7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
#لطمية_بلسان_الحال.
#البقيع💔
رحت يـــــم المگبــرة
شفت حرمــة امحيــرة
بيدها تمســح دمعهــا
واكفـة وتمسك ضلعهــا
وتهمــل العيــن ... وتهمــل العيــن
┈┉┅━❀ـ❀ـ❀ـ❀ـ❀━┅┉┈
يــم گبــــور الآل رحنــــا بفــد مسيــة
چنـــي شفْت اخيــــال يمكن للزجيــة
قلبي صـار اوصـال والعبــرة شجية
مـن شفت هالحال والزهــرة حنيــة
جنها ماذيهــا المصــاب
و القلب منعدهـا ذاب
ماشفت وحدة بوضعها
واكفـة وتمسك ضلعهــا
وتهمــل العيــن ... وتهمــل العيــن
┈┉┅━❀ـ❀ـ❀ـ❀ـ❀━┅┉┈
تحجي وي الحسن جنها ابدمعة العين
تگــــله يامظلوم كُبْتــك والقبــر ويــن
فــوك سم كبدك عزيزي ودورة البين
هدّمــوا گبـــرك ييمــــه هالملاعيـــن
قلب والدتــك حزيـــن
لجلك ولجـل الحسيــن
عالولــد يكثــر جزعهــا
واكفـة وتمسك ضلعهــا
وتهمــل العيــن ... وتهمــل العيــن
┈┉┅━❀ـ❀ـ❀ـ❀ـ❀━┅┉┈
توجّهت گبر الذي سحبـوه بالاجمال
ساجــد العترة وتســأله بدمـع همـال
بعده يمهــ بركبتــك آثــــار الاحبـــال؟
بعد بجدامك حرق مـن حــر الرمـال؟
يمـــه يا زيـــن العبـاد
سيرتك تدمــي الفـؤاد
ينتحب كلمن سمعهــا
واكفـة وتمسك ضلعهــا
وتهمــل العيــن ... وتهمــل العيــن
┈┉┅━❀ـ❀ـ❀ـ❀ـ❀━┅┉┈
دارت لگبــر العزيــز البــاقــــر اتحــوم
ياللي مـن زغــرك شفت آلام وهمــوم
عمرك اربـع شاهــدت انحــور ودمــوم
ثــم قتلوك العصابــة ورحت مسمــوم
يمــــه يالباقــر أنـــــه
ماشفت يـــــوم الهنــــا
بثّت لقبـــــره وجعهــــا
واكفـة وتمسك ضلعهــا
وتهمــل العيــن ... وتهمــل العيــن
┈┉┅━❀ـ❀ـ❀ـ❀ـ❀━┅┉┈
ثـم راحت خطوة تمشي وخطوة تعثر
صـارت اتشيل التــراب وبــي تُعَفّــر
شهــكت وصــاحت اويـــلاه آ يجعفــر
آ يصادقنــــا الحبيب ابنـي المظفّــر
يادوا اجروحي صرت
ابگبـرك آنـــه تعفــرت
كل ابن منهم صدعها
واكفـة وتمسك ضلعهــا
وتهمــل العيــن ... وتهمــل العيــن
┈┉┅━❀ـ❀ـ❀ـ❀ـ❀━┅┉┈
📝 #الشاعرة_زينب_الخفاجي
🌿 #اللهم_صل_على_محمد_وآله
گعدية بصوت. مسلم المطيري
تشفي العليل وانت ملچوم
كلمات الشاعر
حسن لعيبي الحريشاوي
شلون يا ظهري و عضيدي
نايم ابكتر الشريعه
وانا وحدي عالشماته
من فجيعه لي فجيعه
@@@
يا گمر كافل خواته وعالوفه اطباعه الجميله
ولو مأنته يابوفاضل خدر زينب من يشيله
منحني ظهري يخويه ياحمه احمانه وكفيله
على هالنومه النمتها يحگلي ظهري أميله
اسمع اصياح الاعادي مات اخو الحوره العقيله
وانته نايم عالوطيه وغمزة الشامت ثجيله
…
نايم وظهري حنيته
وتضحك اعليه الوضيعه
وانا وحدي عالشماته
من فجيعه لي فجيعه
@@@
مغمض اجفونك لونه هالسهم طفاها عينك
والعمد ويلي اعله هامك فضخته لغرة جبينك
ردت اسندك حتى شيلك وينها ايسار ويمينك
جود والرايه اعله كتره اتعلگن بيهن ايدينك
وبالخيم ياخوي تدري تنتظر جيتك بنينك
وللشريعه صوت زينب تنادي يا عباس وينك
…
واگفه ابكتر المخيم
اختك الحوره الوديعه
وانا وحدي عالشماته
من فجيعه لي فجيعه
@@@
شعتب واعتب عليمن يالمشيت ابظهر عاشر
احچي عني شالاشوفه بالذبح لو بالحوافر
لو اگلك بعد عيني زينب وشتشوف باچر
ياغيور وشالاسولف عن هزل شالت حراير
حالنه بعدك يشرحه گيد واسياط وحوافر
بين كسر ضلوع صدري لو كسر ذيچ الخواطر
…
يالنمت نومه هنيه
وضاگت اعليه الوسيعه
وانا وحدي عالشماته
من فجيعه لي فجيعه
@@@
يلي غضت الشاطي لاچن ما برد بالماي چبدك
رايد اتواسيني وانا ردت هاللحظه اعضدك
گوم اشيلك كون يمي امن الارض خويه اگعدك
بلا ادين اشلون ألزمك واللي باقي بيها زندك
ليش راسك مني شلته ياللي هز الروح مهدك
راسك ابحجري اخلي خاف يچوي الرمل خدك
…
لا تحاتيني ابذبحتي
وتالي اوداجي الگطيعه
وانا وحدي عالشماته
من فجيعه لي فجيعه
@@@
ياشرس بالحومه لاچن روحه بعيالي حنينه
انهدم حيلي يابن ابويه بأمل عد بنتي سكينه
من اجيها اعليك تسأل وينه عمي ما يجينه
راح اگلها وچبده ضامي والسهم طفاله عينه
وشحچي عالشاطي توذر وبالعمد صابوا جبينه
وشعتذر إلها وأگلها گطعوا ايساره ويمينه
…
وداعة الله ياعضيدي
روحي لفراگك وجيعه
وانا وحدي عالشماته
من فجيعه لي فجيعه
@@@
علي أحمد الحمود
٤-٥-٢٠٢٤
مصرع العباس ع
قد صوّت الناعي فابكى الكوثرا ..... لمّا نعى عَلَم الشريعةِ جعفرا
وكأنَّهُ ينعى النبيَّ بفقده ...... او انّهُ ينعى البتولَ وحيدرا .
