7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
ليلة الأنصار صلوات الله عليهم
#ألليله السادسه
درسنه أليوم عن أحيود سبعين
مواقفهم شريعه ومنهج وديـن
عقيدتهم حسين وحب الحسين
سلو مرآهف لحيود... حياهم
سبعين بس كلهم زود.. حياهم
رفت شواربهم غيظ... بالعاشر
بالصحبه خيمه وعامود ..حياهم
لبسو گلبهم عالدرع يا ستار
سبعين مستنگينهم وين الحار
معجونه أظن طينتهم بغيره ونار
.............................................................
اليصدهم مايميز الشيب والشاب
ولا همهم عشيره وجاه وأنساب
المهم وي الحسين انحسبو أصحاب
وگفو درع للخيام..... بالحومه
وعيونهم وسفه اتنام.. بالحومه
ماخلو الريح ايفوت... للخيمه
للعركه ماطخو هام... بالحومه
وياهم شويه الكفو وما تنقاس
حصلوا عفيه ورتبه من العباس
العنده مثلهم حگه يفخر ياناس
.....................................................
الغلام بصف حبيب وعابس وجون
البياض وي السمار أتخالط اللون
وغدو مثل الالماس هواي يزهون
عدهم حبيب المغوار.. وياهم
ايسمونه شيخ الأنصار.. وياهم
وعدهم زهير المهيوب.. وعلومه
وصارم برير البتار... وياهم
بالحومه من طبو غدت ماتنشاف
بالفزعه ما ننسى وگفته الهفهاف
سيافه كلهم ما يدگهم سياف
........................................................
أبد ما سائلوو من أي الأديان
وهب عاف الصليب وصار عنوان
أعتنق دين الحسين وصار سلطان
الرهبان بي يتباهون.. هنياله
عاف المسيحيه شلون.. هنياله
هوا العشگ هيچ يريد.. مو كلمه
والحر كسر جم قانون.. هنياله
منهم تعلمنه الوفه وي المحبوب
خلونه نعرف بالحب شلون أنذوب
كلهم نشامه وصيتهم ظل مهيوب
.......................................................
✍️ حسين حمدان الدلفي
الأنصار
سمعاً وطاعاً يا أبو الأكبر
تأمرنا انته سيدي واكثر
ــــــــــــــــــ
انت تأمُر واحنة يمك صار وانفذ التريدة
ياعشكنا ومانتركك سيدي وهاي البعيدة
يا نبضنا ودم قلبنا ألك ياروح الصميدة
بالمناحر حبر دمنا لحضرتك نكتب قصيدة
كل واحد يضحيلك المنحر
تأمرنا انت سيدي وأكثر
ــــــــــــــــــ
كلشي عفنا من اجينة وردنة وياك التجارة
وما خسرنا يا لطريقك ابد مابي كل خسارة
ردنة يمك وبركابك واحنه طوعاً على الإشارة
خيرتنا وما رجعنا كل قلب انته اختيارة
قلب اليحبك صعبة يتكتر
تأمرنا انت سيدي وأكثر
ـــــــــــــــــ
بالمعارة واحنه اول بالأذن نتقدم احنة
بالضماير انت تبقى حسين يا والي امرنا
ابشر ابشر يا ابو الاكبر الف لبيك الك صحنا
هاي فزعة لجل عينك الك يالغالي فزعنا
للفزعة تستاهل يبن حيدر
تأمرنا انت سيدي وأكثر
ــــــــــــــــــ
تحت امرك تحت جدمك نوكع نقبل ترابك
علگينا كل عگلنا والعمر كلة اعله بابك
عد يمنتك صرنه بيدك سجلتنا انت بكتابك
ياهوانا وملتقانا يمك ونسمع خطابك
أنت علي واحدنا الك قنبر
تأمرنا انت سيدي وأكثر
ــــــــــــــــــ
هاي فرصة نموت لأجلك كربلة وننسى السلامه
نموت لجلك دمنه يصبح بالحشر باجر علامة
ماتفيدة اليمشي عنك يخسر ليوم القيامة
هالشهادة والسعادة سيدي واحسن كرامة
هاي الشهادة الغدا تتقدر
تأمرنا انت سيدي وأكثر
ــــــــــــــــــ
يم خيمنا وجيش صرنا نرعب جيوش آل أمية
وانعرفنا باسمك احنه بكربلائك والقضية
خل نبارز اسمحنة خل نطب للغاضرية
خل نقاتل للنهاية سيدي لحد المنية
أجمل نهاية البيها نتوذر
تأمرنا انت سيدي وأكثر
ــــــــــــــــــ
الشاعر زين العابدين الشمري
حماسيه للانصار
انصاره من طبّوها ... كربلا گلبوها
....................
عن الانصار .. الاخبار ... تطش ابكربله
عدها بتار ... إذا ثار ... يزلزل زلزله
دارو افلاك .. والاملاك .. تگلهم ياهلا
تملك افنون .. بالجنون .. وأعلى منزله
الهامه ما وطّوها ... كربلا گلبوها
....................
عدهم اصرار .. هالانصار .. شبيه امن الوهم
شدو الثام ... والازلام ... غدت مثل الغنم
جرو السيف .. على الكيف .. بخذموهم خذم
صارت ادوس .. على الروس ..يحطون الجدم
للزلم ذلوها .... كربلا گلبوها
.........................
وفو الدين .. للحسين ... سوالفهم عجب
چنهم السيل .. اجه ابويل ..ولا يعرف تعب
عابس اوجون ... يهوسون .. يجاوبهم وهب
شيلو الگاع .... يالسباع .... اگلبوها لهب
جن جمر خلوها ..... کربلا گلبوها
...................
بن مضاهر ... يناضر .. يهز ايده غده
راجع اوراح .. غضب صاح .. فقط ذوله العده ؟؟؟؟
ناقص الجيش . اذن بيش . انه السيف ابرده
سيفي طماع .. إذا جاع .. يجيب الشارده
والخشم دوسوها ... ݣربله گلبوها
...................
حايره الناس .. بالانفاس .. يچنّها تختنگ
ترجف ارجوف . من الخوف . غدو كلهم زرگ
سيف الانصار .. عصف صار . حرگ بيهم حرگ
جمله وافراد .. هالوغاد ... على الشرده تدگ
الشرده ماحصلوها ... كربله گلبوها
...................
