8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
*فزاعيه لفاطمه العليله(ع)*
*((من ديوان📚 عبرات وأنين الجزء الثاني))*
❥━──➸➽❥❂❥━──➸➽❥❂
ظلت وحيده بالنزل
بت حسين حزنانه
❥━──➸➽❥❂❥━──➸➽❥❂
ظلت تدير عيونهه
بلكي الأهل يلفونهه
ويا النسه يجيبونهه
ومنها الروح خلصانه
❥━──➸➽❥❂❥━──➸➽❥❂
حزينه وتون بدارها
وخافن يجي خطارها
يسألون عن أخبارها
وبعدك وين منوانه
❥━──➸➽❥❂❥━──➸➽❥❂
ظلت تون و تنتحب
عگب الاهل حيلي تعب
وهاليوم مدمعها يصب
واعله الاهل لهفانه
❥━──➸➽❥❂❥━──➸➽❥❂
تريد الاهل يمها تظل
وتصيح اه يابو الفضل
فراگ الاهل ماينحمل
ومنه الروح نحلانه
❥━──➸➽❥❂❥━──➸➽❥❂
بچاني افراگ اخوتي
وبيا بحال زينب عمتي
وهموم گلبي تجلي
لو شفته يمشي ويانه
❥━──➸➽❥❂❥━──➸➽❥❂
يعينچ الله عالجره
وحدچ بگيتي محيره
وشصار بيه وما درة
و تولته عدوانه
❥━──➸➽❥❂❥━──➸➽❥❂
*بقلم🖊خادمة الحسين*
*العلويه مريم النور*
*نسألكم الدعاء الفاتحه الى روح اختي وﻷمواتكم:🍃*
نعي لمولاتنا العليلة "عليها السلام"
يساعات الوداع اشكثر.. مُرات
عشتهن والمصايب علي..مرت
مرة ابچي على الخوان..مرات
"أركض للضعن واشبگ رقية"
وداع الموت والله اتوادعينه
ينطر گلبه اليشاهد بـــچينه
احا يادهر و شســـــــوه بينه
هدمها احلامنا وكلشي بنينه
صـــاحـت عَمْـــتــي گومن يالبنيات
خنــــودعــهـــا ونــهـل يمها دمـعات
احس راحت تشوف اهـواي شوغات
مــن تــحــتاجــنــــه واحنه بعـيدات
من تـــحتاج لينه وما نجيها
ومنهو اليسمع الونها وبچيها
بعد بــس الصور تبقى بديها
چنها اتعاتب وتسمع حچيها
يهلي بس صور تبقالي تذكار
وتنقـــلها إليـه كل الاخـــبــار
ترسملي الطفوف وترسم النار
واجـساد التضل عل غبرة طشار
ياگلبي عله اهلي ابهجر مذبوح
كـــــل يوم اليمرني اتزيد الجروح
ترى التـفگد تون حد طلعت الروح
مثل ونت يتــيمة وتـــعشگ النوح
وصلت اخــــر مــحطاتك يالوداع
شبيك اوياي تخلص ليش شبساع
أنـــه اتمـــنيــت كون الروح تنباع
لحـــســـــين اشتريها ويترك الگاع
ــــــــــــــــــــــــــــــــــــــ
✍🏻تمت بعون الله وتوفيقه بقلمي زينب الواسطي لانجيز حذف الإسم نسألكم الدعاء
#واذبيحاه~واحسيناه
#لا_يوم_كيومك_أبا_عبدالله~
يا شيعة يا موالين لا يوم كيوم الحسين ع الغريب المذبوح في كربلاء امامك يوصف هذا اليوم..
إِنَّ يَوْمَ الْحُسَيْنِ أَقْرَحَ جُفُونَنَا ، وَ أَسْبَلَ دُمُوعَنَا ، وَ أَذَلَّ عَزِيزَنَا بِأَرْضِ كَرْبٍ وَ بَلَاءٍ ، أَوْرَثَتْنَا الْكَرْبَ وَ الْبَلَاءَ إِلَى يَوْمِ الِانْقِضَاءِ . فَعَلَى مِثْلِ الْحُسَيْنِ فَلْيَبْكِ الْبَاكُونَ…
نعم فلمثل الحسين ومصاب الحسين فلنذرف الدموع وتزهق الأرواح وتجزع القلوب ويضج الضاجون لمصاب ذبيح كربلاء~ فلو علمنا ما جرى على الحسين ع ما تحمّلنا~ ساعد الله قلب زينب الي شافت وعاشت مصيبة كربلاء ~ ششافت زينب ع~
شافت اجساد فوق الغبره
ونهر من الدم ينزف نحره
وجسم المظلوم نابت بسهام
ظامي العطشان حزوا نحره
تصوّر مشهد شافت منحر
جسوم بلا روس وجسم معفّر
وأثر الحافر بصدر المظلوم
وهنا اوصال وهنا خنصر
بعد يا موالي تتحمل؟؟؟
شافت سهم وبيه كبد حسين
وسهم مثلث وگلبه نصين
راحت تجمع قطعه قطعه
احتارت تدفن اخوها في وين
يا اهل العزاء كأني بـ زينب جمعت اوصال الحسين ع ولكن لما داست جسده الخيول بعثرت تلك الأشلاء اه اه صح ونادي واحسيناه~
وهنا كأني بـ زينب أوصت زين العابدين ع بكلمات
وصية زينب ع للدفان لحن الجفيري قلب امك يبني مفتت~
عندي وصية دفان حسين
الخنصر مگطوعه وگلبه نصين
بهيدي تحطه خويه بگبره
ادفن وياه هناك الكفين
ابدمه مغسّل ترابه الأكفان
بهيده ادفنه خويه عطشان
رش الماي وبلّل چبده
ولمّ اوصاله فوق التربان
اقرا زيارة من توسده
وحط بهيده خويه بلحده
تدري صدره تهشّم بالخيل
نحر المذبوح بهيده وسده
خويه خويه خويه خويه
خادمة آل محمد✍🏻
https://youtu.be/CejRG5FhkTg?si=K2wPKKcmSfy-YNUV
#هل_من_ناصر_ينصرني
*جنازة الحسين ع*
بقي ثلاثا بالعراء تصهره الشمس بحرارتها وقد صنعت له الرياح ثوبا من الرمال وكفنا من التراب وغسله من فيض نحره صح ونادي وحسيناه…
لحن الجفيري قلب امك يبني مفتت
ميت مذبوح حزوا نحره
ثلاثه الحسين فوق الغبره
ظامي مذبوح وداسو صدره
نوحي لاجله يمه زهره
ويلاه ويلاه ويلاه ويلاه
〰️〰️〰️〰️〰️
لحن جاوبني يا علي~
ميت على التراب
ومن دمهِ الخضاب
ظامي انذبح غريب
وراسه قرا الكتاب
وهله مشين سبي
وهتكو خدري العبي
وزينب على الهزل
تنوحن بنت النبي
مروهن بجسد
ميت بلا لحد
لا غسل ولا كفن
ولا من يمه أحد
محّد نعشه يشيل
ودم النحر يسيل
وراسه على الرمح
وشيبته بس تميل
وزينب لن تنظره
وجسمه على الثره
وراسه بسبي مشى
ومعفّر منحره
حسين انذبح شهيد
مدمي من الوريد
مسلّب من الكفن
مرمي على الصعيد
خادمة آل محمد✍
*جديد نعي مفجع وداع مولاتنا زينب ع لقبر امها الزهراء ع*
بعد هناك وداع مفجع بين البنت وامها زينب عند قبر امها الزهراء ع تودعها والعبره في عينيها والحسره تخنقها اماه يا فاطمة حان ذاك الموعد حان الرحيل لأرض كربلاء اماه يا زهرااا~~ وهنا يا اهل العزاء كاني بزينب رمت نفسها على قبر امها شاكية بدموعها تگلها
زينب عند قبر امها تشكو لها محنتها في كربلاء/ لحن الجفيري
گعدي يا زهرة حيدره
ذِحوا حسينچ عالثره
گطعوا يا يمه منحره
وثلث ليالي بلا دفن
〰〰〰〰〰
يمه عزيزچ عالتراب
دمه من المتحر خضاب
ذبحوا رضيعه والشباب
وما عنده ثوب ولا كفن
〰〰〰〰〰
لو عينچ تشوف الغريب
شيبه من المنحر خضيب
يا يمه والخد التريب
يمه غريب بلا. وطن
خادمة آل محمد✍
گومي يمه حانت ساعة التوديع يا حنونه
گومي يمه والگلب همّه فجيع ودّعينه
گومي يمه بكربله هناك يا زهره احضرينه
احضري ساعة الوداع وعند الوصيه
〰️〰️〰️〰️〰️〰️
احضري يا يمه لحظة ذبحته بعاشور
من اصعد على التل واشوف حسين منحور
وخيول الاعادي تجول عا صدرهِ المكسور
احضريني الموقف صعب يوم الغاضريه
خادمة آل محمد✍🏻
بعد بعد الشكوى عظيمة يا زهراء اسمعي شكاية زينب~ لحن اسمع عتابي
يا يمه احضريني~ وبالطف د عينيني
وبمحنة حسين ~ يمه واسيني
تشوفينه مذبوح~ ودم نحره مسفوح
مخضّب بدمّه وعالغبره مطروح
بذبحة حسينچ ~ الله يعينچ
بالحومه يمه ~ اسمع ونينچ
يُمه يا زهره ~ جروحاته كثره
وسهم المثلث ~ ومحزوزه نحره
حسين يا حسين
خادمة آل محمد ✍🏻
#محرم_1447
#قصيدة_رباعية
#في_خدمة_الخطباء
كُتبت بفضل مولاي القاسم ورعاية صاحب الأمر عجل الله فرجه
وصية الإمام الحسن عليه السلام لابنه القاسم:
1/ إنِّي نَذَرتُك يا بُنيَّ لكربلا
لمَّا سيخذلُ عمَّك كلُّ المَلا
كي فيكَ يلقاني هناكَ مُرمَّلا
لا ليسَ يمنعُني المماتُ لنصرتِهْ
2/ كن في الطفوفِ ملاذَ رملةَ والنسا
قل للحسينِ فداكَ لو دهرٌ قسا
وعمامةٌ أوصى أبِي أنْ تُلبسا
حتى أخضَّبَ بالدماءِ بعمَّته
3/ كن كالنسيمِ، إذا قَسَتْ شمسُ النهار
كن قطرةً تروي، إذا عَطِشَ الصِغار
ولزينبٍ لو سلِّبت فَكُنِ الخِمار
واملأ لعبَّاسٍ حنايا قربتِه
4/ أصلِح نعالكَ حينَ يُعييك القدَرْ
تلقى الحسينَ بجنبِ رأسِك قَد حَضَر
لملِم دماءَك خوفَ يؤذِيه النظَر
أخبره أنَّك قد شُفِيتَ بنظرته
5/ إسأَلْ حسينًا هل وَفَيْتُ مُقَطَّعا
إنْ قال لا، فاجمَعْ عظامَك مُسرِعا
واحمِلْ على الأعداءِ واتلُ المَصرَعا
لبِّ الحسينَ فداءَ نصرةِ غربته
6/ لمَّا ترى شمرًا أسلَّ الخِنجرا
هيِّئ ضلوعَكَ كالحسينِ لتُكسَرا
واذرِفْ دماءً فوقَ خَيْمِهِ مُمطِرا
فالنارُ قد أكلَتْ عَباءةَ طفلتِه
7/ آنِسْ غريبةَ هاشمٍ وسطَ السبِي
وإذا سمِعْتَ الشمرَ قال تَعذَّبِي
جدِّدْ نِدا "إنِّي أنا إبنُ الأبِ"
قد عُدتُ أمنعُ بطشَكُم بعقيلته
✍️ السيد عباس السيد حسين
نسألكم الدعاء
راح الضعن واعيونه اله هماله
غرب ابوي وركباها اعياله
........................
