8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
{حميدةُ حينَ ناداها حسينٌ …}
ألا فامسحْ على رأسِ اليتامى
بكفّيكَ التي فاضَت غراما
ووجهُكَ إن دَنا في الخوفِ منها
سَما عينيكَ تمطرُها سلاما
رأيتُك ذاتَ ليلٍ في حُنُوٍّ
تراقبُ حارسًا تلكَ الخِياما
رأيتُك مُغدِقًا للُّطفِ حتّى
تكادُ تُلينُ -مولايَ- السِّهاما
أحارُ فَبينَما في النّعيِ أبكي
تقلّبَ حالُ وجداني وهاما
"حميدةُ حينَ ناداها حُسينٌ"
هنَيئًا للتي تلقى الإماما 💔
✍🏼 حَوراء خَليفة
آنه الغريبه وماتت اسنيني
ظليت اعيشن انه ابونيني
جرح اليتم مابينك وبيني
******
ابدي قصة احزاني
وانه ابجمرة اشجاني
وحدي بلايه خواني.........عذاب
احسب عمري لچماتي
بس النايبه آهاتي
اجري اهوايه دمعاتي......مصاب
منو المثلي يحسين تعيش المصيبه
صرت صرح الهموم اويلاه غريبه
اسد باب الجروح يردلي ابنحيبه
هاي الليالي جرحي واحساسي
صعب اليتم لو يمسح ابراسي
كل ونه صارت تخنگ انفاسي
ناعي الحزن ابجروحه يلفيني
آنه الغريبه وماتت اسنيني
*******
انه الما طفت ناري
يكتب دمعي وعباري
تدري وضعي وخباري......دموع
فدوه ارحمني ياليلي
اگعد يمي واحچيلي
بعدك ينهدم حيلي .....ظلوع
يبو اليمه الآهات عذابي وجروحي
گلت خويه وياك اظن ميته روحي
بعد طبرة الراس تهدم صروحي
ليل المصايب عشرة احزاني
والشام اجاني وجايب اشجاني
يحسين اسولف غربة اوطاني
حزني من اسولف كلبي ياذيني
آنه الغريبه وماتت اسنيني
*******
باچر غربة اظنوني
بيين شيبي بعيوني
بانت لوعة امتوني.........ونوح
انه الما شفت راحه
يذبح تالي مصباحه
دهري يرمي برماحه......جروح
يبو اليمه الأفراك يعذب دليلي
تظل نار الاشواك حياتي وعويلي
الكتب عني طاغوت حياتي ورحيلي
درب المصايب بيش اوچنه
شابت اعيوني اشلون اشوفنه
يحسين اخبرك زادت الونه
بالغربه صارت روحي تدريني
انه الغريبه وماتت اسنيني
*******
لحظه ما غفت عيني
تربي الجيت احسيني
ابنار الغربه تدريني ......اموت
وحدي ولاشفت ناصر
گالو ما يصل زاير
كلها تنذبح باچر......سكوت
يبو اليمه حسرات اعيش امنياتي
يظل دهري وياي يعذب حياتي
متت شام الأحزان يرجع وفاتي
ياحيف اشوفن مرقدي خالي
بعد المصايب جرحي يصفالي
كون انت يمي حسين يالغالي
نار المخيم لسه تچويني
انه الغريبه وماتت اسنيني
*******
وحدي بغربه عفتوني
يحفر دمعي بجفوني
دار الحسره تلگوني .....عتاب
ردت كربله اعليه
اركض وصفج يديه
ضعني واني مسبيه .......عذاب
منهو المثلي يحسين طفوفك شفتهه
عشت شامي مرتين هضيمه عشتهه
عفت احلى وليان صعوبه عفتهه
ياخويه بعدك چم شمر جاني
وحشه وغريبه ابلايه خواني
باب النوايب يشرح احزاني
كتر الغري وين اليدليني
انه الغريبه وماتت اسنيني
*******
تمت بعون الله تعالى الشاعر_يوسف_الفتلاوي
#مجلس_مسلم_بن_عقيل_عليه_السلام
#قريض
خانَ الزمانُ بِنا فَشَتتنا كما
خانَتْ بَنو صَخرٍ ببيعةِ (مُسلمِ)
لم أنسَهُ بينَ العدى وجَبينُهُ
كالبَدرِ في ليلِ العَجاجِ المُظلِمِ
أفديهِ من بَطَلٍ مَهيبٍ إنْ سَطا
لَفَّ الجُموعَ مُؤخَّراً بمُقَدَّمِ
شَهِمٌ نَمَتهُ إلى البسالةِ هاشمٌ
والشبلُ للأسَدِ المُجَرّب يَنْتَمي
حَتّى إذا ما أثخَنُوهُ بِالضُّبا
ضَرباً وفي وَسَطِ الحَفيرَةِ قدْ رُمي
جاؤوا إلى ابنِ زيادِ فِيهِ فَمُذْ رَأى
لِلقَصرِ قَد وافاهُ غَيرَ مُسلِّمِ
قالَ اصعَدوا لِلقَصرِ وَارمُوا جِسمَهُ
وَمِنَ الوَريدَينِ أخضِبُوهُ بالدمِ
صَعَدوا بِهِ لِلقَصرِ وَهوَ مُكَبلٌ
تَجري دِماهُ مِنَ الجوارحِ والفَمِ
قَتَلوهُ ظامٍ لَم يُبلَّ فَؤادُه
أفديهِ مِنْ ظامِ الحَشا مُتَضرِّمِ
دَفَعُوهُ مِنْ أعلى الطِمارِ إلى الثَرى
فَتَكَسّرت مِنْهُ حَنايا الأعْظُمِ
#مجردات
السيده حميده تسأل الحسين عليه السلام عن والدها
اتگله يخالي وتهمل العين
ماكو خبر عن والدي زين
اعليه الگلب مفطور نصين
ماتدري مسلم وين ماوين
اشتاگ الگلب حنّتله هالروح
وگلبي عليه ياخالي مجروح
اسمع ونيني واسمع النوح
ظني العزيز ابغربه مطروح
طوّل علينه وما كو اخبار
وگلبي عليه ياخالي محتار
شب الحنين ابگلبي كالنار
مدري عليه اشصار ماصار
——
#أبوذيه
خبر ماجا من الغالي يمر بي
واحس الگلب يابويه يمر بي
نشدت الراح والراجع يمر بيه
ورساله بلچن يجيبون اليه
———
الكوريز//
لا حول ولا قوة إلا بالله العلي العظيم
آجركم الله..لمّا قضى مسلم ووصل الخبر إلى الإمام الحسين(عليه السلام) فأخذ يسترجع ويقول:- إنّا لله وإنّا إليه راجعون فبكاه بكاء عالياً وبكوا بني هاشم جميعاً وقال:-لا خير في العيش بعد هؤلاء..رحمك الله يا مسلم لقد وفيت بعهدك ولقيت ربّك. فٱرتجّ الموضع بالبكاء لقتل مسلم ابن عقيل وصار كلّ واحد يلطم على رأسه وينادي: وامسلماه جاء إلى حميدة يتيمة مسلم بن عقيل ،فمسح على رأسها ودموعه تجري. وإذا بتلك الطفلة قد أحست بيتمها قائلة. يا عم ما عهدتك تعمل بي هذا العمل أفهل أصيب أبي مسلم بشيء؟ فقال لها:بنية أنا أبوك، وبناتي أخواتك.
ونادت حميدة واأبتاه وامسلماه...
