7993
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصيده لفقد الزهراء
____
هايادار اهلنه شبيج حزنانه.
فكدتي ام المحنه الجانت ويانه.
♤♤♤♤♤♤
فكدتي والفكد ماتنحمل ناره.
خليت الدمع من عدنه بجاره.
شمل العايله هالصار طشاره.
وشخص امي العزيزه خالي مجانه.
ارد اكعد انا ونحب على الراحت.
روحي عالمشت صوب الكبر ناحت .
دمعاتي العزيزه اعله الارض طاحت.
وحزني بدليلي اليوم نيشانه .
لاظلت معزه ولابقت راحه.
داري من بعدها دموع ونياحه.
وسفه ودعينه الطيب وفراحه.
وعيني من مشت لليوم سهرانه.
دار العافيه محزونه وتنادي .
من اسمع بجيهه يوجع افادي .
شافت ظيم من بعد النبي الهادي.
من بعد السند زهرتنه ذبلانه.
نعينه اعله العزيزه نعوت الفاكد.
من يذكر هله وبين الغرب كاعد .
حزينه رويحته ويه همومه متعاضد .
وروحه دوم لهله تنوح ولهانه.
متغطين بالهم والحزن بينه .
من يوم المشت والظيم والينه .
بضيعتهه فكدنه حجايت الزينه.
وصار اللهم رفيج وعايش حذانه.
دار امنه حزينه وتكسر الخاطر.
جيتهه المسه مهظومه وتناطر.
صار النوح فنهه وكل وكت حاضر.
وغاب وي الحنينه طيف زهوانه.
*ناعية الخيام*
قصیدة للزهرا ع عله لحن یاراکضات من الخیم ذاك الحسین اکبالجن....
یالشایلین ام الحسن روحي ترید اویاها
ـــــــــــــــــــــــــ
شیعهه بالیل الوصي بالظلمه عني اخذاها
يالشايلين الزاجيه اتمهلوا بممشاها
امي العزیزه ام الوفه امنيتي اضل احذاها
من ايست كلبي انجوه ما اكدر ابلياها
✍ام یاس الساعدیه
ــــــــــــــــــــــ
يلي بضعنه حملت اليا كتر منواها
ملعون المصوب الضلع امي تون خلها
وشلون يتراب الگبر الطاهره غطاها
ازغار الحسين وحسن ما شبعوا من ارباها
✍️العلويه الاء
___
ضليت افتر بالنزل وعيني تهل مبجاها
والوالدي انظر ألم ابيا جفن لفاها
راحات ابوي اعلى الجفن دم مو دمع جواها
خد امي متبلل دمع يوم الذي دفناها
✍طالبةالزهراء القريشي
__
الكسر ضلع امي غصب والثايه من طباها
بعد الحرك سوط بمتن بالحقد من ظرباها
اسبابهم حيدر تره شجعانهم لاواها
كل بيت بيه جم نايحه وكلوبهم فجعاها
✍طالبةالزهراء القريشي
_
يكسر ظلع لام الحسن والدار هم حرگاها
محسن وگع فوگ الترب والعين هم سطراها
خصمه النبي يوم الحشر عن فعلته السواها
هاي الزچيه ام الحسن خسران من عاداها
✍ الحاجه ام احمد الحچام
___
اهتزت عروش السمه لمن علي شالاها
امي برضاها الله رضه ويوالي الوالاها
ابياذنب حرگ النزل وحدوده اتعداها
ملعون كلمن فاطمه بضلوعها اذاها
✍️العلويه الاء
__
تمت القصيده باقلام شاعرات رابطه
الطفوف
منتدى القلم الفاطمي
اللهم عجل لوليك الفرج
قناة الشاعره أم ياس الساعديه
يالــزهرة رحـتي وللأبد .هاللـيلة مـَنشوفج
حِزنج عــلى فراك الــنبي يِتْفَسَّر ابـخوفـج
عَهدج فلا نبيعه ... يامنبع الشيعة
مِـحراب نـورج فــاطمة مايـنطـفي للــدوم
كَبل الأرض لأهل السِمه يِتلاله جَنَّه نـجـوم
مَحّد عُرف كَدرج أبَد من طِحتي ذاك اليوم مِشكاة ربِّج من ضِوَّت يَم ضِلعج المـَلجـوم
رادو غَصٌب بِيعة ... يامَنبع الشيعة
أوّل ظٌلامه مِن فَـدَك أخـذوهـا مـِن إيــدج
بصٌحبتهم أنفاس ألحقد من طَيّحو اوليدج
أعراب بــثياب الــغـدر بـاكــو فـَرح عــيدج
مظلومة رحتي يَم حَـسن لِهناك َ يم حـيدج
هذا الخبر ذيـعة ... يا مَـنبع الـشيعة
بيت الله وِابْابـه الحَطب مشتعلة بيها النار
حـركوها بابـِج فـاطـمـة يا شـمـعـة الـكرار
لجل السَــقيفـة الـمارقِــة تــتــبدل الأدوار
لليــوم دمـِّج مانـِشف ونصيح لجلـه الــثار
ثـار الله وِنْـطيعه ... يامَـنبع الشـيعة
قـرآن صـَبـرج وَي عـلي بِالـهضمـة يِحجيله
مِن شاف جرحِج ماسِكت والدمعة تشكيله
مـحسـن يِطـيح إبـلا ذنـب بــالآه لــولـيلــه
نضرة وِداعـج فــاطمـة هـدّتـله كــِل حـيله
هاللـيلـة تـوديـعة ... يا مَنبع الشـيعة
حال اليتـامى بنص ألم شيخضـر الـيابس؟
كل كَطرة من دم الوفه جَـن ينخلق عابس
للـمهدي واجب نـِفتدي واحدنه كالـفـارس
لجروحي مو بس بالدمه بـالثار هـم تارس
يا شيعة ياشيعة .... هالليلة توديعة
لٌبــابة آلـــ ياســين
٧ اكتوبر ٢٠٢٤
وزن : منسجم
مقاصير :مستفعلن فعلن
#لبابة_آل_ياسين
#الليالي_الفاطمية
#الايام_الفاطمية #نصر_من_الله_وفتح_قريب
أبـرضـوى الليلة سـويـت العزية؟
يابو صالح وين تبچي عالزچية؟
غايب اعلينا وغيابك تدري جارح
يمتى ترجع مو عمرنا عنّا رايح
يابو صالح يابو صالح يابو صالح
هيچ صرنا نندبك صبح ومسية
احنا بالمجلس ونسأل انته وينك؟
ووين عالزهره يبو صالح ونينك؟
منهو يمك؟ عالبواچي من يعينك؟
منهو يقرا لك تفاصيل الرزيه؟
منهو يقرا لك على الزهره وضلعها؟
والعذر منك ترى الظالم صفعها
يجري عالوجنات دم احمر دمعها
يا سبب بنت النبي تلگى الأذيه
يالي ليلك وي نهارك في ذكرها
يمكن انته هالمسا زاير گبرها
تذكر البسمار وتتذكر كسرها
يالي كل عمرك ليالي فاطميه
يا غريب المثلك يعيش المصيبه؟
شيعتك في غيبتك صارت غريبه
تدري بالمجروح ينشد عن طبيبه
صارت العله يبو صالح خفيه
صرنا نخفي الآه وانضم المواجع
لكن انذكرك وتفضحنا المدامع
هذي يا جمعة النشوفك بيها راجع
تقر عيون الشيعة بالطلة البهيه
لـمـن نـشـوفـك نوضح لـك ألمنا
تدري بالغيبه شنو الأكثر هضمنا؟
كل شي ما عدنا إلك، تقبل لطمنا؟
ما نشك بيك الكرم عندك سجيه
كـل دمـعـنـا كـل حـزنّـا عالشفيعه
وعالذي ابصدره انذبح بالطف رضيعه
وانذبح ظامي الچبد يم الشريعه
وبعد ذبحه رضته خيل اعوجيه
عهد للزهره وإلك يالمهدي معناه
نـگـعـد ابـآه ونـبـات الليل بالآه
واحنا يومياً ننادي وا حسيناه
من اول المولد لحد يوم المنيه
.
