7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
☘لاستشهاد الرضيع ع☘
الطور من التراث
كاني بلسان حال مولاتي الرباب ع
شتكول:-
سلهم عيونه ..... سلهم عيونه
عبد الله مضروب بسهم
سلهم عيونه
مايرحمونه.....مايرحمونه
طفلي ذبل من العطش مايرحمونه
___
حسين من جاباه دمه يتجاره
برگبته مطعون ماله كل چاره
گلب ابو الیمه مستعره ناره
مايطلعونه مايطلعونه
سهم المثلث بالنحر
مايطلعونه
سلهم عيونه ..... سلهم عيونه
عبد الله مضروب بسهم
سلهم عيونه
✍☘ام فراس الساعدي ☘
🏴🏴🏴🏴🏴
عملت المفطوم تكسر الخاطر
فوك صدر حسين جابه وحاير
ياأبو السجاد بحاله اشصاير
حركةصوابه...حركة صوابه
بچّت جميع البلخيم
حركة صوابه
لاتهزونه..لاتهزونه
خالي المهد مابي ولد لاتهزونه
سلهم عيونه
✍️ العلويه ام رقيه
الموسوي
🏴🏴🏴🏴🏴
عمره ست اشهور ويلي يزغير
سابح ابدمه ولونه متغير
چنه غصن البان گلبي متحير
خابت اضنونه خابت اضنونه
كلبي يايمه خابت اضنونه
سلهم عيونه
ام✍🏻 زين العابدين لمحمداويه
🏴🏴🏴🏴🏴
دمعتي تجري والگلب عطاب
شافته اعيوني بالسهم منصاب
احمر اگماطه منصبغ بخضاب
يل تشوفونه يل تشوفونه
مذبوح عطشان الطفل ياالتشوفونه
سلهم اعيونه
✍ام مرتضى الخزرجي
🏴🏴🏴🏴🏴
راح كل حيلي من شفت نحره
احسين من جابه ابصدره الف عبره
آه يوليدي يلخلص عمره
اشيطلبونه اشيطلبونه
عمره ست اشهور
وشيطلبونه
سلهم عيونه سلهم عيونه
ام ✍🏻رحمه الگاظميه
🏴🏴🏴🏴🏴
جابه ايدنيه يم علي الاكبر
والرباب اتصيح الحگنه یاحيدر
ننده باسمك بيه نتصبر
ماتحضرونه ..... ماتحضرونه
ملينه من كثر الهضم ماتحضرونه
سلهم عيونه سلهم عيونه
✍️☘️ام فراس الساعدي ☘️
🏴🏴🏴🏴🏴
تمت باقلام شاعرات رابطة كبش الكتيبه
غير مبري الذمه لكل من يغيير الاسماء او ياخذ كلمات القصيده وينسبها اليه
☘ لاستشهاد الرضیع ع☘
شفته ایلوج مـــن العطش بلـسانه
گطعهاهروش گلبی وگرب میحانه
💦💦💦
ما درلی الصدر یبنی ونشف زادی
یا شمعت حیاتی الطفت بالوادی
یلمدلل ییمه یــــصغر اولادی
مــن المهد شلته امغیر الوانه
✍🏻ام مهدی مجدم
💦💦💦
شلته من المهد وبروحي ظميته
من ادوع عینی اوليدي رويته
وسهم الصوبه ابگلبي وصل ريته
ضايع يالولد حلمي وغفه اركانه
✍ام اسعد الشمري
💦💦💦
اسمعنه يلوع وزادت البلوه
ردت گطرة اميه بيها يتروه
اشوفه من العطش عبدالله يتلوه
شفته من العطش اصبحت ذبلانه
✍أم حوراء البركاوي
💦💦💦
عليك العين عميانه الولد يبني
ماادري بزماني ليش حاربني
ست شهور عمرک ضيعك مني
ابسهم نحرك يیمه اضل نحلانه
✍🏻زهره الكناني
💦💦💦
گلبته الولد مااسمع امناغاه
بلمثلث اولیدی بلنحر صاباه
من ماي العذب چالیش مارواه
اصدله منذبح والروح حیرانه
لـ یاسمین الشموسي✍
💦💦💦
يعبدالله بجيت دموم يلغالي
عماني البين ييمه وغير احوالي
سهم الصوبك صوبلی دلالی
روحي یلمدلل صفت خلصانه
✍ام سجاد الشهيد
تمت باقلام شاعرات رابطة رماد الكلمات
غير مبري الذمه لكل من يغيير الاسماء او ياخذ كلمات القصيده وينسبها اليه
ليلة العاشر للوداع
يا ليل العاشر تدرينه
هالليله انودع والينه
...........
طول آا يا ليل العاشر
خلينه اويه حسين انساهر
جيّش جيشه اعلينه الكافر
باجر ناويهه يسبينه
هالليله انودع والينه
...........
ريض ويانه وبهيده
باجر تمشي ازلام البيده
تصبح باجر كلهه ابعيده
عن الوليان اميسرينه
هالليله انودع والينه
...........
ما نشبع شوف ولو راحو
نتعذب لو كلهم طاحو
اويانه الاملاك الهم ناحو
اوداع النحبهم ياذينه
هالليله انودع والينه
...........
شوفة وجه الكافل هيبه
بلسم جرحي وهوه الطيبه
باجر رايح جا شيجيبه
جا بعده منهو اليحمينه
هالليله انودع والينه
...........
قاسم والاكبر واخواني
بيهم انسه كل احزاني
خل اشبع من عدهم تاني
ياليل الفركَه اتبجينه
هالليله انودع والينه
ياسر العارضي
#محرّم_١٤٤٦
#يوم_عاشور
#فجيعةُ_السّماء
حُسينٌ حُسينٌ حُسينٌ حُسين
أيا عَبرةً طولَ كُلِّ السِّنين
🖤🖤🖤🖤
حُسينٌ أيا عَبرةَ العالَمين
ويا عِبرةً في دُروبِ اليقين
لكَ الكونُ أبدى الأسى والأنين
فقد شُجَّ رأسُ السّما والجَبين
حُسينٌ حُسينٌ حُسينٌ حُسين
أيا عَبرةً طولَ كُلِّ السِّنين
🖤🖤🖤🖤
بعاشِرَ تُردى صريعًا سَليب
بأرضِ البلاءِ هوَيتَ خضيب
فزادَ الجوى واستفاضَ النّحيب
لِكسرِ الضُّلوعِ وقَطعِ الوتين
حُسينٌ حُسينٌ حُسينٌ حُسين
أيا عَبرةً طولَ كُلِّ السِّنين
🖤🖤🖤🖤
أتَتكَ العقيلةُ تُبدي النّوى
وقلبٌ لها بالفراقِ اكتوى
فما أعظمَ الرُّزءَ في نَينوى
يُزَلزِلُ عرشًا فيَغدو حزين
حُسينٌ حُسينٌ حُسينٌ حُسين
أيا عَبرةً طولَ كُلِّ السِّنين
🖤🖤🖤🖤
يتامى وثكلى وطِفلٌ ظَمي
بتُربِ الطفوفِ سيولُ الدَّمِ
جُسومٌ هوَت قُربَ ذا العلقَمي
لها مِن رُقيّةَ فَيضُ الحنين
حُسينٌ حُسينٌ حُسينٌ حُسين
أيا عَبرةً طولَ كُلِّ السِّنين
🖤🖤🖤🖤
أزينبُ تُسبى غَداةَ المُصاب!
ويُهتَكُ سِترٌ لها والحِجاب!
فلا أشرَقَت شمسُ بعدَ الغِياب
إذا غابَ بَدرٌ للَيثِ العرين
حُسينٌ حُسينٌ حُسينٌ حُسين
أيا عَبرةً طولَ كُلِّ السِّنين
🖤🖤🖤🖤
#أعظمَ_اللّٰه_أجوركم◼️
#ألسنا_على_الحقّ
زينب الموسوي
#بنت_الزهراء
*|جديد شهر محرم الحرام ١٤٤٦|*
(( وصل الأخوّه ))
يوم العاشر محرم الحرام ذكرى إستشهاد الإمام الحسين عليه السلام
يَإللي گاصد للمنيّه .. و رايح اِبْروحي
خويَه لا تِعْتِبْ عَلَيّه .. لو كثر نوحي
آنه أبْگه هالغريبه … و إنته هالجثّه السليبه
❃❃❃❃❃❃❃❃❃❃❃❃
مو سهل وصل الأخُوَّه ينگطع حَبْلَه
شلون و آنه إلْخوها ماكو بالخلگ مِثْلَه
عيوني دنياها تشوفك و العمر كِلَّه
يَلْ بُگالي من أهَلْنَه و أنتهي اِبْچَتْلَه
………………..
