7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
مَا عِنْدِي بِالْحَيَاةْ...غِيرِ انْتَه يَا حُسِينْ
عَيِّشْنِي بِالْعَزَاءْ.......وِالْخِدْمَه وِالْوِنِينْ
خَلَّه الدَّمِعْ فُرَاتْ.......لِمْصِيبِتَكْ رَهِينْ
وِبْمَجْلِسَكْ أَرِيدْ........أَگْضِيهِنِ السِّنِينْ
مِنْ زُغُرْ سِنِّي بِچِيتَكْ...تَايِهِ بْظَلْمَه وْلِگِيتَكْ
يَا جَرِحْ فَزِّ بْدِلِيلِي....حَگِّي لُو عُمْرِي نِعِيتَكْ
يَا حَبِيبِي يَا حُسِينْ...يَا حَبِيبِي يَا حُسِينْ...
-----------------------
يَا قِبْلَةِ الدُّمُوعْ....وِالْحَسْرَه وِالنَّحِيبْ
مِثْلَكْ فَلَا يِصِيرِ.......يَا سَيِّدِي الْغَرِيبْ
ظَامِي عَلَى التُّرَابْ...مِتْوَذِّرِ وْخَضِيبْ
وِبْيَا ذَنِبْ تِنَامْ.....عَارِي الْجَسَدْ سَلِيبْ
بْصَدْرَكِ تْدُوسِ الْحَوَافِرْ...وِاخْتَكِ عْلَه التَّلْ تِنَاطِرْ
رَاحَ اظَلْ أَبْچِي لْمُصَابَكْ.....حَتَّى لُو تِعْمَه النِّوَاظِرْ
يَا حَبِيبِي يَا حُسِينْ...يَا حَبِيبِي يَا حُسِينْ...
-----------------------
طَارِي السَّبِي عَذَابْ....شِيْصَبُّرِ الدِّلِيلْ
شْلُونِ الْخِدِرْ يِرُوحْ...وَيَّه الْغُرُبْ ذَلِيلْ
وِينِ الْگُمَرْ يِشُوفْ......زِينَبْ بَلا كَفِيلْ
يَمْدَلِّلِ الْخَوَاتْ.......دَرْبِ الْيِسُرْ طَوِيلْ
وَنِّتِي صُبْحِ وْمِسِيَّه............عَالْغَرِيبَه الْهَاشِمِيَّه
بِتْ عَلِي بِينِ الْأَجَانِبْ...بِتْ عَلِي رَاحَتْ سِبِيَّه
يَا حَبِيبِي يَا حُسِينْ...يَا حَبِيبِي يَا حُسِينْ...
-----------------------
لَايْتَامَكِ الْعَوِيلْ..........يَا لُوعَةِ الْبَنَاتْ
فُوگِ الْهِزِلْ دَلَالْ........وِبْلَا خِيَمْ يِبَاتْ
مَگْيُودَه بِالْحِبَالْ.....مِنْ غَابَتِ الْحُمَاةْ
شْلُونِ الطِّفِلْ يِهِيدْ...وِمْحَاوَطِ بْطُغَاةْ
رُوحِي أَنْطِيهَه هَدِيَّه...فِدْوَه يَمْ دَمْعَةْ رُقَيَّه
هَالْعَزِيزَه مْنِ الْأَعَادِي...شِبْعَتِ سْيَاطِ وْأَذِيَّه
يَا حَبِيبِي يَا حُسِينْ...يَا حَبِيبِي يَا حُسِينْ...
-----------------------
عِشْگِ الدَّمِعْ طَرِيقْ.........وَفِّقْنِي لِلْبُكَاءْ
كُونِ الْعُمُرْ يِرُوحْ.......يَمْ مَجْلِسِ الْعَزَاءْ
إِقْبَلْنِي يَا حُسِينْ.........وِارْزُقْنِي كَرْبَلَاءْ
بْرُوحِي إِلَكْ جُرُوحْ...مَا تِرْتِجِي الشِّفَاءْ
خِيمَةِ الْخِدْمَه حَيَاتِي...بِالْحَشُرْ تِضْمَنْ نَجَاتِي
أَنْدِعِي بْمَجْلِسْ عَزَاءَكْ.....رَبِّي يِرْزُقْنِي مَمَاتِي
يَا حَبِيبِي يَا حُسِينْ...يَا حَبِيبِي يَا حُسِينْ...
-----------------------
#محرم_١٤٤٦هج
الشاعر حسن خنافر العاملي
*قصيدة لليوم الثالث من محرم*
*من ديوان عبرات وأنين في رثاء الطاهرين الجزء ٢*
❥━──➸➽❥❂❥━──➸➽❥❂
*أحا من هذا الشهر زينب تنادي*
*الحر اجانه وبالدرب لازم الوادي*
❥━──➸➽❥❂❥━──➸➽❥❂
احا من هذا الشهر زينب حزينه
وتنادي يا عباس يا حامي الضعينه
جبتوني خويه لكربله ومن المدينه
خوفي يخويه بهالشهر تنسبي اولادي
❥━──➸➽❥❂❥━──➸➽❥❂
زينب حزينه وتنتحب والدمع همال
من يوم طبت كربله هيه والعيال
خافن يضل اعله النهر نايم الكفال
يحسين حومه لا تطب وارحم بحالي
❥━──➸➽❥❂❥━──➸➽❥❂
يحسين هايه كربله طبينه بيها
وشلون باجر تنسبي اه يا وليهه
وظلت عليله بالنزل ننحب عليها
خويه علينه اتحوم هالگوم الاعادي
❥━──➸➽❥❂❥━──➸➽❥❂
هاليوم روحي موجله من وادي الطفوف
كلها يتامه تصير بأجر عيني اتشوف
روحي عليك محيره وكاتلها الخوف
اجذب الونه والحزن حرگ افادي
❥━──➸➽❥❂❥━──➸➽❥❂
يا اهل المروه هنا ابد لتنزلوني
يا خويه ابو السجاد يفدنك عيوني
ابگه وحيده بكربله لا تخلوني
واطفالي خويه من الرعب تلزم الوادي
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
#من_ديوان_مسير_الفواطم_ج٥
قصيدة للمسير الى كربلاء(شايل رايته الخضره)*
❥━──➸➽❥❂❥━──➸➽❥❂
متعني الحرب عباس
شايل رايته الخضره
❥━──➸➽❥❂❥━──➸➽❥❂
تعنه الكربله بزوده
شايل رايته وجوده
والبيرغ على زنوده
وبيده يباري الحره
❥━──➸➽❥❂❥━──➸➽❥❂
بيده الگمر يحميهه
وحدها ما يخليهه
يعاينها ويباريهه
ينطيها الولي عمره
❥━──➸➽❥❂❥━──➸➽❥❂
بيده الگمر ماخذها
من ودعت گبر جدها
والدمعه على خدها
تون وبالگلب حسره
❥━──➸➽❥❂❥━──➸➽❥❂
تون وتگله رجعني
لارض الكدر ماخذني
اخافنك تضيعني
وگلبي عليك شيصبره
❥━──➸➽❥❂❥━──➸➽❥❂
شيصير الگلب شيهيد
يالغيرك ابد ما اريد
ردني للوطن يا حيد
ما اتحمل الكسره
❥━──➸➽❥❂❥━──➸➽❥
عگبك ينكسر ظهري
انت هيبتي وخدري
لوكت الموزمه ذخري
تنام شلون عالغبره
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
*من ديوان📚 مسير الفواطم لارض المظالم الجزء الاول*
*قصيدة للمسير الى كربلاء(آه يالاولاد)*
❥━──➸➽❥❂❥━──➸➽❥❂
لسان حال مولاتنا ام البنين عندما ودعوها اولادها وسارو الى ارض كربلاء تگول:
ودعوني وسافروا ... وللمنيه حملوا
آه يالاولاد آه يالاولاد
❥━──➸➽❥❂❥━──➸➽❥❂
ودعوني وسافروا للغاضريه
وبگت دمعاتي عله خدي جريه
رحتو كلكم واضن متردون اليه
توادعت وياكم اوداع المنيه
هذا اضن آخر وداع ... صرت احسن بالضياع
آه يالاولاد آه يالاولاد