نصروا الدين .. للحسين .. يضحون ابوفه
شگو احلوگ .. للحگوگ . جفنهم ماغفه
بيهم الزود .. للحدود . جمرهم ماطفه
رفعوا الرأس .. ينوماس . لدين المصطفه
للشرع حفظوها .. كربله گلبوها
ابو فاطمة الطائي
قصيده ثكيله حول انصار الامام الحسين
اليوم الانصار بطوله اليوم الانصار
شبو النار ابعدوهم شبو الانار
ذوله انصار الحسين اكبال زينب واكفين
شبو النار بعدوهم شبو النار
ذوله انصارك يخويه بالكلب طاريهه
كالو ركبنه يزينب لاخوتج نفديهه
انتم الهيبه وشجاعه بكل زمان احجيهه
وانتم البيكم محنه راسي شامخ بيهه
الملعب احتار من اجوله الملعب احتار
احتارت الكفار بيهم كبرت دخانه
وطب حبيبه الحومه بيهه ورعب بميدانه
كال فنه اليوصل النه واليجي ويدنانه
روحه مارايدهه اكله لو يمر احذانه
ناخذ الثار بدينه ناخذ الثار
عفيه بيهم والله عفيه انصارنه وحياها
طبو الحومه ابشجاعه ونعم شفناها
ورايته اترف عله جتفه طب حبيب وياها
كال حد اخيام زينب ابد ما يدناها
حامي الجار ابوهه حامي الجار
هذه يومك عمي هذه ونته شيخ انصارنه
هوس بيرغ شجاعه من نزل جدامنه
اليوم فزعتهم جبيره ذوله همه احبابنه
كالو حسين احنه فدوه بس الك اعمارنه
فدوه الاعمار فدينه فدوه الاعمار
اعمارنه فدوه حجوهه اتروح يا بوسكينه
بس الك يحله عمرنه انموتلك خلينه
شنهي نبكه وما نعينك يعني ماعرفينه
شنهي معنه العمر شنهي وهذه الك ياذينه
يعني ماصار عمرنه يعني ماصار
*لخادمة الزهراء العلويه أم جعفر*
القصيده من ديوان طف الحوراء الجزء الرابع
غير مبري الذمه من يحذف الاسم وياخذ الكلام وينسبه له
اصحاب الإمام الحسين عليه السلام
يحسين أستشهد خليني
الحر يهتف فدوه اسنيني
****
الحر للمظلوم تعنه
ياسيد شبان الجنه
انصركم ابدمي اتمنه
ما تكدر تنظرلك عيني
****
ما اكدر انظراك حاير
ما عندك عون ولا ناصر
أمر ما كلك بس حاضر
هاليوم بدمي انصر ديني
****
أنصر ديني بدم المنحر
بروحي افديكم يابو الأكبر
تشفعلي رايد بالمحشر
ومن ذيج النار تنجيني
*
تنجيني من نار التسعر
من ذاك الموقف والمنظر
لو عوفك باجر شتعذر
خادمكم وافخر يحسيني
*
خادمكم وافخر افديكم
واكطع روس إلي يعاديكم
يامن علاكم باريكم
يا بدر الرحمة التضويني
*
ياسر الساعدي
#محرم1446
چنت نصراني الأصـل
وبالمسيح اني اتصــل يروحي
البارحه بعيني شفـــت
جدك وبي آمـــــــــــنت يروحي
مامشتبه نفس الوجه
هوه وعلي الأكبر سوه يروحي
،،،،،،
وجه ابو الاكبر صــِـبح
ضل يسولفلي بـــجـرح
گلي الاكبر ينذبـــــــــح
وانه ضل دمعي يهــــل
من الحزن مغمي طحت
وكربله گبالي شفــــــــت
اه يللاكبـــــــــــــــر رددت
تنذبح لا موسهــــــــــــــل
عجيب هذا لو ابني وعلي بعيونه احرسه
حبيب ما أخلّي الريح تدّنّه وتلمســــــــــه
رهيب موقفك واجب يبو الاكبر ادرســـــه
گلي من گد الضمه
تظلم بعينه السمـه حبيبي
الشايل انوار اثنعـش
يشتكيلي من العطش حبيبي
أيطب خيمته ويم عمته
يگعد علي ويگطر ضوه يروحي
،،،،،،
گتله سولفلي بعــــــــــد
شيجري عن هذا الولـــد
شفته گض صـدره وگعد
من حچه گلبي انكســـــر
للحرب من يعتلـــــــــــــي
ياخذ عيوني علـــــــــــــي
الدنيه تضلم وبتلـــــــــــي
وانه اتبعه عله الاثــــــــــر
يطيح گلبي وي ابني واضل افرگ بديّه وأصيح بويه ضلمه بعين ابوك الغاضريه
ذبيح ويفتح چفوفه امنجي رغم المنيه
بحضني إحط راسه وأون
وابچي عالغالي وإحـــــــن وشمّه
صفاحه كَضَهن ونحنـــــــه
من حچالي عله الضـــــــنه وشمّه
گد النزف ماينعرف
لجروحه ما يرهــــــــم دوه حبيبي
،،،،،،،
حسين اخذني باعلمه
الكربله وبحر الدمـــــه
حچه عله ابنه ومئتمه
الچنه جده المصطـــفى
سولف وياي بهمـــــــــس
عن علي المثل الشمــــس
توني أسلمت وإحــــــــس
كلشي بعيوني انطفــــــى
حرام الشايل اخلاق وخلق جده وصفاته
حرام بعز شبابه الغالي ويودع حـــــــــياته
حرام شحال زينب عمّته وامه وخـــــواته
الدورت اعيونه حــــرز
الشوكه من تگربله افز وخافن
جدمـــــه لو لاح الأرض
گلبي يوگف وعتــــرض وخافن
ياسيدي منين ابتدي
حصّن علي بچم قل هوه ياروحي
،،،،،،
يم محمد منكســـــر
عيسى وصاني بــأمر
گلي طب بيت الطهر
وقبّل اچفوف الأمل
مدلي چفك يالسبط
ارد ابايع ورتبـــــــط
انه طير وأرد احـــط
يمك الّحد الأجـــــــل
اجيت گلبي يسبگ جدمي كل هاي المسافه
بچيت من چبتلي ابنك علي وشفت الترافه
نعيت ياهضيمه وياندامه وياحسافه
نوره من نور العرش
المثله يتغطه برمش جماله
بالحلم وي موسى اجه
يلمع ابليل الدجــــــــــه جماله
حط برگعه فوگه ونعه
ووياك اموت بنينـــــوه يروحي
،،،،،،
خذني فدوه اتوسلك
بالسفينه اشـــراع الك
وبيّه أبحر بالفــــــــلك
اين ماحل الرســـــــــه
راضي بالشوگ احترگ
من اعوفگ اختنــــــگ
يانسيم الله الصـــــدگ
گلي موسى اتنفســـــه
اروح سيدي وياكم الى ارض الــــشهاده
انوح من يطيح ابنك علي بحض السعاده
جروح الله يرزق كلمن ايحب اعتــــــقاده
رايد اخدم هل شبـــل
وعنه بلگي اشگف نبل بالطفوف
بصدري اتلگه الرمِـــح
عن علي وگبله انذبِح بالطفوف
عابس علي قبله انولي
حُسن النبي والمحــتوه يروحي
،،،،،،،
لخادم الحسين ع
#محمد #الفــهداوي
[٢١]▪️نشر جديد
قصيدة ليلة الأنصار عليهم السلام
لا فتى إلاَّ حبيبُ بنُ مُظاهِرْ
حينما لَمْ يجدِ السبطُ مُناصِرْ
كانَ شيخاً ذا "ثمانينَ" بهِ
عَزْمةٌ شابَ لها حدُّ البواترْ
أسداً لمَّا يزلْ مِنْ أسَدٍ
مستميتاً لحسينٍ والحرائرْ
إسمُهُ في فتيةٍ قدْ آمنوا
بحسينٍ عندما تُبْلى السَّرائرْ
بالمنايا والبلايا عالمٌ
شأنهُ بينَ الأباةِ الصِّيدِ ظاهِرْ
ذكَرَتْهُ بسلامٍ زينبٌ
فلهُ المجدُ بطولِ الدَّهرِ ذاكِرْ
قد جثا ينعى لدى خيمتها
باكِيَ العينينِ للخدَّينِ عافِرْ
أيُّ وجْدٍ بكِ يا سيِّدتي
وترينَ السبطَ في ميعادِ عاشرْ ؟!
هدَّهُ قتلي وإخواني معي
صافقَ الكفِّ يُديرُ العينَ حائرْ
أيُّ وجْدٍ وتمرِّينَ على
جسمهِ أشلاءَ رضَّتهُ الحوافرْ ؟!
بلُبانِ المُهْرِ رأسي شاهدٌ
لَكِ فوقَ العُجْفِ ما بينَ العساكرْ
عجباً بنتَ عليِّ المرتضى
ستُقاسينَ الأسى في قيدِ آسرْ
بعدَ عباسٍ وأبطالِ الصَّفا
يُصبحُ الشمرُ على الأظعانِ آمِرْ
شامتاً يسبيك جهراً شاتماً
ناظراً يا ليتها تعمى النَّواظر
كلُّ حزنٍ لكِ أمسى وارداً
كلُّ صبرٍ منكِ يا حوراءُ صادرْ..
الشاعر علي عسيلي
#قصيدة_الأنصار
#محرم_١٤٤٦
#اللهم_عجل_لوليك_الفرج
نعي للانصار
......
