8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
*مولاتنا فاطمة العليلة في وداع والدها الحسين عليه السلام*
طور: "ريحانةُ المصطفى"
و"تجرحني نسمة هوه" ملا باسم الكربلائي
يَا وَالِدِي مَا الخَبَرْ!
تَبْكِيكَ عَيْنُ القَمَرْ
هَلْ حَانَ وَقتُ السَّفَرْ
فَ مَتَى تُرَى أَلْقَاكْ!
أَبَتَاهْ أَبَتَاهْ أَبَتَاهْ لَن أَنْسَاكْ
¤•¤•¤•¤
حَادِي المَحَامِل وصَل، يَا بُويَه شِنْهو الحَصَل، نَاوِي السَّفَر هَالحِينْ
نَادِيت سِكْنَه بْعَجَل، وَيَّاهَا شِفْتِ الأَهَل، وكِلِّ اخْوِتِي مَاشِيينْ
تِمسَح دُموعِ الجِفِن، وزِينَب عَلَيَّه تِحِن، وَاسْمَع بَچِي وِوْنِينْ
بِاسْمِي أَبَد مَا صِحِت، بَس كِلمَة مِنَّك رِدِت، گَلبِي انْكِسَر يَحْسِينْ
نَادَاكَ قَلبٌ هَوَى
أَيَطولُ لَيْلُ النَّوَى
يَا قَاصِداً نَيْنَوَى
فَ مَتَى تُرَى سَأَرَاكْ
أَبَتَاهْ أَبَتَاهْ أَبَتَاهْ لَن أَنْسَاكْ
¤•¤•¤•¤
تِرضَى أَسَافِر مَعَك، يَا بُويَه أَتْوَسَّلَك، مِحْتَاجَه كُونِ وْيَاكْ
تِكْفِينِي بَسْ نَظْرِتَك، تِسْوَه العُمُر شُوفِتَك، رَبِّ السّمَه يِرعَاكْ
مِثْلِ النَّفَس وِالهَوَه، مِثْلِ الشَّمِس وِالضِّوَه، عْلَيَّه صَعُب فَرگَاكْ
لُو سَارْ عَنِّي الظَّعَن، تْفَارِگْنِي جَنَّة عَدَن، حَسْرَه بَعَد عِينَاكْ
فَ إِلَيْكَ خُذْنِي أَبِي
أَرجُوكَ ذَا مَطْلَبِي
فَ بِحَقِّ طَهَ النَّبِي
أَبَتَاهُ مَا لِي سِوَاكْ
أَبَتَاهْ أَبَتَاهْ أَبَتَاهْ لَن أَنْسَاكْ
¤•¤•¤•¤
وَحْدِي أَظَلّ لُو غِبِت، لو بِيدي اموتَن مِتِت، خوفِي الهَجُر لو طَالْ
مِن يِسمَعِ ابْنُدبِتِي، يِمسَح جَمُر دَمْعِتِي، يِسأَل عَنِ الأَحوَالْ
تَاخِذْنِي بِيدَك چِنِت، لو طِحِت وِاتْعَثَّرِت، وِاحْسَاسِي رَاحَة بَالْ
وِاليوم أَسِيرة حِزِن، وِشْلونَ اغَمْضِ الجِفِن، گَلبِي ابْظَعَنكُم شَالْ
قَد ذَابَ قَلبِي أَسَى
دَهْرٌ بِنَا قَد قَسَى
وَحْدِي سَأَبْقَى عَسَى
أَشْتَمُّ عِطْرَ شَذَاكْ
أَبَتَاهْ أَبَتَاهْ أَبَتَاهْ لَن أَنْسَاكْ
¤•¤•¤•¤
خَلِّينِي بُويَه مَعَك، گَلبِي وعُيُونِي إِلَك، يَا حُجَّةِ الرَّحْمٰنْ
تْوَدِّعْنِي گَبلِ السَّفَر، وِيْسِيل دَمْعِ القَهَر، مِنِّ الأَلَم حَيْرَانْ
عَالبَابْ رَاحَ انْتظُر، يَلْ عَوَّدِتْنِي الصَّبُر، أَدْعِيلَكِ بْإِيمَانْ
تِرْجَع بَعَد غِيبِتَك، رَاحَ اگْعِدِ ابْعَتبِتَك، وَاقْرَالَكِ القُرآنْ
سَتَعُودُ يَوْماً لَنَا
وَتُضِيئُ صُبْحَاً هُنَا
فَالشَّوْقُ هَا قَد دَنَا
رُوحِي وَقَلبِي فِدَاكْ
أَبَتَاهْ أَبَتَاهْ أَبَتَاهْ لَن أَنْسَاكْ
¤•¤•¤•¤
#أمنن #علينا #برضاه
#يا_صاحب_الزمان
ابيات #نعي لمولاتي #فاطمة_العليلة عليها الصلاة والسلام 🏴🚩
#من_وزن_الموشح
.......🚩........🏴........
كلها صعدت بالظعن وآنه البگيت
ومثل حنو السنبله حين انحنيت
ما يردّولي هـلــي و الـلـه دريـت
وگبل لا يسبوهم الگوم انسبيت
........🚩........🏴........
آنه المعودها ابوها إعلى الدّلال
ابعلّتي وبالغربه يتركني مُحال
وياك اخذني عنك ادفع للنبال
لو ألِم وي عمتي زينب للعيال
........🚩........🏴........
جرح فگدك يل الأبـو كلـش غميج
حتى يحسين النفس عگبك يضيج
آنــه ليـلـيّـــه المحــن بـيّــه تهـيـج
وماكو غير دموعي صارتلي رفيج
........🚩........🏴........
مرتحل يحسيـن ويّاك الجميـع
إلا آنـه مـا يـصـح ليـهــا الشفيـع
وياك اخذني الفرگتك ما استطيع
وياك اخذني اعتني بهذا الرضيع
........🚩........🏴........
بنيتك ما ترضى يغمرها العذاب
وإعلى علّتها البُعد أصعب مُصاب
دارك اخلافك يحـل بيـهـا الخراب
وشنهو للينشد عليك انطي جواب
........🚩........🏴........
وجّهت وجهي الك يبن الكرام
ابلايه نـورك دنيتـي كلها ظلام
لون لفراگك بچه ومات الحمام
عالعليله يعني هم اقره السلام
.......🚩.......🏴.......
✍🏼علي نوري الحلفي
نزال في ليلة عزاء علي الاكبر( ع)
نزله في حق الامام علي الاكبر ( عليه السلام)
يالاكبر يالاكبر من
فدوه الك يالغالي
...............
حسين حيله وي الاكبر طايح
بعد ما يكَوه وضنااه الرايح
من دماه بالحومه عطره فايح
ومن الاطفال ابخيمهم صايح
والحسين تحير كال الوكَع دلالي
يالاكبر يالاكبر من فدوه الك يالغالي
...............
هاي المصيبه واشكبرهه اعليهم
جان الاكبر شوفته ترويهم
وبأمان من العده اتخليهم
والهواشم كلهم ايحييهم
شبه جده واكثر صفاته من الوالي
يالاكبر يالاكبر من فدوه الك يالغالي
...............
هذا اول من شجاعة هاشم
للاعادي ابكل حميه قادم
بهيبة المرسل تشوفه الوادم
ياحسافه ابرمله طاح ونايم
بالسيوف تعثر ذاك أَلاشَم العالي
يالاكبر يالاكبر من فدوه الك يالغالي
...............