❥━──➸➽❥❂❥━──➸➽❥❂
روحي صارت ضايعه من ودعتكم
ريت بوداع المنيه ما شفتكم
وريت لارض الغاضريه رافگتكم
من الزغر يولادي انه ما فارگتكم
ريت رافگت الضعن ... گلبي بآلاه امتحن
آه يالاولاد آه يالاولاد
❥━──➸➽❥❂❥━──➸➽❥❂
گلبي محزون النوايب تعبنه
البيت ضلمه وخالي من اهل المحنه
انه والطفله العليله نجر ونه
عله العتبه ننتظر تلفون النه
بعتبة الباب انتظر ... الگلب يتلاهب جمر
آه يالاولاد آه يالاولاد
❥━──➸➽❥❂❥━──➸➽❥❂
الگلب يتلاهب جمر ويريد الاحباب
راحو وخلو عيوني تربي عالباب
مر ابد ما ينحمل يفراگ الاطياب
آه يا عظم الرزيه وعظم المصاب
آه يا عظم البله ... منين اجتني كربله
آه يالاولاد آه يالاولاد
❥━──➸➽❥❂❥━──➸➽❥❂
منين اجتني كربله واخذتلي الاحنان
وخذت مني حسين ويه گمر عدنان
نعصر گلبي وخايفه انه على النسوان
من مشه وحمل ضعنهم حيلي ركدان
راح حيلي والگلب ... عليه فرگاهم صعب
آه يالاولاد آه يالاولاد
❥━──➸➽❥❂❥━──➸➽❥❂
*بقلم ✍ شاعرة اهل البيت ع*
*العلوية مريم النور نسألكم الدعاء الفاتحه الى روح اختي ولأمواتكم:🍃*
#مجالس_محرم_الحرام_١٤٤٦هـ
💫💫💫💫
<< العليله >>
يااهلي لاتنسوني .. ويه الضعن حسبوني
للعراق اخذوني .. انه العليله
🔹🔹🔹🔹
حضّرو كل الهوادج .. اهلي والأمر انعلن
بدت ساعة موتي تگرب .. من حده وسار الضعن
ودعوني وداع ميّت .. مايرجعولي اظن
للعراق انوو سفرهم .. شايلن من الوطن
شكد صحت تانوني .. چن ولاسمعوني
وفاض دمع عيوني .. انه العليله
🔹🔹🔹🔹
گلب المفارك حبيبه .. ينلچم كلما يحن
وانه احن الملتقاهم .. و اعلى شوفتهم اون
اهلي كلهم فاركوني .. وماغمض ساعه الجفن
بلا اهل طفله وعليله .. وينّي و وين الحزن
مالي حيل افراكهم .. وحشه ظلت دارهم
منين اجيب اخبارهم .. انه العليله
🔹🔹🔹🔹🔹
حسين مارد والله دنيا .. المرمرتني بروحته
حتى ايوب بفراشه .. مثلي ما ون ونتّه
بردت بروحي السوالف .. والجفن مل دمعته
وبيّه نار الشوگ تحرگ .. صايره صيف وشته
اطش هيل ابابي .. من تعود احبابي
واكتب اعلى اكتابي .. انه العليله
🔹🔹🔹🔹
الياوكت ابقه انه اتاني .. مو ذِبح عمري السهر
غايبين و آنه حالي .. حال المضيّع أثر
اندعي ونغمة دعائي .. تختلف عن البشر
اقره اللهم عجل .. للحسين وللكمر
بالصلاة دعواتي .. وركعتي وسجداتي
يحقق امنيّاتي .. انه العليله
🔹🔹🔹🔹
العيد مامر على بالي .. ولا ضكت طعم الهنه
تنحسب ديوان كامل .. كل رساله معنونه
عله اهلي واحبابي الجفوني .. بيت الاحزان انبنه
الثوب الاسود ماابدله .. من سنه الداير سنه
هالايام احلامي .. گلبي منهن دامي
حسين ميت ضامي .. انه العليله
🔹🔹🔹🔹
علي حسين المنصوري
#مجالس_محرم_الحرام_١٤٤٦هـ
💫💫💫
العليله///
💫💫💫💫
ضعن الاهل من افترگ .. خلاني شجره بلا ورگ
طشرهن احلامي الهوه .. بنار الهجر گلبي احترگ
🔹🔹🔹🔹
ماتن ابالي الخواطر .. والسوالف ذبلن
وعطشن بجفي الرسايل .. يرتون من ينقرن
عيوني جانن من يموتن .. من صورهم ينسكن
كاعده ابيتي وغريبه .. وحدي چني بلا وطن
من سافرو اهل البخت .. الدنيا بعيوني انطفت
ويه الضعن راح الضوه .. بنار الهجر گلبي احترگ
🔹🔹🔹🔹
يلتقن بيه بسفرهم .. اربعه في اربعه
جمرة فراك العقيله .. والكمر والمشرعه
وشوفة الوالد بعيده .. بيه ياهو اليجمعه
وبيه يعقوب وحسرته .. ويوسف اهوَ ومدمعه
والشوك بيه يشتعل .. كلما اشتاكن للطفل
ومحتاره وين الكه دوه .. بنار الهجر گلبي احترگ
🔹🔹🔹🔹
باتت بروحي المشاعر .. غافيه بكل قافيه
يمرني بطيوفي ظعنهم .. واكعد اركض حافيه
الكه مهجوره غرفهم .. والمشاعل طافيه
ديرة اهلي بلا ابوفاضل .. ماتجيها العافيه
وشلون ديره بلا گمر .. ليعيش بيها يابشر
انه عگب راعي اللوه .. بنار الهجر گلبي احترگ
🔹🔹🔹🔹
شلون اروحن جنت افكر .. و اوصل انه الكربله
مو مريضه ارد اكلهم .. بعده حيلي بأوله
بالخطر گلبي يكلي .. هناك كل العايله
وتنعرض جدامي صوره .. للحسين ومقتله
من اصفن اتخيل جرح .. وراس الحسين على الرمح
وبالخيمه كل طفل انجوه .. بنار الهجر گلبي احترگ
🔹🔹🔹🔹
طولت سفرة عمامي .. لهسه مابين اثر
اسئلت ام البنين .. وكالت وگلبي انعصر
شهر صارلهم وهسه .. بعد تقريباً شهر
ننتظر بشر ابن حذلم .. منهم يرد الخبر
أسئلتها ودمعي سايل .. شلون اوصل الهم رسايل
من جبت طاري نينوه .. بنار الهجر گلبي احترگ
🔹🔹🔹🔹
علي حسين المنصوري
يازينب
نعي
بظعن والروس مرفوعه اعله الرماح
بين اليون بين الغافي وطاح
ولا صوت أعله زينب بالعدا صاح
بظعن ال النبي ليوين ماشين
ابو ذيه
يحادي العيس بلله عليك وناي
اصيح وماكو واحد سمع وناي
أهلي وين وانا صرت وناي ( ويناي )
اسيره وبيد ناس بلا حميه
نعي
غربه ووحشه والحادين شمات
والتنطريه مايرجع بعد هيهات
ويصيحون راح حسين اخيج ومات
راح الوالي زينب لاتنطرين
نعي ابو ذيه
زينب من مشت محد وياها
ومشى المن كبل جان إلها وياها ( وجاها )
الشمر نيران على زينب وياها
نار الخيم وي نار السبيه
*-------------*-------------*----------*
محمد دعبل النوري
(هوسات )
تعبني الشمر وحسين هد حيلي
بعيوني النهار اصبح مثل ليلي
احجي بالضنون وضني يحجيلي
اسمع صوت بذني يكلي شوفيني
ام عون ياخويه يجويني الرمل
...........
