7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
يلي حاسب روحك اعالصادق
صير قيس و للشعائر عاشق
…………………………………………………………
للمجالس صح حضورك مستحب
بس على العشّاق عالاحوط وجب
عندك ايمام التوذر وانسلب
وانت ما تحضر تخاف من التعب
راسه ظل عالرمح لجلك عالق
صير قيس و للشعائر عاشق
…………………………………………………………
اسمع اشكال والك ماظل عذر
قالَ هلْ تحيونَ للآلِ الذكر
ولله احب ذوله اليلطمون اشكثر
ذوله شالوا عن درب زينب جمر
صوت وبحب الهواشم ناطق
صير قيس و للشعائر عاشق
…………………………………………………………
شفتو من داعش لراضيكم سحگ
الخدم هي العشگت ازمور التفگ
للسواتر واحد الواحد سبگ
من زناجيل اللطم شدوا علگ
جيش لرگاب النواصب ساحق
صير قيس و للشعائر عاشق
…………………………………………………………
للفواتح دوم ما گاطع جدم
للبعيده تروح متروس ابعزم
بس فواتح فاطمه الهن ما تهم
مو فلوس ابدمعه تكتبلك اسم
بين ذيج وهاي شوف الفارق
صير قيس و للشعائر عاشق
…………………………………………………………
بالمواكب مصنع الغيره انوجد
هيبه سوّت للخدم هيبة اسد
ابكلبه چانون اعله زينب ما خمد
راسه مثل الكمر حار وما برد
ملك يل خطواته بيهن واثق
صير قيس و للشعائر عاشق
…………………………………………………………
العازه الك ياخوي مو لم الحسن
شلون بيك بيوم معشر والمحن
لا اديك التشهد ابرده الطمن
عيون للحركوا خيمهن ما بچن
ليش لقراية بنيني اتفارق
صير قيس و للشعائر عاشق
…………………………………………………………
اذا ماخذ هل قرار وما تجي
چفنه شرك لا تأذينه ابحچي
بكل وقاحه وعل مساند منتچي
للرياء اتگول كل هذا البچي
انت گاع واحنه نجم الطارق
صير قيس و للشعائر عاشق
…………………………………………………………
✍️ ( سيد خضر الزاملي )
⬛️🔳القصيدة-4-🔳⬛️
لاتـَلُم ْ فالمصابُ أبكىٰ عُيوني
بانَ منهُ السوادُ فوقَ جُفوني
صادقُ الطاهرينَ يَقضي شهيداً
بعدَ سُمِِّ العِدا وحقدٍ دفين ِ
جعفرٌ لم يزلْ كنجم ٍ تلالا
نورهُ ظاهر ٌ علىٰ الخافِقين ِ
إذ لهُ في العلومِ شأنٌ عظيمٌ
لتِفيضَ الأفكار ُ في كلِِّ حين ِِ
يُستَقىٰ العلمُ منهُ غضّاً طرياً
فهوَ بينَ الأمواجِ مثلَّ سَفين ِ
بينَ أيدِ الشقيِِّ يُوليهِ شتماً
لِـيُذيقَ الإمام َ ريبَ المنون ِ
غالَـهُ في الخفآءِ شُلّت يداه ُ
كيفَّ سّمَّ الخؤونُ خيرَ أمين ِ
وعليهِ الأهلونَ باتوُا حَيارىٰ
بينَ باك ٍ نعىٰ وبينَ حزين ِ
وسميُ الكليمِ موسىٰ رَثاهُ
بدموعٍ ولوعةٍ وحنين ِ
#سمير_الصالحي
#النجف_الأشرف
🌑 نعي __ موشح
اليوم مات العلم والعالم فجيع
خلي تفزع كل بني هاشم سريع
جعفر الصادق گضه بسمٍ نجيع
ودارت عليه كل هله و احبابه
واحد يسبل ايديه ويجَبله
اواحد يغمض عيونه اويِعدِله
بيده الكاظم الگام يغسله
ظل يلوج وعبرته سچابه
بس ابو السجاد ياويلي عليه
ماگرب يمه ولي وادنه ليه
يغمض عيونه ويمددله ايديه
يامصيبه الزادت اعله امصابه
#سمير_الصالحي
#النجف_الأشرف
#سمير_الصالحي
#النجف_الأشرف
لاستشهاد الامام الصادق عليه السلام
موووت ،، كلهن سنينك
موووت ،، ربك ايعينك
تتذكر الطف والسبي
والنار وخيام وعبي ويلي
*
عمره دمعاته
ويه صفناته
الصادق ونوحه
يحچي مآساته
تمر كل الليالي وعينه هماله
وتظل صورة المنحر شاله احواله
جسد مطروح بالطف جوه خياله
چف يم النهر وعيون تبراله
موووت ،، ذبحو حسينك
موووت ،، ربك ايعينك
تتذكر الطف والسبي
والنار وخيام وعبي ويلي
**
يا بچي احساسك
يحرگ انفاسك
خيمة ايتامك
شيبت راسك
كل طبگت چفن يتصور المنظر
ويشوف الحيره طبت خيمة الخدر
نار بكل كتر خوف وسبي وي الحر
بين التنشتم بين بحبل تنجر
موووت ،، يلأخو وينك
موووت ،، ربك ايعينك
تتذكر الطف والسبي
والنار وخيام وعبي ويلي
*
علنهر صوره
رايه منحوره
جربه عطشانه
وطفله مكسوره
كفيل اعله الشريعه هناك ما يرجع
تحت ذيچ الحوافر وسفه يتوزع
وي روح الگمر روح الحرم تطلع
مو ماي الدمى من الجرف ظل ينبع
موووت ،، آه يچفينك
موووت ،، ربك ايعينك
تتذكر الطف والسبي
والنار وخيام وعبي ويلي
*
خيمه بردانه
طفله تعبانه
تحچي مهضومه
محد ويانه
يا حال اليتيم ومات كل الحگ
الما عنده أبو ليش برمح ينطگ
مو من البچي من الخوف صار ازرگ
الصفحه البيضه ليش بحقد تتشگگ
موووت ،، واحنه ناسينك
موووت ،، ربك ايعينك
تتذكر الطف والسبي
والنار وخيام وعبي ويلي
*
صادق الدمعه
هم الك رجعه ؟
بدولة القائم
صوتك نسمعه
تطالب بالضلوع بخيل مسحوگه
رمح شال الوجود وحرمه مخنوگه
سبايا بلا كفيل وخيمه محروگه
طفله اتشم ابوهه وانتهت فوگه
موووت ،، كربله بعينك
موووت ،، ربك ايعينك
تتذكر الطف والسبي
والنار وخيام وعبي ويلي
كلمات الخادم / رعد الفريجي
فزاعيه
في مصاب الامام الصادق عليه السلام
صاحت فاطمه الزهره
يالصادق ياضي عيني
——-
سمك يمه عذبني
وآنه ابقبري لوعني
امصابك يمه يفجعني
جمره ابقلبي تجويني
———
مايكفي العمر لوعوك
وامرار وغصص ضوْكوك
اعليمن يالولد سموك
عالي اعليكم اونيني
——-
ظني قلبه مو رويان
مثل الظامي ظل عطشان
واعليه القلب لهفان
آيا لوعة ابنيني
———
شدنه اللطم وياي
دوم امقابله النعاي
ماهود ابد مبجاي
بالونه تسريني
———
ام وفاقده تدرين
ما يهمد مسيل العين
انعى الغالي ابني احسين
اون اعليه تدريني
———-
بنت الشمري
آ يالدهر .. چبده انفطر
ابن النبي مولانه
@@@
رمز الطاهره والتقى والعفه
مولانه جعفر هالمسه يتوفه
متسمم الليله وغمضها ألطرفه
…
ابسم الدعي .. صار النعي
اظلم حزن دنيانه
@@@
ابذكرى وفاة الصادق او توديعه
هالليله قيموا للعزه ياشيعه
او واسوها امه الطاهره لوديعه
…
بيها الگلب .. دم منخضب
ضنوه وغمض اجفانه
@@@
شيخ الايمه الصادق بهالعتره
من الظلم مات ابچبد منفطره
وتحضر عزاءه ابهالليالي الزهره
…
ابظهر انحنه .. تبچي ضنه
ابجمر الحزن خلانه
@@@
هيبة محمد وي علي بوجوده
حسره نشوفن جثته ممدوده
وايدينه بخيوط الچفن مشدوده
…
ضي المقل .. لحده نزل
اوسط اللحد لدفانه
@@@
ناح الحلم وي منبره والابرار
وناح گبر طه نبينه المختار
وارث علم ويه كنوز الاسرار
…
ماضل بعد .. بدر السعد
وكل شيعته بحزانه
@@@
روح القدس لجله عله صوته وناح
سيد المذاهب جعفر الليله راح
والجعفريه ابفرگده اتلوج اجراح
…
صبر انفتل .. ابسم انقتل
واتغيرت الوانه
@@@
لانه ادى للهدى كل دوره
وترجم معاني مأوله ابكل سوره
راد الظلم تالي ويطفي نوره
…
ونوره الوفي .. ماينطفي
لربنه وعد قرآنه
@@@
للصادق اغتالوا لچن مايدرون
