7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
دمعي جاري
اشيطفي ناري
جنها داري / الغاضريه
بيتي يلهب
وآنه انحب
لعمتي زينب / هالمسيه
جعفر الصادق تراني / بيه إرحم يازماني / سهمك الماضي رماني _ وصحت ويلي
مافِتر نوحي اونيني / من السهر ذبلانه عيني
حزني اطول من سنيني / وصحت ويلي
هيه حيره امنين ابدي / من أ ميه جرحي يدي
خلت دموعي اعله خدي / وصحت ويلي
جاس المر جرعته من بني العباس
وعله جر النفس خلو عليّ حرّاس
ماكو لحظه _ جفني اغمضه _ وكلبي نبضه _ من لهيبه
الراحه دمعه _ وعمري شمعه _ المن أنعه _ ليا مصيبه
****
ماشفت بالدنيه راحه / عمري خلصته مناحه
حلمي مذبوح بصباحه / آه يروحي
شالت اهموم ومصايب / كلبي من احزانه ذايب
نكلة اجدامي متاعب / آه يروحي
امن المدينه غصبن اطلع / ودعتها وعيني تدمع
الكوفه والنوب الها ارجع / آه يروحي
هالدنيه بغدرها والله معروفه
وبأجدادي شنسه شعملت الكوفه
بغربه حيره _ ابلا عشيره _ وجهي اديره _ الجدي حيدر
حامي جاره _ بذولفقاره_ يطر مزاره _ ولِّيه يحضر
*
حاوطو داري بحقدهم / وجمعوا ابابي حطبهم
أطفي بالنار او اكلهم / شنهو ذنبي
لأن آني ابن الزجيه / يحترك بيتي عليه
محد ليفزع اليه / شنهو ذنبي
والحرم مرعوبه ركضت / وحده تبجي وحده عثرت
بالجمر ايدي تجوّت / شنهو ذنبي
هالموقف نظرته او هاجت احزاني
أخذني الكربله العاشور وداني
بيتي شفته _ الطف ذكرته _ حزني عفته _ والجرالي
جم يتيمه _ ابلايه خيمه _ والهضيمه _ ابلايه والي
****
الجره اعليه يشيعه / خذني يم أرض الفجيعه
اذكر حسين اورضيعه /وابدي انحب
والكمر بيّن خسوفه / عالنهر طاحن جفوفه
عليّ راح ابنبله شوفه / وابدي انحب
والشباب اليّ تعفّر /جسمه عالغبره تطشر
جن رسول الله توذر / وابدي انحب
ياعريس هذا للجفن يلبس
عليّه طشت سيوف ابدال الملّبس
آه يعمتي _ وشحملتي _ الكافل انتي _ صبرج آيه
وعالهزيله _يالعقيله _ مو قليله _ جنتي رايه
***
إجرعت سم المنيه /وضاكت الوسعه عليه
ظلت ادموعي جريه / هايشيعه
كمت الوج اوجهي اصفر/ جن احس جبدي توذر
كلبي من السم تفطر / ها يشيعه
بس اكولن هيِّن امري / الشمر ماحزلي نحري
الخيل ماداستلي صدري / هايشيعه
ولاجسمي ثلث تيام عالغبره
ولانسواني راحت ياخلك أسره
ماإجوني _ سلّبوني _وتركوني _ عالترايب
الماي اشربه _ والله صعبه _وجدي كلبه _ بحره ذايب
***
خادم الحسين عليه السلام
علي الطيار الكربلائي
٢٠٢٤/٤/٢٥
١٦ شوال ١٤٤٥
شهادة الإمام الصادق عليه السلام
طور : إنتي أمي وعدة أطوار أخرى ..
.
.
أمك الزهره واجيتك .. أبچي عند اجنازتك
آه يالصادق ييمه .. مرمرتني امصيبتك
عالنعش يبني أنوح .. وزادت اعليه الجُروح
أمك الزهره واجيتك .. أبچي يمك يالولد
خامس أولادي ييمه .. وتنذبح بالسم بعد
ما سفت راحه بحياتك .. او لا شفت يبني السعد
چم مُصيبه شاهدتها .. وتالي صارت ذبحتك
عالنعش يبني أنوح .. وزادت اعليه الجُروح
چم مُصیبه شاهدتها .. واذْكرِت طف كربله
دارك اعليك احرگوها .. وروعوها العايله
بيهم اتذكرت زينب .. والمدامع سايله
واذْكرِت بابي ومُصابي .. ولَيَّه زادت لوعتك
عالنعش يبني أنوح .. وزادت اعليه الجُروح
وهالمسيه يا حبيبي .. ايمددونك بالگبر
ويلي لعمرك ييمه .. طَفَّوا اسنين العمر
احضرك هالليله يبني .. وأنسى يا يمه الكسر
المهم ابروحي اضمك .. يبني واحضر دفنتك
عالنعش يبني أنوح .. وزادت اعليه الجُروح
____
#فاطمة_كريم
🏴 ذكريات المصاب 🏴
● في استشهاد قائد المذهب الإمام جعفر الصادق عليه السلام ●
● وزن {البحر الطويل} ، تقرأ كنعي بطور {لفى عاشور} ، وتقرأ كلطمية بعدة أطوار أخرى ..
.
.
.
آه يمولاي .. آه يمولاي .. آه يمولاي .. آه
آه يمولاي .. آه يمولاي .. آه يمولاي .. آه
〰〰〰〰〰
صدق چبدك يوالينه .. مسمومه وتشب نيران
صدق مآلوم يالصادق .. ومن اسمومك صرت وجعان
لكن جثتك مولاي .. ما ظلت على التربان
ولا داسوا على صدرك .. خيالة بني سفيان
〰〰〰〰
صدق ميت غدر مظلوم .. بس ظل راسك امچانه
ما قطعوه ولا رفعوه .. اعله روس ارماح عدوانه
ولا سلبوها ايتامك .. وفرت كلها فزعانه
أويلي يامصاب احسين .. عليه تنحب يمولانه
〰〰〰〰
وبعد أذكر يبو الكاظم .. صدق حرقوا عليك الدار
وفرت تركض اعيالك .. مرعوبه بحريق النار
لكن مو مثل لحسين .. جرى اعليه الذي ماصار
حرقوا خيمته وأهله .. يضربوها العدا الأشرار
〰〰〰〰
ما فرت إلك طفله .. تركض و الجمر مضروم
و إجت محروقه رجليها .. يم جسمك تگلك قوم
ولا اتشوفك بليه راس .. وجسمك صبغته لدموم
أويلي لمحنة الطفله .. رقيه ومحنة المظلوم
〰〰〰〰
تمت بحمد الله تعالی
بقلم / فاطمہ كريم
نسألكم الدعاء لتعجيل الفرج
يا أباعبـــــــــــــــدالله
الفاتحة مع الصلوات إلى روح والدي
لاستشهاد الامام جعفر الصادق عليه السلام
(وزن شيعتي)
يبن خير الانبياء انته مدرسة العطاء
سيدي جعفر الصادق
★★★★★
المنهج الفكري واساسه وكل مضامين العقيده
اتراجعت عنه المذاهب مذهب الطلعه الرشيده
والمناهج خبر صارت عن نهج طه بعيده
وهذا نهجك من محمد ورايد ال الله يريده
والأصل من كربلاء انته مدرسة العطاء
سيدي جعفر الصادق
★★★★★
عجزت اعلام المذاهب تشهد اعليها المواقف
تحچي عن منطق وحكمه ويلحچي غيرك سوالف
أول وماغيرك أول قدت ميدان المعارف
عشت بانفاس أحمديه الك مَيَّالَه العواطف
وللعلم رافع لواء انته مدرسة العطاء
سيدي جعفر الصادق
★★★★★
جعفر الصادق أمامي ياامام الجعفريه
ياغياث الدين انته وحجة الله على البريه
اتحملت زمره لئيمه تريد حكم الجاهليه
رادوا ايزيحون عنهم نور من حامي الحميه
رغم كل هذا العداء انته مدرسة العطاء
سيدي جعفر الصادق
★★★★★
تسع مرات المنافق حاول أيذَبَّل او رودك
من خطر اصبح عليهم يا ابوالكاظم وجودك
غاضهم علمك الزاهر وفكرك وكثرة سجودك
صار اسمك رعب إلهم حيَّر الظالم خلودك
قدمت روحك فداء انته مدرسة العطاء
سيدي جعفر الصادق
★★★★★
مره يتجسس بغفله الظالم أيدَوَّر أخبارك
ومره يرسلك مجادل مافهم حجة اسرارك
ومره يختبرك ابماله وماعرف قوة قرارك
ومره لمن عجز عنك شعل بالنيران دارك
وأبد ماهزك بلاء انته مدرسة العطاء
سيدي جعفر الصادق
الشاعر حسن لعيبي الحريشاوي
موشح للامام الصادق عليه السلام
انت ميزان العداله الناطق.
