7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
#من_ديوان_مراثي_الفاقدين_ج2
قصيدة للزهراء ع (محد يحس بالوجع)
❥━──➸➽❥❂❥━──➸➽❥❂
محد يحس بالوجع بس الفگدهه
امي عافتني وغفت وسفه بلحدهه
الأعز من روحي عليه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
ما يحس بهمي بس الفاگد امه
چلمه الأم لو سمع بيهه تهضمه
رحتي يايمه ودليلي بگه بهمه
والله يخنگني النفس لوصحت يمه
رحتي وما الچ جيه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
انتي نور العين وانتي اغله من الأنفاس
فراگ وجهچ يالحنينه بالگلب جاس
الفاگده امها اوياي خل تلطم عله الراس
تحس بيه انا اوياها نفس الإحساس
خاليه ظلت اديه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
من يمرني الضيج چانت امي يمي
مشاركتني بالتعب وتشيل همي
ومن بعدها گمت احسن باد عضمي
كون من بعد الزچيه العين تعمي
ريت تلفيني المنيه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
شلي بالدنيه بعد عافيتي راحت
احس گلبي مات من گلولي ماتت
اوياها يا هالناس احس الروح شالت
وباقيه بس الجسد والدنيه مالت
الدنيه عيشتني برزيه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
والله محتاجه الحنانچ انا تدرين
شنهو اليعوض مكانچ يم الحسين
شماله ما يرحم ابحالي اذاني البين
اخذ من عندي الحبيبه ام گلب الحنين
خله دمعاتي جريه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
اليفكد امه •• يعيش بضلمه
آويه دموعه اطيح احلامه
وبـلا ضحكه ايكضي ايامه
••••.••••.••••
الما يكله امه امن ايطب داره وكواك الله وليدي تـكـله
تضل بعيونه دموعه مخيمه وخوبن خل يموت احسله
يـهـتـز الفنجان احــذاهـا ومــا يــدري بـ آلام الـدلــه
والما فاكد امه شيدري وعالفركه يـكـول شـكـد سهله
المدمع زايد •• بس للفاكد
وبــس للنوح يشد حزامه
وبـلا ضحكه ايكضي ايامه
••••.••••.••••
حسين يسولف وي غاليته يحجي شويه ويبجي شويه
نسمه انتي ومو حفره امجانج كون نضمج وسط الريه
مـن ليلة دفـنـج للعاشر مــا طالع مـصـبـاح اعـلـيـه
الدنيه انتي الجنتي محليتها وهسه خلافج مـره الدنيه
بلا غاليته •• مضلم بيته
وحسرة كلبه بكثر اسهامه
وبـلا ضحكه ايكضي ايامه
••••.••••.••••
الزلمه شما يكبر بعيونه حضن امه يضل ملجأ روحه
والمن اول عمره تيتم الله الـيـدري شـكـد جـروحـه
الـفـاكد امه يصير مبين مـن دمعة عينه المفضوحه
يبجي شما يذكر كعدتها وبس الموت ايسكت نوحـه
وحشه سنينه •• وتهمل عينه
وبس اللوعه تصير ولامـه
وبـلا ضحكه ايكضي ايامه
••••.••••.••••
اليـفـكـد ام واخ دمــوعـه تـنزل مثل السيل وحمره
وحسين امه الكسرت كلبه والمحسن هم كاسر ضهره
وحركة فركاهـا الام تبقه بـكـلـب الفاكد مثل الجمره
وصدر حسين مجمر باقي لحد ما لعبت خيل بصدره
يبجي وينحب •• هوه وزينب
وحيدر يمـه يـدك عالهامه
وبــلا ضحكه ايكضي ايـامه
••••.••••.••••
بيت وما بي ام ما ينطب ومصباح العيد يضل وحشه
والشالو نعش امه اكباله بـعيونـه اهون شيلت نعشه
بطرف اهدومه يصير الفاكد يمشي ويتعثر بالممشـه
مـن كبر امه تـراب يلمـلم وفوك الراس يضل يطشـه
يشيل عيونه •• فوك متونه
وموش شماغ دموعه لثامه
وبــلا ضحكه ايكضي ايـامه
محمود محمد العطواني
يبعد العافيه ويا شمعة البيت
ادخيلج ويـنـي اويـن التوابيت
ـ
يا غـالـيـتـي اجيبن مثلج مـنـيـن
عكبج حـالـي حاير بين الاثـنـيـن
اسكت روحي لو اسكت بالحسين
اموت وياج يام زينب تـمـنـيت
ادخليج ويـنـي اويـن التوابيت
ـ
ضلعج منكسر وكليبي مكسور
وما تحلالي بس كعدات الكبور
كل مغرب يمرني چفاج عاشور
يفاطم بالدمع عكبج توضيـت
ادخليج ويـنـي اويـن التوابيت
ـ
عكبج حيدره للـنـوح تـالـيّ
قـالع باب خيبر بـابـه يـاذيّ
تسگي اجم نهر ضلت بواجيّ
تغطيتي بترب وبـ هم تغطيـت
ادخليج ويـنـي اويـن التوابيت
ـ
ذبحني الباب حيف ورمحي بسمار
اون ضليت كـلمـا ازتـلـي خـطـار
واشـوف الباب ذاك وبـي اثر نـار
بفراكج يزهره انه الـتـچـويـت
ادخليج ويـنـي اويـن التوابيت
ـ
امن دموعي انمله يا فاطمه البير
واليدفن زهرته بعطره شـيـصـير
جـذاب الـيـكـلـج حـيـدر بـخـيـر
اعله ذوالفقار من امشي توچيت
ادخليج ويـنـي اويـن التوابـيـت
ـ
تهمل دمعتي واحجي اويه التراب
ومامش صوت يرجع من الاحباب
طاحت كل سنيني بدفعة الـبــاب
وكون بضلعي كسر الزهره يا ريت
ادخليج ويـنـي اويـن الـتـوابـيـت
ـ
منهو المثلي حط عمره اعله المتون
وهـوه شـلون يبجي الـفـاكـد عـيـون
ضلمه سنين عمري وصبحي مدفـون
انه مبجي الزلم وعليج ونيت
ادخليج ويـنـي اوين التوابيت
ـ
كلـمـا اطب حجرتج دمعتي تزيد
يل كلما اشوفج ينـحـسب عـيـد
واريدن بس اشوفج كلشي ما اريد
وا ويـلا يـام حسين نـاديـت
ادخليج ويني اوين التوابيت
محمود محمد العطواني
(ياعلي)
وصـاني الـنبـي وگـال أصــبـر لـو نذل عـال
عـالأذيـه عـالـرزيـه
أصـبـر أصـبـر
*---------------*---------------*
صـابــر وحـافظ وصـيتـي مـن مـحـمـد
سـمـعوا انـذال الـصحابـه وعـبروا الـحد
مـارفـعت السيـف لـحـظـه ربـي يـشـهـد
والله لـو سـلـيت سـيـفـي الـدنـيه تـرتـد
أحَچـي وگـلبـي مجـروح فـاطـم لازم اتـروح
*---------------*---------------*
بـعـيـني صـديت وأشـاهـد بابـي تـدفـع