#موشح
من يروح الوالد ايروح الدلال
ومن مشى مسلم ابويه حالي حال
دمعي مابطّل على وجناتي سال
وبعده ماظلوا عمام اولا خوال
امشي بالبلدان من فوگ الهزال
وايدي مربوطه ابغليظ امن الحبال
والمصاب الشفته مااتْشيله الجبال
#حدي
شفت العجب بعد الولي
بسْياط و نسوه تنولي
وهمهن ولا ظن ينجلي
آيالولي آيالولي
——-
شفت الخوال اموذره
يابويه ظلت عالثره
واعظامه خالي امكسره
آيايالولي آ يالولي
——-
متنه يبويه امن الضما
واغرگنه في سيل الدما
ريته لعيوني العما
آيالولي آيالولي
—-
شفت العقيله امحيره
ومجرى الدموع امفطره
وامي يبويه امغيره
آيالولي آ يالولي
——-
مذهوله امي ومعوله
واتدّور اخواني ابفله
ليل الهضايم مَ انجله
آيالولي آ يالولي
———
#بنت_الشمري
٢٠٢٥
في مصاب مسلم بن عقيل عليه السلام
مسلم اليوم غريب ينادي
القوم دارت على ابن الهادي
———
مسلم اليوم يويلي وينه
وحده بالكوفه يدير ابعينه
وين اهله وصحبته امخلينه
مفرد اوحيّد مابين اعادي
——-
وحده واغريّب وسط هذا البلد
ويلي لا صاحب ولا ينغر احد
منهو ياويلي اله صار السند
مسدده البيبان وين ايغادي
———
اوحيّد او حيران بديار الغرب
اجيوشهم شدت على مسلم حرب
سدو اعليه الديار وكل درب
وگلبه كالجمره غدا وگادي
——-
ايصيح يا ويلي وينادي احسينه
فدوه كل عمري يوالي اسنينه
جثه من فوگ القصر رامينه
مسلم باول همومه بادي
——-
#بنت_الشمري
قصيدة الى حميده بنت مسلم ع السلآم
خادمكم عبدالهادي العريفاوي
-----------------------
عفيه صبرج ياحميده
مسلم بديره بعيده
بالدرب ماله اثر يمكن ابعيد السفر ياحميده
ليش دمعاتج حزينه وين راح الوالد
راح شو مارد اليه شحال كلب الفاكد
بناس غربه وشنهو حاله اليوم كلبي يناشد
حسين عمي واهل بيتي ليش مامتواجد
والدي هالليله وينه
روحي لفراكه حزينه
خاطري بويه انكسر يمكن ابعيد السفر ياحميده
------------------------------------
شلون اقنع روحي هسه وين هو مسافر
طفال ركضوا صوب ابوهم هاي روحي تكابر
يمته يرجعلج ابوج اليوم يو لا باجر
دمعي ينزل فوك خدي شلون كلبي الصابر
حسرة كليبي ومصابه
والدي طوول غيابه
من يجيب النه الخبر يمكن ابعيد السفر ياحميده
------------------------------------
عالمخده دموع تجري كون عيني تشوفه
كون يرجع ليه وافرح هواي شفت طيوفه
راح ابوي ووين هسه عاش كلبي بخوفه
ابو اليمه وياي سولف راح لرض الكوفه
خوفي هالدنيه وغدرها
بالحزن يوصل خبرها
الله يعلم بالخبر يمكن ابعيد السفر ياحميده
-------------------------------------
خله ايده فوك راسي دموع تجري عيونه
صاح عمي ياحميده الحال غيير لونه
الطفوف بيوم تبدي حسين دهره يخونه
وين مسلم انه انشده وين تندلونه
ولا خبر منه اجاكم
هالاعرابي شاوراكم
والدي خاف بخطر يمكن ابعيد السفر ياحميده
--------------------------------
كال كومي ياحميده اليوم ويه الظعن
الظعينه اليوم تمشي انروح من الوطن
للطفوف نريد نمشي هناك مسلم اظن
نشوف مسلم شنهو وضعه خاف خان الزمن
مسلم الكوفه تغدره
والاحبال اللي تجرره
ريته وييانه حضر يمكن ابعيد السفر ياحميده
-------------------------------
وفي #ليلة_الأصحاب هذا العام، ألفُ سلامٍ لمن مضوا على نهج أصحاب الحسين(ع) وصدقوا ما عاهدوا الله عليه...
أهدي ثوابها الى أرواح السعداء لاسيما سيد شهداء الأمة والشهيد دانيال سعد...
[قصيدة عمودية]
هذي قوافِلُهُم إليكَ تسيرُ
ولهم جِباهٌ في الظّلامِ تُنيرُ
يتسابقونَ إليكَ بالأرواحِ وال
أجسادُ طاب لها هنا التّعفيرُ
سَقَوا التُّرابَ من الدّماءِ كمن هوى
في كربلا إنَّ الفراقَ مريرُ
تركوا الأحبّةَ والدّيارَ وخلّفوا ال
أيتامَ طرفَ الإنتظارِ تُديرُ
بذلوا النّفوسَ كعابسٍ فاستُشهِدوا
فيهِمْ كبيرٌ في الهوى وصغيرُ
ذَكَروا حَبيبًا يومَ أظهَرَ شوقَهُ
للهِ وهْوَ بِما رآهُ جديرُ
ما أجملَ الشهداءَ حين رَقَوْا إلى ال
عَليا فلا مِثْلٌ لهم ونظيرُ
لَحِقوا بِرَكْبِ الصّالِحينَ كواكبًا
تأبى الأفولَ بها العقولُ تَحيرُ
فعَلى تُرابِ الطّفِّ كانوا أنجُمًا
تغفى وناحِيَةَ الخِيامِ تُشيرُ
جيشٌ ولائيٌّ فدائيُّ الهوى
أي كلُّ فردٍ للحُسَيْنِ نَصيرُ
#عظم_الله_أجوركم ◾️
فاطمة علي رزق
اسألكم الدعاء
قصيدة بحق العباس عليه السلام
ابو فاضل صاح تعمه عيوني
اشحدهم العسكر اذا وصلوني
١
من طلع صوب النهر شال اللوه
حمل سيفه وغيرته ودرعه سوه
على العسكر من وصل سد الهوه
زين وانه الوادم ايعرفوني
٢
ابو فاضل من وصل يم النهر
خجل حتى الماي من شاف الگمر
بصوت صاح وشاف خيرهم طفر
معركه وبيها اكحل عيوني
٣
من طلع سد الهوه بسيفه وطلع
وحدر جدمه العسكر بكبره ركع
صاح صوت الماسمع خلاه سمع
انه سبع الگنطره ايسموني
٤
صال صلوة حيدره بعز وفخر
اسوايه سوه الماتصير اعله النهر
حي عالعباس ابن فارس مضر
وين خلي العسكر يلاكوني
٥
زينب اتحشمه وتنادي من الخيم
وين كافل ضعني شيال العلم
بصوته ناده خل يسمعوني الحرم
اشحدهم من المشرعه يطلعوني
٦
والغدر لوما الغدر ماوصلته
الگوم وبجرف النهر من طيحته
گطعو چفوفه وتصوبه بجبهته
ومثل للخوه صبح عنواني
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
موشح إلى انصار الامام الحسين عليه السلام
خطــوا الأنصــار آيـــات الشـــرف
ورخصوا دمهم لجل أقدس هدف
*---------------*---------------*
رخَصّــوا دمهــم لجــل ديــن الإله