توئم الحق يا أمامي الصادق.
...................................
يا ..منار الكشخ بفكاره الزمن.
ناطق الحق في عقر دار الفتن.
جف اميه وبني العباس التقن.
ما لون .جف العزيمه الواثق.
......................................
يبقى تاريخك مجد لهل المجد.
وبثباتك عاندت نهج الحقد.
بكلمة الحق مو بسيفك هددت.
بكلمتك اصبح فعلهم زاهق.
........................................
تغلبّت موج الفتن ذاك العصر .
يا امامي الواجهت اشرس مكر.
يل جمعت بثورتك حكمه وصبر.
وبنهج خصمك ابد متوافق.
..........................................
ياشمس تضوي ابمضامين العدل.
يل شعارك صادق القول وفعل.
الحكم أميه يبو الكاظم ماتذل.
ويم بني العباس صرحك شاهق.
.........................................
من بعد ماشاهدوا بيك العزم .
اتحاشمت بالمكر اشباه الزلم.
حركَوا وظنهم بعزمك ينثلم.
استيقنوا انت الشديد الراتق.
......................................
لجئوا الادهى المخادع والحيل.
اتفقوا ايسمون ابن خير العمل .
والدوانيقي ابفعلته ادمى المقل.
الكافر الزاني الحقود الفاسق.
........... ..........................
ابو منتظر الحجامي.
للامام الصادق ع
.
.
.
مانعــتـب لان مايســوه العـــتاب
على الي سوه گبر الصادق اتراب
ناصـبي اكـيد
ومرجعه يزيد
مايــسوه العــتب
___
بعــض البــشر تشـعر غـيض بنــفاسه
واذا اتقيــسـه ابــو سفــيان مـقـياسه
الحاقـد شـي طبيـعي يقـتدي ابـناسه
الجهل والجاهليه امعشـعــشه ابراسه
حـظ ابراسه ابدن هذا مـيصير
شتحاچيه وعنده مـاكو تفسير
والحچي اشيفيد
ومرجــعه يـــزيد
مايــسوه العــتب
___
الهـَـدم مــرقده ظــن تـنمــحي اثاره
وهابــي والــوهــابـي مــا الــه چــاره
يجـي يوم وتجيــكــم مــشـي زواره
من يظــهر الــمهدي ويـاخــذ ابثــاره
رايــة ابــو صالـح لـمـن انـشيل
مواكب نجي وندگ يمه زنجيل
واليبقه وحيد
ومرجعه يزيد
مايــسوه العــتب
___
الأسس جامعه وهالجمامعه الكبره
معــقوله جـــزاءه ينـــهـــدم گـــبره
بــَدل ما فوگـة گـبه تنبـني وحظره
هـدمـو گبــته وخـلـو علـيه صخره
لحايه اكبار بس اعقولها ازغار
شمفهـمهم اهل اثياب الگصار
الجاهل العنيد
ومرجعـه يزيد
مايــسوه العــتب
___
الامم لوعدها مثله هيچ شـخصيه
چــا سـَـوّله قــبــه ابعلــو الــثــريه
چا صحنه انبنـه ابكــبر السـعوديه
اعقول امحـجره شيفهم الوهـابيه
متحـيرين بيهـم احنه شنگول
مامعقوله ذولــه عدهم اعقول
العقله مو رشيد
ومــرجعـه يزيد
مايــسوه العــتب
___
الهــدم مرقــده ظـن هــدم المذهب
مذهب جعـفر ايضل سيف المجرب
گــالو صــفــوي والــصـادق امــعرب
مابيهــم شريــف وحــتـى يتـــعتب
زمره ابلا وعي وبلايه تفكير
ماتعرف فـقط كلمـة التكفير
العالوعي بعيد
ومرجـعه يزيد
مايــسوه العــتب
___
هــمــه اتوهمــو هــدمـــو بنـــيانه
ظنهم على الشيـعه ايضيع عنوانه
ضريحه بكل گـلب مفتوحه بيبانه
الشيعي اســم جعــفر دوم بلسانه
يجي يوم ونروح الگبره حملات
ونبـنيله صحـن واربـــع مــنارات
الهذي المايريد
ومرجعـه يزيد
مايــسوه العــتب
___
حيدر تركي الكربلائي
للصادق اليوم اعتنت فاطمه
بدمع المصيبه الجارية امحزمه
اتصيح اه يبني
امصابك افجعني
.......
من السمه نزلت تون ... من غمض اعيونه
بالكوه تمشي اعله الجدم ... ويه اليشعونه
مكسوره خاطر والضلع ... ماذيهه بمصابه
متألمه حيل الدفنته ... جن هيه مدفونه
يم كبره كعدت تبجي وي عيلته
اه يبني يالبسم متت نادته
يومك اَ لمني
امصابك افجعني
......
يم راسه كعدت تنتحب ... والدمعه تجريهه
وحتى الحمام البَّسمه ... ون وبجه اعليهه
خيمة عزاهه اعله النعش ... نصبت ابكل حركه
بالكلب نار اموجره .... رادت تطفيهه
نصبت عزاهه والضلع دم يصب
لطمت صدرهه وكعدت اعله الترب
وسولفت ذني
امصابك افجعني
.....
ادكله يوليدي الك ... جيت بحزن كلبي
ما ظلي حيل ابموتتك ... يشهد علي ربي
اكعد يسباح الكلب ... اكعد تلكاني
مصابك اخذ شوفي وصرت ... ما وجده دربي
اعليك السماوات العَّلا باكيه
مثل البحار البل أرض جاريه
يالرحت مني
امصابك افجعني
.....
اتناديه يمه ابيا ذنب .... سموك حاجيني
عادو علية اشجم جرح ... نازف امأذيني
كل يوم فاجعني الدهر .... بيكم يهل بيتي
واحد بسم واحد ذبح ... خلصكم ابنيني
بيه وبهل بيتي اشعمل هالدهر
كل يوم فاجعني بجبد وبنحر
دهري شيبني
امصابك افجعني
......
صيحتهه يالصادق الك ... جابتني ايامي
بعدك منو ايقيم العزه ... عالمنذبح الضامي
لمصابك اتون كربله .... يا صاحب الدمعه
كل يوم ذابحلي الشمر ... محبوب كدامي
يا جعفر الصادق الك دمعتي
ما تنشف ولا تنتهي عبرتي
ولا ينتهي وني
بمصابك افجعني
......
كلمات
موسى الخادم
قال الامام الصادق ع ( كونوا زينا لنا و لا تكونوا شينا علينا )
……………………………………………………………
صادق الدين ينادي ••• صادق الدين
زين مو شين علينه ••• زين مو شين
أدب وبحسن الصفات
صيروا للـمذهب دُعـاة
صادق الدين ••• صادق الدين
……………………………………………………………
يامن تحملون اسمي شيعه واصفى من الذهب
الـلـه خـالقـكـم لـجلـنه وقـف للـصادق كـتب
مـا اريـد حـجـايه عـنكم لا شـكايه و لا عـتب
كـون تتـرحّـملي كـلهـا مـربّي اشـياعه بـأدب
ارفـع الـراس بادبكم ••• ارفـع الـراس
صيرو نوماس يشيعه ••• صيرو نوماس
شـيعـة الصـادق أُباة
صيروا للمذهب دُعاة
صادق الدين ••• صادق الدين
……………………………………………………………
صـير نافذ بالبصيره مـثل عـباس الگمر
لا تفـرط بالعـقيـده لا يـخوفـك كـل شـمر
ابد مو شيعي احسبه للضلع كلمن نكر
والترضه عليه احسبه مشارك بدفع و كسر
الينكر الباب يـشيعه ••• الينكر الـباب
وي الاصحاب مصيره ••• وي الاصحاب
و ينحشر وي الجُناة
صيروا للمذهب دُعاة
صادق الدين ••• صادق الدين
……………………………………………………………
من نفس طينته صرتوا روح حره وطاهره
بالـحزن تحـزن مـثلنه و بالفـرح مـستبشره
موش منه الماله دمعه عل حُسين ومنحره
المـاطـبع بالـصدر چـفه ما اجـيه بالآخـره
الماله عاشور اتركه ••• الماله عاشور
يظل بلا نور طريقه ••• يظل بلا نور
حـسينكم هـو النجاة
صيروا للمذهب دُعاة
صادق الدين ••• صادق الدين
…………………………………………………………..