بلحظات الخِطر جعفرنه اشذكر
من داره التهب بنار اهل النَصَب
جعفرنه اشذكر
---------
مرّت اعلهل البيت كثره آلآلام شافوا ظلم من جور كل الحكّام
الحكمت بسم جدهم اديار الاسلام وتسيّدوا عل المسلمين الظلّام
وكل حاكم يجي من الكَبله أشر
ظلم بكل زمن ومن ذيج المحن
جعفرنه اشذكر
----------
ماتنسه وعلبال دوم بحسرات تمر المصايب من جرن علآيات
علفاطمه وعلوصي يلجمن لجمات بكَلب الولي وشلون ملجوم ايبات
بس الهم أشد لمحزوز النحر
هم طول العمر ومن طف الطهر
جعفرنه اشذكر
-----------
حين اعتلت نيران شبتها اعداه بداره ويعاين عيلته بخوف وآه
شتذّكر الصادق وفاضت عيناه ويلاه يبن المصطفه واويلاه
جن شاف الخيم ما ضل الها اثر
وذيج العايله بحيرة كربله
جعفرنه اشذكر
-----------
نار العده التسري نظرها بداره عادت لطف حسين بي افكاره
وتذكّر عيال السبط محتاره عليها المخيم حين شبّت ناره
وفرّت ما درت وين الها المفر
اتذكّرها بألم والينشد عِلَم
جعفرنه شذكر
----------------
اجره النواظر صادق العتره الهاي صورة عيال حسين مشدوهة راي
تنطي الوجه لاوين منهو الحمّاي خلاف الحسين الكَمر ضل يم الماي
نيران وسلِب شصعب وشأمَر
ولهذا الوضع ضل جاري الدمع
جعفرنه اشذكر
---------------
حركَوا ادياره اعليه اولاد العم بابشع ظلم لو علخلك يتقسم
جا ماتت الناس وفنت من الهم وختموهه بالاحقاد دسوّله السَم
بالسَم انجتل العلومه بحر
وثاره عللوعد المهدي لو نشد
جعفرنه اشذكر
--------------------
قاسم آل واعي الرميثي1445
هوسات جنوبيه حول الامام الصادق ع~~~~
طلابك تون وتريدك وياها
فكدك يبو الكاظم حيل اذاها
ومسدوده المدارس بعده خلاها
وهل العلم وهل الدين بجاها
الحيد الغرب. والطلاب اتون اعليه
✍️الشاعره كريمه البو حلوه
🚩🚩🚩🚩🚩🚩🚩🚩
تون اليوم طلابه ابكلب مالوم
تنادي ياوسف بحر العلوم
انسد باب العلم وگضه مسموم
وحبابه وهلي بحزانها اتحوم
هوسه) شال اليوم الهيبه)) وكل احبابه اتون عليه
ام✍🏻 زين العابدين لمحمداويه
🚩🚩🚩🚩🚩🚩🚩🚩🚩
هيبه ابو الكاظم وتاج فوك الراس
ماخذ زود وغيره من عباس
يوصفونه البحر لعلوم وهوه والساس
وكله مرجله وهم راعي النوماس
هوسه))
يومك يامولاي يومك))
هد الروح وطفه العين
ام ✍🏻رحمه الگاظميه
🚩🚩🚩🚩🚩🚩🚩🚩🚩
تبجي عليه طلابه يريدونه
بحزن وأهات المسوم يودعونه
بحر لعلوم الصادق يسمونه
وين اهله وعمامه خل يحضرونه
عليه اليوم نصبو // سود رايات
✍️ خادمة الزهراء أم أحمد الدريعي
🚩🚩🚩🚩🚩🚩🚩🚩🚩
ناحت شيعتك هالليله لمصابك.
وتبجي اليوم يا جيدوم طلابك.
يانبع العلم كلحنه احبابك.
نشيعك جينه من المسجد البابك.
.اليوم الغرب //كلها تنوح اعليه
ام✍🏻 فاطمة الزهراء
🚩🚩🚩🚩🚩🚩🚩🚩🚩
الكتب مركونه والحوزه مسدوده
بحر العلم شايل بعد شيعوده
حسافه فاكدينه الچبده ممروده
رايه حزن رفعو للعزه اوسوده
الحوزه اتون اعليه)) اوكتب اعلومه
ام ✍مرتضى الخزرجي
🚩🚩🚩🚩🚩🚩🚩🚩
اريد اهدي الشعر لبنج يعلويه
يستاهل شعر ببياته او قوافيه
اكتب بالمصيبه وعيني مجريه
اضل خادم الج كون انتي مرضيه
هوسه))
ها اتقبليهه اتقبليهه)) يزهره الخدمه
ام ✍🏻علي السماوي
🚩🚩🚩🚩🚩🚩🚩🚩🚩
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه
*ذكرى إستشهاد رئيس المذهب*
*الإمام جعفر الصادق (ع)*
*٢٥ شهر شوّال ١٤٤٥ هـ*
◾️▪️◾️▪️◾️▪️
*صادق العترة قاسى آلام ومصايب*
*وقلبه من شدّتها وعظمها صار ذايب*
*شنهو اليريده ويطلبه منّه المنصور*
*خلّاه متألم ودمعه بخدّه منثور*
*چنّه يريد من المدينة ينطفي النّور*
*وفعلته هالطّاغي تخلِّي الراس شايب*
*آمر ارجاله يحرقون الدّار بالنار*
*ويروعون آل المصطفى اكبار وصغار*
*واتفاررت لطفال والنّسوه من الدّار*
*وكل مرّه تتكرّر عليهم هالنوايب*
*ابيوم صايف طبّوا ابّيته العدوان*
*سحبوه ويّاهم قصدهم ويلي ينهان*
*ابلا عمامة اتصارخوا اعليه النّسوان*
*ومصيبته فتّت ترى اقلوب الأطايب*
*خلّوه واقف بالشّمس ماراعوا عمره*
*تبچي عليه وسط القبر فاطم الزّهرا*
*وقلبه ترى من هالإهانة چنّه جمرة*
*متوجله بالدّار اعليه الحبايب*
*ودّوه للمنصور وهو مفجوع حاله*
*يبچي على هذي الإهانة والجراله*
*وتبچي عليه العائلة ويبجوا أطفاله*
*ويبچوا عليه لبعاد ويبچوه القرايب*
*ما اكتفى الطّاغي من الجرى وهاي البليّه*
*عزّم يقتله ويفجع الزهرا الزچيّة*
*ماخاف ربّه ولا اختشى سيد البريّه*
*وبعملته رح تنفجع كل النجايب*
*دس ليه سم واتفتت بالسّم چبده*
*وابنه الكاظم دمعته تجري ابخدّه*
*يدري تصيرن عيلته بعده ابشدّه*
*واتتجدّد اعليهم ترى بيه المصايب*
*نادى على ابنه يجمع العيله يجو ليه*
*وصّاهم بكل الوصايا ومدّ رجليه*
*الأمر لله سلّمه وابنه حواليه*
*قلّه بعد عينك ترى انشوف العجايب*
*لكن الكاظم غسّله ولفاه بالكفان*
*ويم قبر ابوه دفنوه ماظلّ ويلي عريان*
*ولاراس منّه انقطع وانرفع بسنان*
*مثل الشّهيد اللي بقى فوق التّرايب*
◾️▪️◾️▪️◾️▪️
*عبدالهادي أحمد الجنبي*
*٢٥ شهر شوّال ١٤٤٥ هـ*
لاستشهاد الامام الصادق عليه السلام
الصادق المحّد يِعَرف اسراره
مثل فاطم نار شبّوا داره
ـــــــــــــــــــــــــ
صادق القول الذي سرّه انحجب
الفاطم وحيدر علي ايرد النسب
رغم هذا وشفنه يا ناس العجب
دار وحي الله تعالت ناره
ـــــــــــــــ
الچان مفروض الخلگ طوعأ تصير
اله وعالعالم يضل اعظم امير
لچن شفنه مبغضه ميت الضمير
وبالجمر تارك صبح آثاره
ـــــــــــــــــ
مثل امه فاطمه وذاك الجره
شلون باب الزهره ناره مسعره
باب داره بنارهم متوجّره
والفرق بس محسن ومسماره
ـــــــــــــــــ
رغم هذا الصار سموه العده
وچبدته بالسم يويلي امرّده
لچن مو مثل الحسين الوحّده
بقه الوحده وعالتراب انصاره
ـــــــــــــــ
جده داست صدره ياوسفه الخيول
وعلارض مطروح ابن بنت الرسول
عليكم الله يساعد الزهره البتول
الوحي مصابك حين شع اخباره
ـــــــــــــــــــــــ
سبوا زينب والحسين اعله الترب
خنصر ايده انگطع وخيامه تشب
الصادق ابوحده صفه ابين الغرب
وشاهد اعله مصابه ذيچ ادياره
ــــــــــــــــ
الشاعر محمد حسن ضيغم
قصيدة . ( استشهاد الامام جعفر الصادق عليه السلام )
جديد ( مَهلآ يليل ) 1445. 2024.