اخذوني اصيح ومحد ايحاجيني
اليوم ابوي حسين المبجيني
للضيم اضن لمن مشه امخليني
ياذيني يفراك المشو ياذيني
ول يفكد اعززازه يموت اشواله
...............
كلوله اموت ابغيبته كلوله
معلوله بتكم ياهلي معلوله
معقوله ماشوفه بعد معقوله
صرت بغيابه خايفه ومذهوله
ماضلت ابعيني الدموع اوشاله
...............
راحو وانه الما حملوني وياهم
انسه العمر بس اهلي ما انساهم
ماي وتبدو وين اهلمه الگاهم
روحي يحال الميت ابلياهم
والي يعوفونه هله ياحاله
............
احا يفكد الراحو يبجيني
لجلك نذر يحسين فدوه سنيني
حمل ضعن وانه اصد ابعيني
من راحو موتوهه سنيني
وانه الجنت لحسين مثل اخياله
................
العدهه ابوهه يصير مثل الخيمه
مو عايف الدلال وحده بضيمه
يمطر زماني حزنه شبه
الغيمه
وانه ادري ابوي حسين كلك شيمه
ماحملاني شلون ويه اعياله
..............
كلوله ابوي حسين هم نتلاكه
يمه واحسن للابو مشتاگه
يكتلني لو طول عليه افراگه
نار البعد وسط الكلب حراكه
ماخذ دليلي ويه ضعن الشاله
................
ماخذ دليلي والتصب اعيوني
خافن يردون اولا يلگوني
وخوفي اهلنه لو بطو ينسوني
خنگه العمر لمن هلي عافوني
والونه لجل المارجع جتاله
...................
خدام اهل البيت
ازهر العضيمي
علي الزرگاني
#شوط كربلاءي
وين بهل سفر ناوي ياسايگ رچاب اهلي
احلفك بالظلع والعين للملگه وعد خلي
✿────↻✿...✿↺────✿
تبعت اليحدي بالناگه واشيلن بلجدم گوه
نوبه بهدمي اتعثر ونوبه اعله الارض اهوه
ونادي بصوت يلحادي منك رايده عطوه
امشي بهيده موش بساع
أريد اشبع من اهلي اوداع
وتجيني ياشهر يا ساع
عليله واتجه لاوين لو مال او وگع حملي
✿────↻✿...✿↺────✿
اسولفلك يحادي النوگ عل اليفگد هله وناسه
المابي عله مو وجعان تصعب جرة انفاسه
وانه الماجزه الركبان شاب من البعد راسه
يحادي الناگه لاتحدي
آمل ابواالدي عندي
يگول ويه الضعن صعدي
ويركبني وي عماتي ويمسح دمعتي التهلي
✿────↻✿...✿↺────✿
مشه له صعدت فوگ النوگ ولا اخذوني وياهم
چن چنت بحلم وصحيت وعلي بعدت رواياهم
بچيت وسلمت امري وبقيت احسب الملگاهم
ارجعت گوه انگل بجدمي
الكتلني مو مرض همي
لا اختي بقت له امي
تمنيت العمر يخلص بعدهم بلعمر شلي
✿────↻✿...✿↺────✿
ارجعت لدياري محنيه وميلن من يميل الريح
صغيره لفرگت احبابي دمعي على ثيابي يطيح
وتلفت يمين يسار بلكي الحادي بسمي يصيح
بدموعي ارجعت للدار
طروش اسالها ليل نهار
من عندي توصل اخبار
لبوي حسين وتگله تاخر يمته يرجعلي
✿────↻✿...✿↺────✿
✍نور الولايه الفاطميه.......
كربله ياكربله
***
فاجِعه البيها المَلَك بالحِيرَه حَس
بيوم شاهَد ثَـغَر كالكوثر يِـبَس
ومُصحَف البَاري ابرِجِل بَاغِي انرفَس
وفـُوﮒ بُـوسَات الطهر حَافِـر فَرَس
وصَعـبه صاح المَسأله
كربله ياكربله
**
بيها بَـدْر التَام أصبَح مِنخِـسِـف
واعلى شَاطي النهَر غطـّاه النَـزِف
وانسِـبَت شَمس الله بِحبَال الصَلِف
وكل ضوَاها الزاهِي اصبَح مختِلف
وعَلى النُوﮒ اِمسَنسِله
كربله ياكربله
**
بيها صَيوان البَخَت أصبَح جَـمُر
وصَارت السَطرَات تَرﭼية خِدر
وكِل ثِلث نسوَان تِمشي ابفَد سِتر
ودَخنة الخـَيمه تفيَّـيها الظِهر
والمَدَامع هَـامِله
كربله ياكربله
**
بيهـا درّة حيدره اتجود ابنفِـس
ومن جلُوس اتصلّي من سَاعة أمِس
حَقها شَافت حافِر اوبَاش الرِجس
تسحَگ النور الغِلَب نور الشِـمس
وياألَم تتحَمّـلَه
كربله ياكربله
**
بيها شَمعَات الفَرح غَفلَـه انطُـفَت
واحلَى هَلهُولة عِرس ماتَم صُفـَت
دِنيه صَلفه اِبظِـلّ السيُوف اختِـفت
وبَدَل طَش الوَرد دَم احمر ﭼـِفـَت
بألف حِيلَه امحَيّله
كربله ياكربله
**
وبيها طَـير امضَرّج ابـدَم النحَر
عُـمْره سِـتّ اشهُور واغتَاله القَدر
طَايح ابحِضن الدفـُو ادمُومَه مُطر
شُبگ رگـبَة والِده ابساعة خطَر
اِﮔبَالَه يضحَك حَرمله
كربله ياكربله
**
وﭼَـم عَزيز البيها رَاح و مَاإجَـه
وﭼَـم حِلِم مَذبوح بِـﭼفـُوف الرِجَه
وﭼَـم نِدَه اتبَـدّه اوتِلَاشَه ومانِجَه
وﭼَم تَرَافه اصبَحت جِثه امضَرّجه
ابدَمِع أم امغَـسِّله
كربله ياكربله
=============
لقمان لعيبي البدران
آ يا يمه.. احسين طايح يا حزينه
آ يا يمه.. حاطته الزمرة اللعينه
آ يا يمه.. دمه سايل من جبينه
آ يا يمه.. والسهم نابت بعينه
آ يا يمه.. والشمر يقطع وتينه
آ يا يمه.. والعدا هجمت علينه
آ يا يمه.. والسبط منهو يعينه
آ يا يمه.. والزلم طاحت يمينه
آ يا يمه.. هذا قبطان السفينه
آ يا يمه.. عالثرى جثته رهينة
آ يا يمه.. والنسا تصرخ حزينة
آ يا يمه.. وينه طه وينه وينه
آ يا يمه.. ما يجي ينظر حسينه
آ يا يمه.. فادي روحه يحمي دينه
آ يا يمه.. وانقضت كلها سنينه
آ يا يمه.. واصبح ينادي عَلِينه
آ يا يمه.. هالدمع صار اعتمادي
آ يا يمه.. والشمر اصبح ينادي
آ يا يمه.. هذا سيفك يا مرادي
آ يا يمه.. سوف يحتز ابن هادي
آ يا يمه.. قد اتى ينعى الجوادِ
آ يا يمه.. لم يعد لي من عمادِ
