7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
((يارقيه))
يــــاعــــلةّ الكـــون رقيه
موطاحت اعيـــون بيديه
خليني مجنون كل وكتي
مولاتي ممنـــــــون رقـيه
دمعتــچ .. ركــــعةّ صـلاتي
حضرتج .. كـــــــل امنياتي
بعــدهي .. ابروحي الـزياره
عشكتچ .. وكلشي ابحياتي
كونچ تــرضين اعليه
همي من سنين البيه
گــلبي الينخاچ دمعه
روحي التنــعاچ هـيه
يارقيه ...
"""""""""""""""""""""""""""""""""""''''''''''
ياهمس العـيون صفـناتچ
ياجرح الچفوف طيحاتچ
والمثـلچ شــــلون يتعذب
محروگه چاليش يعـباتچ
عبــاتـــچ .. بنـــار الهضــيمه
وغــلاتچ .. كل خلگي خيمه
دمعـــتي .. تشــــبه حسرتي
ونضرتچ .. متـــروسه هيمه
بهيمــه اتركضين ونتي
جرحچ لحسين صحتي
وضعنچ منهوب حـــاله
زغيره ولا ويــــن تهتي
يارقيه ...
"""""""""""""""""""""""""""""""""""''''''''''
مچتوفه بحبال متســـيره
تشــــبه الزهــراء والزهره
ياعمتي اتصـــيح لحگوني
ماتحمل السوط والسطره
عجيـبه .. والله عجـيبه
بالحبال .. هـاي الحبيبه
رقـــــيه .. زغيره وسبيه
اويــلاه .. غربه ومصيبه
حالچ بالــــشام صعبه
عشـــتي الايــام غـربه
تردين حســين يمـــچ
حسين ومطعون گلبه
يارقيه ...
"""""""""""""""""""""""""""""""""""''''''''''
وطـــشــر اوراح حنـــانچ
من جابو الراس لحضانچ
گلتيله يـــابويّ حاچــيني
وبنحره دمعات لحــزانچ
يبـــويه .. بس كلمه گليّ
عفــتني .. ودمعي يَهَليّ
انــــامن .. ويـن وبدونك
بوجنتك .. دمعاتي أخلي
راســك والآه تسعر
وكلبي بليــاك جَمر
ماعيشن لا بــدونك
ريتك يابويه تحضر
يارقيه ...
"""""""""""""""""""""""""""""""""""''''''''''
مخنوگه الانفاس عالمنحر
وبالدمعه يــــا نار تـتــوجر
سكتت مـــــن الضيم رقيه
السكته بـــــالــموت تتفسر
بدمعـها .. مـــن گـــلبوها
بصبرها .. مــــاتت لبوها
رقــــيـه .. راحت شهيده
بالدموع .. مــن غسلوها
كليبـچ نيشـان ملگه
نفسـچ عـنوان خنگه
اي وي حسين راحت
تسعر بـــالروح حرگه
يارقيه ...
عبد زينب
محمد الابراهيمي
ورود ضعن الحسين عليه السلام الى الشام المشؤوم
اللهم عجل لوليك الفرج
اااااآه يا واحد صَفْرْ يآّ محنته
شلون يوم شلون كسره كسرته
ضعن ابو السجاد صارت طبته
على الشام وجانت الدنيا نهار
.
بالنهار وتدري يا شبل الحسن
عيون تكره حيدر اتاني الضعن
وتدري عماتك طبعهن يستحن
لجن مهضومات ما عدهن قرار
.
ابلا قرار ابلايه رأي الماله اخو
وانت ادرى بحادي ممشاهن منو
الله اكبر يابو صالح مو عدو
لا رحم كلبه الزغار ولا الكبار
.
كبار وزغار اعلى ناكات الهزل
وفرق ماكو كلهن بنفس الحبل
ياهو ينطيه گلبه يجتفله طفل
العرب مو بحروبها تأمن الزغار
.
وين عادات العرب والعرب وين
ليش خلفوهن اويه عيال الحسين
ما سمعنه طفل تجتفله ادين
وبلا نوم بهزلة يگطعها الديار
.
نگول سارو بالصحاري امن الخطر
وكطعو ادروب الخليه امن البشر
شعجب من العرب ما واحد نغر
وشالته الغيرة وعلى الحداية ثار
.
محد الهن لمن شافاهن فزع
لمن دخلن والفرح صوته انسمع
بس حجي الشمات بالشام ارتفع
والحجي عيشنهن باقسى انكسار
1 صفر المظفر 1446
الكاظمية المقدسة
اه سبايا وصلنة الخرابة
اه عبينة كلتها الترابة
__
وصلنة سبايا لخرابتنة
وذكرنة گبل خوية لمتنة
انزلت ع الوجن جمرة دمعتنه
ويضيگ النفس لو ذكرتك
يسألوني شو غابوا اخوانج
منو الي يهونلج احزانج
وتشوفينة يتبلل ردانج
دمع دم عيوني بجتلك
خوية محد يبطل شماتة
كل عدو اتحققت امنياتة
راس الحسين مشة بصف خواتة
__
اه دليلي يذبحة مصابة
__
تلوذ الحرم بية من تعثر
ويفرقونة ياخوية بس بالجر
شكبر حيلي يبن امي واتمرمر
جبيرة وحنة ضهري حزني
مچاني عزيزة بوسط بيتي
تحاوطني اخوتي وي ذريتي
صفة في هلي حسرة وامنيتي
اخوتي يحركونة ضعني
وين اهلنه بقوا ع الترايب
لا بقالي اخو ولا گرايب
وانه ام عون صفيت ام مصايب
__
اه التهو كلمن بدم خضابة
__
النضر امضة من سيف البنحرك
علية التباوع اشو يضحك
لمن غيبوا بالذبح صبحك
بقت اختك بعين الاغراب
صعب وادم تعاين لزينب
وسباها الذبح خيها هذا اصعب
يطكها لمن توگف وتتعب
هذيج الگبل ضلها ينهاب
ضلت تدور نضرها ع الناس
وتلتفت فوگ تشوفك يعباس
عالي ونهن اويلي وعله الراس
__
اه زمن كله عجبة وغرابة
__
بطشت جابو المنحر گبالي
يغطونه بس نورك يلالي
ارفعو هالغطة واختلف حالي
اركضت عن الاطفال اضمك
رقية تگلي شنو اتضمين
يعمة شكلج شنو اتريدين
صرخت ويلي هذا ابوية حسين
اشبگتك يغالي وتشمك
تكله بوية منو الحز وريدك
وينك حضنك ودفو ذيج ايدك
ماسمعت شكثر صحت اريدك
__
اه جبيرة شيفض هالطلابة
__
طالب الصالحي
جديد صفر ١٤٤٦هـ
شهادة الإمام الرضا عليه السلام
سلسلة أحزان
آل النبي احنه انصبّت اعلينه المصايب
المسموم والمقتول والمسجون وغايب
بالدموع الهامله
أروي هاي السلسله
امن المصايب
ـــــــــــ
أنا السلطان أبو محمد
العاش ابغربه بخريسان
بحديث السلسله إلكم
ذكرت اوصدّرت تبيان
بهاليوم أروي ياشيعه
ليكم سلسلة أحزان
من طه إلى القائم
سيرة فاجعه اوأشجان
سيف العدا ابسم وحقد مسلول كل يوم
واوّل ضحيّه منّا جــدنـــا الهادي مسموم
بالضلوع التكمله
أروي هاي السلسله
امن المصايب
ـــــــــــ
أصل كلما جرى اعلينه
يعود لحرقة أشرف باب
بده شرع القتل لمّن
على امنا هجمت الأجناب
اثنعش ضلع انكسر منّا
من ضلع البتوله انصاب
تجاسرهم صبح مسموح