يل أشوفك ذِكْرَياتي .. و عُمري و سنيني
لو بإدَيَّه يا حَياتي .. ما تِخَلّيني
فَرْگِتَك جَمْرَه لَهيبَه … و إنته هالجثّه السليبه
❃❃❃❃❃❃❃❃❃❃❃❃
خويه لو رايح و ناوي تدخل الحومه
و الأجَل گَرَّب حسامه و الوَعَد يومه
خَلني يا غالي أوَدْعَك بعبره مسجومه
تالي بَتْسَمّىٰ الغريبه إلْخَيْها مَحرومه
………………..
خل أشِمْ نَحْرَك و ألِثْمَه .. و أشْبَع اِبْشوفَك
تالي گلبي يزيد هَمَّه .. لَمَّن اِنْعوفَك
تُبْگه عاري ع التريبَه … و إنته هالجثّه السليبه
❃❃❃❃❃❃❃❃❃❃❃❃
حسين تدري آنه مَيْتَه لو رِحِتْ مِنّي
بس جَسَد أبْگه لِعَذابي و إلْبُگه اِبْحرني
و بخَيالي طيف أشوفَك فراگه يوجَعْني
و أنْعَه بِسْمَك يا حَبيبي لو كِثَر وَنّي
………………..
صورَه آنه ع الهزيلَه .. و فكري ظل يَمَّك
أمْشي بَسْفاري الطويلَه .. و أهْمِسْ بإسْمَك
مهما باعَدْنَه گريبَه … و إنته هالجثّه السليبه
❃❃❃❃❃❃❃❃❃❃❃❃
صوت ضيمَك لو أسِمْعَه بساحَة المَصرع
آنه عَطْشان و حَشايَه لَهْفَه تِتْگَطَّع
و الشمر جاثي إعْلَه صدرك وسفه و اِتْرَبَّع
ينادي لو تِنْخَه و تندب كِلْشي ما ينْفَع
………………..
تدري أتْگطَّع يَخويَه .. من ألَمْ صوتَك
و أنْخىٰ وينك يا أبويَه .. يا علي اِمْروتَك
ماي ما أگدَر أجيبَه … و إنته هالجثّه السليبه
❃❃❃❃❃❃❃❃❃❃❃❃
و لو يجي مهرك خِيَمْنَه و السَرِج مَلْوي
و اِبْصَهيلَه هالفجايع صارَت اِتْدَوّي
لِحْگي يا إخْت الهَواشِم و الأرض إطْوي
شوفي بحسين العساكِر اِشْگاعِدَه اِتْسَوّي
………………..
من طحت فوگ الوطِيّه .. داسِتَك عَشْرَه
و مَغْشي تنزف يا خَطِيّه .. و الگلُب جَمْرَه
و حولَك أفْواج و كتيبَه … و إنته هالجثّه السليبه
❃❃❃❃❃❃❃❃❃❃❃❃
عيوني لو بيها أشوفك تنذبح ظامي
و هالشمر نحرك يحِزّه خويه گدّامي
و ترجع العشره تدوسك أشْهَگ آلامي
لَدْعي الله عيوني تِعْمىٰ باگي أيّامي
………………..
وما أشوفَن غير دَمْعي .. يجري بِعْيوني
و الحزن يا خويه طَبْعي .. و عالَمي اِشْجوني
و عُمري ما أنْسىٰ المُصيبَه … و إنته هالجثّه السليبه
❃❃❃❃❃❃❃❃❃❃❃❃
و چيف يا خويه ألِمَّك يا وذر مَرْمي
و بالحوافر باگي لَحْمَك ويلي يَبْن اُمّي
خنصرَك و ينه و گلْبَك بيا سهم مَدْمي
يا جَسَد غابَت رسومَه ع الثرىٰ يَمّي
………………..
هالمُثَلَّث دَلْني وينه .. و باگي أوْصالَك
وين إيدينَك يا ولينه .. شگد صعب حالَك
وين عبدالله و أجيبَه … و إنته هالجثّه السليبه
❃❃❃❃❃❃❃❃❃❃❃❃
وين راسَك لا تِگِلّي ع الرمح عالي
و لعبه ما بين الأيادي اِتْفُرَّه اِگْبالي
و أنْشتِمْ لَنّي وَحيده و راحَت اِرْجالي
و الخِيَم مَحْروگه ويلي و تاهَت اِعْيالي
………………..
شلون لو صاح المُنادي .. هالخِيَمْ شبّو
و صاح ربطو هالأيادي .. و الحَرَم سِلْبو
منهو حولي و ألْتجيبَه … و إنته هالجثّه السليبه
❃❃❃❃❃❃❃❃❃❃❃❃
الشاعر : أبو شهيد الأحسائي
الأثنين ١٤٤٦/١/٨هـ
════════════
*لا يجوز و محاسب شرعاً حذف او تغيير التوقيع*
اجت للكافل وحيرانة سكنة
بيديها عبدالله وتحضنه
يعمي الماي ماظل گطرة منّه
ولا واحد سِلَم تدري امن اهلنه
يتاماكم تجر ونّة اعله ونّة
عطاشه تصيح في هالخيمة يَمنه
حتّه دموعها نِشفت يَعمنه
وعبدالله الرضيع يموت چنّه
طلبتي زغيرة يالكافل تراني
عادي لو نشف گلبي ولساني
ما همني اذا عطشانة آني
بس عبدالله آنه الحيّراني
يلوك لسانه ومشبوحة عينه
على القِربة يعاين ياولينه
وبس شافك أحس زوّد ونينه
يدري انته التجيب الماي لينه
يعمي گوم روح الشاطي وارجع
گبل عبدالله خويه روحه تطلع
هذا آخر حچيها الباقي مدمع
وطلع عمها وعله الشاطي تگطّع
لمّن طاح نادى سامحيني
وگولي لليتامه يعذروني
تره طاحت على الشاطي يميني
وياسكنة بسهم مصيوبة عيني
يشيعة وظلّت الحسرة بگلبها
تمنت ماحچت للعم طلبها
كلما ما مالت الناگة بدربها
تنادي رااااح والدمعة تصبها
الأقل / ش علي المرهون
قصيدة ( باچر ) وكأن السيده زينب تشرح ما يمر عليها بعد إخوتها وأهل بيتها عليهم السلام
باچـــر يموت بعيوني الضوه
باچـــر يختنـگ حتــى الهــوه
باچـــر انسبـي بطــف نينـوى
آ يبــاچـــر
*
بــاچــر يســافــر ضــوانــا للمـــنيه
كل شي باچر يختلف بالغاضريـــه
بــاچــر اسكينه يتيمــه وي رقيــه
بـاچــر العــدوان تنظـــرني ســبيه
حيره لــو علـى الغبــره هـوه
حيره يموت بعيـــون الضوه
حيره يموت گلبي وياه سوه .
آ يبــاچـــر
*
باچــر شكـبره دليلــي يصيــر صبــره
من أشم حسين لو أبوسه أعلى نحره
باچــر أخــر مــره جــدي الگه عطــره
گبــل لا خيـــل العـده تهشمله صـدره
صعبه عطره باچر من يشـح
صعبه لو مشه صوب الـذبح
صعبه راســه انظر عالرمــح
آ يبــاچـــر
*
كــل شـــي يتغــير اذا يــوگــع ولـينـه
الهــوه باچـــر يختلـف بالطـف علـينه
باچــر العـــدوان فــرحــانــه بسبــينه
لــو كفيلــي اتطيــح يســـراه ويميـنه
عيني لو تصد درب الكفــل
عيني تنظــر وماكـو الأهـل
عيني تصد صيوان اشتعـل .
آ يبــاچـــر
*
باچــر ابطـف كربله تبــدي الفجيعــه
مـــن يطيــح الكافــل بكتر الشـريعه
الهوه كــل يسافــر بيهـاي الــوسيعه
هيه مو چفينه احس ريته الگـطيعه
بعــده تبـدي لوعـــة كربله
بعــده بحيره تبقه العــايله
بعــده بس مــدامـع سايله .
آ يبــاچـــر
*
عينـي تنظــر للشبــاب بلوعــه بـاچــر
چم محمد مــن تصد عالغبره صــايـر
بيــن الخيـام واخـوتي گلبــي حــايـر
ريت گبــل الفاجعــه تعمّــه النــواظـر
ويلي لو هوه من ايده علم
ويلي نــار تلــهب بالخــيم
ويلي تنسبي أيتــام وحـرم .
