7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
-اربعينية مولاي الحسين عليه السلام-
-وي جابر الأنصاري - شهر صفر-1446-
وي جابر الأنصاري
ازوره دمعي جاري
يوم اربعينه " يوم اربعينه
--------------------------
ضعن زينب عله الموعد يناظر
اول من حِضر بجروحه حاضر
اجه يوم اربعينه هوّ زاير
عله ريحة احسينه مات جابر
يارحمة الله الباري
ازوره دمعي جاري
يوم اربعينه " يوم اربعينه
--------------------------
زيارة وارث اقراها اعله كَبره
سلام الله عله المذبوح نحره
عشرين بصفر وبكلبي حسره
مثل جمر المخيم روحي جمره
وبصدري تلهب ناري
ازوره دمعي جاري
يوم اربعينه " يوم اربعينه
---------------------------
كلبي لكربلائه شايل احزان
سلام الله عله المات عطشان
شعار النعي هذا كل الإزمان
آنه الوالده والكلب لهفان
بس كربله بالطاري
ازوره دمعي جاري
يوم اربعينه " يوم اربعينه
-------------------------
حلاة التعب هوّ بس للحسين
وحك عيون زينب وابو الجفين
علامات العشك من دمعة العين
بالخدمة وزيارة شمحله السنين
هذا العشك بفكاري
ازوره دمعي جاري
يوم اربعينه " يوم اربعينه
-----------------------
نشيد الشيعة حصرآ باربعينه
تبقى كل وكت رحنه بضعينه
واحنه نصيح هم اليوم اجينه
يوم الاربعين احنه اعتنينه
يهتف هلا بزواري
ازوره دمعي جاري
يوم اربعينه " يوم اربعينه
---------------------------
الخادم- ابو فدك الشامي ✍🏻
#رباطات_للأربعين
#جديد
ونروح مشايه / ونروح مشايه
عشرين بصفر ونروح مشايه
•───✧◐◐✧───•
لحسين مولانه / لحسين مولانه
نوصل كربله لحسين مولانه
•───✧◐◐✧───•
الأجت تعبانه / الأجت تعبانه
نتلكه العقيله الأجت تعبانــه
•───✧◐◐✧───•
وبروس اهاليها / وبروس اهاليها
وردت ناحله وبروس اهاليها
•───✧◐◐✧───•
والظيم غاطيها / والظيم غاطيها
من درب اليسر والظيم غاطيها
•───✧◐◐✧───•
من التعب محنيه / من التعب محنيه
سلطانة علي من التعب محنيه
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف براء الذمه من القصيدة
#قصائد_الاربعينية
35_قصيدة(جبته راساك بديه جبته راساك)
جـبـتـه راســاك بـــديــــه جـبـتـه راســاك
وراس الـحـسـيــن الـشـهـيـد
جـبـتـه انـا اخـتـك مـن يـزيـد
جـبـتـه راســاك بـــديــــه جـبـتـه راســاك
❀......❀......❀......❀......❀1
جبت راسك من يزيد وگتله تعرف كـافـلـي
لوله چف عباس تحلم تسبي زينب بت علي
ترك جسمه وماتركني عالرمح ضل يبرا الـي
والله لــوحــي ماأجـيـك
ثـق يـحـط راسـك بـديـك
جـبـتـه راســاك بـــديــــه جـبـتـه راســاك
❀......❀......❀......❀......❀2
گتله راس حسين جيبه بسرعه لااغظب تره
ورده صـطـرك موبـديـه براس سبع الگنطره
انـطـا لبـوالبـاقر وجينه وكل عذر ماظل تره
يـل جــبـــــتــهــــه الكـربلـه
گــوم ردهـــه الــعــايــلـــه
جـبـتـه راســاك بـــديــــه جـبـتـه راســاك
❀......❀......❀......❀......❀3
زرنـه ابـو السجاد كلنه وكلنه جينه انـزورك
خلصت دور الـكـفـالـه وجيـت اسلمك دورك
وياك اجيت امن المدينه شلون ارد مندونك
وامــك اتـانــيـــــك اكـيــــــد
شـوفـتـك عدهه احـلـه عـيـد
جـبـتـه راســاك بـــديــــه جـبـتـه راســاك
❀......❀......❀......❀......❀?
#الشكرلله خادم الزهراء ع ملا علي
#نسالكم_الدعاء35✍
❀......❀......❀......❀......❀
🕊🎶🖤🎶🕊
#قصائد_الاربعينية_والمشاية
هم اكو ابوادي السلام نـمـل لـوحـل الـظـلام
مـو سليـمان اوجـنـوده بـيـهـه خـــدام الأمـام
❀......❀......❀......❀......❀1
مو سليمان اوجنوده اومو وهم لايشعرون
النمله تدري اهل القبور اشگد مواكب ينصبون
بيهه لطامه اوعرايه اوبيهه ناس ايطبرون
يصبغ احمر ثوب الابيض والدم ايسح للجدام
مـو سليـمان اوجـنـوده بـيـهـه خـــدام الأمـام
❀......❀......❀......❀......❀2
(ياأيها النمل ا دخلو) خـــلاهـــه ربــــك آيه
ياأيها النمل أخرجو عدهم الموته قرايه
ياأيها النمل ارجعو العدلين اجو مشايه
لو ندخل لسابع أرض نتحطم هنا مو كلام
مـو سليـمان اوجـنـوده بـيـهـه خـــدام الأمـام
❀......❀......❀......❀......❀3
ياأيها النمل اسمعو خل ننصب اهنا موكبين
موكب الموتانه الأجو اوموكب الزوارالحسين
والبسو الاسود يانمل وبتربه اريد امطينين
زينب أجه وياهه العليل وياها نسوان وايتام
مـو سليـمان اوجـنـوده بـيـهـه خـــدام الأمـام
❀......❀......❀......❀......❀4
يا أيها النمل اسمعو خنسوي موكب للنساء
للــز يـنـبـيـات الاجــن بي خلهن ايقيمن عزاء
لو وحده عالراس الطمت گولو ام ابيها الزهراء
يانمل مكسوره الظلع مشايه تگصد كل عام
مـو سليـمان اوجـنـوده بـيـهـه خـــدام الأمـام
❀......❀......❀......❀......❀5
يا أيها النمل اكتبو هـــاي العباره بأحساس
اترحب بزوار الحسين هيأة مواكب عباس
مية هلا ابطير اليجي ومية هلا ابكل الناس
واهلا وسهلا بالكصد فدوه الكم أحنه اوخدام
مـو سليـمان اوجـنـوده بـيـهـه خـــدام الأمـام
❀......❀......❀......❀......❀??
#الشكرلله خادم الزهراء ع ملا علي
#نسالكم_الدعاء✍
❀......❀......❀......❀......❀
🕊🎶🖤🎶🕊
يازهراءنحبكم يازهراء،
******
اجينه.. وثبتنه بحچينه....يغالي وهذا ثابت عهد
ابمشينه نغث النواصب... كثرنه بحبه شوف عدد
ننادي نحبك يغالي....نشوفه هوايه فضلك شهد
عهدنه كتبنه بدمعنه....توافدنه ونجيلك
وعد
__يازهراء......نحبكم يازهراء
*******
عشگنه تنادي الضماير......الك فدوه نصيح العمر
مجانين نريد ابخدمتك......نعاهدها الزچيه الطهر
اليبغضك خسرهه حياته...تره كلشي خسر بالحشر
اليحبك ايعيش امنياته......كشخ حتى بدمعته ذخر
يازهراء......نحبكم يازهراء
*******
اشحلاته المشي بالزياره....يتاني المهدي
هم ينتظر
اليشوفه بخت لو تلاگه....يسأله فدوه طال الهجر
عجايب نشوف المواكب..والمعزب يريده
يمر
اليخدمون يعزب عجيبه....شفيعه هناکه ينطي الاجر
يازهراء.....نحبكم يازهراء
*******
ابطريقك يالغالي انجمعنه.....خدمتك
والنبض يعتلي
فخرنه ابمشاعرنه اجينه...نصيح وأحلى كلمة علي
حلاته العشك رافضيه......نحاجج بيها كل عاذلي
هتفنه ابشعايرنه شوگك......مثل حيدر نحب الولي
يازهراء......نحبكم يازهراء
*******
وعدنه حضرنه اربعينك......نعم نحچيهه چلمة خدم
نعاهد قسم مانعوفك.......بدونك كلشي لاما رهم
عزمنه تحده النواصب........فكرهم كله صاير عدم
نبايع تشوف الضماير........وجوباً كلها تكتب نعم
يازهراء نحبكم يازهراء
*******
تمت بعون الله تعالى
#الشاعر____ يوسف الفتلاوي
#من_ديوان_عبرات_و_أنين_ج٥
قصيدة للأربعين (رديت نحلانه)
❥━──➸➽❥❂❥━──➸➽❥❂
من درب السبي رديت نحلانه
واصيح بصوت يبن امي تلگانة
❥━──➸➽❥❂❥━──➸➽❥❂
مهظومة ونحيلة وحيل مابية
واصيح بصوت يامحروم المية
ماتگعد يخوية اتشوفني شبية
اعثر بالجدم والدمعة جريانة
❥━──➸➽❥❂❥━──➸➽❥❂
اهمل دمعتي وبذيالي اتعثر
اجيت اليوم ازورنك يبو الاكبر
وية جثتك اريدن ادفن المنحر
هالجبته واجيت وروحي خلصانة
❥━──➸➽❥❂❥━──➸➽❥❂
راسك جيت ياخوية ارد ادفننة
واعله جثتك يالغالي اردنة
ويمك يالولي ارد اجذب الونة
روحي لشوفتك يحسين لهفانة
❥━──➸➽❥❂❥━──➸➽❥❂
هاليوم اربعينك صار يالوالي
محتامة اعله شوفك خوية يالغالي
انه والحراير جينة واطفالي
مشتاگين الك انهض يملفانة
❥━──➸➽❥❂❥━──➸➽❥❂
گوم اگعد تلگانة يبوسكينة
من درب اليسر هاليوم ردينة
نجري ادموعنة والهظم غاطينة
منك ياوسافة البين حرمانة
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
رِجعت زينب أمن الشام
بنفس الهيبه لخوتها
وياها علي السجاد
والزهره التلگتها
رِِحلة عز واجت منها والظالم عرف حجمه
الگاعد عالعرش مرتاح يم زينب نسه اسمه
شيطان الشكل والروح والإيمان اجه يرجمه
دخلت للقصر حيدر
وگفت وگفت الاكبر
حرب وانتصرت الخدر
علي وبسيفه طب عالگوم كل الناس شافتها
صاحت يا يزيد اصمت اووِگف مجرى النفس عنده
بي خوفه وعلي خلت تذكرها ولد ولده
گبال الهيبه مو طينه( كلمن دمعته بخده )
منها شردت القاده
تشل الراد يتماده
زينب هيبه الساده
يا دولة التسكتها وكل الكاع دولتها
المو رجال يم عباس يم الحره مو رجال
العفه من الله ياهل الناس عَليها مفصله تفصال
اول حرمه بالتاريخ شافتها العِده خيال
بعباية فاطمه الزهره
وگفت بالقصر حضره
وانطت كل شخص قدره
رهبه بالزلم صارت زينب هاي صولتها
مضرب للوفه زينب هاي الماتهبط الرأس
التاريخ انحنى يمها غير اخت الشهم عباس
الحارسها الملك جبريل بس بفاطمه تنقاس
ردت راشده النيه
المرأه الكربلائيه
حضنت گبر ابو الرقيه
وبده سيل الدمع يجري اعله ونها تبچي ناگتها
من گبر لگبر ضلت تمشي ولونها تغير
مثل اشفاف ابو السجاد گلبها بكربله اتفطر
الماعثرت بطبت السوگ يم إخوتها تتعثر
العافت عالارض مذبوح
حگها تنحني وتنوح
احساس الحره ضل مجروح
لان عافت اخو مطشر ويمه الروح خلتها
بعبره نادت اخوتها وداعت الله يخواني
هذا اول عزه يمكم ويم جدي العزه الثاني
وعد ما اگطع الونه واموت من الهجر اني
وعد ما ينگطع نوحي
ولا انساهن اجروحي
لحد ما تنقبض روحي
كل لحظه تموت ام عون بلا اخوان رجعتها
الشاعر عبدالله الشويلي
(السيده زينب ع تخاطب جابر)
تـلـگـانـي يـجـابـر ذب الـعـمـامـه
تـلـگـانـي يـجـابـر ذب الـعـمـامـه
*---------------*---------------*
اريـدن دمـعـتـك ويــاي تـجـريـهـه
ذبـهـه اعـمامـتك الـمـن امـخليـهـه
أجـيتـك بـالضـعيـنه وزلم مابـيهـه
وگـلـبـي بـالـحـزن مـا تـبـرد آلامـه
*---------------*---------------*
احـسـيـنك بـالـسمـاهر علّـگو راسـه
أخـبـرنـك يـعـمـي والـشـمـر داســـه
مـاچـنــه الـرسـول الـقـبّـلـه وبـاسـه
اسـولـفلك سَبـينه وجـرحه وا لامـه
*---------------*---------------*
شاركني امـصابي ومدمعـك صبـه
أشـكيـلك اجيت وشكوتي صعـبـه
لـو بـيـدي متـت والـشـام ما طـبـه
مسلم مـاشفت مـعـروف بـسـلامـه
*---------------*---------------*
أجيـتك بـالدمـوع وحيـل مابـيـه
وبـعيني اشــوف الـمـوت يـوميـه
سـلبـوه الـخــدر رديــت مسـبـيـه
شـافتني الشمـاته مـدنّـگه الهامـه
*---------------*---------------*
وجـهي هالمـصـايب غـيـّرن لونـه
تمنـيت ويخوتي اهنـاك مـدفونـه
المثـلي بـالمنـاحه يـعـمـن عيـونـه
صـوبني الـدهـر مـارحمن اسهامـه
*---------------*---------------*
مـوتي بـالخـرابـه اشـگـد تمنيـتـه
مـچتوفه بحبـل والـشـام طبـيتـه
مـا بـيـن الاعـادي الـخـدر تـاليـتـه
مكسور الظهـر مـا ينـفـع احـزامـه
*---------------*---------------*
أسـولفـلـك محنتي وانـه معـذوره
عـينـك لاتـشـوف اتـروع الصـوره
گـدامـي وضلّوع حسين مكسـوره
وشـحـال اليطيح حسين گـدامــه
*---------------*---------------*
✍خـادم الـحسيـن ع
الشاعر رعد الجريخي
#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_
#فزاعية_جنوبية
#حصرياً 🔥🔥🔥🔥🔥🔥
عندما رجعت قافلة ام عون ع 💔
كاني بالامام العباس ع عندما احس برجوع زينب ع وهي على ظهر الناقه من بعيد. وتقربت النوگ لرض كربلاء. واردت النزول مولاتنا زينب. عاد هنا شصاح العباس ع
#النعي....
هله بالجايه واتريد اخوها
قويه ام عون واختي ماسبوها
فزت واحد وسبعين اجوها
وليها المگبره هل طوقوها
للانصارصاح بصوت اخوها
#النزلة......
جاوين اديه ها يزلم النيبه
شو طوقوها المگبره للهيبه
((طوقوها// خل تنزل زينب ))
((بت قادة//والطبت ترهب))
جيبولي اديه والنهر گلوله
يرگع لخيتي وكون محني بطوله
ويصير يم اجدامها المعدوله
((ويم زينب //الشط يچودر))
الماي راگع مستحي كدامج
روحج حنينه وجايه لخوانج
بيرغ عراضه خل يرف جدامج
((يامهيوبه//نورتي الطف))
امدلله عباس جت مهيوبه
راسي مشه وياج يامحبوبه
امر الله تمشين بيسر وادروبه
((امر الله الصادر//هداني ))
امرالله صارد والملك حاجاني
هود يعباس الامر رباني
الله ومحمد بيك هالوصاني
((حاجيته//ياملك اتريض ))
ريض يملك الموت زينب هايه
منتظره يم اخيامها الحمايه
گلي يعباس اعتذر عن هايه
((ياخال ابنج فاضت روحه))
تمت بعون الله وتوفيقه 🧿
#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع
اهدي عملي هذا صدقة جارية لسلامة الإمام المنتظر ((عج))
تهتف ....الوفايه
هذا صوت الرايه
........عاشك انه احسيني
معتني مشايه
*******
يالله شد الرايه.....وعتني مكصودك
سبح بنفاسك........بالمشي مشهودك
معجزات تشاهد......هذا وافر جودك
كلشي لجل الزهره..قدمت مجهودك
بيها تلكه انفاسك
عابس ابحساسك
........والموالي ينادي
شيعتك عنايه
*******
اعمه شفنه بدربك......مايشوف بعينه
بروحه لمن كاصد..بالمشي الله يعينه
كال اشوف بكلبي.....والبصيره بدينه
الوفي بيمانه...كلشي ينطي احسينه
بالمشي انتباها
فاطمه نلكاها
......تمشي والله ويانه
لو نسوي اقرايه
*******
فاطمه اتلكينه.......شوفي هاي احبابج
ماتعوف احسينج....نجري دم بمصابج
فدوه لو شمينه............ذره من اترابج
دم نشوف اعيونج......مانشف بهدابج
بالمسيره انواصل
هيه بس تستاهل
........انتي كلشي بروحي
روحي يمج هايه
*******
وزعتلك روحي..كلشي لجل انطينه
اشرت دمعاتي.......الكربله اتودينه
بوصلت. احلامي......بدربك ادلينه
والعذر تقصيري......والله ماوفينه
كاتب ابحساسي
حيدري عباسي
.......فاطمي دمعاتي
وانه منطي احچايه
*******
كل مسيره انواصل ...بربعينك جينه
اتوزع الزوارك......ماي شفنه سكينه
يم حسن خطارج.......فاطمه تلكينه
والكمر شد واهس.....والعزم منطينه
ياعلي نادينه
ماتهم رجلينه
......كل تعب مابيها
هيه هاي الغايه
*******
تمت بعون الله
خادمكم..... يوسف الفتلاوي
للزيارة الاربعينية
ماهمني برد لاحر
متعني يبو الاكبر
ماهمني برد لاحر
★★★★★
درب للموت عشاگه
درب مااحمل افراگه
گلب لواحسب أشواگه
عدد زوارك واكثر
متعني يبو الاكبر
★★★★★
حر وبرد ميهمني
ولاكل ظرف يمنعني
لبوالسجاد متعني
لوقصرت اتعذر
متعني يبو الاكبر
★★★★★
من الزغر حد نعشي
حبك سيدي كل شي
ماهمني الدرب امشي
يطول الدرب لو يگصر
متعني يبو الاكبر
★★★★★
الصادق يدعي بالرحمه
الزوارك يبو اليمه
يلي زيارتك نعمه
عنها شلون نتأخر
متعني يبو الاكبر
★★★★★
نار النايبه بضلعي
هذا بالعشگ وضعي
مثل مايستعر دمعي
نبضات الگلب تسعر
متعني يبو الاكبر
★★★★★
ياغالي على كل غالي
أعز من روحي وعيالي
اول حبك وتالي
على كل عشگ يتصدر
متعني يبو الاكبر
الشاعر حسن لعيبي الحريشاوي
لزيارة الاربعين والمشايه
لهذا اليوم ناذر روحي وسنيني
اجيت باربعينك دمعتي بعيني
★★★★★★
عفت روحي واهلها عفت دنياي كلها
يبوالسجاد رايد كون تقبلني
أبحسرتي ونار گلبي تصاحبني وي دربي
الناعي ابكربله لمن يذكرّني
شكثر زينب هظمها المحروگه خيمها
وحال اطفال مرعوبين يهظمني
أگبالي اصير الطفوف علي السجاد مچتوف
وسفه امگيدينه والظهرمحني
مصيبه احزانها تجري بشراييني
اجيت باربعينك دمعتي بعيني
★★★★★★
بعد ماظلت اخيام زينب مشت للشام
أتصبراطفال تمشي الدرب مرعوبه
اذكر هظم العيال ابد مامثله كل حال
اطفال بلاغطه وظعون مسلوبه
غربة اوظلمة الليل عليهم جالت الخيل
عيال بياذنب للگوم مطلوبه
زينب ظلت اليوم بحرگه وگلب ملچوم
هاذي زينب الكل وكت مهيوبه
تجرح هلصور گلبي وتچويّني
اجيت باربعينك دمعتي بعيني
★★★★★★
امشي ودمعه بالعين تسولف قصة حسين
مية سالفه بكل گطره بدموعي
اودع الراحه توديع ماعندي مواضيع
بس انته يبو السجاد موضوعي
اجيت اليوم مشاي ليل الحزن وياي
عمر الليل اطول من ضوه شموعي
جيش وخيل وسيوف گبالي اصير الطفوف
امشي الكربله والناربظلوعي
وخيالي يروح يم نحرك يوديني
اجيت باربعينك دمعتي بعيني
★★★★★★
امشي بگلب مهموم ماشايف طعم نوم
من نار الخيم مصدرها نيراني
على المطعون برماح وگمر يم النهرطاح
اظل ابلوعتي ما افارگ احزاني
لجل أعيون الحسين الناذر عمره للدين
عفت كل الاهل وتركت خلاّني
ويبوالسجاد ناديت بدربك لمن امشيت
شمقدم الك بيش افتخر اني
خادم ريت الك للدوم خليني
اجيت باربعينك دمعتي بعيني
★★★★★★
شوفيلك يوفاي ذبيح الماشرب ماي
وانا اهل المواكب ماي يسگوني
ثوبك ليش مسلوب وظعنك راح منهوب
وانا المهيوب خدامك يخدموني
اعيال الظاعت بليل منهم شافت الويل
شلون اگعد بموكب واطبگ جفوني
الضريحك انا يايوم شوكت اوصل يمظلوم
اريد ابراحتي من ابچي يخلوني
وين الگه عمر للنوح يكفيني
اجيت باربعينك دمعتي بعيني
الشاعر حسن لعيبي الحريشاوي
نعي مجاريد للاربعين عند رجوع مولاتي زينب الى اخوتها كأني بها وهي تكلم اخيها اباالفظل العباس وتقوووول
👇👇👇👇👇👇
ــــــــــــــــــــــــــــــــــــــــــ ـــــــــــ
ارد أگصد لعد حامي الظعيه
يعباس افزع ياولينه
مامش بالظعن والي اجينه
ــــــــــــــــــــــــــــــــــــــــــ ـــــــــــ
وين ايامنه الجانت زهيه
حنيت الك ها يالشفيه
طالت غيبتك خويه عليه
ــــــــــــــــــــــــــــــــــــــــــ ـــــــــــ
اربعين ليله بعيده عنك
مهظومه وصلت اليوم يمك
مشتاگه وريد بحظني المك
ــــــــــــــــــــــــــــــــــــــــــ ـــــــــــ
طريتها دروب البعيده
مامش أخو يحط ايدي بيده
حيلي خلص يبن الصميده
ــــــــــــــــــــــــــــــــــــــــــ ـــــــــــ
تحن الأخت وتريد اخوها
لو عالو عليها وشتموها
يفزع يجيها ابن ابوها
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان عج
لكعد على درب اليروحون
لصوب الحسين وتجري العيون
هم شفتو زبنب مرت اهناه
ونادت على الخوان ويلاه
الظعن مر ومحد وياه
لو زلم جانوله يحامون
هم شفتو زبنب صوبه راحت
تعبانه لو هم استراحت
تمشي بصمت لو نوح ناحت
لحسين وعياله ينوحون
زينب نفسها المشت للشام
لو غيرتها اهموم الايام
صح هيه تمشي ورافعه الهام
بس بالقلب خوان يحجون
لكعد واعدهن خطوه خطوه
واشكثر بيهن شوك خوه
من زينب الردت تلوى
لخوانها ومتغير اللون
لكعد على درب المحنه
البيه اشم ريحة الجنه
لحسين فدوه وكل اهلنه
الوهب دمه وعمر الدين
محمد دعبل النوري
محرم 27 قصيدة لمشي الاربعينية ثلاث دكات ونسألكم الدعاء
حافي امشي واذكر زينبك واذكرهه الايتام
واذكر خيام التحترك نار اويه السهام
............
من تمشي حافي اي تحس جويات التراب
وعيون تربي اعله النهر منهه الكمر غاب
حتى الرضيع امن العطش منه الرمش شاب
من العِطش جبده انفطر وتموت الاحلام
............
يم المواكب لو شفت مهد ابلا طفله
الماتت جبدته من العطش بالماي شِلّه
وسهم المثلث حرمله بالركبه خلّه
رفرف امن حدود السهم تالي غفه ونام
............
لو شفت طفله امتيهه خذهه اعله اهلهه
ارهيف كلبهه من الفكد زايد حملهه
اذكر رقيه والشمر بالنار اجه الهه
وبجفه الاخرى سوط وبعينه جن شام
............
من تمشي ظل الطم على صدرك ووِجعَه
واتخيل احوافر تهم والصوت اسِمعَه
ماظل لبو اليمه صدر مهشوم ضِلعَه
طحن الرَحَه بصدره تحس مطحون الاسلام
............
تراب المواكب لو يُطب ابعينك اهواي
اذكر العين الي انطفت يم مشرعة ماي
عين النِبَت بيهه سهم ودم الترس هاي
وجفوف ماعنده لون صوب الخيم كام
...........
لو وجهك اتحركه الشمس اصبر عليهه
شمس الله وسياط الشمر طُبعَت بيديهه
والحُركَه الاكبر ندهته ومارد اليهه
زينب كلبهه محترك وشجم جرح ضام
...........
(لو قَطّعو) كِلّه نجي لو نزحف زحوف
كربله هوه ولو نطب من كِتر الجفوف
نوصل ضريحه لو صور وارواحنه اتطوف
شاء الله حِزن ابن النبي ليوم الحشر دام
...........
ابو مريم الاسدي ..
14/آب/2024 ..
-مولاتي السيدة زينب عليها السلام يوم الاربعين-
-نعي الاربعين- شهر صفر-1446
من يوم اربعينك تجري هالعين
مثل نار المُخيم بيّه نارين
عطشانه اعله شوفة وجه الحسين
من الغربة اتغير لوني
--------------
عكبك خويه من عاشور وفراكه
يبن امي غصب اَخذوني عالناكه
من الشام خويه جيت مشتاكه
ياخويه اكعد شوف امتوني
---------------
راحت لبوفاضل تنعه باحساس
بعد عينك يخويه شَيب الراس
اني منين اجيبن بعد عباس
ياخويه اخلافك ضربوني
-----------------
راحت للكمر صاحت يوفاي
جيت امن السبي والظيم وياي
اجيتك خويه اني فاكده الراي
واسهام اعيونك بعيوني
------------------
هاي اني الغريبه الهاشميه
جيت امن اليسر للغاضريه
اصيحن وين يا أهل الحميه
وين اخواني يواسوني
--------------------
الخادم- ابو فدك الشامي ✍🏻
*١٤٤٦هـ*
*
*🚩 مولاتي زينب تخاطب كربلاء🚩*
*طور : ياكربله وطر الفجر+الجفيري*
طــبينا أرضش كـربله
ومـعروفه آنـي مـدلله
بين اخوتي وبين المله
ويضربني باچر حرمله
***
يـاكربله صيري سـتر
لمـن يقـطعون النـحر
زينــب أنـا ام الـخدر
طبيت وقلبي يعتصر
***
منش أريد اطلب طلب
لا تقــولي ليّـه صــعب
حسين اشوفه ينتحب
دمـعه على خده يصب
****
خـوفي الشـمر لايـذبحه
وأركض لخويه ابمصرعه
وونــينه عـــالي اســمعه
صيري عبايه امن اجمعه
**
يــا كربله سمعي بعد
عـــباس إلـيّه السـند
منـطيني كـلمه وعـد
مـا نفتــرق ساعه ابد
****
نظري جماله وهيبته
أخته تموت بـروحته
وحسينه يفروا رقبته
تـمشي سـبيه بـغيبته
★★★★★★★★★★★★★★
*خـادمة أهل البيت عليهم السلام*
*زهــ✍🏻ـرا الحســـاوي*
#قصائد_الاربعينية_والمشاية
(مالي راحه ابهل الزمن صدگوني)
مـالـي راحـه ابـهـل الــزمـن صـدگـونـي
حــتـه لــو بــرض الــنـجــف دفــنـونــي
❀......❀......❀......❀......❀1
حـته لـوموت ويطـم جـسـمـي الـتراب
ودري يشفعلي علي ابــيـوم الـحـسـاب
لأن بـالـدنـيـه اخـدمت داحي الـبـاب
وخــادم الــزهــره الــخـلـگ ســمــونــي
مـالـي راحـه ابـهـل الــزمـن صـدگـونـي
❀......❀......❀......❀......❀2
خــادم الــزهــره چــنــت هــنــيــالــي
رافـضـي وشيـعي اومـحـب ومـوالــي
والــي مــا جــانـــــت تــــمــر بــالــي
اشـلـون بــيــه ابـگـبــري لـو عـافــونــي
مـالـي راحـه ابـهـل الــزمـن صـدگـونـي
❀......❀......❀......❀......❀3
شلـون بيه لـو افـك عيــنـي واشــوف
گـبـري ضيج ماتدگ صدري الـچـفـوف
وسمــع الــزوار متــعنــيه الــطــفــوف
وبـــــزيــاراتــــي گــــبــــل ذكـــرونــي
مـالـي راحـه ابـهـل الــزمـن صـدگـونـي
❀......❀......❀......❀......❀4
وبــــزيــــاراتــــي گــــبـــل ويــــاهــــه
هــل مــــگــابــر يــامــــه نــتــعــداهــه
شــلــون بــيــه امـنـصـبـحـت جــواهــه
والــتـعــده ويــاهــــم اتــــعــــدونــــي
مـالـي راحـه ابـهـل الــزمـن صـدگـونـي
❀......❀......❀......❀......❀5
والـــجــنـت ويـاهــه ازورن كـل وكــت
تــعـدت بـصـف گـبــري ومـاسـلــمــت
وآنـه ويـه اهـل الـقــبـور اتــفــشــلــت
احـبـابـي جــــو يـمـي اولا مــــرونــــي
مـالـي راحـه ابـهـل الــزمـن صـدگـونـي
❀......❀......❀......❀......❀6
احبابي اجــــو يمي ولا واحد أجــــه
زار گـبـري وفـاتـحــه اقـرالي وبـچـه
كلشي دين بدين مالومه الــــحـــچـــه
لــــــوزرتـهـا آنــــه گبــــل زارونــــي
مـالـي راحـه ابـهـل الــزمـن صـدگـونـي
❀......❀......❀......❀......❀7
مـا تـفــيـــد الــــو لــــو فرك الاديـــن
غـيـر هاذي الـطـمـتـي ودمـعـة الـعـيـن
والله ماخاب الـتـمــسك بـالــحــسـيــن
وادري اهل البــــيــــت مـايــســـونـــي
مـالـي راحـه ابـهـل الــزمـن صـدگـونـي
❀......❀......❀......❀......❀8
وادري اهــل الـبــيــت الله اخـتـارهــم
عـالــصــراط تـفـوت بـس خـدامــهــم
والـسـفيـنـه حـسـيـن ومـه شـراعـهــم
وآنــه صـيـح ويـه الـخـدم صـعـدونــي
مـالـي راحـه ابـهـل الــزمـن صـدگـونـي
❀......❀......❀......❀......❀?
#الشكرلله خادم الزهراء ع ملا علي
#نسالكم_الدعاء ✍
❀......❀......❀......❀......❀
🕊🎶🖤🎶🕊
#قصائد_الاربعينية_والمشاية
بربعين اخواني * ياهو اتلگاني
بــربعين اخــوانـي * ياهــو اتـلـگانـي
🏴•••••🏴•••••🏴•••••🏴•••••🏴1
رحت من الطف وجيته ماسمعت احجايه
هله ومية هله ابزينب صعبه عدهم هايــه
عدهم اسهل شي خوارج والتغثني هوايه
عالفرات اذبحنه اخوها ماشرب من مايـه
هواي حجي اذاني * ياهــو اتـلـگانـــي
🏴•••••🏴•••••🏴•••••🏴•••••🏴2
الكوفه وارض الشام خويه احنه فريناهـا
ماتركنـــه ولاخرابـــه كـــلهـــا طبينـــاهـــا
والــدليل ابوحده منهن بتـــك ادفنـــاهـــا
لامــواكب عفنه يمها ولاخـــدم عفنــاهـــا
شيبتني احزاني * ياهــو اتـلـگانـــي
🏴•••••🏴•••••🏴•••••🏴•••••🏴3
لازم اثــلاثين يوم الــدرب تمشي نـــاگـــه
مو عشرتيام يمشي النــاشفات اريـــاگـــه
الجامعه حزت وريده ويجري دم منساگه
طفت نيـــران الخـــليـــل ونـاري الحـراگه
الماجوا جواني * ياهــو اتـلـگانـــي
🏴•••••🏴•••••🏴•••••🏴•••••🏴4
موعـشـر تيـام ذنــي ذكرنـــي ابعشرتيـــن
آه من عشرت محرم والحوافرها اربعيــن
ليل ونهار اعلى ناگه والحبل حز بلاديـــن
صارو ايتامه وسبايه الگبل عدنه امدللين
وعلهزل امشي اني * ياهــو اتـلـگانـــي
🏴•••••🏴•••••🏴•••••🏴•••••🏴5
شحجي ياخويه وگولن وانه الك ملهوفـه
منسه يوم الرحت منكم عالهزل مجتوفــه
مرني الحادي ابكفيلي امگطعات اجفوفه
وجربته وسيفه شفتها ورايته الملفوفــــه
وعلجثث مراني * ياهــو اتـلـگانـــي
🏴•••••🏴•••••🏴•••••🏴•••••🏴7
والمهم جينـه ولگينه جابـــر الانـــصـــاري
ظل يسولفله العليـــل وانه شبـــت نـــاري
گتله عـمـه الگبــر وين وگلي لاتـــحتـــاري
هذا وانه اشمرت روحي ونقمه اعلي ثاري
جن ابعالم ثاني * ياهــو اتـلـگانـــي
🏴•••••🏴•••••🏴•••••🏴•••••🏴7
الگيت يم گبرك اهلنه فاطمه وجدي وابوي
هله ومية هله ابزينب اسمع يناديني اخوي
وشفت جبرائيل ينعه وتصرخ الزهره يبوي
وعلي ماخلاني * ميته حسباله اني
للوطن رداني * و ياهــو اتـلـگانـــي
🏴•••••🏴•••••🏴•••••🏴•••••🏴
#الشكرلله خادم الزهراء ع ملا علي
#نسالكم_الدعاء54✍
🏴•••••🏴•••••🏴•••••🏴•••••🏴?
🕊💦🖤💦🕊
*
#نسالكم_الدعاء
جديد ان شاء الله
هوسات للاربعينيه
.........................
ردت زيـنب الـحـره لـهـالـيـها
جابت راس ابو السجاد بيديها
متعـوبه وهظمها بايـن اعليـها
ما تـگـعـد تـعـايـنـهـا يـوالـيـها
ردت بت حيدر ،،،، مهظومه
ام ســ✍ــجاد العسكري
.........................
مهظومة اجت واللهفة تحديها
هسه اوصل لاخوتي بدمعي اسگيها
ومن گبر لگبر تتنقل عليها
بلكت بدموعي // ترد روحه
✍🏻العلوية أم منتظر جمال الدين
.........................
مهضومه واجت للگبر عنايه
وتعاتب اخوها صاحب الرايه
أگعد خل اسولفلك هالحچايه
رديت وحدي نــوب مشــايه
اتنخت زينب يمه/گوم ورد بيها
آمـ صـــ✍️ــآدق آلمـنصـوري
.........................
ماگامو وشافوو شنهي حالتها
للخوان اجت گاصده زيارتها
تشكي ضيمها والصار لخوتها
بين حسين والعباس گعدتها
((ترجع چفه وراس حسين يدفنونه))
ام وليــــ✍️ــــــد الموسوي
.........................
ردت بت عـلي هاليوم لهـفانه
من ظيم اليسر ياويلي تعبانه
گعدت عالگبر والروح خلصانه
تنادي يالولي گعدلي يرجــوانه
اگعد ياخويه ،،،،، وحاچيني
✍️ سهام المالكي
.........................
حاچي اختك كلبها زادت أجروحه
حزن ومصاب وآه البيه مذبوحه
الفگد مثل اخوتي شيهوده يا نوحه
((فك گبرك گوم اتلگاني))
✍زينب الواسطية
.........................
((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /10/ صفر / 1444هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
#نعي
احتاميت لبن امي واجيته
ولاشفت وجها ولا لگيته
طحت اعله گبره وعاتبيته
وذاك البچي يمه بچيته
عندي حچي بس ماحچيته
لوبيت ضل عنده اعتنيته
وكضيت بابه وگابليته
شايف الحسره الي تضل بيك
من تحاچي گبره مايحاچيك
ومايمك بنادم يواسيك
وتحچي و يلحده شلونه راعيك
عطشان للملگه يخليك
وحچي المگابر مايرويك
رديت بس شلون رده
حسبالي اشوف اهل الموده
ذاك الوكت ماي وتبده
رديت ماكو بضعني رايه
وبالروس جيت الكم هدايه
توني ايست هاي النهايه
من گمت اسولف عا السبايه
حتى النهر بچيت مايه
سعد العبودي
#اللهم_عجل_لوليك_الفرج
جـابـر راح اخبرك بالجره اعـليه
ذبحوهه اخوتي ورديت مسبيه
*---------------*---------------*
جيت بحسرتي يا جابر اسمعني
ضـيـّعـت الگـمـر والگمر ضيعني
آنه ام الـخـدر والبين فـاجـعـنـي
مو هيچي الخدر يـنـعـاف تـالـيّه
*---------------*---------------*
لو عينك تصدلي تمـوت يا جـابـر
تـرميهه العمامـه وما تظل صـابـر
گـلبـي بـعـلّـتـه مـا يحمل يـكـابـر
مـشـونـي بـظـعـن شمات حـاديّـه
*---------------*---------------*
يا خـيـر الصحابـه شـارك ونـينـي
خليت الـگـمـر مطروح وحـسيني
جـيـتـك بالدمع والسوط مـاذيني
ما گتلي يـعـمـي شلون هـالـجـيّـه
*---------------*---------------*
حـاچـيـنـي يعـمـي ياهـو احچيله
نام اعلـه الـشـريـعـه كـافـل العيله
ردّانـه الشـمـر والـمـدمـع انـسـيلـه
ما يـخـمـد ونـيـني وجمرتي البيّـه
*---------------*---------------*
انـدب يا علي والـسوط بـمـتـونـي
يا عم ما دريت الگـوم شـتـمـونـي
تـالـي مْـيـسّـره بـالـضـيـم ردّونــي
والأصـعـب مـصيبـه مـاتـت رقـيـه
*---------------*---------------*
جـابـر راح اخـبـرك واخبر مـحـمـد
يـضـربـني الشمر بالسـوط يـتعـمـد
يا جرح اليطيب ويا جـرح يـضـمد
ريت اويه الكمـر هـالـعـيـن مـعمـيّه
*---------------*---------------*
✍ خادم الحسين ع
الشاعر رعد الجريخي
مات النَفس بيّه .. واعيُوني مَعمِـيّه
من دَخنة الصيوَان .. گوم الحَگ اعليّه
كِثر الهَضُم مُوت
والغُربه تابوت
**
يهَيبَـتنه .. النَفس حسره .. بصحاري الطف
ولوَن تدري .. اختِنگ كلشي .. بقسَاوة چف
وفوَاطمكم .. اعلى رگبتها .. الحبل يلتَف
تجِر ونـّه .. وعدُو ايشتِّم .. عليها اصطَف
صار الحلِم خيمه
للتاهَت ابهَـيمه
وهَم نِعمه بالصحراء
لو صحَّت الغَيمه
وللعَافن ابيُوت
كِثر الهَضُم مُوت
**
على الماضي .. يبَعد اختك .. أون كلّي
ويرَافگني .. صُفه المامِش .. مثل ظلّي
الهِضَم روحي .. بأذَى الحاضِر .. واخَذ عقلي
الگِطع راسك .. ضِحَك سِنّه .. وإجه ايگلّي
من بَعد ابو فاضل
آنا الكُم الكافِل
وخل يشرَب الظامي
من مدمَعه النازل
ومااقبَل اي صوت
كِثر الهَضُم مُوت
**
الأمان إنتَ .. ومكانَك ما .. يسِدَّه احَّد
سَخي ومامَر .. تِفشَّل چف .. إلك يمتَد
رمَاد الهَم .. مِله عيوني .. وبعَد أزوَد
دِخَل گلبي .. بسجِن خُوفه .. وعَلِيهِ انسَد
جُود ابوَصل روحي
واگطَع نحَر نوحي
بسيف القرُب يحسين
مو زادَت اجروحي
وظل حِزني مكبُوت
كِثر الهَضُم مُوت
**
على الناگه .. يمِيل الدم .. اويه مِيلَتها
كِثَر شيبي .. وگِضت روحي .. اعلى صَفنَتها
وانا ابرَهبه .. مثل شمعه .. الدهر فَـتها
أصِد للروس .. واجِر حسره .. اعلى حالَتها
روس بنحَر دامي
بيها الثغَـر ظامي
دم تنزِف اويه ادموع
عالناگه گدَّامي
وگليبي مفتُوت
كِثر الهَضُم مُوت
**
ينُور الله .. انطُفَت عيني .. برمَاد وحَر
شنو امأخرَك .. تلاحَگني .. وانا ابهالبَر
السِلَب ثُوبَك .. إجه ايسِبني .. ولاأگدر
أرِد شرَّه .. وانا الحُرمه .. بحبل أنجَر
حي لوچِنت أدرِيك
مَترِدَّه لينَـاديك
شلون اختك بهالحال
لمّن تحشِّم بيك
خويه يمَبخوت
كِثر الهَضُم مُوت
==============
لقمان البدران
قصت غربتي
قصت غربتي== اتخطهه دمعتي== نحيب
الامي تشرح == بلغربه نصبح === نحيب
ام خدر اخوهه== من طلعوهه == نحيب
قصت دربنه الطويل ==تبدي بضياع الدلال
وراوي المها اسير ===وبجفوفه حزت حبال
بليله وضحاهه الزمان ==أبنت الاكابر يدور
ومن في خدره تساق ==وكلب العفيفه يفور
هيبتنه يم الضحايه
قصت غربتي هايه
============================
انه الغريبه == الجانت حبيبه == بخيام
وحطوني اهلي ==بجف الكفلني==بخيام
اذكر دلالي ===ويهلي الغوالي ===بخيام
كل ليله اموتن عذاب === هاذه حنيني يريد
يبرالي اخو بلغرب ===يرد هيبتي سد عضيد
ليش وغريبه اصير ===ويكطع هذاك الوصال
وعن هلي ابعد وعيش===غربه وعذاب الدلال
يهلي وبلا نهايه
قصت غربتي هايه
============================
باول رحيلي ===كسرت دليلي ===وروح
غربه اعله غربه ==ودمعي اصبه ==وروح
الصعبت عليه=== حبالي بديه ===وروح
مو كدري جتف الايدين ===وانه حليمت كمر
ولخارجيه اسمي صار==وانه اهلي شيوخ لبشر
يامن يرد الخيام===تستر اخت حايره
عنهه اخوه بعيد === وجتها زلم غايره
لا من اخوهه حمايه
قصت غربتي هايه
============================
انعه اليالي === البيه دلالي === عذاب
ونعه يخوتي == الكم شكوتي == عذاب
ليلجم حنيني ==غربت سنيني == عذاب
لديار اهلنه اريد ======ارجع عقيلت قبل
ونسه عذاب الغرب==ومن اذني يهده الطبل
بهل رجعه لازم اخو===يرد بيه هاذه الدرُب
وانه الخوهه طريح===الكل حيله فوك ترُب
يارده للماله رايه
قصت غربتي هايه
============================
غربني دهري ==ومغصوبه اسري == لضياع
ورأيي وجلمتي == وكسرت غربتي == لضياع
ايا زمـــاني === وخدري يعانـي === لضياع
جم ديره اطبهه ويطيح === مني يتيم ابدرُب
خلص ضعنه الضياع ==ولخيامي دمعي يصُب
لتهضملي خدري اشوف ==التخدمنه چانت تمر
تعاين علــينه واموت === وصط الخرابه احتضر
لهضمتني جلمت سبايه
قصت غربتي هايه
============================
الخادم. مصطفى الجبوري
نزله اربعينيه
انظر سواد الزوار
والمرقدك مشايه
١
نوح طالع بالسفينه ايقودها
والسفينة الكربله مكصودها
بالبحر والارض احنه اجنودها
ماكدر واحد يحد احدودها
هاي الخدم رايه وعلم
تحملها
ارض الدمه حتى السمه
تندلها
نمشي بعزم حتى الزلم
توصلها
هوسه
ونشعر احنه بعباس يتلكانه
٢
ياسفينة حبنه يامعشوكها
انته للمشايه سرها وشوكها
لو أجه ضعن السبايه ونوكها
جنح جبرائيل رفرف فوكها
محد كدر يمحي الأثر
والرايه
من تنرفع يطلع دمع
وفايه
من زاخو والحد كربله
مشايه
هوسه
من نوصل يم حسين نلكه الزهره
٣
أربعينك تبقه هاي ايامها
كل مواكبنا ترف أعلامها
الدنيه خل تكتب جميع اقلامها
عالزياره وعن كرم خدامها
هذا الكرم من الخدم
رباني
قصة عشك لمن تدك
عنواني
تاح الشرف لابس أله
خلاني
هوسه
وايلوك اعله الخدام تاج الغيره
٤
سفره ممدوده صعب مقاسها
كل ملائكة السمه حراسها
والمواكب بالسمه ايطخ راسها
تسمع اتفضل تكلك ناسها
طول الدرب انته المحب
من تطلع
وبكربله غير الهله
ماتسمع
عندك هدف شايل شرف
من ترجع
هوسه
والرايح زار حسين حضه اشكبره
٥
الله خله بأربعينه اسراره
من طلع عباس تزهي انواره
اينادي اهلا مرحبه بخطاره
وضل حبيب ايسجل بزواره
بهذا السجل من تنقبل
خي عونك
لاتعتقد اهل الكرم
ينسونك
شاهد تضل هذا الأمل
بعيونك
بحب فاطمه اهل السمه
ايعلونك
هوسه
هاي البشره من حسين للمشايه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
لزيارة الاربعين
يحسين مولاي يا بن فاطمه
يحسين مولاي يا بن فاطمه
★★★★★
مشاية لجلك نستعد
عن منهجك مانبتعد
ميهمنه حر ولابرد
بگد النجوم البلسمه
يحسين مولاي يا بن فاطمه
★★★★★
لبيك ياراعي الشيم
لبيك ياباني القيم
شكراً على هذا الكرم
عَلَّيتَنَه فوگ القمم
أي وحگ حماي الحمه
يحسين مولاي يا بن فاطمه
★★★★★
منهجنه حبك تَوَجَّه
طول الوكت انت الرجه
وانت الصراط ومنهجه
ماخاب من يمك أجه
تجلي الشدد بالموزمه
يحسين مولاي يابن فاطمه
★★★★★
مرفوع راسك علرمح
وي الطاغي مايقبل صلح
هيهات ينطق كل جرح
غير الكرامه ماتصح
الحرية تنخط بالدمه
يحسين مولاي يابن فاطمه
★★★★★
بحبك تجاوزنه المحن
ولاوينه لوعات الزمن
للضايع دروبك وطن
ونهجك هداية من الفتن
واشرف طريق وخاتمه
يحسين مولاي يا بن فاطمه
★★★★★
للباري ياما قدمت
هيهات للذله گلت
منهجنه بالدنيا صرت
مولاي أبد ماقصرت
حياك راعي الغانمه
يحسين مولاي يا بن فاطمه
★★★★★
افواج بطريقك نلتزم
شَدَّينَه مولاي العزم
عَلَّمْنَه نهجك نقتحم
سوح الصعاب بكل حزم
ونطوي الليالي المظلمه
يحسين مولاي يا بن فاطمه
الشاعر حسن لعيبي الحريشاوي
((زيارَه مَليونيَّه ))
زيارَه مَليونيَّه
لِلْحسيْن الْغَايَه
رَاحَت المشَّايَه
زِيَارَه مليونيه
★★★★★
يبو گلب الرَّحْمَه . وَالْمَجْد والْعصمَه
أَلَك نمشِي أَبْهَمَّه . گلوب يابواليَّمَه
بالعشگ عُذريَّه
زيارَه مليونيَّه
★★★★★
أَمْلَاك ضَجَّت بيها . بكربلا تمليها
كل سنَةٍ انتانيها . وبالفخر نحييها
للأَبَد قُدْسِيَّه
زيارَة مليونيه
★★★★★
لِلْهُدَى ومصباحَه . نعتني بلاراحه
كل طَريق وَسَاحَة الجنته الفوَّاحَه
مِن عِقَدنَه النيَّه
زِيَارَة مليونيَّه
★★★★★
فَخْر كلمن زارك . ينشمل بانوارك
لوأجه خطارك . يعتنِي لديارك
بالمَشي يوميَّه
زِيَارَة مليونيَّه
★★★★★
لحظرتك مسعانه اترحب بملگانه
نَشْعُر ابمولانه . المَهدِي يمشِي ويانه
اترحب بهلجَيَّه
زِيَارَة مليونيَّه
★★★★★
هلتعب شارينه . لجلك وناسينه
الْيوُم لَمَن جينه . أَلَك يابوسكينه
يَا أَبُو الحُريَّه
زِيَارَة مليونيه
★★★★★
كلنه نَفْس الدَّافِع . يَا أَمامي الشَّافِع
المعتنِي والراجع . بكُل مَكَان وشارِع
وساحَة وحسينيه
زيارَة مليونيَّه
الشاعر حسن لعيبي الحريشاوي
╌ـ╌ـ───•═﷽═•───ـ╌ـ╌
📝 #صفر_1446هـ
📝 قصيدة بخصوص المرضى المعذورين من زيارة الأربعين لسيد الشهداء عليه السلام
🔶 #بحر_طويل
يناحل من مرض و اعليل
ومـا تگـدر تــزور احسيـن
يالدمعـك عليـه ايسيـل
تــريـد اتشـارك المــاشيـن
لكـن منــعـــدم هــالحيــل
ومنك دامي جفـن العيــن
هـــاي ابشــارتـــك منّــه
يگصـــد كلمــن ينــدبــه
╌ـ╌ـ────•═❁═•────ـ╌ـ╌
وبـــروحــــه ابــو اليمــــه
يجيك و خل تقر عينك
لا تَيـأس مــــن الرحمــة
بيـــده يمســح اجبينــــك
بس ابچي لمصــاب امّــه
يسمــــع رنّــــة اونينــك
وصيح بصوت آ يحسيــن
يـوصـل صــوتــك لگـلبــه
╌ـ╌ـ────•═❁═•────ـ╌ـ╌
✍ #الشاعرة_زينب_الخفاجي
🤲 #اللهم_صل_على_محمد_وآله
بسم الله الرحمن الرحيم
اللهم صل على محمد وآل محمد
....................................
أحنه لحسين تعنينه ومشينه
.............................
أنصيح والله أبد ﻻ ما نسينه
أحنه لحسين تعنينه ومشينه
==========================
العهد ويه الزچيه بيه وفينه
أحنه لحسين تعنينه ومشينه
==========================
ياضوه العين يريحانة نبينه
أحنه لحسين تعنينه ومشينه
==========================
أبجمرة الشوك يموﻻي أنچوينه
أحنه لحسين تعنينه ومشينه
==========================
عفنه الديار وأهالينه وأجينه
أحنه لحسين تعنينه ومشينه
==========================
مانعوفك يبن حيدر ولينه
أحنه لحسين تعنينه ومشينه
==========================
نبدي بسم الله عليه أتوكلينه
أحنه لحسين تعنينه ومشينه
==========================
بالصلاة أعله النبي وآله نوينه
أحنه لحسين تعنينه ومشينه
==========================
صرنه أحرار باأبو اليمه أقتدينه
=========================
بصوت هيهات من الذله سرينه
==========================
برغم غدر العده ما دنگينه
++++++++++++++++++++++++
ما يهمنه گطع چف من أدينه
+++++++++++++++++++++++++
أشما نضحي أبد ما نوفي دينه
+++++++++++++++++++++++++
نحسب أيام نزوره بأربعينه
+++++++++++++++++++++++++
يحمي عباس جمعنه يحدي بينه
+++++++++++++++++++++++++
رايته أتصيح هله أبشيعة علينه
+++++++++++++++++++++++++
نرفع اﻷيد أبدمع جاري دعينه
+++++++++++++++++++++++++
الله يرضه ويبارك كل سعينه
+++++++++++++++++++++++++
ياشبل حامي الحمه بيك أهتدينه
+++++++++++++++++++++++++
أنت مصباح هدى وأوسع سفينه
+++++++++++++++++++++++++
يبقه موﻻي أمل عدنه ورجينه
+++++++++++++++++++++++++
أشما لطمنه سيدي وشما بچينه
+++++++++++++++++++++++++
بالحشر موﻻي تحظرنه وتجينه
+++++++++++++++++++++++++
أحنه لحسين تعنينه ومشينه
+++++++++++++++++++++++++
الشاعر عبد الكريم سيد سعد
ليلة ٢٠/صفر /١٤٤٦ هجري
الاحد 25\8 \2024
ليلة أربعين الإمام الحسين
عليه السلام
#قصائد__محرم_١٤٤٦_ه #_نزله
اهي رحله وگلتلي اتهون
بالچ عاليتامه ام عون
...................................
تذكر من گعدنه ابراگ الخيام*
وتذكر من سألتك خويه عالشام*
واعيونك شفتهه تغورگ ادموع*
ما گتلي اسافر بس بالايتام*
يحسين السوالف چانت اهواي*
يغص چان الحچي من نذكر الماي*
المخلوق اعله مودك ينمنع ليش*
بس چان الامان وانته وياي*
چنت اتمنى يبقى الليل
خوفي اتهد علينه الخيل
.................................
يحسين الحچي حسيته مخنوگ*
ما گتلي اشوفك خويه مسحوگ*
مملوحه السوالف كلهه وياك*
بس ما گتلي بعدك ندخل السوگ*
اتسد اعيونك اشما اجيبه طرواك*
ما تحچي اشيصير اهناكه وياك*
تتحسر احس من اسأل اشلون*
يحسين امشي لو انه ابقى وياك*
اذكر بس تسد العين
چن اتگلي اي تمشين
.................................
وابسرعه الصبح يالضامي شو صار*
وشفتك طايح وچان الرمل حار*
مدري اركض عليك ابفزعة الخيل*
مدري ارجع والم يا خويه الزغار*
انه اركض واشوفنهم يضحكون*
وفزعو عالخيم كلهم يسلبون*
خيمه خيمه وجن خويه بالنار*
واسمع عاليتامه لحگي يم عون*
كلهه اتنادي عمه اهناك
وانظر عالشمر من جاك
................................
خلصت خويه وامشينه بهالدروب*
وانته اعله الرمل خليتك اتذوب*
كل سوگ الندخله نجرع الموت*
ومن حچي الشماته اتذوب الگلوب*
كل ديره النطبهه اتدگ بالطبول*
واعلينه الخوارج وادم اتگول*
يحسين اليتامه چانو اهواي*
وحداية ضعنه اعليهم اتجول*
شي تشمر علينه احجار
وشيّ اترشنه ماي الحار
................................
يمك هالرجعنه خويه يحسين*
ولا تسألني عن بنتك بقت وين*
ردينه ضعن بس فاگد احباب*
گوم اتلگه ضعنك وانته الحنين*
هاك اخذ الامانه وخلي ارتاح*
ورد ليّه الخدر تدري الخدر راح*
راسك انه اجيت وجبته وياي*
ورجعلي الامان المن طحت طاح*
ابنياتك جبتهه وجيت
مكسوره الظهر رديت
علاء المياحي
الفاتحه لروح والدي