7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصيدة ندبة لتعجيل الفرج
يا الاهي .. نسأل بجاه الحسين
يا الاهي .. عجل الفتح المبين
ضاگت الدنيا علينا عجل بطلعت ولينا
يا الاهي ++++ يا الاهي
++++++++++++++++++++++++
ضاگت الدنيا وندور فسحة من الامل تُفتح بالدُعاء
ما حصل حل ابادينا باقي بس حل ننتظر من السماء
عجل الطلعة البهــية خل يشيل من الارض هالابتلاء
وننسى جور المر علينة نعيش من بعد العسر خير ورخاء
يا رجانة .. الخصم بينا شعمل
يا رجانة .. ابمنقذ الامة الامل
للدعا نرفع ادينا عجل بطلعت ولينا
يا الاهي ....... يا الاهي
___
رحمة مانرحم بعضنا ورحمة منك ننتظر رب العباد
من ادينا وما كسبنا ظهر بالبر والبحر منا الفساد
الموت عالبيبان واگف واحنا وي رب العرش نمشي بعِناد
عدنا وي ابليس صحبه ولا عرفنا الحكَ ولا درب الرشاد
بس بعضنا .. البعض كلش قليل
بس بعضنا .. تخاف من الله الجليل
الفرج يمته يجينا عجل بطلعت ولينا
يا الاهي يا الاهي
---------------------------------------------
نمشي عكس الرادة الله وندعي بالتعجيل كافي الانتضار
امن الزمان اهوال شفنا وما اخذنا ادروس منة واعتبار
اليريدة المهدي منا ما نطبقة بگلبة دوم نخلي نار
فوكَ ما مجروح گلبة جروح احنا انحطلة باليل ونهار
ندعي ربنا... العجل ربي العجل
ندعي ربنا... ولا دعا منا انقبل
بعكسة مهدينا مشينا عجل بطلعت ولينا
يا الاهي يا الاهي
========================
كثرت ذنوب الخلايق والله ينذرنة وفلا مرة نتوب
نعاند الله وعن دراية انزيد يومية بالذنوب الذنوب
بالربا وكلشي مُحرم عدنا بعض الناس مليانة الجيوب
كافي يالمذخور صبرك اشرق بشمسك صبح من الغروب
من نشوفك ... تنملي الدنيا عدل
من نشوفك ... الصعب يصبح سهل
فرح گلوب الحزينة عجل بطلعت ولينا
يا الاهي يا الاهي
====================
أسألكم الدعاء رائد الاسدي
ســلام من النـــهر لحســين
لخــيامه وعلـــى الچفـــين
لو بالعــــاشر مرتــاح
ماشالوك اعله ارماح
كل مره ينـــــعاد الزمــــــن
والكربـــله ايطــب الضــعن
والمقــتل ايگـــول
من سابع وشـــد الضـــــمه
من طاحت اچفوف الحمه
وحسين لاحـــول
يوگفلك ابطوله النـهر يحسـين مـالي ابهــايه
صح يمي طايحلك اخو وانكسرت الكم رايه
بيني ومخيمكم عـدو حـال ومنـعني اعليكم
هم سامع ابمثـلي نهر غارگ خجـل من مـايه
لو عباســك ماطــاح
ماشالوك اعله ارماح
ســلام من النـــهر لحســين
××××××××××××××××××××
بين المنـــع واليمـــــــــتنع
يوجـــد فــــرق مايجـتمع
اعفيــــني مولاي
شلون امــتنع عــن الفرض
وانتــــم ينابيــــــع الارض
يامصــــدر الماي
كلما يمـر طاري العطـش ينشـاف طين اجروفي
وبخــــانة السـلبو هلك ويــاهم انعـــد خــــوفي
متوقّفه اعله الــماي امـس چانت حياة اخيامك
وانتم ضيوفي وفشلتي عطشانه يمي اضيوفي
وامجـــاورني الذباح
ماشالوك اعله ارماح
ســلام من النـــهر لحســين
××××××××××××××××××××
بالدنيـــا مـــن ذاك العصر
ماكـــــو نــــهر مايعــــتذر
من يــــومي لليوم
ننشف عله اسمك من يمر
تاريخـــك ايضــــل ينذكر
وتاريـخي معدوم
انا الفـــرات الحـــيرك والحـــــاير ابأعذاري
لامن رويت امخيمك لامن حضيت ابطاري
وي كل محــرم انذكر وي ناس المعطشينك
ماضــن بعد ينفع عذر من عطشت خطاري
مو روح امعطش ارواح
ماشالـــــوك اعله ارماح
ســلام من النـــهر لحســين
××××××××××××××××××××
شاهد چنت بس مو طرف
ومانالــت اجــروفي شرف
تاخذني بيديك
تتگــــــرب اعلـــــيه وامـد
جرفيــــني والعســـكر يرد
يمنعني ارويـك
يامن وحق جدي صحت وصلت مراحل بيهم
انته الحسـين الينـحلف بـيك وحلفـت اعليهم
انه العشت اخـرس حـرب وانته التـدور ناصر
عطـشان اشوفك منكـسر وانه الچنت بيديهم
واخيـــامك ماتنــلاح
ماشالوك اعله ارماح
ســلام من النـــهر لحســين
××××××××××××××××××××
لو واصـــل الماي الخــــيم
ماگــالو حســـــــين انهظم
ولا طاحت اخيام
لوما فگـــــد ابـــــو الفضل
مامر علــه ام عــون الحبل
ولانســـــمع بشام
ضلت مجـــرد امـــنيه وابكـــل نهـــــر تلكوها
كون الحــرب وجه الوجــه مو بالنـهر ساموها
سبحانه من سوه العطش وحسين مر بضيمه
ولا گبله لا بعــده بشر بالمر علـــيه شافـــوها
ياضامي المثلك صاح
ماشالــوك اعله ارماح
ســلام من النـــهر لحســين
شاكر الصيمري
نعي مولاتي بالخربه
مصايب سبتني مو مصيبه
تاليهه اميرتكم غريبه
راح الخدر راحت الهيبه
ولجروحي أبد ماتصح طيبه
وكلبي ولابطل نحيبه
من دنيتي حصل نصيبه
من حكه اصبح قوس مكفاي
وجبريل ون وبجه المبجاي
متذبحه اهلهه وفاكده الراي
عاينت بس الروس وياي
رغم ألالم مسدوده عيناي
تعاتب اهلهه وتبجي بهداي
يامره مثلي اتشوف الخوان
بدماهم اتحنت التربان
عباسهه فاكد الذرعان
وحسينهه مذبوح عطشان
وماظل غطه ولابكه صيوان
شبعت هطر من بعد الحنان
انا الجنت آمر بيك ونهه
رحت والروح مابطلت ونهه
هظمني الشمر كام يصيح ونهه
زينب اخت راعي الموزميه
ماصح اخو بعدك يوجعني
يلحك نفس بيه يوجعني
عظامي يبوفاضل يوجعني
ماخله الضرب كل حيل بيه
الخادم عبدالمعين الشمري
.
