8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
يا ليل اهدعش لا تلفي لخيام
انه. الظليت. وحدي ويمي الايتام
يا ليل يا ليل
**
يا ليل اهدعش يمفرگ الاحباب ،، تانيني ارد اكلك
ما شفت الكمر يم النهر ذاب ،، واريد النوب اسالك
عباس الكفيل بيا كتر. طاح ؟
اذاه. السهم ؟. لو. طعن الارماح ؟
گبل ميموت اخوي بيا اسم صاح ؟
اسالك. والسؤال الروحي. ذباح
كفيلي. علوجه بالحومه من نام ؟
انه الظليت وحدي ويمي الايتام
يا ليل يا ليل
***
يا حركت دليلي مثل الاخيام
ترى بطيحت كفيلي
هم ترجع بعد وترد الايام
وهم ارتاح ليلي
بهداي انه انشدك بله بهداي
ما شفت الكفيل لطاح عل ماي ؟
وجثه اعله رمل وجروحه هواي
يا راي البقى مدكلي ياراي
مصيوب الگلب يا ليل بسهام
بقت بس العقيله تباري الايتام
يا ليل يا ليل
***
كتلك لا تمر وتزيد الهموم
احلفك بل يتامه
ما احمل بعد دلالي ملجوم
بعد راعي الشهامه
ردتك ما تچيني بجيتك الموت
انه بشوفتك انشال تابوت
بقيت انه ودمعتي وحرگ البيوت
محد ضل ألي للموت زاتوت
ما ادري الزمان شعنده وشضام
انه الضليت وحدي ويمي الايتام
يا ليل يا ليل
*
انه الراحو اخوتي وسلوتي دموع
سالفتي ثگيله
كل لحضه تمرني كيلبي مشلوع
مهضومه ونحيله
شيخلصه العمر بهموم واعتاب
بقيت الوحدي بنص وادم اجناب
سولفت اشكثر ما اسمع اجواب
راحو وشيردهم ؟ جوه التراب
بقى بس الدمع ما ضلت اجدام
انه الضليت وحدي ويمي الايتام
يا ليل يا ليل
*
احسلهه تموت المالهه اخوان
يا ليل شيخلصه
انه العدله صدك بيدين دفان
خذاله الموت حصه
يا ليل اهدعش شيصبر الروح
شحچيلك بعد وحسين مذبوح
وراسه اعله الرمح والجسد مطروح
بقيت الوحدي ومرافكه النوح
وين انطي الوجه من طبت الشام
انه الضليت وحدي ويمي الأيتام
يا ليل يا ليل
الخادم/ حيدر ناجي الدراجي
محرم الحرام/ 1447 للهجره
*زينب يوم. الحادي عشر لما ودعت اخاها الحسين ع ومروا بالنساء على مصارع الشهداء ع* طور الجزع~
دارت وجهها والدمع عبره~
من على الناقة طاحت تْنِظره~
شافت جسد دامي انذبح نحره~
وصاحت يا حسين
〰️〰️〰️〰️
شافت أثر حافر على جسمه
الطعن فوق الطعن نزف دمّه
سهم صاب الگلب لابو اليمه
وصاحت يا حسين
〰️〰️〰️〰️〰️
تدوّر فوق الترب خنصر ايده
ونوبه تشم الولي من وريده
كل حافر صبغ دمه ومن جيده
وصاحت يا حسين
خادمة آل محمد✍🏻
*مولاتنا زينب تخاطب الليل ليل الحادي عشر من محرم*
زينب ساهرة العيون وتحاچي ظلام الليل
تنحب والگلب محزون جفنها بالدموع سيل
نايم وين أبو اليمه دلّيني يا نجم سهيل
ابن امي انذبح عطشان وارد اسقيه لو گطره
〰〰〰〰〰〰
راحت تمشيِ وتعثر والحومة دربها بعيد
شافت عالترب اقمار واخوها منذبح الوريد
گلبها من الرعب فرفر وتشبك عالضلوع الإيد
تشوف جسوم بِلا يا روس وكلها موسّده الغبره
〰〰〰〰〰〰
طريق التل تندلّه واخوها هناك بالميدان
تشم عطر الذبيح حسين ظامي منذبح عطشان
شافت نور عالغبره بلا يا رس عالتربان
دمه غسله واويلاه وطحنوا هالعدا صدره
حسين حسين واحسيناه
خادمة آل محمد✍
*السلام على جبل الصبر زينب ع*
*وقد دعا الحسين لأختِه زينب بالقول: «اللهمّ اربطْ على قلبَها بالصبر»*
/ *ليلة الحادي عشر زينب ع تمنت لو انها تجلس عند جسد المولى ابي عبدالله الحسين ع تودعه قبل طلوع فجر الحادي عشر*
لحن والله حيره حيرتي♪
صابره انه بمحنتي
حيره والله بوحشتي
ويمك اشكي غربتي
آيخويه آيخويه
ليته يمك يا حبيبي اقضي ايام العمر
ولا اشوفك في طفوفك خويه مذبوح النحر
صبري خلّه دموعي تنشف يالـ دعتلي بالصبر
زينب آنه ام المصايب وگلبي ذاب من القهر
ودعيتك يالغريب
يا ابو النحر الخضيب
اخذها دمعاتي تسيل
تغسّل الجسم السليب
خويه مسلوب الكفن
والصدر منّه انطحن
مرميِ بحر الشمس
جنازة تبقى بلا دفن
آيخويه آيخويه
〰️〰️〰️〰️〰️
مرمي خويه مگطعينه وراسه فارق هالجسد
گطعوا نحره من وتينه
ظامي مفتوت الچبد
گلبي الله بس يعينه
من المصايب حيلي هد
حومه واجساد وضحايا
وراسه ينظر لي بعد
يگله صبري عالمصاب
والكفن صاير تراب
تابوتي نعشي عالرمح
يقرا آيات الكتاب
واحسيناً ذبيحاواحسينا
خادمة آل محمد✍🏻
يمن للنهر بالهم ماشي عنه
بطيت ونور وجهك ماشع النه
الك شمع المناطر ماشعلنه
شعلنه المهج ومتانين جيه
........