مَهلآ يليل الصَبُر
الصادق إبلا كَبُر
للغايب المُشتكى " لا زياره
--------------------‐--
الصادق وهاي الضُلامه اتراب كَبره
ماكو يَمّه اي مجالس ماكو حَضره
ماكو موكب بالضريح وناعي يِقره
المُفترض قُبّه ذَهب سادس العِتره
ليش الظلم كُل زَمن
الصادق ابلا صَحّن
للغايب المُشتكى " لا زياره
-------------------------
الغُربه هيّه بكُل وَكت والغُربه صعبه
امن المراقد تنهدم معناها غُربه
الصعبه من اتشوف إمامك بلايّه قُبّه
الحُسيني ينعرف مشلوع كَلبه
واليِكره آل النَبي
طبعآ يضل ناصِبي
للغايب المُشتكى " لا زياره
----------------------
هاي ثاني كربله عدنه البقيع
الهَدّم المرقد مثل سَهم الرضيع
المهدي باجر عنده ثار وما يضيع
ربي عَجّل بالفرج أنت السّميع
يمتى ظُهور الأمل
ياخذ بثار الأهل
للغايب المُشتكى " لا زياره
---------------‐‐‐-----
المُشتكى للمُنتظر ننتظره ثاره
يستغيث الغرقد وطال انتظاره
شوكت للصادق نشوف احنه مناره
ويوم استشهاده نكصد للزياره
بدموعنه الهامِله
نكصدله من كربله
للغايب المُشتكى " لا زياره
-------------------------
ياشهر شَوَّال بينه ضلع مكسور
ذكرتنه الصادق وكل عُمره عاشور
يصيح يا جَداه يالضامي يمنحور
واجب الليله الدمع ولطم الِصدور
شَوَّال كاسِر ضلع
واحنه نِسيل الدمع
للغايب المُشتكى " لا زياره
-----------------------
الخادم _ ابو فدك الشامي ✍
مظلمه اليوم الهواشم دورها
راح واليها وشمسها وسورها
~
ويلي چبد الصادق اليوم انمرد
بـ سم حقود وگلب الاسلام انضهد
مشه حلال المعاضل والشدد
وحزنت اعليه الثره واصخورها
~
ويلي راح الخطوته اموزّنه الأرض
الينقبل بمّـحَبّـتَـه أصل الفرض
حافر افراگه بخواطرنه يرضّ
وعالشريعه حَلّ حزن عاشورها
~
غمّض عيونه و حِده راعي الشرع
غصن من شجرة محمد منگطع
وگلب ابو الزهره تفطّر منفجع
ودوره أمست ذابلات ازهورها
~
دوره مكتوبه عليها امن الغدير
تنظلم مـادام حيدرها الأمير
قـلّـه فـزّاعتها لمن تستجير
والسقيفه امسلطه اعله انّحورها
~
بآل ابو الزهره الموده اتشرعنت
بالقتل والناس لـ ابليس اذعنت
مـا رعت حرمة نبي واتفرعنت
أخذت امن ام الجمل دستورها
~
من محمد غمض عيونه وسِدِر
آله بين الچبده بالسم انفطر
وبين ذاك المنگطع منه النحر
واخته تنظر عالرماح ابدورها
~
وسفه صالح بعد صالح يرتحل
اوسفه صادق بعد صادق ينقتل
تگطع الأحقاد بااحبال الوصل
والشريعه انهتك وسفه اخدورها
~
سجاد الگريزي
[ مولاي الصادق ع ]
يالمحترگ منك دار
بيمن تذكرك هالنار
بيا مصيبه بيا غريبه
__
سألو الصادق من بجه ليا سبب عينك صبت
والحرگ عاده الكم گبل باب الزجيه احترگت
وبكربله عدكم خيم اعليها الزلم ما خلت
وانت احترك بيتك لجن ماكو علويه اتجوت
مو عاده تضهر مبجاك
يالصادق شصار ويالك
عدكم النار مو عجيبه
__
لا مو عله امصابي تره ولا عله عيالي المدمع
اتذكرت باب ام الحسن والحزن بيه اتجمع
بركضت بناتي اتذكرت فاطمه اتكوم وتوگع
مابيها حتى اعله المشي وما لگت واحد يفزع
هشم ضلعها البسمار
والباب مشتعله ابنار
فوك الترب تضل تريبه
__
حتاريت من شفت حرك من حجره اطب الحجره
لميت نسواني ابكتر وطفيت بيتي ابحسره
لتمن عليه ومن گمت ما شفت بيهن سطره
ولا وحده مكسورة ضلع مثل الولوها ابعصره
محتار الم واتلفت
ولا وحده منهن عثرت
بدفعت الباب المصيبه
__
طفيت وحدي بس جنت عالگومه والفزعه اگدر
ماگمت مرتين وطحت والگلب ضل يتحسر
حسرة حسين اعله الخيم من شاف ذاك المنظر
الدخان ما خله اثر مادره ابحال الخدر
بس بويه منهن يسمع
يكوم الحسين ويوكع
عليهن النار جن قريبه
__
ماعندي طفله ويه الحرك منها خذو ترجيه
وانه امن اطفي بالحرك افگد ابنيه ابنيه
برجليهن اتلمس گمت عن لا رجل مجويه
ولا وحده صوت الها طلع مو طالعه مسبيه
ما شاف واحد ضلهن
ولا وصل واحد يمهن
ولاكو ميدان ولا سليبه
__
هذا اني حالي امن احترك بيتي وبنصه اعيالي
والينشد اشعنده بجه جعفر اخبره ابحالي
محتاره امي فاطمه بالحرك جنها اگبالي
وزينب شفتها مشرعبه الكل غالي لابد غالي
مو ليه دمعي يجري
هين وياهن كسري
الهن العين تضل نحيبه
بسام قابل الياسري
شايل كربله بروحه وعلى جروحه المنايه
مات وتجري دمعاته اعله عماته السبايه
الصادق من رحل ينحب
مو عالسم على زينب
.................................
عاش بحياته اعله الدمع والدمع عاش بعينه
ياعالم ومن كربله ليل ونهار ونينه
يتگطع الصادق على الفوگ الثره مگطعينه
ظل ياكل بعمره السبي وماخله شي بسنينه
لوتطلع على الوادم مره بهاشم چبيره
بعز ام الخدر چانت كفر راحت اسيره
جعفر گلبه يتعذب
مو عالسم على زينب
.................................