والله لحسين السبــط دينــه اجتباه
هــو يحــي الديـن من نحره ودماه
ومثـــل دم حسيــن هم دمهم نزَف
*---------------*---------------*
خطـــوا الأنصـــار آيـــات الــــولاء
يــوم نزفت عالارض ذيــچ الدماء
سجلوا أروع دروس مـن الـــوفاء
نهـــر والضامي عذب حبهم غرَف
*---------------*---------------*
خطوا أســرار المجد أهل الصـمود
يوم لحسين انتمــوا صــارو جنود
همّــه سبعين وتـعنـــوها الحشـود
ولا شخص منهم ابــد گلـبه رجَف
*---------------*---------------*
خطـــوا الأنصـــار بالطـــف انتصـار
مثله ما أظن بالسمه وبالارض صار
الله كــرمهـــم أوي حســين المـــزار
أباب أبـو أليمه الدهـــر الهـم وگـَـف
*---------------*---------------*
خطـــوا الأنصــار أعظـــم ملحمـــه
حيرت أهـــل الأرض وأهل السمــه
وقعوا لحسين مـــن فيـــض الدمه
موقـف أبكل جيل مثله ما أنَوصَف
*---------------*---------------*
خطوا أوي حسين لــوحة كبــريــاء
مــن تفايض دمهم ابطـــف كربــلاء
سجلــوا أنبـــل دروس مــن الآبــاء
وحگه هـــذا الكون بيهم لـــو هَتَف
*---------------*---------------*
خطو آيات الدمـه بـأرض بالطفــوف
ورخصــو ذيــچ المنــاحر للسيـــوف
مثل هاي التضحيه ما أظــن نشـوف
الحب جنـون الهم عبــر حـد الشَغـَف
*---------------*---------------*
الشاعر
موسى البديري
تجليبه مذيل بهوسه عگيلي إلى أنصار الامام الحسين عليه السلام
الأنصـــار أتخلــد مــوقفهــم
*----------*----------*
مثل أنصــار أبو اليمه صعـب نلگـه
وي المـوت تلاگــو لجلـه فــد ملگـه
عشگهم صار ياهـوه يفرط ابعشگه
( ولحسين أرواح ايرخصوها )
*----------*----------*
قائـدهـم حبـيـب الــي رخـص عـمـره
أسد واگف رغــم مـــا منحني ظهـره
أضحي الــروح فــدوه ينـادي للعتـره
( شيخ الأنصار يسمونه )
*----------*----------*
جون اسود شكل بس ابيض الموقف
وســط الحومه واگـف بالنصر يهـتف
دمــي اليــوم وي دم السبــط ينــزف
( وحسين يغير الواني )
*----------*----------*
عابس جننـاه بــس عشگ أبو اليمه
يحس ضـرب السيف أتقبله وتلثمـه
من فـرط العشگ مــا يشعر بجسمه
( لحسين اتوذر محبوبه )
*----------*----------*
بـربــر آيـات عشگــه اليــوم رتلــها
وقـــران الغـــرام حسـين سجــلـها
ينادي روحه فــدوه حسين اقبلـها
( وخادم للعتره اختاروني )
*----------*----------*
زهيــر الشــاف جنــات الخلـد حـبه
وأبـو الاحرار بالطــف للعشگ كعبه
ضامي ومــاي بيده حسين اليشربه
( وحسين يرويها أنصاره )
*----------*----------*
الشاعر
موسى البديري
هوسات ليلة القاسم عليه السلام
🏴
ازفك ليلة الجمعة چانت اُمنيه عندي
ياثمرة اسنين ارباي يبني ويا بدر سعدي
دهري خييب آمآلي الولد يمه وحرگ چبدي
يمحسّر // نارك لهّابه
🏴
لهّابه الك نيران يبني موجره بحشاي
لنوح اعليك يامحروم يمحسّر يتعب ارباي
بنيت امال ماظنيت تخيّبها الي دنياي
للعازه // ياجاسم ردتك
🏴
حلات الام ابنهه تگعد بجاله
لو مال الحمل يتحزم وشاله
گلب امك يجاسم خابت اماله
ربّتك // وارباها تريده
🏴🏴
ام محمد الحجاج
َ للقاسم ابن الحسن المجتبی عليهم السلام
لسان حال مولاتي رملة
ابو ذيه ونعي
🏴🏴
اناطر ردّتك للخيم ورباي
يريت الورّبك يلولد ورباي
كل ذاك التعب والسهر ورباي
بساعه يروح يايمه امن اديّه
🏴🏴
حسبالي ازفنّك وحنّي
بعد شيفيدني ونّي وحنّي
اريد الطم يجسامي وحنّي
متوني والضلوع لهل رزيّه
🏴🏴
نعي مجاريد
تمنيت يبني اعجن الحنه
وافرح واشوفنك امحنه
ونشعل صواني الشمع كلنه
يبني واگللك امهنه
🏴🏴
يازفتك مامن مثلهه
ماصايره بالخلگ كلهه
ياموتّك ماهي بمحلهه
بت عمك الظلّت شگلهه
🏴🏴
عريس ازفك للمگابر
يبني غلبني البين شاطر
المن اظل بالدنيه اكابر
ومدوهنه والفكر حاير
الولد يبني
للموت ماينساك گلبي
🏴🏴
تمنيت ياجسام تكبر
وابالي ازفنّك اتصوّر
ابعرسك امحزّمه وافتر
خابت امالي يالمحسر
محسّر يبعد هروش گلبي
يايمه
🏴🏴
عظم الله اجوركم
ام محمد الحجاج
#في_خدمة_الخطباء
1/أبكيكَ أمْ أبكي قطيعَ النحرِ؟
أبكيكَ أمْ أبكي سهامَ الصدرِ؟
يا غائياً لمْ يخلُ لا من فكري
أتراكَ تصبرُ و المُحرَّمُ قادمُ؟
2/عادَ المُحرَّمُ بلْ وعادتْ كربَلا
أتراكَ تصبرُ و الحسينُ مُرمَّلا؟
ملقىً صريعاً و هْوَ مطروحُ الفلا
و قميصَهُ نشرتْ بدمٍّ فاطمُ
3/و هْوَ الذي في حِضنِ طهَ مهدُهُ
أتُراكَ تُمهلُ و السيوفُ تحدُّهُ؟
بالدمِّ لا بالتربِ عُفِّرَ خدُّهُ
دونَ المُعينِ و بالجروحِ يُقاومُ
4/لهفي عليهِ يُنادي هلْ من ناصرِ
و الجمعُ محتشدٌ بيومِ العاشرِ
أنتَ النصيرُ لهُ بطلعةِ ثائرِ
فبثارِ جدِّكَ سوفَ ينتصرُ الدمُ
5/أيني منَ الأحزانِ في أحزانِكَ؟
أيني منَ الدمعاتِ في دمعاتِكَ؟
بل أينَ كُلِّي جنبَ نُصفِ مُصابِكَ
حزني طويلٌ بل و حزنُكَ دائِمُ
6/جلَّتْ مصيبتُكمْ عنِ الإحياءِ
عظمتْ رزيتكمْ و طالَ عزائي
تبكي حُسيناً أمْ على الحوراءِ؟
رُزئي عظيمٌ بل و رُزئُكَ أعظمُ
7/كُلُّ الكثيرِ بجنبِ كربِكَ قَلَّ
حلَّتْ فجيعتُكمْ و حُزني حلَّ
أتراكَ ترثي زينباً و القتلى ؟
لمَّا سباها للقصورِ الظالمُ
8/أتُراكَ تصبرُ أيُّها المترقِّبُ؟
و الصبرُ في أصلِ الخكايةِ زينبُ
بالدمِّ تبكي لا بدمعٍ يسكبُ
و على دموعِكَ لا يلومُكَ لائِمُ
9/يا عظَّمَ الرحمانُ اجرَكَ بالحُسينْ
يا عجَّلَ الرحمانُ ثارَكَ للحُسينْ