ركضت الطف واجيت من التعب يمه
دخيله وجيت خوف بجيت الضلمه
اصيحن اااااه بويه واااااه يا يمه
مطشر جسم اخوي وحايره بلمه
وبيش المنه محتركه العباية
..............
طريت الزلم وتعثر بخوفي
ودم جروح متني تارس جفوفي
وين الدكلي صدره وكالي اوفي
كسر ضهري بفكدته ونطفه شوفي
وين ابو الغير ضربو اخته زينب
...........
حسين شبيه سوت ليلة العاشر
ضلمه وحالي كلش يكسر الخاطر
ضعت مادري ليه شضاملي باجر
الصاير بيه ما قبلي بشر صاير
ليلة العاشر كسرت ال هاشم
.............
بحبل واحد مشينه للسبي كوه
وراحت ونكضت ايامنه الحلوه
طحت بناس لا غيره ولا نخوه
شما طال الدرب بسياطهه اتلوه
مهدله متوني من سوط ال اميه
..........
تمت
الشاعر مصطفى الحسني
#شهر_محرم_الحرام
القصيدة الرابعة
شور _كعده _
خيم اعليه الحزن
مولاتي السيدة زينب تجلس المغربيه تعب
اخوه الحسين صلوات الله عليهم
لسان حال مولاتي
خيم اعليه الحزن
وبالخريب كمت اون
ليله وحده مانمت
عيني ماغمضت جفن
ليله ليله مانمت
بالظعن اتغربت
ضيعوني بالفله
انه وعيالي تهت
بالفله خويه وغريبه
مصيبه ذبتني بمصيبه
اخي اخي اخي
................................
اسروني عل هزل
وبالظعن يحدي النذل
كمت اشكف بالصيط
ويدي مشدوه بحبل
جفي بالصوط التوه
وبيه مخنوك الهواء
غيرك انته ياضماي
الجرحي مايرهم دوه
بلسم اجروحي الثجيله
ماكو غيرك اشتكيله
اخي اخي اخي
................................
غيم ابراسي الزمن
ويمطر اعليه محن
طشر اعيالي بغرب
بالفله طش الظعن
طشرنه بالدرب
تهنه مابين الغرب
وافترگ كل الظعن
والفراك اشكد صعب
ابنار الفراك انجوينه
والحزن خيم علينه
اخي اخي اخي
...................................
بين الفراك وصبر
ضاعن اسنين العمر
عيني تربي عل الدرب
ليلي مانام انتظر
عيني لحضه ماغفت
عيني بجفوفي طفت
بيها حسره ويه اللم
كلمه لكن ماحجت
كل سوالفها الايمه
بيها حزن الكون خيمه
اخي اخي اخي
...................................
خادم زينب
علي الحاتمي
ابو ذيات
مولاتي زينب عليها َلما وصلت الكوفة كاني بها وجهت عتبها لابيها امير المؤمنين عليه السلام ... بلسان حال الشاعر 😢😢
وشيله
تگله ياعلي يابويه
الضعن كل يوم اله حطّه وشَيله
وبعد بالعين ماظلت وشِيله
عبايه اريد يابويه وشيله
اخاف السوط ايشگ هاي العليّه
🏴🏴
دريت . الشمر ضعني اليوم ياباه
وكل سوط اليطگني الگلب ياب آه
انه زينب كتلني الهظم ياباه
اميره امس هسه ادخل سبيه
ياعلي يابويه
🏴🏴
سبيّه واصعدت هزله بلادين
اويه ناس المامش امروّه بلادِين
امن امس لليوم طرّينه بلادين
وبعد الشام ياحامي الحميّه
🏴🏴
ياعلي ياعلي يابويه
تسلّبنه ، انسبينه ، ونهظمنه
يفت الصخر بويه ون هظمنه
إن شمت بينه عدونه وإن هظمنه
يظل محفوظ خدر الفاطمية
🏴🏴
وادم رافگتنه لومه شينه
حچيهم بس مسبّه لو مُشبنه
يبويه شلون باچر لو مشينه
الموش اجواد باڿر تحدي بيّه
علي يابويه
يبويه ارّيد بالممشه حمه النه
ثجيل يريدله والي حملنه
عدونه اعله الهزل ترضه حمَلنه
ول اهل الشام باچر يحدي بيّه
🏴🏴
ام محمد الحِجّاج
لاتزال مولاتي زينب عليها السلام بالكوفة وخطابها لابيها امير المؤمنين سلام الله عليه ،،،
بلسان حال الشاعر،،،،
🏴🏴
علي بويه
الضعينه تريد ياحيدر حمه الهه
وبتك ياعلي طايح حملهه
مصايب كربله گلبي حملهه
لچن مايحمل اتسمّه سبيّه
🏴🏴
بعدچ عدله لو متّي يروحي
اخياط ودوه ماينفع يروحي
امشي اخيال والوادم يروه حي
بعد ياروح بالمذبوح اخيّه
🏴🏴
غدت كل يوم روحي ماتم الهه
الموت اويه ابو اليمه ماتم الهه
اليتامه تريد اشيّد ماتم الهه
وانه كل يوم اباتلّي بنويّه
🏴🏴
عمت عين الوكت ياناس لادار
وحگّه الدمع ليل نهار لادار
زينب صفت لا خوان لا دار
ومشيت ادروب ماترهم عليّه
🏴🏴
ام محمد الحِجّاج
وصول السبايا الی الكوفة 😭
🏴🏴
اتلگّو النوگ
الكوفه بالشماته
اتلگّو النوگ ٢
😭😭
معيدين بسبينه .. اتگّو النوگ
يجرّون بعبينه ..
مدري شصار بينه ..
خذونه او وگّفونه
بوسطت السوگ
😭😭
ويلاه من وگفنه .. اتلگّو النوگ
ابسوگ الكوفه طفنه ..
الحجار بچتفنه ..
علينه تشامر النسوان
من فوگ
😭😭
كلمن من سطحها .. اتلگّو النوگ
والنسوان وكحه ..
الغيره هناك شحّه ..
يايابه بدليلي
صارن شگوگ
😭😭
عبيد ابيت اهلنه .. اتلگّو النوگ
چانو من جهلنه ..
والله الذل كتلنه ..
عدهم صايره
السانات وحلوگ
😭😭
الچانو خدم عندي .. اتلگّو النوگ
واحدهم مجدّي ..
يطگ بحجاره خدي ..
وراسي امن الفشل
للگاع مطبوگ
😭😭
امس بالكوفه اميره .. اتلگو النوگ
بشر مييت ضميره ..
ما بلروس غيره ..
وينك ياعلي
طلّاع الحگوگ
😭😭
زماني شسوه بيّه .. اتلگّو النوگ
ارد ليهم سليّه ..
الحرّه الطالبيّه ..
هذا الحال يهلي
اعليهه ميلوگ
يازينب 😭😭
من هوان الزمان
بنتُ مَن اختُ مَن
😭😭
ام محمد الحجاج
#في_خدمة_الخطباء
#محرم_1445
كأنّي بالعقيلة زينب سلام الله عليها تصوّر حزنها عند وداع الحسين عليه السلام وتذكر وصيته لها، ولسان حالها يقول
(طور اسمع عتابي)
ما اقْدَرَ اعُوفَه
تِنزِف كفوفه
خوفي عْلى أُمّي
الزهرا تِشوفَه
راسه نِظَرْلي
چنه يِگلي
ذِكريني كِلْ ليل
انْ گِمتِن تِصلّي
داري رُقيّه
نوحي عَليّا
ذِكري مُصابي
صبح ومِسِيّه
بعدي عجيبه
تبگي غريبه
تمشي بْلا كافل
والله مصيبه
#عظم_الله_أجوركم
فـاطِــمَـة مَـلّاح✍︎
#نعي
ودعتك الله ياعيوني
يردون عنك ياخذوني
يردون عنك للسبي نروح
ونعوفك اعله الغبره مطروح
يحسين اخذ من زينب الروح
ناويّن غبشه أيَّسرووني
ماعندي روح و مرمي اخليك
گبل الفجر جيت انضر البيك
مذبوح خويه شلون اداويك
وياك ياريت اذبحوني
گلبي علمّني والهظم زاد
مذبوح مايرهملك أضماد
من خيمتي هدموها الاوغاد
وما اجيتني من طلعوني
لو گلبك يدگ يا ضوه العين
چا غيرته تحمّي الصواوين
مصيوب بالدلال يحسين
لو مو بگلبك ما يجوني
ودعتك الله آخر وداع
أبساع يا روح اختك ابساع
حاچيتها وما تسمع الگاع
ضميني يم الدللوني
ودعتك الله باچر نشيل
ممشه السبايا انهارها وليل
مانعرف لركب المهازيل
بمدللاتي إيدوهنوني
ريت الشمس عن كربله أتغيب
وتتبع ضعنه يالمساليب
بدرب السبايا اشكال تعذيب
هيّنه الشمس تتبع ضِعوُني
اطيني راي اسمع يگولون
للكوفه باچر بينه يمشون
بحيّنه الگبل خافن ينشدون
عنك شگل للناشدوني
الشاعر سيد مرتضى الياسري
#اللهم_عجل_لوليك_الفرج
{ رواية مع نعي للسبي }
يا اهل الكوفة غضوا ابصاركم عنا اما تستحون !!
يروى نادَتِ السيدة أمّ كلثوم عليها السلام:
"يا أهلَ الكوفةِ غضّوا أبصارَكم عنّا، أما تستحونَ من اللهِ ورسولِه أن تنظروا إلى حرَمِ رسولِ الله صلى الله عليه وآله وهنّ حواسِر؟
قال: فوقفوا ببابِ بَني خزَيمة والرأسُ على قناةٍ طويلة".
📚 مقتل أبي مخنف ص111📚
نعي مجاريد للسبي
تتفرج علينا الناس يحسين
بنات الرساله والسلاطين
وطبونه تالي بدواوين
•───✧◐◐✧───•
مجلس يزيد شلونه اطب ليه
ذباح اخيي شلون احاجيه
ابن امي بطشت راسه امخليه
•───✧◐◐✧───•
فرجه بقينه بعين شمات
شبعنه هظم خويه ولوعات
بخرابه كعدنه وبيهه انبات
•───✧◐◐✧───•
بناتك يصيحن وين ابونه
بخرابه يبويه كعدونه
من عكب ذاك العز سبونه
•───✧◐◐✧───•
مسبيات واشبعنه اذيه
ايد باايد مربوطات اديه
وفوك الراس ياموتت رقيه
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
العاشــر چم جــرح گلبـچ ترك بي
وشفتــي خيــولهم صدره ترك بي
چــم طفله وطفــل زينب تـركبيه
ويركبچ ســوط مرجــانه وأمــيه
*
الشاعر
موسى البديري
قســم بلّـي جعلــهـا قبله لحسين
فــاز البـل خــدامـه قبله الحسين
زينب يوم طبعـــت قبله لحسين
بـده اهناك الـذبـح لأل الزچــيه
.....................
الشاعر
موسى البديري
*
١_كربلاء
٢_قبل خدمته
٣_يوم قبلة نحره
#من_ديوان_قربان_الطف_ج٧
قصيدة للمسير إلى كربلاء(رايحين)
❥━──➸➽❥❂❥━──➸➽❥❂
رايحين / وجيت اودعكم يجدي
رايحين / والدمع يجري اعله خدي
گاصدين لكربله … تمشي كل العايله
رايحين / رايحين
❥━──➸➽❥❂❥━──➸➽❥❂
راح نمشي الكربله شديت الاضعون
وجيت اودعنك وصبت هاي العيون
خذت كل العايله والگلب محزون
هناك ادري الگوم بيه هم يغدرون
رايح ومابعد ارد ... هناك بالطف انفگد
رايحين / رايحين
❥━──➸➽❥❂❥━──➸➽❥❂
عفت دار اهلي وتعنيت ارض الاطفوف
وبگلب زينب احسه بين الخوف
خايف اعلي والهضيمه باچر اتشوف
بجسمي چم طعنه تجي من ضرب الاسيوف
وزلمي كلها اعله الثره ... وهيه تبقه حايره
رايحين / رايحين
❥━──➸➽❥❂❥━──➸➽❥❂
آه يا دار الاهل رحت وعفتهه
وبتي الطفله العليلة فارگتهه
تعاين اعله الدرب مالومه اتركتهه
ودعت گبرك ودمعاتي اهملتهه
وزرت امي فاطمه ... ودمعي ينزل من دمه
رايحين / رايحين
❥━──➸➽❥❂❥━──➸➽❥❂
بحسرتي ناديت يمه يازچيه
اوداعة الله ودمعتي عالخد جريه
حملت وامشيت لارض الغاضريه
هناك راح تحل عله راسي الرزيه
تسلب اثيابي العده ... وابگه جثه امدده
رايحين / رايحين
❥━──➸➽❥❂❥━──➸➽❥❂
ورحت يم گبر الحسن جريت وني
گتله يا خويه النوايب تعبني
عدل ريت تزيل كل احزاني مني
هاي زينب نادتك خويه اسمعني
صاحت بحسره وألم ... امودعينك يا شهم
رايحين / رايحين
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
#من_ديوان_مسير_الفواطم_ج٥
*قصيدة للمسير الى كربلاء(ودعنه الاوطان)*
❥━──➸➽❥❂❥━──➸➽❥❂
ودعنه الاوطان ... ودعنه الاوطان
ودعنه گبرچ فاطمه
والدمعه صبت من دمه
والگلب حزنان ... ودعنه الاوطان
❥━──➸➽❥❂❥━──➸➽❥❂
ودعنه كبرج يم حسن يمه وبچينه
وسدينه بيبان النزل كلنه ومشينه
تعنيه لطف كربله وعفنه المدينه
وعباس گايد ناگتي ويحدي الضعينه
عباس اخذني لكربله
ومنه المدامع هامله
وحسين حيران ... ودعنه الاوطان
❥━──➸➽❥❂❥━──➸➽❥❂
حيران الحسين السبط والدمع بالعين
يعاين علي طول الدرب واعله النسواين
گلي يخويه تصبري ولا لا تخافين
گلته خويه خايفه لا يغدر البين
وياه طلعت بهيبتي
وما ادري يمته رجعتي
وي آل عدنان ... ودعنه الاوطان
❥━──➸➽❥❂❥━──➸➽❥❂
ما ادري يمته رجعتي يبن امي للدار
حاچيته جاوبني وحچه والدمع نثار
گلي اليصير بكربله وخبرني بالصار
تشوفينه باچر عالثره والگلب محتار
اشوفيني نايم عالثره
وعباس اديه مبتره
ونايم بتربان ... ودعنه الاوطان
❥━──➸➽❥❂❥━──➸➽❥❂
تشوفينه نايم عالثره بوسطة الحومه
مطبورة منه هامته وتنزف دمومه
احا يعملة كربله واحا ييومه
يغدرونه الگوم الكفر الشاعت علومه
بعامود راسه ينضرب
المعروف ساعات الحرب
وتنسبي النسوان ... ودعنه الاوطان
❥━──➸➽❥❂❥━──➸➽❥❂
للكوفه يسبون الحرم ويچتفوها
واطفال ما تحمل تعب ويعذبوها
وبنتي رقيه تنضرب ويسلبوها
كفار ما عدهم رحم ما يرحموها
وانتِ اسيره اعله الهزل
وايديچ مچتوفه بحبل
وبعازة اخوان ... ودعنه الاوطان
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
▪️قصيدة العليلة فاطمة (عليها السلام)
أَمَضَّ القلبَ داءٌ أيُّ داءِ ؟!