روس الهواشم ياخلگ غيره وشهامه ونخوه
خط احمر اتعد الحرم كلها شرف ومروه
بس زينب الحره انسبت بيها الزمان شسوه
بت فاطمه فرجه اطبحت لليسوه والمايسوه
وحسين العلى الغبره تلم صدره وعظامه
الماشايف گبل ظلها صفت كلها أَمامه
فص عين النظر شيّب
مو عالسم على زينب
.................................
ماتلزم عيونه الدمع كلما يصد للكوفه
لمن يجي اباله القصر ايطگ الوجه بچفوفه
اعله السوگ طبة عمته اگبال الخلگ مچتوفه
الهل موقف يلوج ويحن وينزل دمه من شوفه
بناگه الهزله جابوها وتلگوها بشتايم
والروس الاهل ناحت لمن طاحت عمايم
فوگ الغبره يتگلب
مو عالسم على زينب
.................................
اعله الشام لمن يلتفت چن خنجر بگلبه ايبات
زينب تلگوها بفرح وبكل مكان الشمات
ايرامون بحجار الضعن واعله القصر لمن فات
وگفوهم ابوسط الزلم والعين عالعلويات
ماچنها اخت كافل ابوفاضل والحسين
بت حيدر يضربوها ويدخلوها بدواوين
حاله يقهر ويصعب
مو عالسم على زينب
.................................
قصة حياته امن انتهت كلها مواجع وجروح
ظل حتى بفراش المرض البت فاطمه ايون وينوح
من يذكر الصار بهله يتلوه مثل المذبوح
ناده يزينب من رحل واطلعَت من جسمه الروح
مات ودمعته بعينه على حسينه ومصابه
مات امبلله جفونه وعلى عيونه الخرابه
مدمع بالممات انصب
مو عالسم على زينب
.................................
الشاعر
حسين حيدر الكربلائي
لاستشهاد الإمام جعفر الصادق عليه السلام
بالبقيع اقره الزياره بصدري جمره
تسبق الدمعه چلمتي أبلوعه اقره
ياأبن خير الانام
جعفر الصادق سلام
★★★★★★
جمره ضلت تشتعل من جمره ناري
وياهو اكثر حزن ليلي لونهاري
يابقيع غبار وحشه البيها ذاري
اسباب حرگه ماتذوب بدمع جاري
ياشفيع المذنب بهول القيامه
گبرك بياذنب يتهدم مقامه
علارض مالك مقام
جعفر الصادق سلام
★★★★★
من صلب طاهر گبل هاي البريه
يلي نورك ماتاثر بالعهود الجاهليه
اصنام ماعبديت لامله رديه
ملة ابراهيم معروف السجيه
ياگبر مجروح ضل كلبي جريح
شوكت اشوفن گبته ومبني الضريح
صحت وبجرحي كلام
جعفر الصادق سلام
★★★★★★
بنى المذهب سيدي من دم مصابه
اصرار من دمعة رقيه البلخرابه
ومن صبر زينب كسب قوة وصلابه
ومن عزم عباس مشهود المهابه
من نحر مكطوع من صبر الحسين
كشف زيف الباطل وزاد اليقين
خله للعالم نظام
جعفر الصادق سلام
★★★★★★
شكثر طلاب العلوم بداره تنزل
كلها رجعت من صنوف العلم تحمل
هذا يروي بالروايه وذاك ينقل
جده طاها المنبع ومن نوره ينهل
حمله ضده اعلنوا حمله چبيره
بوق اعلام العده اعلن نفيره
حمله مليانه انتقام
جعفر الصادق سلام
★★★ ★★★
عليك اسلم جيت ياصادق العتره
يلصنعت من العلم مولاي ثوره
بالرعب رد الخصم مليان صدره
شرد اوصف الخافوا من تراب گبره
حتى گبره ايضيع وتضيع المجالس
خير الگبور اعلنوا هيه الدوارس
رادوا الناس بظلام
جعفر الصادق سلام
شعر حسن لعيبي الحريشاوي
ياجعفر الصادق
الك أشرف نسب
يبن خير العرب
نلت اعله الرتب
يمن حبك وجب
المثل بيك انضرب
مفاهيم وأدب
الك يحله اللقب ياجعفر الصادق
★★★★★
بكل قول ونقد
اصحاب الحقد
للشر تستعد
ضنوا تبتعد
عن هذا المجد
والباطل يرد
بعلمك منفرد ياجعفر الصادق
★★★★★
ميادين العلم
خضتها بكل عزم
ولاخانك حزم
المذاهب تنهزم
شماعدها زلم
ضلت بس رسم
من هذا الإسم ياجعفر الصادق
★★★★★
موناتج صدف
مجدك والشرف
عزمك ماضعف
وبهذا اعترف
حتى الي أختلف
والعالم عرف
وبأسمك هتف ياجعفر الصادق
★★★★★
والشيعي ابقهر
للمجلس حضر
دلاله انفطر
يا كل الفخر
ضل فگدك أثر
باقي وي الدهر
والدين انكسر ياجعفر الصادق
الشاعر حسن لعيبي الحريشاوي
في ذكرى استشهاد الامام جعفر الصادق عليه السلام
يا أمير الفقة واحكام الشريعه
يبو الكاظم غيبتك اعظم فجيعه
★★★★★
ناحت الاقلام ومداد المحابر
اختلط جمر گلوبنه بدمع المحاجر
والزمن لمن غبت مذهول حاير
يبن حامي الجار والزهره الوديعه
★★★★★
يامداد العلم. يانور المجالس
مدرسة خرجَّت الآف المدارس
سابع الاكوان تبچيلك يسادس
وعلى احبابك ضاگت الدنيا الوسيعه
★★★★★
يابو الخير الياوكت منهم تقاسي
شفت من اهل الخديعه شگد مآسي
جبل ماتنهزم يلعزمك رواسي
ياضوه الاسلام وانواره وربيعه
★★★★★
كل حسابات المخالف غيَّرتها
والمذاهب اربعه بحيره عفتها
وبقناعه من علومك وصلتها
حجج عندك بالبراهين المنيعه
★★★★★
رادوا يصغرون شانك يلي شانك
عالي ويهابون ياجعفر مكانك
سيد الحكمة وبعد سيد زمانك
وخاب كل ظالم يظن انته تطيعه
★★★★★
يلسحرت الناس قانعهم دليلك
بغدر ليش المارحم قابل جميلك
عِلَّتَك زادت وطّوّل الم ليلك
عن غدر سموك أصحاب الخديعه
الشاعر حسن لعيبي الحريشاوي
https://youtu.be/G_gHxSn9kH4