آ يبــاچـــر
*
باچر اصعــب ليله بــأرض الطـف عليـه
شلون اصد أهلي ضحايه أعلى الوطيه
بـــلا حراســه التحــرس بضعني آميـه
بــاچــر بـــلايــه كفــيلــي أول مســيه
كلفه باچــر انه مـن انسبي
كلفه يحدي ضعني الاجنبي
كلفه وانــه بنت أعظم نبي .
آ يبــاچـــر
**
الشاعر
موسى البديري
#طور_زينب_إجت_لحسينها
#طور_الجفيري
#ليلة_الوداع
باكر اريدك تصبُري
لو شفتي نحري ينفري
راح اشكي لأمي منحري
وكيف الشماته بمنظري
باكر يكسرون الظَهر
ليّه تنظري بكل قهر
محني بمَشيتي اعلى النّهر
بطيحة سنادي والقمر
باكر اودع هالشباب
نومه طريحه اعلتراب
الاكبر وجاسم بلا نِصاب
دمهم يصير إلهم خِضاب
باكر يقتلون الحلم
وطفلي يذبحونه بسهم
وابقى وحيد ابلا زلم
وخيامي بيها بس حرم
باكر سكينه تنضرب
واطفالي كلها تِنسلب
حتى رقيه يالعجب
يسلّبوا حِليها بالدّرب
🖊خادمة أبي الفضل
#يوم_العاشر
#طور_إجيتك_يا_بعد_عمري_وحياتي
#طور_النصاري
▪︎....ثم انّ فاطمة تأخذ قميص الحسين ملطخاً بالدم وتقول : إلهي احكم بيني وبين من قتل ولدي
▪︎...ثم تسأل ربها أن يريها الحسين ع فيُقال لها:
انظري في قلب القيامة فترى الحسين قائماً مقطوع الرأس ، مولاتي يا زهراء في وادي كربلاء لما وصلت الى الحسين أكان رأسه على بدنه أم فُرق بين الرأس والبدن ؟؟؟
أكانت اضلاعه سليمة ام وصلت بعد ما رضته الخيول بحوافرها ؟؟؟
انا ام الذّبيح اليَابسه رياقه
ادوّره بيا كثر طايح رميّه
ضلوعي لازمه ودمعي جِريته
على إبني الِذي ذبحوله خيّه
اطيح واعثر بحزني وصِيحن
يمذبوحي وذبيح الغاضريّه
وصلته والرمل غاطي جروحه
وكبده ويه السهم طالع سويّه
صدره من السحن ويلي تِكسر
حِضنته والحزن بادي عليّه
صحت آيالولد يمّه الرمل حار
عباتي انشرها فييّلَك خطيّه
قِعَدّت وعدد اصواباته ل إبني
جروحه امسحهن ودمه اعلى ديّه
اخضب شيبتي من دم وريده
واصد نحره بلا راسه المسيّه
🖊خادمة أبي الفضل
تعالي وياي زينب .. گلبي الحسين ( نقلب الحسين عليه السلام)
اشوف شلون جرحه .. گلب الحسين
ييمه انصاب احسه .. گلبي لحسين
شخلت بي العشره الاعوجيّه
أم محمد الحجاج
#ليلة_العاشر
من وزن التجليبه ( المربع)
ـــــــــــــــــــــــ
بالصحرا كَعد وعيونه لخيامه
ويشوف العيله ضل تنوح جدّامه
ــــــــــــــــ
راد يروح يمهه والفكر مذهول
ولو سألوه عن باجر شيريد ايكَول
يشوف الحزن صار وياه طول بطول
وكَوّه اعله ارض من ينكَل اجدامه
ــــــــــــــــــــــ
يريد ايودّع العيله لان باجر
يروح ويدري زينب تفكَد الناظر
تصيح بصوت لمّن تنظر الحافر
يدوس ابصدره حيل ايكسّر اعضامه
باجر لا خيم لا اخو يضل يمهه
باجر بالجمر تتلاهب اخيمهه
جفوف الكمر باجر ينسفك دمهه
عمود اعداه تنظر يفضخ الهامه
ــــــــــــــــــ
يودع اعياله رايد بس ألم عنده
شما ينظر السكنه دمعته ابخدّه
يرف باجر اتمر زينب بشدّه
والهذا الوضع تتزايد آلآمه
ــــــــــــــــــــ
صعبه ييشوف زينب تركض بحسره
وبطف كربله عثره بأثر عثره
صح مكّطوع نحره لجن شيصبره
بحين السوط يضرب متن ليتامه
ـــــــــــــــــــــــــ
الشاعر محمد حسن ضيغم
#قصائد_في_خدمة_الخطباء
#محرم_١٤٤٦
#يوم_العاشر
صورة شعرية.. لسان حال العقيلة زينب عليها السلام عند جسد المولى صلوات الله وسلامه عليه ....
(طور في وينه راسك)
١/جسمك تِخضَّب
وْخدري تِسَلَّب
خويه لَتِعجَب
هاي آنه زينب
٢/ما ظل الي خْمار
وْمرعوبه لزغار
بْكلّ الخيم نار
وايتامي تنحب
٣/ضربولي لمتون
سطرولي لعيون
لا ما يِرِحمون
متني تٍعذّب
٤/دارَوا عَلينه
ها يا ولينه
بْغُربه بُقينه
والحاله تصعب
#عظم_الله_أجوركم ◾️
فاطمة علي رزق
اسألكم الدعاء
#قصائد_في_خدمة_الخطباء
#محرم_١٤٤٦
#ليلة_العاشر
لسان حال العقيلة زينب عليها السلام لأخيها الحسين صلوات الله وسلامه عليه...
(طور الجزع/طور ودعتك وظهري انكسر)
١/هالليله آخر ليله يالغالي
بيها انته يمّي آنه وِعْيالي
باچر أشوفك عالثرى گبالي
بَلايه روح!
٢/راح انظُرَك وانته على التّربان
يالتّنذبح يمّ النَّهَر عطشان
وْجسمَك يِسَوّيه العدو ميدان
وْيِظَل مطروح!
٣/إدعيلي منّ انظرلك اتصَبَّر
من انظرك فوگ الثرى موذّر
راسك گطيع وداميِ المنحر
جسد مذبوح!