يا شافياً جُرحَ الهُدى صدرَ الحُسينْ
إظهرْ فبالمأساةِ عادَ مُحرَّمُ
ريما قعفراني
و الحمدُ للهِ ربِّ العالمين
#محرم1447
جنّه عباس ... بالكوفه برز .... مسلم اجه
دوّخ الناس .. بالحكَ ارتجز ... مسلم اجه
شايل السيف ... بعيونه غظب
الكَوم عالكَاع ... طشّرهه خرز ... مسلم اجه
اشرق ... نور ابوجهه اشرق .. اشرق ... ينصر رايد الحق
اشرق ... جن فارس بخندق
بيمنته السيفه والحشود ... بلا راي ... بقت من صولته ... بقت من صولته
عزمه بالروح بقه يزود .. ... تره بهاي ... الملائك عرفته... الملائك عرفته
هذا وارث عمّه حماي الحمه
هذا يشبه حيدره بالموزمه
ــــــــــــــــ
برايته يغير ...ماهمه جمع .... مسلم اجه
صف على الصف ...شافه يندفع .... مسلم اجه
صابهم خوف ... من هذا الفحل
هووا علكَاع ... جن كَطره شمع .... مسلم اجه
ضهضب ....والله بساعة اغضب ..ضهضب .. ..الكوفه حيدره طب
ضهضب ...عليهم اصبح اصعب
الكَوم بالكَوم ينشدون ... منو الجاي ...منو يرجَع خبر ...منو يرجَع خبر
موت بس يمطر انشوف .... مو ماي ... علينه بس حجر ...منو يرجَع خبر
زلزله من صب عليهم زلزله
الجيش ضل يردم اخيره بأوّله
ــــــــــــــــــــ
وينهم صاح ...الكلّه عزم .... مسلم اجه
الجيش لن طاح ... تل ومنهدم ... مسلم اجه
شردوا اركاض ... مابيهم رجل
ويسمع انياح ... من اشباه الزلم .... مسلم اجه
تعنّه... اليكَرب ليه فنّه .. تعنّه ..جمراته جونّه
تعنّه ... بيهم سوّه حنّه
اتحيّر الجيش شنوا لصار ... الفلك دار ... المفر ضاع المفر ... المفر ضاع المفر
هي معقوله بينه تشب نار ... والاصرار ... نصير احنه وذر ... نصير احنه وذر
بيوت مالفتنه جا المن نرد
شنهي ردّت معركة بدر وأحد
ــــــــــــــــــ
حكَه يحتار .. ويتيه الفكر ... مسلم اجه
دخلوا انذار ..وتبدوا حبر ... مسلم اجه
جيش مهزوم ...ونصاب برعب
اشتدت النار ...بيهم تستعر ... مسلم اجه
بعزمه .... جيش الذل تسمّه ... بعزمه ... فدوه يروح لسمه
بعزمه ...شحال الّي يلزمه
قالع كَلوب يعرفوه ...علي شلون ... قلع خيبر علي ... قلع خيبر علي
ثاني عباس يوصفوه ... اله الكون ... حبيبه الاولي ... حبيه الاولي
ذيب طب وشردت بشكل الغنم
لا بعيد ولا جريب الّي سلم
ــــــــــــــــــــــــ
الشاعر محمد حسن ضيغم
/channel/kasaedalatharDaygham
الليله اصدّن للسمه .. بأحزاني
ارد اواسي فاطمه ..بأحزاني
......
لاتهل .. كلك حزن .. لمن تهل .. يهلالي
اذكره .. شلون انفجع .. وبكربله .. دلالي
بكربله .. من فارگت .. اشچم محب .. اوغالي
ملوعه.. ومعذبه .. وبلا علم ... لا والي
الليل بي .. املاك السمه .. تنشر قميص.. ابدمه
هل قميص .. المنعرف ... كل الوجود .. يألمه
والمىئك لاطمه .. بأحزاني
ارد اواسي فاطمه ..پأحزاني
.......
ياحزن .. هد الكَلب .. خل الجرح .. ما يشفه
والهظم ..كلش صعب ... يصعب لون .. اتوصفه
محرّم البي .. محنتي ... ومتني احسّ .. بنزفه
وعالنهر .. راعي العلم ... عل علكَمي .. ضل جفّه
شيحمله .. هذا الجرح ... ملني الصبر .. من صبري
بالجمر .. شفت احترك ... شفته انسلب .. كل خدري
ضعني شب امخيّمه .. بأحزاني
ارد اواسي فاطمه ..پأحزاني
ــــــــــــــــ
تبتدي ... قصتي ابدمع ...ماتنمحي .. من بالي
وبالسهر ... ليلي ايخلص ... دموعي بدماهن .. هالي
فاركَت .. ياحسرتي .. ويالوعتي ... جم غالي
ورافكَت ... طول الدرب ... جتّالك ... وجتّالي
بالكَلب .. لجمت جرح .. آيالجرح ... يلجمني
انبني ... وطف الحزن ... من اذكره ... يهدمني
بالبجي متلازمه .. بأحزاني
ارد اواسي فاطمه ..پأحزاني
ــــــــــــــــ
ياهي اشد ... لو فكّرت .. يامحنه .. او يامحنه
ويابجي .. اكثر صبح ...ياحسرتي .. ويا ونّه
والالم ... ما ينوصف ..لو ناشدوني ... عنّه
شفت اشد ... من الظلم ... والموتي صرت ... اتمنّه
زينب و.. اجرع غصص .. من كربله ... خلوني
الماحصل .. والّي حصل ... بعد الكَمر ... راووني
كافلي بحين ارتمه .. بأحزاني
ارد اواسي فاطمه ..پأحزاني
ـــــــــــــــــــ
عالنهر .. شفت الكَمر ... متكَطعات ... جفوفه
عيني ريت ... هيج الوفي .. بهذا الوضع ... متشوفه
والحسين .. اعله الترب ... ضلوعه صفت مخسوفه
وانسبي .. من كربله ... فوكَ الهزل ... للكوفه
ومن بعد ... كوفه ظلم ... سوكَ وشتم ... سمعوني
الشام اطب ... وبلا اهل ... وي الضعن ... خلوني
بلا ولي وبلا حمه .. بأحزاني
ارد اواسي فاطمه ..پأحزاني
ـــــــــــــــــــــ
الشاعر محمد حسن ضيغم
/channel/kasaedalatharDaygham
الدار وحشه اخلاف ابونه شلون اطبنلج يدار
نار اليفاركَ عزيزه نار ما تشبهه نار
من بعد اهل الحنان ... مارحم بيّه الزمان
-----
فاركت اعزاز كَلبي واهلي راحو من ادي
وداري ظلمه اخلاف ابونه وبعد ماصح ليهه ضي
عكَب في الغالي والله مايصح للعيله في
راحوا وخلّوني ابجي وجارت الدنيه علي
صغيره وعيوني احسهه ذبلت بكثر الدموع
ليلي ونهاري الفكَدهم الطم آنه اعه الضلوع
شكَد اصد الهل مكان ... مارحم بيّه الزمان
-----
ياعليله المثلي ضلّت حايره اخلاف الاهل
راحوا اهلي وبضعنهم يرد ماعندي امل
من مشوا لسّه اكَولن عفيه كَلبي شكَد حمل
شكد صحت يهلي تعالوا بكَد دمع عيني الهمل
لسه اتصوّر اهلنه ساروا بهذا الدرب
والله هل موقف احسّه اعليّه ياعالم صعب
عل عليله التعب بان ... مارحم بيّه الزمان
.......
