7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصيده للامام علي ع{يزينب}علئ طور يخيمات
يزينب
طبـــــرته شلون شفتيها يزينب
الهــــامه مفتــته والجرح يرعب
راسه يـــخر دمه وحالته تصعب
❥❥❥❥ـــــــــــــ❁❁ـــــــــــــ❥❥❥❥
يلوج الولي من الجرح وانتي تشاهدينه
ماتتم اصيامه الابو يــــفطر الجبل ونينه
ضربوا عله الهامه الفجر بمحرابه ياعلينه
ماسلم ويلي من العده خلصت بعد سنينه
يمطبور
زينب شافته وصـاحت يمطبور
عليك الكلب يابو حسين مفطور
راسك ويلــــي من الهامه مطرور
❥❥❥❥ـــــــــــــ❁❁ـــــــــــــ❥❥❥❥
الله يعين ام الخدر مــن شافـته بدمومه
للبيت اجه ويلي الولي غركانه يا هدومه
صاحت يــــبويه ياعـــلي ماتتمه يصومه
جرح الابو ماينحمل كلبي اكثرت همومه
يوالي
جرحــــك كل دوه ماله يوالي
عزيز انـــته عليه وحيل غالي
دمعي اعليك يابو الحسن هالي
❥❥❥❥ـــــــــــــ❁❁ـــــــــــــ❥❥❥❥
اركان الهدئ اتهدمت حيدر صعب مصابه
نيران لجل امصيبته تسوي الگلب عطابه
اتخيل شصار الفجر حـــيدر دمه بخضابه
زينب الحره هل مــــسه شدت اله عصابه
تنادي
زينب هل مسه بحرگه تنادي
انصاب الـــولي وذوب افادي
ياربي انت اعلــم بلي السادي
❥❥❥❥ـــــــــــــ❁❁ـــــــــــــ❥❥❥❥
اليفكد الولي تـــرى يظل بعطش لحنانه
يصد لغرفته كل مسه ينام ويون بمجانه
جرح البـــعد يكتل كتـــل ودنيته خوانه
خلنه نعــازي ام الخدر اليله لعلي حزنانه
عمرها
خلص بالبجي زينب عمرها
الله يعـــضم الــــيله اجرها
حماي الحمه حمـــل ذخرها
❥❥❥❥ـــــــــــــ❁❁ـــــــــــــ❥❥❥❥
#للشــاعرة غدير الحساني
قصيدة لسابعه الاب
سابع يوم اله نايم بالترابه
حارمني وكت من چلمه البابه
❥❥❥❥ـــــــــــــ❁❁ـــــــــــــ❥❥❥
سابع يوم اله بالكبر ماجاني
همي بفركته ياناس غطاني
اونن من بدونه الابو خلاني
ماجاني // جا ليش الحمل
❥❥❥❥ـــــــــــــ❁❁ـــــــــــــ❥❥❥
ماجاني الحنين الينكط محنه
انه ابنيته حريمه وكت اضيعنه
بعدني بعازته معتازه احضننه
مخليني // مهظومه اشلون
❥❥❥❥ـــــــــــــ❁❁ـــــــــــــ❥❥❥
مخليني بهظم ياحيف يالوالي
سكن بالمكبرة ومجانه ضل خالي
بس النوح عكب الراح يحلالي
يحلالي // يالون اخلافك
❥❥❥❥ـــــــــــــ❁❁ـــــــــــــ❥❥❥
يحلالي الونين الشال عافيتي
ضل مضلم بدونه ياخلگ بيتي
مخنوگه ابنفسهه من مشه ريتي
غاطيني // ياهم افراكك
❥❥❥❥ـــــــــــــ❁❁ـــــــــــــ❥❥❥
مشتاكه ودموعي تجري ابدونه
اخاف من الرمل خربهن اعيونه
ماحسبت يا حيلي يدفنونه
يدفنونه // من وكت اشلون
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
قصيده للاب ولسان حال مولاتنا زينب عليها السلام لفقد اباها أمير المؤمنين عليه السلام
____
جيت انشد الدار،،،وين الابو صار
عنه الابو سألوني
عميه عليه عيوني
وين الابو صار،،،وين الابوصار
___
وين الابو يادار وبهالمسيه
لاسأل عني وگال عندي ابنيه
صعب اليتم ياناس من صاربيه
شيعوض أبوي الراح سوده عليه
فرگاه يصعب حالي
ياهيبتي يالغالي
ضل گلبي محتار،،،وين الابو صار
✍️ام صادق المنصوري
___
يا دار ابـوي الـيـوم انـعه وابچيچ
وين العزيـز الچان بچفوفه بانيچ
عافـانـي وعـافـاچ مابـعد يـلـفيچ
ضلي ابحزن للدوم ما يرد راعيچ
لا مـا يـرد غـالـيـنه
حيل الهجر ماذينه
دلالي بي نار ... وين الابو صار
خادمة آل البيت
____
ودعتك او ووياك ودعني الحيل
كل ما اصبر الروح دمعاتي اتعيل
شايف يتيم اشلون لو يبچي بالليل
ينحب يضل بهداي دمعاته اتسيل
خلصت يبوية ايامك
محد يسكت ايتامك
ما نحمل ازغار،،،وين الابو صار
✍️زينب الواسطي
___
دمعاتي ع المطبور ما جفت اسنين
مثل النهر وسيول تنزل امن العين
التفت يمنه ايسار وين ابو الحسنين
صار الفراك ابساع ويه المحبين
ابراسي يكون الطبره
ولا خلص حيدر عمره
مامنه اخبار ~~~وين الابو صار
ام ✍🏻زين العابدين لمحمداويه
___
وين الابو يا دار هدمتي حيلي
وشلون اصبر الروح ذايب دليلي
الشال حامي الجار يا دمعه سيلي
يوميه افز وانعاه ما نمت ليلي
صورتك ما ننساها
والبويه ودعانها
والدمع نثار ..وين الابو صار
خادمة اهل البيت عليهم السلام العلويه ام سيد مهدي الموسوي
___
دار التظل من دون حيدر مناحه
ايزيد الكلب بالنوح تطفح جراحه
ميته يبويه امسيت احجي الصراحه
وچفني الدمع هالساع صاير سلاحه
شيب رحيلك راسي
هجرك يحيدر قاسي
صعبة يكرار....وين الابو صار
✍🏻الشاعره مريم العبوديه اسيرة الاحزان 💔
___
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /17/ رمضان / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
نعي لوفاة امير المؤمنين
ع طور آني اللي شفت نارين ملا سعيد المعاتيق
آني الليِ أنكسر قلبيِ
أشوف المرتضىِ أقباليِ
ومجروح الابو ياناس
وأبويهّ ياخلقْ غاليِ
....................................
شفته يصرخْ بدمعـهْ
حـآن الآجل يا أولادي
وراسه بطبرته مجروح
وعلى وجه الآلم باديِ
عسى يوميِ قبل يومك
صحت يالمرتضى الهاديِ
بچيت بكل دمع حسرة
وضلّ جرحه على باليِ
...................................
مسح راسيِ علي بأيده
وجرحهّ ينزف ودامــيِ
وقال أتودعيِ مني
تراهـــا آخر أيامـيِ
قعديِ صار ينادينيّ
ومنه مدمعه هاميِ
قعديّ واسمعي منيّ
يزينب وأقعديّ أقباليِ
.....................................
يبنتيِ أتحمليّ بنفسچ
باچر حالتچ صعبهْ
وباچر من بعد عينيِ
تعيشيِ آيامچ في غربهْ
وچن چفنچ يصيح الـ آه
كل ساعه الدمع صبه
صحت بصوت خبرنيِ
عن هموميّ وعن احواليِ
....................................