#عظم_الله_أجوركم ◾️
فاطمة علي رزق
اسألكم الدعاء
غريبه… من باجر يبت حيدر غريـــبه
مصيبه… ويفتر عالخيم طير المصيبه
يطلعونچ سبيه… وانه ايگطعون اديه.. يزينب
★★★★★★★★★
كلشي باجر يالغريــــبه ابكربـله يحـصل ترة
انـــه طايح عالشريعة وزينب انتي اميسرة
من يطگ الشمر متنچ ترة اجفوفي امبَترة
يعني اذا صحتي دخيلك عِذري سَبع الكنطرة
مناحـــه …. الليله بالخيم تخلص مناحـــــه
وصباحه… ..العاشر زينب ايخوف صباحه
الشمر يسلب رُقية…. وانه ايگطعون اديه
★★★★★★★★★
گربـــــي يمي اهـــنا يزينب خل نسولف هالأمر
عوفي كلشي يروح فدوه خوفي ليروح الخدر
والشمر لمـن يضربـــچ صـــــيري بعيون الشمر
انــتــي اخت عباس اعرفچ زينـــب وام الصبر
أميرة… رغما عالشمـــر تبقين أمـــــيرة
اسيرة…. مو انتي ترة الفرسان اســــــيرة
تذل فرسان أميه…. وانه ايگطعون اديه
★★★★★★★★★
اليوم ماي اگبال عينچ باچــــــــــر ايشح النهر
ويعطش حسين وعزيزي وسكنه يذبحها السهر
اليوم هاي الخيمه گمره باچر ابلايه گمر
وهذا عبدالله يزينب ينطي للماي النحَر
عطاشه…. ظل عبدالله واخوانا عطاشه
الفراشه …. ترافتهم ارق من الفراشه
حميده اشگد خطيه…. وانه ايگطعون اديه
★★★★★★★★★
گــــرَب اوداع الغوالــــــي وباالخيم نلتم سوه
خَـــــل اشمنچ يزينــب ريتــي محتاجــه الهوه
حسين سهم الماي اخبرچ صوبه وگلبه انچـوه
والنــهـــــــر لازم أذلـــــه وانــــه شــيال الـلـوه
اجيبه…. نَـهر العلگمي امچتف اجيبه
عجيبه…. ما يدرون ابو فاضل عجيبه
النهر خلي عليه…. وانه ايگطعون اديه
★★★★★★★★★
ايعينچ الله اعله المصايب لو عليچ اترادفَن
كافل اضعونچ يعوفچ وانتي وحدچ بالظعن
باچر امتونچ هذني من السياط ايورمَن
وانـــه ذَني چفوف اديه اعله النهر يتگطعن
هضيمه… طايح والشمر يمچ هضيمه
يتيمه…. زينب من عگب عيني يتيمه
شيرجع سيفي اليه…. وانه ايگطعون اديه
★★★★★★★★★
كلشي يحصل ياالعزيزة وانتي لا تتفاجئين
اقري خاف الطف يعسر فاتحه لم البنين
بلكي اخوچ ايجيب جوده والسهم مايطفي عين
ونرجَع ونلـتَــم ســويــــه ويگعد اويانا الحُسين
ابسلامه… انشوف الأكبر ايعـــود ابسلامه
عمامه…. ابعرس القاسم اتهوس عمامه
الحسن مايدري بيه…. وانه ايگطعون اديه
★★★★★★★★★
ـــــــــــــــــــــــــــــــــــــــــــ
ماجد حبيب الخيگاني
ونسألكم الدعاء
ليلة العاشر … ذبحـــوا الوالي
ليلة العاشر…. سافــــر الغالي
★★★★★★★★★★
ليــــلة العــــاشـــــر جــــــــرح ماينســـــه
اشسوه بيه وانـــــه بت خـــير النــــســـه
كـــــربــــلـه صـــارت ظــــــلام امعسعسه
والـــزمَــن وي بــت علي كلـش قــــســــه
وصحت يالناطر…. دمعتي اتلالي
ليـــــلة العاشر…. سافــــر الغالي
★★★★★★★★★★
حـــــافـــيه أركـــض بالمعارة اموزرة
والخـــــيم فــــــــوگ العيال أموجرة
صحت بين الگــــوم وانـــه امحــيرة
يامَـــن ايحشـمــلــي ســبع الگنــطرة
زينب اتناطر… والدمع هالي
ليلة العاشر….. سافـــر الغالي
★★★★★★★★★★
رحت صوب المشرعة اوبدموعي اصيح
يابـــو فاضـــل زحمه لـــو هدمي يطيح
انـــه زينــــــب گبل مامســانــــي ريـــح
والشمر هســــه يطگنــــي ويستــريــــح
انته ماحاضر….. هوا يبرالي
ليلة العاشر… سافــــر الغالي
★★★★★★★★★★
حسين اول تالي يغفه اعله التراب
وليـــلـة العـــاشـــر گمر دنيانا غاب
ليـــش عبـــدالله انحرم من الرباب
وليش نامت بالترب هـــاي الشباب
چم جفن ساهر…. هم مثل حالي
ليلة العاشر…… سافـــــر الغالي
★★★★★★★★★★
بـــس اشيع بالجــنايـــــز للقبور
واعله حالي بچت من دم الطيور
گمت اشد روحي علگ بيد اليزور
وبالمگابر گاعده واشعل بس بخور
ابكسرت الخاطر….. ظلت اعيالي
ليلة العاشر…… سافــــــر الغالي
★★★★★★★★★★
چـــم عـــزيــــز المني راح ابلا وداع
الغالي نايـــــم بالتـــــرب مالچ يگاع
انـــه اخت حسين واشعـــر بالظياع
وبيتي ظل فارغ يويلي من السباع
چم ظهر كاسر…. ياگمر عالي
ليلة العاشر… سافـــــر الغالي
★★★★★★★★★★
ــــــــــــــــــــــــــــــــــــــــــ
ماجد حبيب الخيكاني
ونسألكم الدعاء
#من_ديوان_قربان_الطف_ج٩
قصيدة للرضيع(يوليدي دللول)
❥━──➸➽❥❂❥━──➸➽❥❂
في ليالي الفراق المؤلمه تجلس الرباب امام مهد ابنها عبد الله الرضيع فتنظر إلى المهد خالي وتذكر كيف كان ينام في المهد ويغفوا في احضانها فظلت تبكي وتنادي:
بعد ما اگول يوليدي دللول
لان حضني فرغ منك يمدلول
حضني اليوم خالي ... ظل مشدوه بالي
بعد ما اگول يوليدي دللول
❥━──➸➽❥❂❥━──➸➽❥❂
بعد ماتمر هالچلمه بلساني
برباك شكثر ظليت اعاني
خذاك بساع من ايدي زماني
چنت تغفه عله اچتافي وحناني
راح ارباي ذاك وتعب الأيام
المن روحي طلع مفطوم بسهام
عانيت الليالي ... ظل مشدوه بالي
بعد ما اگول يوليدي دللول
❥━──➸➽❥❂❥━──➸➽❥❂
الليل مساهره ودموعي بالعين
ردت تكبر واشوفك ذخر ومعين
اجتك بالنحر ياسطرة البين
ودلالي انفطر يوليدي نصين
اباوع للمهد واتخيل الگاك
واشبگك يالولد واسمع مناغاك
يجرحني خيالي ... ظل مشدوه بالي
بعد ما اگول يوليدي دللول
❥━──➸➽❥❂❥━──➸➽❥❂
چنت انظر لوجهك لمن تنام
اسولفلك هواي آمال وأحلام
ماحسبت دهري هيچ الي ظام
من بين ايدي ترحل بيد ظلام
ماظنيت يبني مايشربوك
تفرفح بيد ابوك حسين خلوك
وانه الهم صفالي ... ظل مشدوه بالي
بعد ما اگول يوليدي دللول
❥━──➸➽❥❂❥━──➸➽❥❂
بگيت بحسرتي ما انام بليل
صوتك اذكره وادموعي تسيل
ليش امك عفتهه بحسره وبويل
أمن اسمع طفل ناغه ينهد الحيل
للموت ابقه بدموعي وحنيني
ادري ماترد ليه وتجيني
بس الون حلالي ... ظل مشدوه بالي
بعد ما اگول يوليدي دللول
❥━──➸➽❥❂❥━──➸➽❥❂
يالنحرك ترف وزغير عالموت
ادك عالراس وابچي بعالي الصوت
ورد عمري انفگد من ايدي بسكوت
الولي بدمع عيني وگلبي مفتوت
تبچي الناس ظلت ويه مبچاي
ابن روحي فگدته وثمر دنياي
عزيز وعلي غالي ... ظل مشدوه بالي
بعد ما اگول يوليدي دللول
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
☘قصيده للطفل الرضيع ع☘
****
لسان حال امه الرباب ع
شتكول:-
عبد الله ييمه لاتون حيل
يمه لاتون حيل
تراهه ونتك تهدملي الحيل
يمه لاتون حيل
مابطل نحیبک
المثلث نصیبک
تظل من فرگتك دمعاتي اتسيل
يمه لاتون حيل
🏴🏴🏴🏴🏴
زغيرون وردت گطرة اميه
يبني ودایر اعیونک علیه
ضربوك بسهم شفتك رميه
جف يمه حليبك
والمثلث نصيبك
برگبه السهم یایمه ياويل
يمه لاتون حيل
✍☘ ام فراس الساعدي ☘
🏴🏴🏴🏴🏴
مدلل یبنی ماكملت اسنينك
تصد من العطش لیه بعينك
متت عطشان وتعلي بونينك
بحظانه حبیبک
المثلث نصیبک
اهزن بلمهدومناطره الليل
✍️ام زهراءالفاطميه
🏴🏴🏴🏴🏴
شنوذنب الطفل مصیوب نبله
حارالسهم مایگدر یحمله
من شدة الضربه گماطه حله
يبني منين اجيبك
والمثلث نصيبك
مااگدر انام وباچر انشيل
يمه لاتون حيل
✍ام علي المالكي
🏴🏴🏴🏴🏴
سهمك يالولد صوب دليلي
ذابت مهجتي منهدم حيلي
اهز مهدك واناغي ابدمعي ليلي
مايطفي لهيبك
والمثلث نصيبك
گلت تکبر علیه اترابي اتهيل
✍ام اسعد الشمري
.🏴🏴🏴🏴🏴🏴
اون علیک یبنی وثمره احشاي
طفت شمعت حیاتی التضوی دنياي
یلحرموک یبنی لذه الماي
هان علیه یصیبک
المثــلث نصیبک
دمعاتی دمه يبني تره اتهیل
✍🏻 ام مرتضى
🏴🏴🏴🏴🏴🏴🏴.