ودعتهم والمدامع ترسم بخدي المصاب
وكَلبي كَبل الساني يندب لاتطولون الغياب
من لهيب الهجر يهلي كَلبي احسّن بيه ذاب
يمته جفها يدكَ كَلبك فدوه جاوبني يباب
عيوني تنظر كل مسيه للدرب بلكن تجون
ها يمن فركتكم امست معظله ولا ماتهون
جنّه موتي الليله حان ... مارحم بيّه الزمان
.......
كافي يهلي مو دمعتي اتحوّلت جمره وتصب
وسهم فركَاكم احسّن بالكَلب اصبح يطب
انه مو بالدار احسّن جنّي ابديرة غرب
الكون بعد الغالي واهلي اتغيّر وجن منكَلب
مغبره الدنيه اصدهه مدري شني الّي جره
لا خبر منهم اجاني والله صرت محيّره
كلُ من عليها فان ... مارحم بيّه الزمان
......
خايفه وكل خوفي يجره ورمشي رف بمحنتي
جنها فوك النوك تمشي بلايه رايه عمتي
والخيم حركَوهه واسمع عمي حركَوا خيمتي
والكَمر يم الشريعه يكَول طاحت رايتي
حسين ابوي اعله الوطيه والحوافر سحكته
اخ يابويه اصيح بحين شفت اعمامته
مفطّر انظرله اللسان ... مارحم بيّه الزمان
........
الشاعر محمد حسن ضيغم
/channel/kasaedalatharDaygham
بعيوني رسمتك جراحي ونهر
وايامي محرم عشتهه وسهر
*******
انت اول غالي عندي ساكن انت الروح
وبدليلي شلتك انه بس مسير اجروح
اهلي غذوني بخدمتك سر حياتي النوح
كان نطقي بالجوارح من صدى المذبوح
دمعة حزن بيها ابتدي يا مصدر الآه
كلما بچيت اتذكرت اصرخ حسيناه
يرسملي طفك حسرتي بالونه ويلاه
احلامي شفتهه لوعات وقهر
وايامي محرم عشتهه وسهر
*******
انت دمعه تضوي شمعه عشگي انه احسين
هذا جرحي وانه صبحي بس دمع وونين
من ونيني كل حنيني ماي الك بالعين
انه حاير ليلي عاشر گلبي ينعه اسنين
يا اول اجروح الگلب ومعذب الروح
ودموع عيني ماجفت تلگاني بالنوح
ثوب الحزن لايگ عليه وصاير اجروح
آهاتي ونيني حسرات العمر
وايامي محرم عشتهه وسهر
*******
بهالمجالس گلبي حارس روحي يمك هاي
باني بيتي من دمعتي شفتك بلا ماي
سلسبيلك من دليلك روحي الك مولاي
جرحي يحدي بيه يبدي من هضم دنياي
ياليل حاچيني اشكثر تذبحني الآهات
صارت نوايب كربله بعيوني دمعات
والفاگد اعزاز الگلب يگضيهه حسرات
لوعاتي شفتهه تنحيلي الظهر
وايامي محرم عشتهه وسهر
*******
گلبي جمره بيه حسره عمري باقي اهموم
انت عيني شفته ديني ناسي خلهه اتلوم
انت روحي وبجروحي بس حزن مرسوم
ليلي اشوفك من طفوفك لو تسيل ادموم
ياصورة العاشگ تظل مصدر للنياح
حبيتك وانه اعترف بجنوني مرتاح
يانبرة العز والفخر من فوك الأرماح
ياروحي ارتجيتك لعيوني نظر
وايامي محرم عشتهه وسهر
*******
ناري تسعر غيمه تمطر بس جرح وخيام
هاي زينب گلبي يلهب چن مسير ايتام
غربه ظلت تبچي ونت ويلي غربه الشام
ابهل المصايب والنوايب شابت الأيام
ويلي عله زينب ظلت ابلوعتهه تحتار
وعيونهه الحره بقت بالحسره تندار
موجز بيان الدمعه من الكافل اخبار
وتنادي الكفلهه عالشاطي الگمر
وايامي محرم عشتهه وسهر
******
تمت بعون الله تعالى الشاعر_يوسف_الفتلاوي
نحنُ انصارُ الزكيهْ
نعتلي فوق الثُريه
........أن في الموتِ حياةًٌ
كيف لا نهوى المنيه
حسين.............حسين
●●●●●●●●●●●●●●●●●●●●●●
عابسًٌ اصلي وديني
راجياً صوت المنايا
وتعالى عشقُ قلبي
من محطاتِ الضحايا
راسمُاً فني وذوقي
في مجراتِ الرزايا
جاهراً في صرحُ حبي
هكذا في محتوايا
لوحتي من دمعِ عيني
أنني فخري حسيني
..........وصواب الدهري يعلو
خادماً اجمل هويه
●●●●●●●●●●●●●●●●●●●●●●
في فؤادي كان طفً
فتيةً تدُعى المنونِ
ينزفُ القلب جراحا
وارتدى ثوبُ الشجونِ
ان لي في العشق شغلاً
واهباً روح الجنونِ
عارفاً حبُ الامامه
بالأبا يانفس هونِ
في ندائي وضمراري
ياجميل الحبُ داري
............في عليً كان نطقي
قلتها في الغاضريه
●●●●●●●●●●●●●●●●●●●●●●
سورةُ الإخلاصِ أنت
رتلت طيبُ المعاني
نلطمُ الصدر حسيناه
أنت مفتاحُ الجنانِ
وقراك اللوحِ شعراً
في مجرات الزمانِ
وستضاءه الكونُ نوراً
ونحنى صرحُ البيانِ
كربلاء في لفظي طفلا
شاغلُ الاعماقِ فعلا
لعلي من يشتريني
خادمُ آلِ قضيه
●●●●●●●●●●●●●●●●●●●●●●
طينُ خلقي كربلائي...