.
تمت .. جمادى ثاني ١٤٤٦ هـ
حسين عبد الله المعيبد
يصعب عليه فاطمة يحضنها التراب
مافارگت بالي وبعدني مگابل الباب
'"""""""""""""""""""""""""""""""""""""""""""""""""""""""
فاطم انه جيت لگبرج تعنيت تمنيت انه بلحدج يضي عيوني
جيتج بلا روح بس ذكرى وجروح بس ثوب طايح عالگبر لگوني
فوگ الارض حيدر بقى خيال
راحت من ايدة زهرة الدلال
اثار دم ضلت على الجدار
ماتنمحي من الذاكرة محال
واليفگد يضل بلهفته متاتي الاحباب
'"""""""""""""""""""""""""""""""""""""""""""""""""""""""
ياوحشة البيت لو الها رديت يلاگيني بابج وانضر البسمار
يحضرني موضوع تكسير الضلوع والسطره اذكر واشتعال النار
زمره اهجمو يافاطمه عليج
وبلا خمار اشكفتي بس بديج
واقعه كسرت كاسر الجيوش
وحلته بدمعه للگبر يجيج
محني عليج وذابحة فراگج والمصاب
'"""""""""""""""""""""""""""""""""""""""""""""""""""""""
فاگد حنانج خالي مكانج وحسين لوشاف ام تجي وي ابنها
دمعه بعيونه من يسألونه وين الگبل جنت بوسط حضنها
يمسح دموعه المجتبى ويحضنه
ويكله راحت ماكو رده لمنه
زينب تجي كالعاده بيها كسره
وتكول ياهو الي بعد يلمنه
اطشرنه بعدج يالحنينه بسج غياب
'"""""""""""""""""""""""""""""""""""""""""""""""""""""""
راح العمر راح بس دمعه ونياح خلص يريته وانتهى بعجاله
قربج اجي كون وامليها العيون من شوفتح گلبي ارتجه وصاله
طال الهجر يافاطمه شوكت
نلتقي بحسرات الفکد صحت
محني وشلت فوگ المتن نعش
بيه روحي شايلها لمن شلت
بعدج بقه يهزني تره حتى الهوى الهاب
'"""""""""""""""""""""""""""""""""""""""""""""""""""""""
طالب الصالحي
كأني بالسيده زينب جلبت نعش الزهراء الى الحسين وتقول له ...
گـــــوم وياي يـــل مامنك اثنين
ترى بهذا النعش امك يالحسين
مثل ذيچ السنه انعاد
نعش وجــروح ورماد ...
"""""""""""""""""""""""""""""""""""''''''''''
اجيت وجــــايبه العطـــــــاب وياي
يالعطشان طشّ اعـــله النعش ماي
ترى المحروگه اديّ بي يعتلي الداي
وجبت ضلــــوع خویه مكسره هواي
تّلَگـــــاني بنـــهر يـامهجةّ العين
ترى بهذا النعش امك يالحسين
حـزن الدمعه ميلاد
نعش وجروح ورماد ...
"""""""""""""""""""""""""""""""""""''''''''''
گوم وياي انته وصـــــير جَــــناز
ترى نعش العزيز اتحمله الاعزاز
نعش الــوالده لچتـــافك أحــتاز
والچتـــــفـه يطــيح اتصـير عكاز
ياصوت النعش شـوغات وونين
ترى بهذا النعش امك يالحسين
دليلك ادري ماهاد
نعش وجروح ورماد ...
"""""""""""""""""""""""""""""""""""''''''''''
الامه تموت يبچي دموع واحساس
وعــــلى راسه يشد چــــفيه ياناس
بــــــــس يحسين انته منيلك راس
المثلك ينحضن مـــو خيل ينداس
يالملموم مــن حلگ السجاجين
ترى بهذا النعش امك يالحسين
دليلي وبالحزن ساد
نعش وجروح ورماد ...
"""""""""""""""""""""""""""""""""""''''''''''
اليلطم عــالعزيزه يهدم الحــيل
انته الحيل مالك هدمته الخـيل
من طعناتك انته دموعك اتسيل
بحيث الليل ظل يومين بس ليل
حيلك عـــــالزجيه ويـــن ياوين
ترى بهذا النعش امك يالحسين
جرح مايرهم أشداد
نعش وجروح ورماد ...
"""""""""""""""""""""""""""""""""""''''''''''
جبتلك والحزن يحسين تذكار
ملامح خيمتك والـــــنار وزغار
بس خجلانه اگلك خويه بسمار
يالمحتار ضلت خــــاليه الــــدار
خلـــــيه الدار وتنوح الحياطين
ترى بهذا النعش امك يالحسين
بروحك انته تــنگاد
نعش وجروح ورماد ...