آ يا يمه.. صبحنا اضحى سوادِ
آ يا يمه.. والنسا تجري تنادي
آ يا يمه.. شمرُ قد اصبحَ حادي
آ يا يمه.. والصدى ينعى الفؤادي
آ يا يمه.. دمع عيني صار وادي
آ يا يمه.. حرمله يرمي سهامه
آ يا يمه.. بالنبوة والامامة
آ يا يمه.. بالقلب صوب علامة
آ يا يمه.. بالخيم شبوا ضرامه
آ يا يمه.. كربلا صارت ظلامه
آ يا يمه.. مثَّلت يوم القيامة
آ يا يمه.. خيلهم رضت لظهره
آ يا يمه.. بالظليمة ينعى مهره
آ يا يمه.. والدموع اتفيض حسره
آ يا يمه.. والنسا طلعت تنظره
آ يا يمه.. سرجه مايل فوق ظهره
آ يا يمه.. احضري يمه يا زهره
آ يا يمه.. الشمر من فوق صدره
آ يا يمه.. بالمهند حزِّ نحره
خادم العترة الطاهرة
🗓 #محرم_1447هـ
🗓#بحر_طويل
#بين_العليلة_وزينب_ع
ياعمه رقية وين وعبد الله الطفل وينه
يمكن ماعُرَفت اوجوه خواتي ومنهن اسكينه
ردّت زينب ابآهات يامعظم مصيبتنه
رقية اهناك برض الشام مدفونه زغيرتنه
منها خمدت الأنفاس من الخوف طفلتنه
شافت بالطشت راسه والدم تارس اجبينه
عبد الله بسهم ملعون اويلي وگطعوا اوريده
اعان الله گلب احسين ابحضنه ذبحوا اوليده
انحنى ظهره ودعى ربه وأخذ دم الطفل بيده
رمى دم الرضيع الفوگ ولا قطرة انزلت لينه
زينب الخفاجي
عاشور وين الغالي:
عاشـور ويـن الغالـي.. والله و دمرتـه لحالـي
مـن تمـر تاخذ روحي.. ويكثر ونيني ونوحي
والله ودمرتـه لحالـي
عاشور كـل ايامـك بيهـا الحـزن يتربـــع
وتزيــد بيـه جروحـه
من تجبل باحزانك كلب المحب يتصدع
والعين تبجي بنوحـه
يا شهر هم ترضاها عليـه العــدة تتجمــع
وحسين باقي بروحه
باقــي وحيــد الغالـي.. ويلجمنـي بي دلالـي
اجروحه من اجروحي.. ويكثر ونيني ونوحي
والله ودمرتـه لحالـي
عاشـور كلـي عليهــن هاي العبـي المسبية
للشــام شيــوديهــن
تراب وشمس يلفيهن صـعبة الاض حربية
درب الجدم ينهيهـن
وعلى الرمـح باريهـن وعـيونهــن دمـعيـة
هـل فاجعـة تاذيهــن
وبهذكـرة كلبــي تكطــع .... ومن الالــم يتفلــع
والكة الحزن بي يوحي.... ويكثر ونيني ونوحي
والله ودمرتـه لحالـي
زينب تصيح اخوانـي فوك الأرض مرمية
والليــل رايــح بـــدرة
بصدر الاخو جم حافر مو واحــد ولا مية
جن كون طاح بصدرة
مو هينة تكطع نحـرة وتنهي نفس هلرية
هذا الغصن من سدرة
يالتنشد على احواله...ضلمة امست على عياله
ماصبحت بصبوحي.. ويكثــر ونينــي ونوحــي
والله ودمرتـه لحالـي
شاء القدر يالتسأل بهذا الشهر يسبوني
وتزيـد بيـه الحســرة
عن الاهل ينفونـي ومن كربلاء يبعدوني
فراك الاخو جن جمرة
هدت ايامه امتوني ماضل دمع بعيوني
وابن امي فوك الغبرة
آلـت الـي بلا وآلــي ....من هــو البعــد يبرالـي
يرجعلي هذا طموحي.... ويكثر ونيني ونوحي
والله ودمرتـه لحالـي
_حيدر الحجامي
*وروي في تفسير علي بن ابراهيم انّه قال: " ﴿اذن للَّذِينَ يُقَاتِلُونَ بِأَنَّهُمْ ظَلَمُوا وَاِنَّ اللهَ عَلى نَصْرِهِمْ لَقَدِير﴾... نزلت في القائم إذا خرج يطلب بدم الحسين عليه السلام."*
💔 *فالسلام عليكم اين ما حللتم وجلستم ،،، من أعماق القلب*:
أين مبيد العتاة والمردة، اين مستأصل أهل العناد والتضليل والالحاد، اين معز الأولياء ومذل الأعداء، اين جامع الكلمة على التقوى.
اين باب الله الذي منه يؤتى، اين وجه الله الذي إليه يتوجه الأولياء، اين السبب المتصل بين أهل الأرض والسماء، اين صاحب يوم الفتح وناشر راية الهدى، اين مؤلف شمل الصلاح والرضا.
"أين الطالب بذحول الأنبياء وأبناء الأنبياء، اين الطالب بدم المقتول بكربلاء، اين المنصور على من اعتدى عليه وافترى، اين المضطر الذي يجاب إذا دعى...
*#آآه لذلك المضطر بين الركن والمقام حين يخرج وينادي يا لثارات جدي الحسين*
*فقد نُقِل أنّه: إذا ظهر القائم عجل الله فرجه الشريف ، قام بين الركن والمقام وينادي :ألا يا أهل العالم، أنا الإمام القائم..*
*ألا يا أهل العالم، أنا الصمصام المنتقم..*
*ألا يا أهل العالم، إنّ جدّي الحسين عليه السلام ، قتلوه عطشانَا..*
*ألا يا أهل العالم، إنّ جدّي الحسين عليه السلام ، طرحوه عريانَا..*
*ألا يا أهل العالم، إنّ جدّي الحسين عليه السلام ، سحقوه عدواناً..*
*ومما يُروى بعد خروجه يذهب الى قبر الحسين ويدخل الحائر ويسلم على جده الحسين (( السلام عليك يا جداه ))فيمتلىء الحائر دماً عبيطا* 💔
#إختيار👇
#طور إسمع عتابي
المهدي بأنينه ~ زاير حسينه
وتهل دموعه ~ لذبحة وتينه
يوصل لگبره ~ يعاين لنحره
ودمعاته من دم ~ يلطم عَ صدره
يوصل مزاره ~ يأدي الزياره
غُسله دموعه~ ودمعه تجاره
يرفع كفوفه ~ ودمعه ذروفه
عجل يا ربي ~ ثاري بـ طفوفه
(خادمة آل محمد)
إختيار 👇
١/يالتّسألوني. وتناشِدوني
تبچي عُيوني. بالغاضريَّه
٢/الگطعوله نحرَه. الرّضّوله صدرَه
بْكل عام احِضْرَه. وانْصُبْ عَزِيَّه
٣/هل مِنْ جَزوعِ. يْواسي دُموعي
ولَطمةْ ضُلوعي. لابنِ الزّچيّه
٤/أيّامي غُربه. بس جدّي انِدْبَه
ودمعي أسِكبَه. صُبح وْمِسِيّه
٥/هموم العقيله أدري ثگيله
صارت كفيله لكن سبيّه!
