7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
جينه ننشد مسجده ومحرابه
علي أبو الحسنين وين إصوابه
جينه ننشد والدمع صوته انسمع
وين يا محراب راعيّك وگع
وصدگ گلب أم الخدر بته إنگطع
اتشوف دم هامته صار إخضابه
جينه ننشد والهضم يذبح ذبح
اشلون حال الصايم ونزف الجرح
ويه أبو الحسنين هذا اخر صبح
صوت الآذان انذبح بغيابه
گبل داره ابنار حرگوها العده
عاش كل عمره غريب لوحّده
لن سكت عابو عليه أهل الردى
والهجم عالدار محّد عابه
عاش وياهم ظلم يتبع ظلم
وآه ياگلب الشهم من ينهضم
مره يظهر حسرته ومره يضم
اشلون داس الظالم اعله اعتابه
جينه ننشد على اصوابه وطيحته
ومن رجع للدار ياهي إتلگته
وياهي شافت صابغ الدم لحيته
وراح من هاليوم ستر إحجابه
بچت من شافته مجروح ويون
وتكسر الخاطر دمعته البلجفن
صار إسمها ابها المصاب أم الحزن
والسبي امن اليوم فتّح بابه
أحمد الهلباوي
☘️لاستشهاد الامام علي ع☘️
((ندبه))
لسان حال الشيعه👉
المستهل
مجزوء الهجري فاعلاتن فاعلات
النص //هجري فاعلاتن فاعلاتن فاعلاتن فاعلن
اليوم يم بابه نبات
بدونه منريد الحيات
واگفین احنه اعله بابه نصيح ياقاضي المحن
جينه ننعاه بمصابه
ننتحب وسط الصحن
ابد مانحمل طبرته ارواحنه اعليه انتهن
احنه ظلينه بسبات
من اهد يوم الممات
✍️☘️ام فراس الساعدي☘️
🏴🏴🏴🏴🏴
نوكف ابابه الليله ونبجي لمصاب الولي
راحه ماشفنه ابدونه ادموعنه دوم اتهلي
ظلم دنيانه وبلاوي من بعد عينه علي
اصبحنه ابدونه شتات
من اهد يوم الممات
✍ام مرتضى الخزرجي
🏴🏴🏴🏴🏴
جينه محتارين كلنه نندب ابصوت الحزن
مصابك الفاجعنه حيل وگلب كل شيعي انسحن
الفگدك انصيح وننادي
يمن للفاكد وطن
وين ايتامك تبات
من اهد يوم الممات
✍️ ام مهدي الفرطوسيه
🏴🏴🏴🏴🏴
دخيل كل احنه وگفنه نسوي يم بابك عزه
شخصك الغالي علينه دوم احنه نعوزه
الف لعنه عل يضدك تالي بافعاله اختزه
للولايه انت الثبات
من اهد يوم الممات
✍️ام سجاد الشهيد
🏴🏴🏴🏴🏴
اختزت الزمره العينه وما بقه الها اثر
وحيدره اسمه يلالي وصار منقوش ابحجر
واية الحق بسمه نزلت ونقره بي القدر
علي اسمه الذاريات
من اهد يوم الممات
ام✍🏻 زين العابدين لمحمداويه
🏴🏴🏴🏴🏴🏴🏴
علي يا قران ناطق والمشه ابدربك سلم
تلوكلك هاي الامامه ونرفع ابأسمك علم
انته وينك يبن ملجم في قعر نار السقم
علي صار ابعاليات
من اهد يوم الممات
ام ✍🏻رحمه الگاظميه
🏴🏴🏴🏴🏴🏴🏴
تمت بعون الله بقلام شاعرات رابطة الجفوف السخيه
قصيده سريعه
للامام علي ع
على طور خدام،،،،،،
ــــــــــــ
مطبور مطبور
مطبور والينه علي
مطبور مطبور
مطبور،، يانعم الولي ّ
،،،،،
نعزي هالليله بمصابك الرسول
يساعدالله فاطمه الزهره البتول
وسفه ومخضب علي فحل الفحول
ياحيف ياحيف
ياحيف بالدنيه شلي
مطبور مطبور يا نعم الولي
✍🏻ام سجاد الشهيد
ـــــــــــــــــ😭😭😭
حيف هامة الولي مصوبيها
اركان دين الله العده مهدميها
شلون جسروا بالدمه مخضبيها
الكوان الكوان
الكوان بأسمه تعتلي
مطبور مطبور
مطبور يا نعم الولي
✍️نبضي حسين
ـــــــــــــــــــ😭😭😭
منگبين اليله نلطم علصدور
راح مولانه علي بدر البدور
بلحزن ننعاه وسنين وشهور
للدوم للدوم
للدوم ابد ماينجلي
مطبور يا نعم الولي
✍️☘️ ام فراس الساعدي ☘️
ــــــــــــــــــــــــ😭😭😭
بالدمه امخضب يحماي الحمه
وصوت جبرائيل گبر بالسمه
بسيف مسموم انطبر سال الدمه
ودموع ودموع
ودموع من عينه تهلي
مطبور يا نعم الولي
✍ام مرتضى الخزرجي
ـــــــــــــــــــــــــــ😭😭😭
مطبّر الوالي ياويلي بهامته
واصبحت حزنانه كلها عيلته
تصرخ تنادي وتعاين حالته
يا ويل ياويل
ياويل محرابه خلي
مطبور مطبور عالهامه الولي
✍️ #علويه ام فاضل
ــــــــــــــــــــــــــــ😭😭😭
طاح بالمحراب ويلي ابو الحسن
كلنه الك مولاي ونينه بحزن
والاملاك االبلسمه ويانه بچن
ليتام ليتام
ليتام بعده تنولي
مطبور يانعم الولي
✍ام مهدي الفرطوسيه
ــــــــــــــــــــــــــــــ😭ـ😭😭
تمت باقلام شاعرات رابطة الجفوف السخيه احنه غير حسين ماعدنه وسيلة..
فزاعية للأمام علي عليه السلام ( اخر وداع )
اخر وداع اتوادعو
زينب وابوها الليله
اخر وداع اوداعهم
زادن الليله اوجاعهم
ذوله المحنه اطباعهم
يبچيلهه وتبچيله
تبچيله ويبچيلهه
وعن كربله يحچيلهه
زينب تهدم حيلهه
وحيدر تهدم حيله
ياحيلهه وحيله انهدم
والليله چنه ماسلم
مصيوب صگار الزلم
واصوابه شسويله
شسوي لصوابه خطر
بس الله ينطيهه الصبر
لو شال عنهه للگبر
لاترحل تناديله
طلعت وراه تنادي
المن رحت للوادي
ماريض الهه الحادي
ماخذ چبير العيله
ماخذ الهيبه ومارجع
زينب گلبهه ينوجع
تشوف بيته وتنفجع
ويامن توصيله
اتوصي الوليهه ويامن
وعيونهه ولانامن
لشوفت ارسومه احتامن
عدهه هضم تشكيله
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
ما عوفك ما عوفك يا قبلتي
***
نبض بيك دليلي وصرتلي خليلي واذا طيح تجيلي حيدر يحيدر
تراني هويتك وابد ما نسيتك عشكتك وجيتك حيدر يحيدر
ما عوفك وواليك واقسم بالزجيه
وصرخ عاليعاديك صرخه رافضيه
بس انته حبيبي كاتب بالهويه
والما يهوه حيدر ما حسبه عليه
واليتك واليتك يا غايتي
***
سحرني غرامك جذبني هيامك احبن كلامك حيدر يحيدر
لكيتك مناره وحروفك زياره وتدلي الحياره حيدر يحيدر
مجنونك يحيدر وتباها بجنوني
والبيه يلومون عنك ما لهوني
ماضي انه اعله دربك مهما حاربوني
وبسمك دوم انادي اهلي عالموني
كلبي انته كلبي انته وكل دنيتي
***
يروحي وحياتي وسفينة نجاتي يصومي وصلاتي حيدر يحيدر
شعوري خذاني الجمالك دعاني وعشكتك تراني حيدر يحيدر
بايعتك بالاصلاب يابحر السعاده
وانته كبل الاسلام اديت العباده
يا حيدر شفت بيك الحب والاراده
يالمحد يضاهيك بزمام القياده
حبيتك حبيتك يا سلوتي
***
يوالي اليتامه يعشكي وهيامه احبها الخدامه حيدر يحيدر
يمحله خدمتك بالشواك كتبتك ويبو حسين ندبتك حيدر يحيدر
اخدم والمجالس صارتلي قدوتي
ومن الطم يكرار تعرفها لطمتي
اصرخ يا علي بصوت اقبلها خدمتي
وانه اعرف حبيبي اتسجلها وكفتي
تعرفني تعرفني من صرختي
****
علي انته اميري يشيخي وجبيري يرزقي ويخيري حيدر يحيدر
المواقف تعرفك شلتها اعله جتفك احيرن شوصفك حيدر يحيدر
بيدك من تأشر شمس الله تردها
ياليث الحرايب انته الحومه اسدها
اشكد داخل فتوحات ومحقق مجدها
خيبر والزلم ذيج يمك ما نعدها
ناديتك ناديتك من لهفتي
**
تمت
تحسين الخفاجي
محتاره اكول الله وياك مدري اكول الله وياي
لعيوني رايح تشتاك وشتاكلك راح اهواي
بويه اصبر اشلون اوياك اندفن كون
**
فاركتني وعيني دمعت وبغيابك عذبتني
عمري صاير خيط شمعه وبوداعك خلصتني
ابجي عالعشره الطويله يالابد ما زعلتني
اهواي يبست تدري روحي ليش هالكد عطشتني
يابويه شيخلص الليل واشلون انام بدونك
ما ينسكن بويه البيت لمن تغمض عيونك
هديت المتون اوياك اندفن كون
**
بله شيصبرج يروحي والزمن باك الاودهم
راحت ايام المحنه وراسي شيب من بعدهم
النامو بذيج المكابر صحت يا دنيه شيردهم
خنكت الغركان بيه والهوه الضيعته عدهم
كل ما افتحنه الباب اشتم كمت ريحتهم
ما تنمسح من البال صورتهم وذكرتهم
ذبحتني الضنون اوياك اندفن كون
***
انته كلبي ولو عفتني ايطيح مني بسرعه كلبي
امن البواجي عيوني راحت وما اشوفن حته دربي
علي بويه الدار وحشه وعيني صوب الباب تربي
انته حلمي وانته تعبي ومن عفتني انباك تعبي
زينب صحت من تروح ياهو اليحن عليها
يا حيدر امن اتحاجيك اعليك الحسن حاجيها
عميات العيون اوياك اندفن كون
***
تنجرح ويطيب جرحك بس عزيزك يبقه جرحه
ومو شرط سيف اكو واحد لمن تعوفه تذبحه
مره تلكه انسان عايش واظلم امن الليل صبحه
ومره تلكه انسان يضحك وعمره ما مرتله فرحه
هاي انه زينب ياليل وذني الكلتهن بيه
وكل مغربيه الشوغات ايسيرن يبويه عليه
بروحي انته مدفون اوياك اندفن كون
*
حسين شفته باوعالي وبدمعتي باوعتله
حسين خويه اشلونه ابونه طاب لو لا جرحه كتله
بكسرت الخاطر شبكته وعن عذابي سولفتله
كلشي بالدنيه احسبتله والهجر ما حسبتله
وي ونتي ايون حسين ويكلي راح الغالي
خل نشبع اليوم اوداع ياخويه اكعدي اكبالي
ياجرح اليهون اوياك اندفن كون
****
الدنيه دارت واحنه تدري بكلشي يابويه رضينه
جنه ملتهمين كلنه وليش هسه اطشرينه
للحسن ضليت اعاين شفته يبجي وتجري عينه
بويه عد راسك كعدنه وانه واخواني بجينه
تدري الابو من ايموت كلشي يموت بهجره
ضلينه هليله ايتام اليفكد ابو شيصبره
ما ضل بعد لون اوياك اندفن كون
****
تمت
تحسين الخفاجي
لاستشهاد أمير المؤمنين
علي عليه السلام
مومثل كل السنين. اه ياعام اربعين
طاح حماي الحميه ابطبرة الشر الخفيه
اه ياعام اربعين
★★★★★
هذا ياراس انطبر اليوم سالت يادمه
جناح جبريل انكسر تمايلت بيه السمه
اتزلزلت أرض البريه الدنياصارت مظلمه
ضجت املاك المعالي حايره ومتزاحمه
الكون بالظلمه انمله الدين طاح باكمله
اه ياعام اربعين
★★★★★
يازمن گول شجرالك أتهدم اركان الهدى
تنهي خير الدنيا رايد وخيرها توه بده
وصرت ياعام المصايب سيف وي سيف العده
وعاش مظلوم المماته. ياعلي من مولده
خذت ماتدري شخذيت. عام ياظالم اجيت
اه ياعام اربعين
★★★★★
ريت تقويمك الهجري انشلت منه وما اجيت
انطيتنه انواع الماسي وكل شي من عدنه خذيت
السمه وافلاك تبچي يلي مانحت وبجيت
زهره الدين وجماله يلخذت منه ومشيت
اجروح وي مر الزمن انكتبن وماينمحن
اه ياعام اربعين
★★★★★
شلون ياعام النوايب من صرت وتكونت
بشهر رمضان فجعتنه بهلخيانه اتعجلت
طاح تاج الدين سيفك. مهجة الحق صوبت
ماگلت ظلت يتامه لاگلت وتعذرت
النوره نور من العرش انشال ياحيف بنعش
اه ياعام اربعين
*
ليش ياعام المنايا امحظر اسيوف الخطر
مارحمت الكله رحمه بليلة التاسع عشر
تعمدت تاخذ ولينه. اه يابعد السفر
بالدمه تخضب جبينه. براسه ابوحسين انطبر
النذر للخير روحه. طعنة الغادر تلوحه
اه ياعام اربعين
الشاعر حسن لعيبي الحريشاوي
#جديد
في مصاب مولانا أمير المؤمنين عليه السلام
طور : من گطع أوصالك
بليلة قدر يابا الحسن ناوي تودعني
وابعيني أشوفك بالنعش يابويه تفجعني
واتروح يا كرار .. وابگلبي تبگه النار
___
ابليلة قدر نعشك أشوفه امن النِزل يطلع
وروحي تودعني گبل ما منك أتودع
واشما اصب اعليك بويه من دمه المدمع
ما ترجع اعليه يبويه والله ما ترجع
ترحل مثل أمي .. وأبگه أنا بهمي
____
ممدود أشوفك بالنعش تذبحني هالشوفه
وفوگ الجنازه اعمامتك يا بويه ملفوفه
اتروح وتظل اعليك روحي والله ملهوفه
وابكربله أتمنه تحضرني أو بالكوفه
واهناك أناديلك .. تحضرني ادخيلك
____
ويذبحني لو مِنِّ الدفن رديت للمنزل
خالي مچانك آيبويه وللدِليل ايسّل
وحشه يبويه واليتامه بعتبتك تسأل
وين اللي يطعمنه وعليك ادموعهم تهمل
اينادون نرحل وين .. بخلاف ابو الحسنين
____
بفگدك يتيمه يا علي أرجع أو أتحير
وجرح أمي ابفرگاك والله يالأبو يكبر
وأتحير أكثر لو تهت وَيَّه الحرم بالبر
وفوگ الرمح يابوي انظر راس ابو الأكبر
واضلوعه مسحوگه .. واخيامي محروگه
____
بليلة الوحشه أنتظر يا بويه تلفيني
تحضر إليه وعالجرى بيه تواسيني
ابلا خيمه أظلن يا علي محد اليحميني
وفوگ الترايب منذبح عباسي وحسيني
أيامي كلها امصاب .. عگبك يداحي الباب
____
تمت ببركات مولاي أمير المؤمنين عليه السلام
#فاطمة_كريم
٢٠٢٤ م
قال الحسن ع : ما اخرجك هذه الساعة وقد بقي من الليل ثلثه؟ فقال: يا حبيبي ويا قرة عيني خرجت لرؤيا رأيتها في هذه الليلة أهالتني وأزعجتني وأقلقتني، فقال له: خيرا رأيت وخيرا يكون فقصها علي، فقال عليه السلام: يا بني رأيت كأن جبرئيل عليه السلام قد نزل عن السماء على جبل أبي قبيس فتناول منه حجرين ومضى بهما إلى الكعبة وتركهما على ظهرها، وضرب أحدهما على الآخر فصارت كالرميم، ثم ذرهما في الريح، فما بقي بمكة ولا بالمدينة بيت إلا ودخله من ذلك الرماد، فقال له: يا أبت وما تأويلها؟
فقال: يا بني إن صدقت رؤياي فإن أباك مقتول، ولا يبقى بمكة حينئذ ولا بالمدينة بيت إلا ويدخله من ذلك غم ومصيبة من أجلي، فقال الحسن عليه السلام: وهل تدري متى يكون ذلك يا أبت؟ قال: يا بني إن الله يقول: " وما تدري نفس ماذا تكسب غدا وما تدري نفس بأي أرض تموت (1) " ولكن عهد إلي حبيبي رسول الله صلى الله عليه وآله أنه يكون في العشر الأواخر من شهر رمضان، يقتلني ابن ملجم المرادي، فقلت له:
يا أبتاه، إذا علمت منه ذلك فاقتله، قال: يا بني لا يجوز القصاص إلا بعد الجناية والجناية لم تحصل منه، يا بني لو اجتمع الثقلان الإنس والجن على أن يدفعوا ذلك لما قدروا، يا بني ارجع إلى فراشك، فقال الحسن عليه السلام: يا أبتاه أريد أمضي معك إلى موضع صلاتك، فقال له: أقسمت بحقي عليك إلا ما رجعت إلى فراشك لئلا يتنغص عليك نومك، ولا تعصني في ذلك، قال: فرجع الحسن عليه السلام فوجد أخته أم كلثوم قائمة خلف الباب تنتظره، فدخل فأخبرها بذلك، وجلسا يتحادثان وهما محزونان حتى غلب عليهما النعاس، فقاما ودخلا إلى فراشهما وناما.
قال أبو مخنف وغيره: وسار أمير المؤمنين عليه السلام حتى دخل المسجد، والقناديل قد خمد ضوؤها، فصلى في المسجد ورده وعقب ساعة، ثم إنه قام وصلى ركعتين، ثم علا المئذنة ووضع سبابتيه في أذنيه وتنحنح ثم أذن وكان عليه السلام إذا أذن لم يبق في بلدة الكوفة بيت إلا اخترقه صوته.
ص ٢٧٩
بحار الانوار جزء ٤٢
الرواية التي كتب عليها الموشح
حلم شفته يدل على استشهادي
اكد الوعد الوعدني الهادي
....
عليه من النوم فد لحضه نزل
شفت جبريل لسمه الأولى وصل
گام يضرب حجرين اعلى الجبل
والحزن شفته انتشر بالوادي
...
رؤيا هذا الحلم معناها الرحيل
واعرف على اولادي هالواقع ثگيل
وچنه گلبي رايح يلاگي الخليل
فاطمة اقبل يحيد اتنادي
...
انا قطب الفلك بچفوفي يدور
على مصابي كون شاء الله الغفور
الكون يتفتت رماد اعلى البخور
وهذا عد الله اقل من عادي
...
خلي ينزف هامي نزف الحق شرف
امسَلم لموتي ولا رفلي طـرف
الطبرني يدري يا ذنب اقترف
وانا واحد شرفت اجدادي
...
وهالعين الي الدراهم غرته
يدري طابر بيده آية هل أتى
ضرب ( اشقى الأخرين) الـ ( لافته )
ومادره بهاي الجريره شبادي
...
بده من هالحظه ملحمة الضمه
وروح باچر ْمن السم متألمه
امتداد لكسر اضلع فاطمة
ونهاية بيها موت اولادي
حسن ميثاق الربيعي
تخميس لأبيات من قصيدة الشاعر الخالد أمير الشعراء عبدالامير الفتلاوي رضوان الله عليه
مابگه لزينب بعد من حيلها
ركض متواصل نهار وليلها
نادتك ما تنتفض لعويلها
گوم يا حيدر يحامي إدخيلها
دارت إعله إبنك زلمها وخيلها
—-
عطش لاهب منه الگلوب إنچوت
ورايتك يا با الحسن بالطف هوت
إسياط خصمك فوگ المتون إلتوت
احتوت بـالطف يـا عـلي كـلها احتوت
هـاي عــرصـة كــربـلا او تـفـصـيلها
- أبو زينب علي الظالمي
العيد اجاني وعيني عالباب
والاودهم جوه التراب
عاتبت وشفاد العتاب يبويه
**
باجر عيد والوادم تعيد اتريد
اعيد اشلون كلولي وابوي بعيد
اعزازي نامو بالمكابر وروحي حنت للاودهم
ارد اكلهم عن عذابي اسنيني ضاعت من بعدهم
كافي خلص كلبي لجمات
والدمع ميرجع المات
الدنيه بعدتنه حرامات يبويه
**
هنيال الابوها عايش وياها
الما عدها ابو مهظومه تلكاها
بويه وينك ارد اشوفك يالحنانك فاركيته
البيت وحشه وظلمه عكبك وانه وجهك ما نسيته
يا وسف حلوين الاطباع
راحو وظمتهم الكاع
يحرك الخد دمع الوداع يبويه
****
عليك ابجي وعميت امن البجي عيوني
ويبويه وياك اريدنهم يدفنوني
انته روحي وانته عمري يالعشرتك احله عشره
ليش يرحل كلشي مني وبس ضحكتك تبقه ذكره
من اون اعله البعيدين
الطير اطيحنه امن الونين
امساهره وما تغمض العين يبويه
*
امن ايروح الابو تتيتم عياله
علي بويه بغيابك حالتي حاله
انه زينب يالعفتني الموت ارحم من حياتي
عايشه المن كلي بويه ومني راحت امنياتي
الشوفتك تدريني حنيت
بفركتك ما ينطب البيت
بحزني لمجانك تعنيت يبويه
**
كبل نفطر سوه برمضان كل ليله
الما عنده ابو محد يتجيله
بهذا رمضان افتقدتك ونتظرتك يمته ترجع
السفره امدها والمدامع فوك خدي جمره تطلع
بويه جان اشمحله رمضان
بشهر يلتمون الاخوان
هالسنه مضيعين الاحنان يبويه
*
باجر عيد وانه دموعي وسط العين
وعاين للحسن يبجي ويصبر حسين
انته تدري الابو خيمه ومنك احنه تيتمينه
بينه جرحك بعده ينزف وفوك كبرك بويه اجينه
ايست ما يرجع الراح
كلبي احس يم الكبر طاح
يمته يخلص عمري ورتاح يبويه
**
تمت
تحسين الخفاجي
حان الرحيل يبني الكفيل
يوليدي يالقمر 2.
