7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
أبقه للموت حسيني حيدري
حيدر أغله من الهوه .. وأسمه لجروحي دوه
ابقه للموت حسيني حيدري
..................................
بالولاده وأسمع أمي تنتخي بأسم الولي
وأنت بالشدات حاضر بيك كل هم ينجلي
أبد ما أعوفك يحيدر دوم صوتي يعتلي
رافضي ويبقه شعاري لا ولي إلا علي
علي وسط أعيوني .. وخلهم يلوموني
لحب علي فدوه أقدم منحري
أبقه للموت حسيني حيدري
.................................
آنه أبوي العلماني أعله الولايه من المهد
وأسمك أعله لساني أحسّه ياعلي مثل الشهد
عهدي هذا من الطفوله وأبقه دوم أعله العهد
آنه مجنون بغرامك وأبد ما أعوفك أبد
والهوه البنفاسي .. حيدري وعباسي
مثل ما بحسين جن الشاكري
أبقه للموت حسيني حيدري
..................................
الغالي بس أنت بحياتي ماكو غيرك غالي
يجري بالشريان أسمك ساكن بدلالي
بالحلم واليقظه طيفك دوم شاغل بالي
من أموت آنه أعله حبك والله ألف هنيالي
عندي أعز من روحي .. ياطبيب أجروحي
تحضر بيوم القيامه ومحشري
أبقه للموت حسيني حيدري
.....................................
ياعلي كلمن يبغضك عايش بعالم وهم
أنت منهاج الحقيقه الدنيا من بعدك عدم
ما نعوفك يالصميده كلنه رددنه القسم
نرفض أصحاب السقيفه بس ألك كلنه نعم
أنت بس الوالي .. الأولي والتالي
نبيع الأرواح وحيدر نشتري
أبقه للموت حسيني حيدري
......................................
االشمس تاخذ ضواهه من علي يشع الضوه
الدنيه خنكه بلايه حبه وحب علي نسمت هوه
جفه ماعون الفقير وكل عطش منها أرتوه
الكل مريض ويشكي علّه شوفت أعيونه الدوه
بس علي محبوبنه .. هو نبض كلوبنه
بكلبي أسمك ياعلي وبناظري
أبقه للموت حسيني حيدري
.......................................
دوم عالي يبقه صرحك وأنت حماي الحمه
تناطح الغيمه المناره وكبه بعنان السمه
النجف تتباهه بأسمك علي راعي الغانمه
نريد باجر يم ضريحك نبني مرقد فاطمه
ويه الامام القائم .. نبني مرقد فاطم
شوفت القبتين تجبر خاطري
أبقه للموت حسيني حيدري
.........................................
حيدر مطر العبادي
#الإمام_علي
جديد بمناسبة شهادة امير المؤمنين علي بن ابي طالب عليه السلام قصيدة نخوه بعنوان (ادخيلك يا علي)
انخاك نخوه يا علي ياامفرج الهم
اجيتك حاير بأمري والدمع من دم
اقسم اعليك بطبرتك احضرني مولاي
غير الحزن يابالحسن ما صفى بدنياي
هاي الليله اريدن تحققلي رجواي
باللي توسد يا علي بعاشر محرم
▪️〰▪️〰▪️〰▪️〰▪️〰▪️〰
يا علي جيتك انتحب مولاي اسمع
اجيتك اهمل العين وگلبي ايتوجع
تفك الاسرى يا مولاي بحگ التگطع
بحگ الدمه والصواب وحرگ المخيم
▪️〰▪️〰▪️〰▪️〰▪️〰▪️〰
امفرج الشده انخاك ياعلي احضر
موجوع گلبي من الزمن مولاي حيدر
اقسم اعليك بعباس يوم التگنطر
على الشاطي بقى وجسمه تخذم
▪️〰▪️〰▪️〰▪️〰▪️〰▪️〰
ياابو الحمله اجيت يا حيدر ارجاك
عطني مطلبي هاليوم يا علي بيمناك
بحگ الظلت في كربله ياعلي تنخاك
حسينك على الثرى بويه واتغسل بدم
▪️〰▪️〰▪️〰▪️〰▪️〰▪️〰
جيتك انتخي يا علي يلتحضر الشده
متعوب گلبي يا علي وكل حيلي اتبده
بحگ الذي في كربله حفرو له لحده
تخلص محبك مولاي عمره صفى هم
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
#جديد
نواعي لرفع المصاحف في ليلة القدر ٢
.
.
( الرسول الأعظم )
طور : جاوبني يا علي
جينه بدمع همول
يا والد البتول
تنظرنه يالرسول
هالليله سيدي
ابحگ فاطمه دخيل
عنّه الذنب تزيل
وبحسينك القتيل
تحضرنه سيدي
__
(أمير المؤمنين )
طور: جاوبني ياعلي
يا حاضر الشدد
يا صاحب المدد
احضرنه يالسند
مدد علي مدد
احضرنه يا علي
واجبرنه يالولي
غيرك فلا إلي
مدد علي مدد
____
(الصديقة الزهراء)
طور : يا صاحب الزمان مولاي عذراً سيدي
يا فاطمة مدد .. نظرة يَليلة القَدُر
يا رحمة السمه .. وضلعچ یويلي منكسر
حضرينه هالمسه .. وشوفي حوايجنه اشكثر
داوينه يم حسن .. يم الميامين الغرر
٢ مدد مدد مدد .. يا فاطمه الزهره مدد
____
( الإمام الحسن )
طور : يا بويه يا بويه
آيالحسن نظره .. هالليله يا مولاي
بليلة قدر ننخاك .. وبالگلب هَم اهواي
بليلة قدر ننخاك .. والدمعة وسط العين
اقبلنه هالليله .. لخاطر أبو الحسنين
_
( الإمام الحسين )
طور الفراق
مالي غيرك .. يا شهيد الغاضريه
مالي غيرك .. ياللي اعيونك عليه
مالي غيرك .. نظره رايد هالمسيه
مالي غيرك .. يا حُسين ابهالمسيه
مالي غيرك .. يغفر اذنوبي العليه
مالي غيرك .. يا حبيبي نظره ليه
__
( الإمام زين العابدين )
طور : سامحيني
يا علي أنخاك .. يا علي أنخاك
يا حبيب حسين هالليله اعله بابك
يا علي أنخاك .. يا علي أنخاك
ابحگ رزايا كربله وكل اللي صابك
يا علي أنخاك .. يا علي أنخاك
وبدمع زينب ردت اسمع جوابك
يا علي أنخاك .. يا علي أنخاك
ابليلة القدر الشريفه وابمُصابك
( الإمام الباقر )
طور : الجفيري
يا باقر العتره رجاء
بإسمك يمولاي الدعاء
چفنه رفعنه للسماء
ونتوسلك يا سيدي
بكل اللي شفته بكربله