یوم رحت مِڼـّي جف حليبي
دقيقه ماسكت يمه نحيبي
ردتك للكبر وياام شيبي
وسط الگلب شیبک
والمثلث نصیبک
ابموتک زمانی بيه يعيل
✍🏻 رقيه محمد ام طف الحسين
تمت باقلام شاعرات رابطة رماد الكلمات
غير مبري الذمه لكل من يغيير الاسماء او ياخذ كلمات القصيده وينسبها اليه
ياحسين
احـاچـي الـهـَزلــه لا بـيّــه.. تـضـلعِـين
ومــن كـثـر البچي مـاضن.. تضل عَين
عـبـايـه حـسـيـن ما عنـده.. تضل عــن
الـشـمـس ويـلـوج بـأرض الـغـاضـريــه
*---------------*---------------*
✍خادم الحسين ع
الشاعر رعد الجريخي
فزاعيات ليلة العاشر
چبير الساده طايح حيل شدوهه
ولطمتكم تطيب اجروحه خلوهه
لخو زينب الگاع اليوم هزوهه
يستاهل حسين اشما نسويله
يستاهل احسين اشما نسويله
اليوم احسين رايح ينطحن بالخيل
ومن العطش طايح وسفه مابي حيل
وچم حافر يسحگه من الضهر لليل
مذبوح الحسين وعل رمح راسه
مذبوح الحسين وعل رمح راسه
يازينب اتلگي الزهره اجت لحسين
يلچمها ضلعها وتلطم اعله العين
ييمه هل مصايب هاي اجتنه امنين
بس تسعه الاصابع خنصره مسلب
بس تسعه الصابع خنصره مسلب
كلهه اتصيح وين ام عون طلعوها
وكلما تحچي كلمه حيل اشتموها
وبحبال السبي الخشنات گيدوها
وخلو الصوط يترك چم اثربيها
وخلو الصوط يترك چم اثربيهه
مشت زينب ادور عالجثث بليل
مهضومه وچبيره وراح منهه الحيل
سمعوهه حچي من عنده ضاگت ويل
و ياوسفه الشمر بالصوط يسبيها
ويا وسفه الشمر بالصوط يسبيها
الصار ابزينب ابدن ماجره ولاصار
مناكه حرگ منانه سحگ ازغار
اول مره زينب ياخلگ تحتار
تره الشمات ضحكو زينب اوحيده
تره الشمات ضحكو زينب اوحيده
سلام البهادلي
#محرّم_١٤٤٦
#يومُ_عاشور
#الطّفل_الرّضيع
#قوموا_للعزاء
قوموا جُموعًا للعزاء هبَّ الحسينُ لِلمنون
تتلو عزاهُ كربلاء إنّا لَها لقادِمون
حيَّ على العزاء في أرضٍ وسَماء
في مِحرابِ الطُّفوف سالَ بَحرُ الدِّماء
🏴🏴🏴🏴
عزّوا الرّسولَ المُصطفى
أمسى الفُؤادُ لمُدنَفا
رأسُ الحُسينِ على القنا
فعَلى الدُّنى بعدُ العفا
حيَّ على العزاء في أرضٍ وسَماء
في مِحرابِ الطُّفوف سالَ بَحرُ الدِّماء
🏴🏴🏴🏴
ما ذنبهُ ذاكَ الرّضيع!
يُروى ظماهُ مِن نَجيع
آهٍ لقلبٍ مُفجَعٍ
لمّا هوى طِفلٌ صَريع
حيَّ على العزاء في أرضٍ وسَماء
في مِحرابِ الطفوف سالَ بَحرُ الدِّماء
🏴🏴🏴🏴
مولايَ يا ابنَ الأتقِياء
إرفَع رضيعَكَ للسّماء
في عَينِ ربِّ العالَمين
مسرى نجيعٍ للدِّماء
حيَّ على العزاء في أرضٍ وسَماء
في مِحرابِ الطفوف سالَ بَحرُ الدِّماء
🏴🏴🏴🏴
تَروي رِمالٌ في الطُّفوف
عن بدرِنا دونَ الكُفوف
عن أكبَرٍ، عن قاسِمٍ
عن أَنجُمٍ لاقَت حُتوف
حيَّ على العزاء في أرضٍ وسَماء
في مِحرابِ الطفوف سالَ بَحرُ الدِّماء
🏴🏴🏴🏴
إن كانَ ذَنبٌ للكِبار
يا قومُ ما جُرمُ الصِّغار!
في الحَشرِ تُصلَونَ السّعير
والطِّفلُ يغدو ذا المنار
حيَّ على العزاء في أرضٍ وسَماء
في مِحرابِ الطفوف سالَ بَحرُ الدِّماء
🏴🏴🏴🏴
جاءَت بِحُزنٍ زينبُ
والنّارُ صدرًا تُلهِبُ
يا ليلُ فاسمَع بَوحَها
فرِثاؤُها لا يَنضبُ
حيَّ على العزاء في أرضٍ وسَماء
في مِحرابِ الطفوف سالَ بَحرُ الدِّماء
🏴🏴🏴🏴
حضَرَ الطُّفوفَ القائِمُ
وعَلا نِداها فاطِمُ
يا يوسُفَ الزّهراءِ هل
ثأرُ الحُسينِ لَقادِمُ!!
حيَّ على العزاء في أرضٍ وسَماء
في مِحرابِ الطفوف سالَ بَحرُ الدِّماء
🏴🏴🏴🏴
#ألَسنا_على_الحقّ
زينب الموسوي
#بنت_الزهراء
*|جديد شهر محرم الحرام ١٤٤٦|*
(( يبن أمي لا تنام ))
في ذكرى العاشر محرم الحرام
استشهاد الإمام الحسين عليه السلام
يَبن أُمّي يَبْن أُمّي عن ضيمي لا تنام
يَبن أُمّي يَبْن أُمّي حِرْگوها لِخْيام
❃❃❃❃❃❃❃❃❃❃❃❃
خويه صارَت زَلْزَلَه .. و هالحراير معْوِلَه
جاوبني وينَك
اِشْبيها ماجَت كَرْبَلَه .. و بالعُلا تضج المَلا
و أسْمَع أنينَك
بحيرتي جيتَك ركض .. أمْشي و اُوگَع ع الأرض
لِنَبْرَة حَنينَك
………………..
ناديتَك ناديتَك وينَك يَضِرْغام
ناديتَك ناديتَك حِرْگوها لِخْيام
❃❃❃❃❃❃❃❃❃❃❃❃
بصوتي ناديتَك عدل .. لو يَغالي منجدل
فوگ الوطِيّه
و هالعساكر مگْبِلَه .. و نار إيديها شايلَه
نار الرزِيّه
چان حيلَك تنْتهض .. تصد عَدُوَّك تعْترض
هالساعه هِيّه
………………..
حامينا حامينا حاطَتْنا لأزْلام
حامينا حامينا حِرْگوها لِخْيام
❃❃❃❃❃❃❃❃❃❃❃❃
گلبي ذاب اِبْحَسْرِتَه .. للمُهر وَيْ حالِتَه
يصيح اِبْصَهيلَه
گومو رَبّات الخدر .. و انْدبو حسين اِبْكدر
وين إلْيشيلَه
مَغْشي طايح بالوَغىٰ .. و الخصم جوره طَغىٰ
الغَشْوَه طويلَه
………………..
بِجْراحَه بِجْراحَه جاي إلْنا و سِهام
بِجْراحَه بِجْراحَه حِرْگوها لِخْيام
❃❃❃❃❃❃❃❃❃❃❃❃
و للميادين إرْكَضِتْ .. و أمري لله فَوَّضِتْ
و عايش أشوفَك
أبچي وينك يَلْ الولي .. حسيني يا ضنوَة علي
و آنه اِبْطفوفَك
شفتَك اِبْگاع الوجَل .. و حولَك أسْياف الأجَل
لِچَتْلَك تحوفَك
………………..
حاچيني حاچيني يَلْ تنزف آلام
حاچيني حاچيني حِرْگوها لِخْيام
❃❃❃❃❃❃❃❃❃❃❃❃
خويَه مَرْمَرْني الدهر .. و ليتي مَيْتَه من قهر
لِضيم إلْيصيبَك
شفته جالس ع الصدر .. و ظل يضربَك هالشمر
و ماسِكْها شيبَك
و حَزْ وَريدَك صارِمَه .. و النَحَر فَجَّر دِمَه
و زايد نَحيبّك
………………..
يالظامي يالظامي و اِبْذَبْحَه أنْضام
يالظامي يالظامي حِرْگوها لِخْيام
❃❃❃❃❃❃❃❃❃❃❃❃
خويه مو كافي الألَم .. الله بس حالي عَلَم
بهاي الفَجيعه
الخيل جاتك جارِيَه .. تدوس جِسْمَك عادِيَه
بصوره الفَضيعَه
بحيره يَمَّك واجِمَه .. ع الرمح شفته سِمَه
راس الگطيعه
………………..