*
يالقمر يبني وداعاً حان الوداع
يبني اگرب لیه اشمک و اَنسی الاوجاع
بویه احضنّي گبل لا اَحضِن الگاع
راح تحضني المنيه و ارحل ابساع
طعم الاجل شبه العسل
لو غَمُّض النظر
حان الرحيل يبني الكفيل
يوليدي يالقمر 2.
*
یبني كفكف دمعك البالدم مسيله
هاي بيدك امّنت چف العقیله
رایدک تکفلهه یا لیث القبیله
ما کو غیرک یا بوفاضل تنتخیله
انت الکفو نعم الاخو
یا فارس المضر
حان الرحيل يبني الكفيل
يوليدي يالقمر 2.
*
وجهی اصفر و الدمه من راسی جاری
دمعک السایل لچن ماخذ قراری
خلی ایدک بیدی یا کل اعتباری
لمسة چفوفک تطفی ابگلبی ناری
هذی الچفوف. یوم الطفوف
یهون عله النهر
حان الرحيل يبني الكفيل
يوليدي يالقمر 2.
*
یبني اغسل دم جروحي ابماي جودك
ناوي اشتم كربله ابريحة زنودك
بويه حين ابجربتک تسقي ورودک
عنّي قبّلهه رقيه بكل وجودك
بكل احترام. بلّغ سلام
لبنيتي يالفخر
حان الرحيل يبني الكفيل
يوليدي يالقمر 2.
*
يبني زينب هيه ناموس الله هيّه
تعتني بكفالتك للغاضريه
كون من تمشي عقيلتنه الشفيه
تفرشلهه اعيونك ابرسم الهديه
ضحّي الايدين. لخت الحسين
لو راسك انطبر
حان الرحيل يبني الكفيل
يوليدي يالقمر 2.
*
خادم خدمة الحسين عليه السلام
ناصرآلبوعبید
---
(شور)
حاچيني بويه) انه زينب وين اروح
حاچيني بويه) بعد مــــا بيــه انوح
فكلي عينك تدري شگد انه حبك
يـــاحنين عله الفقير شكبر گلبك
راح مــوت ابدونك
فكلي بويه عيونك
ادري ماترتاح لو دمعي يسيل
غيرت الله حملت صوب الجليل
بويه ردلي ياعلي بويه
...............................................
روحي اسيره) امحنتك محتاره حيل
روحي اسيره) افراگ حسنه طويل
رايح البيده عله كل مضلوم وزع
راح صنديد المعارك هو النزع
شنهي خاطف لونك
بويه گــــــلي شلونك
أبابنه صارت يتامه واهذا ليل
مگابلين الباب كلهم بل عويل
بويه ردلي ياعلي بويه
................................................
وصلت صلاتك) گبل لاتطلع شمس
وصلت صلاتك) گوم صلي مثل امس
چان كل اذان ما شوفك اگبالي
الجرح ينزف بويه عذب حالي
رايد اولادك يجونك
همه ايدك همه عونك
ابد ماحتاجل ابيلك دليل
نته عارف بيهم ونته كفيل
بويه ردلي ياعلي بويه
.......................................................
منين اجتك) هاي مايحملها گلبي
منين اجتك) تيهت يابوي دربي
گمت اعثر من اگوم اگبالك
حيل عذبني منشاهد حالك
مالي ضله ابدونك
عني وي يشيلونك
اوبعد ماسمع مثل صونك جميل
ياكريم امعزب اومالك مثيل
بويه ردلي ياعلي بويه
..................................................................
نضره منك.) صوبي ودموعك جرن
نضره منك.) جدامي شوف اتعثرن
ليش تنضرلي وتصب اعيونك
لان تدري ماأ عيش ابدونك
تبجي وانه اعيوني
تجري لتلوموني
انته رايح وانه روحي من العذاب
هيج صارت روحي بعدك كالسراب
بويه ردلي ياعلي بويه
.....................................................
ابو ماجد الشغانبي
قصيدة واعلياً
محمد باقر أحمد جابر
ضَجَّتِ الأملاكُ مِنْ هولِ المصابِ
حينَ خَرَّ المرتضى فوقَ التُّرابِ
واعليًّا.. واعليًّا.. واعليًّا
🏴🏴🏴🏴🏴
ليتَ شعري أيُّ حزنٍ يعتريني
وغزيرُ الدمعِ يجري من عيوني
وشفيفُ الوجْدِ يهمي من شجوني
ضجَّ قلبي، إنّه يوم الأنينِ
ونداءُ الروحِ ينسابُ شجيّا
واعليّاً واعليّاً واعليّا
🏴🏴🏴🏴🏴
أيُّ جُرْحٍ نازِفٍ من كُلِّ عينِ
أيُّ صوتٍ هاتفٍ في الخافقينِ
ويلُ مَنْ قدْ تاهَ في حقدٍ وَشَيْنِ
هيّجَ الأحزانَ في قلبِ الحُسينِ
قائماً في الدارِ يبكيهِ خفيّا
واعليّاً واعليّاً واعليّا
🏴🏴🏴🏴🏴
ضربوهُ وهْوَ في حالِ السجودِ
هذه واللهِ أفعالُ اليهودِ
لا يخاف الليثُ من كيدِ الحديدِ
وينادي: فُزْتُ والربِّ المجيدِ
ضربوا من كان لله سَمِيّا
واعليّاً واعليّاً واعليّا
🏴🏴🏴🏴🏴
أحرقوا داراً بها نورُ الرؤوفِ
جرّعوا الزهراءَ كاساتِ الحتوفِ
تشتكي من حالةِ الضّلع الشريفِ
مهّدوا للغدْرِ في يوم الطفوفِ
خلْفَ بابِ الدارِ قدْ نادتْ عَليَّا
واعليّاً واعليّاً واعليّا
🏴🏴🏴🏴🏴
دفنوا مولى البرايا في الغريِّ
فحباهُ اللهُ مِنْ مجْدِ الوصيِّ
صارَ حجُّ الناسِ للصرْحِ العليِّ
ونداءٌ : بعليٍّ بعليِّ
يا إلهي إرحمِ العبْدَ الشقيَّا
واعليّاً واعليّاً واعليّا
🏴🏴🏴🏴🏴
يا وليَّ الله يا نورَ الرشادِ
إنّني أهواكَ يا خيْرَ العِبادِ
حيدريٌّ أمتطي خيلَ الجهادِ
رافضيٌّ وأُباهي باعتقادي
وأُنادي, أبَدَ الدهْرِ,أبِيّا
واعليّاً واعليّاً واعليّا
🏴🏴🏴🏴🏴
سيّدي يا رحمةَ اللهِ أتينا
لأمير الخلْقِ حُباً قد هدينا
وولاءً , وعلى النهجِ مشينا
لا نُبالي بمماتٍ , وأبينا
أنْ نُوالي غير ذاكَ الهاشميّا
واعليّاً واعليّاً واعليّا
🏴🏴🏴🏴🏴
الشاعر محمد باقر أحمد جابر (العاملي)
انجتل قرأن ياحيدر بجتلك
وزينب يا علي الليلة بجتلك
المن دمعة عيونك بجتلك
اكيد البنتك الراحت سبيه
........