ياحسافه ايروح من اخوانه
ويترك ابسجادته قرأنه
ابكَلب ابو السجاد عاف احزانه
وبجفن كل هاشمي نيشانه
وللاحزان تحضر كال الحزن يجرالي
يالاكبر يالاكبر من فدوه الك يالغالي
...............
علي الاكبر شاب واجه موته
رملت الطف بالوغه تابوته
من العطش بالكَوه يطلع صوته
ذِبحِته اللي بالغدر منعوته
تحمل عطش حر وبروحه ابد ميبالي
يالاكبر يالاكبر من فدوه الك يالغالي
الشاعر ياسر العارضي
ليلة عزاء علي الاكبر (ع)
سيد الاخلاق طب سوح الحرب
جن محمد بالوفه
بالرساله يحجي أول ما يطب
كله غيره وعاطفه
شافهم ضلمة ضباب عدهم السيف الجواب مايريدون الخطاب
جرد السيف جرد السيف
....................................................
وي خلق واخلاق جده جان قمة مرجله
واتخذ منهج هدايه يوم طب الكربله
واعظ ابنص المعارك والجيوش ابمهزله
وبنبل وسيوف صارت موعظه ابلا تكمله
جانت اكَلوب الجيوش من الجمر
ماتريد الموعظه
علي الاكبر صارت اعيونه حمر
اغضب ابنار اللضه
هجم واشتد الضراب وارتفع ذاري التراب مايريدون الخطاب
جرد السيف جرد السيف
....................................................
من صفاته ابكَلبه رحمه مابده ابحرب الخصم
بس لمن طب للمعارك ضربته ادك بالعظم
جن بده ايألف قصيده ايصيغ مبدع بالنظم
ورق جان الجيش عنده وبالورق يبرم برم
سيفه جان القلم واشتد بالشعر
والحبر سايل دمه
اشكَد جبير الجيش بس عنده شبر
كله غيره وغانمه
زينته ابعمرالشباب وانذرالجيش العذاب مايريدون الخطاب
جرد السيف جرد السيف
....................................................
كامل ابقمة وجوده وهمه أكثر من نقص
من اجل دين الله عنده عالعقيده اجل حرص
حسين جان ابكل حياته بالقصص يمه يقُص
سورة الدخان كَله بالحرب جفك ينص
وسورة التكوير كون ابهجمتك
والقيامه وهل اتى
الما سمع بحزابهه من يمنتك
سَمعه جملة لا فتى
وعلي الاكبر الهه حاب كلهه جلماته الثواب مايريدون الخطاب
جرد السيف جرد السيف
....................................................
من عطش كَلبه التفطر كَلبه احر من الشمس
السانه مايكَدر يحركه من الدرع أثكَل يحس
بس رغم هذا ابنَ غانم سيفه اجه ابراسه ترس
الماشهد من طاح ابن وِد شووفه الاكبر أمس
ورَد لبوه جا أمي تدعي ابرجعته
ولوداعه تستعد
وحشه ضلت من غيابه خيمته
اتشمه امه اجمل ورد
شايل ابوجه الكتاب مصحف وكله اغتراب مايريدون الخطاب
جرد السيف جرد السيف
....................................................
ابلا ذنب طاح وتمدد عالترب طوله ارتمه
طعنه فوكَ الطعنه جسمه من الطعن كله دِمه
صاح يمه حسين صيحه وصلت السابع سمه
عالحياة العفه بعدك رايح ابكَلبك ضمه
منحرم من الهوه ابعمر الورد
شاب مو وكت الهجر
ياحسافه اتروح ضامي وما ترِد
يخلص ابساع العمر
يشهد الطف للشباب باجر ابيوم الحساب مايريدون الخطاب
جرد السيف جرد السيف
(( الشاعر ياسر العارضي ))
قصيدة (الاكبر ) "محرم الحرام 1447 "
المستهل :
الاكبر من نزل
كل واحد سئل
هذا محتمل
حيدر .. حيدر
……………………..
بيده سيفه لزم .. چنه لازم قلم
احلى لوحة رسم .. علي
طشاها وجمع .. وكل كافر ركع
منو مثلة سمع .. علي
بس خزره تكفيله الرايد يكتله
من جده ماخذها راعي الاوله
چا حيدر شيورث غير المرجله
محلى طلته
تخفگ رايته
كلها شافته
حيدر ..حيدر
………………………..
زلمة شايله چف.. لو يسطر خسف
كلشي منه رجف .. علي
باسم ثغرة طب .. بچاها العرب
طيرها الرگب .. علي
من صاح بميدانه جمله واثقه
انه ابن الما راكع بس الخالقه
چن نزلت عالوادم مثل الصاعقه
صاحت عمتك
عاشت يمنتك
الگمره فدوتك
حيدر ..حيدر
……………………….
رد من حومته .. وامه شافته
بچلمة تلگته .. علي
يا بن فاطمه .. تسلمك فاطمه
تحفظك فاطمه .. علي
راد يرد بس شافه عمه وعطله
تقرب يمه حچاية وحده گال اله
يلا نهد ياعمي ونگلب كربله
الاكبر عمه هد
والزلمه شرد
والواگف شهد
حيدر .. حيدر
………………….
هد راعي الوفة .. كلها خايفة
وليلى هاتفه .. علي
يبني بحملتك.. كثر خزرتك
خلي الشافتك .. علي
هد بيهم ربيهم يبني بصولتك
ظهرك شده بعمك فدوه لغيرتك
ما تنزل وارفعها يبني هامتك
صار ادللي
صاحلها علي
ليعاين الي
حيدر .. حيدر
……………….
صاح انه علي .. والجدة علي
اصرخ ياعلي .. علي
والعمة الحسن .. ذاك المؤتمن
افنيكم عسن .. علي
افنيكم امحيكم والبيكم كلف
خل يبرز مو خاتل مني ويرتجف
بالحمله ما ثني اخسفكم خسف
والصوته سمع
من خوفه وگع
بچاها ورجع
حيدر .. حيدر
……………..
فدوه الهيبته .. فدوه الشيمته
فدوه الضربته .. علي
فدوه الغيرته .. فدوه الرايته
فدوه الصولته .. علي
ياروحي وكل اهلي راحولك فده
مغرومه بعيونك اهلك والعده
والشافك جن جدك خلقة وشاهدة
ابن المصطفى
چنه المصطفى
بالحومه صفه
حيدر .. حيدر
…………………..
✍️ علي احمد الموسوي
بين يرجع مايرد محتاره
مسلم ادور حميده اخباره
................
بطه عليهه وتنشد ومامن جواب
وبللت بدموعهه حته التراب
ابريجي من يوم الرحت مر الشراب
وكلبي ماهود لهيبه وناره
..................
كثرت من طول اعليهه النشد
خاف عنه الغاب لينه مايرد
خنجر افراگ الابو بيه ويحد
وبين افراگه ابدليلي آثاره
...............
لازمه درب اليمر وانشد عليك
وماكو واحد يالابو يدليني بيك
اخ لو اندل طريجك واعتنيك
ولا اظل والوحشه ترست داره
..................
تدري بيه بعازتك ها يالمشيت
كلبي يخلص كون عني اتأخريت
حاشه تنسه چا گلت عنك نسيت
وگلت ناسيني العشت بأكتاره
..............
ابلايا ابوهه اتعيش مذلوله البنات
واحنه عشنه ابجالكم وامدللات
هسه گلي ابيا كتر شخصك يبات
رحت والكوفه الخبر غداره
..............