الشاعر محمد حسن ضيغم
*فزاعيه لحرق خيام آل النبي*}
{١٤}
⚫ *جديد*⚫
•••••••••••••••••••••••••••••••••
*ياعلي حرقوا خيمنه ٢*
•••••••••••••••••••••••••••••••••
يا ابو الحَملات أغِثنه ٢
*ياعلي حرقوا خيمنه*
•••••••••••••••••••••••••••
بعد ما ذبحوا زِلمنه ٢
*ياعلي حرقوا خيمنه*
•••••••••••••••••••••••••••
العَدو يابويه سِلبنه ٢
*ياعلي حرقوا خيمنه*
•••••••••••••••••••••••••••
لو بجينه ابسوطه طقنه ٢
*ياعلي حرقوا خيمنه*
•••••••••••••••••••••••••••
لا اخو لا سَند عِدنه ٢
*ياعلي حرقوا خيمنه*
•••••••••••••••••••••••••••
راح شيَّاله عَلمنه ٢
*ياعلي حرقوا خيمنه*
•••••••••••••••••••••••••••
حتى بوالاكبر تِركنه ٢
*ياعلي حرقوا خيمنه*
•••••••••••••••••••••••••••
ابكربله اتفرق شَملنه ٢
*ياعلي حرقوا خيمنه*
•••••••••••••••••••••••••••
حَرم بالهَيمه وَحَدنه ٢
*ياعلي حرقوا خيمنه*
•••••••••••••••••••••••••••
فِرجه للرايد يِغثنه ٢
*ياعلي حرقوا خيمنه*
•••••••••••••••••••••••••••
انريدك الليله تِلمنه ٢
*ياعلي حرقوا خيمنه*
•••••••••••••••••••••••••••
وتِظَل يابوحسين يَمنه ٢
*ياعلي حرقوا خيمنه*
•••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
ابلا خيمه بقينه / ليلة وحشة بنات الحسين }
{٦}
⚫جديد / ٢٠٢٤⚫
*طور خاص بخادمات المنبر*
••••••••••••••••••••••••••••••••••••••••••
وكأني ببنات الحسين قد رمين انفسهن
فوق جسده في ليلة الوحشه وهن يندبنه
ويشتكين له ماجرى عليهن هذه الليله :
صُدوگ يا بابه من قال .. الأبو خيمه للعيال
بالوحشه مِسينه .. ابلا خيمه بُقينه
••••••••••••••••••••••••••••••••••••••••••
بنشكي إلك يالمنذبح .. وعذرك نطلبه ابهايه
خيمه على ابناته الابو .. ثاري صُدوگ لحچايه
ابعازة الاثنين المِسه .. واحنه بقينه ابلايه
ماعِدنه خيمه و لا ابو .. وياخذنه حَدر افيايه
افياي اتسوي لينه .. ابلا خيمه بُقينه
••••••••••••••••••••••••••••••••••••••••••
الحادي عشر يابوعلي .. على بناتك مَسه
وجِثْتَك على وجه الثرى .. اسهام ونبل منترسه
يالذي برموشك چِنِت .. ليل البنات اتحِرسه
مو تِدري ليل البارحه .. اشقد يختلف عن هسه
اعتزناك واجينه .. ابلا خيمه بُقينه
••••••••••••••••••••••••••••••••••••••••••
اشقد واقعيه چِلمته .. وبيها صُدوگ حسينه
ثاري الابو خيمه ويلم .. ابناته تحت جِنحينه
احنه العزيزات الذي .. فد يوم ما انضامينه
واعله الموده واللطُف .. يبن النبي اتربينه
بَعداك انولينه .. ابلا خيمه بُقينه
••••••••••••••••••••••••••••••••••••••••••
شك ماكو بالچلمه ابد .. وهسه معناها اعرفنه
مو خيمه لا انت وطن .. جَوّا القلب شايلنه
يالدللِتنه امن الصغر .. حز بالنفِس يِتِمنه
بعدك ماباقي شِي حلو .. وعطف الأبُوّه افقدنه
افراگك عَز علينه .. ابلا خيمه بُقينه
••••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
{ *لطميه لحرق خيام بنات الرساله*}
*ليلة الحادي عشر*
{٣}
⚫ *جديد*⚫
*طور : طفله وحلم - ملا محمد الجنامي*
https://youtu.be/S7xtPoZjVTw
••••••••••••••••••••••••••••••••••••••••••
لسان حال مولاتنا خوله ليلة الحادي عشر
وهي تشتكي الحال لأبيها بين الخيام المحترقه :
يابو الأيمه ابعازتك .. تِطفي خيمنه التحترِگ
وعني تِرد ظُلم الشمر .. وبسوطه مَتني مايطِگ
••••••••••••••••••••••••••••••••••••••••••
آنه العزيزه الغَالِيّه .. ابعمري مَهانه ماشِفِت
وآنه حفيدة فاطمه .. خوله انا مو أي بِنِت
عالِرقه واللين انشإت .. و امدلله عندك چِنِت
او ضاع الدلال امن الشمر..يوم المَعامَلني ابرفِگ
••••••••••••••••••••••••••••••••••••••••••
مِتْرَبْيه في بيت الحَسب .. وللنبي الهادي انتسِب
بعدك يبوالاكبر يِصِح .. خولي و زجر لَيَّه يِسِب
و يا بويه ما مِتعوِده .. بسياط انطَگ و أنسلِب
واعله مُعاملةِ الهضم .. دلالي بالهم مختنِگ
••••••••••••••••••••••••••••••••••••••••••
عشت ابنعيم امعَزِزِه .. وهَسه ولا خيمه التِلِم
بنتك ابْهَيمه قاعِده .. مَدري إذا عندك عِلِم
مِن يِمي چِنت البارِحه .. وهالليله يَمي المَيْحَشِم
مدري إذا آنه ابحلِم .. مدري الجرى لَيّه صدِگ
••••••••••••••••••••••••••••••••••••••••••
آنه المصونه ام الخدر .. روحي تربت عالستِر
كَلفه يبو خوله إذا .. عين العدو بِيَّه اتخَزِر
حُرمه ويتيمه ابلا وِلي .. بعدك يحاجيني ابنزِر
ماعنده رحمه او لا رِفُق .. و قلبه عَليّه مايِرِگ
••••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
شمسويه بيك الزلم والخيل
جيتك وارد اعليك بالليل
ياخويه اغطيك ابعباتي
يحسين لو ما مستحاتي
......................
المهر من ردالي
مگلوب سرجه وخالي
فريت الك يالغالي
امشي بلا روح
انداريت اله وحاجيته
ابيا كتر خليته
احسيني تيه بيته
وبخيامنه النوح
دليني وين ابطيحته وحاله
مو طبعه اخوي ايتيه اعياله
وخلاني محتاره ابخواتي
ياخويه اغطيك ابعباتي
...........................
يركض وامشي بهمه
وصاحن بناتك عمه
اخذينه نوصل يمه
نتعاتب اوياه
وانگله يابو الغيره
عفت الدليل ابحيره
جم طفله عنده زغيره
عافاه اويلاه
يتصارخن والركض جدامي
واعله المصيبه شاده حزامي
بالبر اشوفن كل خواتي
ياخويه اغطيك ابعباتي
............................
هذا انته لو مو انته
جسمك ولا ميزته
جم حافر الساحگته. وامكطع حسين
خويه الحوافر كثره
كسرت اضلوعه وصدره
الله اليعين الزهره. واتشوفه بالعين
امه التشوفه وتنعه يم راسه
وتتعنه مره اتزور عباسه
كواجن الله يا بناتي
ياخويه اغطيك ابعباتي
..................
متروسه منك كربله
كلشي الي بيك اموصله
والشمر راسك شايله
ايگلي ذبحته
لامنحر ولا خنصرك
مطعون خويه ابخاصرك
طفهم اتوذر وذرك
يملوع اخته
لتگول طايح وآنه عفتك
من ريحة امي يالعرفتك
وادري اشكثر عندك غلاتي
ياخويه اغطيك ابعباتي
..........................
الشمس ماترحم احد
يالجسمك ابخيل انمرد
خافن اغطيك وارد.