دين جاهز جبنه الكم بدمنه مدفوع الثمن
باب و البسمار أُمنه و الي عل هـزّل مشن
ليش متفرقين صـرتو گـاع مـزروعه بفتن
كلمن يحرّف حقيقه بصدر ابو اليمه طعن
اليبقه وفاي احسبه ••• اليبقه وفاي
جايب الماي لرقيه ••• جايب الماي
يـطفي نار الثاكـلات
صيروا للمذهب دُعاة
صادق الدين ••• صادق الدين
……………………………………………………………
و الله احـن مـن امكـم احـنه الكم أنريد الفرح
چن جرح عبدالله نشعر لو طفل شيعي انجرح
نـفتخـر بالـطايـع اهـلـه و بـشـهاده الهـم نجح
كـل عمرنه بليل عشنه و انتو يا شـيعه الصبح
ذبـح و سـموم لجلكم ••• ذبح و سموم
يمحي الهموم وجهكم ••• يمحي الهموم
بيكم انعـيش الحياة
صيروا للمذهب دُعاة
صادق الدين ••• صادق الدين
……………………………………………………………
المهدي مو( مُنتَظر) اسمه (مُنتظِر)إلكم عمل
مـن يشـوف الديـن بيـكم للـفرج يـصبح امل
لا خـروح بهـل تـفرق وراح اجـيبـلكم مـثل
يستحيل بخرم ابره يفوت من عدها الجمل
يوم الاثنين عملكم ••• يوم الاثنين
قائم الدين يشوفه ••• قائم الدين
تچوي گلبه المنكرات
صيروا للمذهب دُعاة
صادق الدين ••• صادق الدين
……………………………………………………………
✍️ ( سيد خضر الزاملي )
استشهاد الامام الصادق ع
الصادق نودعـه الليله .. ودمع الحـزن نبچـيله
هاليله تحـضرنـه الزچـيه .. تبـچـي الامام الجعـفريه
………………………
ياشيعـته الصادق رحل .. هاليله وافاه الأجل
وغمـضها ويلي اعيونه
ركن الشريعـة منـهدم .. بهذا العزه شدو الحزم
والكـاظم اتـواسـونه
لمجلسنه حضرت فاطمه .. عالخد اجـتكم لاطمه
بنت النبي ومحزونه
الله اليعين بهل مصيبه اعياله
شـيخ الهواشم چـافيات ادلاله
يا وحـشة الدار المـشه راعيـها
ويافـرگت الـوالد صدگ چـتاله
لمن يمـوت الـوالي .. خلـته تضل للـتالي
وداره تضل دوم بعزيه .. تبچي الامام الجعفريه
………………………
بالسم چبدته تمردت .. والروح للباري اصعدت
وكل شيعـته حزنانه
وكل هاشمي الليله بحزن .. عالصادق ينوح ويون
وما تـنـطفي نيرانه
وكل فاطميه اتنوح اله .. بهاي المصيبه امولـوله
ولبست سواد احزانه
كـسرة ظـهر ياناس فـگـد الغالي
جرحه يضل وسط الگلب للتالي
العـايلـه اتـيـه افـگــد والـيـها
وهلـيلـه احـنه راح منـه الـوالي
بـهذا المسه صادقـنـه .. يا للأسف ودعـنـه
والعين بالمدمع جريه .. تبچي الامام الجعفريه
………………………
مات وترس عينه الدمع .. او وناته چانت تنسمع
يا عمـتي المسبيه
بنيران بيته من احترگ .. بعبراته ودموعه اخـتنگ
واتـذكـر العـلويـه
من حرگو عليها الخيم .. من النار تـتراكض حرم
واطفالها المسبيه
مــا فـارگ اخـيالـه صـور عمـاته
كل يــوم عايش بالسبي ولـوعاته
چا شنهو حال حسين ذيچ الساعه
يسحـگن جـمـر شاهـدهـن ابنياته
وصادقنه عاش الحاله .. نـار وجـمـر بعـياله
ركضت ابيته الهاشميه .. تبچي الامام الجعفريه
………………………
لكنه نعشه من انحمل .. بالدفن حضروه الاهل
وهـالــو عليه اتـرابه
مابيه جرح لا منذبح .. لا راسه مشيول برمح
وتنـظر عليه احبابه
لفـو الصادق بالچفـن .. واثـيابه ما اتـسلبن
ما سلبته السلابه
مات واهل واحبابـه اليشيعونه
مامات وبخيل العده يسحگونه
لكـن اويـلي السحـگـته الخياله
بذيچ الحـوافر ماردات اعـيونه
محزوز نحره من مات .. ووجهه الحلو بيه طبرات
وركضت اله اخته السبيه .. تبچي الامام الجعفريه
………………………
وماشافـته امه فاطمه .. غرگان ابنها بالدمه
شافت الصادق سالم
بس ذاك ابنها بكربله .. مذبوح من راحت اله
وفوگ الرمل ضل نايم
احسين لمن شـافـته .. امـه ابـد ما عرفـته
امفرهـدينه الوادم
لا وجه ضل عنده وتعرف اعيونه
ولا لـون ضل عـنده وتعرفه بلونه
دم ولحـم مـتـبـدي فـوگ الغـبره
چـا نعـمة الله بحـافـر يـدوسـونه
من داستـه الخياله .. مردت جمـيع اوصاله
وذيچ الخيول الاعوجيه .. تبچي الامام الجعفريه
الشاعر عقيل الحسناوي..
.
قصيده على لحن ابا صالح التماس دعا
اباصالح غثني يا مولاي
جمره بنفاسي تشكي منها الروح
اباصالح طوَّل اغيابك
يا ارض تدعي ابگلبک المجروح
*ابا صالح یا ابا صالح*
✔✔✔✔✔✔✔
لون تقصد للمدینه هناک
شابحه عیونک للنبي و گبره
یبو صالح فدوه اذکرنه
یم گبر امک فاطمه الزهره
لون تنحب للضلع و العين
و الجنين الطاح ويلي بالعصره
تون انت و فاطمه چفها
اعلی الضلع تنعي من الكسُر و تنوح
*ابا صالح یا ابا صالح*
✔✔✔✔✔✔✔✔
لون تقصد للبقیع تزور
سیدي اذكرنه الجدك المسموم
لون تنصب شمعة دموعك
الجدك السجاد اذكرنه يالمعصوم
کتر گبر الباقر اذکرنه
و من علی الصادق تنحب و مهموم
عله ، اُمّ الاربعه سلم
من گبرها حب لِلْحُسین ایفوح
*ابا صالح یا ابا صالح*
✔✔✔✔✔✔✔✔
یبو صالح لو مشیت الطف
سیّدي اذكرنه بكل دمع مذروف
لون تنحب للگمر عباس
و السهم بالعین لا نظر لَاچْفوف
کتر تل الزیني توگف
تذكر المذبوح و بگلب ملهوف
عليك بجاه زينب اذكرنه
يم مزار حسين سيّدي من اتروح
*ابا صالح یا ابا صالح*
✔✔✔✔✔✔✔✔
يبوصالح لو بچیت ادموم
یم ضریح حسین جدک المنحور
لون تذكر حرگت الخیمات
تنسبي زينب و الخصم مسرور
و الحسین اعلی الرمل مطروح
عالرمح راسه و عینه لاخته اتدور
عليك ابدم منحر الأصغر
اذكرنه عد مصرع جدك المذبوح
*ابا صالح یا ابا صالح*
✔✔✔✔✔✔✔✔
کلمات الاقل ناصرالبوعبيد
في ذكرى استشهاد الامام جعفر الصادق
عليه السلام
يا أمير الفقة واحكام الشريعه
يبو الكاظم غيبتك اعظم فجيعه
★★★★★
ناحت الاقلام ومداد المحابر
اختلط جمر گلوبنه بدمع المحاجر
والزمن لمن غبت مذهول حاير
يبن حامي الجار والزهره الوديعه
★★★★★
يامداد العلم. يانور المجالس
مدرسة خرجَّت الآف المدارس
سابع الاكوان تبچيلك يسادس
وعلى احبابك ضاگت الدنيا الوسيعه
★★★★★
يابو الخير الياوكت منهم تقاسي
شفت من اهل الخديعه شگد مآسي
جبل ماتنهزم يلعزمك رواسي
ياضوه الاسلام وانواره وربيعه
★★★★★
كل حسابات المخالف غيَّرتها
والمذاهب اربعه بحيره عفتها
وبقناعه من علومك وصلتها
حجج عندك بالبراهين المنيعه
★★★★★
رادوا يصغرون شانك يلي شانك
عالي ويهابون ياجعفر مكانك
سيد الحكمة وبعد سيد زمانك
وخاب كل ظالم يظن انته تطيعه
★★★★★
يلسحرت الناس قانعهم دليلك
بغدر ليش المارحم قابل جميلك
عِلَّتَك زادت وطّوّل الم ليلك
عن غدر سموك أصحاب الخديعه
الشاعر حسن لعيبي الحريشاوي
فِي مَدْحِ الْإِمَام جَعْفَرٍ الصَّادِقِ عَلَيْهِ السَّلَامُ (فصحى)
سَلَامًا أَيُّهَا الصَّادِق . بِعِلْم الْمُصْطَفَى نَاطِقٌ
صِرَاط الْخَالِق الْأَقْوَم
وَنَهْج الْمُصْطَفَى الْأَكْرَم
سَلَامًا أَيُّهَا الصَّادِق
★★★★★
سَلَامًا أَيُّهَا الطَّاهِر تَقِيَّّا هَادِيًا صَابِرٌ
حَكِيم عَالِمٍا ذَاكِرٍ . بنهج الْمُرْتَضَى سَائِر
لِدَيْن الْمُصْطَفَى نَاصِر . سَدِيدِ الرَّأْيِ كالباقر
ايانور الْهُدَى الأَزْهَر
وَفَّقَه الْمُرْتَضَى حَيْدَرٌ
سَلَامًا أَيُّهَا الصَّادِق
★★★★★
سَلَامًا مِنْ جَوًى قَلْبِي إلَى إيمَانُك الرَّحْبِ
سَلِيل الْكَوْثَر الْعَذْبِ . ايامجدا مِنْ الرُّبِّ
تُنِير الْكَوْن بِالْحَبّ . مِنْ الشَّرْق إِلَى الْغَرْبِ
ايانور الْمَدَى الاجمل
ايامجد الْهُدَى الْأَكْمَل
سَلَامًا أَيُّهَا الصَّادِق
★★★★★
سَلَامًا ثامن الْمَجْد . وَفِيًّا صَادِقٌ الْعَهْد
تَقَيَّ هَادِيًا مَهْدِيّ . . مِن الْمَهْد إلَى اللّحْدِ
دُعِيت النَّاس لِلرُّشْد لِفِعْل الْخَيْرِ وَالزُّهْدِ
فيَالِق عِلْمُك الْأَقْوَى
هي الْإِيمَانِ وَالتَّقْوَى
سَلَامًا أَيُّهَا الصَّادِق
★★★★★
تَقِيّ عَارِفا عَامِلٌ . بِحُكْمِ الْخَالِقِ الْعَادِل
بِعِلْم وَافِر كَامِل. شَدِيدٌُ تَقْمَع الْبَاطِل .