(فاطمة رزق)
*#مأجور يا صاحب الزمان ، وانت المُعزى في هذه الليالي ، هل من معين فأطيل معه العويل والبكاء ، هل من جزوع فأساعد جزعه إذا خلا ، هل إليك يا ابن أحمد سبيل فتلقى؟!*:
وينك يا إبن حيدر واتشوف النحر مگطوع
وابيا أرض انت الساع تنحب والگلب مشلوع
نوبه عالسبية اتنوح ونوبه عالكسيره اضلوع
ويوم العاشر العاشور يصبح يوم أحزانك
#أطوار_مختلفة
يمهدينه اجه عاشور وبهلاله تشوف جروح
وصوت من السّمه ينعى سلام الله على المذبوح
إجانه محرم وإِحنه ابد ما يوم نِبّطْل النّوح
شحالك تُنْظر ابكل يوم جَدّك عالثره مطروح
نِدري بدمعِتَك مولاي وقلبك مِن تِروح اطفوف
تِشمّ من الخيّم دخان وعجاج الخيل تِصد وتشوف
وتصد ال تلة الحرة وتسمعها بقلب ملهوف
يخويه حسين عدل انت لو حامت عليك اسيوف
(خادمة أبي الفضل)
*#وا حسينااااه ... يا مولانا هذه عمتك زينب نزلت من على التل واسرعت الى الميدان لتصل الى إبن أمها وأخيها بين الزلم والخيل وعجاج المعركة ( الله اكبر ) وهي التي كان لا يُروى خيالها ولا يسمع لها صوتا ، وصلت نادت : يا ابن سعد اويقتل ابو عبدالله الحسين وانت تنظر إليه* 💔:
تقله طريت الزلم والخيل يا حسين
وادور عليك وين ما وين
لون سالم أشرلي بالإيدين
تراني فقدت شوفي يا ضيا العين
انا طريت الزلم والخيل والنار
ولا تانيت يسكن عج الغبار
جيتك واردً شوف اشصار ما صار
خويه لقيتك عالرمل وادري الرمل حار
*#نظرت إليه رأته بتلك الحالة ، حجر قد صك جبينه ، وسهم أصاب قلبه ، وجسدهُ قد أثخن بالجراحات والنصول والسهام ( لا إله إلا الله ) ماذا تصنع؟ رفعته عن حر الثرى ، وضمته الى صدرها ، تقول بلسان حالها*:
امنين أبدي قلي يا جرح واقعد اداويه
راسه تهشم بالحجر والدمه غاطيه
ناس ابرمح ناس ابسهم والنية تأذيه
وعينه على خيام النسه ينهض تناديه
ناداني يختي بالخيم داري النساوين
هسه الشِمر يمّي يجي ويقطع لي الوتين
وخيل الأعادي بالصدر تطحن الضلعين
وراسي تشوفينه برمح وتصيحي يا حسين
(خادمة ابي الفضل)
#جاوبها ابو علي
ردي الخيمة قالت الخيمه احرِقوها
سلي الحرم قالت حريمك سلِبوها
سَكتي سْكِينه قالت سْكِينه اضربوها
وصّيت مَن يحسين بينه
من تهجم الغاره علينه
وحنه حرم شنهو البدينه
انته انصبت واحنه انسبينه
#طور الجفيري
عودي يا زينب للخيّم
باري بناتي والحَرَم
بحق الكفيل على النّهر
وفييّ عليهم بالعلم
هوني عليَّه كل أمُرْ
روحي قبل حزّ النّحر
كل عمرك بآه وشجن
كافيك زينب كل قهر
روحي لخيامي التلتِهب
تِدري ابناتي ترتِعب
لو جاهم الظالم ترى
ويدفعهم لوجه التُرب
#جديد_في_خدمة_الرَّواديد
#محرم_١٤٤٧ هـ
#أعظم_الله_أجوركم
#لطم_شعبي
#الشيب_الاحمر
القاروره فاضت والدِّمه.. منها تقطَّر..
عالضِّلع تلطم فاطمه.. للشِّيبِ الاحمر..
---
١/
ياهو اليِواسي فاطمه.. لو هوَّدِ اللِّيلْ..
ياهو اليِواسي بالضَّنه.. ويل وألف ويلْ..
ياهو لي يمسحلَه الدِّمَه.. وأشلاءهِ يْشيلْ..
ياهو الْيِلِمِّ ضْلوعَه من.. عِدْ حافر الخيلْ..
تبچي بالِدمومِ السِّما.. للشِّيبِ الاحمر..
---
٢/
يمّه أنا أمَّك ترَه.. وتتفتَّتِ احْشايْ..
لَهفِي على شْفافك لأنْ.. ما شربنِ المايْ..
لَهفِي على مْصابك ترَه.. مَهدَك ع يِمنايْ..
وهسّه موَذَّر عالثَّرى.. تجرحْ تره هايْ..
وتنصبِ الأملاك العزا.. للشِّيبِ الاحمر..
---
٣/
آنه امَّكِ الثكله وبچت.. عيني عْلى فرگاك..
بچّيت كلّْ ما لا يُرى.. بْدائرة الأفلاك..
اللّٰه يحبِّ دْمومَكِ.. وْمن گد ما زكَّاك..
حتَّى الخاتِم يندبِ الْ.. خنصُر بيَمناكْ..
والعرش يهتزّ بالسِّما.. للشِّيبِ الاحمر..
🖋️ #ريان_الديراني
▪️ #أعظم_الله_أجوركم
لطمية حال ام البنين عليها السلام بعد وداع الأمام الحسين وعياله سلام الله عليهم ورحيلهم الى كربلاء (( يالخذت حيلي ))
يالخذت حيلي ومشيت الكربله
يمته ترجعلي واگلك ياهله
هم اشوفنك تعود ... واگطع الونه واهود
وترجع اوياك العقيله امدلله
يمته ترجعلي واگلك ياهله
انذر اسنيني واطشنهن نذر
كون ترجعلي وتجيب ام الخدر
گلي عد عينچ وابد لاتعتذر
روحي ماتحمل غياب ولاهجر
من غيابك هاي روحي امعلعله
يمته ترجعلي واگلك ياهله
روحي معلوله ولابيهه تطيب
ياحبيبي وبس الك چلمة حبيب
امك انه اشلون عن امك تغيب
خاف وحدك صبحت بالطف غريب
خاف محتار وتهم بالعايله
يمته ترجعلي واگلك ياهله
خاف محتار وتهم بعيلتك
ماشفتني اشلون حالي بغيبتك
امن الصبح لليل اتاني جيتك
اربعه انطيتك فداء الرگبتك
اگلوبهم كلهه محنه ومرجله
يمته ترجعلي واگلك ياهله
مرجله وخوه ومحنه انطيتهم
اربعتهم فدوه الك وديتهم
احزام ضهرك للحرب ضميتهم
كلهم يفزعون لو ناديتهم
منهم يخافون خولي وحرمله
يمته ترجعلي واگلك ياهله
خلوا الرجفات بگلوب العده
للذبح والموت حاديهم حده
يامصاب امصابكم ماله جده
گالوا اثياب العليك امفرهده
وگالوا اخوانك ضحايه امچتله
يمته ترجعلي واگلك ياهله
✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر
*مجلس نعي للعليله*
*من ديوان 📚 عبرات وأنين في رثاء الطاهرين الجزء الثاني*
❥━──➸➽❥❂❥━──➸➽❥❂
*صلى الله عليك يا سيدي ومولاي يا رسول الله و على الك المظلومين صلى على عليك يا مولاي وابن مولاي يا أبا عبد الله يا غريب يا مظلوم كربلاء يا مسلوب العمامة والرداء غريب ومن مثلك غريب سيدي ما خاب من تمسك بكم وأمن من لجاء إليكم يا ليتنا كنا معكم سادتي فنفوز والله فوزا عظيما.*
*القريض:🍃*
----------------
بعد الاحبة ما الديار ديار
امست لديه فكيف تحلو الدارُ
ناشدتها لما مررت بها على
مغناهم و مدامعي مدرارُ
يا دار أين يصحبنا شط النوى
قولي لنا هل من يقر قرارُ
أن الاحبة ان تسلني عنهم
فجميعهم أيدي سبا قد صارواُ
وكأنني بلسان حال الدار قد
أبدي الجواب وكله استعبارُ
اني بقيت من الكرام خلية
فعلى محاريب الصلاة غبارُ
*ابوذيه:🍃*
---------------
مريضه شلون اهيد الروح بعداك
يبويه نعاب گلبي بسبب بعداك
أحس الغدر من تروح بعداك
ويغدرونك يبين سيد البريه
*نعي فائزي:🍃*
---------------------
يا بويه رايح وين وأنه ابگه مريضه
منهو الذي يوصلني الك يبين الوديعه
ليش انه من دون الخلگ ابگه بهالدار
وماخذ العيله وياك كلها زغار وكبار
ابگه بوحدي بالنزل والدمع يهمل
ضليت أناشد يالاهل والفرگه تكتل
يا دار انشدچ وين غابو عني الأحباب
ظليت اون بسكوت بس الدمع سچاب
انا لله وانا إليه راجعون وسيعلم الذين ظلموا آل بيت محمد إلى اي منقلب ينقلبون والعاقبة للمتقين اجركم الله يا شيعه في هذا المصاب العظيم وهوه مصاب مولاتنا فاطمه العليله (ع) بنت الإمام الحسين وهيه طفله مريضه عليله لم يأخذها الحسين معه عندما رحل إلى ارض كربلاء فحين الوداع لما نظرت إلى أهلها وقد ساروا عنها أخذت تزحف نحو ظعن اهلها وهي تنادي:أبه كيف تتركوني لوحدي؟ أبه خذوني معكم
رجع الإمام الحسين لها صبرها قال بنيه إذا وصلنا مكان الاستقرار ابعث إليك عمك العباس واخاك علي الأكبر يحملانك إلينا .قالت يا أبه ان نفسي تحدثني ان لا لقاء بعد هذا اليوم هذا اخر لقاء وجائت فاطمه على الهوادج تودع عماتها وأخواتها.
وبقيت فاطمه العليله تبكي ليلها ونهارها وبين ساعة واخرى تنظر الى تلك الدار الموحشه التي خلت من أهلها وتبكي وتنوح على فقد احبتها .