عُجنة ماء المعينِ
ونثنى قلبي أليكّ
انت قضبانُ اليقينِ
ايها المفتونِ مهلاً
في العلا (حً)و(سينِ)
جنهُ اصحابْ المعالي
في النجا دمعُ الأنينِ
سرمدي نبضي تجلا
بحسيناً قلبي حلا
في مسير الودِ جئتُ
جنةُ اللُه الهنيه
●●●●●●●●●●●●●●●●●●●●●●
كلما مر الزمانُ
ذكروهُ حتما تخلد
وسواعي الدهر تحكي
حبكم يا آل احمد
واجبًُ لا ليس مني
فالصلاه نورا تشهد
وعرفتُ الحق حقاً
كربلاء بيتي توقد
انني المملوك حقا
في جنوني كان رزقاً
عشقنا حبُ الحسين ِ
ان روحي سرمديه
●●●●●●●●●●●●●●●●●●●●●●
تمت بعون الله تعالى
الشاعر••••• يوسف عباس الفتلاوي
في ليلة الانصار عليهم السلام
حال الحسين عليه السلام بعد فراقهم
طور :راح ابونه
للملا حمزه الدراجي
https://youtu.be/x6sqvc-lSC4?si=FHS602XTi-_K6rXU
راحوا الجانوا يزينب بين ايديه
راحوا منهم احد ما ظل اليه
فارگوني وفارگتهم خير الاصحاب الشفتهم
راحوا
شالوا اصحابي يزينب فردشيله
مردوا الروح واخيج طاحِ حيله
عالترب ناموا ودمهم ضج مسيله
اشلون گلبي يبرد ابهمهم غليله
راحوا عافوني بهمومي آنه وحدي
راحوا وحادي المنايا شفته يحدي
آيا زينب ضيعتهم خير الاصحاب الشفتهم
راحوا
———-
ناده وادموعه جريه يا صحابي
المن اتعوفوني وحدي ابهم مصابي
والله من دون الغوالي اشگد عذابي
انده اولا واحد ايردلي جوابي
ردوا قلبي عليكم كله حسره
ردوا اعليكم تكسر كسره كسره
ماكو صحبه من بعدهم خير الاصحاب الشفتهم
———-
ماي واتبدوا يزينب من ايديه
ما يردون ويرد وگتي عليه
والله ماعزوا حياة وكلشي ليه
اسمي من راحوا غريب الغاضريه
راحوا مني يخيه للمنيه
راحوا والدمعه اعليهم جريه
ليه وفوه الوعدهم خير الاصحاب الشفتهم
راحوا
———-
راحوا الجانولي صحبه ومابگالي
ومن بعدهم والله كلشي ماصفالي
هي يا دنيه بعدهم واتهنالي
عالمي بعد الغوالي شفته خالي
راحوا ارجال النوايب والحميه
راحوا كلهم وعافوني سويه
ودعوني وودعتهم خير الاصحاب الشفتهم
راحوا
———
#بنت_الشمري
#مسلم_بن_عقيل
في مصاب مسلم بن عقيل عليه السلام
طور
ياليل طول ساعاتك
يابوي روحي ملهوفه
يابوي للوجه انشوفه
من فارگت الاوطان
واكليبي ظل لهفان
يابوي طولت اغيابك
يابوي تنشد احبابك
گلبي ينشد حيران
يمتى تلمني الاحضان
مجروح قلبي ابوناته
مجروح طول غيباته
آ يا فرگه الوليان
جمره تدوي ونيران
مذبوح گالوا بالغربه
مذبوح ما ضايگ شربه
اعميت يابويه اعيون اسگيك بس گلي اشلون
———
#بنت_الشمري
#في_الخدمة_المقدسة
#ليلة_الأصحاب
سلامٌ على إخوتي الشهداء
سلامٌ على صحبِنا الأوفياء
سلامٌ لإخواننا الشّهداء
لعشّاق دربِ الحسينِ الشهيد
لمَن أبحروا في هوى كربلاء
أيا مَن تركتم جميلَ الأثَرْ
حملنا لكم في يدينا الصور
رفعنا كفوفًا لكم بالسلام
نواسي بها القائمَ المُنتظر
شبابٌ بعمرِ الورودِ النّدي
دماءً لدينِ النّبي تفتدي
لأجلِ الحجابِ لقرآِننا
غدت بالحسين الوليْ تقتدي
لكم عهدُنا أن نصونَ اللوا
أيا مُبحرين إلى نينوى
خذوا الشوقَ يا اخوتي دمعةً
فها دمعُنا للفراقِ هوى
دموعًا نثرنا وحزنًا أسى
سنبكيكمُ عند كلِّ مسا
فهذي القلوبُ بكم أُثكِلتْ
وفيها الحنينُ اشتياقًا رسى
على هَديكم دربُنا قد غدا
سبيلَ الجهادِ لنيلِ الهدى
ستبقونَ يا إخوتي بيننا
تمدُّونَ نحوَ القلوبِ اليدا
#زينب_فياض
#بخدمة_الشهداء
تجليبه بحق العباس (ع)
---------
تلوك الرايه بيد الكمر راعيهـا
امانه وعنده من حيدر امخليها
--------
امانه الرايه والبـيرغ بچفه التف
يوم الصال والغيره علت بالطف
ماطاحت الرايه لچن طاح الچف
چان بغيرته العباس حاملها
------------
هالرايه امانه وبيها عالكفار
صال ابن الصميده وضنـوة الكرار
خلاها الزلم من كل كتر طشار
وچان بلحظه يگدر كلها يفنيها
-------
قدم روحه للرايه وفداها بدم
وجيوش العده تعرف وبي تعلم
زم چفه عليها الرايته وأقسم
يگلب عالعده عاليها واطيها
----------
عرفوا من حملها بشرف حاملها
امانة حيدر وعمره نذر ألها
المواقـف عالشـريعه بدمه سجلها
ابو فاضل كفو للرايه شاريها
---------
ابو فاضل كفو ونعمين من عنده
عالشاطي ملاحم سجل الوحده
ماطاحت الرايه أمچلبه بزنده
يجيب الماي گصده وراد يرويها
---------
شال الماي گصده وللعيال أيعود
شاف الدرب ملزوم وعليه مسدود
جرد سيفه لاچن جبهته بعامود
صابوها او وگع عالشاطي واليها
--------
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيدة ( ياهو أنته ) إلى ابو الفضل العباس ومكانته عند أهل البيت عليهم السلام
يــا أبو فاضــل ... ياهو انته
حيره شخصك ... ما عرفته
الف لام وميم نــزلت بالــسور
لهسه بالتفسير محتاره البشر يا هو انته
****
عنك أحــروفي اجـت تكتــب قصيده
شعدها عنك فكــره يــا ابـن الصميده
غير كافــل أخته بس انگطعــت أيـده
وأنت چــان الــدين يتــروه بـــوريده
الدين من دمك روه
والوفه طش بالهوه
انت لجل القل هـوه دمــائــك
يا أبو فاضل ... انـــه حاير
ومثلي حيره ... من المنابر
شتارك بگلب اليحبونك إثــر
لهسه بالتفسير محتاره البشر يا هو انته
****
كل حروف الشعــر نجمعها ونوصفك
حگهـا خجــلانه فــلا تگــدر تنصـفك
الساقــي انته الكافـــل وأكثـر نعـرفك
صـرت ظهر حسين ما نگدر نفهـمك
انتــه جيشه لو ظهر
حيــرتــنا يالگمـــر
شتــارك ابگلبه اثــر رحيلك
انتـه ظهــره ... لو عضيده
بحيره تنشد ... هالقصيده
وبحر شخصك ما شفت مثله بحر
لهسه بالتفسـير محتــاره البــشر يا هو انته
****
حايــر أبمــوقــف ولا مــره فهمتــه
ولا گدرت أبشعري يالكافــل وصفتـه
حسين من گلك يخـويه بنفسي انتـه
يعني فدوه يگول شخصك ما عرفته
حيره يا ابـن الولي
يا هو اليوضح ألي
الكافل انته لو علي يشوفك
يا أبو فاضل ... يا عظمها
كلــمه رايــد ... افتهمــها
حسين من كلك فدوتك يالكمر
لهسه بالتفسير محتاره البشر يا هو انته
****
واهــمْ الينظــر الك گبــه ومنـاره
وانته بيك أعقول هل الوادم حياره
اعتذر ما ﭼنت اعرفـك بس زيـاره
وانته دين ومبدأ وفكـره وحضاره
من گصدت المشرعه
النهر يجري ومنبــعه
الماي محّـد مــانعــه تشربه
يجري مايه ... وما شربته
قصَدك انته ... مــا عرفته
لان تدري حسين دلاله انفطر
لهسه بالتفسير محتاره البشر يا هو انته
****
يا گمر محتــار ياهــو الـي اسـأله
عن سؤال يَحّير ومـا عنــدي حَلّه
انته ﭼم معصوم ﭼف أيدك يقَبله
حگي مـن احتــار بيك العمـر كلّـه
حيّـرَتـنـي الأسئــلة
عن عظمْ هل المنزله
شخصك ايه مُنزَله وعجيبه
شخصك ايه ... للبريا
ايه ماكو ... منها ايه
آيــه حـدْ اليــوم رتلها الــدهر
لهسه بالتفسير محتاره البشر يا هو انته
****
الشاعر
موسى البديري
قصيدة ( نموت وياك ) لسان حال الانصار يقولون لأمامهم الحسين عليه السلام
نموت وياك حتى نعيش يحسين
بس ويــاك احنه نعيش مــرتين
كل شي وياك بي روح حتى المـات مذبــوح