وين گلي الگاك يمدللني وين
وگبلك الغدرو بمير المؤمنين
خاف باجر دهري يغدر بالحسين
ودنيتي بس بالغدر دواره
................
حسين هم عنده بنات امدلله
واله تشكي الصار من طف كربله
وين گبرك اعتنيه واشكي اله
وگلبي للوالد يگول اسراره
خادم اهل البيت علي الزرگاني
القصيدة لفاطمة العليلة عليها السلام
الظعن راح بدوني
وأنا تجري عيوني
خوفي لو يرحلون
باجر ولايجوني
اه ياعلة دليلي وسط الظنون
ها يجون اكبال عيني ويتلاشون
الراحو من ايدي تراهم مايعودون
هيج قلبي كال من شاف اليرحلون
اومي اضل بديه
اهلي ابعدو عليه
اهلي يحادي الظعون
باجر ولا يجوني
مشو عني وفاركوني وحيروني
ادري بعد الفركه هايه مايجوني
عالدرب انطرهم بنظرة عيوني
اهلي راحو للمنايا وودعوني
بلا حيله لا وسيله
بس الدمع اسيله
كثرة عليه الظنون
باجر ولا يجوني
دمعه دمعه اجري ليهم والقلب ذاب
فاركو روحي ودليلي اغلى الأحباب
اليفارك اهله يبقى يناطر الباب
بلكي يسمع خبر منهم وي هوى الهاب
لاخبر لا ذكروني
اهلي الواعدوني
أنا ادري لو يغيبون
باجر ولا يجوني
للمنايا اتعنو ولدروب الأخطار
خلو الحسره بدليلي وتسعر النار
الجانو افراحي وسلوتي ليل ونهار
مشو من الدنيا جانو بيها خطار
راحو وانا اسيره
من حيره اطيح بحيره
محتاره باليروحون
باجر ولا يجوني
اخ ياجرح المفارك يذبح الروح
والقلب يبقى بهجرهم دومه مذبوح
صافنه ودمعي اعله خدي معاشره النوح
هم عليله ومني راحو دمعي مسفوح
راحو هلي واحبابي
والحزن لازم بابي
خوفي يدمع العيون
باجر ولا يجوني
محمد النوري
٢/ ١/ ١٤٤٧ هجري
مو بس وحدنا نصيح يحسين
أهل السما وأهل الأراضين
كل العوالم تبكي اليوم
في كل ماتم دمع مسجوم
تواسي الذي من الماي محروم
تعزي البتوله ام الميامين
كل الخلايق تذرف دموع
قلب النبي بالحزن موجوع
صوت الضجيج اليوم مسموع
كل المآتم تهمل العين
قال الرضا من ذيك لزمان
سجل حديثه إبن ريان
يابن شبيب إبكي العطشان
أجرك على خير النبيين
ظامي نذبح في جنب لفرات
ننسى الحسين يكون هيهات
حتى رضيعه من العطش مات
من هالمصيبه تزلزل الدين
جدي رميه إبحر لتراب
من دم وريده صاير خضاب
رضوا جسد بن داحي الباب
سبط النبي مرمي بميادين
أدمى قلبنا مصاب جدي
صبح ومسا ينادي المهدي
ليل ونهار النوح وردي
لجلك نصبت الماتم سنين
جدي ياجدي تموت مذبوح
وبعد الذبح بالقاع مطروح
لجلك ياجدي اتلف الروح
كلنا فدا لك ياضيا العين
ناصر الاحمد
#غربة_السيدة_زينب ع
#اطوار_مختلفة
*مظلومة يا زينب ...*
*مهمومه يا زينب ...*
*حتى هذه الايام مظلومة يا زينب ، مسبية يا زينب ، منعوا الزيارة ، اغلقوا الابواب ، انزلوا الرايات (( لا اعلى الله لهم رايه ) )منعوا المواساة لك في هذا المحرم*.
غريبة وماكو من ينحب كترها
ووحشة و ما إله زاير گبرها
بس لا ينسلب تالي خدِرها
كأني بها...
تصيح ابصوت وين اللي يجيني
على فگد اخوِتي وطيحة احسيني
ويندبني ابدموعه ويواسيني
#طور_خضيب
يا شالع انياط الگلب يالوعة المشتاگ
لغيابك أبچي وأنتحب ما أحتمل لفراگ
إنت الهوه وانت الأمل مهما فضانا ضاگ
كحّل عيون الشيعتك بالطلعه يامولاي
(زينب الخفاجي)
#لك الشكوى يا صاحب الزمان :
#طوار_فراق
يبوصالح غلّقوا دار العقيله
يبوصالح منهو غيرك نشتكيله
يبوصالح ليمتى هالمدمع نسيله
يابو صالح... ليش هالغيبة طويلة
يابو صالح... هالحزن مابينه حيلة
يابو صالح... ردّ نحلفك بالعليلة
#ابيات الدعاء
اطوار_مختلفة
هل محرم وزينب وحدها داخل الحضره
إجاها المهدي يتلوع لمصايبها ويهل عبره
شايل راية العباس أثر بيها من الطبره
يرفرف بيها عالقبة نيابة يصيح عن الزهره
إجيتك عَمّه يا زينب أعينك مِن بِلش عاشور
غريبه وغُربِتك عادت. واهل الشام عليك اتجور
متعودة قبل هالعام وفود الناس تجي وتزور
من الزوار ولا واحد خالي هالصحن مهجور
وصلني صوتِك و ونّك وين انتهَ تنادِيني
يَمّك قاعد وناعي وأمرك طُوع على عيني
ضريحك ما عدو يقرب سيفي ملازم ايميني
إدعي بالعجل ليّه مآسي الشام تِأذيني
🖊️خادمة ابي الفضل
امن الأزل يحسين منطيك العهد
ما أعوفك ابقه خادم للأبد
******
احروف اسمك يسرن ابمجره الدماء
من زغر سني و هويتي كربلاء
و انه لجلك سيدي شايل ولاء
انه احبك عن درايه و معتقد
******
امحبتك يحسين هاي امن الأصول
و اليخدمك كلشي بالدنيا ينول
ترضه عنه فاطمه الزهره البتول
او بالحشر يرضه عليه رب الصمد
*****
خدمتك هايه تجاره لن تبور
تشهد ابفضلك بقت كل الدهور
حبك ابگلبي یشع نور اعله نور
ونته سر بِن قُل هوالله أحد
*****
أتعيش يوميه ابدليلي جمرتك
اشكر الله الي رزقني امحبتك
امن الزغر عايش عله الله و خدمتك
و أنطقت اسمك و انه ابذاك المهد
*******
افتخر لجلك انه خادم اصير
و العمر فدوه الك يبن الأمير
ياحسين و انته ذخري و المجير
بالحشر اصرخ يبواليمه المدد
*******
كل حرف من اسمك ابگلبي استقر
كل عضو امن اعضاي و ابفضلك كبر
خادمك ياسيدي و نلت الفخر
امحبتك بگلیبي ما يحويها حد
ا*********
لخادم الحسين علي فلاح الواسطي
محرم الحرام
١٤٤٧هـ٢٠٢٥مـ
عالهلال الحره شبحت عينها
دمع الأحمر ينبع ابخدينها
*****
هاي زينب جدها طاها المصطفه
ابعينها اجروح الحبايب نازفه
او كل جرح من عدها مايحصل شفه
و المصايب حاوطت صوبينها
*********^
ياهلال و گلب زینب انهدم
کثر ما تجرع مصایب و الألم
و الدهر ما عافها اویاها احتزم
تجرع ابکاس الهظم بونینها
********
ظلع امها شافته حین انکسر
بعد فتره و حیدره راسه انطبر
و الحسن چبده الذي صایر وذر
ثار عنده الزمن بینه و بینها
*****
امن المدينه الحادي من بيها حده
وصلت الطف كربله اعليها اشسده!!
