7993
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصيده لاستقبال مولاتي الزهراء روح الطاهره ام البنين عليهماالسلام في الجنان على طور حجي باسم انا خايف
المستهل👇👇
ياام البنين/ جيت استقبلها روحج يالوفيه
ياام البنين /انا فاطم بت رسول الله الزجيه
┄┉❈❥ًً❀💠(❀❥❈┉
زينت سبع السماوات لحضورج
انا فاطم جيت استقبلها روحج
والله اتشكر عقيل اعله قدومج
انثرتي بالبيت الفرح والله وسرورج
ياام البنين/زينت كل الجنان بصافي نيه
ياام البنين/ انا فاطم بت رسول الله الزجيه
┄┉❈❥ًً❀💠(❀❥❈┉
انتي بت سيد عشيره وطيبه حره
انتي اول امراه وبالدنيا ضره
تكول فدوه اولادي لاولادج يزهره
كون بس سالم يرد واشتم لعطره
ياام البنين/قدميتي اربع ولد بالغاضريه
ياام البنين/انا فاطم بت رسول الله الزجيه
┄┉❈❥ًً❀💠(❀❥❈┉
من دخلتي البيت كلها تصيح مرحب
گلتي خدامه اقبليني يزينب
من ولدتي كمر هاشم علي ينحب
يعاين لجفينه ويلي ودمعه يصب
ياام البنين/يبجي عالجفين ويلي تظل رميه
ياام البنين/انا فاطم بت رسول الله الزجيه
┄┉❈❥ًً❀💠(❀❥❈┉
من دخل بشر ابن حذلم للمدينه
نعى باحزان والم ولد الحزينه
كلتي انعي حسين جسمه لظل رهينه
فدوه اولادي يروحون لولينه
ياام البنين/شلون من رجعتلج الحره سبيه
ياام البنين/انا فاطم بت رسول الله الزجيه
┄┉❈❥ًً❀💠(❀❥❈┉
جاوبتها ابعين تجري ام البنين
لا يمولاتي الزجيه لاتكولين
ابد ماوفيت گطره لابنج حسين
فدوه كل بنيني والله وفده الجفين
ياام البنين/بس يظل سالم عزيزي ايرد عليه
ياام البنين/انا فاطم بت رسول الله الزجيه
┄┉❈❥ًً❀💠(❀❥❈┉
✍ الخادمه ام زيد الشمري
نسال •اللّـہ القبول
ونسالكم الدعاء بتعجيل فرج مولانا صاحب العصر والزمان عج
وين ابن حذلم بِشِر هالليله وين
ايروح للعبــــاس ينعه ام البنين
ـــــــــــــــــــــــــــــــــــــــــــــــــ
بشر وينه يگصد ارض الغاضريه
يخبر العباس عن هـــــاي الرزيه
ايگله امك رادتك وكــــت المنيه
غدت تنشد بلچي للــعباس جيه
بالنوايح والمدامـــــــــع والانين
ايروح للعبــــاس ينعه ام البنين
ـــــــــــــــــــــــــــــــــــــــــــــــــ
رادت الاولاد تمشــــــي بالجنازه
والولِد وكت الدفــن عازتها عازه
هـــــاي أم الكافل وبيش اتّجازه
هـاي بيهه الكلب يندب لو توازه
عالولـد حگ الربه وتعب السنين
ايروح للعبــــاس ينعه ام البنين
ـــــــــــــــــــــــــــــــــــــــــــــــــ
وين ناعي حسين بطراف المدينه
خل يصــل للمشرعه بجمرة ونينه
يخبر العباس راحــــــت هالحنينه
خل يجيها بس يشيل اسهام عينه
الچان امس ینعه یساره واليمين
ايروح للعبـــــاس ينعه ام البنين
ـــــــــــــــــــــــــــــــــــــــــــــــــ
ماتت ودمعــــــاتها ترست جِفنها
الاربعه اتمنت يحضـرون ابدفنها
هذا اليسد عينها ويشــــد چفنها
وذاك الايــون المصيبتها وحزنها
وين ناعي الحزن يلطم عالجبين
ايروح للعبـــــاس ينعه ام البنين
ـــــــــــــــــــــــــــــــــــــــــــــــــ
ايروح لحسين ويخبره عالمصيبه
ايگله ام الاربعه مـــــــاتت غريبه
الهــــا حگ اعليك تدريها النجيبه
من غبت دلاَّلهه مـــــــاكف نحيبه
من يروح ايخبر حسين الحنين
ايروح للعبــــاس ينعه ام البنين
ـــــــــــــــــــــــــــــــــــــــــــــــــ
التنعه لجل مصيبتك لاخر عمرها
كونك اتهيل التراب اعـــله گبرها
الفاتحه تقـــراهه واتنوح ابكترها
فــاجده وماأنصف اوياهه دهرها
خلي ياخذ موكب ویمشي حزين
ايروح للعبــــاس ينعـه ام البنين
ـــــــــــــــــــــــــــــــــــــــــــــــــ
حيدر بشار الدراجي
/channel/tajalzahraa1
نعي لام البنين (ع)
اعتابي للطف ارد اوديه
للكمر خاف ارباي ناسيه
الوالده انه وحكي عليه
ردتك ييمه اليوم دفان
وبيدك تفصلي الجفان
غيابكم على البال ماجان
النوم عوفو موش وكته
اطلبك بالبن واليوم ردته
ماكاملي ابني على بخته
يمه النوايب عذبني
ونيت محد سمع وني
اعزاز كلبي بعيد عني
جنه ييمه الموت اجاني
وكرب عليه وتلوهاني
محد منكم ييمه تعناني
عذبني يمه هواي الغياب
ماكو بعد جيه من الحباب
ايس من النامو بالتراب
اعتب وكول الولد وينه
يحضر بالجنازه رايدينه
بعداه الوكت غصبن علينه
لاخلفت لاجني ربيت
ولاشلت الولد وعليه حنيت
انضر واصدن خالي البيت
احذاي ابو فاضل تمنيت
كلبي انلجم والعين هلت
الماعدهه والد ياناس ذلت
فركتكم بعد بيه شخلت
ربيتكم بدموع العيون
عدالي الحملي تشيلون
تبريتو مني ما تنشدون
*لخادمة الحسين (( ع)) العلويه ام اياد لا يجوز حذف الاسم*
/channel/tajalzahraa1
ابوذيه ونعي لأم البنين( ع)
لم عباس تنعى الروح حنت
المصايب منها چم ضلوع حنت
منيتها وحيده اليوم حنت
تريد اعزاز ناموا بالوطيه
النعي:
ويه العفيفه اليوم الوداع
والروح غابت وكت الانزاع
واعزازها ضمتهم الگاع
ابعاد عنها اولادها تريد
تصيح باسمهم تشمر الايد
عباس واخوانه بعيد
يم راسها رادت يگعدون
من القبر ساعه يحضرون
عالقبله راس امهم يديرون
الولد عند امه شغلاته
والنعش لوشاله شحلاته
ذبحوا برض الطف مماته
بامه الولد محلاته زاتوت
ومتنه يشيللها التابوت
منگب ينوح بعالي الصوت
وحيده بقت وتموت وسفه
عالشاطي ابنها انگطع چفه
گلبها جريح شلون يشفى
……… ..تمت…………………… .