مــــــــا مــــــــــــــات
****
اصعـب موتـه بــس ويـاك وبنفــس الوكت سهـله
الصعوبه البيها انته حسين انته الدين وانته اهله
نتخيّر بيــن جنــه ونــار ويـــاك الممـــات احــلــه
نــرخص دونـــك الارواح يمن روحك علينا اغله
فدوه نروح الك يا والد العتره
يا ديــن الالــه ومنهجه وسره
ودونك دمنه مسفــوح حتى المــات مذبــــوح
مــــــــا مــــــــــــــات
****
لــوّن نمــوت الك يحسين مـــو مــره الف مــره
ونــرد نعــيش هــم وياك ودونـــك والله نتــذرى
منعوفك ابد يحسين وحگ ضلع امـــك الــزهره
الخلود المات بس وياك الممات العَز الك عمره
الخلود وياك يا سـر الله والدين
المات وياك عايش هذا يحسين
يا قبله من الجــروح حتى المـــات مذبوح
مــــــــا مــــــــــــــات
****
المــات بكربلائــك هــاي دونــك يا ابــو اليــمه
وفوگ الغبره ظل مطروح تغسل من نزف دمه
هــذا الفــوز يـــا مــولاي وهــايه نعمّة النعمّـه
الموت شگد صعــب لكن دونك مكرمّهَ ورحمه
نضحي ارواح الك يا وارث الهادي
لحد اخــر نفس بس بأسمـك انادي
انته الروح للروح حتى المات مذبوح
مــــــــا مــــــــــــــات
*
اتخــذوه جَمــل هاليــل مــن گلهم ابــو الاكبــر
گالــو يــا ابــو عبدالله العّـنــك يبتعــد يخــســر
محمد انتــه بالميــدان نشوفــك يــا شبل حيدر
گبل نحرك يبو الاحرار نرَخّص سيدي المنحر
مناحــرنا الك يبــن النبــي فـــدوه
هوه العمر دونك كل شي ما يسوه
الا ودمــه مسفـوح حتى المـــات مذبوح
مــــــــا مــــــــــــــات
*
وعــدّ جــدك مناره تصير الك يا سيدي وحضره
وتزورك سيــدي البلــدان يبن الطــاهره الزهره
شعظها احنه بضريحك ذاك يـمْ بابك نشم عطره
يتَخَلد مـنْ يصير ويــاك تــرفعه وترفــع بقـدره
يحسين الخلــود انطيتــه الــرفعه
يبن سر الوجود الطاهره البضعه
بنيت ابدمك اصروح حتى المــات مذبوح
مــــــــا مــــــــــــــات
*
يحسين شكبــر حضنّــه احنـه نصيـر بكتـارك
ونــور البينه يــا مــولاي ماخـذ هيبة انوارك
يمر بينا غــدا مولاي كـل عاشگ گصد زارك
دنيــا واخــره يحسين نفخــر احنــه انصـارك
باچــر بالامــامه تنـــدعي الامه
دنيا واخره احنه ويه ابو اليمه
يمن اسمك على اللوح حتى المات مذبوح
مــــــــا مــــــــــــــات
*
الشاعر موسى البديري
قناة الشاعر موسى البديري:
ســــلام الله علــى الناصــر عضيــده
ســـــلام الله ونعــم يــا أبــو حميــده
*
مسلم يـــا عظيــم وبسملــة ثــــوره
ألك ابعــث ســلامي محمـل بحسره
زغير أصل الشعر والموقف شكبـــره
ويـــــا مـــوقــف أوصفنــه أبقصيده
*
القصيده اگبال شخصك حگهه تتحير
أوســع مـــن خيالــي وأعظــم واكــبر
واحـد مـــا خفـــت واگبــالك العسكـر
أســد بالكوفـــه والجيـــش الطــريده
*
أسد بالكوفــه تزأر يا شبــل عدنان
نكست الـــروايا وجندلت فـــرسان
مدد صايــح عــدوك والفكر حيران
واحــــد انتــــه تختــــار التـريــــده
*
واحد والجيــوش أتلـوذ صـف بصـف
گلبت الكوفه وحدك گبـل يـوم الطف
علــى قصــر الامــاره بــرايتك تزحف
وجيش أهــل الكفــر يبــعث بــــريده
*
بريده ايگول ودي أجيوش للحومه
وابن أزيـــاد حــار بگعدته ونــومــه
علــي الكرار هــــذا الشاعت أعلومه
المنايـا أعلــى الكفــر وزعهــا بيـــده
*
وزعّــت المنايــا الجــيش زلــــزلته
عالــي الجيش بيــدك انتــه نزلتــه
تــاريـــخ السفــاره بـــزود شـرفته
وظـل بيــك المجــد يلهــج نشيده
*
الشاعر
موسى البديري
شوط كربلائي في فضل الأنصار عن غيرهم وقول الامام الحسين عليه ما وجدت أصحاب خير من اصحابي
گـــال حسين ابــو اليمه
كلمه تحيّــر الأفكــار
مثل أنصاري ما موجود
ولا ينعاد هيچ أنصار
*---------------*---------------*
كلمـه تحيّــر الاذهــان كلمه أتحيّــر الألباب
عن أنصار ابو اليمـه تحير شتكتب الكتاب
بهاي الكلمه والمضمون سد حسين عنها الباب
كــل جيــل اليمـر حاير
أمس والجاي والحاضر
بذاك الصــار بالعــاشر
فدوه گالو من أنموت بدربه نعيش بس أحرار
*---------------*---------------*
مو مــره لــون أنموت خل انموت الف مـره
ونرجــع نحترگ بهواه بعالي الــريح نتذره
قليله نحسها ومقصرين لابن الطاهره الزهره
العشگ لحسين مـو للغير
عسل لجله الممات يصير
اليحب حسين حگه يحير
شهيد المات مـــن حبه ويه حسين الـــه تذكار
*---------------*---------------*
حبيب الناهز التسعين شمعة شوگ اله صاير
قـــدم للعشگ ايـــات رتلها بظهــر عـــاشر
لذلك من يزور حسين لابــد ما الــــه زاير
حبيب وقائــــد أنصاره
يزور حسين مــن زاره
يسجـــل بيـــده زواره
ربك خص حبيب بهــاي هـــوه يسجل الزوار
*---------------*---------------*
چون اسود وجه موصوف لكـن ابيض النيـه
هيــچ حسين نـاس يـريد الاهم مو كثره نوعيه
العشگ گالــو قيود يصير بـس لحسين حريه
كل شي يختلف لجله
حتى الموت اله احله
المحبه طاعه مو ذله
عجيب الحب لبواليمه شبيها لا ابد ما صار
*---------------*---------------*
اليحب حسين جده يگول الله اليغفـر اذنوبــه
مر بالطف عشگ ما صار عاشگ ويه محبوبه
عشگ عابس لبو الأحرار شگ صدره گبل ثوبه
السيوف بحب ابو اليمه
يحسها اتبوسه وتشمه
يا حـــب الوصــل يمـه
بيها الكــون حــد اليوم بوصافه بقــه محتـار
*---------------*---------------*
لــون انعــدد الانصــار نحير أنوصف أنصاره
وهب لو عن برير اهناك بحر ما نوصل اسراره
نور يشع علـى الأجيال حسين تشعشع أنواره
ضمايـــه بحبــه اتروو
بطينة كربلــه انعجنوا
نور بكل عصر ضوو
بيهم حـارت الكتّـاب شكتب عنهم شتختار
*---------------*---------------*
للحب جامعه وقانون صاروا والله واطروحه
وكل جيل اليمر بيهم لازم تحترگ روحــه
الما فاهم عشگهم ذاك خـل يبطــل ابنـوحه
كون اليبچي فـــاهم زين
سر ذاك العشگ لحسين
چــان حسين ألهم ديــن
لذلك عــــاشوا بكل جيل ديــن ومنهـج الثوار
الشاعر
موسى البديري
*
کانى بمولاتي ام القاسم عليهم السلام
تقول... 🏴🏴
ابو ذيات
هلبت بلگلب ونگطع هلبت
رحم حالي زماني بيك هلبت
گلت تصير مرت الولد هلبت
وازفنهه إلك هاي المسيه
🏴🏴
وليه الدهر ياجاسم وله امك
لنته اتحنت چفوفك وله امك
تالي الربه موذرينك ولمك
ياجاسم بدي امن الوطيّه
🏴🏴
عظم الله اجوركم
ام محمد الحجاج
#طور_الخضيب
زينب وحيدة بالغرب وينه لْيواسيها
من ترتحل دون الأخو منهو لْيسليها
ياهو اليقدملا المُهر ومنهو ليعزيها
وياها الحزن رايح ولا لحظة يفارگها
آه يزينب... آه يزينب.. آه يزينب.. آه
آه يزينب آه يزينب آه يزينب آه
وينه أُخوها بوالفضلْ وينه لْكِفلْها وينْ
ساعةعصيبة عْله الأخت بْليَّه الحسنْ وِحسينْ
راحَت سِبيّة والظعنْ وينكْ يَحيدرْ وينْ
ريتكْ يَجدْها المُصطفى يمها توادعها
آه يزينب...