مــا بيـــن آيـــــات القـــــرآن
بوَنـَّــت سَجـــــــده .. وحَسـرت ركعــه * السبحه تـواســي التـُربـــه بـــدمعـــــه
وإتــلاطـــم مـوج الإحــــزان
مــا بيـــن آيـــــات القـــــرآن
عـالسجــاد عـالسجــاد * عـالسجــاد عـالسجــاد
ــــــــــــــــــــــــ
سَجــدَت لـيـل إبمجــره المـدمـــع
ودلال إصبــــح للهــــم مَــرتــــع
عالبالطف شـاهَــد ﭽَــم مَصـــرع
بالسَــم ﭼـبــــده اليــــوم إتـﮕطــع
نـــــاح الـديــــن الإجلــــه وشــرعـــه ... السبحه تـواســي التـُربـــه بـــدمعـــــه
وإتـــــوذر ﭼَبــــد التبيـــــــان * مــا بيـــن آيـــــات القـــــرآن
ـــــــــــــــــــــــــ
ركعــة هَــم مـكسـورة خـاطــــر
تبـﭼـي الفــﮕدك يـابـو الــبـاقــــر
منتظـــره الجيتــــك وتنــاطـــــر
يمتـه إلـهـا إتـرد هـا يَمســافــــر
البتــرابــــه إتلـَحـــــد شيــــرجعـــــــه ... السبحه تـواســي التـُربـــه بـــدمعـــــه
السجــاد إفــراشــه التـربـــان * مــا بيـــن آيـــــات القـــــرآن
ـــــــــــــــــــــــــ
سبحــت ﭼــف ينـــزف مَـدمعهــا
راح الـﭼــف إو مــا وَدعهــــــــا
تصـــرخ يـالسَجــــاد إسمعهـــــا
فــــﮕدك مـــولاي إمــروعهــــــا
ملهــوفــه الـهـالـﭼــف والصبعـــــــــه ... السبحه تـواســي التـُربـــه بـــدمعـــــه
يبـن الـراسـه تعـالـى الــــزان * مــا بيـــن آيـــــات القـــــرآن
ـــــــــــــــــــــــــ
والسَجــده إحــــا آ يــالسَجـــــده
ملهـوفــه إعلـه جبينــــه وخـــــده
نــاحــت لمـــن شـافــــت ﭼبــــده
والسَـــم بحشــــا مَـــر وتعَــــــده
حــارت لمـــن شـــافــت وَضعـــــــه ... السبحه تـواســي التـُربـــه بـــدمعـــــه
منتظــــره إيـــــرد وَيِّ لاذان * مــا بيـــن آيـــــات القـــــرآن
ـــــــــــــــــــــــــ
التـربــه تنــوح وتصــرخ وينـــك
يـالـواريـــت بحظنـــي حسينـــــك
مشتــاﮔــــه الإنــــوار جبينـــــــك
مشتــــاﮔــــه اتقُبـــــــل ﭼفينــــــك
يـا مَـــن بيــك العـــــز والــرفعــــــه ... السبحه تـواســي التـُربـــه بـــدمعـــــه
يــا نــور إو وجــه الرحمـــن * مــا بيـــن آيـــــات القـــــرآن
ـــــــــــــــــــــــــ
والسجــــاده إبـدمعــه تنـــاشـــــــد
وينـــك يـالنـــاسِــك والــعــابــــــد
وينـــك يـالــراكــع والســــاجـــــد
رحـــت وما ﭼـــن راح إتعــــــاود
ويــــن النـــــور وذيــــــﭻ الطلعـــــــه ... السبحه تـواســي التـُربـــه بـــدمعـــــه
يـالكلـــك غيــــره وإحســــان * ما بيـــن آيـــــات القـــــرآن
الشاعر كريم الحاج فليح
حسين ياخويه حسين ياخويه
هذا انت صــــــدك يحسين مامعقوله هذا انته
شمسوي انت حته الخيل جسمك هيج دايسته
غاد مــن الجسد مشمور اصبعك خويه باوعته
وراسك بالجحر مضروب وجسمك حايره بلمته
ألم شلون وانـــــت بكل كتر وذره
كبلك مــــــاكو جثه بهيمه مطشره
بحصيره اكبر حرام انلمت العشره
كونك تكــــــــعد لنه
يبن امـــــــي انهبنه
تعال وشوفنه شلون
ضعنه بــــــلا خيمنه
ــــــــــــــــــــــــــــــــــــــــــــــــــــــــــــــــــــــ
مهنا بنومتك يـــــــــحسين نام ولا يضل بالك
انه اختك يروح اختك ابروحي افديهم عيالك
بس الهضمه يبن امـــــي جتفني بحبله جتالك
يبرالي علي مــــــــن امشي وانت الاخ تبرالك
انـــــــــت ارتاح خويه وانه راح امشي
وموش ابناكه اركــــــــب راكبه بنعشي
جنت كلشي انت عندي وضيعت كلشي
ويــــــن الجاب اخيته
رحت عــــل ناكه ميته
اخ الشام يــــــــحسين
ميته ولا دخـــــــــــلته
ــــــــــــــــــــــــــــــــــــــــــــــــــــــــــــــــــــــ
حداي الضــــــــعن يحسين ذرت رحمه ماعنده
جتفني وجابني بسوطه ومن يم جسمك اتعده
الحبل بجفوفي مـــــو بهداي خويه بقوته شده
ديرتهم مناجل شـــــــوف تحصد لون كل ورده
طب لديارهم ضعني وهاك اشصار
حته زغارهم تكطف علينه احجار
اشاكف عني عن أطفالك انه احتار
ناس بلا رحم هاي
يمنه وبـــدو الماي
شمسويه انه يحسين
وشدو هيج وياي
ــــــــــــــــــــــــــــــــــــــــــــــــــــــــــــــــــــــ
شما نضرت علينه اعيون ياخذنه الخجل ونموت
ولو ردنه نــــــــون عليك يبني امي نون بسكوت
الهوه خنجر ابذاك السوك بريتنه تره من يفوت
من كثر البجي بالشام ماضل عد اخيتك صوت
ياخذنه التعب ونام فوك النوك
اخ السوك اخ السوك اخ السوك
مسبيات هاي الجلمه ابد متلوك
راسك بـــــاوع لنه
يبجي من انضربنه
عطشنه مانطو ماي
من المــدمع شربنه
ــــــــــــــــــــــــــــــــــــــــــــــــــــــــــــــــــــــ
موحلوه بخـــــــــــرابه انبات لابيها سكف لا باب
ملتمات بـــــــــــس للنوح مو لمت ضحك وحباب
نبجي احنه ودمعنه يطيح ويجينه يضحك السلاب
تطيح ادموعنه سهله بس صعبه يطيح احجاب
يضحك من يشوف اطيح دمعتنه
زحمه ابنص غرب يحسين كعدتنه
روس النوك شابت من مصيبتنه
لمن اشكي لمن
ريحت موت اشمن
من كد مابجي عليك
راح عيوني يعمن
ــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
للمشاية المقدسة
لا حر لا برد يمنعني لا غايه
بس الموت يمنعني امشي مشايه
لبيك لبيك أبا عبدالله
..........
لا حر لا برد
يمنعني و رد
لا ام لا ابو لا أهل لا ابني
شكل الفاطمه
وعلي حامي الحمه
إذا ماواسي زينب هل سنه بحزني
امشي بلا تعب
و عالرايه انكتب
يا اول تعب بالدنيا ريحني
من كلب البحر
الحد كطع النحر
يستاهل حسين امشيله متعني
يستاهل .. نمشيله.. من آخر شبر
خل تحتر .. خل تبرد ... خل تمطر جمر
مانرجع .. وترفرف .. رايات الخضر
مشايه .. و ع الموعد .. نمشيلك عمر
لبيك لبيك أبا عبدالله
................
كل موكب نصب
خط قطعه وكتب
خدام الجدم كل زاير امترب
الفاو اتحزمت
وزاخو اتحضرت
من اول شبر لآخر شبر رحب
هله وميت هلا
بزاير كربله
عراق وكله ظل ايرحب و عزب
ماظل شي بعد
وتجدد عهد
جم يوم وتطب من اليسر زينب
شد حيلك .. يالزاير .. جم خطوه وتطب
زينبكم .. هل وصلت .. من ديرة غرب
ختشوفك .. متغير .. لونك منكلب
كللهه .. بدمعاتك .. ماهمنه الدرب
لبيك لبيك أبا عبدالله
.................
ابو الموكب هتف
بيرغ بيده رف
بيتي بخدمت الزوار وينادي
بيوتي امفتحه
عيالي امفرفحه
خدمتكم شرف يل بيكم امرادي
لو مامش اكل
اذبح جم طفل
للمشاية فدوه تروح انه أولادي
هنياله الحضه
كظ زاير رضه
بخيت البات زاير يمه والبادي
ا نخدمك .. يالزاير .. مو قصة أجر
اترابك .. نشتمه ... بي حضره وعطر
من تكعد .. بالموكب .. تنومسنه اشكثر
فل تحيى .. المشايه ... واليخسى الشمر
لبيك لبيك أبا عبدالله
...................
لذت كل عشگ
من تتعب صدگ
محبوبك يشوفك تمشي ماتهتم
حسينك يفتخر
يم ربه اشكثر
سولف بيكم وعرش الله يتبسم
صوت من العرش
فرحه الكم يطش
شكو واحد مشه لحسين مايندم
باجر بالحشر
يصدر بي امر
يشفع لليريده ودوم لا يهتم
هنيالك .. يالتمشي ... الله انطاك أمر
بالمحشر .. بس انت .. توكف منتصر
والزهره .. تصيحلكم .. جبريتو الكسر
فزعتكم .. لوليدي .. اطلبوني اشكثر
لبيك لبيك أبا عبدالله
................