روؤف تَنَصَّح الْجَاهِل كَرِيمً تُطْعِم السَّائِل .
فَعُلِم للمدى أَسْبَق
لَهُ أَبْوَابُ لاتغلق
سَلَامًا أَيُّهَا الصَّادِق
★★★★★
ايادنيا مِن الْفِكْر . عَلَى طُولِ الْمَدَى تَجْرِي
مُضِيئً كَوْكَبٍ دُرِّيٍّ جَلِيلُ الشَّأْنِ وَالْقَدْر
فَلَا (النعمان) و(الثوري) كذكراك مِنْ الذَّكَرِ
ك(طه)سرت فِي الْخَلْقِ
بِعَذْب الْقَوْل وَالرِّفْق
سَلَامًا أَيُّهَا الصَّادِق
الشاعر حسن لعيبي الحريشاوي
ليش الدمع عالوجنات
يادنيه ليليه ايبات
فكد الابو ماينحمل
وكسر الخواطر موسهل
ليش ليش هايدنيه
......................
بالغدر ماكو مثيلج ماتعرفين الحنان
شلون يخلص تالي عمري وانتي مابيج الامان
هواي راح اعيوني تسهر بيج ويطول الزمان
شضامتلي يا مصيبه وياخرابه ويامكان
لاجمني كلبي ومالوم
منج شفت بس هموم
وهمومج التكتل كتل
وكسر الخواطر مو سهل
ليش ليش هايدنيه
.....................
عالمحنه شبيج انتي تعتنين وبالحزن
ناسيه لوبيهه اذكرج خذتي مني اطيب حضن
الزهره من راحت لهسه اسهر الليل واون
خذتي شمعت عيني امي والكلب ذاك اليحن
امي تضل وسط البال
وسهمج الليله الجتال
اكبار المصايب من تحل
وكسر الخواطر مو سهل
ليش ليش هايدنيه
....................
الحطني بعيونه ويكلي انتي نبضات الكلب
وانتضر بابي يدكه وعيني تربي اعله الدرب
هذا ابوي وكل حياتي افراكه يهضمني وصعب
ادري مايسلم الطيب بيج لازم ينضرب
هزيتي دين الاسلام
صوّبتي حيدر بالهام
دمعي على مصابه يهل
وكسر الخواطر مو سهل
ليش ليش هايدنيه
.........................
خذتي ابوي وكلشي بيّه تهدم الهاذه الامر
بعد مايهنالي اعيشن بيج يلطبعج جمر
عمري بوجوده شحلاته وراح وياه العمر
شلون اكضيهه حياتي و والدي بحضن الكبر
منج بنص كلبي صواب
من الباب والهل محراب
وي والدي راح العدل
وكسر الخواطر مو سهل
ليش ليش هايدنيه
..........................
ميته بعيوني يدنيه انتي من كد الضلم
انه زينب شنهي ذنبي ومنج اشبع بس هظم
بيج ابوي انصاب راسه وجازيه الطبره العضم
اليله ياعظم المصيبه من ابوي انه انحرم
يادنيه مومال افراك
كلساع احنن وشتاك
من وجهه والله ما امل
وكسر الخواطر مو سهل
ليش ليش هايدنيه
محمد هادي العقابي
لطميه وزن نصاري للسيده فاطمه العليله ع
━━━•✿🪬✿•━━━
من ارض المدينه ابعث سلامات
للراحن سوه وكلهن عزيزات
━━━•✿🪬✿•━━━
اكتب بالرساله ويجري دمعي
عمه ام عون والله احنيتي ظلعي
اسمعي چلمتي وباخواني ارجعي
ورَجعي اهل الفخر واهل الكرامات
*✍🏻أم عبــــــد اللــــــــــه العابـــــــــــدي*━━━•✿🪬✿•━━━
رديلي ابوي وكل اخوتي
اخافن لوجفو يلفيني موتي
صحت يهل الرحم سمعو نخوتي
تره حبر الرساله صار دمعات
✍🏻ام حسين العسكري ناصريه
━━━•✿🪬✿•━━━
الملم ذكرياتي وتجري العيون
يروحي كطعي ضنج مايردون
فركاچن يخيه عليه ميهون
اصبر بالگلب كلهن عزيزات
✍🏻الشاعرة ام روكان الشمري
━━━•✿🪬✿•━━━
كتب اكتابي بالدمعات الهن
عافني عليله ليش گلهن
انشد واسأل الي مشه عنهن
امي وعمتي وكل الاخيات
*ام منـ✍️ــذر الحجار*
━━━•✿🪬✿•━━━
اكتب بالرساله اعيوني اتسيل
وافراگ ومرض مانايمه الليل
من الخوف يرجف جسمي ونحيل
وعمتي ما تردلي بعد هيهات
✍🏻ام رافد العسكري
━━━•✿🪬✿•━━━
تموت افراحنه ونعگـد حِزنه
وعيون السهر نلبسها كلنــه
تخله اديارنه من اهل المحنه
يهلنه بدونكم صـرنه غريبات
زمـــ✍🏻ــــن حــــاتــم الربيـــعي واســــــــــــــــــــــط
━━━•✿🪬✿•━━━
تــمــــ بـحمـــدالله وتـوفيـقـــه ـــــــــت بـــأقــــ✍🏻ـــ✍🏻ـلام شـاعــــرات الملتــقى الحسيـــــني لـناعــــــيات الطـــــــف بتـاریــــخ📜 شوال الخير / ١٤٤٥هـ🌙 بـإشــــــراف الشــاعــــــــرة والحاجـه أم حســـــــين العسكـــــري ناصــــريـه يحـــــرم الحــــذف والتــــــلاعب ونسألكـم الدعـــاء والفاتحـة لأمواتــنـا.
📌 السراج المنير 📌
كان الإمام الصادق (عليه السلام) السراج المنیر في العلم والمعرفة، حيث أكد أهمية تحصیل العلم للشيعة وخاصة الشباب:-
📍وکان یذكر دائمًا:
«لست أحب أن أری الشاب منکم إلا غادیًا في حالین، إما عالمًا أو متعلمًا»
📍وکان یحذر: «لو أُتیت بشاب من شباب الشیعة لا یتفقه لأدّبته»
هذا التركيز والإصرار على الفهم العميق للتعاليم الدينية يرجع إلى حقيقة، هي أن الضعف في الأسس الدينية سيؤدي إلى الانحراف والضلالة في الدين .
📍كما قال:
«لا خیر في من لا یتفقه من أصحابنا، یا بشیر إن الرجل منهم إذا لم یستغن بفقهه احتاج إلیهم، فإذا احتاج إلیهم أدخلوه في باب ضلالتهم، وهو لا یعلم»
🔹إن السیرة العملية والتعاليم الشفویة للإمام الصادق علیه السلام فيما يتعلق بالتسامح مع الآخرين، تنیر الدرب لأتباعه وتمنعهم من الوقوع في خضمّ التطرّف .