ساعه لنها و هجمت ابخيل العده
ياهلال و حرگو اصواوینها
*****
ابيوم عاشور الظهر ماعدها حيل
طرت الميدان بت حامي الدخيل
شافت الوالي عله الرمضه جديل
ماتت ام عون أظن ادري ابحينها
*******
صرخ بيها الشمر يا وسفه الردي
عنه يازينب دگومي و إبعِدي
لا اذبحَنچ اظل بمهندي
و المنیه ابکربله اتشوفینها
******
شافت المنظر غدت تلطم الخد
واجفه اعله التل بقت تصفج الیَد
اتصيح أدركنه يبوالزهره يجَد
و السياط الزرگت متنینها
*****
لخادم الحسين علي فلاح الواسطي
محرم الحرام
١٤٤٧هـ٢٠٢٥مـ
نعي للمسير {{وين يردون}}.. 💔
اليوم الهواشم وين يردون
عباس ليش يشد بالضعون
وزينب تهل عيون وعيون
❥❥❥ـــــــــــ✿🪶✿ــــــــــــ❥❥❥
تمسح دمعهه بجف اديهه
واتباوع ابحسره الوليهه
ارض الغدر متعني ليهه
❥❥❥ـــــــــــ✿🪶✿ــــــــــــ❥❥❥
عباس من كض العبايه
بسترج يكللها الوصايه
جاب الگمر غيمه حمايه
❥❥❥ـــــــــــ✿🪶✿ــــــــــــ❥❥❥
تبجي وتگله ما اعوفك
جفي حلف يبقه بجفوفك
عباس لااا مذبوح اشوفك
❥❥❥ـــــــــــ✿🪶✿ــــــــــــ❥❥❥
يجاوبها العباس (ع)
يكلها..
ماريدج تشوفين عيني
بيها السهم عالي ونيني
لو ماكو ادي لاتنتخيني
❥❥❥ـــــــــــ✿🪶✿ــــــــــــ❥❥❥
بيمن اهد وادي طاحن
فدوة الج والماي راحن
وادري خواتي علي ناحن
❥❥❥ـــــــــــ✿🪶✿ــــــــــــ❥❥❥
عذريني مكتوب انتفارگ
والغيره والشيله اتشابگ
يم النهر مطلوب الج حگ
❥❥❥ـــــــــــ✿🪶✿ــــــــــــ❥❥❥
بأقلام شاعرات الحسين (ع)
#الشاعرة رسل الابراهيمي
#والشاعرة هاجر الزينبية..
لا اجيز الحذف او التلاعب بالكلام ❌
محّـد يحـس بجروحي
وكل ساعه تطلع روحي
عنّي مشوا كل الأودهم
دعوه الگلب ربي تردهم
محّد يحس بجروحي
.................................
١/
محّد يحس حين انتحب كل الليالي
حتى النجوم العاليه تشوف الجرالي
صرت انتظر من دنيتي يوم ارتحالي
وراسي احسّنه على رؤوس العوالي
انشد ينار اصوابي
عمّا جرى الأحبابي
ادري الزمن كلّه يضدهم
دعوه الگلب ربي تردهم
محّد يحس بجروحي
.................................
٢/
من يطلع بليلي گمر ويشگ ظلامه
سلّملـي اگـلّـه ع التـرك بـيّـه علامه
كلمـن عزيزه يتركـه ايموت ابهيامه
شحال الذي عنّه ارتحل نور الإمامه
نجمي اختفى من ليلي
و گـوه أجــرّن حيـلــي
لكن ولا انسى وعدهم
دعوه الگلب ربي تردهم
محّد يحس بجروحي
.................................
٣/
آنـه و مـعـانـاتـي اظل ليليـه اساهـر
ومن علّتي جدمي ثگل وشلون اصابر
عسـكـر همومي منتفض واعليه داير
بنحري سهم من فرگته وبگلبي حافر
جرحي وجميع آلامـي
الشوفتهم ايظل ضامي
وبداري هل ذبّل وردهم
دعوه الگلب ربي تردهم
محّد يحس بجروحي
.................................
٤/
غطى مسافتي الحزن وجروحي تشهد
ولو تمـطـر ابگلبي سنـه ما جمري يبرد
كل يوم اجي واشكي الگبر جدّي محمد
يا جدّي چنّـي زهـرتـك ما ظلّـي أحّـد
يا جدّي شاهد حالي
ليـل الحـزن اوحالي
جمر بهوى أصبح فگدهم
دعوه الگلب ربي تردهم
محّد يحس بجروحي
.................................
٥/
روحي بأثر جدم الأبو يتبعله ممشاه
و تگلّـي همسـات الأمـل اتـلاگـه ويّاه
تاه العمر من فرگته وحتى النبض تاه
وبيقضتي واحلامي انده وا حُسيناه
من انده بكل صوتي
يگرب احسّن موتي
مات الأمل صعبه أجدهم
دعوه الگلب ربي تردهم
محّد يحس بجروحي
.................................
٦/
وينك اصيح ولو صحت ما ظنّي يسمع
و نار الهجـر ما تخمـد وبضلوعي يلذع
لا اگــدر اوصلّـــه ولا هـوّه اللّي يرجع
وظنّي ولا يسلم ولا حتى اللّي يرضع
روحتهم ابلا رجعه
وآنه نصيبي الدمعه
يكتل كتل والله بُعدهم
دعوه الگلب ربي تردهم
محّد يحس بجروحي
.................................