الخادم موسى البطلي
قصيدة ندبة لتعجيل الفرج
يا الاهي .. نسأل بجاه الحسين
يا الاهي .. عجل الفتح المبين
ضاگت الدنيا علينا عجل بطلعت ولينا
يا الاهي ++++ يا الاهي
++++++++++++++++++++++++
ضاگت الدنيا وندور فسحة من الامل تُفتح بالدُعاء
ما حصل حل ابادينا باقي بس حل ننتظر من السماء
عجل الطلعة البهــية خل يشيل من الارض هالابتلاء
وننسى جور المر علينة نعيش من بعد العسر خير ورخاء
يا رجانة .. الخصم بينا شعمل
يا رجانة .. ابمنقذ الامة الامل
للدعا نرفع ادينا عجل بطلعت ولينا
يا الاهي ....... يا الاهي
___
رحمة مانرحم بعضنا ورحمة منك ننتظر رب العباد
من ادينا وما كسبنا ظهر بالبر والبحر منا الفساد
الموت عالبيبان واگف واحنا وي رب العرش نمشي بعِناد
عدنا وي ابليس صحبه ولا عرفنا الحكَ ولا درب الرشاد
بس بعضنا .. البعض كلش قليل
بس بعضنا .. تخاف من الله الجليل
الفرج يمته يجينا عجل بطلعت ولينا
يا الاهي يا الاهي
---------------------------------------------
نمشي عكس الرادة الله وندعي بالتعجيل كافي الانتضار
امن الزمان اهوال شفنا وما اخذنا ادروس منة واعتبار
اليريدة المهدي منا ما نطبقة بگلبة دوم نخلي نار
فوكَ ما مجروح گلبة جروح احنا انحطلة باليل ونهار
ندعي ربنا... العجل ربي العجل
ندعي ربنا... ولا دعا منا انقبل
بعكسة مهدينا مشينا عجل بطلعت ولينا
يا الاهي يا الاهي
========================
كثرت ذنوب الخلايق والله ينذرنة وفلا مرة نتوب
نعاند الله وعن دراية انزيد يومية بالذنوب الذنوب
بالربا وكلشي مُحرم عدنا بعض الناس مليانة الجيوب
كافي يالمذخور صبرك اشرق بشمسك صبح من الغروب
من نشوفك ... تنملي الدنيا عدل
من نشوفك ... الصعب يصبح سهل
فرح گلوب الحزينة عجل بطلعت ولينا
يا الاهي يا الاهي
====================
أسألكم الدعاء رائد الاسدي
دمعك نهر..........شيبك قهر
بالطف چنت....محني الظهر
متعود انت اعله النوح
بالگيد اسولف صبرك
*********
احسبلك الساعه اشتون ......ميلهه
والدنيا بيدك ياعلي............ميلهه
الخيل التدوسه عله الصدر....ميلهه
عمرك دمع..........ترسم ظلع
جار الوكت.... يطفي الشمع
كلها حياتك احزان
خان الزمان ودهرك
*********
كل المصاعب والمحن.. ....مريته
مخنوك ماتشهك نفس........مريته
شتكول درب المعركه.........مريته
شفت السهم....چبده انجسم
حيره الامر.........حرك الخيم
الف وتسع ميه اجروح
تتوچه كسرو ظهرك
*********
روحك تون بس الحزن......حالفهه
مجبور تجذب حسرتك......حالفهه
اسألهه عينك من بچت......حالفهه
جرحك سمه.....يمطر دمه
نار الكلب........وي فاطمه
ما تنسه يوم المذبوح
والطف يگصر عمرك
********
محد دمعتك بالجزع .......نافسهه
والعبره مخنوگه بهضم.......نافسهه
ميت وروحك ماترد.........نافسهه
كلبك ترف.......جرحك كلف
ماينسي.........الحافر صلف
متهشم ابصدر احسين
چن الذبح من نحرك
*********
وجنت الدنيا ايزيدهم.......شامتهه
والامه فرحت للعدو .......شامتهه
دخان ورماد الخيم...........شامتهه
شفت الخيم.....حيره الحرم
كلبك هوه ........طاح العلم
صعبه خواتك بالنار
تتوجر انت بجمرك
*********
زين العباد ابكربله..... ...من جرحاه
چن الشمر فوك الصدر....من جرحاه
اسمع ونينه من يون.......من جرحاه
دمعك رمح......يرسم ذبح
حزنك عمر......ليل وصبح
حمزه الثمالي يلكاك
تنحب ليالي ابيسرك
********
درب اليسر كل المواقف......شفته
ويزيد يتشفه بسبيكم.......شفته
ضرب الثغر لمن تشاهد.......شفته
موقف صعب........بين الغرب
شفت النذل.....يضحك يطب
عالمنبر يسب الدين
تنظر يزيد بكترك
*********
تمت بعون الله
خادمكم ......يوسف الفتلاوي
انْعَادَتِ اللِّيلَه فِجِيعَةْ مَقْتَلَه
مِنْ وِصَلْ زِينِ الْعِبَادِ لْكَرْبَلَه
عَالْأُبُو طَاحِ بْدَمِعْتَه يْقَبِّلَه
يْگِلَّه بِيكِ شْسَوَّتِ خْيُولِ الْعِدَه
-----------------------
بُويَه لِيشِ مْگَطَّعِ وْصَايِرْ وِذَرْ
مَا بُگَه بْصَدْرَكْ ضِلِعْ إِلَّا انْكِسَرْ
غَارِگِ بْدَمَّكْ يَبِنْ سَيْدِ الْبَشَرْ
بْكِتْرَكِ چْفُوفَكْ گِطِيعَه مْمَدَّدَه
-----------------------
مْسَلَّبِ وْعَارِي وِسَافَه عْلَه الثَّرَى
وْچَبْدَكِ الطَّايِحْ فِجَعْنِي مَنْظَرَه
حَرْمَلَه بْسَهْمِ الْمُثَلَّثْ طَشَّرَه
هَالْجَرِحْ يَا مُهْجِتِي شِيْضَمِّدَه
-----------------------
جِيتَ الِمَّكْ جِيتَ اوَارِيكِ بْگَبُرْ
انْطِينِي مِنْ صَبْرَكْ يَبُو الْيِمَّه صَبُرْ
گَلْبِي لِمْصِابَكْ يَضَيْ عِينِي جَمُرْ
عَالْوَلَدْ كَلْفَه يِوَسِّدْ وَالِدَه
-----------------------
جَمَّعَ اوْصَالَه بْحَصِيرَه لَنْ سِمَعْ
بِاللِّحِدْ مِنِّ النَّحَرْ صُوتِ ارْتِفَعْ
عَالصَّدُرْ خَلِّي رَضِيعِي اللِّي انْصِرَعْ
يَمِّي عَبْدَ الله يِبُويَه وَسِّدَه
-----------------------
#دفن_الأجساد
#محرم_١٤٤٦هج
الشاعر حسن خنافر العاملي
#وازينباه
*محن مولاتنا زينب ع زادت على محنة امها فاطمة ع*
زينب أنا ام الحزن شفت المحن كثره
إرثي من امي فاطمة ونار الخيم جمره
أنه الي شفت مطرّحه اخوتي على الغبره
وبعيني عاينت الولي داست عا صدره الخيل
〰️〰️〰️〰️〰️〰️
انه الي زادت محنتي وشفت الأخو مذبوح
جثة عفيرة عالترب ثْلاثه بعد مطروح
وانه الشفت راس برمح ونحر ودمه مسفوح
وسهم المثلث بالگلب ومني انهدم هالحيل
〰️〰️〰️〰️〰️〰️
راس ورمح نحر وذبح وعندي حرم وايتام
محتاره بيهن بالسبي وين اليتيمة تنام
فوق الهزيله من غفت تضربها هالظّلام
صعب عليّه مخدّره بيّه الرزايا تميل
〰️〰️〰️〰️〰️〰
اه يا زهراء ليتك تنظرين ابنتك العقيلة زينب مسبيه بين الاجانب واخيها طريحا فرق الرمضاء قد رضت صدره الخيول اه اه~
لحن اسمع عتابي~
يُمه البتول ~ عشرة خيول بصدر الحسين ~ تسحق تجول
واحنه خواته~ ومدلّلاته
مشينا سبايا~ بين وشماته
واحد شتمني ~ وواحد ضربني
وسوط،بمتوني ~ وواحد زجرني
حرمه وغريبه~ والله عجيبه
امشي سبيه~ ياهي مصيبه
بديوان اميه~ ادخل سبيه
وراسه اخويه~ بيد الدعيه
مسلوبه خدري ~ مفجوعه بامري
بالطشت راسه ~ حيّرني دهري
خادمة آل محمد ✍🏻
:
كربلا يا كربلا
—---------—
كربلا يا كربلا يا كربلاء
كربلا لا زلت كربا وبلاء
—---------—
(دارج)
كربله يعني ضعن للطاهرين
ضعن ابو اليمه الحسين اويه الاهل
كربله يعني عساكر حايطين
ابهالضعن يوم الذي بل طف نزل
كربله غارات يعني واغتيال
يعني صوب احسين جيش الضل حمل
كربله يعني لطم يعني شجون
كربله يعني حزن يعني بكاء
كربلا يا كربلا يا كربلاء
كربلا لا زلت كربا وبلاء
—-------------
(فصحی)
كربلا يعني دماء سائلات
يعني اجساد كستها السافيات
كربلا يعني نساء ظاميات
قد حرمن الماء في جنب الفرات
كربلا يعني خيول غائرات
نحو اطناب بنار مسعرات
كربلا يعني غيوم ممطرات
من سماها ليس ماء بل دماء
كربلا يا كربلا يا كربلاء
كربلا لا زلت كربا وبلاء
—-------------
(دارج)
كربله يعني اسه يعني قهر
وين ما تنظر اخيام امحرگه
كربله يعني رعب يعني خطر
مكان امن بيهه ابد مايلتگه
كربله اخيول ابحوافرهه تدوس
اطفال ابو اليمه حدرهه امسحگه
كربله يعني نهب يعني سلب
يعني سوط امورم امتون النساء
كربلا يا كربلا يا كربلاء
كربلا لا زلت كربا وبلاء
—------------
(فصحی)
كربلا يعني بقي الطهر وحيد
لامعين لانصير لا عضيد
هل هي الشمس هوت فوق الصعيد
ام حسين ينزف دم الوريد
صوت اطبال تري هل حل عيد
ام هو السبط علي الترب شهيد
ترجف الارض تري يوم الوعيد
حان ام حل علي الخلق البلاء
كربلا يا كربلا يا كربلاء
كربلا لا زلت كربا وبلاء
—------------
(دارج)
كربله يعني شباب اعله الترب
امخضبه بدمومهه ومتجرحه
كربله يعني اقمار اعله الرماح
كربله يعني اطفال امذبحه
كربله يعني جثث وبلايه روس
بل عري فوگ الوطيه امطرحه
كربله يعني گمر يم النهر
طاحن اچفوفه و وگع يمه الواء
كربلا يا كربلا يا كربلاء
كربلا لا زلت كربا وبلاء
—----------
(فصحی)
كربلاءٌ يعني حزن وعويل
يعني اسري من نساء وعليل
كربلا يعني خيول وصهيل
قد شفت قلبا من الطهر غليل
كربلا صبرا به قل مثيل
لم تراه زينب الا جميل
يا لقلب قد راي اغلا خليل
قد كسته الريح ثوبا بالعراء
كربلا يا كربلا يا كربلاء
كربلا لا زلت كربا وبلاء
—---------------
(دارج)
كربله يعني حرم متيسره
بلسلاسل عل هزل متگيده
كربله يعني ضعينه ابلا رجال
غصب عن ارجالهه متبعده
كربله يعني اطفال ابلا ضره
اتصب دمع بسكوت عن عين العده
يعني خدّر طافت ابكل البلاد
يعني جور ومظلمه و ذل وعناء
كربلا يا كربلا يا كربلاء
كربلا لا زلت كربا وبلاء
—---------—
تمت بعون من ا... لخادم اهل البيت سيد ناصر الموسوي
لحن وأداء الرادود الحسيني ابوجليل الدردوشي
#قصائد_في_خدمة_الخطباء
#محرم_١٤٤٦
#مصائب_الهاشميات
#طريق_السبي
صورة شعرية: لسان حال السيدة زينب عليها السلام لرأس سيد الشهداء عليه السلام وابي الفضل العباس عليه السلام في طريقها من الكوفة الى الشام...