عبد زينب
محمد الابراهيمي
.
نويت ان ازور مدينة النحور
نيابة عن سيدي المهدي
خزانة السماء
بقلبه العزاء
ل ارض كربلاء نويت ان ازور
قد توضيت بدمعي قاصدآ قبر الغريب
في ركاب العشك احدو صوب شمس لا تغيب
حاملآ جرحي بكفي صوت انفاسي نحيب
ناذرآ خطوات دربي للحبيب ابن الحبيب
سيدي مهدينا القاك اين ؟
فوق تل الغوث ام عند الحسين
حان فرض الملتقى بيني وبين
جرحك الباقي وابكى كل عين
يا قبلة الغرام
يا جوهر الكلام
ذي احرفي خجلآ من السرد
كقلبك الكسير
بحسرة اسير
ل ارض كربلاء نويت ان ازور
.
.
.
.
#شعراء_وذواقين_الشعر_الشعبي
كلمات الموفق : #سيف_الجناحي
#ابو_تراب
https://youtu.be/4WVQtI2992M?si=QUl6pBTvP1esdVpy
مقطع صوتي من السيد موسى الاحسائي
Читать полностью…
#من_ديوان_دموع_وعبرة_في_رثاء_العترة_ج٣
*قصيدة ثكيلة للزهراء (وين گبرچ يالزچيه)*
❥━──➸➽❥❂❥━──➸➽❥❂
وين گبرچ يالزچيه نريد ننصبلچ عزيه
ونگعد بنص الصحن ... نصيح يا ام الحسن
يالزچيه يالزچيه
❥━──➸➽❥❂❥━──➸➽❥❂
وين گبرج يم حسن ما ندري عنه
كل ليالي فاطميه انجرهه ونه
يمته مولاتي بضريحچ نگعد احنه
ويظهر المهدي اويانه يلم شملنه
وننصب عليچ العزاء ... نصيح يا خير النساء
يالزچيه يالزچيه
❥━──➸➽❥❂❥━──➸➽❥❂
آه يا زهره مصابچ فت الضلوع
وخله دلال العقيله اعليچ مفجوع
والله نتمنه بضريحچ نشعل شموع
زيارتچ نقراها كلنه بحرگه ودموع
ونظل نلطم عالصدر ... بينه حسره چن جمر
يالزچيه يالزچيه
❥━──➸➽❥❂❥━──➸➽❥❂
بينه حسره يم حسن بالگلب تسعر
كلب كل شيعي لمصابچ ترى تفطر
كلنا منتظرين يوم المهدي يظهر
ويطلب بثار الضلع ذاك التكسر
يصيح يمه فاطمه ... روحي حيل مألمه
يالزچيه يالزچيه
❥━──➸➽❥❂❥━──➸➽❥❂
يصيح يا يمه يزهره وتنحب الناس
وتظل كل الشيعة تتلاطم على الراس
ونقسم الها احنه قسم بحسين وعباس
نون عليچ نظل لحد گطعه الانفاس
ما جره مثلچ مصاب ... محسن وعصرة الباب
يالزچيه يالزچيه
❥━──➸➽❥❂❥━──➸➽❥❂
ماكو بالدنيه مثل فجعة مصابچ
الشيعة كلها ايتامچ اتاني جوابچ
وكفة السائل وكفنه احنه اعله بابچ
حايره تون وبگت تنحب احبابج
تنتظر يوم الفرج ... ليچ مشتاگة المهج
يالزچيه يالزچيه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
اعـذريــنــي انـشـلـع گـلـبي
والـبگـلـبي الــيــلـچــمـنـي
فـوگ الـتل صـعدتـي اهـواي
واهـواي الـخـيـل صـعـدنـي
سـمعـتـچ مـن نــحـر روحي
يـهـاشــم يا هـو يـلـحـگـني
حاولت اكوم
وياهايه شلعتلي گلب == من ركضج ابين الغرب
التحركني ظلت عالرمل == هوايه الزلم البلدرب
بشده الجبير
طـايح واريـدن بالالم == يامن يـوصـلني الخيم
زينب اوشمتوو علي == مامش الك كلشي سلم
يا وكت وحسين من يوكف يطيح
ياوكت ما يفزع امن اخـته تصيح
والهظيمه حيلـي عالارض طريـح
===========================
ارجعي اشما گدرتي ام عون
مــا اگـــدر اگـــوم الـچــن
يــعز عالـسيد امـن ايشوف
خــواته اكــباله لــو ركضـن
وهــاي الــمنـهه مـا ارتـاح
بناتي امـن الـتعـب شـهـكن
ارماد الخيام
الچـن ايـصير الـستر == ويغطي ياظيم الخدر
عبرن اثكـال الاجــت == بس خـيلهم مـا تنعبر
ضخمه الخيول
والهظمه كسرتلي ضهر == والحجي بريجي عثر
شلون زينب انتهض == وحسـين مكطوع النحر
يا عذابي ولو شـفت تكـتلـني هاي
راكضه وعطشانه حيل وماكو ماي
موش خيل انتي التكـسريـنه كفاي
===========================
هاي المنهه النـحر مذبوح
والـ بـريجـي بقـت تـعرض
مـا صـارت گـبـل واتـصٰـير؟
علـويه ابنـص زلم تـركـض
عمــت عيــني الـعذر زينب
يـشــده وشــدتـج متـفض
تعبج عذاب
امن الخيمه لتل لتعب == وهاذه اعليج انكتب
خدرج الهـاذه الـعمر == يكتلني لو كول انسلب
التوجعني هاي
كلولي طلعتلك اخت == زينـب وكـمت وطحت
تالي شفت روحي دمه == مذبـوح وبـهايه متت
ياهو يلحگ تعبي هاذه نحري صاح
هوه بس حسين باقي وهسه طاح
راحت الخيمه واخافن خدري راح
===========================
الــتحـز ابـ روحــي يا زينـب
وحــيده وانــتي بـس حرمه
هـاذه الطــف جــبير هـواي
وعــلي وايــخــوف الـزلـمه
يمــكسورت هـظـم عــالتل
طـولج هـاذه الـي لــچــمه
ابجرحي والوج
بيه ويعت ظل الجرح == شما كوم اذكر منذبح
ياحيره كتلتني كتل == وبصفـاحي ينكزني رمح
اتكلب واريد
لو كومن ايهدني الوجع ==ياصوت كلبي وانسمع
اديرن روحي لو حجو == خدرك يالحسين وطلع
امن الخيام حسين ركضلك خوات