_*ياأمامي مالي غيرك*_ 💔
_*خايف وروحي بجوارك مطمئنه*_
_*جنه لو مابيها نورك ماهي جنه*_
_*وين ماالقاك اجيك*_
_*رحمة الله بين اديك*_
_*خايف وروحي بجوارك مطمئنه*_
◾●▪《•《•《•▪●■
يا أمامي مالي غيرك
من ينزلوني بحفرتي شلون بيه
الحفره ظلمه .. ومن يجيتي
والتراب ايحيطني ويضغط عليه
ابقى حاير والتفت يسرى ويمين
وحدي أصبح بالقبر وين أهلي وين
راح احلفك بالقمر وام البنين
احضر القبري يابو قلب الحنين
من يجيني منمر ودفتري بيده
سيدي بذاك المحل نورك اريده
تمسكت مولاي بيك .. رحمت الله بين أيديك
خايف وروحي بجوارك مطمئنه
◾●▪《•《•《•▪●■
يارجائي .. يوم الاول
من يجوني الملكان والتقيهم
يسألوني .. وانه اسمع
شراح اقول وصفحة اعمالي بيديهم
اهنانه راح اتذكرك واصرخ تعال
انطي يالصادق جواب الهل سؤال
منهو جان بمجلسك دم دمعه سال
مايمسني الضيم بوجودك محال
ياهواي وساكن بروحي لقيتك
بالمجالس جيت احضرك مانسيتك
البس اسود وعتنيك .. رحمة الله بين اديك
خايف وروحي بجوارك مطمئنه
◾●▪《•《•《•▪●■
من بعدها ... الملائك
العالم البرزخ يجون وينقلوني
بالمنيه ... منهو إليه
عالصغيره وعالجبيره يحاسبوني
من يصيحون أسمي مدري شراح أشوف
وأنه واقف بالسره بين الصفوف
ياحبيبي والقلب مابيه خوف
أدري بيك أنت لكل خادم عطوف
أنه محتاجك تعال وأنطي أيدك
أنه خادم يعني واحد من عبيدك
بدمع عيني مشتريك
رحمة الله بين أيديك
خايف وروحي بجوارك مطمئنه
◾●▪《•《•《•▪●■
روحي صعدت ... بيد ربي
وأنه روحي بيك يالصادق أملها
بالقيامه ... عيوني تحجي
والأعمال الزينه يتبين فعلها
خادمك بيدين ربك ذنبه صار
سهله عندك لمن تقرر قرار
كلشي بالدنيا إلي جان أختبار
وانتمائي لمذهبك عندي افتخار
رابح وما اعتقد بالحشر نادم
لاني لأهل البيت عشت سنيني خادم
بجانب الحوض التقيك .. رحمة الله بين ايديك
خايف وروحي بجوارك مطمئنه
◾●▪《•《•《•▪●■
من اشوفك ... يمي واقف
بروحي وبقلبي احس ينزل حنانك
تلزم أيدي ... بالقيامه
وبين كل الناس تاخذني الجنانك
نا أريد الجنه بس يمك اريد
أنت اقرب مني من خبل الوريد
جنتي وبيها انت جاعلني سعيد
غير حبك كلشي أقسم مايفيد
نيتي البيضه وانه محافظ عليها
للوفه وللخير ماتركت سعيها
علمتني واندعيك .. رخمة الله بين ايديك
خايف وروحي بجوارك مطمئنه
◾●▪《•《•《•▪●■
يانجاتي ... امنياتي
حققت حلمي وضمنت الجنه إليه
وبوسامك ... كرمتني
وعزلتني بيمنتك عن البقيه
ودخلتني سيدي لدار النعيم
شفت فاطم والقلب شوقه يهيم
وصرته اشتم الحسن وي النسيم
هو هذا الفخر والفوز العظيم
بالنهايه اتشكرك يالدللتني
يم أبو الأكبر وزينب وصلتني
كل مسيه أبجي عليك .. رحمة الله بين أيديك
خايف وروحي بجوارك مطمئنه
◾●▪《•《•《•▪●■
نسألكم الدعاء وبرائة الذمه ان وجدا اخطاء اثناء نقل القصيده
خادمه لخدمة الزهراء وابنائها عليهم السلام
_*خادمتكم أمينه تسألكم الدعاء*_ 🌹🍃
لا اجيز حذف اسمي
الرادود .. محمد بوجباره
#نعي_طور_ياليلة_الحادي_عشر
ياسيدي الصادق مدد...جينالك اندك بابك
يادمعة مانشفت ابد...بعيون كل احبابك
ننخاك بعيون الكمر...اللي طفت لجل الدين
وراسه الضربوه بعمد...وحق جربته والكفين
يالصادق ابحق دمعتك...لجل العقيلة ولحسين
إشفع لنا بيوم الحشر...بْداعة عظيم مصابك
#عاشوري
نخيتك...
يبو الكاظم تِشَّفّع لي نخيتك آه
يمولاي ابقلب مهموم جيتك
جنت تكرم من اتعنّى لبيتك آه
يجامع كل خصال الطالبية
زينب الخفاجي
لاستشهاد الإمام جعفر الصادق عليه السلام. (گعدية )
تشفي العليل وانته ملچوم.
مظلوم يابوالرحمه مظلوم
بوكت الصدگ حسره على الناس
صادق بقول وفعل وإحساس
مظلوم يابوالرحمه مظلوم
★★★★★★
قَدِّمَت لله حياتك. ماخفت من قدمتها
ولاخفت من لوم لايم. والمناهج ثبتتها
ماتجامل هذا طبعك. أشگد مواقف صادفتها
من الجهاله والخطر
أنقذت مولاي البشر
چن موسى من شگ البحر. الناس بيدك عَبْرَتَّهَا
حُكَّام عصرك گامت اتخاف
آلاف عندك درست آلاف
من مثلك ومن بيك ينقاس
صادق بقول وفعل وإحساس
مظلوم يابوالرحمه مظلوم
★★★★★
مرحله صعبه وخطيره صعبه ذيچ شلون فتره
بلاهدايه الناس تمشي . وحاير الإنسان بامره
جاهدت وبعزم ثابت. واسست بالعلم ثوره
شمختلف صاحب مدرسه
مانكر. ياهو الدرسه
كل الفضل محد نسه. الك ياصادق العتره
تصديت للشر مثل الحسين
ليفوگ رافع هامة الدين
معروف مثل البطل عباس
صادق بقول وفعل وإحساس
مظلوم يابوالرحمه مظلوم
★★★★★
ياامير العلم تدري. وتشهد بهذا المنابر
دون التاريخ علمك. خطت مداد المحابر
والنكَّر فضلك اتحَيَّر تظهر اگباله المصادر
محبوب مهيوب الذكر
فقه وتعاليم وفكر
ونطيت للناس شكثر. يلخذت كل المشاعر
يمعلم التوحيد معناه
ومعنى الاسلام وكل مزاياه
للدين تبقه دوم نبراس.