✍🏼علي نوري الحلفي
لك البكاء ... يامهدي يامهدي
لك العزاء... يامهدي يامهدي
ـــــــــــــــــــــ
للحسين امحضّرين ادموعنه
وللطم جهّزنه كل ضلوعنه
وياك ندخل كربله مهدينه
هاي كل تخطيطنه المشروعنه
لك الولاء ... يامهدي يامهدي
لك العزاء... يامهدي يامهدي
ـــــــــــــــــــــ
ننهدم ومحرّم اليبنينه
ونرجع اكثر نخدمك تدرينه
نقابلك وتوقّع النه اوراقنه
الشيعي خادم يفتخر تعيينه
يرف اللواء ... يامهدي يامهدي
لك العزاء... يامهدي يامهدي
ـــــــــــــــــــــ
الرايه ما تنزل ابد تدريهه
نبيع كلشي سيدي ونشريهه
جبال متهزنه رياح الفتنه
الرايه عدنه ولحضه ما ننطيهه
ترف بالسماء ... يامهدي يامهدي
لك العزاء... يامهدي يامهدي
ـــــــــــــــــــــ
وقف يم جدمك جميع اعمارنه
ها يثار الله الّي تاخذ ثارنه
ندري ام الحسن من كَبر الحسين
من نجي تنادي هله بزوارنه
في كربلاء ... يامهدي يامهدي
لك العزاء... يامهدي يامهدي
ـــــــــــــــــــــ
نعيش محنة كربله وآلآمهه
وبنت الحسين انجوت اجدامهه
من مشت تركض لبوهه وشافت
بلايه راس حسين ضل جدّامهه
بفيض الدماء ... يامهدي يامهدي
لك العزاء... يامهدي يامهدي
ـــــــــــــــــــــ
الشاعر محمد حسن ضيغم
/channel/kasaedalatharDaygham
انه وام عباس والله ابدارنه
نصيح يحسين ولهب كل نارنه
( متى ترانا ونراك)
ــــــــــــــــ
ضعنك مشه ... ومشت وياه المهج يابو الوفه
ضعنك مشه ... عيونه العينك تضل متلهّفه
ميل ساعه خطوتك لمن مشيت ...بجت ام عباس وبدارك بجيت
دموعنه اتناديك ارجع ياحسين ....بيتنه انت بدونك احنه بلايه بيت
والّي ينشد بعدك احنه شلونّه
جلمه ما نحجي الّي تحجي عيونّه
( متى ترانا ونراك)
ــــــــــــــــ
نكَعد سوه ... نحجي بيك انصبّر احنه ارواحنه
نكَعد سوه ...بدون ما ندري ويطر مصباحنه
ها ترد ها مترد حيرتنه هاي ...وحده حسره اوّحده لا ماعدهه راي
اشواكَ كاتلهه العطش خافن تموت ... ياحبيب ارواحنه بس انت ماي
تصبّر اعليّه واصبر اعليهه
امل بيّه نفس ذاك البيهه
( متى ترانا ونراك)
ــــــــــــــــ
نزرع ورد ... قرّرينه برجعتك يابو علي
نزرع ورد ...نصيح يا ميّه هله بيكم هلي
انه افرش دار ابوي مقرره ...بكل مكان افتر بهاي المبخره
وادري ام عباس ياخذهه العزم ...سنين تنثر لبن امنه الطاهره
لون كَالوا ضعن ابو اليمه رجع
كَلبي كَبل الجسد بيه اشعر طلع
( متى ترانا ونراك)
ــــــــــــــــ
كلشي انتهى ... هيج صرنه انحس لان طال الوكت
كلشي انتهى ...متت يا يمّه واهي تكَلّي متت
راحوا ومحّد يجيب اخبارهم
الباب مادكَّاه جف خطارهم
بيت جان مضوّي بهله ومستجن
هسه وحشه وخالي منهم دارهم
الزاد ما يهنالنه ولا لذّه بيه
الموت لو صح لينه صدّكَ نشتريه
( متى ترانا ونراك)
ــــــــــــــــ
ريح الحزن ... جابت اخبار التسد انفاسنه
ريح الحزن ...دفعه وحده الرمش شاب وراسنه
عالحرم ويلي الخيم حركَوهه
جثث حمره اعله الترب خلّوهه
حسين فوك ارمال صحره كربله
جثّته بخيل العده يدوسوهه
الكَمر يم جرف النهرضل نايم
ماكو جف من عنده اصبح سالم
( متى ترانا ونراك)
ــــــــــــــــ
الشاعر محمد حسن ضيغم
/channel/kasaedalatharDaygham
حال النزول في كربلاء
وصلت زينب بگلب معصور لارض الطفوف
ردنا للوطن خويه تره گلبي مخطوف
گلها يختي هنا جسمي يصير كعبة السيوف
بهالأرض يا زينب تشوفيني عالترب منحور
〰️〰️〰️〰️〰️
بهالأرض يا زينب تشوفي الگمر فوق الشريعه
وتتسلب خدور وخيامي تلهب نار الفجيعه
رجالي مذبحة وانت تروحي سبيه يالوديعه
وهنا على التل تشوفيني والگلب مكسور
لحن اسمع عتابي~
يذبحو رجالي~ تضيعن اطفالي
وتروحي مسبيه ~ انت وعيالي
في يوم عاشر~ مفجوعه باچر
فوق الترايب~ تشوفي. الخوافر
تروحي سبيه~ من الغاضريه
وانه ابقى مرمي~ فوق الوطيه
خادمة آل محمد ✍🏻
الما امهوسله ابحرب لايدنه اله
چف الاكبر خيم ابنص كربله
..................................
طلع من خيمة ابوه وحاچه ابوه
اليوم اذكرهم علي خافن نسوه
امنين ما يدنوله ما گابلوه
امنين مايندار حلت معضله
..................................
هاشم ابيوم الكلف ما تنگحم
اشلون يوكف عد مضاربهم خصم
اشگدهه گاعچ كربله وتارسهه دم
وانحنتله اسيوفه تتوسله
...................................
الماتموت ابسيفه موتهم فحط
وين ماياخذهم ابكيفه ويحط
اليطب للحومه فارسكم شرط
اليوم سيفي ابراحته ومدلله
.................................
الشجاعه اليوم حل بيهه العجب
لمن موت اعداه بين اجفوفه هب
هذا مايصده مثل طبع الذهب
هذا كاتب بالحرب چم معنه اله
..................................
كتب موقصة عطش قصة وفه
وخله بيت الصبر غطه العاطفه
عجز قلمي اشلون يگدر يوصفه
والوصف وياه يوم الطف حله
.....................................
الخيل سحگهه الزلم گوه وركض
وما نجه من سيفه بس العنده حض
عنده طاري حسين اعز امن النبض
علي ابعمره لو يصح ويبدله
......................................
هذا عنده حسين اعز من النفس
انطه للدنيا الابو اعظم درس
طاح لاچن بذن ابوه يهمس همس
دونك اضلوعي يريت امفصله
خادم اهل البيت
علي فرهود الزرگاني
ليلة الاكبر (ع)
اتذكر احلام الشباب من وكَع فوك التراب
يابس السانه
روحه ضمئانه
من وكَع فوك التراب
...............
حلمه يكبر بين اخوته ويخدم امه الربته
ولأبوه عكازه يصبح يوم تدنه كبرته
تالي رمل الطف وساده صار وسفه الكَصته
وجهه عالكاع وجبينه لونه من دم جبهته
شعره من دم وخضاب
ومنخلط وي التراب
بمهجه ذبلانه
روحه ضمئانه
من وكَع فوك التراب
...............
جان رايد من شبابه يكضي عمره بالصلا
يستغل طاقاته كلهه لخدمة الصابه البلا
تالي عطشان ووريده منكَطع في كربلا
بجه كلشي ابيوم ذبحه وهز عرش رب العلا
يسأل ونكرو جواب
من أنا يبدي الخطاب
بين عدوانه
روحه ضمئانه
من وكَع فوك التراب
...............
طايح وذبلانه شفته حيله رايح بالعطش
يشعر حسين بمصابه فاكَد اولاد اثنعش
بيده يتمنه يشيله للمخيم بالنعش
ماكدر يمه تمدد جسمه وي جسمه انفرش
حمل بمصابه العذاب
صعبه ساعات الغياب
ويحمل احزانه
روحه ضمئانه
من وكَع فوك التراب
...............
سحكته خيل الاعادي الجان بجدامه الارض
لومشه اعليهه تصلي ابتربته اتأدي الفرض
ياحسافه الخيل تسحك هالبطل طول وعرض
لاكو من عدهم تراجع لاكو واحد يعترض
تمدد ابكَاع المصاب
الجان يهدي من أناب
ودمه قرأنه
روحه ضمئانه
من وكَع فوك التراب
...............
انختمت ايامه ابترابه تجوي من حر الشمس
كَلبه ضامي ونهر يمه عنه لكن منحبس
بوجهه نور من الهدايه عالخلائق ينعكس
شما يطب واحد ضريحه يشوف نوره من الامس
نور شخصيته يُهاب
والدعا يمه مُجاب
واكبر احسانه
روحه ضمئانه
من وكَع فوك التراب
الشاعر
ياسر العارضي
قصيده زنجيل علي الاكبر (عليه السلام)
شبيه ال طه بالميدان باخلاق وخلق جده
النبي كَالو رجع والكَوم شردت كلهه من عنده
نزل بالموعظه العُظمه
يذكرهم نبي الرحمه
لجن ما سمعو الكلمه
النبي كَالو رجع والكَوم شردت كلهه من عنده
..............