تكتلني الاعيون
عندي عبايه ودمعتي
بيش انه اغطيهه اخوتي
راح ارجع ويا فشلتي.
للخيمه واشلون
يحسين هذا الماحسبت احسابه
حتى بثيابك تطمع السلابه
واتمنى هالساعه مماتي
ياخويه اغطيك ابعباتي
خادم اهل البيت علي الزرگاني
(نعي مفجع)
يحادي الـهـزل باللـه الـهـزل ونـهـن
عليهـن حـرم بـلـكـي اتـرد اهـلـهـن
يحادي الـهـزل ويـن الـوجـه نـاوي
ألـلـيـل اتـخـاف مـن يَـمـه العلاوي
يحادي الـهـزل بالك تگطـع الـبِـيـد
خـل الـحـرم مـن الـبـچـي اتـهـيـد
يحادي الهزل مَشّي الهـزل بـهـداي
اعلـيهـن خـوات الـمـا شـرب مـاي
يحادي الهزل تدري الـهـزل هـايـه
عليهه اربات وحيي الـلـه سـبـايـه
*-----------------*---------------*
✍خادم الحسين ع
الشاعر رعد الجريخي
*لطميه لسبي العقيله المُجلله*}
*مولاتي زينب عليها السلام الى الكوفه*
{١}
*طور : علي راح - ملا محمد بوجباره*
https://youtu.be/HEc3UKiMYG8
••••••••••••••••••••••••••••••••••••••••••
*على النوق .. خَذوا إختك إلى الكوفه سِبيه*
*على النوق .. او بحبال اليسر رِبْطوا اديه*
*يخويه الشمر سبني .. و على متني ضربني*
*و على متني ضربني .. على النوق*
••••••••••••••••••••••••••••••••••••••••••
بسلاسلهم يخويه چتفوني
وعلى الهِزّل يغالي يسِروني
يَوتر الله او مِن تبجي عيوني
اعله راسي بالمُكعب يضربوني
على النوق .. عَجب ماقام عباس الشِفيه
على النوق .. عضيدك مادرى وشصار بيه
*سِنان ابعينه خَزني .. و على متني ضربني*
*و على متني ضربني .. على النوق*
••••••••••••••••••••••••••••••••••••••••••
مِن يمك خذاني الزجر قوه
شد الحبل ياخويه وبقسوه
عينك شافت الظالم اشسوه
لن سوطه على ظهري ايتلوى
على النوق .. صعبه حالِتي يابو رُقيه
على النوق .. رِزِيتي ما مثلها اي رِزيه
*ابحبل خَوْلي سَحبني .. و على متني ضربني*
*و على متني ضربني .. على النوق*
••••••••••••••••••••••••••••••••••••••••••
ألم يحفر ابدلالي يوالي
وحال الضيم يابو اسكينه حالي
راسك عالرمح فوق العوالي
وطول الدرب يبن امي اقبالي
على النوق .. شفت الويل والهم والبَليه
على النوق .. نِصبت الفاتِحه ومجلس عَزيه
*رُمح خصمك جِرحني .. و على متني ضربني*
*و على متني ضربني .. على النوق*
••••••••••••••••••••••••••••••••••••••••••
على ابن ازياد اختك دخلوها
وبين ارجال خويه وقفوها
ابشماته وحقد قاموا ينظروها
ابجريمتهم النَكره عيروها
على النوق .. ودوني لَعِد ابن الدَعيه
على النوق .. يريت اوياك تاخذني المِنيه
*عدو الله قهرني .. و على متني ضربني*
*و على متني ضربني .. على النوق*
••••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
لمت شملنة بكربلة اطشرت
واحبابي كلها اعلة الثرة توذرت
لا كافلي و لحسين طشرنة وسفة البين
@@@@@@@@@@@
اه يا شمل أجمل شمل ربنا وضع بي كل فضل
كلة محنة وطيب
وياه عشت كل العمر ما فارگيتة من الصغر
بيه الجروح أطيب
ما چنت اضن فد يوم هالشمل اعوفة
كل دنيتي يا ناس من يومي اشوفة
بس الدهر غدار من دز ضروفة
من الكوفة واويلاه شجابچ يكوفة
شفت الرسايل گلبي جرحة انلجم
بالكوفة يذكر من ابوي انحرم
سالت دمعها العين طشرنة وسفة البين
@@@@@@@@@@@
غدارة دنياي وابد اعرف اذا عادت احد
تشوفة الظلم والجور
لكن ابد ما چنت اضن بالطف تزيدها المحن
وتخلي اخوتي انحور
اعرف الدنيا اشلون واعرف محنها
اتفرق شملنة تريد ما چنت اضنها
وبكربلة ياحيف شدت رسنها
وطشرت شملي اهناك ياويلي منها
متحضرة جانت بالمصايب الي
وخلتني وسفة بلا كفيل و ولي
گدامي متوذرين طشرنة وسفة البين
@@@@@@@@@@
گدامي اشوفن عالثرة احبابي كلها اموذرة
من وگف عج الخيل
من وگفت الخيل وشفت عشرة اعوجية شاهدت
بحسيني سحگن حيل
دم ولحم بحسين گدامي دافت
من جسمة يا ويلاه چم وذرة طافت
ريت الحوافر ذيچ بگليبي داست
خلني اشوف الموت ياروحي ماتت
للتلة واني خوية اركض صحت
يحسين چم مرة اعثرت لو طحت
محتارة ادورك وين طشرنة وسفة البين
@@@@@@@@@@@
ردت الكفلني من طحت عباس ياخوية صحت
وبروحي اعرف زين
مابيه يرجعلي بعد شيگوم مصيوب بعمد
ومبترة الچفين
لا يسرة بيها ايگوم مامش يمينة
وبالسهم راعي الجود مطفية عينة
اني ادري عذرة اوياه لو ما يجينة
بس ادري گبت نار روحة الحنينة
الراعي الكفالة گتلة ما قصرت
لچن يخوية بالجرة اتحيرت
عگبك اروحن وين طشرنة وسفة البين
@@@@@@@@@@@
يالچنتو كلشي بدنيتي وحدي شسوي بغربتي
اطشر شملنة وراح
حتة الخيام أتحرگت من الشمل لا ما بقت
ياخوتي بس اجراح
ياهو البعد ارجاه وينشد علية
چا اني وين و وين هاي الرزية
راح امشي درب الشام ادري سبية
وخاف اوصل اني اهناك وافگد رقية
وما يبقى يمي بس علي بعلتة
والله يعينة عالجرة بعمتة
ضلينة بس ثنين طشرنة وسفة البين
موسى حميد الجيداوي
ادري بالفارگ حنين
ابليله ماتغمضله عين
وانه اخوتي الفاركتهم كلهم احنان
............
الي فارگ شخص غالي انگول الله ايساعده
وماتعرف الفگد شنهو غير ناس الفاگده
العاشت اويانه ابمحنه بالاتراب امدده
وادري بالميت عزيزه اليل كله ولاهده
اخ يفراگ المشو اعظم مصيبه
والحبيب ايموت لو فارك حبيبه
ليله بدموع اونين
ادري بالفارگ حنين
وانه اخوتي الفاركتهم كلهم احنان
................