وغيرَكَ لستُ أعرفُ من دواءِ
بِبُعْدِكَ صارتِ الدنيا ظلاماً
فلا أدري صباحي من مسائي
أُسائِلُ عنكَ أعتاباً تراني
بضعفٍ وانتحابٍ وانحناءِ
فهل يا والدي ستقرُّ عيني
وتملؤها قريباً بالضياءِ ؟
أجيبُ "نعَمْ" سترجع دونَ شكٍّ
فيرجع لي الصدى بجوابِ "لاءِ"
أبي أصبحتُ هذا اليومَ أبكي
ولا أقوى على منعِ البكاءِ
لماذا الكونُ يكسوهُ احمرارٌ ؟
كأنَّ الشمسَ تسبحُ في دماءِ
ترى ذبحوكَ أمْ ذبحوا الأماني ؟
وهل قطعوا وريدكَ أمْ رجائي ؟
أبي ، في الريحِ أسمعُ صوتَ كسرٍ
فهل رضُّوا ضلوعَكَ في العراءِ ؟
ضلوعُكَ كنَّ للدنيا سماءً
اذا رُضتْ بها انطبقتْ سمائي
لماذا الأفق يخنُقُهُ دخانٌ
فهلْ بالنّارِ محترقٌ خبائي ؟
أبي ، مهدُ الرضيعِ يسيلُ نزفاً
فهل فطمتهُ أقواسُ الشَّقاءِ ؟
على قلبي سياطُ البعدِ تُلوى
كما تلوى السياطُ على النساءِ
وهل صارتْ رُقيَّةُ في السبايا ؟
فحُجْرتُها غدتْ بيتَ العزاءِ
لقدْ راحتْ وبالموتِ استراحتْ
وبتُّ أموتُ دوماً في بقائي...
#قصيدة_العليلة
#اللهم_عجل_لوليك_الفرج
علي عسيلي العاملي
#مجالس_محرم_الحرام_١٤٤٦هـ
💫💫💫
<<العليله>>
صفنات الفاگد صفناتي .. وارسم بظنوني
أترس ايدي بدمعاتي .. ياماي عيوني
حسين .. عالماي اكتب اسم الغالي
حسين .. لعيونك يعطش دلالي
ياماي عيوني
✳✳✳✳✳✳✳
محد يطفيلي شوگي .. البيه يحرك من عفتني
تجوي مو بس بدليلي .. نار الفراگ اعلى متني
هدمت عمري البواجي .. ومن جفاكم شيبتني
كربله مني خذتك .. ودنيا من جفك خذتني
مجتوفه انه بسجن همومي .. ياقاضي جروحي
هم ترجع يابويه الدارك .. لو تاخذ روحي
حسين .. ظل يبجيلك حته اخيالي
حسين .. لعيونك يعطش دلالي
ياماي عيوني
✳✳✳✳✳✳✳
يالثنيتكم مظلمه .. الها يمته يرد كمركم
ويه الضعن مشدوده روحي .. وكاعده ابابي انتظركم
نسمه مامرتني منكم .. لارساله ولاعطركم
شگد احن الفيكم انه .. فدوه اروح انه لخيمكم
عبدالله بعيني ارسم طوله .. و دم يتراوالي
ومذبوحه بسيف الهلهوله .. وطايح جم غالي
حسين .. بضعنك مشدودات آمالي
حسين .. لعيونك يعطش دلالي
ياماي عيوني
✳✳✳✳✳
اعرف الهم والمدامع .. والله موزينه على صحتي
افتح القران واخذ .. خيره بلكي ترد ضحكتي
طيره جنت بظل ابوي .. وكسرت جناحي حسرتي
العلكمي ينشف زلاله .. وانه ماتنشف دمعتي
ماانامن يابويه بطيفي .. خاف يذبحونك
و اسم الله الزهره اسمع كالو .. بخيل يسحكونك
حسين .. وراسك عالرمح وعالي
حسين .. لعيونك يعطش دلالي
ياماي عيوني
✳✳✳✳✳✳✳✳
وين اروح بديرة اهلي .. عني سافر كل مؤانس
روحي ورده وذبلاها .. فراك اهلنه وغصني يابس
امنياتي رايده اعرف .. ياهو جون وياهو عابس
وبصلاته جنت اسمعه .. يندعي لاهل المجالس
من يكعد جان يسولفلي .. شكد عن صحبانه
سبعين وكلهم بالعاشر .. يفزعون ويانه
حسين .. ومن اصورهم اترس بالي
حسين .. لعيونك يعطش دلالي
ياماي عيوني
✳✳✳✳✳✳✳✳
علي حسين المنصوري
امشي بضعن مابي اخوو وانوووح
ونظر على ارماح العدووو بجروووح
حرام .. راسك يرفعونه
حرام .. منك يحرمووونه
*----------------------*---------------------*
من ارفعت راسي الك وانظر عيونك
احجي بدمع واتوسلك ياخوي وينك
هذي رقيه ابنيتك ضلت بدونك
تكعد يبعد اختك ترى محتاجه عونك
ياخويه شحجي واشجره وصار بيه
ضربوني عدوانك ترى ومجتوفه اديه
حبال ..شدو بديه
حبال... جتفو رقيه
*----------------------*---------------------*
بين الدروب تحيرت وأنظر للوجوه
عدوان دارت بالحرم وبالشر تلكوه
رأسك يخويه عالرمح كدامي رفعوه
يكولون هذا الخارجي وكليبي فطروه
مستبشره العدوان اجت تنظر للرماح
وأنا أنظر لراسك يصدلي والدمع طاح
الحنان ياحيف جافاني
الحنان بكلوب خواني
*--------------------*-------------------*
ياكافلي يا ابا الفضل انظر متوني
مورمه يخويه من الالم من يضربوني
لن صوت صاح من الرمح خيتي ارحميني
لو بيدي اكطعهم الج وداعت عيوني
عذريني يازينب ترى اسهام المنيه
كلهن اجن بيه ورمني اعله الوطيه
اشيل .. راسي ويضربوني
اشيل .. عيوني ويهضموني
*---------------------*--------------------*
امشي وأهل دمعي بصمت واتنفس الآه
وبروحي أضمن اخوتي وانزف الويلاه
محلى الاخو ويه الاخت لو تمشي وياه
هيبه إلها أخوها ولو مشى تنذل بلياه
يحسره تضل دون الاخو تجرع مراره
متيسره والاسراها يريد ثأره
يجون اهلي اللي عافوني
يجون بجرحي يشوفوني
*----------------------*---------------------*
للخرابه من خذونه احنا نهضمنه
هناك خويه حسين احنا اشكال شفنه
طفله من العطش ماتت وانتحبنه
ليلى رمله والرباب بصوت صحنه
لن شاهدت راسك علي خويه نظرته
يازينب بداعت ظلع امي سمعته
ضلوع ..من امي كسروها
ضلوع .. مني يهشموها
*--------------------*----------------------*
كلمات .. محمد النوري
كلمات..حاتم العتابي (طال الانتظار يامهدي )
يمظلوم اختك سبيه
يمظلوم بـالـغاضـريه
يمظلوم عفتك رميه
ـــــــــــــــــــــــــــــــــــــــــــــــــــــــ
سبـونـي خـويـه سـبـوني
سبـونـي ولـيـه ولــونــي
سبـونـي خـويـه اشتموني
سبوني واحمل اذيه
ــــــــــــــــــــــــــــــــــــــــــــــــــــــــ
عـلـى الأآه تـهـمـل دمـعـتي
عـلـى الأآه رحـت اپـغـربتي
عـلـى الأآه ضـلـت حسرتي
على الأآه لبن الزچيه
ــــــــــــــــــــــــــــــــــــــــــــــــــــــــ
رحت وين عـنـكـم يالأطياب
رحت وين ظل دمعي سچاب
رحت وين بـديـار الأجـناب
رحت وين عنكم سبيه
ــــــــــــــــــــــــــــــــــــــــــــــــــــــــ
يــدهــري خـويـه هـظمني
يــدهــري خـيـب ألي ضني
يــدهــري زيــدلــي ونـــي
يــدهــري حيل اگصه بيه
ــــــــــــــــــــــــــــــــــــــــــــــــــــــــ
يـعـبـاس خـويـه اشيجيبه
يـعـبـاس بـي شـح نصيبه
يـعـبـاس اخـتـك غـريـبـه
يـعـبـاس رحت امن اديه
ــــــــــــــــــــــــــــــــــــــــــــــــــــــــ
على الزان ابــن الـزچــيــه
على الزان. يـنـضـر عـلـيـه
على الزان ودوه هــديــــه
على الزان لـبـن الـدعـيـه
ــــــــــــــــــــــــــــــــــــــــــــــــــــــــ
لشاعر اهل البيت عليهم السلام
خـالـد عـامـر الـزيـادي
#شهر_محرم_الحرام
القصيدة الثامنه 8
زينب حايره _شور
زينب حايره وتطي الوجه وين
بالطف طاحو العباس وحسين
الجانت عايشه بنص گلب عباس
هسه داخله بنص الدواوين
الجانت ريت حسين
دخلت بالدواوين
طاحت نده عل الكاع
طاحت وركت التين
طاحت.. مكسورت گلب
طاحت.. وبين الغرب
طاحت.. والمدمع يصب
ويلاه ويلاه
..........................................
من ديوان تطلع تدخل بسوك
تركض حافيه والجدم محروك
بنات الشام صاحن كلهن بصوت
صعدوه خطيه زينب بنوك
شماته هواي بشام
مايرحمون ضلام
صاحو كلهم بصوت
بهيمه زينب تنام
نامت.. مهمومه وتون
نامت.. متروسه حزن
نامت.. ماطبكت جفن
ويلاه ويلاه
...............................................
حتارت والمصيبه شتحجي وتكول
على جسم الحسين شوف الخيول
تسحك عل صدره بحيله دوس
وتفتر عل عياله الخيل وجول
زينب صاحت اب اه
اخيي الخيل فوكاه
الهندس صعد عل كمره
وخله النور جواه
صاحت.. الحك كافلي
صاحت.. طاح امدللي
صاحت.. محد ضال الي
ويلاه ويلاه
...............................................
صفنه اجيبه وتاخذنه صفنه
تفكر بالحسين شلون دفنه
حترت بالحسين وبين الايتام
تلم ايتامه حسين التجفنه
زينب تهب نسمه
تلم حسين جسمه
بعبايته تجفنه
ومن نحره تشمه
صارت.. لحسينه جفن
صارت.. وبكليبها ندفن
صارت.. لبن امه وطن
ويلاه ويلاه
...........................................
خادم العليلة
علي الحاتمي
مو عجيبه .. راسك تكلم
العجيبه .. خدري التهدم
مو عجب راسك قره چم آيه
والعجب كله يخويه اسبايه
وين لحسين .. وين عباس
@@@
مو عجبه المصرع .. وجسمك يتگطع
العجبه نطلع .. بلا اگناع
مو عجبه هچي .. لو راسك يحچي
العجبه نبچي .. بلا گناع
…
مو عجيبه البطل يوگع بالدمه
ومن حقد اعداءه صدره مهشمه
ومو عجيبه الربنه وحيه ألهمه
ميت ويحچي بسور من محكمه
العجب والتنطبگ بيه السمه
الشمر يضرب بنت حامي الحمه
…
العجب زينب .. هالاسيره
وهيه اخوها .. ابوغيره
شلون ضل ابنومته عالثايه
والعجب كله يخويه اسبايه
وين لحسين .. وين عباس
@@@
لونك يعيوني .. تسألني شلوني
بعدك اسروني .. بولكبر
وابرمحك آيه .. نقراها هوايه
بين السبّايه .. بولكبر
…
خويه بعدك كلشي صاير صعب
من طحت وخيامي چن ساحة حرب
بس نسا تركض كسيرات الگلب
وطبوا اعلينه ويسلبونه الغرب
والاشد غصبن علينه وننضرب
وراسك ابنص المخيم منصلب
…
هذا يشتم . وذاك بالسوط
وابدمانه .. الدمع مخلوط
بعدك اتعذبنه خويه اهوايه
والعجب كله يخويه اسبايه
وين لحسين .. وين عباس
@@@
واشعظم الليله .. بن سعد او خيله
حاطوا هالعيله .. سبايه
وحصروا للخدر .. ولطفالي تنهر
وخلونخ بالبر .. سبايه
…
ياللي عالرمح ونزف دم الوريد
جمعونه بهالفلا طغمة يزيد
ونسمع اصوات السلاسل والحديد
وربطونه بالحبل ايد اعله ايد
وخل اخبرك شالجره تالي وازيد
عاملونه چنه يا خويه عبيد
…
جمعونه .. بهيمة البر
والمتقبل .. گوه تنجر
وغصب عنك ننسحب مشايه
والعجب كله يخويه اسبايه
وين لحسين .. وين عباس
@@@
هذي محروگه .. هذي مطگوگه
وهذي مخنوگه .. ابحزنه
وانته بوالغيره .. وفجعتنه اكبيره
ما إلنه جيره .. ابحزنه
…
هذا يرگض وره بنت وسلباها
وشتم امها وشتم تالي هم اباها
وذيك في سلبي التراچي عذباها
جر اذنها ابليه رحمه وانهباها
وطلفه تحت اخيول اميه بنت طه
تركض وجاها الدعي ابخيله اوطاها
…
هذا ضامي .. ومات عطشان
وذاك ينخه .. گمر عدنان
وذاك ماسك من طرف بالرايه
والعجب كله يخويه اسبايه
وين لحسين .. وين عباس
@@@
صرنه عالهزل .. ابكل خطوه ننذل
وكافلني امنول .. بوفاضل
شماته اعلينه .. الشمر ايجينه
وينادي وينه .. بوفاضل
…
والله عجبه بت علي تحديها لرجاس
وحولنه ابسب وشتم مجتمعه حراس
والشمر تدري يخويه ابدون احساس
اگبالنه ايهز الرمح ويطيح الراس
يشمت اعلينه ويگلنه وين عباس
ولو بچينه تجتمع للفرجه هالناس
…
شلون تالي .. من عمرنه
بين اسواگ .. فرجه صرنه
خارجيه الناس بس حچايه
والعجب كله يخويه اسبايه
وين لحسين .. وين عباس
@@@
وانا مچتوفه .. طبيت الكوفه
وعيني مخطوفه .. يويلي
ديرة والدنه .. صارت موعدنه
بديوان الضدنه .. يويلي
…
ابن مرجانه فرح عنده نصر
وأمر خلوا بت علي گبالي تمر
وگال شوفي راس اخيچ منحر
وانا من شفتك تمنيت الگبر
گبالي راسك بالطشت حطه ابكتر
وثغرك ابضرب العصا دمه يخر
…
اتشفه بيه .. ابن مرجان
وكان يضحك .. وهو سكران
هاللي چان الذلتي بس رايه
والعجب كله يخويه اسبايه
وين لحسين .. وين عباس
@@@
علي احمد الحمود
٢٦-٧-٢٠٢٣
السبي
دخول الكوفه
محرم
نعي لسان حال مولاتي زينب عليها السلام
من وصلت للكوفة والناس طلغت تتفرج علی السبايا مولاتي تذكرت بالامس كانت اميرة الكوفة واليوم تاتيها علی ظهور عجف النياق . تلتفت يميناً ويساراً لم تجد احداً ذو رحمٍ يرأف بحالها ويرق قلبه عليها .. كاني بها قالت والالم يحرق قلبها والحسرة بانت بعينيها ..
آه آه آه يامولاتي
حسبالي هلي يتبعون ظعني
لسه ولا زلمه ال تبعني
ابوي اظنّه ماسمعني
درب السبي ذلّه شبعني
🏴
ياحيدر بطرگ العبايه
طبيت آنه والسبايه
وجه الخدر يتبدّه مايه
لاهودج او لا فوگه رايه
🏴
بويه
گوم واستقبل بناتك
غطّيهن بهيبة عباتك
ياحيدر وداعة غلاتك
الهظم مسنه ورايداتك
🏴
ممشه البراري ماهو انّه
من الفشل ميتات چَنّه
حته الهزل ونن الونّه
يابويه اجاك اعتاب منّه
🏴
امن المستحه يبست لهاتي
اخاف الهوه يحرّك عباتي
نندب الغوث آنه وخواتي
ماگلت حي الله بناتي
🏴
ماندري بعد الكوفه لا وين ؟
چم ليله چم يوم ومرحلين ؟
مانعلم ليا ديره ماشين
ياعلي جاي ادخل دواوين
🏴
لا حول ولا قوة الا بالله العلي العظيم
ام محمد الحجاج
ابو ذيه وصول السبايا للكوفة
لسان حال مولاتي زينب عليها اليلام
🏴🏴
يمن لا گالهه الله انطب // نجفهه
او وگفه بسوگهم لازم // نجفهه ( نوگفها )
الدموع سيول مانگدر // نجفهه
الحبل من هل سبيه لهل سبيه
🏴🏴
نصر عدهم تلگونه // يطبلون
لون يروح هلوادم// يطب لون
وجهي اطوار كل ساعة // يطبلون
اليبيع اليشيري يتفرّج علبّه
علي بويه
🏴🏴
اجيت وللظعن مامن // علم .. عون
اتّفرّج طلعت الكوفه // عَله ام عون
الهظم ياعلي ماتدري / عِله ام عون
تدير العين والدمعه جريّه
🏴🏴
انسبينه وفرهديتو // مال اهلنه
النجف مو مال اميّه // مال اهلنه
مافزعو ورانه // مال اهلنه
تره اضحايه اتركتهم عالوطيه
🏴🏴
العدكم هذن كلهن // خيل اهنّه
وماظل يرد بينه // خي لهنّه
من راسك اتعذّر // خي لهنّه
المصايب . يمن تنزف بس حميّه
🏴🏴
ام محمد الحجاج
وصول السبايا الی الكوفة
🏴🏴
تلگاها يحيدر
وصلت الكوفه
زينب عالهزل
بحبال مچتوفه
🏴🏴
انهض ياعلي لزينب اتلگاها
يتامه والحرم والروس وياها
شنهي تگول من تشوف بلواها
يل مأدّبه العايل طبرت سيوفه
زينب عالهزل
بحبال مچتوفه
🏴🏴
لسه ماگمت وتشوف دمعتهه
ياوسفه تره الشمات وجعتهه
هاي الناس حتی الغيره نزعتهه
يبوها شحال زينب
ماتجي تشوفه
زينب ياعلي
بحبال مچتوفه
🏴🏴
عله الناگه سترها بس عبايتهه
ومن حرگو الخيمه النار لاحتهه
وفوگ امن العبايه الرايه لفّتهه
بيهه ريحت
العباس وچفوفه
زينب ياعلي
بحبال مچتوفه
🏴🏴
عله الناگه سترها بس عبايتهه
من حرگو الخيمه النار لاحتهه
فوگ امن العبايه الرايه لفّتهه
بيهه ريحت
العباس وچفوفه
زينب ياعلي
بحبال مچتوفه
🏴🏴
زينب تستحي وبلعبره مخنوگه
امن اذيال العبايه امبينه محروگه
واشگد عاثره وهواي مسحوگه
والشگ ياعلي مالحگت تروفه
زينب عالهزل
بحبال مچتوفه
🏴🏴
كون تشوف يابا الحسن ناگتهه
ابلا هودج وشمس الگيض حرگتهه
بدرب السبي چعوب رماح طگّتهه
وعثرات المسير
وطيحته وخوفه
زينب ياعلي
بحبال مچتوفه
🏴🏴
🏴
يازيتب
هوسه
ويني او وين رچب النوگ
او لا والي اليباريني
چبيرة عمر بالخمسين
اريدن من يداريني
يمه التعب هدلي الحيل
يم الحسن حضريني
شسوت بيّه الكوفه
خووت راسي اطگ بحجار
😭😭
اشگف والحجار هواي
كل ضربه اجت بيّه
براسي بوجهي بمتوني
مارحمتني كوفيّه
من فوگ السطوح الناس
اصعدت تتفرّج اعليّه
بنص السوگ اوگفنه
فرجه لكلمن رايح جاي
🏴🏴
واااااازينباه
ام محمد الحجاج
#قصائد_في_خدمة_الخطباء
#يوم_الحادي_عشر
#وداع_السيدة_زينب_للأجساد_الطاهرة
(طور عاري حبيبي عالغبره)
١/ودّعكم دمع عيوني
ماشِيَه عنكم عذروني
ما هي بديّه گوّه خَذوني
بحبل چفوفي گيدوها
بسوط متوني ضِربوها
عِذروني لو گلْتِلْكُم سِبوني
عنكم ما ردت لحظه أغيب
بس شبيدي آسرني الغريب
مو عجبه إذا راسي يشيب
راح اگضي العمر بس بالنحيب
الوداع .. راح امشي آْنه وأيتامي
الوداع .. بْگلبي أحمل آلامي
الوداع .. بالوَن راح اگضي ايامي
(تخاطب الحسين ص)
٢/خايفه اوصل للكوفه
وادخل مجلس مچتوفه
خايفه منِّ العيني تِشوفه!
راسك يالغالي صعبه
أنظر للطاغي يْضربه!!
گلبي يخويه كل هذا خوفه!
وِمْصاب الصّعب أتحمّله
يْودّوني لْيَزيد ومحفَلَه
وتتجدد مُصايب كربله
راسك بالطشت أنظر إله!!!
حسين .. ما أدري شلون اتصبّر
حسين .. همومي كل لحظه تكبر!
حسين .. إدعيلي يا بو الأكبر
#عظم_الله_أجوركم ◾️
فاطمة علي رزق
اسألكم الدعاء
قصيده للسبي لزينب عليها السلام
كون انموت... كون انموت
تمنيت انحط ابتابوت
صعبه ابسوك من انفوت
ولا بحبال مجروره
بسوك الكوفه مديوره
والشامت صفه زاتوت
كون انموت كون انموت
.....................
شامتنه صفه زاتوت من عكبك يبو الغيره
وضع اختك صعب عباس. وكلش صعب تفسيره
مجروره بحبل ياحيف تطب من ديره الديره
عكب ماجنت اميره حيف هسه حيرتي حيره
ريت الكاع تاخذني
وياكم يخال ابني
مهضومين مهضومين
والشامت صفه زاتوت
كون انموت كون انموت
صعبه ابسوك من انفوت
....................
ريت الكاع تاخذني ولاشامت يجرجرني
انه مخدرة عباس ليش الدهر دولبني
اتعبني اليسر والكيد ورمح الشامت بمتني
من نشدوني اخيج وين هاي النشده اذتني
شامتكم ضحك وايكول
اخيج عالرمح مشيول
شمتانين شمتانين
والشامت صفه زاتوت
كون انموت كون انموت
.......................
شامتكم ضحك وايكول يزينب وين كافلجن
من بعد الخدر يم عون محد باقي ضل الجن
تره المبجه يأاخت احسين ماينفع فلا تبجن
هذا اعله الرمح عباس اشوفه شلون ينضرجن
اشوف الغضب بعيونه
يباوعلج يخاتونه
لاتبجين لاتبجين
والشامت صفه زاتوت
كون انموت كون انموت
....................
زينب ونت اعله النوك واتنادي يحادينه
بسوك الكوفه اترجاك فشله لاتمر بينه
اشوفه امزاحم وبييه ناس خافن ينغشه اعلينه
لان تدرينه متعلمين عالحشمه وتربينه
زينب ونت بيا حتل
ضعن زحمه تشوفه ارجال
محتارين محتارين
والشامت صفه زاتوت
كون انموت كون انموت
...................
زحمه نطب تره ديوان وانجر الجدم كوه
نلوذ، بسد رماح او روس ننادي وين ابو النخوه
رغم مارووس فوك ارماح متعشمين بالخوه
اشوف اعيونهم تبجي من نعثر بلا تجوه
عثرت وصاحلي اسم الله
وراسه يرتل وصلى
صحنه بصوت صحنه بصوت
والشامت صفه زاتوت
كون انموت كون انموت
......................
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب ونسألكم الدعاء والفاتحه لوالديني وولدي محمد علاء واختي امل عباس
#محرم1446هـ
ياماي الله عطشانك
دليني عله مــــجانك
وين ابيا ثنيه تبجي عله السبيه
ــــــــــــــــــــــــــــــــــــــــــــــــــ
عطشان وبصـــــفي نهر بس مايه مايرويني
عطشان انـــــه الشوفتك يالشوفتك تحييني
ذنبي الوكـــــــف حاجز تره مابينك ومابيني
وحبل العمر يكصر بده وطيفك ولا مر عيني
مشتاگلك والـــــــشوگ ذمه
وعمري تطـــــشر بيش المه
خلصت حياتي لچمه لچمه
ضل اخر امل عندي
الله وانت يلمهدي
يبو ادموع الجريه تبجي عله السبيه
ــــــــــــــــــــــــــــــــــــــــــــــــــ
غصني يــبس شوك وضمه وذبلت جميع اوراقي
من جودك اسگيني وفه بداعت اچفوف الساقي
يبن الشـــــموس الطالعه الجيتك دگلي اشباقي
الشوفت عيــــــــونك سيدي ماتنوصف اشواقي
گلب الـيـحبك هذا حاله
بدمعه كتب اعظم رساله
ياهضـــــمة المحد بقاله
انت الكل هلك رحلو
ابطف النايبه انجتلو
يبو الونه الشجيه تبجي عله السبيه
ــــــــــــــــــــــــــــــــــــــــــــــــــ
(أينَ استقرَ بكَ النّوى ) يالتبچي دم لحسينك
دليني عـــــن بيتك تره تعبت كلبي الـ وينك
من تسمع حسين انذبح عل بچي ياهو يعينك
يمته تكف مــن البچي مو حمره صارت عينك
ذبــــــــــلان لونك من النياح
تبچي الضعنكم وي غرب راح
جا يمــــــته گلبك گلي يرتاح
شبعت بس هضم روحك
ويامكــــــثرهن اجروحك
لك ماصح تجيه تبجي عله السبيه
ــــــــــــــــــــــــــــــــــــــــــــــــــ
الياحد اضـــــــــل مناطرك يالعذبتني ابُّعدك
گربني لــــــــك ياسيدي وعلمني اون الجدك
يمك أخذني امسح لك كل دمعه تجري بخدك
تكفيني يا ابن الحسن نظره فقط من عندك
امنيتي صارت بس اشوفك
يالماتــــــــمر عيني طيوفك
خايــف تجي وانه الأعوفك
وين الله ويحضّيني
بيك وتنضرك عيني
دعائي بكل مسيه تبجي عله السبيه
ــــــــــــــــــــــــــــــــــــــــــــــــــ
وجهت وجهي الحضرتك وسلمت بيدك أمري
يامؤنسي في وحشتي اوياك ارد اخلص عمري
يهلال عيدي بيا وكــــــت تطلع تره مل صبري
شايلّك بكــــــــلبي عشگ مايوصفه كل شعري
وين انت ياصاحب زماني
(اشهدُ انــــــــك قد تراني)
بـــس كلي يمته الكاك اني
كلبي اشتاكگك ورادك
دليــــني اعله مگعادك
يبو اجفوف السخيه تبجي عله السبيه
ــــــــــــــــــــــــــــــــــــــــــــــــــ
يالرازق النمله نـــــــــــفس ترزقني نظره ابودي
للـــــــــــتارك بروحي جــــرح والدمعه نار بخدي
بين اهلي وناسي عشت بس احس روحي الوحدي
(عميت عــــــــين لا تـــــــراه في كل صباح المهدي)
يوميه اقنّع روحي ها جاي
وياخذني دمعي وأفگد الراي
صوفر خضاري وجيتك ماي
گلي بيا زمان اترد
بجيتك روحي اتورد
دخيلك حن عليه تبجي عله السبيه
ــــــــــــــــــــــــــــــــــــــــــــــــــ
نسألكم الدعاء
حسين عبد الزهرة الدراجي