حسين شما يشوفه ارتاح يشعر بالابو وابنه
بي ريحة محمد ذيج التشبه ريحة الجنه
وياه كَاصد الرمضاء يدفع بالوغه المحنه
ينصر خاتم الاديان علي الاكبر اجه ابضعنه
شباب وأكبر اخوانه
بعطش تتلضه نيرانه
برز والكوفه حيرانه
النبي كَالو رجع والكَوم شردت كلهه من عنده
..............
وكَف بين الجيوش وصاح آنه الاكبر وياكم
اعبدو الخالق المعبود عن الكفر ينهاكم
وابوي حسين اجه لهنا لجل دينه تعناكم
رايد نصرة الاسلام مو لجل الحكم جاكم
ابسنن جده النبي الهادي
اجاكم والكَمر حادي
وشافو من اجه ينادي
النبي كَالو رجع والكَوم شردت كلهه من عنده
..............
ما سمعو كلامه الكَوم وجرد سيفه ابو الغيره
طبرته اعله الركَاب اهناك تخلي الحاكم بحيره
شَّردهم اربات حسين ترس بيهم وجه ديره
ابوه واكَف يشوفه ابشوك وا بوجهه تعابيره
علي الاكبر بطل فارس
منو يكَدرله وينافس
وبكَلوب الكفر هاجس
النبي كَالو رجع والكَوم شردت كلهه من عنده
..............
رجع رايدله شربة ماي واخيام الضعن فرغت
ماعنده الحسين شلون بالطف قطره ماضلت
كال اصبر بعد يبني روحك عالعطش صبرت
تشرب من تطيح اهناك شهيد ابروحك العطشت
علي الاكبر فرح بيهه
الشهاده ابكل معانيهه
متحزم اجه اعليهه
النبي كَالو رجع والكَوم شردت كلهه من عنده
..............
تمدد وي علي الاكبر حسين وغمض اعيونه
إلَّه اشويه مات حسين لو ما أهله ينخونه
طلعتله العقيله اتصيح خويه اعدانه اذونه
أسف طايح علي الاكبر و لا منهم يرحمونه
ترك ابنه ورجع ليهه
على الاكبر يواسيهه
تكَله والعده اشبيهه
النبي كَالو رجع والكَوم شردت كلهه من عنده
الشاعر ياسر العارضي
لتأمن بهاي الناس. ما عدها ذرة شرف
كلهم يمسلم خذلوك. وبالكوفه وحدك خلوك
***
ارجع يمسلم لا تجي للكوفه
اصحاب المطامع بالغدر معروفه
للقتل والدم سيدي ملهوفه
وحسين اول ما يجيها تعوفه
والكالو اقدم وياك. لتصدك بكلمتهم
اهل المصالح عافوك. وبالكوفه وحدك خلوك
***
الصلو وراك وحلفو ينصرونك
الذيج الصوارم عزمو يبيعونك
تبايع يزيد بثورتك يردونك
لو ما طعت من القصر يرمونك
ذيج الرسايل مولاي. مزكها شلك بيها
ما تخضع الهم يدروك. وبالكوفه وحدك خلوك
****
بيدك يمسلم مشعل الحريه
وترهب بصوتك زمرة القمعيه
سل صارمك وتعنه للحربيه
ورفض ظلمها وكلمتك قطعيه
بوجهك يشع نور الدين. وكلها تعرف هيبتك
والبايعو ما نصروك. وبالكوفه وحدك خلوك
**
انته سفير حسين والكل يشهد
وصوت العقيده بنهضتك يتردد
وين الألوف البايعت شو محد
صبرك علي وهذا الصبر يتمدد
خالد تضل والتاريخ. باجر يخط احروفك
عين الحقيقة يشوفوك. وبالكوفه وحدك خلوك
*
ارفع الرايه بجفك وطب ليها
طشر جمعها وفرصه لا تنطيها
ردتك مراجل عمك تراويها
وبالكوفه تحتار العده خليها
هليله طوعه تناديك. ويوم الملاحم بده
من كل مكان يحيطوك. وبالكوفه وحدك خلوك
****
تمت
تحسين الخفاجي
#طارش_العليله ع
بس دمع مــايــوم نشـفت عيني
طارش الهم هيچ گـــل لحسيني~~~~افاركـه صـعب
كله ياطارش تره
بنيتك بغيبتك بس مدمع يصب
كل نهار عيونها اتصـد الـــدرب
تسأل أعلـه اخبارك
گله وحشـه اديارك
شلون يطيك الگـلـب تجفيني
طارش الهم هيچ گل لحسيني
~~~~
لاخـــواتـي اوياي لا من عمتي
علتي أغــيابـك يــبـويـه علتي
شوفـتك لـيّــه دوه
يغله بويه من الهوه
ذكرياتك رســـم بيها اجفوني
طارش الهم هيچ گل لحسيني
~~~~
ياحبيب اشلــــون تنساه الحبيب
شلون يشفه الغايب اعليه الطبيب
ياطيب اجـــروحـي
بويه راحت روحــي
هاي غيبة سفر لــــو ناســيـني
طارش الهم هيچ گل لحــسيني
~~~~
بويه ماتنطب اخــــلافك دارك
شنهي اجاوب لو سـأل خطارك
شنهي اگولن ياعذر
وادمك لـمّــن تِمر
وين ابوچ الناس لو سألـــونـي
طارش الهم هيچ گل لحسيني
~~~~
گله ياطارش سفــــرتك طولت
فوگ علتها العليله اتـعـلعـلـت
قصتي اتفت الصخر
جاسي وياي الدهـر
هم يجي يـــوم الابـو تلـفيـنـي
طارش الهم هيچ گل لحسيني
~~~~
چنه بويه بجالك احنه أمدللات
لاحلالي العيش لاطابت حــيـاة
غيبتك ماضـن ترد
مارد اگلـيـبـي مرد
حســره تاكل بيه يلـعـفتـوني
طارش الهم هيچ گل لحسيني
~~~~
✍️عباس مالك العفريت
#جديد_محرم_الحرام_١٤٤٧هـ
نسألكم الدعاء
نور وبزغ غيرة وعزم وأصفرة أوجــوه الزلم
وحيهـم يكله العبـاس
يالبيك مرفوع الراس
علي الأكبر
..................................................
مثل شمس الضحى أتبده طلع من الخيم وحده
علي الأكبر علي جده
علي ألأكبر
يرهب من طلـع طوله أبــوه وعمه هوسوله
وكفـــــــــوا يمه كلوله
هلا ونفخر
حيهم وأنتفض غيـــره نزل وأتبختر أبسيره
خله العسكر بحيــــــره
لما أتبختر
بوليده الحسيـــن أبتهل من شافه وي عمه نزل
وأتفاخر أبين الناس
حيهم يكله العبـــاس
علي ألأكبر
......................................................
نزل والعسكر الشافه تغير لونه وأوصافه
علي صاح وشرد عافه
علي ألأكبر
غضب تتجادح أعيونه سمر ومسرفنه أمتونه
رجيف المــــا يعرفونه
نزل حيدر
شال أمهنده وعسعس وعلى أركاب الزلم هوس
هلا بالفارس الأشوس
والمعتبــر
خلى الزلم تردم ردم حي الله الأكبر والنعم
مثل الهوى ما ينجاس
حيــــــهم يكله العباس
علي ألأكبر
..................................................