يـجـرح بـگلبـي حـچـيهـم وانـي أسـمـع
يـاعـلـي صــاحــوا عـلـيـه اطـلـع اطـلـع
بــايــع الأول خــلـيـفــه حــتـى نــرجـع
أحَـمـل دفـعت الباب وكشـف زيـف الاصـحـاب
*---------------*---------------*
وصلوا اصحـاب السقيفـه وگـلبـي شيّـب
بـنـار الاحـقــاد وفــعـلـهـم داري تـلــهــب
بـضعت الـهـادي نـسـوهـه هـاي الاعـجـب
والحسن وحسين يـمـهـه وبـنـتـي زيـنـب
وانه بصبري مچتوف الوصيه مقيده الچفوف
*---------------*---------------*
صـعبـه وگبـالي الـمنافق هيچي يـجسَر
شـايــل الـنــار ويـصـيّـح ويـنـه حـيـدر
وآنـه مـاچنـي الصميـده ومـوت الاحـمر
الـخـاطـر الـديـن ومـحـمـد اصـبـر أكـثر
عـيـني اتشـاهد النـار وداري اتـحيـط الاشـرار
*---------------*---------------*
الــوصــل داري وأجــاهـه بــيّــه يــدري
الـهـادي ما اخـلف كـلامـه وثـابت أمـري
صابـر وعـندي وصيـه ومـحـني ظـهـري
تـشـبـه بـنـار الــوديــعـة نــاري تـســري
حزني بصدري مرهون اشكي السيد الكون
*---------------*---------------*
سـاكـت وگـام الـمـنافـق يـمـي يهـتف
الچـان يسـمـع بالصميده وكـله يرجـف
عـن نـوايـاه الخـبـيـثـه فـعلـه يكـشـف
واني مـحكـوم بـوصـيـه وروحي تنزف
اخلـف وعـدي ميـصير ونطي الفرصه للـغير
*---------------*---------------*
✍خـادم الزهراء (ع)
الشاعر رعد الجريخي
ردات للتشييع الرمزي للسيده الزهراء سلام الله عليها
شلنه نعشها او يا وسف صرنه يتامه
بضلوعنه ايعيش الكسر حد القيامه
والله والله
هيهات ننساه
لحد ما يرجع المهدي ابسلامه
ريحانة الهادي ابحقدهم ضيعوها
وبليل اضلم تندفن ما شيعوها
ماخلو آثار
لا گبر ينزار
حتى ابلحدها يا خلگ هم لوعوها
يل شايل النعش ام حسن هونك عليها
مكسور من عدها ضلع وامصوبيها
بالنعش واتنوح
ما تحمل آجروح
بهداي نزلوها اللحد هل هلله بيها
تشييع رمزي الفاطمه الليله نقيمه
وانصيح ماتت من المها والهظيمه
عصروها بالباب
صابوبها بصواب
لو چان بجبال الارض طاحت سقيمه
طاغوت عصره والجبت واهل السقيفه
رغمن عليها انشيع الزهره الشريفه
كل عام كل عام
نرفعها الاعلام
وانصيح ثارچ فاطمه لا ما نعيفه
انشيعها وانسيل الدمع واندگ صدرنه
وانشيل نعش الطاهره ام المحنه
رايات واشموع
واحزان وادموع
حدما يرد المنتظر هاذه دأبنه
ابو فاطمة الطائي
اتمنيت موتتنه سوه ...
مو واحد ايروح ويضل واحد
جنتي إلي ماي وهوه ...
هسه اني ميت بس جسد كاعد
.........
من اول اليوم الدخلتي البيتي
ردت الي يا فاطمه عافيتي
عفتيني ليش الوحدي اويه احزاني
ياهوه الكل لحضه يطب الريتي
ضاع الهوه ... بعدج يمحبوبه
ضاع الهوه ... والريه مصيوبه
ضاع الهوه ... وانفاسي محسوبه
مخنوكَ بعدج يم حسن
وبحالي يعلم ربي اوشاهد
.....
جنت ادعي بسمج فاطمه الحنينه
واحد على الثاني يقسم اسنينه
موتته وحده جانت انه ابالي
ماكو اليعيش وثاني تغمض عينه
ردي علي ... يافاطمت حيلي
ردي علي ... يا صبحي ياليلي
ردي علي ... مو انتي كلتيلي
نعشين نطلع مو نعش
وروحي ويه روحج سوه تتشاهد
.....
يازهره ايام العمر حاجيني
ينطيج كَلبج وحدي اتخليني
احلامي طشرتيهه كلهه ابموتج
فتحيلي عينج يا ملاذ اسنيني
يافاطمه ... اشلون اصبر ابدونج
يافاطمه ... فتحيلي اعيونج
يافاطمه ... ايتامي يردونج
زينب والحسين وحسن
عالخد دمعهم عيني اتشاهد
......
اتذكرين كعدتنه سوه ياروحي
جنت انسه بيهه اهمومي وانسه اجروحي
يا ذنب سويته وتركتي ادياري
عفتنيي ليش وعالي بعدج نوحي
ياسلوتي .... روحي اشيسليهه
ياسلوتي ....بعدج اهم بيهه
ياسلوتي .... ناري شيطفيهه
مهدود حيلي ابموتتج
بس نفس بعدج نازل وصاعد
......
يم عشرت الحلوه اشيصبر حالي
والدار من نورج يصبّح خالي
كلشي ابحياتي حاسب انه احسابه
بس مال ادفنج بيدي موش ابالي
كلشي انتهى ...بعدج يفاطمتي
كلشي انتهى ... من بالكَبر نمتي
كلشي انتهى ... مت انه من متي
من نزليتج للكَبر
كَالتلي روحي اوياك لا مارد
......
بعدج علي مو عمره موته ايتاني
شله ابحياته المات نصفه الثاني
ما دافنج والشيب اكل كل راسي
اتصدكَين ما اعرف صدك هذا اني
ماجن علي .... شايب صرت شُوفي
ماجن علي .... موتج اخذ شَوفي
ماجن علي .... عوفي الكَبر عوفي
عايني الحالي يم حسن
كبرني موتج والفكر شارد
............
✍️ كلمات موسى الخادم
شيعتهه ... للمكَابر ... شيعتهه
وادفنتهه ... وانه حاير ... وادفنتهه
وظل سؤال ابداخلي
الزهره ماتت لو علي
.....
؛١
من بعد ما غسلتهه ابدمع الاعيون
بين اديه انه شلتهه مو عالمتون
غاليه عندي الزجيه وناسي يدرون
جنت اخاف اعليهه من الهوه البلكون
اغله مني ... عندي هيه ... اغله مني
فاركَتني ... للمنيه ... فاركَتني
يا عمر يحله الي
الزهره ماتت لو علي
......
؛؛٢
آنه قالع باب خيبر ذاكه الاثكَيل
وحيل ما ظلالي راح اوياهه كل حيل
من شفت كسر الظلع والدم الايسيل
شاب راسي الجان يشبه ظلمة الليل
كلشي بيه ... صاير ابيض ... كلشي بيه
عالزجيه ... كلي اختض ... عالزجيه
حقي بالهم مبتلي
الزهره ماتت لو علي
.....
؛؛؛٣
من وصلت المكَبره صرت انحب اهواي
أعرفت أم بيتي مترد بيتي وياي
حرت أرجع لو أتاني فرحة اصباي
وصرت بالدمعات يمهه رايح وجاي
عالي نوحي .. ودعتهه .. عالي نوحي
يمهه روحي ... ما جبتهه ... يمهه روحي
نوحي يمهه معتلي
الزهره ماتت لو علي
.....