بقلم ام زهراء العامري
/channel/tajalzahraa1
لطميه لام البنين عليها السلام على شكل هوسه
======
اقري الفاتحه وتوسلي بيها
هاي ام البين الحاجه تكظيها
======
ام عباس معروفه بكرامتها
مترد فاشله والاجت وزمتها
تنطي مراد عاجل كلمن انختها
تقضيها والحاجه العندج
======
تقضي حاجتچ يامن نخيتيها
بالصعبات توگف لو ندبتيها
توگف بالشدايد لو گصتيها
اتقضيها كل شده تصعب
======
اريد انخاچ يا حره ويا بدويه
مريضه وناخيتج حني عليه
مليت الطبيب وحيل ما بيه
والعله ا لعندي أطيبيها
=====
بالعباس احلفچ لا تفشليني
وادگ بابج يا حره لا ترديني
اريد مراد عاجل بيدچ انطيني
تنطيني الحاجه بچفچ
====
منچ طالب الحاجات يا ام عباس
اعرفنج اصيله وبيج رفعت راس
كراماتج چثير وبيها تحجي الناس
معروفه كضاية كلفه
====
تمت بعون الله تعالى بقلم خادمه المنبر الحسيني العلويه ام اسامه الموسوي
/channel/tajalzahraa1
الشاعرالحسيني ظاهر حبيب الهليجي( ام البنين عليها السلام)
عباسها وفاء عثمانها فداء
وجعفر الاباء ورابعآ عطاء
*
هذا تاريخ انكتب عن بت خزام
سيره عطره انكتبة بعشگ الامام
بت خزام أمئصله بنسل الكرام
من خوال الطيب ماخذته وعمام
قد ربت البنين لنصرت الحسين
والصادق الامين لي طف كربلاء
*
تدعي كون اولادها فوگ التراب
ولايجيها الطارش حسين بخظاب
جانت تحاجي الهوه أتريد الجواب
خايفه أعله حسين من هذ المصاب
في قلبها السعير ان يأتها النذير
وتدعو للقدير للشمل واللقاء
علي كلفها بأمر هل المسأله
وربت وتعبت لجل طف كربله
مايصح الها مثيل ابهل المله
الگالت أولادي فده حسين وهله
أعجوبة الزمان بل عطف و الحنان
قد نالت الجنان وهيبة النساء
*
أربيه جانت عينها وتدمع حنين
وتدعي كون أولادها المتخظبين
هذه مطلب تنخه رب العالمين
فدوه كلها تهون لو رد الحسين
المدح لو يطيل في حقها قليل
تاريخها دليل لاحاجه للرثاء
*
نبع صافي فاطمه منذ الأزل
ابمثل هل اليوم يلفيها الاجل
الما مثلها الينضرب بيها المثل
ياسلام الله عليها ام الكفل
آثارها شهود قد اوفت العهود
ونالت الخلود في تربها الشفاء
/channel/tajalzahraa1
قصيدة الى أم البنين
على طور دخيلج يم الحسين
(الملا عمار الكناني )
✧ــــــــــــــ ✦◈ ✦◈✦ ــــــــــــ✧
نخيتج يم الاقــمار نخيتج
حاجة وبيها محتار نخيتج
✧ــــــــــــــ ✦◈ ✦◈✦ ــــــــــــ✧
اجيــتج والدمـع تارس عـيوني
احلفج باللذي صاحـت امـتوني
همـــومي اثـگال كلـش تعـبوني
وادري بــــحيرتي مـاتــأخـلوني
دريتـج سامعه الصوت دريتــج
نــــخيتج يــم الاقمار نــخيتج
✧ــــــــــــــ ✦◈ ✦◈✦ ــــــــــــ✧
گـــالولي عـــليج وجــيت سرعة
طبـــيت العــزه وأهــمل الـأدمعة
واذكــرت الحسين ودوس ضلعة
وصــأوت الــزهرة نحبتها اسمعة
واجيـــتج نادبه حسين اجــيـتج
نــخيــتج يــم الاقــمار نـــخـيتج
✧ــــــــــــــ ✦◈ ✦◈✦ ــــــــــــ✧
بـــس اسم الحسين انــذكر يمج
كلتـــــي يــــالاجيتـــي مــااردج
مقضــــية الـــحوائج لاتـــهمــج
اسم حــسين عـــورني ارد اكلـج
نــطيتج. بيـــدج امراد نــــطيتج
نـــخيتج يـم الاقــمار نـــــخيتج
✧ــــــــــــــ ✦◈ ✦◈✦ ــــــــــــ✧
ماتــــخلص حوائجــنه وجــبيرة
وكل يـــوم العـگل باقـي بـحيرة
كلــت اذكـــر بعــد بـدر العـشيرة
بلكـت تـخلص الحـاجة العـسيرة
لگــــيتج جــــاره الااااه لـــگيتج
نــــخيتج يــــم الاقــمار نــخيتج
✧ــــــــــــــ ✦◈ ✦◈✦ ــــــــــــ✧
طــاريه صـــعب ويـــفت الافــاد
اه يحسين صحتي واه يــالاولاد
حيلـــي مــــاخذه ويــــاه الــوراد
طاريهــم فجعــني. وعنـي ابــعاد
بمنـــيتج. ردتــي عباس بمنـيتج
نخـــيتج يـــم الاقــمار نــــخيتج
✧ــــــــــــــ ✦◈ ✦◈✦ ــــــــــــ✧
تمت
خادمه أهل البيت العلويه فضيله هاشم الموسوي
ماذكرناه في عشره أيام. رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫
/channel/tajalzahraa1
قصيده فزاعيه مع هوسه لام البنين ع
-------------------------------------------
اليوم ام البنين اعتازت الويلاد
مطروحه الجنازه اگبالها السجاد
صاح ابصوت لحگو ليها يالامجاد
جادر كون ليها اليوم و اعلام
و تجيها اولادها و تحطها عالهام
ليها اليوم خلي انسوي هوسات
و لم عباس هم نطلع عراضات
تسوه النوح هاي ام الكرامات
اتوسعينه .. ميدان اعليها
وسعي باللطم و الونه عليها
امگابل لطمة ام عباس شديها
و هاي ام الحسن جينه نعازيها
انعازيها .. بأم العباس
انعزي ام الحسن و انوح وياها
على ام عباس كلنه اليوم ننعاها
مهضومه بقت محد تعناها
مهضومه .. ماتت ياوسفه
عطشانه لولدها ما اجو يمها
لحد شالها و ايشيل من همها
ويلي افراگهم هالكثر هاضمها
ماذيها .. يفراگ الراحو
تدرون الضنه لو شال مو سهله
يروح الحيل و المدمع دمه انهله
للعازه البزر وكت الدفن تحله
يدفنوها .. كون الويلاد
-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/tajalzahraa1
كافي يا ام البنين
اليوم بطلتي ونين
@@@
من بعد طف كربله
وانتي عينچ هامله
والمآسي شايله
ولوعه والون والحنين
@@@
اي وحگ ام الحسن
مابطل نعي المحن
الا وانتي بالچفن
ياللي نوحچ للحسين
@@@
المدينه ابكل كتر
مدمع الدمعچ يدر
حتى لحدچ بالگبر
كمل اعليچ الونين
@@@
حتى وگت المحتضر
تنعي محزوز النحر
ووطيحة الوافي الگمر
وخوته لمچتلين
@@@
حسچ ايضل بالسمه
ينعه مذبوح ابضمه
والضلوع امهشمه
ويلي مذبوح الوتين
@@@
گلبچ الحر انوزع
واشكثر تالي انفجع
وعالرمح عرگه انگطع
عاللي هشموله الجبين
@@@
من ابن حذلم لفه
ينعى آل المصطفى
عفيه يا ام الوفه
صبرچ الباقي متين
@@@
يلي عمرچ تندبي
تالي لفوچ ابعبي
بيها آثار السبي
لبت أمير المؤمنين
@@@
متّي والحسره لضنه
وظهرچ ابفگده انحنه
وچان بگليبچ منى
ويه زينب تنسبين
@@@
علي احمد الحمود
٢٣-١-٢٠٢١
وفاة أم البنين ع
/channel/tajalzahraa1
شور لمولاتي ام البنين عليها السلام
آنه ام البنين آنه. آنه ام البنين آنه
..........................................