*نعي مجرد:🍃*
--------------------
مريضه وهلي كلهم جفوني
ويا الضعن ما حملوني
وبدارهم وحدي اتركوني
خلوني عليله وگلبي محتار
واناشد عله أهلي الراح والمار
بلچن تجيني منكم اخبار
ظلت عيوني تربي عالباب
بلچن يجيني منكم اجواب
وتردون اشوفنكم يالاحباب
يا هلي سفرتكم طويله
و نيت و الونه ثگيله
وهم العلي ما بيه حيله
هم العلي وجر دليلي
عگب الاهل يا عيني سيلي
و فراگهم مرد دليلي
تردون لو نگطع الضنه
نعم يا مواليات يا معزيات الزهراء كلنه فاقدين احباب عزاز على گلبنه وما نحمل فرگاهم اذا فقدنه شخص واحد عزيز شيصير بحالنه چا شلون حال هاي الطفله العليله المريضه الفقدت أهلها وظلت وحيده تناشد الدار وتريد الي يساعدها بالونه اليوم خلونه انوح وياها ونساعدها بالونه تگول :
*نعي مجرد:*
يالفاگده اهلچ وني وياي
ونوحي وعينيني اعله مبچاي
راحو هلي و متيهه الراي
و نن و ياها و ساعدنها
شال الكربله المظلوم عنها
وطول الدهر ما يبطل حزنها
عذبت حالي آه يالفراك
الدار وحشه والخلگ ضاك
وروحي لهلي كلساع تشتاك
*نعي الفراق:🍃*
--------------------
آه يبويه ... ليش عفتوني وحيده
آه يبويه ... فراك وجهك ما اريده
آه يبويه ... الك دمع العين ازيده
آه يبويه ... صارت ضعونك بعيده
آه يبويه ... ونتي عليكم بهيده
اه يبويه ... والضعن گاطع البيده
❥━──➸➽❥❂❥━──➸➽❥❂
*بقلم ✍🏻 خادمة أهل البيت*
*العلويه مريم النور*
*نسألكم الدعاء الفاتحه الى روح اختي
*مشهد تصويري خيول الاعوجية وجسد الامام الحسين ع* زينب فوق التل رأت مشهد مفجع وهي تناشد اخيها الحسين ع شافت غبرة اعتلت من بعيد تتجه نحو جسد الحسين واذا بها خيول الاعوجية جاي ترض صدر الحسين ع صح ونادي مع زينب يا حسين يا حسين… هنا زينب اسرعت الى مصرعه ركضت الى موضع جسده تعثرت بالحجارة التي رشقوا بها جسد الحسين تعثرت بالرماح والسهام لم تصل لجسده ليش هل أخشيَ عليها وكادت روحها تفارق الدونيا لهول المنظر اه اه
صارت زينب بدهشة مذهولة الخيول وصلت للجسد
*السلام على من عجبت من صبرها ملائكة السموات زينب اه يا زينب ها هي الأعوجية تجول على صدره حتى رضت ضلوعه يقول احدهم لقد طحنا عظام الحسين ~~~~ واحسيناه~ وانت صيح مع زينب واحسيناه~* يا زهراء انت حاضرة عند تلك المصيبة؟؟ ورات عيناك ما جرى على الحسين وصوت يصيح
يمه زهره~ هذا خويه عالوطيه
يمه زهره~ داست ضلوعه الاعوجيه
يمه صدره~ منذبح بالغاضريه
لحن قلب امك يبني مفتت للشيخ الجفيري♪
عشر خيول وداست صدره
رضت جثته وداست ظهره
طحنت منّه اويلي ضلوعه
وزينب فوق التل تْنِظره
خويه خويه خويه خويه
〰️〰️〰️〰️〰️〰️
صاحت زينب جدي وينك
ذبحو فوق الغبره حسينك
ليتك تنظر سهم مثلث
شفته بگلبه الله يعينك
〰️〰️〰️〰️〰️〰️
حسين بروحه يجذب ونّه
وشمر بحقده يمه اتعنه
بسيفه راح يحز وريده
تربع اويلي بصدره وثنّه
اين المنادي حسين يا حسين
خادمة آلمحمد✍🀠
يا ساعد الله قلب مولاتنا زينب ع حسين قصدت لمصرع اخيها الحسين ع وهي تنادي يا حبيب فاطمة يا عزيز الزهراء يا عزيز رقية يا عزيز سكينة يا عزيز زينب~
بحر الطويل~ لحن يا جبربل نترجاك للملا عبد الحي قنبر♪
اتعنّت زينب الحومه تگوم وتعثر ابهمها
تدوّر وين اخوها حسين طايح وين ابن امها
شافت عالرمل دامي مشهد ليه يألّمها
طاحت عالجسد تنحب وگلبها منفطر عا حسين
واويلاه وازينباه ماذا رأت عيناك مولاتي~ رأت جسدا مضرجا بدمائه صريعا فوق رمضائه خضيبا تريبارعفيرا والسهام في جسده وأثر الجراح والطعن والضرب مقطوع الوتين فصاحت يا حسين ~ ماذا صنعت؟ جلست بجانبه تلتقط بعض ما تناثر من جسده اي واحسيناه ~ راحت تخاطب الجسد ~ الجفيري~
شافت نحر راسه انبره؟
بيه كم جرح فوق الثره
وضلوعه اويلي مكسّره
ظامي وما ذاق ماي الشرب
〰️〰️〰️〰️〰️〰️
شوف المصيبة زينب جلست عند جسده تلملم ما تناثر من لحمه شافت الخيول انصبغت حوافرها بدم الحسين وقد طحنوا ضلوعه اه اه واحسيناه
راحت زينب تجمع اوصال الحسين المقطعة وتحاچي اخيها الذبيح ~ لحن اسمع عتابي~
من گطّع اوصالك~ يمينك وشمالك
من ذرّه جسمك ~ ويتّم اطفالك
خويه يا مظلوم~ من سلّب هدوم
ظامي يا مذبوح~ من العذب محروم
سهام الـ بجسمك ~ انعجنت بلحمك
وحافر عا صدرك ~ انصبغت بدمّك
خويه من شفتك~ يا ضيعة اختك
ظهري كسرته~ لا ما عرفتك
ماذا صنعت زينب ها الشاعر يصور الحالة؟
گعدت تشمّه ~بنحره وتضمّه
تقبّل وريده ~ مغسّل بدمّه
مذهوله تنحب~ ومدمعها ينصب
وتنادي خويه ~ ها يانا زينب
گلبي تفطر ~ لذبحة المنحر
من حزْ وريدك~ اللهُ أكبر
خادمة آل محمد✍
اشوفك عالترب مطروح خويه مگطع الاوصال
فجعني منظرك مذبوح
وبصدر سهم ونبال
وآثر حافر طبع صدرك
وجسد معفور فوق رمال
جاوبني يبعد الروح وشلون الصبر يا حسين
〰️〰️〰️😭〰️〰️
صوت المنحر ينادي ردي يختي للخيمات
اخاف ايتامي تتعنه وتشوف ضلوعي والطبرات
ما تتحمل المنظر وتشوفن بالجسد طعنات
أثر حافر فرس مطبوع ومني منقطع الوتين
خادمة آل محمد✍🏻
*زينب تخاطب السلاب الذي أتى ليسلب ثوب الحسين ع*
لحن يا ناقتلي~ للسيد علي حجازي♪
لا تسلبه ~ هذا إبن خير المله
لا تسلبه~ وتخليه عاري بالفله
لا تسلبه~ بحر الشمس في كربله
لا تسلبه~ عوفه الجروح تألّمه
لا تسلبه~ مصبوغه ثوبه بالدمه
لا تسلبه ~ شكيتك لأمي فاطمه
راحت إليه~ تگله لا تگطع خنصره
ما تدري بيه ~ ظامي انذبح من منحره
اويلي عليه ~ وشافت ضلوعه
لا تدنى ليه ~ لا تگع ايده واليمين
لا تدنى ليه ~ بكل موضع بجسمه طعين
لا تدنى ليه~ شلت يمينك يا لعين
صاحت حسين (واحنا نصيح مع زينب يا حسين) أين الصارخون يا حسين~~~
خويه حسين ~ تضمّد جروحه وضمّته
خويه حسين ~ مسلوبه ليش عْمَامته
خويه حسين ~ ثوبه سليب ودكتّه
خادمة آل محمد ✍🏻
حال النزول في كربلاء
وصلت زينب بگلب معصور لارض الطفوف
ردنا للوطن خويه تره گلبي مخطوف
گلها يختي هنا جسمي يصير كعبة السيوف
بهالأرض يا زينب تشوفيني عالترب منحور
〰️〰️〰️〰️〰️
بهالأرض يا زينب تشوفي الگمر فوق الشريعه
وتتسلب خدور وخيامي تلهب نار الفجيعه
رجالي مذبحة وانت تروحي سبيه يالوديعه
وهنا على التل تشوفيني والگلب مكسور