(سارة اليتامى)
جيبوا بيرغ العباس
عصابه ارد اشدنّه
.....
انطوني بيرغ الغالي
يمسح مدمعي الهالي
اشم بي عطر كفّالي
ولحسيني اردّنه
........
هذا بيرغ النخوه
عليه امطرّزه الخوه
للكافل رحت فدوه
يحضرني اريدنّه
........
جيبوا رايته الخضره
المن عدهه يشع عطره
راح واخته تنتظره
عن جوده انشدنّه
.....
اشدّن بيرغه براسي
المالك روحي وأحساسي
اصيح بصوت عباسي
خلافك عمري اعدّدنه
........
ياخويه يبعد اختك
تحضرني بعجل ردتك
خويه شكثر ناشدتك
الحمل چا بيش اوسدنّه
......
جيبوا بيرغ الغيره
اليصعب صدگ تفسيره
الميخلّيني ابحيره
نهر دمعي اهدّدنه
.....
الشاعر محمد حسن ضيغم
/channel/kasaedalatharDaygham
تسولف هظمها
ام عون لمها
جيت وي اخوتي امدلله للغاضريه
راحوا ييمه وزينبج صارت سبيه
ــــــــــــــــ
اجيت بمستحه يم كَبرج ارد احجي
سوالف ضيمي بدموعي ردت اشجي
اريد اهوه اعله كَبرج وانتحب وابجي
اذا صحت آه من متني ... يعني المتن يشكيلج
وأذا عصّرت بجفوفي ... اثر لحبال اراويلج
للطف وصلنه
بزود الكفلنه
وتاليهه دعاتي اصبحت بالطف جريه
راحوا ييمه وزينبج صارت سبيه
ــــــــــــــــ
شسولفلج وهنّه هوايه مو وحده
حسين اكعد جنت متدللله بسدّه
أنه بعاشر شفت فوكَ الترب خده
طحت عالكَاع جم مره .... وكَع شفته وبلايه حيل
ييمّه وصحت عوفنّه ... من داست عليه الخيل
بكَد ماتسحكَه
تمنيت اشبكَه
ماخلّت بصدره ضلع خيل ال اميه
راحوا ييمه وزينبج صارت سبيه
ــــــــــــــــ
الفيّه اعليه بالرايه الدرب كلّه
واثر جدمي يمسحه بأيده انظرله
مرد كَلبي جرح راسه وأذه النبله
وصلنه وسرفن اذراعه ... وبنه بطف كربله اخيامي
بلا ذرعان ومصوّب .... اشوفه شلون جدامي
الجان الي سور
دم راسه مهدور
من شفت اديه حيل اندبت يابعد اديه
راحوا ييمه وزينبج صارت سبيه
ــــــــــــــــ
يمر هاجس مصايب كَلبي واتذكر
ايد بأيد جاسم يمشي والاكبر
بعطرهم آنه يلو مرّوني اتعطّر
تالي اموسّد اعله الكَاع ... علي وجابه الحسين النه
وجسام بدمه نحره .... جفه الغالي اتحنّه
ليلى ويرمله
ياهم تحمله
وعبدالله مات من الضمه بسهم المنيه
راحوا ييمه وزينبج صارت سبيه
ــــــــــــــــ
يمر بيّه الدلال وتنزف جروحي
وعلى الخوه اكضّي ليلتي ابنوحي
سبيّه شلون ردت تطلع صدكَ روحي
ركبت الناكَه وعيوني ...تهل من شدّت احزاني
صفيت ابين هل غربه .... عكَبكم والله يخواني
بلاوالي امشي
وضيّعت كلشي
هذا الجره وبعض الجره ها يالزجيه
راحوا ييمه وزينبج صارت سبيه
ــــــــــــــــ
بعد وحده ردت احجي وأسولفهه
مصيبتنه صعب يمه أنه احملهه
بالمجلس وحرارينه منو الالهه
بخرابه نيّمونه اعداي ...سهله والاشد منهه
رقيه ماتت اعله الراس ... من كَد ما كثر ونهه
بغربه ادفنتهه
وما جفّنتهه
اثار سوط اعله المتن ماتت رقيه
راحوا ييمه وزينبج صارت سبيه
ــــــــــــــــ
الشاعر محمد حسن ضيغم
/channel/kasaedalatharDaygham
الف انعم الله اعليك يابو اليمه
يزل جدمي وانت تجيبني الهل خدمه
ــــــــــــــــــ
يل جاذبية حبك اتحير اعقول
حبك جذبني وهذا كلش معقول
هنياله يوم الصرت عندك مقبول
ترد اليحبّك ليك لو زل جدمه
ـــــــــــــــــ
شكرا الك كلش قليل احجيهه
المفروض عيني المحنتك اعميهه
يم جدمك الروح ابلاش انطيهه
اشكبره حضي وبسمك آنه اتسمّه
ــــــــــــــــــــ
يمك رسى كَليبي وفجت بشواكَك
يلّي بدليلك شلت كل عشاكَك
فراك الخلكَ سهله الذبحني افركَك
والهجر يذبح ياحسين بسهمه
ــــــــــــــــ
يطشّرني وكتي وترجع انت تلمني
ومن حزني ليك اتريد ما تحرمني
لو زرت احس الصدرك انت اتضمني
وبتربتك عطرك حسين اشتمّه
ــــــــــــــــــ
تقبلني خادم هاي والله جبيره
رغم اليخدمك ماخلص تقصيره
بدونك احس دنياي حيل ازغيره
ياربي دوم اعلينه هاي النعمه
ـــــــــــــــ
خبزة حلال الخدمه ما تتلوّث
وجيل وبعد جيل ابفخر تتوارث
عاقبتي حر ماريدهه ابن الاشعث
تفتحلي بابك ها يباب الرحمه
ــــــــــــــــ
خل صدري اخسفه ابمجسلك يامولاي
وعيب استلذ بالماي وانت بلاماي
يل نمت عاري اعله الرمل ماكو فياي
فدوه آنه اروحن ليك اسهل جلمه
ـــــــــــــــــــ
الشاعر محمد حسن ضيغم
/channel/kasaedalatharDaygham
مسلم شعار الثورة مسلم رأيه
محمد النوري