ابهضمك او سبي العايله
وحگ اللي صابه حرمله
نتوسلك يا سيدي
___
( الإمام الصادق )
طور : لفى عاشور
على بابك يا والينه .. إجينه والدمع يجره
وگفنه ننخه يالصادق .. وگلبنه سيدي جمره
عليك بعمتك زينب .. بگلبها وابعُظم صبره
دخيل الليله لأحبابك .. آيا سيدي نظره
___
( الإمام الكاظم )
مجاريد :
ياللي ابسجن خِلْصت اسنينك
وحدك او ما واحد يعينك
وغمضت وسط السجن عينك
يالفوگ الجسر ظليت مطروح
نظره لكل گلب مولاي مجروح
والكل حزين ودمعه مسفوح
____
( الإمام الرضا )
طور : حسين خليني اعله بابك
يالرضا جيت اعله بابك .. انخه والدمعه تسيل
يا غريب الليله عندك .. گلبي الحاير دخيل
يالـِــــ امعيشني ابحنانك .. تصد عني مستحيل
الليله اقسملي الزياره .. وإنهي من گلبي العويل
يالرضا يا مولاي .. يالرضا يا مولاي .. يالرضا يا مولاي مدد
_
( الإمام الجواد )
طور : أماه يا زهراء
شباب العتره يا مولاي .. نخيتك والگلب جمره
ورفعت ابإسمك اچفوفي .. ودعيت وبالصدر عبره
وگلت يا ربي بسنينه .. الگِضاهن يا وسف مره
بجواد اليمه هالليله .. تسهل للمحب أمره
٢ مولايَ يا مسموم .. مولايَ يا مسموم
_
( الإمام الهادي )
الطور : النص الداخلي لطور سلام الله عليها
نخوه يالهادي بمُصابك
بسجنك وغربة عذابك
نطلب الليله جوابك
يا إمامي يا علي
يا غريب وتدري بينه
وتعلم اشصاير علينه
الليله بيك اتوسلينه
يا إمامي يا علي
___
( الإمام العسكري )
طور : اخذي بيدي يم الحسين
يا سيدي يالعسكري أنخاك .. وإنته اللي تعلم حاجتي
ابليلة قدر بإسمك أناجي .. أتوسلك واتصب دمِعْتي
يا بو الإمام المهدي أرجوك .. آخذها هالليله طلبْتي
مولاي .. يا مسموم .. مولاي يا مسموم
___
( الإمام المهدي )
طور : مشتاق أزورك
يا صاحب الثار .. صاحب زماني أتوسلك هالليله وأنخاك
نترقب آثار .. يمته تجينه سيدي وانصوم وياك
يمته نحضه بطلعتك .. شيبتنه غيبتك
مولاي مولاي .. مولاي مولاي
نظره يمولاي .. وحگ عمتك يالمهدي والصاير عليها
نحتاجك اهواي .. أحبابك وبس إنته والله التدري بيها
يا أمل كل شيعتك .. شيبتنه غيبتك
مولاي مولاي .. مولاي مولاي
____
تمت ببركات العترة الطاهرة عليهم السلام
#فاطمة_كريم
٢٠٢٤ م
▪️نعي▪️
لامير المؤمنين عليه السلام
شفتك يبويه وقلبي ماهاد
محمول بويه مابين الاولاد
شيبك خضيب مضمّد اضماد
شفتك يبويه وشفت الاخوان
امغيمه علينه جنها الاحزان
لاح الهضم لعيونّه وبان
اسم الله يحيدر جيت محمول
وانت ياوالي الشايل احمول
اسمع تون وحيل معلول
اسم الله عليك وروحي تندار
ودمع اليتامى اعليك نثار
ونت عليهم بويه هالدار
شفتك يبويه الراس مجروح
وبين الحسن وحسين مطروح
ريح اليتم ابعيونه انلوح
———-
طور حضريني يالزهره
نعشك يبو الحسنين ايشلونه قدامي
اصبر يبويه اشلون وشيبك ظهر دامي
هذا الوداع اشلون يابو اليتامى اتروح
بعدك وراك اصيام وراسك بعد مجروح
تنعى اليتامه اعليك شوف ابهضم وابنوح
لا طب يفيد اوياك ولا ترجع ايامي
اسكت يبويه اشلون شيسكته افادي
نعشك يشيل نشوف ياجمره وگادي
امر ه الله
وارضيناه وامر الله البادي
امصابك يبويه اليوم جددلي آلامي
خالي النزل منك ومن امي الزهره
امن امي كبرنه اسنين ومنك بعد عشره
وباقي اثر بالدار يسولف عن الطبره
ابقلبي زماني شوف ياكم سهم رامي
————
بقلم:بنت الشمري
#جديد
في استشهاد المولى أمير المؤمنين عليه السلام
طور : يا فاطمة يم الحسن
للفاجعه خل نستعد .. رايح علي ولا ما يرد
يم الخدر راح الأبو .. وهالليله يمسي باللِحِد
___
بهالليله راح المرتضى .. واعيونه غمضهن علي
وممدود فوگ المغتسل .. زينب تعاين للولي
فوگ الجنازه اعمامته .. وامچانه يا ويلي خلي
واتعاين اينوح الحسن .. واينادي ما يرجع إلي
خيمتهم الليله اوگعت .. أملاك السمه كلها نعت
اتنادي رحل خير العمل .. امصيبه ومثلها ما جرت
___
ويلاه يا فرگة علي .. ويا زينب ومحنتها
من شافته وسط النعش .. شوفة علي ذبحتها
مغمض اعيونه الطاهره .. وابلا نَفَس خيمتها
بهاللحظه حسّت تبتدي .. أم الخدر غربتها
من يدفنونه ابتُربته .. محد يسدها فرگته
بيته يظل خالي وراه .. آيا كُبرها وحشته
____
نادت علي خلف النعش .. يا بويه لا تنساني
لو صرت وحدي بكربله .. ومذبوحه كل إخواني
لا خيمه لا حامي يظل .. ويضربني سوط الجاني
احضرني بويه يا علي .. وواسيني اعله أحزاني
وادفن ذبيحك عالثرى .. گطعوا يبويه منحره
عالغبره أعوفه يا علي .. من أمشي بويه اميسره
_
مسبيه للكوفه أرد .. بويه الشمر يحديني
أنخاك بيها يا علي .. يا بويه لَتخليني
عالرمح كل روس إخوتي .. ويلي يراس احسيني
يرمونه يا بويه ابحجر .. بويه الرماه يرميني
وبالشام أريدك يا علي .. تحضر إليه يالولي
أتحير اهناك اشكثر .. وغيرك يبويه ما إلي
___
تمت ببركات المولى أمير المؤمنين والعقيلة زينب عليهما السلام
#فاطمة_كريم
٢٠٢٤ م
واعلياه 💔💔
علي وهيهات ماينشف. مصابك
يريت السيف ياحيدر. مصابك
كسر زينب يبو زينب. مصابك
وشهر رمضان باب الغاضريه
علي الاصبحي
گعدية لامير المؤمنين علي ع.