بسقوط المحسن ابلعتاب
حين بحبل قادو علي حامي الحميّه
صــار الفَتِكْ بينه يحل صبح ومسيّه
بمسجده حاطه البله
أروي هاي السلسله
امن المصايب
ـــــــــــ
بوسط محرابه بوالحسنين
على راسه إجت طبره
وبموت الحسن لسهام
ودمه بالسلسله كثره
والقرّح جفنا امصاب
جدّي المنقطع نحره
قضى السجاد والباقر
غيله وصادق العتره
عالسطح إبني اوعـالـجسر خلوّ الكاظم
وللعسكريّين الـــشـــمـــل فــــرّق الظالم
بكل بلد بيه معضله
أروي هاي السلسله
امن المصايب
ـــــــــــ
أنا بضعه من المختار
بحفظنه وصّه هالأمّه
وانقلبت علينا اذياب
وصارت تنهش بلحمه
عليّه ضيّق ابمشهد
المأمون اوطغى ابظلمه
من غيظه تشفّه حين
قطّع چبدتي ابسمّه
أمّـي تون سمعوها حين بموتي ونّيت
لاتحسبوني للرضا في طوس ماجيت
جيبي شقّيته إله
أروي هاي السلسله
امن المصايب
ـــــــــــ
بنهاية سلسلتنه اغياب
اسنين المهدي قائمنه
يعجّل أدعي بظهوره
وتفرّج طلعته همنه
ثار بثار من يثأر
بسيفه ايطالب ابدمنه
موصدر اليشافي اصدور
لنا وليكم ياشيعتنه
بـالغـالـب اتــرد بــاچـر احقوق الغوالب
المسموم والمقتول والمسجون وغايب
والحديثي ايكمّله
أروي هاي السلسله
امن المصايب
ـــــــــــ
تمت بحمد الله ومنّه ٢٩محرم١٤٤٦هـ
نظم خادم السيدة الزهراء عليها السلام
ياسين جواد العبد الرضا
المدينة المنورة
يابويه حــاچيني
خل عينك بعيني
بويه يالدومك تحبني
للمنيه اوياك اخــذني
ـــــــــــــــــــــــــــــــــ
يابويه تعبني السفر
والعين ذبـلها السهر
وين انت عني
جــــبت الدرب كله أون
ومحد على حالي يحن
افراگك كتلني
من عاشر محرم فارگت عيني
موطبعك يبو اليمه تخـــليني
مشتاگه اشكثر يابويه تدريني
ماساعه غفيت وبطل اونـيني
ها يا بعد روحي
ما بطلت نوحي
والوكت عنك بعدني
للمنيه اوياك اخذني
ـــــــــــــــــــــــــــــــــ
مات الصبح من غيبتك
والخير راح ابــروحتك
يابو رقيه
وين ايدك الكلها دفو
يالماشفت مثلك ابـو
عينك عليه
يبويه السوط اخذله وذره من متني
وايــــــديهم ثـــــگيله وحيل أذتـني
وسطرتـهم على التـربان ذبـــتنــــي
وسلبوني يبويه وعمتي فڰدتـــــني
ومن حرگو الخيمه
فــــــــريت بالهيمه
والعدو بويه ضربني
للمنيه اوياك اخذني
ـــــــــــــــــــــــــــــــــ
شتگول لونرجع سوه
وبالبيت اخليلك دوه
وهناكَ ترتاح
يابويه صدري مخــــتنگ
وچفوف ادي صارن زرگ
من كثر الاجراح
خل نرجع يبويه الذيچه گعدتنه
چنه بخير تدري وحلوه عيشتنه
ومحلاهه العصر يالغالي لمـتـنـه
طحنه ابناس كلها اتريد اذيتنـه
ماكو عرف بـــيهم
وتجرح محاچيهم
والشمر بويه هظمني
للمنيه اوياك اخذني
ـــــــــــــــــــــــــــــــــ
من كثر مامشتاگه الك
ابيقظه وحلم اتخـيلك
يالساكن الروح
فزيت من نومي وصحت
ونياحه يابــــــويه نـحت
والگلب مجروح
فك عينك يبويه وانظر الحالي
يمن حالك مردنـي ومـرد دلّاي
مشتاگه الشبگتك والله يالغالي
يالساكن دليلي وعايش ابــالي
دمعاتي سچابه
ونيراني لهابــه
بويه يالحالك مردني
للمنيه اوياك اخذنـي
ـــــــــــــــــــــــــــــــــ
بعدك فلا اريد العمر
وماينحمل مُر الصبر
وياك اخذني
مذبوح بويه امن الگفه
وشفافك ابدم نــــازِفه
اشگد الّمتني
يابـويه تـــره هالناس مونـــــاسي
اريدن كون يم راسك يضل راسي
يالتنظر دمعتي وتـعلم أحــساسي
هذا آخــــر لقاء وأخـر انـــفــاسي
بويه خمد صوتي
لمن گرب موتـــي
خل اموت اوياك خلني
للمنيه اوياك اخـــذني
ـــــــــــــــــــــــــــــــــ
حيدر بشار الدراجي
قصيدة ( مشتاكه الك ) الى السيده رقيه بنت الامام الحسين عليهما السلام
مشتاگــه ألك شيوصفه شوگ الفاكده
مشتاگــه ألك عينـي تشوفــك رايــده
شوگ اليفارگ جمــره
بالوّنــه يخلـص عمـره
**
يـا بويــه مشتــاگه شكــثر
لگلمــة يبـــويه الدافيـه
وأتمنى انـــه بهــل المسه
بحضنك أمأمنـه وغافيه
يلــي شلتنـي أعلــى المتن
عالجمـر اركــض حافيه
يابويه مــن يــوم الـــرحت
ماتـت أبـروحي العافيـه
تــدري شكــثر بيّــه حــنين ولهفـــه
تــدري شكـثر أتمنــى يمـــك اغفــه
بگليبي ظلت عبـــره
شوگ اليفارگ جمره
*
يابـويــه چفــي ألـــي چنــت
كــل ساعــه انتــه تشمّــه
يالغالــي هســه مــن الحبـل
يــا بــويـه ينـــزف دمـــه
ظليت أخـــاف مـــن الهوى
جـــرحـــي يبويــه يلچمـه
ما تدري بالسـوط أنضــرب
كلمــا صحـــت يـــا عمّــه
ســوط العده اشســوه يبويه بحالي
ســوط العده يلـــوعني بويه الغالي
ومتوني صارت حمره
شوگ اليفــارگ جمره
*
يـا بـويه تــرچيتي الذهب
البيــدك جبتــها أتــذكــر
سلبوهــا بالطــف العــده
ومنها يصــب دم احمــر
يــا بويه دمــي الي جـره
نفسه الجـره مـن المنحر
نــار وعطش خيل وشتم
واركض يبــويه واعثــر
خيل العده الرضت يبويه أبصدرك
خيل العده اتعنتنه واحنــه انعذرك
بحالي يبويه انته أدره
شوگ اليفــارگ جمره
*
ريتك تجيني بهـل المسه
ونفســك يمــر بأنفــاســي
وتشـاهــد بعينـــك ذبـــل
مـن الفرگه وردي وياسي
مرنـي يمن انت الهــوى
وأغلــى واعــز كل ناسي
وأتمنى لو جيت أبدمــع
تمســح بأيـــدك راسـي
مرني بحلم اقبــل يبــويـــه بهــايه
مرني بحلم صــارت عليه أهـوايه
وأبخدي شوف السطره
شوگ اليفــارگ جمره
*
ألفــرگــه اشــد مــن النبــل
مـرنــي يبويــه الغـــالي
كـل ساعــه وتمرني صّــور
وتغـفــه يبــويه أبــالــي
بصدرك شفت غافي السهم
ماخــذ مكــاني الخــالي
وي نحــرك الينزف دمــه
انذبحت يبـويــه آمــالي
غافي السهم ليش أبمكاني أشمالــه
غافي السهم وماخذ گلب مــو مالــه
نايم عــزيــز الــزهره
شــوگ اليفــارگ جمره
**
يـــا بـويه مريت وعدل
خضّــر ربيــع اسنينـي
گتلك يبواليمه أبــدمــع
چــا عــدمــن مخليــني
مــا ادري بـويه بالحلم
طيفــك نظــرتـه بعينـي
فزيت لن طشت الذهب
بي راســك يحــاچينـي
بويــه العمر أتلچمه وتذبحه أحـلامه
بويــه العمر بـراســك گضت أيـــامه
وبلهفـه اشمّــن عطــــره
شــوگ اليفــارگ جمره
*
الشاعر
موسى البديري
يزاير .......لو مشيت الكربلا
يزاير..........خلي موعد للصلا
زكي حتى اموالك
تقبل الله اعمالك
*******
حسين كل خطوه لك يحسبها حجه
كون عهدك ملتزم كل مشيه رجه
عارفا زور الحسين واتدري نهجه
رجلي تتعنه ركض لوحتى عرجه
يزاير.........دير بالك من تروح
يزاير.....بالمشي غض الجروح
بكلشي حاسب حالك
تقبل الله اعمالك
*******
عوف كلشي اتوجه وامضي بصلاتك
بالمشي واصل مسيرك صفي ذاتك
روح صليلك فرض كل لحظه فاتك
كلشي بيك حسين يعرف عن حياتك
يزاير...........خلي منهج من تزور
يزاير.........تملك الحب والشعور
خطوه حجه انطالك
تقبل الله اعمالك
********
عوف درب الغيبه انت ابكل مسيرك
وياك يمشي المهدي حكم كل ضميرك
حددت بيدك نجاتك كل مصيرك
بس تزل يبنادم الشيطان اميرك
يزاير .......لو زعل راعي العلم
يزاير..........تبقى عايش بالندم
سوي زين افعالك
تقبل الله اعمالك
*******
هاي فرصه من العمر وتمر بالايام
استغلهه بخدمة الغالي يخدام
صفي نيتك بالمشي بس شد الحزام
دير بالك عالصلاه موبس تجي تنام
يزاير......حسين ضحالك تشوف
يزاير.......صلى عاشر بالطفوف
بث يشوف ارسالك
تقبل الله اعمالك
*******
بالمشي من تمشي اترك غيبة افلان
لا يغرك زين صاحب تالي شيطان
ايضيع اجرك بالزياره وانت خسران
انت يم حسين توكف والله خجلان
يزاير .....عيش لحظات الهيام
يزاير.......انشر الحب والسلام
حسين يتعنالك
تقبل الله اعمالك
*******
بربعين احسين اكصد وفي عهدك
راح ابو صالح يسألك شنهو ردك
كالك صليت وانت اتكول بعدك
شلون للمهدي جوابك وينه وعدك
يزاير.........الدين وصاك الوجوب
يزاير........زحمه من تحمل ذنوب
لله صفي وصالك
تقبل الله اعمالك
*******
يوسف الفتلاوي
حارب فكر كل فرعون الحسن بإيمانه
افواه الحقه ميموتون الحسن بإيمانه
يرسم معالم دينه && للطف يمهد احسينه
الحسين بإيمانه
••••••••••••••••••••••••••••••••
الحسن جان صلحه عن معرفه وعن درايه
النور ماحبله ظلمه عنده مبدا عنده غايه
مايساوه الخشب بالماس العقل مايقنع بهايه
راح تعرف منهو الاثمن
يكشفه يِشوّفه الزمن
الحسن يزهي الحسن
منهل الامة والهداية
الحسن سر الرحمن مخفيه اسراره
مبعوث بهيئة قران مخفية اسراره
جود وكرم اوصافه
يسحر انظار الشافه
الحسن بإيمانه
"""""""""""""""""""""""""""""""""
مايدور الحسن سلطة ولاتهمه اي مناصب
ماتغره الدنيه لحظة جان عنده بعد ثاقب
صور يضرب بالشجاعة حِلمه صاير اله صاحب
دوله يحكمها العدل
لكربلة حلقة وصل
بثورة حُسينه تتصل
بالخير باجرها العواقب
للطف الحسن عنوان بانت اعلومه
رسالة فكر مو ميدان بانت اعلومه
اهداف الثورة يرسمها
الامه بدينه يعلمها
الحسن بإيمانه
••••••••••••••••••••••••••••
ابن طه النبي هذا منبعث للامة مصلح
بالظلامة الامة عاشت جان للظلمة صبح
جولة الباطل خسارة و الحق جولاته الربح
عنده رسالة واضحة
بأول شهيد مصرحة
بحسين جان المصلحة
ودعوة محمد تتضح
دعوة عنده للاصلاح جانت هلـ غاية
بحسينة يدري المفتاح جانت هلـ غاية
سيد شباب الجنّة
بطريق الحق علمنّه
الحسن بإيمانه
••••••••••••••••••••••••••••
التاريخ يتوضه بحروفه ونجمه يضاهي الثريه
للهداية جان رحمة ونعمة نزلت للبرية
عنده مرسوم السماوي ينكتب بالغاضرية
بدم الشهادة تصدق
مرسوم الالهي تحقق
انبعث قران ينطق
يقيم دولة الاحمدية
منهج محمد مرسوم بميزان افعالة
منهج حق لكل مظلوم بميزان افعالة
اسرار الخالق اسراره
وصلت للعالي اخباره
الحسن بإيمانه
••••••••••••••••••••••••••••
••••••••••••••••••••••••••••
ثورة حسين العظيمة يظل بيها اثر يُذكر
مايمد الحسن ايده ما يصالح ابد منكر
والاموي حكمه زائل والحسن امجاده تزهر
حكم الظلامة منكشف
وعدل السماوي منعرف
راية محمد بي ترف
سلمهه بيد ابو الاكبر
رايات الاحرار انتشرت مشعل بطفوفه
بدم البسالة تنورت مشعل بطفوفه
كلمن ثبت إيمانه
الخالق يعلي شانه
الحسن بإيمانه
••••••••••••••••••••••••••
المصيبة:
حاكوا خيوط الجريمة والسهم جان جعده
نفذوا فعلت حقدهم بالسم صوّبوا جبده
ظنهم تموت الامامة و بالطفوف حسين رده
دولة محمد قائمة
تنصب باجر محكمة
تفتح سجلهم فاطمة
والباري الحكم عنده
الحسن دين السماوي ومنهج الحق والرساله
الاسلام بجبده انصاب يشكي الظلامة
نور العصمة لا ماغاب يشكي الظلامة
علي موفق القزاز
مطول بنـــــــومك
شمغير ارســــومك
تمنين يابويه حسين،،، يومي قبل يومك
ــــــــــــــ
ها يبويه
يالعــــفتني بزغر عـمري ويتمتني
ها يبويه
يالحـنانك من ضيـــــــاعي يلمني
جابـــــوك بطشــــت لينه وكلــــبي تحير بأمرك
احضنك ردت بس شحضن لا ضهرك ولا صدرك
قبل مو تمسح بشعري صرت انه امسح بشعرك
خوما تلجم يــــحنين اذا قبـــــــــــلتك بنحــرك
يابويه يالغـــالي
يانبــــض دلالي
اشتاكيت انام واحضنك... وبس راسك كبالي
ــــــــــــــــــــــــــــ
صحت عمه
عمه زينب ارد اضلن وياه وحدنه
صحت عمه
اني بنته رايده اشبـع عيني منه
خليني ويه ابوي حسين ماطـــــول اروح بساع
حجي بنيه ويه والدهه هجرهه ونـام حدر الكاع
مالحكت انه اودعنه صغــــــيره وما عرف الوداع
بس درب السبي شيب كلبي وعمري احسن ضاع
خلوني اني وياه
بنيته واريد انعاه
عندي حجي بكلبي... ضميته من فركاه
ــــــــــــــــــــــــــــــ
يا عذابي
من رحيلك وهذه حزني الماله تالي
يا عذابي
وكون عدهه لسان جا تحجي اليالي
تسولفلك عن الـوحشه من وجهـــك علينه غاب
حركو خيمتك بالنار وانه اشمــــــــر عليهه تراب
وغفـل من عمتي زينب اجانــي يـركض السلاب
يجر حيل التراجي كام وكل خوفي يجر الحجاب
يابويه جرح اذني
لحد هسه يوجعني
خليت ايدي ودم نزل،،،، من اذني لمتني
ـــــــــــــــــــــــــــ
شكد تعبنه
من سبونه ومن خذونه صحت اريدك
شكد تعبنه
شكد عثرنه شكد تمنيـــــت الزم ايدك
مادام احنه وحــــدنه اريد اكشف الك ضهري
شوف شكد زراك البي ودمي البالمتن يـجري
عذبني طريق الشام وشيب راسي من زغري
كلما بويه طكني السوط سنه ايزيد لعـــمري
يابويه شحجيلك
ولياهي اشكيلك
اجروج ضهري من الضرب،،،، خليهه ترويلك
ـــــــــــــــــ
اه يالشام
ياوجعهه من دخـــــــــلنه ااااه بابه
اه يالشام
نومتني فوك الـــــــــتراب بالخرابه
يابويه دخلنه الشام اوســــط السوك جابونه
والماشافو النه خيال يبويه هـــــسه شافونه
نضرات الشماته اسهام ونسمع من يشتمونه
وباب القصر يحسـين ثمن ســاعات وكفونه
طبيــت مرعوبه
مكسوره متعوبه
كل خطوه اطبن للقصر.. علوجه مكلوبه
ـــــــــــــــــــــــــــــــ
الشاعر
مصطفى الحسني
مـولاتي رقيه صلوات الله عليها
يابويه شلعت كلبي الايام
مادري ليش مجمره ما انام
بحلامي اشوفن بس الإسهام
وشكد بجيت وماكو صدرك
مو انته عطرك ما وصلني
مشتاكه ولدم اعله متني
جا وين راسك هذا حضني
عا الأقل منك ولو نحرك
شوك السبيه.. يكتل كتل شوك السبيه
يوصل إليه .. نحرك ردت يوصل إليه
بنتك رقيه .. شافت تعب بنتك رقيه
يتراب الخرابه تارس جروحي
__
شكد جنت ما اتمنه اعوفك
لا انته هسه ولا جفوفك
مجويه روحي وارد اشوفك
يابويه حتى اشكيك همي
حتى اكلك شوف وضعي
صغيره وأيديه فوك ضلعي
وما تدري فوك خدودي دمعي
لو يهل من العين دمي
المدلله وياك .. شبعت ركض لمدلله وياك
من اهد مكفاك .. محروك جدمي من اهد مكفاك
يابويه انخاك .. مشتاكه الك يابويه انخاك
من كربله الهسه تنزف اجدامي
__
ماردت كلشي بويه اريدك
ساعه اريد اغفه اعله ايدك
شو عطرك وهذا وريدك
نفس المحنه الغطه وحضنك
جاليش شفتك هيج تجوي
بهل الحاله يابويه شسوي
علرمح نحرك جان يدوي
ما اشوف بس حسيته منك
مو هاي هيه .. يا عشرتك مو هاي هيه
بطشت المنيه .. راسك صفه بطشت المنيه
مو هيج جيه .. ردتك تجي مو هيج جيه
الشفته بعيونك شيبهن رموشي
__
توه المتن مو خشن توه
واعليه شما انام اتلوه
ولجدم حده يمشي خطوه
وعثرات كضيته يدربي
صغيره وأبوي كبالي مذبوح
مثلك يريت تضمني الجروح
شمتانيه و ما تطلع الروح
جا بعد المن ضال كلبي
من عنده خوفي .. صار الجنت من عنده خوفي
ترجف اجفوفي .. من الحبل ترجف اجفوفي
خلصان شوفي .. ماشوف بي خلصان شوفي
الجنت ترجف عليها عاثره هواي
__
نحرك ابد ما جاس حضني
يجروح راسك تعبني
خلني اشوف بعيني دفني
وحدي ولا يمي اخوتي
الدم اعله عينك خفت اچزه
جا هاي تالية المعزه
ناغزني وجهك موش نغزه
وصلني حاله اتمنى موتي
مو ذيج الرسوم .. من العطش مو ذيج الرسوم
ما ماخذك نوم .. الحافر خذك ما ماخذك نوم
يا بويه ما اكوم .. لو اموت لو يابويه ما اكوم
بعد مو مال اعيشن وانته مذبوح
اللهم عجل لوليك الفرج
_مصطفى سلمان
لحن(للمشايه ودوني)
بصوت
سيد صلاح اللكاشي
ناصريه
لحن ( مشايه بدربكم)
بصوت
ملا عباس مزهر
بصره
لحن (اجيت امشي)
بصوت
ملا بشير شوگي
بصره
من ضيم اليسر جيت••بظعن
أحزاني رديت
من يتلكه الظعون••حسين بگبره مدفون
««««((()))»»»»
إجيت من اليسر مدكبعه بحزاني
حسين وكافــــــــلي مـــحد تلكـاني
گبل إم الخـــدر إسمي ويخـــــواني
كل عثره بيسر تشتمـــــني عدواني
من أعثر گبل وين••چنت أتوچه بثنين
الكافل فكده ميهون••حسين بگبره مدفون
««««((()))»»»»
حلم عندي إمنرد ألكاهم إگبالي
وين حسين إخوي إوين كفالي
وصلت الشام بس بكربله بالي
مشتاكه بكثر ماضربو إعيالي
إلهم گلبي مشتاك••مايتحمل إفراك
حلمي إتشوفه العيون•حسين بگبره مدفون
«««««((())))»»»»»
إجـــــــيت من السبي يهلي تلكوني
إذا شفتوني مـــــــاظنكم تعرفوني
إنحنه طولي نكسر ضهري انخطف لوني
مـــــــچويه إديه إوارمـــــه إمتوني
يعصر بيه الأمصاب••عصرة إمي بالباب
جيت وگلبي محزون••حسين بگبره مدفون
««««((()))»»»»
ردت نضره أخيره حسين أودعنه
گبل لايحدي ظعـــــني لليسر عنه
رفعنه إچفوف ونسلم ولاچـــنه
أثاري إلنه رفــــع راس برمح منه
يمشي ويانه مكطوع••لو وَن ونه مسموع
راسه إمحير الكون••حسين بكبره مدفون
««««(((())))»»»»»
يحسين الشمر ضل حارس الأيتام
إشلون المثلي تكدر إلها عين تنام
رقيه وخوله ماتن من عذاب الشام
عدهــــم عيد ثاري ذبحك الضلام
إنت بعينك تشوف••دكو يمك إدفوف
ويم راسك يركصون••حسين بگبره مدفون
««««((()))»»»»
الطلكــــــها إبوي تكــــابلت وياي
وضدي تحالفن طف كربله ودنياي
موبس بالسبي لوعني سوط إعداي
حته الكلمه خنجر صرت أحس بحشاي
ترسو گلبي طعنات••الشام وكوفه شمات
شسوي ومايشمـتون •حسين بكبره مدفون
«««((()))»»»
الشاعر نسيم
الحميداوي
انه الفوگ الهزل مفتر////دولها
بسبينه وحسره البگلبي//دولها
عليل ومالگت روحي. ///دولها
دواهه حسين ابوي وگطع بية
__
انه المرت عليه اشكال //والوان
المصايب والضلوع انحنن//والوان
من اذكر سبي النسوان///والوان
احس الموت اروح صار الية
___
ليالي السبي ما يخطر///خي الهن
و علوياتنه اينومس///خي الهن
بنات حسين بس اني///خي الهن
اخوتي اذبحو بالغاضرية
__
النعي
يمكن البلطف مات ورتاح
ماشاف نار وحرگ وصياح
ولا مشه وياه بالضعن ذباح
ولاشاف روس اوفوگ الارماح
__
حادي الرچايب شتم عمتي
واحد تعده وضرب اختي
صدت وگلتلها اسكتي
والسلسله بيدي ورگبتي
__
الشاعر حيدر الخفاجي
عمه زينب وين ابونه
وعمنه وين وسلبونه
عمه عمه عمه عمه
ياعمه بالطف الجره ماصدكنه اعيوني
كاع وسمه انترست دمه وبلا اهل خلوني
مجتوفه بحبال اليسر والشامهم يردوني
مسبيه مكسورة گلب من كربله ايطلعوني
والشماته اعيون كلهم
لارحم لاغيرة عدهم
ويلي ياعمه اهضمونه
وعمنه وين وسلبونه
عمه عمه عمه عمه
ياعمه برماح الاهل طول الدرب ويانه
شافوني من طحت وكمت اتعثر وحزنانه
ابسكته البجي وبلانفس ماينسمع مبجانه
مرفوع للروس النضر ماننحني ابممشانه
والدرب طال وتعبنه
وي اهلنه اعتاب عدنه
راحو اشلون اتركونه
وعمنه وين وسلبونه
عمه عمه عمه عمه
اليل لو جن واجه يكثر ونين ايتامك
ندري العتب بويه كلف ويزيد الك الامك
ابنياتك احنه ابفركتك نذكر هذيج ايامك
انلاكيك جنه ابفرح توجعنه هسه اسهامك
اليل موحش وبظلامه
راعب اگلوب اليتامه
خزر يخزرنه بعيونه
وعمنه وين وسلبونه
عمه عمه عمه عمه
يهضمنه لو صار الصبح يصرخ علينه الحادي
وكت المشي هذا الاجه وبلا حيه من اينادي
متشمت ويضحك بطر يدري احنه جدنه الهادي
بعيونه شفنه شكد حقد بسكف السقيفه بادي
يصيح امشن حيل سكته
عمنه وينه ايشوف اخته
من حجيهم سمعونه
وعمنه وين وسلبونه
عمه عمه عمه عمه
يابويه مهضوم الگلب فاكد عزيز احبابه
تلجمنه كل خطوه ابسبي كلش غميج اصوابه
گلبه الفگد مثلك ابو عطر البخت بثيابه
هسه ابدرب بي بس شمر غم هل وكت من جابه
يل ذبحته ابلا حميه
يتمتنه ابهل مسيه
مثل طعناته اطعنونه
وعمنه وين وسلبونه
عمه عمه عمه عمه
اسالكم الدعاء
حسسن محمد الزهيري
وزن النص مجرشه
بالخرابه اشما تسلهم عيني
تنلـچـم مدلـوله وتصحيني
هاي تستاحش من الظلمه وتنز
وذيچ تغفه وجرح يلچمـهـا وتـفز
وتگعد ام عبد الله (كـاروكه) تهز
يگـلـهـا مـا در صـدرچ ترضـعـيني ؟!!
ـ اشوه عدنه الليل يسترنه الظلام
حته لا تبرالـنـه عـيـون الـحـرام
وين ذيچ اديارنه وذيـچ العـمام
اهنا يهاشم مـوتـه لـو ناسـيـنـي
ـ اثنين واثمانين يتشكن سوه
والجرح ـ گص الحبل ـ يردن دوه
ذبلن امن الشمس وسموم الهوه
ونه اشما اطوي الدرب يطويني
ـ احنه من صيارنه ابيت الوحي
امن الحچي حته ويَ اهلنه نستحي
سمعت اهل الكوفه صوتي وصايحي
خاف ما تدري العده ميسريني
ـ انه الما چانت خيالي تشوفه
شافـتـه وسمـعتني اهل الكوفه
اعله الهزل وايدي بحبل مچتوفه
بالـطبـل ودفـوفــهـا اتـلاگـيـنـي
علي بويه هنا يكشاف الكرب
شگد بعد للشام كون امشي درب
الموت ريته ولا يعرفوني الغرب
وروس اخوتي يا علي تماشيني
عزيز الفيصلي
#اللهم_عجل_لوليك_الفرج
بعض مواجع السيده زينب عليها السلام والسيده رقيه بنت الامام الحسين عليهما السلام
سَـــلام الله على گلب العقيله
سَـــلامْ الله على صبرْ العقيله
****
منين ابديلــچ سلامـــي هــالمسيــه
وأنتي كـل دمعچ طفـوف الغاضريه
يالورثتي أبنـوح كـل حــزن الزچيه
البــاب والمحـراب والطـــف ورقيه
سَلام الله علــى دمــع العقيله
سَلامْ الله علــى صبــرْ العقيله
*
يالـورثتي الباب وهمـومه وعــذابه
ليش وكتـچ مــا يسد يالحــره بابـه
الله يــا زينــب يعينــچ عـالخـــرابه
رجع يوم العاشر وحزنه ومصابـه
سـلام الله علـــى جرح العقيله
سَلامْ الله علــى صبــرْ العقيله
*
يا مُصــابْ التنتحب وتــريد أبـوهـا
منين يـــا زينب يجــون الفــارگـوها
وسفـــه بحبــال الــورود يگيــدوها
ومن تنوح أبسوط ليش يسكتـوها
سَـلام الله علــى نَوح العقيله
سَلامْ الله علــى صبــرْ العقيله
*
يـا رقيـــه ويــا الــم محنــتْ سبيـها
بالخـــرابه ورادت الــوالــي يجيـهـا
فـزّتْ أبدمعــه وتــوّنْ زايــد بچيــها
سافــرْ أتگلها العقيله تحــاچي بيهـا
ســـلام الله علـــى همْ العقيله
سَلامْ الله علــى صبــرْ العقيله
*
نامــتْ وفــــزّت تـــَوّنْ ونّــه ثجيــله
هســه بحضــانه چنـــت هــا يالعقيله
عمّه شفت السهم غافي أبنص دليله
امشينــه يا عمـــه نــروح ونعتنيلـه
سلام الله على جَمـــرْ العقيله
سَلامْ الله علــى صبــرْ العقيله
*
لحظه والــراس ابطشت گامت تنظـره
شيبه من دم النحــر مصبوغه حمــره
وين أمه الزهــره خّـَـلْ يمّــي تحضره
هوّت فوگه وماتت الطفله أعلى نحره
سلام الله علـــى ونْ العقيله
سَلامْ الله على صبـرْ العقيله
**
الشاعر
موسى البديري
مقطع صوتي من حيدر بشار الدراجي
Читать полностью…
الى سيدتي العقيله زينب عليها السلام
جبـــل صبــري تعالـــه لو عِلّى الشام
وعلى الطف انه انوحن لو على الشام
تظـــل بالــروح يهلــي لــوعه للشام
اشــد مـــن لـــوعتـــي بالغاضـــريه
الشاعر
موسى البديري
ابيات ابوذيه إلى السيده رقيه عليها السلام
بديها احبــال بـس أزرگ متنها
زغيـره وعـن بـواچيهـا متنها
الــف موتــه مصايبها متنها
وأشدهن فـــارگت روح الزچيه
الشاعر
موسى البديري
تفتت گلبي بــس روحي شفتها
رقيــه بيـوم مـا گعــدت شفتها
على خــد السبــط خلت شفتها
وتگلــه أتاخــرت بويــه عليه
***
الشاعر
موسى البديري
بوزن الموشح قصيده السفرة
ام البنين عليهاالسلام
طايحه بشده وجيتج طايحه
رايحه اتوسل ابابج رايحه
وبسفرتج حجي بالي وسالفه
بحالي يم عباس وانتي العارفه
هواي من عندج معاجز شايفه
وفاتحه ابديلج سلام وفاتحه
مزامطه بسمج وجيت مزامطه
من القهر ولظيم ميته وشايطه
عاكده البيرغ وشمعه حاطه
نايحه وانصب عزية نايحه
دمعي وبهمي بسفرتج كاعده
وعلم عندج بيه أدره شرايده
بيرغج هزيته بيدي وعاكده
مادحه الوادم وبسمج مادحه
جيت خطاره من اديج وطالبه
لبابح ابجي جيت ليه وجاهبه
اسهام توجع بالكلب هالصايبه
شابحه عيوني يفاطم شابحه
كون ارد للبيت بشرى وراضيه
معدله ام عباس وادري ماضيه
عندج الحاجات سهله وكاظيه
جارحه كلوب المصايب جارحه
خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ الاحد/2024/8/4
٢٨محرم سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏
.
. عباس جبت العايّله رديت خويه الكربله
عباس جبت العايّله رديت خويه الكربله
*---------------*---------------*
جيت اليـــوم ريت ادكوم خـويـه وتنظر لـحـالـي
شـاب الـراس يا عـبـــاس هـاي الـروس تـبـرالـي
عنـدي اعتاب وي اجـنـاب جيـت وانـت كـفـالــي
ويــاك چـنـت امـخَـدّره وأدريـك سـبـع الگنطره
*---------------*---------------*
فـوگ النـوگ عيب اتلـوگ اخـتـك تـمشـي مسبيه
عكبك ليــش بين الجيش وادم تــنـظــر اعـلــيــه
زحمه وعيب تالـي الشيب يـلّــي اتـكـفـلـت بـيــه
للمـوت دمعات الـجـفـن ويـاك خـلـيـنـي انـدفـن
*---------------*---------------*
دم ابچيـت يمك جيت وانـتـه بـنـومـتـك غــافـي
گـوم ويـاي يـا رجـواي عــگـبـك ورّم اچــتــافــي
هـذا الصـار بين النـــار اركـض والـجـدم حــافــي
شـدگـول يـا وارث علي رديـت وادموعي اتهلي
*---------------*---------------*
مدري شلون عنـدي عيون ظلت والـنـظــر بيهـه
كلهـه اتصيح خــاف اطيح حـرمه وين اهاليهـه
تصعب هـاي وي اعــــداي كلمه ويمك احچيهه
عالنـوگ شافتني الـزلـم والـحـيـل راح ومـنهـدم
*---------------*---------------*
دمعي السال يحچي الحال اگعد يا ضـوه عيوني
احچي وياك نخوه انخالك وانت الكافل اظعوني
كـلـي اجراح جيـت ارتــاح خويه بكلمه حاچوني
عباس شـنـهـي سكتتك يا خوي احچي امروّتك
*---------------*---------------*
چـفـك ويـــن وعــدك ديـن يوفي الينطي الحچايه
خدري انشاف جيـش آلاف امـشـي ويمشي ويـايـه
عـوف الـنــوم هسـه وگـوم بـيـدك رفرف الــرايــــه
هالـيـوم جـيـتـك ياگمر هالـيـوم هم عندك خبر
*---------------*---------------*
العدهه أحيود تمشي بـزود وآنـه الوادم اتسبنـي
وي ظــــــلام لـرض الشام دهري هـواي دولبني
شفت الويـــل راح الحيـــل بفراكك يخــال ابني
ياريت موتي بـمـوتـتـك انـشـاف تقبل غـيـرتـك
*---------------*---------------*
دربي ابعـيـد وانت الحيد صـيتـك واصـل السبعه
خدري بساع راح اضـيـاع وانـت بـزودك اتـرجعـه
اخـذ الــروح وسفه تـروح واختـك تبقه منفجعـه
يا خـوي يـحـزام الظهر ظـلـيـت بأحـزان الدهر
*---------------*---------------*
✍خادم زينب (ع)
الشاعر رعد الجريخي
في حب اهل البيت عليهم السلام
موشح (ملمع)
(ياغياث الناس من نار الجحيم
ال بيت المصطفى اصل النعيم
من اتى في حبهم يوم الحساب
قد اتى لله في قلب سليم )
★★★★★
ياغياث الناس بايام الصعاب
ويسئل المعبود ويريد الجواب
هاي صفحات العمل يوم الحساب
اربعطعش معصوم يلگه بالكتاب
((من تولى النور في الليل البهيم
قد اتى لله في قلب سليم ))
★★★★★
بحب ابوالزهره وامير المؤمنين
والابرار الطيبين الطاهرين
ينادي هاي الجنه رب العالمين
ادخلوها بسلام امنين
((من يوالي ذلك النهج القويم
قد اتى لله في قلب سليم ))
★★★★★
هناك لو بالناس يختل النظام
شاخصه عيون البشر وسط الظلام
ينادي امير المؤمنين ابهلمقام
ربي اجعل نارهم برد وسلام
((من يعادي كل جبار اثيم
قد اتى لله في قلب سليم ))
★★★★★
هذا لاتأويل أيه ولاقياس
واضح المضمون مابيه التباس
گالها المختار خل تعلم الناس
معدن الاسلام حبنا والاساس
((من يواسي الطهر في حزن مقيم
قد اتى لله في قلب سليم))
★★★★★
وضح المختار بالقول الاكيد
بگلب كل مؤمن حراره علشهيد
علشهيد حسين لوعاته تزيد
للقيامه نار گلبه ماتهيد
((من بكى للطف والرزء الاليم
قد اتى لله في قلب سليم ))
الشاعر حسن لعيبي الحريشاوي
أبكي على العباسِ في كلِّ حين
وأرفـع الصـوت بقلبٍ حـزيـن
أيـن يسـارُ البدرِ أيـن اليمـيـن
وأدمُعـي كالعلـقـمـيِّ جـاريـه
#جابر_الكاظمي
((للمشايه ودوني))
عشت اشتاگ واشتاگ
ومني مطَشره اشــواگ
طـــريقك سلوةّ العـين
ذبــت مـن كثر الفـراگ
يالدمعي .. فهم كلشي .. اريد امشي
للمشـــــايه ودوني
بالموكب .. اريد أگعــد .. ولو يبــعد
عشر مرات مَشوني
مـن زاده .. اريد اشبـــع .. ومـا ارجع
شجره بدربه زرعوني
خيرك غـــرگ الناس
توزع أنفاس واحساس
بعباتك ضمني بــردان
عليك چفوف عـــباس
ابا عبدالله ...
"""""""""""""""""""""""""""""""""""''''''''''
گلبي ويــــاك مشدود
وليلي وحسرتي شهود
انتـــه الـــــروح للروح
انته العشـــــگ والزود
يحسيني .. شتضن انسه .. وأنه المرسه
للنشغات يحسيني
لو روحي .. غدت لحضه .. فــلا ترضه
إذا مو دمعتي بعيني
متلــــوعه .. يــــــــاروحي .. ويـــانوحي
بهيچ وتخلص سنيني
تاهت بينه الضنون
شو كــــــلهم يونون
ماشــايف أنه وهيچ
الزغار بنار يمشـون
اباعبدالله ...
"""""""""""""""""""""""""""""""""""''''''''''
ليش تلومــني هـواي
ضعني بعازةّ الــــماي
سهمك شـــالع العـين
شمالك تفگــــد الراي
خلصــــته .. الدرب ونـــه .. بأثر ونه
المسافه تقترب بيه
ماتفــــهم .. جـرح حــــالي .. يعذالي
رقيه مضيعه ترچيه
لومچويّ .. بجمر خيمه .. بنص هيمه
چا صرت انته لطميه
جمر دلالي مشعـول
صعبه دوس الخيول
خلصت المشي بنوح
زحف ياريت مشـلول
ابا عبدالله ...
"""""""""""""""""""""""""""""""""""''''''''''
عجيبه وگـــــالو انساك
روحي معلـــگه ويــــاك
العشگ مو چلمه وتروح
قليـــله چلـــــمةّ اهواك
بحر شوگي .. إذا ينــــشف .. أزور الطف
وتبچي الروح من شوگه
أنه اتگـطع .. على المحمل .. ركب هزل
والبسمات مبيوگه
حتی اهلي .. ويلــــــوموني .. ويسـئلوني
شافو روحي مخنوگه
اعله زينـب مادرو ليش
تمشي بصحبت الجيش
بحبل يانــــاس يانـــاس
عگبها العمر عمــــریش
ابا عبدالله ...
عبد زينب
محمد الابراهيمي
((مشايه بدربكم))
اجيت ألحگ ركبكم
وأگلكــــم آنه احبكم .. ومشـايه بدربكم
مشت ناس التـودكم
يـــ بس الخير عدكم .. الْـزمكم مايهدكم
اليــلزمّكم لـــزمتوهّ
وللمشــــــايه جبتوهّ
بچفافيــــكم تغطوهّ
ذهب ودموع تنطوهّ
أنــــه باسط ذراعي للخدامه
ماريد العمـــــر يگضي ندامه
أحبك والأحبك ماتت أعليك
أحبك وأنته مسلوب العمامه
أنه من خيــرك أنعمّ
وهواك بروحي أشتم
يامــــولاي يحســــين
بس صــــدرك تهشم
سلام الله على حروفك حسينآ ...
"""""""""""""""""""""""""""""""""""''''''''''
صــــح بالروح جذبه
بـــــس حسين احـبه .. وأبچـيله وأندبه
لجلك مجلس أحضر
وحتى الشـــيب يكبر .. من گلولي منحر
وأشوف الصوره بالطيف
بيك مثلـــــم الســــــيف
رمل يچـــــويك يحسين
ويلفح روحــــك الصيف
سمعت التل أجاك وانته طايح
الدم بعيونك وشفت المــلامح
شفــــــت يمك عبايه وفرزنتها
تگلك ياعجيْد الـــــــروح رايح
تگلــــــها ياهضيمه
وهيه تگول هيــمه
اجينه بسدك أنلوذ
بعد ماعدنه خـيمه
سلام الله على حروفك حسينآ ...
"""""""""""""""""""""""""""""""""""''''''''''
گلبك عش مساكين
السهم ذابح نبـــيين .. وكلهم صاحو حسين
خرز سبحةّ محمد
طشاش الله ولحد .. ام عون تصيح ياجَدْ
بسم الدين مـذبوح
نحر حسين وينـوح
ذولي اسـلامهم زُوْر
جدنه الشَيَدْ صروح
يعت بنحــــره والغاره الخيامي
وأگلهم مــــاي لتذبحونه ضامي
تفتت چبده من الحر والسيوف
وطايح عالرمل هذا المحـــامي
ولــــن خياله عشره
ياويلي اعــله صدره
وخده وحتى العيون
وغدت بالروح جمره
سلام الله على حروفك حسينآ ...
"""""""""""""""""""""""""""""""""""''''''''''
أَلّـمك وانته طـــشار
أجيسك تنچـوي بنار .. نار بچفي وأحتار
مّدافع آنه والخــــيل
هـــا يحسين ياويــل .. خويه اتهدم الحيل
اركض اسمع ضـلوع
أضـــــلن يمـك تلوع
العيله أتلــــوع وياك
وغده الدلال مفجوع
اشوف الخيل والمو خيل تسحگ
اثيابك بالحوافر خـــــــويه تنشگ
أصدهن بيش وآنه الحـيل ممرود
كلشي البيه مـــــــن السوط دنگ
انتهت عشرتْ عمرنه
ياخـــــويه انــــذبحنه
وبرمحــــك يعـــباس
متعـــــــلگ نحـــــرنه
سلام الله على حروفك حسينآ ...
عبد زينب
محمد الابراهيمي
((اجيت امشي))
بدنــائَتّ نفسي متعني
بذنبي بجرمي وبقبحي
بعصياني بجـذب حالي
آنـــــه المصطنع جرحي
اجيت امشي ..
نوح وبالسفينه صَعَدت كلشي
اجيت امشي ..
فك بابك احبك ياحلم رمشي
اجيت امشي ..
يا اشياء روحي وياغــلاة الشي
تگصر خطوةّ المحتاج .. بس محتاج
ياشيخ العرب والتـــاج .. وأبن التــاج
ضلمه وحبــك الوهاج .. يـــــالـوهاج
يــثآر الله
امس باچي أعله عبدالله
يوجه الله
أنــه الگـلبي بعشگ صلى
اجيت امشي ...
"""""""""""""""""""""""""""""""""""'''''''''''
اجيـــــت وعايف الدنيا
اجيــــت بدمعه اعيوني
ندم كل خطوه بالممشه
المثلك چــــان عافـوني
بدمع عيني ..
اريد اغسل اذنوبي واغسل اسنيني
بدمع عيني ..
أنه شمنطيك وانته اهواي منطيني
بدمع عيني ..
بحبل ياريت اجيك وعاصـر ايديني
يگلبي كافي هذا حسين .. رايـــح وين
شدلك بالنبض چم عيـن .. اسمــع زين
واضح والدرب صـــوبين .. ذاك حسين
يگلبي اسمع
اريدك من ترد تركع
يكلبي اخضع
موش انته اذا ترجع
اجيت امشي ...
"""""""""""""""""""""""""""""""""""''''''''''
نواسي الصـعدت الناگه
بس ماصحت النه النوگـ
وياكثر الهـــــلا التجــرح
دربك بل هلا مسحــوگ
الهلا بدربك ..
أحسها باربعينــــك عـورت گلبك
الهلا بدربك ..
تماشــــيني وتذكرني بطـعم حبك
الهلا بدربك ..
رغم مو عل هزيله وگاصد القربك
تبچيني الهــــلا چـندوب .. نــــار تلوب
ودَلالك يحدي وبياصوب .. ذاك صوب
وضعنك والشماته دروب .. يالمــسلوب
سبي وهزله
ودّموع أصـــيح نوصله
الاسر سهله
افراگ حسين شيحمله
اجيت امشي ...
""""""""""""""""""""""""""""""""""""""""
اوصلك يبو جـروحي
بس اسنيـــني تطـشر
وادنگ راسي وعيوني
وصلت عمةّ الاكـــــبر
اجت زينب ..
واضن ضهر الهزيله من الهضم شيب
اجت زينب ..
تصيح حسين خـــــويه والعمر حدب
اجت زينب ..
ضعن من الهوى يــــاناس ظل يتعب
دمع الشوگ يحرگ روح .. للمــذبوح
طاحت والگلب مطروح .. روح بروح
ومدمعها غده مسفـــوح .. حيل تنوح
هوت طاحت
من كبر الكبر ناحت
بهضم صاحت
زينب عجبه ماماتت
اجيت امشي ...
عبد زينب
محمد الابراهيمي
من الارشيف
إلى كريم ال محمد الحسن المجتبى عليه السلام
يمته نـــزوره وعالگبــر ننظـر منــايـر
يمتـه المواكــب تهتف أتفضل يزايــر
وكلها اتعناه تجمعنه ذكراه
يمته المواكــب تهتف أتفضل يــزايـر
*----------*----------*
يمته نگصــد للحسن احنـه بمواكــب
للزيــاره أهنــاك غصبن عالنــواصـب
نعلـي رايـــة يا علـي والكـل تـــراقب
بحضرته التيجـان تخضع والمــراتب
كلها تزوره وبالصحن تهمــل دمعـها
عاشوره أبسابع صفـر كلهـــا فجعها
بالهم ندبناه تجمعنه ذكراه
يمته المــواكب تهتف اتفضل يـزاير
*----------*----------*
كون سابـــع صفــر نبــديها المـــآسـي
يبدل إعــلام الصحن مـوكــب رئأسي
وتعلن ليومـــه حـداد أهـــل الكـراسي
وللزچــيه بالحسـن نگصــد نـــواسـي
يمته أنّتعَنه وبالگبــر ننصــب عــزيه
يمته نواسي الطاهره الزهره الزچيه
نتعنه ننعاه تجمعنه ذكراه
يمته المـواكب تهتف أتفضل يــزايـر
*----------*----------*
من ضريـــح الحسن نحييها الشعـائــر
نلطم أصـــدور ونهـــل دمـــع النواظـر
بليلة القاسم شبـــاب الشيعــه حاضـر
والنويـني اليقــــره عالبــــث المبـــاشر
جسام ياضنوتي رايح رايح من أعيوني
ما رحمني الدهر وأنـــت نـــور البصـــر
رايح رايح من أعيوني
أبصوت المواجع نستمع احنه لمصابه
ونعلگ شمع ونهل دمع جمــرة شــبابه
وأّنادي ويلاه تجمعنه ذكراه
يمته المــواكب تهتـف أتفضل يــــزاير
*----------*----------*
أهناك مـن صحن الحسن نور الهدايه
نـــرفـــع آذان التشـــهـد بالـــولايــه
وتمســـع إذانـــي بفخــر كــل البرايا
علــي مـــن الله أبكتابــه أعظــم أيـه
عالمبــاشــر يُنقــل أذان المنـــــاره
وتنّقـــلْ للعالــم أهنــــاك الــزيـاره
تشاهدها عيناه تجمعنه ذكراه
يمته المواكب تهتف أتفضل يزايـر
*----------*----------*
كــــون مشـايـــه انتعنـــه أبـــربعينه
مـــن ضريـــح حسين نگصـد المدينه
والمـــواكب كلها منتشـــره وحــزينه
تنادي اهلـن بيـك يـــا زايــــر ولينــه
أتفضــل يزايـــر للحــسن هاليلـه يمنـــه
يسجلنه في سجله الحسن ليكم خِدمنهَ
بعزه خدمناه تجمعنه ذكـراه
يمته المــواكـــب تهتــف أتفضل يــزاير
*----------*----------*
الشاعر
موسى البديري
الشاعر الحسيني ظاهر حبيب الهليجي (ولائيه)
كتبنالك عهـد بالــذر --- يحسين بدمه المنحر
لليعشـك حبـيـبه --- يدفع دم ضريبه
*
شمى طال الـزمن يحسين --- أركاب الشيعه عالمذبح
ضريبه مـن الدموم انطــت --- لحــد اليـــوم هـل تسفح
اميـه وكـــل بــن العبــاس --- تاريخ الحقــــــد يشرح
بغضأ لليحـب حيــــدر --- قضيه أمــن الشمس اوضح
شمى سال الدمه اعله الكاع --- تخضر مـن جديـد اتباع
والحبكم عجيبه --- يدفع دم ضريبه
*
رد بينـه الـزمن مولاي --- لرض الطـف رجع بينه
هـذا الناصبي وجيشـه --- كلهــه تريـــد تولينـــــه
تحزمنـــه بمحبتكــــــم --- صحنه المــوت جاوينه
ابلبيـك النـــــداء انصيح --- يحسين انتـــــه والينه
ركاب بحبــــك انقدم --- الـك يحــــــسين مانتهم
للشيبه الخضيبه --- يدفع دم ضريبه
*
رضينـه ننذبـــح لجلك --- ونتكطع الف مـره
سرعشكك يبوالسجاد --- طلسـم الله الي يفسره
جـم حجاج مـل سيفه --- جم ايزيد مل صبره
ونجدد عهد كل يــوم --- الكم يا بني الزهــره
فرض مثل الصلاه حبكم --- دمنه يرخص الدمكم
لوداجه التريبه --- يدفع دم ضريبه
---
يا اروع مثل للنــاس --- كتبته بخاتمــت امــرك
لا هيهــــات للظـالــم --- دمــــك ردد ونحــــرك
خالد كل وكت مولاي --- باقي بكـل وكت ذكرك
نهجك تضيحه وثــوره --- خيعونـه المشـه بأمرك
ثارك والعهد موجــــــود --- للمهدي نصير اجنــــــود
ولهاي المصيبه --- يدفع دم ضريبه
*
فـرق بين اليهاب السيف --- وما بين الهد المنحر
انطينه اعله حبه اجفوف --- ورضينه بحبه نتوذر
طبـع بينــه المحبتكــم --- الشهاده جن شهد واكثر
اليموت بحب ابوالسجاد --- اله الفردوس تـتـنطــر
بعدنه بهل العهد باقيــن --- نصيح حسين لو ميتيـــن
من عشكه ولهيبه --- يدفع دم ضريبه