(طور الجفيري)
١/أنظر لراسك يالگمر
ومِنّه اطلُب يْحِجْبِ النَّظر
خافن يشوف اصعب صور
برحلةْ سبينا وْيَه الغُرُب
٢/خافن تصدلي بهالوضع
وتهمل منِ العين الدمع
خافن ونينك ينسمع
لو شفته متني ينضرب
٣/راسك مثل راس الحُسين
خافن يشوفن بالإيدين
حبال وأنا بْلايه مُعين
ودمعاتي من عيني تِصُب
٤/كل طفله لو تبچي وتنوح
فوگاها سوط انظر يلوح
خافن تشوفون الجُروح
بيهن يخويه عن قُرُب
#عظم_الله_أجوركم ◾️
فاطمة علي رزق
اسألكم الدعاء
يزوار هلا هواي علي وياكم علي
هلا الراح هلا الجاي، هلا بديرة هلي
_***____
منين ما باوع عليكم بيكم انتو حرورة
بيكم الهمة تنادي حسين والله نزورة
الشوارع دون ظلكم كلهة جن مهجورة.
الواحد اليمشي أبوحدة هذا قلب الثورة
يزوار هلا هواي علي وياكم علي
هلا الراح هلا الجاي هلا بديرة هلي
_***__
خط جهادي على الزيارة كلهة هالمشاية
مثل ماشالوا تفگهم شالوا أهمة الراية
ماكو غاية غير حُبه حسين هو الغاية
زغير وعلى المايعرفة گام وزّع ماية.
يزوار هلا هواي علي وياكم علي
هلا الراح هلا الجاي هلا بديرة هلي
***
عايش آنة على الخدامة والرزق مِن صوبكم
جرحي طايب وي عمري مِن أمسن ثوبكم.
نور جادرنة نشوفه مِن صفاء أوجوهكم
ندعي الله بكل محرم نرزق مِن نوركم.
يزوار هلا هواي علي وياكم علي
هلا الراح هلا الجاي هلا بديرة هلي
_***___
على طول الدرب نشهد كلهة صارت خوة.
تراب أللي مِن تعبكم هذا أحسن دوة.
شيب وي أزغر شباب بحيلة شال مروة
والله غير حسين صاحو كلشي ما نسوة
يزوار هلا هواي علي وياكم علي
هلا الراح هلا الجاي هلا بديرة هلي
***_
بلمواكب خل نباوع واحد يجب واحد
شيعي والسني أخوّه ماكو بيهم حاقد
بروحة وبأهلة يعزب لو گصدهم گاصد
حسين يشهد هالمواكب والله أكبر شاهد
يزوار هلا هواي علي وياكم علي
هلا الراح هلا الجاي هلا بديرة هلي
***_
كلمات الشاعر حسن حمزة هاشم
نسألكم الدعاء.
وداعة الله… اشتاگت لحضنچ الغوالي~
وداعة الله… والشمل ضاع بليالي~
〰〰〰〰
آيايمه … طيفك اگبالي المسيه
آيايمه… ودمعتي ظلّت جريه
آيايمه… راحت امي من اديّه
〰〰〰
لا تغيبي… .مظلمه سنين العمر
لا تغيبي… ماگدر اشوفك بالگبر
لا تغيبي…. فاقد بفقدچ صبر
〰〰〰
آيا يمه… گومي ليّه واحضنيني
آيا يمه… يمه ليش تيتميني
آيا يمه… اخذي وياچ سنيني
〰〰〰
خادمة آل محمد ✍🏻
جفيري~
يالنايمة تحت التراب
ردي يا يمه من الغياب
من بعدچ العمر بعذاب
وعيوني ما تجف الدمع
〰️〰️〰️〰️
ذاب بونينه هالگلب
يالساكنة تحت الترب
دمعي على فراگك يصب
وگلبي عليچ منفج
خادمة آل محمد✍🏻
لفقد الأحبة فراقيات*
صعب الفراق والقبر غيّب صورهم
انا لقعد عالقبر واسال ليش ضمهم
ما ردوا لينه وظلت خالية دورهم
والحزن خيّم على قلبي بفقدهم
〰〰
غابوا عني والدار وحشه بلاياهم
ودمعتي سالتي حزن على فرقاهم
راح الغالي والدار بعده خليّ
ومن نوره الدنيا مظلمه علي
من بعده البكي والحزن صاير سجيه
غابت البسمة من وراحو الاحباب
فارقوني احبابي وما رجعوا الغوالي
صبري طال وشو صعبه الليالي
صورة احبابي دوم بخيالي
ما تفارق عيوني والدمعه جريه
يا دار لو تعودي بنوهم زهيه
والايام. بقرب الغاولي مضيه
لو ترجع يا زمن ويلتموا سويه
خطفهم البين وغابت علومهم
خادمة آل محمد✍
*لو فارگونا ٱحبابنا*
للفواتح وفراق الأحبة~ طور الانين العاملي♪
لو فارگونا ٱحبابنا
ما نگدر نرد العمر
طور الأنين العاملي♪
〰〰〰〰
ما ظلّت إلنا بس صور
كل غالي نايم بالتراب
ما نگدر نرد العمر
لو طوّل علينا الغياب
وليفگد احبابه واهله
يگضّي العمر كلّه عذاب
تسيلن مدامع هالعيون
والعبرة بس سلوى ٱلِنا
〰〰〰〰
ذكراهم بوسط الگلب
لو فارگونا للأبد
شينفع دمعنا من يهل
لو ناموا في وسط اللحد
عالعشرة نبكي عالمضو
اشتقاگت اضمنهم بعد
اهل المقابر من غفوا
نروي الگبر بدموعنا
〰〰〰〰
ودّعنا اهلنا من مشوا
كل غالي نام بمقبره
غربة الفراق شگد صعب
حيّ القلوب الصابره
لوّع گلبنا هالفراق
طيف لصورهم حاضره
نشتم عطرهم بالتراب
الماتوا سبب احزاننا
〰〰〰〰
خادمة آل محمد✍🏻
*لفقد الأم الأحبة مقتبسة من لحن ظلت بس صورهم*
لحظة ودّعتهم ~ صعبه فارگتهم
غابوا عن عيوني وعني راحوا وما يردّون~
لا بالطيف اجوني وراحو وودعوني وغابو عن عيوني وما يردّون~
〰️〰️〰️〰️〰️〰️
ٱحبابي فارگوني -- غابوا عن عيوني
ودمعاتي جريه --بهالمسيه-- ولا يردون
ناموا بالترايب-- غابو هالحبايب--
ودمعاتي جريه-- بهالمسيه-- ولا يردون
〰〰〰〰
ظلت بس ليالي -- ودمعاتي تلالي
راحوا الغوالي-- بهالمسيه-- وما يردون
فرگتهم شو صعبه-- غربه والله غربه--وحسراتي شجيه-- بهالمسيه-- ولا يسمعون
〰〰〰〰
آشواقي اليهم-- دمعاتي عليهم --تجري هالمدامع-- بالمواجع وما يردون
وبْبالي صورهم--ولساني باسمهم--يلهج بذكرهم وسالت هالعيون
〰〰〰〰
غابو عن نواظر-- ومكسورة الخواطر --
لفراق الاحبه-- غربه والله غربه-- وگلبي محزون
خادمة آل محمد✍🏻
(قــرطاس العقيـدة)
جاء قـرطاس الـعقيدة
تكتبُ فيه المـحاور
جاء مضـمون الحـقيقة
وابتدء درس القـناطـر
مذ عزم نـحو الشـريعة
سطُرت اروع مــفاخـر
دمدم سبعها وانحنتله ديـرة
قمر الـعشيرة
حر الــضهيرة
فارسها ضرغـام
خلبص جمعها يلكد بفـرستة
گاطع رشمتة
وتعاين إختة
صگر الوغى حام
كاتب رسـالة وختم بيها الخوة
لملم جثثهم سوه بيهم عـلوة
المايجي بكيفه يجيب روس اهله وياه
گيعان ما خذ من عدوه بگوة
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
جاء قـانون المخــاوف
بان في الأرض سـطوعه
من أتى يلقا أبا الفــضل
كادت الفـكرة رجــوعـه
جاء تشــريع الفرائــض
سن في الأرض شــروعه
لم الكتائب لـمة الحــصيرة
واختة أميرة
صدمه جبيرة
من ذب الگــراب
حل الفصايل حـلة ضـفيـرة
وبراسة غيرة
الجثث الجبيرة
ماكلها الــغراب
عبر فرستة لگاعهم ويهوس
وبحوافر الخيل بجثثها يدوس
طالع من الخيمة وبقى باله هناك
عقل أبو فاضل للخيم ضل يحرس
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شق بحر الله موسـى
شق جيب الجيش سيـفه
لا فلا يئتي مـعارض
ذا أبا الفضلي بكــــيفه
من أراد النار يلُـــقى
بجهنم كان حــــتفه
تارس جربته وكض شارب الها
بور حملها
عاگر فحلها
محتارة هــلناس
فك ريج سيفة باربع كتايب
رف الها شارب
شاب ويحارب
أي هوه عبـــــاس
بكثرة الدم يمسح السيف ردانه
نسوان أسمع جيشهم خلانه
الماشال سيفه شايله شيله
سيف ابوفاضل جي نسه سوانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
جاء دسـتور المـعابد
وهوه اهلاً العبارة
عندما كان صغـــيراً
كان أهلاً للـــسيادة
كافل الحوراء زيـــنب
واكتمل دور القــــيادة
راسم خطط بلمعركة بيمينه
وتجوي عينه
حامي الضعينة
عباس أخو وزيـــن
شت الجموع الغافله المغيره
وبدمه غيره
وبادي بشعيرة
نصراً للحســـين
راسم خطط بلمعركة وخربها
هاي المعارك أبو فاضل ربها
صارو عطاشه من الركض ذاك الجيش
ذيج الزلم عباس دم شربها
كرار تحسين الخيگاني
#معاجز_الرأس_الشريف_للإمام الحسين"عليه السلام":
من ديوان #مواجع_الطف_الجزء_الثاني
-جاء في كتاب معالي السبطين 📚
إن عبيد الله بن زياد حمل الرأس الشريف على يديه وجعل ينظر اليه، فارتعدت يداه،فوضع الرأس على فخذه، فقطرت قطرة من الدم من نحره الشريف على ثوبه فحرقه
حتى اذا وصل الى فخذه فجرحه وصار جرحآ منكرآ عالجه فلم يتعالج حتى ازداد نتنآ وعفونه ولم يزل يحمل معه المسك لأخفاء تلك العفونه حتى هلك لعنة الله عليه
اقول ماحال مولاتي زينب عندما رأت رأس اخيها عند الأعداء الذين لارحمه ولارأفه عندهم .
الله يساعدج سيدتي شلون حملتي المصيبه اكوووول اه واويلاه وامصيبتاه عليك ياابا عبد الله
نعي لرأس الحسين 👇🏻👇🏻
حسافه الراس بيد المايصلون
راس ابن الزجيه بي يهوسون
وكدام زينب يضربه شلون
•───✧◐🕊🌻🕊◐✧───•
براسه يهوس بي الظالم
ماهاب جده والعمايم
شبعت هظم عكبه الفواطم
•───✧◐🕊🌻🕊◐✧───•
بالكوفه وصلو مجلس ايزيد
بالطشت خلو راس العميد
تبجي رقيه اعليه متهيد
•───✧◐🕊🌻🕊◐✧───•
ماسكتت ارقيه اعله ابوها
بالطشت جابو شوفوها
ميته على راسه لكوها
•───✧◐🕊🌻🕊◐✧───•
راس الحنين بنص دواوين
وزينب تشوفه وعاميه العين
صاحت يجدي شوف الحسين
الراس عن الجسد نصين
•───✧◐🕊🌻🕊◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
لك العزاء يالمنتظر
لك العزاء يالمنتظر
$$$$$$$$$
كلهه ايامك حزينه. بالدمع ونياحه
من الالم مفطورگلبك ماتعرف الراحه
مصيبتك من يوم جدك. صار بالطف ساحه
والهظيمه گبال زينب الشمر ذباحه
والكون نعصر. من راعي الفخر
گبال ام الخدر. محزوز النحر
من المصاب شابع قهر
لك العزاء. يالمنتظر
$$$$$$$$$$
ليلك تنوح ونهارك. وماتبطل اونينك
أعظم وأكبر مصايب يوم شافت عينك
عاري وبحر الظهاري. مطشرينه حسينك
مانوصفه شلون حالك. صعبه الله ايعينك
وخيول الكفر. داسن عالصدر
طحننه طحن. شفته بياصبر
فوگ التراب دمه انهمر
لك العزاء. يالمنتظر
$$$$$$$$$$$$$
تالي عماتك سبايه. والخيم حرگوهن
مجتفه وتكسر الخاطر. عالترب گعدوهن
بنوگ عرجات وهزيله. ياولي مشوهن
شكثر صبرك من ضربهن. والأشد شتموهن
موقفهن صعب. مابين الغرب
ايعثرن بالدرب. من كثر الضرب
حته الصخر گلبه نفطر
لك العزاء. يالمنتظر
$$$$$$$$$$
حرگة المشتاگ حرگه. تذبح تحس بيهه
ماتنام الليل گعده. الحره ويلي عليهه
چفوفهه وينزف متنهه. امورمه رجليهه
مره چبيره الله اكبر. مشددات ايديهه
لفراش وخيم . لا راعي العلم
من كثر السبي كل حيل نهدم
يبچي دمه. راس الگمر
لك العزاء. يالمنتظر
$$$$$$$$$$$
الكاسره ظهرك وگلبك. ارويحتك اذوها
عمتك مابين غربه. بسوگ من وگفوها
مرامه العيون وشتايم. وبالحجر شمروها
والهظيمه خارجيه. گامو ايسموها
نكرو حيدرى. وزهره الطاهره
عباد الرجس. ذله وفاجره
يومك عظيم. اين المفر
لك العزاء. يالمنتظر
$$$$$$$$$$$
الخادم عبدالمعين الشمري
قد قامت أيام السبي
وليل السبي ما بيه كمر
والتصعد اظهور الهزل
طايح أخوها اعله النهر
-،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وجهته وجهي إعله الهزل،،وصلت مدامع عيني
والنيه أعوفنك غصب،،وآنه الهجر موديني
مجبوره انطيك الظهر،، وانت النحر منطيني
ماريد اجرحك لو كلت،، ذباحك اليسبيني
والله وكت أمشي سوه ويالموش إجاويد
ومن حكها تعثر دمعتي أبين التجاعيد
شتريد. مني دنيتي ما أدري. شتريد
جن لفت إكماط الحبل داير على الإيد
ما أدري واقع لو حلم
اتماشى ويالمو شهم
ماكو أمان ويالغرب
هستوه حسيت ابخطر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ابأمن يجيب اتوسلت .. لله ابنحر كفالي
الله أكبر عالذبح... ما خله بالطف غالي
يا مالت الحره وصرت..مال الرمح مو مالي
تسبيح الإبهام ابحبل ..ياهو إليفك إحبالي
الشالت حملكم. بالسبي ما. شالت العين
والشاهد الله مو الي طرت الدواوين
لوباقي بالطف يالكمر تضوي ابسمه حسين
ويالمو كفو جا ما مشت زينب خطوتين
شوف الهضم لآل النبي
فوك الهزل صفت عبي
ماهوه جم يوم. الجرح
جرح السبي ابطول الدهر
...................................................