صاحـن ومــحد فــزع متـعلعلات
ومن ركض خيول الـجت امـتربـات
===========================
اليشوف اخته ابعسر طاحت
ابغــيرت كــصته ينــهـظهه
وانه امــن الــرمح والخــيل
روحـــي ولا اشـــيــلــنهــه
گــمــت وكــلــت هــا زيـن
ولــخــتــي راح الــحــگـهه
شويه ولـ غاد
طاح كلبي اعله الترب == والهـوه ولا ظل يطب
ضاك ابروحي الهظم == والمستحه مني تصب
صدكت اليصيح
حسين مات وما نهض == طاح لمن هالركض
يله عالبر ماكو اخوو == كـلبه واكــف ما نبض
وجهي صار اعله الله وبهاي الجروح
خــدر هاشـم راح وابـضـيـمه يروح
شــلحگ وهــاذه انه طــايح وانـوح
===========================
سجاد ابراهيم الكعبي
كلام من الگلب نايع
بدونك سيدي ضايع
دربك وين دليني
وحيداً لا تخليني
يامهدي. يامهدي
أنه بدونك يبو صالح غريب بنص اعز ناسي
يتيمك سيدي بهاليوم اريدك تسمح براسي
يمهدي وداعتك محروك والحاركني احساسي
يمن باسمك ديليلي يلوج بسمك تدخل انفاسي
يمهدي عايش بحبك
تدليني متى دربك
اجيك بدمعي تلكيني
وحيدا لا تخليني
طريقك مو سهل مولاي صعب ياسيدي هوايه
وأنه هاليوم اريدنك يمهدي تحضر ويايه
تدليني بترب جدمك وحقك هاي اهم غايه
اعوفن كلشي بس جفك الزمنه يمولايه
اذا الزم جفوف ايدك
ابوي ولازم وليدك
ابنك آنه حاجيني
وحيدا لا تخليني
صحيح آنه بعيد هواي ولكن انت اقربلي
ورغم كل الذنوب انت تضل ياسيدي خلي
قبلتك اسمع اتمنه يبو صالح الي تگلي
واعوفن دنيتي هايه واعوفن حته اعز اهلي
فده كلشي الك يرحل
فقط عن خادمك أقبل
بيدك كون تَدويني
وحيداً لاتخليني
اضل مولاي احومن دوم من حضره الى حضره
بلكي عيني يالمهدي تلمحك مره بالنظره
احلفك بالضلع مولاي وادري بهظمة الزهره
تخليني انوحن دوم للمظلومه بالكسره
ادورك يم ابو فاضل
بلكت تبجي عالكافل
ويم حسينك اونيني
وحيداً لاتخليني
ارزقني الدمع والنوح اريد ابقه أنه خادم
واريداً دوم اضل ابجي بكلي ترد الي سالم
ابد ميهمني حجي الناس رضاتك تسوه هالوادم
واريد احظه بشرف لقياك اشوفك يمته يالقائم
اعينك نبني بالغرقد
للزهره وحسن مرقد
ناذر سيدي اسنيني
وحيداً لاتخليني
تم بحمد الله تعالى
محمد حامد الأسدي
عـلى الغـيره يـهاشم هایبتکم
وانا اعرفها الکتـايب هايبتكم
العلی الناگه یسیره هایهبتکم
ظعنها وروسکم یحدن سویه
هادي الامغيطي البوغبيش
اشنفع ويه الدهر يحسين لمنه
شـمـلنـه اتـطـشر ومـافـاد لمنه
گبل كل فزعه چنه انروح لمنه
وهـسه اشـلـون نـفزع یــانویه
هادي الامغيطي البوغبيش
الجفن ماینشف امن الصار یمه
وکل ساعه یصیح الحـسن یمه
اشحـال الــذي ايــسطرون یمه
والــدته وتطــيح اعلى الوطيه
هادي الامغيطي البوغبيش
#قصائد_في_خدمة_الخطباء
لسان حال الموالي للزهراء (عليها السلام) في هذه الأيام...
عدنه چم غالي يزهره .. بلا دفن ظل عالتراب
واسى ابو اليمه بمُصابه .. ويا عُظُم ذاك المُصاب
١/عدنه جرحى يالزچيّه .. والجُروح عْلينه دين
منهم الفاگد عُيونه .. ومنهم الفاگد ادين
چانَوا بهالفاطميه .. نِعمَ من واسى الحُسين
بالجراحات الأليمه .. وبصبرهم عالعذاب
٢/صُبَّت عْلينا المصايب .. وابتدى مْحَرّم جديد
عشنا بَعْض آلام زينب .. وانْفِجَعنا بْچَم شهيد
هذا جسمه مگطعينه .. وذاكه مگطوع الوريد
هذا ما ظل منه ذرّه .. بلا أثر عن اهله غاب
٣/يالزچيه وچم شهيده .. ذكّرتنا بْأُم وَهَبْ
قدمت دمها ولجلها .. الدمع سال وْلا عجبْ
چم يتيم وطفل لينا .. عمره من عنده انسِلَبْ
هذا عام الما كو مثله .. الگلب بي من حزنه ذاب
#عظم_الله_أجوركم ◾️
فاطمة علي رزق
اسألكم الدعاء
أويلاه يا فاطمة (قصيدة تشييع السيدة فاطمة الزهراء عليها السلام)
أداء: الرادود حيدر السعد
كلمات: الشاعر محمد الجماسي
رابط القصيدة https://youtu.be/knqoo5XRzAI?si=nwPVPB9WQa52Q6ux
مجالس عزاء - الليالي الفاطمية 1446 هـ - 2024 م
ديوان الحاج جاسم الهنون
كربلاء المقدسة - الحسينية / البوحويمد
لإم أبيها .. صلاتي عليها
صلاتي عليها .. لإم أبيها
يأم حسين .. يأم حسين
@@@
فاطمه .. والنعم .. هالاسم غالي ومعظم
الوحي .. والعلى .. عنها باياته تكلم
والله .. وي كل ملك .. صلى عالزهره وسلم
…
صل الله .. واملاكه .. عالزهره .. وصله كل رسول
بالقربى .. ولا قربي .. موجود .. ابليات البتول
…
الوجود إليها .. صلاتي عليها
صلاتي عليها .. لإم أبيها
يأم حسين .. يأم حسين
@@@
لموجِده .. من ضيه .. وشعت اجرام الثريه