بالخيبه تالي هالطغات ايردون
لو فتوا چبده ولو ضريحه ايهدمون
…
شامخ يضل .. قمة جبل
ضد كل دعي وطغيانه
@@@
علي أحمد الحمود
٢٩-٤-٢٠٢٤
شهادة الصادق ع
دمعي جاري
اشيطفي ناري
جنها داري / الغاضريه
بيتي يلهب
وآنه انحب
لعمتي زينب / هالمسيه
جعفر الصادق تراني / بيه إرحم يازماني / سهمك الماضي رماني _ وصحت ويلي
مافِتر نوحي اونيني / من السهر ذبلانه عيني
حزني اطول من سنيني / وصحت ويلي
هيه حيره امنين ابدي / من أ ميه جرحي يدي
خلت دموعي اعله خدي / وصحت ويلي
جاس المر جرعته من بني العباس
وعله جر النفس خلو عليّ حرّاس
ماكو لحظه _ جفني اغمضه _ وكلبي نبضه _ من لهيبه
الراحه دمعه _ وعمري شمعه _ المن أنعه _ ليا مصيبه
****
ماشفت بالدنيه راحه / عمري خلصته مناحه
حلمي مذبوح بصباحه / آه يروحي
شالت اهموم ومصايب / كلبي من احزانه ذايب
نكلة اجدامي متاعب / آه يروحي
امن المدينه غصبن اطلع / ودعتها وعيني تدمع
الكوفه والنوب الها ارجع / آه يروحي
هالدنيه بغدرها والله معروفه
وبأجدادي شنسه شعملت الكوفه
بغربه حيره _ ابلا عشيره _ وجهي اديره _ الجدي حيدر
حامي جاره _ بذولفقاره_ يطر مزاره _ ولِّيه يحضر
*
حاوطو داري بحقدهم / وجمعوا ابابي حطبهم
أطفي بالنار او اكلهم / شنهو ذنبي
لأن آني ابن الزجيه / يحترك بيتي عليه
محد ليفزع اليه / شنهو ذنبي
والحرم مرعوبه ركضت / وحده تبجي وحده عثرت
بالجمر ايدي تجوّت / شنهو ذنبي
هالموقف نظرته او هاجت احزاني
أخذني الكربله العاشور وداني
بيتي شفته _ الطف ذكرته _ حزني عفته _ والجرالي
جم يتيمه _ ابلايه خيمه _ والهضيمه _ ابلايه والي
****
الجره اعليه يشيعه / خذني يم أرض الفجيعه
اذكر حسين اورضيعه /وابدي انحب
والكمر بيّن خسوفه / عالنهر طاحن جفوفه
عليّ راح ابنبله شوفه / وابدي انحب
والشباب اليّ تعفّر /جسمه عالغبره تطشر
جن رسول الله توذر / وابدي انحب
ياعريس هذا للجفن يلبس
عليّه طشت سيوف ابدال الملّبس
آه يعمتي _ وشحملتي _ الكافل انتي _ صبرج آيه
وعالهزيله _يالعقيله _ مو قليله _ جنتي رايه
***
إجرعت سم المنيه /وضاكت الوسعه عليه
ظلت ادموعي جريه / هايشيعه
كمت الوج اوجهي اصفر/ جن احس جبدي توذر
كلبي من السم تفطر / ها يشيعه
بس اكولن هيِّن امري / الشمر ماحزلي نحري
الخيل ماداستلي صدري / هايشيعه
ولاجسمي ثلث تيام عالغبره
ولانسواني راحت ياخلك أسره
ماإجوني _ سلّبوني _وتركوني _ عالترايب
الماي اشربه _ والله صعبه _وجدي كلبه _ بحره ذايب
***
خادم الحسين عليه السلام
علي الطيار الكربلائي
٢٠٢٤/٤/٢٥
١٦ شوال ١٤٤٥
شهادة الإمام الصادق عليه السلام
طور : إنتي أمي وعدة أطوار أخرى ..
.
.
أمك الزهره واجيتك .. أبچي عند اجنازتك
آه يالصادق ييمه .. مرمرتني امصيبتك
عالنعش يبني أنوح .. وزادت اعليه الجُروح
أمك الزهره واجيتك .. أبچي يمك يالولد
خامس أولادي ييمه .. وتنذبح بالسم بعد
ما سفت راحه بحياتك .. او لا شفت يبني السعد
چم مُصيبه شاهدتها .. وتالي صارت ذبحتك
عالنعش يبني أنوح .. وزادت اعليه الجُروح
چم مُصیبه شاهدتها .. واذْكرِت طف كربله
دارك اعليك احرگوها .. وروعوها العايله
بيهم اتذكرت زينب .. والمدامع سايله
واذْكرِت بابي ومُصابي .. ولَيَّه زادت لوعتك
عالنعش يبني أنوح .. وزادت اعليه الجُروح
وهالمسيه يا حبيبي .. ايمددونك بالگبر
ويلي لعمرك ييمه .. طَفَّوا اسنين العمر
احضرك هالليله يبني .. وأنسى يا يمه الكسر
المهم ابروحي اضمك .. يبني واحضر دفنتك
عالنعش يبني أنوح .. وزادت اعليه الجُروح
____
#فاطمة_كريم
🏴 ذكريات المصاب 🏴
● في استشهاد قائد المذهب الإمام جعفر الصادق عليه السلام ●
● وزن {البحر الطويل} ، تقرأ كنعي بطور {لفى عاشور} ، وتقرأ كلطمية بعدة أطوار أخرى ..
.
.
.
آه يمولاي .. آه يمولاي .. آه يمولاي .. آه
آه يمولاي .. آه يمولاي .. آه يمولاي .. آه
〰〰〰〰〰
صدق چبدك يوالينه .. مسمومه وتشب نيران
صدق مآلوم يالصادق .. ومن اسمومك صرت وجعان
لكن جثتك مولاي .. ما ظلت على التربان
ولا داسوا على صدرك .. خيالة بني سفيان
〰〰〰〰
صدق ميت غدر مظلوم .. بس ظل راسك امچانه
ما قطعوه ولا رفعوه .. اعله روس ارماح عدوانه
ولا سلبوها ايتامك .. وفرت كلها فزعانه
أويلي يامصاب احسين .. عليه تنحب يمولانه
〰〰〰〰
وبعد أذكر يبو الكاظم .. صدق حرقوا عليك الدار
وفرت تركض اعيالك .. مرعوبه بحريق النار
لكن مو مثل لحسين .. جرى اعليه الذي ماصار
حرقوا خيمته وأهله .. يضربوها العدا الأشرار
〰〰〰〰
ما فرت إلك طفله .. تركض و الجمر مضروم
و إجت محروقه رجليها .. يم جسمك تگلك قوم
ولا اتشوفك بليه راس .. وجسمك صبغته لدموم
أويلي لمحنة الطفله .. رقيه ومحنة المظلوم
〰〰〰〰
تمت بحمد الله تعالی
بقلم / فاطمہ كريم
نسألكم الدعاء لتعجيل الفرج
يا أباعبـــــــــــــــدالله
الفاتحة مع الصلوات إلى روح والدي
لاستشهاد الامام جعفر الصادق عليه السلام
(وزن شيعتي)
يبن خير الانبياء انته مدرسة العطاء
سيدي جعفر الصادق
★★★★★
المنهج الفكري واساسه وكل مضامين العقيده
اتراجعت عنه المذاهب مذهب الطلعه الرشيده
والمناهج خبر صارت عن نهج طه بعيده
وهذا نهجك من محمد ورايد ال الله يريده
والأصل من كربلاء انته مدرسة العطاء
سيدي جعفر الصادق
★★★★★
عجزت اعلام المذاهب تشهد اعليها المواقف
تحچي عن منطق وحكمه ويلحچي غيرك سوالف
أول وماغيرك أول قدت ميدان المعارف
عشت بانفاس أحمديه الك مَيَّالَه العواطف
وللعلم رافع لواء انته مدرسة العطاء
سيدي جعفر الصادق
★★★★★
جعفر الصادق أمامي ياامام الجعفريه
ياغياث الدين انته وحجة الله على البريه
اتحملت زمره لئيمه تريد حكم الجاهليه
رادوا ايزيحون عنهم نور من حامي الحميه
رغم كل هذا العداء انته مدرسة العطاء
سيدي جعفر الصادق
★★★★★
تسع مرات المنافق حاول أيذَبَّل او رودك
من خطر اصبح عليهم يا ابوالكاظم وجودك
غاضهم علمك الزاهر وفكرك وكثرة سجودك
صار اسمك رعب إلهم حيَّر الظالم خلودك
قدمت روحك فداء انته مدرسة العطاء
سيدي جعفر الصادق
★★★★★
مره يتجسس بغفله الظالم أيدَوَّر أخبارك
ومره يرسلك مجادل مافهم حجة اسرارك
ومره يختبرك ابماله وماعرف قوة قرارك
ومره لمن عجز عنك شعل بالنيران دارك
وأبد ماهزك بلاء انته مدرسة العطاء
سيدي جعفر الصادق
الشاعر حسن لعيبي الحريشاوي
موشح للامام الصادق عليه السلام
انت ميزان العداله الناطق.
توئم الحق يا أمامي الصادق.
...................................
يا ..منار الكشخ بفكاره الزمن.
ناطق الحق في عقر دار الفتن.
جف اميه وبني العباس التقن.
ما لون .جف العزيمه الواثق.
......................................
يبقى تاريخك مجد لهل المجد.
وبثباتك عاندت نهج الحقد.
بكلمة الحق مو بسيفك هددت.
بكلمتك اصبح فعلهم زاهق.
........................................
تغلبّت موج الفتن ذاك العصر .
يا امامي الواجهت اشرس مكر.
يل جمعت بثورتك حكمه وصبر.
وبنهج خصمك ابد متوافق.
..........................................
ياشمس تضوي ابمضامين العدل.
يل شعارك صادق القول وفعل.
الحكم أميه يبو الكاظم ماتذل.
ويم بني العباس صرحك شاهق.
.........................................
من بعد ماشاهدوا بيك العزم .
اتحاشمت بالمكر اشباه الزلم.
حركَوا وظنهم بعزمك ينثلم.
استيقنوا انت الشديد الراتق.
......................................
لجئوا الادهى المخادع والحيل.
اتفقوا ايسمون ابن خير العمل .
والدوانيقي ابفعلته ادمى المقل.
الكافر الزاني الحقود الفاسق.
........... ..........................
ابو منتظر الحجامي.
للامام الصادق ع
.
.
.
مانعــتـب لان مايســوه العـــتاب
على الي سوه گبر الصادق اتراب
ناصـبي اكـيد
ومرجعه يزيد
مايــسوه العــتب
___
بعــض البــشر تشـعر غـيض بنــفاسه
واذا اتقيــسـه ابــو سفــيان مـقـياسه
الحاقـد شـي طبيـعي يقـتدي ابـناسه
الجهل والجاهليه امعشـعــشه ابراسه
حـظ ابراسه ابدن هذا مـيصير
شتحاچيه وعنده مـاكو تفسير
والحچي اشيفيد
ومرجــعه يـــزيد
مايــسوه العــتب
___
الهـَـدم مــرقده ظــن تـنمــحي اثاره
وهابــي والــوهــابـي مــا الــه چــاره
يجـي يوم وتجيــكــم مــشـي زواره
من يظــهر الــمهدي ويـاخــذ ابثــاره
رايــة ابــو صالـح لـمـن انـشيل
مواكب نجي وندگ يمه زنجيل
واليبقه وحيد
ومرجعه يزيد
مايــسوه العــتب
___
الأسس جامعه وهالجمامعه الكبره
معــقوله جـــزاءه ينـــهـــدم گـــبره
بــَدل ما فوگـة گـبه تنبـني وحظره
هـدمـو گبــته وخـلـو علـيه صخره
لحايه اكبار بس اعقولها ازغار
شمفهـمهم اهل اثياب الگصار
الجاهل العنيد
ومرجعـه يزيد
مايــسوه العــتب
___
الامم لوعدها مثله هيچ شـخصيه
چــا سـَـوّله قــبــه ابعلــو الــثــريه
چا صحنه انبنـه ابكــبر السـعوديه
اعقول امحـجره شيفهم الوهـابيه
متحـيرين بيهـم احنه شنگول
مامعقوله ذولــه عدهم اعقول
العقله مو رشيد
ومــرجعـه يزيد
مايــسوه العــتب
___
الهــدم مرقــده ظـن هــدم المذهب
مذهب جعـفر ايضل سيف المجرب
گــالو صــفــوي والــصـادق امــعرب
مابيهــم شريــف وحــتـى يتـــعتب
زمره ابلا وعي وبلايه تفكير
ماتعرف فـقط كلمـة التكفير
العالوعي بعيد
ومرجـعه يزيد
مايــسوه العــتب
___
هــمــه اتوهمــو هــدمـــو بنـــيانه
ظنهم على الشيـعه ايضيع عنوانه
ضريحه بكل گـلب مفتوحه بيبانه
الشيعي اســم جعــفر دوم بلسانه
يجي يوم ونروح الگبره حملات
ونبـنيله صحـن واربـــع مــنارات
الهذي المايريد
ومرجعـه يزيد
مايــسوه العــتب
___
حيدر تركي الكربلائي
للصادق اليوم اعتنت فاطمه
بدمع المصيبه الجارية امحزمه
اتصيح اه يبني
امصابك افجعني
.......
من السمه نزلت تون ... من غمض اعيونه
بالكوه تمشي اعله الجدم ... ويه اليشعونه
مكسوره خاطر والضلع ... ماذيهه بمصابه
متألمه حيل الدفنته ... جن هيه مدفونه
يم كبره كعدت تبجي وي عيلته
اه يبني يالبسم متت نادته
يومك اَ لمني
امصابك افجعني
......
يم راسه كعدت تنتحب ... والدمعه تجريهه
وحتى الحمام البَّسمه ... ون وبجه اعليهه
خيمة عزاهه اعله النعش ... نصبت ابكل حركه
بالكلب نار اموجره .... رادت تطفيهه
نصبت عزاهه والضلع دم يصب
لطمت صدرهه وكعدت اعله الترب
وسولفت ذني
امصابك افجعني
.....
ادكله يوليدي الك ... جيت بحزن كلبي
ما ظلي حيل ابموتتك ... يشهد علي ربي
اكعد يسباح الكلب ... اكعد تلكاني
مصابك اخذ شوفي وصرت ... ما وجده دربي
اعليك السماوات العَّلا باكيه
مثل البحار البل أرض جاريه
يالرحت مني
امصابك افجعني
.....
اتناديه يمه ابيا ذنب .... سموك حاجيني
عادو علية اشجم جرح ... نازف امأذيني
كل يوم فاجعني الدهر .... بيكم يهل بيتي
واحد بسم واحد ذبح ... خلصكم ابنيني
بيه وبهل بيتي اشعمل هالدهر
كل يوم فاجعني بجبد وبنحر
دهري شيبني
امصابك افجعني
......
صيحتهه يالصادق الك ... جابتني ايامي
بعدك منو ايقيم العزه ... عالمنذبح الضامي
لمصابك اتون كربله .... يا صاحب الدمعه
كل يوم ذابحلي الشمر ... محبوب كدامي
يا جعفر الصادق الك دمعتي
ما تنشف ولا تنتهي عبرتي
ولا ينتهي وني
بمصابك افجعني
......
كلمات
موسى الخادم
قال الامام الصادق ع ( كونوا زينا لنا و لا تكونوا شينا علينا )
……………………………………………………………
صادق الدين ينادي ••• صادق الدين
زين مو شين علينه ••• زين مو شين
أدب وبحسن الصفات
صيروا للـمذهب دُعـاة
صادق الدين ••• صادق الدين
……………………………………………………………
يامن تحملون اسمي شيعه واصفى من الذهب
الـلـه خـالقـكـم لـجلـنه وقـف للـصادق كـتب
مـا اريـد حـجـايه عـنكم لا شـكايه و لا عـتب
كـون تتـرحّـملي كـلهـا مـربّي اشـياعه بـأدب
ارفـع الـراس بادبكم ••• ارفـع الـراس
صيرو نوماس يشيعه ••• صيرو نوماس
شـيعـة الصـادق أُباة
صيروا للمذهب دُعاة
صادق الدين ••• صادق الدين
……………………………………………………………
صـير نافذ بالبصيره مـثل عـباس الگمر
لا تفـرط بالعـقيـده لا يـخوفـك كـل شـمر
ابد مو شيعي احسبه للضلع كلمن نكر
والترضه عليه احسبه مشارك بدفع و كسر
الينكر الباب يـشيعه ••• الينكر الـباب
وي الاصحاب مصيره ••• وي الاصحاب
و ينحشر وي الجُناة
صيروا للمذهب دُعاة
صادق الدين ••• صادق الدين
……………………………………………………………
من نفس طينته صرتوا روح حره وطاهره
بالـحزن تحـزن مـثلنه و بالفـرح مـستبشره
موش منه الماله دمعه عل حُسين ومنحره
المـاطـبع بالـصدر چـفه ما اجـيه بالآخـره
الماله عاشور اتركه ••• الماله عاشور
يظل بلا نور طريقه ••• يظل بلا نور
حـسينكم هـو النجاة
صيروا للمذهب دُعاة
صادق الدين ••• صادق الدين
…………………………………………………………..