🔹 کان الإمام الصادق علیه السلام یؤکد دائمًا على أن يتصرف الشيعة بحیث لا تفضي تصرفاتهم إلى تشویه الشيعة وأئمتهم من قبل أتباع الأديان والمذاهب الأخرى، وأن لا ینشأ تصور خاطئ من الشيعة لدی الآخرين .
🔹على سبيل المثال، نُقل عنه:
«خالقوا الناس بأخلاقهم، صلوا في مساجدهم، وعودوا مرضاهم، واشهدوا جنائزهم، وإن استطعتم أن تکونوا الأئمة، والمؤذنین فافعلوا، فإنکم إذا فعلتم ذلك قالوا: هؤلاء الجعفریة، رحم الله جعفرًا ما کان أحسن ما یؤدب أصحابه. وإذا ترکتم ذلك قالوا:- هؤلاء الجعفریة، فعل الله بجعفر، ما کان أسوأ ما یؤدب أصحابه»
📚 1. ميزان الحكمة ج2 ص1401
📚 2. بحار الأنوار ج1 ص214
📚 3. الكافي ج1 ص33
📚 4. من لا يحضره الفقيه ج1 ص383
نواعي في التوسل بمولانا الإمام جعفر الصادق عليه السلام
.
.
● طور : يا رايح تزور حسين + لفی عاشور
يمهدوم الگبر أنخاك .. وأريدن نظرة من عينك
أردن نفحة من جودك .. وأريد اتمد إلي ايدينك
ابحگ اللي عليه كل يوم .. دمع عيناك واونينك
اجبر گلبي المكسور .. خاطر سيدي احسينك
فرحني يبو الكاظم .. خاطر أمك الزهره
واكتبلي المسه أرجع .. ومن عندك نِلِت نظره
لا تنساني هالليله .. عليك بصاحب الطبره
يمولانه تعب گلبي .. أريدن حالي اتغيْره
آه يا مولاي آه يا مولاي آه يا مولاي آه
آه يا مولاي آه يا مولاي آه يا مولاي آه
● طور : مالي غيرك
أنخى جيتك .. سيدي وبروحي حسره
أنخى جيتك .. ارزقني يا مولاي نظره
أنخى جيتك .. خاطر المكسور صدره
يا إمامي .. لا تردني هالمسيه
يا إمامي .. ابحگ شهيد الغاضريه
يا إمامي .. الليله فرحني بعطيه
● طور : يمه أنا زينب
اليگصد الصادق .. حاشه يرد مهموم
باب الفرج بابه .. لكل حاير ومحروم
حاشه يخيب اللي .. ابدمعه تعناله
متحير وجرحه .. وسط الگلب شاله
وآنه المسه بجرحي .. جيت بدمع مسجوم
باب الفرج بابه .. لكل حاير ومحروم
جيتك يماي العين .. ومني الگلب حاير
وحاشه يبو الكاظم .. تكسرلي الخاطر
وأدري أبد ما خاب .. من ناده يا مسموم
باب الفرج بابه .. لكل حاير ومحروم
● طور : يا صاحب الزمان مولاي عذراً سيدي
مدد مدد مدد .. يا صادق العتره مدد
يمهدوم الگبر .. اشتاگ الگلب لزيارتك
يا سيدي بحلم .. يمته اشاهد قبتك
وعلى بابك اطيح .. بلهفه أقبل عتبتك
واشمها سيدي .. بروحي الغريبه تربتك
اعله شباجك اطوف .. واشكي هُمومي بحضرتك
وأگلك سيدي .. أنا الفقير لنظرتك
مدد مدد مدد .. يا صادق العتره مدد
رايدها مسحتك .. تشفي دليلي المنكسر
وحق غربة البقيع .. محتاج إلك والله شكثر
لحنانك سيدي .. اخذني يا نعم الذخر
وتِشافي يمينتك .. اجروحي اذا اعليه تمر
يالصادق انتظر .. نفحة عطاءك انتظر
لتردني هالمسه .. ابحگ اللي ما عدها گبر
_
تمت بحمد الله تعالى
#فاطمة_كريم
٦ / ٢٠٢١ م
نسألكم الدعاء لتعجيل الفرج
يــــــــــا أبا عبـــــــــــــــدالله
الفاتحة مع الصلوات إلى روح والدي
🏴 الزهراء عليها السلام تنعى الإمام الصادق عليه السلام 🏴
مجاريد :
نص الليل جيت ويجري دمعي
واتعثر وإيدي اعله ضلعي
جيت اعله گبرك يمه انعي
جيتك او أجري ادموعي من دم
واشوف ابچبدتك شمسوي السَم
واشوف اشكثر دلالك تألم
نصاري :
چنت كل ليله اسمْعك تون لحسين
وتِسليني ييمه ابدمعة العين
وتبچي لزينب وحرگ الصواوين
وخافي صوتك الليله عليه
ألف ويلاه يالصادق يمسموم
يالطول العمر لحسين مآلوم
يا يمه عليك الگلب ملچوم
وتظل اعليك دمعاتي جريه
يَیُمه امصيبتك والله مصيبه
ومو راسي الکلب والله تِشيبه
يَیُمه القلب ما بطل نحيبه
وكل صبح ومسه عندي عزيه
ما واحد سِلَم يا يمه منكم
وكل ليله أون يا يمه إلكم
خان الدهر شتت شملكم
چتل واسموم وآلام وأذيه
أبوذية :
يا ريت
عليك الدنيا آيا يمه يا ريت
وألِف ونّه عليك اليوم يا ريت
بعجل يظهر ابو الثارات يا ريت
ويِشيِّد گبرك وينصب عزيه
_
تمت بحمد الله تعالى
#فاطمة_كريم
٦ / ٢٠٢١ م
يابن الحسن روحي فداك
متى ترانا ونراك
@@@
غايب لچن بالروح حاضر
تنتظرك ابلهفه الخواطر
…
ابعيني نورك .. شمس وتحجب في غمام السمه
ابعيني نورك .. ياشوگ ينبض في خلايه الدمه
ابعيني نورك .. محفوظ بجفوني ييوسف فاطمه
ابعيني نورك .. ابعيني نورك
…
الشوقُ ذابَ في سناكْ
متى ترانا ونراك
@@@
خلص تره المحبوب عمره
وعيونه من الندبه حمره
…
يمته تظهر .. كل جمعه نندب والصبر ما وهن
يمته تظهر .. ترى شبعنه من جروح الفتن
يمته تظهر .. ياحجة الله سيدي ابن الحسن
يمته تظهر .. يمته تظهر
…
في مكةٍ فرفع لواك
متى ترانا ونراك
@@@
برضوى ام طوى المدينه
وينه مكانك گلي وينه
…
لو بلطفوف .. يانور الله وياجماله الصبيح
لو بلطفوف .. عد جدك الضامي تلم بالضريح
لو بلطفوف .. تنعه مصيبة هالغريب الذبيح
لو بلطفوف .. لو بلطفوف
…
ممدودة تدعو يداك
متى ترانا ونراك
@@@
علي أحمد الحمود
٢٩-٤-٢٠٢٤
الامام المهدي
ندبه
لاستشهاد الامام جعفر الصادق عليه السلام (وزن هجري)
هلُّوُا ياشيعه المدامع وبحزن ماله حدود
رحل اركان الامامه ثامن أنوار الوجود
★★★★★
رحل سيدكم يشيعه صادق العتره الأمين
عَذِّب أمصابه الجوانح والعلم اصبح حزين
حَضَّر المنصور سمَّه بلاذنب سَمَّه اللعين
الما إله دين وأمانه ولا إله أيمان وعهود
★★★★★
اشذنب ابو الكاظم تعَذَّب هلخلگ شمسويَّه بيه
مره حرگ الدار مره الگوم تجسس عليه
مره دعوه ومره شكوه ظالم بتهمه يجييه
وسفه أصحاب الهزيمه على اليهديهم أسوود
★★★★★
أصبح المنصور خايف من تحَصَّن بالالوف
ومن نظر حكمة الصادق چنه ينظر للسيوف
جعفر الشايل ابفكره ثوره من جرح الطفوف
ثوره تدعمها المعارف بالدعاء وبالسجود
★★★★★
گطعَّوَا دَلَّاله بالسم بكل وسيله حاربوه
ماكفاهم مات بالسم من حقدهم مانسوه
لاضريح وگبه خلوا گبر طاهر هدموه
اخبارهم تشهد عليهم لوردت أذكر شهود
★★★★★
هلوا ياشيعه المدامع وابچوا لمصاب الشفيع
الثَبَّت اركان الشريعه حتى لا بالشر تضييع
بلانهايه انوار مجده تبدي من أرض البقيع
ساطعه انواره البهيه رغم كل حاقد حسود
الشاعر حسن لعيبي الحريشاوي
يالخطيت بحبك أية
صادق أفعال الوفاية
...........................................
أية ثورة تخط حروفك
اسست المذهب بعلومك
للمحشر نقسم منعوفك
يالصادق أهداف وغاية
............................................
يابو الكاظم دايم مجدك
ننصب مأتم دايم بأسمك
يلي فديت الدين بدمك
قدوة ثوار الوفاية
...........................................
يا سادس انوار العترة
يالخلد دين الله بذكرة
غصن وأثمر اكبر شجرة
احكامك جن صورة اية
...............................................
مشتاقين نزورة القبرة
ننصب مجلس نبجي ونقرة
نعزي أم الحسنين الزهرة
وننصب مجلس نقرة قراية
................................................
وحشة الغرقد يابو الكاظم
هدم قبرك حيف الضالم
من يضهر مولانة القائم
ينصرنة لو شال الراية
.....................................................
فاضل فخرالدين07717451877
ماحاضر كربله… ولا سبّي العايلة
بس سامع من هله… اشجارو على حسين
……
ماحاضر بطف كربله…ولا شاف نبله حرمله…
ولا سبي الاعيال
حزنهه كثر من الزغر ..ميت قهر ﻻم الخدر .. الراحت عالجمال
من مولدة الحد موتته…يبجي اعله زينب عمته … الكيدوهة بحبال
راسم صور بالذاكرة … الراس الحسين ومنحره .. المنة الدمه سال
ما شاهد جف كمر
ولا رايه اعله النهر
والدمعة السايله… .. اشجارو على حسين
……
قصة عذاباته ابتدت ..من اول ايام اللفت ...
روحه اعله دنياه
ماضاكت اسنينه الفرح …من الزغر كلبه انجرح … بهمومة ويلاه
الباقر حجاله الي جره…اعله حسين من ظل عالثرة … تتناثر ادماه
من منحرة نازف دمة… واظلوعه كلهة امهشمة…
ما رحمته اعداه
الباقر ما خبّره
عن كسرت خاطره
وعن شمر وحرمله… .اشجارو على حسين
………
الصادق كظه سنينه قهر…اعله حسين مكطوع النحر ... حزنه وعذابه
ليلة يخلصه بالدمع …وانهارة ذايب كالشمع … شاب ابشبابه
نار 🔥 ابدليله اتوجرت… مثل الخيام الماطفت … زادت مصابه
كل ما يمر شهر الحزن… يذكر حسين ابلادفن…
ظل عل الترابه
طايح فوك الثره
دم نازف منحرة
تنظر له العايله… اشجارو على حسين
…
عايش وروحة ابكربله … يبجي بواجي الثاكله… خلص هالاعوام
ما لحضة فارك للحزن . .بدموعة غركان الجفن… جاباها الايام
مجلس عزائه منصب…ولحسين دمعاته تصب… ولحرك الاخيام
يتمنه جانت موتته… وية رقية عمته
بالغربه بالشام
وبحبال اهل الغدر
متكييد لليسر
ويبراله عاذله ... اشجارو على حسين
……
هالليلة ناس العادته… بالسم روتله جبدته …
بكاس المرارت
ماهمهم الصادق ولي …وجده الوصي حيدر علي … حاضر الشدات
بعروكهم يسري الحقد … بالدم سكو غصن الورد… وذبحو الضحكات
من السقيفة استلهمو… معنى الغدر واتعلمو…
للفتنه رايات…
ماهمهم حالته
من سمو جبدته
نسألهم أساله… .. اشجارو على حسين
……
كلمات
موسى الخادم
…
الناصب عزائه جان لحسين
مات المسيه وغمض العين
اويلاه .... اويلاه
......
مدرسة العلم جانو يسمونه
مات بسم غدر ناس اليكرهونه
ما شاف الراحه بعمره ولا عاش الفرحه
خلَّص ايامه اعله حسينه امصاحب جرحه
مره ينوح الجبده الضامي وسحكت ظهره
مره أينوح السبي اعياله ومره الذبحه
جعفر الصادق لاخر ايام
يبجي الحبيبه الشابع اسهام
واويلاه ... واويلاه
......
ليلية اعله خده ناثر ادموعه
وروحه الموت ابو الاحرار مفجوعه
يومية ابنص داره الجده ناصب مأتم
حركة كلبه الذبح حسينه حرك أمخيم
شيًّب حاله الطف من زغره وكبًّر عمره
موضوعه اصبح ليل انهار البي يتكلم
مجلس حسين ابداره باقي
يقراه بالطور العراقي
واويلاه ... واويلاه
......
اه يحسين دوم ايردد السانه
شاعر صار والرادود عنوانه
اه يحسين واه يمصابه بحت صوته
والزينب ما فارك حزنه وهضمه الموته
صورة حبل الظالم كَيد جفهه وجرهه
هيه الهاي الهدت حيله وهدت قوته
القتل الهم جان عاده
بس سبي زينب موت زاده
واويلاه ... واويلاه
....
ليش اضلوع جدي بخيل سحكوهه
ما كفاهم اضلوع امه كسروهه
المثل حسين اتشيله الودام فوك الهامه
موش اطشر لحمه وحيل ادوس اعظامه
وبحر شمس العاشر يبقى ايام اتلاثه
ريت الطف لا صار ولا صارت ايامه
جا ما بقى جسمه رمية
ولا عل طشت ماتت رقيه
اويلاه.... اويلاه
......
كلما يشرب المي يذكر حسينه
عطشان انذبح ليش وغمض عينه
سامع كلشي بس ما سامع ذبحو ضامي
يحجيهه بدمعات اعيونه وكلبه الدامي
امصيبت جدي الما تشبهه كل مصيبه
هي الاخذت مني اسنيني وكل ايامي
السم احسبه سبب ثاني
حزني اعله جدي الموتاني
اويلاه .... اويلاه
......
كلمات
موسى الخادم
لحزننا نداء .. قد زلزل السماء
بالصادق عزاء .. ياصاحب الزمان
@@@
ياللي شايل روح مجروحه ابحزنها
على عتره كل مسه تبچي وتونها
وين هالغيبه صفه تالي زمنها
ابگد غيابك باقيه الناس ابفتنها
…
مذ غبت والوجود .. قد غيب الامان
ووجدنا يسود .. ياصاحب الزمان
@@@
والله حالك بالحزن لا مو قليله
وهيه ثاراتك على اچتافك ثجيله
ابكل كتر من النبي بضعه لدليله
بالوطن لو بالغرب طاحت قتيله
…
قبوركم دليل .. لم تخلُ من مكان
لإرثك الثقيل .. ياصاحب الزمان
@@@
الليله شيعتكم يابن سيد البريه
رجعت اتجدد عزاكم هالعشيه
على صادق عترة الهادي الابيه
گبلت اتواسي ابمدامعها الزچيه
…
قد اطلق الوجيب .. بحزنها العنان
لصبرك العجيب .. ياصاحب الزمان
@@@
هاللي چان اعله البشر معروف نبراس
وسفه تجهل بالدهر مقداره هالناس
شيخ اجدادك لفض عالضيم لنفاس
من اميه ازلامها ومن آل عباس
…
وان اتت فرص .. فالدهر بفتتان
تجرع الغصص .. ياصاحب الزمان
@@@
من يوم امك والضلع بالباب مهشوم
لي يوم جدك جعفر وبفراشه مسموم
ياگلب منك يضل بالآه ملچوم
لمن اتزوره وضريحه اتشوفه مهدوم
…
قبرٌ بلا ضريح .. مقيدٌ مهان
بقيعه الجريح .. ياصاحب الزمان
@@@
هل تجيله ابغرقده وتنوح لجداد
وهم تجي الزهره وتلوج ابفگد لولاد
بالمدينه وكل جرح بالذكرى ينعاد
وبالدعا تطلب گببهم تالي تنعاد
…
دعاءك الرفيع .. لخالق الجنان
يعمر البقيع .. ياصاحب الزمان
@@@
علي احمد الحمود
٢٩-٤-٢٠٢٤
شهادة الصادق ع
زينب ع في اول زياره الى قبر والدها امير المؤمنين ع..
جيت يم گبرك اخبرك جيت يم گبرك
يـاعلي بهجـرك غريبـه ياعلي بهجرك
فـهمه وضعي مـن دمـعـتي
ويحچي دمعي عن غربـتـي
،،،،،،،،،،،،،،،،،،،،،،،،،،،،،،،،،،،،،،،
يالخذت كل عمري .. بدمعي اجيت اليجري
زايره گبرك واگـلك .. نكسر بعــدك ظـهري
جيت اسولف حالي .. بغـيـبتك يالغالي
بغربه وبوحشه بغيابك .. والهضم چتالي
ماحملت اغـيابك .. وانـتظر يـم بابـك
بلكي باحلامي اشوفك .. منَ غفه يم اعتابك
اني وايتامي انتظرتك اني وايتامي
بلكي باحلامي تمرني بلكي باحلامي
هــدنـي شوگي اولـهـفـتـي
ويحچي دمعي عن غربـتي
،،،،،،،،،،،،،،،،،،،،،،،،،،،،،،،،،،،،،،،
جيت ازورن گبرك .. ضمني بويه بكـترك
خايفه من شر زماني .. وچان اماني بصدرك
خايفه من باچـر .. بويه يـوم العـاشر
لعيني تتراولي جـثه .. يدوس بيها الحافر
صور هوسه بعيني .. چن اشوف احسيني
طايح ايأشرلي بيده .. وخيل بينه وبيني
عالثره طايح اشوفه عالثره طايح
بالدمه سابح يبويه بالدمه سابح
ماي اسمعه يگول اخيتي
ويحچي دمعي عن غربـتي
،،،،،،،،،،،،،،،،،،،،،،،،،،،،،،،،،،،،،،،
ياعلي بهـل حالـه .. فرهـدوها اعـيالـه
اطفال اشوفنها ضمايه .. اتدوسها الخياله
بنار اشوف اخيامي .. تحترگ جدامي
وهاي مچويه تگلي .. وذاگ يصرخ ضامي
وين افـر بطفـالي .. وطشـروها اعيالي
واحترگ بيتي عليه .. الـمن اخوتي خالي
نــار بخـيامي يبويه نــار بخـيامي
وتسحگ اجدامي بجمرها تسحگ اجدامي
وگلبي تلهب بيه جمرتي
يحچي دمعي عن غربـتي
،،،،،،،،،،،،،،،،،،،،،،،،،،،،،،،،،،،،،،،
والنسه الحيرانه .. تركض وعـطشانه
وكربله ذيچ اشكبرها .. بالزلـم ملـيانه
هذا يسلب طفله .. ذاك يضرب رمله
وهذا ليلى ايسب طفلها .. وحايره شتگله
نصيح ياوالينـه .. ياعلي الحـگ لـينه
بالسياط اللي ولـتنـه .. شگـگوها اعبينه
الحگ اعلينه يبويه الحگ اعلينه
حبال بيدينه اربطوها حبال بدينه
منـيدي حبلي لايد اخيتي
ويحچي دمعي عن غربـتي
،،،،،،،،،،،،،،،،،،،،،،،،،،،،،،،،،،،،،،،
وعگب ميچـتفـوني .. عالهزل يسبوني
وعلى اجساد اخواني بويه .. عمداً ايمروني
شگد خبيث الحادي .. يمشي يـم اولادي
وبحرگ گلبچ يزينب .. يگـلي نلت امرادي
وبالي ابـد مو يمه .. حسين ادور جسمه
شفته بس اشلون شوفه .. مسبحينه ابدمه
وشافته اعيوني اخيي شافته عيوني
يمـه دفنـوني يوادم يمـه دفنـوني
دفـنـو گـلـبـي يــم اخـوتي
ويحچي دمعي عن غربـتي
،،،،،،،،،،،،،،،،،،،،،،،،،،،،،،،،،،،،،،،
وبخـيالي الشفـتـه .. بويـه مـاصدگـتـه
لهسبب جيتك يبويه .. احچيلي عنه انته
شـام ياهـو امشيله ؟ .. ويايزيــد احچـيـله؟
عنك وعن امي فاطم .. وعليّ يگـوه بحيله
يايزيـد ايسـبني؟ .. ويجـزي كـلمن طگـني
وراس اخوي يضربه اشوفه .. غير اموت ابحزني
راسه ايضربه اشوفه راسه ايضربه
واسمك ايسبه اسمعه اسمك ايسبه
وانـي حـرمـه وبـحـسرتي
ويحچي دمعي عن غـربـتي
الشاعر عقيل الحسناوي..
قصيدة نزززززله بحق مسلم بن عقيل ع ألسلام خادمكم عبدالهادي العريفاوي
واتساب ٠٧٨١٠٥٥٢٥٥٧ خاص للرواديد
-------------------------------
مسلم المغوار شنهي اسراره
مسلم المغوار شنهي اسراره
ثورة الأحرار عنوان اليقين
في طريق الحق دوما صابرين
ولهذا اليوم منهاج الحسين
كل زمن اقره نهج ثواره
--------------------------
ها هو المغوار شبل المرتضى
عاد بالحملات شيئ قد مضى
وبجيش الكفر قد ضاق الفضا
وين تشرد من يشن الغاره
---------------------------
لايهاب الموت في برق السيوف
راسما في الحرب عنوان الطفوف
أنه وآلله ذو القلب الرؤوف
وناس واقعها الغدر غداره
---------------------------
مسلم الصنديد عنوان ألسلام
لاأجيد النطق في وصف الكلام
واقع الأشرار للحق لئام
ليش صارة عالارض جباره
-------------------'-------
ثورة الأحرار في كل العصور
ينتمي للحق ذو القلب الغيور
داعيأ للبغيي ويلا والثبور
منهج الحق شو قليله انصاره
---------------------------
لانحب اليوم نهج الناصبي
فاقد الإيمان ذو العقل الغبي
بالحسين السبط يبقى مطلبي
الإمام المهدي ياخذ ثاره
---------------------------
قالها الرحمن بالخلق رحيم
لن يعادي الحق ذو القلب السليم
من يعادي الحق شيطانن رجيم
ربنا يعلم بالخلك واسراره
----------------------------
ال أميه اليوم في الوجه الجديد
تطلب الحكم الى دولة يزيد
شيعة الكرار طوقن من حديد
بيهم العالم بكت محتاره
---------------'--------------
لاستشهاد الامام جعفر الصادق عليه السلام
هذا ميدان المعارف تزهي نور احكامه
بصادق العترة الشريفه نَوَّرَت أيامه
هذا صوت الامامه
هذا صوت الامامه
★★★★★
وين أصحاب المذاهب يحچي كل واحد شكل
بالقياس الحكم مره ومره مويم العقل
اقوالهم بدعه وضلاله اقوال ما الهن أصل
بعيد عن الدين صاروا أبد ما إلهم فضل
المااخذ عنه القيم يلبس اثياب الندم
جعفر الصادق هدايه والمحبه انسامه
هذا صوت الامامه
هذا صوت الامامه
★★★★★
هذا صوت الدين جعفر هذا مفتاح العلم
هذا عنوان المعارف توعيه وحكمه وعزم
بطل ميدان المعارف وينها اگباله الزلم
وينهم اهل المذاهب وينها أصحاب الفِهْم
رَدَّوا ابطاري الفشل محد العلمه وصل
جعفر الصادق امامي دومه عالي الهامه
هذا صوت الامامه
هذا صوت الامامه
★★★★★
قاصد ابهاي المعارف هلبشر يهديها
ونشر أسرار الامامه وماقصد باريها
وثورة حسين وشرفها وكل معاني البيها
وعن امام العصر دنيا بالعدل يمليها
حارب الشر والبدع بيده دين الله انرفع
ابدماهاب النوايب لوصفت گدامه
هذا صوت الامامه
هذا صوت الامامه
الشاعر حسن لعيبي الحريشاوي
#قصيدة_گعدية..
.
.
أحقاد الأجداد.. ورثتّه الأحفاد.. بالصادق تنعاد
وادم تكفيريه ... گوم الوهابيه
🏴🕌🚩🏴🚩🕌🏴
١/
مستمـر نهـج الضلالـه و الخديعـه و المآثـم
من زمن آدم جذوره ولحـد ما يظهـر القائـم
مانبي ومُرسل تخلّص من حقدهم والمظالم
هـابـيــل هـذا أول جـرح
ويحيى النبي راسه برمح
و حسيــن مثـلــه ينذبـح
وانسبت ذيچ الفواطم
من نفس الأفكار.. گبر الصادق صار.. واضح بس احجار
أحقاد ابليسيه ... گوم الوهابيه
🏴🕌🚩🏴🚩🕌🏴
٢/
الصادق ابفقه وعلومه شافت العالم عجايب
بهل العلوم الاحمديـه اتنوّرت باقي المذاهب
نال الاسلام ابزمانـه أشرف و أعلى المراتب
هالعالِم الفـذ و الشهم
تحوي دروسه كل علم
شخصيه لازم تنكرم
موش گبره اويه الترايب
أشياخ التكفير.. بس عدهم تفكير.. تهديم وتفجير
أفكار الرجعيه ... گوم الوهابيه
🏴🕌🚩🏴🚩🕌🏴
٣/
فضل للصادق علينه و مدرسة طلّابه تشهد
من هِشام ومن زُراره و جابـر ابعلمـه تـفـرّد
وكل تطـوّر بالبريـه ابفضل جعفر بن محمد
بس الّي ربّـك ماسخه
و افكاره كلها امفخّخه
واقصد هذيچ المشيخه
حتى ما خلّتله مرقد
منهج آل الشيخ.. تفجير وتفخيخ.. تشويه التاريخ
ملّتها اجراميه ... گوم الوهابيه
🏴🕌🚩🏴🚩🕌🏴
٤/
ولو حچينه إعلى المراقد عن حكمها بالشريعه
جائز وشوف البخاري گبته والحضره وسيعه
وبس قبور العتره تُهدم إي لأن وِلد الوديعه
قُـرآنُـنــا قَـد أورَدَا 👉🏼فصيح
وبسُورة الكهفِ النِّدا
ابنُوا عَلَيۡهِم مَّسۡجِدا
و هالنهج واجب نطيعه
واحفاد الشيطان.. ضد نهج القرآن.. ما خلّوا بنيان
من دون انسانيه ... گوم الوهابيه
🏴🕌🚩🏴🚩🕌🏴
٥/
شلون كل منهج تعرفه على الحق لو ع الرديه
المُحـق يـتـبـــع علينــه الباطـل ايبـايــع أميـه
ويه اليهود تشوفه واگف ويعادي أتباع الزچيه
واجب يطبعون وفرض
ولامريكا يتراكض ركض
ايطيّح صواريخي ابّغض
ويگول عنها مسرحيه
أحفاد أهل الفيل.. منهجهم تضليل.. دوم ويه اسرائيل
بذره ابريطانيه ... گوم الوهابيه
🏴🕌🚩🏴🚩🕌
٦/ بيت المصيبة
الصادق ورغم الجراله مانسى الطف وعذابه
ولو قره الناعي بشجونه المدمع ايغرّگ ثيابه
وداره من شبّوها ناره مانسى حسين ومصابه
طفّاها والمدمع جمـر
گلـولـه مـولاي الصبـر
گلهم دموعي عالخِدر
اعلى زينب والسبايـا ابلا مخيّم ع الترابـه
.....................