الشاعر
اياد الفرح المهدوي
☘لاستشهاد الامام علي ع ☘
المستهل والنص
موشح محذوف
فاعلاتن فاعلاتن فاعلن
حماسيه//نهاية المجلس
وسفه هليوم الولي مترادي
زينب تون والدمع ظل بادي
طاح مطبور ويون مولانه
مايگوم الحید ظل بمچانه
وشيعته لجله تون حزنانه
اليوم حزنانه الارض وسمانه
من طبرته وجهه اصفر غادي
✍☘ام فراس الساعدي ☘
───⊱◈◈◈⊰───
وجهه اصفر غده من سيل الدمه
ع السجاده وگع حامي الحمه
وين عنه اليوم راحت فاطمه
هم درت بيه الحبيب اشسادي
✍️ام علي المالكي
───⊱◈◈◈⊰───
───⊱◈◈◈⊰───
وين فاطم مااجت وحضرته
وشافت الوالي غميجه طبرته
اتطيح بالمحراب ليش عمامته
وهي موروث الحبيب الهادي
✍️ام صادق المنصوري
───⊱◈◈◈⊰───
بطبرة الكرار دلالي انطبر
ريت ميته ولاسمعت بهالخبر
تبجي الاملاك والنايح كثر
عجت ترابه ومطر بالوادي
✍ام اسعد الشمري
───⊱◈◈◈⊰───
ترابه عجت لجله واسود الفضى
اليوم مترادي علي المرتضى
بسيف مسموم الولي وسفه قضى
املاك عرش الباري لجله تنادي
📚🖌️ام زهراء
───⊱◈◈◈⊰───
#تمت باقلام شاعرات رابطة خادمات سيد الشهداء"ع"
☘قصيده للامام علي ع ☘
في ليلة الواحد وعشرين
لسان حال المعزيات👉
الوزن // فائزي من بحر الرجز
مستفعلن مستفعلن مستفعلاتن
وين التعازيني وتجي تتگابل وياي
نتحزم حزام العلي والطبرته اعداي
مترادي هليله علي بهاي المسيه
ويلوج من كثر الوجع سوده عليه
ياحيف ماينفع دوه الحامي الحميه
كلنه نواسي ام الحسن بالفاجعه هاي
نتحزم احزام العلي والطبرته اعداي
✍☘ام فراس الساعدي ☘
🏴🏴🏴🏴🏴
طبرته وصلت للعظم والسيف مسموم
وعيونه سهرانه علي ماشايف النوم
شيبه ولحيته امخضبه من فيض الدموم
صايم وطبرو هامته ماضايگ الماي
نتحزم احزام العلي والطبرته اعداي
✍ام مرتضى الخزرجي
🏴🏴🏴🏴🏴
ياوسفه هليله علي يودعها دنياه
وشلون اولاده تضل ويلي بلياه
وايتامه اتحن وتون للدوم تنعاه
لو بيدنه نفدي العمروالراح والجاي
نتحزم احزام العلي والطبرته اعداي
✍🏻ام سجاد الشهيد
🏴🏴🏴🏴🏴
مصيوب مولانه علي و حاله تراده
هاليوم وصه اوصيته وجامع اولاده
ودموعها عالخد جرن عمت الساده
يعين گلب ام الخدر بالفاجعه هاي
نتحزم احزام العلي والطبرته اعداي
✍️ ام مهدي الفرطوسيه
🏴🏴🏴🏴🏴
هاي مصيبه ماجرت الله اكبر
ضلّت العيله معوله بعبره اتحسر
الابو خيمه ياخلك وافراكه مخسر
لوراح يعني ينگشع ياوادم فياي
نتحزم احزام العلي والطبرته اعداي~
يعين الله كلب ام الحزن فكدت وليها
خيمتها طاحت للاسف لتفي عليها
مكتوب اظن ليها الدمع دوم وبجيها
من المصايب والقهر يكليبها لاي
نتحزم احزام العلي والطبرته اعداي
✍🏻ام عباس السكيني~~~
تمت باقلام رابطة شاعرات الچفوف السخيه
☘قصيده للامام علي ع ☘
في ليلة الواحد وعشرين
لسان حال الشاعر👉
الوزن // فائزي من بحر الرجز
مستفعلن مستفعلن مستفعلاتن
وين التعازيني وتجي تتگابل وياي
مطبور مولانه علي والطبرته اعداي
مترادي هليله علي بهاي المسيه
ويلوج من كثر الوجع سوده عليه
ياحيف ماينفع دوه وانه شبديه
جينه نواسي ام الحسن بالفاجعه هاي
وين التعازيني وتجي تتگابل وياي
✍☘ام فراس الساعدي ☘
🏴🏴🏴🏴🏴
طبرته وصلت للعظم والسيف مسموم
وعيونه سهرانه علي ماشايف النوم
شيبه ولحيته امخضبه من فيض الدموم
صايم وطبرو هامته ماضايگ الماي
وين التعازيني تجي تتكابل اوياي
✍ام مرتضى الخزرجي
🏴🏴🏴🏴🏴
ياوسفه هليله علي يودعها دنياه
وشلون اولاده تضل ويلي بلياه
وايتامه اتحن وتون للدوم تنعاه
لو بيدي انذرله العمر تفداه عيناي
وين التعازيي تجي تتكابل وياي
✍🏻ام سجاد الشهيد
🏴🏴🏴🏴🏴
مصيوب مولانه علي و حاله تراده
هاليوم وصه اوصيته وجامع اولاده
وتدموعهه عالخد جرن عمت الساده
يعين الگلب ام الخدر بالفاجعه هاي
وين التعازيني وتجي تتگابل اوياي
✍️ ام مهدي الفرطوسيه
🏴🏴🏴🏴🏴
تمت باقلام شاعرات رابطة الجفوف السخيه ع
#واعلياه~ صرخة زينب واعلياه ~ حين ودعها امير المؤمنين ع \لحن قلب امك. يبني مفتت للشيخ الجفيري
تودّع زينب ابوها الغالي~
راح الصنديد راح الوالي~
الليله حيدر ودّع أهله~
نوره من محرابه خالي~
بويه بويه بويه بويه²
〰️〰️〰️〰️〰️
ما اگدر انظر بويه الطبره~
تسكن لحدك وانه بحسره~
لا تودّعني يا بو الحسنين
لا ما تنشف هاي العبره~
بويه بويه بويه بويه²
〰️〰️〰️〰️〰️
خادمة آل محمد ✍🏻
لحن حمزه سدو الماي الماي
لا تظن يوم انساك يالرحت عني
انه زينب يا علي. اعليه يصعب فركاك. يالرحت عني
