8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
▪️قصيدة الأنصار عليهم السلام
أَسِلِ الدُّموعَ على القبورِ وسلِّمِ
فالدَّمعُ أبْلَغُ من أحاديثِ الفَمِ
وازفِرْ عسى بالآهِ تخرجُ لوعةً
نشِبتْ أظافِرُها بقلبِ مُتيَّمِ
واهاً على تَفْويتِ نُصْرةِ مَنْ بِهِمْ
للضَّوءِ تستهدي نجومُ المِرزَمِ*
أكرِمْ بأبناءِ النبيِّ وهلْ ترى
في الدهرِ مثلَ بَنِيْ النبيِّ الأَكْرَمِ ؟!
هذا الحسينُ نَحَا الطفوفَ بثُلَّةٍ
عُدَّ الفتى فيها ببأسِ عرَمْرمِ
أهلُ الحفاظِ ، فأينَ عنْ حَلَباتِهِمْ
في كربلاءَ "ربيعةُ بنُ مكدَّمِ"**
وَرَدُوا عُطاشى للمنونِ كأنَّما
كانوا رِواءً وهْوَ لهفانٌ ظميْ
ثبتوا بعزْمٍ دونَ أدْنى وَمْضِهِ
يندكُّ منْفطِراً شُمُوخُ يَلَمْلَمِ
إنْ لَمْ أَكُنْ فيهمْ فهذي عبرتي
تجري على أجداثهمْ كالعَنْدمِ
أسمعتَ في الأحبابِ مثلَ حبيبهمْ؟
شيخاً ولكنْ عزمهُ كالضيغمِ
بينا يُقاتلُ راح يجري دمعَهُ
ويقيمُ للحوراءِ أعظمَ مأتمِ
لمّا رآها وهي تسْألُ فيهمُ
مَنْ ينصر المولى الغريبَ بلا حمي؟!
يا ليتَ ينظرُ حالها منْ بعدِهمْ
سُبِيتَ إلى الشاماتِ سَبْيَ الدَّيْلَمِ
حقَّاً حبيبُ ، لقدْ رأتْكَ مُعلَّقاً
ومتونُها السوداءُ تنضحُ بالدَّمِ
حقَّا حبيبُ على بعيرٍ ضالعٍ
حُمِلتْ تُشدُّ بجيدِها والمِعْصَمِ ..
*المِرْزَم : إسم لعدد من النجوم أشهرها المرزمان
**الحفاظ : الذب عن المحارم
ربيعةُ بنُ مكدَّم : أحد أبطال العرب الملقب بحامي الظعائن ، والذي حمى ظعنهُ حيَّاً وميتا.
***الدلاص : الدرع
الشاعر علي عسيلي العاملي
#الأنصار
#اللهم_عجل_لوليك_الفرج
#نعي
موقف ل زينب ع مع الامام الحسين ع في ليلة العاشر من المحرم مايخص الانصار وموقفهم في الدفاع عن حرم رسول الله وعن تضحياتهم دون الحسين ع والدين… لسان حال الحوراء ع
أنــصــارك يـبـو سـكـيـنـه شـفتهم
وعــن نـصـــرتــك هـم نـاشـدتهـم
خـــافـن يـخـــويـــه لـو ردتهـم
بـالـشـده تـعـــز الـــروح عــدهـم
سـمـع زيـنـب حبيب تسـولـف وگام
أخـذ سيـفـه أو گـف يـم راگ الخيام
الـعـزم بالله لأرد الـكـوفـه والشـام
ولا اخـلـي بنـات الـزهــره تـنـظام
طلع من سمع صوته وشافه الحسين
لـگـاه مـوچـب حبيب ويهـمـل العين
تـرخـصـنـي اوي زينب بـس چلمتين
احـاچـيـهـا وأهـي بـسـد الصواوين
نـقـل مـن صـحـبـة الــزيـنـب تحية
وسـلام الـبـت علـي حـامـي الحميه
گـاللـهـا الانـصــار بـهــل مـسـيـه
تـسـتـانـس بـطــــاري الـمـنـــيـه
دونــچ ودون أبـــن الـزچــــيــــه
سـلـمـنـي يـعـمـي اعـلـيـهـا كلها
انـصـار الـعـافـت الـدنـيـا واهـلـها
لاجــل حسـيـن ابـن سـيـد رسـلـها
بـاچــر بالـقـيـامـه نـوگــف الـهــا
ونـرد الـهـا الـفـظـل واحد بسبعين
نسألكم الدعاء
السيد حسين الياسري
الشاعر حسن لعيبي الحريشاوي:
( كعديه ) عن مسلم بن عقيل سلام الله عليه
باخلاص وعبوديه صنع ثوره حسينيه
مسلم مبدء ودين ماخذ من الحسين
بهلغيره الولائيه صنع ثوره حسينيه
مسلم المعروف أصله وهلطبايع هاشميه
انفاسه من عطر النبوه الرشف منها المنهجيه
الماخذ من حسين علمه والمبادئ حيدريه
للكوفه قاصدها ابعجل
يطوي الارض حد ماوصل
لوقصر ايكون ابخجل من كلفه بهاي القضيه
هاي الثقه الجانيها للموت يفخر بيها
حلف لوعنده الف روح لبو اليمه فده تروح
سفير وعاقد النيه صنع ثوره حسينيه
عن درايه وعلم سابق حسين مدروس اختياره
دز فقيه الكله تقوى يقود كلشي بكل جداره
عالم بتكليفه عارف لسانه متخونه العباره
حامل تعاليم وقيم
بسم الله من راح اعتصم
بعزمه الصعب فض وانحسم المسلم تلوگ السفاره
بهذا الحال مايقبل الوادم للاسف تنذل
يكلهم دنيا مدوم ماتنصف بشر يوم
بهلخطبه المثاليه صنع ثوره حسينيه
من وصل للكوفه مسلم جمع الكوفه بأهلها
حمل من حسين امانه وكل نواياه وشكلها
من بعد كثر الرسايل تنادي باسم حسين كلها
ابكل سجالات وطرح
كلشي تبين واتضح
بمنطق الحكمه صدح واضع الكلمه بمحلها
يريد الناس ماتندم وذله وجور تتعلم
يكلهم لاتندمون بوضع مؤسف تصيرون
يدرون بمساعيه صنع ثوره حسينيه
جمع الالاف مسلم واطمئن يكتب رساله
يخبر حسين بجمعهم والامر حتما صفاله
بعد ماصله بخشوعه يشكر الباري تعالى
لاچنهم اصحاب الطمع
واهل الظلاله والخدع
ماهمهم الدين انصدع. وترجع ايام الظلاله
من دار الوجه الهم ولاواحد بقه منهم
انقلابات وغدر ليش بيها الوادم تعيش
رغم زمره انتقاميه صنع ثوره حسينيه
روس للشر ماحصدها بالغدر فرصه رفضها
موسجيه وطبع عنده ولاعليه واحد فرضها
غدروا بمسلم وضاگت هلسمه عليه وارضها
فعل الغدر منهم صدر
خافي الحقد تالي ظهر
من اول السابع ظهر الحيدر اترجم بغضها
يريد وبالجفن دمعه يشوف حسين ويودعه
اهل شوفتهم يريد مسلم من بقه اوحيد
بجثه اصبحت مرميه صنع ثوره حسينيه
الشاعر حسن لعيبي الحريشاوي
(اصحاب الحسين ) على طورملا جليل الكربلائي گوم لينه ياعلي
رغم عدتهم قليله ذوله اصحاب الحسين
هزوا جيوش الثگيله ذوله اصحاب الحسين
مثل ظربوا بالطفوف بعزم هزوها الالوف
ذوله اصحاب الحسين
★★★★★
عابس أبوجه الشدد والحضرمي
كل بطل للموت اصبح ينتمي
الازدي والشيباني وي الهاشمي
محد يريد السلامه ويحتمي
بالالف واحد يقابل ذوله اصحاب الحسين
عن عقيده وحق يقاتل ذوله اصحاب الحسين
عابس بگلبه لهيب ونافع وجون وحبيب
ذوله اصحاب الحسين
★★★★★
ذوله اهل الموزمه واهل اليقين
يم ابو اليمه غدوا يسرة ويمين
شگد مواقفهم تحير الظالمين
وين مثل اصحابي گالاها الحسين
نصروا حسين وكلمته ذوله اصحاب الحسين
وذلوا الطاغي وزمرته ذوله اصحاب الحسين
زلزلوا جيش الخطير وهب والحر وزهير
ذوله اصحاب الحسين
★★★★★
والتقدم مايهمه من الامر
گصر هاي الساعه لوطال العمر
الينتظر دوره علحر من الجمر
والگضه نحبه وتوزم بالصبر
ارواح حَنَّت للمنيه ذوله اصحاب الحسين
ابطال يوم الغاضريه ذوله اصحاب الحسين
قرروا نفس المصير مسلم وقيس وبرير
ذوله اصحاب الحسين
★★★★★
أختصروا الچلمات وحدودالمقال
قبل اهل البيت يردون القتال
درع للمعصوم صاروا بالنزال
ولاخطر يوصل لبو اليمه محال
عن بصيره وعن درايه. ذوله اصحاب الحسين من سعوا صوب المنايا ذوله اصحاب الحسين
مانفع درب الصلاح رفعوا سيوف ورماح
ذوله اصحاب الحسين
★★★★★