لحن اسمع عتابي~
يذبحو رجالي~ تضيعن اطفالي
وتروحي مسبيه ~ انت وعيالي
في يوم عاشر~ مفجوعه باچر
فوق الترايب~ تشوفي. الخوافر
تروحي سبيه~ من الغاضريه
وانه ابقى مرمي~ فوق الوطيه
خادمة آل محمد ✍🏻
#محرم_١٤٤٧
#السيدة_العليلة
#قصيدة_عمودية
#في_الخدمة_المقدسة
يا راحلين عن الديار تمهّلوا
أدميتُمُ عيني بدمعٍ يَهمِلُ
لا تتركوا هذي العليلة ها هُنا
من بَعدكم ذا جفنها كم يذبلُ
لا تحملوا الطفلَ الرضيعَ بِرَكْبِكُمْ
مِن غيرِه ليل انتظاري يثقلُ
لا تحملوا أختي "رقيةَ" بينكُمْ
إذ لا تُطيق اليُتمَ، لا تتحمّلُ
أوْ اِحملوني بينكم يا والدي
لَيْتيْ بِرَكْبِ الزّينبيةِ أُحْمَلُ
ما حالُ بنتٍ في المدينةِ خُلِّفَتْ
والرّكبُ يمضي للمنايا يرحلُ
✍🏻 سارة آل يحيى
القصيدة ١٨ : حي الله النشامه
الليلة : ليلة الأنصار
النوع : شعبي / وزن الطويل
حيَّ الله النِّشَامَه اليَوم .. (جُونْ) او (عَابِسْ) او (أَسْلَم)
فِزعَوا يِنصِرُونِ احْسَين .. أُو لَجلَهْ يِرخِصُون الدَّم
1/ طِلبَوا رُخصَه منِّ احْسَين .. أُو چَانُونِ العَزِمْ جَدَّاح
امَلاگَى المُوت عُدهُم عِيْد .. أُوْ (قليلٌ تتلفُ الأَروَاح)
تَنَاخَوا والكَرِيهَه اتْمُوج .. أُو صَكَّت بِالسِّيوفِ ارمَاح
(سُويد) أو (نَافِع) أو (حَيَّان) .. تِفَانَوا دُونِ المخيَّم
2/ بِينِ المِسرجِ اعلَى الخَيل .. أُو بَينِ الرَّاجِل المِغوَار
ثَارَوا والنَّقع چَاللَّيل .. صُوارِمهُم تِشعْ انهَار
يِطر المَيْمَنه (ابنِ القين) .. و(حبيب) ايفرهِد ابليسَار
هَذا يَنكِّس الرَّايَات .. او ذَاكَ اصفُوفهَا حَطَّم
3/ حَيهُم والحَرُب لَاهُوب .. ظَمَايَا وَاسَوا المَظلُوم
مَا ذَاگَوا لِذيذِ المَاي .. مَواضِيهم روُوْهَا ادمُوم
صَالوا وَالرَّدى طَاعُون .. والگَاع امتَلت بِجسُوم
عِبَس جِيشِ العِده امنِ الرُّوع .. او وَجه المَرجَله اتبسَّم
4/ يِگلهُم يَا هَلا بِلحيُود .. أنصارَ الله والقُرْآن
وَفَاكُم مِا إِليه أَشبَاه .. يَهل الزُّود وِالإِيمَان
اليُوم الصايحه ابكِل بَيت .. بارضِ الشَّام وَي كُوفَان
رِفعتُوا رَايةِ التَّوحِيد .. او فَتحَ الله غِدَا مَغنَم
5/ هَلا ابَأنصَار أَبُو السَّجَاد .. ضَراغُم فِي المَعارَه او شُوس
ظُباها والرِّمَاح أنيَاب .. فَرَايِسهَا الرِّگَب والرُّوس
صوارمهم او مَلْك الموت .. تَبَارَوا في خَطُف لنفُوس
كِثَرْ وِيْدِ الحَرب والصُّوت .. كِفَايَه طِفحَت اجهنَّم
6/ گِضَوا حَگِّ العُلَا والدِّين .. كَفُو او نِعمَين بِالآَسَاد
خَرَّوا للشَّهادَه انجُوم .. تِعَالت فِي سِمَه الأَمجَاد
چِسبَوا بِالفَخَر نُومَاس .. يِعمِي نَاظِر الحِسَّاد
دَمْهُم دَك عُروشِ ايزِيد .. او قصرَه طَاحْ واتهدَّم
.
.
هذا ما تصدّقت به عليّ مولاتي الصديقة الزهراء (ع) في يوم 11 ذي القعدة 1446 هج
يهدى ثوابها إلى مولاي علي بن موسى الرضا (ع) في يوم ميلاده الشريف
الأقل السيد محمد الموسوي البحراني _ البحرين المحروسة
#أشجان_رضويه
#محرم_١٤٤٧
#مأجورين
#اللهم_عجل_لوليك_الفرج
يطارش لو نويت الكربله امهلني
لبوي حسين هل مرسال اخذ مني
▣========▣◈▣========▣
يطارش لو رحت وصل لابوي اجواب
وكَله الكم مريضه عينها اعله الباب
متون من مرض وتون على الغياب
طفله والهجر بغيابكم هدني
▣========▣◈▣========▣
الهدني مو مرض من اصد خالي البيت
يذكرني بهلي بكل ركن لو صديت
يم سكنه اكعد اهنا بالمهد لوليت
بعدكم من لذيذ النوم حارمني
▣========▣◈▣========▣
هلي لمن جفيتوي جفه عيني النوم
ونحل مني الجسد كَوه تلمه هدوم
اهمن بالبعد خافن بعدنه ايدوم
واخافن لو بطيتوا الموت ياخذني
▣========▣◈▣========▣
يتمنه المنايه الاهله عنه ابعاد
ترى امن النوح والون علته تزداد
ادعي الباري لو بيه الزمن ينعاد
لاحلف سايك َالناكَه يركبني
▣========▣◈▣========▣
احلفه بالضلوع الصابهن بسمار
انه ويه اخواني اروح وماضل بدار
وبطف كربله تحرك عباتي النار
ومثل سكنه ورقيه الشمر يضربني
▣========▣◈▣========▣
✍نور الولايه الفاطميه....
نزلة
لمولاتي ام البنين (ع)
💫💫💫
معروفه ام الوفه .. هاي ام البنين
صاحت ولدي الاربعه .. فدوه للحسين
🔹🔹🔹🔹
جهزت اربع ابطال .. شالت علم
صاحت وجابولها .. ورقه وقلم .. وصيه كتبت بيها
گالت يبني عباس .. ابني الخيم
انته كافل زينب .. يابو الشيم .. روحك الها انطيها
دگ صدره الها الوفاي .. يمها ابتسم
وگف وعلى زنوده .. زينب رسم
شديتها بزندي حرز .. يايمه عن العين
🔹🔹🔹🔹
بالطف صير الها اخيال .. حامي الخدر
برگبتك يوليدي .. اختك نذر .. ذمه لاتنساها
ورده اهيه وانته الماي .. ياابالفظل
باجر على العلگمي .. فرضك يحل .. لو عطش اذاها
كض عصة موسى السيف .. شگ النهر
اترسها ماي وغيره .. جربة گمر
ماريدها تحس بالخطر .. لعيونها اگطع جفين
🔹🔹🔹🔹
عالخدّر صيرو فياي .. لاتنولي
حشمت اولادها .. لبوة علي .. البالوفه مغذايه
لحسين كلكم خدام .. يالاربعه
ذكرى خلو هناكه .. على المشرعه .. لو گمر لو رايه
بسم الله وشدو احزام .. بذلو النفس
لو نختكم زينب .. لوحو الشمس
سوولكم خطة حرب .. فزعولها اثنين اثنين
🔹🔹🔹🔹
خل تتلگاكم هيج .. كل كربله
هله بملح السالفه .. وطعم الهله .. هله بفتية حيدر
هذول ولد الكرار .. اي والنعم
خل تصيح دخيلكم .. خيل وزلم .. للمفر ماتگدر
بصدوركم لاگو الجيش .. ملگه الأسد
شماتجي السبعين .. لو اكثر بعد
اولادي ياهيبة علي .. لحسينكم وفو الدين
🔹🔹🔹🔹
خاف ارض الطف متشيل .. ترسو النجف
النزف دفنوه .. وحته المانزف .. مكبره سووهه
بسيوفكم حصدو الروس .. مثل الزرع
السبع وكت الصيد .. ميخاف السبع .. التنهزم لحگوهه
آية انا اعطيناك .. والزلزله
على النحر كتبوها .. بطف كربله
حسين وزينبكم هاي .. بحماكم قرآنين
🔹🔹🔹🔹
علي حسين المنصوري
سَافَرْ عَنِّي الْحُسِينْ چَا يَمْتَه رَجْعِتَه
يِجْرَحْ گَلْبِي الْوِنِينْ مِشْتَاگَه لْشُوفِتَه
دَلَّالِي مَا يِحْمِلْ عَذَابْ.......وَاوِيلَا......وَاوِيلَاهْ
شُو مَا خَلَّصْ هَاذَه الْغِيَابْ...وَاوِيلَا...وَاوِيلَاهْ
مِثْلِ مْصَابِي مَاكُو مُصَابْ...وَاوِيلَا....وَاوِيلَاهْ