دين جاهز جبنه الكم بدمنه مدفوع الثمن
باب و البسمار أُمنه و الي عل هـزّل مشن
ليش متفرقين صـرتو گـاع مـزروعه بفتن
كلمن يحرّف حقيقه بصدر ابو اليمه طعن
اليبقه وفاي احسبه ••• اليبقه وفاي
جايب الماي لرقيه ••• جايب الماي
يـطفي نار الثاكـلات
صيروا للمذهب دُعاة
صادق الدين ••• صادق الدين
……………………………………………………………
و الله احـن مـن امكـم احـنه الكم أنريد الفرح
چن جرح عبدالله نشعر لو طفل شيعي انجرح
نـفتخـر بالـطايـع اهـلـه و بـشـهاده الهـم نجح
كـل عمرنه بليل عشنه و انتو يا شـيعه الصبح
ذبـح و سـموم لجلكم ••• ذبح و سموم
يمحي الهموم وجهكم ••• يمحي الهموم
بيكم انعـيش الحياة
صيروا للمذهب دُعاة
صادق الدين ••• صادق الدين
……………………………………………………………
المهدي مو( مُنتَظر) اسمه (مُنتظِر)إلكم عمل
مـن يشـوف الديـن بيـكم للـفرج يـصبح امل
لا خـروح بهـل تـفرق وراح اجـيبـلكم مـثل
يستحيل بخرم ابره يفوت من عدها الجمل
يوم الاثنين عملكم ••• يوم الاثنين
قائم الدين يشوفه ••• قائم الدين
تچوي گلبه المنكرات
صيروا للمذهب دُعاة
صادق الدين ••• صادق الدين
……………………………………………………………
✍️ ( سيد خضر الزاملي )
استشهاد الامام الصادق ع
الصادق نودعـه الليله .. ودمع الحـزن نبچـيله
هاليله تحـضرنـه الزچـيه .. تبـچـي الامام الجعـفريه
………………………
ياشيعـته الصادق رحل .. هاليله وافاه الأجل
وغمـضها ويلي اعيونه
ركن الشريعـة منـهدم .. بهذا العزه شدو الحزم
والكـاظم اتـواسـونه
لمجلسنه حضرت فاطمه .. عالخد اجـتكم لاطمه
بنت النبي ومحزونه
الله اليعين بهل مصيبه اعياله
شـيخ الهواشم چـافيات ادلاله
يا وحـشة الدار المـشه راعيـها
ويافـرگت الـوالد صدگ چـتاله
لمن يمـوت الـوالي .. خلـته تضل للـتالي
وداره تضل دوم بعزيه .. تبچي الامام الجعفريه
………………………
بالسم چبدته تمردت .. والروح للباري اصعدت
وكل شيعـته حزنانه
وكل هاشمي الليله بحزن .. عالصادق ينوح ويون
وما تـنـطفي نيرانه
وكل فاطميه اتنوح اله .. بهاي المصيبه امولـوله
ولبست سواد احزانه
كـسرة ظـهر ياناس فـگـد الغالي
جرحه يضل وسط الگلب للتالي
العـايلـه اتـيـه افـگــد والـيـها
وهلـيلـه احـنه راح منـه الـوالي
بـهذا المسه صادقـنـه .. يا للأسف ودعـنـه
والعين بالمدمع جريه .. تبچي الامام الجعفريه
………………………
مات وترس عينه الدمع .. او وناته چانت تنسمع
يا عمـتي المسبيه
بنيران بيته من احترگ .. بعبراته ودموعه اخـتنگ
واتـذكـر العـلويـه
من حرگو عليها الخيم .. من النار تـتراكض حرم
واطفالها المسبيه
مــا فـارگ اخـيالـه صـور عمـاته
كل يــوم عايش بالسبي ولـوعاته
چا شنهو حال حسين ذيچ الساعه
يسحـگن جـمـر شاهـدهـن ابنياته
وصادقنه عاش الحاله .. نـار وجـمـر بعـياله
ركضت ابيته الهاشميه .. تبچي الامام الجعفريه
………………………
لكنه نعشه من انحمل .. بالدفن حضروه الاهل
وهـالــو عليه اتـرابه
مابيه جرح لا منذبح .. لا راسه مشيول برمح
وتنـظر عليه احبابه
لفـو الصادق بالچفـن .. واثـيابه ما اتـسلبن
ما سلبته السلابه
مات واهل واحبابـه اليشيعونه
مامات وبخيل العده يسحگونه
لكـن اويـلي السحـگـته الخياله
بذيچ الحـوافر ماردات اعـيونه
محزوز نحره من مات .. ووجهه الحلو بيه طبرات
وركضت اله اخته السبيه .. تبچي الامام الجعفريه
………………………
وماشافـته امه فاطمه .. غرگان ابنها بالدمه
شافت الصادق سالم
بس ذاك ابنها بكربله .. مذبوح من راحت اله
وفوگ الرمل ضل نايم
احسين لمن شـافـته .. امـه ابـد ما عرفـته
امفرهـدينه الوادم
لا وجه ضل عنده وتعرف اعيونه
ولا لـون ضل عـنده وتعرفه بلونه
دم ولحـم مـتـبـدي فـوگ الغـبره
چـا نعـمة الله بحـافـر يـدوسـونه
من داستـه الخياله .. مردت جمـيع اوصاله
وذيچ الخيول الاعوجيه .. تبچي الامام الجعفريه
الشاعر عقيل الحسناوي..
.
قصيده على لحن ابا صالح التماس دعا
اباصالح غثني يا مولاي
جمره بنفاسي تشكي منها الروح
اباصالح طوَّل اغيابك
يا ارض تدعي ابگلبک المجروح
*ابا صالح یا ابا صالح*
✔✔✔✔✔✔✔
لون تقصد للمدینه هناک
شابحه عیونک للنبي و گبره
یبو صالح فدوه اذکرنه
یم گبر امک فاطمه الزهره
لون تنحب للضلع و العين
و الجنين الطاح ويلي بالعصره
تون انت و فاطمه چفها
اعلی الضلع تنعي من الكسُر و تنوح
*ابا صالح یا ابا صالح*
✔✔✔✔✔✔✔✔
لون تقصد للبقیع تزور
سیدي اذكرنه الجدك المسموم
لون تنصب شمعة دموعك
الجدك السجاد اذكرنه يالمعصوم
کتر گبر الباقر اذکرنه
و من علی الصادق تنحب و مهموم
عله ، اُمّ الاربعه سلم
من گبرها حب لِلْحُسین ایفوح
*ابا صالح یا ابا صالح*
✔✔✔✔✔✔✔✔
یبو صالح لو مشیت الطف
سیّدي اذكرنه بكل دمع مذروف
لون تنحب للگمر عباس
و السهم بالعین لا نظر لَاچْفوف
کتر تل الزیني توگف
تذكر المذبوح و بگلب ملهوف
عليك بجاه زينب اذكرنه
يم مزار حسين سيّدي من اتروح
*ابا صالح یا ابا صالح*
✔✔✔✔✔✔✔✔
يبوصالح لو بچیت ادموم
یم ضریح حسین جدک المنحور
لون تذكر حرگت الخیمات
تنسبي زينب و الخصم مسرور
و الحسین اعلی الرمل مطروح
عالرمح راسه و عینه لاخته اتدور
عليك ابدم منحر الأصغر
اذكرنه عد مصرع جدك المذبوح
*ابا صالح یا ابا صالح*
✔✔✔✔✔✔✔✔
کلمات الاقل ناصرالبوعبيد
حضرت الزهره الزچیه
بالمصیبه الصـــــادقيه
ـــــــــــــــــــــــــــــــــــ
من تجي محنيه يوجــعها ضلعها
والوِلدها الزهره ماينشف دمــعها
تحضر الهاي المجالس من طبعها
الله يلـعــن كــلمن آذاها وفجعها
الليله دمعتهه جــــريه
بالمصیبه الصـــــادقيه
ـــــــــــــــــــــــــــــــــــ
فــاطمه جابت عمرها بالمناحه
مـاتت ومن المحن مامستراحه
ياگلبها الماشفه وتنزف جراحه
عذبوها والعُمـــر ماشاف راحه
تبچي والــــونه شجيه
بالمصیبه الصـــــادقيه
ـــــــــــــــــــــــــــــــــــ
اجت هاي الليله يـم خامس ولدها
والمدامع تحفر بأطــــــراف خـدها
بالچبد مسمــــوم ومصابه ضهدها
بغدرته المنصور چن صوب چبدها
تحملت جـــــور واذيه
بالمصیبه الصـــــادقيه
ـــــــــــــــــــــــــــــــــــ
الليله جفن الزهره مانشفت دموعه
شـافت ابعين المصاب شلون لوعه
باب ابنها الصادق احترگت جذوعه
لچن خلف الباب ماكـــسرو ضلوعه