حتى الهوى إيمرناصبي،،شامت يطب للريه
من الله لاينطي السبي،،شمسوي بالعلويه
وابضعني جم طفله وطفل،،جم حرمه جم ابنيه
ولازم أشيل اللي وكع،،وآنه وعلي ما بيه
واسمع حجي الماينحجي واهواي الصياح
غير اليكصون اللسن شالتهم ارماح
جف الذي فاكد. أخو يندل الصفاح
عافيتي طاحت بالسبي لا مودمع طاح
للشام اروحن لاهلا
ودي أظل ابكربلا
بلكت أشوفك دورت
تاليها شفتك بس نحر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عالناكه واليعبر علي،، عمده يذبله حجايه
من كون آنه اختك الكمر،، جا وينه راعي الرايه
داير مداير عالضعن،،يأشرون زينب هايه
شيرد بعد جا هيبتي،،، الطاحت بالمسنايه
غركانه. ببحور الحزن وابعيده لجروف
محتاجه جفك والعذر ما عندك جفوف
مركب ضياعك من طحت ماخذني للخوف
مجتوف جف إيدي وأحل بحبال مجتوف
مكتوبه اصير امعلعله
من الحبل للسلسله
بالكوه أنكل خطوتي
متعوبه وابعيد السفر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
البالسوك شافوها الغرب،،،تترحم اعله الهيمه
كل ذني التمن علي،،،والحادي ما بيه شيمه
ياخويه شحجيلك بعد،،،ضيم اليسر ياضيمه
شفت الخرايب بالسبي وعنت عليه الخيمه
نعمه الاخو والمفترض هالنعمه تنباس
البالشام طكوهه بحجر ما عدها عباس
مو ناس يحدون الظعن ياخويه مو ناس
إيصيحون هاي اخت الذي بالخيل ينداس
تالي. متالي. ابهالعمر
مجتوفه اطبن للقصر
وصاح العليل ابلوعته
والله اختزينا امن النظر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كرار ابومهدي المالكي
مولاتي زينب ع
ملـجوم گلبي الليلة
عباس خل أشـكيلة
تــقـــبل ياتاج الراس
حرمه بلليل ويم ناس
****
انه اريداً اشكي همي ودمعتي عالخد تضل
الشمر بلصوط طگني وأيدي مجتوفه بحبل
انه ادري بجف يمينك عالنهر ياابو الفضل
لجن من بعدك يخويه اشلون اتحمل واضل
يصيحون زينب ضربوهه
وبحـسيــن كلكم أذوهه
ضاگت خويه الأنفاس
حرمه بلليل ويم ناس
****
ريت عمية عيوني ذني وماشفت خوية الشمر
شفته من گطع وريدة ومن ذبح بيده النحر
حسين راح من يدي خويه وعينه ماليهه القهر
وريت وياكم يخوتي يمر علي هذا القدر
عباس بعدك ماذيني
ياخوي ويـن مخليني
ويـــنك يابو النوماس
حرمه بلليل ويم ناس
****
موقف الخلاني أشيب خويه بحسينك شفت
الشمر من حز وريده اعله الخيم ضل يلتفت
وضل يأشر بيده اشوفن من گمت خويه وطحت
من فصل جسمه اعله راسه روحي بيك شگد نخت
عباس ريتك شايفني
مـنلـصار لا ماتعرفني
اختك ياهل النبراس
حرمه بلليل ويم ناس
هاي اصعب ليلة مرت بيه خلتني أحير
من عگب ذيج المحنه هسه بلوديان اصير
انضرب أول مره انه والأعادي بلا ضمير
وانه بنت لي نزل جبريل سماه الأمير
مهظوم گلبي بلوعاته
للعــاف عنــدي بنياته
والأذبـحـوكـــم حراس
حرمه بلليل ويم ناس
واسمعت واحد يگلهم منهي هايه وضل يصيح
گتله زيـنب بت علـي انه وهم اخت هذا الذبيح
أشر يضربونه گلهم وانه گمت اوگف وطيح
راحوا اخواني وجفوني وگلبي من عدهم جريح
يحــسين أرحم دلالي
من راح عباس الغالي
جـــرح البي ماينقاس
حرمه بلليل ويم ناس
✍️✍️
خادم عزيز الله محمد البنداوي
من شدت الكيد. دم تنزف الايد
**
اشكد علي السجاد مخنوك بعبرته
ماكو غربه باليسر تشبه غربته
بعينه غيمه وعالجفن مطرت دمعته
وضلت امن الجامعه تنزف ركبته
نسمه هوه يريد. دم تنزف الايد
**
حاضر بطف كربله بوكت الحرك جان
وشاف عماته انسبن وطفال رضعان
شاف عطشان بألم يبجي اعله عطشان
وحته من حرك الخيم بهدومه دخان
وعتابه شيفيد. دم تنزف الايد
****
شاف ابوه راس انكطع بالغاضريه
ورضرضت صدره الخيول الاعوجيه
سلبو اهدومه وكبر جرح الرزيه
وخذو يم حسين ترجيه رقيه
مكطوع الوريد. دم تنزف الايد
****
والله ضيم الشام ما ينسه عذابه
اشلون زينب باتت بنص الخرابه
اشكد رقيه تصيح ضلت بابا بابا
اتكله عكبك كعدونه اعله الترابه
طبينه ليزيد. ودم تنزف الايد
**
شاف عماته الشمس حركت وجهن
والشماته بعين صلفه تنضر الهن
عكب عباس انسبن عماته كلهن
وماكو مسبيات بالعالم مثلهن
راعي اللوه بعيد. دم تنزف الايد
***
راح زين العابدين ايغمض العيون
وكبل لا يرحل بده يسلم عالمتون
عادت الميت تره ايتاني اليشيعون
الماكل اجفوفه الحبل يتغسل اشلون
بوجه التجاعيد. دم تنزف الايد
**
تمت
تحسين الخفاجي
مسبيه ودير العين يابويه يابويه
ماشوفك بعد حسين يابويه يابويه
؛؛؛؛؛؛؛
راسك عالرمح عالي صورة ذبحك ابالي
تغير من رحت حالي
اشوفن شيبك مخضب بدمك يااخو زينب
خدرها وخدري اسلب
صاحو بالخيم فرهود لمن طاح راعي جود
مريدود الاخو مريود
كفالج اجيبه منين يابويه يابويه
؛؛؛؛؛؛؛؛؛؛؛؛؛؛؛
تون الناكه لو ونيت غريبه ابلا ابو ضليت
بويه بدمعتي تحنيت
افراكك والسبي عشنا راسك لحضه ماعفنا
من دمه الشمر حنا
بجيت السمه والكاع ياعالي وترف شراع
يومك بالعرش ينذاع
عنك بالسبي ماشين يابويه يابويه
:::::::::::::::::::::::
راسك عالي فوك ارماح أريدك يمي ماتلاح
اون وكلبي مامرتاح
الحنان مفركه احضانه راح بغربه خلانه
رحيلك بويه بجانه
خنكه ومن رحت لليوم جفني مايعرف النوم
بيه جم جرح ملجوم
مشدوده ادي بحبال. اهواي الحجي ماينكال
اشوفك عالرمح تنشال
يمك تعثر الناكه. تدري بروحي مشتاكه
عزيز ويكتل افراكه
عليك من الحزن ميتين. يابويه يابويه
:::::::::
عماتي بخرابه تنام حروكهن امس لخيام
متروس الكفيل اسهام
شفتك بس نحر دامي واكف بويه كدامي
شفافك ذبلت وضامي
مطشرينك وذر يحسين عمي مكطع الجفين
عميانه يريت العين
عليكم دارت الصوبين. يابويه يابويه
؛::::::::::
حضنتك والدمع سايح عايفني وصدك رايح
حيلي ابفركتك طايح
اون حالتي حاله الفركه بويه جتاله
مضيفك بدو ادلله
جابو بالطشت راسه غيره ينكط احساسه
بزينب تلهج انفاسه
فاركنه الدهر والبين يابويه يابويه
؛::::::::
هاشم الدراجي
يالمشيتوا الكربله هلا بجيتكم هلا
زوار الحسين. زوار الحسين
*****
انتوا تاج الراس اقسم بالحسين
يـالمـشيـتـوا الكربله بالاربعين
بالمشي تواسون سيد المرسلين
وفاطمه وحيدر امام المتقين
والنساء الثاكله يالمشيتوا الكربله
*****
نفتخر بيكم وحق رب السماء
نادت الخدام حيي اهل الولاء
يالتعنيتوا مشي الطف كربلاء
وابد ماعفتوا وريث الانبياء
حسين ابن عقد الوله يالمشيتوا الكربله
*****
ناصب الموكب ودمعاته تصب
الخادم عيونه تباوع للدرب
ينتظر جيتكم احباب الكلب
يدري بالزاير الخير اوياه يطب
من يجيله يدلـله يالمشيتوا الكربله
*****
ياللي واحدكم على الكلفه يدوس
انتوا يازوار توج اعله الرؤوس
بيكم اتطيب وعلي كل النفوس
بالمشي تخلون عاذلكم عبوس
مثل راعي المرجله يالمشيتوا الكربله
*****
هلا بالزاير مشي لرض الطفوف
وبيده شايل رايه من يمشي نشوف
يزور ابو اليمه ولاتهمه الظروف
وبين الحسين واخيه يظل يطوف
اوي الحرم والعايله يالمشيتوا الكربله
*****
مؤكد بكل الكتب هذا الخبر
اوياكم يزور الامام المنتظر
وكل مجالسكم ترى بيها ايحضر
ودمعه ينزل على عماته حمر
وعينه تبقى هامله يالمشيتوا الكربله