خويه مروتك يحسين حاجيني
ياواهس حياتي وسلوت سنيني
ياعصابتي المشدوده فوك الراس
ياستر العشيره الدوم غاطيني
باجر وين اشوفك والمنايا هواي
باجر ياخلك واهس يسليني
دير عيون كلبك حطهن هنا
عاين صفنتي يمن توديني
محتاره واشوفك شابك العباس
جن هاي الجهامه اتروح من عيني
حلفتك ببوك الشال جفه الباب
اروحن وين باجر خويه دليني
باجر ياهو الك لوهجمت اعداك
ياهو من الصحابه يصير يمناك
دلالي رجف من شوفت اعداك
ياهو البيه نشد بالمحنه الحزام
يخويه وخايفه ابهجمت الظلام
يتراجف دليلي الليله ماناام
.......
وهنا سمعها حبيب فرجع الى اصحابه
منادين عليهم هل تعلمون ان زينب خائفه
فلنذهب اليها ونتحدث معها فذهبو اليها
فوجدو الامام الحسين واخيه العباس عندها
فتقدم حبيب للكلام فقال..
.....
يحسين جبت العمر.كل يوم احظن صبر
ومتاني يوم اليجي وبيدك اقدم العمر
مر الزمان شكبر وانه بقيت انتظر
واليوم حان الوقت وفاي انه الهلنذر
.......
فتقدم عابس فقال .
......
مجنون بيك وهوه داخل وسط وجداني
لو عندي غير العمر افديك عمري الثاني
مجنون بيك اصبحت وهذا العشك رباني
اشلون اعوفك تظن وبالجنه ماتنساني
......
فقال زهير
......
طمنها زينب بعد لامانعوفك ابد
ارتاحي بت حيدره للموت هذا العهد
وفايه احنه وعلي عدنه الشهاده عرس
ولحسين نبذل تره ارواح مال ونفس
.....
فقالو جميعهم
.....
ارتاحي بيت حيدره للموت نبقه وياه
باجر نكر النظر كل زودنا بيمناه
لو ننسه كل البشر الحسين ماننساه
اي والله الحسين ماننساه
.....
فقالت زينب
… ..
ثلث تنعام من ربعه الغياره
نزلت موت نزلوا للمعاره
تانو من ابن حيدر اشاره
او وگفوا للمنايه بكل جساره
والله ماقصريتوا يزلام الوغى ماقصريتوا
لمن مشيتوا چان ايتمشه الموت لمن مشيتوا
يالرخصيتوا لجل الحسين ارواح يالرخصيتوا
ماتگعدون زينب تحشم حيل شوماتگعدون
غمظتوا العيون فوگ الترابه اليوم غمظتوا العيون
ها يالتسمعون ذوله انصار احسين ها اليتسمعون
… ..
علي الحاج الصبيحاوي
( الأنصار )
دلونه وين.. أرض تشبه كربله
ومثل الحسين.. حتى نتوجه إله
بوصف هذا القائد.. وين يحصل واحد
مثل الحسين.. حتى نتوجه إله
_ ١ _
نفر گاع الله كلها.. ندور عن بطلها
ولا واحد بهلها.. شبيه حسين
ولا حتى بسمانه.. نجم ياخذ مكانه
هديه من الله اجانه.. انتظرنه سنين
نصرته من الباري فرض.. سيد السمه وسيد الأرض
مولانا أبد منعوفه
من كثر ما غالي شكثر.. يرخص إله حتى العمر
نعمه وحظرنه طفوفه
بكل هاي السمه والكره الارضيه
منو بگد ابو اليمه عنده حنيه
ابن البتول.. لمن نفدي بالدمه
شكراً نگول.. للزجيه فاطمه
للرساله يجاهد .. وين يحصل واحد
مثل الحسين.. حتى نتوجه إله
_ ٢ _
تنافسنه على دربه.. منو الاكثر يحبه
وطلع يوسعنه كلبه.. جبير هواي
بطفوفه من بقينه.. ضمينه وما ضمينه
نعاينله ارتوينه.. الحسين الماي
وبكربله بوكت الحدي.. شفناه النور الاحمدي
وبعيونا مامر ليل
ماهمنه يوم الطف صعب.. جان الذي يتعبه الحرب
يعاينله ويردله الحيل
ما همنا التعب والضمه بذاك الحر
عطشنا وارتوينا بوجه ابو الأكبر
گالو ممات.. هذا متعنين اله
وگلنه الحياة.. من نموت بكربله
المات وياه خالد .. وين يحصل واحد
مثل الحسين.. حتى نتوجه إله
_ ٣ _
أبد ما شفنه غيره.. الحسين أكبر عشيره
ومعسكر كله غيره.. لكينه وياه
شنو هذا المعسكر.. لگينه بيه الأكبر
ولگينه جنوده تسهر.. ذِكر لله
هذا المعسكر يختلف.. كل واحد يعادل الف
أنصار ما نعرف خوف
والله نزلزل كربله .. قائدنا محد يوصله
كعبتنا وعليه نطوف
وحق ضلع البتول نحامي ابو اليمه
وإذا ينطي عهد ما يخلف الزلمه
كعبه الحسين.. وأفضل وأكمل بعد
كعبه الحسين.. والله منعوفه أبد
بالمعارك صامد .. وين يحصل واحد
مثل الحسين.. حتى نتوجه إله
_ ٤ _
بفخر لمن نقاتل.. وننادي يابو فاضل
يحل كل المشاكل.. اسم عباس
الحرب حلوه بجواره.. وإله تبقى الصداره
وصل بالطف شعاره.. لجميع الناس
حيانه عباس بفخر.. والقاتل وياه انتصر
ربحان الوياه يموت
واحد قبل واحد ركض.. وگدام السيوف اعترض
جَنه نشوف التابوت
نركض للمنيه ونستلذ بيها
شمرت عصى والجنه نطب ليها
ويه الكفيل .. الموت يتسمى ربح
ويه الكفيل.. حلوه واحد يذبح
ويه ابو اليمه كاعد .. وين يحصل واحد
مثل الحسين.. حتى نتوجه إله
_ ٥ _
جرحنه ما نضمده.. نعوفه وما نشده
قليله موته وحده.. نريد هواي
ويه ابو اليمه شحلاته.. الذي تصبح وفاته
يحقق امنياته.. اليعوف الماي
منريد زاد ولا شرب.. نستأنس بهاي الحرب
اليوم بعمرنا أجمل يوم
ساعات تفصلنا بأن.. نتخلد بجنة عدن
بس ننطي بالطف دموم
منريد الحياة الموت ننتظره
بعد شويه راح نروح للزهره
هاي الحياة.. تصبح بلا فائده
فدوه لحسين.. هالشعار نردده
اليفدي عمره رايد .. وين يحصل واحد
مثل الحسين.. حتى نتوجه إله
مصطفى الشافعي
#محرم_الاصحاب
#خطاب_مولانا_الحر_الرياحي
#لمولانا_الحسين_عليه_السلام
#بعد_الندم_والاعتذار_يقول . .
طيحت الماي الطاح ع الماي
ضايع عسن تلكاني مولاي
من خيوط الشموس البالوجوه
حطيت صورة وجهك فياي
انا الحر وارد اتقيد = بقيود الغياره
حته يّذِكرَني بموقف = لو راحن آساره
الحريه لوجهك تنذم = عبدك مالي چاره
نقطت بقائي = لَحگت اتوب
يامن وجبله = شق الجيوب . .
ولكل سائل = انت المجيب
الايدك تركهه = اتضيعه الدروب
واكف وحاچاني گلبي وگلي اجيك
وهسه اجيتك خادمك مابين اديك
عمق انسانيتك بعطفك قياس
التفتلي الله وهداني ارجع عليك
===========================
من سجني يم حريتك اردود
رديت گلبي ابيض وأدي سود
الحر الرياحي الرايح ابعيد
مكطوع سبحه اتريد شاهود .