؛؛؛؛٤
بيه ما بيه احفرت كَبر ام الحسين
مثل واحد ميت ويدفنله ميتين
اوموش ماي اللحد رشيته ابدمع عين
وخفت لا تنلجم وسعته اللحد زين
جاري دمه ... شكَد ضلعهه ... جاري دمه
خاف الجمه ... وي رفعهه ... خاف الجمه
وتنوجع روحي وهلي
الزهره ماتت لو علي
......
؛؛؛؛؛٥
أشد موقف مر عليه وأبد ما راح
من عليهه بجفي اهيل الترب بصياح
اتذكرت من فوكَهه باب الخشب طاح
ساعه ظليت انه واكَف لازم اصفاح
هذا حالي .. من بعدهه ... هذا حالي
داري خالي ... روحي عدهه ... داري خالي
والحزن واضح جلي
الزهره ماتت لو علي
................؛؛؛؛؛...................
✍️ كلمات موسى الخادم
قصيده الزهراﻋ عليهاالسىلام
وزن التچلیبه من بحرالهجزج
مفاعیلن مفاعیلن مفاعیلن
عفتینه ییمه زغار ویتامه
نكظي الليل بالآهات منامه
عفتينه بحزنه ونار نتجوه
نبجي عليج ونجر نفس كوه
بالينه الوكت ولموت يابلوه
ياعملت دهرنه وعملت يامه
تعبنه الزمان شلون ياتعبه
كلمن بالقهر متحسر بكلبه
دمع العين من دموم ونصبه
نحسب بالعمر ماکملن عوامه
ظلينه بألم ولدمعه نجريها
بناتج بالهظم منهو اليمر بيها
بعدألمن نصيح اليمه نحجيها
مكدرهالفضه بكوانه وسلامه
صوتج هالخفه مانكدرنسمعه
نذكر دوم يمه ارباج بالدمعه
نجي بالليل ونضويلج لشمعه
كلمن زادت جروحه وي آلآمه
تعبانين مري ارجوج شوفينه
نهل دموع ونزود بواجينه
نريد وياج يم حسين دخذينه
ندك عالروس ماننساج لطامه
خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ الخميس/2024/11/14
١١جمادي الاولى سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏
استشهاد السيدة فاطمة الزهراء عليها السلام
نعي
نسمة هوى من البيت راحت
ناحت عليها الدار ناحت
دمعة عزيز وكوه طاحت
يامن يرد دمعات العيون
بلا ام يصير البيت ظلمه
والماله ام عيونه تعمه
زينب بصوت تنادي يمه
رحتي وتركتيني للظنون
فجه جبيره ومن يسدها
الام من اتفارك ولدها
بالبيت منهو يضل بعدها
على اولادها الوادم يحنون
شافت هظم روح الزجيه
من الصحابه الراشديه
لا راشده ولا من حميه
للزهره ماجانو يودون
نور الجنان وسر الاسرار
بنت النبي الاحمد المختار
وليه ولوها وحاطو الدار
على بابها غفله يهجمون
محمد دعبل النوري
قصائد استشهاد السيدة فاطمة الزهراء
عودة أمير المؤمنين علي إلى بيته بعد دفن السيدة فاطمة الزهراء عليهما السلام
رد للبيت بس مابيه همه
رجع للدار لن الدار ظلمه
فكد الزهره حط بالكون ثلمه
شيسوي بزينب افراك الزجيه
لمن غفى ونام وتغيب
توصيه تكله ارجع لزينب
رد حيدره والكلب يلهب
بلا فاطمه شاف الرزيه
من شاف زينب تبجي بالدار
على الوالده والدمع مدرار
كالتله بويه شنهي الصار
هالدار من امي خليه
الكون كله اظلم بلاها
والدار ظلمه بلا ضواها
ترجع لي لو اكطع رجاها
هم ترد لو مابيها جيه
فزيت لا انت ولا امي
من ماشفتكم زاد همي
فراك الاهل يابويه يعمي
حل الفراك وهاي هيه
محمد دعبل النوري
لوما ظهوري من الله أنتظرة
چـا قاتلچ طَلعتــه مِن كَبــرة
*
المهدي آنـــه المــا طفـت نـــاره
إلعاالشيعة يُمَـه انكَطعت أخبــاره
لازم يجيــچ بعيسـى وأنصـــاره
يوميــه سيفـــي ينتظـــرثـــــاره
ولوما ((تَأني)) كَلبـي وصبـــره
*
مـو بيـدي يالزهـــرة أعذرينــي
آنـي علمودچ تبچــي دم عينــي
خلــي الكِســر ظلعــچ يتـانينـي؟
راح أطلعلـــهم وآخــــذ بدِيَنـــي
أَخَــر ظهوري الله وطِعت أمـــره
*
يالزهـرة حــركَ البــاب شيبنـــي
ادريبــچ تكَوليـــن ويــن ابنــــي
آني الصبـــر يــا يمــــه تعبنــــي
بكَبرچ منـــارة يمــه يمتــه ابنــي
يوميــة اَهَدي جروحي بالحسـرة
*
آنـــه الــي هامة جــده مضروبة
آني الــي روحــه حيــل متعوبــة
قاتــلچ مــا أغفــــرهـن ذنوبــــه
لـــو ألف مـــرة كَالـــي التوبـــة
منهــــم هذولــــه الديــن يتبـــرة
*
بِيـــهَ غَضَب يهــدم دول عُظمـه
آنـــه الـــي كســـروله ظلع أمــه
آنـه الــي كون يمــوت من همـه
بطف كربله سابيلي چــم حُرمـه
لـوما يقينـي؟ تكَضي هالفتـرة؟؟
*
اِبن الــي بالطف مـا إلــه ناصــر
بيــن الجيــوش وعِيلتــه حـــايـر
اليركض بصدره مدري چم حافـر
أتمنــه اطلـــع يمـــه مــن باچـــر
وألعن الظلمـــو فاطمـة الزهـــرة
*
آنــه الــي عمـــه عينـــه مطفية
آنــه الِـــذي عمــــاته مسبيـــــة
الثــــار ثــــآري والقهــــر بيـــه
آنـــه الأتـــــاني الفَــرج يوميـــه
من انتظــاري كَلبي أحس جمرة
*
آنــه الوسـط كَلبـــي ألف لـوعة
أطلــب شكَد نحـــور مكَطــــوعة
آنـــي الــي دم ونــار بدمــــوعة
اِبــن الحســين الهشمو ظلــوعة
لـو بيدي أَرَجِع مِن؟ كَطَع نحـرة
*
هســـه عرفتي يمــه ما نــاســي
مثلــچ زماني ويـاي هَــم قاسـي
آنـي المصــايب شَيـــبت راســي
طـايــح بـلا چفيـــن عباســـــــي
لو الله جيشي مهيئـة ومحضـرة
*
إلــــه أبَــــرد كَلبـــچ من أطلــع
كَدامي اخلــي شكَــد دوَل تركــع
إِلخــاين أسحـكَ راســه؟والطَبَع
ثـــارچ يفاطـــم آخـــذه مرَبَــــع
مِـــن آخـــذ بكـل ثــــار للعتـــرة
*
حيدر حسين الكَرعاوي