*****
خادم اهل البيت / ابومحمد العاشور (07810010732)
يُمَّه يَا زَهْرَه انْذِبَحْ فُوگِ الثَّرَى
وَالِدِي وْسِيفِ الشِّمِرْ حَزْ مَنْحَرَه
جِيتَ اسُولِفْلِچْ يَيُمَّه عَالْجَرَى
وَاشْتِكِي هَضْمِي وْمُصَابِي وْلُوعِتِي
-----------------------
شِفْتَه وِجْرُوحَه تِكِتْ مِنْهَه الدِّمَه
وِالظِّمَه آهِ شْعِمَلْ بِيهِ الظِّمَه
وَحْدَه ظَلِّ بْغُرْبِتَه يَا فَاطِمَه
هَاذَه الِوْدَاعِ الْأَخِيرِ بْخِيمِتِي
-----------------------
گَيِّدَتْنِي عِلَّتِي عَنْ نُصْرِتَه
وْرُوحِي طَاحَتْ يَالزِّچِيَّه بْطِيحِتَه
مِنْ رِجَعْ خَالِي الْمُهُرْ يَمْ عِيلِتَه
شَبَّتِ النَّارِ وْتِهَاوَتْ نِسْوِتِي
-----------------------
بْحِيرَه ظَلِّينَه وْفِتَكْ بِينَه الدَّهَرْ
وِالْكَفِيلِ مْوَذَّرِ بْجَنْبِ النَّهَرْ
بِالْمُتُونِ شْسَوَّتِ سْيَاطِ الْقَهَرْ
وِالْيِسُرْ فَطَّرْ دِلِيلِي وْچَبْدِتِي
-----------------------
سَلِّبُونَه وْچَتِّفُونَه بِالْحَبِلْ
وِالْحَرَايِرْ طَلِّعُوهِنْ عَالْهِزِلْ
گْبَالِي چَمْ مَرَّه وِگَعْ مِنَّا طِفِلْ
وْمِنْ يِطِيحِ بْعِينِي تِطْفَحْ عَبْرِتِي
-----------------------
چَمْ عَزِيزَه وْصَارَتِ ابِّينِ الْعِدَه
بْلَا خِدِرْهَه يَا وِسَافَه مْگَيَّدَه
زِينَبِ بْهَمْهَه لَخُوهَه تْنَاشِدَه
وَآنَه أَسْمَعْهَه وْتِهِيجَنْ حَسْرِتِي
-----------------------
وِالْأًخَذْ حِيلِي يَزَهْرَه بِالدَّرُبْ
نَظْرَةِ الشِّمَّاتَه وِعْيُونِ الْغُرُبْ
وِالشِّتَايِمْ وِالْمَهَانَه وِالضَّرُبْ
وِالرِّجِسْ كِلْ سَاعَه يِضْرُبْ عَمِّتِي
-----------------------
#السجاد
#محرم_١٤٤٦هج
الشاعر حسن خنافر العاملي
قصيدة استشهاد الإمام السجاد ع السلام
خادمكم عبدالهادي العريفاوي لحن ناري بدليلي تسعر
بيدك دفنت حسينك والباري هو يعينك
حسين بحصيره اتلمه وانصاره كلهم يمه
والباري هو يعينك
-------------------------
بطف كربله عشت الام والطف تشوفه بعينك وحسينك موذرينه
وكل نايبه تشاهدها مرسومه تبقه بعينك يالموقفك ياذينه
ونته العليل بروحك جا وينه عمك وينه
يسعر عليه اونينك
ياربي عهدك معهود من نحره يكمل دينك فاز الذي يحب دينه
ياأبو الباقر وشصار منك نريد الأخبار
بالصبر صرت القمه وانصاره كلهم يمه
والباري هو يعينك
-----------------------------
ومن المرض ماظل حيل كبالك ابوك تشوفه والشمر من حز نحره
تنهض وتوكع مالوم ولاتكدر انته تعوفه ادوس الحوافر صدره
اصعب مصيبه التاذيك وياجرح انته تروفه تشوف الجثث متوذره
بدرب السبي تدري تروح متعني أرض الكوفه واتودعه آخر نظره
ودعي الاخو ياعمه وانصاره كلهم يمه
والباري هو يعينك
------------------------------
عاشر محرم احزان وترادفن بالعاشر
من كربله المشؤومه
وليل هدعش واويلاه وظعن السبايا باجر
والعايله مهظومه
لاتكدر تحامي عيال بهاي المصيبه تكابر
والأهل كلهم نومه
للطف تصد بعيونك موقفك يدمي الخاطر لمن تصد للحومه
جسمك نحيل ووجعان وبالخيم شعلو نيران
واعضاءك المتألمه وانصاره كلهم يمه
والباري هو يعينك
----------------------------
مهظومه روحك مولاي لمن تجر انفاسك
انفاسك القدسيه
واصعب مصاب تشوفه عالنهر ظل عباسك للخيم مابي جيه
ياعمي يصعب حالك والعمد صوب راسك
وجفوفك المرميه
وتدري اشجره واللي صار يقراها زين احساسك زينب مشت مسبيه
ياعمي لرض الكوفه اختك مشت مجتوفه
ونحر الحسين تشمه وانصاره كلهم يمه
والباري هو يعينك
--------------------------
شفت المصايب كلها بطف كربله والامه
ونته العشتها الالام
ذبحوا ابوك العطشان واتوجهوا لخيامه
من النار ماتبقه خيام
ليل هدعش واويلاه مرعوبه كل ايتامه
وشنهو ذنبها الأيتام
وحادي الظعن من يحدي وروس الأهل جدامه درب السبي لرض الشام
وروس الأهل فوك ارماح وحادي الظعن بيهم صاح
بالممشه شدوا الهمه وانصاره كلهم يمه
والباري هو يعينك
------------------------
طف كربله هد حيلك وسط الكلب الالامه
ونته العشت احزانه
من ال أميه لمروان بالحقد شد احزامه
ضد القلع بيبانه
ومنهم هشام الملعون ضدك علن احكامه
وصار الحكم ميدانه
بالسم يكططع جبدك أصدر امر لزلامه
يالجبدتك وجعانه
عشت الظلم من سفيان واخر ظلم من مروان
مانبري الهم ذمه وانصاره كلهم يمه
والباري هو يعينك
بالك يم روحي ويم راسك بالي
بويه ادخيل الله شكد رمحك عالي
اخر همي ترجيتي // اشبكك جانت امنيتي
*
راسك عني بعد امتار / امد اجفوفي مالوحك
دمعك هذا فوكي يطيح / لودم تكطر اجروحك
اعله اطراف اصابع رجلي اوكف
وداير مداير رمحك افتر
راسك بعيد هواي عني
شيال رمحك بلكي يعثر
كمت ادعي امن الله يعثر شيالك
شما امدلك جفي يضحك جتالك
باگو مني عافيتي // اشبكك جانت امنيتي
****
اعله راسك عيني مارمشت / ورگبتي اعليك مكسوره
جسمك عفته عل تربان / ورمحك عايش بدوره
جسمك رمح ماخذ مجانه
بس راس باقي مامش امتون
وي رمحك اهتز خايفه اعليك
لا توگع ابگد ما يهزون
تنازلت الحضنك وشبگاتي الصدرك
جا ليش اگبالي يهوسون ابنحرك
لاتوگع يحنيتي // اشبگك جانت امنيتي
**
اماشيك الدرب كله // ويسرع جدمي وي رمحك
وكل مااعثر واوكع // شيال الرمح يضحك
مااسمع اسم الله امنطيحآ
بس الظحك يترس اذاني
ارتاح جنت اله اعله صدرك
هسه الرمح ماخذ مكاني
امشي واتعثر امن الشوج برجلي
ياطفله التكدر تتحمل مثلي
اموت بدمعه تاليتي // اشبكك جانت امنيتي
**
طفله اشجابني اعله الظيم // ماتعرف سهر عيني
المصبرني عل دنيه // انتظرك تحاجيني
مابيهه كل راحه الخرايب
يخوفون بيه وانه طفله
بس تغفه عيني يطگني بالسوط
الذابح وريدك جا شگله
بس تغفه عيوني احلم شابگتك
يفززني الشالك بسوط يطگ بنتك
ويخنگني الهوه بريتي // اشبگك جانت امنيتي
**
تهت من الظعن باليل // خذتني الجسمك ادموعي
حاجاني النحر بهداي // جوه الحافر اضلوعي
مامش مجان الينشبگ بيك
موذر وذر بويه شيلمك
بصدرك اشوف مشابگ اسهام
وحتى الرمل غافي اعله جسمك
جا طلعت روحي بأخر انفاسي
ونحرك حاجاني موتج يم راسي
ردي الظعنج ابنيتي // اشبگك جانت امنيتي
**
اليموت ادري يغمض اعيون// شعجب فاتحهن اعيونك
جا فوگ الذبح والظيم // يطگوني ويقهرونك
كدامك يطگون المتون
بالسوط وانت تشوف عينك
تباوع عليه وتبجي اشوفك
من عل رمح اسمع ونينك
محنيه امتوني ودم منهن ييجري
كل هذا الشفته اكبر من عمري
بعدك هايه تاليتي // اشبگك جانت امنيتي
**
محمد خضير الزيدي
🏴 هاتان قصيدتان لشهادة الإمام السجاد ع
◼️◾️القصيدة-3-◾️◼️
لا زالَ يذرِفُ دمعَهُ بأنين ِ
زينُ العباد ِ فحالُهُ يُشجِيني
قد شاهدَ السبطَ الحُسينَ وأهلَه ُ
مابينَ مَنحور ٍ وبين َ طعين ِ
لم يرتوِ الماءَ الذي حَرموهُمُ
وإلى الفُراتِ مُعاتِباً بِرَنين ِ
مالي أراكَ وقَد بَخِلتَ بِقطرَة ٍ
عَن خَيرِ خَلقٍ مِن بَني ياسين ِ
مُتذَكِراً صِورَ النِساءِ حواسِراً
إذ رُوِِّعَت بالسَوطِ والتَوهِين ِ
وَيصيحُ مِثلي مَن يُقادُ مُكبَلاً !
