7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
يا كرار لا تفجعني
لا ماريد ترحل عني
دارك لا يضل خالي
زينب وأرحم بحالي
ــــــــــــــــــــــــــ
يا حيدر يا لبة كلبي ويل نورك يملي عيوني
ليش اعداك بهاي المحنه منك بويه يحرموني
انه ابنيتك لا مااكدر من دونك مو يدروني
ابجي وانحب ليل انهاري ليش اعداكم خلوني
وبهل نوح ذايب كلبي
عل محراب عيوني التربي
تدريبه الدمع هالي
زينب وأرحم بحالي
ــــــــــــــــــــــــ
من ترحل ياحيدر عني وابقه اتسله بدمعاتي
مظلم داري يصير اخلافك بويه وتوحش دنياتي
اتبجي اليسمعهه من العالم كلمن يسمع وناتي
وما مرت علعالم ابدا يا بالحسن مأساتي
شفت الضيم وانه بزغري
بكلبي اسهام صوب دهري
غيرك منهو يبرالي
زينب وأرحم بحالي
ــــــــــــــــــــــــ
بوجودك داري شمحلاهه يابسمة شفة الايتام
انه ابنيتك جنت اتنومس يوم بحضنك عيني اتنام
ماادري الواقع يفجعني وتتبدل هاي الايام
عن دارك ترحل ياحيدر دارك تبقه بلا ضرغام
ليش اتروح ياوالينه
بهذا الحال وتخلينه
رسمك ساكن ابالي *** زينب وأرحم بحالي
ــــــــــــــــــــــــــــــــــــ
بويه من انظر لمصلاتك وانظر مهظوم المحراب
اكعد عالكاع واتنحب وعالخد دمعي يضل سجاب
ياذنب العندي وتتركني وتعلن وي العيله اغياب
راح ابقه اعله هدومي السوده من حزن امي عندي اثياب
ذاك الثوب لا ما نزعه
عل امي عليك تبقه الدمعه
ذايب يبقه دلالي *** زينب وأرحم بحالي
ـــــــــــــــــــــــــــــ
خلتني امي اوديعه وعندك ورادت بويه اتداريني
متفارك شفتيني البسمه ولا يهمل مدمع عيني
الله يلعن كلمن ظالم بينك حال وما بيني
ريت الي يواري بجثمانك يمك كون يواريني
ريت وياك طبروا راسي
وياك البين اشكد قاسي
حزني اصبح خيالي *** زينب وأرحم بحالي
ــــــــــــــــــــــــــــــــ
الشاعر محمد حسن ضيغم
علياً واعليا
؛::::::::::
علي النبض بكلبنه عشكنه وشكنه
على حبه ربينه ولا غيره عرفنه
ابو حسين بمصابه اله مأتم نصبنه
اله تلوك الولايه الرفع بيده علمنه
علياً واعليا
؛؛::::::؛؛
حمدنه الله ونشكره علي حيدر ولينه
يحبه الله اليحبه يخيمه انت علينه
علي اول نحسبه ملك حبه يلمنه
الامر من الله بيده عرفنه الله عله دينه
عليا واعليا
::؛؛؛؛:::؛؛؛
يقران الجلاله الك تحله القياده
امير اعله البريه ملك عينه العباده
يمصباح الهدايه يسلطان الشهاده
لبس تاج الامامه امير من الولاده
عليآ واعليا
؛::؛؛؛؛؛؛؛؛:؛؛؛
اجه بسيفه المرادي طبر راسه الامامه
الدمه خضب لحيته صفت حمره العمامه
اجت تجري دمعها عله بابه الايتامه
يكسرتنه الجبيره يرب رده بسلامه
عليا واعليا
؛::::::::
يبونه الفركه صعبه عشرتك بينه حلوه
قليله شما حجينه عمرنه لعمره فدوه
يبو تراب وابونه علي يلكله نخوه
اليخاف انت امانه كلبنه بهم تجوه
عليا واعليا
هاشم الدراجي
ينجينــه من انموت النجه نبي أمن الحوت
يوم الحشر لو صار نلــوذ بعلــــــي الكرار
ماعدنه غيره ماعدنه غيره
* * *
أبنادم لو دناه الموت لو عمره وصل حده
يفارك كل عزيز أعليه يسكن بالكبر وحده
هم وحشه وظلام وضيم هم ضيك عليه لحده
وكل هذا الاشد أعليه منكر من يجي ينشده
يصيح أنطي وجهي وين
أدخيلك يبو الحسنين
وميخيبه حامي الجار
نلوذ بعلــــــــي الكرار
ماعدنه غيره ماعدنه غيره
* * *
وين نروح من نموت غربه والكبر مظلم
العنده ذنوب بيه شلون من ينعد شخص مجرم
الندم ميفيد كل انسان مهما جان متنـــــدم
الا ايمان الا أعمال مو بس بالأسم مسلم
ننسأل عن الديـــن
وهم جنه ملتزمين
ومنا الدمع ينهــار
نلوذ بعلـــي الكرار
ماعدنه غيره ماعدنه غيره
* * *
يلف الموت كل انسان عنده ألقاب عنده انساب
ومرار الموت مو بالموت بعد الموت يبدي أحساب
بس أحساب من احساب ينجح بيه العنده أكتاب
شلون أكتاب بيه أختام بيه توقيع داحي الباب
يوكف ولي الرحمـــن
وميميشي ياهو الجان
أهناك الخلك تحتار
نلوذ بعلـــي الكرار
ماعدنه غيره ماعدنه غيره
* * *
اليندم يبقى يتوسل لجنـــه مهما يتوسل
إذا مو حيدر يزكيــه مذنب هوه يتسجل
الميزكيه أبوالحسنيــن لاميصيرلـــه كل حل
وعلي يزكي الخوش أنسان أبد موخوش مايقبل
يزكـــي الذي وآلآه
ويرضي الذي حباه
وعن لاتمسنه النار
نلوذ بعلــي الكرار
ماعدنه غيره ماعدنه غيره
* * *
دخيلك ياعلي الكرار يوم الحشر نجينــــه
عدنه ذنوب يامولاي غيرك من يلفينـــــــه
ماكو أعمال بيها نفوز بس حبك يوالينـــــه
وبس هذا الامل موجود بس هذا الامل بينه
ماعدنه غيرك عون
ياوالي رب الكـــون
أشما تلتم الاخطار
نلوذ بعلـــي الكرار
ماعدنه غيره ماعدنه غيره
* * *
سلام المشعل
#نعي
لستشهاد الامام علي علية الصلاة والسلام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يا ليل طول باچر اونين
وجه الصبح ويطيح ابو حسين
يلدنيا ها يلماخذه الزين
بصاحب الغيره وين تردين
گلبه لصلاته وعينه لسماه
فرض الممات الليله صلاه
واملاك سجدت شفنه وياه
ويلاه رايح بويه ويلاه
يا باب هلمره تمنعه
طلعت ولينه بدون رجعه
صوت الطيور الي نسمعه
معروفه علكرار تنعه
راح الحنين اوعيني تربيه
كون الابو بالروح أخليه
تمنيت ساعتهه اندفن بيه
من الغدر چا وين أوديه
يا علي بويه الفجر لا هل
ساعه وگلب زينب تعلعل
صوت السمه بنبرة المقتل
ياجرح حيدر صعبه ينشل
ثگلت جدامي وطحت بالبيت
يم والدي هسه تمنيت
واخواني راحو وانه ونيت
جيبولي ابوي هواي حنيت
ظليت اناطر وانه بالباب
بلكت عطر من عد الاحباب
بلكت يرد سالم ابو حسين
ما بينه حيل لهذا المصاب
من بعيد شفت اخواني وياه
حسين بيسرته وحسن يمناه
من عمت عيني ويا الف آه
حيدر يون غرگان بدماه
هابويه سالم يلسلامه
شو كلهه دم حمره العمامه
جاوبني بس حسره بكلامه
يساعدكم الله يليتامى
لا بويه لا فدوه رحتلك
لتگول هيچي بوجه بنتك
اندارلك فدوه وسلامات
لا يلهوى ظل اعله بختك
لتون مثل ما أمي ونت
وادري شكثر امي تأذت
خلت كسر بالروح خلت
لتگلي اصبري وبعد خلصت
محتاجتك والدنيا صعبه
باچر يحيدر تدري غربه
الماله ظهر يطي الوجه وين
والدنيا كلهه تريد حربه
مو بس أبو لا انته كلشي
انته الامان الفوگ رمشي
خلينه كلنه وياك نمشي
ها يلحنين الفارگتنه
بنتك واريدك رد عليه
دموعي تهل واتوصي بيه
خل نتفق ابقه انه وياك
لو موتنه يصبح سويه
كلمات الخادم
رعد الفريجي
#اللهم_عجل_لوليك_الفرج
موشح نجفي
ياعـلـي ياعـلـي ياعـلـي الـمـرتـضى
*-------------------*----------------*
والله يـا ليـث الـوغـه فـگـدك صعـب
خـلــه دمـع الـعيـن يـنـزف والـگـلـب
شلون يـا ابـو حسيـن هـاليلـه تـطـب
البـيتـك وزيـنب تـشـوف انـظـارهـه
*---------------*-------------*
الـلـيـلـة دم الــراس يـا حـيـدر نـزف
ونزل جبريل بـحـزن بـأسمـك هـتـف
انـطـبــر هـامـك يـا عـلـي اه واسـف
وانـتـه لـيـث الـمـوزمـه وكـرارهـه
*---------------*--------------*
مثـل زينـب عـشنـه بـمـصابـك يـتـم
حـگــه مـن والاك يــبـچـي ويـلّـچــم
الدمعـه صـعبه اتـصير بـجفون الزلـم
وحـفـرت بــخـد الـمـوالـي اثـارهـه
*----------------*------------*
امـصيـبـتـك عادت تـرة كسـر الضلـع
ايتام صرنه وبالحـزن يـجـري الـدمـع
عـلـي كـلـه الـكـون لـجلـك منـفـجـع
والـبـواچي الـيـوم تـحلـه اطـوارهـه
*-------------------*---------------*
سيدي بـگلـب الـمـحـب حـل الحـزن
وهـل عـهـد ويـاك لـمـصـابــك نــون
ايسيل دمـع العين دوم اعله الجفـن
وشـيعتـك تـبقـه المناحـه ابـدارهـه
*-----------------*---------------*
بـعـد يـا عـيـد اشـبـقـه عـنـه ابـتـعـد
بالـدمـه حيف انصبغ شـيـب الـحـمـد
بـاچـر اعـلـه الـنـوح والـهـم نـسـتـعـد
والصـغــار اتـنــوح وي اكـبـارهـه
*----------------*-------------*
✍خادم أمير المؤمنين ع
الشاعر رعد الجريخي
يروحي يبويه
جروحي يبويه
.............................
عيني
واهس حياة سنيني
مابينك ومابيني
عشرة عزيزه دلال
والي
منين ابدي عنك غالي
راح ابدي مني وحالي
بويه اليتم جتال
تدري لبوها يروح
تبگه تجرع مر غيابه
كل شي تحسه جروح
وكل شي ذكره يرد مصابه
تخلص عمرها تنوح
حالي عگبك انه يأبه
بويه مروتك هالعيد اجاني
الابو واحد يبويه وماكو ثاني
يروحي يبويه
جروحي يبويه
....................................
بيه
موتك تگله شويه
سولفله عل علويه
خيمه انه ليهه جنت
هيده
الفرگه حيل مچيده
زينب ابوها تريده
من هسه موتي شفت
بس انتي ليه بگيت
وهسه رايد عني تمشي
لا ام ولا بو انه صفيت
وحگه شيب بويه رمشي
دعوة غريبه دعيت
وياك أريدن بويه نعشي
يبو في الثخين التارس الدار
فك عينك وشوف بزينب شصار
يروحي يبويه
جروحي يبويه
............................................
گلبي
يل بيك اشوفن دربي
بغيرك دعوتي لربي
عجل مماتي دعيت
صومك
ماكمليته ويومك
لزينب تفز من نومك
بويه بغلاتي نخيت
چلمة يبنتي اريد
منك انه حيل احبهه
لا تمشي عني بعيد
وزينبك بالهم تذبهه
دمعي تگلي شيفيد
دموعي لمن بويه اهلهه
دنيه من المحنه منين ماشوف
عوفي جنازة الغالي يالجفوف
يروحي يبويه
جروحي يبويه
.......................................
ريته
بيه الگبر خليته
من كسرتي تمنيته
حته انه بيه اطوف
عازه
لحد بعد يتوازه
دفنوها بي الجنازه
مگدر حنيني اعوف
بويه لتركته جبير
والله بيه وبيش اسده
حگ لمثلي تحير
لهيج ابوها ومن تفگده
جرحك يريته يصير
براسي دونك گلبي وده
بزينب طبرتك من كون اجتها
ومنيتهه گبل موتك خذتها
يروحي يبويه
جروحي يبويه
................................
خادمكم قاسم المالكي
خطاب السيدة زينب لامير المؤمنين (عليه السلام )عند لحظات استشهاده (وزن عگيلي )
ارحم گلبي ودمعة عيني
يابويه ادخيلك حاچيني
ارحم گلبي ودمعة عيني
★★★★★
يم وجهك هلن دمعاتي وي ناري ونارك چوّني
زادن لچماتك يلغالي ناديتك كونك تسمعني
ناوي الفرگه تعذب روحي علفرگه اتريد اتعودني
جرح الزهره بعده اگبالي بويه دخيلك لاتجرحني
لاتجرحني بويه ادخيلك
من بعد امي چنت اشكيلك
وتزيل همومي من احچيلك
ياجنه ابنار مخليني
يابويه ادخيلك حاچيني
★★★★★
تدري بكسر ضلوع الزهره ساعه المرت اصعب ساعه
بفراگك رايد تفجعني يانور الموسهل اوداعه
ايمرد گلبي تدري غيابك وللهم روحي برهن الطاعه
لاتفجع زينب يلغالي يابوالغيره الحلوه اطباعه
من محنة روحي المهمومه
وجروح گليبي الملچومه
الدنيا الصارت مثل الحومه
من بلوة البلوة اتوديني
يابويه ادخيلك حاچيني
★★★★★
مفجوع العالم بغيابك وافلاك الكون المفتره
بگد العالم روحك بويه شوالم راسك وي الطبره
يلگبل الدنيا ومابيها والله فراگك نار وحسره
بنيران الروح بلاشوفك ما احمل نار المتوجره
مكسورة خاطر متكدره
رايد ترحل بعد الزهره
بويه بعينك اخر نظره
بيانار اتريد اطفيني
يابويه ادخيلك حاچيني
★★★★★
بجالك ماهميت بدنيا ولاكثرة همي واحزاني
ريحة جدي وامي الزهره ياراحة گلبي اوجداني
ينعاك الدين واركانه فراگك هدم بويه اركاني
شلون الموت ايمر بدربك وتروح بدربه وتنساني
يافرحة گلبي المطويه
بعدك يلكلك حنيه
هاي الدنيا اسوت بيه
تفرح من يوم اتبچيني
يابويه ادخيلك حاچيني
★★★★★
علدار ايتامك ملتمه لاتكسرها گلوب احبابك
كلها اظن مارايح عنهم ساجد وتصلي بمحرابك
ماظنوا موت اليدنالك يبعد مايوصل يم بابك
يلي مناطر هاي الساعه تفوز بيوم اتشوف اصوابك
شظمت هاي الدنيا بدربي
بعد احبابي وسلوة كلبي
اسويت بهلدنيا شذنبي
باچر يابلوه اتراويني.
يابويه ادخيلك حاچيني
الشاعر حسن لعيبي الحريشاوي
اشلون اعيد بويه وباجر يجي العيد
****
ألعيد باجر لا يجي بويه صحت ماريده
هوه المضيعله ابوه اتصير المكابر عيده
حن كلبي واشتاكيت الك تتركني ليش وحيده
دمعي عليك بكل وكت من يجري صحت اشبيده
انه تدري غيرك يابويه ماريد
**
مالومه دمعي لو جره اعله الراح ابد مالومه
الما شاف ابوه وشتاك اله يركض يشم اهدومه
من دون خلك الله اون واعله البجي مفطومه
خليت زينب من رحت يابه الحسن مهظومه
واعله فكدك تدري كمت اصفك الايد
***
محتاجه روحي الشوفتك مثلك صحت وين الكه
سهرانه عيني ودنيتي صارت بدونك خنكه
المو حار بالملكه صحت تبرد بساع الشبكه
والشيب تدري بفركتك برموشي يطلع حكه
اشما عفتني ناري بوداعك تزيد
**
برمضان اذكر كل وكت تفطر جنت ويانه
كمنه نصيح بفركتك ليش الابو خلانه
باجر صحت عيد وشفت كل الخلك فرحانه
يابويه كل ابنيه اصد عدها ابو بس انه
بوجهي عكبك بويه شوف التجاعيد
****
باجر يبويه بكربله اشرايح تشوف عيوني
بيدي اشكف وصوط العده يتلاعب اعله امتوني
للشام راح امشي غصب لو بالحبل جتفوني
ويابويه من بعد اخوتي اشكد رايح ايشتموني
بكربله يالغالي عندي مواعيد
***
تمت
تحسين الخفاجي
ياقالع الباب
من تــشتــد علي الها
من تنحل علي يحلها
اشما تتعسر الحاجات
هــو اللــي يسهـلـهــا
ـــــــــــــــــــــــــــــــ
الغوث الغوث يابوحسين .. يابوالغيرة ياكرار
يمفسر علـوم الـــدين .. ياباب النبي المختار
يافارس بـدر وحـنين .. موت ويرهب الكفار
وحـدة مـاتصـير اثنين .. كلمة حيـدر الكرار
والرب يشهد افعاله
وماينــعـدن افضاله
بيده يلين الصعبات
وهو اليعرف اولـهـا
ـــــــــــــــــــــــــــــ
ياسيف وبخت ياجود .. ياراية نصر وايمان
وعد الباري ياموعود .. يابسم الله يارحمان
روح الهادي يامحمود .. وبصدره نزل قرءان
ياحد ماتحـده احدود .. لمـن ينزل الميـدان
فارس والحرب يومه
وينفض بالوغه اهمومه
حبك وصفه للكلمات
وانت اللــــي تجملها
ــــــــــــــــــــــــــــــــ
ياحصن الله يامعروف .. وبچفك قلعت الباب
لامتخاف وانت الخوف .. ريح وعاليضدك هاب
بخاتم عزبت الضيوف .. وانت تصلي بالمحراب
غيرك عيني لامتشوف .. حبك للجنان اكتاب
واليتبع علي وحزبه
فاز ومطمئن گلبه
ويل جودك ينقي الذات
والــروح يــتــكفــلــهــا
ـــــــــــــــــــــــــــــــــــ
لـــو ماانت يامولاي .. عن هالدين چا ظليت
لامبدأ الي ولا راي .. لافي حبك تربيت
عندك معجزات اهواي .. يلي بكعبته انولديت
وشمس الله الشهود بهاي .. من ردتلك وصليت
يعلم الله بـــ اسرارك
الهاي المرتبه اختارك
رحمة وبيدك الرحمات
وبأذن الــلــه تنــزلـهـا
ـــــــــــــــــــــــــــــــــ
شلون تموت وانت الموت .. زينب ياعلي تنادديك
من خلوك بالتابوت .. ونت ون يتامى اعليك
يابو الفقرة افجع صوت .. صوت الفقره لو مر بيك
انحب والدمع بسكوت .. بويه لو يمر طاريك
تنشد ياعلي ايتامك
ياهـــو يرجع ايامك
راحت ياعلي ابلياك
هسه الخوف كاتلها
الشاعر فاروق الغنامي
(( هوسات الى ذكرى شهادة أمير المؤمنين عليه السلام ))
*----------*----------*
مو هامك علي مصيوب هــــام الدين
طبروه بالغدر يا حيــف يا ابو حسين
ولن صوت الوحــي جبريل بالصوبين
(( ركن الدين اليوم اتهدم
وي هامك حيدر ينزف دم ))
*----------*----------*
انفجعت للمصـاب اليوم انس وجان
مــــا صــــابو علــي لا صابو القــرآن
ومــو دمه النزف ظل ينزف الايمـان
(( مو دمه السال ابمحرابه
آيـــات البــاري السچابـــه ))
*----------*----------*
وي زينب لسيل اليـــوم مني ادموم
من شاف علي بسيف الغدر مهشوم
اتگله العيد اجانــــي والگلب مالوم
(( مصيوب الوالي بهل اليله
وي زيـنـب نگعــد نبچيــله ))
*----------*----------*
يميزان العدل يـــــا رحمــة الجبار
يــا سيـف الاله ومنبـــع الاســـرار
وي هامك تصوب يا علي المختار
(( وي هامك مصيوب الهادي
وكل مرســل هاليوم ينــادي ))
*----------*----------*
ركن ديــن الاله اليــوم وسفــه انهار
مــن صابو غدر هامــــت علي الكرار
وكل شيعي وموالي ابگلبه شبت نار
ويندب لو دونك ظل هامي
ولا راسك يـا حيدر دامــي ))
*----------*----------*
الشاعر
موسى البديري
نعي للامام علي ع
صار الدفن دفوه اوردو
والبيت يوحش ليه تعدو
وولاده للدمعات صبو
🩸🩸🩸🩸🩸🩸🩸🩸
دفنو ابوهم وجو يمشون
زينب التنعي وهم يبجون
رايح يراعي البيت ايكولون
🩸🩸🩸🩸🩸🩸🩸🩸
دفنوه وردو صبت العين
حسره اوحسافه يامسلمين
من راح بلمحراب ابو احسين
🩸🩸🩸🩸🩸🩸🩸🩸
موحشه اليه انزول الحياد
راح الابو اويبجون الاولاد
ماضايكين الشرب والزاد
🩸🩸🩸🩸🩸🩸🩸🩸
دفنو ابوهم بلمكبره
والحسن ينحب شنهو صبره
اوزينب تصب ادموع عبره
🩸🩸🩸🩸🩸🩸🩸🩸
دفنت ابوها ام عون اليوم
ومكدره اوسود الهدوم
وتنوح وياها ام كلثوم
رايح وليهن كنز العلوم
🩸🩸🩸🩸🩸🩸🩸🩸
زينب لبوها دافنته
ردت كأيبه شاهدته
تذكر سوالفهه الحجته
ياحيف ابوها فاركته
🩸🩸🩸🩸🩸🩸🩸🩸
الفركه الابو يصعب عليها
محد عكب عينه يجيها
راح الحنين اشلون بيها
🩸🩸🩸🩸🩸🩸🩸🩸
راحو اودفنو راعي الزود
والبيتهم هل ردو اردو د
ماهو العزيز اليله موجود
🩸🩸🩸🩸🩸🩸🩸🩸
راح الابو اونام ابلحوده
مارد بعد ما اله عوده
ابو البيت لينه اشيعوده
ماجوك لاتفرح يكلبي
🩸🩸🩸🩸🩸🩸🩸🩸
بقلم الشاعره ام تحسين البصره
غير مبري الذمه اليحذف اسم الشاعره وينسب الكلام له
الفاتحه الى روح الشاعره ام تحسين
نعي للأمام علي ع
مكتوب بويه اليوم تنصاب
وتروح وغيابك اليصعب
هله بيك يلساطر المرحب
🩸🩸🩸🩸🩸🩸🩸🩸
مصيوب ياداحي الابواب
وتنوح كلهه اعليك الاصحاب
يويه وانه عليك ازيد العتاب
رايح يبويه اوساد الباب
🩸🩸🩸🩸🩸🩸🩸🩸
بالباب اجت تبجي الطلاب
ومصاب ابويه اعظم امصاب
اوكلبي تمرد صار عطاب
🩸🩸🩸🩸🩸🩸🩸🩸
مزدود ياباب الكرامه
اوطاحت على السجده العمامه
وتجمعو يمه عمامه
🩸🩸🩸🩸🩸🩸🩸🩸
ممرود الاصبغ يم الايمام
فاهي المسجد صاير اضلام
وسفه ابن ملجم صوبه اونام
🩸🩸🩸🩸🩸🩸🩸🩸
ساجد اوطايح عله السجده
وصواب ابن ملجم تعده
محد دره بي اوتعده
🩸🩸🩸🩸🩸🩸🩸🩸
مكسور كلبي اوشايل اعتاب
المن اعاتب ماكو احباب
الملجم تصوب حيدراصواب
ايست ونكطعت الضنه
🩸🩸🩸🩸🩸🩸🩸🩸
تمت بعون الله تعاله
بقلم الشاعره أم تحسين البصره
غير مبري الذمه اليحذف اسم الشاعره وينسب الكلام له
الفاتحه الى روح الشاعره ام تحسين
يَريت العمر ماعِشـته ولي تام
ابمُصاب الي بَامر ربّه ولي تام
ارتحَل خلّه الخلـﮒ تبـﭽي وليتام
لبسَت للحزن ثوب الرزيه
*
الدهَر حَـاز الذي رَاده ونـَـالاه
وخِذاني ابغـَـدر مِتعَـمِّـد وانا لَاه
غَيري العِـيد يسعِدهُـم وانا لا
لأن جَاني ابفَـﮔِـد حَامي الحَميه
*
ألله ابفَـضل وَافِـر مَـن عَلينه
وحِسدنه النَاصي أصلَه مِن عِلينه
انحِرَمنه ابشَهر طَاعه مِن عَلينه
وصُفينه ايتام بالدِنيه الدنيه
لقمان البدران
الگلب ما يوم شاهد راحه مني
عزيز الأبو و وسفه راح مني
يدنيه ارجوچ بسچ راحمني
اخذتي الچان الي هيبه و تچيه
كلمات الأقل ناصر البوعبيد
▪️قصيدة ليلة استشهاد أمير المؤمنين عليه السلام
يا زينبُ الحوراءُ قومي وَدِّعي
عطفَ الأُبُوَّةِ بالدموعِ الهمَّعِ
بعصابةٍ صفرا وشَيْبٍ أحْمَرٍِ
للهِ يرجعُ حيدرٌ فاسترجعي
وابكي عليهِ في خفوتٍ إنَّهُ
يؤذيهِ مدمعُ قلبِكِ المتصدِّعِ
إِيْ صدِّقي يوْمَ الصيامِ إذا أتى
من دونِ أنوارِ البطينِ الأنزَعِ
إيْ صدِّقي الأسحارَ دونَ دعائهِ
إي صدِّقي إنْ لَمْ يكُنْ في الرُّكَّعِ
يا زينبٌ قومي فآخرُ نظرةٍ
هذي إليهِ فمن سناهُ تودَّعي
ما أغمضَ العينينِ إلاَّ مُوصِياً
بكِ يا بْنَةَ الشرفِ الأثيلِ الأمنعِ
يا ليتَ يومَ الطفِّ يحضرُ كيْ يرا
كِ غدوتِ في فَزَعٍ ولا منْ مفْزَعِ
إنْ شيَّعوهُ على الرؤوسِ ففي غدٍ
رأْسُ الحسينِ يُرى بِرُمحٍ أرفعِ
أو كانَ "نُوحٌ" شَقَّ قِدْماً لحْدَهُ
فحسينُ يبقى في صعيدٍ بلقَعِ
عريانَ لكنْ قد كسى بدمائهِ
زُمَرَ المواضي والرِّماحِ الشُّرَّعِ
لهفي عليكِ إذا أُخذتِ سبيةً
من بعدِهِ نحوَ الدَّعيِّ ابنِ الدَّعِيْ
بالرُّمحِ إنْ لَمْ يقرعوكِ دعا بِهِمْ
شمرُ اقرعوها إنَّها لَمْ تُقْرَعِ..
تمّتْ بعناية الحجة عجل الله فرجه
الشاعر علي عسيلي العاملي
#يا_علي
#اللهم_عجل_لوليك_الفرج
ريَض يل شايل نعش الوالي .. صحت بجروحي صحت بجروحي
اشبع ردت اوداع من الغالي ... وأزيدن نوحي وزيدن نوحي
يم نعشه وانوح
ابجي واقبّل وجنته والجفوف
بلكن لعد ابنيّته ايضل يشوف
كَلبي يضل بجنازته ما يعوف
يا بويه صحت .. ياحيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
وبحين شفت اجنازته شالوهه ...لطمت براسي لطمت براسي
هل روح صحت وياكم شيعوهه ...هلي وياناسي هلي وياناسي
بالباب حايره
دمعاتي ضلّت هامله علخدود
ونّي الفكد عقد الوله ضل يزود
راح الي عيني اتصد اله ومايعود
وبداري نحت ... ياحيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
ردّيت للمحراب والطم هامي ...صور مرسومه صور مرسومه
لن سود صارت بيض كل ايامي ...اشوف ادمومه اشوف ادمومه
محراب ضل يون
امسح دمه ال بعمامته وانتحب
وناري لعد مصيبته ضل تشب
دمعاتي لمصلايته تنسجب
بمحرابك طحت ... يا حيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
بالدار اسال ليش شو عفتوني ... هلي ومهظومه هلي ومهظومه
يا حيف من اصبي نور عيوني ... صرت محرومه صرت محرومه
عذّبني اليتم
صرت الحزينه الصابره وحيل اون
قصة حياتي تنقره بالحزن
ريت بجوارك حيدره اندفن
دمعات اسفحت ... يا حيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
هاي اصورّه وهاي كل اهدومه ...اكَالب بيهه اكَالب بيهه
اشتم عطره وروحي من اهمومه ... جمر يجويهه
شينفع هل عمر
فدوه لروحه الغاليه ... والسنين
والدار ضلّت خاليه ...من الحنين
ودموعي ضلّت جاريه ...بالونين
جم محنه شفت ... ياحيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
الشاعر محمد حسن ضيغم
يابعد روحي يالحسن خويه ها يابعد روحي
هالشايلينــــه منهو ياخويه ها يابعد روحي
كلي يظي العين هالشايلينه منين
ها يابعد روحي ها يابعد روحي
* * * * * * *
طافت علي خير النسه
شفت أمي الزهره .. ماحجت بس حسره .. مختنكه بالعبره
كلبي كرصني هالمسه
حسيت شي صاير .. وفكري صبح حاير .. مكسورة الخاطر
هالنفس كوه أتنفسه
فكري حزن يوحي .. مختنكه أحس روحي .. وشو نزفت جروحي
همك يخويه أتحسسه
أعرفتك حزن شايل .. جسمك صبح ذابل .. وأشكد دمع هامل
كلبي ألتوه واندار
كلي يخويه شصار
ها يابعد روحي .. ها يابعد روحي
* * * * * * *
يالمجتبى شنهي الجره
ياوارث أسيادي .. يبن النبي الهادي .. ليش السمه تنادي
دنيانه أحسها محيره
وبيها أحس لوعه .. شو جنها مفجوعه .. حسرتها مسموعه
وروحك أحسها مكدره
همك ترى همي .. جاوبني يبن أمي .. ثوبك أشو مدمي
جاوين أبونه حيدره
وين الولي وينه .. النوره مضوينه .. خيمه الابو علينه
يالحسن ليش تنوح
شصاير يروح الروح
ها يابعد روحي .. ها يابعد روحي
* * * * * * *
يرجال عزي وهيبتي
شنهي الجره أعليكم .. خويه شحصل بيكم .. شنهي أللي ماذيكم
شنهي الفجعكم يخوتي
وظل الدمع يجري .. هايابعد عمري .. مايحتمل صبري
فتتوا مهجة مهجتي
هيجتوا أحزاني .. ابهالجيه يخواني .. منظركم آذاني
لمن شفتكم دمعتي
صب المزن صبت .. وناره الكلب شبت .. من صدمته كبت
شبيكم يتاج الراس
يحسين ياعبـــاس
ها يابعد روحي .. ها يابعد روحي
* * * * * * ****
هالشايلينه يالحسن
دم راسه أمنعثر .. شو كلبي أله أتفطر .. بس لاعلي حيدر
بس شفته دمعاتي جرن
ولن غركن جفوني .. وأظلم ضوه عيوني .. يبن أمي حاجوني
كمت أحس بظلوعي أنحنن
خويه وذبل حالي .. والتوه دلاّلي .. غالي الوكع غالي
أسهام دهري نيشنن
الليله على راسي .. وصابن أعز ناسي .. وكطعن هوه انفاسي
ظلمه غدة دنياي
وشهالمصيبه هاي
ها يابعد روحي .. ها يابعد روحي
* * * * * * ****
أعليك الحبيبه فاطمه
عن الجرى أحجيلي .. لن ياكمر ليلي .. راح وركد حيلي
جاوبها يختي هالدمه
هاي التشوفيها .. وثوبي نصبغ بيها .. وما أكدر أخفيها
هاي العلي حامي الحمه
سيف الرجس جاسه .. وطبراه في راسه .. ومنه حرم ناسه
صاحت يليث الموزمه
يابويه حاجيني .. لا لا تخليني .. فركاك ياذيني
يابويه أخذني وياك
ما أصبـــــر بلياك
ها يابعد روحي .. ها يابعد روحي
* * * * * * *
سلام المشعل
قصيده الى أمير المومنين ع
بسمه تعالى
المستهل 👇
النظر في وجهك عباده
وهايه صارت عندي عاده
شلون اعوفك يا علي/ بويه أريدك ياعلي
***
الكون اشوفنه بضحكتك شلون اشوفك منطبر
بويه اكعد صلي فرظك من قبل شمس الظهر
بعد ما بي حيل افارك بيه لجمات شكثر
فاگده وظليت اعاني وانا مليت الصبر
جرحك الما بيه اروفه
انلجم كل ما اشوفه
بالحزن راح ابتلي
شلون اعوفك يا علي/ بويه أريدك ياعلي
**
بويه كتبيت الوصيه واضن ناوي اعله السفر
ولو رحت يابو الحمية بيه شيسوي الدهر
راحت امي وراح ابويه وبجي محنية الظهر
خاطري وكلبي على فكدك كسرت الجامه انكسر
حايره عيوني على شوفك
يا النظر ما بيه اعوفك
بويه اموتن لو تجي
شلون اعوفك يا علي بويه أريدك ياعلي
***
تحزمت روحي بحزنها ولدمع شك الجفن
وباجر عيوني تشوفك يا علي من تندفن
جدامي تمشي ويا اليشيعك والحزن يتبع حزن
ومن كثر هجر الليالي زينبك ظلت تون
ادري رايح ما تجيني
ياحياتي ويا حنين
ما يصح مثلك ولي
شلون اعوفك يا علي بويه أريدك ياعلي
****
بويه لجمتني اليالي وجرحي حالي معلعله
بفركت الزهراء الزجيه وفركتك كلبي بتله
ياعلي يابو الشدايد فكدك اكبر مشكله
وانا ما ظل حيل بيه شراح اظم لكربله
راح اظل بس العبايه
وكربله باجر ورايه
وياهو يبره المحملي
شلون اعوفك يا علي بويه أريدك ياعلي
****
شكثر ما احجي واسولف همومي كثره وما كظن
ومن كثر دمعي البجيته راحن عيوني وعمن
بويه يا حيدر يغالي جنت احس حظنك وطن
صبر ما ظل بيه واصبر والوطن شفته اندفن
قاسيه هواي الليالي
هيج ما جان على بالي
اتيتم انا وكافلي
شلون اعوفك يا علي بويه أريدك ياعلي
*
ابو هاجر المجراوي
#نعي
لشهادة امير المؤمنين عليه السلام
وينه الذي ابهالفجُر يرعِـد
بِعْـنان مُهره اْو خيله يلكِد
يتعـنَّه طيبه اْو بالسِّـرَه ايْجِد
اْو لْگبْر النِّبي يوم الذي ايْصِد
اِيْنادي اْو صوته للفله ايْسِد :
دَگعِد يبو اِبراهيم دَگعِد
وصيَّـك وِگع و اِصوابه يضهِد
و السَّا يريدك ليْه تگصِد
اتْـجِـعْـده اْو لعِد صدرك اتسنِّـد
و لْـجرح راسه بيدك اتْـشـِد
خِـفْـيَـه إجاه الرجِس يـلـبِـد
عامد عله راسِه اِمْـوَچِـد
و الطبره اِجتله إنچان تِـنْـشِـد
بمچان طبْرة عَـمْـرِ إِبِـن وِد
ميرزا عادل الاشكناني
راحل الوالي راحل الوالي
ويانه بس هليله
&&&&&&&&&&&&&&
بالغدر كلشي تفرهد. غصه من عشناها
شلون نتفارگ يا حيدر. هاي ماردناها
ياعمود الخيمه بعدك. دموع وشلناها
كلشي راحتنه وحلمنه. بألم من عفناها
فرگتك صعبه. فرگتك صعبه
منهو الذي نشكيله
&&&&&&&&&&&&&&&
الجان ضاوي الدنيا نوره. وفارس الميدانه
حل عله فراش المنيه تغيرت ألوانه
الباني الاسلام سيفه. وزود من ذرعانه
ينطبر بالغدر رأسه. والسمه حزنانه
والوحي كبر. والوحي كبر
حاير ودمعه ايسيله
&&&&&&&&&&&&&&
گاعد گباله الصحابه تبچي ومهظومه
جبل ممدود ابوالحمله الماتضيع علومه
وبجفوفه الشال خيبر غدر تجري دمومه
والقدر لاح وتعده واضحات ارسومه
مسافر الغالي. مسافر الغالي
مابگت باليد حيله
&&&&&&&&&&&&&&
ليلة فراگك عظيمه تحطمت آمالنه
بعد وجهك مانشوفه. وشيصير ابحالنه
من تغيب الدنيا تظلم وطحنه محد شالنه
نصيح يا والي اليتامه جرح باقي ابالنه
سيدي اخلافك سيدي اخلافك
الحمل منهو ايشيله
&&&&&&&&&&&&&&
وداعت الله ياولينه. صعبه من تعوفنه
چنت تترسهه محنه من نمد چفوفنه
كله عميه اخلاف عينك. بعد منهو ايشوفنه
انت غايتنه وشرفنه بشيمتك معروفنه
ياوصي الهادي. ياوصي الهادي
بانت علينه الميله
&&&&&&&&&&&&&
الخادم عبدالمعين الشمري
حسين خويه گلي شيكول الطبيب
ايتام أجتنه وتنشد شولنه الحبيب
جرح أبوي شگال عنه
يطيب لو نكطع الظنه
حسين خويه
حسين خويه
* * * * * * * * ***
أطلع وشوف اليتامه أبابنـــــــه
أجوا من سمعوا مصاب الصابنه
كلهم يصيحون حبنه الجابنـــه
ينكسر كلبك الحال احبابنـــه
أطفال تسأل كام لوبعده جريــــــــح
الدنيه ضاكت والهوه أصبح شحيح
خويه وهواي أنسألنه
يطيب لو نكطع الظنه
حسين خويه
حسين خويه
* * * * * * * * ***
أجت غركانه اليتامه جفونها
وصعبـه ما أكدر أصد بعيونها
خويـــه نيتهم نوارس لونـــــها
حرت من سألوني صحته شلونها
اطفال ميحملون هالهم والمرار
آنه كسروا خاطري الكلش صغار
يريدون أخبار منه
يطيب لو نكطع الظنه
حسين خويه
حسين خويه
* * * * * * * * ***
من خبر ضربة علي بالكوفه طش
ركضه أجو ولشوفته كلهم عطش
صافي حبهم لا أبد مابيــه دغش
من شفتهم هرش دلاّلي انهـرش
شايلين جفوفهم نحو السمــــــاء
وتجري سيل دموعهم ويه الدعاء
ويونون شلون ونه
يطيب لو نكطع الظنه
حسين خويه
حسين خويه
* * * * * * * * ***
شاهدوني وبجوا وأتجهوا ألي
وهاچ كالوا والدمع سيل يهلي
لبن هذا أحنــه جبنــاه لعلي
فدوه أخذيه أمن أدينه للولي
كلنه جبنه وركضه جينه معتنين
من سمعنه يفيد أميـــرالمؤمنين
أخذيه إله يابعد أهلنه
يطيب لو نكطع الظنه
حسين خويه
حسين خويه
* * * * * * * * ***
كل يتيم مصاب حيدر هزه هز
وكل جرح رد وألجم هاليله فز
علي بكلوب اليتامه جرحه حز
وهمه عد حيدر ترى من ولده أعز
شكد معزه بكلبه شايل لليتيم
شكد يتامه علي معيشها بنعيم
ويه أبوي العشره جنه
يطيب لو نكطع الظنـــه
حسين خويه
حسين خويه
* * * * * * * * ***
علي ماينجب بعد مثلــه الزمن
وعلي قبله للّي توليـــــه المحن
عالفقير المرتضى من أهله أحن
وللّي ماعنــده وطن حيدر وطن
معزته بعز الهوه عند الفقيــــــر
وبعد لومات الهوه شنهي المصير
تموت وياه المحنه
يطيب لو نكطع الظنه
حسين خويه
حسين خويه
* * * * * * * * ***
سلام المشعل
ياقالع الباب
من تــشتــد علي الها
من تنحل علي يحلها
اشما تتعسر الحاجات
هــو اللــي يسهـلـهــا
ـــــــــــــــــــــــــــــــ
الغوث الغوث يابوحسين .. يابوالغيرة ياكرار
يمفسر علـوم الـــدين .. ياباب النبي المختار
يافارس بـدر وحـنين .. موت ويرهب الكفار
وحـدة مـاتصـير اثنين .. كلمة حيـدر الكرار
والرب يشهد افعاله
وماينــعـدن افضاله
بيده يلين الصعبات
وهو اليعرف اولـهـا
ـــــــــــــــــــــــــــــ
ياسيف وبخت ياجود .. ياراية نصر وايمان
وعد الباري ياموعود .. يابسم الله يارحمان
روح الهادي يامحمود .. وبصدره نزل قرءان
ياحد ماتحـده احدود .. لمـن ينزل الميـدان
فارس والحرب يومه
وينفض بالوغه اهمومه
حبك وصفه للكلمات
وانت اللــــي تجملها
ــــــــــــــــــــــــــــــــ
ياحصن الله يامعروف .. وبچفك قلعت الباب
لامتخاف وانت الخوف .. ريح وعاليضدك هاب
بخاتم عزبت الضيوف .. وانت تصلي بالمحراب
غيرك عيني لامتشوف .. حبك للجنان اكتاب
واليتبع علي وحزبه
فاز ومطمئن گلبه
ويل جودك ينقي الذات
والــروح يــتــكفــلــهــا
ـــــــــــــــــــــــــــــــــــ
لـــو ماانت يامولاي .. عن هالدين چا ظليت
لامبدأ الي ولا راي .. لافي حبك تربيت
عندك معجزات اهواي .. يلي بكعبته انولديت
وشمس الله الشهود بهاي .. من ردتلك وصليت
يعلم الله بـــ اسرارك
الهاي المرتبه اختارك
رحمة وبيدك الرحمات
وبأذن الــلــه تنــزلـهـا
ـــــــــــــــــــــــــــــــــ
شلون تموت وانت الموت .. زينب ياعلي تنادديك
من خلوك بالتابوت .. ونت ون يتامى اعليك
يابو الفقرة افجع صوت .. صوت الفقره لو مر بيك
انحب والدمع بسكوت .. بويه لو يمر طاريك
تنشد ياعلي ايتامك
ياهـــو يرجع ايامك
راحت ياعلي ابلياك
هسه الخوف كاتلها
الشاعر فاروق الغنامي
في حق لامام علي. ع
بهل مسيه حان. الوداع
بهل مسيه حزن وظياع
حيدر. بزينب. يوصيه. وصيته
لئن يدري رايح. وكربت. منيته
بهل. مسيه
----------------
بهل مسيه حيدر. يودع الحبايب
يدري باجر عنهم الكرار غايب
يوصي ابزينب لئن ام. المصايب
تبقه من بعده وحيده الكلب ذايب
يعاين. الهه زينب اتنوح
يعاين الهه وكلبه مجروح
ذمه. زينب. هاي. عدكم. ذممته
حيدر يوصي الحسن عدكم عفته
بهل. مسيه
----------------
راح اروح وكلبي عفته يم اختكم
ودري يولادي تره تنذل. بعدكم
عل. وفه والطيب انه. علمتكم
والله لو. بيدي. اضل ما فاركتكم
علي الكرار رايح اليوم
علي الكرار جرحه مسموم
يعاين بعينه علي يشوف اليتامه
ويجرن عله خدوده دمعات الندامه
بهل. مسيه
---------------
بويه. يازينب امسحي ادموع عينج
يلجم اجرحي. اذا. اسمع. ونينج
باجر . انتي. بكربله. الله. يعينج
بلايه والي. حايره. ومسلبينج
بس اليتام يمج. اتلوع
بس اليتام تجري الدموع
باجر انتي واليتامه فوك الجمال
مجتفه يدج يزينب وسفه بحبال
بهل مسيه
-----------------
خلهن اعيوني يشبعن شوف منكم
هاي اخر ليله. ادوي انه. يمكم
لو. متئت باليل يحبابي دفنكم
وكبري كون انتم تحفرونه بديكم
هيلو التراب من تدفنون
هيلو التراب وجرو العيون
ادري وحشه صير من بعدي اليالي
انتم عزاز الكلب ونتم. غوالي
بهل مسيه
----------------
كافل. اضعونج يزيب ابو الغيره
بجاله انتي مخدره ونتي اميره
من. بعد. عباس. مسبيه واسيره
لاكفيل ولاخدر. وبلا. عشيره
بين الجناب تبجي اليتام
بين الجناب وغربت الشام
الناس كله اتصيح هاي الخارجيه
هاي اخت عباس مجتوفه سبيه
بهل. مسيه
-----------------
الخادم
رحيم. الصالحي
مات علي عليه السلام
مات الابو مات .. والملگه هيهات
ومعصب الراس .. ياخويه عباس
والملگه هيهات
ــــــــــــــــــــــــ
حسين عد راس ابو زينب يبچي وينوح
وشــابــگ العباس اخيه وگلبــه مجروح
يگلــه ياعـبـــاس خــويه مــابقــت روح
الليلـــه اخـــر ليله باچـــر حيـــدر يروح
يظل موحش البيت .. بيا غربه ظليت
ومجروح الاحساس .. ياخـــويه عباس
والملگه هيهات
ــــــــــــــــــــــــ
خلي نشبــع شــوف منه ونشبــع اوداع
ريت باچـر يابـو فاضل مايــجــي ابساع
ليل المـوادع ثوانــي وعـمــري بـي ضاع
راح خـيـمـتـنه التلمـنـه ودفـنتـه الـگــاع
ويم گبرك شلون .. نبچــيهــا العيون
ومگطوعه الانفاس .. ياخويه عباس
والملگه هيهات
ــــــــــــــــــــــــــ
مــات ابونا البعــد امــنــه وصرنه ايتام
ومـــاتت بـعـين الـيـتـامى كل الاحــلام
الليلــه ياجــفــن برحيلك يگــدر يـنـــام
وشــفــت بعــيــون العقيلــه غربة الشام
ابلايا ابو اوياي .. اشعر خطر جاي
يحز منحر الراس .. ياخويه عباس
والملگه هيهات
ـــــــــــــــــــــــــ
الراحو اهله يعيش غربة بعازة احباب
امنين اجيب اللي احبهم جوه الاتراب
وابو زينب عنــي غايب واهلـــي غياب
هذا حال الموت فــــرگه وبين الاغراب
وياحالي مو حال .. ومايهدى ابد بال
الگلبي الهجر جاس .. ياخويه عباس
والملگه هيهات
ــــــــــــــــــــــــ
بياحزن لــو ردت اوســـي الراسه مطبور
اوياه ماخذ كلشــي بيه وكلبــي مكســــور
يالحــسن ليــش الزمــان بحيـــدر يـــدور
وياخذ الراعــي اليتامــى ويــهــدم السور
هذا الجرا وصار .. بس دمعة بالدار
ولو سألت الناس .. ياخويه عباس
والملگه هيهات
الشاعر فاروق الغنامي
السلام عليك يا امير المؤمنين
بويه بويه ما ريد اودعك يا علي بويه
٠٠٠٠٠٠٠
لتوصّي بويه ارجوك عوف الوصيه
معناها راح تروح من بين اديه
ريت بسلامه تكوم هاي المسيه
طمّني فك عيناك باوع عليه
بويه بويه ما ريد اودعك يا علي بويه
٠٠٠٠٠٠٠٠٠٠٠
مفجوعه وبچي عليك ما ينفع ابچاي
ما ريد اودعك ليش تتوادع وياي
من شفتك تأذّيت متغيّر هواي
يابويه راح تموت من طبرتك هاي
بويه بويه ما ريد اودعك يا علي بويه
٠٠٠٠٠٠٠٠٠٠٠
جرحك جرح چتال ما بي سلامه
وجهك شفت للموت بانت علامه
يابويه تبچي وياي هاي اليتامه
شحال اليصد بالعين طبرت امامه
بويه بويه ما ريد اودعك يا علي بويه
٠٠٠٠٠٠٠٠٠٠٠
مجبل علينه العيد ياحيدر شلون
شنجاوب الخطار عنك يسئلون
والفقره والأيتام بابك يگعدون
معوّدهم انت عليك يمك يفطرون
بويه بويه ما ريد اودعك يا علي بويه
٠٠٠٠٠٠٠٠٠٠٠
بعدك يتامه انصير والدمعه بالعين
هذا الحسن مفجوع يتّچّه بحسين
زينب أنه وعباس ننطي الوجه وين
خلّانه نبچي دموم ما يرحم البين
بويه بويه ما ريد اودعك يا علي بويه
لحن تراثي / دهري. ذبني
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هوسات للامام علي ع
حكمك بلعداله بس الك يحله
موكلمن يجي للحكم ويعدله
انت بلمراجل تشهد المله
بس حكمك ثابت عنوانه
🩸🩸🩸🩸🩸🩸🩸🩸
بس انته اتعرف تحكم عداليه
كله الناس ماتلحك مساويه
واتساوي ابعداله اتصفي النيه
بس حكمك عادل ميزانه
🩸🩸🩸🩸🩸🩸🩸🩸
محد يلحك اقلامك الراسلهه
تحكم بلعدل لاما تملله
الحكمه بلعداله انته تمثله
قانونك اشحده اليلحك
🩸🩸🩸🩸🩸🩸🩸🩸
محد جذب ماواحد حكم قانون
مثلك بلعداله طلعيت افنون
هاذ الحكم كالو صافي اومضمون
ماتوصل ناس القانونه
🩸🩸🩸🩸🩸🩸🩸🩸🩸
ابو الحمله الك يحله الكلام الزين
تمشي بلذي ايساوي البحث بلزين
انته لليعيل ادكله خطك شين
والشين ايعرفه ابميزانه
🩸🩸🩸🩸🩸🩸🩸🩸🩸
امعدل من يجيله الشين ويعرفه
ابو الحسنسن هوه اليكضي الكلفه
كلمن كال هذا انه جذب واخفه
بس حيدر واضح ميزانه
🩸🩸🩸🩸🩸🩸🩸🩸
تمت بعون الله تعاله
بقلم الشاعره أم تحسين البصره
غير مبري الذمه اليحذف اسم الشاعره وينسب الكلام له
الفاتحه الى روح الشاعره ام تحسين