نعي بلسان حال فاطمة الزهراء تشتكي لنبي :
بويه يا رسول الله و نبيه
جيتك انا بنتك الزهره الزجيه
أقلك عن الصار و جرى عليه
****
بويه حالي بعدك كلش تغير
و ليتك تشوف صرت بيا منظر
خدي من اللطمه صاير أحمر
****
هجموا على داري و حرقوها
و البضعه عندك علم روعوها
بين الحايط و الباب عصروها
****
مهموم قلبي و كسروا ضلعي
حرموني من جنيني هذا وضعي
من القهر عالخدين أهل دمعي
****
أبوذيه
عدوك ضربني و كلش أذاني
و لن القرط تنثر من أذاني
يقتلون الوصي إذا أني
أسكت و لا أحامي عن الشفيه
****
تمت هذه الكلمات
بقلم : ساجده المبارك
بإشراف الخطيبة : أم أحمد البحراني
نعي جديد بحق الزهراء عليها السلام
عندما خرج الامام علي عليه السلام لغسل الزهراء عليها السلام و وضعها على صخرة المغتسل وشاهد ما جرى عليها كأني به يقول
ما بين ادية .. شلتچ يم حسن ما بين ادية
كون المنية .. تلفيني بعجل كون المنية
يصعب علية .. وداع الغالية يصعب علية
متنة سوية ... اتمنى لون متنة سوية
=======================
چانت على البال .. اغسلنچ فلا چانت على البال
وياچ تنشال .. لكون جنازتي وياچ تنشال
للروح چتال .. يفگد ام الحسن للروح چتال
للموت همال .. الچ دمعي يضل للموت همال
======================
مكسور ضلعچ .. كسرتيني شفت مكسوز ضلعچ
ايسل دمعچ .. اشوفچ يالحنينة ايسيل دمعچ
اشلون اودعچ .. محتار بوداعي اشلون اودعچ
ما بية ارفعچ .. من المغتسل ما بية ارفعچ
======================
اسالكم الدعاء رائد الاسدي
لطمية (عتابي)
محمد باقر أحمد جابر
عتابي عليكِ.. عتابي عليكِ
أرهقني الغيابُ يا أمّي
كنتِ يا أمّي الزكيّة
ضحكةَ الروح النديّة
كنتِ يا خيرَ البريّة
سرَّ أيّامي الهنيّة
كما هفا قلبي إليكِ
يهنأُ النبضُ لديكِ
حنيني إليكِ.. حنيني إليكِ
كم غدرَ الزمانُ يا أمّي
***
لو غصونُ الهمِّ تُكسَرْ
لو بيومٍ قد تكدّرْ
ملكُ الموتِ تأخّر
لو أتى فارسُ خيبر
ممسِكًا كلتا يديكِ
يُرجعُ الروحَ إليكِ
حزيناً عليكِ.. حزيناً عليكِ
ينتحبُ الحُسينُ يا أمّي
***
هذه الدنيا ضنينة
أخذت أمي الحنونة
أخبروا أهل المدينة
رحلت أمّي حزينة
دمعةٌ في مقلتيها
تُثكِلُ الدنيا عليها
خذيني إليكِ.. خذيني إليكِ
كي أجدَ الأمانَ يا أمّي
***
أنا زينبْ.. بنتُ حيدرْ
قلبيَ الطفلُ تكسّرْ
إنّ عمري قد تبعثر
مذ قضت بالهمّ كوثر
كيف ماتت بنتُ طه؟
قتلَ الدهرُ صِباها!
سأبكي عليكِ.. سأبكي عليكِ
يذبحني الرحيلُ يا أمّي
***
اضلوع الزجيه اشلون. كسروها بالباب
وانته القلعت الباب. بيدك يبو اتراب
****
بكل حيله اجه وعالباب خصمك عصرها
وياحيدر البسمار. صوب صدرها
وبقوته اعله العين. رد وسطرها
ودار النبي المختار. حركوها الاصحاب
**
عندك علم بالصار. هجمو عليها
ماتت عصر والنار. تسعر بديها
وام الحسن كل حيل. ما تلكه بيها
طاح الضنه وما طاح. من عدها الاحجاب
***--
وكت الحروب نشوف. جانو يرجعون
ومن الرسول ايصيح. كلهم يلبدون
بس انته للميدان. تبرز يعرفون
حيدر الك صفين. تشهد والأحزاب
*
ميت علي يكولون عكب الشهيده
وبالكوه طاست ماي. يلزمها بيده
تتسند اعله الكاع وانته الصميده
بعده الجرح لليوم. عالزهره ما طاب
**
وينك يحامي الجار. يالتحمي جارك
ما تنحط اعله البال. محروكه دارك
وانته انعرف جبريل. حد ذو الفقارك
دخن يراعي الزود. سيفك بالكراب
*
انته علي ولولاك. ما قام السلام
بعد الوصيه اعداك شو صارو ازلام
لو زلم جان وين ذنيج الأيام
هجمو لان يدرون. معروفه الأسباب
***
تمت
تحسين الخفاجي
بداعت الي عِمه عيونه السهم
سجلي اسمي بسجلات الخدم
••=••=••=••=••
حبج تربع تره • بالكلب يل طاهره
وعندي اعضم مفخره • خدمتج
فيّ خدمتج احله فيّ • رايد اديمي عليّ
وكل رزق خيرات اديّ • خدمتج
والله يا اصل الخدر • كسري باسمج ينجبر
وعندي اغله امن العمر • خدمتج
وخادم لــو سمتني الناس
يصعد شاني ويعله الراس
ها
هيبه لو صار اسمي الخادم
يلي يمج وجــع روحــي انعدم
سجلي اسمي بسجلات الخدم
••=••=••=••=••
خدمتج اعضم كنز • كلها صيت وكلها عز
صرتي للخادم حرز • يـيمه
بضلعج احلف والطفل • خدمة الوادم تذل
وخدمتج اصل وفصل • يـيمه
بصايتج اسمي انعرف • والله يا منعى الشرف
وعالمجالس كلبي رف • يـيمه
وبالمجلس ما شيل العين
جيفن بـي انـتـي تحضرين
ها
چي موجوده ابقه مدنك
وبالمجالس ضلع صدري انهشم
ســجـلي اسمي بسجلات الخدم
••=••=••=••=••
راسي بيها شكد عله • هيه اصل المرجله
وبيها روحي مدلله • خدمتج
انتي اليبغضج هلك • وبامرج يدور الفلك
وبيها يحسدني الملك • خدمتج
والله يا ام الحسن • مجلسج اكبر وطن
وما تروح اويه الزمن • خدمتج
وهاي احنه اليوم الخدام
لـمـصابـج شدينه حــزام
ها
اللطامه متوزره اعليج
تلث روايات انـوح بـكـل آلــم
سجلي اسمي بسجلات الخدم
••=••=••=••=••
عيوني من كثر الدمع • اخذن اطباع الشمع
يبجن لكسر الضلع • يـيمه
ولو نزل يا فاطمه • دمعي لمصابج دمه
شاني يصعد للسمه • يـيمه
دمعي مو عن عاطفه • ولا رياء ولا عفه
ابجي من كد الوفه • يـيمه
الـينزلج دمعه ترفعي
ويا هينال الي التقبلي
ها
يا هنياله الاسمه تسجلي
واليبغضج مِــن الـجـنه انحرم