وا ويلي وا ويلي هضمَتْني لَيّام
وا ويلي وا ويلي حِرْگوها لِخْيام
❃❃❃❃❃❃❃❃❃❃❃❃
خويه و احْچي لك بَعَد .. جندَه آمَر بن سَعَد
يهجم علينا
و يسلِبوها هالحَرَم .. و الخدر وسفه انْضَرَم
عگبَك ولينا
و فَرْهِدونَه بالعَرا .. ليت حاضر بِلْجَرا
من باگي لينا
………………..
و سِلْبونَه و سِلْبونَه و داسوها لَيْتام
و سِلْبونَه و سِلْبونَه و حِرْگوها لِخْيام
❃❃❃❃❃❃❃❃❃❃❃❃
ياهي حيره حيرتي .. بين حزني و غربتي
يَبْن أُمّي يَحسين
أجْمَع أيتام و نِسا .. و حَلْ عَلَيَّه هالمِسا
وما عندي اِمْعين
وحدي مكسورَة ظهر .. و كافلي صوب النهر
ما عندَه چَفّين
………………..
وِلْيوني وِلْيوني و يَرْدوني للشام
وِلْيوني وِلْيوني و حِرْگوها لِخْيام
❃❃❃❃❃❃❃❃❃❃❃❃
الشاعر : أبو شهيد الأحسائي
الأثنين ١٤٤٦/١/٨هـ
════════════
*لا يجوز و محاسب شرعاً حذف او تغيير التوقيع*
تذبــح الـروح دللول دللول
وابني مذبوح دللول دللول
*
آنــه ام الرضيع الفطمتــه النبلــه
آنــه الفاگــده والنــوح الي يحلــه
تصد عيني المهد والمدـع تهمله
وكل ساعه أفز وبــأسمه انـدهلـه
يمه نــاديت دللول دللول
ألها حنيت دللول دللول
*
معـروفــه التلولي للطفـل عـدها
شحال ألي تلولي ومات واحدها
إذا خالـي المهــد الله يســاعدها
گضت أيامـك الحلـوات شيـردها
اسهر الليل دللول دللول
تهدم الحيل دللول دللول
**
اصبّر گلبـي بيش الحــاير بهمـه
يـا عـطـر الـورد وگليبـي يشتمه
أفـز وتخيـلك نـاديـت يــا يمـه
يعـرض منحـرك متخضب أبدمه
اصرخ بصوت دللول دللول
ذابــح المـوت دللول دللول
*
دللولك يتيمـه ابطـارف بشفــافــي
عفت حضني ييمه وعالرمل غافي
برد حضنك حسافه البيك ظل دافي
زغيــر وادري طبعك يمه متجـافي
گلبي ينعــاك دللول دللول
يذبح اجفاك دللول دللول
*
جرحك يبنـي حـد الموت مـا يشفـه
خشن چـان السـهم يالرگبتك تـرفـه
ارتوه گلبك ييمه مـن عــذب نـزفـه
شبچي أوليدي دمعي أعليك ما كفه
تجرح الروح دللول دللول
تـزّيد النـوح دللول دللول
*
باچــر للسبي مــن امشــي يالغـالي
شلون اصبر واشوفن راسك اگبالي
نحــرك يمه نــاعم والرمــح عــالي
يلچمــني الرمــح بالممشه يــبرالي
گلبـك يريــد دللول دللول
وراسك بعيد دللول دللول
*
الشاعر
موسى البديري
أنهـــم فتيــه .. آمنــــوا بــربهــم
أنهـــم فتيــه .. آمنــــوا بــربهــم
**
فتيه مـن ( آل عليٍ ) بـرزوا لسـوح الشـرف
اتلاگو وي الموت بالطف مو مثل أهل الكهف
ضحوا أبدم الكرامه مـن اجــل أعظم هدف
لجـــل دين الله تعالى ابــد ما واحــد رجف
أنهــم حقـــــاً .. دافعوا عـن نهجهم
أنهـــم فتيــه .. آمنـــــــوا بــربهــم
**
اقــره تاريــخ البطوله والشرف في كربلاء
خطوا آيــات المواقف والمجد مــن الدمـاء
جدهم الهادي محمـد عكـس ولــد الطلقـاء
جادوا بأرواح للطـف عــدهم الـدنيا فنـــاء
آمنـوا الدنيــا .. مسكناً لغيــرهــم
أنهـــم فتيـــه .. آمنــــوا بــربهــم
*
آمنـــوا بحسيـن يعنــي امنـــوا بــس بـالإله
حسين للباري نــذرها روحـه وولاده ودماه
حسين باع الروح لكن بالدمّه الدين اشتراه
ولــذلك ال هـاشم سلكــوا أبــدربه وخطاه
بذلــوا النفســهَ .. فتيـــةً لـــدينهــم
أنهـــم فتيــــه .. آمنــــوا بــربهــم
*
لاعبوا بالطف خصمهم ال هــاشم بالحديـد
مــو مثـل لعب ال أميــه بالقــرود وبالعبـيد
فرق بيـن الطاح بالطف غسلــه دم الــوريد
وبين طاح أبكاس خمره فرق عن ابن الشهيد
ملئــوا الدنيــا .. صيحتــاً بـذكــرهم
أنهـــم فتيـــه .. آمنـــــوا بــربهــم
*
كـون قــرأن الجــلاله لهسه ينــزل عالبـشر
چان بالطــف ألف أيه نــزلت وعــدّت سُور
فتيه ما ضمهم كهفهم ضحوا ابگطع النحر
الدنيا گبه صــارت الهم صاغها چف القـدر
نُــورهم يبقى .. خالدا وذكــرهــم
أنهـــم فتيــــه .. آمنـــوا بــربهــم
*
أنهــم فتيــة محمــد مــا يهابــون الحتـوف
تشهد الدنيــا عليهم يـــوم بــرزو بالطفـوف
طعمّــه خلوهــا المنــاحر للنبــال وللسيوف
ابد ما صافحو ظالم ظلوا انظاف الچفـوف
أنهــم صفــوه .. سارعوا لحتفهــم
أنهـــم فتــيــه .. آمنــــوا بــربهــم
**
الشاعر
موسى البديري
#محرم_١٤٤٦
#طور_لفى_عاشور
#العاشر
#حضور_السيدة_فاطمة_عليها السلام عند مصرع ولدها
قبرها عافت الزهره واول زائرة لحسين
حنّت بالدّرب صاحت دلوني على جسمه وين
سمعته يونّ قبل ذبحه ولفيته والقلب لهفان
رِدت أحكي وي إبني وقِله يا جرح تعبان
شداوي يُمه من الجروح واقرالَك سور قرآن
وصلته والنّحر دامي ومن كبده شفت ثلثين
صِرت ادعي على الظالم إشعندك يا شمر وياه
شفاهه من العطش يِبْسَت ما واحد إلِه رَواه
وصدره منسحق مرضوض إشسوت بيه خيل اعداه
وتراوت حُرمه لي عالتل عمرها جاوز الخمسين 💔
وشفتها من إجَت عنده واخوها حَضْنِته مذبوح ( يا زينب )
يخويه احترقت الخيمات تِقلّه بالبكا والنوح
حِرّت بْنُوحي يا يّمه وقلبي لزينبك مجروح
هيه تصِيح تعاليلي وانا ونّي على الإثنين
#هنا زينب ع تنادي ، استغاثت بأمها ، تتذكر وعدها بالحضور في كربلاء:
يُمه وينك عوفي قبرك يالحنينه
يُمه وينك خويه الِحسين ذابحينه
يُمه وينك خامده انفاسه و ونينه
يُمه وينك اذكر ايام المدينه
يُمه وينك عالوعد قِلت تجينه
يمه وينك بحق الحسين إحضرينه
#تجاوبها الزهراء عليها السلام
انا يَمك وابكي لاحوالِك غريبه
انا يَمك وانظر اهوال المصيبه
انا يَمك وامسح الشيبه الخضيبه
(انا يمك يا زينب مو بعيده )
🖊خادمة ابي الفضل
نعي
لعلي الاكبر
الابو حتما يدوّر راحه لبنه
وسهله من يقدّم راحه لبنه
شحال حسين لمّن راح لبنه
ولگاه امخضّب ابدم المنيه
.