#######################
يللي تداوونه..خافن تلجمونه
دم هامته نازل عله اعيونه..خافن تلجمونه
...
اتصور اعله الراس واحد ينطبر شيصير حاله
رجع من جامع الكوفه يمشي ويعثره خياله
الثوب صاير كله احمر من اثر سيف الاغتاله
يمشي وتطيح اعمامته
للسمه توصل شهكته
وزينب الحره اتلكته..وضجو امن البجي اعياله
واتنادي ياساتر..ابحيدر شنو اشصاير
بهداي حيدر من تنومونه..خافن تلجمونه
...
هذا ماكاله السكوني من اجه ايشخص الفجيعه
جاب عطابه وجواهه وطلع نص مخه يشيعه
شاف مخه وصاح الحكو انهدمت السده المنيعه
والحجي اليوجع بالكلب
سم اصفر اوي الدم يصب
لاجاره فادت لاعطب..آه من هاي الصنيعه
ضل يبجي جراحه.. وصارتلك انياحه
عالقبله كلهم من تديرونه..خافن تلجمونه
...
الحسن حط ايده اعله جبده وكال هسه انحفر كبري
والاحسين ابهالمصيبه ايصيح انه انكسر ضهري
يالحسن لومات ابونه ايموت كل الهوه ابعمري
وزينب تخاطب بالكمر
عباس فسرلي الخبر
مااحمل افراك و سفر..وانته كل الزين تدري
توهه مشت امي..وتوه احترك دمي
بالمايرد كلبي تفجعونه..خافن تلجمونه
...
الناس بالحجره الشريفه صارت اعله الوالي خبصه
ابوفاضل صاح اطلعو ويرجو من عدهم الرخصه
اتريد زينب وجه ابوهه اشويه خل نطيهه فرصه
ابنيه وابوهه اتودعه
وتهمسله وتسولف معه
الماعدهه ابو كالضايعه..ياعلي وقصتهه قصه
واتقبل ابراسه.. بنته واعز ناسه
واتصيح لو باجر تغسلونه..خافن تلجمونه
....
علي كاللهه يزينب ضمي دمعج يالحبيبه
بويه كدامج مصايب امضه من هاي المصيبه
بااجر الحافر يكسر جثة احسين السليبه
باجر اخيامج تحترك.. واجسوم اخوتج تنسحك
وامتونج ايصيرن زرك..ا يزينب ياغريبه
لحسين اذا جيتي.. يابعد حنيتي
مذبوح نحره ولا تلمسونه..خافن تلجمونه
...
سمعت الحوراء ابوهه من ختم بالطف كلامه
وخله الامصلايه ذكره ومأزره ودم الاعمامه
وانتقل لله حيدر وانهدم سور اليتامه
الله يعين ام الخدر
تحمل صبر بس ياصبر
كل يوم كسره تنكسر
ياعمر عمريش هذا اليجرح الخاطر ضلامه
...
محمد الجماسي
اللهم عجل لوليك الفرج
من القصائد التي أبكت الكثير من العيون والتي بإعتقادي هي من قصائد الدمعة والحزن المظلومة... والتي أبدع الشاعر حسين طالب السماوي في تصويرها وصياغتها وأعطاها الرادود الحسيني الملا عمار الكناني حقها باللوعة والحزن على مولانا أمير المؤمنين علي صلوات ربي وسلامه عليه وآله...
تحاكي الأبيات أو كما سردها الشاعر ك قصة إجتماع الأيتام في الكوفة العلوية المقدسة بعدما علموا أن إمامهم أمير المؤمنين عليه السلام على فراش المنية وفي آخر أيام حياته... وصار كل يتيم يسرد للآخر قصة من حياته التي عاشها مع أمير المؤمنين عليه السلام وكانت كل قصة أعجب من الثانية ولا عجب في ذلك...
نصيحة لمن أراد أن يسمع القصيدة فليسمعها بهدوء تام ويركز في سرد القصة...
فلطالما أبكت العيون ونسألكم الدعاء عند الدمعة...
رابط القصيدة:
حديث اليتامى
أداء الرادود: #عمار_الكناني
كلمات الشاعر: #حسين_طالب_السماوي
https://youtu.be/a67SYE_vIV8
ليالي شهر رمضان المبارك لسنة ١٤٣٧ هجرية - ٢٠١٦ ميلادية
مجالس إستشهاد مولى الموحدين أمير المؤمنين علي ابن أبي طالب صلوات الله عليه وآله
عزاء هيئة عاشوراء - العراق _ بغداد
مونتاج وتنفيذ: سيد عبدالعزيز الحسيني
مكساج: عبد الكاظم
اخراج: علي عبدالزهرة
النشر الشبكي: علاء بركات العاملي
*حديث اليتامى*
گعدوا الايتام هالليله بوفاته
واحد يسولف لواحد ذكرياته
كل حچيهم ..عن عليهم
…
واحد حضّن واحد مثل عين وجفن
ما حسبوا يوم وضواهم يندفن
يابا الحسن ما صاحوا بوكت الحزن
صاحوا وداعا سيدي يابا الحضن
چان ضنهم من تمر مخلوقه شفته
لان چانت تمّرته ترافگ ضحكته
عن تمرته ..عن ضحكته
واحد يسولف لواحد ذكرياته
…
واحد وگف اصبع وره اصبع يعد
يحسب عِشرته اويه الوصي چان القصد
گال التقيته بشارع وصادف برد
ما ادري غطاني بشمس مدري بزند
حتى اذكر انه رقمي چان عشره
لان تسع ايتام گدامي اعله صدره
چان دافي… حضنه كافي
واحد يسولف لو احد ذكرياته
…
ثالث طفل صاح بحزن مدري اشذكر
گالوله ها يا ذكرى تركت بيك اثر
گال انه جيت احضن علي انطاني الظهر
حسبته زعلان الوصي وگلبي انكسر
طلع حيدر بالحجر بطنه يشده
خايف اعليه انجرح بالحجر حده
بهالشهامه ..اليتامه
واحد يسولف لواحد ذكرياته
…
رابع طفل اعمى النظر صابه العجز
گال انه ذكرى الظالت ابالي تحز
نخله گبل اگصدها وابلا ما اهز
يوگع تمر بس التمر وياه خبز
تالي بعدين اعرفت مو نخله هيه
هذا ياناس الوگف حامي الحميه
اليحچي قصه… وياها غصه
واحد يسولف لواحد ذكرياته
…
حرمه اجت بس الدمع بيها يحد
گالت علي معقوله راح ومايرد
جنت انه طفله ويستحي اعليه يصد
جابالي ام بعمري بس عدها ولد
امي طفله وانه هم طفله مثلهه
حتى حيدر يمه يازينب يگلهه
الهواهم ..والحماهم
واحد يسولف لواحد ذكرياته
…
رادو يگومون ولچن واحد صفن
گال انتبهتوا لو ولا واحد فطن