سافرو من عيني غفله ولحد يومك ما لفو
الگضينه ايام حلوه اوياهم اوفجأه مشو
حاسبه الفرگه گصيره بس اهلنه الطولو
انلوج وكت المغربيه ها اجو ها ما اجو
بلكت ايردون ياريحة اهلنه
ما ايحبون البعد كلهم محنه
يعتني لو يدري وين
ادري بالفارك حنين
وانه اخوتي الفاركتهم كلهم احنان
................
العايشه اوياهم حياتي صعبه لو اگولن نسيت
البيت بفراگ الاودهم مگبره ماجنه بيت
والي ينشد وين اخوتج گبلما سولف بجيت
ضهري صار اهلال محني مو كبر من انحنيت
شحال دلالي ابساعات المسيه
اشهگ وعيني تصد للغاضريه
اله بس الله اليعين
ادري بالفارگ حنين
وانه اخوتي الفارگتهم كلهم احنان
.....................
اتخيلت ميته اويه اخوتي وعني الوادم حجت
حتى وي الموت شركه وصدگ لو كالو وفت
وهيه موش الطف سباهه ابموت الاخوان انسبت
وانه ادري اهموم كثره عالدليل اتسابكت
اعليكم الدلال حكه لو يعاتب
لالي اخوه ولابكت النه گرايب
كل اهلنه امذبحين.
ادري بالفارگ حنين
وانه اخوتي الفاركتهم كلهم احنان
.......................
خويه والفاگد شبابه هاي ما ترحم گلب
تجبل الشبان باجر گونه عيد الله الگرب
واحنه الانحبهم جفونه اوسكنو ابين الترب
وسفه شو جنهم نسونه وسكنو اكبور النحب
كون يمنه نعتني ونزورهم
والدموع انصبهه يم گبورهم
عالدلال امعودين
ادري بالفارگ حنين
وانه اخوتي الفاركتهم كلهم احنان
خادم اهل البيت علي الزرگاني
طلعت من الخيمة ركض
زينب مشت صوب الولي
صعدت على التل وتگول
لا حامي يحمينة و ولي
موتي يروحي بكسرتج
وحدي بقيت وماتوا هلي
شيگعد المات ويجينة
محروگة خيماتك ولينة
فرينة من وصلنة الخيول
واتگرب الجيش وبچينة
__
الاصعب ترة من الحرگ
ركضت حرم بين الزلم
خوف وصهل جيش ورعب
غير العطش بگلبي الهظم
فرن على البيدة بركض
وخيل السحگ كسرت عظم
يالطايح وصدرك تكّسر
بصوتي صحت الله اكبر
ابن النبي بين اليذبحون
وبصدرك الحافر تعّثر
___
ردتك عدل لمن اجيت
مو ميت وشابع ذبح
نايم على سهام الصدر
وگلبك غفه بسن الرمح
متوذر وصاير وصل
بألف وتسعمية جرح
يالنايم بشمس الضهاري
وحدي ترة بنص الصحاري
ملهوفة يالضامي اجيتك
وفوگ الرمل مذبوح عاري
__
صدرك شلت وطاح الگلب
شلت الگلب طاح الضلع
ارفع ضلع يوگع عظم
ونبضك وگف سال الدمع
عايف اخيتك والحرم
بالغربة جا بين الفزع
بس النحر شفتك اويلاه
وتحت الرمل طولك لگيناه
من السحگ مطحونه الضلوع
وفوگك صحت ياخوية احاه
_
عطشانة وانعى اعله العِطش
وفحطانة اركض بالفلا
مكسورة والضهر انحنه
ضاعت عشيرة بكربلة
مات الحُسين واهله البقوا
وبجف الغرب راحوا هله
جابوا هزل وامشينة للشام
بنت النبي جا بين الزلام
درب اليسر طف الفواطم
بنص الخرابة رادوا إنام
#محمد فرج الحريشاوي
ليلة الوحشة الحادي عشر
ياليلة الوحشه هونج عليه
من بعد اخوتي وحيده وسبيه
ياليلة ماظلي والي اشتكيله
وآلام المصاب تراهي ثجيله
أحزان الاحباب بعدهم طويله
ما يهده بالي بعد للمنيه
يا ليله ساتر علي بس سوادج
من يطلع شلون ألاجيه صباحج
آ يالهظم آه يروحي شجرالج
يتفرج شلون علي جيش اميه
ياليله صبرج مصايب جثيره
بس ناظرالعين على اكتاري اديره
أتمنى موتى ولا اروح اسيره
مابين الاجناب ونه الهاشميه
شفت آنه بعيوني اخوتي اذبحوهه
وجثثهه بالخيل عمد هشموهه
واخيامي بالنار اجوا واحركوهه
وفرت يتامايه من بين اديه
شظل عندي مهيوب هظمني زماني
و بها لرزايه الكشر صوباني
دهري بأخوتي فجعني وعماني
عمي الدلال بيسر هالمسيه
أجرع مصايب واعد وحده وحده
بس عالشماته شيصبرني وهده
عكب الخدر ذاك عليه يتعده
ويسبني بالمجلس ابن الدعيه
بالونه والآه انه امهبطه الراس
من ابجي تضربني ماترحم الناس
أصرخ أنه اختك دلحك يعباس
موش آنه بحماك يراعي الحميه
اوديعه آنه عندك يكافل جبتني
مابين الاعدآء عجب شو عفتني
لا كتلي رايح ولا ودعتني
ظل كلبي وياك على الشط سويه
بيه الوكت دار عكس مارجيته
وحسابي مكلوب بالطفوف لكيته
وين آنه جانتلي راسي حنيته
و
ماظنه جرحي بعد هذا يشفه
واصوابي للموت يظل يدي نزفه
لمن يجي المهدي بيده ويشده
ويردلي ثاري بطلعته البهيه
ياليلة الوحشه هونج عليه
من بعد اخوتي وحيده وسبيه
ين الدهر هايه ظماهه اليه
ماظنه جرحي بعد هذا يشفه
واصوابي للموت يظل يدي نزفه
لمن يجي المهدي بيده ويشده
ويردلي ثاري بطلعته البهيه
ياليلة الوحشه هونج عليه
من بعد اخوتي وحيده وسبيه
منقولة
*صاح المنادي يوم الحادي عشر من المحرم ونادى ولسان حاله~* طور اخبركم للشيخ محمد درويش~♪
گومي للسبي يا بت حامي الدخيل
استعدي بالعجل ترى حان الرحيل
ودارت للوجه وتنادي الكفيل
وصوب المشرعه دمعتها ساجمه
〰️〰️〰️〰️〰️〰️
صاحت ابو الفضل بحسره وبعتاب
يا حامي هالظعن يالنايم عالتراب
ترضاني انسبي ما بين الاجناب
وطولي ينكشف وخدري بلا حمه
〰️〰️〰️〰️〰️〰️
نادها العذر يختي ومعذره
يِعِز يختي عليّ تروحي ميسّره
وبزنودچ حبال وكم طفل ومره
يمچ عالهزل والمدمع هِمه
خادمة آل محمد✍🏻
طور شال الشهيد حسين~ مسلم الوائلي~ حال خروج السبايا من كربلاء~
من كربله هاليوم ظعن الخدر شايل~