***
بويه دلالي انفطر. والدمع همال. ما حاجيني
ذبل جفني امن السهر. والمعاتب طال. وناري تجويني
انته بالشده ضفر وحلمي والامال. وشمعة اسنيني
سالت العين العين. وطول ونيني
يا علي شصبر بعد. ونهدم بيت السعد
بويه كلبي ناداك. يالرحت عني
****
لا تودعني صحت. والفكر محتار يا عمد بيتي
كمت جم مره وطحت. اشبيها ضل الدار خابت امنيتي
وحدي بالباب اكعدت. ونشد اعله الصار. شوف حنيتي
بين براسي الشيب. وهمي كاتلني
ليش فركنه الدهر. ضهري يابويه نكسر
لا تفاركنه ارجاك يالرحت عني
**
كلي شيظمد الجرح. يا حلم دنياي مو وكت فركه
جفوفي يا وجه الصبح. هالمسيه اهواي. احتاجت الملكه
الدنيه ما بيها ربح. وانته تدري بهاي اعتب بحركه
عكبك انهد الحيل. ونعمن ذني
من تسافر يا علي
بعد جا ياهو الآلي
وصاب كلبي الصاباك. يالرحت عني
**
امشي واعثر بالجدم. واليتامه تنوح. الفركه تاذيها
الفقره حست باليتم وياهو من تروح. يمسح عليها
انته حلمي والحلم. حوليته جروح. وروحي ما بيها
جلجل الليل الليل. وهنه مرني
والمصايب من تمر. بويه تعصرني عصر
راحت الضحكه وياك. يالرحت عني
***
تدري كلبي يا علي. انكطع سباحه. شاهد الطبره
اقره صرت بمنزلي. طور النياحه. حيل منكسره
همي ما ظن ينجلي. راحت الراحه. والعمر فتره
بعدك انه الأيام. ما يرحمني
اشلون بيه بكربله
من احير بعايله
بحبل تجتفني اعداك. يالرحت عني
**
تمت
تحسين الخفاجي
قصيدة فاتحة علي ع•••♕
نزال حزن
علي مات وناصبيله الفاتحه
بدار حيدر بس ثغيب ونايحه
•••••••••••••••••••••••••••••••••••••••••••••••
وال هاشم كلهه مكسوره الظهر
بالحزن والنوح ودموعه وقهر
وسفه طايح علي بن فارس مضر
والنواضر بالحزن متصابحه
•••••••••••••••••••••••••••••••••••••••••••••••
نزلت املاك السمه تواسي بحزن
طاح حامي الجار وعياله تون
بموته گلب الحسن بالهم يمتحن
راح شيخ الكون والچف لايحه
•••••••••••••••••••••••••••••••••••••••••••••••
كلشي حزنان بغدر حامي الحمه
والنبي سوه العزه وي فاطمه
وروح زينب على ابوهه امهدمه
مصاب حيدر گلب زينب جارحه
•••••••••••••••••••••••••••••••••••••••••••••••
والمدينه ظلمت عگب الضوه
طاح راعيهه وحزن هب الهوه
وراس حيدر مالگوله كل دوه
مثل ظلع الزهره ظل البارحه
•••••••••••••••••••••••••••••••••••••••••••••••
علي أبو الاايتام عاف ايتامه
وبالگبر مطروح شيخ زلامه
ولده ظلت بالحزن محتامه
والكسر بين عليهم واضحة
•••••••••••••••••••••••••••••••••••••••••••••••
لتمت اولااده علي بحزن وثقيب
فوگ گبره ظلت بااه ونحيب
والحبيب الراح فاگدله حبيب
طاح حيدر والهواشم طايحه
•••••••••••••••••••••••••••••••••••••••••••••••
خادم الحسين ع
مهند العايدي
تمت بفضل الله وال محمد ع
نسالكم الدعاء//1446ه
تجليبه
لامير المؤمنين عليه السلام
مفجوعه الهواشم تنعى واليها
وابليلة قدر شايل يا راعيها
مفجوعه الهواشم ياعلي الليله
تنعاك ودمعها تجري واتسيله
مشدوهه اليتامى وفزعت اتشيله
فطّر كل قلب هالليله ناعيها
فطرت القلب هالليله يالوالي
مهضومه العقيله وتنخه يالغالي
وادموع الالم بعيونها اتلالي
اتناديلك يبوها لا تخليها
اتناديلك يخيمة عزي او ذخري
بعدك شنهو يحصل ياعلي تدري
تتوالى الرزايا وبالحزن عمري
أگضیه بدمع واعيوني أعميها
يامدلل بناتك كافي عوفه النوم
يتباجن عفتهم انهض الهن گوم
ماشافن حنانك تدري من كم يوم
وانوار عليهن حزن غاشيها
يمداوي الگلب يا بلسم المجروح
اشلون ابهالمسيه يا علينه اتروح
وتدري اوياك بويه الروح والله اتروح
وبعد يا علي منهو اليداويها
يا خيمة الضايع وين بعدك وين
يلوذون اليتامه يا أبو الحسنين
ما ينشف دمعهم ياعلي امن العين
بعدك تنفجع واليتم ياذيها
ياجنة هوانه ياابو الايتام
شيحمله الفراگ اشلون عنا اتنام
فطرهم دموعك تدري شهر اصيام
واشلون ابحزنها علي تجفيها
———-
بقلم
فاطمه كريم وبنت الشمري
٢٠٢٤
#جديد
استشهاد مولانا أمير المؤمنين عليه السلام
طور : من يغيبون ؛ محمود أسيري
.
.
رايح بالسلامه .. يا كهف اليتامه .. يحيدر آيبويه
بگبرك يا علي اتغيب .. وگلبي ابفگدك ايشيب .. يحيدر آيبويه
والبلنجف يغفون .. لينه ما يردون
___
اشما جِرَح گلبي الزمن چنت إنته حضني
راسي أخليه اعله صدرك وأبث حزني
دمعاتي تمسحها وتزيل الحزن عني
آ يبويه وهالمسيه اتروح مني !!
اتغمضها لعيون .. يا حيدر اشلون .. اتخليني وحدي بهالعمر
يا بو المَحنّه .. اتودعنه كلنه .. وأرجع يتيمه وأنكسر
آيا غيابك .. يجرح مصابك
يعني ليّه مَتعود .. الليله يعني مفگود
چبیره آ یبونه
واتروح امن اديه .. يا حامي الحميه
جمالك يِدفنونه
تنزف ليك الإعيون
لينه ما يردون
____
بويه بغلاة الغاليه أمي الزچیه
اتقاسم اوياك الجرح خلني المسيه
واتگوم سالم والأجل يندار ليّه
بس لا تودعني يحماي الحميه
مَگدر بلیّاك .. يذبحني فرگاك .. يا بويه صعبه تبتعد
واتشوفك العين .. رايح يبو حسين .. وغايب جمالك باللحد
وأعظم رزيه .. مَترد إليه
واسمع ويلي إبآه .. تصرخ واعلياه .. اليِشيلون الجنازه
يعني نرجع أيتام .. ابحضنك بعد مَننام .. وعازتنه والله عازه
وآنه ابحالتي اشلون
لينه ما يردون
___
بويه بأمان الله علي يا شمعة العين
بعدك أنا اگضي العمر آهات واونين
أصبر على أحزاني لچن ردتك يبو حسين
لو صاروا إخواني على الغبره مطاعين
إهناك أريدك .. إتلمني بيدك .. وتمسح دمع عيني اليصب
حرمه ويتيمه .. وما عندي خيمه .. وكل إخوتي فوگ الترب
وعباسي مطروح .. واحسيني مذبوح
يا حامي دخيله .. أركب عالهزيله .. ويِمَشِّونه سبايا
وأرجع بالرزيه .. للكوفه سبيه ! .. وروس إخوتي هدايا
فوگ الرمح يمشون
لينه ما يردون
___
تمت ببركات المولى أمير المؤمنين عليه السلام
#فاطمة_كريم
٢٠٢٤ م
دليلي احتار خويه احسين... وجهه
اشو والدي اصفر صار ... وجهه ؟؟؟
ساكت ما يون واحشاي .. وجهه
اويه جيت العيد يگطع ليش بيه ....
لِون گلبي جبل چا خر ... من الهم
من شفت الدمه ينزف .... من الهام
اليتامه من عکب عينك ... من الهم ؟
او منو الزينب يحماي الحميه .....
غدر الدهر كل ليله .... يجي ابلون
الحسن واحسين والدنه ... يجَبلون
الي امدنگين كل ساعه .. يجبلون
يزينب ايسي منه او هايهيه ....
ابو فاطمه الطائي
هاي الارض اقدس ارض بيها حامي حمانه
هاي النجف والكل هتف للحشر عدنه امانه
***
اشما كصت دنيانه للنجف مأوانه علي يتلكانه والشدد يكظيها
هالارض معروفه بيها ليث الكوفه رتلينه حروفه وكبته نصد ليها
علي كل الاوصياء تعرف مزاره
ادم ونوح النبي صارو جواره
نكهة الجنه علي وباب الحياره
وكاع المجد ولد الولد نرخصلها دمانه
هاي النجف والكل هتف للحشر عدنه امانه
**
بس علي سواها والشمس رداها رايته اشمحلاها بكل بلد مرفوعه
علي اعظم قائد وانطه دمه وزايد علي ما متوارد يختلف موضوعه
علي كعبة حبنه وشراع السفينه
دورينه وغير حيدر ما لكينه
ما نعوفه والنجف تشهد علينه
هالمعتقد من المهد وعالصبر علمانه
هاي النجف والكل هتف للحشر عدنه امانه
*
علي الانسانه ومشعل الحريه الدنيه عنده اشويه كلها متغريني
حيدر الله اختاره وما عرفنه اسراره واشهد بفقاره هوه ثبت ديني
الما يحب حيدر نقص تلكه بضميره
علي ابن عم النبي وشيخ العشيره
وهوه بس الشيعي تلكه براسه غيره
والمارضو وتهجمو ذوله اساس الخيانه
هاي النجف والكل هتف للحشر عدنه امانه
*
بالنجف نتباها تختلف شفناها كاعها اشمحلاها بيها ريحة حيدر
من تطب ديرتها تنسر بشوفتها طاهره تربتها النجف ما تتكرر
علي بيها والشمس من عدها تطلع
واليطب الحضرته مرتاح يطلع
هيه لصحاب الفكر والعلم منبع
صنعت زلم اتنكط علم حافظة عالديانه
هاي النجف والكل هتف للحشر عدنه امانه
***
الله من اعلينه حب علي منطينه باجر ينجينه ونشرب امن الكوثر
علي يسطع نوره والاملاك تزوره الروح اله منذوره هذا قالع خيبر
حاضر الشد علي ويكضي الكلايف
ومن نسولف بعلي تحله السوالف
باب خيبر من علي لليوم خايف
وكت الحرب ما ينغلب بيده شايل لوانه
هاي النجف والكل هتف للحشر عدنه امانه
**
تمت
تحسين الخفاجي
استشهاد الامام علي ع
غمضها العيون .. يدرون . بيه كل هلي
لا ينشغل بال .. كفال . لختي يا علي
شالت كفاله امتوني
زينب تره بعيوني
يبو الحمله يضرغام يبو الحمله يضرغام
****
اصد بويه الجروحك .. ألم تارسها روحك
يحدر والحزن إمخيم اعليك
عله الحره اشوفك .. تئومي لن چفوفك
بأختي منشغل يا علي ادريك
علامه ايهل دمع
سهل هذا الوضع
انه الكافل بعد عينك تراني
نشم مثلك تره
كفيل الهل مره
احاميها بچفوفي وبحناني
هدّيها الجروح .. والروح . ختنام ابرغد
اوليدك واحاچيك .. انطيك . ياحيدر وعد
من هسه تبدي افنوني
زينب تره بعيوني
يبو الحمله يضرغام يبو الحمله يضرغام
****
وحگ جرحك يغالي .. تره سيفك حِلالي
اريدك تطمئن چفيني گدها
انه سبع الملاحم .. اعرفن طفي قادم
زينب بالحفظ حيرتها اسدها
صراع اويه الصبر
بديت انه انتظر
اريدن هسه ابدي بانتقامي
وحگك يا فرض
اريد اطوي الارض
وهد الدنيا بسمك يا امامي
اتصبر اشلون .. محزون . گلبي الحالتك
انظر للرسوم .. ودموم . صبغت شيبتك
هاي الاخت مضموني
زينب تره بعيوني
يبو الحمله يضرغام يبو الحمله يضرغام
****
انه ادروبي دروبك .. اعيدن كل حروبك
قسم يا والدي بنتك متنهان
خلقني الباري الها .. منو اليگدر يذلها
عله الگاع السمه اطبگها لهفان
انه ابگد الدهر
يتانيني النهر
يبويه اعله الشريعه خيبر اتعود
ادفننه الضمه
لجل بت فاطمه
مو بس عيني راح انطيها الزنود
ميعادي مكتوب .. منصوب . يم المشرعه