واحد راجعلك ضايع = امحي ضياعه
وبضنونه يبات بطولك = وحيّي الشجاعه
يشرب من خيرك رايد = بيدك صواعه
انا ارد احسه = احساس العبيد
امشي اعله امرك = هيج انا اريد
فاز اليتبعك = فوز الچبير
وجهك بدايه = لعمري الجديد
عيش يومك يا گلب يومك جميل ، ،
وهل أجت تسميتك العبد الذليل
هوه طين وعاجنه الله ونذره ليك
انا الك واجب اسوي المستحيل
===========================
مابين اديك وكول شتريد
ارد انحنيلك محبس بأيد
ارمقني بنظرتك كلي مقبول
الما عاش خادم عمره شيفيد
غرتني الدنيا بشرهه = وفاقد صوابي
ما املك شي يتثوب = روحي ثوابي
ماريد بأيامي انغر = واجرع عذابي
سبل عيوني = لوجهك سبيل
يمك رجعتي = وارجع جميل
حته اخدم ادعي = عمرك طويل
انحناء هلال ارد محني گفاي
حمول خدمتكم ثكلهه راحه هاي
انا بير الماي بس اسرار اصير ، ،
تفرغ الجربه واحط من عيني ماي
============================
بس حطني يم سبعينك حسين
ارد انحسب واحد وسبعين
واوكف على اخيامك نذر موت
( الله يعينك مالك امعين ) . .
نزلت دمعاتي كبالك = اضمن قراري
وسجلني بكلبك خادم = بدمعي اعتذاري
يالشفتك خيرك سابق = بليلي ونهاري
ما مره ماخذ = دور الملوك
شفتك عطائك = للفقره اجوك
ثمرت رحمتك = بربع حروف
العرش وطغاته = ما غيروك
حر واجيتك حاير ابلا احتواء
تهت بدروب الصحاري بكربلاء
انا راح ابديهه اذب هدومي ليك ، ،
وشيعتك تلطم عرايه بكل عزاء
=============================
علي مهدي المالكي
#محرم_الاصحاب
📝 #لسان_حال_أحد_الأنصار
📝 #في_طلب_الرخصة_للقتال
📝 #محرم_1444_هـ
هايه روحي
فــــــدوة لك يبـــن الزجيـــة
هايه روحي
تـــرخص الحامـــي الحميـــه
هايه روحي
يا حُسيـن إقبـل هـــديـــــة
ـــــــــــــ ❖ ❖ ❖ ــــــــــــــ
ياحبيبي
يا حُسيــــن ارأف بِ حالـــي
ياحبيبي
الإذن منـــك يغالـــــــــــــي
ياحبيبي
إسمـــح وانظــــــر قتالــــــي
ـــــــــــــ ❖ ❖ ❖ ــــــــــــــ
ياحبيبي
مايهـــون اعليـــه انظـــــــرك
ياحبيبي
ايدك اتحطهـا اعله ظهــرك
ياحبيبي
ابوحدتــك محّـد ينصـــرك
ياحبيبي
احزام الك لفني اعله خصرك
ـــــــــــــ ❖ ❖ ❖ ــــــــــــــ
✍ بقلم الشاعرة زينب الخفاجي
~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم
#محرم_الاصحاب
أصحاب الحسين (ع)
خطوا بآفاق الخـــــــــلود جراهم
نظموا الفداء قصائداً وملاحــــــــــما
نسجوا السيوف مع الرماح بيارقا
وسلاحهم في الحرب من حدّ الضما
ســـــجل أيا تاريخ صفحة عزهم
جنوا بحب حسينهم طالوا الســــما
وجراحهم كفمٍ تبســــــم ضاحكاً
ونزيف جرحهم اللســــــــــان تكلمَا
لا طاب عيش يا حسين بموتكم
صلّـــــــــى عليك الله بعدُ وســـلمَ
سبعون نجما قد هوَوا فوق الثرى
صلى الثرى مع جرحـهـم فرض الدِما
الشاعر السيد محمد يحيى حجازي
ِسلام ياراعي الشيم
سلام قالت لي ياعم
سلام من خلف الخيم
سلام من بنت الوصي
•••••••••••••••••••••
سلام زينب ترسله
تقول أهلا ومسهله
علي لكبر حامله
شرف منهو يوصَلَه
منو مثلي يابشر
إلي وحقي هالفخر
سلام من اخت القمر
سلام من بنت الوصي
•••••••••••••••••••••
أنا من عهد النبي
حسين غاية مطلبي
أجيه واحبي له حبي
واقول احبن هالصبي
يشيله جده ابسمته
ولما ينظر رقبته
سلام اعلى دمعته
سلام من بنت الوصي
•••••••••••••••••••••
قسم بأمه فاطمه
لظل عمري ملازمه
سنين وآني خادمه
واريد حسن الخاتمه
أنا هم خادم إلِك
لون يقبل كافِلك
سلام خادمكم إلِك
سلام من بنت الوصي
•••••••••••••••••••••
كتاب مخصوص انرسل
حبيب أقبِل بالعجل
نداء بآذاني نزل
نداء زينب والأهل
حبيب هذه رايتك
أريد تشحذ همتك
سلام اعلى صولتك
سلام من بنت الوصي
•••••••••••••••••••••
أقول وآنا بن اسد
إلِك مني هالوعد
فداء لو تبغي بعد
فداه عمري والولد
يهون لجله هالعمر
واريد يا أم الصبر
سلام في يوم الحشر
سلام من بنت الوصي
•••••••••••••••••••••
اذا حانت موتتي
إلِك هذه وصيتي
بحسين آنا حيرتي
أبد ماهو بعيلتي
يصيح ياجون وشبيب
جثث مافيهم مجيب
سلام لانصار الغريب
سلام من بنت الوصي
•••••••••••••••••••••
عادل مريزيق الفار
: في شان حبيب بن مظاهر
--لطميه -- + --نعي
صوت فاطم يوم عاشر وين سيفك ياحـبيب
قوم جاهد عن حبيبي لا يظل وحده غريب
ياحـبيب اليوم يومـك قـوم دافع بالطفـوف
لايظل حـسـين وحده بغربتـه بـين الألوف
من تهجمم الجيمان كلها يقطعونه بالسيوف
الرأس منه بينحرونه وبالوغا جسمه تريـب
قال ليـها. ياحـزينه مـهـجـتي وروحي فدى
أناجـيت الـيـوم اضحي يـاركن نـور الـهـدى
ومن سمعت لصوته ينادي جيت لبيت الندى
خوفتي يحزون نحره وشوفته عليه صعيب
يازهره وخـبار عنـدي من أميـر المـؤمـنـين
ابنك حـسين بيوم عاشر يقطعوا منه الوتين
ونبقى صرعى عالثرى والحـرم تصرخ بالونين
وزينب اع التل توقف وتنظره لجـسمه سـليب
وتنـخـي الكافـل حـرمها والقلـب منها جمـر
مادرت خـوها رميـه اومـنـه مـحـزوز النحـر
والچـفوف مقـطـعـيها والـدم تـجـري وتخر
تصـيـح يالي دللتـني قـوم لا تبـقى سـليـب
وتجري الدمـوع وتـنـادي وين جـسـام وعـلي
ويـن اليـوث الحريـبـه وين خـويـه وكافـلي
يـرد الغـاره العـليـنـا قـبل خـيـتـه تنـولي
وتركب الناقه الهزيله وتترك حسين الغريب
وعندي اخبار ياحزينه تشيب الطفل الرضيع
بنتك الحوره الزچيه تدخل بمجـلـس فـضيع
مغلله اليـدين تـبچي تـنـادي يااهـلي سـريـع
خلصوني من المهانه بحق الحسين الحـبـيـب
يالهى الكون عجل بظـهور مـهـديـنـا البـطل
ويـهلك الظالم بجـوره وحـنا انـعيـش بـامـل
والمجالس والماتـم تحـفظ بـسـيـد الـرسـل
وكل سنه انجدد عهدنا ونهتف حسين الغريب
ام حسين المرزوق
وعاشقة الولايه
طور: ربي لاتحرمني خدمة فاطمة
اه واويلاه يا ام البنين
اصحاب الإمام الحسين عليه السلام
يحسين أستشهد خليني
الحر يهتف فدوه اسنيني
****
الحر للمظلوم تعنه
ياسيد شبان الجنه
انصركم ابدمي اتمنه
ما تكدر تنظرلك عيني
****
ما اكدر انظراك حاير
ما عندك عون ولا ناصر
أمر ما كلك بس حاضر
هاليوم بدمي انصر ديني
****
أنصر ديني بدم المنحر
بروحي افديكم يابو الأكبر
تشفعلي رايد بالمحشر
ومن ذيج النار تنجيني
*
تنجيني من نار التسعر
من ذاك الموقف والمنظر
لو عوفك باجر شتعذر
خادمكم وافخر يحسيني
*
خادمكم وافخر افديكم
واكطع روس إلي يعاديكم
يامن علاكم باريكم
يا بدر الرحمة التضويني
*
ياسر الساعدي
( الأنصار )
دلونه وين.. أرض تشبه كربله
ومثل الحسين.. حتى نتوجه إله
بوصف هذا القائد.. وين يحصل واحد
مثل الحسين.. حتى نتوجه إله
_ ١ _
نفر گاع الله كلها.. ندور عن بطلها
ولا واحد بهلها.. شبيه حسين
ولا حتى بسمانه.. نجم ياخذ مكانه
هديه من الله اجانه.. انتظرنه سنين
نصرته من الباري فرض.. سيد السمه وسيد الأرض
مولانا أبد منعوفه
من كثر ما غالي شكثر.. يرخص إله حتى العمر
نعمه وحظرنه طفوفه
بكل هاي السمه والكره الارضيه
منو بگد ابو اليمه عنده حنيه
ابن البتول.. لمن نفدي بالدمه
شكراً نگول.. للزجيه فاطمه
للرساله يجاهد .. وين يحصل واحد
مثل الحسين.. حتى نتوجه إله
_ ٢ _
تنافسنه على دربه.. منو الاكثر يحبه
وطلع يوسعنه كلبه.. جبير هواي
بطفوفه من بقينه.. ضمينه وما ضمينه
نعاينله ارتوينه.. الحسين الماي
وبكربله بوكت الحدي.. شفناه النور الاحمدي
وبعيونا مامر ليل
ماهمنه يوم الطف صعب.. جان الذي يتعبه الحرب
يعاينله ويردله الحيل
ما همنا التعب والضمه بذاك الحر
عطشنا وارتوينا بوجه ابو الأكبر
گالو ممات.. هذا متعنين اله
وگلنه الحياة.. من نموت بكربله
المات وياه خالد .. وين يحصل واحد
مثل الحسين.. حتى نتوجه إله
_ ٣ _
أبد ما شفنه غيره.. الحسين أكبر عشيره
ومعسكر كله غيره.. لكينه وياه
شنو هذا المعسكر.. لگينه بيه الأكبر
ولگينه جنوده تسهر.. ذِكر لله
هذا المعسكر يختلف.. كل واحد يعادل الف
أنصار ما نعرف خوف
والله نزلزل كربله .. قائدنا محد يوصله
كعبتنا وعليه نطوف
وحق ضلع البتول نحامي ابو اليمه
وإذا ينطي عهد ما يخلف الزلمه
كعبه الحسين.. وأفضل وأكمل بعد
كعبه الحسين.. والله منعوفه أبد
بالمعارك صامد .. وين يحصل واحد
مثل الحسين.. حتى نتوجه إله
_ ٤ _
بفخر لمن نقاتل.. وننادي يابو فاضل
يحل كل المشاكل.. اسم عباس
الحرب حلوه بجواره.. وإله تبقى الصداره
وصل بالطف شعاره.. لجميع الناس
حيانه عباس بفخر.. والقاتل وياه انتصر
ربحان الوياه يموت
واحد قبل واحد ركض.. وگدام السيوف اعترض
جَنه نشوف التابوت
نركض للمنيه ونستلذ بيها
شمرت عصى والجنه نطب ليها
ويه الكفيل .. الموت يتسمى ربح
ويه الكفيل.. حلوه واحد يذبح
ويه ابو اليمه كاعد .. وين يحصل واحد
مثل الحسين.. حتى نتوجه إله
_ ٥ _
جرحنه ما نضمده.. نعوفه وما نشده
قليله موته وحده.. نريد هواي
ويه ابو اليمه شحلاته.. الذي تصبح وفاته
يحقق امنياته.. اليعوف الماي
منريد زاد ولا شرب.. نستأنس بهاي الحرب
اليوم بعمرنا أجمل يوم
ساعات تفصلنا بأن.. نتخلد بجنة عدن
بس ننطي بالطف دموم
منريد الحياة الموت ننتظره
بعد شويه راح نروح للزهره
هاي الحياة.. تصبح بلا فائده
فدوه لحسين.. هالشعار نردده
اليفدي عمره رايد .. وين يحصل واحد
مثل الحسين.. حتى نتوجه إله
مصطفى الشافعي
( گعدة الأنصار ع )
يالإنصار.. حل ميقات الثوره
يالإنصار.. قروا عيون الزهره
ونحامي مولانه
بدمانه بدمانه
يالإنصار.. حل ميقات الثوره
ا~ا ١
يالأنصار انه حبيب وعندي وياكم حجايه
وزّع الرايات امامي وبقت عند حسين رايه
ضمها لينا ومنتظرنا وكون منقصر بهايه
وكل الوصل بينا إله
بنفسه الحسين استقبله
حياك گله بكربله
شرّفت سوح المنايه
يالإنصار.. قبل حسين وآله
يالإنصار.. لازم نفدي عياله
للهادي ريحانه
بدمانه بدمانه
يالإنصار.. حل ميقات الثوره
ا~ا ٢
راية حسين العظيمه من اجه وخلاها بيدي
كون فوگ الرايه اطرز بالملاحم دم وريدي
فوگ الثمانين عمري لكن الحومه نشيدي
إني حبيب الغانمه
ممن رئ حامي الحمه
بالطف اسوي ملحمه
واغلب الجيش اليزيدي
يالإنصار.. ضد ايزيد اللاهي
يالإنصار.. هــــذا نَصْرُ اللَّهِ
نصر الله ويانه
بدمانه بدمانه
يالإنصار.. حل ميقات الثوره
ا~ا ٣
يأنصار حسين باچر يصبح الميدان النه
كون من قبل الهواشم نطلع وننذبح احنه
فشله من جدهم محمد ما نخليهم قبلنه
گدامهم نفدي النحر
ونواجه انواع الخطر
من دون سادات البشر
ارواحنا فدوه واهلنه
يالإنصار.. توفقنا بهالنصره
يالإنصار.. كلمن من دم نحره
للباري منوانه
بدمانه بدمانه
يالإنصار.. حل ميقات الثوره
ا~ا ٤
يالانصار اسمعت زينب سألت حسين ابو اليمه
تگله اصحابك شفتهم ياهو بيهم يفدي دمه
گومو والصيوان زينب هالمسه نجتمع يمه
هاي العقيله مخدره
بت فاطمه وبت حيدره
ما تبقى كون مكدره
هاي للسجاد عمه
يالإنصار.. زبيب خن طمنها
يالإنصار.. نبقه اندافع عنها
ونگلها بحمانه
بدمانه بدمانه
يالإنصار.. حل ميقات الثوره
ا~ا ٥
لو طلع مصباح باجر وابتده الجيش بهجومه
مسلم وعابس وجون وكل فدائي يصير يومه
وحگه عابس بالمحبه لو شمر درعه وهدومه
ومن يدخل الحومه وهب
عله جيوش اميه ايصب لهب
نصراني و ويانه انحسب
يفرح حسين بقدومه
يالإنصار.. هالنصراني اينادي
يالإنصار.. احمي اولاد الهادي
بالحومه يلگانه
بدمانه بدمانه
يالإنصار.. حل ميقات الثوره
ا~ا ٦
المصيبة
يالانصار شلون باچر بالسيوف ايوذرونه
حسين يبقه بلايه ناصر والعده يستوحدونه
وزينب الحره تنادي وليه يا عالم ولونه
كل احنا بالطف ننذبح
وبجسادنا شمحله الجرح
ضرب النبل طعن الرمح
لكن اليهضمنا يبقه حسين وحده بلا مناصر
الشاعر #مصطفى_الشافعي
#قصيده_للانصار
شيخ الانصار حبيب ابن مظاهر
حيهم يصيح اميري حسين حاير
حيهم يصيح يزلم المرجله
حسين سيدنه غريب بكربله
يشوف دمعات اخيته هامله
ليله مانام ابواليمه يساهر
شيخ الانصار حبيب ابن مظاهر
ليله مانام وعيونه مساهره
يفكر بزينب التبگه حايره
بيش ابن ضاهر يجبر خاطره
گله يوم الزلم يامولاي باجر
شيخ الانصار حبيب ابن مضاهر
هله بشيخ المرجله وشيخ الزلم
جهز جيوشه وشد بيهم عزم
وكال للحومه تعنو بالهمم
اليوم اجاكم يابطال العدو غادر
شيخ الأنصار حبيب ابن مظاهر
ياحبيب الزود من افعالك
صحبتك وانت الفخر يحلالك
ارجال حربيه ونعم يرجالك
اجو للميدان ماكسرولي خاطر
شيخ الأنصار حبيب ابن مظاهر
هله بيكم ياانصار ابو علي
حيهم يصيح بالحومه هلي
الليوم بالميدان هالحق يعتلي
والنعم صاحو وهذا السيف قاهر
شيخ الأنصار حبيب ابن مظاهر
#جديد
#بقلم_الشاعرات
#الشاعرة_نورس_الحلفي
#الشاعرة_ام_علي_الأماره
غير مبري الذمه اليخذف اسم الشاعرات وينسب الكلام له
نزلة عزاء للأنصار
انصار انصار. موقف ثبات بكربله
انصار انصار. بالموت صاحوا ياهله
==========
هز حبيب الرايه بيده وصاح لاوين المفر
كربله ضاگت عليهم لاح بجفوفه الخطر
حسين هذا اليدنه يمه والله اكسرله الظهر
سيفي عطشان اعل دمكم يشرب بدم النحر
انصار انصار. تسمع دويهم بالفله
انصار انصار. بالموت صاحوا ياهله
===========
يازهير يگله انزل وانت اخذها الميسره
الميمنه عليه وزلمها عالذبح تلزم سره
الا اخلي الطف دمايه والجثث متطشره
منين تشرد وين تشرد والاعادي حايره
انصار انصار. جلماته تدوي اعل المله
انصار انصار. بالموت صاحوا ياهله
==========
گله انزل للمعاره خل اشوفك ياوهب
موقفك ثابت اعرفه وانت اصفه من الذهب
سيفك اليحجي برگبهم خل يشوفون العجب
ازرع الطف موت بيدك صير للموته سبب
انصار انصار ليل الحرب من انجله
انصار انصار. بالموت صاحوا ياهله
==========
عيد الانصار الحرايب وكفوا بوگفت زلم
الواحد بمية تعده يطشر بكيفه ويلم
نصرة حسين العقيده بس الحسين المهم
من ابو فاظل عزمهم منه اخذوا هالعزم
انصار انصار صوته حبيب من اعتله
انصار انصار. بالموت صاحوا ياهله
==========
بالطفوف الناس موقف ينشره الموقف تره
والانصار بيوم عاشر كلمن لموقف شره
عابس المزگ قميصه ونزل قدم منحره
الفوز وي حسين والله فوز دنيا واخره
انصا انصار. غالي ابن عقد الوله
انصار انصار. بالموت صاحوا ياهله
==========
ابن ظاهر غيض دخن رفرف بجفه العلم
الجيش ألاف ويگلهم الزلمه يگرب للخيم
اليوم اغرگها المعاره اليوم اخلي الحومه دم
الجيش اسحگه ومايهمني الجيش كله ماسلم
انصار انصار. والطف بالادموم انمله
انصار انصار. بالموت صاحوا ياهله
==========
الشاعر علي النائلي
نزله للانصار ع
يابو لكبر حسين
يابو لكبر حسين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وياك اجينه ابهمه .. ياهو المثلنه اتسمه
انصارك وهذا الاسم .. صعدنه فوگ القمه
جيش اميه الناصبيه
دگو اطبــول الحرب
ارخصنه هسه والله ونسه
نگلبهـــا لمـــن نطـب
نگلبـــها لمـــن نطـب
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يـا حبنــه و الهويه .. نتنفسك بالريه
لا نهوه غيرك للابد .. ما نشبه البقيه
ارفعنه رايه و عدنه غايه
مــوقفــنه كلــــش كــلف
ماهي محنه وتدري احنه
واحـــدنــه ينعــــد بالـف
واحـــــدنه ينعــــد بالف
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا محتوه الضمائر .. نفديلك المناحر
منهم نوينه كربله .. نسويهه بس مگابر
والي يشرد لازم ايرد
يدريــهه مالـــه مفــر
فزعه وحده بينه هده
مــا يبقـــى الهـــم اثر
مــا يبقـــى الهـــم اثر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سبعين الف قوى الشر .. احنه النصير الاكثر
عدنه نداء الزلزله .. حيدر يحيدر حيدر
لا سمعـنه و لا عرفنه
بالعــــدد هــوه الاهـم
كلهه تشهد لو اسد هَد
تشــرد اگبــالـه الغنــم
تشرد اگبـــاله الغنــــم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انظر حبيب الهيبه .. بعصابه شد الشيبه
عشرين من عمره رجع .. ياهو التريده يجيبه
لــو تـوكـل يعنـي زلزل
بجــدامــه هـاي الارض
بسيفه لمعه من يرجعه
ياخذهـه طـول ابعرض
ياخذهه طـول ابعرض
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
زينب تنشدك يحسين .. جربت اصحابك زين
گللهه خدامچ تره .. هاللحظه راح تشوفين
غيـر اختنه و لو نختنه
بيهـــم نســــوي عمـــل
بچبد اخوها ما يجوها
لمــــن يجينــه الأجــل
لمــــن يجينــه الأجــل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي
نزلة عزاء للأنصار
انصار انصار. موقف ثبات بكربله
انصار انصار. بالموت صاحوا ياهله
==========
هز حبيب الرايه بيده وصاح لاوين المفر
كربله ضاگت عليهم لاح بجفوفه الخطر
حسين هذا اليدنه يمه والله اكسرله الظهر
سيفي عطشان اعل دمكم يشرب بدم النحر
انصار انصار. تسمع دويهم بالفله
انصار انصار. بالموت صاحوا ياهله
===========
يازهير يگله انزل وانت اخذها الميسره
الميمنه عليه وزلمها عالذبح تلزم سره
الا اخلي الطف دمايه والجثث متطشره
منين تشرد وين تشرد والاعادي حايره
انصار انصار. جلماته تدوي اعل المله
انصار انصار. بالموت صاحوا ياهله
==========
گله انزل للمعاره خل اشوفك ياوهب
موقفك ثابت اعرفه وانت اصفه من الذهب
سيفك اليحجي برگبهم خل يشوفون العجب
ازرع الطف موت بيدك صير للموته سبب
انصار انصار ليل الحرب من انجله
انصار انصار. بالموت صاحوا ياهله
==========
عيد الانصار الحرايب وكفوا بوگفت زلم
الواحد بمية تعده يطشر بكيفه ويلم
نصرة حسين العقيده بس الحسين المهم
من ابو فاظل عزمهم منه اخذوا هالعزم
انصار انصار صوته حبيب من اعتله
انصار انصار. بالموت صاحوا ياهله
==========
بالطفوف الناس موقف ينشره الموقف تره
والانصار بيوم عاشر كلمن لموقف شره
عابس المزگ قميصه ونزل قدم منحره
الفوز وي حسين والله فوز دنيا واخره
انصا انصار. غالي ابن عقد الوله
انصار انصار. بالموت صاحوا ياهله
==========
ابن ظاهر غيض دخن رفرف بجفه العلم
الجيش ألاف ويگلهم الزلمه يگرب للخيم
اليوم اغرگها المعاره اليوم اخلي الحومه دم
الجيش اسحگه ومايهمني الجيش كله ماسلم
انصار انصار. والطف بالادموم انمله
انصار انصار. بالموت صاحوا ياهله
==========
الشاعر علي النائلي
#قصائد_في_خدمة_الخطباء
#محرم_١٤٤٦
لما وصل خبر شهادة مسلم بن عقيل عليه السلام الى سيد الشهداء عليه السلام، قال الراوي فاستعبر الحسين عليه السلام باكيا ثم قال: رحم الله مسلما فلقد صار إلى روح الله وريحانه وجنته ورضوانه أما إنه قد قضى ما عليه وبقي ما علينا...
[اللهوف للسيد ابن طاووس، ص٤٥]
صورة شعرية، شنو الباقي عليك ابا عبد الله؟!
(طور عاري حبيبي عالغبره)
١/باقي عَليّه اْصعب غُربه
وْفَگْدَ اْهلي وْفَگدِ الصّحبه
باقي عَليّه عاشر مُحرَّم
باقي أشوف ابني مگطَّع
وْجسم العبّاس مْوَزّع
ومنحر رضيعي منّه يِصُب دم
باقي جسمي بالحر ينطرِحْ
واتحمّل ألم ميَّة جَرِحْ
باقي عْليّه ظامي أنذبحْ
وراسي ينحمل فوگ الرُّمِحْ
مُصاب .. ما مثله مْصاب ولوعه
مُصاب .. ونّاتي بي مسموعه
مُصاب .. أُوداجي بي مگطوعه
٢/نوحوا يشيعه لِمْصابي
وْذِكروا مَصارع أصحابي
دمعتكم اجمعها بإديه
واليبچي عْليّه احِضْرَه
بْساعةْ موته وبْگبره
وينسى غربته بنظراته ليّه!
كل دمعه يهلها وكل ونين
وكل صرخةْ "حبيبي يا حُسين"
وكل لطمه عْلى صدره بالإدين
بيها اشفعله وَيّه امّ البنين
الينوح .. وِيْصُب لجلي دمعاته
الينوح .. احضر باصعب ساعاته
الينوح .. أشفعله وْحَگ ونّاته!
#عظم_الله_أجوركم ◾️
فاطمة علي رزق
اسألكم الدعاء
نعي للانصار
من اجوها انصار اخوها
وصت بــدمـعـة ونحـيـب
خـلي نعــرف بالـوصـيـه
زينـب شـوصـت حـبـيـب
ارد اوصـيـــك بـأخـويــه
من يظـل وحـده غـريــب
خـايـفـه وگـلبي لچـمـني
مــن اجـيـت الكـربـلــــه
شلون لو وحدي بقـيت
ويـاي بــس الـعـايــلـــه
خايفـه مـن الشمـر انـي
وخـايـفـه من حـرمـلــه
جـاوب وگـلهــا يــزينـب
احنــه انصاره واجـيـنـه
انـقـــدم الارواح لجــلــه
واجـب وحگـه عـلــيــنه
احـنه من جينه سمعـنـه
صوت من ارض المدينه
الصوت بشرنه بالجـنـه
صوت فاطمة الحـزيـنه
الشاعر السيد رياض الرسل الجابري🖋🗒
قصيده للحر الرياحي رض
تقرء بعدة اطوار
===========
خيريت الروح مابين الثنين
تروح للنيران لو عند الحسين
============
خيريت الروح والمدمع يصب
گلي شنهي تريد بالله ياگلب
لو طريق حسين لو ماكو درب
لاتضيع الدرب درب الصادقين
&$&$&$
اه ياگلبي اختار ابن الرسول
ما يفيدك ابد غيره لاتگول
هاذا ابن حيدره والزهره البتول
تره ما ينفعك بس حب الحسين
&$&$&$&
غير حب حسين ابداََ ماألي
هو يشفعلي ويشفع الهلي
بس ولينه حسين يانعم الولي
فرقته الناجيه بين الفرقتين
&$&$&$&
غير درب الولي صدگ ماأريد
اله افدي الروح وبدم الوريد
تره ماتربح يطاغي يايزيد
انه ويه حسين ويه الطاهرين
&$$&$&$
ايروحي اختاري لاتحتاري
غير حب الوالي لاتختاري
حسين واهل البيت همه انواري
بيوم لاينفع المال ولا بنين
============
خدمة ال البيت وخادمتكم الحجيه ام علي البصره نسألكم الدعاء
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
#محرم_الاصحاب
نعي للانصار
🏴
حين بقي الإمام الحسين عليه السلام وحبدا لاناصر له وقف بين الاجساد الطاهره ونادى اصحابه الافباء بصوت لو سمعته الجبال تدكدكت ..
وگف بين الأجساد ايده اعله خاصرته
ناده بصوت لصحابه لمناصرته
زلم والخيل صاحبكم محاصرته
اول تالي احشم والربع سكته
ابن عوسجه . ياحر . ياوهب نومه
حبيب ويازهير اسباعها الحومه
بعد محد يشگ من يفزع هدومه
عابس . جون . عليه الگوم ملمومه
الغفاريان وين او وين شوذبهه
نافع وين وسهامه لمصوبهه
برير البار وال صحبته مجربهه
نايم مانهض للحومه يگلبهه
حيف ويا وسف يسباع مامن صوت
مايلحگ الصايح وفات الفوت
ماينفع عتب يهل الوفه ويالموت
بنيت الكم بگلبي للاحزان بيوت
الدهر وياي متعاند .. وعابس
زهير وجون ياشوذب .. وعابس
ادري انداي كل منكم وعاه بس
عليه شبيدكم وآنه اشبديه
.. .. ..
.. .. ..
أم محمد الحجاج
#محرم_الاصحاب
📝 #نعي_فائزي_مالكي
📝 #للأنصار
📝 #محرم_1444_هـ
حـــد المنيــة يالولي وحــد الشهادة
ما نتركه دربك نطيــع الله و مــــراده
بسم الله هــاي الروح تعـرج للسعـادة
هنياله مـن يفــــدي حبيب الله ونبيه
ــــــــــــــ ❁ ❁ ❁ ❁ ❁ ـــــــــــــــ
أنصار الحسين ونِعِم من هاي الانصار
اهل الحمية والوفـــه وخيرة الاخيـار
وبدمهم الزاكي سـره حب علي الكرار
بالمـــال و الدم سانـدوا ابن الزجيـــة
ــــــــــــــ ❁ ❁ ❁ ❁ ❁ ـــــــــــــــ
كالوله لو كـم روح عدنـــه نفدهـــالك
بس تسلم انت وبس تظل خيمة لعيالك
خدام الك يحسين احنه مو رجالك
نخدم ابن بنت النبي وحيدر وصيّــه
ــــــــــــــ ❁ ❁ ❁ ❁ ❁ ـــــــــــــــ
✍ بقلم الشاعرة زينب الخفاجي
~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم
أنصار الحسين.ع.
أشما تطول الدنيا لوطال الوعد
مثل ربع حسين مايحصل أبد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أشما تطول الدنيا مهما الزمن طال
مثل ربع حسين مايحصل محال
أنبياء ماوصلت الهاي الخصال
وبفضلهم چم أمام ألّي شهد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نذرو الأرواح لجل أبن البتول
مو مثلهم حتى أصحاب الرسول
ولا ربع حيدر علي فحل الفحول
ضحّو أودين الله صاروله سند
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أبيوم ناداهم حبيب أبنينوى
صوب أبو اليمّه أفزّعو كلهم سوه
وهوه بالجدّام ويهز بلّوّه
گلّه يا مولاي واحدنا أستعد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يبو اليمّه وحگ أمك فاطمه
انسوّي گاع الطف بحر من الدمه
أنت بس تامر يراعي الغانمه
مانرد عدلين والواحد أحد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هيه هاي الصحبه لتشيم صدگ
مو بساعات الشدايد تفترگ
أنصار أبو اليمّه يعشگونه عِشگ
الينطي روحه أيگول كون أنطي بعد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ما مثل صحبتهم أبكل المله
بيهم أتباهت أبزود أم العله
ضحّو ولحسين كلشي أنطو أله
أنصار أبو السجاد واحدهم خلد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلمات الشاعر والرادود عدي البصراوي
نعي للانصار ع
كأني بالسيدة زينب عليها السلام تسأل أخيها...
وين الأنصار
ليش أشوفك مالك امعين
وين الأنصار
لا تگــول إنـهم مطاعين
وين الأنصار
ليش وحدك جاي يحسين
ليش محني
حالتك كسـرت دليلي
ليش محني
من نظرتك طاح حيلي
ليش محني
وين صحبك يا خليلي
كأني به يجيبها...
مالي ناصر
كلهم اتذبحوا سويه
مالي ناصر
ارجعت أصفج ايديه
مالي ناصر
من يحامي عن رقيه
أشكي لله
چم مصيبه وچم تمادي
أشكي لله
صحبتي فـوگ الوهادي
أشكي لله
غربَتي بيـــن الأعـادي
الشاعره الملاية زينب المؤيد
شالت راس ابنها وذبت الراس تره بس ام وهب سوتها يا ناس
مدري اشناذره هاي المسيحيه
حته اتصير بالطف كربلائيه
*
ياهي بموت ابنها اليوم من فرحتها مرتاحه
وبالخيمه تشيل الراس وتشمره اعله ذباحه
كل ام من ابنها ايروح تلزم باب النياحه
ونشوف ام وهب يا ناس تفرح لو رمح لاحه
حي الله المسيح الموقف ايصيح ومن يمه تمر وتسلم الريح
وامه اتكله ماريدك ترد ليه
حته اتصير بالطف كربلائيه
*
صاحت يا وهب ماريد ترجع سالم انساها
والأم البنين بساع يبني الفاتحه اقراها
عيسى بدم وريدك راح من تنذبح يتباها
ويصيح ام وهب حياج بيج الغيره شفناها
انه وعيسى وانته نحب الحسين روح وبالحشر نتلاكه بعدين
ولازم كل مره تصبح حسينيه
حته اتصير بالطف كربلائيه
**
يشبه جاسم العريس عاف العرس وتعنه
يدري بكربله لو مات عيسى ايكوده للجنه
اول شاب نصراني منيته اليوم يتمنه
وشعدها ام وهب يا ناس كامت تعجن الحنه
اتكله بذمتك لا تشرب الماي ربيتك وهب لتضيع ارباي
امك عدها حاجه وتدعي يوميه
حته اتصير بالطف كربلائيه
*
من وكفت امام الجيش كل كلمه قصر تبني
صاحت يا شمر اسمع مو انه الاعز ببني
كل هذا الجمع والخيل لتضن والله يرهبني
كص راسي صحت وياه ورد اعله الخيم ذبني
لو عنده ولد عبد الله اسميه واحلف مثل ابوه للموت اوديه
وزوجة وهب صاحت صيحه ثوريه
حته اتصير بالطف كربلائيه
****
شالت راس ابنها اتصيح حته لو تذبحونه
ما اهتم ونوح اعليه وكلبي ما تحركونه
من كد ما يحب الموت مات وفاتح عيونه
مو بس عابس انجن بيك حته ام وهب مجنونه
صاحت يم ولد زينب اذبحوه ونصراني الحسين اوليدي سموه
جانت تمتلك غيره ولائيه
حته اتصير بالطف كربلائيه
***
خل ام المسيح اتشوف هاي الفاضله الحره
وبوكفتها ويه حسين نصرت فاطمه الزهره
بيها ايسولف الانجيل لازم والصحف تقره
دم الطاهر امن ايطيح يصبح عالظلم ثوره
مريم لبستها تاج الاكرام وبجيش النساء وكفت بالخيام
مثل ام وهب حرمه انطوني ياهيه
حته اتصير بالطف كربلائيه
*
تمت
تحسين الخفاجي
و هب شاف الحسین اوحید بلمیدان
ودع زوجته وامه اویه النسوان
ودعهن وهب واتعنه للحومه
بطل صندید ینعد بلحرب یومه
من طلعت زوجته خایفه اتلومه
اتگله من یگوم اخلافک ابهالشان
گلتله وهب عندمن تخلینی
ولاعندی اخلافک ولی الیحمینی
وانه الخایفه تمشی یضی عینی
واضل وحدی غریبه والگلب حیران
لما الوالده سمعت مقالتها
ثارت والحمیه ابغیض شالتها
خذت بچفوفها او للخیمه ردتها
تگلها السوم هاذه والگعد خسران
یبنی ام الولد تفخر ببنها ابهای
من یصبح امصیت بلحرب عدای
حبه اعلی العقیده مثل حب المای
لعروگ الشجر من یذبل وعطشان
العقیده الیوم هاذی او تبلغ المقصود
او ترضی الوالده والباری المعبود
یبنی ابرگبتک لحسین ارید اتجود
اوراس امک تشیله او تچسب العنوان
یبنی الناس شتگول ابمحافلها
بخل بلروح والذله ایتقبلها
یضل مثل الذی العزه یبدلها
ابحب المال بلدنیه یضل وهمان
هز السیف عد وجه العزیزه امه
وگلها موت الوساده یضل وصمه
ابگصة كل جبان أو عارها ايضمه
من باع العقيده أو صافح العدوان
لعد احسين وبدينه ثبت گلبی
واضحی ابرگبتی یشهد علی ربی
یمی اتدللی والخیمتچ طبی
ولبنچ هلهلی من تشبچ الفرسان
یبنی ارشد اوجرد غاد بتارک
واریدنک تدیر الخصم ما دارک
یعرفک شهم یوم الباری اختارک
تحامی عن حمه الاسلام یاحران
شم الوالده او عرج الحمیه ایفور
وشد اخیالته واعلی الرچاب ایدور
بی طارت اصیله اتعنت الطامور
وارعب خیلها او ذاهت علی الودیان
کر بیها وهب جندل ابطال احیاد
ولن صوت المنادی ایصیح ریض عاد
التفت لن زوجته امن الخیمه عدها اوتاد
بی هدت تقاتل ال ابو سفیان
اندهش من شافها گلها تگلیلی
گبل ساعه اعترضتی او عیب ترضیلی
اتگله صوت ابوالسجاد هد حیلی
سمعته یستغیث او تبچی الرضعان
گام احسین لیها ابعجل رداها
اوگل زینب ادخلیها علی اخباها
ابوالشیمات هاذی عیب یرضاها
نوامیس الخلگ یسحگها ای انسان
یگول احسین صونوا اعراضکم یاناس
من هاذی المبادی التهتک النوماس
حاموا الشرف بلدین ماینجاس
والدین النبی تخضع جمیع ادیان
وهب للخیل من حدر اببتاره
او مثل خفگة صگر لمن یشن غاره
عگب ما لعب وسط الخیل دواره
حطوا للنبل وی السهم نیشان
کثرت بیه اصواباته العدیده
وهوا ایجاهد اولا یسلم اطریده
حزوا راسه او گطعوا منه الذرعان
تتتتتتتممممممتتتتت
کلمات الحاج علی سعد السارى