الجرح الوصي هالليله من جبنه لبن
شو هو اجانه بدون ما ندفع ثمن
اظن حيدر گام والطبره اعله هامه
وگال اساعدهم لان ذوله ايتامه
الدامي راسه ..خله ناسه
واحد يسولف لواحد ذكرياته
*الشاعر المبدع حسين طالب السماوي*
لحن (حبيتك حيدر)
بصوت
ملا حسين السعد
بصره
اصبحت الدار موحشة .غاب عنها علي
ام البنين مفتقده صوته . لاتطيق فراقه
كاني بها جلست تنعاه
نعي مجاريد
😭😭
طولك وصوتك ضيّعيته
بالدار ادوّر مالگيته
يلبيك چان ينور بيته
البيت والبي فارگيته
ماتنچهب صارت ثنيته
من عگب وجهك ماهويته
يلبروحتك ظهري حنيته
الموت اخذني وياك ريته
عِزِّي ودلالي ودّعيته
🏴
يازين ياطييب العِشره
بعدك دلالي اطاك عمره
ياهيبتي المكسوره كسره
ماترهم الهه بعد جبره
غالي الثِمن ياضوه الگمره
صبّحت حالي حال فقره
لوني بغيابك لو تنظره
آمال گلبي غدت صحره
وشمس الضحاوي بعيني سمره
لچمات احس الروح تقره
جرح المفارِگ عيب يبره
😭😭
ام محمد الحجاج
قصيدة في شهادة امير المؤمنين (عليه السلام)
ويحَ ابن ملجمٍ ماذا جنيت بفعلك
وأي ذنبٍ بعد الذي أتيته أعظمُ
قتلت أمير المؤمنين وهو صائم
وبذكر آلقران في محرابه يتمتمُ
قتلت خير الناس عند الله مكانةً
بعد النبي محمدٍ ليس منه أكرمُ
كفاه فضلا ان كان للبتول كفؤها
والنار والجنة في الحشرلها مُقَسِمُ
بطل الأبطال من ذَا يكون أمامه
كرارٌ ان شد في الهيجا لا يهزمُ
قد قتل لليهود بطلا يسمى مرحباً
وباب خَيْبَر قلعه وهو صائمُ
ترتجف الشجعان ان رأته أمامها
وبكشف عوراتهم من سيفه تسلمُ
فذاك ابن العاص هو خيرُ شاهدٍ
قد صار مثلاً والكل به يتكلمُ
وأهل العلم تراهم لا ينكرون علمه
فأيهم لا يقول ان علياً هو اعلمُ
قد حاز فضلا لا ترى نظيراً له
حتى أمسى على أنبياء الله مقدمُ
وليس فوقه من مقام أراه لغيره
الا مقام النبي فذاك هو الاعظمُ
فأي مصيبة بفقده رزىء الورى
فكل الخلق تراهم من بعده تيتمُ
فهذا جِبْرِيل ينادي بصوته معزياً
أركان الهدى بقتل علي تتهدمُ
قد قُتِلَ اتقى الأتقياء بعد محمدٍ
والدين والعروة الوثقى اليوم تفصمُ
عَظُمَ مصاب فقدك ياعلي لكنني
ارى حبك لذتي والله بذاك يعلمُ
فحبك هو للنفس اعظم سلوةٍ
واني بغيرها لن تراني أتنعمُ
غنيٌ من احبك وان قل ماله
وفقير من عاداك فهو المعدمُ
وسعيدٌ من والاك حقا فهو مؤمنٌ
وشقيٌ من عاداك فله جهنمُ
السيد غياث الحسيني
نسألكم الدعاء ….
#نعي
#أمير_المؤمنين_عليه_السلام
مصيبة مصيبة
حس قلبي يـوالـي بالمصيبــة
من؛ جابوك الي بهامه خضيبـة
رجع باب امي ظل يسعر لهيبه
وكنّــي اسمع رسول الله بنحيبه
بهالحالة الصبر مـن ويــن اجيبه
واجتمعنــ علَيّ مليــــون نيبــــة
فكدتـك يالكنت بحماك هيبــه
وهســه صــرت بـــويــه غريبــة
💔 آه يازينب 💔
عظم الله أجوركم بأميرنا علي عليه السلام
ــــــــــــــــ ❖ ❖ ❖ ـــــــــــــــــ
📝 الشاعرة زينب الخفاجي
~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم
▪️ #مناجاة_ليلة_القدر
▪️ #طور_ياليل_طول_ساعاتك
ياليل طــول ساعـاتــك
ماريد تخلص لحظاتك
ياريت كم شهر تدوم
بظلّك أدعـي القيّـوم
ــــــــــــــــ ❈ ❈ ❈ ــــــــــــــــ
لحظـــــة ياليل القــــدر
خلي ساعــــاتك طويلة
خلني اعقد بيك امـري
ادعي الله و اشتكيله
خلينـي ياليـل القــدر
اطلب من الباري الصبر
لا لا تعجّـل بالفجـــر
عالظهر ذنبي شيشيـله
بالآه اشكـي لمحبوبي
ادعيه يمحيلي ذنوبي
يفرج كـرب المهمـــوم
بظلّك أدعـي القيّـوم
ــــــــــــــــ ❈ ❈ ❈ ــــــــــــــــ
شلون لوما طال عمـري
بعد عـام شلون بيـــه
يا رب إعتق لي رگبتي
هاي آخر فرصـة ليـــه
إعتقنــي يا رب أسـألك
ابحق أعــز خلقــك إلك
ياخـالق الكــون وفــلك
بالمصطفى خير البرية
ارجاك لتخيب ظنــوني
بالـذات كــل السألونــي
يشفــى كلمــــن مالــوم
بظلّك أدعـي القيّـوم
ــــــــــــــــ ❈ ❈ ❈ ــــــــــــــــ
و أهم دعـــوه عزيــــزة
عالگلب بيهـا الأمانــــي
يظهر الموعــود سـالم
سيدي وصاحب زماني
يا ربــي فــرّج كربتــه
طالت علينـــه غيبتـــه
خليني احضى بشوفته
ومن ضمن خدّامه آنـي
برؤيــاه تتكحّل عيني
بحماه اگضيها سنيني
دمعاتي اعليه ادمــوم
بظلّك أدعـي القيّـوم
ــــــــــــــــ ❈ ❈ ❈ ــــــــــــــــ
✍ بقلم الشاعرة زينب الخفاجي
~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم
ابوذية لاستشهاد أمير المؤمنين عليه السلام عن لسان العقيلة زينب سلام الله عليها
اتحزم بالكدر دهري وجاني
يبويه ونار الموادع وجاني
وي الگوم شمسوي. وجاني
لفوك بسيف بيه تحدي المنيه
ملا هاشم البزوني🎤🎤🎤
الشاعر حسن لعيبي الحريشاوي✍✍
موشح للأمام علي عليه السلام ( گوم صلي )
گوم صلي ... وعوف هاي النومه
اتصيح بويه وتلطم المهضومه
هاك بويه ميزرك واعمامتك
حلوه بالمحراب تعجب وگفتك
خل اتچيلك واشدن هامتك
دولبتني هامتك مهشومه
گوم صلي ... وعوف هاي النومه