واصبحت .. للهدى .. منطق ويهدي البريه
سيده .. عالنسا .. فاطمه الزهره الزچيه
…
ياحوره .. ويازهره .. وياعصمه .. وياحق ومبين
يامهجه .. ويابهجه .. للهادي .. يا ام الحسين
…
بفضل يديها .. صلاتي عليها
صلاتي عليها .. لإم أبيها
يأم حسين .. يأم حسين
@@@
ياهلا .. من اجت .. مكه شعت من سناها
والوحي .. ابفرحته .. ناده لمبارك يطه
ومن مهد .. فاطمه .. آية الزهره تلاها
…
جبرائيل .. ميكائيل .. واسرافيل .. بعنان السمه
ابصوت الله .. عالمولد .. نادوها .. اهلا فاطمه
…
بنور وحيها .. صلاتي عليها
صلاتي عليها .. لإم أبيها
يأم حسين .. يأم حسين
@@@
كالفجر .. والهوى .. هبهب ابعطر الموده
كوثر .. المصطفى .. بخدها حط الهادي خده
وقبل .. ابنيته .. والحزن منّه تبده
…
ياطه .. بالزهره .. لك عتره .. من خير العمل
للكوثر .. قم ونحر .. واتشكر .. بهالحب والامل
…
لها و بنيها .. صلاتي عليها
صلاتي عليها .. لإم أبيها
يأم حسين .. يأم حسين
@@@
امباركه .. وطيبه .. وچن حما حيدر حماها
بالمهد .. من بدت .. ونورها من نور طه
فاطمه .. عالمه .. ويرضع بارينه لرضاها
…
سر الله .. ومكنونه .. المصيونه .. بعيون الهدى
فداها .. ابوها .. ولترابه .. هالعالم فدى
…
فداها نبيها .. صلاتي عليها
صلاتي عليها .. لإم أبيها
يأم حسين .. يأم حسين
@@@
علي أحمد الحمود
٣-١٢-٢٠٢٤
مولد الزهراء ع
لاستشهاد فاطمة الزهراء عليها السلام
(وزن تجليبة )
على مصاب الزچية الطاهره الحره
الدمع همال جمره اتسابگ الجمره
★★★★★
أوون ادهور لومية عمر عندي
وماضم النحيب ودمعتي ابخدي
حد ميضمني دفاني بوسط لحدي
وتضل العين من صب الدمع حمره
★★★★★
يبت خير البشر يامعدن الرحمه
عليچ الحزن عندي شماكثر نعمه
بهذا الحال گلبي كلشي ميهمه
الفرح لوعني راح ومني يتبره
★★★★★
انا من المدامع والدمع مني
مصابح يلوديعه شكثر ألمني
وعلى جروح الطفوف جروح چملني
وضافالي الحزن والنوح والحسره
★★★★★
شغاياته الزمان وشنهي مقصوده
احتل لون النهار بظلمته السوده
الرزايا والنوايب صارت جنوده
ازل هاي الحرب ماتنجلي الغبره
★★★★★
احزان وهظم والصار من أثنين
راووها الرزايا ام الحسن وحسين
بيد اهل الضلاله ياحسافه الدين
مثل اكتاب بيد الماعرف يقره
الشاعر حسن لعيبي الحريشاوي
الملا هيثم اللامي
كلمات
#لبابة_آل_ياسين
قصيدة التوسل بالزهراء
من ديوان #مواجع_الزهراء_الجزء_الأول
ياوجيهتآ عنـد اللـه
اشفعي لنا عند الله
•───✧◐◐✧───•
يم الحسن بااسمج نخينه
بحاجاتنـه يمج شكيـنـه
ندريچ مولاتي حنينه
ياشفيعتآ عند الله
اشفعي لنا عند الله
•───✧◐◐✧───•
يافاطمه الزهره الزچيه
يالطاهره حني عليه
مهظومه جيتج هالمسيه
ياعزيزتآ عند الله
اشفعي لنا عند الله
•───✧◐◐✧───•
يالماتردين النخاچ
واتعنه يم بابچ واجاچ
والطايح يطيبه دواج
ياطبيبتنآ عند الله
اشفعي لنا عند الله
•───✧◐◐✧───•
انتِ ملاذ الخائفين
يم الحسن يم الحسين
يالزاچيه وكلبچ حنين
ياجوهرتآ عند الله
اشفعي لنا عند الله
•───✧◐◐✧───•
مولاتي جيناچ بطلب
احبابچ وحك المحب
مطلبنه منچ مو صعب
ياكريمتآ عند الله
اشفعي لنا عند الله
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة
وين القبر وين .. يا حامي الحميّه
يا بوي قلّي وين امّي الزچيّه .. يا حامي الحميّه
....
باسايلك يابا الحسن وادموعي .. بخدي هتونه
أمّي الحنونه يا علي خبّرني .. وينه مدفونه
وشفْت البلى بس ما شفِت يا كرار .. امّي الحنونه
ودمعاتي دمّي ياعلي مجريّه .. ياحامي الحميّه
....
باسايلك يابا الحسن وادموعي .. بخدّي غزيره
وين ادفنِت يا والدي خبّرني .. أمّي الأميره
وتوها شباب امّي يبويه وآنه .. توني صغيره
توني صغيره والچبد مفريّه .. يا حامي الحميّه
....
أمّي مشت عني يا بويه وآنه .. مدري بخبرها
وانصاب قلبي وخاطري يوم اللي .. صابوا صدرها
وشفنه المصايب ياعلي لكن ما .. شفنه قبرها
وعيني تراها امن البچي مدميّه .. ياحامي الحميّه
....
قلبي أبد ما يحتمل يا كرار .. بلوى وفجايع
وين الذي بالباب حسره انكسرت .. منها اضالِع
وين القبر قلها القبر عن هالناس .. يالحوره ضايع
ضايع قبرها فاطمه الحوريّه .. يا حامي الحميّه
....
أمكم مشت بس ما مشت عن روحي .. ودعوة صلاتي
و من ماتت الزهره صرِت أتمنّى .. يالحوره مماتي
و يوم ادفِنتها يالعقيله چنّي .. دافن حياتي
والوحشه زادت يالأبو عليّه .. يا حامي الحميّه
....
لا تسأليني وتفجعيني اعله اللي .. طايح حملها
أمكم مشت للمقبره وخلّتكم .. وخلّت أهلها
وكل ليله نص الليل ازور الزهره .. وابچي لجلها
فاطم مشت معظمها من رزيّه .. يا حامي الحميّه
....
لخادم خدّام فاطمة الزهراء عليها السلام
حسين العين الداري
جديد👆🏻
لحن (امك يالحسين)
بصوت
ملا صادق هاشم
بغداد
https://youtu.be/4WVQtI2992M?si=QUl6pBTvP1esdVpy
Читать полностью…
انظر الدمعه ابعيونج.........آه ييمه
بيتنه اظلم ابدونج..........آه ييمه
رحتي وگليبي انطعن
فدوه اگعدي من الچفن
*******
يمه گلبي اشگد يحن
ليش يقسملي الحزن
....وانه بالدمعات احس روحي غربيه
حيره وانظر من صدك
شلون باب الله احترك
....وانه اشاهد يمه بعيوني المصيبه
الآه تاكل بيه حيل
وانه اسهر جمري ليل
.....نايبات الهم خذتني بس عجيبه
ليش اعيشن بس حلم
وانه كل حيلي انهدم
.....انه اموت بحسرتي اه يالحبيبه
اشلون انام الليل حسره.......يالحبيبه
والنعي كل عمري اقره.......يالحبيبه
احلامي خلصن وانتهن
فدوه اگعدي من الچفن
*******
مارحم حالي الدهر
گلبي مايحمل هجر.....
.....زغيره يايمه تره رحتي من اديه
اكره الباب من اطب
يمه والمدمع يصب
....ليلي يذكر فاطمه الزهره الزجيه
راحت احلامي ذبح
چنه يحلالي الجرح
....اشگد يعذبني الوكت هاي الرزيه
اثمنطعش راح العمر
اتيتمت وانه بزغر
.........نار باب الدار فعل الجاهليه
اتعودت اغفه بحنانج......آه ييمه
حسرتي خالي مكانج......آه ييمه
عشتي.......انواع المحن
فدوه اگعدي من الچفن
*******
ينطفي اگبالي الضوه
حيلي وياج انلوه
.......يمه ابدموعي انتظارج يالحنينه
والدمع ما ظل بعد
بفگدج اتنوح الحمد
.......الليل مايهدئ بعد نوحي وأنينه
كلشي لحضانج يحن
حسره وگليبي يون
......حتى عتبة داري بفراگج حزينه
نار بابي اموگده
خالي بيت الوالده
..حسين يمه ابروحتج عالي ونينه
يمه من بعدج يتيمه........يالحنينه
ليش عفتينه هضيمه......يالحنينه..
اجروحي بالحسره ابتدن
فدوه اگعدي من الچفن
*******
اليتم كلش صعب
شلون عفتينه بغرب
........يمه عفتيني وحيده شلون بيه
البيت مابي فاطمه
ظلمه بعيوني السمه
.....والعجيبه بسرعه رحتي من اديه
طحت مرتين وگمت
يالحسن آلحك صحت
....شوف امي بيا جرح چنهه المنيه
وسط حجرتهه تون
شوف طعنات الجفن
........چنهه كالتلي يزينب هاي هيه
بوجهج السطره علامه........اه ييمه
صرنه من بعدج يتامه........اه ييمه
يمه.......وكليبي انسحن
فدوه اگعدي من الچفن
*******
خل اسولفلج جرح
باچر انشوف الرمح
........باچر الخيل ابحوافره تطشره
اظلوعه وظلوعج سوه
الخيل داست عالضوه
...اتكسرن يايمه ودوس عله صدره
كلشي...... تدرين الامر
باچر امشي وي الشمر
....چني مسبيه ييمه وگلبي حسره
وانتهه حلم العمر
فاطمه وسط الگبر
..صرت مثل الثكله آنه وناعي يقره
نامت اعيونج هضيمه..........اه ييمه
وانه چني بلايه خيمه..........اه ييمه
ادلالي.....بالطف ينچفن
فدوه اگعدي من الچفن
*******
#تمت بعون الله تعالى
الشاعر......يوسف الفتلاوي
لشهادة السيدة الزهراء عليها السلام لطميه بالوزن الفائزي على النمط القديم نمط الأجداد
هيئ يا رضوان الجنان السيدتها 2
افتح الجنه وانصب الماتم يارضوان
وانعى البتوله فاطمه السيد الأكوان
وانثر على الروح الشريفه هناك ريحان
واستقبل الزهره الوديعه ابفاجِعَتْها
جاتك يارضوان الوديعه ام الميامين
لاكنها جات امرمره وملطومه عالعين
وسفه عليها من العصر مكسوره ضلعين
عصرتها بالباب العصابه ومارعتها
للجنه جات امرمره بضعة المختار
موجوعه وابنص الصدر طاعنها مسمار
وفوق المتن ويه الزند جت بيها اثار
أثار من ضرب السياط اللي اوجعتها
رضوان هيّئ هالجنان وخاطب الحور
وقلهم ياحور استقبلوها بضعة النور
ولا تحضنوا البضعه تراها ابضلع مكسور
من عصرة الطاغي الوديعه مرمرتها
يالحور قوموا استقبلوا بضعة نبينا
واتحملوا بيها ترى جتكم حزينه
وجيبوا الجنين اللي الأعادي امسقطينه
يمكن تشوفه وتبرد النار الچوتها
بالجنه صارت فاجعه وصارت عزيه
والكل ينادي المصطفى خير البريه
قوم ابعجل يالمصطفى شوف الزچيه
جاتك نحيله وامتك هالنحلتها
رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي
السيد موسى الأحسائي
والفاتحة لروح والدي وذويه والمؤمنين والمؤمنات مسبوقة بالصلوات
لمصيبة الزهراء عليها السلام
على طور قصيدة ( كبرك جمعنة )
محد نصرهة
بيوم العصرعة
بالحايط وبسمار
يافضة نادت
تسندهة رادت
من هجمو علة الدار
ياناس المصيبة
لازالت عجيبة
سر الظلامة .بحفظ الامامة
من كيد اليغدرون
سر مانعرفة .وشكد نوصفة
وكثرة الذي يسئلون
حيدر يكلي .ظالم يخلي
يضربهة كلي شلون
ملزوم بوصية
وحجاية نبية
ومحنة صبرهة
بيوم العصرهة
تخلي الفكر محتار
يشكل علية .شلون الزجية
تطلع تفك الباب
مافتحت الهم .بس جاوبتهم
اليدعون اصحاب
هجمو عليهة . وحاطو وليهة
وماراعو الهة حجاب
من شاف الزجية
ذاك ابن الردية
بحقدة وغدرهة
بحيلة وعصرهة
وجف الكفر غدار
قنفذ ضربهة. بسوطة ودفعهة
وخلة المتن مالوم
وخالد وكزهة. بسفة ورفسهة
وهذا الحقد معلوم
وذاك الدفعهة . وهشم ضلعهة
وسگط سبط مظلوم
صولة جاهلية
باحقاد ال أمية
اليجهل كدرهة
بجفة وسطرهة
وظالم وابن اشرار
يالتبغضوهة.. هاي ام ابوها
نور الله ياارجاس
بضعة محمد.. خفية اتوسد
وماتدري بيهة الناس
باب الامامة .وركن اليتامة
باب الله ماينداس
اليوكف بي نبينة
وتستاذن يمينة
نفذ امرهة
وغيب كبرهة
سر والزجية اسرار
فاطمة المگصوصي
الج باب الله منفتح
حروفج بلسم الجرح
امن اذكرج كلبي ينشرح
يا خير النساء
......١....