وأنا إمامُ الخَلقِ و التَكوينِ
حَتى مَضى في ليّلةٍ مَشؤُمَةٍ
والسُم ُ مَدسُوسٌ لهُ بِكَمين ِ
والباقرُ المفجُوعُ يَنحبُ مُذ رَأى
أثَرَينِ حِينَ الغُسلِ والتَكفين ِ
في ظَهرِهِ مَجَلٌ بِفعلِ جِرابهِ
قَد كانَ يَحمِلُهُ إلى المِسكين ِ
والقَيّدُ في عُنُقِ العليلِ مُؤَثِرٌ
وبِحُرقَةٍ يَشكُو ضَياعَ الدِين ِ
لهفي فكَم أدمَى البُكاءُ عُيونَه ُ
عُمُراً قَضاهُ بِعبرَةٍ وحَنينِ
سَجَادُكُم ناحَت عَليهِ مَلائِكٌ
و لِفَقدِهِ يَنعاهُ كُلُ حَزينِ
#سمير_الصالحي
#النجف_الأشرف
————————————-
⬛️◼️القصيدة-4-◼️⬛️
مِن بعدِ ما مَضَت بهِ الأرزآء ُ
وجَرت بعَرصةِ كربلاءَ دمآء ُ
ورأى الحسينَ توزعَت أشلاؤهُ
وبِخَيلِهِم طُحِنَت لهُ أعضاء ُ
ونساؤهُ فوقَ الهزالِ بلا وِطا
تُسبى وليسَ على النياقِ غطآء ُ
وهوَ المقيدُ بالسلاسلِ بينَها
زينُ العبادِ الطاهرُ البكاّء ُ
فَبرغمِ علتهِ تكَّفلَّ ظعنَهُم
مُتَجلِداً تَرعى لهُ الحوراء ُ
مابارَحَت تلكَ المآسيَ عينُهُ
لهفي عليهِ فقد علاهُ عنآء ُ
والحزنُ منهُ على أبيهِ شعارُهُ
ينعاهُ شَجواً والدموعُ رثاء ُ
حتى سَقَاهُ السُمَ أبناءُ الخَنا
وفعالُهُم بالطاهرينَ عِدآء ُ
أبناءُ عبدِ المُلكِ يا بِئساًلهُم
غالُوهُ والحقدُ الدفينُ جزآء ُ
فمضى شهيداً والقيودُ كشاهدٍ
وبجيدِهِ قد أثَرَّ الإدماء ُ
#سمير_الصالحي
#البصرة_الموالية
⚫️ نعي-نصاري
خل تفزع بني هاشم الليله
وتسل سيوفها بهمه وتجيله
الباقر يا وسف دمعه يهيله
عله السجاد مات بغدر مسموم
خلص عمره ينوح بليل ونهار
لجل حسين دمعه يسيل نثار
يتذكر عطش چبده الفلا صار
يصيح الله واكبر مات مظلوم
تشوف عيونه عماته وخواته
تهيج احزان گلبه وذكرياته
بعذاب وضيم خلص كل حياته
يا ويلي عليه اتحمل اهموم
عگب موته غده يغسله الباقر
شاف اثار جسمه وفكره حاير
اثاري الجامعة تفطر مراير
يوم برگبته بس تشخب دموم
#سمير_الصالحي
#قصائد_في_خدمة_الخطباء
#محرم_١٤٤٦
#مصائب_الهاشميات
#مجلس_الشام
صورة شعرية.. لسان حال العقيلة زينب عليها السلام لصاحب الزمان صلوات الله وسلامه عليه
(وزن الطويل)
يطالب ثاري يا مهدي .. إلك يا عمه أشكي الحال
دَخْلوني على ابن زياد .. أسيره مگيده بحبال
١/من طبيت للمجلس .. صرت بچفوفي أتستر
تاليها نظر لَيّه .. وِبْإيده عَلَيْ أشّر
گلهم منهو هالحرمه .. گالوا هاي بت حيدر
زينب إخْت ابو فاضل .. الچان الحامي والكفّال
٢/يا مهدي شسولفلك .. المصايب لو أعد كثره
منها مْصيبه أذّتني .. وخلّت بالگلب كسره
راس حسين بعيوني .. شفته ينضرب ثغره!
والملعون يتشفّى .. بيهِ وْتنظره الأطفال
٣/ما خلصت مصايبنه .. ولا خلصت ترى الآلام
بعد كوفان مشونا .. مسبيات لارض الشام
وخلّوا عالرماح الروس .. گبال الحرم والأيتام
وعلي السجاد ويّانه .. منّ الضّرب ظهره مال
#عظم_الله_أجوركم ◾️
فاطمة علي رزق
اسألكم الدعاء
قصيده للمشّايه
گـومـي يازهـراء واتـلـگـي اليعـزّون
مختلط ماي التعب وي دمع العيون
يالزهره شوفي بعينچ
مشـّايه اجو لحسـينچ
مختلط ماي التعب وي دمع العيون
اجت هاي البشر يالزهره ملهوفه
گصدت للحبيب اشتاگت تشوفه
يعت بيهه الحنين ورادت تطوفه
تذكر جود اخيّه وطيحة چفوفه
.......................
گومي يم حسين واتلگي المواكب
حرمه وياهه طفل وبصفّه شايب
للـمـوت مـا ناســيـنـچ
مشـّايه اجو لحسـينچ
مختلط ماي التعب وي دمع العيون
الزاير حجّي چنّه ولابس حرامه
بـيـت الله الحسين وحلّت ايامه
يـذكـر بالطـفـوف شصار بايتامه
راسـه عله الـرمـح والنار بخيامه
......................
كعبه عدنه حسين صار ويمّه نسعه
عـرفـاته تـل اخـيـتـه ونجري دمعه
سمعوا صدى لـونـينچ
مشـّايه اجو لحسـينچ
مختلط ماي التعب وي دمع العيون
گصدو لابو فاضل صاحب الرايه
ياعـبـاس اجـوك بـحـزن مـشـّايه
يابـاب الـحـوائـج يالـصـرت غايه
يبو فاضل حـوائـج عدهم هوايه
........................
گـصـدو لـراعـي الكفاله الكلّه نوماس
مـرّه صـاحـو ياحـسـين ومـرّه عباس
وبـكـربله مـواسـيـنـچ
مشـّايه اجو لحسـينچ
مختلط ماي التعب وي دمع العيون
شوفي يالـزچـيـه ثوره شيعيه
ثـوره تقودهه حـرمـه حسينيه
وي زيـنـب اجـو بالاربـعـيـنـيـه
هاي ام الخدر ماتمشي مسبيه
.......................
هاي زينب بت علي متروسه غيره
تـرجــع بـهـيـئـة امـيـره مـو اسيره
عالـصـار الله يـعـيـنـچ
مشـّايه اجو لحسـينچ
مختلط ماي التعب وي دمع العيون
يمشون لحبيبچ والحزن جمره
من كثر البواچي عيونهم حمره
ماننساچ صـاحـو والله يالزهره
سجلينه عليچ الماشـرب گـطره
........................
عليچ زيـنـب يالـزچـيـه يالتشفعين
سجّلينه بـدفـتـر اليمشون لحسـين
بالـگـبـر ومـتـانـيـنـچ
مشـّايه اجو لحسـينچ
مختلط ماي التعب وي دمع العيون
سيد علي المدني
____
#نسالكم_الدعاء
٠
الله اكبر الله اكبر لقد حان موعد المشايه
الله اكبر الله اكبر بدت تنحط بالجفوف الرايه
الله أكبر الله اكبر والوجوة بطينها محنايه
حي على المسير ، مسير الشرف
حي على الرحيل ، وصول الهدف
حي على المرور ، بأرض النجف
صراط المشايه وعزم وي قرايه
درب واضح كله يصير النه مرايه
٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫
الله اكبر الله اكبر قصة معزب يجلب بزاير
الله اكبر الله اكبر رحلة لاحضان الحبيب الصابر
الله اكبر الله اكبر منضر يكحل عيون الناضر
حي على الزحوف ، لارض الحبيب
حي على الهتاف ، بقبر الطبيب
حي على الأمام ، سميعاً مجيب
بحضن لاگه احبابه وعطر جنه ترابه
اختنگ زأير يمه الهوه يفل نگابه
٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫
الله اكبر الله اكبر رحلة من الضلمات لنور
الله اكبر الله اكبر ماغرگ يرکب سفينة عاشور
الله اكبر الله اكبر من الزغر للخدمه خادم منذور
حي على النجاة ، من أرض العدم
حي على الدخول ، بأرض الخدم
حي على الركوب ، بركب الخيم
نجاة لخدامة مسير اللطامه
حياة العايشها نذر بس لخيامه
٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫
الله اكبر الله اكبر بدأت قصة عشگ للساقي
الله اكبر الله اكبر اكتب وهوه المحلي اوراقي
الله اكبر الله اكبر أخو زينب ترس كل اعماقي
حي على السلام ، بأرض الكرب
حي على العويل ، بلايه گلب
حي على المسير ، بأجمل درب
درب عيب نمله بمشيتك تتعله
مرض يمه يشافي ولاتبقه عله
كرار تحسين الخيگاني