8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
يوم عاشوراء
شحالهه الذبحو اخوها شحالهه
تشوف خيل ادوس صدره گبالهه
٠٠٠٠٠
تشوف جسم حسين اخوها الطاهر
گطّعوه بسيوف ظُهر العاشر
بصدره وبظهره انطبع چم حافر
شلون توصل والشمر يبرالهه
٠٠٠٠٠٠
شلون توصل خيل بينه وبينها
گبالهه طايح تشوفه بعينها
شصار بيهه شصار الله يعينها
بين اخوها محيّره وطفالهه
٠٠٠٠٠٠٠
تشوف شمر شلون حز اوريده
وشال راس حسين ينزف بيده
شبيدها وشتسوي هيه الوحيده
مذبحه عله الكاع كل رجالهه
٠٠٠٠٠٠٠٠٠٠
هاي زينب يالسئلتوا عليها
بچتل اخوها وبالسبي معذبيها
بجمر الخيام انچوت رجليها
تركض عله النار تحمي عيالهه
٠٠٠٠٠٠
بين خيل ونار تركض خايفه
تحمي الأطفال الرعب ماشايفه
جم اخو عالگاع ينزف عايفه
بلا ولي المحّد نظر لخيالهه
٠٠٠٠٠٠
هجموا عله خيامها وسلبوها
عاليتامه وعالحرم حركوها
جم يتيمه الشردت وسحكوها
رد سلب خدر الحرم چتالهه
٠٠٠٠٠٠
حسين ظل عله الثره مگطعينه
والكفلهه گطّعوا چفينه
وينهه باقي الهواشم وينهه
عالهزل راحت عكب كفّالهه
سيد زيد الفحام
محرم ١٤٤٧هـ
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
...............................
زينب ع مع اخيها الحسين ع ليلة العاشر من المحرم وجعل يوصيها بوصاياه ويخبرها مايجري عليه وعلى اهل بيته عليهم السلام عند الصباح
*
الليله احسين جاعد ويّ اخيته
اويخبر زينب ابساعة منيته
گعد يمها يوصّيها ابوصيته
باچرتنذبح كل اهل بيته
اويگلّلها العده توصل ثنيته
اويوصيها على ارقيه ابنيته
.................................
تگلّه يخويه اوياضوه العين
توصّيني ابّناتك والصبر وين
باچر لون جيش الملاعين
هجمت علينه الگوم صوبين
اوشبوانارهم وسط الصواوين
وين انطي يخويه الوجه لاوين
اضلن حايره ابجمع النساوين
لازم يبت حيدر تصبرين
اخاف اعليچ ياخيتي تضيعين
تسمعه اوگلبها انجسم نصين
انه امنين اجيب المرتضى امنين
يبويه الحگ اوشوف اوليدك احسين
وحده بگه اوماعنده امعين
س محمد زاهر الخطيب
#فزاعيه_للوداع_من_ديوان_مسير_الفواطم_ج٢
❥━──➸➽❥❂❥━──➸➽❥❂
باچر يطيحون الزلم
والوداع هالليله
❥━──➸➽❥❂❥━──➸➽❥❂
الليله وداع اخواني
وامصابهم هضماني
التمو بصيواني
وحسين لم العيله
❥━──➸➽❥❂❥━──➸➽❥❂
حسين لملم عيلته
وزينب الحره نادته
قبلت نحره وشمته
عدها هضم تشكيله
❥━──➸➽❥❂❥━──➸➽❥❂
عدها حزن عدها هضم
باچر الحره تنظلم
تشكيله بهموم والم
وحسين هدمت حيله
❥━──➸➽❥❂❥━──➸➽❥❂
هدمت حيله والگلب
وفراگه عليهه صعب
ويطيح باچر بالحرب
وما واحد ايتچيله
❥━──➸➽❥❂❥━──➸➽❥❂
محد يعينه لو وگع
هالليله توديع ودمع
باچر الحره تنفجع
واعضيدها تبچيله
❥━──➸➽❥❂❥━──➸➽❥❂
تبچي عليه تبقه وتون
عگبه تصير ام الحزن
وتتراكم عليهه المحن
تبچي ودمعها تسيله
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
لِيلَةِ الْعَاشِرْ بِچَتْ إِلْهَه السِّمَه
خَيَّمِ الْخُوفِ عْلَه عِيلَةْ فَاطِمَه
وِالْعَرِشْ حَضَّرْ سَوَادَه وْمَأْتَمَه
يِرْتِقِبْ طَفْ كَرْبَلَه وْزِلْزَالْهَه
----------------------------------
يَا وِدَاعِ اللِّيلَه مَا بِينِ الْخِيَمْ
وْلُو طِلَعْ فَجْرِ الْمِنِيَّه يَا أَلَمْ
بَاچِرِ تْضِيعِ الْيِتَامَه وِالْحَرَمْ
عَالثَّرَى تْعَايِنْ تِطِيحِ رْجَالْهَه
----------------------------------
زِينَبِ اللِّيلَه تِلُوجِ مْنِ الْقَهَرْ
گَاعِدِ وْيَاهَه يَصَبُّرْهَه الْگُمَرْ
وِالْحَچِي مْوَادَعْ يِهِدْ حِيلِ الدَّهَرْ
ضَاعَتِ بْلِيلِ الْهَضُمْ آمَالْهَه
----------------------------------
زِينَبِ اللِّيلَه تِصِدْ وَجْهِ الْغَرِيبْ
رَايِدَه تِشْبَعْ مِنِ عْيُونِ الْحَبِيبْ
هَسَّه يَمْهَه وْبَاچِرِ تْشُوفَه خَضِيبْ
ظَامِي يِتْوَسَدْ وِلِيهَه رْمَالْهَه
----------------------------------
تْگِلَّه بَاچِرْ تِنْذِبِحْ يَبْنِ النِّبِي
يْگِلْهَهَ إِي وِانْتِي يِشُوفِچْ أَجْنَبِي
حَضْرِي مَتْنِچْ لِلسِّيَاطِ وِلِلسَّبِي
عَالْحَرَايِرْ تِعْتِدِي أَنْذَالْهَه
----------------------------------
أُمْ عَلِي الْأَكْبَرْ دِهَتْهَه الْفَاجِعَه
تْعَايِنِ لْطُولَه وْجَمَالَه تْوَدِّعَه
لِيلَه تِبْچِي وْهُوَّه فَايِضْ مَدْمَعَه
لُو تِشُوفَه مْگَطِّعِينَه شْحَالْهَه
----------------------------------
جَاسِمِ وْرَمْلَه الْحَزِينَه تْشَابُگَنْ
تْشِمَّه وِتْگِلَّه يَضَيْ عِينِ الْحَسَنْ
حَضَّرِتْ ثُوبِ الْعِرِسْ لَا مُو چِفَنْ
وْبَاچِرِ الْأُمْ يِرْتِفِعْ وِلْوَالْهَه
----------------------------------
وِالرَّبَابُ امِّ الرَّضِيعِ وْمِحْنِتَه
تْشُوفَه نَايِمْ مَا يِحْرَّكْ رُگْبِتَه
چَنَّه مَيِّتْ وِالْعَطَشْ فَتْ مُهْجِتَه
يَابِسِ وْغَارَتْ عُيُونَه گْبَالْهَه
----------------------------------
#الوداع
#ليلة_العاشر
#محرم_١٤٤٧هج
الشاعر حسن خنافر العاملي
《《💔 قصيدة للمصرع 💔》》
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
فاطمه بالغاضريه تنادي
وين طايح يا عزيز الهادي
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
فاطمه تنادي ودمعها يصب دمه
حسين جاوبني آنه امك فاطمه
ليش اضلاعك ييمه مهشمه
يا حبيبي ويا اعز اولادي
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
توسطت ذيچ المعاره بهالظهر
تصيح يبني يا بعد كل العمر
طايح ومذبوح گلي بيا كتر
چا عضيدك وين وحدك غادي ؟
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
يبني صدرك هذا لو ساحه حرب؟
يمه شو من كل كتر دمك يصب ؟
وسهم المثلث مرد ليش القلب ؟
ما درو بفادك أهوَه افادي !!