الرايد حاجته الليله يقرأ الفاتحه وتسهل
بهذا المجلس الشده. لو جانت جبل تنحل
باب الله الچبير احنا اليكَصدنه فلا ينذل
وانه ام البنين آنه. يالرايد علي تسأل
معروفه آنه معروفه
ام الطاحن اجفوفه
ام الحاجه سموني
آنه بهاي معروفه
آنه ام البنين آنه. آنه ام البنين آنه
................................
انه للحوائج باب. الله بهايه خصاني
الضاكَت دنيته بعيناه. آنه اليمه تلكاني
آنه ام الكَمر ياناس ماخاب تنخاني
صح مالي صحن وانزار. بس مفتوحه بيباني
لكلمن ينتخي بيه
يقرأ الفاتحه عليه
اكضي حاجه المحتاج
حتما ميه بالميه
آنه ام البنين آنه. آنه ام البنين آنه
..............................
اختارني علي يا ناس. بس هالنعمه تكفيني
كتله بس طلب عندي. فاطم لا تسميني
لولدك ياعلي ياريت. اخدمهم تخليني
بدوية طبع للزين. أنذر عمري وسنيني
ربي انعم عليه
كَبلك انه بدويه
وبيت الرساله اليوم
ويسموني علويه
آنه ام البنين آنه. آنه ام البنين آنه
..............................
بحجري انه ربه المضلوم. حسين وانا ربيته
يحبه الله اليحب حسين. وانه هوايه حبيته
حرزي عمامته چانت. وحجابي انه چفيته
وبوكت الصلاه لوصار. البس انا غاچيته
كلشي انطيته ونطاني
اكَضي الحاجه سواني
من كَد ماحزنت عليه
صرت ام الحزن آني
آنه ام البنين آنه. آنه ام البنين آنه
.......................................
ياوادم وحگ عباس غيرحسين ماعندي
صح عندي ولد وحيود. بس هو اغله من ولدي
ماهموني من راحو. ولاهمي من اضل وحدي
بس همي ابو السجاد. لو سالم يرد ودي
هوحسين ماغيره
ضلمه خلافه هالديره
مكسوره كَلب بعده
ذاك العايشه بخيره
آنه ام البنين آنه. آنه ام البنين آنه
.............................
ابو منتظر الحريشاوي
/channel/tajalzahraa1
لوفاة أم البنين سلام الله عليها (ميمر)
نوگف إجلال وتقدير. لام البنين الحره
اقرينه عنها بالكتب واسمعنه
سيرة وفاها الحيدر وراجعنه
قول وفعل روح وظمير ومعنه
ماقصرت ام عباس. السيرتها كلمن يقره
يافاطمة هلأسم نور وعفه
فاطمة تخلف فاطمه موصدفه
بفيض الإحسان الباري قدر لطفه
بفاطمة معوض الكرار الباري جابر كسره
من ابواب ربها للتعنه ونعمه
يوم الحشر للناس باب الرحمه
ذابت بحب أهل الشرف والعصمه
براحتها ضحت للدين. وخدمت أولاد الزهره
گالت يولدي البشر كلمن يومه
وصت ولدها درع وسط الحومه
لبن الزچيه الطاهره المظلومه
لحسين ضحوله انحور. بس كون سالم نحره
جاها ابن حذلم هاملات اعيونه
امدنگ الهام ومهجته محزونه
لحسين گلها اربعه انذبحوا دونه
وفوگ الرمح رأس حسين. وجسمه انفرش علغبره
ونت ونين الزهره من لچمتها
اتمنت گبل هذا الخبر موتتها
نادت ابحرگة وبالگلب لوعتها
الفارگ ابن مثل حسين. شله ابحياته وعمره
الشاعر حسن لعيبي الحريشاوي
/channel/tajalzahraa1
نعي ام البنين عليها السلام
هاي ام البنين الطاهره الحره
هاي القدمت اقمار للزهره
مفجوعه بحزنهه ظلت بحسره
ولا واحد لفاهه بالگلب جمره
تركوهه وحيده الكسر شيجبره
ظلت للممات بلوعه وبعبره
.........................................
واويلي عليچ ام الگمر عباس
نعشج منو يشيعه بين كل الناس
بعد الاربعه وحسين ابوالنوماس
راحو كربله وذبحوهم الارجاس
چانو للفخر والعزه رفعة راس
يظل يومچ مصيبه حزنه ماينقاس
....................................
خادمكم مالك السعيدي
/channel/tajalzahraa1
حوار بين ام البنين وولدها العباس توصيه بطاعة الحسين وزينب عليهما السلام
شگد ﭼبيره آنـه خـادمة ْالحسين
شگد ﭼبيره خادمه وتفديله عين
گلها عبــاس بفخـر
ﭼفوف انطيه ونحر فــدوه
****
آنــه كــرمني الاله وصــرت لجلـه خــادمّــه
يـا كبــر حظــي يغالــي بيّــه قبلت فـاطمــه
ويا عظم حظك ييمه تموت لجله من الضِمّه
يعني آنــه وانتــه يبني اختـارنـا رب السمّه
يا عظمها يبني هــاي المنـزله
يا عظمها نفدي الحسين وهله
گلها عبــاس الگمر
ﭼفوف انطيه ونحر فــدوه
****
يمّـه عباس ارد اخبــرك واستمع يبني الي
حيدر مـنْ اتعنـه ليه وراد يخطب مـن هلي
انته يبني الغايه ﭼانت من سأل عنـي علي
رادك احــزم لعضـيدك خــادم وهــو الـولي
يا أبو فاضل گله خــادم مــو اخـو
يا أبو فاضل وأدري بيك انته كفو
خــادم وبيها الفخر
ﭼفوف انطيه ونحر فــدوه
****
يبني وﭼفوفك يغالـي التبقى بـاﭼر عالثـره
اربعه أِفـدّيْ الزﭼيــه واشعـر انه امقصـره
يــا عظم حظّــه ييمّه اليخدّم امـه الطـاهـره
والعليّ ترضه الــزجيه حظّه هـذا شمكبـره
ترضى عني فاطمه بيوم الحشر
ترضى عني والله يوليدي افتخر
گلها راح اتــرك اثـر
ﭼفوف انطيه ونحر فــدوه
****
يبني يا عباس اگرب والحجي منـي اسمـعه
خــادم لزينب اريــدك هــاي بنــت الشــافعه
من سمع منها الوصيّه الگمر سـﭼّب مدمَعه
يــا فخــر خــادمها آنــه البل جـلاله مگبعـه
آنــه كافل يمّه خــدر ال النبي
آنـــه كافل قبلة العّــز والعّـبي
مو فقط افــدي النظر
ﭼفوف انطيــه ونحر فــدوه
****
باﭼر انته اعلى الشريعه تفدي يوليدي العمر
الماي ما اريدك تضوگه لو صبح ﭼبدك جمر
گلها يــا يمّــه ومحمد ﭼبــدي اخليه يستـعـر
ومــا اضوگن منه گطره گبـل الحسين الطهر
مــا اشربه لــو أحــس گلبـي دوّهَ
مــا اشربه وضامي سر القل هوه
فدوه لو ﭼبدي استَعــر
ﭼفــوف انطيــه ونحــر فــدوه
****
الشاعر
موسى البديري
/channel/tajalzahraa1
نعي مفجع
مــرت عـلـيـنــه ايـام وايــام
يحدي الضعن والروس جدام
ولـمـن وصلنه بـلـدت الـشـام
يجرح حچيهم مثـل الاسهام
نـاس اتـشـمـت بـيـنه وتـريـد
جَرحت كلبنه الموش اجاويد
جابت طـبـل ودفوفهه اتزيـد
ويـنـه اليروح ويگطع الـبِـيـد
يوصل لـعِـد گـبـر الـصـمـيـده
يـگـلـه بعَجـل زيـنـب تـريـده
شاخـت تره الچانت عـبــيـده
عگـب الأهـل ضـلـت وحـيـده
*--------------------*--------------------*
خادم العقيله زينب ع
✍الشاعر رعد الجريخي
/channel/tajalzahraa1
الخاطر الزهره الضحت دم ابنها
الخاطر الزهره
:::::-----::::::
الضحت بالعزيز الكمر عباس
هاي ام البنين ورفعت الراس
الضحت كل ولدها وتشهد اناس
وفاها بكل وفاء أبداً مينقاس
.
وشدت الحسره ماتت منالمها
وشدت الحسره
:::::-----:::::
اصيله بت عرب كلكم تشهدون
وتستاهل عليها نعمي لعيون
ماتت من المها فاطمه شلون
من راحو ولدها الكافل وعون
.
ماغمض ليله جفنها على الكافل
ماغمض ليله
:::::-----:::::
بت احزام ماتت من الهموم
ما غمض جفنها وشافت اناوم
تعثر بالجدم لو رادت اتكوم
وفتها المنيه و ماتت اليوم
.
حيدر اعليها محزن طول عمره
حيدر اعليها
:::::-----:::::
عاشت مع الحيره عاشت اوهام
الطلعت روحها من كثر الالام
يا كسرت كلبها كسرت الجام
شكتب هل قضيه تحير الاقلام
.
كالو اعليها ماتت من حزنها
كالو اعليها
:::::-----:::::
الوفت للزجيه وعلي الكرار
اسمع من كلامي اخذ الاخبار
جانت بالفعل من ربت انصار
خدمة بيت حيدر بيت الاطهار
.
بالاصل هيه نجيبه من بواسل
بالاصل هيه
:::::-----:::::
حسن صالح العيساوي
/channel/tajalzahraa1
مقطع صوتي من حيدر بشار الدراجي
Читать полностью…
لمصيبة ام البنين عليها السلام
وبلسان الحال كأني بها تقول :
ليالي الچانت اويه احسين ... وينها
عزيزه ابجاله آمر چنت ... وانها
مشه او روحي يفت الصخر ... ونها
او لهو اليسمعني لاهو الراد أليه
وين الروحي ابدن ... ما تملهم
غير العطش والحر .... ماتم الهم
مشو . كل عمري عشته .. ماتم الهم
بلكت ماتم اينصبون أليه ...
ألومنكم لچن شيفيد .... لمكم
يمن وادي الطفوف اوصال ... لمكم
عجب يا يمه متگومون ...... لامكم
بس اسويعه من گبل المنيه ....
يولادي اليرف عالي ..... علمكم
جفيتوني فرد جفيه ..... علامكم
منهو الساعه اليصلي .... على امكم
او منهو الي يواريها الوطيه .....
ألي العباس واخوانه .. ولي احسين
عليهم نوحي موتني .... والحسين
لا عباس مر بيه ......... ولا احسين
اجناب اليشيعوني اشلون بيه .....
اشكثر عل رمل ضامي ... لاج الحسين
انه ابهل ليله بيّه ......... لوجه لحسين
علي لا جه ابو فاضل .... لا جه لحسين
متت واعيوني تربي اعله الثنيه
____
ابو فاطمة الطائي
/channel/tajalzahraa1
أصدار جديد
لمولاتي ام البنين قصيده جنوبيه
ــــــــــــــــــــــــــــــــــــــــــــــــــــــ
المستهل 👇👇👇👇👇
أعذريــــني/ نعشج ماحملته
ولاتابـوت الج يـــايمه شلتـه
ــــــــــــــــــــــــــــــــــــــــــــــــــــــ
اعذريني ييمه حيل خجلان
نعشج ماحملته ماكو ذرعان
على فراگج ييمه حيل حزنان
(فراگج يايمه/ كاسرني)
ــــــــــــــــــــــــــــــــــــــــــــــــــــــ
يالمفروض اشيلج فوگ المتون
وانه الجناز لمي يالتنشدون
مو بتراب ادفنج جوه العيون
(مجانج يايمه/ بنص عيني)
ــــــــــــــــــــــــــــــــــــــــــــــــــــــ
انه العباس وخواني السباعيه
نفزعلج ييمه فزعه نشميه
بعدنه الموت عنج يالكلابيه
(ياكون الماضي/ يرد بينه)
ــــــــــــــــــــــــــــــــــــــــــــــــــــــ
حگ ارباج يــــايـمه تريدينه
وكون وليــدج بموتج تودعينه
عل تابوت واگف هم تشوفينه
(جناز بنعشج /تردينه)
ــــــــــــــــــــــــــــــــــــــــــــــــــــــ
ربيـــــتي شكثر ماقصريـتي
وعله فراگنه ندري بجيـتي
انكسرتي هواي يمه ونحنيتي
(يالعمرج خلص/ تعبانه)
ــــــــــــــــــــــــــــــــــــــــــــــــــــــ
تـــعبانه ييـــمه مــن الفراگ
حنيــنه ودوم للويلاد تشتاگ
يــــــانار العزيزه هواي حراگ
(يانارج تسعر /حراگه)
ــــــــــــــــــــــــــــــــــــــــــــــــــــــ ـــــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له اهدي ثواب هذه العمل الى مولاي صاحب الزمان
/channel/tajalzahraa1
وفاة ام البنين( ع)
انا لله وانا اليه راجعون ... عظم الله اجورنا واجوركم بوفاة ام البنين( ع).
ان احياء ذكرى أم البنين (صلوات الله عليها) وذكرى المعصومين (ع) توجب سعادة الإنسان في دنياه وآخرته، ومن احياء الذكرى نكتسب كيفية الطاعه، وتعظيم من أوجب الله تعالى طاعتهم علينا بكل قناعه ويقين بفكر واعي وقلب مطمئن بالإيمان، ومن خلال قول
الزهراء (ع): ( وجعل طاعتنا نظاما للمله).
لإحياء الذكرى وتعظيم شعائرهم التي تجعل القلوب في حرارة لن تنطفئ عن حركتها الدؤوبه لطاعتهم والذوبان بهم وهذا اعظم درس لتجسيد أمر الباري الذي يقول
(قل لاأسلئكم عليه أجرا إلا المودة في القربي) كانت ام البنين من النساء الفاضلات العارفات بحق أهل البيت (ع) ، كما كانت فصيحه بليغه اللسان، ورعة، ذات تقى
وزهد وعباده. لقد أراد الله لها أن يكافئها في الدنيا قبل الآخره على أخلاصها وولائها لأهل البيت( ع).
روي لما جاء الناعي ينعى الحسين(ع) ما سالته عن اولادها قالت: اخبرني عن نور عيني عن ريحانه رسول الله اخبرني عن الحسين وقضت ما تبقى من عمرها حزينه باكية العين وكانت تخرج للبقيع وتخط بأصبعها قبورا خمسه باكية تنعاهم وهي تقول :
كلساع اتانيكم تطبون
من الباب يايمه تصيحون
فرشت الفراش وماتجون
رحتوا وعليه البيت خالي
امكم واريدن عين والي
ايشوفني ويفگد احوالي
ضميتكم لايام كبري
ذبحوكم ومااريد عمري
گبلكم يريت انحفر گبري
گبلكم يريت الگبر ضمني
وغيابكم مر وهدمني
احتاريت وان چبير سني
وما زالت ام البنين تقاسي آلالام الفراق ولوعة البعد عن ابنها الحسين واخوته حتى دنى اجلها فصار يغشى عليها ساعة بعد ساعة وتمنت حضور اولادها عند الاحتضار وكأني بلسان حالها ينشد ويقول:
ريت الولد يدخل عليه
يجبلني ويسبل ايديه
يغمض عيوني للمنيه
بالعين دارت علة الصوت
عباس صاحت راح اموت
ولمك ياهو يشيل تابوت
يزتني يريت الولد بنگاب
وخدي يحطه على تراب
والفاتحه ينصبها بالباب
بالفاتحه منگب يشوفون
الناس لوجوله يعازون
كلما ذكرني هل العيون
احسن الله لكم العزاء ... حتى في انفاسها الاخيره فمازلت تنعى الحسين وتبكي كيف ذبحوه من القفا وبقي ايام في العراء سليب العمامة والرداء بعد ذلك ثقل حالها ودارت عينيها يمينا وشمالا الى ان عرق جبينها وسكن انينها مددت رجليها واسبلت يديها وفاضت نفسها الزكيه رحم الله من نادى واسيدتاه وامصيبتاه:
ونوا على الماتت بحسرات
گضاها الذبيح البترب مات
للموت مابطلت ونات
من القفا سمعته مذبوح
لاحيل ظل عدها ولاروح
ليل ونهار عليه تنوح
تبچي عليه مافتر ونها
والعله نشبتها بدنها
وراحت اعزاز الروح منها
تنازع تفطر الگلب نصين
وتغيب منها الروح مرتين
وتصيح يامذبوح يحسين
محد حضرها بوكت النزاع
اولادها متوسده الگاع
وبالترب نامت ذيج الاسباع
بوكت المنيه ادير العيون
اولادها رادت تحضرون
يزتونها للگبر يمشون
تابوتها رادت يشيلوه
حزانه بيديهم يزتوه
وخدها على رمضى يوسدوه
…… ..تمت………………… .
بقلم ام زهراء العامري
/channel/tajalzahraa1
قصة قصيدة
گاني بمولاتي ام البنين عندما دخل عليها اولادها الاربعة لوداعها للرحيل الى كربلاء اختنقت بعبرتها وجعلت تودعهم واحدا تلو الاخروتوصيهم بالحسين واختهم زينب وهية تقول
اه يالوداع. صعبة اليودعله غالي
اه يالوداع. تــضلم بـعينه الليالي
اآه يـــوداع البــــزر.
يگطع احزام الضهر
اه يــــالوداع. اه يـــالوداع
✧ــــــــــــــ ✦◈ ✦◈✦ ــــــــــــ✧
ساعـــة الـــطبو علــــيه أربعــتهم
عينهم تجري المدامع فوك خدهم
وانــت يالتـسمع تخيل حال امهم
حال التودع ولد.
يروح منها للابد
هذا حـــالي. هذا حـــالي
✧ــــــــــــــ ✦◈ ✦◈✦ ــــــــــــ✧
ياحلات عيونهم من ودعوني،
صحت يمة لكربلا وياكم اخذوني
حتـــلو امشي مشي لا تصعدوني،
خل اروح وي الضعن
لاتـــخلــوني بمـحن
يــــالغوالي. يــــالغوالي
✧ــــــــــــــ ✦◈ ✦◈✦ ــــــــــــ✧
صحت للعباس كتله يابو فاضل
ولضعن زينب اخيتك صير كافل
وبالدرب عن الشمس غطي المحامل
تدري بيها مدلله.
والهضم ماتحمله
وانـــت والي. وانـــت والي
✧ــــــــــــــ ✦◈ ✦◈✦ ــــــــــــ✧
گال أمــرج يالعزيزة وكلنه خـدام
احنـه ولدج اربـعتنة لزينب حـزام
بينه يم عباس زمطي ورفعي الهـام
مانضــيعلج تــعب.
بالجثث نلعب لعب
ومانبــالي. ومانبـــالي
✧ــــــــــــــ ✦◈ ✦◈✦ ــــــــــــ✧
مودعـين الله صحت ياقـرة العين
جعـفر وعثـمان ابـطال وشياهين
وگـام عـبدالله يقبل مـني الجبين
والكمر ااه يالگمر
گطع حزام الضهر
من دنـــالي. من دنــالي
✧ــــــــــــــ ✦◈ ✦◈✦ ــــــــــــ✧
گــتله مني اوصية خليها امـانه
حسـين خامسكم بدلالي مـكانه
لاتــــخلونه بغــدر وبـهم زمـانـه
روحي انتو وعزوتي.
مـــاردتــها دنـيـتـي
يـــادلالي. يـــادلالي
✧ــــــــــــــ ✦◈ ✦◈✦ ــــــــــــ✧
تمت
خادمه أهل البيت العلويه فضيله هاشم الموسوي
ماذكرناه في عشره أيام. رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد
/channel/tajalzahraa1
💥لطميه لام البنين من ديوان زينب والطفوف 👈 الجزء الحادي عشر خاص لوفاة لام البنين وسفرتها💥
لام البنين ونيني لام البنين
دمعه العين اهلها دمعه العين
ولدمع منه جره..... على مصاب الطاهره
دمعه العين اهلها دمعه العين
💥💥💥💥💥💥💥
والدمع حكه جرى المصابج اليوم
متي اه يم الوفه والكلب ما الوم
حيلج انهد من مصاب المات مظلوم
عينج تهل الدمع..... والكلب ضل منفجع
دمعةالعين اهلها دمعة العين
💥💥💥💥💥💥💥
عينج تهل الدمع هايالوفيه
ضلت اتناطر على الشالو سويه
ردتي يلفون ويجونج بالمنيه
ضلت عيونج تصد.... مارجع منهم فرد
دمعةالعين اهلها دمعة العين
💥💥💥💥💥💥💥
ضلت عيونج تصد والمدمع يسيل
صحتي وين حسين عني وين الكفيل
لحكو نعش امكم ييمه راحت اشيل
اليوم امكم راحله.... يالسكنتو كربله
دمعةالعين اهلها دمعة العين
💥💥💥💥💥💥💥
اليوم امكم راحله لحكو عليها
لحكو غمضو العين الهه ومدو اديها
شيعوها وللجنازه امشو بيها
شيعوه للمكبره... اليوم النعش الطاهره
دمعةالعين اهلها دمعة العين
💥💥💥💥💥💥💥💥
شيعوها للكبر بحزان وونين
هذا نعش الغاليه نعش ام البنين
والله دمع العين يم عباس تسوين
تسوه اهات او انين..... هالوفيه ام البنين
دمعةالعين اهلها دمعة العين
💥💥💥💥💥💥💥💥
تسوه اهات او انين ودمع العيون
شال نعش الغاليه وعلينه ميهون
اليوم شيعوها بعراضه يالتشيعون
عالمتن شيلوها.... وبالحزن شيعوها
دمعةالعين اهلها دمعة العين
تمت ✍️ الشاعره والمله ام حسين العامري
غير مبري الذمه من يحذف اويغير اويتلاعب بالكلمات اويحذف اسم الشاعره وينسب الكلام له
/channel/tajalzahraa1
▪️دگوا اصدوركم▪️
لاستشهاد السيده الطاهره ام البنين عليها السلام
اليوم دگوا اصدوركم لام البنين
شالت اليوم وخفه الها الونين
__
اليوم دگوا صدوركم للطاهره
ماتت و اولادها ماحاضره
تبجي وانريد الحسين اتناظره
ويلي واتفطر قلبها امن الحنين
—-
اليوم دگوا اصدوركم لام الشباب
شالت ودلالها يلهب لهاب
ابساعة التوديع واتعدهم غياب
لا حضر عباس لاجاها الحسين
——-
علوا الونات علنوه الحداد
وابعزاها اليوم لبسوه السواد
ابعيده عنها اعزاز نامت بلوهاد
لا اجو بالموت لا سدوها عين
———
ماتت اوويلاه تتمنى الولد
يحضر التوديع وايساوي اللحد
اتمنته هليوم لو عدها قعد
ايغمض العينين يسبلها الايدين
——-
رادتك ياحسين تدفنها بيديك
ماتت وكل نوح والونه عليك
رادت وبالموت توصلك تجيك
وتوصل اقبور الغوالي والبنين
———
✍️ #بنت_الشمري
/channel/tajalzahraa1
((ميمر))
يـلـه أسـتعـد ** واقـره الحمـد
وأيــدك أبـــد ** بـالـك تــمــد
الـغَـيـر الـعـفيـفـه الـحـره
*-------------------------*----------------------*
أم الـبنـيـن الـحـاجـتـك تـگـظيـهـه
أقره الـحـمـد لـلـطـاهـره وأدعيـهـه
خـليـهـه نـيـتـك صـادقّـه خـليـهـه
الأنـطـت زلـم ** بـيـهـه الـتـزم
أم الــوفـــه ** مـحلـه الأسـم
أتـشـوف الـدعـاهـه بـعـبـره
*------------------------*-------------------*
بـالـك تـشـكـك بـالـطـلـب والنيّـه
تـزعـل عـلـيـك الطاهره الـبـدويـه
اتـوكل عـلـيّـه وحـاجـتـك مگظيه
يـمـهـه الأمـر ** ومنهـه انتظر
اتشوف الأجه ** ودگ الـصـدر
ويـطـلـب طـلـب تـنـتـظـره
*---------------------------*-------------------*
مـاي الـوجّـوه أتـقـدّره وشـرّايـه
وفّـايـه بـوقـات الـشــدد وفّـايـه
حلفهه بچفوف الـگـمـر والـرايـه
طاري الگمر ** عـدهـه فـخـر
تـوكـف تـره ** الـكـل البـشـر
سِـفـرتـهـه اوسـع سـفـره
*------------------------*-------------------*
بـاب العطايه أمـجـرّبـه ومعروفه
حـاشـه تـردهـن لـلـيـمـد اچفوفه
اشـلـون اليجيهه بدمعته وتعوفه
جـود الـحسن ** بـيـهـه أرتـهـن
معنى الـكـرم ** طـول الـزمـن
بـيـهـه الـخَـدم مـفـتخـره
*------------------------*----------------------*
اعظم وسيلـه وبالـشـدد موجـوده
أتـذكّـرك بـأسـم الحسـن وبـجـوده
فـايظ كـرمـهـه لـلـبـشـر وحـدوده
أجـره أنـكـتـب ** كلـمـن تـعـب
بسجـل الخَـدم ** أسمه انحسب
وثـابـت عـطـاهـه وأجـره
*--------------------------*-------------------*
هنـيالـه كـلـمـن دمـعـتّـه سـچـابـه
كلشي تـحفـظـه والاجـر بـحسـابـه
خـلـي بـعـزاهـه جـمّـرتــك لـهـابـه
كـون بـحـزن ** تـنـعـه وتـوّن
الجاري الدمع ** جـفـنك يـحـن
وروحـك تـضـل مـتـوجـره
*------------------------*---------------------*
✍خـادم ام البنين ((ع))
الشاعر رعد الجريخي
/channel/tajalzahraa1
مولاتي ام البنين ع
نذكرچ بالشدايد .. متعودين
يا باب الحوائج .. يم البنين
""""""""
بيمن بالشدايد استجيره
هو باب واحد ماكو غيره
بس لله و إلچ وجهي اديره
الچبيره تصير يم بابچ صغيره
بصغيرة وچبيرة .. متقصرين
يا باب الحوائج .. يم البنين
""""""""
تره الـحِمله ثگيل ايطيح حمله
يا مولاتي والوادم تذله
الا اليگصدچ يلگاهه سهله
انتي البركة والخير كله
يالـكلچ ترافة .. وطيبة وحنين
يا باب الحوائج .. يم البنين
"""""""
مو ياهو الاگصده ادگ بابه
ببابچ ادري بس الاستجابه
بـ(آ) يحسين انخاچ ومصابه
نظرة بداعت السلبوا ثيابه
بس نظرة امشّي .. اعليچ الحسين
يا باب الحوائج .. يم البنين
""""""""
اقره الفاتحة ولو لاسمچ اهدي
سبحانه الله اي شدة تعدي
يا اغله واعز من روحي عندي
على بابچ شرف اوگف واجدي
مثلچ بلله الگه .. بهالدنيه وين
يا باب الحوائج .. يم البنين
"""""""""
اكبر نايبة چفچ يحلهه
قضاء الحاجة بيچ الله جعلهه
يعني كلمن لبابچ وصلهه
مگضية الحوائج كلهه كلهه
خلاچ الله رحمة .. للعالمين
يا باب الحوائج .. يم البنين
""""""""
يمّن للضامي عزّبتي بنينچ
عليه امفضله وبالرگبة دينچ
عني فدوه لتشيلين عينچ
بيني ألله ليباعد وبينچ
ومفضله عليه .. كل هالسنين
يا باب الحوائج .. يم البنين
"""""""""
لـعنده مثلچ الله شگد يحبه
مـتمر بيه ابد اوقات صعبه
احج انه إلچ لو عندي طلبه
انتي لحاچتي مولاتي كعبه
تگضيهه بثواني .. عندي يقين
يا باب الحوائج .. يم البنين
انيس الخفاجي الكربلائي
/channel/tajalzahraa1
ردتك يعباس
ردتك يعباس. تمشيلي جناز
الموته تنعاب. مابيها الإعزاز
لوانته الاكبالي .. ماينشغل بالي
ردتك يعباس
****
مثل روج البحر دمعي. يسيل ويجرح اعيوني
يعباس الدهر ذبني. واعز ناسي يعوفوني
لون بيدي رحت بالطف. امك آني سموني
بيكم راسي مرفوعه. وبس هاي وكفيتوني
بعيوني الأيام. صارن ثواني
مالومه والكاك. كلك أماني
هالموته تحلالي .. ماينشغل بالي
ردتك يعباس
*
اجت زينب تهل العين. يبو فاضل شحاجيها
تكلي يمه لا ترحين. زينب وين أخليها
من يبجي اعله اخوي حسين. تكلي ودمعه تجريها
بعدج يالحنينه اشلون. اجروحي من يداويها
كتلها وادموع. من عيني تجري
يازينب اعليج. حيدر اصبري
تبجيلي تنعالي.. ماينشغل بالي
ردتك يعباس
***
تره الميت لون كربت ساعة موته يتمنه
تحظر كل هله وناسه. ويودعونه ويجر ونه
وانه اتمنيت لون كلكم. واحدكم اشوفنه
هذا ايغمض اعيوني. وذاك اليحمل ابمتنه
اتمنه لو جان. ساعة وفاتي
يحظرني الحسين. آخر حياتي
لو يحظر الغالي .. ماينشغل بالي
ردتك يعباس
****
بعد ما عاشت ابراسي ذيج الواقعه الكبره
وزعني الوفه عالطف. واشوف احلامي مطشره
واشوف ابكربله قرآن. عطشان انكطع نحره
واشوف ابكل كتر تنعه. أمه فاطمه الزهره
والطم على الراس. والكاها تفتر
وبحبال الاخيام. مذهوله تعثر
جفك تراوالي .. ماينشغل بالي
ردتك يعباس
**
على اعيوني شسولفلك. وحسين الكسر ظهري
يوليدي على المظلوم. خلص بالدمع عمري
لو أدري اجيت اوياه. ابذيج الساعه لو أدري
اشمحلاها دون حسين لوهم ينكطع نحري
جا رحنه وياه. ام اوولدها
والموته لحسين. لا ما بعدها
يالبعدك بخيالي .. ما ينشغل بالي
ردتك يعباس
****
خادم ام البنين
زيد الشمري
/channel/tajalzahraa1
يا فاطمه يافاطمه يافاطمه يا ام البنين
ــــــــــــــــــــــــــــ
حاير بياجلمه ابدي وانتي بحر من الكلام
يلي رخصتي بنينج اربعه من اجل الامام
مقصر او لو كل دقيقه الج من ابعث سلام
انتي رب الكون حبج وخصج بأعظم مقام