باچر من بعد عينيِ
يخاويچ الدمعْ والهمْ
تشوفيّ الحسن يازينب
وچعده تشربه أمن السم
تشوفيّ في الطشت چبده
ومتقطعهْ وتشوفي الدم
بتصيحيّ صوت ياخويه
شفتك واندهش باليِ
..................................
وباچر في ظهر عاشور
والله حالتچ حالهْ
تشوفيّ المهر يازينب
خاليِ بدمعه همالهْ
وين احسين قليّ راح
ويحچي لچ عن احواله
وتروحيّ تركضيِ بالــ آه
وتصيحي بصوت واويليِ
................................
تشوفيّ احسين علتربان
وشمر جالس على صدرهْ
وماسك لحيته بــــأيده
وبسيفه غذى يهبـــــــره
وادري صعبه يازينب
وتشوفيه منقطعْ نحرهْ
أتركه اتصيحي ياملعون
واترفق على حاليِ
................................
أخيول يازينب
الى جسم الاخو تسعه
وبعينچ تشوفيه
كيفه ادوسه وتقطعه
جسمه اعله الارض معفور
واصابع ايده بس تسعه
قطع صبعه الرديّ الجمال
ونحره بكل دمه باديِ
..............................
ويّم الكافلچ عبــاس
بتروحيِ و تشكي الهمْ
أتشوفيّ أعله الارض الچفوف
ومايّ القربه صاير دم
ياعباس قوم أنهض
وادري بحالتيّ تعلم
أجيتك بالدمع ياخويّ
وحيدة وماليِ واليِ
.................
باچر ينكسر ظهرك
من ركب السبيِ والنوق
وتمشيّ منكسه راسچ
وقلبچ بالحزن محروق
تنادي احسينچ بحسره
ياخويه النوم ابد ما ذوق
اسكت دمعة أطفالك
وابچي بدمعتي لحالي
ابو جهاد سالمِ
واقترب موعد الجرح 😭😭
يامايله الدنيه ويه زينب
نعي لليلة جرح الامام علي عليه السلام
مجاريد
😭🏴
اشطييحك ياداحي الباب
ودم هامتك فييض المحراب
انت التصيب شلون تنصاب
ياهظمة المنها الطفل شاب
لب الحشا من هل الخُبر ذاب
ياحيف ياوسفه يبو تراب
اتمرجلت المنك تهاب
يلچان سيفك ياكل رگاب
الله واكبر من هلمصاب
مشيول داحي البوب ينجاب
ولشيبته دم طبرته اخضاب
😭🏴
آجركم الله
ام محمد الحجاج
رَيِّضْلِي يَا دَفَّانْ گَبْلَنْ تِشِيلَه
نَعْشِ الْأُبُو خَلِّيهْ يَمِّ الْعَقِيلَه
-----------------------
گَلْبِي يِشِبْ نِيرَانْ وِعْيُونِي تِجْرِي
بْصَدْرِي الْهَوَه مَخْنُوگْ مَاذِينِي صَدْرِي
لُو عَنِّي رَاحِ وْشَالْ شِيْرِدَّه صَبْرِي
فَرْگَةْ عَلِي الْكَرَّارْ كِلِّشْ ثِجِيلَه
-----------------------
فَگْدِ الْأُبُو چَتَّالْ يِصْعَبْ عَلَيَّه
فَارَگْنِي حَامِي الْجَارْ عُگْبِ الزِّچِيَّه
دُوهَنِّي سَهْمِ الْمُوتْ وَآنَه شْبِدَيَّه
غِيرِ الدَّمِعْ وِالنُّوحْ مَا ظَلْ وَسِيلَه
-----------------------
جَاوُبْنِي يَا دَفَّانْ عِزِّي وْدَلالِي
عَنِّي الْوِلِي لُو غَابْ شِنْهِي الْبُگَالِي
وْلَمَّنْ تِشِيلَه شْلُونْ تَالِيهَه حَالِي
أَزْحَفْ عَلَى التِّرْبَانْ سَاعَةْ رَحِيلَه
-----------------------
بِيتِي انْهِدَمْ وِيلَاهْ لَحْظَةْ مَمَاتَه
مِسْتَعْجِلِ وْچَا لِيشْ خَلَّه لْبَنَاتَه
هَاذَه اللِّذِي مَا چَانْ لَحْظَه بْحَيَاتَه
إِلَّا غَطَه وِفْرَاشْ لَمَّنْ أَجِيلَه
-----------------------
خَلَّه أَشِمَّه وْحِيلْ أَبْچِي عْلَه نَعْشَه
بَلْكَتْ وَلَوْ لَحْظَاتْ يِفْتَحْلِي رِمْشَه
بِفْرَاگَ ابُويَه تْصِيرْ أَيَّامِي وَحْشَه
وْعُمْرِي عَسَنْ لا طَالْ وَآنَه عِلِيلَه
-----------------------
رِيتَكْ أَيَا دَفَّانْ تِدْفِنِّي يَمَّه
وْخَدِّي عْلَه خَدَّه يْصِيرْ وِبْگَبْرَه اضُمَّه
مَا يِنْحِمِلْ فَرْگَاهْ يِجْرَحْنِي هَمَّه
كَلْفَه عْلَه وَجْهَه تْرَابْ گَبْرَه تِهِيلَه
-----------------------
#الليالي_العلوية
الشاعر حسن خنافر العاملي
▪️نعي ▪️
في ضربه امير المؤمنين عليه السلام
صاحت صوايح والقلب ذاب
اسم الله على دحّاي الابواب
لاضاع طوله ووجهه لاغاب
وظني يريته ابهالفجر خاب
شفت الولي من دون الايام
ساهي الفكر ما غمّض ونام
ايوصي ببناته وهاي الايتام
هالليله جنها تنهي الصيام
اذن يازينب وگت الفراگ
وطعم المنيه والدج ضاگ
اسمع نعاه وگبل إلشراگ
ومني الفرح بصياحه انباگ
سجدة فجر لو سجدة اغروب
گلبي ياوالي الساعه ايلوب
وصوت النعى ماخله اگلوب
كلشي ابنعا يتفطر ايذوب
صاح الهدى انهدمتله الاركان
مگتول حيدر نعمة الرحمان
شيبه خضيب ووجهه الوان
گومي استعدي يم الاحزان
بينه الدهر تدرين خوان
————
بنت الشمري
٢٠٢٤
من غمض اعيونه.. طاحت زينب .. طاحت زينب
رادو يشيعونه ....ركضت زينب ... ركضت زينب
خلف النعش تصيح .... ياهو بعدك يبقى الي
خلف النعش تصيح .... وين رايح يا علي
......
الساعه الاخيره وي علي
جانت اشد كل ساعه
زينب تعايله بهضم
وحيدر يضم بوجاعه
لا بيهه تدّنه اله
لا بيهه حمل اوداعه
تتمنه جانت كعدته
ويضمهه بين اذراعه
اتمنت يرد ليهه .... سالم هامه ... سالم هامه
ويكعد يحاجيهه .... عن ايتامه.... عن ايتامه
ما حسّبت يموت ... اكبالهه اعظم ولي
خلف النعش تصيح .... وين رايح يا علي
........
زينب على اوداع الابو
ما بطلت دمعتهه
ومن عاينت كصته اعركت
زينب علت ونتهه
طاحت عليه وشبكته
شبكه بكبر محنتهه
وبعمامته ظلت تشم
بجه الحجر حالتهه
يم راسه مفجوعه.... كعدت هيه . كعدت هيه
صيحتهه مسموعه ... ظل اشويه . ظل اشويه
يمي ابقى لا تروح ... يا أعز من كل هلي
خلف النعش تصيح .... وين رايح يا علي
........
من غمض اعيونه اركضت
ركضت امفارك خله
من طولهه فوكه هوت
لتموت بوية ادكله
المثلك يفارك يا علي
للموت يمشي احسله
اكعد يسباح الكَلب
بعدك اعيش ابعله
ما احمل افراكك ... ارحم حالي . ارحم حالي
كل لحضه اشتاكك .... شاغل بالي . شاغل بالي
عن بالي ما تغيب .... حزني بعدك ضل جلي
خلف النعش تصيح .... وين رايح يا علي
......
ياهو الالج زينب بعد
هالصيحه جانت الهه
ياخيمتي ويا فرحتي
وسنين عمري كلهه
وياك اخذني يا علي
لو موتتك أجلهه
بعدك اعيش ابلا عمر
والروح هاي اسألهه
روحي اشيصبرهه .... يا عز ناسي .. يا عز ناسي
امصلاتك انظرهه ..شيبت راسي ... شيبت راسي
من هسه اَنه اكول .... ويه حزني أختلي
خلف النعش تصيح .... وين رايح يا علي
.......
الدنيه صارت مظلمه
ادكله يابو اسنيني
نيران هجرك والدي
مثل الخيم تجويني
محتاجتك تفزع الي
غيرك منو ايحاميني
مو كتلي انه بكربله
راح الشمر يسبيني
من يحرك اخيامي ... ياهو اشكيله . ياهو اشكيله
وحسين كدامي .... خيل اتشيله ... خيل اتشيله
لو جلجل الظلام .... باليتامه انه ابتلي
خلف النعش تصيح .... وين رايح يا علي
....
✍ كلمات الشاعر :: موسى الخادم
نزال الى مولاي ابوالحسن علي ع
اليوم ابوحسين عله الراس تئلم طبرته
جرحك جرحنه كلش هضمنه
تستاهل عليك ينزل دمعنه
يابوالشهامه ابراسك علامه
خلافك يبو حسين صرنه يتامه
مايخسر ياحيدر اليحضرمجلسك
تحلاله وهنياله اليدخل منزلك
مغطي الگلوب والوجوه حزن كل شيعته
اليوم ابوحسين عله الراس تئلم طبرته
$$$$$$
مر بينه رمضان مغطيتنه الحزان
الحبك يبوحسين بدموعه سهران
تبجيلك العين ودموع الحسين
الفارگك يوم. ينعد بل سنين
يل والي. اشگد غالي مقصرين اشكثر
شمانبچي شمانحچي منك نعتذر
بل عزئات والدموع ندور نضرته
اليوم ابوحسين عله الراس تئلم طبرته
$$$$$$$
ياناسي وهلي. يا أول ولي
ابكل شده نصيح احضر ياعلي
فضلك ماله حد صرت النه سند
ابكل مجلس الك. خطينه العهد
وفقنه. وقربنه منك يل حنين
خدامك. لجدامك. خل تگضي السنين
كل گلب صاح يكرار تحضره ابكسرته
اليوم ابوحسين عله الراس تئلم طبرته
$$$$$$$
ياراعي الحساس نطبرلك الراس
والينجرح راح ايظمده عباس
نلطم عل اجفون خل تعمي العيون
أولادك اليوم ظلو ينوحون
ونينه وحنينه هايابه الحسن
تحضرنه وتنصرنه من كل المحن
لوجرح صار بلگلوب تدور حضرته
اليوم ابوحسين عله الراس تئلم طبرته
$$$$$$$$
نگل لليعادون. لا ماتكدرون
بشيعة ابو حسين . ولله تتعبون
بزمانه يحتار اليبغض يكرار
بالدنيه ينهان واخرته بالنار
انصحه. خل يصحه من هاي نومته
جم طاغي. وجم باغي راح ابساعته
من لله بو تراب على الناس توجب نصرته
اليوم ابو حسين عله الراس تئلم طبرته
تمت سلام البهادلي
[[ صلى عليك ]]
لأستشهاد المولى أمير المؤمنين ع
صَــلّى عَلَيكَ اللهُ كُلُ حِينا
يا ســـيدي أَميرُ المؤمِنينـا
حيدر حيدر
◾◽◾◽◾◽◾◽◾
ليلة مصابك يا عــلي عظيـمه
بگــلب الموالي تسعــر وأليـمه
زينب اســـمها صــاير اليتيـمه
يَبكي الحَسَن ويَحضِنُ حُسَينا
يا ســـيدي أَمــيرُ الـــمؤمِنينـا
◾◽◾◽◾◽◾◽
سيف الغدر واصل لحد جبينك
مولاي والدم جامد اعــله عينك
بهالحاله لمن شاهــداك حسينك
هَلتْ دمــــوعَه وَاعــتلى الانينا
يا ســـيدي أَمـــــــيرُ المؤمِنينـا
◾◽◾◽◾◽◾◽◾
مسموم جرحك والالم هـد حيلك
تسوه البواچي الليله خل نبچيلك
وعن العقيله سيدي شنحچـــيلك
جارت عليــها بَعــدَكَ الـــسِنــــينا
يا ســـيدي أَمــــــــيرُ المــؤمِنينـا
◾◽◾◽◾◽◾◽◾
تتلاگــه وي الزهــــره بصواباتك
وضهرك بقه مكســـور لوليـداتك
فگــــدوك كـلك انتـه وحچاياتك
إِليــكَ يأخُــذ فيـــهِمُ الحَـــنينــا
يا ســـيدي أَمــــيرُ المؤمِــــنينـا
◾◽◾◽◾◽◾◽◾
والشيعه طلــعت ياعـلي بنوايح
ونصبت الك يابو الحسن فواتح
يا عمد بيت الشيعه گالو طايـح
يا كَسرَةً ضــلّت تَعــيشُ فــــينا
يا ســـيدي أَمــــــيرُ المؤمِــنينـا
◾◽◾◽◾◽◾◽◾
عبد العليلـه
✍حيدر ابو كيان الفاطمي
[[ من غمضت ]]
تجلس زينب في خربة الشام
وتخاطب والدها امير المؤمنين ع
من الخيال ...
من غمضت عينك علي شفت النوايب
لمن صبح اسمي السبيه ام المــصايب
ضيم السنين
ضگته بونين
◾◽◾◽◾◽◾◽◾◽
من يا جرح ابدي الك يا بويه كلي جــروح
بس شيّعوك وسافرت عشت انه اه ونــوح
هو اليطب طف كربله زين وتضل بيه روح
وزينب جسد ضلت
دموع -- تجري وما كفت يابويه من اهد اعيونك
دموع -- زينب لا مو زينب صـــارت بويه بدونك
دموع -- تحفر بخدودي واني انشد بيك شلونك
العاشر صعب بويه ويبس گلبي بصباحه
من يومه للـــــيوم وانـــه ما مســـتراحه
العاشر حزين
ضگته بونـين
◾◽◾◽◾◽◾◽◾◽◾
خلي احچي الك عن الخيم من بيها شبـت نار
وجاسم تحنّه بالدمه وجسمه صبح طشار
والاكبر اتطبر تـره وليـــــله درت بالــــصار
راح النـــــضر منها
اصياح -- صار بنص اخيامي ونار الشبّت كبره
اصياح -- وكاروك الرضعان الفارغ صـاير عثره
اصياح -- عاد انه اتوجهت بنوحي لأمي الزهره
يمـه الزچــــيه يم حســـن يمــه تعـــالي
وشوفي الطفوف شسوت بحالي ودلالي
فگد الحنــين
ضگته بونـين
◽◾◽◾◽◾◽◾◽◾
بويه العلم فيّ الخدر وشمــحله هيچ افــياي
بيد الكـــفيل ورفّـــته تســـوه النـــهر والماي
بس وگعته ع المشرعه كسرت ضهرنه هواي
ويمه انحنه حسينه
راح -- صاح حسين وكـــــض خاصرته يم عضيده
راح -- اوحيد ودايرته العـــــــدوان بنــص البيده
راح -- الچان يطيّب جرحي بس يمسحني بأيده
گله شمت بيه العدو اگــــعد چفـــيلي
ياخويه حيلي بشوفتك انهض يحيلي
موقف انيـن
ضگته بونين
◽◾◽◾◽◾◽◾◽◾
لچمة دليلي من بقه حسين وتصد عينه
ساعة اليه وساعه ينــــضرها ميـــادينه
وينه اليناصرني ندب بس الله اليعــنيه
ماكو الــفزع لينه
طاح -- سهام ارماح بجسمه اسيوف يگطعن نبضه
طاح -- وخيل العشره تجــــيبه ترده وحيل ترضه
طاح -- ذاك حسين النشمي واصــبح مـابيه نهضه
بهيده الشمر حز منحره وگلي يأخته
هذا اخيّچ من گفـــــاه انـــه ذبـــحته
حال الحسين
ضگته بونيـن
◾◽◾◽◾◽◾◽◾◽
وموقف سبينه بالغـــــرب اني ويتــامه انــــوب
بنص الخرايب بيتتي ويذبحــــــني كل اغروب
من حضنك الدافي اصعدت زينب هزل وتلوب
وطبينه الولايه
بآه -- عشنه ايام وحسره اعلينه نلوذ بسگفه
بآه -- وكلها تصيح حسين حسين الحگ لا تغفه
بآه -- وماتت علويه النه بشام الما بيه رأفه
الچانت خدم عدنه صفت تامر علينه
يابويه بس حرگة گلب عگبك صفينه
واليدمي عين
ضگته بونيـن
◾◽◾◽◾◽◾◽◾◽
خلي اختصرلك بالحچي لمن رجع ضعني
صوب المدينه والضهر يا والـدي مــــحني
حته اخوي انه اشــــــتبه بيه ولعـــــرفني
وگلي انتي ياهيه
ضيـم -- گتله محمد اختك شافت هضمه وغربه
ضيم -- راحو خوّانك طاح وحــــط أيده بگلبه
ضيم -- سمعت ام عباس القصه وصارت نحبه
واتگابلن ام البنيـــــــن اويـــه العليله
وينعه العليل بحسرته وشوغة خلـيله
ولطم الادين
ضگته بونين
◾◽◾◽◾◽◾◽◾
عبد العليلـه
✍حيدر ابو كيان الفاطمي
#حصريا_كلمات_هاجر_الزينبية
قصيدة جنوبية للامام علي{ع}🔥
اچفوا ادلالكم سدوا الدواوين
المن ظاله و الراح ابو حسين
❥ـــــ✪★ـــ☆☆ـــ✪★ــــــ❥
سدوهه المضايف واچفو الدله
علي راح وعليّ هالمدمع انهله
شيخ الشيعة شال ودنيته هدله
حزنت دنيته او سوده بالعين
(عالشال و غرب...حزنانه )
❥ـــــ✪★ـــ☆☆ـــ✪★ــــــ❥
شيخ الشيعة شال اليعدل الميله
جا حمل البگه ياهو اليتچيله
الكلفة مَن يحلهه وياهو نشكيله
ابو الحملات ابد متعيده السنين
( ما نلگه الشايل...اوصافه )
❥ـــــ✪★ـــ☆☆ـــ✪★ــــــ❥
عايفهه المضايف بعده مهجومه
گلوب اعليه والله هواي مهظومه
احا يا طبرته ويا فجره يا يومه
ابفجر الله ونشوف الهامه نصين
( ايتامه انكسرت.... بوداعه)
❥ـــــ✪★ـــ☆☆ـــ✪★ــــــ❥
ترى اطيور الحمام الظلو ايتام
مكسوره الخواطر والحزن دام
فارگهم علي الرباهم اعوام
بعد محد نشدهم وين ما وين
(شبعوا ظيم وذل... بخلافه)
❥ـــــ✪★ـــ☆☆ـــ✪★ــــــ❥
لا من اليجي او لا من محنه
علي غرب ابونه وكل اهلنه
اليتامه تصيح ابد مامرو النه
ما واحد نشد عگبك يالحنين
( عگبك يا حيدر....ذلونه)
❥ـــــ✪★ـــ☆☆ـــ✪★ــــــ❥
#الشاعره هاجر كريم الزينبية
اسألكم الدعاء لي بالنجاح والتوفيق
وداعاً.... ياعلي حامي الحمه
شلون أودعنك يحيدر أرحم انته بحالي
انــه بعدك هايحيدر دمعــتي الـتـبرالي
وأنه زينـب يابـو زينـب. خيــبـيت آمالي
راح أعيــش بـدونك أنه وما تفـارك بالي
يبويه الدنيا بعدك مضلمه
وداعاً. ياعلي حامي الحمه
الكون متغـير يـبويه واختـلف كـل الـونه
جـم يتـيم اباب بيـتي ماطــبكها عيــونه
كلها تصـرخ كلـها تبـجي لمـن يشــيعــونه
وكـلب زينب ها يحـيدر كلهـم يواســـونه
يحيدر بعدك الشوف أنعمه
وداعاً. ياعلي حامي الحمه
عمري مارايده بغيـابك علي كرت عـيني
شـلي بيـها الدنيا بعدك مااريد أسنــيـني
بويه والقــرآن بعدك ماأعــوفـه أونيــنـي
اكضي عمري ع المنـاحه غيـبتك تاذينـي
يكرار. الغيبه صعبه ومولمه
وداعاً. ياعلـي حامي الحـمه
بالغدر بــويه تراهـم وصلو إلها حدوردك
مااجـو وجـها لوجـهـن عالي أنتـه بزودك
مادنـو حدك يحيدر من تـــدكها احـدودك
من حقدهم من كفرهم تشكي يم معبودك
والحقاد.. بالـــغدر ومـــحزمــه
وداعــاً ياعلي حامي الـحمه
ربي ألــعـن أبــن مـلـجم بل يــتم خـلانه
ويلي حيدر هــل مسيــه خالي هذا مجانه
والله فكـدك ها يبـويه بكــل وكـت بجــانه
ويا حــلات العــيد جـــنه علي جـان ويانه
بلاياك. العيد لا من سالمه
وداعــاً ياعلي حامي الحمه
العــيد يابــويه بغيـــابك ماأريــد اعــياده
العــيد مـتريده اليتـامه وكلبي هم ماراده
بحيره بعدك والله ضلت بويه عمت الساده
هذا أبوي الماكو مــنه حلوه حـلوه أمجاده
والعيون. دم ودمع شو هامله
وداعاً. ياعـلي حامـي الحمه
كلمات الخادم
👇
مرتضى مكطوف
لاستشهاد أمير المؤمنين
علي عليه السلام
الدنيا وحشه والزمان
من رحت يابو الأمان
الدنيا وحشه
★★★★
الدنيا وحشه ياعلي ودارك خليه
الدنيا وحشه اليوم ياحامي الحميه
الدنيا وحشه كل صباح وكل مسيه
الدنيا وحشه اتمر على بنت الزچيه
رحت ياگلب الحنان
الدنيا وحشه والزمان
الدنيا وحشه
★★★★★
الدنيا غربة صارت بعين اليتامه
الدنيا غربة منفجع بيت الإمامه
الدنيا غربة ومابعد بيها سلامه
الدنيا غربة وليل مايرحل ظلامه
والفرح ماله مكان
الدنيا وحشه والزمان
الدنيا وحشه
★★★★★
صفت لوعه وغربه واحزان ومناحه
صفت لوعه وليل مايطلع صباحه
صفت لوعه ومابعد لاحبابه راحه
صفت لوعه من بعد ذيچ السماحه
الدهر يابوالغيره خان
الدنيا وحشة والزمان
الدنيا وحشه
★★★★★
ايساعد الله الحسن مابطَّل ونينه
ايساعد الله حسين نار دموع عينه
ايساعد الله گلب عباس وحنينه
ايساعد الله زينب الظلت حزينه
من بعد كل فرح چان
الدنيا وحشه والزمان
الدنيا وحشه
★★★★★
من غيابه الزمن وَدَّعْْ أمانه
من غيابه الفقه ينحب والديانه
من غيابه الهدى انهدمت أركانه
من غيابه العلم حاير بيانه
والبلاغه بلا بيان
الدنيا وحشه والزمان
الدنيا وحشه
الشاعر حسن لعيبي الحريشاوي
نعي بين السيدة زينب والام الحسين
سلام الله عليهم
.