بُويَه وِينْ.......مَا يِلْفِينِي
وَحْدِي لِيشْ...وِمْخَلِّينِي
لِلْحَبِيبْ..........شِيْوَدِّينِي
----------------------------------
بِيتِي مُظْلِمْ غَرِيبْ وَجْهِ حْسِينِ الضِّوَه
مَخْنُوگَه مْنِينَ اجِيبْ لَانْفَاسِي مِنْ هَوَه
كِلْ سَاعَه دَمْعَاتِي تِطِيحْ.....وَاوِيلَا.....وَاوِيلَاهْ
مِنْ هَضْمِي يَا يُومَ اسْتِرِيحْ...وَاوِيلَا...وَاوِيلَاهْ
بَاحْضَانَه يَا سَاعَه أَطِيحْ.....وَاوِيلَا.....وَاوِيلَاهْ
بِيَّه نَارْ............تَاكِلْ رُوحِي
مَا تِهِيدْ........هَايِ جْرُوحِي
خَافَ امُوتْ...وَآنَه بْنُوحِي
----------------------------------
تَالِي عَادِ الظَّعَنْ لَاچِنْ حِيلِ اخْتِلَفْ
شِفْتَه شَايِلْ مِحَنْ مِنْهِنْ گَلْبِي رِجَفْ
وِگْبَالِي عَمَّاتِي بِچَنْ.....وَاوِيلَا......وَاوِيلَاهْ
گَالُولِي مَحْبُوبِي انْدِفَنْ...وَاوِيلَا...وَاوِيلَاهْ
وِعْيَالَه لَلشَّامِ انْسِبَنْ.....وَاوِيلَا.....وَاوِيلَاهْ
يَعْنِي مَاتْ.........ضَنْوَةْ عِينِي
شْلُونَ اعِيشْ...دُونِ حْسِينِي
رَاحَ انُوحْ..........بَاگِي سْنِينِي
----------------------------------
#العليله
#محرم_١٤٤٧هج
الشاعر حسن خنافر العاملي
سَـبْـعٌ مَـضَتْ مِـن دَهْـرِنا وَكَـأنَّها
فـي طَـرْفَةٍ وَمَـضَتْ كَلَمحِ العَينِ
والـدَّهْرُ فـي حُـلْوِ الـحَياةِ وَمُرِّها
مـــا زالَ يُـسْـقِـينا بـكَـأسِ الـبَـينِ
والعُمرُ يَجْري كالسَّحابِ مُسارِعًا
يَـطْـوي الـزَّمـانَ كَـطَـيَّةِ الـثَّوبَيْنِ
بــانَ الـمُـحَرَّمُ وابـتـدى بِـنُـوَائِبٍ
نَـبْـكي الـفَراقَ فـنبتدي مِـن أَيـنِ
عَـبّـاسُ أو مـن عـابِسٍ أو جَـعْفَرٍ
أو زَيْــنَـبٍ تَـبْـكـي بـدمـعِ الـعـينِ
والـشَّمْرُ يَـجْثُو فَوْقَ صَدْرِ مُحَمَّدٍ
يـفـري أُمـورًا فـي ضـمير الـكونِ
أحُسَيْنُ يرقى الشِّمْرُ يَقْطَعُ نَحْرَهُ
كَــلـبًـا لَـعِـيـنًا لا يُــرَاعِـي الــدِّيـنِ
خادم العترة الطاهرة
#محرم_1447
#الخروج_من_المدينة
لسان حال السيدة فاطمة العليلة ع:
#طور_الفراق
تدري صعبه ... فرگةِ اعْيونك ثگيله
تدري صعبه ... گلبي يبقى ابْلا خليله
تدري صعبه ... خل يِسَمّوني عليله
مِن تِسافر ... يعني داري ابْلايه دار
مِن تِسافر ... تِشعلِ امْنِ اضْلوعي نار
مِن تِسافر ... يِندفنْ نورِ النّهار
جواب الإمام الحسين ع
#طور_سامحيني
خل أحِضْنِجْ ... اوَدِّعَنِّجْ .. وْلا تِذِرفيها دَمِعتجْ وَسطِ لِذْراع
خل أحِضْنِجْ ... اوَدِّعَنِّجْ .. خل أَشِمَّن عِطرِجِ وْاَشْبعِ اوْداع
خايفِ اعْليج ... من سبي اوْذبحِ اوْقهَرْ بالغاضريّه
خايفِ اعْليج ... لا تِوَرمِ امْتونجِ اسْياطُ أَميّة
نغم جمّول
*#آآه يا زينب ، الله يساعدك يا ام المصائب والاحزان ، ما أن نادى اللعين عمر بن سعد: أحرقوا خيام الظالمين!! حتى اضرموا النيران في الخيام، وفررن العيال والاطفال بين النار والخيول والرجال*
لهب خِيمتنه وصل حد السمه
وفيّت اعلينه الزجيه فاطمه
الدنيه ولهذا السبب مطرت دمه
شلون تبكي اطفالنه ومتألمه
*#فاسرعت الحوراء زينب إلى الإمام زين العابدين عليه السلام وهي تقول: يا بقيّة الماضين، وثمال الباقين،أضرموا النار في مضاربنا؟!*
*قال: (عمّة) عليكن بالفرار!!*
*ففررن بنات رسول الله صائحات باكيات نادبات....*
خويه تحيرت والله ابيتاماك
ما ينحمل يا حسين فرقاك
المثل هذا الوقت ردناك
*#الله يساعدك مولاتي يا زينب في كل موقف وعند كل مصيبة كنت ملاذ النساء والاطفال والثكالى في كريلاء ، وعند المسير ، وفي الكوفة ، وفي الشام، وهن يلذن بك من شر آل امية...*
*مظلومة يا زينب ...*
*مهمومه يا زينب ...*
*حتى هذه الايام مظلومة يا زينب ، مسبية يا زينب ، منعوا الزيارة ، اغلقوا الابواب ، انزلوا الرايات (( لا اعلى الله لهم رايه ) )منعوا المواساة لك في هذا المحرم*
*وانتِ التي بكاك المهدي صبحاً ومساءا*
غريبة وماكو من ينحب كترها
ووحشة و ما إله زاير گبرها
بس لا ينسلب تالي خدِرها
كأني بها...
تصيح ابصوت وين اللي يجيني
على فگد اخوِتي وطيحة احسيني
ويندبني ابدموعه ويواسيني
(زينب الخفاجي)
#ابيات الدعاء
هل محرم وزينب وحدها داخل الحضره
إجاها المهدي يتلوع لمصايبها ويهل عبره
شايل راية العباس أثر بيها من الطبره
يرفرف بيها عالقبة نيابة يصيح عن الزهره
إجيتك عَمّه يا زينب أعينك مِن بِلش عاشور
غريبه وغُربِتك عادت. واهل الشام عليك اتجور
متعودة قبل هالعام وفود الناس تجي وتزور
من الزوار ولا واحد خالي هالصحن مهجور
وصلني صوتِك و ونّك وين انتهَ تنادِيني
يَمّك قاعد وناعي وأمرك طُوع على عيني
ضريحك ما عدو يقرب سيفي ملازم ايميني
إدعي بالعجل ليّه مآسي الشام تِأذيني
(خادمة ابي الفضل)
#طور_فراق
يبوصالح غلّقوا دار العقيله
يبوصالح منهو غيرك نشتكيله
يبوصالح ليمتى هالمدمع نسيله
يابو صالح... ليش هالغيبة طويلة
يابو صالح... هالحزن مابينه حيلة
يابو صالح... ردّ نحلفك بالعليلة
تخميس
مَاذَا يَهِيْجُكَ إِنْ صَبَرْ تَ لِوَقْعَةِ الطَّفِّ الْفَظِيْعَهْ؟
أَتُرَىْ تَجِيْءُ فَجِيْعَةٌ بِأَمَضَّ مِنْ تِلْكَ الْفَجِيْعَهْ؟
يا الله
🟠 *خطباء المنبر الحسيني*
🟠 *مجلس حزن الإمام الحجة(عج) وختامها بخلوّ مرقد السيدة زينب(ع) من الزوار-١٤٤٧هـ*
➖️➖️➖️➖️➖️
▪️المقدمة
▪️القصيدة
(لسان حال مولانا الحجة صلوات الله وسلامه عليه)
١/أيا جدّاهُ عزَّ على فؤادي
رثاؤك مُفردًا بين الأعادي
وقَولي أن هويتَ عن الجواد
بجسمٍ قد أذابته الجِراحُ
٢/عجيبٌ ما جرى في يوم عاشر
أوُسّدتَ الثّرى بين العساكر؟!
أحيًّا ذُقتَهُ وطءَ الحوافر؟!
وهل لسيوفهم نحرًا أباحوا؟!
٣/ألا هذا هو الرُّزءُ العظيمُ؟!
دنا وجثا على الصّدر اللّئيمُ!
بلى وتخضّبَ الشّيبُ الكريمُ
وفوق الرُّمحِ ألْفَتهُ الرّياحُ
٤/بقايا الصَّدرِ في البيدا تراءت
وثانيةً إليكَ الخيلُ جاءت
فكَسَّرَتِ الضُّلوعَ وحين جالت
أُذيبَ الجسمُ وانصدعَ الفلاحُ
٥/وأمّا الرّأسُ حين علا ولاحا
من الآلام كلا ما استراحا
رأى شمرًا مخيّمَكُم أباحا!
ومِن كلِّ النِّسا سُمِعَ النّياحُ!