حرامات اختفى بدرج
وانتي اثمنطعش عمرج
مكسورة ضلع متي
وناسج ما رعت قدرج
غصبو حقج حركو بالشر بابج
سطروج اعله العين بيوم امصابج
الجانو يتسمون اصحاب الهادي
ما راعو حقج لا حق احبابج
شهدلج كلشي فاطمه
اعله حايط دارج الدمه
جروحج شافت السمه
يا خير النساء
......٢.....
رحلتي بكسرت الخاطر
ودموعج تارسه الناظر
هضمتج ما يصح منهه
وعلي اعليج الظهر كاسر
قالع خيبر يتجه اعله ابنينه
شايب صار ابموتج الله يعينه
هموم الدنيه اعليهه انجمعت بعدج
شله بعمره وشله بهاي سنينه
اعله حيدر خيم الحزن
العشرتج ذيجه ضل يحن
بعد موتج صبح يون
ياخير النساء
......٣......
مشيتي امحمله بالاَمج
الجروح ابكثرت ايامج
ضايع حيلج بكسره
مثل ما ضاعت احلامج
بالبسمار احلامج ضاعن كلهن
قصتج ما تتسولف اصعب منهن
محسن مات ابعصرت ذاك الظالم
وظلوعج ويه ابنج هم كسرّهن
الكسر من عندج الضلع
الغدر بي منزرع طبع
خصيمه الباري والشرع
ياخير النساء
.......٤.....
دفنتج صارت ابظلمه
وعليج الصايحه بهضمه
فتحي اعيونج الحلوه
لتعوفينه يايمه
كل ساعه ابدونج ما تنعد ساعه
كبل الطف حسين ايهم بوجاعه
ما متعود يومه ايخلص ابدونج
يا أول زهره المزروعه ابكاعه
خبر موتج يزهرته
اخذ من عنده ضحكته
علن لحبابه ذبحته
يا خير النساء
......٥.....
حفر كبرج علي بدمعه
انهدم حيله اختلف وضعه
عليج ابكسرت الخاطر
صبح يا زهرته ينعه
بجه الكون بساعة دفنج حيدر
ساعه يكوم وساعه يطيح امكدر
مايدري بكبرج يحفر لو كبره
ياروحه الفاركهه ابظلع امكسر
يروحه الماتت ابعجل
عليج امكدر الفحل
يتاني ساعة الأجل
يا خير النساء
.....٦......
مصابج ما يصح مثله
فرح بالدنية ما خله
بكلب ناس اليحبونج
ترك جم لوعه جم عله
كبل العاشر عاشورج يا زهره
معذور الحبج لو مات بقهره
بسمارج والحافر نفس الصوره
حسين امدمه وبيج الدم اشكثره
الصور تتشابهه الصور
اختلاف البيهن النحر
فلا انصفكم الدهر
ياخير النساء
.......
كلمات
موسى الخادم
⬛️◼️القصيدة-14-◼️⬛️
رَحلَت سريعاً والأسى يَحكيها
واليتمُ جلَلَّ أوجُهاً لِبنِيها
والعمرُ منها كالزهورِ فلم يَدُمْ
إلا ثمانٍ بعدَ عشرِ سنِيها
فهيَ الوديعةُ والرهينةُ بعدما
أختُلِست وقد رُدَت جوارَ أبيها
آهٍ لها ماذا رأت وتجرَعت
من جبتِ أصحابٍ ومن طاغيها
هجموا جِهاراً ثم شبُوا نارَهُم
بالبابِ والزهرآءُ لآذت فيها
فإذا الزنيمُ بعصرةٍ كُسٍرت بها
تلك الأضالِعُ والدِما تُجريها
فهوى الجنينُ أمامَها مُستشهِداً
وبصدرِها مسمارُها يُؤذيها
بقِيَت تئِنُ من المصابِ ليالياً
وبقلبِها آلآمَها تُخفيها
أوصَت علياً أن يُعفِيَ قبرَها
وعليهِ ناحَ ودمعُهُ يُرثيها
لهفي لأيتامٍ لها و بوحشةٍ
صرخاتُهُم حتى العِدا تُشجيها
والطهرُ زينبُ تكتوي بفراقِها
تنعى البتولَ وعينُها تَبكيها
#سمير_الصالحي
#النجف_الأشرف
--------------------------
🌑 نعي -مجردات
يمه الگلب عگبج تگطع
وعيوني ماترضاش تهجع
زينب أنه وحالي تلوع
والصبر يا زهره تضعضع
كل يوم اگولن كون ترجع
وآنه اعتب وأهمل المدمع
وادري المعاتب موش ينفع
وسفه الشمل راح وتوزع
#سمير_الصالحي
#البصرة_الفيحاء
🏴 وعن لسان المظلومة المقهورة نظمت هذه القصيدة وهي توصي أمير المؤمنين علياً ع ساعةَ الإحتضار بوصاياها المؤلمة ….
⚫️ أخبرك ياعلي بالموت وافاني
🌑أودعنك واريد تحضّر اچفاني
تدري يالولي هالحضرت امنيتي
يبن عمي واريد اتنفذ اوصيتي
عزيزة والدي ومهضومه تاليتي
مغصوبه وعليله و زادت احزاني
أحزاني على اولادي الحسن وحسين
مو بيدي أعوفنهم يبو السبطين
صعبه الفرگه ياويلي وعملها البين
بزينب هالوديعه اصبح طلب ثاني
يداحي الباب زينب عينك عليها
طفله اتيتمت مفجوعه تدريها
محد غيرك اليگدر يسليها
واظن طول العمر ماراح تنساني
ولو غَمضت عيوني لا تغسلني
نقيه وطاهره وارجوك تعذرني
ولاتنسى الأهم بالليل شيعني
وادفني ولا تخبر الأَ ذاني
ياكرار تدري ضلوعي مكسوره
على المحسن الطاح الروح مقهوره
لعد گبري تجيب اولادي وتزوره
دهري بهالمصاب العجب راواني
بعمر اثمنطعش رحت بعجل عنكم
تمنيت العمر كله اظل يمكم
ولا اعوفن يبو الحسنين لمتكم
جور اصحاب ابوي بلحدي خلاني
#سمير_الصالحي
#النجف_الأشرف
هوسه جنوبيه للزهراء والام مهداة الى والدة الشاعره ام علي الصالحي
مهظومه واجيت اشكي الهظم يمج
كليلي ييمه شنهي المزعلج
احد غاثج لو احد مسمعج
تره كسر الخواطر صعب ويغثج
ناشديني// جيتلج مهظومه
اكوار حزني يمه ومالومه
ناشديني
الموت شخصج ريته كون يسومه
ناشديني
اشكي حالي جيتلج مهمومه
ناشديني
ماريده //البيت اخلافج
ام حسين العسكري ناصريه
يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
#قصائد_في_خدمة_الخطباء
#شهادة_مولاتي_الزهراء (عليها السلام)
صُبّي الدمعه يا عيني .. وْذِكري فاطمه الزهره
خلف الباب مِن لاذت .. ومِن أذّوها بالعصره
١/صُبّي الدمعه من جفنچ .. لجل جفن الّذي صَبْ دم
ونوحي عْليها يا روحي .. وذكري المتْنِ لي تْهدّم
لجل امّ الحسن لازم .. نِسَوّي بْكل گلب مأتم
لازم نرفع الرايات .. بكل دار ونِصُب عبره
٢/هاي ام الحسن وحسين .. منها ضلوع رضّوها
ومن دخلَوا عليها الدار .. على لخمار سِطروها
هذي بت رسول الله .. عجب بالسّوط ضربوها!
مدري يا گلب عدهم .. چتلَوا مهجة العِتره
٣/عافت دارها وغابت .. وتركت لليتامى النوح
تركت باب محروگه .. تركت حسره وسط الروح
غابت لكن المأساة .. خلّت للأحبّه جْروح
جُروح الأبد ما تنعد .. جُروح الأبد ما تبره
#عظم_الله_أجوركم ◾️
فاطمة علي رزق
اسألكم الدعاء
▪️نشر جديد
في استشهاد مولاتنا الزهراء (عليها السلام)
أليومَ ذكرُ اللهِ فارقَ أُنْسَهُ
أليومَ وجهُ الصبحِ ودَّعَ شمْسَهُ
كلُّ الوجودِ بكى لحالِ المرتضى
فاليومَ تحتَ التربِ وسَّدَ نفْسَهُ
ما كنتُ أعهدُ قبلَ حيدرَ في الورى
مَنْ رشَّ مِنْ ماءِ المحاجرِ رَمْسَهُ
لمْ أنسَهُ أهوى يشمُّ ترابَها
وبهِ يعَفِّرُ خدَّهُ .. لَمْ أنسَهُ
وكأنَّما يصغي لصوتِ أنينِها
أَتُرى قضاءُ الموتِ أخفَتَ حِسَّهُ ؟
قولي لأحمدَ ظلَّ حيدرُ وحدَهُ
قدْ مسَّهُ مِنْ حُزْنِهِ ما مسَّهُ
وأمامَهُ يبكي الزكيُّ المجتبى
وحسينُ كالحوراءِ يلطمُ رأسَهُ
قولي لأحمدَ ظلَّ حيدرُ ناظراً
للبابِ يذكرُ كلَّ يومٍ أمْسَهُ
فهنا تناثر قُرطُ مجدِكِ بعدما
صفعتْكِ كفٌّ لا تُراعي قُدْسَهُ
وهنا سقطتِ من السياطِ وها هنا
لك ألَّمَ الطاغي وأكثَر رَفْسَهُ
ما زالَ يرميني البلاءُ بقوسِهِ
وإلى الظهورِ فليسَ يَرفعُ قوسَهُ
الشاعر علي عسيلي العاملي
#الليالي_الفاطمية
#اللهم_عجل_لوليك_الفرج
#حصريا .... موشح للسيدة زينب عليها السلام وماجرى عليها من اعتدائات عدوانيه هذه الأيام ( عالو بيهه )
زينب العدوان ... عالوا بيهه
ليش نايم گوم ياواليهه
عالوا اعليهه ولارحموها
رجعوا احفاد الشمر يسبوها
گوم گلهم فنكم تحاچوها
لو عدل ماواحد يحاچيهه
زينب العدوان ... عالو بيهه
فنهم يعيلون بيهه لوعدل
انته زلزال وتخوف كل نذل
بالحرب معروف چفك مو سهل
وين چفك رادته يحاميهه
زينب العدوان ... عالو بيهه
چفك اليوم الغريبه رادته
يوگف بوجه اللعين وزمرته
انته ابن حامي الحميه وريحته
تذكر شوصاك ابوك اعليهه
زينب العدوان ... عالو بيهه
تذكر شوصاك بيهه حيدره
گوم روح الهه يسبع الگنطره
لاتخليهه ترد ميسره
عندك اطلابه تعال اگضيهه
زينب العدوان ... عالو بيهه
عندك اطلابه يبو فاضل تعال
گلهم شتردون يشباه الرجال
هاي زينب علمتهه اعله الدلال
والجيوش الحاربتهه افنينهه
زينب العدوان ... عالو بيهه
موش صعبه اعليك تگلب كونهه
زينب تون وتهل عيونهه
يوجعنهه من زمان متونهه
سوط خولي والشمر ياذيهه
زينب العدوان ... عالوا بيهه
سوط خولي والشمر اذاها
زينب الشيعه ولاتنساها
بالعمر والروح نتفداها
نبيع دمنه وبت علي نشريهه
زينب العدوان ... عالو بيهه
✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر