7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
ميمر ( جعفري ) مجنس إلى الامام جعفر الصادق عليه السلام
يالتنشــد أعليــه منيــن
شيعي وأمامــي جعفــر
*
تنشــد علّــّي گلبـــي سـؤالك مله
أهوى شخص تعرفني من يا مله
هاك استمـــع لكن أبصــوت المـلا
من منظري الدم جعفري حب حيدره يظل مصدري
ما أبــدل أبحـب الإل
كنوز الأرض والجوهر
**
بجعفــر الصــادق تعلّه دوم الرايـــه
يا مــذهب الما درس علمــه و رايه
من الزغــر شهگــت غرامــه الريــه
شهگت عشگ وگلبي يدگ جعفري ابقى من صدگ
وما اعوفه ابدن للموت
لـــو ينگطع هل المنحر
*
كــل الحقــد يالناصبــي مــن جـــدك
واعـرف هزل طبعك تره مــن جـدك
جد واجتهد شنو الربـــح مــن جدك
خذ مايلي واسمع الي ما تدخل الجنه وعلي
يــا جنه گلــي الوعدوك
وچم جيل بيها اتقشمر
****
وارث عشگهم مــن أبي مــن جــدي
جديت انه وكــل الربــح مــن جدي
لا مو هزل اخذ الحجي مـن جــدي
بلا حيدره خير الورى لا جنه يــوم الاخره
الجنــه تــره بالكـــرار
صدگ أبغيره تخسـر
*
اربعطـعــش الهــم بصمــت أبعشـره
وعشرة عشگهم ما أمل هل العشره
بــالك تگلـــي أمبشــريــن العشــره
يا عشره اجب اقره الكتب تسعه تراهم بالچذب
أواحد فقط بس معروف
لــو رايــد اقـــره المصدر
*
مـــا اتبـــع أهـــل الشــرك لا غيّها
شما تلغي ثق مـــا استمـــع لاغيها
بـــس جعفــر وغيره تـــره لاغيها
يظل مذهبي لا ما أبي غيره ولا لذ مشربي
الشارب عشگ حب الآل
گلبه يظل غصن اخضر
*
الشاعر
موسى البديري
[[ محلاها الزياره ]]
لمولاي جعفر الصادق عليه السلام
ريت اشوفنها المناره
لصادق الآل الغـــياره
كون اشمه -- وابچي يمه
هاي محــلاها الزياره
◽◾◽◾◽◾◽◾◽◾
ليش گبرك لا مـــناره ولا ضــريح
وانته ابن حسين مـــولانه الذبيح
كون حيلي يطيح مو گبتك تطيح
غير مهـــــــدينه بعد المن نصيــح
يبن فاطمة الزچيه
يمن للخادم تچيــه
اترابه اضمه -- وابچي يمه
هاي محــلاها الزياره
◽◾◽◾◽◾◽◾◽◾
يمولاي شلـــــون ازورك واعتنيك
يالبعــيد ابّين غربه اعجـز اجيــك
ارد اگــــلك گبب عدهم كل بنيــك
شنــــهو ذنبك ماكو شباچ العليــك
الـــــعتره بتــرابه بعدهم
واحنه اهلنه اگبور عدهم
طولي اطمه -- وابچي يمه
هاي محــلاها الزياره
◽◾◽◾◽◾◽◾◽◾
هم يــمر بيك الحنين بكل غروب
وروحك لزينب يبو الكاظم تذوب
اتحن لعد عــباس وحسين وتلوب
اتطـشريتو ليش وبعيــده الدروب
شگد صلف دهر الاخذكم
عـــــن اليحــبكم بعــدكم
والله لچمة -- وابچي يمه
هاي محــلاها الزياره
◽◾◽◾◽◾◽◾◽◾
رايــــــد اعرف سيدي منك جــــواب
والله لو تحچيلي عن ذاك الخطــــاب
الگلت بيه لوما اعلــه شيعـــتنه نهاب
چا حچينه شباقي بالطف من مصاب
شصار اكثر من يسرهن
وع النهر طايح گمرهـن
وفاض دمه -- وابچي يمه
هاي محــلاها الزياره
◽◾◽◾◽◾◽◾◽◾
كون جوه گبـــتك انصــــب عزاء
ونذرف ادمـــوع لمصايب كربلاء
يا صدوق وصادق وكـــلك عطاء
يم ضـريحك سيدي يروح العناء
ان شاء الله المرقد يلالي
بيــــوم وانجـــيلك يغالي
انشوفه قمه -- وابچي يمه
هاي محــلاها الزياره
◽◾◽◾◽◾◽◾◽◾
عبد العليلـه
✍حيدر ابو كيان الفاطمي
يالطيحتك طيحت شمس
وبصدرك الهم منحبس
يالفركتك مره ياصادق العتره
،،،،
ياسادس العصمه الذي الله نعرف بيها
يا ابن ام فروه الصدك ناسينه طاريها
نعتذر منها العالمه اليحجي الشرف بيها
بايامك نسولف جرح والدمعه نجريها
المصابك يهل الدمع
ننحب ونلطم عالضلع
وماتبرد الحسره ياصادق العتره
،،،،،،،،،،،،،،،
جي صادق بكل الحجي الصادق يسمونك
مولاي مصدرها الشمس طالع امن عيونك
بالسم متت مامنذبح وادم يسلبونك
الحمد لله من طحت ماطلعت اضعونك
مولاي ماطلعت مره
فوك الهزيله اميسره
شيهود العبره ياصادق العتره
،،،،،،،،،،،،،،،،،،
بمصابك ونذكر جرح زينب المسبيه
ومصاب جدك من وگع ونولت علويه
يجرحك يمولانه رقم الف وتسعميه
بي تذكر الصابه سهم والشيبه مدميه
بي تذكر الشاله رمح
مسلوب ثوبه ومنذبح
ماترحم الكسره ياصادق العتره
،،،،،،،،،،،،،،،،،،،
يالصادق ابسم الجبد مانايم ابليلك
حيلك الوادم سلبته بيمن تشد حيلك
مومثل جدك وحده موجود اليشيلك
لاخيل داست عالضلع وبنيه تبجيلك
جدك الطايح عالثره
مخلينه جثه موذره
والمنكسر ضهره ياصادق العتره
،،،،،،،،،،،،،،،،،،،،،
مولاي حالك مومثل عمتك الملجومه
عافت اخوها عالرمل ومسلبه اهدومه
عطشان وتعرف العطش صيطر عله الحومه
وطلعت العلويه بهزل مكسوره مهضومه
نسوان مابين الزلم
والخيم طاحت والعلم
والمدمع شكبره ياصادق العتره
ابوفايز الرافضي
بمناسبة استشهاد عم النبي حمزة بن عبد المطلب رضوان الله عليه
طيحتك ياحمزه لوعتها تطول
انكسر بيها ظهر حيدر والرسول
اه يافگد الاحبه. صعبه ذيچ الساعه صعبه
انكسر بيها ظهر حيدر والرسول
★★★★★
رحلتك من دار الارقم بعت عمرك للرسول
واجب التنفيذ امره. اشمايصرح. لويگول
الباقي من عمرك فنيته. اسد علباطل تصول
وتدعي كل صبح ومسيه يمن ربك بالقبول
جندلت كل ظالم وطاغي عنيد
غير وجه الباري فعلا ماتريد
المثلك أنته يگضي نحبه
صعبه ذيچ الساعه صعبه
نكسر بيها ظهر حيدر والرسول
★★★★★
غير الواقع اسلامك. وفاجئت بيه الالوف
مو ابال العده سيفك ضدهم بهاي السيوف
أبدر شافوا عذابك. فرقت جمع الصفوف
البلحرب شافك گباله. غير موته مايشوف
وين عتبه وين صولات الوليد
ظمن روحه إلي صفه عنك بعيد
خذوا منك ثار عتبه
صعبه ذيچ الساعه صعبه
نكسر بيها ظهر حيدر والرسول
★★★★★
مبتشر چان بوجودك حگه طه يبتشر
اشسوه بالعدوان سيفك يشهد السيفك بدر
كشفت عن النبي الطاهر كربته بيوم العسر
صعبه تالي تروح منه وگلبه بعدك ينكسر
ودوا أهل الغدر والبايع ظمير
وين ماصرت ودرت وحشي يصير
بالظهر ماخطه الضربه
صعبه ذيچ الساعه صعبه
انكسر بيها ظهر حيدر والرسول
★★★★★
مثلوا بيك الاعادي. طبع عدهم موجديد
من الأساس الغدر بيهم يجري وي دم الوريد
تاكل بجبدتك وسفه. من لفت جدة. يزيد
علنبي مامثل يومك. من رحت لله شهيد
يوم مامثله على گلب الرسول
علثره طايح يچتال الفحول
شلون حال النبي وگلبه
صعبه ذيچ الساعه صعبه
انكسر بيها ظهر حيدر والرسول
الشاعر حسن لعيبي الحربشاوي
☘قصيده للحمزه عم النبي ع☘
نبي الرحمه ذكر عمه
يبجي وربه يسمعه
🏴🏴🏴🏴🏴
سجل ملحمه التاريخ ابد مايوم ينساها
بطلها جان اسد مغوار والعدوان بجاها
صال وطشر الجيمان وي اتراب خلاها
رفع سيفه ...
اخذ حيفه...
ظلو عل ارض صرعه...
نبي الرحمه ذكر عمه
يبجي وربه يسمعه
🏴🏴🏴🏴🏴
عم جان لرسول الله كفو ونعمين من هالعم
بطل بالمعركه وضرغام عن النبي شال الهم
طشرهم بصولاته ومن عدهم يسيح الدم
الجبل هزّه ...
بأحد حمزه...
هِزمهم مابعد رجعه...
نبي الرحمه ذكر عمه
يبجي وربه يسمعه
🏴🏴🏴🏴🏴
الحمزه ويه ابو الحسنين فرد حزام متحزمين
ما هابو شهاده وموت رادوا ينصرون الدين
هذا شانهم للدوم على هذا الدرب ماشين
رفعت راس ...
اهل نوماس ...
كلمن سيفه ودرعه ...
نبي الرحمه ذكر عمه
يبجي وربه يسمعه
🏴🏴🏴🏴🏴
لجل دين الله والتوحيد يصول وبيده الرايه
ردّو غارو الكفار واجو للحمزه عنايه
برمح كتلوه ماهابوه عدهم كتله بي غايه
هنده اتلوب ...
تريد حروب ...
وتاخذ ثارهه بسرعه...
نبي الرحمه ذكر عمه
يبجي وربه يسمعه
🏴🏴🏴🏴🏴
اجت هنده تدور اعليه ابنص المعركه وتمشي
تدوس اعله الجثث وتفوت ماهمه ابد كلشي
لگتّه امدد ومذبوح على ايد النذل وحشي
اجت حدّه ...
اطلعت جبده...
مُر ماكدرت اتجرعه...
نبي الرحمه ذكر عمه
يبجي وربه يسمعه
🏴🏴🏴🏴🏴
على ال النبي المختار ليش الناس تتخاصم
نبينا جينه انعازيه نبجي وكلنه نتلاطم
على عمّه الغدر غدروه وبكل بيت اله ماتم
بطل جيدوم...
اذكروه دوم...
يقضي الحاجه بلدمعه...
نبي الرحمه ذكر عمه
يبجي وربه يسمعه
🏴🏴🏴🏴🏴
✍بقلم شاعرة اهل البيت عليهم السلام
☘ ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه
قصيدة للإمام الرضا (عليه السلام )
----------------------------------------
واتلاگه گلبي ويه الضريح اتلاگه
يا ضامن الروح الاجت مشتاگه
آخيرآ يمك ابدارك
اجيتك وآنه خطارك
أمامي ،، أمامي
-----------------------------------
سوالف شوگ ،، نفس مخنوگ ،، گلب محروگ ،، وصلتك يا علي
ضريحك نور ،، گبب وطيور ،، عليك أتدور ،، يبعد آنه وهلي
اجيتك زاير ومحتار بأحساسي
امانه وياي جايب من تعب ناسي
دخيلك يالرضا والحرگه بانفاسي
لزمت آنه الضريح ودنگت راسي
بچيت هواي
واريدن راي
والله ادري بيك وياي تسمع شحچي
وانه اطلب الحاجات منك وابچي
ضعت ما بين زوارك
اجيتك وآنه خطارك
أمامي ،، أمامي
-------------------------------------
احسك دار ،، ولا محتار ،، برد كل نار ،،
امان زيارتك
هوى المحبوب ،، خريف ذنوب ،، اجه المتعوب ،، دخيل بحضرتك
شگلك والتعب من شفتك اتلاشى
واعرفك ما ترد اليگصدك حاشى
اليزورك ما يهيد الليل بفراشه
يظل مشتاگ الك يا جنح فراشه
يريد وياك
يچلمة هاك
يا ملجأ الحاجات واسمك شافي
ها يا علي وأدريك للهم كافي
يهنيال الصبح جارك
اجيتك وآنه خطارك
أمامي ،، أمامي
-----------------------------------------
اروحن وين ،، يعطر حسين ،، يشوف العين ،، انيس الوحشتي
يرفعة راس ،، چثيره الناس ،، صعب تنباس ،، وأگلك حاجتي
سلام ويه الدموع الترسن الحضره
اجيت وي الرسايل گاطع الصحره
بوجه الضيف تقره الحاجه والنظره
حچيت بدمع عيني وشوغة الفقره
يمدت أيد
بعد وتزيد
مگضيه ادريهه وعلي مگضيه
گلبي اطمأن والروح ردت بيه
خذتني العالم انوارك
اجيتك وآنه خطارك
أمامي ،، أمامي
-------------------------------------------
غريب إبطوس ،، الصحن فانوس ،، المناره دروس ،، الجنان ابمرقدك
عظيم الشان ،، الرضا السلطان ،، ترى العنوان ،، الامان ابمشهدك
بعدني ابحضرتك والشوگ كاتلني
ما اريد ابتعد مولاي لتهدني
گمت اكره طريق الرجعه ساعدني
لان منك احسه ايريد يبعدني
اروح شلون ؟
واغمض عيون
كلما اغمض عين تطلع صوره
عن حضرتك وتصيح خل انزروه
حبيب وناطر اخبارك
اجيتك وآنه خطارك
أمامي ،، أمامي
-----------------------------------------
وداعك موت ،، حنين ابيوت ،، ظهر تابوت ،، طريق المگبره
رحيل ارواح ،، عزيز وطاح ،، اريد ارتاح ،، يناري أموجره
اروحن وين منك يلعشت بيه
اسافر من ضريحك وانطر الجيه
واظل اندار الك للملگى يوميه
بعيد هواي بس متفضل أعليه
أمام وتاج
الك محتاج
راح ابقى يمك والجسد خل يمشي
خليتلك روحي ودمعتي أبرمشي
اردلك يوم المبارك
اجيتك وآنه خطارك
أمامي ،، أمامي
كلمات الخادم / رعد الفريجي
أعظم الله أجورنا
بذكرى شهادة حامل لواء التكبير
أسد الله وأسد رسوله مغيث المؤمنين وسيد شهداء زمانه، عم الرسول وناصره وندبة أهل الكساء #الحمزة بن عبد المطلب
ما اثقلك من يوم على قلب رسول الله
حمزه اسد الله الضارب
حمزه بحد سيفه ايحاسب
.......
لو فاض الدم يضحك سيفه
يتونس من ياخذ حيفه
تلكاه ايهوس بالساحه
ويخيره اليدناله بكيفه
يزأر لو راد ايعاتب
حمزه بحد سيفه ايعاتب
.....
يحتار اليدناله ابموته
لو صيح مايطلع صوته
صوته يموت اكبال الحمزه
جنه ايصيح ابّطن الحوته
يسكت من خوفه يراقب
حمزه بحد سيفه ايحاسب
.....
الله شكد يحب الحمزه
الراس بسيف عيونه ايحزه
والمايهتز لازم يهتز
اسم الحمزه الموت ايهزه
يشتد لو رف الشارب
حمزه بحد سيفه ايحاسب
.....
من ابعيد ايصيد الصيده
من ايفيض الدم يا عيده
يمه الفكر يوصل يندم
فارس يتصيد بالبيده
لو هد يتسمه الغالب
حمزه بحد سيفه ايحاسب
.......
جان ايخوف حته ابضله
لو ما غدرو من يوصله
من اشجع فرسان الدنيا
عم الساده ويا هو المثله
أكَمل دور ابو طالب
حمزه بحد سيفه ايحاسب
.....
عم حيدر معروفه ايمينه
يتخير احقرهم وينه
لو ما هند اتمزك جبده
جا ما فطرو جبد حسينه
شافو هالثار امناسب
حمزه بحد سيفه ايحاسب
.......
ناصر دين الله و قرأنه
صنديد واشجع فرسانه
يعشك طه وطه يعشكه
متعلي و راسخ ايمانه
مبدأ والمبدأ صاحب
حمزه بحد سيفه ايحاسب
...... زهير الابراهيمي
شكاية الزهراء لعمّها الحمزة عند زيارته :
عمي يحمزة يالغيور
جيتك إلى قبرك بزور
واشكي لك أحوالي يمبرور
انهض من ترابك وثور
وانظر بنتكم أم الخدور
بنت النبي او زينة الحور
من بعد ابوي دمعي منثور
وجوني يعمي زمرة الجور
بالنار بابي صار مسجور
والضلع من العصرة مكسور
وحيدر يعمي بحبل مجرور
جيتك على قبرك يعمي
من الظلم بس دمعي يهمي
جنين الحشا ذبوه مدمي
وحيدر علي جروه يمي
جيتك عليلة اوزاد سقمي
وبزيارتك ينزاح همي
وبشكي لك أحوالي اوظلمي
كسروا لي ضلوعي اشجرمي
أم حسين العوض
لحن (يالصادق متت)
بصوت
ملا صلاح الدراجي
بغداد
((ورثتو النار))
يالصادق النار ألكـم سجيه
ورثتو النار من باب الزجيه
ومن خيام الحسين
نارك صفــت نارين ...
"""""""""""""""""""""""""""""""""""''''''''''
نارك من تشب وعيونك تشوف
ادري تذكريت اخــيام الطـفوف
نعادت كربله يم بابك وخــــوف
بس عباس ماكو وماكو الجفوف
صرت بهيئةّ حسين وغربته
محنتك ياولي تشبه محنته
منك تــدمع العين
نارك صفت نارين ...
"""""""""""""""""""""""""""""""""""''''''''''
يبو سبــــعين عام وحيل مهدوم
عمرك خلصيــــته وماشفت نوم
ماكو هلال صار العمر بس صوم
على طف المدامع صرت مهدوم
تذكر من برز بالحسره جــسام
وعله حايط الذكره ترسم خيام
يومك ابــد ناسين
نارك صفت نارين ...
"""""""""""""""""""""""""""""""""""''''''''''
يا روحك وحــزنك تـــارس الروح
كل ساعه وتشـوف حسين مذبوح
وجن عباس ادري تشوفه مطروح
نص اليل هــــاجت حيل الجروح
صاحت منك جروحك والعيون
يامــــولاي كلشي البيك مدفون
تذكر لوعةّ البــين
نارك صفت نارين ...
"""""""""""""""""""""""""""""""""""''''''''''
يل برض البقيع الگبر چـا وين
مهدوم وعليك تهــــــدم الدين
الك عيني تصب وانوب الثنين
يل چنك علي يل چنك حسين
النواصب هدمو گبرك يمولاي
بس انته النـهر شتسوي بالماي
عطش وياك ماشين
نـــارك صفت نارين ...
"""""""""""""""""""""""""""""""""""''''''''''
شگد مــــرت ايام ومرت اعوام
ماتنسى السبي من صار بالشام
ثوب الحزن صار لطــولك ولام
يالجرحك بطول دمــوع الايتام
بجرحك چن اشوفن حيدر يصيح
يم حزن العقيـــــــله يگوم ويطيح
ويم حزن الدواوين
نارك صفـت نارين ..
عبد زينب
محمد الابراهيمي
لسان حال رسول الله في عمه الحمزة عليه السلام ...
طريق الحج كل همّك أمانه
من الأسباع وفيّت الأمانه
نذر ياعمي يالحمزه وأمانه
على الحجاج تمشي لك وفيّه
علي الأحسائي
◼️ذكرى شهادة عّم رسول الله (صلى الله عليه وآله) الحمزة عليه السلام ...
◾️إسمه ونسبه:
حمزة بن عبد المطلب بن هاشم بن عبد مناف.
◾️ولادته:
ولد حمزة قبل ولادة النبي (ص) بسنتين وقيل: بأربع سنوات
◾️إسلامه:
أسلم في السنة الثانية من البعثة وقيل بأربع سنين.
◾️سيرته وجهاده:
روي أن حمزة بن عبد المطلب كان أخاً لرسول الله (ص) من الرضاعة، وبعد أن أعلن حمزة إسلامه هاجر مع النبي (ص) إلى المدينة المنورة وكان الرسول (ص) قد آخى بينه وبين زيد بن حارثة.
🕊وروي أن أول لواء عقده الرسول (ص) في المدينة كان لحمزة إذ بعثه في سريَّة من ثلاثين راكباً لإعتراض قافلة قريش التي كانت قادمة في ثلاثمِائة راكب من الشام بقيادة أبي جهل ولم يقع قتال بين الطرفين فعادت سريَّة حمزة إلى المدينة.
🚩وكذلك حمل حمزة في السنة الأولى من الهجرة لواء رسول الله (ص) في غزوة بواط والأبواء وبني قينقاع.
🔹وبالغ حمزة في نصرة النبي (ص) في معركة بدر الكبرى وأبلى فيها بلاءًا حسناً وقَتَل فيها سبعة من صناديد قريش.
◾️قصة شهادته:
شهد حمزة بن عبد المطلب معركة أُحُد وله فيها صولات مشهودة ولأنه – كما أشرنا – قَتَل في بدر صناديد العرب فقد ترك اللوعة والأسى في قلوب مشركي مكة فأضمروا له الكيد وأخذوا ينتهزون الفُرَص للانتقام منه.!!
🔺وكانت هند بنت عتبة قد بعثت إلى وحشي بن حرب قبل معركة أُحُد وكان عبداً من أهل الحبشة فأغرته بالأموال إن هو قتل حمزة وذلك طلباً لثأر أبيها وأخيها اللذان قُتلا ببدر.
🏹وكان وحشي مشهوراً برمي الحربة ولم تكن العرب آنذاك تعرف هذا السلاح الذي كان خاصاً بأهل الحبشة
👺فقال وحشي وهو في أرض أُحُد:
إني والله لأنظر إلى حمزة وهو يهذ الناس بسيفه ما يلقى شيئاً يمر به إلا قتله فهززتُ حربتي ودفعتها عليه فوقعت في ثنته [أسفل بطنه] فخرَّ صريعاً ثم تنحَّيت عن العسكر.
💥بعد أن بلغ هند مقتل حمزة (ع) جاءت فَبَقَرَتْ كبدَهُ فَلاكَتْه فلم تستطع أن تَسِيغَه فَلَفِظَتْه!!
⚔ولما انتهت المعركة وُجد حمزة (عليه السلام) ببطن الوادي من الجبل وقد مُثِّل به.
💔وعندما رآه النبي (صلى الله عليه وآله) بكى ثم قال:
لن أُصاب بمثلك ما وقفتُ موقفاً قَطّ أَغْيَظُ عَليَّ من هذا الموقف.
📆وكانت شهادته (عليه السلام) في السنة الثالثة للهجرة النبوية المشرِّفة وقد رثاه النبي (صلى الله عليه وآله) بكلمات مؤثرة نذكر منها:
💔يا عمَّ رسولِ الله وأسدَ الله وأسدَ رسولِ الله يا حمزةَ يا فاعل الخيراتِ يا حمزة يا كاشف الكُرُبَاتِ يا حمزة يا ذابّاً يا مَانِعاً عن وجه رسول الله (صلى الله عليه وآله) ..
🏴أعظم الله أجورنا وأجوركم
استشهاد سيدنا الحمزة بن عبد المطلب عليه السلام
١٥ شوال
دمــع الحـــزن بـادي … مــن مقلـة الهــادي
يشكــي همــه … ينعــه عمــــه
ليـــث الغـــــاب
كل شخص يفگــد والده ــ يعايــن لرسمه ــ إمَثَّــل ابعمـــه
گلبــه مثــل گلـب الأبــو ــ عاطفته رحمه ــ واحضانه نعمه
حمزه احتضن طه النبي ــ وشــال المهمه ــ ولصدره ضمـه
ضم النبــي لصدره … الحمزه اشعظم گدره
مــا تِوانـــه … بهـالأمانــه
ليـــث الغــــاب
ما فارگ الهادي ودفع ــ عنـّـه المخاطــر ــ نعمه المناصر
مثل النهر يجري وفه ــ وطيب المشاعر ــ بالعــزه زاخـر
بالشــدد طه ايحشمه ــ الأول يــبـــادر ــ وايگلــه تـامـر
سور النبي وسدّه … محد وصل حدّه
بكل ظروفه … مـا يعوفـــه
ليـــث الغــــاب
هادينـــه قــرر دعوِتــه ــ يعلــن هدفهــا ــ ورايتهــا رفهـا
هبَّت قريش ابكل حقد ــ شرهــا جرفهـا ــ الحمزه كشفها
وبمكــه يشهــد صارمه ــ الزمره وحِلِفها ــ بسيفه شگفهـا
يعرف سرايرهم … باعو ضمايرهم
وابيقينـــه … حامـه دينــه
ليـــث الغــــاب
بوقعــت بــدر حاز النصر ــ وحقــق منالـه ــ ابنشر العدالـه
بالحومه صال اعله الكفر ــ وابكـل بسـالـه ــ هذي خصالـه
بوگفــاتــه سَر گلب النبي ــ ابنصر الرساله ــ ابقوله وفعاله
أهل الوثــن ذَلهــا … وطَشّر جحافلها
بالكتــايب … سيفـه لاهــب
ليـــث الغــــاب
لَمّن بدت وقعت اُحـد ــ ناعي النوايب ــ بالحــزن واثــب
حمزه برز وابكل عزم ــ ذل الكتــايـب ــ بسوح الحرايـب
لَــن ابمگيــده امدبره ــ ابچتله تطالب ــ هنــده وتــراقب
واتحشم ابوحشي … خلفه ابحذر إمشي
اتگـلّـه إحـذر … هـذا قَســوَر
ليـــث الغـــــاب
للحمزه هالوحشي اعتنه ــ من وصل عنده ــ للرمح مـدّه
سدده لصدره وصوَّبَـه ــ ولَن حان وعده ــ واصوابه هدّه
مَيت لچـن ما تكتفـي ــ الفاجره هنده ــ استخرجت چبده
وابحقــد تلتهمـــه … من عنــده منتقمه
بهــذا دمـــه … اتخلــد اسمــه
ليــــث الغـــــاب
كلمات عمار الراشدي
#شهادة_الحمزة
#(١٥)_شهر_شوال
#احزام_ظهرك
#نعي
#مفضل_حبيب
-------------
*جـبريل نادى بالســما يالهـــــادي مأجـــــور*
*الحمزه انچتل بس راسه سالم ما هو منحور*
-------
(١)
مأجــور يا طــه ابفگـد احــزام ظهـــرك
و أهل السما قبل الارض نزلت تصبرك
يالمصطفـى راح الأسد الكان ينصــرك
*و كنت بعرينه ما يمسك ظلم أو جـور*
------
(٢)
يالمصطفى الحمزه ارتدى تاج البطوله
و أصـبح أسـد الله و أسـد طه رســوله
واليوم ينعاه الشــرع فرعـــه وأصـــوله
*و تنصب مآتم بالسما الولدان والحور*
------
(٣)
معذور يا طــه عليه لو تبچــي من دم
لمصيبــة الحمــزه العرش قبلك تألـــم
لكن أخبرك يالنبــي بالما هــو أعظــم
*الأعظم مصيبة كربلا اتفت لصخور*
------
(٤)
معــــذور يا طــــه لون اتنـــــوح بعــــــده
اگــبال عينك شاهـدت مگطـــوعه چـــبده
واشلون لو شفت الحسين عالرمضا خده
*او خنصر ايده يالنبي يـ وسفه مبتـور*
-------
(٥)
الحمزه أمــلاك الســما نزلت تشـيعه
وانته خلف اجنازته تمشـــي تودعـــه
لكن احســـينك ينذبح ما يلقــى فزعه
*ويبقى عاري اعلى الثرى لا غسل و كافور*
------
(٦)
للحمزه باچر يالنبي تنصـب عزيه
وتواسي ابهذا الجرح اخته صفيه
مو مثل زينب تنسبي اعلى المطيـه
*و تنصب مآتم على اخوتها وسط لبرور*
رباعي - فائزي
عبد مُحمد وآل مٌحمد / #مُفضل_حبيب
ويلي مسموم .. جعفر فاطمه
@@@
سيد عالعرش اسمه .. وجده ورّثه علمه
طايح چبده منسمه .. يويلي اشگد تألم
غمض للاجل عينه .. شيخ او خلصة اسنينه
واحنه بفاجعه جينه .. اله ونعقدله مأتم
…
بأعظم مالوم .. چبده امخذمه
ويلي مسموم .. جعفر فاطمه
@@@
صادق عترة الهادي .. مصابه زلزل الوادي
لمن عالنعش بادي .. فجع گلب الشريعه
زلزل للعلا فگده .. ونازل والده وجده
تبچي عالنعش عنده .. واجت تبچي الوديعه
…
ابضلع المهشوم .. نزلت بالسمه
ويلي مسموم .. جعفر فاطمه
@@@
ابوجه المنخطف لونه .. مسجه مغمض عيونه
لگبره بس يودعونه .. عظيمه هالمصيبه
علم المصطفى وشرعه .. الليله ابفگده منفجعه
وشيعة فاطمه البضعه .. ابگلب يسعر لهيبه
..