الشاعر محمد حسن ضيغم
/channel/alnaay2022
#في_الخدمة_المقدسة
#محرم_١٤٤٦
#ليلة_العاشر
(وزن الطويل )
عزاكِ الليله يامهدي.. أبدْ والله مَمِثْله عْزاءْ
هذي ليلةِ التّوديع.. تواسي أُمّكِ الزهراءْ
١)بَعدْ ليله غريب حسين..ظامي من العطش چبده
الأعادي حُوله مجتمعين..ويحْملْ رايته وحده
شبابِ لعيله والأصحاب.. راحوا وما أحد عِنده
مسلّمْ أمره للرحمان..شگد ما كانت الأرزاءْ
٢)بَعدْ ليله نشوفْ كفوف.. تْصافحْ تُربةِ الصحرا
مگطوعه من الزندين.. وين اليُمنى واليُسرى
ولمّنْ ينْضربْ راسه.. أويلي يطيح عَ لْغبره
ونهرِ لعلگُمي يشهد.. بوفاضل صورةِ الإيفاءْ
٣)بَعدْ ليله سهم مسموم..يصيب حسين في گلبه
رُغم لجراح والأوجاع.. يناجي بالدّعا ربه
ذبيح علثرى مطروح.. والحاقد يجي يْسلبه
وراسه عالرمح عالي.. جسمه مگطّع الأعضاءْ
٤) بَعدْ ليله وترى زينب.. تْسافر عنّه مسبيّه
تحمي لعيله والأيتام.. وتنفّذلا لوصيه
يضربوها ويشتموها..بُغربه تِبگى محنيّه
رُغم كِل هذي الآلام.. تصبر زينب الحوراء
#منال_بجيجي
#قصائد_في_خدمة_الخطباء
#محرم_١٤٤٦
#ليلة_العاشر
حال مولاتي زينب عليها السلام ووداعها مع الأحبة ...
(وزن الفايزي/طور البحراني)
هذا الوَداع اصعَب وَداع عْلى العقيله
مِجتَمعه بيهِ الدّمعه وِهموم الثّگيله
١/بين الخيم تتنقّل وتلطم عَلى الرّاس
من شدّةِ الهم والألم مجروح لاحساس
تنعى الأحبّه بْكل نفس وثگيله لانفاس
تستحضر الأخبار والمدمع تِسيله
٢/تمشي وظهرها منحني وچن عالمُتون جْبال
سكته تِوِن حد ما إجت يم خيمةِ الكفّال
من دِخلَت عْلى الكافل الوَنْ والبَچي طال
گالتله ضُمني بْباقي ساعات القليله
٣/ضَمْها الكفيل وعينه صبّت جَمْرِ لاعبار
وْگلها اعذِريني ما تِظَل يمنه وَلا يْسار
مو بيدي لو أسكت إذا يتسلّب خْمار!
وْمنّ الضَّرُب لو صارتِ مْتونچ عليله!
#عظم_الله_أجوركم ◾️
فاطمة علي رزق
اسألكم الدعاء
لو بيدي يحصل يحسين… ماروح اظلاً يَمك
وبهدمي البي دخــــا ن…. مجبوره افيي الجسمك
مگطوع گلبي اعليك….. وحر الشمس ماذيك
★★★★★★★★★
يبعد اهلي شعجب شو ماتحاجيني
أنــــه زينب و اظن رايـــــد تبچيني
عزيـــــــز اوشلت يمــك دمع عيني
ولا تعتب علي وتگلي ودعيني
ماريد اعوفك يحسين…. وخلي الشمر يذبحني
لو چتفوني بحبال…… يبن امي چا سامحني
من عيني هاي ارويك…. وحر الشمس ماذيك
★★★★★★★★★
گبل لا أمشي عنك خل اشمنك
وبهذا الهــــدم يحسين المنك
مدري اشلون بوداعك أضمنك
الحوافر ماعظم سالم بقن منك
من الحوافر والخيل…. مهشومة كل اعظامك
امتيهني شوا چنك ليش…..زينب انـــه الجدامك
چـــم عاشــگ امتانيك…… وحر الشمــــس ماذيك
★★★★★★★★★
الشمر يطردني عنك ورجع ابلهـــــفه
وگـلــله الذبــــح بحسين ماكــــــفــه
منك ماسلــم اي محـــبس ابچــــفـــه
اخوي حسين هذا وچَنـي ما عــرفـــه
وجهك تخظب بدماك….. وللــحيــه صارت حمرة
وذاك القميص الفوگاك…… كلش تغـــــــير عطرة
خليني اشمـــٱ بيــك…. وحر الشمس ماذيك
★★★★★★★★★
جمالك هذا شوا متغير اهوايه
وظهرك منكسر من طاحت الرايه
عمت عين الفرات وطينته ومايه
الضمه شمسوي خويه ابشفتك هايه
شنهي العطش شنهي الماي… يرفض يروي ايتامك
وانت الشمس من تحتاج…. تاخذ ضوه من اخيامك
زينب ترة اتحاچـــيك….. وحر الشمس ياذيك
★★★★★★★★★
شفت هــــــاي الحوافر هشمت صدرك
وشفت جبريل ياخـــذ للســــمه ابعطرك
الشمر گاعد علـــيك وانــــي ابگتـــــرك
وطلع سهم 🎯 المثلث خويـــه من ظهرك
كلما اجــــيلك بهداي…. الگــــه الشمر جــدامي
ويطشر اگبالي الماي….. ويگلي اخيچ ظامي
بدموعي اريد ارويك…. وحر الشمس مـــاذيك
★★★★★★★★★
كلمــــا أرد اروحـن عيـــنك اتصدلي
وتحاچينــــــــي ولكن مدري شتگلي
ارعفت من نظرتك خايف على ضلي
اطمئن خويه الشمر زيد علي حملي
سواني فرجه ابلياك….. وظحك عليه الوادم
وگلهم ترة زينب هاي….. وريت ابو فاضل سالم
يفـزعلي ويحاميك…. وحر الشمس ماذيك
★★★★★★★★★
ـــــــــــــــــــــــــــــــــــــــــــــــــــــ
ماجد حبيب الخيكَاني
ونسألكم الدعاء
من خيمه لعد خيمة ⛺…زينب تركض ابهيمة
والجمر بذيالها… وشيلم اطفالها
والشمر يبرالها…. سوطه بيدة
★★★★★★★★★★
اتگوم وطـيح العقيله يم خيمها وتشتعل
ساعة طفله اطيح يمها وساعة يتلوع طفل
منين ماتركض تشاهد نوگ واسياط وحبل
والشمر جدام اهلها ايگلها اصعدچ عا الهزل
اشماتگرب على اخوتها..الشمر ابسوطه يشحتها
ويلي عذب حالها… وشيلم اطفالها…
والشمر يبرالها…. سوطه بيدة
★★★★★★★★★★
ابعيني چن الطف اشوفه ويعرض اصورة الوحي
هذا وحي الشعر يمي وظل يصـــــــــور مسرحي
اطفال من الخوف ترجف وستمع صوت الرحي
وانه گتله هايه زينب ياشمــــــــــــــر ماتستحي
تركض وبعبايتها… رادت تطفي خيمتها
الصخر يبچي الحالها…. وشيلم اطفالها
والشمر يبرالها..... يابو فاضل
★★★★★★★★★★
عني مكشوف الغطاء وخانگ عيوني الدمع
وگمت اشوف الطف مناحه وصوت بالخيمة
استمع
هبت ارياح المنايـه وخمدت كـــــــل الشمع
الخيل تركض وانه اشوفن ضلع مكسور ابضلع
حافر خط اثر حافر…. اه يالوعـــــة العاشر
حسين طاح اگبالها… وشيلم اطفالها…
والشمر يبرالها…. سوطه بيدة
★★★★★★★★★★
غـــورگت عــين العقيله واجت تبچي محزمـــة
زينب وشافت اخوها طايح اويجري الـــــدمه
صاحت وشهگت يويلي وصدت اعله امخيمه
يا اللهي حسين طايح المن امخلــــــي السمه
فوگ الغبره وجه الله….وراسه اعله الرمح صله
وجثته محد شالها…. وشيلم اطفالها
والشمر يبرالها..... سوطه بيدة
★★★★★★★★★★
تركض ونار ابخيمها وچم طفل يمها انسحگ
وچف رقية ابهدم زينب من اجت يمها احترگ
چم عزيز وچم عزيزة ابحرگ الاخيام افترگ
اگماط عبدالله لحوافر منه اخذن چم علگ
صاحت سكنه مرعوبه… ليش اخيمنه منهوبه
وعالترب كفالها…. وشيلم اطفالها…
والشمر يبرالها.…… سوطه بيدة
★★★★★★★★★★
حسين طاح اعله الترايب ويلي محزوز النحر
وزينب اتصيح يااللهي من عسه ابذمة النهر
ابعرس جاسم مافرحنه ولاعلي الأكبر حظر
ولانحر عبدالله سالم حته يشتمه الگمر
رمله اليله مالومه…. وجاسم حضر اهدومه
والعرس چتالها….. وشيلم اطفالها…
والشمر يبرالها.……. سوطه بيدة
★★★★★★★★★★
ـــــــــــــــــــــــــــــــــــــــــــ
ماجد حبيب الخيكاني
ونسالكم الدعاء❤️
عائلة الامام الحسين ع نعي
****
شذكر يامصيبه تريد عنه اخبار..رضيع حسين والنبله وكلب امه
لو سكنه العليله وخيام صارت نار..وهذا ايريد ابوه وذاك يم عمه
لو ارسم الك اهات اخت حسين ..يوم الطاح الاكبر يم ابو اليمه
لو عابس وجون ونافع اذكر ليك..لو عريس صارت حنته بدمه
لو عباس اذكره وزنده لمن راح..ومن صدره يتدنه حسين ويشمه
لو ميمون يصهل فزع العباس..كوم حسين طايح عالثره ولمه
وحك عباس كل كومه..ولمه
الفخر كل الفخر حيدر..ولمه
الفدت عباس لااخوانه..ولمه
ثلاث اوصال صار اعله الوطيه
*
حبيب الدخل للحومه..وعابس
ونافع من برز وجه..وعابس
الحر بااخر اوقاته..وعابس
ونال العاليه وحسن البقيه
ابو علي السعيدي
مجلس نعي لعلي الأكبر #من_ديوان_قربان_الطف_ج٣
❥━──➸➽❥❂❥━──➸➽❥❂
صلى الله عليك يا رسول الله صلى الله عليك وعلى أهل بيتك المظلومين صلى الله عليك يا شبيه المصطفى الأمين يبن ابي عبد الله الحسين،ما خاب من تمسك بكم وأمن من لجأ إليكم يا ليتنا كنا معكم سادتني فنفوز والله فوزا عظيما.