بايسلي الچفوف .. الطفوف . تصبح واقعه
حاشه ايتغيّر لوني
زينب تره بعيوني
يبو الحمله يضرغام يبو الحمله يضرغام
****
يبويه اسمع ونينك .. بدت تعرگ جبينك
تألِم حالتك وبعينك الموت
بده اوداعك انه ادري .. طفح غيظ اعله صدري
خلص ماي العمر واتخافت الصوت
يذباح الزلم
تودعنه حلم
مچانك محد ايعوضه يكرار
ولكن يالولي
صبح دورك الي
يمن للطف نطيت الأمي اسرار
گلتلها نبراس .. عباس . كفال الاهل
مرهون اله السيف .. والحيف . لچفوفه انتقل
بفعالك ايشبهوني
زينب تره بعيوني
يبو الحمله يضرغام يبو الحمله يضرغام
****
گبل هل رحله اريدك .. يحيدر ترفع ايدك
وتحط چف زينبك بويه اعله ايدي
دگل زينب عليه .. الگمر غيره وحميه
ابو فاضل شهم والكلفه عيدي
يواريك الترب
وان أب انگلب
اخو زينب انه وآنه ابوها
جمر صدري انترس
لحد آخر نفس
ابطفوفي لا تظن ايسلبوها
انطيها هل عين .. وحسين . يشهدلي تره
بالجنه الاگيك .. وانطيك. تفصيل الجره
كلي دمه تلگوني
زينب تره بعيوني
يبو الحمله يضرغام يبو الحمله يضرغام
****
الشاعر اياد الديراوي
يابيت الكرم والطيب حاچيني
اواسيك اعله حيدر لو تواسيني
**
يابيت الكرامه راح والدنه
باالدنيا بعد گلي اشبقه عدنه
بحضان الابونگضي العمر ردنه
فراگ الوالد بها اليوم ياذيني
**
يبيت العز بعد خل تبچي حيطانك
صفن يتشابهن أحزاني واحزانك
بعد ياهو اليجي ويچهبها بيبانك
نار اوداع ابو الحسينين تچويني
**
بعد راح الابو والوحشه حاطتني
ليلة واحد وعشرين بچتني
بشهر رمضان ليش الدنيا فجعتني
ويتيمه انه اصبحت من اول اسنيني
**
اعيش بذكرياته التارسه بالي
الابو ماگول غالي اغلى من غالي
يابيت الصميده ابچي على حالي
ويه جسمه الطاهر تمنيت تچفيني
**
اعز إنسان نعشه گبالي هاالشفته
ابو البيت اذا راح شحال عايلته
من يرحل ترى يكسرگلب بنته
اليالي شما تمرني ما تنسيني
**
اجاني العيد وأنه بعيني الف دمعه
ومكان العيد امبارك صرت انعه
بعد ذاك الزمن هيهات شيرجعه
عطشته وذكرياته ماترويني
**
سعد العبودي
نعي عن لسان السيدة زينب على فكد ابوها
.
.
شلون زينب هم بعد ضل بيها لون
حشمت خوانها ودم تجري لعيون
بوجه زينب يا خلك مضلم الكون
الله يساعدج يا زينب ام عون
.
.
شلون زينب من اجه ليها الخبر
تلطم اعله الراس والمدمع حمر
و ضلت امن تكوم بالثوب تعثر
عيونها شافت صدك نجم الضهر
.
.
شلون زينب هسه كلي شلونها
و هيه. تدري رايح يسلبونها
مو دمع من دم تسيل عيونها
وهايه زينب بت علي تدرونها
.
.
شلون حال ام الخدر من اسمعت
فطرت كلب الزجيه من نعت
حشمت لحسين اخوها ودمعت
الما درت بفراك ابوها و حسبت
.
.
اشلون بت حيدر علي تتيتمين
انتي اخت عباس ابو كلب الحنين
بالمصاب وياج سيد المرسلين
زينب تكضي العمر بس بالونين
.
.
علي رايح يداحي الباب لاوين
رحيلك بيه عشره اضلوع لاوين
عزيزك من سمع هل خبر لون
وجهه و بانت الخله و رزيه
.
.
حسن صالح العيساوي
قد هدمت والله أركان الهدى
محمد باقر أحمد جابر
ماذا جرى للكون؟ ما هذا الصدى؟
فلقد علا في كوفةٍ صوتُ الردى
في ليلةٍ ليلاءَ .. شؤمٌ قد بدا
هذا ملاك الوحيِ حُزناً ردّدا
وملائكُ الرحمنِ تبكي السيّدا
قد هُدِّمَت والله أركان الهدى
يا أيُّها الأيتامُ .. قد جار الزمن
قد أُدمِيَ التَّحنانُ واغتيلَ الوطن
فلتحملوا للدارِ كاساتِ اللبن
فالسيفُ قد أدمى جبينَ أبي الحسن
والرأسُ مطبورٌ بسيفٍ عربدا
قد هُدِّمَت والله أركان الهدى
جاؤوا إليه والقلوبُ بها الشجى
من أنتمُ؟ إنّا يتامى ذي الرجا
جئنا أبانا حيدراً نورَ الدُّجى
حتّى نواسيه بليلٍ قد سجى
فحياتُنا إمّا يغب عنّا سُدى
قد هُدِّمَت والله أركان الهدى
ذا (أصبغٌ) يبكي كما الطفلُ الصغير
فإمامهُ من ضربةٍ كم يستجير
نادى: على الدنيا العفى بعد الأمير
عمري بُعيدَ فراقِهِ مُرٌّ مرير
بالسيف قد قطعوا شرايين الندى
قد هُدِّمَت والله أركان الهدى
في الدارِ زينبُ كم تناجي المصطفى
جدّي لكَ الشكوى إذِ انعدمَ الوفا
عصروا لنا الزهراءَ والأنسُ اختفى
واليومَ غدرُ القومِ منا ما اكتفى
فالسيفُ في رأسِ الولايةِ أُغمِدا
قد هُدِّمَت والله أركان الهدى
وعلا البُكاءُ المرُّ من شيخٍ كسير
إنّي ضعيفُ الجسمِ.. مُحتاج.. ضريرْ
مرتْ ليالٍ لم أجدْ فيها السمير
قالوا: أما أحسستْ بالأمرِ الخطيرْ
ماذا جرى؟ مولاكَ مطبوراً غدا
قد هُدِّمَت والله أركان الهدى
......................
الشاعر محمد باقر أحمد جابر (العاملي)
طيور الوز خذن نوحي وناحن
ومثلك ماشفت بويه وناحن
احس كلبك يحن ليه وناحن
وداعك جن وداع امي اليه
………..
وداعك كل هضم بينه ولمنه
ومصابك حيل اذانه ولمنه
يبويه دموم نبجيلك ولمنه بجينه عيون عالشبعت اذيه
……….
بجينه عيون واحدنه يتمنه
يموت ولا يجي بويه يتمنه
بجرحك ياعلي شفنه يتمنه
تنوح وتبجي والونه شجيه
……….
تنوح وبالالم عالهامة مرة
الحياة بلا علي ياعلي مرة
بعد مرات مو بس هاي مرة
بالسم والذبح زينب سبيه
……….
بالسم والذبح خلصو ولدنه
عود احنه رسول الله ولدنه
علينه اتفرج القاصي ولدنه
ذبحنه من خذه زينب سبيه
…….
ذبحنه والحزن بعدك ولاشي
هضم بيه بقى بدونك ولاشي
نضر عيني الك اعمي ولاشي
يحيدر انه وي زينب سويه
…….
الشاعر
اياد الفرح المهدوي