ياأمير المؤمنين
ياإمام المتقين
***
اليتامه ابّاب بيتك ﮔامَت اتنوح
عجَب مافزّزك نوح اليتامه
وﭼنت من تسمع ابوَنهم يمولاي
تِون واتنوح ﭼن نوح الحمامه
وتنحَب ابدمعه وأنين
ياأمير المؤمنين
***
الدنيه ابفـﮔد حيدر حنّت الراس
وفرحَت وانتِشَت أم الخباثه
ثار الهه اوتطلبه ومانسَت يوم
لأن طلـﮔهه حيدر بالثلاثه
وطَلعت الحقد الدفين
ياأمير المؤمنين
***
وَن لِمصابك المصحف والآيات
وعليك الدين يبـﭼي ابدمع حزنان
لأن يوم انصِبت مو دم يمولاي
شَرع راسك نزف وحروف قرآن
وطود حزنك مايلين
ياأمير المؤمنين
***
عدوانك إجوا دارك شِماته
فرحانين بمصاب الجرَالك
وردّوا بالفشل من شافوا اثنين
حسن وحسين واحِدهم مِثالك
وﭼنك انته امصَوّرين
ياأمير المؤمنين
***
شيعه ايعيش بِينه الفـﮔدك احساس
صعب تفسيره وايحَير اليوَصفون
ومن يطفح حزنّه اعليك مولاي
مانبـﭼـي دمع نبـﭼيلك اعيون
وإلك ياخذنه الحنين
ياأمير المؤمنين
=============
لقمان البدران
لقاء مولاي الامير مع الزهراء ع
مشتاگ وجيتچ يالزهره
امتانيتك بعيونچ اقره
نفس اعيوني
اصفـر لـوني
++++++++++
نظرة عينچ وملگاچ منتظرلها صارد اشگد
يالتارك غيابچ ذاك خلّه ابگلبي ماتنسد
لمسي طبرتي بهداي احرورة سمّي خل تبرد
وجروح الگلب بعدين بيهن نحچي ماتنعد
شبعيني اشلونك يالغالي
ما رايح صوتچ من بالي
من طبروني اصفر لوني
++++++++++
احچي عن صفار اللون وتحاشه الحچي القاسي
مو من طبرتي والسيف موتي بجرحي لحساسي
عظيمه اتطيح يم حسين آنه عمامه من راسي
وگعتي الوجهي بالمحراب واسمچ يمشي بانفاسي
واگع واتمنـيتچ يـمـي
چفچ چان اليمسح دمي
ودمع اجفوني اصفر لوني
+++++++++
ليهسه عليچ حسين لابس اسود ابحزنه
للمسجد اجه ومن شاف دمي الشيبتي اتدنه
يمسحها واگله اتهون يومك ماكو اشد منه
گلي اعرف ولكن كون امي اتشوفك اتمنه
اسمچ يالزهره اعله اللسانه
هم مثلي اتغيرت الوانه
من شافوني اصفر لوني
+++++++++
گطعي يم حسن مبچاچ خل سالفتي اكملها
من جابوني وسط الدار وانجمعت علي كلها
كونچ شايفه العباس ليش دموعه يهملها
زينب لو سمعها اتصيح يايمه
ركض الها
امگابلها ويمسح دمعتها
وكل حيله ايون من ونتها
هالخلوني اصفر لوني
+++++++++
عدها ام البنين اهواي من البيني وبينيچ
تشد عصابتي وتنوح وينچ يم حسن وينچ
حيدر جرحه ما يلتام الا اتلزمه چفينچ
اثنين اعيوني معميات كون اولا سطر عينچ
صحتلها ادموعچ ضميها
لو ردت زينب لاگيها
بذيچ اضعوني اصفر لوني
++++++++++
بموادعنه ساعه ازمان طابع صدري من ظمهم
عدهم حچي ما يحچون بس بنظره افهمهم
اقراها ابدمع لعيون اسلملهم عله امهم
كلهم غمضو وياي يوم الغمضت يمهم
مشتاگيلچ حيل احبابچ
اذاهم يالزهره اغيابچ
وهم فگدوني اصفر لوني
ثائر الربيعي
▪️رباعية ليلة إستشهاد أمير المؤمنين (ع):
١/وداعاً ربيعَ اليتامى وداعا
بفقدِكَ صرنا نعيشُ الضَّياعا
إذا كَسَرَ الدَّهرُ منا الشِّراعا
سيُغرِقُنا الظلمُ يتلو الظلاما
٢/بِكَ الموتُ يا واحِدَ الحرْبِ دانا
فكيفَ دنا مِنْكَ يا مُلْتجَانا
رجوناهُ يا موتُ خلِّ أبانا
ولكنْ أبى فاغتدَوْنا يتامى
٣/أتينا لنمْسَحَ دمعَ (الزكيِّ)
يراكَ طريحاً بحالٍ شجيِّ
فما قيمةُ العمرِ بعدَ عليِّ؟!
نعاكَ فزادَ القلوبَ ضَراما
٤/تورَّمتَ مِنْ سُمِّ رجسٍ عنيدِ
فجئنا نُصبِّرُ قلبَ (الشَّهيدِ)
تمنّى قُبَيْلَكَ حزَّ الوريدِ
وأنْ لا يراكَ جرَعتَ الحِماما
٥/أبا العَطْفِ مهلاً إلى أينَ ذَاهِبْ؟!
وبالنَّعشِ تُمْسِكُ (أمُّ المصائبْ)
هَوَتْ عندَ رأسِكَ والقلبُ ذائبْ
مِنَ الرُّزءِ لا تستطيعُ القِياما
٦/دعتْكَ "أبي" والعيونُ جريَّهْ :
بسيفِ الخوارجِ ذُقتَ المنيَّهْ
عجيبٌ! أأُدعى غداً خارِجيَّهْ؟!
وشمرٌ لرحلي يقودُ الزِّماما
٧/وذي (أمُّ كلثومَ) نادتْ: أجبني
أبي مَنْ يردُّ الأعاديَ عنِّي
لأنِّيَ بنتُكَ يُضرَبُ متني
ورأسُ الحسينِ يسيرُ أماما..
الشاعر علي عسيلي العاملي
#يا_علي
#اللهم_عجل_لوليك_الفرج
استشهاد أمير المؤمنين علي بن ابي طالب عليه السلام
(قصيدة نزال )
يا علي ياعلي يكرار
يا علي انت سر الإسرار
*----------------------*----------------------*
اكبر وثيقه يا علي چانت بالاسلام
مايوم نزلت هامتك سجدت للاصنام
كتبت عليك اهل الشرك بسموم الاقلام
ما لگوا نقطه بسيرتك بس عزه واقدام
يا علي حيريت الافكار
يا علي انت سر الأسرار
*--------------------*----------------------*
شگد حاربوك اعلى المنابر ما نفعهم
ما گدرت تغطي الشمس كثرة بدعهم
عدوانك الشك والشرك ضدك جمعهم
سيفك يقتال العرب حق وصرعهم
يا علي صولتك يفقار
يا علي انت سر الأسرار
*--------------------*---------------------*
ما لك شبيه بهالبشر ما صح مثالك
يردوني اترك ملتك واترك جلالك
دورت ماكو بهالخلق يشبه خصالك
يردوني اترك جنتك واترك جمالك
يا علي ياعميد الاطهار
يا علي انت سر الأسرار
*----------------------*---------------------*
حربك تظل حربي رغم انف النواصب
وابقى على دربك ياعلي للموت احارب
يردوني اترك هالدرب وامشي اعلى جانب
لو ما علي كل معضله منهو اليجاوب
يا علي باب علم الأنوار
يا علي انت سر الأسرار
*----------------------*-------------------*
انت الوصي انت الولي يا نور العيون
ماكو نبي بعد النبي بس انت هارون
قائدنا تبقى يا علي رغم اليضدون
لو ردنا مثلك يا علي وين اليشبهون
يا علي انت نفس المختار
يا علي انت سر الأسرار
*---------------------*----------------------*
يالحيرتهم بالمواقف والبطولات
ربك علي وانت علي يا كل الايات
مكتوبه بفراش النبي بس حيدر يبات
غيرت والله بموقفك كل الحسابات
يا علي يارعب للكفار
يا علي انت سر الأسرار
*----------------------*--------------------*
محمد النوري