صادق بقول وفعل وإحساس
مظلوم يابوالرحمه مظلوم
★★★★★
تحت علمه نطوت كلها. وصار للكل مرجعيه
تشهد بفضله المذاهب. حنبليه وشافعيه
اسئلوني گال جعفر. مثل حماي الحميه
ماتظل شده ومعضله
جاوب على كل مسئله
كل العلوم تعود اله. من منابع احمديه
يفصل بشرحه حكم الآيات
وهذا الكتاب شبيه. غايات
معلوم يامن ثبت الساس
صادق بقول وفعل وإحساس
مظلوم يابوالرحمه مظلوم
الشاعر حسن لعيبي الحربشاوي
#الليالي_الجعفري
#٢٥_شوال_١٤٤٤
#صادق_الأطهار
مذهبٌ ينعى إمامَ المذهبِ
وينادي "يا سماواتُ انحَبي"
كي نواسي بالبُكا قلبَ النّبي
والعني المنصورَ لعنًا سرمَدي
صادقُ الأطهارِ علّامُ العلومْ
شَحنوهُ بالمآسي والهمومْ
وسَقوهُ الغدرَ في تلكَ السُّمومْ
فقضى يشكو الجفا للأوحَدِ
يذكرُ الظّلمَ ونيرانَ الدِّيارْ
ثمَّ يبكي ناعيًا أمَّ الخمارْ
زينبٌ يا كيفَ تبقى في القِفارْ
والمُحامي دونَ رأسٍ أو يَدِ
إنّها الحوراءُ مصداقُ الحياءْ
لِمْ تُرى تَلقى سِياطَ الأدعياءْ
ثمَّ للكوفانِ يحدوها الشّقاءْ
وهنا رزءٌ جديدٌ يبتدي
#اللهم_عجل_لوليك_الفرج
الشاعر علي مرتضى دقة
ابيات نعي لسيدي ومولاي الامام الصادق ع
على الصادق نهل دمعاتنه ادموم
قضه نحبه يشيعه بسم الاحقاد
لو سم لو ذبح ال النبي تموت
يوميه مصيبه اعلينه تنعاد
حقدهم ال اميه وبني العباس
صار ابكل زمان اعلينه يزداد
وصحاب السقيفه ردوا اردود
ولهسه ويانه الهم باقيه أحفاد
جم صادق بصادق عدنه مسموم
وصبح سمهم لجبده حيف مراد
ننشد يابو صالح طولت وين
كل شيعي اعله ثاره اليوم نشاد
كصه بينه وكتنه وصار ماصار
بجوامعنه انذبحنه وگمنه ننباد
شوكت تكصد بقيعك تاخذ الثأر
وتبرد اگلوبنه وتزيح ال الرماد
وترفع عله الگبب مولانه رايات
وبثواب الحسين نوزع الزاد
الشاعر احسان الحميداوي
شهادة الإمام جعفر الصادق عليه السلام
هل تجلسون؟ ... تتحدثون؟ ... عن أمرنا
لو تعلمون ... كم تُفرحون ... مهديّنا
وهناك تدمع عين .. إن ما ذكرت حسين
أحرقوا الدّار عليهِ فبكاهُ
ورأى في النّار عادتْ كربلاهُ
لعليلٍ وحدهُ حارت خُطاهُ
يسمع الأطفال نادتْ "وَأباهُ.."
------
تلك المجالسْ ... بل قلْ مدارسْ ... فيها اليقينْ
كن مثل عابسْ ... للحقّ حارسْ.. كي لا نلينْ
وهناك تدمع عين .. إن ما ذكرت حسين
أدركَ المنصور كم كان المقامُ
حولهُ جمعٌ وناسٌ وازدحامُ
كلّهم "حدّثني قال الإمامُ.."
فسقاهُ السمّ كي يبقى الظلامُ
شيخُ الأئمّة ... في العلمِ أُمّة ... نهجٌ ثريّ
في الكونِ عمّ ... صرنا نُسمّى ... "ذا جعفريّ"
-------
سيّدي يا ليتني ألقاكَ يومَا
غيبةٌ طالتْ وشوقٌ قد ألمَّا
فكتبتُ الشّوق عهدًا كي يعمّ
أنْ يرى المهديّ يومًا كان حلما
كفُ الدّعاء .. ومع الرّجاءِ .. نادِ العجلْ
عهدي فدائي ... فاسمعْ ندائي ... هل قد أطلّ
وهناك تدمع عين .. إن ما ذكرت حسين
كوثر حجازي
قصيدة نزال سريعة
ذكرى استشهاد الإمام جعفر الصادق( ع)
جعفريه جعفريه
صرخة الشيعه ابمصابك جعفريه
.................................
باللطم لمصابك انوسم الصدر
تعزيه ودمعات كل مجلس عطر
بالقصيده ريت يخلص هالعمر
اخر الانفاس وي اخر شطر
جوهريه جعفريه
صرخة الشيعه ابمصابك جعفريه
.................................
تضحياتك لجل دينك لاتُعَد
وخلصت ايام عمرك بالشدد
لل اللحد ماشفت راحه من المهد
تالي جبدك سيدي ابسم انمرد
والقضيه جعفريه
صرخة الشيعه ابمصابك جعفريه
.................................
سيف علمك يكَطع اركَاب الجهل
وانت ذاك العالم ابعلمه ارتجل
ظل يجعفر هذا مو وكت الاجل
شيعتك تحتاجك احرف للجُمل
فلسفيه جعفريه
صرخة الشيعه ابمصابك جعفريه
.................................
حوزتك مولاي تبقه اليا وضع
والهدمهه الجور بعدك ينجمع
وجم كَلب مولاي بعدك ينفجع
لو جبل بفراك نورك ينصدع
للمنيه جعفريه
صرخة الشيعه ابمصابك جعفريه
.................................
سيدي لأثار وجدانك عشك
تترك العاشك وجودك يحترك
ابد مو سهله علينه ونفترك
بلكت وتطلع حلم لا مو صدك
يا هويه جعفريه
صرخة الشيعه ابمصابك جعفريه
الشاعر
ياسر العارضي
الشاعر الحسيني ظاهر حبيب الهليجي (للامام الصادق ع)
ويه النسيم الهاب نرسل عزيه
للصادق المظلوم نسل الزجيه
*.
ليله الأمام انصاب بلسم يشيعه
بأمر البغي المنصور هاي الصنيعه
داعر بني العباس راعي الشنيعه
متوارثين احقاد من ال أميه
*.
ياصادق الايمان جبدك تخذم
جن وانس تنعاك والدمعه من دم
طير السمه واشجار لجله أتألم
وتنوح آله الأملاك واهل البريه
*.
ياسادس الاطهار يامنبع الدين
يلماصرت وعاض يم السلاطين
ظل منهجك هيهات للذله كل حين
ياجعفر ومثواك جنه زهيه
*
يارايه ضد الجور من ال هاشم
جفك ابد حاشاه صافحله حاكم
ولابايع الطغيان واهلل المظالم
لن أصلك امن حسين والغاضريه
*
يا جهبذ الاعلام واهل الموده
لحقبة بني العباس فكرك تصده
حاربت ذاك الفاح ظلمه اوتعده
والثمن لجل للدين روحك هديه
قصيدة ( بمناسبة ذكرى أئمة البقيع الغرقد )
جديد .. 1445. 2024..
( زيارة البقيع )
حلم كل خادم نشوفه بروحه صاير
ربي عَجّل بالفرج لأربع مناير
زيارة البقيع " زيارة البقيع
--------------------------
حلم كُل خادم حُسيني وغيرته عالعتره
شايل بكلبه دُعائه وبجروحه الحسره
ربي عَجّل في ظُهورّه بجاه ظلع الزهره
شوكت نسمع هلا الزاير والمواكب تقره
ان شاء الله ترجع قريبآ كُل مناره
وثامن بشوال نمشي للزياره
زيارة البقيع " زيارة البقيع
--------------------------
العزاء يصير حصرآ والعشك بالرايّه
للحَسّن عدنه بواجي امقصريّن اهوايّه
ويلي عالمسموم نقره مُستهلنه إقرايّه
والصحن بكد مُضيفه هذا للمشايّه
عله باب الحَسّن صوت الزائريّن
نلكّه حته الماي هم بِثْواب الحسين
زيارة البقيع " زيارة البقيع
------------------‐-------
يم علي السجاد قصه بالدموع الهاملّه
شاف بالطف المصايب ياحزنها كربله
جَرح عنده امن السبايّه والجروح ترتلّه
كون عبد الزهره يرجع ينعه يَمّه مقتله
أمنيّه بذاك الوكت وآ أويلاه
صرخة الخدام هيّه وآ حُسيناه
زيارة البقيع " زيارة البقيع
---------------------------
من نزور الباقر إحنه نحجي يَمّه ياألم
ذكرياته غاضريّه لسه ينزف جرحه دَمْ
الرضيع اكبال عينه منذبح ضامي بسّهَم
راح يرجع يوم عاشر لو ذكرناها الخيم
صوره من طف الذبح ننعاها بِجروح
اليعيش احزان عُمره يبقه مذبوح
زيارة البقيع " زيارة البقيع
---------------------------
بحَضرة الصادق مجالس باجر نقيْم العزاء
صوت خدام الشعائر يرتفع منها النداء
الملا من يبدي القصيده يبتدي فرض البُكاء
بالبقيع وكلها تبجي مثل غُربة كربلاء
الصادق الخَلص حياته بهالمُصيبه
يقره ليل انهار زينب ياغريبه
زيارة البقيع " زيارة البقيع
----------------------------
الخادم _ ابو فدك الشامي
ما ننساك ما ننساك
آه يالصادق ما ننساك
***
يالصــادق يا نـور ألحكمــه
يــا ســر القـــــرآن وعلمــه
يالنــورك بــدد كـل ضـلمـه
يا شمعه تضــوي الأفـــلاك
***
يالأسمك مـــن طه وأسـمه
نعشــگ كلمـا تهــب النسمه
گبٕـرك وســفه ضايـع رسمه
يــا مهبـط وحــي الأمــلاك
***
نفس أهداف حسين أهدافك
شنوصــف نعجـز بوصــافــك
يــا شمــس تحير مـن شافك
متحّيــر ظــــل العـــــاداك
***
مــا ننسى الصــادق وعـلومه
ولا ننسى أحشائه المسمومه
يـبن الــزهـــراء المظلومـــه
بحشـــانــه النـــار البحــٕشاك
***
مكتوب أعلى الگبــر بقطعه
هـــذا أبن الزهــراء البضـعه
مــن بعيد وتجــري الدمــعه
مــن نسمــع بعمال أعـــداك
***
هدمـو گبرك يـــا مــولانـه
يــا رمــز الجــود وعنوانه
ضنــوا ننــساك وتنســـانه
مـــا تنســانه لا حـاشـــاك
***
بسمــك مــولاي يسمـونه
يالصادق گــوم العــادونه
عــن دربك لا مـــا يثنونه
بدمانه أنخــط عهد وياك
****
الشاعر
موسى البديري
لمهدي يزور گبر الصادق اتعنــه
شاف امه وبچه وگابلها بالونـــه
ــــــــــــــــــــــــــــــــــ
تعنه يزور گبر الصادق النـــــازح
مهضوم وجرح يلجم جرح رايح
واگف يم گبر لو يم گبر طايـــح
ونسمات الهوه ظلن يلجمنّه
ــــــــــــــــــــــــــــــــــ
الفاگد كل هله من يعتني زايـــر
بين اگبورهم واگف يظل حايــر
دم اعيونه تتجاره وجرح صاير
چنه حسين من راح الگمر عنه
ــــــــــــــــــــــــــــــــــ
يوم الخامس وعشرين من شوال
متعني يزور الصادق بيا حـــــــال
لازم ظهره بيده والدمع همــــــال
ثاره ابرگبته وظل يعتذر منه
ــــــــــــــــــــــــــــــــــ
واگف بالبقيع امدنگ ومحتـــــــــــار
اگبور امهدّمه ايشوف وعليها احجار
وين ايدير عينه الصوت وين الثـــار
كلما يوكف الصيحات يحننّه
ــــــــــــــــــــــــــــــــــ
وصل يم اربع اگبور ودليله انطـــــر
فوگ اترابهم خلاه وچفه احتــــــــر
ولن صوت الزجيه يم گبـــــر جعفر
يوليدي يمهدي اتصيحله اتدنّه
ــــــــــــــــــــــــــــــــــ
صاح اه وشبگها وشبگته الزهــــره
اشتركو باللطم والونه والحســـــره
كسر الضلع كالت ليمت اتجبـــــــره
كض گلبه توسط بي سهم چنه
ــــــــــــــــــــــــــــــــــ
يُمه اتگله تلجم ضلعي دمعاتك
ادري بهمك وماناســــي ثاراتك
اسمعهن اذا عاتبن عمـــــــــاتك
واسكّتهن واگلهن لا تأذنّه
ــــــــــــــــــــــــــــــــــ
خلينه على الصادق نون وانـنــــــوح
وللينصب عزيّه اعليه سويّــــه نروح
واذا دار النعي اعله اوليدي المذبـوح
اوگف يمي متني اعليك اسندنه
ــــــــــــــــــــــــــــــــ
علي محسن الزيادي
#رثاء_وتأبين
أيآ جعفر ٌفيكَ الشريعةُ أُثكِلَت ْ
ومدارس ٌتحوي المعارفَ أُوتِمَت ْ
وبعدَكَ ناحَ الذكرُ إذ أنتَ أهلُهُ
وصرخة ُ آيات ِ الإمامة ِ قد علَت ْ
صرخ موسى بن جعفر حين الوداع
وعج الكون لاجله وماجت الگاع
يبويه الموت اجاني ريته هلساع
ولا شوفك تروح بغدر مسموم
يا بحر العلم يا نسل الاطياب
گلبي عليك بويه من الحزن ذاب
حسافه شلون تمسي تحت التراب
وتتيتم خلافك كل العلوم
عگب ما گضه نحبه وغمض العين
شال النعش ويه اهله المحزنين
يوسده بالبقيع وزاد الونين
ويصب الدمع ويلي وگلبه ملچوم
#سمير_الصالحي
#النجف_الأشرف
#شهادة_صادق_العترة
#السبت_4_5_2024م
#25_شوال_المكرم_1445هـ
الشاعر حسن لعيبي الحريشاوي:
تواترت اهل العلم سابقها واللاحق
مايوم مثلك أبد لاحقها والسابق
قولك حديث النبي وجبريل والخالق
بمجلسك شامخ تضل طول الزمن واثق
ماهزك الخالفك لاضَجَّت الناعق
مهيوب ياسيدي ياجعفر الصادق
الشاعر حسن لعيبي الحريشاوي
نعي عند حرق بيت الامام الصادق عليه السلام من قبل السلطة العباسية (وزن الفايزي)
يانار ينسى ابن النبي والمدمع ايفور
بالنار حرگوا منزله يامعدن النور
الصادق يداوي ياجرح بالگلب محفور
چم طفل فر بلاوعي من الخوف مذعور
طفاها نيران الغدر بالصبر مأمور
لن يدري من ياهو تجي طعنات الظهور
يانار ينسى ابن النبي والمدمع ايفور
دار الزچيه اتوجرت والحال مخطور
شبوها نيران الحقد من نار الصدور
مفجوع ضل بيت الوصي البلخير معمور
طاح الجنين على الأرض والضلع مكسور
ياريت لامسهم رحم لاذنب مغفور
لهلفاجعه الصادق يون دَلَّالَه مفطور
يانار ينسى ابن النبي والمدمع ايفور
من حرگوا أخيام الحسين ابيوم عاشور
هَجَّن حياره من الخيم رباة الخدور
وچم حيد طاح على الثرة والراس مطبور
لاجرح للصادق شفه ولاكسر مجبور
نار الگلب ماتنطفي بكل ماي البحور
الشاعر حسن لعيبي الحريشاوي
في ذكرى استشهاد الإمام جعفر
الصادق عليه السلام (وزن الميمر )
صادق العتره على الناس نور وتشع اعلومه
★★★★★
الصادق وماادراك أمامي الصادق
بلسان شرع الله ورسوله ناطق
العنده درس رد ابعلومه واثق
شارح كتاب الرحمان وسر غايته ومفهمومه
★★★★★
بلاحيره رد كلمن اجاه ابحيره
كل مبهم يوضح صعب تفسيره
لا ثوّري لامن عكرمه ولاغيره
احتاجوه ابد مايحتاج من أي بشر معلومه
★★★★★
الراد العلم يتحَرَّه عن اسبابه
يم جعفر الصادق لگاها ابابه
مثل الكواكب بالمجرّه اصحابه
هوه المجرّه للدين واهل العلوم انجومه
★★★★★
نافذ على كل علم علمه وساري
امسلسل حديثه مثل نبع الجاري
عن طه عن جبريل عن الباري
اصعب مواقف دنياه بيده صبحت محسومه
★★★★★
بعصرك امامي للخلگ صادقها
تغيب العلوم وطلعتك مشرقها
وجوه المسائل عندك ومنطقها
فقه وعلوم واداب من العلم منظومه
★★★★★
من آل اميه والأجه من بعده
بفيلق علومك قابلت كل شدّه
كل باب فتحوه للظلاله اتسدّه
بسيف العلم كل ميدان اعداك اصبحت مهزومه
الشاعر حسن لعيبي الحريشاوي
شـيّـعوا الـلـيـله نعـش مولانـه
فـاطـمـه تحـضر عـزائه اويانه
===========================
اليوم نعش الصادق ايغمره الحزن
على الوالد مـوسـى حگه من يون
شـيـعـتـه الـلـيلـه ولا تغمض جفن
حـتـى أمـلاك الـســمـه حــزنـانـــه
===========================
هذا ابن بضـعة نبيـنه الطاهره
مدرسه ايشع بالـعـلوم الزاهره
لجـله خلـوها المجالس عـامره
شـيـعـته وگـلـتـلـه لا تـنـسانـه
===========================
لعنة الله اعله الذي سـمه بغدر
خـله شيعتكم تنوح بكل عصر
بهالمصاب ارزقنه ياربي الصبر
كـبـرت الـهـذا الأمــر بـلــوانــه
===========================
أسـس الحـوزه الشريـفه الناطـقـه
شـمسه بانـت بالحقـيقـه المشرقه
بمنهج حسين السبط عالحگ بـقه
كـلا نـــاده لـلـظــلـم واعــوانـــــه
===========================
شيعوا نعش الطيب ودگوا الصدر
اليوم گلب ام الحسن صايـر جـمر
هـذا خـلـص بـالـعـلـم كــل الـعـمـر
هـذا دسـتــوره وضــح وايـمـانــه
===========================
غـمّـض عـيونه سلـيل المصـطفه
جـرح بحـضان المـنيـه مـن غـفه
اليوم صادقنه وسف نوره انطفه
هـوه شيـعه مـن صدگ سـوّانــه
===========================
هـا يشيـعـي خـلي لطـمك منبري
وارفـع بــعــز الـشـعـار الحـيدري
رافضي أبقه وحسيني وجعفري
ذولـــه أحـنـه بـــالشدد تـلـگـانـه
===========================
عـزوا طـه المصطفى بهذ الجره
أبــو عـبـدالله وســـدوه الــثــره
وهدمت قبره العصابه الـفاجـره
يمته نحـمـل عـالـطـغـاة الـوانـه
===========================
ربي كون ابجاه حـلال الـعـگـد
أبـوصالـح يحـضرلـنـه بالـشدد
مـدد يـالمهدي يبو القاسم مدد
هـالـفـسـاد ودولــتــه أذانــــــه
===========================
يمته تظهر يابوصالح ياشـهـم
كلها گامت بينه يالمهدي تـذم
يمته تاخذ ثارك وخيرك يـعـم
اتخلص الشيعه امن ابن مرجانه
===========================
3/5/2024 يوم الجمعه
24/ شوال 1445 هــ
الشاعر الميرزا محمد الساعدي
للصادق ولائي .. 😭💔
_*للصادق ولائي .... والجرح كربلائي*_
_*من قوله من فعله كل مالدينا*_
_*فقال احيوا امرنا واذكرو الحسينا*_
_*جعفريه ....... جعفريه*_
🔷🔳___
عن علم عن معرفه مو جهاله
وي نبينه المصطفى ويه اله
حجته سبحانه هو تعالى
غيرهم مانتبع لا محاله
عفنه كلشي .. وجينه نمشي .. بدرب مايقبل غلط
وبالرساله .. النبي واله .. الله عالناس اشترط
لوتودهم .. لو تضدهم .. ماكو صاير بالوسط
ولاؤنا لجعفر ..... تباً لمن تنكر
صادقنا حدثنا وحكى إلينا
فقال احيوا امرنا واذكرو الحسينا
🔷🔳___
كلمة الحق والصدق نتبعها
من اللسان الجعفري نستمعها
الناس اذا مو من علي كل شرعها
بالضلاله ينغمس مجتمعها
حجه الصادق .. والمنافق .. مامشه بحجايته
خان ربه .. وتاه دربه .. الما يتابع خطوته
وحنه نتبع .. صوت نسمع .. من جواهر حكمته
كلامه جواهر ........ يقوم المنابر
حديته نسمعه وله روينا
فقال احيوا امرنا واذكرو الحسينا
🔷🔳___
الصدق يقول انه احب هالمجالس
بيها ينقال الوعظ والتدارس
وحنه لازم نبتدي بالتنافس
وابعشقنه ننحسب ويه عابس
جعفريه .. رافضيه .. وسالفتنه كربله
عالمأتم .. منساوم .. عهد هذا انسجله
تره الصادق .. قوله صادق .. يالله خل نسمع إله
قال اركبوا السفينه .... واسعة امينه
سنضمن نجاتنا لو بها بقينا
فقال احيوا امرنا واذكرو الحسينا
🔷🔳___
الصادق ايوضح الأمر وافتهمنه
ومايضيع وينحسب كل المنه
لأهل بيت المصطفى ياخصمنه
من العباده ينحسب هذا همنه
وبعد افهم .. تره المأتم .. بيه تسبيح النفس
وياجزعنه .. ويادمعنه .. البلقبر يضوي قبس
تره .. هواي رحمه .. وخاسر المنها فلس
فإنها مفاز ........ بحشرنا جواز
بنية صافية هكذا سعينا
فقال احيوا امرنا واذكرو الحسينا
🔷🔳___
اليوم مجلسنه على الغالي جعفر
وعن عقيده فاطمه الزهره تحضر
شي اكيد ابهالعزه الصيحه تظهر
ماكو مثل امصيبتك يابو الاكبر
الزهره تحجي .. ويمها يبجي .. الصادق ودمعه يسح
تقول اقره .. ابنعي وحسره .. على وليدي المنذبح
جسمع عاري .. بالصحاري .. وراسه مرفوع ابرمح
فاطمة تنادي ........ قد قطعو فؤادي
والصادق بحزنه اومأ علينا
فقال احيوا امرنا واذكرو الحسينا
🔷🔳___
نــســــــألكم الدعـــــاء وبرائـــــــة الذمـــــه إن وجـــــــــد أخطـــــاء اثنــــــاء نقـــــل القصيـــــده
خــــــادمه لخدمـــــة الزهــــــراء وابنائهـــــــا عليهم الســـــــلام
_*خـــــــــادمتكم ( أمينـــــــــه) تسألكم الدعـــــــــاء🌹🍃*_
لا اجيـــــــــز حذف اسمـــــــــي
الرادود .... محمد الجنامي
الشاعر ...وسام الشويلي
https://youtu.be/6bA_UrABW90?si=ayQsDQwqzCdw0apq