خويه حسين ابونه اليوم مامار
ولحد الان ما بين على الدار
بشرني يخويه وشنهي الاخبار
طمني اعله ابوي اشصار ماصار
.
اشوف حسين وضعك حيل تعبان
وجهك بعد وجهي ليش ذبلان
على رسمك اشوفنه الحزن بان
وما تكدر ترد يحسين حيران
.
مو بلساني اكلج اقري وضعي
زينب خلي اخبرج وانتي اسمعي
عودج راح يختي كومي انعي
مثل ضلع الزجيه نكسر ضلعي
.
الخلف بالله يخويه و الصبر زين
عمة عيني نكسر ضهرك يالحسين
مو وحده العمت يا خويه الاثنين
نطر كلبي يخويه و صار نصين
.
الحزن يحسين وجهك لايبينه
تره احنه امن المصايب لايبينه
اعله باب البيت ننطر لايبينه
و بعد هيهات يرجع للثنيه
.
حسن صالح العيساوي
عضم الله لنا ولكم الاجر بأقتراب وفاه الامام علي عليه السلام💔
قصيده لليله جرح الامام علي ع{هامة الكرار}
طبرو هامه الكرار
وزينب حايره الليله
❥❥❥❥ـــــــــــــ❁❁ـــــــــــــ❥❥❥❥
طبرها ويلي ابن ملجم
غمــيج الجرح ما يلتم
مـــــن الله فـــلا يسلم
زينــب تــون ونـــحيله
❥❥❥❥ـــــــــــــ❁❁ـــــــــــــ❥❥❥❥
بجــــت ولــزم ايديها
عبـــــأاس انته واليها
اخيتك بعدي حاميها
كــأأامـت عاد تنعيله
❥❥❥❥ـــــــــــــ❁❁ـــــــــــــ❥❥❥❥
جرحك بــــويه اذاني
بدالك ريــت ضرباني
وكـــتي بيـك جواني
دمعها بــحرگه تسيله
❥❥❥❥ـــــــــــــ❁❁ـــــــــــــ❥❥❥❥
وصه الكافــل وينحب
يبني بــركــبـتك زينب
حــــقق ليـــها ماتطلب
ولو مال الحـمل شيله
❥❥❥❥ـــــــــــــ❁❁ـــــــــــــ❥❥❥❥
ونــــت زينـــب الحره
صـــأاحت يمه يازهره
گلبـي خــنكتـه العبره
بيــــدي مابقت حيله
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
في ذكراى عطش الحسين عليه السلام...
تذكر في الضما ياصايم الضامي
وعرَوْگك ناشفه وگلبك بأغلاله
الحسين الماي گطْعو اعليه من سابع
وبقى ضامي الظهر في الصحرا بطفاله
واخذ ثامن وتاسع ثم ظهر عاشر
ثلاث ايام أخذ له والعدو اگباله
ثلاث ايام ضامي ماشرب بويه
ذابل حيله والميدان بهواله
وحيد ابنينوى ماله فرد ناصر
كلها بوعلي اهنا ماتت ارجاله
صراخات العيال امن العطش تذوي
العطش اتصيح في الصحرا يرى آله
تصيح ابصوت يفت اگلوب ومو بيده
تموت امن العطش يَمّه يرى اعياله
رمال الصحرا وسط الريح تطّاير
تدخل ثغره وتيبّس له دلاّله
الجراحات العلى جسمه الولي كثْره
وثيابه امزّقه امن اسيوف خذّاله
الغبار اعليه من خوض الغمار اشگد
على اجروحه ودما راسه الذي ساله
تدري انت مقاتل والضما يقتل
وحرارة شمس ابد ماترحم الحاله
يرى بعيون عدوانه الذهب يلمع
كبير اصغير ماهمها من اجلاله
يصد لعياله لو لسيوف عدوانه
أبواليمه اشكثر خايف على اطفاله
حضور الواقع ادهى بالوصف واعظم
بشر احنا وشوكه النا نرد ساله
وإذا انت ابطاعة الله مقتدي ابفرضه
الحسين ابفرضه متقيد وبقواله
✍️
علي الأحسائي
شهر رمضان ١٤٤٥هـ
🖋️📜قصيدة موشح حوارية بين امير المؤمنين "عليه السلام" وام البنين "عليها السلام"
ــــــــــــــــــــــــــــــــــــــــــــــــــــ
جنها ساعات ويطش منه الشمل
اوصيتي يم عباس لو حان الاجل
عينچ اعله ام الخدر
مني لو طال الهجر
اتضل وحيــــــده زينب بلايه اهل
ـــــــــــــــــــــــــــــــــ
ادري كلـــــــچ عاطفـه وكلچ حنان
ويمج الـــــحره تــحس بس بالامان
لچن يم عــــــــــباس لو جار الزمان
ودارت اعدانه عليـــــها بكــل مكان
انت صيري الها سند
انطيني من عندج وعد
اتضل وحــــــيده زينب ابلايه اهل
ـــــــــــــــــــــــــــــــــــــــــــــــ
اليفگد احبابه ســــوه كلش صعب
يبقى بس يدير عيـنه اعله الدرب
ينتظر جـيـــــــــــتهم ودمعه يصب
ويحجي بيهم لحد ميموت الگلب
ليله ونهاره يون
تارس كليبه الحزن
اتضل وحيـــــده زينب بلايه اهل
ـــــــــــــــــــــــــــــــــــــــ
وانـتي تدرين العقـــــــــيله مدلله
لاتـــضل دمـــــعتها تهمل سايله
لو مشت بالضعن ويـــــــه العايله
امن المدينه تجي تمر بكربله
بغربه وتريد المدد
افديها بأموال او وَلد
تضل وحيده زينب ابلايه اهل
ـــــــــــــــــــــــــــــــــــــــ
🖋️📜جواب ام البنين عليها السلام:-
خادمه وابشر يحيدر لاتهم
ايدي ربت للعقيلة اربع زلم
تلاگي الموت وابد ماتنهزم
السيف لو شالوه يندب والنعم
الشهم بيهم لو غضب
بخزرته يگطع رگب
اتضل وحيده زينب ابلايه اهل
ـــــــــــــــــــــــــــــــــــــــ
وعد منطيتك ولد غيره وعقل
قسم ما واحدهم ايردلي عدل
بالطفوف أسمائهم تصبح مثل
اشبول هاشم ياعلي گول وفعل
ذخر ليام الطفوف
يوزع الكافل چفوف
اتضل وحيده زينب ابلايه اهل
ـــــــــــــــــــــــــــــــــــــــ
كبرتهم للمصايب والمحن
بهيبه يمشون ويحرسون الضعن
وعد هذا اوعدت بي ام الحسن
يحامون ام عون لو جار الزمن
العذر من الطاهره
ادري حيل امقصره
اتضل وحيده زينب ابلايه اهل
ـــــــــــــــــــــــــــــــــــــــ