دمعات ادموم .. هالمدمع همه
ويلي مسموم .. جعفر فاطمه
@@@
حين اللي وسط گبره .. نور الله صفه ابحفره
عالصادق نون حسره .. على خده التعفر
سيد من بني هاشم .. مات ابفعلة الظالم
وثاره ياخذه القائم .. اذا عالامه يظهر
…
جده مظلوم .. يلعن ظالمه
ويلي مسموم .. جعفر فاطمه
@@@
والله حالته صعبه .. حتى وهو بالتربه
لا حظره اله وگبه .. ومهضوم الذي ايزوره
الغرقد ياوسف اظلم .. جنه لاچن امهدم
وگلب اصفى اتألم .. لمن ينظر اگبوره
…
الغرقد لليوم .. وسفه مهدمه
ويلي مسموم .. جعفر فاطمه
@@@
علي احمد الحمود
٢٤-٤-٢٠٢٤
شهادة الصادق ع
تجليبه لليلة الحادي عشر
................................
اشوف الليل دلهم والاهل نومه
طفت ذيج الحرب بس ناري مضرومه
................................
بگلبي اتشب ضوارم من يطفيها
وخواني السيوف اتطعمت بيها
تلفيها المصايب حگها تلفيها
من شوفتهم اگضي العمر محرومه
✍️الشاعره مريم العبوديه اسيرة الاحزان 💔
................................
محرومه وتضل بگليبي الف ونه
على الراحو بعيد وغربوا عنه
انه بعازت الوالي وريدنه
بعيده اديارهم والطرق ملزومه
✍️ ام احمد الهاشمي
................................
هنومه يخويه عذبت حالي
اضل طول العمر لمصاب يبرالي
وبعيني صفت سودات اليالي
كل وكتي اصيح احسين يايومه
ام ✍🏻زين العابدين لمحمداويه
................................
ياونه الترد حسين واخوانه
تره سهم النوايب حاد نيشانه
حرت عگب الولي چا وين ملفانه
اصدن للحرم والروح مهمومه
ام علي البابلي
................................
مهمومه ودور بالحرب عنكم
يا ريحت هلي چا وين احصلکم
اعثر بالجثث واتنخه احشمکم
جثثكم عالتراب اليكتل اسمومه
خادمة اهل البيت عليهم السلام العلويه ام سيد مهدي الموسوي
................................
اشوو چنكم نيستوو يخوتي العشره
بين طفال زينب تضل متحيره
تريد الماي وحسين نگطع نحره
وعباس الشفيه الهامة مهشومه
ام وليــ✍️ـد الموسوي
................................
عذبني هدعش ليله ابالف ليله
نيام اخوتي وعزمي ضعف حيله
وشل ماي راسي او نگع الشيله
عالضلوا ضحايه ابخطت الحومه
خادمة آل البيت ع
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /12/ شوال / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
حسره اهاتي
وشكد لوعاتي
لجروح الخيمه
لو عماتي
*******
جروحي لو تمر غيمه
شفتهه تحترك خيمه
دمع عيني .... جرح كلبي.......عذابي
اشوف النايبه ابعيني
ونيني ولوعة اسنيني
انه العشته ....ولا صاير.......مصابي
اسولف حزني وهمومي
عذابي غير ارسومي
شفت ناري....وشاهدهه....عله بابي
اجتني فاطمه الزهره
گعدنه والنعي حسره
تبچيني.......وابچيهه ......بجوابي
اصعب منظر
كلبي اتحير
حرگو بيتي
هذا الأتي
*******
انفجعنه وكل شخص منه
يعيش .... الدمعه والونه
عالموقف ...عتب يحمل.......جراحي
صور بعيوني راسمهه
بحياتي صعبه اهضمهه
الجره عليه......يعذبني.........رواحي
ونيني اهوايه يحچيلي
وانه بچف الصبر ليلي
على احوالي...وانه اتجلد....صباحي
متت من اول اسنيني
بچيت شكد عله حسيني
هدم حيلي...وانه بعالي ....مناحي
شفت اطفالي
بهيمه اعيالي
ترگض بالبر
يا حسراتي
*******
طحت بدموعي عالعتبه
عشت بالظلمه والغربه
كلب ينزف.... جرح يهتف........عجيبه
يرووحي من الحزن هيدي
انچوت طفله وخذت ايدي
طفل حاير.....صدع كلبي........نحيبه
رگضت وتيهيت دربي
اعله ناري وشكرت ربي
بعد اصعب ....صحت زينب...غريبه
اظنهه من المشي ماتت
مصاب الشام ما عاشت
تون تنحب....عله اخوتهه.....مصيبه
ماتت روحي
بيها اجروحي
انه الصادق
يا مأساتي
*******
يهون الي جره اعليه
مصابي ولوعة البيه
انه ابدمعي....صحت زينب......خيمهه
تون والما سمع يسمع
عليهه خيول بس تفزع
نهب صاير.... اظن طايح........علمهه
تحير بيا كتر حيره
تحشم راعي الغيره
سهم بالطف....اخذ كلشي.......سهمهه
اويلي رگضت العسكر
خيام اتفرهدت بالبر
رمح واگف ....كلب زينب.....لچمهه
شلون المنحر
شاف الخدر
دمعة زينب
من دمعاتي
*******
تشوف الخيل ملتمه
تدوس بجسم ابو اليمه
تلم جسمه.....بقت يمه......عظيمه
ذبحهه المنحر الدامي
تبلل شفت الضامي
تكله اگعد....اسولفلك........يتيمه
رقيه كامت وطاحت
عله اتراب الحرك نامت
بقايا الطف.....تون سكته.....اليمه
ذبحني موقف الحيره
تنادي وين ابو الغيره
يبو فاضل...بچت زينب....هضيمه
اصعب حاله
سبي اعياله
شفت المنظر
من وناتي
*******
تمت بعون الله تعالى
خادمكم..... يوسف الفتلاوي
لفراق الام (نصاري)
غفل ياموت صوب الدار مريت
شضل بيها وعليها انوب رديت
★★★★★
العزيزه أمي خذتها وياك ياموت
صحت هونك لَوَّنَك تسمع الصوت
گلت هلمره تخطي الدار وتفوت
متعمد لگيتك گاصد البيت
★★★★★
اجيت ومقصدك كل شمل ميدوم
خذت وجه البدر من بين النجوم
من لوعه على لوعه اتذبني الهموم
سهم فوگ السهم بالگلب حطيت
★★★★★
سلبت افراحنه اشخليت بالدار
وحشه خلاف امي البيت يندار
الحزن منها وعليها اتگدَّر أگدار
مناحه ابدارنه ياموت سويت
★★★★★
عزيزه وچملاني افراگها اجروح
شلي بدنياي هاي. وشلي بالروح
مثل حلم اليمر بالعين. ويروح
على فراگ اليهدم الحيل فزيَّت
★★★★★
صدگ ماكو العزيزه وجنة الدار
التلمنه بالمحنه. اصغار وكبار
الگلب والدمع نار اتلاگت ابنار
الملگاها حنين النوگ حنيت
★★★★★
العزيزه وسلوتي ظمَّاها التراب
بهله ومية هله من تفتح الباب
تطشر يوم راحت شمل الاحباب
بعبرتي مختنگ للدوم ظليت
الشاعر حسن لعيبي الحريشاوي
هوسات الى الحمزه عم النبي
((رضوان الله عليه))
****
اسد عم النبي لا مايهاب الموت
اسف غدروه غدر وتفرعن الطاغوت
لا جناز لا تشييع لا تابوت
( وبرمحه اتصوب دلاله)
✍️☘️ام فراس الساعدي☘️
🏴🏴🏴🏴🏴
حسافه الوحشي صابه وثخن صوابه
نعازي المصطفى نواسيه بمصابه
محزنه عليه هاي الليله اصحابه
(ياحيف الحمزه مصوبينه)
✍🏻ام سجاد الشهيد
🏴🏴🏴🏴🏴
المدينه مكدره ومغبر الليله الكون
املاك السمه نزلت عليه يبجون
تواسي المصطفى وبعمه يعزون
(يعازونه بمصاب الحمزه)
✍🏻ام سجاد الشهيد
🏴🏴🏴🏴🏴
اجت هند بشماته وكصدت مچانه
شافت جثّته تضحك وفرحانه
گالت حمزه هذا چني حلمانه
(ماصدگ حلمانه عيوني)
✍🏻ام سجاد الشهيد
🏴🏴🏴🏴🏴
بحلم گالت وچن اخذ بثاراتي
لَطلّع جبده واغرزهن انياباتي
واخذ حيفي ويفوخن جراحاتي
(بس ماگدرتله الملعونه)
✍️☘️ام فراس الساعدي ☘️
🏴🏴🏴🏴🏴
حجر صارت جبدته وگامت اتلفظه
مر حنظل صبح بلسانها اترفظه
كامت والدما من ثيابها اتنفظه
(فرحت وتهوس شمتانه)
✍️☘️ام فراس الساعدي ☘️
🏴🏴🏴🏴🏴
تمت باقلام شاعرات اهل البيت عليهم السلام
غير مبري الذمه لكل من يغيير الاسماء او ياخذ كلمات القصيده وينسبها اليه
قصيده "للاخ"{شوفة اخوها}
يالاخت كلش تحب شوفة اخوها
تحس بي خيمة حنـينة من ابوها
رد عليـــــها ياوليها
خيمة وتفيي عليها
يالاخت كلش تحب شوفة اخوها
❥❥❥❥ـــــــــــــ❁❁ـــــــــــــ❥❥❥❥
يالاخت كلش تحب شوفة وليها
خصه لو بهـــمومها ينـشد عليها
يمسح الدمعات ويسكت بجيها
يمسح الدمعات بيده
روحي مشتاگه وتريده
يالاخت كلش تحب شوفة اخوها
❥❥❥❥ـــــــــــــ❁❁ـــــــــــــ❥❥❥❥
روحي مشتاگه تريد البيه محنه
وين راح الشال كلبه طيب اهلنه
ليش خويه ابساعه مطشر شملنه
ليش خويه تفارگينه
افترت الدنية علينه
يالاخت كلش تحب شوفة اخوها
❥❥❥❥ـــــــــــــ❁❁ـــــــــــــ❥❥❥❥
افترت الدنية وخذت زين المحاجي
اليوم اريد اگعد واموت من البواجي
گلبي ترجعله يخويه اليوم راجي
رايدة تنشد عليه
فرد مره اگطعت بيه
يالاخت كلش تحب شوفة اخوها
❥❥❥❥ـــــــــــــ❁❁ـــــــــــــ❥❥❥❥
جنت من تنشد عليه اطيب الجروح
هسه وينك يالعفتني حملي مطروح
تعبت كافي من الجفه مو طلعت الروح
شوفتك عنت يوالي
والهظم هل صار حالي
يالاخت كلش تحب شوفة اخوها
❥❥❥❥ـــــــــــــ❁❁ـــــــــــــ❥❥❥❥
شوفتك عنت عليه اهواي تدري
انته لو طالب عمر انطيك عمري
كافي من الفرگه شد وياي دهري
رايده يمج تگلي
انه احسن بيك ضلي
يالاخت كلش تحب شوفة اخوها
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
من ديوان نحر الرسالة ج5
عندما قال مولاي الحمزه الى ابي جهل ردها ان استطعت ... أنا قلت له سيدي ..
ياهو اليگـــــدر إيرد ضـــربتك هاي
وأنــــــــته الدين چان بچفك إيهب
عـــاشگ وانتفاضك چان محسوب
الهاي اللحضه چنت بشوگ تحّسبّ
حــــتى تگــول بــــيه يعيش الايمان
وحتى يصير واضـــح لمــــن تحــب
چنت من الندى ( لا ) ارقــى بهواي
گدام النــــــبي نـــاگوطت الحــــب
مرض چــــان بفكرهم يوم يحچون
عن قطع الطــــــريق وچنت تسلب
المثلك مــــايسلب ( حمزةّ الروح )
عبـــــد المنطلب يـــــرضاله يسلب
أبـــــــن الأدب كـــــله وأبن الأجواد
وعبد الضيف هـــذا الماهو يجّذبّ
عــلى يا ( ترمذي ) تتســلق الناس
وعليمن عــــــالبخاري انوب نعتب
حمزه ابن الديانه وصـــلب الأسلام
حمزه من التدين چـــــان محّـــرب
ماشكّ ســــولفوله عـــــن الحسين
وبـــــــوقعةّ ( أحد ) يحسين يندب
أرد آخـــــذ بثــــــــار البعده ماصار
عن كل خطـــوه چان بغربته إيدبّ
عن كل سحگه مـــن حوافر الخيل
وعن كل إيـــــد شـــــالةّ نار وتشب
عــــــن كل هـــــزله عثرةّ آخذ الثار
وعن كل جندي چان بذبحه يطرِبّ
هــــــــذا الحمزه چان من المحبين
وچــــانت بـــــي بــــرائه يلعن يسب
وأخــــيراً يالصــــرت إيقونّت الروح
رغماً عــــــالأنوف الشخصك أنحب
عبد زينب
محمد الابراهيمي
أسد حمزه اوبطل معروف.. وابحگه البشر تشهد
اسمه يرعب الكفار..واهوّه عن ألف ينعد
---
بَلف ينعد ابويعلى..يخلي المعركه بركان
وابسيفه الرگاب اتطير..من يهجم على العدوان
كفو منه بطل مغوار..يحمي المصطفى العدنان
اومن أجل الشرع والدين..حاشا همِته تنهد
---
ماينهد ولا يتعب..واگباله الكفر تركع
مهيوب اوتعرفه الناس..ماينذل ولا يخضع
لو يرفع فقط سيفه ..كل الجيش يتبرگع
فارس ما يحيطه الخوف..ابوجه الموزمه يشتد
---
يشتد العزم منه..وابملگه الكفر يلعب
يگلبها على كيفه..اوهيّه تصرخ اوتنحب
والتركض من الحمزه..ابكل خطوات تتعذب
ماتگدر على النهضه..بالتربان تتمدد
---
فضل حمزه يظل مشهور..مايخفى عن الوادم
عم المصطفى اودرعه..اوهم خِيرة بني هاشم
نال المرتبه الكبرى..اونذكره بعد دايم
هوّه باب للحاجات..مامره أبد ينسد
---
يگضيها الحوايج دوم.. اويوفي كلمن اتوسل
خيره مضرب الأمثال.. اوعنده كل صعب يسهل
يفوز اللي تعنى له..اجره كله يتسجل
وابيوم الوعد حمزه..يشفع والمحب يسعد
---
وسف حمزه بلا گبه..يويلي منهدم گبره
اومن بعيد زواره ..نص ازيارته تقره
اوتدعي بالفرج كل يوم..بلچي اتحصل النظره
واتنادي ابأمانيها ..يمتى ينبني المرقد
---
عادل العبد الله
23/4/2024
الفاتحة لروح الوالدة *آمنه العبدالله*
والشاعر *حسين العبدالله*
وين اليرخص لحمزه دمعته
ويواسي النبي ويواسي بنته
وين اللي يحب النوح وينه
عدنا امصيبه صارت بالمدينه
مات السيد الحمزه ولينا
وين اليذكره ويبجي بحسرته
ويواسي النبي ويواسي بنته
وين اللي يحب يسمع ذكرهم
وين اليحزن لساعة حزنهم
هذا اليوم مات الغالي عمهم
لهل البيت خل يذرف عبرته
ويواسي النبي ويواسي بنته
وين اللي يقول الخدمه طبعي
وين اليلطم ويقرا وينعي
تدعوكم مجالس ذكره، تدعي
كلمن يحترق قلبه وجمرته
ويواسي النبي ويواسي بنته
خادم العترة الطاهرة
1445
((يالصادق متت))
نار ..
بيك اتوجرت .. روحك فرفرت حيل
نار ..
يالصادق متت .. لمـــن صيحت خيل
صــــوره وتنطبع
براسك چم ضلع ... نار نار
"""""""""""""""""""""""""""""""""""''''''''''
جرحك أشكبره
ودمعتك حـمره
منين ماتنضر عيونك غاضريه
حزنك الـــدايم
صحت ياجاسم
دمعتك ترسم ضعن مابي رقيه
رمله من ردت عاتبت حتى التراب
راح أهلهلك مـــــن تمر زفةّ شباب
راح ..
امك بالمحن .. هايبن الحسن عود
راح ..
جمر ويستعر .. وثـــياب العمر سود
جفــــنك بالدمع
براسك چم ضلع ... نار نار
"""""""""""""""""""""""""""""""""""''''''''''
يوم من حرگو
بيتـــــك وأذو
گلبك المابي فرح بس المصيبه
اتذكرت حاله
بيهـــــا خياله
بيها نــــار الخيمه وتنادي غريبه
دمعتةّ عيونك سيدي نار الطفوف
تقــــرا لطميه النهر وين الچفـوف
ناح ..
عمي ياگمر ... ليش اعله النهر ليش
ناح ..
هدو عالخيم .. يـــاعمي وألم جيش
صياح ونـــــسمع
براسك چم ضلع ... نار نار
"""""""""""""""""""""""""""""""""""''''''''''
روحك بهيمه
لوعتك خيمه
ليش تركض جَسدت حال العليله
صحت عافوني
اهلي خــــلوني
راح اضل بغــــــربتي مثل العقيله
تصيح تركوني الضعن نـــاوي المسير
وياكم اخذوني افرش ارموشي حصير
وين ..
بالك سيدي .. ضـعن وبالحدي صار
وين ..
توگف تنتچي .. ماكافي البچي الحار
حزن وينجـــــمع
براسك چم ضلع ... نار نار
"""""""""""""""""""""""""""""""""""''''''''''
صحت يحسيني
ماتــمل عيـــــني
فرض دمعاتك مثل فرض العباده
ماتمل روحي
من يمذبوحي
هاي سبعيني بــــواچي من الولاده
دمعي الك وشل كل وكت ياجد انوح
وعمري الك خلص ياجرح فوگ الجروح
آخ ..
يومك ياجرح .. ياجــــدي ورمح فوگ
آخ ..
انضر حسرتي .. تچوي دمعتي الشوگ
انته بــــــيا وضع
براسك چم ضلع ... نار نار
"""""""""""""""""""""""""""""""""""''''''''''
لا تلـــوموني
من تحاچوني
ياهو عماته على الهزل سبايه
حگي لو انحب
عمتــــي زينب
ضلت اتغطي رقـــيه بالعبايه
طبت بديوان عمتي وبـــديها الحبال
ولاذت النسوان بيها من عين الرجال
ناس ..
مابيهم أبي .. ويــرحم بالسبي وين
ناس ..
شام وبي بله .. وتبچي العايله عين
نار وبالـــــــشمع
براسك چم ضلع ... نار نار
عبد زينب
محمد الابراهيمي
لسان حال رسول الله صل الله عليه واله في مصيبة عمه الحمزة عليه السلام...
عيوني بالدمع يازهره غطيّت
وفي نوحي اعله عمي الحمزه غطيت
شفت أوصاله ورحت جثته غطيت
لا اخته تنْظره العمه صفيه
ياعمّه احزانج ابهالدنيا عمّي
وكشفي من أحد كل خافي عمَي
غزوتها اذبحت لي الحمزه عمّي
وهند كبده كلت عمّه صفيّه
لسان حال السيدة زينب ليلة الحادي عليها السلام..
قفي ياظلمة الحادي وستري
وغطّي بالفلا احبابي وستري
عگب سلب العدو اخماري وستري
صفيتي انتي العبا بالغاضريه
علي الأحسائي
🕋🕌📖
عظم الله لكم الاجر بمصابنا بسيدنا الحمزه عم رسول الله (ص) المصادف ١٥ شوال
✋🏻✋🏻✋🏻
زيارة الحمزة عليه الصلاة والسلام
[ اَلسَّلامُ عَلَيْكَ يا عَمَّ رَسُولِ اللهِ صَلَّى اللهُ عَلَيْهِ وَآلِهِ . اَلسَّلامُ عَلَيْكَ يا خَيْرَ الشُّهَدَاءِ . اَلسَّلامُ عَلَيْكَ يَا أَسَدَ اللهِ وَأَسَدَ رَسُولِهِ . أَشْهَدُ أَنَّكَ قَدْ جَاهَدْتَ فِي اللهِ عَزَّ وَجَلَّ ، وَجُدْتَ بِنَفْسِكَ ، وَنَصَحْتَ رَسُولَ اللهِ صَلَّى اللهُ عَلَيْهِ وَآلِهِ ، وَكُنْتَ فِيـمَا عِنْدَ اللهِ سُبْحَانَهُ رَاغِباً ، بِأَبِي أَنْتَ وَأُمِّي أَتَيْتُكَ مُتَقَرِّباً إِلى رَسُولِ اللهِ صَلَّى اللهُ عَلَيْهِ وَآلِهِ بِذلِكَ ، رَاغِباً إِلَيْكِ فِي الشَّفَاعَةِ ، أَبْتَغِي بِزِيارَتِكَ خَلاصَ نَفْسِي ، مُتَعَوِّذاً بِكَ مِنْ نارٍ اسْتَحَقَّهَا مِثْلِي ، بِمَا جَنَيْتُ عَلى نَفْسِي ، هَارِباً مِنْ ذُنُوبِيَ الَّتي احْتَطَبْتُها عَلى ظَهْرِي ، فَزِعاً إِلَيْكَ رَجَاءَ رَحْمَةِ رَبِّي ، أَتَيْتُكَ مِنْ شُقَّةٍ بَعِيدَةٍ ، طَالِباً فَكَاكَ رَقَبَتي مِنَ النَّارِ ، وَقَدْ أَوْقَرَتْ ظَهْرِي ذُنُوبي ، وَأَتَيْتُ مَا أَسْخَطَ رَبِّي ، وَلَمْ أَجِدْ أَحَدًا أَفْزَعُ إِلَيْهِ خَيْراً لي مِنْكُمْ أَهْلَ بَيْتِ الرَّحْمَةِ ، فَكُنْ لي شَفِيعاً يَوْمَ فَقْرِي وَحَاجَتي ، فَقَدْ سِرْتُ إِلَيْكَ مَحْزُوناً ، وَأَتَيْتُكَ مَكْرُوباً ، وَسَكَبْتُ عَبْرَتي عِنْدَكَ بَاكِياً ، وَصِرْتُ إِلَيْكَ مُفْرَداً ، وَأَنْتَ مِمَّنْ أَمَرَنِي اللهُ بِصِلَتِهِ ، وَحَثَّني عَلى بِرِّهِ ، وَدَلَّنِي عَلى فَضْلِهِ ، وَهَدَاني لِحُبِّهِ ، وَرَغَّبَني فِي الوِفادَةِ إِلَيْهِ ، وَأَلْهَمَني طَلَبَ الحَوائِجِ عِنْدَهُ ، أَنْتُمْ أَهْلُ بَيْتٍ لا يَشْقَى مَنْ تَوَلاَّكُمْ ، وَلا يَخِيبُ مَنْ أَتَاكُمْ ، وَلا يَخْسَرُ مَنْ يَهْوَاكُمْ وَلا يَسْعَدُ مَنْ عَاداكُمْ ] .
نسألكم الدعاء و الزيارة
🚩🏴🏳
استشهاد حمزة بن عبد المطلب ع ( ١٥ شوال )
ناصر المختار ــ فارس ومغوار
حمزه سيف المصطفه
ناصر المختار
أسد باري الكون ــ وأســد هادينـه
حمزه ليــل انهار ــ سيفــه بيمينـه
حارس المختــار ــ ما غفـت عينـه
حمـزه للإســـلام ــ ضحى بسنينه
سيفه يلهب نار ــ حارب الكفــــار
اعليه يبچي مرهفه
ناصر المختار
بالحرب لو فـات ــ بهيبــه يتبختــر
فَـنّـــه ليلاويـــه ــ يــا بطــل يگـدر
چَنّه ملك الموت ــ عالكـفر لــو كــر
يخطـف الأرواح ــ بصوته من يزٲر
ايزلزل الميدان ــ وتشرد الفرسان
غيض گلبه عاصفه
ناصر المختار
حمـــزه للميـــدان ــ يگلب اترابـه
سيفه سيف البين ــ طلّـگ اگرابه
خل نمير العيــن ــ يجري لمصابه
والنبــي مهموم ــ والحــزن صابه
ابمنتصف شوّال ــ نالتــه الآجــال
حمزه عنوان الوفه
ناصر المختار
هنــــده للثــارات ــ قدِّمــت كلشــي
عالرمح والسيف ــ درّبـــت وحشـي
اتگله عن الثــــار ــ ما غمض رمشي
حان ثاري وهاك ــ رمحك او امشي
اتخفّه عن عيناه ــ غدره لا تتنـــاه
ارميه رميه خاطفه
ناصر المختار
وحشي هالملعون ــ من وصــل عنده
واعله صدر الليث ــ للرمـــــح هـــدّه
حمزه لَـمّـن طــاح ــ گصدتـــه هنــده
بخنجر الأضغـان ــ استخرجت چبده
مضغته ابأحقاد ــ آكلة أكبــــاد
دموم چبـــده نازفه
ناصر المختار
وصلـــت الأخبار ــ الوالـــد الزهـــره
حمزه عمك مات ــ حالـــه لتنـظـــره
بلا چبد مطروح ــ جسمـــه عالغبـره
من وگف فوگاه ــ خنــگتـــه العبــره
عمي يالمظلوم ــ يومك افجع يوم
بــدر دنيانـــه اختفـــه
ناصر المختار
شالــو المغـــــوار ــ ويلـــي أحبابــه
والنبي ابهالحــال ــ للگبــــر جابــــه
وسّـــده وينعـــاه ــ بدمعــه سچابه
حمزه داره اليوم ــ وحشــه بغيابـه
حزنت الأكوان ــ والإنس والجان
غَمّض اعيونه وغفه
ناصر المختار
كلمات عمــار الراشـدي
قصيده لذكرى استشهاد الحمزه عم النبي
الك نرفع تعازينه وهظمنه
على عمّك الحمزه كل المنه
الحزن ضل لابس اسود .... يبو الزهره محمد
ــــــــــــــ
الك هذا الجرح ما يشفه من راح
جرح عمك الحمزه امزيد الاجراح
الك ناصر ودمه بالحرب ساح
طاح الحيل منك ساعت ا لطاح
الفرح بيبانه تنسد .... يبو الزهره محمد
ــــــــــــــ
المصايب من تجي ماترحم اهواي
ونار الماي صعبه تخمد ابماي
يمن صحت ابغيابك ظلمه دنياي
هاي الفاجعه الكسرت ظهر هاي
كل يلي تفرهد .... يبو الزهره محمد
ــــــــــــــ
غدر صابوه عمك وسفه هل يوم
ومن اسمه تره تتراجف الكَوم
مظلوم ابمصابه الحمزه مظلوم
قليل الي يذكره ويجرع هموم
المجالس ريت تُعقد .... يبو الزهره محمد
ــــــــــــــ
الاكل جبده يضل للحشر ملعون
وعلى الحمز تضل دمعات العيون
الظليمه وياه وهو ابكَبره مدفون
يمنعون الذي رادوا يزورون
فلا للحمزه مرقد .... يبو الزهره محمد
ــــــــــــــ
يجي يوم ونزوره ونبني كَبره
ونبنيه مرقد الفاطمه الزهره
ونبنيه البقيع ونبني حضره
ومجلس عام المهدي يحضره
المن الله مؤيد .... يبو الزهره محمد
الشاعر محمد حسن ضيغم
مشتاك اوصل لبابك
مولاي واشتم ترابك
روحي كلش توازت
توصل هيه لعتابك
بيه لعشك مولاي
كلبي يدك مولاي
كلي صدك. . مولاي
بصحنك هوى كلبي رتوى
هيه بيك الروح هامت ارد اجي
كل العمر. واني انتضر
انحني يم بابك بشوك وبجي
.................................
حلمي انه لزياره
كلبي يسعر بناره
ذنبي كلش هوايه
يمك كلبي وسراره
من الزغر مولاي
حد الكبر مولاي
انته العطر مولاي
بشوك ودمع انه انفجع
يمك اوصل يلرضا منيتي تره
بشوكي احس انته النفس
يارئوف الروح دربك مفخره
.............................
رايد امشي مشايه
بيدي وارفع الرايه
همي انه اوصلك
كلبي حبك هوايه
حبك رزق مولاي
انته العشق مولاي
بسمك نطق مولاي
حلمي اصيح واسط الضريح
خادم تخليني وخدم انه اريد
ها يلرئوف يمك اطوف
يا قريب على الكلب ماهو بعيد
............................
بسمك ينطق الساني
صاير انته سلطاني
راحت نفسي وحلامي
اشتم عطرك متناني
ها يلرضى مولاي
كلبي فضى مولاي
بشوكك حضى مولاي
امشي لدرب حلمي اطب
لحضرتك مشتاك كلش انه اجيك
ذنبي كثر كلبي نكسر
ليك اوصل يلرضا وروحي بديك
...............................
خادم ابقه خليني
لحسين انه بسنيني
مولاي ولطلب يمك
رايد نضره تحيني
انه لفده مولاي
بسمك بده مولاي
منك نده. مولاي
خادم اصير بسمك جبير
انه كل حلمي ودعائي ليك ازور
يمك اضل هام العكل.
اسمك السلطان بيه ضل يدور
.............................
وداد البخاتري