✍🏼 علي نوري الحلفي
((للامام الصادق ع))
أحـتركت الدار وذكـر عـمـاتـه
هـاي الـرزيـه السببت وفـاتـه
اصعب واشد يوم حتى مـن السـموم
السببت وفـاتـه السببت وفـاتـه
*----------------------*---------------------*
رغـم عـلمـه ورغـم اسـمـه يـهـل دمعه
سَبي الـخـدّر اذا يـذكَـر اختلف وضعه
الگلب جمره وخلص عمره مثل شمعه
گضه اسنينه على احسينه بحزن ينعه
الصادق دموعه للخدر سجابه
الـحـد المنيه وعايش ابعذابـه
*----------------------*--------------------*
الحِرگ عـافـه لمَـن شافه انچوه گلبه
ذكر عمته وبـچـه سكته الدمـع صبه
الجـره بأهله هتف سـهلـه وشكر ربه
يگول اصعب مره تظرَب عَلّي صعبه
بعيونه راسم رَكضة العقيله
ونار المُخيّم شبت ابدليله
*------------------------*---------------------*
الحزن والهـم بـقـه ملتم وسط روحه
ألـم يلـهب وسبي زينب رسـم نـوحه
البچي عاده وجرح زاده عله اجروحه
الظلام ايحل الجفن ينزل دمه موحه
ابجـفـنـه خـلت كـربـلـه علامه
لمصاب الحسين وحرك خيامه
*---------------------------*---------------------*
ولا ينـسـه الـبـقـه ابشمسـه عـلـه الغبره
نسه الفرحه وكبر جرحه السحگ صدره
الحزن ما خف يناعي الطف يصيح اقره
يـون وحَـده أنـمـرد چـبـده بألـم كَسره
أخـر حياتـه وما بـرد حنينه
خلونه نبچي وبالدمع نعينه
*--------------------------*----------------------*
اذا يـسـمـع مــره تــوگــع كـثـر وَنـه
ايعرف هـايه وشـنـو الغايـه القره عنه
يشيعي اسمع الحچي واقنع رساله ألنه
اعـلـه عـماتـه اويه دمـعاتـه لحد دفنه
اليومه الاخير أودمعته عليهن
ماينسه الحبال الـكلت اديهن
*---------------------------*--------------------*
خادم الامام الصادق (ع)
✍الشاعر رعد الجريخي
لسان حال الامام الصادق ع عندما احرق المنصور داره .
……………………………………………………………
من شبوا النار
بعيوني عرضت عمتي .. من شبوا النار
بالعايله شـلون
واحتارت ام عون .. من شبوا النار
……………………………………………………………
ينار الظلمه بله شعندج ويانه
تحزمتي الحركنه بشغف ولهانه
شبع هالموت منّه وانت جوعانه
لحگتي اطفالنه البالعطش ذبلانه
ما عندج احساس
اعليهم تمطرين بجمر .. ماعندج احساس
بالبر يتيهون
واحتارت ام عون .. من شبوا النار
……………………………………………………………
بدت وي الزجيه النار قصتها
ذكرت شلون خلف الباب لهبتها
وادين الماله ابو اعالباب عصرتها
ينار الردت اردود اتحرگ بتها
و اتكمل الدور
من فاطمه لأم الخدر .. وتكمل الدور
گامو يزيدون
واحتارت ام عون .. من شبوا النار
……………………………………………………………
انه الصادق يشيعه وسبب دمعاتي
مو بيتي و لا لمراكـض ابناتي
شفت بالنار سوده اجدام عماتي
ولذيال العبي المحتركه اهاتي
لو جمره لو شوچ
تسحكهن ارقيه بجدم .. لو جمره لو شوج
و تهل العيون
واحتارت ام عون .. من شبوا النار
……………………………………………………………
هلي وخافن صدك بس انا وياهن
ولا ميمون خالي ويصهل احذاهن
و لا سوط الشمر بالمتن اذّاهن
ولا وحده اعله وحده بحبل شداهن
لا صعدن النوگ
لا شبعن احجار وشتم .. لا صعدن النوگ
بيهن يفرّون
واحتارت ام عون .. من شبوا النار
……………………………………………………………
احترك بيتي لچن الغرف موجوده
موش تراب بيها البسط ممدوده
مو ليل اهدعش والخيم مفكوده
هيمه وليله من غير الكمر سوده
والحامي سلّاب
ناهب قميصه و خنصره .. والحامي سلّاب
ما ظن يرحمون
واحتارت ام عون .. من شبوا النار
……………………………………………………………
يشيعه الگال منكم اتبع الصادق
لازم للمجالس من صدك عاشق
يدافع عالشعائر كل وكت ناطق
وي الفعل حچي الخادم ايطابق
هالعالم يگول
ادّبت جعفر شيعتك .. هالعالم يكول
للطف تحزنون
واحتارت ام عون .. من شبوا النار
……………………………………………………………
✍️ ( سيد خضر الزاملي )
((قصة الحبل))
قصةّ الحــــبل وصعدت الهزل
دمعتي تصـيح ويـن ابو الفضل
""""""""""""""""""""""""""""""""""''''''''''''
قصةّ چفوفي وحبلهن مثل نار خيامي بيه
شلون لو مالت الهزله وانـه مجتوفات اديه
ناگتي ما بيها همه وتعثر من سـياط أميــه
ياحبل ماكافي مني من الصبح حد المسيه
يا راعي العلم يانــــور الخيَم
والله تألــــمت وين ابو الفضل
"""""""""""""""""""""""""""""""""""'''''''''''
ابد ما جنت انه افكر الصعده و النزله شني
جان ابو النوماس حاضر ابو فاضل ينـحني
جان لازم كلشي بيـــده بس أأشـر يعتنــــي
من مشه كلشي تهدم كلشي ما اضـن ينبني
والبنيته راح بطلعةّ الصــباح
بروحةّ النـهر وين ابو الفضل
""""""""""""""""""""""""""""""""""''''''''''''
شكد يطير البال بيه ويرجع بسوط العدو
حَسبت مو زينب آنه اسئل بروحي منــــو
العل هزل مچتوفه ياهي علي مـو ألها ابو
ينسه كـــل ايام عمره والله اليفارگ اخــو
أسمع الهتـــــاف من صدى العفاف
حتى گلبي صاح وين ابو الفـــضل
"""""""""""""""""""""""""""""""""""'''''''''''
اخ يا صفنةّ عيوني شگـد مواقــف تنجمع
مهد خالي وجاي اهـزه ويمه صينيـةّ شمع
وليش بس أربـع اصابع سلبو حتـى الصبع
عاري صدرك يا حبيبي خويه ماتملك ضلع
يهمل الضلوع واهمل الدموع
ونظرتك تدور وين ابو الفـضل
"""""""""""""""""""""""""""""""""""'''''''''''
كل حياتي بغير اخــوتي صعبه وآنه عالهزل
لمة اخواني بعيــده بكربله ضـــــــاع الشمل
صدر اخوي بعيني شفتــه نضره لا ماتنحمل
وشفت چفين الكفاله وصحت متبدي الفضل
رايـــــح الضياء ضلمه كـــربلاء
بالسبي وبچيت وين ابو الفضل
عبد زينب
محمد الإبراهيمي