قوس نافع بالسهم للشر يصيب
من تقدم للحرب هو وحبيب
أرواحهم محزونه من أجل الغريب
لويضل ابدون. ناصر لامجيب
تسارعوا لأجل المنيه ذوله اصحاب الحسين
لاقدس واشرف قضيه ذوله اصحاب الحسين
وعرفوا انوار الجنان تبدي من هذا المكان
ذوله اصحاب الحسين
الشاعر حسن لعيبي الحريشاوي
لو ردت درب النـجاة
واليفيـدك بالممـات
استـمـع زيـن
الباقِيات الصَّالِحات
والأهـم مـن هـل حيـاة
خدمــة حسيــن
----------------------------------------
عن مفاهيم الشعائر نفتح إكتاب
وأنتَ للرايد يمنعك حضر إجواب
گلّي يا خدمة التفعك يوم الحساب
الحاقد بهذا كلامـه يثيـر الأعـصاب
━━━❖✿❖━━━
جـاوب ولا لا تحير
گلّـه بـرهاني الضَّميـر
بيها ماشيين
برهنـتها المُعــجزات
والأهـم مـن هـل حيــاة
خدمــة حسيـن
----------------------------------------
يعني نفرض صدگينه بكلشي ينگال
گــالوا تبالــغ الشــيعة شگــد الأقــوال
حــدث العـاقل وخـذها كــنوز الأمـثال
ســيل إجت زوار چـــنهم مـاي شــلال
━━━❖✿❖━━━
عــن وهم لا ما إجـوك
وبعـددهم جنـنوك
بالملايــن
ما تغطيـهم قــناة
والأهــــم من هـل حـياة
خدمـة حسـين
----------------------------------------
يا من اتواسي الزّچيَّـة ومدمع اتهيـل
ممكــن بهذا طريـــقك دمـك يسيل
الخدمـة قربان اغـتنـمها وصير هابيل
وحنا عـدنا اليوم صاير ألـف قابـيل
━━━❖✿❖━━━
خلّي همّـك كربلاء
حتى لـو سالـت دماء
ثمن للديــن
لا تِــخاف المعــضلات
والأهـم مـن هـل حـياة
خدمــة حســين
----------------------------------------
صــدگ بــنعمة ولائك كلشــي مــيروح
والسِّتر درب الخدامة الـعافه مفضوح
ترتــبك لو غالي عندك شفــته مجـروح
بالله لو شفته الإمامك نحره مذبوح
━━━❖✿❖━━━
شنهو ردك وشـتگول
لو شفـت فوگـه الخيول
بالميــاديــن
قدم أرقى التضحيات
والأهــم من هـل حـــياة
خدمـــة حــسين
----------------------------------------
عندي إيمان وعقيدة وعندي الإحـساس
الدَّمع البخدك ينـشفه جـناح عبَّـاس
مــن تـدگ صـدرك تواسي الصّدره ينداس
وسكنـة تشرب ماي لمَّـن تشرب النَّـاس
━━━❖✿❖━━━
أنتَ لـو وزعــت ماي
يفــرح الكــافل إهواي
وأم البنيــن
لأن همـها إعله الضّمات
والأهم مـن هـل حـياة
خدمـة حسـين
----------------------------------------
الحـارب المشايـه أسألـك وينـه ها ويـن
گلّي هم مرقد بنولـه مثل الحســـين
لو إجـت ذكرت وفاتة اذكـره يا عـين
حسين والوالاه باقـي طـول السنين
━━━❖✿❖━━━
عاين وشوف الطّغاة
لا ذچر يوم الوفاة
بس الحسين
هذا محصود الثَّـبات
والأهم من هـل حياة
خدمـة حســين
-------------------&---------------------
بقلـم: أميـر الزبـيدي
يا دمعات
مسبيات
راحن ويـــن
عن حسيـن
----------------------------------------
بعد ما ذبحوا حسيـن وذبحوا إخوانه
عسكر توجه عليهن ذنّي ودعانه
وحدة صاحت بالمخيّم عمّـي عطاشنـه
وحدة سلبوها التراچي وهيّه تعبانة
━━━❖✿❖━━━
يا عمّاه
وآويلاه
بالصوبـــيـن
عـن حسيــــن
----------------------------------------
وحدة گالـت بالتّرايـب صعبة ممشاتي
وحدة نار الخيمة گالـت چوه اديناتي
وحدة نادت وين أبويه اليسمع آهاتي
وحدة تاهت بالمعارة تنادي عمّـاتي
━━━❖✿❖━━━
متغربــــات
محرومـــات
شوف العيـن
عن حسـيـــــــن
----------------------------------------
خافن أحچيها وأسولف خافن أحچيها
والحبل بالحرمة طابع جرّح إيديـها
آنه بس زينب أفكر منهو يحديـها
شافت الحرة مشاهد كلفة نرويـها
━━━❖✿❖━━━
يا لوعــــات
يا حســـرات
للماشيـــــــــن
عن حســـــين
----------------------------------------
آني سكنة وبالمشاهد روحي مجروحـة
مـثل ما ذبحوا الوالد روحي مذبوحة
والرّمح عالي وأريدك بويه مالوحه
أرد أسولفلك يبويه بدمعه مسفوحة
━━━❖✿❖━━━
يا مجـروح
يا مذبـوح
هاك اونيـــــن
عـن حسـيــــــن
----------------------------------------
هذا درب الشَّـام صاير مثل تابوتـي
آنـه ويّـه حسين أريدن ينحسم موتـي
حتى ما أشوفن سبيهن وأصرخ بصوتي
فوتي يا نار المُخيّم بالگلـب فوتـي
━━━❖✿❖━━━
بالـدَّلال
والآمـال
ليش البــــين
عـن حسـيــن
----------------------------------------
راح أگولن يا وداعًا راحوا أحبابــي
إحنا هم عنهم مشينا والدَّمع حابـي
آنـه ما سولفت حزني وشدة اصوابـي
وﷲ كـل هذا الحچيته بمطلـع اكتابــي
━━━❖✿❖━━━
يا شوغــات
منسيــــات
والجرحيــــن
عـن احسيـن
-------------------&---------------------
بقلـم: أميـر الزبـيدي
الانصار
باجر لو فزعنه نزلزل الكون
نكحلهن عيونج عمي يم عون
الكم خدم وانصار
فنه اليوصل الدار . احنه انصار الحسين
٠٠٠٠٠٠٠٠٠٠٠٠٠٠٠٠٠٠٠٠٠٠
باجر خل يشوف القاصي والداني
حسين دمي اليسري ابشرياني
باجر كل ارض ما تكفي ميداني
اخذي العهد مني و خادمج اني
عزيمه عدنه وصرار
فنه اليوصل الدار . احنه انصار الحسين
٠٠٠٠٠٠٠٠٠٠٠٠٠٠٠٠٠٠٠٠٠٠
عهد مني يزينب خلي اسمعنج
ام عون نموت بس مانبتعد عنج
ابشري بينه يا زينب اكللج
نعوفج هيج هذا يصير كل ضنج
لتسمعين الاخبار
فنه اليوصل الدار . احنه انصار الحسين
٠٠٠٠٠٠٠٠٠٠٠٠٠٠٠٠٠٠٠٠٠٠
نضحي بالنفوس نضحي بالغالي
احنه الما نهاب الموت منبالي
فده العينج يزينب روحي وعيالي
اسمعي خلي اكلج هذا مرسالي
بيها الكون يحتار
فنه اليوصل الدار . احنه انصار الحسين
٠٠٠٠٠٠٠٠٠٠٠٠٠٠٠٠٠٠٠٠٠٠
باجر راح زينب عينج الشاهد
لحد احر نفسنه بالدمه نعاهد
غير حسين ماعدنه ابد القائد
واحد زينب الله واحنه بي واحد
بيد الباري لقدار
فنه اليوصل الدار . احنه انصار الحسين
٠٠٠٠٠٠٠٠٠٠٠٠٠٠٠٠٠٠٠٠٠٠
المفروض احنه وكل اهالينه
مو بس العمر مولاتي ضحينه
اول بالشدد بالضيج تلكينه
كدها احنه يزينب زين تدرينه
الكم فدوه لعمار
فنه اليوصل الدار . احنه انصار الحسين
٠٠٠٠٠٠٠٠٠٠٠٠٠٠٠٠٠٠٠٠٠٠
كلمات: حسن صالح العيساوي
نعي فصيح ١٤٤٧ / الأصحاب/الشهداءالسعداء
💧💧💧💧💧💧💧💧💧
كلُّهم قد رحلوا بدماهم وصلوا
" إنَّ من جَدّ َ وجَد ْ"
كم أقرّوا عينَنا أمسِ كانوا بينَنا
فارقونا للأبد ْ
جالسٌ أبكي أنا كيتيمٍ ها هنا
خيرَ أحبابٍ فقَد ْ
بعضُهم دون أثر هكذا يحلو السفر
ذابَ في العشقِ الجسد ْ
صاحَ " جونٌ" و"ابنُ قين" يا مجانينَ الحسين
حبُّهُ أقوى مَدد !