فوق الهزيله زينب تنادي يا ابو فاضل~
〰️〰️〰️〰️〰️〰️
فوق الهزيله راحت مچتوفه هالحره مسبيه
تعاين عالشهيد. حسين وجنازة رميه
تعاين محزوز الوريد من فوق الوطيه
تودّعه بدمعات العين ومنها الجفن سايل
〰️〰️〰️〰️〰️〰️
تعاين ضحايا نومه والمظلوم مسلّب
شافت محزوز الوريد وبدمّهِ مخضّب
وسحقت حوافر جسمه ومعفّر مترّب
صاحت بوداعة الله ومنها الدمع هامل
الوداع الوداع~
خادمة آل محمد✍🏻
https://youtu.be/5iwhLfU5Kgg?si=W5OPldeUGOsMUiw4
*وداع مؤلم يوم الحادي عشر* *لحن اسمع عتابي*
زينب تودع اخوها الحسين~
زينب غريبه ~ والله عجيبه
تودع اخوها ~ وشهالمصيبه
بالونّه والنوح ~ ومدمعها مسفوح
عنك راح ارحل ~ خويه يا مذبوح
راح امشي عنكم ~ ومودعنكم
شمر خولّه ~ يحدي بظعنكم
راسك اشوفه ~ بدر بطفوفه
وجسمك عالتراب ~ سامحني اعوفه
يهل الحميه ~ امشي سبيه
وعالترب نومه ~ بالغاضريه
فوق الهزيله ~ دربي طويله
خليني يمكم ~ يا خويه ليله
الدمعه بعيوني ~ من يسروني
ومدللتكم ~ السوط،بمتوني
جثث وضحايا~ كلهم عرايا
فوق الترايب ~ بارض المنايا
خادمة آل محمد ✍🏻
ويلاه زينب ويلاه
✳✳✳✳
مابيها حيل ام الخدر .. وتصلي كعده من التعب
اخوتها مذبوحه الظهر .. والعصر هودجها انّهب
تسترها ماظلت خيم .. حركوهن وكلشي انسلب
وتعبت رقيه من البچي .. باكو تراجيها الذهب
ومجويه من نار الخيم .. لايح عبايتها اللهب
اللهُ اكبر كربله .. بعد الحُسين ومقتله
متحفيه جم امدلله .. من خوفهن يتراكضن
✳✳✳
بجثت ابنها اتعثرت .. من طلعت تدور الكمر
بنص الدرب شافت عرف .. راس برمح جسمه انشمر
القران طايح عالترب .. وتطشرت كل السور
وسهم المثلث بالگلب .. وطالع السهم من الظهر
حسين على وجهه منگلب .. وماينگطع دم النحر
من ايده كطعو خنصره .. وظلوعه كلها مكسره
وانسلبت اهدومه تره .. والخيل فوگه هوسن
✳✳✳
من وصلت اشافت بعد .. يم النهر لا مو حلم
عباس جسمه يصب دمه .. خافت تلزمه وينلجم
مجفيه يمه جربته .. والكطع جفه مبتسم
زينب يزينب والسهم .. بعيونه ظل ومنثلم
وسهم العطش اكبر بعد .. منه بدت قصة يتم
يم النهر طاح الكفل .. وظلن خواته بلا أهل
بس العليل ومعتقل .. وهنه سبيات انخذن
✳✳✳✳
اه ياكلب زينب حمل .. جم لوعه ومصاب وذبح
بحسين اكثر من الف .. احتارت تشد بيا جرح
وبعد التسعميه ونزف .. طعن الرمح فوك الرمح
والاكبر اكبر كل جرح .. الوجهه احلى من وجه الصبح
هم عالوجه ظل منگلب .. وعبدالله طير بلاجنح
مكسور ظل وبركبته .. دم وسكينه اتلگته
متروي ظنها بشربته .. مات وخواته أيّسن
✳✳✳
علي حسين المنصوري
*مربوعة ليلة الحادي عشر*}
*بعد فاجعة كربلاء*
{١٠}
*تُقرأ بطور المربوعه العراقيه والنجفيه*
*والفزاعيه والتجليبه*
••••••••••••••••••••••••••••••••••••••••••
*جِثْتك يا أبو الأحرار سِحقوها*
*وابلايه دَفِن يحسين خلوها*
••••••••••••••••••••••••••••••••••••••••••
وسفه جِثتِك بالخيل داسوها
بسيوف الحِقد يبن امي ضِربوها
برماح وخناجر خويه قَطْعوها
*وخيامك علينه القوم حِرقوها*
••••••••••••••••••••••••••••••••••••••••••
عاري اعله الارض وامسلب اثيابك
قلبي صاح آ يحسين ومصابك
وبالميدان سابح مِن دمه اخضابك
*وزينب يا أبو الاحرار شتموها*
••••••••••••••••••••••••••••••••••••••••••
يامذبوح صعبه ليلة الوحشه
عالاطفال خويه امن الخطر أخشه
ومِن عُظم الفجيعه روحي مندهشه
*واسكينه ورقيه وخوله ضربوها*
••••••••••••••••••••••••••••••••••••••••••
تاليها العدا يحسين يَسبونه
مِن وجه الصُبح للكوفه يَردونه
نوبه ننشتم نوبه يضربونه
*يبن امي وحرمكم مايرحموها*
••••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
ابلا خيمه بقينه / ليلة وحشة بنات الحسين }
{٦}
⚫جديد / ٢٠٢٤⚫
*طور خاص بخادمات المنبر*
••••••••••••••••••••••••••••••••••••••••••
وكأني ببنات الحسين قد رمين انفسهن
فوق جسده في ليلة الوحشه وهن يندبنه
ويشتكين له ماجرى عليهن هذه الليله :
صُدوگ يا بابه من قال .. الأبو خيمه للعيال
بالوحشه مِسينه .. ابلا خيمه بُقينه
••••••••••••••••••••••••••••••••••••••••••
بنشكي إلك يالمنذبح .. وعذرك نطلبه ابهايه
خيمه على ابناته الابو .. ثاري صُدوگ لحچايه
ابعازة الاثنين المِسه .. واحنه بقينه ابلايه
ماعِدنه خيمه و لا ابو .. وياخذنه حَدر افيايه
افياي اتسوي لينه .. ابلا خيمه بُقينه
••••••••••••••••••••••••••••••••••••••••••
الحادي عشر يابوعلي .. على بناتك مَسه
وجِثْتَك على وجه الثرى .. اسهام ونبل منترسه
يالذي برموشك چِنِت .. ليل البنات اتحِرسه
مو تِدري ليل البارحه .. اشقد يختلف عن هسه
اعتزناك واجينه .. ابلا خيمه بُقينه
••••••••••••••••••••••••••••••••••••••••••
اشقد واقعيه چِلمته .. وبيها صُدوگ حسينه
ثاري الابو خيمه ويلم .. ابناته تحت جِنحينه
احنه العزيزات الذي .. فد يوم ما انضامينه
واعله الموده واللطُف .. يبن النبي اتربينه
بَعداك انولينه .. ابلا خيمه بُقينه
••••••••••••••••••••••••••••••••••••••••••
شك ماكو بالچلمه ابد .. وهسه معناها اعرفنه