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
عالرمل مچفي يروحي بنومتك
ما رعو هيبة أبوك و هيبتك
يا خبيث الحز يغالي رگبتك
ويسفي بجروحك تراب الوادي
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
يمه حاچيني اذا ضلّك نفس
صدگ يبني الظالم بصدرك رفس؟
كون صدري مهشم بحافر فرس
ولا عليك يصير هذا السادي
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
تگله يا سباح گلبي ومهجتي
شبّت النار بخيام إبنيتي
ما مصيبه الجرت مثل مصيبتي
إبني مذبوح وعدوي الحادي
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
حسين من سوده علي بهالمسه
نحرك الچان النبي يتنفسه
برجله صار ابن الحرام ويرفسه
و بالسمه جبريل گام ينادي
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
ذبحو حسين العزيز من القفا
ذبحو ابن الزهره وابن المصطفى
ذبحو ابن المروه والحج والصفا
واعلياه بذبحته ينادي
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
《 خادم عزيز الزهراء الحسين العطشان 》
◇جهاد البصيراوي◇
٩محرم١٤٤٧ه
في٢٠٢٥/٧/٥م
🥀
نهرٌ جرى فيه العقيقُ الأحمرُ
هل عادةً بالدُّرِّ تجري الأنهرُ؟!
عندَ الأصيلِ لدى السّماءِ تعجّبٌ
للّٰهِ دَرُّكَ أنتَ منها أكبرُ!
حلَّ الظّلامُ أيا سماءُ وإنّ ذا
جسدُ الحسينِ على الّرمالِ موذّرُ
لمّا دَرتْ ذرفَت دموعًا أنجمًا
فتساقطَت بدمٍ عبيطٍ تُمطِرُ
لهفي لمظلومٍ بقلبٍ ظامئٍ
ودماؤهُ من ألفِ رمحٍ تقطُرُ
فروى التّلال روى البسيطة كلّها
كادت لتُروى من دماهُ الأبحرُ
لَهفي لمسلوبِ العمامة والرّدا
برِدَا القنا يا أيّها المدّثّرُ
اللّهُ أكبرُ والحسينُ مخضّبٌ
اللّهُ أكبرُ إذ بسيفٍ يُنحَرُ
اللّهُ أكبرُ والخيولُ تجهّزَتْ
اللّهُ أكبرُ إذ أتتهُ الكوثرُ
سألوا الفضيلة "أين كنتِ؟ " فجاوبَتْ:
"في كفِّ عبّاسٍ أفوحُ وأُزهرُ"
والصّالحاتُ على الحسينِ تجمّعَتْ
كالنّائحاتِ ودمعُها يتحدّرُ
وهَبتْ له كلُّ العيونِ مدامعًا
بغزارةٍ تهمي لهُ إذْ يُذكرُ
شُغِلت قلوبُ العاشقين بذكرهِ
عشّاقُهُ في حبّهِ قد أبحَروا
نَذروا له كلَّ الصّدورِ وما حوتْ
جَنّوا فلا تعجبْ لهمْ، قد أُعذِروا
وشعارُهم في كلِّ أرضٍ كربلا
ونداؤُهم يا بنَ الحسينِ سنثأرُ
الحقُّ منتصرٌ وإنْ طالَ الصّدى
لا ريبَ نورُ اللّٰهِ حتمًا يظهرُ
/channel/hawraa_khalifah
عگيلي الليلة العاشره
زينب هاي الليله ابحسره
وابخيمتها ادموع او عبره
_____
الهن دويه الليله الخدّر
خافن . والدلال اتفسر
باچر موت او گطعة منحر
والكل باچر ينحز نحره
زينب هاي الليله ابحسره
_______
زينب تتلوه ابحسرتها
واحسين اتعنه الخيمتها
او عباس ايعدل شيلتها
او يمسح بل دمعات الحمره
زينب هاي الليله ابحسره
_______
گاللها احسين اعلي هونچ
لا تسفح دمعات اعيونچ
ما دامي حي ما يصلونچ
لا واقسملچ بامي الزهره
زينب هاي الليله ابحسره
_______
او كافلها ايحاچيها ابهِمه
زينب انتي اربات العصمه
برگبتي يا زينب ذمه
اليوصل حدچ اكسر ظهره
زينب هاي الليله ابحسره
_______
گلبچ لا يرجف يا زينب
مادامي حي فنه اليگرب
وانه المنّي مامش مهرب
من ازعل تغدي الطف حمره
زينب هاي الليله ابحسره
_______
كفي ادموعچ يابت حيدر
مصباح العاشر من ايطر
شوفي افعالي او گلبچ ينسر
من اركب لكحيله الشگره
زينب هاي الليله ابحسره
_______
نعمين اتگله ابكفالي
يل ماغيرك شاغل بالي
خويه اعذرني او اعذر حالي
كل خوفي لا ننگاد أسره
زينب هاي الليله ابحسره
_______
ابو فاطمة الطائي
لسان العقيله في هاذه اليله
ـــــــــــــــــــــــــــــــــــــــــــ
••اليله •••• اليله••
••اليله الله يعين گلبي اليله••
@ـــــــــــــــــــــــــــــــــــــــــــــــــ@
الـيله اخـر ليله اليـه وبيها لـمات الحبايب
باجر الدنـيه تفرهد ضحكتي وتبدي المصايب
ومـن بعد كـعدات اهلنه تصفه كعداتي بخرايب
وبـاچـر أتـغيم اعـليه الحومـه وأتمـطـر نـوايـب
*........*...........*......*..........*
•باجـر الـوحدي اضلن ماتصح چلمت يبوي•
•وباجر خيامي المصيبه يطبهن الجاتل اخوي•
..............*
•باجر الياصوب اروحن وستراح•
•وانه اشوفن تعبي بايكته الرماح•
••احچيله •• ••احچيله ••
••ياهو يفهم ضيمي حته ••احچيله••
•••اليله••••اليله•••
@ـــــــــــــــــــــــــــــــــــــــــــــــــــــــــ@
هـاي اول مـره احسن كلبي ميت وانـه عدلـه
اخ وال اخ أشتـخلص والـكلب مخـموش كلـه
اخ مـن باجـر يباچر بيه سوالف مـوش سهلـه
باجر ابن امي ذبيـح وكمر روحـي بعينه نبلـه
*........*...........*......*..........*
•والله ماضل حيل باجر هوه عايز ضيم گلبي•
•اشلون بيه كبال عيني يطشرون بذاكه تعبي•
..............*
•دمعـي يـم الغرب يـنزل باجر•
•وصدر اخوي اعليه مزاحم حافر•
••أثگيله•• ••أثگيله••
••هل موأقف فوگ حملي••أثگيله•••
•••اليله•••••اليله•••
@ــــــــــــــــــــــــــــــــــــــــــــــــــــــ@
بالـحزن متروسه روحي وحالي ابد مامستراحه
هـوه اليكـسرون گلـبه يمـوت بعيـونه صـباحه
الطير اذا مكسور جنحه يغـار من الهوى جناحه
انه مـطـبوع علـه گلـبي شمايـدك تكـثر جـراحه
*........*...........*......*..........*
•الينكطع سباح.كلبه يـكبرن اجروحه بـسكته•
•واليبيع اعيونه دمعه أتخرب ارسومه دمعته•
.........*
•أمبين المتعوب من اعيونه•
•أتجرحه كلش من تساله اشلونه•
••الميله•• ••الميله••
••تكسركبال الشماته••ألميله••
•••اليله••••••اليله••••••
@ـــــــــــــــــــــــــــــــــــــــــــــــــــــــــــ@
باچـر علـه الهزله اروحـن والدمع يجري عله خدي
وفـوگ ضيـم الـطف مـصايـب بـالسبي ويـاي تبدي
عـگـب كفـالـي وأخـيي اجـنبي بضــعونـي يــحدي
من الهضم مخنوكه روحي وبالوجع مكطوع جبدي
*........*...........*......*..........*
•انـه مـن هسه غـريبه اتخيلت اشلون حالـي•
•الجان عالي بزوده خدري باچر عله الرمح عالي•
...........*
•يـاهضيمه وصعبه بين الـوادم•
•انه امشي وكافلي يضل نايم•
••العيله•• ••العيله•••
••بعد جفه ابيش ارد••العيله••
•••اليله••••••اليله••••••
@ـــــــــــــــــــــــــــــــــــــــــــــــــــــــــ@
صرت من هسه اشوفن كلشي صار بعيني ليل
دنيا صارت حمره بالدم وانه احس مبيوكه حيل
بروحي عثرات ومناحه وخيل تشمرني عله خيل
يـاغـربتي ويـاوحشـتي الهـضم گـطعلي الـدليـل
*........*...........*......*..........*
•غأصه ومختنكه كلش والهوى برياكي نار•
•مفرفحه من هسه روحي اشلون باجر بالنهار•
...........*
•اشلون بيه وبيش اطيب اجروحي•
•ريت ويه امي انه طلعت روحي•
••الشيله•• ••الشيله••
•••رايحه اعكدها بوداع••الشيله••
•••اليله••••••••اليله•••••••
@ــــــــــــــــــــــــــــــــــــــــــــــــــ@
لخادم الحسين ع
#علي_الحموداوي
ياربي عجّل فرج القائم
......