هامتك بالسيف بويه امهشمه
من امس لليوم تتناگط دمه
اسمع اونين ومناحه بالسمه
ومنبرك مهضوم ياجيدومه
گوم صلي ... وعوف هاي النومه
منبرك مهضوم ياحامي الدخيل
لاتفك عينك ولاتگدر تميل
ينهدم حيلي امن اشوفنك عليل
روحي مثلك گاضيه ومالومه
گوم صلي ... وعوف هاي النومه
روحي مالومه وگضت وي روحك
جرحي ينزف من اشوف جروحك
سيف ابن ملجم ندامه ايلوحك
وانته محد گابلك بالحومه
گوم صلي ... وعوف هاي النومه
محد ايلاويك لو صارت حرب
ياشجاع وياغيور وياصعب
تالي ماتالي بصلاتك تنضرب
ضربت اليكره صدگ ميشومه
گوم صلي ... وعوف هاي النومه
طاحت الضربه اعله راسك بالجبين
من عمت عين اللعين ابن اللعين
كون اموت ومااودعك يالحنين
اوجهك ايضيعن عليه ارسومه
گوم صلي ... وعوف هاي النومه
اشلون اودعنك واضيعك بالتراب
علمتني اعليك موش اعله الغياب
يامصيبه ايشيل گلبي وياعذاب
امصيبتك وامصيبة المظلومه
گوم صلي ... وعوف هاي النومه
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
على طور يامحله الوداع بهالمسيه
عليك أتوّن يبو حسين اليتامه ..
بدموع الملامه ..
تمنّت ياعلي تكوم بسلامه ..
......................................
أمير المؤمنين انصاب بالمحراب . على سجادة صلاته ..
كتاب ألله أنطبر ينزف عِلم وآيات .وبسيف الشماته ..
ليل وداع ليلة واحد و عشرين . وي ولده وبناته ..
يودع فاطمه الزهراء بآخر يوم . جانت امنياته ..
المابطل دمعهه .. من كسرت ضلعهه
وره الباب أنكسر جنح الحمامه ..
...................................
فطورك بس تمر والخبزه بالماعون . شاهد عالبساطه ..
الزاهد بالحياة وراضي بالمقسوم . بالباري ارتباطه ..
ضرغام الحروب ويشهد الفقار .نهج الحق صراطه ..
رفع أيده النبي بيوم الغدير وصاح . بلا قربه ووساطه ..
هذا أول خليفه .. مو أهل السقيفه
اليواليه يرتفع قدره ومقامه ..
........................................
ألله يساعد السبطين هذا اليوم . ويعين العقيله ..
على المحنه الجبيره وبليالي الصوم .يقروله العديله ..
زينب والحسن وحسين والأيتام . عليهم أقسه ليله ..
صبغ لون الوساده دم أبو الحسنين . والمحنه ثجيله..
بعد أمنه الزجيه .. انطبر حامي الحميه
أبن ملجم غدر شاطرله هامه ..
........................................
ظل صوت اليتامه ينادي يابو تراب .ريض ياولينه ..
بعدك ياهو يمسح دمعة المسكين . ويسّكت ونينه ..
محد يلتفت ويدك عليه الباب . غيرك يا علينه ..
دخيلك ياعلي لا ترحل أترجاك . يبو الروح الحنينه ..
لا ترحل يغالي .. يمنور الليالي
يالنورك محه الليل وظلامه ..
..........................................
برمضان ومحرم تكثر الآهات . وتزيد المواجع ..
نبقى نصوم كلنه ونفطر بحسرات .وتسيل المدامع ..
على اول خليفه المرتضى الكرار . الكالو عنه رابع ..
مجالس بالحسينيات وقرايات . ومن نلطم نبايع ..
عالفطره عشكناك .. لحد الموت وياك
كل شيعي يظل حبك وسامه ..
........................................
أركان الهدايه تهدّمت وآللاه . من راح الصميده..
يظل للموت كل شيعي فلا ينساه . دم يجري بوريده ..
يظل أسمك شرف بيه تفخر الأجيال . يا أجمل قصيده..
نصرخ ياعلي الكرار حامي الجار . الما عيد بعيده ..
صرخه حيدريه .. تسمعهه البريه
الما يصرخ يعض أصبع ندامه ..
.........................................
حيدر مطر العبادي
🏴 *في التوسل بمن تتنزل عليه الملائكة في هذه الليلة مولانا صاحب العصر والزمان عجل الله تعالى فرجه الشريف* 🏴
.
عليك بخاطر الزهره يضي عيني
يالطول العمر خيرك امغطيني
انا بشده وأريد اليوم تاويني
وادري سيدي حاشاك ناسيني
اجيتك سيدي مكسور من دنياي
اجيتك يا حبيبي جرحي ماذيني
من عينك ردت نظره يضي العين
من آلامي يا مولاي تشفيني
نظره بيها تشفي اجروح دلالي
وبيها سيدي تأخذ ابإديني
يبو صالح وحقك قلبي مجروح
ردت من نظرتك مولاي ترويني
ردت مسحة يمينك عالقلب مولاي
عن هالدنيا كلها ياللي تكفيني
وخل عينك عليه يمن فدوه اتروح
روحي لحضرتك يا كافل اسنيني
● طور : يم الولد + الجفيري
محتاج إلك يبن الحسن
تجبر دليلي امن المحن
عذبني مولاي الزمن
يا سيدي يا سيدي
ما شافت اعيوني الفرح
ايامي آلامِ او ترح
عايش على الهم والجرح
يا سيدي يا سيدي
او حق الزجيه فاطمه
من مده روحي امألمه
وعالبجي اعيوني امعلمه
يا سيدي يا سيدي
انخى وردت بس نظرتك
واعله دليلي مسحتك
واجبرني ابحق دمعتك
يا سيدي يا سيدي
طلعني من حزني إلك
خادم إلك وي كل هلك
مكسور جيت واسألك
يا سيدي يا سيدي
_
تمت بحمد الله تعالى
#فاطمة_كريم
٥ / ٢٠٢١ م
نسألكم الدعاء لتعجيل الفرج
يــــــــــا أبا عبـــــــــــــــدالله
الفاتحة مع الصلوات إلى روح والدي
🏴 ليلة القدر العظيمة 🏴
▪︎ عن الإمام الباقر (عليه السلام) في تفسير سورة القدر، قال: إنّ فاطمة هي ليلة القدر، من عرف فاطمة حقّ معرفتها فقد أدرك ليلة القدر .
📚 تفسير فرات الكوفي
مجاريد :
بشانج يمولاتي الزچيه
نتوسل بهاي المسيه
نحضى برضا رب البريه
انتي يَــــ سر هاي الليالي
شانج عظيم وحيل عالي
وابفضلچ انحوز المعالي
سر الباري يا ليلة قدرها
يالحيّر العالم كسرها
ندرك ابمعرفتچ قدرها
يا ليلة القدر العظيمه
ويالخيرچ على الاكوان خيمه
كلشي بدونچ ماله قيمه
طور : مالي غيرك
يالزچيه .. نظره من عينچ علينه
يالزچیه .. بليلة القدر الحزينه
يالزچیه .. فاطمه ابوحشة علينه
يالزچيه .. ابوحشته ودمه ومصابه
يالزچیه .. كل محب ياخذ جوابه
يالزچیه .. ويرجع الطوّل غيابه
هالمسيه .. فاطمه ارضي علينه
هالمسيه .. فاطمه لا تتركينه
هالمسيه .. غايِبچ يرجع إلينه
▪︎ وإلى من تتنزل عليه الملائكة في هذه الليلة ..
يا بو صالح .. ابليلة القدر الحزينه
يا بو صالح .. اعلينه ترضى يا ولينه
يا بوصالح .. لخاطر الحزوا وتينه
يا بو صالح .. ابليلة القدر الجليله
يا بو صالح .. كل محب يبرد غليله
يا بو صالح .. انته بس والله الوسيله
يا بو صالح .. لينه اكتب هالمسيه
يا بو صالح .. انزور حماي الحميه
يا بو صالح .. ونرد لأرض الغاضريه
يا بو صالح .. بس رضا قلبك عليه
يا بو صالح .. سيدي بهاي المسيه
يا بو صالح .. خاطر اعيون الزچیه
_
تمت بحمد الله تعالى
#فاطمة_كريم
٥ / ٢٠٢١ م
نسألكم الدعاء لتعجيل الفرج
يــــــــــا أبا عبـــــــــــــــدالله
الفاتحة مع الصلوات إلى روح والدي
#جديد
وداع المولى أمير المؤمنين عليه السلام
طور : هنياله الينام الليل
.
.
الله اوياه شال امكمل الدين الله اوياه
الله اوياه بچه افادي والعين
بهالليله ابو الحسنين غمّض يا وسف عينه
انتهت ايامه يا ويلي الگضاها لله اسنينه
امام الدين ابو الايتام عليمن يطبر اجبينه
اشوفه اشلون خضيب الشيب وتشيله لمة ابنينه
بينه اشلون بعدك يا أبو حسين
———
نعى جبريل وصاح ابصوت تهدم ركن إلهدايه
انقتل هاليوم ابو الحسنين علي لكل الفضل آيه
ابدفا المحراب ولينه غاب وعزف جرح الزمن نايه
ابو العشره اللذيذه اليوم إلعشرْته هاي إلنهايه
يا ويلي ابصلاته انهى السنين
————
علي من طاح وإله فزْعَوْا حسن وحسين يشيلونه
عليهم صاح يبويه خاف قلب زينب تفجعونه
اخاف اعليها ياعباس دمعها لاتنزلونه
وراها اهموم ومصايب كوم وخدرها ما يخلونه
ما أحمل دمعها ومنها إلونين
————
اجت زينب تصيح ابصوت علي يامعدل الميله
تون بسكوت تعرفه الموت ودمع فرگاهم اتسيله
بجفاك الروح غريبه اتكون ويفارگ هالجسد حيله
يكون الروح يبويه تروح ونشيل اوياك فرد شيله
موتي اوياه روحي و لا تظلين
———
يضمها الوالي الصدره وتشوفه بالنفس ايجود
تراه امر الله يا زينب رضينا بامره المعبود
انتفارگ والله هالليله وبعد يم الخدر ما عود
ووعدنه ليلة الوحشه اذا احسينچ صبح مفگود
لو حرگوها يا بنتي الصواوين
———
تمت بحمدالله تعالى
بقلم : بنت الشمري و فاطمه كريم
٢٠٢٤ م
#جديد في مصاب المولى أمير المؤمنين عليه السلام
طور : جاوبني يا علي
.
.
يا مظهر العجب
صوتك خفه عجب !
تتركني شالسبب
جاوبني يا علي
يعني ابنعش تروح !
وتذبحني الجُروح
واعليك أظل أنوح
جاوبني يا علي
واگبالي تندفن
واشما عليك أون
مَتردلي وأبگه أحِن
جاوبني يا علي
ترضاها دمعتي
ترضاها حسرتي
وما تطفه جمرتي
جاوبني يا علي
ترحل وأظل وراك
أتمنه بس لقاك
ميته ردت معاك
جاوبني يا علي
يا خيمتي رحت
ميته ولا شفت
وسط الترب غبت
جاوبني يا علي
__
تمت ببركات الأمير روحي فداه
#فاطمة_كريم
٢٠٢٤ م
شور بحق والينه صلوات ربي عليه
حبك سفينه ابحر الحياة
حبك نجاتي بيوم الممات
اسمك يحيدر طول الدهر
كاسر خشم كل الطغاة
بخيت الوالاك. والضل بحماك
بهاي الافلاك. من مثلك
ياتاج الراس. مليان احساس
من حكها الناس تسجدلك
علي علي... ياوالي الكلوب
ــــــــــــــــــــــــــــــــــــــــــــ
صرح محمد يوم الغدير
مّن الله حيدر هوا الامير
واهل السقيفه ابلا حياء
كالو علي انخليه اخير
مهما ينكرون. خلهم يحجون
اول عالكون. من غيرك
احجيها ودوم. مو يوم ويوم
ويله المحروم. من خيرك
علي علي... ياوالي الكلوب
ـــــــــــــــــــــــــــــــــــــــــــــــــ
راسك يطبره الكلبه زنيم
اوياما جنت وياه رحيم
ولدك علي وكل الفلك
لمن غبت اصبح يتيم
زينب تنخاك. لاتمشي ارجاك
تاخذها اوياك. رايدتك
ياحامي الجار. الكوكب محتار
واكبار ازغار. فاگدتك
علي علي... ياوالي الكلوب
ــــــــــــــــــــــــــــــــــــــــ
نعشك تشيله هوايه أيدين
والكل صبح يبچي حزين
بس العجب يوم الطفوف
بحر الضهيره يبقه الحسين
حضرلك نوح. گبر امن اتروح
بس المذبوح. شحواله
برض الاحزان. يبقه حيران
ادوس العطشان. خياله
علي علي... ياوالي الكلوب
ـــــــــــــــــــــــــــــــــــــــــــــــ
بفضل عطاء رعاياهم
تمت والحمدلله
✍️ياسر الزيادي
يالماخذ دلالي
ارجعلي يغالي
والذيج الليالي
ياحيدر تعال
...
راحت الزهره وصرتك ثاني زهره
ماأصدك بالحنين اتموته طبره
البشر بالقران يقره وياخذ اجره
وانه بعيونك سوالف حلوه أقره
ياسيد زماني
زينب بويه آني
بعدك يا حناني
ماافرح محال
....
طالع اتصلي المساجد للعباده
غير الايصلي يرد لهله بسعاده
وانته ثاري امهيأ امرك للشهاده
تشبه الطير الامهاجر من بلاده
من كمل سحورك
جهزت كل امورك
وبالجنه فطورك
وي اهل الكمال
....
ياهو الايصدك تضل زينب يتيمه
ويندفن بتراب ابوجفوف الكريمه
تعرف القاتل لجن نفسك عظيمه
ماوشيت بقاتلك كبل الجريمه
وتوصي باسيرك
الكبرته اعله خيرك
شالوك بسريرك
ودفنوك برمال
...
يبوتراب وياتراب اللي يضمك
الناس كلهم ليل وانته الضاوي نجمك
الحزن خانكني بويه وارد اشمك
آنه بنتك اي نعم بس چني امك
أمن اعيونك افهمك
تسكت وآنه اكلمك
وبحظني انومك
يالنومك حلال
....
روحك من اوجاعهه الليله استراحت
وانه مملكتي الجبيره اعليه طاحت
العيداجاني والمكابر بيه صاحت
فرحة العيد اوي ابوج الغالي راحت
شو ماعايدتني
بويه وقبلتني
اسود لبستني
من هل الهلال
....
هوه جرحك هذا بوابة ضياعي
راح اسافر وأخذ اعيونك متاعي
راح اصيرن للذبايح آنه ناعي
من يصير الذبح يوم الطف جماعي
احسين ابصدره حافر
والكافل يسافر
وانه ابلايه ناصر
وبجفوفي الحبال
...
محمد الجماسي
اللهم عجل لوليك الفرج
هوسات شجاعة للامام علي ع
المخرس الزلم یاهو الیوصل احذاله
وعلي من ابعید الیشوفه ایتراوله
ابن ملجم لو ما غدر صدگ ما تدناله
{{لو ما یسجد// چا شگفاها}}
ــــــــــــــــــــــــــــ
القالع باب خبیر والشمس ردهه
الغیره والشجاعه یم علي حدهه
ابدیوان البخت رایة علي انشدهه
{{مگضیه // الشده العدنه}}
ـــــــــــــــــــــــــ
حیدر یا عجید الشور یمعدل ثنایاها
اتلوگ الغیره بس اعلیک یمک یعله طرواها
الحد امغیم و ینعاک شال الهز منایاها
{{الحد امغیم برکانه}}
ـــــــــــــــــــــــــــ
زلزلهه المنایه بیوم طب وبیده فقاره
لا وین المفر یا صوب بس ادموم تتجاره
الک صیت والک هیبه شیخ وصاحب الشاره
{{دگیت الحگ// فوگ الثایه}}
ـــــــــــــــــــــــــــ
دگ برکانهه وهوس وین الامه جایبته
خل یدنه عدي الیوم احني سیفي برگبته
وین الواگف ایزامط وحط ایده اعله خاصرته
{{بچیته //بحدود الملعب}}
ـــــــــــــــــــــــــــــــــ
تمت بعون الله تعالی
کلمات یاسمین الشموسي
نسالکم الدعاء
((حبيتك حيدر))
الله اكـــــــــبر .. حبـــيتك حيدر
الله اكـــــــــبر .. يالعشگك اخضر
ياساقي الكوثر .. والعـــافك يعــثر
ياهــــوى نفسي
صاحب الكرسي
يدرون بوصافه .. معــــروف بالطافه
عبده ومـالكني .. ومشيول بچــــتافه
حبني وحبـيته .. ومبخوت من ضافه
علي علي .. صاحب العفه
علي علي .. راعــي الكلفه
علي علي .. حاضـر بكلهن
علي علي .. بيمنـته الترفه
علي علي ...
"""""""""""""""""""""""""""""""""""''''''''''
عيسى ابن مريم .. يــــــــا آيةّ العَمّ
موسى وعــصاته .. ياحيــدر اعضم
ادم بـــــــــاولاده .. بس انت الاعلم
عشكي وكضيته
حيـــدر واليـــته
نــــــوح وترتيبه .. طــــــــه وتأديبه
هيبه بخطــواته .. وبعـــيونه الهيبه
مشيب بجروحه .. ويا محله الشيبه
علي علي .. بالعـرش صله
علي علي .. هوه عين الله
علي علي .. ينكــــسر كلبه
علي علي .. الاسم عبدالله
علي علي ...
"""""""""""""""""""""""""""""""""""''''''''''
صاحــــب انفاسي .. تاجــــي البراسي
خيري من افضاله .. وكل هلي وناسي
كلــــشي بتاريخي .. وبــــــيرغ نبراسي
هوه قـراني
ماغيره ثاني
صاين اركانه .. ذابح عـدوانه
ناشــر راياته .. وطيعه اخوانه
محد يدناله .. واضــح عنوانه
علي علي .. جامــع الرحمه
علي علي .. ورده ونـــشـمه
علي علي .. بقـدرته القدره
علي علي .. يسجل الخدمه
علي علي ...
"""""""""""""""""""""""""""""""""""''''''''''
جنيت جـــــنوني .. طيفي البعيوني
كلبي ودگـــــــاته .. حــيدر خـيعوني
من بعدك روحي .. نفسي ولتــكوني
عشگي وما بدله
المكسور يعـدله
برهان كـــــلماته .. قــــرآن نضـراته
ولهـــــان بيـــتامه .. آهـــات دمــعاته
ملهوف من يمشي .. ويسبگ خطواته
علي علي .. جــرحي الاول
علي علي .. روحه ما تنمل
علي علي .. يبتســـم وجهه
علي علي .. وكلبه المعلعل
علي علي ...
"""""""""""""""""""""""""""""""""""''''''''''
ياطــــــاوي آلامي .. حبري البقلامي
يمضــــمد روحي .. مـــرتب هندامي
من تغمض عيني .. تگـــــعد بحلامي
حيدر عيـوني
حبي وجنوني
مولاي سَنعني .. مـولاي لازمني
مولاي ربــاني .. وليده ويعرفني
ماي مشربني .. بچـــفه موكلني
علي علي .. بيـــتك شكبره
علي علي .. وتاكــل الفقره
علي علي .. يـــــــاملذ زاده
علي علي .. التطبخ الزهره
علي علي ...
عبد زينب
محمد الابراهيمي
لبس الإسلام أبـراد السـّواد
يوم أردى المرتضى سيف المـرادى
ليلةً ما أصبحـت إلاّ وقـــد
غَلب الغيّ عـــلى أمر الرشـاد
والصّلاح انخفضت أعـلامــه
وغدت تُـرفع أعـلام الفسـاد
ما رعى الغادر شهر الله فــي
حجة الله عـــلى كــل العـبـاد
محيت فيك على رغــم العــلى
آية في فضلها الذكــر ينـادي...
▫️السيد جعفر الحلّي
تهدمت والله اركان الهدى
🔸 #أمير_المؤمنين_عليه_السلام
🔶 #طور_المحمرة_للشيخ_زمان_الحسناوي
🔸 #الطور 👆👇 https://youtu.be/Cxotqjb0NJw?si=Ij8_WicEz_lfoUOp
بيت الإمــامـــة طفَّــــوا شمعتــه
يم حيدر السـاع حضرت عترتـه
اتجمّعَــــــــوا عنــــــد الولــــــــي
كلمــن ينــادي ياعلــي ... الله أكبر
ـــــــــــــــــ᪣᪣᪥᪣᪣ــــــــــــــــــ
طعــم المنيـة صــاروا يحسـون
شافــوا ابوهــــم غمضها لعيـون
كــــــــل المــدامـــــــــــع ثاكــــــلة
رادت تمـــوت العــايلة ... الله أكبر
ـــــــــــــــــ᪣᪣᪥᪣᪣ــــــــــــــــــ
صاح ابو السجاد يامجتبى بصوت
جـن الصميــدة قرَّب من المـوت
و المجتبــــى دمــعــــه يــهــــــل
مـوت الأبو لا مو سهل ... الله أكبر
ـــــــــــــــــ᪣᪣᪥᪣᪣ــــــــــــــــــ
زينب مِسِرعه وعثرت على الكـاع
ركضت لبوهــا مــن حــان الــوداع
كــــالت ابــــويــــــه و كــافلــــي
أومى يزينب قربي لي ... الله أكبر
ـــــــــــــــــ᪣᪣᪥᪣᪣ــــــــــــــــــ
حطت ايـــديهــا بيـــد الشفيــة
من بعد عينك جــا ياهــــــو ليـــه
لــــو غمّضت بــويـــــــه الجفــــن
أصبح أنــه ام الحــزن ... الله أكبر
ـــــــــــــــــ᪣᪣᪥᪣᪣ــــــــــــــــــ
📝 الشاعرة زينب الخفاجي
📝 #اللهم_صل_على_محمد_وآله
#جفيري_أو_حدي
#ليلة_القدر
#الإمام_المهدي_عج
يـــــا سيــــدي يــالمنتظــر
بْحـــق الحسيــن وبالنحــر
نطــلب دعــائــك يا ذخـــر
بهالليــلة ياراعـــي الأمــــر
┈┉┅━❀ـ❀ـ❀━┅┉┈
بساعــة سجــودك يــاولـي
نقســم عليك بحق علــي
ابــدعــوة منّــك ينجلـي
كل همنـا يـا ســر القــدر
┈┉┅━❀ـ❀ـ❀━┅┉┈
مــن تنــزل امــلاك السمــه
وروح النبي وحامي الحمه
وروح الزجيــة فـــاطــمــة
اذكرنـا بقنـوتك بالوتــــر
┈┉┅━❀ـ❀ـ❀━┅┉┈
أيتــامــك نعــيش بعســر
بينه اللــي قلبــــه منكســر
وبينــه سجيــن وبالأســــر
يمتــــه ظهــــورك يالفجــر
┈┉┅━❀ـ❀ـ❀━┅┉┈
بينــه المــريض الماشفــــه
والدهــــره لا مـــــاأنصفــه
و نـار لغيــابك مـا طفـى
وســط القلب يالمنتظـر
┈┉┅━❀ـ❀ـ❀━┅┉┈
✍ الشاعرة زينب الخفاجي
~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم
نعي عن لسان العقيلة زينب بحق امير المؤمنين علي عليه السلام
يبويه حيل دوهني زماني
سهم فر گاك بضلوعي رماني
جمر دمعي فطر گلبي و چواني
مدري منين ابن ملجم اجاني
طبر والدي وچمل احزاني
هذا الي خفت منه لفاني
فرا گك ياعلي بويه عماني
الشاعر حسن لعيبي الحريشاوي
الدنيه اعليك مرتجه وفلك صاير
ياحر يالمخوف الحاط والطاير
حسافه اتشيل وتخلي الحسن حاير
( بديار النيبه اليوم البين امچودر )
✍ام هجران العمارچيه
لطمية للأمام علي عليه السلام (( جاس اگلوبنه البين ))
اليوم اليوم ... جاس اگلوبنه البين
عاف الدار ظلمه وشال ابو حسين
شال وعاف داره اليوم ظلمه
مصيبه امصيبته وفرگاه هضمه
ابو الحملات لاح السيف عضمه
وراس المرتضى مطبور نصين
اليوم اليوم ... جاس اگلوبنه البين
راس المرتضى نصين مطبور
مافاده الدوه وايس الدكتور
اشلون ايبات جوه اتراب الگبور
نوم المگبره اعله الجرح موزين
اليوم اليوم ... جاس اگلوبنه البين
اتراب المگبره يلچم طبرته
الله يعينهه شتگول بته
ماتحمل غيابه ولاوحشته
عدهه اعمامته وعدهه القرائين
اليوم اليوم ... جاس اگلوبنه البين
بس اعمامته والكتب عدهه
راحت شوفته الحلوه شيردهه
داره امهدمه ودفنو عمدهه
حزنانه الجوامع والدواوين
اليوم اليوم ... جاس اگلوبنه البين
حزنانه الجوامع واغبر الكون
ابو الحملات فارگ شيعته شلون
ضلت ساهره ومانامت ام عون
دم ودموع تبچي وتهمل العين
اليوم اليوم ... جاس اگلوبنه البين
عله الطيبين تهمل عينهه ادموم
كل يوم وسطرها البين كل يوم
ضلع امهه انكسر والمتن مهشوم
زاد اصوابهه وصارن اصوابين
اليوم اليوم ... جاس اگلوبنه البين
زاد اصوابهه لچمات واصواب
ومضيعه الزچيه وداحي الباب
مارجعو عليهه يطول الغياب
عنهه اثنينهم كلش بعيدين
اليوم اليوم ... جاس اگلوبنه البين
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر