7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
ابو ذيه للاربعين
لسان حال مولاتنا العقيلة عليها السلام
اريد اگعتد بصف گبرك ولا گوم
غيرك لا عشيره النه ولا گوم
اخبرك ظعن اخياتك ولاه گوم
اهل الشام وتوفت رقيه
🏴🏴
ام محمد الحجاج
كربله كربله .. گومي لضعون الحوره
كربله كربله .. باري الاجت مقهوره
نادي يامرحب .. هاي اجت زينب
@@@
من بعيد اضعون وصلت بالنياحه والدمع
وخلص الحس ابنعيهم والحچي ما ينسمع
وين اهل زينب اجتهم حيف محنية ضلع
عجزاها الدهر لگشر بعد راس المنگطع
كربله گومي إليها استقبليها بهالوضع
هالاصلها حسين بعده اجت مكسورة فرع
…
ها اجت ها اجت .. يخنگ دمعها الريه
وصلت وصلت .. هيه لچن مو هيه
والكلب يلهب .. هاي اجت زينب
@@@
جهزي ياطف فلاتچ هاي اجت اخت الشهم
واكنسي باگي المضارب من بعد حرگ الخيم
الخيمگه لعاشور ذكره كلها آهات وألم
وريحة الدخان بيها البيها ما كتره سلم
خيمة العباس ضمي ونكسي منها العلم
وشيلي خدر اللي تسلب گبل توصل بالحرم
…
اجمعي اجمعي .. اثار ليل الحادي
ونظفي نظفي .. من الدماء الوادي
للركب لو طب .. هاي اجت زينب
@@@
ابكل زوايه هالمحله ذاكره عدها ابجرح
وبالمصارع تدري زينب مانست كل منذبح
لكل ضحيه هيه چانت واگفه المدمع تسح
ياوذير ابسيف طايح يا قتيل ابجم رمح
ما نست رغم المسيره البيها مكسورة جنح
شلون اخوها ابيوم عاشر على وجهه منطرح
…
منذبح منذبح .. عالغبره ضامي امگطع
وعالرمح عالرمح .. راس الحسين اترفع
بشيبه لمخضب .. هاي اجت زينب
@@@
للعرب اطباع لمن يجي زاير من سفر
يهللوا اهل المحله وتنفرش ذيچ السفر
لاچن لزينب يوادي ضلها لو عندچ حضر
لا تغنين الاغاني للي خاطرها انكسر
الگهوه لاتصبين الها بالسبي ضاگت امر
وگبل ضيفتي العقيله اچفوف طاحن عالنهر
…
ضيفتچ ضيفتچ .. فگدت وفي ما مثله
من مشه من مشه .. شالت هضم منذله
بالضرب والسب .. هاي اجت زينب
@@@
خلي ياطف ويه زينب من تجي هالقافله
نادب يعدد رزايه ولطم ناعي شايله
واذا للعريس باقي شمع مرمي بهالفله
گومي عدليها الصواني وصيحي يازينب هلا
ريحة الحنا باديها من القاسم شايله
انطبعت وهيه تعالج هامه بالدم سايله
…
زفته زفته .. للحومه جاسم خله
وبالبچي بالبچي .. صوت الهلاهل تعله
معفر امترب .. هاي اجت زينب
@@@
بس توصل رمضة الطف همها ماظن ينجلي
اشد من ركب الهوازل بيها حيرة تبتلي
لان تذكر شاب وجهه نور كله ممتلي
ابيوم عاشر من ضماه ادمومه صبت تغتلي
طاح بسيوف العساكر وبالسماهر مبتلي
ومن تذكر من گلبها اتصيح وا لكبر علي
…
هالشبه هالشبه .. طه النبي بشباهه
مطشره مطشره .. جثته العدو خلاهه
شاب واتسلب .. هاي اجت زينب
@@@
ترى ياطف المصايب ما بگه لزينب احد
نوخ الناگه اليها وصيح يا حيدر مدد
ولو شفت يمها الرباب اتناغي وتهز ابمهد
ترى كاروگ البيديها خالي ما وسطه ولد
مات عبدالله ابمثلث منه دم نحره صعد
وعلى صدر حسين كسروا رگبته ابذاك الوتد
…
بالمهد بالمهد .. عبدالله بس اخياله
منفطم منفطم .. لما المثلث جاله
بالدمه اتغيب .. هاي اجت زينب
@@@
جات والصوغه بيديها راس اخوها ابهيبته
هالمشه وياها ابسباها اليوم للطف جابته
جبهته مشطوره لنها احجاره خطره صابته
وصوب حنچه جرح غاير دمه لطخ شيبته
ثغره مقروع ابحديده وصلخ صلخوا رگبته
وبيها طبعت چف رقيه الضمته من غيبته
…
طفلته طفلته .. ابسوط وحبل مطگوگه
ما اجت ما اجت .. ماتت رقيه ابشوگه
عالطشت تنحب .. هاي اجت زينب
@@@
علي أحمد الحمود
٢٤-٨-٢٠٢٤
الاربعين المقدس
#قصائد_في_خدمة_الخطباء
#الأربعين
#صفر_١٤٤٦
[قصيدة عمودية]
وصلتُ وفي فؤادي ألفُ شكوى
وصلتُ على وقوفٍ لستُ أقوى
فلا تعجب إذا ألفيتَ جسمًا
نحيلًا ذاق بلوًى بعد بلوى
حسينٌ يا حبيبي لا تسلني
طريقُ السّبي مشيًا كيف يُطوى!
رأيتُ مصائبًا في الدّرب شتّى
فمن حبلٍ إلى سوطٍ تلوّى
وأُدخِلتُ المجالسَ بعد عزٍّ
وصوتُ الشّامتين هناكَ دوّى
يعزُّ عليَّ أن أروي مُصابي
وما كلُّ الذي قاسيتُ يُروى
أتيتُكَ من مسافاتٍ وهمّي
كما جبلٍ على متنيَّ أهوى
أتيتُكَ بعد أيامٍ ثقالٍ
ومنّي القلبُ بالأشواقِ يُكوى
فما أحوالُ قلبِكَ يابنَ أمّي
أيكفي دمعُ عيني ذا ليروى؟!
برأسكَ قد أتيتُ ولستُ أدري
بمن ستكونُ لي في الدّرب سلوى
#عظم_الله_أجوركم ◾️
فاطمة علي رزق
اسألكم الدعاء
#الأربعينيه_المقدسة
#طور_التغريد_الحزين
#وصول السيدة زينب ع عند قبر الإمام الحسين ع
نحيلة والوجه متعوب .. ومسير الشام غيّرني
إجيتك والقلب مكسور .. بُعْدَك يالأخو هَدني
ما جفت دموع العين .. تدري بالشمر طقني
رِجعت وروحي خلصانه .. عسى بقبرك ترى تخلني
خذوني امقيده ابقوه .. وانت منذبح يا حسين
عجيبه النّوق ومدامعها .. بِكيَت حالتي والونين
لا ساتر ولا رايه .. وانا اتستر بكفوف اثنين
وإلك رديت بلا حيلي .. تلقاني يخويه الحين
تركتوني ما بين ارجاس .. شفت الما يمر عالبال
واحد يضرب ابمتني .. والثاني يشد الِ حبال
غريبه والدرب وحشه .. المثلي ما تصدها ارجال
تصدقوها الشمر حادي !! رافقني في ذاك الحال
🖊خادمة أبي الفضل
https://youtu.be/qsMmQo14XmE?si=iIkz4X0Yvw0VApyZ
ما ننساك ما ننساك يا بو اليمه ما ننساك ٢
☘️☘️☘️☘️☘️☘️☘️☘️☘️
ما ننساك ابد يحسين
دم عليك تسيل العين
انصارك احنا ابكل حين
من المهد بايعناك
☘️☘️☘️☘️☘️☘️☘️☘️☘️
ما ننساك ما ننساك يا بو اليمه ما ننساك ٢
☘️☘️☘️☘️☘️☘️☘️☘️☘️
من المهد للمحشر
خدامك ما نتغير
نقسم وبساقي الكوثر
وسط القلب ضميناك
☘️☘️☘️☘️☘️☘️☘️☘️☘️
ما ننساك ما ننساك يا بو اليمه ما ننساك ٢
☘️☘️☘️☘️☘️☘️☘️☘️☘️
لو قطعو منا الكفين
ما نعوفك ابد يحسين
نرخص الك ماي العين
بدم النحر بايعناك
☘️☘️☘️☘️☘️☘️☘️☘️☘️
ما ننساك ما ننساك يا بو اليمه ما ننساك ٢
☘️☘️☘️☘️☘️☘️☘️☘️☘️
وارث آدم وارث نوح
لمصابك قلبي مجروح
بالدم نفديك وبالروح
بدم النحر اه ننعاك
☘️☘️☘️☘️☘️☘️☘️☘️☘️
ما ننساك ما ننساك يا بو اليمه ما ننساك ٢
☘️☘️☘️☘️☘️☘️☘️☘️☘️
وارث توراة وانجيل
عن دربك ابد ما نميل
فكرك يظل جيل بجيل
بهذا العهد عاهدناك
☘️☘️☘️☘️☘️☘️☘️☘️☘️☘️
ما ننساك ما ننساك يا بو اليمه ما ننساك ٢
☘️☘️☘️☘️☘️☘️☘️☘️☘️☘️
الشيخ ابراهيم بنود
منقووول نازلي عبد الله
#نعي
خويه الدرب كلش طويل
يرادله مداره وچفيل
وانته ادره حمل اختك ثجيل
وكلساع من دونك يميل
كلساع اكشف الروس وانعه
وانلكب من النوح دمعه
ومن ونتي المدفون اسمعه
چن ونت المكسور ضلعه
من وصلتكم كلبي محروك
وذبيت روحي من على النوك
ولكيت باب الكبر مطبوك
ارد اشكي ليكم طبت السوك
تربع كعدت كبال الكبور
وانعيت مذبوحين النحور
جن عود يابس ضهري مكسور
فراك الخوان يحني الضهور
بترابكم ياخويه شميت
وعالكبر ماي عيون رشيت
كلبي انعصر حدما تبديت
ولمسامر الخوان حنيت
مصطفى حرب
#اللهم_عجل_لوليك_الفرج
من الشام خوية حسين ردينه( وزن الحدي)
من الشَّام خويه حسين ردينه
خلافك يتامه اليوم ضلينه
★★★★★
يبن أمي ياراعي الشْيَّم
تعبانه من شيل الجِدَمْ
بغيابك الحيل انهدم.
وياي من جبت الحرم
من هلبچي ماجازت اسكينه
من الشام خويه حسين ردينه
★★★★★
الموت طالت غيبته.
عگبك الروح اتمنته
انتظر ساعة جيَّته .
أخ الفراگ ولوعته
ترضه العدو بالدرب حادينه
من الشام خويه حسين ردينه
★★★★★
وجهك يبن خير البشر
اليتشبه بلونه الگمر
ابحر الشمس خويه انصهر.
وتاليها يرجع للحفر
وجه المحنه الچان حامينه
من الشام خويه حسين ردينه
★★★★★
من الحزن وين المفر.
والنوح والهم والقهر
ردينه عشرين بصفر.
اجسوم شفناها وذر
الچانت بضلها تغطينه
من الشام خويه حسين ردينه
★★★★★
ماجيت ياخويه ابعتب
وگلت الجره ليش انكتب
بس خويه عذبني التعب
عليك شكثر گلبي انتحب
من الهظم والنوح ملينه
من الشام خويه حسين ردينه
★★★★★
بالشام دفنينه غصن.
ماتت رقيه من الحزن
للدفن جيت من الدفن
راسك على جسمك يحن
أو وجه المحنه الينظر اعلينه
من الشام خويه حسين ردينه
الشاعر حسن لعيبي الحريشاوي
قصيده تقرأ مربعه وثگيل
للأربعين عند رجوع مولاتي زينب عليها السلام الى اخوتها بعد فراق اربعين ليله
ــــــــــــــــــــــــــــــــــــــــــــــ ــــــــــــــ
المستهل 👇👇👇👇
أخت عباس /ردت وي الضعون
تشگي حالها وزرگات المتــــون
ــــــــــــــــــــــــــــــــــــــــــــــ ــــــ
ويـــن اخوانه ويـــن النشامه
السوط اعله المتن خله علامه
جابت راس اخوها بلا عمامه
وبجيتها تدريهم يفرحـــــون
ــــــــــــــــــــــــــــــــــــــــــــــ ــــــ
گومـو بساع وتلگـوها زيـــنب
المـــــاعدها اخـو حيـل اتعذب
لفت ليكم بس الحـــال يصعب
مكسوره گلب هل ردت ام عون
ــــــــــــــــــــــــــــــــــــــــــــــ ــــــ
العدها خوان تفزع كون وياها
بس زينب وكتها ويـــن وداها
بــلا والي بقت أذتها دنيـــاها
انهظو بساع يربات اليعيــلون
ــــــــــــــــــــــــــــــــــــــــــــــ ــــــ
زيــنبكم وحيـــده لاتخـــلوها
بس عليـــل ويـــاها دعينوها
گومو بساع من الناگه نزلوها
حسافه اليوم عل غبره تنامون
ــــــــــــــــــــــــــــــــــــــــــــــ ــــــ
جابت روسكم ومحمله اشواك
تــدرون الأخت للأخــو تشتاك
هــــدت حيــــلها يــانار الفـراك
كـون مـن الگبر ليـــها تنهظون
ــــــــــــــــــــــــــــــــــــــــــــــ ــــــ
بالقلم المتواضع لخادمه الحبيب الملا أم سيف الدين غير مبري الذمه من يحذف الاسم وينسب الكلام له اهدي ثواب هذه العمل الى مولاي صاحب الزمان
في حق زينب والحسين ع
وين وداج الزمان وين رحتي
ليش يازينب عليه اتأخريتي
شبيهن امتونج زرك.
بيدج امبين حرك
وين رحتي
-----------------
خذتي وياج الكلب من مشيتي ويه الغرب
رحتي للشام
كلشي متغير اشوف وجهج يسولف طفوف
وبيج الام
راسمه بعينج صور. وذكريات عله. النهر
كلهن احلام
راجعه من السبي. كلجن ابطرك. العبي
وعندج ايتام
بالجمر مجويه اشوف اجدامج
ينكسر كلبي منشوف ايتامج
مبين عليهم تعب
عدهم هوايه عتب
وين رحتي
-----------------
بحسره جيتي الكربله. وياج كل العائله
وانه مذبوح
حالج يبجي الصخر. ظهرج شماله انكسر
يكتل النوح
سولفيلي عله اليسر وارجو ياخيتي العذر
مابقت روح
حتئ وانه. بلكبر. عندي هموم اشكثر
بدخلي اجروح
خبريني يختي عن حالت روقيه
ادري بيه مداله وراحت سبيه
زغيره ماتحمل ضرب
شلون نامت علترب
وين رحتي
----------------
ذني اديج منل الحبل. مجتفه وفوك الهزل
بحسره تبجين
صرتي ابطولج جرح. مثل اخوج المنذبح
وين ماوين
انتي كل نكلت جدم. يعني مصيوبه بسهم
ماكو معين
راجعه بكلبج ندم. شفت نيران. الخيم
بيج نارين
من رجعتي جبتي وياج المصايب
كلهم احبابج صفو حدر الترايب
نوحي وبجي علكبر
وسولفي بظيم اليسر
وين رحتي
------------------
وَيَنَ جنتي بيابلد. كلبي ياخيتي نمرد
حيل مشتاك
انه منج مستحي. وخففي شويه البجي
صعب الفراك
شفت بعيونج عتب. مدمعج يجري ويصب
جمر حراك
سامحيني كلشي راح. بقت بس حسره وجراح
عمري انباك
رحتي للشام ورجعتي بلايه رايه
ويغرب تمشين وبطرك العبايه
ونتج طعنت رمح
تلجم ابروحي جرح
وين رحتي
----------------
بمجلس الشامت يزيد. ونتي بيدينج حديد
كلهه شمات
شفتي يلحره عذاب. تحمليتي شكد مصاب
وبيج طكات
شمي ياخيتي الكبر. الصبر يامحله الصبر
جروح واهات
كومي رجعي للوطن. وخذي وياج المحن
وبيه حسرات
رجعي بظعونج يزينب لمدينه
ولو يسئلونج اخوج حسين وينه
انذبح كولي بكربله
نسبت كل العائله
وين رحتي
----------------
الخادم
رحيم الصالحي
قصيده للاربعين
على طور ناذر اسنيني
اليوم ردينه انزور والينه
بالالام
نجذب الحسره ونوصل الكبره
بالالام
🏴🏴🏴🏴
من بعد غيبه طويله اليوم رديت
لشوفت ابن امي يهالوادم تعنيت
من شفت كبره طحت وعليه ونيت
صحت ياخويه وجمر من عيني هليت
صحت حاجيني اسمع اونيني
بالالام
اهمل العبره واوصل لكبره
بالالام
🏴🏴🏴
جيتكم احجيلكم ضيم العليه
خويه من يو م الرحت عنكم سبيه
وانتو يخواني ضحايا عالوطيه
عالهزل ركبوني وشدوا اديه
بحبل جتفوني وبجوا اعيوني
بالالام
والدمع يجره اوصل لكبره
بالالام
🏴🏴🏴
خذونه للكوفه يساره نلطم الراس
التمت اعلينه يخويه وتنضر الناس
واحنه نصرخ وين عنه اليوم عباس
يحضرلنه يشوفنه صاحب النوماس
يشوف حالتنه باليسر متنه
بالالام
كلبي شيصبره اوصل لكبره
بالالام
🏴🏴🏴
خويه مسبيات رحنه لديره الشام
مقيده بحبال خشنه ويه الايتام
وعالرمح راسك امعلك خويه جدام
وانه اصد ليه وعليه اتزيد الالام
امنصب اكبالي يذوب دلالي
بالالام
المنكطع نحره اوصل الكبره
بالالام
🏴🏴🏴
خويه برض الشام يبن امي انولينه
طلعت الوادم وتتفرج علينه
واحنه مجتوفات ومقيد ولينه
لو تشوف اشلون حالتنه وسبينه
ايتام ويانه وفتنه ديوانه
بالالام
لحالي اتنظره اوصل لكبره
بالالام
🏴🏴🏴
ريت شفتو دخلونه بالدواوين
واحنه نصرخ وين اهلنه نهمل العين
شفنه راسك بالطشت ياخويه يحسين
اكبالنه يضربه اللعين ويشتفي زين
يضربه جدامي راسك الدامي
بالالام
النار مستعره اوصل الكبره
بالالام
◾️◾️◾️◾️◾️◾️◾️◾️◾️◾️
خادمه اهل البيت
ام حسين الهلالي
اسالكم الدعاء لي ولوالدّي
لا اجيز شرعا ًحذف الاسم
#اربعين_الحسين
قصيدة لنهاية خدمة المواكب الحسينية ايام اربعينية الامام الحسين عليه السلام على لحن( حلو بيارغهم)
........
لمو چوادرهم
وودعو زايرهم
والعين تبچي دم على المشاية
ماقصرو چانو صدگ وفايه
تشهد مواكبهم
تشهد مواكبهم
.................................
اليوم المواكب صبحت مسدودة
وين المعزب الچان يطي ابزودة
وين الرواية الشچخوها السودة
يحسين منك طالبين العوده
ويتمنى كل خادم
للموسم القــــــادم
يخدم احسين ويتعب الزواره
ويكتبهم المظلوم وي انصاره
وامه التسجلهم
لمو چوادرهم
.................................
ميزان حگ الخدمة واكبر عادل
خدمة شريفة وماتعرف الباطل
اليوم ابو الموكب حيف صبح شايل
والدرب عالزوار مدري اشگايل
المشايه ماهمه
ودروبهم ظلمة
اتصيح الشوارع وينكم دوسوني
موهينه من تمشون وتخلوني
وين المشو حيهم
لمو چوادرهم
...............................
هنيالهم لحسين ادو واجب
ايقدمون كلشي والحسين ايحاسب
وجوههم تضحك شباب وشايب
خدمة نقية ابلا شُكر لاراتب
گالوها الف مرة
رادو رضا الزهره
يازهرة والله حسين ماناسينا
وبهذا دربچ يم حسن خلينا
والزهره تقبلهم
لمو چوادرهم
..........................
الهاي الزيارة احسين ينهده ربعه
وشمل النشامه ابهالزيارة ايجمعه
وكلما يخدمونه ايتلايم ضلعه
والچبد يروه من تطيح الدمعة
وكلهم يحبونه
يسوه ويخدمونه
وكون الحسين ايگول هل من ناصر
لبيك يســــــمع من الخَدم والزاير
واحبابه يعرفهم
لمو چوادرهم
..............................
هاي النهاية وهاي هيه الختمة
وعدنه وي ابو السجاد ظلت كلمة
باچر بيوم الاخرة نصيح اسمه
نريده يسمعنا ويجي من نحشمه
ويشفع الخدامه
الناحو على اخيامه
ويصيح ابو السجاد يوم المحشر
اخذ الاعزاز الجنتـــــــــك يالاكبر
ويّانه اجو كلهم
لمو چوادرهم
.................................
ام علي رضا الشريفي الحسيني
الفاتحة إلى روح
خضير بن زوينه
عية بت دعدوشة
لطميه
اربعينية العباس عليه السلام
......
قبل الاربعين
( طوركل ما اشوفك بالطيف باسم )
......
كل ما اشوفك عباس
يا هيبتي اوتاج الراس
يا خويه ياضي عيني
ضليت اون خويه اعليك
واذكرها كطعة ايديك
يالخوتك تحييني
......
يالي نمت علمشرعه اويمك اجفوف امكطعه
اوكلبي تهل عيني دمعته
اومن انظر اهناك العلم
والعين طراها السهم
والماي فايض من كربته
انحب وانادي يالاخو
بعدك على الدنيه العفو
يا اخو مثلك ضيع اخته
خويه اربعينك كربت
يالعفت اختك اورحت
كلبك يخويه ما كسرته
ياخويه جا مايشجيك
نوحي ولا اياثر بيك
مو انته الشاريني
كل وكتي خويه ابطاريك
واذكرها كطعة ايديك
يالخوتك تحييني
......
خويه أربعينك كرب
طرني الفلك ويه التعب
او ضيم الدهر لاختك صدعها
عباس منته كافلي
انته الي كلت ادللي
كوم امسح الاختك دمعها
زينب تراني ام الخدر
وانته الدكيت الصدر
خويه الدهر عيني شلعها
اتمنيت لا طال العمر
واصرخت وينك يا صبر
روحي شلي بيها اشنفعها
يا خويه طالت الايام
مهظومه اختك بالشام
عباس متحاجيني
يا خويه محتاجه ليك
واذكرها كطعة ايديك
يالخوتك تحييني
......
عباس خويه رايتك
جابوها واختك حيتك
من موضع الكف قبلتها
ابوسط الطغاة انه اهتفت
عباس مرحب مضرعت
اورايتك خويه انا شلتها
بيك افتخر يا عزوتي
ياتاج عزي اوهيبتي
النهظه اختكم كملتها
مرفوع راسي بخوتي
اميسريني بس ابنظرتي
اعداي كلها حقرتها
بت حيدر اناالكرار
وانتو يا ابناء العار
تحجيها عيني
اخباري انشد تنبيك
واذكرها كطعة ايديك
يالخوتك تحييني
.......
خويه يعباس اليوم
احجي اوكلبي مالوم
عن محنة الشام اوهضمها
الشام كلهم ارجاس
لا دين الهم لااحساس
محنه اوشلت خويه المها
مله فلا عدهم دين
دف اوطبل فرحانين
جهال بس الدنيا همها
ايقضت بيهم فطره
من كلت ابن الزهره
اولاد النبي الخضبهادمها
تدرون هذا الحسين
جده النبي الياسين
والدين ديني
النبي جدنه ايقاضيك
واذكرها كطعة ايديك
يالخوتك تحييني
.....
خويه اريدن للوطن
ارجع امكبعه بلمحن
ما اريد انسه الشفناه
من جور عباد الوثن
شوفونه انواع المحن
مر الهظم جرعناه
مصاب الحسن اتذكره
ومصاب عاشور الجره
كاس الشدد شربناه
صابره وحز كلبي الصبر
مجبوره اصبر والصبر
امن امنه درس حفضناه
خويه اريد اوصل ليك
واعتب لمن ابجيك
يا نورعيني
يمته اشوكت اوصل ليك
اذكرها كطعة ايديك
يالخوتك تحييني
......
خويه وصلت الكربله
وياي جبت العايله
عباس چا وين الكاه
نايم حبيبي بالثره
وزنوده الي امبتره
دفنوها انشد وياه
والعمد راسه امهشمه
اوعينه اصبيها من همه
اذكره لا ما انساه
اكعد يبو فاضل جيت
خويه ارد اقبل ايديك
اسمحلي اوخليني
يا خويه اريد احييك
اذكرها كطعة ايديك
يالخوتك تحييني
.......
الحاجة ام احسان الخاقاني
💔فزاعية للاربعين
................
جايه زينب لعد ولياها
جايبه روس الاهل وياها
-----------
رديتلج ياكربله انطيني جواب
شفت منج بس قهر انه وعذاب
من رجعت شفت اخوتي تحت التراب
ومنهم الحرة اكطعت رجواها
---------------
كربله رديتلج باحزاني
كربله من الشام ولولياني
كربله ما واحد اتلكاني
اطفالهم وعيالهم جبناها
--------------
كربله من المدينه ابعز اجيت
وباليسر وي الشمر تالي مشيت
صحت وينه كافلي بصوتي ونخيت
الجابها خله يجي وياها
------------
كربله وين الكبر يتصارخن
كربله يهل المروة حشمن
كربله اعله كبورهم تالي هون
مانهض واحد سمع نخواها
--------------
كربله جيناج وتعنينه
كربله كوميلنه اتلكينه
كربله اعلى كبورهم دلينه
نخت وما واحد سمع نخواها
-------------
كربله منج لعد بلدة الشام
كربله ومحيره بعيله وايتام
كربله وبخوف وبليل وظلام
كربله وبيها الهظم شفناها
----------
كربله امرار اليسر لوعنه
كربله واليوم ليج ارجعنه
كربله انصيح ومنو اليسمعنه
هذه غدرج كربله اعرفناها
------------
كربله من جيت انه بعزتي
كربله وبجال اهلي واخوتي
كربله وهاليوم اجرن حسرتي
كربله ليج وجهت شكواها
---------- -------
اربعين ليله وين تالي اكضيتهن
بالشام كل ساعه بسنه عديتهن
كربله اضفوف الحزن لميتهن
رايحه اشجيهن الجدي طه
---------- ------
ام عمار تمدحلج او دومها خادمه
تظل تجهر ابد لامو نادمه
بجاه ابو اليمه التغرج بالدمه
بالحشر رايدتكم انتو وياها
---------- ------
تمت بعون الله تعالى
لشاعره اهل البيت ام عمار الصائغ
نسالكم الدعاء
*بشان اربعين الحسين عليه السلام*
🚩🚩🚩🚩
*جابر ياجابر جِيت وهمومي ثجيله*
*ويالحـرم ننصب عـزا لبن الجـليله*
&&&
جابر ياجابر گوم واسيني بلاحباب
گلبي تلوع بالهضيمه ودمعي سچاب
چم نايبه چم فاجعه جرعت ومصاب
*من الاعادي بكربلا روحي نحيله*
&&&&&
اهنا ياجابر ريت حاضر ارض الطفوف
شـفت الرزايـه والابـو مابين الالـوف
مذبوح ضامي بلا رحم ابحد السيوف
*الشمس غابت والسمه تنعه رحيله*
&&&
جابر ياجابر والمصيبه تهد الجـبال
يوم الصعد شمر الخنا صدره بالنعال
هبر وداجه بمرهفه والراس له شال
*عالرمح راسه مشهره دمه يسيله*
&&&
جـابر اخبرك بالكفيل اعله الشريعه
بالعمد راسه منفضخ والله فجيعه
منه يساره ويمنته صارت گطيعه
*والماي يمه ماشرب ذايب دليله*
&&&
جابر شبيه المصطفى جسمه توذر
والقاسم بدم حنته وگلبه تفطر
وبـنبلـه صابـوه الـرضيع الله وكبر
*ابلوعه انظر للاهل ماعدي حيله*
&&&
جمره بدليلي ودمعتي ماتهيد بالليل
عمتي شفتها بـالـفلا بين المچـاتيل
ويتام كلها مروعه مسحوگه بالخيل
*اتنادي وينك ياعلي حامي دخيله*
&&&
اعظم مصيبه شاهدت دخلنته لشام
طبت المجالس عمتي ومنشره اعلام
ويزيـد يتشمت علينه وحـنه بـالام
*ايگول منعدنه اشتفه وبرد قليله*
&&&
جابر ياجابر لوشـفت راس الشفيه
بـالخـيزرانـه يـنكـثـه ابن الدعيـه
ايگول يوم بـيـوم يـاابـن الزچـيـه
*الثار خذنه وهم سبينها للعيله*
&&&
حيلي تهدم من اجينه شفنه الگبور
كل الحرم اطايحن إيلطمن اصدور
روس الاحبه بيديهن والدمع منثور
*وگلبي عليهم بالهظم زايد عويله*
*عاشقة الولايه*
*نسالكم الدعاء*
شوط كربلائي للاربعين
رديـنـه حـرم و ايـتــام مــن الـشـام رديــنـه
ننشد عـالكـفـلـنه ويـن وعـن حـسيـن والـيـنه
◼️▪️◼️▪️◼️
اريـد الـلي كـفـلـنـه كـون ضعـن الـعــايـلـه أيـشـــوفـه
مـن اول طـفـل مـچـتـوف لاخـــر طـفــلـه مـچــتـوفـه
خل يحسبـنـه عـنـده ضيـوف اللـيـله ويكـرم اضيـوفـه
من يكـرم يشيل الـراس
اخـويـه والنـعـم عـباس
الجود امـبـيـن ومقـياس
و اول جـوده بـالـطـف چـان جـاد بـچـفـه وبـعــيـنـه
◼️▪️◼️▪️◼️
واريـد حـسيـن ابـو الـيـمـه يـشاهـدنـه حـرم وايـتــام
مـن بـعـد اليـسـر كـلـنــه سبـايـه وجـيـنـه مـن الشـام
نـريـد حسيـن ابـو السجـاد نـشوفـه والگـلـب محـتـام
نـلـوذ ونـگـعـد بسـده
بـدموع العيـن ونشده
نگله الضعـن شيـرده
لـرض الـوطـن يامهـيـوب خـويـه حسيـن حـاچـيـنـه
◼️▪️◼️▪️◼️
واريد احچي ويراعي الجود واخبره بالجره والصار
يساره مـن بـعـد عـيـنـه مـشيـنـه والـفـكــر مـحـتــار
نـفـكــر بـالـبـقـه وعـفــنـاه نـفـكـر والگـلـب بـي نـار
يساره اخلافكـم رحنه
ورديـنه بالــف محـنه
احنه البـعـرش احـنـه
يخـويـه مـن گـبـل ادم بشرف مكـتـوبـه اسامـيــنـه
◼️▪️◼️▪️◼️
واحاچي حسيـن ابـو السجاد خـويـه وشوف حـالتـنه
يساره وچـنـه بــرض الشام وانـظـر هـسـه ردتـنــه
اجـيـنـه نـشـوفـك ومـاشيـن لـرض الـوطـن نـيـتـنـه
اجـيـنـه والـدمع هـمـال
يخويه بس حرم واطفال
وعـلـيـلـك انظـر بياحال
امگـيـديـنـه بسـلاسـل چـان ابـنـك عـلي امگـيــديـنـه
◼️▪️◼️▪️◼️
واريـد انـشــد عـلى الكـافـل خـل يگـعـد يـشـاهــدنــه
سبـايـه ومـن بـعـد عـيـنـه ولا والـي الـبـقـه عــدنــه
مـثـل مـا جـابـنـه العـبـاس يـرد بـيـنه لـوطـن جــدنـه
كـفـيلي والنـعـم مـنــه
طـاح بـدمـه وتـحـنــه
نـذر عـمـره ولا چـنـه
نـطـاهـم عـالنـهـر عـبـاس عـيـنه وضـحـه چـفـيـنـه
◼️▪️◼️▪️◼️
شاعر اهل البيت (ع)
رياض الرسل الجابري
للاربعين
🏴🏴
تعبانه كلّش رجعت ام عون
محني ظهرها ومالگت عون
بصوت النواعي تنادي عباس
انهض يخويه اتلگه لظعون
واويلاه يازينب واويلاه يازينب
🏴🏴
ادير بنظرها بگلب محروگ
ماتانت ينوخونها النوگ
ذبت نفسها ام عون للگاع
صرخت لچنهه بصوت مخنوگ
ماتقبل يسمعونها الناس
ولخيالهه تندار العيون
واويلاه يازينب واويلاه يازينب
🏴🏴
ونّت ونين يفت الگلوب
ياناس گبر حسين ياصوب
دلوني اخوي بيا كتر صار
گلبي تراه اصواب مصيوب
حدر العبايه جابت الراس
محتاره حيره شلون وشلون
واويلاه يازينب واويلاه يازينب
🏴🏴
يصعب عليها ادّفنه وتروح
هيّه واخوها الروح بالروح
لو تاخذ الراس وترد بي
ليل ونهار اتحطّه وتنوح
بالشمس خافن بعد ينجاس
اروَحله اظن من كونه مدفون
واويلاه يازينب واويلاه يازينب
🏴🏴
اتمددت طول اعلتراب
واتنادي خويه يغله الاحباب
الف وتسعمية جرح بيك
ياجرح منهن بعده ماطاب
شيطيّب البلحافر انداس
وبلخيل صدره بكبره مطحون
واويلاه يازينب واويلاه يازينب
🏴🏴
هيه وبناته سوون افياي
فوگ الگبر للما شرب ماي
بالشمس گعدن والوكت حار
زينب اتصبّر ذيچ يو هاي
امن عزازهن گطعن الآياس
شبعن بواچي ومايگعدون
واويلاه يازينب واويلاه يازينب
🏴🏴
بلون العبي لون الوجه صار
من الحراره وكثر الغبار
شمسويه بالنسوان ال اشموس
يامن عمت عيني الوكت حار
چانن بترف الورد والياس
ماظل عليهن باليسر لون
واويلاه يازينب واويلاه يازينب
واويلاه يازينب
🏴🏴
ام محمد الحجاج
#قصائد_في_خدمة_الخطباء
#الأربعين
#صفر_١٤٤٦
(وزن الطويل)
سامحني يبو السجّاد .. عنّك غيبِتي طالت
واعذرني إذا شفت ال .. مُتون مْن الضّرب مالت
١/أريد احچيلك الشّفته .. منّ طْلَعِت من يَمّك
مِشيت وْبالچُفوف حْبال .. وِبْگلبي شِلِت هَمَّك
عفتك عاري فوگ الگاع .. موذّر عالرّمل جسمك
مرضوض بْحوافر خيل .. ذيچ ال عالصّدر جالت
٢/ودّعتك يضيّ العين .. وْمِشيت بْلا أهل واخوان
وظلّت حاضِره بْبالي .. صورة ثغرك العطشان
وِصَلت الكوفه وابن زْياد .. زوّد عالگلب لاحزان
خلّه بالطّشت راسك .. وْلجله دمعِتي سالت
٣/ولارض الشّام ودّوني .. وْيِزيد تْشَمَّت بْحالي
ظل يِسألني وِيْناشد .. عنّ اهلي وْعنِ رْجالي
تالي راد يضربني .. وْما موجود كفّالي
لكن ربّي گوّاني .. وْمِنّي عْداي ما نالت
#عظم_الله_أجوركم ◾️
فاطمة علي رزق
اسألكم الدعاء
#الأربعين
#طور_زينب_إجت_لحسينها
#وقوف السيدة زينب ع الى قبر العباس ع
إنْهَض يا راعي المرجله
وين اليقِلّي يا هله
لُوني تِغَيّر عالبله
كلها الليالي كربله
ردِيت واجِيت بحَسرتي
رِيتك تعاين حالتي
مَسلوبه مني راحتي
وينك تِنَوّخ ناقتي
عميه عيوني ما اشوف
ساعة وَصَلناها الطُفوف
حَسَبْتَك تمِدّلي الكفوف
معتاده تنهض يالعطوف
تدري الجرى عليّه شَقول (اعذرني يبوفاضل)
شمر الخنه صدني ويقول
مسبيّة يابِت البتول
ودرب السّبي عليكِ يطول
شحكي عن جروحي وعِدّ
سوط وشماتة وكم بعد
والذّابح بروحي اللّحد
ما يشبه لطولَك ابد
🖊خادمة أبي الفضل
#الأربعينية_المقدسة
#طور_لمن_حدى_الحادي/ حضربني يالزهره
#وصول السيدة زينب ع عند قبر الإمام الحسين عليه السلام
خويه إلَك رديت مهمومه تعبانه
لو تُنظر لحالي مشتاقه ولهانه
قوم انفض اترابك رديت إلَك توى
جِيتك ينور العين حنيّت إلى الخوه
وين الهله خويه قوم وتلقانه
جينا ومدامعنا تروي ممشانه
شو طابت النّومه يبن امي يالغالي
رِيتك تِرد لَيّه وتجبر إلي احوالي
حرّ الشمس خويه الغيّرها الواني
والسوط بمتوني محنية خلاني
بقد حزني مشتاقة أشتمن اترابك
واتمدّد بجنبك وانعيلك احبابك
إعذريني راح احكي عالناقه خلوني
من كربله للشام كم مرة بكوني
🖊خادمة أبي الفضل
سبونه اسمك الغالي وردنه
ذكر عباس من عنده وردنه
رجعنه الكربله خويه وردنه
تشاهد عيلتك يابو رقيه
........
الشاعر
اياد الفرح المهدوي
((نزله))
يحادي من تمر بحسين ريض خلي اودعنه
اريد اتمدد انه وياه و بصدره اشمنه
.......
اريد اتوادع انه وياه خافن ما بعد ارجع
بس محتاره اشبكه شلون هوه موذر مكطع
رايدله نهار وليل حته بجسمه الم وجمع
صدره ويه الرمل مطحون كد ما خيل داسنه
........
خل اتعاتب ويه حسين محله معاتب الخوه
اكله حسين تدري شلون بيه فراكك شسوه
لا حيل البقه ولا صوت بسمك لو صحت كوه
كوم وحشم العباس جا وين التكفلنه
.......
وين ازلام هاشم وين زلم التعدل الميله
وين الدك صدر والجان بيده يعكد الشيله
زينبكم سبوهه اجناب ويمهه وصلت العيله
من سياط ابن مرجان خويه متني كسرنه
.......
اجيت بريحة الدخان واثار الحرگ بيه
ماضلت خيم يحسين حركو خيمتي عليه
انه بت علي الكرار وسفه اسمه مسبيه
واحنه الخايف ومحتار يركض لايذ بسدنه
.............
الشاعر مصطفى الحسني
قصيده ثكيله للاربعين { ماعدهه والي }...💔
زينب اجت ملهوفه لكبور الغوالي
مهظومه وتهيل الترب ماعدهه والي
مولاتي محنيه... و بالاربعينيه
لون الوجن مثل العبي والدمع هالي
ـــــــــــــــــــــــ✿ــــــــــــــــــــــــ
تعبهه ويلي افراگهم والگلب محتام
ماخله حيل اعليهه ذاك الاگشر الشام
مهضومه جي ماعدهه اخو ابسده تنام
معتازه للخوه... ولليسمع النخوه
تكول شكثر ناديت اله بس ما اجالي
ـــــــــــــــــــــــ✿ــــــــــــــــــــــــ
معتازه للكافل تنادي وينه عباس
مشتاكه لعيونه الحنينه الكلهن احساس
بگلبي العمد طگاني لمن لامس الراس
يا سيد الغيره.... المامش بعد غيره
حاضن سهم عالمشرعه جان ببدالي
ـــــــــــــــــــــــ✿ــــــــــــــــــــــــ
درب اليسر اذاهه كبرت ويلي شيبات
مو هينه تترك غالي ويأسروهه شمات
مذبوح اخيج بيهه صارت هايه صيحات
صياح السكن بيهه... كلش يأذيهه
ايفزز گلبهه لو هده بذيج الليالي
ـــــــــــــــــــــــ✿ــــــــــــــــــــــــ
ايفزز گلبهه صياح حتى يبدي الونين
عطشانه للخوه بقت من ذبح الحسين
هضمتهه زينب حيل طبات الدواوين
مشتاكه لاخوتهه.... اه يا مصيبتهه
الكالت دفنتوا الحيل وي عزي ودلالي
ـــــــــــــــــــــــ✿ــــــــــــــــــــــــ
حيل الجويه بت علي بالحومه مدفون
كلش عزيز الوالي ماخذ شوف العيون
مو بس عزيز الفگدته مولاتي ام عون
عزاز الدليل هواي...ماضايگين الماي
امصايب جثيره ابكربله شدهتلي بالي
ـــــــــــــــــــــــ✿ــــــــــــــــــــــــ
#الشاعره المله هاجر الزينبية
لا اجيز الحذف او التلاعب بالكلام ❌
(عزيه لبداية مجلس الاربعين (الشيخ البيابي)
🚩🚩🚩🚩🚩🚩🚩🚩
مشتاقه لخواني
ماحد تلقاني
ماحد تلقاني
ياكربلا جيت
🚩🚩🚩🚩🚩🚩
انا العزيزه زينب الكبرى .
ياكربلا شوفيني متغيره .
مرّه اجيت بأخوتي ومره .
انشد عن اخواني وأصب عبره .
♦️هالمّره هالجيه
مفجوعه مسبيه
مفجوعه مسبيه
ومشتاقه رديت
🚩🚩🚩🚩🚩🚩
دليني قبر حسين والعباس.
يشوفون بيا اشسوت الارجاس .
آنا العزيزه وهلي اهل الباس
ذليت واعليا ينوح الراس
♦️كلما نظر حالي
صبّ دمعه قبالي
صبّ دمعه قبالي
يسمعني ونّيت
🚩🚩🚩🚩🚩🚩
ياكربلا لوما ذبح اهلي
ماحد هظمني ولا لمح ظلي
ياكربلا بالله انشدچ قِلّي
ماحد نشد عن خدري ورحلي.
♦️مانشدوا شلوني
اهلي اليحبوني
اهلي اليحبوني
اسرى وبلا بيت
🚩🚩🚩🚩🚩🚩
چنها تقلها كربلا وتنحب
شرفتي اهلا بيچ يازينب
متغيره راسچ بالسبا شيّب
لاتخافي ماظل عندي مترّب
♦️مدفونه احبابچ
وترابي اترابچ
وترابي ترابچ
بيهم توصّيت
🚩🚩🚩🚩🚩🚩
هذي اقبور اهلچ يابت حيدر.
ماظل على ترابي ولامعفّر
مدّي البصر شوفي يضوّي البرّ
قبه ومناير باچر واكثر
♦️باچر ترفّ رايه
وتجيني مشايه
وتجيني مشايه
حسبيني وفّيت
🚩🚩🚩🚩🚩
قومي يازينب شوفي اشصاير.
ضجه وبواچي بجانب الحاير
لبيك نادى بحرقه كم زاير
يتمنى لو موجود بالعاشر
♦️ياليت وبعاشور
يوقف ويحامي خدور
يوقف ويحامي خدور
ياليت ياليت
🚩🚩🚩🚩🚩🚩
تمت
نسالكم الدعاء🌹🌹
نعي للحسين عليه السلام
مثل يحسين مازورك وطب لحضرتك نعاي.
اريد بقبري تحضرني وبالوحشه تكون وياي.
احضرني يابوليمه في ساعة لا احد ينفع.
وحق الحسره بعروقي وحق الطمه والمدمع.
خصوصا ليلة الجمعه لمن تلفي لا تطلع.
تنور قبري بوجودك يلي ما شربت الماي.
مثل ما كنت احط ايدي على قبرك
انا بعمري .
اقرا الفاتحه ليه وحط ايدك على قبري .
شوف التربه يم راسي وانت بها الامر تدري.
بحياتي وموتي يالغالي اشوفك منيتي ورجواي .
فنيت بخدمتك عمري وتشرفت
بالخدمه لا تنساني في موتي
واحضرني يابو ليمه.
شرفني على ترابي .
واكشف عني الظلمه .
حتى بعالم البرزخ.
اطلبك ياحسين بهاي.
بضغطة القبر ادري اماني والوسيله انته.
تعال هناك واحضرني قبل ما عظمي يفته.
ومن خشمي حليب امي بعده ما طلع حتى.
ارحم ضعفي هالساعه والغربه في
بيتي الجاي.
حط ايدك تحت راسي تشاهد سيدي
منديل بيه انا كنت امسح دمعي الي عليك يسيل .
واسمك عالكفن مكتوب وانا مرتله ترتيل .
والله يجيتك قبري يالغالي تقر عيناي.
...................
تمت بقلم ام علي اسالكم الدعاء
#اربعين_الحسين
يالماخذك گوة الگبر....اگعدلي جيت من اليسر
انوب نگعد من صدگ....يحسين ابد مانفترگ
يخوية يخوية
.............................
اگعد لخيتك يالولي راح اتموت
يالماحظيت بلا غسل لاتابوت
وماشيعك ولاصاح بيك الزاتوت
گعديت يم گبرك او مبحوح الصوت
يحسين خويه عودينه... جيناك شو دطلع علينا
يخوية يخوية
.................................
جيناك يابو سكينه لمة نسوان
مابينا حيل ويبره لينه الوجعان
جينه ولگينه الولي ابنص التربان
وذبيت روحي امن الهزل يالعطشان
مالايگتلك نومة الطين... شفت الگبر وانفگست العين
يخوية يخوية
.....................................
من عگب ذيچ الخرايب يالولي
وذاك چتالك اليبره المحملي
جيت امرك آخ ياريحة هلي
بلكي تطلعلي وتگلي اتعطلي
بلكي اسمعنك تصيح.... خل اخيتي تستريح
يخوية يخوية
....................
جبت راسك لاچن ابلايه ضوه
امغير امن الشمس يحسين انچوه
راس وجناتك يمذبوح استوه
وشيبتك يحسين دمرها الهوه
امگابلينك بالدموع... اه يمرضوض الضلوع
يخوية يخوية
................................
اليوم يوم الاربعين ابكربله
وبعد مامش ملگه ومامش هله
بعده حزنك ياحسين ابأوله
شلون بيه الفگد مااتحمله
وراح تبطون اشكثر.... بيش يطلبني الهجر
يخوية يخوية
.....................................
ام علي رضا الشريفي الحسيني
رحم الله من يقرا سورة الفاتحة مسبوقة بذكر محمد وآل محمد لارواح👇
حسيبة بنت كلثوم
علية بنت غندة
رغد بنت مريم
عبدالحسين بن حواء
#الأربعينية_المقدسة
#طور_لمن_حدى_الحادي/ حضربني يالزهره
#وصول السيدة زينب ع عند قبر الإمام الحسين عليه السلام
خويه إلَك رديت مهمومه تعبانه
لو تُنظر لحالي مشتاقه ولهانه
قوم انفض اترابك رديت إلَك توى
جِيتك ينور العين حنيّت إلى الخوه
وين الهله خويه قوم وتلقانه
جينا ومدامعنا تروي ممشانه
شو طابت النّومه يبن امي يالغالي
رِيتك تِرد لَيّه وتجبر إلي احوالي
حرّ الشمس خويه الغيّرها الواني
والسوط بمتوني محنية خلاني
بقد حزني مشتاقة أشتمن اترابك
واتمدّد بجنبك وانعيلك احبابك
إعذريني راح احكي عالناقه خلوني
من كربله للشام كم مرة بكوني
🖊خادمة أبي الفضل
💔للاربعين
:
🚩 آه وا ويلاه يا أم الخدر 🚩
آه وا ويلاه يا أم الخدر
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اليوم ردت زينب الأرض الطفوف
والدموع إبهذا محملها تطوف
تصيح يا عباس يا راعي الجفوف
ردت أختك كَوم و إتلكاها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
إبصوت صاح الكافل و مدمع يسيل
إشلون هالحرة يحاميها عليل
ما مشت بت حيدر إبلاية كفيل
إبروحه كافلها يسير وياها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
تصيح زينب يا شبل خير الرجال
هالمصيبة هدمت حتى الجبال
لا تدور عنها ما بين العيال
خولة بنتك ماتت إبممشاها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
زاد صوت الحسرة و إزداد النحيب
بس جسد للحرة جن كَام الغريب
يصرخ بصوت الجروح ألما تطيب
إبنيتي خولة وجانت إشمحلاها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
كَال أريد أسأل يزينب بس سؤال
شو رقية ما إجت وي الأطفال
جن جنت أسمعها تصرخ بس تعال
الله يلعن كل بشر آذاها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
نادت الحرة على رقية السلام
عن وصف لوعتها يحتار الكلام
جانت تريد بوسط حضنك تنام
وتشكي عندك ضربة البجاها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
تالي ماتت يا وسف بنتك حرام
هالكريمة الطاهرة بنت الكرام
بكل حقد ضربوها أشياع الظلام
تعنتك و إنت الذي تراعاها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
#إم_الخدر
🍀 #علي_حسن_الكناني
*تصيح الحزينه*
ااا*فزاعيه في الاربعين*
*يابو فاضل قوم لينا*
*ردت تصيح الحزينه*
قوم واتلقه حرمكم
من اليسر ردن اجنكم
شيلهاا الرايه وعلمكم
*تصيح وينك ياولينه*
___
يبوفاضل قوم لختك
تحشم الليله اجتك
قوم بالخوه نختك
*قوم ماتنشد علينه*
___
قوم فك بابك اليه
مادريت اختك سبيه
اشلون ترضى هالرزيه
*اشلون ترضونه سبينه*
___
شوف واسياط بمتوني
تدري ياخويه اشتموني
بالسلاسل ربطوني
*اسمع الونه وبجينه*
____
قوم من قبرك يغالي
جيت ملهوفه ياوالي
قوم ياعزي ودلالي
*شوف يم قبرك اجينه*
____
بقلم : بنت الشمري
_الكويت _
انه زيـــنب انه زيـــنب انه زيـــــنب
****
من رجعنه لكربلا هناك شلگيـــــنه ؟
لا حسيــــن ولابو فاضل رد علــينه
وينه ليث الموت شو تارك عريـــنه
ها يـخوتي الموت فرقنا انتهـــــيـنه
انه زيـــنب انه زيـــنب انه زيـــــنب
،،،،،،،،،،،،،
انه عندي عتــــاب ويــا الفارگوني
بالكلب كلمات والدمعه بعيـــــوني
ما اكول عداك يلكافل سبـــــــوني
ادري ما ترضاهه يلحادي بضعوني
انه زيـــنب انه زيـــنب انه زيـــــنب
،،،،،،،،،،،،،،،
علنهر صديـــــــــــت وشصار بدليلي
گمت احاچي الماي ما يرجع كفيلي ؟؟
يا نهر منتظره يــــــــشتاگ ويجيلي
يرجع ونتلاگه يــــــــا ماي اندعيلي
انه زيـــنب انه زيـــنب انه زيـــــنب
،،،،،،،،،،
كلشي بيــــــه وما نسيتج يا طفوفي
هنا دعائي وهذا موتـــي وهذا خوفي
هنانه رايه شكـد بچـت رادت جفوفي
وهايه جربة كافلي ويـــبست جروفي
انه زيـــنب انه زيـــنب انه زيـــــنب
،،،،،،،،،،،،،،،،
يــا نهايــــة عشرتي واصعب نهايـــه
لا اهل ويـــــــاي بس دمع السبايـــــه
وانا بنت النــــــــــور واسرار الولايه
حيل ثكلت خطوتي بدرب المنايـــــه
انه زيـــنب انه زيـــــــنب انه زيـــــنب
كلمات/ رعـــد الفريــجي
ارتفعنه بصايتك لاما وطينه
مشينه والارض كلها وطينه
ودربك نشتم ترابه وطينه
بدونك يختنك النفس بيه
..........
الشاعر
اياد الفرح المهدوي
الك سبعه السمه حزنت وارضلاك
مصاب حسين هد حيلك وارضلاك
وضلك هسه ضل رحمه وارضلاك
تنام الفقرة يا ضامنها هيه
........
الشاعر
اياد الفرح المهدوي