مو خيمه لا انت وطن .. جَوّا القلب شايلنه
يالدللِتنه امن الصغر .. حز بالنفِس يِتِمنه
بعدك ماباقي شِي حلو .. وعطف الأبُوّه افقدنه
افراگك عَز علينه .. ابلا خيمه بُقينه
••••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
ياهو ايْحَرِس خِدِرنه /لطمية ليلة الثكالى}
{٤}
⚫ *جديد*⚫
*طور : رديت يابيت الاهل*
*ملا محمد الجنامي*
https://youtu.be/7j0TA6KLFqQ
••••••••••••••••••••••••••••••••••••••••••
*لسان حال الثكالى ليلة الحادي عشر :*
يالنمتوا باحضان الثرى ياهو ايْحَرِس خِدِرنه
نِسوان يِرضيكم نِضَل وَيّه الغُرُب وَحدنه
*ابوحشه نِحس يَهلنه .. هَسه ابتدت غُربتنه*
*هَسه ابتدت غُربتنه*
••••••••••••••••••••••••••••••••••••••••••
چَلْچَل يالِعْزاز المِسه .. ومنكم خِلا يَهلنه
شالدِبره يعيال النبي .. محروقه كل خيمنه
بالهَيمه خِدّر فاطمه .. ماكو غيور ايلمنه
وصار اللي ماعِنده شِيّم .. عينه تِباوع إلنه
واحنه اللي مَظْهَرنه امس ماچان زِلْمِ ايشوفه
وهسَّه يولاد المرتضى ابْنات الوحي معروفه
*بعد الذي كِفلنه .. هَسه ابتدت غُربتنه*
*هَسه ابتدت غُربتنه*
••••••••••••••••••••••••••••••••••••••••••
ليل لِمْفارَق مِن يِمُر .. عالثَكله و اليِتيمه
تتقلب ابوسط النفس .. مشاعر الهضيمه
ابعازتكم احنه يا أهل .. لِمْروه والحَشيمه
ايرد الدلال اللي انقلب .. للطق او للشِتيمه
عَتّم اعلينه هالمِسه و خاف العدو يِقرَبنه
اطفال ويانه و نِسه واحنه زِلِم ماعِدنه
*ريته علي يِحضرنه .. هَسه ابتدت غُربتنه*
*هَسه ابتدت غُربتنه*
••••••••••••••••••••••••••••••••••••••••••
ليلة الوحشه اعله الحرم .. ما تنحِچي امصيبتها
تِدرون مَسبحة ام حسن .. مني العِدا سِلبتها
ومسَّت رُقيه والإذِن .. مِن غير تَرجِيّتها
واطفال مِن نَسل الوصي .. اخيول العِدا سِحگتها
وزين لِعْباد امن الضرب لون السواد امتونه
والنِيه بعد الواقِعه وياكم ايذبحونه
*بهاليله زايد هَمنه .. هَسه ابتدت غُربتنه*
*هَسه ابتدت غُربتنه*
••••••••••••••••••••••••••••••••••••••••••
هَم ليلة الحادي عشر .. مِنه يَحْبابي نِخشه
و امقدِر الله بالهضم .. اعلينه يِرِف ابرِمشه
عالنوگ ايودنه طَبِگ .. وَكت السبي مِن غُبشه
ومِن يَم جِثثكُم بالدمع .. رايح يِصير المَمْشَه
صَرعى على وَجه الثرى ياهلنه بِنخليكُم
و ابلا دفن حتى وغسل بنودِّع اجنايِزكُم
*فوق الهِزِل سَفرتنه .. هَسه ابتدت غُربتنه*
*هَسه ابتدت غُربتنه*
••••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
لطمية ليلة الغربه*}
{٢}
*طور : عافوني وراحوا*
*ملا محمد الجنامي*
https://youtu.be/zHH-UcxZ-GE
••••••••••••••••••••••••••••••••••••••••••
*ياداميِ المنحر*
*قوم اقعد إلنه يالولي .. حرقوا خِيمنه*
*يالجسمك امطبر*
*الحق علينه يالسبط .. سلبوا خِدِرنه*
*بالله يبو الأكبر*
*ياخويه من ايد الشمر .. واسياطه فُكنه*
••••••••••••••••••••••••••••••••••••••••••
يحسين فُكها عينك .. واشلع سهم وِتينك
والحق علينه
واحمي خِدِر خواتك .. وامسح دمع بناتك
خويه انولينه
بنتك رقيه سَلِبوا .. منها قِرِطها
وادماها تنزف يالولي .. من جرح اذنها
وسِلبوا حِجاب الزهره أُمنه .. و مَسبَحتها
خَذوها .. اقطعوها .. نِكايه
دلاليِ اتحسر
ومابُقت ليّه ذكرى بيها .. ريحة أُمنه
*بالله يبوالاكبر*
*ياخويه من ايد الشمر .. واسياطه فُكنه*
••••••••••••••••••••••••••••••••••••••••••
خَوْلي شِتم صفيه .. و قَلها يالخارِجيه
وألم قلبها
بيده ضِربها خوله .. ابخدها علامه خَلّه
وَيّه ظهرها
ايزيد الضرب خويه لَوَن .. يسمع بجيهم
و امن الضرب يبن الزجيه .. شَق عِبيهم
يبن امي و ابعمر الورد .. مارِحم بيهم
يِخافون .. بِلعيون .. ايخزِرهُم
نار القلب تِسعر
انريدك تجينه وبدفا .. حضنك تِضُمنه
*بالله يبوالاكبر*
*ياخويه من ايد الشمر .. واسياطه فُكنه*
••••••••••••••••••••••••••••••••••••••••••
اچفوف العِدا العنيفه .. ابسيف اوكِزوا شِريفه
وقلبي تِألّم
صَدِّق مريد ألمك .. هجموا على حريمك
وسط المخَيّم
سِكنه يبواليمه الجحافل .. روعوها
بالذبح يم جِثْتك يخويه .. هددوها
وبالسبي للكوفه يغالي .. واعدوها
ودمعها .. اعله خدها .. يناديك
وينك يبن حيدر
راسك دِرَكبه اعله الجسد .. وامسح دمعنه
*بالله يبوالاكبر*
*ياخويه من ايد الشمر .. واسياطه فُكنه*
••••••••••••••••••••••••••••••••••••••••••
خويه زَجِر رفسني .. وبرمحه وَرّم متني
وبِيّه تِشمت
رايد يِزَوِدني اهموم .. واقبالي طق ام چلثوم
وبسَكته ونّت
ورايد دِليلي يالولي .. اكثر يِجِرحه
ابنك علي هَدَدني ياخويه .. يِذِبحه
مثلك يريد اعله الارض .. بالدم يِسَبحه
جِراحات .. عَذابات .. شِفِتها
مِنّه لتتعذر
هسه يخويه انريدك .. اتردنه الوطنه
*بالله يبوالاكبر*
*ياخويه من ايد الشمر .. واسياطه فُكنه*
••••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
#حصريآ_جديد🔥🔥
قصيدة جنوبيه ليلة الوحشه
{{ ونريدله وساده }}
حسين اعله الترب - ويريدله وساده
خلتحظر عمـامـه و تحظر الساده
•───✧◐◐✧───•
خلتحظر الساده شيخهم نايم
عالتربان جسمه طشره الظالم
يحظرونه هله وين اهل العمايم
{ مطشر جسمه - يلمونـه }
•───✧◐◐✧───•
يشيلون العميد الطاح عالغبره
يجيبوله چفن وتفصله الزهره
ويم راسه تجي وتنوحله بعبره
{ امه بهل ساعه - تبچي عليه}
•───✧◐◐✧───•
ياساده الحسين يريدلـه اخــوان
تحظرله العشيره ويجي الدفان
ويشيلون جسمه لفوك تربان
{ من التربان - يشيلونه }
•───✧◐◐✧───•
اسمعنه الي يموت اهله يحظرونه
فوك جتافهم والروس يخلونــه
بس حسين بالخيل ويدوسونـه
{ مطشر ليش - يخلونه }
•───✧◐◐✧───•
دم وتراب صاير جسم ابو سكينه
وزينب من اجت ماعرفته وينـه
احلفك بالزچيه تصيح رد لينـه
{ احمولي بعوزك - يالوالي }
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
لايجوز حذف براء الذمه من القصيده
بنات رسول لله
نـعـرفــه ايـوفّـي بـالكـلـمـه .. وديـنـه
خبـر للضل عـلـه الـشـاطـي .. وديـنـه
نـگـلـه احـترگـت اخـيـمـنـه .. وديـنـه
يـبـو فـاضـل تـضـل لـو بـيـك جـيـه
*-----------------*-------------*
✍خادم الحسين ع
الشاعر رعد الجريخي
*لطميه لسبي مُدلَلات الحسين*}
*عليه وعليهن السلام*
{٤}
⚫ *جديد*⚫
*طور : السلام عليك*
*ملا باسم الكربلائي*
https://youtu.be/ZpoOhnF4IIA
••••••••••••••••••••••••••••••••••••••••••
وكأني في اليوم الحادي عشر من المحرم
حينما ركِبن مُدَللات الحسين على النياق الهزيله
جعلت كل واحدة منهن تودع اباها وترثي
ايام عزها ودلالها ، هذه صفيه ، رقيه ، سَكينه ، خوله والفاطميات يصحن الوداع الوداع :
*يا أُبونه الدَلال .. اوياك راح انودِّعَه ٤*
••••••••••••••••••••••••••••••••••••••••••
في زمان الذِكرى چِنه امدلِلاتَك
والله يرحمها المَعزه اللي ابحياتك
••••••••••••••••••••••••••••••••••••••••••
ابيت ينبض بالحنان احنه رُبينه
وهسَّه بحبال السبي ايْچَتفون ادينه
••••••••••••••••••••••••••••••••••••••••••
والقلب مِن عِدنه عالرِقه تِعوَّد
مو على اسياط وضرب لِمْتون تِسْوَد
••••••••••••••••••••••••••••••••••••••••••
اتعلمينه اعله العَطيه يا أُبونه
مو تِجينه انذال غصب ايسلِبونه
••••••••••••••••••••••••••••••••••••••••••
عِشنه بوجودك يبو الاكبر هَنايه
وكَلفه ضَنْوات النبي تركب مُطايه
••••••••••••••••••••••••••••••••••••••••••
والتِربّت عالمَهابه اوَيَّه المكارِم
اشلون تتحمل أذى وسَب وشِتايِم
••••••••••••••••••••••••••••••••••••••••••
بِينه عِفة فاطمه سِت النِساوين
واحنا رَبَّات الستر ندخل دواوين
••••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
ياسوادة لو اجيتي تروعينة
ياسوادة كافي كل الصار بينة
فاگدة اخواني وغريبة والعلي اشكي المصيبة
@@@@@@@@@
عگب المذابح والجرة بطف كربلة وميدانة
وذبح الحسين وخوتة وكل ولدة وصحبانة
بعد ما ضل واحد الزينب حماية
ونار خيمتها جوت حتة العباية
احتارت ابين اليتامة والسباية
اتواسي ذيچة ساعة ساعة تواسي هاية
بحيرة صاحت ياعلي بوية الحگ النة
بحيرة صاحت بلا رحم ذبحو زلمنة
زينب اني والحبيبة والعلي اشكي المصيبة
@@@@@@@@@
دارت وجها وللغري تشكي المصايب كلهن
تگلة بناتك ياعلي بلا والي والحگ الهن
بليل أظلم موحش وشافت سوادة
اتگلها احلفچ بالله وباطهر عبادة
البينة صار اكفاية ما نحمل زيادة
اتغربت واني الأميرة وأهلي سادة
روعونة عگب طيحت كل اهلنا
روعونة بنارهم حرگو خيمنا
وليلي گاضي كلة ريبة والعلي اشكي المصيبة
@@@@@@@@@@@
ايگللها بوية اني علي من الغري اتعنيتچ
جرحت دليلي شكوتچ يالبدمع ربيتچ
اه يا زينب لچم گلبي ونينچ
ادري بالهم والحزن خلصن سنينچ
چم مصيبة وفاجعة الشافتها عينچ
عالمصايب بوية الچ متعني اعينچ
اني حيدر جيت الچ حارس يزينب
اني حيدر گلبي الچ يابوية يلهب
الجثت حسين السليبة والعلي اشكي المصيبة
@@@@@@@@@
تشكيلة بوية بلا رحم احسيني ذبحو نحرة
وما كفة يابوية الذبح بالخيل طحنو صدرة
وعباسي يابوية وگع فوگ الشريعة
وولدك صفو بوية ذبح فوگ الوسيعة
والله اكبر ياعلي شهاي الفجيعة
وعيال يمي استودعت واني الوديعة
ايگلها بوية اني جيتج للحراسة
ايكلها بوية حسين ذابح گلبي راسة
ومو بعيدة امچ قريبة والعلي اشكي المصيبة
@@@@@@@@@@
گلتلة بوية لو صحت باسمك علي يشتموني
لو ابچي بسياط الحقد فوگ الجرة يضربوني
بوية ما رحموني وتمادو علية
ضربو اسكينة وغصب رعبو رقية
اني زينب شدو احبال ابادية
عالهزل يردوني بوية امشي سبية
هذا حالي واني بنتك يالصميدة
هذا حالي وعكب خواني وحيدة
بديرة الشامت غريبة والعلي اشكي المصيبة
موسى الجيداوي
مهمُومه أمشي بهالخطَر
بعيُوني مذبوح النظَر
واحساسي ظل يَم النهر
ينزف دِمه اعلى الماي
**
روحي السَجينه ابهَم حَسرِتي
تصرخ يَويلي امن الألم
وبَعد الوِنين اترد شَهگِتي
مامِن تسَاهِل لا رحَم
والسَلوى صارت بس دمعِتي
بفگد الخِدر واهل الشِيم
نَفسي مذبوح .. بدَخنة وتِـرُب .. بين الغرُب
زادَت بِليتي
گلبي مجروح .. وانتَ الدوه .. وريح الهوه