چلمه الثار شكثر نحچيهه
وهل چلمه تجرح حيل راعيهه
زينب بعدها بأمل مهديهه
ضعون المشت مهدينه يحديهه
يًقيِننا بأنّهُ قادم
ياربي عجّل فرج القائم
......
عندك مخيّم ماطفت ناره
يل ماكو غيرك ياخذ بثاره
وعمّاتك اعله الهزله محتاره
وعبدالله الك ضل شابح انظاره
بوضعهِ ربُ الملا عالم
ياربي عجّل فرج القائم
......
يل شيّبتّك كربله وهمهه
وعينك دمعها اتفايض بدمهه
چبيره السوالف وانت التلمهه
بس ياهو يجمع جمرة اخيمهه
عليُ قد ابكاكَ والقاسم
ياربي عجّل فرج القائم
......
مصبوغه ايدك من دمه ادموعك
ونار المخيم لسعت ضلوعك
اتواسي رمله عالگ شموعك
طف ومحرم هذا موضوعك
ايتامكم في مجلس الظالم
ياربي عجّل فرج القائم
......
عمك يمهدي عللنهر طايح
ويسحگ حسين الجاي والرايح
يادم رقيه أمن المتن سايح
تنظرب وتنادي يبو صالح
قد شاخ من كان لنا خادم
ياربي عجّل فرج القائم
......
الشاعر محمد حسن ضيغم
/channel/kasaedalatharDaygham
من النهر ردّيت وأصفك بيدي
نهدم حيلي بحين راح اعضيدي
راح ... كلشي ابدنيتي
راح ... قلّة حيلتي
راح ... عفته اعله النهر اخوي
ـــــــــــــــــ
بلا فكر رديت امشي وذهني اصبح منشغل
حملي مال وحاير آنه راح اليعدل الحمل
الماله اخو شله بحياته وعمره
بالحرب مكشوف حتما ظهره
فوكَ راسي شابج آنه العشره
جرح اخوي الطاح والله شكبره
جيتج اتعثّر يزينب جيتج
بلا عمود اصبح اخبرج بيتج
راح ... وتهل دمعتي
راح ... قلّة حيلتي
راح ... عفته اعله النهر اخوي
ـــــــــــــــــ
ياعظم ذيج المسافه من النهر حد الخيم
الهامي تصعد نار هجره وتبدي خويه من الجدم
ساعه اكَعد ساعه امشي بنوحي
راح من عندي اليطيب جروحي
للنهر لا ما اكَلّج روحي
كل جوابي من تصدّي الروحي
آنه موذاك التعرفي اوصافي
فراكَ عباس الهدلّي اجتافي
راح ...عزّي وسلوتي
راح ... قلّة حيلتي
راح ... عفته اعله النهر اخوي
ـــــــــــــــــ
شلون انسه الشفته آنه ومن وكَفت اعله النهر
هيبة الكرار دامي وشفته متكَطع وذر
تفوح منّه غيرته المعروفه
وعسن عيني مرمي لا متشوفه
شفت صورة وجهي بين جفوفه
الصوره تبجي الدمع خط احروفه
نمت يمّه وبالنحر شمَيته
الزمت جفّه بلهفتي وحبيته
راح ... ومضة شمعتي
راح ... قلّة حيلتي
راح ... عفته اعله النهر اخوي
ـــــــــــــــــ
ردت اشيله للمخيّم وصاح لا أمن الكَلب
عذّباني بحين كَلّي خويه وأدموعه تصب
خويه خلّيني وأسمعه اتحسّر
ارجع وانظر الزينب مكَدر
ادري بيهه الجيّتي تتنطّر
ماي اجيبن للطفل والخّدر
وصيّه عندي ويبجي من وصّاني
تعّذر الزينب ولا تتناني
راح ... وشبّت جمرتي
راح ... قلّة حيلتي
راح ... عفته اعله النهر اخوي
ـــــــــــــــــ
اه ياذيج المصيبه وياجروح المشرعه
انطفت عينه بسهم ظالم والجفوف امكَطّعه
هامته نصين هدّت حيلي
راح من عندي ضواي بليلي
ها يدمه عليه بس دم سيلي
وصيحي صوت انفكَد والله اكفيلي
عين وحده هالسهم طافيهه
وعين الاخره جمد دم اعليهه
راح .... مخلص قصتي
راح ... قلّة حيلتي
راح ... عفته اعله النهر اخوي
ـــــــــــــــــ
الشاعر محمد حسن ضيغم
/channel/kasaedalatharDaygham
أذان المؤمنين .. حي على الحسين
حي على الحسين
@@@
اذن اذان المصرع ابعاشر هتف
وصلينه بالنعي ولطم وابكل شرف
توضينه من ماي البچي ولا ما نشف
وهنياله من للمولى بدموعه نزف
…
صلاة ابكل خشوع .. على نحر وضلوع
وتكبير الجازعين .. حي على الحسين
@@@
من مصرع العاشر عله صوت الجزع
ويلي على اللي اموذر وراسه انگطع
لا لا تلوموني اذا نوحي ارتفع
مولاي عالغبره ضمي جسمه انبضع
…
نوح وبچي ولطم .. لمهشم العظم
وباللوعه والحنين .. حي على الحسين
@@@
بداية المصرع صفه ابطگ الحجر
وبوجه ابوالاكبر نزف دمه انتشر
ولن حرمله بمثلثه چبده وذر
وثلثين چبده طلعه من الظهر
…
ولم الولي الارض .. مايگدر ينتهض
بمخضب الجبين .. حي على الحسين
@@@
ياشيعه هاللي تروحوا لجدامه فده
من طاح ينزف مالت اعليه العده
الله يساعد بت علي واتشاهده
مثل العواسل هالاعادي اتمرده
…
على الولي تطوف .. رماح وحصه وسيوف
وزينب تون ونين .. حي على الحسين
@@@
لو نحسب ابجسم الولي جرح وألم
بسهام متروس ابدنه مو بس سهم
وحده ولا حتى بگه راعي العلم
نايم على كتر النهر راسه انهشم
…
لا جاسم وعلي .. ينصرونه للولي
ضحايه مذبحين .. حي على الحسين
@@@
داروا على جسم الولي اهل الفتن
حد ما على الغبره طحِن جسم انطحن
هذا يطبره ابمرهفه وذاكه طعن
وهذا اليهشم ضلعه چن ام الحسن
…
ابسيف وطعن رمح .. فوگ الجرح جرح
لريحانة الامين .. حي على الحسين
@@@
ياناس من جاله الشمر في مصرعه
بس باقي منحر بوعلي چي يگطعه
وگلب الثكاله واخته لمن لوعه
برمحه الطويله هزله راسه وارفعه
…
زينب اجت تلوج .. ودم النحر يموج
يا گاطع الوتين .. حي على الحسين
@@@
علي أحمد الحمود
٥-٧-٢٠٢٥
المصرع
العاشر
ملا مشعل الهندال
الليله الوداع الليله
وحمول گلبي اثگيله
*
ليل اسود اعله عيوني
نازل أو غير لوني
كل اخوتي يودعوني
والمثلي ينهد حيله
الليله الوداع الليله
*
بين الخيم جمعتهم
زينب اجت حيتهم
بكسرة گلب نادتهم
باجر تضيع العيله
الليله الوداع الليله
*
الليله الحزن موضوعي
عالخد تسيل دموعي
وداعك حنالي ضلوعي
عباسها وتشكيله
الليله الوداع الليله
*
تسولف الك دمعاتي
ترجف رعب خطواتي
لو ضاعن بنياتي
والجيش تفزع خيله
الليله الوداع الليله
*
لو رحتو من يبقالي
يجمع شتات اطفالي
زينبكم إبلا والي
من الخيم أمشيله
الليله الوداع الليله
*
إصرخ يحيدر احضر
زينب وحيده بهل البر
ياهو اليحامي الخِدّر
وين اليحامي ادخيله
الليله الوداع الليله
*
الحجر صوب راسه
أسمع ونين انفاسه
بالحومه حافر داسه
الچان الوحي يلوليه
الليله الوداع الليله
*
علي محسن الفرطوسي
آخر ليله آخر ليله ويه حسين
آخر ليله آخر ليله ويه حسين
،،،،،،،،،،،،،،،،،،،،،،،،،،،،،،،،،،،
ليلة دمع يا كربله مختنگه بيچ الانفاس
بس باچر ويمشي الضوه وما يبقه اخوي العباس
باجر حسين الوحده وعلخيمه مامش حراس
ياهو اليعينه بغربته ما ظل رحم موتى الناس
هاي الليله مو نفس الليالي
ما اريد الصبح ياخذ دلالي
حچالي حسين عن باچر حچالي
ادري بكربله متخلي غالي
يا ربي ما يطلع فجر
وبعيني ما اشوف الشمر
حيدر بويه ،، حيدر بويه ،، ما باقين
آخر ليله ،، آخر ليله ،، ويه حسين
،،،،،،،،،،،،،،،،
يا حالة الما تنوصف يمي اخوتي وگلبي بنار
وجه الحسين يشع ضوه وباچر يصير الما صار
وجه الغفى بحظن النبي ويمسح عليه المختار
باچر يذبحونه العده بهالحاله ليوين اندار
اصد للمشرعه واندب كفيلي
يعباس الهظم هدالي حيلي
ينايم علنهر چا ما تجيلي
ما ينفع عتب وافرش شليلي
طول بعد ظل للابد
اتمنه تبقى بلايه حد
وابقه وياهم ،، وابقه وياهم ،، نور العين
آخر ليله ،، آخر ليله ،، ويه حسين
،،،،،،،،،،،،،،،،،،،،،،،،،،،،،،،،،،،،،،
ها يا رقيه ويه الابو هالليله حظنه مغطيچ
باچر يعلوية الرمل والنار راح تچويچ
باچر السوط من الخيم للنحر راح يوديچ
وتلگين ابوچ بلا نفس ومنظر ضلوعه يأذيچ
باچر خيلهم وسفه اعله صدره
والاف الرماح تريد نحره
حدره الدم صبح نهران حدره
يا أم الحسن وينچ يزهره
ابنچ ييمه لوحده
علغبره ما بين العده
راح الوالي ،،، راح الوالي ،،، يم حسين
آخر ليله ،،، آخر ليله ،،، ويه حسين
،،،،،،،،،،،،،،،،،،،،،،،،،،،،،،،،،،،،
عبد الله منك ما شبع هستوه گال ال بابا
الخايف عليه من الهوى باچر تشوف مصابه
يعطش لحد ما ينتهي أويسگونه بالنشابه
اليغفه اعله صدرك للاسف باچر يحظنه ترابه
ترجعه اعله الخيم وتشوفه أمه
ما ميت تصيح ابني وتشمه
يلرايح طفل بس راد زلمه
ها يبني ويريت عيوني تعمه
شفتك يذبلهه الضمى
يلغارگ ابحر الدمى
يبني الغالي ،،، يبني الغالي ،، رايح وين
آخر ليله ،، آخر ليله ،، ويه حسين
،،،،،،،،،،،،،،،،،،،،،،
يم رمله جاسم هلگعد وعيونهه تنظر ليهه
گللهه يا يمه الصبر والزفه لتأخريهه
عندي العرس چلمة شرف واجب علي احچيهه
دمي اعله تربه كربله هوه الذي يحنيهه
راسچ يرتفع لو ردني عمي
مستشهد بديه وفاض دمي
بنص ذاك القتال وچان همي
اسمع بس ردت هلهوله أمي
وفيت انه ابن الحسن
وزنودي ذني اتگطعن
گلبي وياكم ،،، گلبي وياكم ،،، يلماشين
آخر ليله ،،، آخر ليله ،، ويه حسين
،،،،،،،،،،،،،،،،،،،،،،
خانگني يا بويه الدمع كلما اشوف اخواني
صاح الحسين بعيلته واحد يودع الثاني
زينب اذا شفتي الشمر من الگفه ذبحاني
تبقه اليتامى بذمتچ راح امشي منهم اني
زينب للمصايب شدي حيلچ
لا يمچ اظل لا صح كفيلچ
ياهو اليسمع الونه ويجيلچ
يا نارچ ولا يبرد دليلچ
من كربله لشام الدمع
صوت اليتامه الينسمع
هاي الليله ،،، هاي الليله ،،، بس عدلين
آخر ليله ،،،، آخر ليله ،،،، ويه حسين
كلمات خادم الحسين
رعد الفريجي
ما دام بعدك يمي موجود
گبل الترب ميخرب الخدود
خليني اشبع شوف منك
گبل الحوافر لا يجنك يحسين بويه
------------------------------------------
ليلة العاشر تاخذ الروح
مذبوح باچر كلشي مذبوح
الليله الاخيره بعمري وياك
ظل يمي بويه حسين لتروح
نظرة عيونك تحچي الاوداع
شبساع ،، مو توه العمر ما طولينه
بس گلي هوه العاشر شضام ؟
والشام ،، باچر اخ باچر من يجينه
ما ادري باچر بويه الگاك ؟
بس گلي اخر يوم وياك ؟
هذا السكوت تموت چنك ؟
گبل الحوافر لا يجنك يحسين بويه
------------------------------------
خذني اعله حظنك يخنگ الليل
بالطف وداع ومدمع ايسيل
خوف بدليلي إيأمن وياك
باچر يبويه الوادم اتشيل
بس گلي آنه وياچ ونعيش ؟
اي ليش ؟ ما يمي تظل ونظل سويه
خافنهه الاخيره الليله وياك ؟
چا هاك ،، انت آخر حلم ظل الرقيه
الليله الاخيره الطولك وياي
هاي المصيبه وهاي دنياي
باچر أون بويه اعله ونك
گبل الحوافر لا يجنك يحسين بويه
--------------------------------------
ضمني اعله صدرك شده الفراگ
ضاگ الفضى وحتى النفس ضاگ
وجه الصبح من يلفي شيريد ؟
ياخذ دليلي وعمري ينباگ
بويه العزيزه اتريد الاحساس ،،
عباس ،، وانت وكل هلي ويمنه العقيله
جمعت اهل ما نفترگ دوم ،،
واليوم ،، هل جاي بظلامه ومالي حيله
سويلي چاره الرجفة الخوف
باچر اشوف نحور وسيوف
باچر تصير تراب چنك
گبل الحوافر لا يجنك يحسين بويه
--------------------------------
بلكي الظلام ايطول ساعات
وبحظن ابونه نأمن انبات
هليله يمنه وباچر شلون ؟
باچر خبر دمع اليتيمات
گوه الله حيلچ مات الحسين ،،
چا وين ،، لا والد بعد لا باقي خيمه
اركض للذبيح وشامت يگول ،،
شيگول ؟ جيبو حبال چتفوهه اليتيمه
باچر ورانه النار والخيل
ومنظر ذبيح اليهدم الحيل
لضلوعي الخيول الخذنك
گبل الحوافر لا يجنك يحسين بويه
-----------------------------------------
عاشور باچر يعني عاشور
گلبي الخشب والحرب تنور
كلهن بروحي اوموش بالريش
الما منذبح بالغالي مكسور
باچر الجربه امضيعه الچفوف ،،
والخوف ،، من يم النهر لرماد الخيام
نركض بواچي حسين ونصيح ،،
ونطيح،،يا سوط الشماته ايدگ بالاعظام
هاي المصيبه الماهي علبال
باچر بچف ابنيتك حبال
باچر بناتك يوصلنك
گبل الحوافر لا يجنك يحسين بويه
رعد الفريجي _ محرم 1447
ثوابها الى روح والدتي
يوم العاشر ما ناسينه
منحر وبخيل مأذينه
المذبوح ايضربونه حجار
الما ميت متعوفه النار
والنوب العايش سابينه
------------------------------------------
ميشوف الشوف
منشيل چفوف
ماي ومچتوف
عطشانه سيوف
عاشر ينوصف بانفاس تعبانه
من شوغة طفل بشفاف عطشانه
ظُهر يكسر ظَهر وعيون ذبلانه
خله بنومته الما لاطم ويانه
ما شاف الحسين بكربله الوحده
من طاح الگمر وچفوف ما عنده
ما عاش الوداع ولا لطم خده
من راح الحسين وما أله رده
من ماتو بالطف اصحابه
وطفله بظهره تصيح يابه
بس نسوان ودمع زغار
الما ميت متعوفه النار
والنوب العايش سابينه
---------------------------------------
منحر ذبلان
نار ودخان
ميت تعبان
مامش وليان
هونك يا گلب ما تحمل المنظر
يم حسين جيش امحزم وينحر ليش المات بله اعله الثرى اتطشر
من الخيمه وسمعنه اضلوعه تتكسر
كلهه اعله الحسين ومحد اينصره
هذا برمح صابه وذاكه اليجره
وهذاك السيف بيده ورايد ايطبره
مات وخيل جابو تسحگ ابصدره
يا عالم كافي من اضلوعه
يا چلمة اااخ المسموعه
هذا البلطف صار وصار
الما ميت متعوفه النار
والنوب العايش سابينه
--------------------------------------
علشاطي جنود
كافل ممدود
وبصفه الجود
هامه وعامود
بعدهم بانتظاره الهسه بالخيمه
حرم واطفال تنطر ساكنه الهيمه
يا عباس وينك ما ترد غيمه ؟
طولك علرمل يا گلبي يا ضيمه
گوم الماي عوفه الخوه مريوده
يمن چفي ابيمينك خويه مشدوده
ما نگدر نجيك الحومه مسدوده
نزورك من بعيد ونطلب العوده
سلمنه اعله الچف الطايح
مات الصوت ومامش صايح
ما ترجع يبن الكرار ؟
الما ميت متعوفه النار
والنوب العايش سابينه
------------------------------------
خوان أموات
نوح الاصوات
نار بخيمات
چا وين نبات ؟
ركضنه وما يصح من الضرب حامي
طفل (خايف) (وحيد) (بلا اهل) (ضامي)
اشوف السوط حار ويجلد ايتامي
واحس الالم بيه ايكسر اعضامي
حيره اشلون آلمّهُم جربه مذبوحه
ماي وعلرمل ياهو اليرد روحه
بين الضاع بالبر هوه وجروحه
وبين الداسه حافر ياهو اليلوحه
بين الما يندل من خوفه
بين المحروگات چفوفه
وبين الحافي وطفهم حار
الما ميت متعوفه النار
والنوب العايش سابينه
-----------------------------------------
لمونه اتراب
ميتين اغراب
حيل الشياب
بالروح امصاب
هدا صوت الحرب وحسين ما راجع
عليمن نلتفت ما نگدر انباوع
ابونه بلا جسد فوگ الترب ضايع
اليريد يموت ينظر نحره وينازع
ما نحمل واهلنه اعله الترب وسفه
نحشم بالكفيل وما يصح چفه
من گد التعب فوگ الرمل نغفه
حال اطفال مو مالت حرب ترفه
وين نروح ومامش والي
وتالي الشام وشنهي التالي
اسرى انروح اومو خطار
الما ميت متعوفه النار
والنوب العايش سابينه
كلمات الخادم / رعد الفريجي
ثوابها الى روح والدتي
هوسات
لحظة استشهاد الامام الحسين عليه السلام
خيال شاعر 💔💔
الملعون الشمر صاعد عله امتونه
يون ويطلب اميّه يسمعونه
بخاصرته برمح گامو يطعنونه
ويگطع براسه // مگلوب اعله وجهه
💔💔
چفي مچفي اعله وجهه امن الگفه ذبحوه
زينب يم اخوها وحشمت خلوه
وتسحگون فوگ جروحه عذبتوه
ادوس بجروحه // تلچم ليش اخيي
💔💔
اجت تركض وغطته بعبايتهه
والنسوان من الخيم تبعتهه
والخيل التجي وگفت وردتهه
لا تسحگنه // تگل للخيل ردن
💔💔
بچعب رمحه النذل بمتونهه طگها
هوت يم جثت اخوها وشبگ تشبگها
تهيس اچتافها المهظومه تحرگها
طب الرمل بيهه // اثاري جروحها
💔💔
ام محمد الحجاج
#من_ديوان_قربان_الطف_ج٣
قصيدة للوداع(وداع حسين)
❥━──➸➽❥❂❥━──➸➽❥❂
وداع حسين ماخلانه عيون
ازغار كبار هاي الليله يبچون
❥━──➸➽❥❂❥━──➸➽❥❂
الليلة للصبح نبقه اويه الاحباب
نتعاتب سوه والدمع سچاب
بعد ساعات كلها فوك التراب
وانه ابقه وحيده وگلبي محزون
❥━──➸➽❥❂❥━──➸➽❥❂
خلها لا تنام الليلة عيني
مهرك وحده باچر يجيني
وانه احتار بهمومي اونيني
ومن العطش كل اهلي يطيحون
❥━──➸➽❥❂❥━──➸➽❥❂
تعالن يا بنات حسين ليه
نودع احسينه بهاي المسيه
هذا اوداع اخيي للمنيه
ويرحون الغوالي وما يرجعون
❥━──➸➽❥❂❥━──➸➽❥❂
للعباس دارته نظرها
تگله اختك تحيرهه بأمرها
شلون تروح يا كافل خدرها
يوداعك عليه كلف ميهون
❥━──➸➽❥❂❥━──➸➽❥❂
گعدت اتصورك مگطوع الزنود
وگلبي بين حيدر صار ممرود
اذاني الدمع جرحلي الخدود
وليليه اون ما غضمت جفون
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
#نعي_گرناوي_للوداع_من_ديوان_عبرات_وانين_ج٣
❥━──➸➽❥❂❥━──➸➽❥❂
الليله وداع ويه اهلي المرحلين
وباچر لليسر نرحل سبايا
بينه اشلون لو سارو بالظعون
واحنه بس عله الله وعالعبايه
تگول اشلون اعوفنكم يولياي
وعالتربان متوسده الضحايا
متوسده الضحايا فوگ التراب
ونهر العلگمي شوحمر مايه
صبح لونه حمر من كثر الدموم
حتى النهر متغير برايه
خويه اعذرني لو عفتك عله الگاع
العدو ياخذني وامشي وهذا رايه
العدو يضربني ترضه خويه بسياط
ولارض الشام رايح عنده غايه
غاياته العده يذل زينب اليوم
مايدري علي اتجسد بهايه
زينب ماتهاب العده وارجاس
بت حيدر علي والدها الايه
لاچن الكسرها طيحت حسين
وهدت حيلها طيحت الرايه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
الشاعر الحسيني ظاهر حبيب الهليجي (لعبد الله الرضيع ع ملمع)
طفلٌ رضيعٌ نحري قطيعٌ
ما ذنب قتلي في كربلاء
*
عبد الله الرضيع انه يعرفوني
انه الايام عمري بنبله ذبحوني
ومن الماي يا هل الناس حرموني
سؤالي الآل أميه ليش نكروني
جدي محمد والكل يشهد
حسبي ونسبي اهل الكساء
*
أنه الطفل الذي أمه تون واتنوح
الردلها ابنها ابحضن أبوه مذبوح
نشغت للسمه ودم الدمع مسفوح
وبوي الشاف ذبحي وشاف دمي يفوح
القوم تظهر رمح وتفخر
فوق السناني رأس البراء
*
گطعوا منحري بنبلة حقد تسعر
وعله اسنان الرمح يتوسد المنحر
وبل بلدان راسي عل رمح يفتر
والشال الرمح فرحان يتبختر
خدي تريبٌ نحري خضيبٌ
لله اشكي هذا البلاء
*
بعدها امي مشت مجتوفه متأسره
ظل جسمي ثلث ايام عل غبره
طفل مذبوح والدم يابس بنحره
عله ارمال الطفوف الحيل مستعره
فارقتُ مهدي مأواي لحدي
في حضن سبط صرتُ الفداء
*
غداً قائم محمد يأخذ بثأري
من يعلن ظهوره بأمرة الباري
من كلمن ظلمنه وهوه بي داري
گدام الخليقه وتنطفي ناري
المهدي قادم للثأري عازم
والثأرُ حتماًُ تلك الدماء
🏴 ليلة العاشر 🏴
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
ليلة العاشر و زينب حايره
تگول بس هالليله آنه مخدره
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
باچر الغالي يضل أعله الترب
وهالمصاب إمنین أجیبله گلب
مابقت ساعات وتشب الحرب
وشمر الاحقاد يگطّع منحره
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
باچر الأكبر یگطعونه العده
والخناجر والسيوف تمرعده
يعين الله حسين وهو يشاهده
وأمه ضلت بالخيام أمحيره
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
شلون لو باچر يحرگون الخيم
لا يضل حسين لاراعي العلم
حسين گلبي وصوبو گلبه بسهم
بسحگ الخيول ضلوعه مكسره
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
شلون لو باچر ذبايح عالأرض
ياهو الزينب يثور و ينتفض
ولو إجه السلاب ياهو اليعترض
وآنه وحدي باليتامى أمرمره
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
هاي آخر ليله بيها ضي گمر
عمري مرّ لكن أضن باچر أمر
خويه خليني أبوسك بالنحر
إوصية المظلومه ذيچ الطاهره
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
ماكو نوم الليله زينب للصبح
چلمة العاشر على جرحي ملح
خويه ما أحملها باچر تنذبح
يگلها خويه الملتقى بالآخره
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
✨القصيدة مهداة الى روح✨
الخادم المخلص والمربي
الحسيني أبو يوسف
(والد الملا حمزه )
والى أمواتكم جميعاً
✨مع الفاتحه والصلوات✨
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
••جهاد ألبصيراوي••
يافرج الله يبن الحسن
ــــــــــــــــــــ
اخذ بيدي ولا تهدني ... عليك سهله مو عجيبه
بعمري صارحسين كلشي ...جرحي بس اسمه طبيبه
من عمت عين الّي ينسه ...بس ابو اليمّه حبيبه
واليزل جدمه اعرفك ... انت يالمهدي تجيبه
يافرج الله يبن الحسن
ــــــــــــــــــــ
بالمجالس ندري والله .... تدعي ويانه الفرجنه
يا ولي النعمه يمهدي .... بخيمة الزهره تلمنه
منزلتنه اجبيره لمّن ....يقترن بسمك اسمنه
وباجر اتكَل للزجيه .... هذا بالدنيه خدمنه
يافرج الله يبن الحسن
ــــــــــــــــــــ
ياغريب وهيمه ساكن ... بسمك ابديهه الرزيه