سجلي اسمي بسجلات الخدم
••=••=••=••=••
شما صرت وتصيرت • ليج ارد لو غربت
ارجعلها شما رحت • خدمتج
هيه صيتي وسمعتي • هيه عزي وهيبتي
هيه شيخي ورايتي • خدمتج
جوه جدمج جنتي • يا نعمتي ورحمتي
ومن تّضلم شمعتي • خدمتج
ولـو خـادم بـيـه تـقبلين
انذر عمري لجرح حسين
ها
واعله دموعي تحسدني الغيمه
بجمرت الباب احلفج والخيم
سجلي اسمي بسجلات الخدم
محمود محمد العطواني
لو نفترض ماكو الوصيه ـ وهجمو على دار الزجيه
جا من علي ما تسلم ركاب ـ وبيهم يسوي الغاضريه
ـ
لوما وصيّة طه ـ جان الزلم بجاها
وبلا ركب ساواها ،، تحت السقيفه
رايه عليها يفرضه ـ بالشرده محد يحضه
غصبان على الما يرضه ،، شيخ وخليفه
بحد السيف ياخذ حگه لو راد
كلها تموت لو كال احنه الاسياد
يا زلمه هذا اليمه يدنه ـ محد يضل لو كفها ردنه
يا طبرته ما خابت بيوم ـ جا حيدريه هاشميه
وبيهم يسوي الغاضريه
ـ
مو قصة مگيدينه ـ لا حيدر موصينه
واعله اليشوفه بعينه ـ لازم يصابر
موصي محمد كله ـ سيفك ابد لتسله
يا خويه همك حمله ـ يل تبقه حاير
اصبر كاله وخل غيضك يـهـيـد
بحرب الجمل رد ثارك يصنديد
خل ذولفقارك يصبر شواي ـ باجر وراه دم يا علي هواي
دمعه النزل دم يصبح اضعاف ـ طول الليالي الفاطميه
وبيهم يسوي الغاضريه
ـ
شحده الكرب من حده ـ سالم بعد شيرده
غير الذبح ما عنده ـ يا محله سيفه
لو بس يكف اردانه ـ محد يضل بمجانه
وشيطلب اعله السانه ـ كلشي اعله كيفه
آنه السمتني امي بصوت لو صاح
المحسن جان سالم بقه وما طاح
جان الضلع محد يصيبه ـ وما ينضرب خد الحبيبه
بس الله يستر من ابو تراب ـ حي الله حماي الحميه
وبيهم يسوي الغاضريه
ـ
امن فلانه اخذو رخصه ـ كالت تراه موصه
ما فوتوها الفرصه ـ ولد الدعيه
بيها بخت هل زمره ـ من هجمت اعله الزهره
يعرفونه حيدر صبره ـ موصيّ نبيه
ويعرفها القضيه شـيـخ الانذال
تره لو لا الوصيه (وان) ما كال
يدري بعلي صبره اليسكته ـ جا ما كدر يدفع زهرته
يدري بمحمد وصه ابو حسين ـ يصبر على ذيج الرزيه
وبيهم يسوي الغاضريه
ـ
ثمرة صبر والينه ـ باجر تبين لينه
جا لو ضهر مهدينه ـ يشهر حسامه
يرده عزيز العتره ـ ثار الزجيه الزهره
يصلبهم اعله الشجره ـ بسيف الامامه
باجر يضهر النه وياخذ الثار
ويحركهم بناره الشعلو النار
بعد الصبر تفرج يحيدر ـ المهدي يرد ثار التوذر
وثار الجبد والطبره والعين ـ وثار العبايه الزينبيه
وبيهم يسوي الغاضريه
محمود محمد العطواني
#الليالي_الفاطمية
خل ننصب اقراية .. يزينب يزينب
لمنه او نشد راية .. يزينب يزينب
بلكت تجي أمنه الزچية
ابوكت العزه هاي المسية
لمنه او نشد راية .. يزينب يزينب
هذا المسه يازينب . خل نبچي لمنه او ننحب
وننصب عزية اعليها
وگفي اعله باب المجلس . اهنا أمنه تگعد تجلس
تستقبل اللي ايجيها
بلكت تجينه ابهالمسه . او ويانه تگعد جالسه
واشكبره بختي يختي لو . چف امي أرجع المسه
بالمجلس الگاها .. يزينب يزينب
وساعة ابقى وياها .. يزينب يزينب
ومن دمعة امي اترس إديه
ابوكت العزه هاي المسية
لمنه او نشد راية .. يزينب يزينب
_
مو گالوا امنه الزهرة . الينصب عزاء اتحضره
او تگعد يخويه ابابه
هلبت تجينه الليلة . او تلتم يخويه العيلة
او كلمن يشوف احبابه
من تستمعها ونتي . بلكت تحن الشوفتي
وابسرعة تحضر هالعزه . اتدورني واتشم ريحتي
ويه امي أتلاگه .. يزينب يزينب
هم مثلي مشتاگه .. يزينب يزينب
وانون سوى او نگعد سويه
ابوكت العزه هاي المسية
لمنه او نشد راية .. يزينب يزينب
_
بالمجلس انتي اقريلي . اشصار اعله أمنه احچيلي
ابطور الحزن ونيلي
ابيا يا يمى زينب إبدي . حتى آنه أللطم خدي
واصرخ بعد عيديلي
راح آنه أكتبلچ شعر . عن امنه أحچي ابكل شطر
خوفي اعله گلبچ ينفطر . امن اكتب إلچ كلمة كسر
خالتسمع الزهرة .. يزينب يزينب
اعليها ابحزن نقره .. يزينب يزينب
خل تستمع ونتي الشجية
ابوكت العزه هاي المسية
لمنه او نشد راية .. يزينب يزينب
_
لو بالعزه شفتيها . يازينب اتلگيها
او گعديها يم المنبر
لا تلطم اتخليها . فوگ الصدر بيديها
يختي لأن ما تگدر
منعيها تلطم عالصدر . أمچ ضلعها منكسر
ومن تنعي خويه بالعزه . إسمي أبد لاينذكر
لو سمعت ابأسمي .. يزينب يزينب
يوگف گلبها امي .. يزينب يزينب
ما أحتمل تنحب عليه
ابوكت العزه هاي لمسية
لمنه او نشد راية .. يزينب يزينب
_
خل ننصب احسينية . وانون سوى ليلية
حتى الزجية اتجينه
او تقره النه عن اطفوفي . اشمكتوب فوگ اچفوفي
يازينب اتراوينه
تحجيلي قصة كربله . عن الشمر عن حرمله
شلون انتي من اتشاهدي . راسي عدوچ شايله
اتگلي الشهر إسمه .. محرم محرم
اتموت انته بي يمى .. محرم محرم
اجروحك ترى بالغاضرية
ابوكت العزه هاي المسية
لمنه او نشد راية .. يزينب يزينب
_
اول عزه يالحره . راح امنه عالطف تقره
وابقصتي أشعر تبدي
تقره اعله گطعة نحري . تقره اعله كسرة ضهري
ولمن أضل الوحدي
تقره اعله صدري الينهشم . تقره اعله صبعي الينگطم
واتحملي ياخويه لو . گالت أضل ابلا هدم
واتگلي گدامي .. يزينب يزينب
تتسلب ايتامي .. يزينب يزينب
وتحچي ابإسم طفلة رقية
ابوكت العزه هاي المسية
لمنه او نشد راية .. يزينب يزينب
_
ثاني عزه اعليچ انتي . قصتچ وحد عن قصتي
بيها خيم محروگه
بيها ركض بالصحره . بيها مشي اعله الجمرة
وطفله تون مخنوگه
بيها يبت حيدر سبي . او نومه عله الشوك او حبي
او صعده اعله نوگ ابكربله . او صعده اعله تل الزينبي
تحچيلچ البضعة .. يزينب يزينب
كل قصتچ او تنعه .. يزينب يزينب
اينادونچ اهناكى السبية
ابوكت العزه هاي المسية
لمنه او نشد راية .. يزينب يزينب
حيدر الحلفي
نظره مولاتي فاطمه
يزهراء تـرتـفـع صـرختنه
يزهراء خدمـتـچ جمعَتنه
*---------------*---------------*
الساوم بضلعچ تره ايعيش ابندامه
حـالـه حـال الخلـه بخدودچ علامه
الله ميسجله بسجل هـاي الخدامه
يخسر الـدنـيـه ويـذل يــوم القيامه
تشفعين لـلـتـهـل اعـيـونــه
تشفعين لـلـخَـدم مضمونـه
*---------------*---------------*
خدمتچ يـــــم الحسن خيمه علينه
واليعوف الصرخه هاي يعوف دينه
والله والله عالـضـلـع مـــا جاملينه
والله يـدري يالزچيه اشـگـد بچينه
بلدموع قصّتچ نرويهه
بلدموع نــارچ انطفيهه
*---------------*---------------*
دمعة عيونه المحب لجلچ يصبهه
انتي ياهي والرجس بالخد ضربهه
شفتي نار الضالمه اليسعر حطبهه
صعبه اگولن فاطمه الكسرو گلبهه
يگولون وكّعوا محسنهه
يگولون والجروح اذنهه
*---------------*---------------*
بـاب دارچ مـحـتـرگ لــمـــن سمعنه
ذاك يــــوم وهذا يــــوم ايهل دمعنه
مجلسچ خيمه وتحت ضله انجمعنه
الـچ فــدوه اصدورنه ومـحـد منعنه
يضنون كسرتچ ننساهـه
يضنون ننسى بضعة طه
*---------------*---------------*
رادو انـعـوفـچ تــره وننسى القضيه
واحـنـه مـنـعـوف اللطم حــد المنيه
عـهـد هــــذا ويـاچ يالـزهـره الزچيه
صرخه وحده اتصيح هاي الرافضيه
الچفوف لللطم منـــذوره
الچفوف تنگطع معذوره
*---------------*---------------*
لوعه الـــــچ بصدورنه ويلهب جمرهه
يالـزچـيـه وهـالـخـدم نـــذرت عمرهه
شــــــرف تبقه الخدمه لليعرف قدرهه
انضمد اضلوعچ نحس ويخف كسرهه
دعيناچ فاطمه حضرينه
دعيناچ بالخدم سجلينه
*---------------*---------------*
✍ خادم الحسين ع
الشاعر رعد الچريخي
البجفوفه قالع خيبر .... ما يصعب اعليه عسكر
لومه الوصيه كَيدت جفينه
جا ماكو واحد يوصل ام حسينه
.......
؛١
مشهور حيدر بالمعارك أسمه
اليدناله يرجع على طوله امدمه
المن سيفه فر ربعه تحسبه زلمه
جا غير حيدر هوه ياهو ايلزمه
ما تنجرع سطراته .... الاول علي بصولاته
ما واحد ايردهه سَطرت ايمينه
لومه الوصيه كَيدت جفينه
......
؛؛٢
تتراجف اكَباله الزلم بالحومه
والشاهد ابن العاص ذب اهدومه
كل صوله يدخلهه علي محسومه
اليدخل نزال اوياه آخر يومه
حيدر جبيره اصروحه .... اليدناله بايع روحه
كبل المنيه ايشوف موته بعينه
لومه الوصيه كَيدت جفينه
......
؛؛؛٣
فارس عظيم اتهابه كل عدوانه
يا ويلهم لو سرفناهه اردانه
ماغيره بالكلفات يصرخ انه
وبركَاب خصمه ما خطه نيشانه
ضرباته ميثنيهه .... كلهه تسولف بيهه
متعجبه بيهه الدنيه كَبل اسنينه
لومه الوصيه كَيدت جفينه
.......
؛؛؛؛٤
حيدر مثل بركان تلهب ناره
مايسكت اعله العيله ياخذ ثاره
لومه الوصيه محد ايطب داره
خيبر يعيده ابيمنته وبتاره
لو صاح حيدر اني ... لا أول ولا ثاني
يتجره يكسر ظلع ام حسينه
لومه الوصيه كَيدت جفينه
.......
؛؛؛؛؛٥
ينعد بلف فارس علي بصولاته
أتلثميه موش بعينه وي سطراته
لو ما نطه احجايته الصاحب ذاته
جا كَلب كون الله علي بحملاته
لو ما نطاهه اوعوده ... محد يصل لحدوده
زلمه كلف حيدر علي والينه
لومه الوصيه كَيدت جفينه
......
✍️ كلمات موسى الخادم
الدافن عزيزت روحه ... يادوه اليشفي اجروحه
الله يعين الفاكَد .... مثلي امه يكثر نوحه
......
؛١
الدافن بديه أمه يعرف اشجاي اسولف
عمره يصير ابلا طعم ما داعي احلف
لا ليله ليل ولا نهاره يصير يعرف
طاري امه من ينجاب يمه كله يرجف
كَلبه يلزمه ابسرعه ... ومن عينه ينزل دمعه
التنذكر امه اكَباله .... مايدري يبجي ينعه
......
؛؛٢
كلمة اليمه اشكَد أمل بيهه ومحنه
الله يعينه الفاركَ امه ومشت عنه
تخلص حياته ابلا فرح ونه اعله ونه
وكلشي يموت ابداخله وايروح منه
كل حلم جان ايتاني ... ويصير واحد ثاني
الما يشم شيلت امه ... كل عمره يبقى ايعاني
.......
؛؛؛٣
ألفاكَد امه اتصير اله المكَبره حلوه
كل ليله يتعناهه شايل نعي يسوه
ما يهوه كل عيشه بعدهه موته يهوه
بلوه يناس الميته امه يعيش بلوه
ما تبقه عنده الفرحه ... بس حزن يلجم جرحه
يشطب ايام اسنينه ... وسيف الفراكَ ايذبحه
.....
؛؛؛؛٤
ألبيت اذا من عنده شالت أم حنينه
وحشه يصير وظلمته اتغطي المدينه
معذور كلمن ماتت امه يبجي عينه
أيشيع وراهه ايام عمره وكل سنينه
الشيع بديه غاليته .... اتروح ابعجل عافيته
ويصير ذابل عوده .... والوحده تترس بيته
......
؛؛؛؛؛٥
احسين انه الجاي اسولف يالحبايب
من ماتت امي فاطمه عشت المصايب
ثوب اليتم ما فاركَاني وكَلبي ذايب
وكل حيل ما ظلي بعدهه وصرت شايب
من عندي راحت امي .... وبس القهر ظل يمي
كل ليله ارش ادموعي ... ابحجرتهه انه وهمي
....؛؛؛؛؛؛؛.........
✍️ كلمات موسى الخادم
جريمةًُ لا تُغتَفرْ .... تَبكيها عينُ المُنتظر
.......
يا جريمه... المنهه تجري ... عيون مهدينه دمه
امصيبت الطف ... لو مصيبت ... أمه أمه فاطمه
انه اعتقادي يجري دمه اعله اثنين
مصيبت كسر ظلع الزجيه واحسين
يوميه عَصرت فاطمه اتشوف العين
ويوميه مقتل ينعرضله مرتين
جريمةًُ لا تُغتَفرْ .... الموتُ فيها قد حَضر
......
ايساعد الله ... كَلبه كلبه ... أشكثر شايل هضم
ماكو مثله ... حزن شايل ... حزنه واصل للعظم
ليل ونهار المهدي عايش بمصاب
ما راحه شاف ابدنيته وصار اتراب
يبجي على الصار وجره للأحباب
ويوميه بيده للحزن فاتح باب
جريمةًُ لا تُغتَفرْ ... مَنّ أنكرَ الظلعِ كَفر
.......
كبر صبره ... كد سنينه ... يا كبرهه محنته
مدري يبجي ... الكسر امه ... مدري يبجي العمته
ألمثله ميت ما يعيش ابهل حال
حمله ثكيل وما تشيله الأجبال
وبعينه ظل امن الدمع بس اوشال
وعمر انتظاره للفرج بالهم طال
جريمةًُ لا تُغتَفرْ .... قد أورَثت حُزنَ القَدر
.......
ياهو عايش ... مثله غربه ... وشايل ابكَده محن
حقه يذبل .. غصن عوده .. نوحه دايم لام حسن
شاب ابعمر شاب ابسبب حركَ الدار
واكبر جروح ابداخله امن البسمار
وامتاني يايوم الفرج يوم الثار
بعيونه ينظر كل وكت ذاك الصار
جريمةًُ لا تُغتَفرْ .... للظالمينَ لا مَفر
.........
✍️ كلمات موسى الخادم
نعي الزهراء عليهاالسلام
وزن النعي مستفعلن مستفعلاتان
يمه يزهره خذيني وياج
ابجي واون ورايده حذاج
نامت عيونج صعب ملكاج
لغيبه طويله آيام وسنين
والموت يمه ماخذج وين
ياروح بتج يم لحسين
والفكدت امهاالليل متنام
غبتي ييمه وصعبه الايام
فكدج كلتني وخله الآم
يايوم كولي لرجعه يايوم
زود فراكج بيه لهموم
سهرانه افكر كاعده دوم
مشتاك كلبي حيل خلصان
ميته عليج وجسمي نحلان
نيران وسط لروح نيران
كلش حزينه وكاظيه الروح
كثرلبواجي الصوت مبحوح
متروسه ظيم وآه وجروح
خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ الاربعاء/2024/11/13
١٠جمادي الاولى سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏
اللْـــــه يلعن قـــاتل الزهـرة
باچـر المهدي يطلعه من كَبـرة
مو مرة يلعنـهم ألــف مـــرة
***
عَتِمـــــــو لا شــك عالبــشر هُمــه
وهــاي الجريمـــة أنطـلت عالأٌمــة
بـس احنــــه كلش زيـــن نفتهمــه
أول لعــــين الحــــارب العـــــــترة
***
كرسـي الحكم؟ خلاه وكَف ضدهم
كل الدمـــاء التجـــري من عدهــم
الكاســــر ظلـــع فاطمـة وآلـــدهم
محســـن ابنــها اشـاف من عمرة
***
الزهــراء ميتــــه ولســــه تتـــألم
فتحـــو البــاب على القتل والــدم
بنــــار السقــــيفة وَج المخـــــيم
ومنهم أبــو اليمــة أنكَطــع نحرة
***
البـــايكَ فــــدك يردونـه انقدسـه
كلـــهم دنـــائه ومُنتهى الخســه
يكرهـون أهـــل بيـت النبي لسه؟
جبـــريل هـــم لو ينــزل تغـــدرة
***
هوايـة تمــــادو وي أهــل بيتــه
نكـــرو مقامـــة وذيـــچ تضحيته
بطف كربلــة موجـــود ياريتــه
يشوف الحسين من أنهشم صدرة
***
بـس مــا محمد غَمضــت عينـــه
خــانو وصيتـــه وفرهــدو دينـه
وصَــــوّ ولـدهم تذبــح حسيـــنه
كل الحچــي ما نكَــــدر انذكــــرة
***
منعهـدم اشـــافت قـــهر زينـب
بنيــــرانهم؟ نـــار الخيـــم تلهب
ذَبـــح الحسين وضعنـه المسلب؟
مــن السقيــفة چـــانت الفكــرة
***
هـاي الخيـــانة تمشي وي دمهم
الحاربت حيــدر بالجمـــل أمــهم
آلَ محمــــد يمتــــــه قائمـــــهم
جيشــــه يجيبـــه الكلـها تنتظرة
***
باچـــر أَمـــــام الكــون يفضحها
مالــــت أهــــاين مـا يسامحــها
يكَـص ايـــد كل دولـــة تصافحها
وبمكــــه يرفــع رايتــه الخضرة
***
حيدر حسين الكرعاوي
يالشايل على اجتافك وصيه
ادفنها بليل لو جتها المنيه
راحت فاطمه وجهلو أمرها
مظلومه وتجر حسره باثرها
تدفنها وبعد تخفي قبرها
توصي ولا تدلي الناس بيه
*--------------*-------------*-----------------*
ادري بحملك الما شالته اجبال
يابو تراب يا صراع الاهوال
ادفن فاطمه الزهرا أعلى هالحال
لبوها تروح مظلومه الزجيه
*---------------*---------------*-------------*
ماريد الجرحني وبجى العيون
ولاريدن اعداي ويه اليشيعون
كبري بلايه شاهد خلي يكون
على الصار وجرى بهاي الرزيه
*---------------*---------------*---------------*
بنت المصطفى الوصى عليها
شسوت امته من بعده بيها
دفعو بابها وروعو بنيها
ماتت غاضبه أعلى أهل الرديه
*---------------*---------------*--------------*
لا راعو موده ولا قرابه
ولا راعو نبي الجانو اصحابه
وكفو بالحطب هددو بابه
يحركونه على اهله بلا حميه
*---------------*---------------*--------------*
محمد دعبل النوري
قصائد استشهاد السيدة فاطمة الزهراء عليها السلام
فوك الكسره وضلع الزهره
لازم تصبر عن مايجرى
هاي الوصيه وهذا ما يجرالك
رايح تصير الهجمه صوب عيالك
وصى النبي صبر يحيدر حالك
لو شفت بابك يحركونه اكبالك
بعدي بفتره تصير الغدره
لازم تصبر عن مايجرى
*-------------*-------------*-------------*
اعظم رجل شال الجروح بكثره
عجزت الدنيا بكل زهوها اتغره
احتارت همم كل الجحافل بامره
شسوت بحاله من نظرها الزهره
حيدر حيدر ضل اتصبر
لازم تصبر عن مايجرى
*--------------*-------------*-------------*
أول جرح يهجر محمد كالوه
ثاني جرح ضلع الزجيه يكسروه
ثالث يطيح الطفل منها يسكطوه
اعظم جرح نهج الولاية يرفضوه
بيت الزهره ينكر قدره
لازم تصبر عن مايجرى
*------------*--------------*--------------*
بعدي يحيدر تقاتل أعلى التاؤيل
مثل أبن عمك قاتل أعلى التنزيل
مهما يكن لو رادت الدنيا تميل
تصبر واذكرك عالصبر رايد حيل
تهمل عينك. تلزم دينك
لازم تصبر عن مايجرى
*-------------*--------------*---------------*
من بعدي عينك رايح تشوف وجوه
الحق ينترك والباطل همه يتبعوه
دين الكرامه والشرف مايردوه
العدهم صنم ذاك الصنم ماينسوه
عجل وعبده تصير الرده
لازم تصبر عن مايجرى
*------------*-------------*---------------*
محمد دعبل النوري
لطيمه لأبناء فاطمة الزهراء :
و على قبرج قعدنا نشم عطره
و نبجي على فراقج من الحسره
ندري ما تردين يا ملطومة العين
و شلتي و القلب شيداوي كسره
****
قعدنا على القبر يمج بجينا
و نريدج يالحنونه تحاجينا
و صارت غيبتج كلفه تجوينا
و أيتامج صفت و الله حزينه
و ماتت هل مسيه و فارقنا الزجيه
و شلتي و القلب شيداوي كسره
****
مهضوم الحسن من بعد عيناج
نادى يالبتول أخذيني وياج
و خليني أضمج و أقعد احذاج
و ما يسوا العمر لحظه بلياج
ماقدر أنا أرتاح ليل الهجر ذباح
و شلتي و القلب شيداوي كسره
****
ينادي الغريب حسين باسمج
صدق من المصيبه أنتحل جسمج
و حرت يام الأيمه شسوا خصمج
و كسر ضلعج الطاغي ما يرحمج
قاسي ذاكه قلبه ما ينحمل ضربه
و شلتي و القلب شيداوي كسره
****
و زينب عينها ضلت على الباب
ما يفيد الدمع لو طال الغياب
شيردها بعد ذيج أم الأطياب
نامت بالقبر و يلمها التراب
تجرحها العقيله نومتها الطويله
و شلتي و القلب شيداوي كسره
****
و ليش المهدي أتأخر ظهوره
و نريده بالعجل يعلن الثوره
و ثارج ياخذه بإيده ضروره
و قلبج من يجي يكمل سروره
هوا صاحب الثار و شما هالزمن دار
و شلتي و القلب شيداوي كسره
****
تمت هذه الكلمات
بقلم : ساجده المبارك
بإشراف الخطيبة : أم أحمد البحراني
نعي جديد بحق الزهراء عليها السلام
عندما رجع قنفذ لعنة الله عليه ليضرب الزهراء عليها السلام كأني باولادها يقولون
تطلبها الحنينة.. يگنفذ بيش تطلبها الحنينة
تكلف علينة .. تطكَ امنا بحقد تكلف علينة
اگبال عينة .. شحالة الينضر امة اگبال عينة
تتلوة الحزينة.. فوكَ الگاع تتلوة الحزينة
=======================
بالدم سبحتي .. گومي يم حسن بالدم سبحتي
سباحة صرتي .. من حزن الگلب سباحة صرتي
بالگاع طحتي .. من كثر الوجع بالگاع طحتي
حسبالي متي .. صوبتي الگلب حسبالي متي
=======================
يا ناس تدرون .. عزيزة الوالدة يا ناس تدرون
اشلون بشلون .. عمري بس اخلصة اشلون بشلون
اتصب العيون .. اعله امي ما تهيد اتصب العيون
چا موش بالهون.. هاي امي وفگدها موش بالهون
=======================
اسالكم الدعاء رائد الاسدي
〰️〰️〰️〰️〰️〰️〰️〰️〰️
يمــــه والله البيت وحشه ابدونــچ
يمــــه وحسين وحسن يردونـــــچ
〰️〰️〰️〰️〰️〰️〰️〰️〰️
يمــــه والله الدار وحشه امكـــدره
والهموم ابغيبتج متسطـــــــــــــره
كومي يازهراء عوفي المكبــــــــره
فدوه يندار العمر لعيونـــــــــــــــچ
〰️〰️〰️〰️〰️〰️〰️〰️〰️
يمـــــه ليش البين لاحكنه عليــــج
والكسر ياريته بينه ولاهو بيـــــج
يالنحس العافيه بلمسة اديـــــــــج
ويالذيذ الكمه من ماعونـــــــــــــچ
〰️〰️〰️〰️〰️〰️〰️〰️〰️
يمــــــه انتي العافيه وانتي الحنان
انتي موطن روحي ولروحي أمــان
ماسمعنه ليش حسج من زمـــــــان
وهسه ماندري باللحد وشلونــــــچ
〰️〰️〰️〰️〰️〰️〰️〰️〰️
يمــــــه كسرة موتتج ماتنجبـــــــــر
رحتي عنه وراح كلشي من العمـــر
يتميتينه يزهره من الزغـــــــــــــــر
وكل دقيقه اخواني ايفكدونـــــــــچ
〰️〰️〰️〰️〰️〰️〰️〰️〰️
يمـــــــه حنينه وكعدنه بحجرتــــچ
وماليه الحجره يريحة شيلتــــــــچ
الحسن والحسين شمو تربتـــــــــچ
وليج حنو رادو يشوفــــــــــــــــــچ
〰️〰️〰️〰️〰️〰️〰️〰️〰️
يمــــــــه بمصلاج شمينه السبـــــــح
والنضر صد وعلى دربج شبــــــــــح
والله ماغمضنه الحد الصبـــــــــــــح
امناطرين اولادج يسمعونــــــــــــــچ
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان الرايه الخضراء وقائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات
حكي افتخر وبزود وتباها ياناس
بالمحشر يكولون خادمة عبـــاس
ردات للتشييع الرمزي للسيده الزهراء سلام الله عليها
شلنه نعشها او يا وسف صرنه يتامه
بضلوعنه ايعيش الكسر حد القيامه
والله والله
هيهات ننساه
لحد ما يرجع المهدي ابسلامه
ريحانة الهادي ابحقدهم ضيعوها
وبليل اضلم تندفن ما شيعوها
ماخلو آثار
لا گبر ينزار
حتى ابلحدها يا خلگ هم لوعوها
يل شايل النعش ام حسن هونك عليها
مكسور من عدها ضلع وامصوبيها
بالنعش واتنوح
ما تحمل آجروح
بهداي نزلوها اللحد هل هلله بيها
تشييع رمزي الفاطمه الليله نقيمه
وانصيح ماتت من المها والهظيمه
عصروها بالباب
صابوبها بصواب
لو چان بجبال الارض طاحت سقيمه
طاغوت عصره والجبت واهل السقيفه
رغمن عليها انشيع الزهره الشريفه
كل عام كل عام
نرفعها الاعلام
وانصيح ثارچ فاطمه لا ما نعيفه
انشيعها وانسيل الدمع واندگ صدرنه
وانشيل نعش الطاهره ام المحنه
رايات واشموع
واحزان وادموع
حدما يرد المنتظر هاذه دأبنه
ابو فاطمة الطائي