ليدَاوي رِيتي
ويحمِيني من ضيم الدهر
ويمنَع عن ايّامي الكدَر
ويسنِدني لو دار القدَر
ويمسَح دموع ابچاي
ينزف دِمه اعلى الماي
**
ماهَمني زَجر وكِثر الحچي
ونزف البِدَيه امن الحَبل
هَمني العَـنيد المِنتچي
يضرب ثنايا المنچِتل
والخلّه بيّه ايزيد البَچي
يلهَج بُقى بشَتم الأهل
بدِيوانه چان .. ينگِط حقِد .. نادَى العَبد
إجلِد مَتِنها
موعِدها حان .. وصّاني ابي .. ومن النبي
الثارات اِخِذها
ولُو خُوتي عندي ماجِسَر
بسيَاطه يجلِدلي الظهر
وينظرلي بعيونه الشَرر
ويحچي بصَلافه اوياي
ينزف دِمه اعلى الماي
**
ابرَاگ النهر مذبوح الولي
وجِدمي المشَه بدرب الذبح
سيف الشِماته ايحِزني وعَلي
وعيني التناظِر عالرمح
راس العزيز الينظِر إلي
وعينه التصِد ليل وصُبح
طِعنات ارمَاح .. ذكرى الإخو .. بدار العَدو
اليشفِي بغَليله
الدلّلني راح .. عطر بهوَه .. وضاع الضوه
بساعة رَحيله
مهيْوبي عباس الگمر
اليدفَع عن الحرّه الضَرر
شما عانَد الهم وكُبَر
وينشِر دفُو بدنياي
ينزف دِمه اعلى الماي
**
ناگه الهَزيله ودرب السبي
منهِن شفِت كَسر الظهر
وشتم الزچيه وسَب النبي
شيَّب فؤادي گبل الشَعر
وأذّاني شِمر الناصبي
بجَلدي العَبِد مالَه أُمر
والگِيته هاد .. ينهَر علَي .. وانا البِدَي
گِيد المُصيبه
والبِيَّه زاد .. شِفت الطفل .. هام وجِفَل
وشلون اجيبَه
والهَيمه بحدُود البصَر
لُو بيها تاه ولُو عِثر
صَحره وخَطر بيها انتِشر
ويملِيها جيش اعدَاي
ينزف دِمه اعلى الماي
=============
لقمان لعيبي البدران.....
راح الجان صيوان بارض الغاضريه
مات وهوه خجلان من سكنه ورقيه
صاحن كلهن بصوت شوفك رايدينه
باجر تكظي الحروب ونرد للمدينه
راح الجان صيوان بارض الغاضريه
[ ]
ليلة وداعك حزينه والدمع يحدي بخواتك
والعيون تريد ملكه والظهر غابت حلاتك
نفجعت سكينه برحيلك طولت مو من صفاتك
الماي لو مو ريجك انته جاصبح من ذكرياتك
صاحت ياهل الضعون حرتكم سبيه
مات وهو خجلان من سكنه ورقيه
سطر بالملاحم من شاف الفواطم
بارض الغاضريه
شبيها الايام ويه خدرك وباليسر يمشن سبايه
خظرت بيهن ملامح للكمر بس ماكو رايه
تذكرن عزهن يوالي وهسه مسلوبه العبايه
صارن هناك الوسيله ياشهم بس ماكو غايه
دخيلك ربي هاليوم كربلي المنيه
مات وهوه خجلان من سكنه ورقيه
تعب كوسر جلاي ليش بلا وفه الماي
بارض الغاضريه
شمحله طاريك يغيره من اسمع الشامت يذكرك
طولت يم الشريعه وانه كل لحظاتي انطرك
جودك وجفك جفني وظهري مكسور على ظهرك
اني متبديه على طولك وعالترب متبدي عمرك
روحه بروح الحسين وعيونه على اخيه
مات وهوه خجلان من سكنه ورقيه
انطر هيبتك وين تعال وشوف الحسين
بارض الغاضريه
اول وداع الفواطم جنت يم الخيمه حاظر
ننحب على وداع الاكبر وليك مشبوحه النواظر
مامش ويه حسين غيرك وانته بين اثنين حاير
بين موتك يا ابو فاضل وبين ياهو اليبقه باجر
باجر كلها شمات وتسب الزجيه
ومات وهوه خجلان من سكنه ورقيه
خابت كل الضنون ميت ضي العيون
بارض الغاضريه
علي رشيد
راحت ذيج ايامــي الجانت تضوي الضلمه
ويه خواني شمحله الگعده ومــــحله اللمه
فـــــــرگاكم تعبني
كل لحضه يعذبني … وماضلت راحه
--------------**
على خواني انهدم حيلي تجرح فـــرگة الخوه
بقيت لوحدي بين الناس ادور خـــــواني واتلوه
اجـر حسرات واتنفس وادفــــــــــع بالنفس گوه
على التله اصعدت عباس وذكرت ايامنه الحلوه
كالساع اتلفت وانــدبهم مــــا بين الغربه
الفرگه الذبحتني يخواني مو سوط وضربه
وكتي وين دوهني
كل لحضه يعذبني … ماضلت راحه
--------------**
طلع شيب برمش عيني وين خواني شو سكته
هــــــذاك نايم اعله الماي وذاك الخيل ساحگته
عثرت بأبني ولا هميت وشفته وكتله هـذا انته
عـــــون اعذرني يوليدي خوالك حيلي ماخذته
جا وين الجانو لو حشم يحضروني ابسرعه
ذوبني مــــــــــجافهم كلهم مـــــثل الشمعه
بس الضيم يوصلني
كـــل لحضه ايعذبني … ماضلت راحه
-----------------**
ردي گلي يازينب بعد مـــــــا بيه حيل جروح
حسين يلوب گدامي وابو فاضـل غده مذبوح
عـزاز وكلهم اعله الگاع وينه البالحرب مملوح
شرّد ومــنكسر ضهري الراحو اغله مـن الروح
رديت وگلبي ايأذيني ومــــــو مالت رده
يحسين اعذرني من جيتك مجانك شيسده
غيابك نار تحرگني
كل لحضه يعذبني … وماضلت راحه
-----------------**
جـا جيب اليسكت الروح ويعوضني ع الفرگه
رجعت يم الخيم گوه بكثر ما روحي محترگه
لكيت خــيامي مستعرات مــــا بيهن ولا ملگه
وكل اطفالي متطشرين منهم ضـاعت الشبگه
المن اشكي وما ضل احد يمي واشكيله
حلمي تفرهد مـني بساعه مو يوم وليله
وين الجان كافلني
كل لحضه ايعذبني … وماضلت راحه
-----------------**
مو بس الجرح يلجم الهضيمه تذبح الحرمه
من تشوف اخوها يموت وجسمه ناگع بدمه
متت لمـن شفت عباس يطيح منين ما لزمه
وهذاك حسين فوگ الكاع حيره ياهو اليلمه
تمنيت الــــموت بهالحضه خاطر ارتاح
مـــن شفته اكبالي يتبسم وجه الذباح
من يضحك يذبحني
كــل لحضه ايعذبني … ماضلت راحه
-----------------**
خادم القصيده
عزيز المياحي