٦/أدرتَ العينَ والنّيرانُ تلهب
رأيتَ مُصيبةً أدهى وأصعب
رأيتَ السّوطَ فوق مُتونِ زينب!
وإن فرّت تُحاصِرُها الرِّماحُ!
(فاطمة علي رزق)
اشلون حالك من تصل وادي الطفوف
وللمصارع ابعينك ذيك تشوف
اوشفت عباس مقطوع الكفوف
اوحاله يالمهدي يذوّب مهجتك
واليزيدك سيدي اهموم وقهر
من تشوف حسين مقطوع النّحر
واعوجية تكسر ضلوع الصدر
هالمصيبة اعليها تِسكب دمعتك
هاي صورة اتشوفها او صورة بعد
أكثر او أكثر يبو صالح واشد
فوق صدر حسين طفل البالمهد
اتشوفه مذبوح او يزوّد ونّتك
*#جعلنا الله معك من الطالبين بثار جدك الحسين ، أعظم الله لك الأجر يا صاحب الزمان ، أين أنت يا مولاي في هذه الأيّام، كيف تقيم العزاء على الحسين ع؟؟*
*اتلطم على صدرك مواسيا للزهراء بكسر ضلعها ، ام تلطم مواسياً لضلوع الحسين* :
#اطوار مختلفة
يا الغايب وصل عاشور.. وَدري بْقلبك الموجوع
وَدري بْعينك الحمرا.. لْتنزف دمْ بدَل لِدموع
بْهُونك سيّدي دْخيلك.. مِن تلطم على لِضلوع
أخاف اعْليها تتكسّر.. بْثكِل لِمصيبه وِالأحزان
#طور_الفراق
بْهاللّيالي.. الْمهدي وَيْ أُمّه الزّچِيّه
بْهاللّيالي.. تْعنّى لَارض الغاضريّه
بْهاللّيالي.. بْكربلا ينْصُب عزيّه
يِنعى جَدّه.. الطّايحِ ابْحرّ التَّرايب
يِنعى جَدّه.. ظَلْ يِوِنِّ وْدَمعه ساچِب
يِنعى جَدّه.. وْعمّته الْدِخْلَت خَرَايِب
( كتابات حسينية)
*#آآه يا صاحب الزمان ، همومك كثيرة لا تُعد ولا تحصى ، وانت الباكي على جدك صباحاً ومساءاً .. وبعد تبكي بدل الدموع دماً ، على من ؟؟؟*
*على المسبية الهاشمية التي كان لا يُرى خيالها ، ولا يُسمع لها صوتاً ، ولا يُرى لها ظلا ، سبوها من بلد إلى بلد والحبل ممدود من رقبتها الى رقبة السجاد* :
مثل العقيلة ماحد اتمرمر من الناس
في ساعة وحده فارقوها حسين وعباس
واحد بلا چفين والثاني بلا راس
وراحت سبيّه وروحها بالغاضريّه
يالناعي اذا عندك علوم واخبار
إروي المصيبة ابكربله والصار ما صار
زينب بعد خوها البطل تصدها لاشرار
وتطلع على ظهور الهزل تمشي سبيّه
*#وظلت الغاضرية أمام عينها وما جرى عليها ،تتذكر إخوتها وكفيلها ، وذبح أخيها ، وحرق خيامها ، وضرب السياط على متونهن ، تتذكر مرورها على أجساد إخوتها مجزرين كالأضاحي* :
انا زينب قبل عاشور كنت مدلله عباس
أمشي ويخجل اخيالي تصده عيون عوام الناس
اعاتب والعتب يحلى يبن حيدر يا تاج الراس
اذا عنك خذوني القوم وإيديّه مكتّفه بحبال
عِمت عيني بعد عينك يرافقني الشّمر توه
صدق عني تنام شلون أعرفك تِسمع الشكوه
ضربني الظالم الملعون وسمعت اليسوه ما يسوه
بأبويه يشتم وشامت وهاذا الما خطر عالبال
(خادمة ابي الفضل)
يـمـهــدي الـلـيـلـه اذكــرَنّــك.. وَعينـك
ونـــوح ٱويـــاك بـمـصــابــك.. وعينـك
مـــحــــرم بـــيّــن اهـــلالـــه.. وعينـك
تـشــوفــه وتــذكــر الــراحــت سـبـيـه
(الشاعر رعد الجريخي)
هلالك سيّل ادموعي وجرّها
مثل نار الخيم روحي وجرّها
صدق بنت النبي شدّها وجَرّها
الشّمر وتصيح يا حامي الحميّه
*إنّا لله وإنّا إليه راجعون*
▪️گوريز
وروى الشيخ الصدوق في الأمالي عن الامام الصادق عليه السلام انّه قال:
*" لمّا ضرب الحسين بن علي عليه السلام بالسيف، ثمّ ابتدر ليقطع رأسه، نادى مناد من قبل ربّ العزّة تبارك وتعالى من بطنان العرش، فقال: ألا أيّتها الأمة المتحيّرة الظالمة بعد نبيّها لا وفّقكم الله لأضحى، ولا فطر، قال: ثم قال أبو عبد الله: لا جرم والله ما وفقوا، ولا يوفقون أبداً حتى يقوم ثائر الحسين عليه السلام...*
*ويستفاد من مجموعة من الأخبار انّ من الأهداف العظيمة والفوائد الجليلة لظهوره عليه السلام هو الثأر والانتقام من قاتلي جدّه عليه السلام،، بل من ذريّتهم، ويشفي قلوب المؤمنين، بل انّ حزن الملائكة لا ينقطع الّا في ذلك اليوم...*
لطمية للنزله (( خايفه اعله اخوانهه ))
اليوم زينب ... خايفه اعله اخوانهه
من مصايب كربله وميدانهه
اليوم زينب خايفه ومهضومه
من مصايب كربله والحومه
گوم ردني اتصيح ياجيدومه
كلهن التمن عليهه احزانهه
اليوم زينب ... خايفه اعله اخوانهه
الحزن ملتم عليهه والهضم
واستعدت للمناحه واللطم
يامصاب امصابهه يحني العظم
من هجم بيت الزمان الخانهه
اليوم زينب ... خايفه اعله اخوانهه
من هجم بيت الزمان البيهه دار
جاب زينب للمصايب والمرار
ياكفيلي اتصيح ماريد اعتذار
گوم رجع هالحرم لوطانهه
اليوم زينب ... خايفه اعله اخوانهه
گوم رجع هالحرم لنزولهه
ياكفيلي وياكفيل احمولهه
بالحرب صيوان لاتبنولهه
خاف باچر يحترگ صيوانهه
اليوم زينب ... خايفه اعله اخوانهه
مايضل صيوان باچر لاخيم
گوم رجعنه يشيال العلم
حلوه عينك خاف يمردهه السهم
يابعد عين اختك وذرعانهه
اليوم زينب ... خايفه اعله اخوانهه
يابعد عيني وبعد هاي الچفوف
ليش جبتوني واجيتو للطفوف
ضيم وافراگ ويسر چني اشوف
اشلون بالنسوان ياريسانهه
اليوم زينب ... خايفه اعله اخوانهه
اشلون بالنسوان من تگضي الحرب
يانويه اتروح تلزم يادرب
خويه خويه وحالهن باچر صعب
من يعوفن جثتك بمچانهه
اليوم زينب ... خايفه اعله اخوانهه
✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر
لطمية للنزله (( لاتبنيهه ))
لاتبنيهه ... لاتبنيهه
هاي اخيامك ماطب ليهه
لاتبني اخيامك نزلهه هاي اخيامك بيهه الموت
من عدهن يتراجف گلبي شو خايف گلبي ومبهوت
والتموا عدوانك كلهم الهم ضجه ورنه وصوت
بالك يبن امي اتجاورهم خل نرجع عنهم بسكوت
عوف الحومه وشلك بيهه ... هاي اخيامك ماطب ليهه
للحومه شعندك متعني وجبت اعضيدك للميدان
چا ليش امجاور عدوانك راسك يردونه العدوان
لاتنصب خيمه ولاچادر لاتبني ادخيلك صيوان
گلبي يگلي اوداعك باچر
مظلوم تموت وعطشان
واعيالك وين تخليهه ... هاي اخيامك ماطب ليهه
باصرني شويه وحاچيني يبن امي ويابعد الروح
اطفالك وين تخليهه باچر من توگع مذبوح
كل هاي اخيامك تتحرك بمتوني اشچم سوط ايلوح
ماضل حيل اتهدم حيلي واتوجع گلبي المجروح
اجروحي اهواي وشيداويهه ... هاي اخيامك ماطب ليهه
اجروحك واجروحي اهوايه لاواحد لاهنه اثنين
اتوجع واتلوع منهن لو شفتك حاير يحسين
واجموع اعداكم ماتنعد وانتم مابيكم تسعين
نصهم عروضلك بالسچه ونصهم عالشط ملتمين
ماندري الگوم شتاليهه ... هاي اخيامك ماطب ليهه
ماندري الگوم شغايتهم من عندك مدري شيردون
ودولك خط وجيت الهم چا تالي اشلون ينكرون
ثاريهم جابوك بحيله مابيهم واحد مامون
باچر يبن امي يذبحونك واعليك بخيل يسحگون
وعيوني امصابك يعميهه ... هاي اخيامك ماطب ليهه
✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر