل العده اشناوين.
اجيتي ابكل شراسه ودستي صدر الدين.
لسّه ..بحافرج دم. وضلع .للحسين.
هــــــا ياخيل بسُّج ما...ترحمينه..
.....................................
غيـر انتي التجاسرتي اعله كل الكون.
ليش حسين .صدره من السحك مطحون.
يل ما. بيج .غيـــره وفزعـــه . للميمون.
من . دم .صاحبه .أمخضب تشوفينه.
......................................
حضريلج عذر باجـــر.يخيل .اويــاج
منهو .اللبسج حذوه .منو . الجاباج.
منهو .اعله الجسد يالقاسيه . دلاج.
ماظل بي عظم صاحي وتكسرينه.
......................................
✍ ابو منتظر الحجامي.2025
يزينب ودعيني و لليسر كومي
بده يومج يزينب من بعد يومي
................
بده يومج يزينب والسبي امحشم
اجاج وبالشمر لدموعج امحزم
وانه راسي اعله رمحه يبچي دمعه ودم
يزينب لوعثرتي اتعايني ارسومي
بده يومج يزينب من بعد يومي
.................
مثل خنجر شمر كل خطوه تذبحني
واعاين للهزيلة وچنها تسحكني
على جروحي وعلى صدري وعلى متني
ويرد حته السلبني ايسلب اهدومي
بده يومج يزينب من بعد يومي
...............
يزينب ودعيني وبالنحر شمي
تره مطشر يزينب عالترب لحمي
اتركي اوصالي لكن عيلتج لمي
مصيبة غُربتج اتزيد اهمومي
بده يومج يزينب من بعد يومي
..................
تره موبس حوافر يختي لجمتني
خيامج من شفتها وعشره داستنني
احس نار الخيام ابكلبي جوتني
چنت بعيوني اعاين صوبج وأومي
بده يومج يزينب من بعد يومي
..................
اوصيج برقيه وخوله واسكينه
يتامه وانتي جربتي اليتم وينه
تره الدنيا ابمصايب هدت اعلينه
بعتها الدنيا وبخنجر شمر سومي
بده يومج يزينب من بعد يومي
.................
اريدج خيمه صيري اعله العيال انتي
مثل كبل الطفوف وذبحي من چنتي
اميره وغير اميره ابلحظه ماصرتي
واذا ردتي ابدموعج للوكت لُومي
بده يومج يزينب من بعد يومي
................
خِطُوتج ملحمه صح مره بس حلوه
يرفعة راسي صرتي بالصبر قدوه
يضل من كبريائج كل صبر يقوه
و روحج حمامه اعلينه وتحوَمي
بده يومج يزينب من بعد يومي
..............زهير الابراهيمي
جت فاطمه الطف کربله
تبحث نعش عقد الوله
جلست کتر نعش الحسین
و اتقبّل ابدم الوتین
و اتگلّه یوليدي الحنين
آنه امّك الزهره 2
جيتك دليلي منفجع
يوليدي مكسورة ضلع
جيت اسقي نحرك ابدمع
آنه امّك الزهره 2
شو بعده نحرك دم يخر
و امكسّره ضلوع الصدر
انعي و دموعي چن جمر
آنه امّك الزهره 2
منهو الّي ذابح منحرك
امرضرضك و امطبّرك
الطولك اصد و اتحسّرك
آنه امّك الزهره 2
انظر خواتك تنسبي
حرگوا خیامک و العبي
و ابحسره صوبك اصطبي
آنه امّك الزهره 2
وين اخوتك يبني الرئوف
امجزّريهم بالسيوف
مدهوشه و اصرخ بالطفوف
آنه امّك الزهره 2
زينب شفتها حافيه
تمشي اعلى جمر الحاميه
و ایطگها شمر الطاغیه
آنه امّك الزهره 2
خادم خدمة الحسين عليه السلام
ناصرالبوعبيد
(في ليلة العاشر)
ياولينه ياولينه الليله زينبكم حزينه
...........
ليلة العاشر يزينب بالله هاي شلون ليله .....ياولينه ياولينه
بياجرح قلبج يسولف ياهظم صدرج يشيله
باجر بمصباح باجر تصعد الناگه الهزيله
مكسره الحسره بصدرها خاويه وكلش نحيله
وسفه يافخر الهواشم تنجتف مثل السجينه
.....................
شنهو حالج يالعقيله من مست هاي المسيه .... ياولينه ياولينه
باجر تروحين باجر للغرب زينب سببه
اجتمعت اعداء الرسالة وجيشت بالغاظرية
تطلب بثارات مرحب من علي حامي الحميه
سيوفها علينه شهروها بغضا بحيدر علينه
................
باجر بمصباح باجــر ينذبح بدر العشيرة ......ياولينه ياولينه
والله حيره شلون حيره وداع هاليله الاخيره
ليلة العاشر مآسي والاعادي بلا بصيره
ياحسافه تروح زينب للعدو الباغي اسيره
وتدري بأعداء الرساله گلوبهم غل وظغينه
.....................
شلون ياخيمه التلمها تحترگ باچر خيمها...ياولينه ياولينه
باجر الحره وحيده شلون والعيله شيلمها
والهواشم يالغياره بكربله نذبحت زلمها
بالبراري تبات زينب آه يالدنيا وألمها
من بعد عباس خولي يصير حداّي بضعنها
........
بليلة العاشر يزينب ابد ماغمض جفنها ...ياولينه ياولينه
تودع اخوتها العقيله تفكر بهمها ومحنها
الليله مضنوكه وحزينه الله ليفرج حزنها
الوطن عباس عدها وباچر تفارگ وطنها
قاسيه الدنيا بحكمها وللأسف جارت علينه
خادم أهل البيت
وسام عبد الجليل الركابي
ليش الاوداع
يخلص ابساع..وي النحبهم
واليحنون
مايضلون.. يبعد دربهم
آه ياليل..آه ياليل..آه ياليل
ــــــــــــــــــــــــــــــــــــــ
ودعوني..ولوعوني
واعيوني من كد القهر
تبجيلهم كامت صور
فاركوني فاركوني
آه يباجر الله ساتر
واحد يطيح اعله النهر
وواحد اشوفنه وذر
بالحوافر بالحوافر
من هسه خاصرتي ابتدت.. توجعني واتفحطني
الليله بأمان امدلله..وباجر حبل يربطني
باجر اهات
كله طيحات .. درب الاسيره
وعثرة ام عون
تعمي الاعيون..كلش جبيره
آه ياليل آه ياليل آه ياليل
ــــــــــــــــــــــــــــــــــــــ
كل حناني..ماكفاني
هالليله عيني امساهره
وكل امنياتي امطشره
يااماني.. يااماني
الدنيه هيمه.. عيني غيمه
لاني الغفيت ولاهدت
وأمن الاغروب اتفكدت
خيمه خيمه..خيمه خيمه
الليله الحسين وكافلي.. ابجي بالم سمعوني
واحد شبكني بخوته..وواحد مسحلي اعيوني
عندي خطار
مواهل دار..جنهم اخوتي
ابحيره ضليت
اشكد تمنيت.. ياخذني موتي
آه ياليل اه يا ليل
ــــــــــــــــــــــــــــــــــــــ
وجه الاكبر..الليله يزهر
وباجر عله الدنيه العفه
أمه بحبال امتجتفه
وهوه بالبر..هوه بالبر
وجاسم ادري..يحني ضهري
لمن يزفونه ابنعش
ماوصل عمره اخمسطعش
ايكسري..آيكسري
جاي أشعر ايقل الهوه..الياخيمه اطب تخنكني
واتصورت باجر شمر..كدام اخوتي ايطكني
والصور هاي
تبقه وياي..لآخر حياتي
صعدة النوك
وطبت السوك..آنه وبناتي
آه ياليل اه يا ليل
ــــــــــــــــــــــــــــــــــــــ
والاذيه.. ايعز عليه
عبدالله من هسه ذبل
ومن أمه ماخذني الخجل
وشبديه وشبديه
ريجه يابس..وكلبي حاسس
باجر يذبحه حرمله
ومن هسه جاي اتخايله
بس يرافس بس يرافس
طلعيت بره أمن القهر..واعيوني صدت عالتل
باجر اروحنله ركض.. واقره أعله اخوتي المقتل
واصرخ ادخيل
منهو الايشيل..حملي ابدالي
وين الإخوان
عكب الاحنان..ضايع دلالي
آه يا ليل آه يا ليل
ــــــــــــــــــــــــــــــــــــــ
لاتجيني..وتعمي عيني
ياصبح عاشر من تطر
جم ركبه يكطعهه الشمر
ياونيني ياونيني
احسيني باجر..ماله ناصر
يمشي ويميل أمن الضمه
وامنكعه اهدومه بدمه
يبقه حاير.. يبقه حاير
تتكاثر اعليه الزلم.. باجر حبيب الزهره
وكلهه تنادي عالاخو..ياشمر اكطع نحره
مايرحمون
من يصيرون.. وليه اعله اخينه
محد وياه
واحسيناه.. يابوالمحنه
آه ياليل اه يا ليل
ــــــــــــــــــــــــــــــــــــــ
والله حيره.. اشكد جبيره
باجر اذا طاح العلم
اتطيح المحامل والخيم
وامشي اسيره..امشي اسيره
اعيوني يعمن.. اركض المن
احمي الازغار امن السحك
السجاد اخلصه أمن الحرك
ميته احسن..ميته احسن
اركض احامي اعله العبي.. لو عن تراجي ارقيه
وحدي أنه وابنص معركه.. والسوط يضرب بيه
وتبجي الاكلوب
وكت الاغروب.. من كد قهرهه
عندي نسوان
وماكو خوان.. تحرس خدرهه
آه ياليل اه يا ليل
محمد الجماسي
#اللهم_عجل_لوليك_الفرج