تبختر وسطة الحومـــه وشاعت بالسمه أعلومه
علي ألأكبر علي يومه
علي ألأكبر
يهد عالعسكر بكيفـــــه ويهلهل عالركب سيفــه
يرعب لو يمر طيفه
على العسكر
تشيـــــــم وأعتنه العمه تبسم من وصـــــل يمه
تحزم وأنحنى وسمه
ألمشكر
هدوا سوه ضهر بضهر السبعين ألف فيه أنكسر
وشحت عليها ألأنفاس
وحيهم يكله العبــــاس
علي ألأكبر
........................................................
أبو الغيره وعلي بضهره سووا كربلــــــه حمره
أله اليمنه وعلى أليسره
علي ألأكبر
ما واحد وصل حدهم حسين أمن الخيم كلهم
حيهم يا علــــــي حيهم
ولد حيدر
خل قوس ألسمه يرعد أنتــــه وعمك أمن أتهد
بروس القاده من تحصد
كلبي أنسر
نار العطش جانت أشد شما بالزلم صال وحصد
تصعب عليه ألأنفاس
حيهم يكله العبـــــاس
علي ألأكبر
.......................................................
بدت نار العطش تلهب ومن حر الشمس يتعب
رد الخيمته وضهضب
علي ألأكبر
شافه أيلــــــوج بأنفاسه حسين وباسه من راسه
مسرع رجــــع عباسه
وقره المنضر
كلـــــه أتحضر ودمعه ســــال وزينب أتسمعه
يبني مــــــــا ألك رجعه
فده المنحر
من الخيم ليلى أسمعت بوليدها وليه أطلعت
بالخيل جسمه ينداس
حيهم يكله العبــــاس
علي ألأكبر
......................................................
خادم خدمة الحسين
الشاعر
محمد الموالي
#حُسينٌ_مُصحَفُ_الحَقّ
لِطَفِّ الحُسينِ مَشى الأوفِياء ْ
يُواسونَ فاطِمَ خَيرَ النِّساء ْ
هُنا حُزَّ نَحرٌ لِنعمَ الإمام ْ
لِرُزءِ الذّبيحِ أقاموا العزاء ْ
حُسَينٌ حُسَينٌ حُسَينٌ حُسين
بِأرضِ الطُّفوفِ بَكَت كُلُّ عين
🏴🏴🏴🏴
هُنا النّائِحاتُ لِطِفلٍ رَضيع ْ
هُنا النّادِباتُ لِرَأسٍ قَطيع ْ
هُنا رَملةٌ قد بَكَت قاسِمًا
رَوى دَمعُها تُربَ ذاكَ البَقيع ْ
حُسَينٌ حُسَينٌ حُسَينٌ حُسين
بِأرضِ الطُّفوفِ بَكَت كُلُّ عين
🏴🏴🏴🏴
هُنا زَينبٌ شمَّتِ المَنحَرا
دِماءُ الحُسينِ جَرَت أنهُرا
أفاطِمُ قومي لِرُزءٍ بَدا
فسِبطُكِ مُلقًى بِحَرِّ العَرا
حُسَينٌ حُسَينٌ حُسَينٌ حُسين
بِأرضِ الطُّفوفِ بَكَت كُلُّ عين
🏴🏴🏴🏴
هُنا قِربَةٌ للفُراتِ اشتَكَت
فساقي العَطاشى هَوى؛كم بكَت!
بِنَفسي أيا بَدرَنا الهاشِمي
بِجَمرِ الشُّجونِ فَروحي اكتَوَت
حُسَينٌ حُسيَنٌ حُسَينٌ حُسين
بِأرضِ الطُّفوفِ بَكَت كُلُّ عين
🏴🏴🏴🏴
هُنا طِفلَةٌ لِلسّليبِ الذّبيح ْ
رَأتهُ بِرَمضا الطُّفوفِ طَريح ْ
بِرَكبِ السّبايا أراها تسير ْ
كأنّي بِها "أيتَموني" تَصيح ْ
حُسَينٌ حُسَينٌ حُسَينٌ حُسين
بِأرضِ الطُّفوفِ بَكَت كُلُّ عين
🏴🏴🏴🏴
سَأرثيكَ رَغمَ انقِضاءِ السِّنين ْ
أيا مصحفَ الحقِّ في العاشِقين ْ
فَأنتَ النّصيرُ لِدينِ السّماء ْ
بِدَربِكَ أغدو خَضيبَ الجَبين ْ
حُسَينٌ حُسَينٌ حُسَينٌ حُسين
بِأرضِ الطُّفوفِ بَكَت كُلُّ عين
🏴🏴🏴🏴
زينب الموسوي
#بنت_الزهراء
انه زينب انه ما ينوصف هَمي
تورثت المصايب كلها من امي
********
من زغري و دمعتي تطفح ابخدي
نار الفرگه ظلت تحرگ ابچبدي
دهري بالمصایب بیه بس یحدي
ابسحاب الهم اشوفن مختفي نجمي
******
شفت ظلع الزچیه فاطمه اتهشم
انطبر راس الوصي ومن راسه ینزف دم
شفت چبد الحسن حین الذي اتخذم
الحسن مسموم شفته و احترگ دمي
********
عشت هاي المصایب لیلي ما نامه
اشعمل بیه الدهر لوعني بـ ايامه
يوميه ابـ دليلي يضرب اسهامه
فارگت الأحبهم ضیعت حلمي
*****
مشیت الکربله و یم ناگتي الوالي
یرعاني ابحیمته و خدري ظل عالي
وصلناها و تغیر بالعجل حالي
اخوتي اتذبحو ما واحد الـ يمي
******
علي الأكبر أشوفه اعله الثره اموذر
جاسم من دمه نحره غده امعفر
ابوالغيره الگمر عالمشرعه اتکور
تمنیته اخویه بالیسر یمي
******
اخویه حسین شفته منسحگ صدره
و ابراسه شفت بي اثنعش طبره
ظامي و عالترب من انگطع نحره
صحت عمرچ یزینب للسبي سلمي
********
لخادم الحسين علي فلاح الواسطي
محرم الحرام
١٤٤٧هـ٢٠٢٥مـ
ملاگاه مواساة لزينب ع {{وين التعزيني}}..💔
تصيح زينب وين التعزيني
آنه ذيج الصاحت آيحسيني
((مذبوح ابن امي // ونظريته))
❥❥❥ـــــــــــ✿🪶✿ــــــــــــ❥❥❥
وياي لطمي يالتحبين الولي
آنه حرمه وذبحوا گبالي هلي
((وباللمه اللطمه // شمحلاها))
❥❥❥ـــــــــــ✿🪶✿ــــــــــــ❥❥❥
وينها التصيح ماننسه الحسين
اليوم ابو السجاد مطبور الجبين
((ويون مشمور // بتربانه))
❥❥❥ـــــــــــ✿🪶✿ــــــــــــ❥❥❥
الله اليجويج يا زينب نصيح
ياهو مثلج شافت الوالي ذبيح
((وميسوره // ماخذها الذابح))
❥❥❥ـــــــــــ✿🪶✿ــــــــــــ❥❥❥
زينب عالحنين تريد عوانه
ولطم امتونه للباع ذرعانه
((مأجور العزه // المحزونه))
❥❥❥ـــــــــــ✿🪶✿ــــــــــــ❥❥❥
نلطم عالوجه عالصاح جفيني
طاحن عالخدر عينج بعد عيني
(( يوصيهه // عالخدّر گام ))
❥❥❥ـــــــــــ✿🪶✿ــــــــــــ❥❥❥
هاي ايام زينب حملت اللوعه
وين اللي تگول وياها مفجوعه
(( تواسيهه // وتهل ادموع))
❥❥❥ـــــــــــ✿🪶✿ــــــــــــ❥❥❥
وبجفه كافلي اسمج اسجلنه
تگول ام الخدر وين اليحبنه
(( تراويني // جفهه بهوسات))
❥❥❥ـــــــــــ✿🪶✿ــــــــــــ❥❥❥
بأقلام شاعرات الحسين (ع)
#الشاعرة رسل الابراهيمي
#والشاعرة هاجر الزينبية..
لا اجيز الحذف او التلاعب بالكلام ❌
الباري من دمك🩸 ثبّـت إسلامه
و شـهـر المحرّم🩸 أعظـم ايامـه
كل سنه يشوف الدهر
دمـك القدسي انتصر
عجب
......🩸.....🩸.....🩸.....
١/
كل سنه ثابـت عهدنـه ويّـه مولانه
كل سنه واحد محرّم نرهب اعدانه
من زغرنه و هالشعائر تمشي بدمانه
شلون ما نحيله ذكرى ودمّه أحيانه
انـت اعـز واحد🩸ساكن بروحـي
وجرحك الخالد🩸شافه لجروحي
كلك ادروس و عِـبـر
دمـك القدسي انتصر
عجب
......🩸.....🩸.....🩸.....
٢/
دمك القدسي مناره وبالفكر ساكن
والعجايب سبعه لكن نحرك الثامن
عالشعائر و الخدامه احنه منهادن
فـرض نحيها لأنها اتطّهر الباطن
تزكيه انحسها 🩸 من مساوئنا
ودمعة مصابك🩸 بس تطهّرنا
رحمــه انـت للبـشـر
دمك القدسي انتصر
عجب
......🩸.....🩸.....🩸.....
٣/
دمك القدسي شراره وبالعرش خالد
عالثرى يجـري و لكن للسمـه صاعد
بالملايين انت هسه يل چنت واحد
و لوما دمـك ما نشاهد بالبشر عابد
عاهدت ربك🩸 تفدي بالغالي
وگلّك الباري🩸 تبقى بالعالي
شـمـا يگطعون النحر
دمك القدسي انتصر
عجب
......🩸.....🩸.....🩸.....
٤/
رغـم الاخطار وعدونه والدهر والجور
باقـي دستـور الضمايـر للخلـگ عاشـور
و ابظلام الدنيه نحرك يبعث النه النـور
سور خيمة زينب أصبح للشريعه السور
ودمعة أطفالك🩸 تبقى تتوهج
تنـطـي للعـالـم🩸 مبدأ و منهج
منهـج العـز و الظفر
دمك القدسي انتصر
عجب
......🩸.....🩸.....🩸.....
٥/
رايتك صارت شعيره بكل بلد رايـه
وللولايـه الرايـه هايـه تبقـى وفّايـه
كلمن ايعاينهـا تصبـح عينـه همّايـه
يذكـر الشايلـهـا طايـح بالمسنّـايـه
من اجل زينب🩸گطّع ايدينه
وجوده بكتاره🩸ونبلته بعينه
روّى من جوده النهر
دمك القدسي انتصر
عجب
......🩸.....🩸.....🩸.....
✍🏼علي نوري الحلفي
#ليلة_الوداع
#طور_زينب_إجت لحسينها -الجفيري
#إخبار الحسين لمولاتنا السيدة زينب ع بما سيجري عليها يوم العاشر من محرم
باكر اريدك تصبُري
لو شفتي نحري ينفري
راح اشكي لأمي منحري
وكيف الشماته بمنظري
باكر يكسرون الظهر
محني بمَشيتي اعلى النّهر
ليّه تنظري بس قهر
بطيحة سنادي والقمر
باكر اودع هالشباب
نومه طريحه اعلتراب
الاكبر وجاسم بلا نِصاب
دمهم يصير إلهم خِضاب
باكر يقتلون الحلم
وطفلي يذبحونه بسهم
وابقى وحيد ابلا زلم
وخيامي بيها بس حرم
باكر سكينه تنضرب
واطفالي كلها تنسلب
حتى رقيه يالعجب
يسلّبوا حِليها بالدّرب
🖊خادمة أبي الفضل
سلام عليكم خدام سيد الشهداء
ارجو الاشتراك بالقناة ليصلك رزق الله علينا بنعمة الخدمه
جديد 2025
/channel/kasaedalatharDaygham
أنهـــم فتيــه .. آمنــــوا بــربهــم
أنهـــم فتيــه .. آمنــــوا بــربهــم
**
فتيه مـن ( آل عليٍ ) بـرزوا لسـوح الشـرف
اتلاگو وي الموت بالطف مو مثل أهل الكهف
ضحوا أبدم الكرامه مـن اجــل أعظم هدف
لجـــل دين الله تعالى ابــد ما واحــد رجف
أنهــم حقـــــاً .. دافعوا عـن نهجهم
أنهـــم فتيــه .. آمنـــــــوا بــربهــم
**
اقــره تاريــخ البطوله والشرف في كربلاء
خطوا آيــات المواقف والمجد مــن الدمـاء
جدهم الهادي محمـد عكـس ولــد الطلقـاء
جادوا بأرواح للطـف عــدهم الـدنيا فنـــاء
آمنـوا الدنيــا .. مسكناً لغيــرهــم
أنهـــم فتيـــه .. آمنــــوا بــربهــم
*
آمنـــوا بحسيـن يعنــي امنـــوا بــس بـالإله
حسين للباري نــذرها روحـه وولاده ودماه
حسين باع الروح لكن بالدمّه الدين اشتراه
ولــذلك ال هـاشم سلكــوا أبــدربه وخطاه
بذلــوا النفســهَ .. فتيـــةً لـــدينهــم
أنهـــم فتيــــه .. آمنــــوا بــربهــم
*
لاعبوا بالطف خصمهم ال هــاشم بالحديـد
مــو مثـل لعب ال أميــه بالقــرود وبالعبـيد
فرق بيـن الطاح بالطف غسلــه دم الــوريد
وبين طاح أبكاس خمره فرق عن ابن الشهيد
ملئــوا الدنيــا .. صيحتــاً بـذكــرهم
أنهـــم فتيـــه .. آمنـــــوا بــربهــم
*
كـون قــرأن الجــلاله لهسه ينــزل عالبـشر
چان بالطــف ألف أيه نــزلت وعــدّت سُور
فتيه ما ضمهم كهفهم ضحوا ابگطع النحر
الدنيا گبه صــارت الهم صاغها چف القـدر
نُــورهم يبقى .. خالدا وذكــرهــم
أنهـــم فتيــــه .. آمنـــوا بــربهــم
*
أنهــم فتيــة محمــد مــا يهابــون الحتـوف
تشهد الدنيــا عليهم يـــوم بــرزو بالطفـوف
طعمّــه خلوهــا المنــاحر للنبــال وللسيوف
ابد ما صافحو ظالم ظلوا انظاف الچفـوف
أنهــم صفــوه .. سارعوا لحتفهــم
أنهـــم فتــيــه .. آمنــــوا بــربهــم
**
الشاعر
موسى البديري