*القريض*
حزن ابن ليلى يستدر مدامعي
ومضاء عزمته يثير هنائي
بدر تتوجه شمائل أحمد
بفصاحة وسماحة ومضاء
متجلبب من حيدر بشجاعة
ومن الحسين موشح بإباء
ملك الوغى بحسامه فأحالها
دهماء أعيت ألسن البلغاء
والسبط يرصده وفوق جبينه
للناظرين بوادر السراء
وإذا به يدعوه أدركني فقد
دارت عليَّ بجمعها أعدائي
❥━──➸➽❥❂❥━──➸➽❥❂
ابوذيه
عله الأكبر لنوحن ليل ونهار
حيلي انهدم يوم الطاح ونهار
عليه عيوني تجري اسيول ونهار
واظل للموت اون صبح ومسيه
❥━──➸➽❥❂❥━──➸➽❥❂
نعي گرناوي
عله الدنيه العفى بعدك يالوليد
الم هجرك حنه ظهري وعماني
المك بالحصير اوصال واوصال
كتر منك اشيله يطيح ثاني
علي الاكبر سهم فرگاك كتال
وبلب الگلب يبني رماني
عسه عمر الابو بجفاك لاطال
ولابعدك اعيش اني ثواني
❥━──➸➽❥❂❥━──➸➽❥❂
نعي مجرد
يوليدي لأجلك لعمي العيون
امصابك عليه ابد ميهون
وانه بغيابك اصبر اشلون
انكسر ظهري وگلبي محزون
❥━──➸➽❥❂❥━──➸➽❥❂
ما فكرت بيه بالوداع
بروحتك كلشي يالولد ضاع
اوياك اندفن ريت بفرد گاع
ما تهده بعدك هاي الاوجاع
❥━──➸➽❥❂❥━──➸➽❥❂
آهات روحي ما اظن تهيد
وانته صرت عن عيني بعيد
يالشوفتك چن طلة العيد
هدمت كل حيلي يالوليد
❥━──➸➽❥❂❥━──➸➽❥❂
يقول الراوي بعدما قتل من قُتل وإذا بشبيه رسول الله، وسليل علي والحسين يطلب الاذن للقتال ولكن لم يتمالك الحسين عليه السلام حينما رأى ولده أمامه يودعه دون أن تنهمر دموع عينيه ثم يجمع كلتا يديه خلف عنق ولده علي الأكبر ثم يجذبه ليضمه إليه ويشبعه لثماً وتقبيلاً حتى اختلطت دموعهما.ثم ودع النساء اللواتي تحلقن حوله وقلن له: ارحم غربتنا فلا طاقة لنا على فراقك.لكنه مضى إلى حيث لقاء الأحبة محمداً وحزبه صارخاً بالقوم:
أنا علي بن الحسين بن علي نحن وبيت الله أولى بالنبي
تالله لا يحكم فينا ابن الدعي اضربكم بالسيف حتى ينحني
اطعنكم بالرمح حتى ينثني ضرب غلام هاشمي علوي
وبعد أن قتل مقتلة عظمية من القوم عاد إلى أبيه الحسين عليه السلام يشكو إليه ما ألم به من العطش والألم ... فقال له ابيه الحسين ارجع يا بني فإن لك كأساً مدخرة عند جدك رسول الله.
فرجع الأكبر إلى المعركة وما زال ينوشهم بسيفه وهم يفرون أمامه، إلى أن جاءه اللعين مرة بن منقذ العبدي، وهو يقول: عليَّ آثام العرب إن لم أثكل به أباه.
وبينما كان الأكبر يطارد كتيبة من القوم، إذ جاءه هذا اللعين من خلفه ليضربه على رأسه ويفلق هامته، فنادى الأكبر! عليك مني السلام أبا عبد الله هذا جدي رسول الله وقد سقاني من حوضه الأوفى شربة لا أظمأ بعدها أبداً ثم أن فرسه ذهب به إلى مخيم الأعداء، فهذا يضربه بسيفه وذاك يطعنه برمحه والآخر يريد بسهم حتى سقط على الأرض، وجاءه الحسين مسرعاً اضطجع إلى جنبه واضعاً خده على خده وهو يقول: بني علي على لدينا بعدك العفا، أما أنت فقد استرحت من هم الدنيا وغمها وأبقيت أباك لهمها وغمها وما أسرع اللحاق بك.
نعي زريجي
يريت انه التوسدت المنيه
ولا اشوفك امدد عالوطيه
بگت دمعاتي عالوجنه جريه
وامك تنطرك تكسر الخاطر
❥━──➸➽❥❂❥━──➸➽❥❂
دعيت الله ترد يالولد سالم
لكن صوبك يبني الظالم
وبگيت اعله الترب يالولد نايم
حالك صعب ويطرالگلب طر
❥━──➸➽❥❂❥━──➸➽❥❂
وبينما كان الحسين مستغرقاً في لوعة ولده وإذ به يسمع صوتاً عزيزاً عليه وهاتفة تنادي: ولداه واعلياه واابن أخياه، نعم إنه صوت زينب، فنهض الحسين نحو المخيم...
جابه حسين گاصد صوب الخيام
و تلگته العقيله وتلطم الهام
تصيح شلون يبني عالثره تنام
وسفه غدرتك هالگوم ظلام
❥━──➸➽❥❂❥━──➸➽❥❂
بعدك شباب وما يرحموك
بسهام ونبل وارماح صابوك
والراس ينزف دمه خلوك
مادري هالناس شيطلبوك
❥━──➸➽❥❂❥━──➸➽❥❂
أما حال امه الفاقدة ساعد الله قلبها كأني بلسان حالها:
اباب الخيم عيني ربيه
انتظرك ييمه ترد عليه
مو تأخذك مني المنيه
بعدك بعد ياهو الاليه
❥━──➸➽❥❂❥━──➸➽❥❂
والله افجعت دلالي يحسين
جبت ابني اليه مغمض العين
وگلبي عليه انكسر نصين
عگبه احير انطي الوجه وين
❥━──➸➽❥❂❥━──➸➽❥❂
نعي الفراق"طور الشيخ زمان الحسناوي"
آييمه ... يالولد يا ماي عيني
آييمه ... يا بعد روحي وسنيني
آييمه ... ما حسبتك تخليني
آييمه ... اعليك ازيدنه ونيني
❥━──➸➽❥❂❥━──➸➽❥❂
تخميس
يا كوكباً ما كان أقصر عمره
وكذا تكون كواكب الأسحار
جاورت أعدائي وجاور ربه
شتان بين جواره وجواري
*بقلم ✍🏻خادمة اهل البيت ع*
*الشاعرة العلوية مريم النور:🍃*