"عمرو" من بعد "جُنادة " قد مضوا نحو الشهادة
والدٌ ثم الولد ْ
صرخةُ المولى الغريب أين أنتَ يا "حبيب"
بِتُّ وحدي في الشِدَد ْ
صاحَ عودوا من جديد ْ "نافعٌ" "جونٌ " "سعيد ْ"
أنتمُ نِعمَ السند ْ
قم من الموتِ "زهير ْ "مسلمٌ "و"ابنَ عُمير ْ "
عابسٌ قم يا أسد ْ!
أحرَقوا كلَّ الخيام أمطروني بسهام
ليس يُحصيها عدد ْ
خيرُ صحبٍ وجنود مثلَهم مَن في الوجود ؟
قلتُ حتماَ لا أحد !!!!
محمد طالب العاملي
غيمه وترعد الانصار بالحومه تصب امطار
زلزال وغضب بيها
...................
رعدت عالزلم بالحومه مخسوفه واحذهم شرد يتعثر بخوفه
رجليهم تشاهد جنهه مجتوفه
زلزال وغضب الانصار معروفه
وسيفه من يذبحك ابد متشوفه
خلو كربله تذكار
...................
صكت والبرق ضل بيها بس زلزال خيال اليطبها يصير مو خيال ومن فوك السيوف الروس ضل تنشال
نصبو بالجماجم والجثث تمثال
وفصلوها الجلود عله الزلم تفصال
طلعت عالمقاس وماكو بيها زغار
.....................
تمطر والمطر بالحرب صار رماح ماتسمع حجيهم بس تشوف الطاح
يكطع روس بيهم والمطر ذباح
وصارت بالمعاره نياح فوك نياح
قفلوها الحرب وبأيدهم مفتاح
صبن عالزلم بالحومه مثل النار
.........................
وصحت ابد و الغيوم مطاره
وغاره الي تطكهم فوكم غاره
وغركو بدمه مابيها عباره
الماميت يشوف الموت بكتاره
ضل هذا المطر لليوم اثاره
ترعد وبضواها تخطف الابصار
..........................
انصار الحسين حسين حياهم
محله الي يحبهم وهمه محلاهم
وبصحنه الشريف وياه خلاهم
وبدمه خلط للدين بدماهم
مالحضه ابد فد يوم نساهم
وخلده الزمن اسمائهم تذكار
..............
الشاعر
اياد الفرح المهدوي
مشاركه من الشاعر عبد الرضا ميزا جمعه
خدام سيد الشهداء عليه السلام
المجموعه الاولى
🏴🏴🏴🏴🏴🏴🏴🏴🏴
*مسلم بن عقيل "عليه السلام"*
*طور:الفائزي نعي+لطم*
*قومي يازينب انصبي المسلم عزيه*
*ذبـــوه من عالي القصر يالهاشميه*
قــومي ياخيه واسمعي هالخبر لقشر
مـــــسلم بــأرض كوفان طايح امعفر
عــظمه تهــشم والجــسد منه اموذر
*قِــطعوا كريمه والدمه تنزف جريه*
صاحت يـا خويه هالخبر والله فجعني
نــــغص علـــيّه عـيشتي وزيّد لحزني
كلـــساع ما بنته اجتني وعنه ناشدتني
*گلها ابعجل جيبي الحجري اليتيمه*
جـــابت الطفله والدمع بالخد غدران
صاحت حـميده شالجرى يا آل عدنان
چــــنه أبـــويه انذبح في أرض كوفان
*تـــدرون بــويه ياهـلي غالي عليّه*
ضــمها لصدره بو علي والقلب ذايب
وگلها يا بنتي ابكربلاء اتشوفي مصايب
كــــل العشيره روسهم فوق الحرايب
*وصدري يدوسه بالنعل ابن الدعيه*
وانچان مسلم كسروا عظمه الارجاس
عــظمي ياحره ينطحن وبخيل ينداس
وابــقى ثلاثه عالثرى من دون هالناس
*لاغِـــسل يـحصل لاكفن يابنتي ليّه*
~~~~~~
*خـادمة اهل
*زهـ✍🏻ـرا الحساوي*
يحسين تدري بهل يوم مسلم غريب الكوفه
............
يبن عمه يدير عينه
وحده ومحد يعينه
وهمه ماكل حيله
خانت الكوفه ابوعدهه
ناس ما وفت وعدهه
ظل وحيد ابليله
دار الوجه عنه ماهي اخوانه
والي اعتنب بالعهد خوانه
يبن النبي احضر ابميدانه
وياريت عباس وياه جفه يعين جفوفه
..........................
كون عباس وعمامه
تعتني اهل الشهامه
للكفو الخياله
من غربته الروح ونت
ياهله ولبنيته حنت
ودمعته هماله
اهل الغدر دارو اعليه داير
مسلم اسف ياهله ضل حاير
هذا الوضع بالخلك ماصاير
من حاطته اهل الشوم والعسكر وبصفوفه
..............................
الرجل لو گرب موته
طبعه يتنخه بأخوته
بالشدد والعازه
ياهله ومسلم الوحده
وشدته يحسين شده
اويا الجيش اتوازه
وچنه علي صولته بصفينهه
وطر الزلم مسلم ابصوبينهه
جن يمنته اهله ولاموصينهه
جنه علي وخله الجيش ميت ابكثر الخوفه
.................................
ياهله مسلم تحزم
صاح ياكرار ياعم
زودك امربيني
راح اطبن للمعاره
وجيشهم كله حياره
جني زود حسيني
لمن اطب ياعلي اعله الغاره
تاره رحت وارد بيهم تاره
جفي الك عمي چنهه اسراره
وصولاتي تشبه هاليوم لأيامك المعروفه
..............................
صال ياراعي الامروه
كوه فات اعليهه گوه
وما يدنگ راسه
آنه ابن الطبر مرحب
الجيش من دمه تخضب
يشبه العباسه
طبهه الكلف ما حد ادناله
وحال اليضد ياهله ابيا حاله
سطرت علي سطرته الجتاله
ورايات خصمه اللاگوه درت ركض ملفوفه
............................
لولا ما حيلة غدرهم
نشمي بجفوفه يجرهم
غدر ما گدروله
ياهله ومسلم فجيده
وين حيدر يالصميده
ياهله لحگوله
حملو الضعن يالحسين الكربله
وين الزلم لحگو مسلم ياهله
من الغدر مسلم اخذو ثار اله
ذبوه من قصر الشوم
ومجتفين اجفوفه
خادم اهل البيت علي الزرگاني
لطمية في رثاء حبيب بن مظاهر الاسدي
----------------------
يامظلوم
گوم اليوم
وصَّل حبيبِ الكربلا
----------------------
نادىٰ الهَواشِمْ دِنْهَضُوا وعِينُوني
لبسوا العَمايم واسرجوا ميموني
شيخِ الأَنصارِ ابكربلا يناديني
عندي خبر بينِ الأعادي يجيني
............
بين الگوم
ظَلِّ ايحوم
جاكُم عظيمِ المَنزِله
يامظلوم
گوم اليوم
وصَّل حبيب الكربلا
----------------------
جاهُ وتِنَاوَلْ رايته وهزَّاها
بين الأعادي بيها ظَلْ يِتْباهىٰ
هذي الأمانه الْسَيِّدهْ أَدَّاها
واگبلْ لَعِدْ فخرِ النِّسا وحاچاها
..............
صاحِ اليوم
طيرِ البُوم
يشبعِ الْحُومِ ابْكربلا
يامظلوم
گوم اليوم
وصَّل حبيب الكربلا
----------------------
گلْها يازينب هالعِدىٰ يِسْبُونچ
فوگ الهزيله بالسَّبي يمَشُّونِچ
شِمْرُ وزَجُرْ في كربلا يضربونچ
وللشَّامْ وسْطِ المَجْلِسِ ايدَخْلُونِچْ
..........
وين النوم
والمظلوم
راسه اِيبَاري العايِله
يامظلوم
گوم اليوم
وصَّل حبيب الكربلا
---------------------
گالت له وانتَ راسك اِيگطعونه
فوگ الفَرَسْ بالحَبِلِ ايعَلْگونه
كلما مَشوا بِخْيُولها ايْرِكْلُونه
راس البطل مگطوع وِيگَيْدونه
.............
والمظلوم
راسه يحوم
فوگ الرُّمُحْ نِتأَمَّله
يامظلوم
گوم اليوم
وصَّل حبيب الكربلا
----------------------
بس ما وصل دارت عليه اصحابه
گلهم دِسِمعوا يا لِيُوثِ الغابه
كِلكُمْ انصار ابن النبي وَاحْبَابه
تفدونه لو سهمِ الأعادي صابه
...........
والجيدوم
نادىٰ اليوم
خلُّوا علينا المرجله
يامظلوم
گوم اليوم
وصَّل حبيب الكربلا
----------------------
فاضل فتيل
الجمري
🌺🌺🌺🌺🌺
انشر تؤجر
(( أنصار أنصار ))
أنـصــار أنـصــار – لـحــسـيــن ويــعــــرفـــونّــــــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أحـنــه جـيـنــه بـكــل عـزيـمــه لـكــربـلـــه ... يـا حُـسـيـن
وهــذا جـيــش أيــزيـــد والله أنــزلّـــزلـــــه ... يـا حُـسـيـن
أنـصــار للــديـــن لـبـــن سـيــــد الــمــلــــه ... يـا حُـسـيـن
للـمـــــوت ويّــــــاك – خــلـيــهـــــــم يــذبــحـــــونّـــــــه
أنـصــار أنـصــار – لـحــسـيــن ويــعــــرفـــونّــــــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نـفــدي ألك والــديــــن هـــــاي أنـــحــــورنــــــه ... يـا حُـسـيـن
وكـربـلـــه تـشـهــــد يــبــن مــكــــه ومــنـــــــــه ... يـا حُـسـيـن
أشــحـــده جــيــش أيـــزيـــــد مــنــك لــو دنـــــه ... يـا حُـسـيـن
تـعـرفـنه الـسـيـوف – بـالـحـــومـــه يــشـــوفـــونّـــــــه
أنـصــار أنـصــار – لـحــسـيــن ويــعــــرفـــونّــــــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عـابـس أو جـــون وزهــيــر أويــه حــبـيـــب ... يـا حُـسـيـن
نـكَـلـب الــحــومـــه عــلـيــهـــم يــا غــريـــب ... يـا حُـسـيـن
نـنـصــر الــزهـــره يـبــن طـــــه الـحــبــيــب ... يـا حُـسـيـن
عـشـاكَــة الـمــــوت – بـالـدنــيـــــــا يـــســـمــــــونّـــــه
أنـصــار أنـصــار – لـحــسـيــن ويــعــــرفـــونّــــــه
أحـنــه أنـصــار الـرســالـه الـبـلـطـفـــوف ... يـا حُـسـيـن
أنـكَـابـل بـنـحـر الـشـهــاده هــالألـــــــوف ... يـا حُـسـيـن
حـتـى لـــو نـتـــوذّر بـحــــد الـســيـــــوف ... يـا حُـسـيـن
بالـسـيـف يـحـسيـن – مـيــهــــــم لـــو يــــوذّرونّـــــــــه
أنـصــار أنـصــار – لـحــسـيــن ويــعــــرفـــونّــــــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الـواحــــد بـمـيّـــه تــعـــادل ضــربـتـــــه ... يـا حُـسـيـن
نـقـســم بـحـامــي الـحـمـيّـه وطـبــرتــــه ... يـا حُـسـيـن
بـكــربـلـه الـيـدنــاك نــكَـطــع ركَـبــتـــــه ... يـا حُـسـيـن
فـرسـان هـالـجـيـش– فـنـهم لـو يــلاكَونّـه
أنـصــار أنـصـار – لـحـسـيــن ويــعـرفـونّـه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أيـخـلــد الـتــاريـــخ دمـنـــه أبــدفـتــــره ... يـا حُـسـيـن
وأحـنـه جـالـبـركـان نــار و مـسّــعـــــره ... يـا حُـسـيـن
أنـرجـع أعـلـه أيــزيـد بـالـطـف خـيـبــره ... يـا حُـسـيـن
تـفـجـرنه بـركـان – نـار ومـا يـــطــفــونّـــه
أنـصــار أنـصـار – لـحــسـيـن ويــعرفـونّــه
الشاعر السيد علاء الحيدري
قصيدة بحق انصار الحسين ع
زلم من ضهر ..دين و اراده
زلم وچدو.. درب الشهاده
منهو المثلكم .. عالي علمكم
_
واحدكم يعادل كتايب
شايبكم ايطر الحرايب
اصغركم ايهد النوايب
الگابلاكم تاه دربه
منكم يخاف و كاظ گلبه
من الله طاريكم نحبه
الف و النعم .. من هالبواسل
عزمكم كسر ..جيش الرذايل
انصار اسمكم .. و احنا اببختكم
_
ياهيل يا عطر السوالف
يا زود يابخت المضايف
ياهو المثلكم گبل شايف
يالسارين اگليب زينب
يالحار واحدكم و يلهب
يا كاسر الينقض على الضب
الف ياهلا .. بسور الهواشم
يدرع السبط ..يهل المكارم
ياروحه انتم .. و شگد يحبكم
_
من گلبت بطن المصادر
واگف حبيب ابن مضاهر
ما غايب ابن القين حاضر
عابس برير وذاك نافع
وذاك الرياحي الماهو ضايع
مسلم و جون اللي يدافع
و اسامي شكثر .. تحمل عقيده
الكتب موقفه ..من دم وريده
يالماكو منكم .. ولا من بعدكم
_
يجزيكم الله خير عنه
ذاك الغريب بگلبه ونه
الماشرب ماي و لا تهنه
الليل ما خذتو جملكم
ثوب المراجل لايگ الكم
بيضتوا الوجوه بفعلكم
اسود الوغا .. وجمر الحرايب
رجال انتخو ..لجل الأطايب
حاير خصمكم ..منهو اليردكم
_
لترابكم من رحنا فدوه
اليهوه مثلكم كون يهوه
يالعاشگين احسين .. گوه
صفوة مراجل ماخضعتو
للموت برض الطف ركضتو
لحسين ابو اليمه نصرتو
هنيئاَ لكم .. هاي الكرامه
يفوز الذي ..ينصر امامه
امبارك نصركم .. و احنا ابأثركم
الشاعر وسام خيون الغراوي
(( للعباس ))
ياحي ابو فاضل يوم الغاضريه
وسكينه تنتظره وتحشمه رقيه
راح وعزم لمن هجم شاف الكتايب
خله الزلم تردم ردم والموت واجب
دگ الخطر فوگ النهر شوفو العجايب
من حيدره ماخذ تره فـن الحرايب
لو شافه عزرائيل ياخذله تحيه
وسكينه تنتظره وتحشمه رقيه
هجمو عليه سبعين الف لتگلي بدعه
عباس ابن حيدر علي والكل تتبعه
من حشمته اسكينه ونزل كلها تسمعه
لمن نزل جيش الكفر فرهم باصبعه
صاح انه كل زودي من حامي الحميه
وسكينه تنتظره و تحشمه رقيه
عباس انه ولجل السبط ارخص دمائي
من المهد كاتب عهد لجله انتمائي
كاتب انه بسيف المجد هذا انتمائي
ولهل السبب دمي بقه وضل كربلائي
حتى اوافيها باجر للزجيه
وسكينه تنتظره وتحشمه رقيه
لمن برز رغم العدد وبخزرت العين
صاح بغضب يهل الحقد وين المفر وين
لا ماشبع يهوه الـرگب وبسيفي حدين
منذور انه من الزغر خادم للحسين
والخادم العباس خل تسمع اميه
وسكينه تنتظره و تحشمه رقيه
لمن وگع لجل الخدر والكل تشوفه
حيدر اجه يمه گعد ينعه ويطوفه
فوگ النهر گاعد بقه لا مايعوفه
هذا الذي من الزغر قبل چفوفه
معقوله ياعباس نايم عالوطيه
وسكينه تنتظره وتحشمه رقيه
لاتنسون والدي ووالدتي وابني عباس من الرحمه والغفران
خادمكم رياض الرسل الجابري
مرحبا بجية حبيب ابكربلا
-----------------
مرحبا بناصر أمير المؤمنين
وِلْرفع في كل حرب راية الدين
رخص عمره وماقبل غيرِ لِحسين
بالدِّما خطِّ الوفا والمرجله
( مرحبا بجية حبيب ابكربلا)
---------------------
من سمع لِحسين حاير بالطفوف
والعساكر حاطت اعليه بالألوف
هاج عزمه لجل ابو سكنه العطوف
گام مسرع بالعجل ودّع هله
( مرحبا بجية حبيب ابكربلا)
-----------------
وصل وادي كربلا وشاف الشهيد
وگال انا يحسين عندي اليوم عيد
إنت سيدنا وليك احنا عبيد
وهالأرض بمرك تصير بزلزله
( مرحبا بجية حبيب ابكربلا)
------------------
رايه عظمى صارت ابّاب الخيم
لجل ناصر النبي رمز الشيم
شيخ لنصار الصبح للحب علم
حضن سبط المصطفى أُوقبّله
( مرحبا بجية حبيب ابكربلا)
----------------
گال انا روحي ومالي وكل هلي
بطوع امرك يا شبل حيدر علي
ولجل بنت الطاهره ماتبتلي
جاه من زينب سلام وياهلا
( مرحبا بجية حبيب ابكربلا)
-------------------
بالفرح ردّ التحيه والسلام
وگال يامخدّره ويابنت الإمام
راح افني هالعمر لجل الخيام
ولا تروحي فوگ ناگه مهزّله
( مرحبا بجية حبيب ابكربلا)
---------------
گالت الله ياحبيب إبهالغريب
گال مايحتاج انا خادم مُجيب
راح ايصير الشيب بالنصره خضيب
وجثتي فوگ الصعيد امجدّله
( مرحبا بجية حبيب ابكربلا)
-------------
خادم اهل البيت : عبدالرضا ميرزا جمعه الجدحفصي
#من_ديوان_قربان_الطف_ج14
قصيدة لحبيب بن مظاهر الأسدي(سجل اسمي)
❥━──➸➽❥❂❥━──➸➽❥❂
بدفتر حسين وخدمته ... سجل اسمي يا حبيب
❥━──➸➽❥❂❥━──➸➽❥❂
بسجل زوار ابو اليمه ... سجل اسمي يا حبيب
الضحه لأجل الدين دمه ... سجل اسمي يا حبيب
كل سنه يخليني اخدمه ... سجل اسمي يا حبيب
لدعوتي هوه المجيب
❥━──➸➽❥❂❥━──➸➽❥❂
ابقى طول العمر خادم ... سجل اسمي يا حبيب
وانصب اعليه المآتم ... سجل اسمي يا حبيب
ياملك كل العوالم ... سجل اسمي يا حبيب
ولجرح گلبي طبيب
❥━──➸➽❥❂❥━──➸➽❥❂
بيك اتوسل وانادي ... سجل اسمي يا حبيب
طالب من ايدك مرادي ... سجل اسمي يا حبيب
اعليك امشي النبي هادي ... سجل اسمي يا حبيب
والگضه بالطف غريب
❥━──➸➽❥❂❥━──➸➽❥❂
انته التسجل الخدامه ... سجل اسمي يا حبيب
الخادم اتعلي مقامه ... سجل اسمي يا حبيب
گضه بالمجلس ايامه ... سجل اسمي يا حبيب
ينعى لحسين الحبيب
❥━──➸➽❥❂❥━──➸➽❥❂
من اگصده أبأربعينه ... سجل اسمي يا حبيب
الناس كلها معتنينه ... سجل اسمي يا حبيب
اليبچي والرايه بيمينه ... سجل اسمي يا حبيب
تسجل الدمع السچيب
❥━──➸➽❥❂❥━──➸➽❥❂
اله زوار انتعنه ... سجل اسمي يا حبيب
يالضريحه چنه جنه ... سجل اسمي يا حبيب
گبره لا مانمل منه ... سجل اسمي يا حبيب
الجرح بالحضره يطيب
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
«على طور نار بدليلي تسعر- للأنصار»
يا من نخــيت أنصارك
كلهم رهـن بتارك
يا سيّدي الوفايـة
رفعوها تدري الرَّاية
كلهم رهن بتارك
----------------------------------------
هاك إستلم يالوالي
هذا العهد نوفيله
هذا العهد مرسومك
هاي المعارك ساعة
بس الجنان اطويلة
من تنرسم بدمومك
لا تعتقدنا انعوفك
وبحيله يشتد حيله
كلمن يشوف همومك
━━━❖✿❖━━━
يا أغلى من الغالي
يا وآلي وابن الوآلي
من الدِّليل احچاية
رفعوها تدري الرَّاية
كلهم رهن بتارك
----------------------------------------
يم خيمتك وفاية
صاحوا يمن بسفوحه
ربّك وضعها أسراره
هاي الشهادة اتريدك
يعني الرّگب مذبوحة
والدَّم صبح يتجاره
باچر نخط بالساحة
محد تعز بي روحه
مامش نفس محتارة
━━━❖✿❖━━━
والبينا صاح وكبر
سيف الفوارس ينجر
منهو اليشحلك مايه
رفعوها تدري الرَّاية
كلهم رهن بتارك
----------------------------------------
جون وحبيب وعابس
وياهم الشَّـيباني
هاي الكلافة الكُبرى
كلهم إلك وفاية
يا دُرة الرَّحماني
يا بن علي والزَّهرة
شنهو الجيوش إگبالك
لالا تظن انعاني
رغم العدد والكثرة
━━━❖✿❖━━━
كل واحد امن أصحابك
قبل مداس ترابك
إحنا الندگ الثاية
رفعوها تدري الرَّاية
كلهم رهن بتارك
----------------------------------------
يا زينب المحتارة
يخت الكفل والحامي
نامي برغد بالخيمة
منهو اليعوف إخوانچ
منهو اليعوف الضَّـامي
وسط الدَّمع والهيمة
هاي الزّلم ملهوفة
ونعرفه باچر دامي
مامر عليچ بضيمه
━━━❖✿❖━━━
هاي الزّلــم يالحـرة
ما خانت ابـن الزَّهرة
هاي الزّلم عنـاية
رفعوها تدري الرَّاية
كلهم رهن بتارك
----------------------------------------
هذي الحرب مضمونة
ما بيها واحد خاسر
بيها النصر والقمة
ونعاين إحنا بهاية
من يلفي يوم العاشر
روح العزم والهمة
هذا السّـرد هندامه
ناصر يحشم ناصر
هذا التّغطى بدمـه
━━━❖✿❖━━━
هذا العشگ وفعاله
حتى الذَّبح يحلاله
بس الحُسين الغاية
رفعوها تدري الرَّاية
كلهم رهـن بتارك
-------------------&---------------------
بقلـم: أميـر الزبـيدي
«لسان حال السَّيِّدة رملة (ع)»
جرح ما يقبل ايطيب
لون عن أمك اتغيب
ييمّه وحزني يكثر
----------------------------------------
يـيمّه وساعة اوداعك أحس دلالي يلچمني
أريدك تگعد إگبالي تسولفلي وتكلمني
ييـمّه بداعة حسينك شنو ذنبي وتخاصمني
إذا عندك وقت كافي اخذ آخر خبر منّي
━━━❖✿❖━━━
اخذ من عندي جرحين
جرح دلالي والعين
ييـمّه وحزني يكثر
----------------------------------------
يآخر ما تبقالي يـــأوَّل ما لگت عيني
ييمّه وحسرة الضامي إذا ترحل تلاگيني
أطيح بخارج الخيمة أطشر تعبي وسنيني
وأصيح بصوتي للعالم أريد اوليدي يلفيني
━━━❖✿❖━━━
وأريدك ترجع اشوف
سواد عيوني والخوف
ييـمّه وحزني يكثر
----------------------------------------
أخبرنك يبن روحي أخبرنك على إحساسي
أخبرنك خبر عاجل أخافنك چنت ناسي
لـون تـبعد يمحبوبي لـون تبعد ينوماسي
بعد ما تلهب الخيمة تتطيح ويحترگ راسي
━━━❖✿❖━━━
ييـمّه ولا رِدت هـــاي
تتـطيـح الخيمة فوگاي
ييـــمّه وحزني يكثر
----------------------------------------
أشوف بكربلا أحزاني وشوف بكل كتر ناعي
يمن بجروحك جروحي ومن أوجاعك أوجاعي
عمّك خانوا بروحه من دزوله ألف ساعي
عمك منهدم حيله للـما نصروا ايداعي
━━━❖✿❖━━━
أهم من عندي الحسين
أريدك ترهب البيـن
ييـمّه وحزني يكثر
----------------------------------------
شگلك بآخر همومي شگلك من يسلبوني
بحبل لفوهن چفوفي لونّي أعثر يضربوني
أصيحن ما يراعوني يسبوني ويشتموني
أگلهم قاسم اوليدي ولا چنهم يسمعوني
━━━❖✿❖━━━
وأشوفك يبني مذبوح
جسد عالغبرة مطروح
ييـــمّه وحزني يكثر
-------------------&---------------------
بقلـم: أميـر الزبـيدي
«السَّيِّـدة زينب (ع) تخاطب نسمة الهواء لإخبارها عن العباس (ع) بعد ذهابه إلى الحرب»
__
حاچيني يا نسمة هوى
شنهو الجرى لكفيلي
من دمعتي گلبي انچوه
راح ومرد دليلي
أهمل بالدَّمع، حيرني الوضع
شنهو الجرى لكفيلي
----------------------------------------
يا نسمة هوى جيبـيلي الأخـبار
تـره گلبـي انمـرد وموجـرة النَّـار
هضيمـة بـنت علـي بالونـة تحتـار
أعايــن للسمـة ودمـوعي تنهـار
━━━❖✿❖━━━
وين اللي دگالي الصَّدر
وتكفل الظعينـة
خلاني وحدي أنتظـر
متحيّـرة وحزينـة
يم شاطي النهر، يجرحنـي الخبر
يهدملي وﷲ حيلي
أهمـل بالدَّمع، حيرني الوضع
شنهو الجرى لكفيلي
----------------------------------------
معقولـة أنسـبي وآنـي العقيلة
مكفولة وصفيت آنــي الكفيلة
أمشــي إعـله الجمر لا مستحيلة
ويلـوح الأرض دمعي الأسـيلة
━━━❖✿❖━━━
وبكربلا حار الثَّـرى
وشلون إذا مشينا
گولي لكفيلي بالجرى
خل يسرع ويجينـا
يالعينك سمـة، ماكـو أي ضمـه
لا نوحي لا عويلـي
أهمـل بالدَّمع حيرني الوضع
شنهو الجرى لكفيلي
----------------------------------------
گليلـه بـقت زينب تنـاطـــر
عليـها مـو سهـل لمّـن تغادر
على شاطـي النَّهـر تعمى النّواظـر
وآنـه أدريبـه ما يكسرلـي خاطـر
━━━❖✿❖━━━
يرجعلي أحلفنه بعلي
أخته وعرفه يرجـع
متعودة إعله ادّللي
ما يقبـل انهـل مدمـع
أبقى أنطره، سبـع الگنـطرة
لو ما رجـع يويلي
أهمل بالدَّمع، حيرني الوضع
شنهو الجرى لكفيلي
----------------------------------------
وگليلـه بقـت بالحيـرة زينب
گلبها إعليك يالكافـل تعذب
على التَّلـه وأناطر يمتـى يگـرب
حال الفاگــدة للإخوة يصعب
━━━❖✿❖━━━
تصعب عليّه فرگته
ميته إذا ما أشوفـه
كل حين أقبّل جبهتــــه
لراسي يحط چفوفـه
لا لا مو صدگ، عنّه أفترگ
نرجع سوه اندعيـلي
أهمل بالدَّمع، حيرني الوضع
شنهو الجرى لكفيلي
----------------------------------------
يعمّة الماي وينه تصيح الأيتام
ومدامعهم عليّه مثـل السّهام
الطفل لاذ بعباتي عن الآلام
وأنا شحتار بيهم لو بالخيّام
━━━❖✿❖━━━
محتارة أطفي بالخيّم
لو أنقذ اليتامـة
ألزم طفل تصرخ حرم
چن صارت القيامـة
حالي آ يـحال، ما يصوره بال
انهاري أشوفه ليلي
أهـمل بالدَّمع، حيرني الوضع
شنهو الجرى لكفيلي
----------------------------------------
أخوك حسين بعدك يحني ظهره
ما شايفتـه وﷲ بهيچـي كسـرة
عن حسين أخبرك بالينطـره
بعد عينك تدوس الخيل صدره
━━━❖✿❖━━━
وأختك يكافل تنسبي
تقبلها يابو الغيرة
وحادي ظعنها الأجنبي
ايحيرها وسط الحيرة
من بعد الكلام، للكافل سلام
معذور لا يشكيلي
أهمل بالدَّمع، حيرني الوضع
شنهو الجرى لكفيلي
-------------------&---------------------
بقلـم: أميـر الزبـيدي
يابويه راح اموت من القهر يابويه مارجع منك خبر
هايه يابويه اني حميده بويه لا تنساني
------////------
اختنق كلبي بغيابك والهضم بجاني
سيف هجرك مارحمني يذبح بوجداني
بس تطول الفركه اكثر بالكبر تلكاني
بويه من رحت راح النظر يابويه مارجع منك خبر
والله مشتاقه اشوفك بويه وينك وينك
بس تعال انطيك عيني فدوه عيني لعينك
راح اموت شوكت ترجع يا سفير حسينك
لا تظن انا ودليلي لا تظن ناسينك
يابويه يذبح بروحي الدهر يابويه مارجع منك خبر
هاي ابويه ارجع واخذني مهجتي مجموره
ليش يابويه عفتني بلا ابو مقهوره
ارد اروح وياك حتى صيطي ياخذ دوره
ليش بس اولاد مسلم واني مامذكوره
يابويه ذبل عيوني السهر يابويه مارجع منك خبر
ما اجتنا اخبار منك راح اموت بقهري
والله ماادري اتاني لشوكت ما ادري
خايفه بس لا ابويه هيجي يخلص عمري
كمت انام على التراب كمت انام بكبري
يابويه دمعتي مثل المطر بابويه مارجع منك خبر
هاي ابويه شلون رايك ماترد للتالي
مادريت انمرد جبدي وانمرد دلالي
انتظرتك وانتظرتك بويه حس بحالي
محد يعوض مكانك ضل مكانك خالي
يابويه فقدك يذوب الصخر يابويه مارجع منك خبر
رحت وين ما اصرع غيابك رحت وين
حميده ما كلت بعدي رحت وين
عم بنتك يا ابو الغيره رحت وين
جنت خيمه الي وطاحت عليه
وحسبي وكيل الباري بغيابك وحسبي
طلع كلوب كل ظني وحسبي
على راسي اليحط جفه واحس بي
اكسر خاطره ويعطف عليه
----////---
كلمات الشاعر علاء الجعفري
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الشاعرة ام ذو الفقار إلمانيا
❤️ @kjhgkkb
خادمه الزهراء الملا أم حسن السراي
❤️ @hasanAbas100
⚡️قناة أهل البيت (ع) للمواليد
❤️ @ahlulbayta
كلمة الله
❤️ @t999gil
إرشاد القلوب
❤️ @shjgbbgdsju
العباس باب الحوائج
❤️ @alrbeaae92
النعي والرثاء لمجالس سيد الشهداء
❤️ @AL_Nay_and_Alrthaa
ريــآحيـــن فآطـمـهہ🌿🕊
❤️ @nasayimaymanih
ذكر الامام علي بن أبي طالب (عليه السلام)عبادة
❤️ @qwpaslzmx
ادعية ايام الاسبوع
❤️ @dsjjdgsb
العــشـق الـمهـدوي
❤️ @avkq1
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
اجمل صور
❤️ @Afubxev
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
🕊 هـــ🔖ــــمســة_امـــل 🕊
❤️ @hamsat_amal
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
الشاعره ام علی المالكي
❤️ @typkj
الشاعرة العلوية الموسوية
🌹@alweyaamosaweyarrrr2626
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
قصص وعبر ... 💙
🌹 @methakamad555
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
قصص علماء العرفانين
❤️ @alarfan
لقاء العاشقين
❤️ @jkhkll
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة فقه النساء
❤️ @fakhh1
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
مشاركه من القارئ السيد محمد صولي
خدام سيد الشهداء عليه السلام
المجموعه الاولى
لطمية في رثاء حبيب بن مظاهر الاسدي
----------------------
يامظلوم
گوم اليوم
وصَّل حبيبِ الكربلا
----------------------
نادىٰ الهَواشِمْ دِنْهَضُوا وعِينُوني
لبسوا العَمايم واسرجوا ميموني
شيخِ الأَنصارِ ابكربلا يناديني
عندي خبر بينِ الأعادي يجيني
............
بين الگوم
ظَلِّ ايحوم
جاكُم عظيمِ المَنزِله
يامظلوم
گوم اليوم
وصَّل حبيب الكربلا
----------------------
جاهُ وتِنَاوَلْ رايته وهزَّاها
بين الأعادي بيها ظَلْ يِتْباهىٰ
هذي الأمانه الْسَيِّدهْ أَدَّاها
واگبلْ لَعِدْ فخرِ النِّسا وحاچاها
..............
صاحِ اليوم
طيرِ البُوم
يشبعِ الْحُومِ ابْكربلا
يامظلوم
گوم اليوم
وصَّل حبيب الكربلا
----------------------
گلْها يازينب هالعِدىٰ يِسْبُونچ
فوگ الهزيله بالسَّبي يمَشُّونِچ
شِمْرُ وزَجُرْ في كربلا يضربونچ
وللشَّامْ وسْطِ المَجْلِسِ ايدَخْلُونِچْ
..........
وين النوم
والمظلوم
راسه اِيبَاري العايِله
يامظلوم
گوم اليوم
وصَّل حبيب الكربلا
---------------------
گالت له وانتَ راسك اِيگطعونه
فوگ الفَرَسْ بالحَبِلِ ايعَلْگونه
كلما مَشوا بِخْيُولها ايْرِكْلُونه
راس البطل مگطوع وِيگَيْدونه
.............
والمظلوم
راسه يحوم
فوگ الرُّمُحْ نِتأَمَّله
يامظلوم
گوم اليوم
وصَّل حبيب الكربلا
----------------------
بس ما وصل دارت عليه اصحابه
گلهم دِسِمعوا يا لِيُوثِ الغابه
كِلكُمْ انصار ابن النبي وَاحْبَابه
تفدونه لو سهمِ الأعادي صابه
...........
والجيدوم
نادىٰ اليوم
خلُّوا علينا المرجله
يامظلوم
گوم اليوم
وصَّل حبيب الكربلا
----------------------
فاضل فتيل
الجمري
🌺🌺🌺🌺🌺
انشر تؤجر
عهداً ياعباس حد گطع الانفاس
وي حسين بيوم العاشر وي حسين
><~><~><🔸><~><~><
نقسم والقسم شاهد عليه زينب
نثبت الدين باجر والكلب يصلب
مثل زبر الحديد احنا وفلا نتعب
على الصعبات واحدنا ربه مدرب
وهالتاريخ اليوم
نخط والحبر ادموم
ننطي العين ومانتراجع ننطي العين
وي حسين بيوم العاشر وي حسين
><~><~><🔸><~><~><
نصير دروع لجلك ترخص الارواح
عدنا الموت عيد وتزهد الارواح
بيك الحق ذكرها بدقه الالواح
انصرني يا حسين الحق الك من صاح
صحنه وياك بصوت
لجلك نهوه الموت
للطيبين نضحي دمانه للطيبين
وي حسين بيوم العاشر وي حسين
><~><~><🔸><~><~><
و لو متنا وحينه ومتنه الف مره
ولو ضدنا صبح هالعالم اباسره
الك يحسين دمنه لبى كل كطره
والله يحب كلمن ينطي الك عمره
من الذر نهواك
نموت نعيش وياك.
نور العين بيكم ننضر نور العين
وي حسين بيوم العاشر وي حسين
><~><~><🔸><~><~><
الك يحسين نذر كل احنا انصارك
وفده اتروح اهلنا سيدي الدارك
ثار الله انته الله اختارك
وهنياله الصبح بلااخره جارك
هنياله الولاكك
شيعه وماننساكك
انت الدين وكل تفسيره انت الدين
وي حسين بيوم العاشر وي حسين
><~><~><🔸><~><~><
مثل صحبة علي وي طه صاحبناك
ومثل مالك الاشتر وي علي وياك
ومثل مسلم فداك بروحه هم نفداك
اِقبلنه خدم ياسيدي برجاك
مانحتاج شهـود
الغايب والموجود
نضل سنين بهاي النعمه نضل سنين
وي حسين بيوم العاشر وي حسين
كلمات احمد السالمي
><~><~><🔸><~><~><
بين اخيامي ومصرع جاسم شفت الويل
الحگلي اسمع وينك عمي وماظل حيل
هضمني يعمي مصابك
مظلمه خيمنه بغيابك
.............................
والله ياجاسم مصيبه
المحب عايف حبيبه
مثل ابوك الكله طيبه
جنت اشوفك
عودك الضماك اليه
ابمحنتي بالغاضريه
انته من عنده هديه
جنت اشوفك
يالضماك ابوك وهاي الاطفوف
ويالمثل الحسن ماتعرف الخوف
يالامخضب دمه مو حنة اچفوف
مو زفة عرس للموت مزفوف
ضهر افراگك صار بعيني چنه الموت
تشبه طيحت ماي ابموتك وبلا صوت
دمعتي وحسرتي الشبابك
مظلمه خيمنه ابغيابك
..................................
من صحتلي واعتنيتك
عالثره يبني لگيتك
ريتهه اندارت منيتك
كون اليه
اسيوفهم طبرت جسمك
يالامطشر ردت المك
ياجرح بويه اليألمك
كون اليه
لو تنشال اشيلنك بالاعيون
شلمك وانته من السحگ مطحون
المصيبه الشبيت گلبي والاضنون
امك شرد اگلهه وارجع شلون
هاي الباگت حيلي وشوف العين
شتعذر لمك تنشدني جاسم وين
وتگلي اناطر جوابك
مظلمه خيمنه بغيابك
.....................................
خلصن دموع النواظر
لا بعد مابيه اكابر
ابردتي شفت التناطر
شرد أگلهه
الربتك تدري حنينه
روحهه الدربك رهينه
لوتگلي الولد وينه
شرد أگلهه
تگول الحاسبه حسابي ازفنه
راح الحومته ومارد بعد النه
يرجع لو يعمه اگطع الضنه
مايرجع دلالي ايگلي ظل مطروح
يابو اليمه شوف وليدي يرد الروح
سألتك واريدن جوابك
مظلمه خيمنه بغيابك
.......................................
شلتك ودمعاتي تجري
وحسرتي تحرگ بصدري
ابحالتي بس الله يدري
من الافراگ
ياخسارتنه الچبيره
بالطف امفارگ عشيره
خيره يا جسام حيره
من الافراگ
شسولف والعتب مارجع الموته
يصيح الينولي ومحد سمع صوته
اشموع اتنازع وبالحسره مزتوته
وشيعنه الدمع والعين تابوته
جمرات افراك امصيبتكم يلهب نار
ياجاسم والحل بالفرگه ماظن صار
دمعنه نوزعه بثوابك
مظلمه خيمنه بغيابك
........................................
احجي وي روحي بسؤالي
گضو غالي بعده غالي
موتي احسنه دنالي
ابگاع الاطفوف
للحسن يابويه گله
افراگكم ربالي عله
بينت بالفرگه خله
ابگاع الاطفوف
يا جاسم وحيد وجيشهم لمه
وگل للمجتبى ظل وحده ابو اليمه
اونات العلاوي اتهضمه وتألمه
اعداه اتسابگت گلمت طلب دمه
وصلو يم الخيمه وصاحو شفت الگوم
وين الچنت اتزامط بيهم هذا اليوم
الضحايا اشنفعهم عتابك
مظلمه خيمنه ابغيابك
خادم اهل البيت علي الزرگاني
*قَمر العشيرة*
طور "يُمّه ذكريني"
رَاحَ ابو فَاضِل.. رَاحَ اخُونَه عَنِّي رَاحْ
نُوحِي يَا زِينَب.. ظَهري انْكِسَر لَمّن طَاحْ
فُوگِ الشَّرِيعَه.. چْفُوفَه گِطْعُوهَا
وِانطُفَت عِينَه.. وِامسَحِت بِيدي لِجراحْ
¤•¤•¤•¤
سَاقِي العَطَاشَى.. عَالنَّهَر دَامِي تَرِيبْ
وَحْدِي خَلاَّنِي.. بْكَربَله حَايِر غَرِيبْ
وتِنحَب اطْفَالِي.. تْرِيدِ يْرَوِّيهَا
وِانطُفَت عِينَه.. وِامسَحِت بِيدي لِجراحْ
¤•¤•¤•¤
صَاحِبِ الرَّايَة.. يَا زِينَب طَايِح مَ يْعُودْ
صَوِّبَوْا جُودَه.. وِانطُبَر رَاسَه بْ عٰامودْ
وِاعْتِذَر مِنِّي.. بْرُوحِي ضَمّـيتَه
وِانطُفَت عِينَه.. وِامسَحِت بِيدي لِجراحْ
¤•¤•¤•¤
بَدرِ الهوَاشِم.. يَمَّه مَگْطُوعَه الچُفوفْ
مَدِّيتِ ايدَيَّه.. وشِلْتَه بْ دِليلِي المَلْهوفْ
بْدَمعِي نَادِيتَه.. إِرجَع وَيَّايَه
وِانطُفَت عِينَه.. وِامسَحِت بِيدي لِجراحْ
¤•¤•¤•¤
حَامِي الظَّعِينَه.. سَاكِنِ بْرُوحِي وَاعضَايْ
رَاحِ مْنِ ايدَيَّه.. مَا شِبعَت مِنَّه عِينَايْ
آخِر سَلامَه.. لِاخْتِي الحَزِينَه
وِانطُفَت عِينَه.. وِامسَحِت بِيدي لِجراحْ
¤•¤•¤•¤
رَاحَ ابو الغِيرَه.. مَاتَتِ وْيَاهِ البَسْمَاتْ
فْرَاگَه شَيَّبْنِي.. انذبحت بيومه الكِلْمَاتْ
شمحلى اطباعه.. محلاها عينه
وِانطُفَت عِينَه.. وِامسَحِت بِيدي لِجراحْ
¤•¤•¤•¤
#أمنن #علينا #برضاه
#يا_صاحب_الزمان
انصارك والأنصار لبو صوت الوعد
واحدهم بالميدان اشجع من الاسد
غيرتهم شيعيه.. بلسان الحريه
لبو صوت الوعد
ــــــــــــــــــــــــــــــــــــــ
نحجو باختيارك
ماعافو مسارك
كالولك قرارك
يالحبيناك..واتبعناك
من يوم المشيمه
شافوك الوسيله
والخطوه النبيله
اجو من كل قبيله
مامتعصبين نفس الدين
والنيه سليمه
صارو لك بالطف اخوان
وكفولك وكفة شجعان
والتمو من كل بستان
ورده
رغم اللغه والقوميات
والاسماء والشكليات
لكن بيهم صرخة اتبات
وحده
ربك خالقهم نور..بس بهيئة بشر
لازم يسكت كل سيف.. لو يتكلم نحر
رغم العدوانيه..بلسان الحريه
لبو صوت الوعد
ــــــــــــــــــــــــــــــــــــــ
الحب موبالسوالف
ولا كلمة عواطف
الحب لازم مواقف
عابسنه ايكول كل مسؤول
عن هاي الشعيره
عاشورك نقدسه
وخدر اختك نحرسه
ياويله اليمسه
واندوس ايزيد. أيد بأيد
للحظه الاخيره
اسلم تركي وامن بيك
وهب النصراني ايناديك
اشهدو ان لا ويحيبك
نحره
والاجمل والخبر الهام
حتى حبيبك شد احزام
اشويه ويوصل مية عام
عمره
ترسولك عاشوراء..لوحات أمن العشك
انصارك فنانين.. سحكو عالطف سحك
خوتهم صدكيه..بلسان الحريه
لبو صوت الوعد
ــــــــــــــــــــــــــــــــــــــ
الموت الهم سعاده
طلاب الشهاده
يالدربك عباده
طفك محراب واحنه اركاب
لازم نفدي دونه
طبو للمعارك
سجيل ونيازك
متعجبه الملائك
بوكفتهم هاي يامولاي
عالحب علمونه
انصارك مايتجاوزن
اقمار وبالطف يمشون
ضلمه وبس همه ايشعون
جمره
من طبو دك بوق انذار
صاحو يوم المحشر صار
بالطف داسو روس اكبار
خبره
كسارة ضهر الخيل.. بالغيره وبالعزم
ياعالم طحن الهيل.. طحنو روس الزلم
هذا الكلته اشويه..بلسان الحريه
لبو صوت الوعد
ــــــــــــــــــــــــــــــــــــــ
ثبتولك حجيهم
زحفولك بديهم
صلى الله عليهم
صارولك سور وبعاشور
واحدهم مناره
يالحبك جمعنه
ومن عندك سمعنه
اجمل واحلى معنه
ماشفت أصحاب لا احباب
مثلكم يالغياره
عفنه الدنيه وماعفناك
شيعي وچلب بالشباك
وانريد امجازانه اهناك
نظره
هيبه واسبع من اسباع
بيرغهم رف چنه اشراع
دمهم خظر فوك الكاع
حظره
ماتو لاكن احياء.. نتنفسهم هوه
مثل احروفك يحسين..منهم شع الضوه
أبطال الحربيه..بلسان الحريه
لبو صوت الوعد
ــــــــــــــــــــــــــــــــــــــ
واحنه بكل عزيمه
والفتوه العظيمه
سوت النه قيمه
والمرجع كال ياابطال
هالمذهب امانه
تاريخ ونحفظه
وللعالم نعرضه
ماخلينه فوضه
رتبنه أوضاع هاي الكاع
ضحينه بدمانه
والساتر من كظيناه
راس التكفير اكطعناه
وصوت المرجع لبيناه
كلنه
عفنه الدنيه وعفته ابيوت
وضلينه اعله الموت انفوت
تابوت ايجر بتابوت
صرنه
اصحابك يبن الزهراء..مو اصحاب الكهف
جبناهم شيب وشبان..زفه الارض النجف
حشدك بي روحيه..بلسان الحريه
لبو صوت الوعد
محمد الجماسي
#اللهم_عجل_لوليك_الفرج
قصيدة لمسلم ع فيها عبرة وربط مع صاحب الزمان عج
فعلاً مسلم .. جسدهه بإقدام
لكن شاهد ..ناس ابلا اسلام
يبيعونه .. يغدرونه ناس ابلا اسلام
_
ليغرك شكل ناسك
ركز وافهم المعدن
تره البايع امس مسلم
يبيعك مهما تتثمن
رسايلهم بأن أقدِم
إليَنَا . حتى نتمكن
اذا انعدهن رسايلهم
الوف و اكثر ايطلعن
وين الرسلو ..و الرادو اسناد
شو ماسندو .. خلفو بالميعاد
يخذلونه .. اليطلبونه ..ناس ابلا اسلام
_
هاي الحادثه اتميز
الثابت عن المضعضع
معناهه الثبات ايريد
بشر لأهوائه مايخضع
اكيد الغدرو بمسلم
سقط اسلامهم اجمع
المسلم لو غدر مسلم
اله منهو الذي يشفع
المتأسلم .. هاي اطباعه تكون
طبعا يغدر .. طبعا راح يخون
يحشمونه .. و يتركونه ناس ابلا اسلام
_
رسول احسين للمله
انغدر وانباع يالطيبين
اذاً مو عجبه خل نفهم
اذا باعو امامه احسين
صح ابن الاصل موجود
وهم موجود ابو الوجهين
اذاً خل نتفق كلنه
الثبات ايريد صاحب دين
لاتتحير .. افهم ما معناه
الـ وي الله .. الله يصير اوياه
اليندبونه .. و يخدعونه ناس ابلا اسلام
_
اذا ما ناخذ العبره
من هاي المواقف خل
نحسب حتى مبدأنا
باجر سهله يتبدل
مره طوعه ولكن ما
تبرت وگفت اعله التل
و ابن طوعه غدر مسلم
و صفه بوجه الورد منجل
احنه انتاني .. راعي الحگ والثار
خل نتعلم .. نِخلص للأطهار
اليتانونه و يتعبونه ناس ابلا اسلام
_
باچر من يجي المهدي
خل نتعلم انصونه
العذر لا سامح الله احنا
خاف انبيعه ونخونه
يخدام الحسين انتوا
ابو صالح تنصرونه
عليكم سايم العباس
وحده لا تخلونه
انه اعرفكم ..يا خدام احسين
وفايه انتم..وتگرون العين
اليضدونه ويبغضونه ناس ابلا اسلام
_
الشاعر وسام خيون الغراوي
الانصار
باجر لو فزعنه نزلزل الكون
نكحلهن عيونج عمي يم عون
الكم خدم وانصار
فنه اليوصل الدار . احنه انصار الحسين
٠٠٠٠٠٠٠٠٠٠٠٠٠٠٠٠٠٠٠٠٠٠
باجر خل يشوف القاصي والداني
حسين دمي اليسري ابشرياني
باجر كل ارض ما تكفي ميداني
اخذي العهد مني و خادمج اني
عزيمه عدنه وصرار
فنه اليوصل الدار . احنه انصار الحسين
٠٠٠٠٠٠٠٠٠٠٠٠٠٠٠٠٠٠٠٠٠٠
عهد مني يزينب خلي اسمعنج
ام عون نموت بس مانبتعد عنج
ابشري بينه يا زينب اكللج
نعوفج هيج هذا يصير كل ضنج
لتسمعين الاخبار
فنه اليوصل الدار . احنه انصار الحسين
٠٠٠٠٠٠٠٠٠٠٠٠٠٠٠٠٠٠٠٠٠٠
نضحي بالنفوس نضحي بالغالي
احنه الما نهاب الموت منبالي
فده العينج يزينب روحي وعيالي
اسمعي خلي اكلج هذا مرسالي
بيها الكون يحتار
فنه اليوصل الدار . احنه انصار الحسين
٠٠٠٠٠٠٠٠٠٠٠٠٠٠٠٠٠٠٠٠٠٠
باجر راح زينب عينج الشاهد
لحد احر نفسنه بالدمه نعاهد
غير حسين ماعدنه ابد القائد
واحد زينب الله واحنه بي واحد
بيد الباري لقدار
فنه اليوصل الدار . احنه انصار الحسين
٠٠٠٠٠٠٠٠٠٠٠٠٠٠٠٠٠٠٠٠٠٠
المفروض احنه وكل اهالينه
مو بس العمر مولاتي ضحينه
اول بالشدد بالضيج تلكينه
كدها احنه يزينب زين تدرينه
الكم فدوه لعمار
فنه اليوصل الدار . احنه انصار الحسين
٠٠٠٠٠٠٠٠٠٠٠٠٠٠٠٠٠٠٠٠٠٠
كلمات: حسن صالح العيساوي