اتكــــــــررت اول رزيه
بالمصیبه الصـــــادقيه
ـــــــــــــــــــــــــــــــــــ
من تروح الگبره تشبع ضيم چنها
تشوفه مهــــدوم ويرد ليها حزنها
امن الحزن اسود تره صاير جِفنها
ميته وتنوح الفگــــــد جعفر ابنها
انعــادت اعليهه المنيه
بالمصیبه الصـــــادقيه
ـــــــــــــــــــــــــــــــــــ
وسفه وافـــاه الاجل مولاي مسموم
جعفر الصــــادق رحل لاچنه مظلوم
لاچن اتخف خل اگولن هاي الاهموم
مو مثل جده گضه مسلوب الاهدوم
صور يوم الغـــــاضريه
بالمصیبه الصـــــادقيه
ـــــــــــــــــــــــــــــــــــ
مات ابو الكاظم وشــالوه الگرايب
مــو مثل جده البقه فوگ الترايب
حرمه مـاعنده مشت بين الاجانب
وطفله ماعنده تبات ابنص خرايب
وابد مـــــــاشفنه رقيه
بالمصیبه الصـــــادقيه
ـــــــــــــــــــــــــــــــــــ
حيدر بشار الدراجي
قريبآ أخدم الزهره
محرم گمت اشم عطره
اعلگ رايتي وهم احضر اقرايه
واتاني الاربعين وامشي مشايه
قريبآ
****
أشمن كربله ،، گمر وي قافله
رماح وسلسله وخيمات ورمال
حرگ توه ابتده ،، بخيام الصامده
بده المجلس بده وذبحوه الخيال
عطش بس ما يحب الماي
عطش صدري اللطم يمناي
كلام عيوني والله هواي
محرم من بعيد وجاي
محرم ،، دمعتي وعمري واحساسي اولائي
محرم ،، آنه العبد الحسيني الكربلائي
قريبآ اكسر اضلوعي
ويظل عاشور موضوعي
انه بكل المجالس رافع الرايه
واتاني الاربعين وامشي مشايه
قريبآ
*
يرايات وخيم ،، ونظر راح بسهم
وطفل مات انحرم والمهد تابوت
يزينب والنهر ،، وضعن ما بي گمر
يلچمات الشهر يا ضيم البيوت
وصل يم النبض عاشور
عيون الشيعه گام تفور
يتامى اعله الخيام اتدور
الحسين بكربله المنحور
اللهي ،، دعيتك تبقى حد الموت ناري
اللهي ،، على الخلوهه تركض بالبراري
قريبآ ابچي لسكينه
وادگ صدري اعله والينه
على النحر الشريف العلى مسنايه
واتاني الاربعين وامشي مشايه
قريبآ
****
سواد بكل درب ،،، دمع لحسين اصب
على الراس الترب وبچفي زنجيل
ثواب بيمنتي ،، واوزع دمعتي
خدمتك دنيتي يا روحي والحيل
مجالس كل مكان تصير
هنا الجنه اقترب لتحير
الحسين الخير كل الخير
لطم ، ذكرى، وجزع ، تطبير
احبك ،، حسين بكل نفس وبكل دقيقه
احبك ،، وهم عمري واشوفنك حقيقه
قريبا بيدي زنجيلي
واخلص باللطم ليلي
حسين ارتاح وابچي لهاي الحچايه
واتاني الاربعين وامشي مشايه
قريبآ
*
احضر موكبي ،، يخيمة زينبي
وأذل الناصبي واهتف حسينااااه
الشوارع تنملي ،، بخدم زينب علي
واگلهه ادللي وأصرخ علياااااه
نصب من العيون الزاد
هله بزوار ابو السجاد
شرف هالخدمه يلوٌفاد
تفضل والاجر ينعاد
شفاعه ،، طريق حسين للجنه مساره
شفاعه ،، ابد منضيع ما نبقى حيارى
قريبآ امشي للجنه
بتراب الزاير اتحنه
اروح الكربله وهيه الي الغايه
واتاني الاربعين وامشي مشايه
قريبآ
****
ضريح وملحمه ،، نهر ذل الضمى
لحضرتك قادمه الارواح مولاي
زياره الجامعه ،،، ودموع النافعه
بقلوب الخاشعه الحنتلك هواي
تجيك امحدبه ألولايات
تطوف بآااخ وبدمعات
حسين انته العشگ والذات
يأهدى واعظم الرايات
تعبنه ،، يروح وينتهي بشبگة ترابك
تعبنه ،، يبعد العافيه وبينه مصابك
قريبآ من يشاء النه
العظيم وندخل الجنه
حتي بجنة الله نروح عنايه
واتاني الاربعين وامشي مشايه
قريبآ
كلمات الخادم / رعد الفريجي
انتي ياهي ،، خيمه ؟ دمعه ؟ ليل ؟ نار ؟
انتي ياهي ،، عمه انتي ؟ شنهي صار ؟
راجعتلي حسين وينه
احچي يم روح الحنينه انتي ياهي
،،،،،،،،،،،،،،،،،،،،،،،،،
انتي ليل ؟ ،،،، راجع بوكت الصبح
انتي آه ،،،، بشر متغطي بجرح
صعبه هاي ،،،، عدله وبگلبچ رمح
عمه آخ ،،،، ميته گاعچ والفلح
لچمه ،، بيه ،،، من شفت محنيه عمتي
ميته ،، چنهه ،، وانه اصيح العافيه انتي
روحي ،، شنهي ،، وطن ليش شلون متي
ماكو ،، صوتچ ،، بالكلام شبيچ حرتي ؟
عدله ميته ؟،، أني ،، أسأل ،، اهلي وين
عدله ميته ؟ ،، عمه،، احچي،، والحسين
بعده ما بين علينه
احچي يم روح الحنينه انتي ياهي
،،،،،،،،،،،،،،،،،،،،،،،،،،،،،،،،،،،،،
زينب آه ،، عمه شو خالي الضعن
وين ابوي ،، والدموع اتسابگن
راح اموت ،، شو خواتي ما اجن
شنهي وين ،، شو دموعج طولن
گولي ،، عمه،، وين ابوي وكل زلمنه
موتي ،، روحي ،، لا صدگ طايح علمنه
وينچ ،، وسفه ،، بعد ما يلتم شملنه
دمعه ،، تجري ،، كلشي راح وما سلمنه
راح اموتن ،، وحدي ،، لحدي ،، بلا تراب
راح اموتن ،، عني،، راحو ،، گلبي ذاب
عمه شو ظلمه المدينه
احجي يم روح الحنينه انتي ياهي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عمه ليش ،، دمعچ يسولف خبر
شنهي صار ،، شو رجعتي بلا گمر ؟
احچي خاف ،، زعلچ ذاك النهر
انتي غيم ،، بچفچ يعيش المطر
كافل ،، وينه ،، شو رجعتي بلا حمايه
جوده ،، مايه ،، وعينه وچفوفه البدايه
دمعه ،، تخنگ ،، نزلت ابخد السبايه
كتبت ،، كلمه ،، چانت هناك النهايه
وسفه وسفه ،، جرحه ،، باقي ،، وعمري راح
وسفه وسفه ،، عايش ،، گلبي ،، وهوه طاح
ابو فاضل ما يجينه ؟
احچي يم روح الحنينه انتي ياهي
،،،،،،،،،،،،،،،،،،،،،،،،،،،،،،،،،،،،،،،،،
شو تراب ،، فوگ راسچ والعباه
والچفوف ،، أثر بيهن احچي ها ؟
وين اخوي ،، الطفل عبد الله شجاه ؟
مهده وين ،، مات ؟ ياهو الموتاه ؟
وجهه ،، گمره ،،چان بس يغفى اعله أيدي
خويه ،، وينك ،، زيدي يا دمعاتي زيدي
حيره ،، والله ،، يا سهم يذبح وريدي
تركه ،، لحظه ،، ليش ميت يا وحيدي
أمه أمه ،، ماتت ،، عاشت ،،، من تشوف
أمه امه ،، نحرة ،، دمه ،، تبچي خوف
وهيه هم سمعت ونينه ؟
احچي يم روح الحنينه انتي ياهي
،،،،،،،،،،،،،،،،،،،،،،،،،،،،،،،،،،،،،
يا طفوف ،، گلبي منچ مختنگ
وين اروح ،، ماتت الناس الصدگ
عل الفرات ،، سحگو الما ينسحگ
والخيام ،، لهسه گالو تحترگ
وانتي ،، عمتي ،،لو گبر يمشي اعله طوله
راحو ،، منچ ،، يا حچي الما بيه أگوله
عينچ ،، شافت ،،امگطعه چفوف الرجوله
الله ،، ايعينچ ،، ميت العام وفصوله
من رجعتي ،، وحدچ ، صعبه ،، بلا كفيل
من رجعتي ،، گبالچ ،، حاير ،، بس عليل
امگيد ويكتل ونينه
احچي يم روح الحنينه انتي ياهي
كلمات خادم الحسين
رعد الفريجي
في شهادة الإمام جعفر الصادق عليه السلام ...
بيْن طلابك هلك ثمرة جلوسك
حيرة الناس ارفعت وفرة دروسك
حب وتقدير العطاك
نحضر الصادق عزاك
🏴🏴
الخافي من علم النبي آله تبينه
غيرنا في الخافي ضيّعها سنينه
سيدي لك جعفر الصادق مدينه
كم رواياتك أنارتها هلينه
بد أيمتنا العظام انت ابنهلنا
انت لكثر في الأحاديث الوصلنا
حب وتقدير الوفاك
نحضر الصادق عزاك
🏴🏴
غيرنا يمشي ابظنونه في المسائل
ماوصل له كلَّ شي من طه جاهل
وهذي ثمرتها الوصيّه باله ناصل
مانخبطّ في العقيده في المعاضل
في صراطه المستقيم انظل ثوابت
ليش لن جذر الوصيّه ابعرقي نابت
كلي يانهري هواك
نحضر الصادق عزاك
🏴🏴
تشهد الاربع مدارس لك مرامي
مارأت أعلم أحد منك إمامي
كيف ماتكون اعلم ابفكري وكلامي
ومن علم جدك رسول الله النا تامي
عن أبائك عن رسول الله نبينا
عن أمين الوحي عن ربنا ألينا
بالسند تنقل ضواك
نحضر الصادق عزاك
🏴🏴
علم طب وهندسه فقه وسياسه
فيزياء وكيميا واحيا ابكياسه
كل مجال ومنَكَ علمه ومنَكَ اساسه
وكلَّ طالب يأتي مفتوحه الدراسه
وين تحتار التتبعك في المعارف
عمرك السبعين يامولايه شارف
وبعدك اتصب الضناك
نحضر الصادق عزاك
🏴🏴
وماتركت الشيعي وصّيته في جدك
يحيي مجلس الحسين اتحثه بعدك
بالدمع وانت في مأتم له اعله خدك
قائمه بسمه أبوالسجاد عندك
لين لك آخر نفس بالغ في مبلغ
نذكر اوصاتك ياوالينا ونبلغ
سيّدي خالد وصاك
نحضر الصادق عزاك
🏴🏴
في حرگ دارك من المنصور تبكي
اخيام ابوالسجاد في الموقف وتبكي
كيف من حر اللهب أطفاله تبكي
وفي وجه ذيج البراري اتصيح وتشكي
جثه منحوره وسليبه وكلّها دم
اعله الوجه ملطومه تشكيه الفواطم
سيدي نوحي ولاك
نحضر الصادق عزاك
✍️
علي الأحسائي
شوال ١٤٤٥هـ
في حرق دار الامام جعفر الصادق
واستشهاده عليه السلام
شوكت ترتاح يايوم يبو الكاظم يمظلوم
شفت بعيالك اصار يوم الحرگوا الدار
يبو الكاظم يمظلوم
★★★★★
بدارك وجت النار ابصلاتك چنت مشغول
جريمه وبيها ابعاد حاير عنها شتگول
جريمه وفعل مقصود ظالم عنها مسئول
جريمة والنشد ضاع طلع فاعلها مجهول
صفت معروفه الاسباب القصد من هذا الارهاب
حقدهم على الكرار يوم الحرگوا الدار
يبو الكاظم يمظلوم
★★★★★
عيالك بالذعر ليش وسط دارك يركظون
صفوا من شبت النار امان الله يدورون
ينطون الوجه وين على ياكتر يرحون
گلت عن كربلا اليوم هذي شدتي اتهون
تصبر هذا وي ذاك وتدري بغاية اعداك
شعدهم بعد ياثار يوم الحرگوا الدار
يبو الكاظم يمظلوم
★★★★★
غدت مرعوبة العيال تروح بياكتر وين
يذكرونك بالخيام وحال اعيال الحسين
حر وعطش وسهام والعدوان صوبين
مصيبه اتشيب الراس أتذَوَّب الگلب والعين
للطف الفكر راح على المذبوح من طاح
رادوا كون تحتار يوم الحرگوا الدار
يبو الكاظم يمظلوم
★★★★★
تطفي النار ظليت عزم چفك كرامات
وگلت للنار يانار برد صيري وسلامات
تهدي حال الاطفال وتصبرهم ابچلمات
حسافه لوعه بالروح تلج بالعين دمعات
ذكرت اعيال الطفوف سبايا بهظم وبخوف
الجيش عليهم اندار يوم الحرگوا الدار
يبو الكاظم يمظلوم
★★★★★
يجعفر بين عدوان عمر خلصته بهموم
شفت جور السلاطين يبو الكاظم يمظلوم
بعلمك زين يدرون مكانك علو النجوم
ابد متبدل الحال بقه ثار الحقد دوم
خطه وبيها تصريح بالسم نجمك ايطيح
وهذا طبع الاشرار يوم الحرگوا الدار
يبو الكاظم يمظلوم
الشاعر حسن لعيبي الحريشاوي
نواعي في التوسل بمولانا الإمام جعفر الصادق عليه السلام
.
.
● طور : يا رايح تزور حسين + لفی عاشور
يمهدوم الگبر أنخاك .. وأريدن نظرة من عينك
أردن نفحة من جودك .. وأريد اتمد إلي ايدينك
ابحگ اللي عليه كل يوم .. دمع عيناك واونينك
اجبر گلبي المكسور .. خاطر سيدي احسينك
فرحني يبو الكاظم .. خاطر أمك الزهره
واكتبلي المسه أرجع .. ومن عندك نِلِت نظره
لا تنساني هالليله .. عليك بصاحب الطبره
يمولانه تعب گلبي .. أريدن حالي اتغيْره
آه يا مولاي آه يا مولاي آه يا مولاي آه
آه يا مولاي آه يا مولاي آه يا مولاي آه
● طور : مالي غيرك
أنخى جيتك .. سيدي وبروحي حسره
أنخى جيتك .. ارزقني يا مولاي نظره
أنخى جيتك .. خاطر المكسور صدره
يا إمامي .. لا تردني هالمسيه
يا إمامي .. ابحگ شهيد الغاضريه
يا إمامي .. الليله فرحني بعطيه
● طور : يمه أنا زينب
اليگصد الصادق .. حاشه يرد مهموم
باب الفرج بابه .. لكل حاير ومحروم
حاشه يخيب اللي .. ابدمعه تعناله
متحير وجرحه .. وسط الگلب شاله
وآنه المسه بجرحي .. جيت بدمع مسجوم
باب الفرج بابه .. لكل حاير ومحروم
جيتك يماي العين .. ومني الگلب حاير
وحاشه يبو الكاظم .. تكسرلي الخاطر
وأدري أبد ما خاب .. من ناده يا مسموم
باب الفرج بابه .. لكل حاير ومحروم
● طور : يا صاحب الزمان مولاي عذراً سيدي
مدد مدد مدد .. يا صادق العتره مدد
يمهدوم الگبر .. اشتاگ الگلب لزيارتك
يا سيدي بحلم .. يمته اشاهد قبتك
وعلى بابك اطيح .. بلهفه أقبل عتبتك
واشمها سيدي .. بروحي الغريبه تربتك
اعله شباجك اطوف .. واشكي هُمومي بحضرتك
وأگلك سيدي .. أنا الفقير لنظرتك
مدد مدد مدد .. يا صادق العتره مدد
رايدها مسحتك .. تشفي دليلي المنكسر
وحق غربة البقيع .. محتاج إلك والله شكثر
لحنانك سيدي .. اخذني يا نعم الذخر
وتِشافي يمينتك .. اجروحي اذا اعليه تمر
يالصادق انتظر .. نفحة عطاءك انتظر
لتردني هالمسه .. ابحگ اللي ما عدها گبر
_
تمت بحمد الله تعالى
#فاطمة_كريم
٦ / ٢٠٢١ م
نسألكم الدعاء لتعجيل الفرج
يــــــــــا أبا عبـــــــــــــــدالله
الفاتحة مع الصلوات إلى روح والدي
🏴 الزهراء عليها السلام تنعى الإمام الصادق عليه السلام 🏴
مجاريد :
نص الليل جيت ويجري دمعي
واتعثر وإيدي اعله ضلعي
جيت اعله گبرك يمه انعي
جيتك او أجري ادموعي من دم
واشوف ابچبدتك شمسوي السَم
واشوف اشكثر دلالك تألم
نصاري :
چنت كل ليله اسمْعك تون لحسين
وتِسليني ييمه ابدمعة العين
وتبچي لزينب وحرگ الصواوين
وخافي صوتك الليله عليه
ألف ويلاه يالصادق يمسموم
يالطول العمر لحسين مآلوم
يا يمه عليك الگلب ملچوم
وتظل اعليك دمعاتي جريه
يَیُمه امصيبتك والله مصيبه
ومو راسي الکلب والله تِشيبه
يَیُمه القلب ما بطل نحيبه
وكل صبح ومسه عندي عزيه
ما واحد سِلَم يا يمه منكم
وكل ليله أون يا يمه إلكم
خان الدهر شتت شملكم
چتل واسموم وآلام وأذيه
أبوذية :
يا ريت
عليك الدنيا آيا يمه يا ريت
وألِف ونّه عليك اليوم يا ريت
بعجل يظهر ابو الثارات يا ريت
ويِشيِّد گبرك وينصب عزيه
_
تمت بحمد الله تعالى
#فاطمة_كريم
٦ / ٢٠٢١ م
يابن الحسن روحي فداك
متى ترانا ونراك
@@@
غايب لچن بالروح حاضر
تنتظرك ابلهفه الخواطر
…
ابعيني نورك .. شمس وتحجب في غمام السمه
ابعيني نورك .. ياشوگ ينبض في خلايه الدمه
ابعيني نورك .. محفوظ بجفوني ييوسف فاطمه
ابعيني نورك .. ابعيني نورك
…
الشوقُ ذابَ في سناكْ
متى ترانا ونراك
@@@
خلص تره المحبوب عمره
وعيونه من الندبه حمره
…
يمته تظهر .. كل جمعه نندب والصبر ما وهن
يمته تظهر .. ترى شبعنه من جروح الفتن
يمته تظهر .. ياحجة الله سيدي ابن الحسن
يمته تظهر .. يمته تظهر
…
في مكةٍ فرفع لواك
متى ترانا ونراك
@@@
برضوى ام طوى المدينه
وينه مكانك گلي وينه
…
لو بلطفوف .. يانور الله وياجماله الصبيح
لو بلطفوف .. عد جدك الضامي تلم بالضريح
لو بلطفوف .. تنعه مصيبة هالغريب الذبيح
لو بلطفوف .. لو بلطفوف
…
ممدودة تدعو يداك
متى ترانا ونراك
@@@
علي أحمد الحمود
٢٩-٤-٢٠٢٤
الامام المهدي
ندبه
لاستشهاد الامام جعفر الصادق عليه السلام (وزن هجري)
هلُّوُا ياشيعه المدامع وبحزن ماله حدود
رحل اركان الامامه ثامن أنوار الوجود
★★★★★
رحل سيدكم يشيعه صادق العتره الأمين
عَذِّب أمصابه الجوانح والعلم اصبح حزين
حَضَّر المنصور سمَّه بلاذنب سَمَّه اللعين
الما إله دين وأمانه ولا إله أيمان وعهود
★★★★★
اشذنب ابو الكاظم تعَذَّب هلخلگ شمسويَّه بيه
مره حرگ الدار مره الگوم تجسس عليه
مره دعوه ومره شكوه ظالم بتهمه يجييه
وسفه أصحاب الهزيمه على اليهديهم أسوود
★★★★★
أصبح المنصور خايف من تحَصَّن بالالوف
ومن نظر حكمة الصادق چنه ينظر للسيوف
جعفر الشايل ابفكره ثوره من جرح الطفوف
ثوره تدعمها المعارف بالدعاء وبالسجود
★★★★★
گطعَّوَا دَلَّاله بالسم بكل وسيله حاربوه
ماكفاهم مات بالسم من حقدهم مانسوه
لاضريح وگبه خلوا گبر طاهر هدموه
اخبارهم تشهد عليهم لوردت أذكر شهود
★★★★★
هلوا ياشيعه المدامع وابچوا لمصاب الشفيع
الثَبَّت اركان الشريعه حتى لا بالشر تضييع
بلانهايه انوار مجده تبدي من أرض البقيع
ساطعه انواره البهيه رغم كل حاقد حسود
الشاعر حسن لعيبي الحريشاوي
يالخطيت بحبك أية
صادق أفعال الوفاية
...........................................
أية ثورة تخط حروفك
اسست المذهب بعلومك
للمحشر نقسم منعوفك
يالصادق أهداف وغاية
............................................
يابو الكاظم دايم مجدك
ننصب مأتم دايم بأسمك
يلي فديت الدين بدمك
قدوة ثوار الوفاية
...........................................
يا سادس انوار العترة
يالخلد دين الله بذكرة
غصن وأثمر اكبر شجرة
احكامك جن صورة اية
...............................................
مشتاقين نزورة القبرة
ننصب مجلس نبجي ونقرة
نعزي أم الحسنين الزهرة
وننصب مجلس نقرة قراية
................................................
وحشة الغرقد يابو الكاظم
هدم قبرك حيف الضالم
من يضهر مولانة القائم
ينصرنة لو شال الراية
.....................................................
فاضل فخرالدين07717451877
ماحاضر كربله… ولا سبّي العايلة
بس سامع من هله… اشجارو على حسين
……
ماحاضر بطف كربله…ولا شاف نبله حرمله…
ولا سبي الاعيال
حزنهه كثر من الزغر ..ميت قهر ﻻم الخدر .. الراحت عالجمال
من مولدة الحد موتته…يبجي اعله زينب عمته … الكيدوهة بحبال
راسم صور بالذاكرة … الراس الحسين ومنحره .. المنة الدمه سال
ما شاهد جف كمر
ولا رايه اعله النهر
والدمعة السايله… .. اشجارو على حسين
……
قصة عذاباته ابتدت ..من اول ايام اللفت ...
روحه اعله دنياه
ماضاكت اسنينه الفرح …من الزغر كلبه انجرح … بهمومة ويلاه
الباقر حجاله الي جره…اعله حسين من ظل عالثرة … تتناثر ادماه
من منحرة نازف دمة… واظلوعه كلهة امهشمة…
ما رحمته اعداه
الباقر ما خبّره
عن كسرت خاطره
وعن شمر وحرمله… .اشجارو على حسين
………
الصادق كظه سنينه قهر…اعله حسين مكطوع النحر ... حزنه وعذابه
ليلة يخلصه بالدمع …وانهارة ذايب كالشمع … شاب ابشبابه
نار 🔥 ابدليله اتوجرت… مثل الخيام الماطفت … زادت مصابه
كل ما يمر شهر الحزن… يذكر حسين ابلادفن…
ظل عل الترابه
طايح فوك الثره
دم نازف منحرة
تنظر له العايله… اشجارو على حسين
…
عايش وروحة ابكربله … يبجي بواجي الثاكله… خلص هالاعوام
ما لحضة فارك للحزن . .بدموعة غركان الجفن… جاباها الايام
مجلس عزائه منصب…ولحسين دمعاته تصب… ولحرك الاخيام
يتمنه جانت موتته… وية رقية عمته
بالغربه بالشام
وبحبال اهل الغدر
متكييد لليسر
ويبراله عاذله ... اشجارو على حسين
……
هالليلة ناس العادته… بالسم روتله جبدته …
بكاس المرارت
ماهمهم الصادق ولي …وجده الوصي حيدر علي … حاضر الشدات
بعروكهم يسري الحقد … بالدم سكو غصن الورد… وذبحو الضحكات
من السقيفة استلهمو… معنى الغدر واتعلمو…
للفتنه رايات…
ماهمهم حالته
من سمو جبدته
نسألهم أساله… .. اشجارو على حسين
……
كلمات
موسى الخادم
…
الناصب عزائه جان لحسين
مات المسيه وغمض العين
اويلاه .... اويلاه
......
مدرسة العلم جانو يسمونه
مات بسم غدر ناس اليكرهونه
ما شاف الراحه بعمره ولا عاش الفرحه
خلَّص ايامه اعله حسينه امصاحب جرحه
مره ينوح الجبده الضامي وسحكت ظهره
مره أينوح السبي اعياله ومره الذبحه
جعفر الصادق لاخر ايام
يبجي الحبيبه الشابع اسهام
واويلاه ... واويلاه
......
ليلية اعله خده ناثر ادموعه
وروحه الموت ابو الاحرار مفجوعه
يومية ابنص داره الجده ناصب مأتم
حركة كلبه الذبح حسينه حرك أمخيم
شيًّب حاله الطف من زغره وكبًّر عمره
موضوعه اصبح ليل انهار البي يتكلم
مجلس حسين ابداره باقي
يقراه بالطور العراقي
واويلاه ... واويلاه
......
اه يحسين دوم ايردد السانه
شاعر صار والرادود عنوانه
اه يحسين واه يمصابه بحت صوته
والزينب ما فارك حزنه وهضمه الموته
صورة حبل الظالم كَيد جفهه وجرهه
هيه الهاي الهدت حيله وهدت قوته
القتل الهم جان عاده
بس سبي زينب موت زاده
واويلاه ... واويلاه
....
ليش اضلوع جدي بخيل سحكوهه
ما كفاهم اضلوع امه كسروهه
المثل حسين اتشيله الودام فوك الهامه
موش اطشر لحمه وحيل ادوس اعظامه
وبحر شمس العاشر يبقى ايام اتلاثه
ريت الطف لا صار ولا صارت ايامه
جا ما بقى جسمه رمية
ولا عل طشت ماتت رقيه
اويلاه.... اويلاه
......
كلما يشرب المي يذكر حسينه
عطشان انذبح ليش وغمض عينه
سامع كلشي بس ما سامع ذبحو ضامي
يحجيهه بدمعات اعيونه وكلبه الدامي
امصيبت جدي الما تشبهه كل مصيبه
هي الاخذت مني اسنيني وكل ايامي
السم احسبه سبب ثاني
حزني اعله جدي الموتاني
اويلاه .... اويلاه
......
كلمات
موسى الخادم
لحزننا نداء .. قد زلزل السماء
بالصادق عزاء .. ياصاحب الزمان
@@@
ياللي شايل روح مجروحه ابحزنها
على عتره كل مسه تبچي وتونها
وين هالغيبه صفه تالي زمنها
ابگد غيابك باقيه الناس ابفتنها
…
مذ غبت والوجود .. قد غيب الامان
ووجدنا يسود .. ياصاحب الزمان
@@@
والله حالك بالحزن لا مو قليله
وهيه ثاراتك على اچتافك ثجيله
ابكل كتر من النبي بضعه لدليله
بالوطن لو بالغرب طاحت قتيله
…
قبوركم دليل .. لم تخلُ من مكان
لإرثك الثقيل .. ياصاحب الزمان
@@@
الليله شيعتكم يابن سيد البريه
رجعت اتجدد عزاكم هالعشيه
على صادق عترة الهادي الابيه
گبلت اتواسي ابمدامعها الزچيه
…
قد اطلق الوجيب .. بحزنها العنان
لصبرك العجيب .. ياصاحب الزمان
@@@
هاللي چان اعله البشر معروف نبراس
وسفه تجهل بالدهر مقداره هالناس
شيخ اجدادك لفض عالضيم لنفاس
من اميه ازلامها ومن آل عباس
…
وان اتت فرص .. فالدهر بفتتان
تجرع الغصص .. ياصاحب الزمان
@@@
من يوم امك والضلع بالباب مهشوم
لي يوم جدك جعفر وبفراشه مسموم
ياگلب منك يضل بالآه ملچوم
لمن اتزوره وضريحه اتشوفه مهدوم
…
قبرٌ بلا ضريح .. مقيدٌ مهان
بقيعه الجريح .. ياصاحب الزمان
@@@
هل تجيله ابغرقده وتنوح لجداد
وهم تجي الزهره وتلوج ابفگد لولاد
بالمدينه وكل جرح بالذكرى ينعاد
وبالدعا تطلب گببهم تالي تنعاد
…
دعاءك الرفيع .. لخالق الجنان
يعمر البقيع .. ياصاحب الزمان
@@@
علي احمد الحمود
٢٩-٤-٢٠٢٤
شهادة الصادق ع
زينب ع في اول زياره الى قبر والدها امير المؤمنين ع..
جيت يم گبرك اخبرك جيت يم گبرك
يـاعلي بهجـرك غريبـه ياعلي بهجرك
فـهمه وضعي مـن دمـعـتي
ويحچي دمعي عن غربـتـي
،،،،،،،،،،،،،،،،،،،،،،،،،،،،،،،،،،،،،،،
يالخذت كل عمري .. بدمعي اجيت اليجري
زايره گبرك واگـلك .. نكسر بعــدك ظـهري
جيت اسولف حالي .. بغـيـبتك يالغالي
بغربه وبوحشه بغيابك .. والهضم چتالي
ماحملت اغـيابك .. وانـتظر يـم بابـك
بلكي باحلامي اشوفك .. منَ غفه يم اعتابك
اني وايتامي انتظرتك اني وايتامي
بلكي باحلامي تمرني بلكي باحلامي
هــدنـي شوگي اولـهـفـتـي
ويحچي دمعي عن غربـتي
،،،،،،،،،،،،،،،،،،،،،،،،،،،،،،،،،،،،،،،
جيت ازورن گبرك .. ضمني بويه بكـترك
خايفه من شر زماني .. وچان اماني بصدرك
خايفه من باچـر .. بويه يـوم العـاشر
لعيني تتراولي جـثه .. يدوس بيها الحافر
صور هوسه بعيني .. چن اشوف احسيني
طايح ايأشرلي بيده .. وخيل بينه وبيني
عالثره طايح اشوفه عالثره طايح
بالدمه سابح يبويه بالدمه سابح
ماي اسمعه يگول اخيتي
ويحچي دمعي عن غربـتي
،،،،،،،،،،،،،،،،،،،،،،،،،،،،،،،،،،،،،،،
ياعلي بهـل حالـه .. فرهـدوها اعـيالـه
اطفال اشوفنها ضمايه .. اتدوسها الخياله
بنار اشوف اخيامي .. تحترگ جدامي
وهاي مچويه تگلي .. وذاگ يصرخ ضامي
وين افـر بطفـالي .. وطشـروها اعيالي
واحترگ بيتي عليه .. الـمن اخوتي خالي
نــار بخـيامي يبويه نــار بخـيامي
وتسحگ اجدامي بجمرها تسحگ اجدامي
وگلبي تلهب بيه جمرتي
يحچي دمعي عن غربـتي
،،،،،،،،،،،،،،،،،،،،،،،،،،،،،،،،،،،،،،،
والنسه الحيرانه .. تركض وعـطشانه
وكربله ذيچ اشكبرها .. بالزلـم ملـيانه
هذا يسلب طفله .. ذاك يضرب رمله
وهذا ليلى ايسب طفلها .. وحايره شتگله
نصيح ياوالينـه .. ياعلي الحـگ لـينه
بالسياط اللي ولـتنـه .. شگـگوها اعبينه
الحگ اعلينه يبويه الحگ اعلينه
حبال بيدينه اربطوها حبال بدينه
منـيدي حبلي لايد اخيتي
ويحچي دمعي عن غربـتي
،،،،،،،،،،،،،،،،،،،،،،،،،،،،،،،،،،،،،،،
وعگب ميچـتفـوني .. عالهزل يسبوني
وعلى اجساد اخواني بويه .. عمداً ايمروني
شگد خبيث الحادي .. يمشي يـم اولادي
وبحرگ گلبچ يزينب .. يگـلي نلت امرادي
وبالي ابـد مو يمه .. حسين ادور جسمه
شفته بس اشلون شوفه .. مسبحينه ابدمه
وشافته اعيوني اخيي شافته عيوني
يمـه دفنـوني يوادم يمـه دفنـوني
دفـنـو گـلـبـي يــم اخـوتي
ويحچي دمعي عن غربـتي
،،،،،،،،،،،،،،،،،،،،،،،،،،،،،،،،،،،،،،،
وبخـيالي الشفـتـه .. بويـه مـاصدگـتـه
لهسبب جيتك يبويه .. احچيلي عنه انته
شـام ياهـو امشيله ؟ .. ويايزيــد احچـيـله؟
عنك وعن امي فاطم .. وعليّ يگـوه بحيله
يايزيـد ايسـبني؟ .. ويجـزي كـلمن طگـني
وراس اخوي يضربه اشوفه .. غير اموت ابحزني
راسه ايضربه اشوفه راسه ايضربه
واسمك ايسبه اسمعه اسمك ايسبه
وانـي حـرمـه وبـحـسرتي
ويحچي دمعي عن غـربـتي
الشاعر عقيل الحسناوي..
قصيدة نزززززله بحق مسلم بن عقيل ع ألسلام خادمكم عبدالهادي العريفاوي
واتساب ٠٧٨١٠٥٥٢٥٥٧ خاص للرواديد
-------------------------------
مسلم المغوار شنهي اسراره
مسلم المغوار شنهي اسراره
ثورة الأحرار عنوان اليقين
في طريق الحق دوما صابرين
ولهذا اليوم منهاج الحسين
كل زمن اقره نهج ثواره
--------------------------
ها هو المغوار شبل المرتضى
عاد بالحملات شيئ قد مضى
وبجيش الكفر قد ضاق الفضا
وين تشرد من يشن الغاره
---------------------------
لايهاب الموت في برق السيوف
راسما في الحرب عنوان الطفوف
أنه وآلله ذو القلب الرؤوف
وناس واقعها الغدر غداره
---------------------------
مسلم الصنديد عنوان ألسلام
لاأجيد النطق في وصف الكلام
واقع الأشرار للحق لئام
ليش صارة عالارض جباره
-------------------'-------
ثورة الأحرار في كل العصور
ينتمي للحق ذو القلب الغيور
داعيأ للبغيي ويلا والثبور
منهج الحق شو قليله انصاره
---------------------------
لانحب اليوم نهج الناصبي
فاقد الإيمان ذو العقل الغبي
بالحسين السبط يبقى مطلبي
الإمام المهدي ياخذ ثاره
---------------------------
قالها الرحمن بالخلق رحيم
لن يعادي الحق ذو القلب السليم
من يعادي الحق شيطانن رجيم
ربنا يعلم بالخلك واسراره
----------------------------
ال أميه اليوم في الوجه الجديد
تطلب الحكم الى دولة يزيد
شيعة الكرار طوقن من حديد
بيهم العالم بكت محتاره
---------------'--------------