كلبج سمه كلبج سمه كلبج سمه يا ام البنين
ــــــــــــــــــــــ
الشده شنهي الشده يمج حتما الشده تزول
انتي باب الجنه صرتي باب فاطمة البتول
الما يحبج يل شريفه ما يحب فحل الفحول
حتى جبريل بعظمته بيج محتار شيكول
يل فاهمه يل فاهمه يل فاهمه يا ام البنين
ــــــــــــــــــــــــــــ
هذا نص والباري شاهد وشاهد بهل معتقد
ما يرد مهموم كلبه لو طلب منج احد
الطفل لو ما يذكر اسمج جا بقه بسجن المهد
انتي يم كل طفل شيعي تقري ايات الحسد
شكد عالمه شكد عالمه شكد عالمه يا ام البنين
ــــــــــــــــــــــــــــ
هل يقين وعدنه ثابت الج صارت منزله
العنده شده وراد تخلص وبدمعته الهامله
الفاتحه يقراهه لجلج وما تضل كل معضله
الهل سبب نذكر محنتج من نطب الكربله
صاح الدمه صاح الدمه صاح الدمه يا ام البنين
ـــــــــــــــــــــــــ
انتي ام الوفه انتي وللحوائج صرتي باب
ذهب يتحول بأسمج لو قرينه اعله التراب
يا ما بسمج يل حنينه اتذللت كل الصعاب
والي اعظم شافعه النه باجر بيوم الحساب
هل غانمه هل غانمه هل غانمه يا ام البنين
ــــــــــــــــــــــــ
الشاعر محمد حسن ضيغم
#لسان_حال_مولاتي_ام_البنين_عليها_السلام
سَيَّر عليّه // و شابگ رُقية
بالـرؤية شفته ايداوي ابمتنها
و ينزف جبينه و تنـزف إذنها
ـــــــــــــــــــــــــــــــــــــــــ
اســـــــاهر ليــلي مهضومة
و خذتني امن التعب نومة
جفني غمض // لنّي صـرت // حلمانة
أجـــــــاني الأثّـــــر ابذاتي
و سبــب حزني و مُعاناتي
دمعـــي جره // و گتله هلا // يُمّة انه
سَلّــــم عليّه و ضَمـهن چفــوفه
خنصــر يميـنه مــــا راد اشوفه
و گلت انه خلـــيه يرتاح اعوفه
أذّاني// و بچّاني
گتله شيألمك // سولف و انه امك
دار ابنظــرته لبنـته و حِضنها
و ينزف جَبينه و تنزف إذنها
ــــــــــــــــــــــــــــــــــــــــــــــــــــــــ
اليدگ لأجله النبض بيّه
عليّ ضـــــــاعن معانيه
گتله عجـب // انتـــــــه و لا // چــن أنته
عليمن منحـــــــني ظهرك
و گلتله شدايس ابصدرك
چنها فــــرس// يبني و رِجل // ساحگته
محبســك وينه و چـــا وينه اصبعك
و يابني الحوافر شعـدها وي ضلعك
عوف الحصيرة و گلــــبي اليجمعك
يا روحي // و اجروحي
خافيها ريتك // شيبة لحيتك
كل لحظة گلبي ينغزني منّها
و ينزف جَبينه و تنزف إذنها
ـــــــــــــــــــــــــــــــــــــــــ
بديت انزعهن اسهامه
و سئلته عــن العمامة
سهلة گلت // كـــــــونه اذا // منطيها
شَل احساسي طاريها
و گلّـــي هوّسوا بيها
و بهالخبر // روحي غدت // سابيها
و شماله خـدّك يابن النجـابة
من گتله گلي تچـوي الترابة
و يٌمّة المُثلث توجع شيعابه
واجعني// و لاچمني
راواني چبده // و حيلي تِبَدّه
و سمعت رُقية و فَزَّزني وَنها
و ينزف جَبينه و تنزف إذنها
ــــــــــــــــــــــــــــــــــــــــــــــــــــــــ
وضعها يوحي مسبية
رُقية چنـــها مـو هيه
الها صحــــت // لاكـــــن ابـــد // ما جتني
أبوها امبيــنه فاگدته
بكل قوّتــــها شابگته
بصدره تشم // و اعليه غفت // و اذّتني
خَلّاها بيـــــــدي و لحضــــــنه ردها
و عيوني لمحت صطرة اعله خدها
و اســـود ظهـــــرها و ازرگ زندها
متعوبة // و مرعوبة
اسمالله لاسمها// مورّم جِدِمها
تشكي امن اديها محـــــــروگة چنها
و ينـــــزف جَبينه و تنــــــزف إذنها
ــــــــــــــــــــــــــــــــــــــــــــــــــــــــ
سألته البــــاقي شخباره
و گال اسياط و حجارة
من الخيــم // طلـــعن ركــض // للهيـــــــمة
مشن فوگ الجمر بالحر
و الله يرحـــــــم التعثر
و الهن بچه // و گلبي احترگ // چن خيمة
گال الهــزيلة واضـــــــح رَسِمْها
و شام المهانة عنـــــــدچ عِلمها
هيّة الخرابة امبينه امن اسمها
جرحتهن // و عذبتهن
يا يُمّة رُمحي // بگد طوله جرحي
و زينب يَيُمّة شرد احچي عنها
و ينزف جَبيــــنه و تنزف إذنها
ـــــــــــــــــــــــــــــــــــــــــ
الحمدلله
#علي_حسين_الكناني
((ميمر))
يـلـه أسـتعـد ** واقـره الحمـد
وأيــدك أبـــد ** بـالـك تــمــد
الـغَـيـر الـعـفيـفـه الـحـره
*-------------------------*----------------------*
أم الـبنـيـن الـحـاجـتـك تـگـظيـهـه
أقره الـحـمـد لـلـطـاهـره وأدعيـهـه
خـليـهـه نـيـتـك صـادقّـه خـليـهـه
الأنـطـت زلـم ** بـيـهـه الـتـزم
أم الــوفـــه ** مـحلـه الأسـم
أتـشـوف الـدعـاهـه بـعـبـره
*------------------------*-------------------*
بـالـك تـشـكـك بـالـطـلـب والنيّـه
تـزعـل عـلـيـك الطاهره الـبـدويـه
اتـوكل عـلـيّـه وحـاجـتـك مگظيه
يـمـهـه الأمـر ** ومنهـه انتظر
اتشوف الأجه ** ودگ الـصـدر
ويـطـلـب طـلـب تـنـتـظـره
*---------------------------*-------------------*
مـاي الـوجّـوه أتـقـدّره وشـرّايـه
وفّـايـه بـوقـات الـشــدد وفّـايـه
حلفهه بچفوف الـگـمـر والـرايـه
طاري الگمر ** عـدهـه فـخـر
تـوكـف تـره ** الـكـل البـشـر
سِـفـرتـهـه اوسـع سـفـره
*------------------------*-------------------*
بـاب العطايه أمـجـرّبـه ومعروفه
حـاشـه تـردهـن لـلـيـمـد اچفوفه
اشـلـون اليجيهه بدمعته وتعوفه
جـود الـحسن ** بـيـهـه أرتـهـن
معنى الـكـرم ** طـول الـزمـن
بـيـهـه الـخَـدم مـفـتخـره
*------------------------*----------------------*
اعظم وسيلـه وبالـشـدد موجـوده
أتـذكّـرك بـأسـم الحسـن وبـجـوده
فـايظ كـرمـهـه لـلـبـشـر وحـدوده
أجـره أنـكـتـب ** كلـمـن تـعـب
بسجـل الخَـدم ** أسمه انحسب
وثـابـت عـطـاهـه وأجـره
*--------------------------*-------------------*
هنـيالـه كـلـمـن دمـعـتّـه سـچـابـه
كلشي تـحفـظـه والاجـر بـحسـابـه
خـلـي بـعـزاهـه جـمّـرتــك لـهـابـه
كـون بـحـزن ** تـنـعـه وتـوّن
الجاري الدمع ** جـفـنك يـحـن
وروحـك تـضـل مـتـوجـره
*------------------------*---------------------*
✍خـادم ام البنين ((ع))
الشاعر رعد الجريخي
/channel/tajalzahraa1
شهادة ام الوفاء
.....
اول مدارس للوفاء
أتعلمنه هيه ام البنين
**'
يا جوهرة گول وفعل
يا مدرسة أول عطاء
اربع فوانيس الضوه
تزهر أراضي كربلاء
ام البنين ....ام البنين
زوجة امير المؤمنين
علويه من ريحة علي
للساده أم طول السنين
بالتضحيه أول فداء ...
أتعلمنه هيه ام البنين
×××××××××××
يا صابــــره يا شاكره
قدوتنه انتي بهالزمن
اول جهود التضحيه
نالت رضا ام الحسن
هي الاميرة العالمه
لبيت النبوه خادمه
بذلت نفسها للوفه
لأمر الحسين أمسلمه
بذلت نفسها لكربلاء
أتعلمنه هيه ام البنين
×××××××××××
يا قاضيه ولكل عسر
باب الحوائـج بالأســم
لو گلبي صاح ام البنين.
أصعب أموري تنحسم
باب العطايه بالكــرم
يا مفخره لكل الحَرم
الما يعرفـج ام البنين
من الرزق گلبه أنحرم
يا حاضره وبكل بلاء
أتعلمنه هيه ام البنين
×××××××××××
للجنه نسعى ابكل جهد
بس انتي عندج معرفه
ردتي رِضا سيد الملا
وأسمج صبح ام الوفه
ما ردتي أسمج ينذكر
وصيتي حيدر بالأمــر
راعيتي دمع العايله
وما جارحه أم الخدر
بأسمج ولا يرجع دُعاء
أتعلمنه هيه ام البنين
++++++++++++
أنتي العزيزة لفاطمه
وعندج مواساة وصبر
ما ردتي گبه ولا صحن
مستحيه منها ابلا گبر
اليحرس نفس عنده مقام
وانتي حفظتي چم أمام
وفوك العطايا أبكل صدق
أربع زلم صاروا خيام
في كل زمن هذا النداء
أتعلمنه هيــه ام البنين
++++++++++++
عمار التميمي
/channel/tajalzahraa1
(( #ام_البنين_و_الزهراء ))
……………………………………………………………
ولله خجلانه اشكثر . شلون باجر اعتذر
بهاي كلش قصرت يا فاطم
سالمه آنه وابنج الما سالم
آه يبني .. آه يبني
……………………………………………………………
تدرين اليجي خجلان . يعصر بيده و بروحه
وي ذبحة ابو سجاد . مفروض انا مذبوحه
شلون اتمدد اعل ابساط.وجثه ابرمل مطروحه
وانزف گلبي وي الروح . گبل لا تنزف جروحه
خجل ملگه . اجي امدنگه . تصب عيني
شنو نوحي . اطش روحي . على حسيني
اعليج امشي محسنج . بالضلوع و عصرتج
العذر يا سلطانه فوگ الوادم
سالمه آنه وابنج الما سالم
آه يبني .. آه يبني
……………………………………………………………
أجيج امطر خجل عالگاع .امحنبه واجر بذيالي
راسي امركب اعل أجتاف.وراسه اعالرمح عالي
ابعني مو رسم منقوش . هالمنظر تراوالي
الرمح من الحديد و حار . بايگ ضحكة الغالي
غده اصفر . شعر احمر . ابنزف دمه
وسط راسه . الرمح جاسه . بالف لچمه
ريت راسي المنگطع . وي رمحه المرتفع
كون هم مثله الهوانه ولا شم
سالمه آنه و ابنج الما سالم
آه يبني .. آه يبني
……………………………………………………………
ماي الكوثر العندج . امن ايدچ يلمع امذهب
احجاية ابني اعيدنها . عذرا منّه ما اشرب
اواسي ابنج يمولاتي . الظل گلبه جمر يلهب
اذا شربيت لو عطشيت . بالامرين اتعذب
عمت عيني . على حسيني . و على اوليده
ابعطش فاير . سهم داير . على اوريده
كون ميته اوي الوِلِد . وهو مو وسط اللحد
بالمهد يلعب او وجهه الباسم
سالمه آنه و ابنج المو سالم
آه يبني .. آه يبني
……………………………………………………………
مثل عصر الجذع والباب.اجيج بروح معصوره
لا ساحگني حافر خيل . و لا اشلائي منثوره
يگلولي الخيول اهواي . دارن عالجسد دوره
وكثر ماهنه حيل اثگال .الكاع الحدره مكسوره
اطبگت صدري . على ظهري . الف مره
ولا داست . طبع عافت . على نحره
صرت كلما اصد فرس . بيه الف رمح انغرس
والحديد ابجسمه حافر راسم
سالمه آنه و ابنج الما سالم
آه يبني .. آه يبني
……………………………………………………………
اعليه البيت سگفه اظلال . وهو الجثه منصهره
ثلث تيام ماكو افياي .شمس حرگت عظم نحره
جروحه ولونها اتغير . صارت سوده مو حمره
اتغطه ابغطه وحسين.اسهام اتغطي كل صدره
على اصبعه . اهل دمعه . بدمه جاري
الرمل حدره . أكل ظهره . و هو عاري
شلون خلوه بالكبر . اسهامه لچمنه اشكثر
الرمل حار النحره اصبح لاچم
سالمه آنه وابنج الما سالم
آه يبني .. آه يبني
……………………………………………………………
جان بودي اروح اوياه . و اصيرله مثل ظِله
لچن ردت الكمر عباس . ابزينب ينشغل كله
ومثلي ومستحي منج.اعل جوده الذبحته النبله
ثواب الضلعج الچفين . سهم نص عينه اتخله
گبل موته . عِله صوته . اعذريني
انسلب منج . تره خدرج . يضي عيني
وراح اضل ابمصرعي . يمچ اوصل استحي
الج سوط و حبل زينب قادم
سالمه آنه وابنج الما سالم
آه يبني .. آه يبني
……………………………………………………………
✍️ ( سيد خضر الزاملي )
/channel/tajalzahraa1