تمت وبعون الله تعالى بِأقلام:-
ام علي البابلي
زينب الواسطي
لانجيز شرعا حذف الاسماء
اسالكم الدعاء
ليالي موحشة ومخيفة وكانما ايام اليُتمِ اقتربت
واعلياه 😢
نعي لاستقبال الفاجعة
مدري شمالنه بالضيج نمسه
والهم بالگلب جاثم نحسّه
و مثل الهدم صرنه نلبسه
وعله گلوبنه ماتمر ونسه
الليل نفسه الصبح نفسه
ارواحنه محبوسه حبسه
چن علي جاي تغيب شمسه
😢
ام محمد الحجاج
حْسِينْ نَظْرَةْ عِينَكِ تْأَذِّينِي
لَا تِگِلِّي شْلُونَكِ تْبَچِّينِي
-----------------------
حْسِينْ إِصْبِرْ عَالْتِشُوفَه بْعِينَكْ
طَبْرَه وِحْدَه بْرَاسِي وِينِي وْوِينَكْ
رَاحَ اشُوفَكْ عَالثَّرَى مْگَطْعِينَكْ
كَرْبَلَه جَمْرَه شْكِثُرْ تِچْوِينِي
-----------------------
حْسِينْ رَاحَ امْشِي لَچَنْ مُو ظَامِي
وْلَا ذَبِحْ خِلْصَتْ تَرَه أَيَّامِي
وْلَا حَوَافِرْ دَاسَتِ عْلَه عْظَامِي
وْعِيلِتِي يَمِّي تِهَوْدِ وْنِينِي
-----------------------
حْسِينْ هَاذِي چْفُوفِي مَا گِطْعُوهَه
وْلَا خِيَامِي بْطِيحِتِي حِرْگُوهَه
وِالثِّيَابِ عْلَيَّه مَا سِلْبُوهَه
وْخُنْصُرِي سِالِمْ بُگَه بِيْمِينِي
-----------------------
حْسِينْ رَاسِي عَالْجَسَدْ تِبْرَالَه
وِانْتَه رَاسَكْ عَالرُّمُحْ يِتْعَالَه
بْصَدْرَكِ يْدُوسِ الشِّمِرْ بِنْعَالَه
بْصَدْرِي لُوعَةْ مَصْرَعَكْ تِدْرِينِي
-----------------------
حْسِينْ زِينَبْ عُگْبِي مُو مَسْلُوبَه
بِالْخِدِرْ أُمِّ الْخِدِرْ مَحْجُوبَه
شْلُونْ بِيهَه بِالْيِسُرْ وِدْرُوبَه
مِنْ بَعَدْ عِينَكْ إِلِي تْنَخِّينِي
-----------------------
حْسِينْ آنِي جْنَازِتِي تْشِيلُوهَه
بِالْمَدَامِعْ كِلْكُمِ تْشَيْعُوهَه
وْجِثِّتَكْ فُوگِ الثَّرَى يْخَلُّوهَه
هَاذَه كِلَّه رَاحَ اصِدْلَه بْعِينِي
-----------------------
#الليالي_العلوية
الشاعر حسن خنافر العاملي
🏴 فقد الأب الرحيم ..
وقد قربت ليالي الحُزنِ منا
بها يقضي أمير ُ المؤمنينا
ليال ٍ أسبَلَت دمعَ اليتامىٰ
غدَوا حَيرىٰ عليهِ وهائمينا
تُذكَرُنا بزينبَ حينَ نادت
لأجلِكَ ياعلي ُ دَماً بكينا
تَمَهّل لا تُفارِقنا فإنَـا
بلا عيد ٍ نظلُ ولستَ فينا
#ياعلي 💔
#سمير_الصالحي
#البصرة_الفيحاء
🏴أبوذيات
تزيد جروح لبگلبي عليراح
واظل اصفگ أنه براحٍ عليراح
هضيمه من اسمعت صاحوا عليراح
وصحت ياريت وافتني المنيه
ظلام بلا علي ويلاه يهلبيت
ويمن كون اتبع الوالي يهلبيت
مصايب شفت من زغري يهلبيت
وحده باثر وحده بلا رويه
#ياعلي 💔
#سمير_الصالحي
#البصرة_الفيحاء
#الخميس_29_3_2024م
#17_رمضان_1445هـ
*الوصية من أمير لأميرة*
*حوار يدور بين الامام علي ع وابنته زينب ع*
يا زينب وصية گِعدي وٱسمعيها ~
صعبة هالمسية أمانة وتحمليها ~
ٱصبْرِي عالرزيه والدمعة احفظيها ~
لا تهلّيِ عيونچ اچدّامچ محن كثره
〰️〰️〰️〰️〰️
عندچ مصايب تنتظر بيها العجايب
كل محنة تتبعها محن وتتبع نوايب
بس الله خالق زينب لهاي المصايب
كعبة وتطوف ام الصبر كل محنة للعتره
〰️〰️〰️〰️〰️〰️
سؤال زينب؟ شعندك يبويه؟
بحر طويل
شعندك يبويه من محن يا حيدر اخبرني
مفجوعة ادري بـ اخوتي وانت الي تفجعني
يوم الحسن كله محن يا بويه دوهني
ويوم الذبيح بكربله لن خاطري يِكِسره
〰️〰️〰️〰️〰️
يگلّلها من بعدي الحسن چبده يسمونه
وحسين اخوچ بكربله ظامي يذبحونه
وانت غريبه وتنسبي وخدرچ يشوفونه
صعبه الأميرة تنسبي لديرة غرب حسرى
زينب زينب زينب
〰️〰️〰️〰️〰️〰️
واعظم محن في كربله تشوفي جسد مطروح
وخيول اميه تسحقه ودم النحر مسفوح
وراسه يشيلونه برمح واويلي عالمذبوح
وخيل الاعادي حاطته تطحن عظم صدره
حسين~ صح ونادي واحسيناه
خادمة آل محمد ✍🏻
*خطاب زينب ع مع والدها امير المؤمنين ع/ لحن أمانة هالوصية~*
تگله آه يا غالي~
يا عزّي ويا دلالي~
بعد عينك يبويه
دمعاتي جريه~
تروح عني عني عني ~
يزيد ونّي وني ونّي~
〰️〰️〰️〰️
يألّمني رحيلك
وجرح گلبي ٱشتكيلك
يالـ مني ماخذ الروح
ورايح من اديّه
فراگ يصعب يصعب يصعب
تصيح زينب زينب زينب
〰️〰️〰️〰️
يابويه زينب أميره
من بعد عينك أسيره
منهو يكفلها ياحيدر
لو ٱجت للغاضريه
عليك نوحي نوحي نوحي
وياك روحي روحي روحي
خادمة آل محمد✍🏻
سلام الله اعله سطراته ... علي علي علي
سلام الله اعله صولاته .... علي علي علي
.....
علي تشهدله ساحات البطوله
علي بس هو تحلاله الرجوله
علي متفصلَّه الهيبه اعله طوله
علي ذكره عباده اعلن رسوله
علي هو الإيمان .... علي ذكره قرآن ....
علي احلى سلطان .... بالعالم
علي تشهدله اياته .... علي علي علي
........
علي من العلي اموقع الهوية
شجاعه ومرجله وغيره وحميه
بنزالاته اخذ مية اعله ميه
ويعادل فضله كل هاي البرية
علي مثله ماصار ... علي معنى الإيثار
علي حامه عالجار ... من مثله
متتوصف عباداته ..... علي علي علي
......
علي ما مثله واحد من يقاتل
يزلزلهه الارض ساعت ينازل
ابد ميثني بالسطره ويجامل
وصل صيته السمه وبكاعه واصل
علي سيف الإسلام.... علي والد الايتام
علي بسمه الايام .... تتباهه
برض ربنه وسماواته .... علي علي علي
........
علي كول وفعل يشهد فقاره
اسد بالحومه ماخذهه بجداره
يضل تاريخه حافل بالصداره
نهج بي تقتدي كل الغياره
علي نهج الابطال ... علي زين الارجال ....
علي اسمه ينشال .... عالهامه
وتعلموا منه وكفاته .... علي علي علي
.........
الوكف كدامه بالحومه وتحده
خطف من عنده روحه ولهله رده
علي كلش جبير وماكو كَده
يعادل كل جيوش الدنية وحده
علي راهب اعداه ... علي الحومه تهواه ...
علي نصره وياه .... يبراله
اسد ما يخطي صيداته ....علي علي علي
.........
ابن ود بيده ما طول دقيقه
ابد مو عاطفه نحجي الحقيقه
علي بالحومه موت احمر رفيقه
ابد ميخالفه ويترك طريقه
علي صكر الاحروب .... علي الحاربه ايتوب
علي خصمه مغلوب .... كَدامه
علي اشيحملهه حملاته ... علي علي علي
.........
قلع خيبر علي بقبضة يمينه
منو السواهه كبله امن المدينه
رسول الله بعلي كحلهه عينه
وبي باهه الإسلام وباهه دينه
علي قالع الباب ... علي سيد الاعراب
علي صيته ماغاب ... من يومه
علي اشمحلاه اشمحلاته .... علي علي علي
........
✍ كلمات الشاعر :: موسى الخادم
اوگف وعثر لرايح حيدر
بدموعي اسهر عل فارگني
ليش عايفني ورحت
كون شايفني اشصرت
بويه بويه
راح وراحت اعيوني الچان يلمنه بحضانه
اليتم مراني مثل اليل يحب اعيون حزنانه
يتامه لا ابو ولا ام ابين الغربه خلانه
ماادري الزمن ياناس اشعنده قاسي ويانه
يصعب عدهن يامكثرهن
اجروحي الصعبه مافاركهن
موت بفراگك متت
ليش عايفني ورحت
الدنيه ابلا ابو اشتسوه صبح ومضيع البسمه
اليفارگ ابو ياناس عمره يعيشه بل ندمه
بوجوده انحس بمان الله امنياتي امعلگه بسمه
يقدم احلامنه اعله اليل ابد مايهتم الحلمه
راح الخيمه وضعنه ابهيمه
فارگنه الفي ندور غيمه
تراب من گبرك ردت
ليش عايفني ورحت
علي هوه علي الفقره وياهم محله ايامه
يفرح ايتام لو فقره چانت هايه احلامه
ابد مامر عليهه اليل اله ويلبس الثامه
من يسمع طفل جوعان بگلبه تكثر اسهامه
الفرحه العنده ينطي العنده
اليبذل خيره الله يسنده
وياك موتي اتصورت
ليش عايفني ورحت
علي اشما دروينه اسمك اسمعه ابشفت ايتامك
اليتامه احلامهه انشدت يحيدر ويه احلامك
الماشافك ابين ايتام هذا اعتقد ماشافك
اذا ماتطعم وترتاح ابد مايرتخي احزامك
اهواي اجروحك فاضت روحك
اعللعايفهم يكثر نوحك
افراگ حيل اتعذبت
ليش عايفني ورحت
قلبي ادفنته وي نعشك وصرت اتسله بحزاني
انهدم كلشي البنيته اعليك بعد شيفيد بنياني
اول مره احس بل ضيم ضعت ياحيدر الگاني
اصيحن بويه كل لحضه متت مايعرف الساني
رايح مني ومعذبني
مااتحمل لتفارگني
عليك ابدمعي اتحسرت
ليش عايفني ورحت
بويه بويه
سلام البهادلي
[[ ترجع اتاني ]]
لأستشهاد علي امير المؤمنين ع
زينب ع مخاطبة قبر ابيها علي ع
يا علي يا علي يابويه ياعلي
◾◽◾◽◾◽◾◽◾◽◾◽
تــــرجع اتاني اتانــي اتاني
لو بس ثواني ثواني ثواني
كل ما يمر مغرب واجر
حسره الك وانحب
يا المبتـعد وسط اللحــد
تتنطــــرك زيـنــب
اچبير الحصل حملي ثگل
حتى الگلب شيّــب
بعــــــدك يغالي
ضلــــمه الليالي
بس هم صفالي
◾◽◾◽◾◽◾◽◾◽◾
وحشه وخليه خليه خليه
الچانت زهيــه زهيـه زهيـه
راح الامــل لمن رحـــل
فيّـك يوالـــــــدنه
خنگه وعـلي خلافك علي
حته الزمن ضدنــه
كلشي اختفه عگبك صفـــه
بس النفس عدنـــه
من راحت امنــه
صرت انته اهلنه
يابــــــو المحنــه
◾◽◾◽◾◽◾◽◾◽◾
من اول مصيبه مصيبه مصيبه
اســـــمي غريبه غــريبه غريبه
فيّي انكشف كلشي اختلف
واطشرن سنيني
عود ارتجي بلكت تجـي
وما غمضّت عينــي
انضر حسـن يبچي ويون
ومگابــــــل حسيني
اصـــبر احــاول
لو شفت الكافل
والمدمع هامـــل
◾◽◾◽◾◽◾◽◾◽◾
خــــــــابت اماني امـاني امـاني
شخصك جفانــي جفاني جفاني
مامش گلب للبيت اطب
ومفارگه اوصافك
كسرة ضهر حــزني كبــر
محتاجه لأچتافك
الگضه العمر عبره وقهـر
ما ضحكن اشفافك
ليـش النوده
الكــله مـودّه
نحفرله لحده
◾◽◾◽◾◽◾◽◾◽◾
يا ليل انامه انامـه انامه
صرنه يتامه يتامه يتامه
من الزغــر ام الخــدر
واتيتمت ويلي
راح وصفن يتــــشابهن
انهاري وي ليلي
گلبي انگطع همي انجمع
لهنا خلص حيلي
ردلي اشــــوفك
واشتم چفوفـك
صـعبه اعوفــك
◾◽◾◽◾◽◾◽◾◽◾
عبد العليلـه
✍حيدر ابو كيان الفاطمي
((نزله )))
يـمه صاحت فاطمه
اليلة مطبوره السمه
***
هذا جـبريل الينادي قــبل ما طر الفـجر
اليلة مطبـوره سمانه بالمكر وأبن المــكر
من سمعته يكول وسفه اليلة حيدر منطبر
الفاتحه أقراها ع روحي ونتـها ذاك الـعمر
الدنيا بعـدك مضلمه
اليلة مطبوره السمه
***
سوده دنيانه بغيـابك ونطفه بيها الضوء
أنته كلشـي بيها أنـته وأنته شمات الهواء
يامعيـن الكل مصـيبه الجرح تصـبح دوء
سـفرت الوالد طويله والكلب بيـها نجواء
والنــــظر بـعده نــعمه
اليلة مطبـوره الســمه
*
ها يفاطـم ها ييــمه أنتي هـم الحـكيلي
ليلة مطـبوره سمـــانه ونهدم كل حيـلي
من يســــافر هـذا أبويه مااهيــد أبليلــي
يجري دمعي يمه فاطم والسمه تبجيلـي
تبجي الجله البـسـمله
اليلة مطبـوره الســمه
***
شلي يايمه بحــياتي من يسـافر حـيدره
دنيه مابيها مــلذه من يوســـدونه بثـــره
راح أسولفلج مصابي يالحنــينـه الطاهره
هسه مو زينب تراني زينـــب أنه الصابره
ويلي ياحامي الحمه
اليلة مطبوره السمه
***
جم يتـيم أباب بيــتي منـتـظر ذاك الطـبيب
عن جرح حيدر أبويه يسـأل بصـوت النـحيب
كلها تدعي بالسلامة يشفه من جرحه الحبيب
منهو لينــه ياوليـــنـه لو نـويت عله المـغيب
واليــتامــــه ميـتمــــه
اليلة مطـبـوره الســمه
***
يا لتناشـدني ع حالي ماتـــسر أحـوالي
شنهو حالي بهل مـسـه وبرحيـــل الغالي
يا دمعــــتي الماعـفتها من يغـيب الوالي
وأنه عشـره وي دمعتي والــدمع يحلالي
مو دمع عيــني دمه
اليلة مطبوره السمه
___
كلمات خادمكم
مرتضى مكطوف
اجتمعوا يودعونه ..... وعالقبلة يجبلونه
والحسن گل لقمبر ..... . خلنا نودع حيدر
والاله الدمع بعيونة
زينب (ع):
ياليـتمتني بروحـتـك شلون ابطـل ونـيـني؟؟
ماعـودتني عـلى الهجر ولا طبعك تجافيني
يالجنت تجبر خاطري وبجروحي تواسيني
ماعـرفت عيوني الـدمع وال طـبعك تبچيني
ولـمـن يبچـيني الدهـر تزرع الفرحة بعيني
تمنيت انه بهـذا النعش وللـگـبر تـواريـنـي
ميت يعيش بهالدهر ... وعمره الذي يطوّل گصر
الـ بيدة دفن أغلى البشر
شله بعد بعمرة؟ ... ....... الفارگ علي والزهرة
ويه الموتى إيعدونه
قنبر خادم الامام علي:
ياصـاحـبـي مـو سـيـدي يالغرگـتني بفـضلك
ماعاملتني كـ الخدم لا وحق جرحي وجرحك
حاسبني بـحساب الأخو وطبع المحنة طبعك
ومو خـدم لاوالله چنت حاسب اولادي ولدك
شلون اقـنـع روحـي انه باجر يغرب صبحك
الـرافـگ بـشـر مثلك عمر مايقتنع ويودعك
من صغري انه محد إلي ..... ومن ودعيتك ياعلي
حسيت انه مودع هلي
ماحسستني كالعبد .... ..... بس حسستني بالفگد
واللي هلة يجفونة
الحسن (ع):
الـينـكسر مـن الزمن عالـحـمل اهـ لـة تـعينة
هــذا اليـطـيـب خاطرة وبچـفـة يمسح عينة
وذاك الـيـواسيه عـالـفگـد والجرح مهونينه
بس اللي يدفن كل هلة عالجرح منهو يعينه
عگب النبي وام الحسن هذا عـ لي مودعينة
مـغـرّب وخـلـة چـم جـرح ينزف ويدي بينه؟
اليجمعنه چان بكل دفو .... عايفنا والاصعب شنو؟
بارد صبح حظن الأبو
شلون اشيل جنازتة ........ وانه بعدني بعازتة
بهيدة لـ تشيعونة!!
الحسين (ع):
حاسب لكلشي ياعلي بس هايه ممحسبلها
هـاي الـيتامى تـعـودت چفـك دفو ينگطلها
بـالبـاب وگفـت تنتظر گلي علي شنگلها؟؟
بـيـمـن نـقـنعـها مـتت ويا گــلب يتحـملها؟؟
وانـت بــحـنـانك مثلت اخـر أمل چـان الها
ولمسات اديك بكل گلب بسمة فرح شاتلها
و مشهد شفت بچاني .... واحد يگل للـ الثاني
لو ما أجانه نتاني
واسمع ابوه وبنيتة ..... تگلة طالت غيبتتة
و هل الدمع بعيونة
خادم ال محمد
علي أحمد
يا علي
دعـاك الـلـه يـبـو الـحـسنـيـن.. والـبـيـت
وهِرش گـلـبي عليك أنگــطـع.. والـبـيـت
أشــوف الـكـون أظـلـم صــار .. والـبـيـت
عَلّـي مـوحـش يـحـمــاي الـحـمـيـه
*-----------------------*-----------------*
✍خادم أمير المؤمنين
الشاعر رعد الجريخي
كأني بالإمام الحسن ( ع ) يجلس ويقابل باب دارهم
ويحكي لشيعته عن حاله بعد ما انطفأت شمعة النبي ( ص ) والمحسن و أمه السيدة الزهراء ( ع ) و والده أمير المؤمنين علي ( ع ) ، يقول :
مات ابونا .. وماتت اوياه امنياتي
الما يجونا .. غيّروها شگد حياتي
نگعد گبال الباب
ننتظر جيت احباب
______
گبالة نگعد ننتظر
احنة كل طلعة فجر .. ايزيد كل ساعة الحنين
بلكت تمر الاهل
عدنا ما مات الأمل .. بعد كل هاي السنين
اليوم يطول عام اصبح في غيابه
و صار واحدنا يشيّب في شبابه
عطره بلكت هالهوه وياه جابه
احساس غربة .. ما يمر بس اعله فاگد
حيل صعبة .. بيت صار بلاية والد
يا فگد أبو تراب
ننتظر جيت احباب
_______
بابنة يدگة النحب
حزني مني ينسلب .. لمن الرايح يعود
بهيدة لمن ينفتح
يطيب وياه الجرح .. گلبي من حزنه يهود
كلنة منتظرين والدنا اليجينه
وبعد فرگه تشبگ ايده وي ادينه
روحي للدمعة انه صارت رهينة
صرنة هسة .. بلاية زهرة بلاية حيدر
صعبة انسى .. بالي ميفارگ المنظر
والدي براسه انصاب
و ننتظر جيت احباب
_______
وياه چنة نجتمع
يوجعة شگد الضلع .. راسه من حزنة يشيب
ما نسى أمنا أبد
وگلبة ما لحظة برد .. محترگ لجل الحبيب
رغم ما مختلفة بالعيشة العوالِم
ابد ما عافتني لحظة وياي فاطِم
من البچي حمرة عيونة حزنه دائِم
صوتة رايح .. بكثر ونة اعلة الحبايب
البُعُد ذابح .. ضحكِته و سواه شايب
شيّب وبعده شاب
وننتظر جيت احباب
______
بابنا اندگ شكثر
أيتام تسأل عالگبر .. وين ابونا بيا مكان
علي چان النة أبو
و أخو للماعنده اخو .. ومصدر لكل الأمان
السلام ارد اني ابلغة من الحيارة
الفاتحة يم گبرة اقرا و الزيارة
البلـ وجه لا ما يسده باب داره
هوة قوتي .. و تچوتي واهلي وعمامي
ريت موتي .. گرّب والحگ إمامي
جرحي بعده ما طاب
ننتظر جيت احباب
________
الچان يمسحلي الدمع
صرت اشعلّه شمع .. الفاتحة لـ روحه قريت
الخايف اعلية شكثر
هسة نايم بالگبر .. اتغيّرت گد ما بچيت
اتغيرت بعدة امنياتي و الملامِح
القبل لا تنزل دموعي دمعه طايح
صرت يومية أزوره لگبره رايح
خطوة خطوة .. لگبره بالگوه مشينا
هناگه گوه .. وياه بالگوه حچينا
نحچي وي الغيّاب
وننتظر جيت احباب
________
حسين علي الدليمي