فدوه وفّقني الخدمتك .... اقسم عليك برقيه
يامن الطف باكَ حيلك ... وتبجي للراحت سبيه
خلّي كل همّي محرم ..ارد اعيش الغاضريه
يافرج الله يبن الحسن
ــــــــــــــــــــ
يا امامي وانه ادري ... عايش وياي المصيبه
بس تشوف اهلال حزنه ... دمعتك تجري سجيبه
تلطم الراس وتنادي ... عمّتي الحره غريبه
من بعد حامي ضعنهه ... بت علي تمشي سليبه
يافرج الله يبن الحسن
ــــــــــــــــــــ
بياجر دامي دليلك ....وياهو مثلك شاب راسه
خيام محتركَه يويلي ....مذبّحين يشوف ناسه
والحسين انداس صدره ...ياجدم ملعون داسه
نحر عبدالله اعله نحره ... شلون نحره النحره باسه
يافرج الله يبن الحسن
ــــــــــــــــــــ
الشاعر محمد حسن ضيغم
/channel/kasaedalatharDaygham
قصيدة عبد الله الرضيع عليه السلام تقره ثكيله ونزله
آنه امك يبعد امك يالمدلل
تدري الوالده بفگد الولد تنذل
يوليدي يعبدالله .. يوليدي يعبدالله
..............................................
ماصدگ غبت عني يبعد الروح
چنت يمه تطيب خاطري المجروح
عيني شلون صدت رگبتك مذبوح
اظل انعاك ماابطل عليك النوح
نوحي اعليك يبني لاتظن يبطل
تدري الوالده بفگد الولد تنذل
يوليدي يعبدالله .. يوليدي يعبدالله
........................................... ... 1
حزينه الروح بعدك يبني يالغالي
يمن كل لحظه وجهك يخطر ابالي
شلون انساك بيك معلگه آمالي
بعد عينك ييمه ما سكن حالي
والتفگد ابنهه بعده تتعلعل
تدري الوالده بفگد الولد تنذل
يوليدي يعبدالله .. يوليدي يعبدالله
............................................. ... 2
الك روحي تون كل لحظه ماانساك
ريت الموت يلفيني واموت وياك
ياسباح گلبي بعمري آنه افداك
رحت مني وحيده ابقه بعد فركاك
ومن فركاك يوليدي الجسد ينحل
تدري الوالده بفگد الولد تنذل
يوليدي يعبدالله .. يوليدي يعبدالله
................................................. 3
فركتك والله صعبه يابدر ليلي
آنه خلاف عينك منهدم حيلي
ردتك للكبر يبني تتچيلي
على غفله وخذاك البين ياويلي
يعبدالله الحزن بعدك فلا يرحل
تدري الوالده بفگد الولد تنذل
يوليدي يعبدالله .. يوليدي يعبدالله
... ............................................. 4
خذاك حسين مني ومااظن رجعه
شيفيد العتب والنوح والدمعه
اواسي بيك يبني الطاهره البضعه
وانولن بالقيامه منزله ورفعه
وشفاعة حيدر الكرار اتحصل
تدري الوالده بفگد الولد تنذل
يوليدي يعبدالله .. يوليدي يعبدالله
.............................................. 5
خادمكم مالك السعيدي
يل امكَضي اليالي ادموع .. وبالحسره كضّه انهارك
يمته اتشع علينه النور ... يمهدي وتطلب بثارك
ــــــــــــــــ
حياتك خلصت بألام ...وشيّب بالحزن راسك
وانت تعرف من اسنيني ... بهظمهه اتناطرك ناسك
بعد صوره خيم وضلوع ... ورايه وجف لعبّاسك
يومك ماكَرب يومك
سوده باقيه هدومك
اليشوفك والله ميلومك
ومن نار الخيم والباب ... تسعر ما طفت نارك
ــــــــــــــــ
يأآخر شمعه لا البيت ... عجيبه وبيت ماعندك
تنشّف دمعة المظلوم ... ودمعك ماترك خدك
الحنه ظهرك وهد الحيل ... ثلاث اعله الترب جدّك
تخلص الليل رايح جاي
تون من تسمع اسم الماي
عجيبه وزينب بلا راي
من نادت يبو السجاد .... رحت وراحت انصارك
ــــــــــــــــــ
منو الاكثر مرد جبدك ...الباب ومحنة الزهره
لو غصب الخلافه هناك ... لو محسنهه والطبره
لو سم الحسن واسهام ...رموا نعشه بأشد غدره
لو كربله وطاريهه
وحرم محّد يحاميهه
بقت من دون واليهه
نفس النار يوم الطف ... هي الشبّت بنارك
ـــــــــــ
بني اميه وبني العباس ....مارحموا علي وآله
سكَوا بالسم علي السجاد ... وولده وجفّوا ادلاله
وعلي الهادي تجرّع ضيم ....الظلم ضل يلحكَ اعياله
بمثل هل يوم سامره
والينه العده اتغدره
وابوك بهاذي شيصبره
خطاطير الخلك بس ناس ... وانت الضيم خطارك
ـــــــــــــــــــ
يمهدي العجل يامولاي ... دنيه بدونكم ظلمه
وكَلبك يمته جاوبنه ... يبطّل من كبر هظمه
اضن مثل امك الزهره ... خدك سيدي اتلطمه
يوميه يمر عاشور
بكَلبك والدمع مهدور
تصد باب وخيم ونحور
وتصد اعله الهزل نسوان .... تبجي وتجرح انظارك
ـــــــــــــــــــ
الشاعر محمد حسن ضيغم
/channel/kasaedalatharDaygham
ها ياشريكي بالهوه ... مغذّيني حب من المهد
روح احنه وحده تفصّلت ....ونص استقر في كل جسد
ابراهيم شاف بنومته ... يذبح اوليده واستعد
ياريت وحي الله يجي ... يالحسن واذبحلك ولد
لوبيدي ...مو الاكبر آنه ارخّص روحي
لوبيدي ...يالحسن بعدك جبيره جروحي
لوبيدي ..بلحدك ادخل كَبلكَ يخلّوني
لوبيدي ... ها يالمذوّبني خويه بنوحي
ـــــــــــــــ
اسمحلي ابوسن جبهتك ...هاي اخر اوداعك تره
يلّي بعيونك يالحسن ...اشكَد سوالف تنقره
يابعد اخوك وعيلته ...كَلبي اليون شيصبّره
تجبر خواطر اعرفك ...وتكسر حسينك خاطره
معقوله ....عشرتي تتبدّه هاي الليله
معقوله ... خويه غيرك ياحبيب اشكيله
معقوله ...شما تطب زينب تنادي بصوتك
معقوله ... الطشت عن زينب اخيتك شيله
ـــــــــــــــــ
ثنين احنه من سر فاطمه ...ونور الّي بينه من علي
سر ارد اوضحنه الك ... ياهيبتي وهيبة هلي
اعرف اشد اعمامتي ... بس عندي غايه اتشهدهه الي
تتعطّر بعطرك ردت ... ها ياحبيبي الاولي
تبجّيني ... شما اشوفنّه مكانك خالي
تبجّيني ... كلشي يرخص وانت وحدك غالي
تبجّيني ... عملمتي حين الاشدهه بروحي
تبجّيني ... شمعه ذاب ابمحنتك دلالي
ــــــــــــــــــ
يل ماشي لمّي فاطمه ... انطيني من صبرك صبر
اشلون بيّه يضل نفس ... حين الاشيعك للكَبر
نعشك احضنه بدمعتي ...وياكسرت الجام انكسر
وبيدي انزلك باللحد ...ارد ادفن وياك العمر
حاجيني ...ليش وحدي اتعوفني حاجيني
حاجيني ... بعازتك يالحسن وتخلّيني
حاجيني ...شفع جنّه وتر اصير اخلافك
حاجيني ...مااصدكَ تقبل اتبجّيني
ـــــــــــــــــــــ
طَلعت شمس عين الحسن ... انفتحت وبالهم حجه
لحسين كَلّه اتدنّه الي ...وكَوه على متنه انتجه
يمّي انت بس بكربله ... محّد الك خويه وبجه
وعن الخيم عن السبي ...واحد للآخر ما شجه
ياخويه .... باجر ابطف كربله يذبحونك
ياخويه ... عاري وبلا خنصؤ يعوفونك
ياخويه ...والخيم اعله الحرم تسعر نار
ياخويه ... بلاهوادج شمر يسبي ضعونك
ــــــــــــــــــــ
الشاعر محم حسن ضيغم
/channel/kasaedalatharDaygham
محرم 1447هـ 2025م
ليلة العاشر من محرم
وداع حسين و العباس هاليوم
يأذيني و دليلي اعليهم اهموم
.......
العقيله بيا وضع يا بويه حيدر
اخوتي بهالمسه بوداع يقهر
بَفَرَاگ اخواني گلبي شلون يصبر
بلا ولياني صعبه حيل مگدر
رضيت بهالقدر و ابقى بحزن دوم
وا ويلاه يا زينب
.......
يبويه شلون بيه حسين لو مات
بگلب زينب تظل للدوم لوعات
وابو فاضل فلا أنساه هيهات
على خوْتي تهل كل يوم دمعات
گلبي لو فكدهم حيل مالوم
وا ويلاه يا زينب
.......
زينب هالمسيه شلون يا حال
لابو فاضل كفيلي و الدمع سال
حالي بهالوداع و صعبه ينگال
يريت الليل يبقه و للأبد طال
لاجن هالقدر وياي ملزوم
وا ويلاه يا زينب
.......
لو راح الكمر و حسين يمشون
وحيده ولا كفيلي اوياي يروحون
وأنه أم الخدر و بهاي يدرون
فركتهم اخوتي حيل متهون
لو راحوا دموعي يسيل مسجوم
وا ويلاه يا زينب
.......
الحزن و افراك عندي بهالمصيبه
حزينه بهالوداع أصبح غريبه
ورضيت بهالقدر صبري اجيبه
بدليلي شكد قهر باقي بنحبيه
قضه ربنه بأمرنه اليوم محكوم
وا ويلاه يا زينب
.......
يبويه و حالتي صعبه عليه
اذا ظليت وحدي بهالأذيه
لاشد ساعة اودّع هالمسيه
اخوتي و النعم أهل الحميه
القهر حتماً يجيني هواي معلوم
وا ويلاه يا زينب
.......
مسيه يا علي و بيها القهر حيل
وحزن عندي و دمع عالوجنه ويسيل
الصبح يا ريته ما صبّح يظل ليل
ولا تضدنه اميه تعنتني بخيل
لجن امر الصمد هاليوم مبروم
وا ويلاه يا زينب
.......
مهيمن يوسف الموسوي
زينب أبين الخيم بحزانها
ليل الموادع صعب يخوانها
تمسح دموع الهظم بردانها
الليله صار أم الحزن عنوانها
مفجوعه وضلت محتاره
****
هاي زينب والدمع بعيونها
العطش جمره ونزل بجفونها
باجر اهل المكرمه يعوفنها
ياهو بعد الكمر يحدي ضعونها
والكافل عالشط بتاره
****
منين ماتندار تسمع نوحها
الليله زينب خاف تطلع روحها
كربله الخلت تزيد جروحها
جثه باجر عالثره مذبوحها
تفزع لخيمها اشجم غاره
*
باجر ابلا خيمه ويه عيالها
مايرد من النهر كفالها
تطلع بليل اهدعش وطفالها
الله يساعدها صعبه احوالها
ماتسمع عباس اخباره
.....
علي محسن الفرطوسي
طاح حسين بالميدان
طاح حسين بالميدان
@@@
امترب بالدمه مغسل .. طاح حسين بالميدان
مجرح دامي وامجدل .. طاح حسين بالميدان
وغسل ساحة المقتل .. طاح حسين بالميدان
وحده حاطته العدوان .. طاح حسين بالميدان
@@@
هذا يطعنه برمحه .. طاح حسين بالميدان
وهذا بخنجره ايجرحه .. طاح حسين بالميدان
وذاكه ابنيته ايذبحه .. طاح حسين بالميدان
ضامي مغسل ابدمان .. طاح حسين بالميدان
@@@
گوم الما بيها مروه .. طاح حسين بالميدان
ضامي شافته اتلوه .. طاح حسين بالميدان
بلا ناصر ولا خوه .. طاح حسين بالميدان
وعالنهر گمر عدنان .. طاح حسين بالميدان
@@@
ويلي والشمر جاله .. طاح حسين بالميدان
وداسه المولى بنعاله .. طاح حسين بالميدان
تالي مجابل اعياله .. طاح حسين بالميدان
يذبح رگبة العطشان .. طاح حسين بالميدان
@@@
صاح المولى يازهره .. طاح حسين بالميدان
والشمر يگص نحره .. طاح حسين بالميدان
وجبلت تركض الحوره .. طاح حسين بالميدان
وشافت خيها عالتربان .. طاح حسين بالميدان
@@@
صاحت خله انشوفه .. طاح حسين بالميدان
نودعه نقبل اچفوفه .. طاح حسين بالميدان
گلها لا ولا عوفه .. طاح حسين بالميدان
وشك ابمنحره لسنان .. طاح حسين بالميدان
@@@
صيحوا ويلي بوالاكبر .. طاح حسين بالميدان
جسمه ابمصرعه اتوذر .. طاح حسين بالميدان
وعشر اخيول تتحضر .. طاح حسين بالميدان
تريد اترضضه العدوان .. طاح حسين بالميدان
@@@
علي أحمد الحمود
٥-٧-٢٠٢٥
المصرع
الحسين
فزاعي
ملا مصطفى السيحه
واتوادعو زينب واخوهه
ميتين كل الدللوهه
گالتله ترجع بالسلامه
بس حست بنبرة كلامه ميت حسين
----------------------------
گالتله يبرالك علي يحسين اظل منتظره
گاللهه يم عون انتهت محروسه بأمي الزهره
گبل الموادع والتفت علمشرعه وكض ظهره
عباس گالاهه وبچى فگد الاخو شيجبره ؟
ظلت ام عون گبال الحسين
سكته الحرب وتسولف العين
آخر كلام ابين الاثنين
علزهره چان وعلوصيه
افتح قميصك خل اشمك
گبل السيوف وفيض دمك
صدرك اظن تكثر سهامه
بس حست بنبرة كلامه ميت حسين
------------------------------
صعبه الموادع بالحرب وآخر امل هو انته
من تمشي معناهه انسبي والسوط گرب وكته
حاچيني ما نرجع بعد والجاي الي اتخيلته
وحدي بحرب محد ألي والدمعه تنزل سكته
بس گلي للمره الاخيره
انه الچ يا زينب عشيره
گبل العدى وچلمة اسيره
گبل السياط اعله اليتامى
اخ المنيه بعينك اتلوح
خويه انتهت يحسين مذبوح
هلنظره للفرگه علامه
بس حست بنبرة كلامه ميت حسين
-----------------------------------
عباس طايح علنهر والترب خرب خده
شيرجع چفوف الگمر وسفه انذبح شيرده ؟
الما عنده بالشده اخو لا صدگ بلوه وشده
من عمت عيني اعله اليظل بالحرب حاير وحده
ياهو اليعينه وماكو فزاع
كل اهله صارو حصة الگاع
طيحة مطر شو طاحو بساع
بس وسفه ميتين وعطاشى
حال الغريب شلون عباس
اگعد لاخوك بولية الناس
طف الدمع صاير قيامه
بس حست بنبرة كلامه ميت حسين
-------------------------------------
نتوادع بارض الحرب وادريهه مامش ملگه
تروح واظل محد الي يحسين اظل مختنگه
خيماتك بنار البعد يبن أمي هلمحترگه
بنياتك يموتن ترى مومال ضيم وفرگه
تمشي وتظل مذبوحه الارواح
لا تلتفت لو تسمع صياح
صوت الگلب من الوجع طاح
فدوات الك روحي ودليلي
رايح يبعد عيوني للموت
المن بعد مبنيه البيوت
ودعنه للموت الشهامه
بس حست بنبرة كلامه ميت حسين
--------------------------------
راح الحسين وما ردت ارجع واطب للخيمه
وعيوني ركضن بالحرب وتراب كل الهيمه
ما واضح الضمه الترب يا ربي احفظه وديمه
ادعي الله والمدمع يصب آه يا دليلي وضيمه
راح وعليه ملتمه السيوف
تعمى العيون اتمنى متشوف
اخ المنيه اعله الولي اتطوف
ما ظن بعد يرجع واشوفه
راح وقريبه الصدره الارماح
ذباح يمه ايحاچي ذباح
ما ظن سلم نحره وعظامه
بس حست بنبرة كلامه ميت حسين
رعد الفريجي _ محرم 1447
ثوابها الى روح والدتي
يا ليلة العاشر يليله
ويانه ماظنچ طويله
هذا الحسين الحاظن بنياته
مضوي الخيام بوجهه وبشيباته
يا ليله
-----------------------------------------
لمة اهل ملتمين
عباس ويحاچي حسين
عبد الله غافي ومرتاح
ليهسه لا ما باچين
كل طفله يمهه الليله حامي
وبعده الگلب مو حيل ضامي
عباس چفه ايرد سلامي
ولامن رضيع ونحره دامي
كلهه بسلامه وعافيه كلهه بسلامه
وعبد الله نايم بالمهد محلى منامه
صوت الدعاء بكل ثنيه
وجسام متوسد أديه
وحسين ما أشبع من احچاياته
مضوي الخيام بوجهه وبشيباته
يا ليله
---------------------------------------
بنياتنه بهل الخيمات
يم الولي ملتمات
والرايه والجود بخير
ما خافن العلويات
بس الوقت ما طول بساع
ليلة العاشر ليلة وداع
يا كربله ها حاضره الگاع ؟
تسيل الدمى وتتكسر أضلاع
باچر مصيبه وفاجعه باچر مصيبه
باچر يصيحون العده زينب غريبه
باچر على التربان اخوتي
والتله تخنگ حتى صوتي
وين الكفيل اليرهب بصولاته
مضوي الخيام بوجهه وبشيباته
يا ليله
-----------------------------------------
بحظن الابو يحلى النوم
يرتاح حتى المهموم
خلو رقيه وي حسين
چنه الصبح گام أيحوم
خلينه وي اهل الحميه
يا ليل موت الغاضريه
هاي الزلم هاي المنيه
بعد الصلاه كتبو وصيه
الله اليحامي اعله الخدر الله اليحامي
باچر يذبحون السبط علرمله دامي
باچر وحيد وماكو ناصر
ومتحضره من هسه الحوافر
بدموعه راح أيودع وليداته
مضوي الخيام بوجهه وبشيباته
يا ليله
----------------------------------------
آخر مسى وراح يروح
وهسه الموادع مسموح
واعتلى الصوت بخيمات
مذبوح وَدع مذبوح
باچر الروح أتودع حسين
مو زين گلبي حسين مو زين
باچر زلم واطفال ميتين
يلفي العصر بس النساوين
طول علينه بهالمسى طول علينه
ما نحمل افراگ الولي مو تدري بينه
هالليله غالي ابصفه غالي
بس باچر الياخذ دلالي
عاشور يذبح جاينه بشوغاته
مضوي الخيام بوجهه وبشيباته
يا ليله
-------------------------------------------
أذن حسين وصليت
وعلقبله هيچ انداريت
يلزهره يمه وي الفجر
ذكريت ضلعچ ذكريت
الله اليعينچ عينچ تشوف
سحگ الحوافر گطع الچفوف
ضرب الرماح وذبح السيوف
باچر جسد بس ما هو معروف
باچر تصير الفاتحه ابنص الترايب
باچر حسين من الطعن يلزهره ذايب
تنعين يمه بهدوة الليل
وكل ونه تهدم روح والحيل
چان الحسين بحظنچ شمحلاته
مضوي الخيام بوجهه وبشيباته
يا ليله
كلمات الخادم / رعد الفريجي
ثوابها الى روح والدتي
هالليله وياي حسين
لمة أهل ملتمين
خيمتنه گاعد بيهه عباس
بليلة العاشر اصعب احساس
هالليله هالليله
***
وياي ابوي الغالي وياي
انسى العطش ما فكر بماي
اغفه اعله حظنه ويحچي بهداي
قرءان يقرا وبيده يمناي
هليله كلهم بالخيم اهلي وعمامي
هليله عباس الگمر للعيله حامي
خطارنا من اهل السمى
طه وعلي وي فاطمه
زارونه كل اهل السمه بكل الاسامي
تسبيح صوت الخيمات
ما خافن العلويات
غير الهواشم همه حراس
بليلة العاشر اصعب احساس
هالليله هالليله
*
هليله ما يلفينه كل خوف
يمنه الحسين الكله معروف
هليله بعد اعيونه تشوف
بس خاف باچر طيحت چفوف
خايف دليلي من الصبح لو يلفي لينه
وادم غريبه وكربله دارت علينه
شو خلصت كل الحچي
ما يسكت بعيني البچي
من هسه اصيحن كافلج يم عون وينه
گمت اصفن بوجه حسين
يمي وگلت رايح وين ؟
شماله الهوى ميعين الانفاس
بليلة العاشر اصعب احساس
هالليله هالليله
***
عباس ضاوي الخيمه منريد
تلفي الشمس من عدنه شتريد
صلى وضواه بكربله ايزيد
يا گلبي بسك هونك وهيد
عباس يا شمة هوى يا عازة الماي
بعيوني احچي ودمعتي لا تبعد هواي
وياي ظل وما أهم
يلتسوى ديره من الزلم
لا دنيا تسوى ولا عمر بس أبقى وياي
عباس يمحلي الگاع
ما أحمل وياك وداع
يا خوف گلبي ايشيب الراس
بليلة العاشر اصعب احساس
هالليله هالليله
***
عبد الله غافي الليله مرتاح
يا نور وجهه اتگول مصباح
مدري شحلم فز وگبل ناح
بس لا حلم باسهام ورماح
اسم اعله اسمك يلولد سالم يمدلول
ماظن عليل اليذبحك لا ساكن الچول
لوليتلك يم المهد
شتريد من اختك بعد
غمض اعيونك بالدمع صعبه الدللول
عبد الله ساعات وياك
نتوادع هنانه ؟ هناك ؟
ينذبح باچر كلشي ينداس
بليلة العاشر اصعب احساس
هالليله هالليله
**
ليله وتروح وتلفي الاحزان
مصباح عاشر فرگة أخوان
طيحت عزيز وگلب تعبان
كلشي بخيمنه ايموت ذبلان
من هسه حد وكت الظهر بالعاشر اوجاع
لون السمى بلون الدمى وتتغير الگاع
يا روح اي بعدچ روح
ها يلحسين المذبوح
باچر اريد وياه اظل ما ريد الوداع
عاشور ابد ما ينحمل
باچر سبي وضيم وچتل
شيبة حسين شلون تنجاس
بليلة العاشر اصعب احساس
هالليله هالليله
كلمات الخادم / رعد الفريجي