7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
*نعي للاربعين ((من ديوان 📗 عبرات وأنين في رثاء الطاهرين الجزء الخامس))*
تگول زينب:
❥━──➸➽❥❂❥━──➸➽❥❂
دخلت المگبره وبگلبي أعتاب
ووجوه الاحبهم حدرالتراب
صحت ابصوت يمهم ماكواجواب
❥━──➸➽❥❂❥━──➸➽❥❂
خويه ليش عفتونه ومشيتو
وشنهو الزعلاكم وبعديتو
و بيه ابد ماحسبيتو
❥━──➸➽❥❂❥━──➸➽❥❂
عفت اختك حزينه بضيم وتنوح
ما بطلت مناحه اعليك هالروح
وگلبي على فركاك مجروح
❥━──➸➽❥❂❥━──➸➽❥❂
انه تمنيت الگبر يحسين بي باب
ادخل واشوف اوجوه الاحباب
وجرحك بالگلب خزن ولاطاب
❥━──➸➽❥❂❥━──➸➽❥❂
اتعثر اجيت بهدوة الليل
وعله فراگم جر ونه العليل
ذاكركم ودمعه عالخد ايسيل
❥━──➸➽❥❂❥━──➸➽❥❂
مشيتو وين خويه اليانويه
وعله ادروبكم عيني ربيه
فلت الخوه وهاي هيه
❥━──➸➽❥❂❥━──➸➽❥❂و
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
قصيدة للاربعين {اجيت امحمله}
اجيت امحمله اعتاب ** للناموا بالتراب
اعاتبهم واجر ونات يمهم
العافوني ولا شبعانه منهم
طولو ليش الغياب ** اجيت امحمله اعتاب
❥❥❥❥ـــــــــــــ❁❁ـــــــــــــ❥❥❥
طولو ليش الغياب مو انه احبهم
اجيت اليوم اريدن بس اشتم تربهم
هم مشتاگ اليه هسه يا گلبهم
ابعيد اعليه وسفه يا وادم دربهم
ليهم جابني الشوگ ** والدلال مخنوگ
خذه حيلي يالمصاب** اجيت امحمله اعتاب
❥❥❥❥ـــــــــــــ❁❁ـــــــــــــ❥❥❥
يخلوني حريمه مشتاگه ويرحون
چا ليش الاحبهم يعوفوني ويموتون
حته بحلم اليه بعد لا مايردون
خل تعمي بلاهم ماريدنها العيون
المن ضال هالشوف ** وفوگ النهر الجفوف
بكبرهم سدوا الباب ** اجيت امحمله اعتاب
❥❥❥❥ـــــــــــــ❁❁ـــــــــــــ❥❥❥
سدوا باب الكبور وناموا عالوطيه
بعد هيهات يلفون يعزازي اليه
ليهم مايقبلون انصبها العزيه
عليهم لو اونن يضربوني ال اميه
خله السوط اثار ** ابمتن بت علي الكرار
بيه الجمر لهاب ** اجيت امحمله اعتاب
❥❥❥❥ـــــــــــــ❁❁ـــــــــــــ❥❥❥
يلهب جمر الفراگ من اشتاگ ليهم
اعزازي والهم اشتاگ واشتاگ لحجيهم
كل يوميه بالليل ترف عيني عليهم
يجوني بس بالاحلام الكبر اشسوه بيهم
كل ما بيه يلفون ** بحوالي ينشدون
جرح الذبح ماطاب ** اجيت امحمله اعتاب
❥❥❥❥ـــــــــــــ❁❁ـــــــــــــ❥❥❥
ينشدوني عليه ما ناسيني الاخوان
اعليه وهمه بالگاع ضلوا كلهم احنان
بس آخ والف آخ الدهر بخواني خوان
يعوفوني وحيده اعليهم ادري ماهان
احنان اخواني الاسباع ** ناموا وسفه بالگاع
للناموا بالتراب ** اجيت امحمله اعتاب
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
*١٤٤٦هـ*
**,*,,
*قصيــده للأربعيـــن*
*طور: يازينب راح لمدلل /الرادود : مسلم الوائلي*
يخويه جيتك اتعثر... على قبرك أصب دمعي
اجيتك والقلب شيب.. ياخويه وانحنى ضلعي
وراح الشوف من عندي.. ياخويه عاين الوضعي
طلعت ابليلة الحادي.. ودورك يا بدر سعدي
رِدت أدفنك مو بيديه ..مو بيديه..مو بيديه
السوط ورمهن ايديه..ايديه ..ايديه
راح خويه الحيل مني راح مني
★★★★★★★★★★
لِقيتك عالرمل نايم...وكل اعضاك متطشره
تحاچيني يخو زينب.. ومدري مِن هِي يَا وذره
اريد أبچي العمر كله.. وأبوح ألآم هالسفره
مشيت دروب ويه أجناب ..وهظيمه تمشي الحره
الليل كله ما أنامه ..ما أنامه ..ما أنامه
لا تظن بعدك سلامه ..سلامه ..سلامه
راح خويه الحيل مني راح مني
★★★★★★★★★★
هدايه أويانا جبناها ..تِوعى يا بعد هالروح
عبايه امحرقه بنار ..تسولفلك قصص وجروح
رقيه بالخرابه تنام .. تنادي وينه المذبوح
أبويه بالحلم شفته.. على الرمضى بقى مطروح
عبايتها جبتها هديه..هديه ..هديه
ماتت ابنيتك رقيه.. رقيه.. رقيه
راح خويه الحيل مني راح مني
★★★★★★★★★★★
يخويه أنظر لچفيني ..تسيل ادموم من رآسك
بقى وياي يداريني..ومنك اعتذر أرجاك
يزيد ابمجلسه تجبر ..وخله عوده عشفافك
أنلِچم قلبي بعد أكثر..يخويه كسر أضراسك
رآسك أويايه جبته ..جبته ..جبته
بس مجروحه شفته ..شفته ..شفته
راح خويه الحيل مني راح مني
★★★★★★★★★
*خــادمة أهل البيت عليهم السلام*
*زهـ✍🏻ــرا الحســــاوي*
من بعد محنتها وجور سباها
بصوت الخطيب الشيخ كرار الكعبي
عادت لأرضِ الطف زينبُ باكيه
بصوت الخطيب الشيخ كرار الكعبي
قصائد مقدمة المجلس
#رقم_238
#مصيبة_الأربعين
السيد عدنان الموسوي
1_ عَادَت لأرضِ الطَّفِّ زَينبُ باكِيه
وَبِقَلبِها نارُ المَصائبِ وارِيه
2_ والغَاضِريَّةُ قد بَكَت لبُكائِها
وَغَدَت على نَعيِ العَقيلةِ ناعِيه
3_ مِن بَعدِ رِحلةِ سَبيها عادَت وَقَد
حَمَلَت هُمومًا كالجبالِ الرَّاسِيه
4_ مَزَجَت بأدمُعِها تُرابًا قد جَرَتْ
فيهِ دِماءٌ زَاكِياتٌ قانيه
5_ نادَت حُسينًا والنِّدا يُدمي الحَشا
إنَّا سُبِينا والمَشاهِدُ قاسيه
6_ أَ أُخيَّ لَمَّا غِبتَ غابَ مُحَمَّدٌ
والمُرتَضى والمُجتَبى والزَّاكيه
7_ قُمْ يا ابنَ مَريمَ والدُّخانِ وفُصِّلَت
والذَّارياتِ وَهَلْ أتى والغاشِيه
8_ مِن بعدِ قَتلِكَ قَد رَأينا في السِّبا
أَدهَى المَصائِبِ قد أَتَت متواليه
9_ بَقِيَتْ بناتُكَ بينَ آهاتٍ وإنْ
صَبَّرتُ واحِدةً بَكتكَ الثَّانِيه
10_ جِئنا وفي أرضِ الشَّآمِ رقيةٌ
مَاتَت وَمَا فَتِئَتْ لِفقدِكِ باكِيه
11_ قُلْ لي أأترُكُ بالرَّحيلِ قُبُورَكُمْ
وَأَرَى بأعلاها كُفوفًا حَانِيه؟
12_ أم كيفَ أقصُدُ طَيبةً وأرى بها
دُورَ النُّبوّةِ بَعدَ فَقدِكِ خالِيه ؟
**
الشعر الدارج للشيخ عبد الامير المنصوري :
زينب ردّت من الشام تگصد گبر واليها
ليل نهار تمشي النوگ والشمّات تحديها
لمّن وصلت الحرّه وشافت كربله من بعيد
ظلّت ذكريات حسين بيها وبالخيال تعيد
من ظهر الهزل للگاع تطيح عله التراب تريد
وغيمت بالحزن والون ارض كربله وواديها
زينب ردّت من الشام جنها بعمر مية عام
شيبتها ليالي الظيم حرمه امكلّفه بايتام
ما ظن بعد كل الصار لزينب صدگ عين تنام
صاير كل جسمها نحيل من سياط سابيها
اليوم أم الخدر ردّت لخوها الشافته بالعين
عله صدره تدوس الخيل وبعد تنطي الوجه لا وين
تصيح بصوت يبن امي (ياتالي هلي يحسين)
ريت اختك تموت وياك ما تگعد تحاچيها
زينب جابت عيالك ياالله اگعد تلگاها
الچانت من تطب اعليك تصيح بصوت حياها
اليوم لكربله ردّت ورد الراس وياها
صدگ مگطوع ومجرّح لاچن چان ساليها
ردّت ليه مستحيه ودمعها يترجم الحاله
من يوم الرحت لليوم منها العين هماله
رقيه ما اجت يا حيف روحه وزينة اطفاله
ماتت عل طشت ويلي القهر واليتم عاليها
مراثي الأطهار عليهم السلام
قصائد مقدمة المجلس
#رقم_139
#مصيبة_الأربعين
الخطيب السيد سجاد الحسيني
1_سجادُ يا ابنَ الطيّبينَ وزينةَ الـ
عُبّادِ أنتَ وعروةَ الإيمانِ
2_ قُل للدليلِ إذا وَصَلتَ لكربلا
عَرَّج على قَبرِ الشَّهيدِ الحَاني
3_ هذي الطُّفوفُ فأينَ مَدفَنُ أهلِها
أينَ القبورُ وأينَ هُم أخواني
4_ مُذ أربعينَ على الصَّعيدِ تَركتُهم
صَرعَى وَرحتُ أسيرةَ الأحزانِ
5_ واليومَ عُدتُ فأينَ هُم أحبابُنا؟
مَن منهُم بعدَ السّبا يَلقاني
6_ أينَ الحُسينُ وَمَن تَراهُ يَدُلُّني
أينَ الضَّريحُ أبتُّهُ أشجاني
7_أين الكفيلُ وهذه أخواتُهُ
جاءتهُ من ألمِ السياطِ تُعاني
8_ عبَّاسُ شُلوُكَ إن بقي في كربلا
فالرأسُ في دَربِ السّبا يَرعاني
9_ شَكوايَ يا ابنَ أبي المُتونُ تَبثُّها
فالسَّوطُ يا عبَّاسُ قد آذاني
10_ نارُ الشماتةِ والحبالُ وغُربتي
وفِراقُكم قد غيّرت ألواني
***
يحسين گوم وشوف زينب
جتك من أرض الشام تنحب
وتصيح وينه اللي تسلب
وينه الذي بدمه تخضّب
وبكربلا خدّه تترب
وبخيمة اخته اعداه تنهب
يحسين گوم أسأل اشبيّه
آنه اختك آنه الهاشميه
يابو علي اخذوني سبيه
ومجتفين بكيد إيديه
تتفرج الوادم عليّه
ضيم السبي يبن الزجيه
ناره تشب كلساع بيه
ياخويه جيناك بشجيه
اعله الطشت ماتت رقيه
عالراس وافتهه المنيه
يحسين هاي اختك اجتكم
صار أربعين مفارگتكم
گوموا يخويه تلگوا اختكم
انطوهه العذر لو عاتبتكم
انته وأبو فاضل نختكم
سلبونه ناس الذبحتكم
يحسين ردّيت بيتاماك
مشتهيه اشبع بجي وانعاك
عاري وفوگ الترب عفناك
واساع حدر الكاع نلگاك
مراثي الأطهار عليهم السلام
قصائد مقدمة المجلس
#رقم_138
#مصيبة_الأربعين
الشاعر علي عسيلي العاملي
1_ لَسْتُ أنسى زينباً في الأربعينْ
عنْـدما أهْوتْ على قبْرِ الحُسينْ
قُمْ أخي واستقْبِلِ الركْبَ الحزينْ
واسمَعِ الشَّكْوى مِنَ القلْبِ الوجيعْ
2_ بالأسى عُدنا مِنَ الأَسْرِ الطَّويلْ
وابْنُ سُفْيانَ شفى مِنَّا الغلِيلْ
كلُّ ما أحْكـــيهِ عَنْ رُزْئي قليلْ!
فانْظُرِ الوجْهَ تَرَ الحالَ الفجِيْعْ
3_ وإذا بالصَّوْتِ مِنْ تَحْتِ التُّرابْ
أَنْتِ حقّاً زيْنــبٌ "أمُّ الحِجابْ"؟
لا..أخي لا..إنني "أمُّ المُصابْ"
عَنْ مُصابي فاسْألِ الرّأْسَ القطيعْ
4_ عُدْتُ في زَنْدي مِنَ القيْدِ جِراحْ
وعلى مَتْنِي مِنَ السَّوْطِ وِشَاحْ
كلُّ صوْتٍ صارَ في أذني نياحْ
آهِ مِنْ كوفانَ والسِّجنِ المُريعْ
5_ أنتَ أمِّي وَأَبِي أنتَ الحَبِيبْ
كَيْفَ أنسى الشامَ والرأس الخضيبْ!
فَبِها الأسنانُ آذاها القضيبْ
ويتاماكَ ترى الفِعْلَ الشَّنِيعْ!
6_ كلُّ قَبْرٍ عِنْدَهُ يعْلو انْتِحابْ
وَهُنَا ليلى نعَتْ وَرْدَ الشَّبَابْ
يا بنَ أمِّي أحْرقتْ قلبي الربابْ
سألتْ عَنْ حُفْرةِ الطِّفْلِ الرضيعْ!
****
الشعر الدارج لبعض الشعراء :
يگلولي اعله صدر حسين نايم يا بعد عمري
ابيّك رضرضوا صدره تعال اغفه على صدري
يبني يعبد الله يغالي
برباك ساهرت الليالي
يلجنت بالظلمه تلالي
عگبگ بگت وحشه الليالي
وردتگ عليَّ عين والي
اديرن عن يميني وعن شمالي
اهز بالمهد والمهد خالي
مآتــم للحــزن ننصب ونبني
فجعنه حرمله ابسهمه ونبنبي
الطفل عاده يفطمونه ونبني
انفطم ويلاه بسهام المنيه
مراثي الأطهار عليهم السلام
ما لي اذا أبصرتُ زحفَ قوافلٍ
بصوت الخطيب الشيخ حامد الحسّاني
زُر قبرَ سبطِ الهاشمي الهادي
بصوت الخطيب الشيخ حسام المسافره
على طور مرتضا حرب
ذبوا عمايمهم
●●●●●●●●
جيت المكابرهم
اكظي عزيتهم
شهرين طولها عليه الغيبه
بلكبر نام حسين راعي الهيبه
اوتنحب اخيتهم
جيت المكابرهم
●●●●●●●●
من الشام جيتك خويه جبت اعيالك
ويايه جبتها وجيت هاي اطفالك
ياريتني ميته يخويه ابدالك
والنوم يامظلوم اظن يحلالك
نخيته على بخته
خيشوف حال اخته
مشتاكه من اليسر اورجعتلهم
اسوت عداهم بيه انه اكلهم
ميتين خلتهم
اكظي عزيتهم
●●●●●●●●
اكعد يوالي اوشوف حال اسكينه
طر الكبر ياخويه شوف اشبينه
انهض يبوا اليمه واحن اعلينه
بلهظم يا وسفه الولي امخلينه
انهض يبوا الغيرة
اختك ترى بحيرة
على الكبر ظلت بس تجر حسرتها
واسكينه تتنحب لمن شافتها
عافوا ابنيتهم
اكظي عزيتهم
جيت المكابرهم
●●●●●●●●
الكبرك اجن يحسين متعنياتك
كوم اوتلكاهن هله ابخياتك
ينوحن عليك اويبجن ابنياتك
عليهن جبيرة صايرة خلاتك
انهض تلكاهن
والظيم علاهن
ام الخدر زينب المسميني
وعينك ابد مافاركتها العيني
بلحومه عافتهم
اكظي عزيتهم
●●●●●●●●
يم كبر اخوها الحرم كلها التمت
وعلى الوجه تنحب الحرة اونحبت
اكعد تلكاهن يوالي صاحت
وين الكفيل البطل يلحك حشمت
على المشرعه نايم
اه ياكمر هاشم
عكبك يكافل ظاعن امخدراتك
الحك يبوا الغيرة عليها اخواتك
طولت سفرتهم
اكظي عزيتهم
●●●●●●●●
لشاعرة اهل البيت ام عمار الصائغ الفاتحه الى روح ابنتي وامواتكم
زينب ردت من الشام جابت هالحرم يمك
عفتك عالثرى مذبوح خويه وسابح بدمك
جسمك خويه متوذر منهو اليكعد ايلمك
ونته من الكفه مذبوح وزينب عالمصيبه تنوح وعيالك سبايا تروح
لو تدري اشجره وشصار ازيد هموم وي همك
واويلي على المظلوم واويلي
-------------------------------------
اعله الكوفه ظعنهم راح تجرح ديرة الكوفه
زينب عالهزل راحت ويلي بحبل مجتوفه
اعوفك خويه ماادري واكول حسين ماعوفه
ويلي منكطع نحره خيل الداست بصدره كبالي اشلاءه متوذره
عيالك كلها بالوديان كلمن شارد بخوفه
واويلي عله المظلوم واويلي
--------------------------------
جيتك خويه يالمظلوم اعله ارض الشام
ودرب السبي ياذينه وعيالك بهيمه اتنام
ليش الدهر ياخويه متحزم اعلينه احزام
لاظل اخو يحمينه ولا ظلت اعلينه اخيام
واويلي عله المظلوم واويلي
--‐-------------------
يوم اربعينك هاليوم خويه اكعد وحاجينه
لرض الوطن ياخويه منهو الذي يدلينه
خويه االكمر عنك وين حامي الظعينه وينه
عالنهر كالو جفين ومصيوب كالوا بالعين وين النهر خويه وين
عندي عتب وي عباس والعتب بيني وبينه
واويلي عله المظلوم واويلي
---------------------------
خويه بخرابه بتنه من عكب شجعان احيود
وبلطشت راسك جابوه وكلبي بمصابك ممرود
وماتت رقيه اعله الطشت كل ظنها ابوها موجود
محتاره بمري ظليت جم ديره عكبك طبيت لو ميته يمكم ياريت
نتلفت احنه بالسبي بلكت ترد لينه اردود
واويلي عله المظلوم واويلي
الشاعر عبدالهادي كريم العريفاوي
----------------------------
يمته نرفع راية.
للحسن مشايه.
ــــــــــــــــــــــــــــــ١ـــــــــــــــــــــــــــــــــ
بيا وكت نتعنه. للحسن نتمنه.
ينطلق موكبنه. الگبر الحسن.
من طريق الجنه. شلون نشبع منه.
نلطم وبالونه. نذكر ضعن.
زينب المسبيه. الفگد أغله أبنيه.
بالخرابه.ارقيه. والكل حزن.
والبشر عنايه.
للحسن مشايه.
ـــــــــــــــــــــــــــــــ٢ــــــــــــــــــــــــــــــــ
عدرب چم موكب. بالعدد مانحسب.
للزيارة أحنه أنحب. لزيارتك.
الشيعه تلتم يمك. يالحسن وتحشمك
بالدموع أتكلمك. كل شيعتك.
بابك الماينسد. ليش ما الك مرقد.
اليوصلك يتهدد. يارحمتك.
شيعتك وفايه
للحسن مشايه
ــــــــــــــــــــــــــــــ٣ـــــــــــــــــــــــــــــــــ
نزور گبرك لازم. يمته وي الوادم
ايصلي بينه القائم. وصط الصحن.
يبني گبرك بيده. المهدي كلشي يعيده.
اليوم هذا أنريده. يبني الحسن.
مايضل وهابي. بالارض وارهابي.
تصيح فاتح بابي. وتصبح وطن.
اتصير احله حچايه
للحسن مشايه.
ـــــــــــــــــــــــــــــــــــ٤ــــــــــــــــــــــــــــــــ
نصنع من أترابه. تربه واحنه أحبابه.
أنصلي يم محرابه. ركعت عشگ.
من المشي مانتعب. والدرب مايصعب.
بينه عبرت زينب. يوم الطبگ.
ماتمل رجلينه. من المشي تدرينه.
گلوبنه أتچوينه. الدم محترگ.
الصبر طال هوايه.
للحسن مشايه.
ـــــــــــــــــــــــــــــــ٥ــــــــــــــــــــــــــ
اليقره مجلس عازم. بالدرب عالقاسم.
الحسن ذكره بجاسم. أبنه الشهم.
والمواكب ثوره. تنصر أبن الزهره.
اله نوصل گبره. الشيعه زلم.
يجي يوم نزوره. وتسمع المعموره.
الحسن يصطع نوره. ضد الظلم.
ابابه نقره الايه.
للحسن مشايه.
ـــــــــــــــــــــــــــــــــــــــــــــــــــــ
حيدرموسى الرميثي
رجوع مولاتي زينب عليها السلام
زينب ردت امن الشام. ما واحد تلگّاها
عدها هموم عدها جروح. المن تشكي بلواها
٠٠٠٠٠٠٠٠٠٠٠
زينب ردت امن الشام. مسبية وتهل عبره
وصلت كربله بيا حال. تبچي وبالگلب جمره
نزلت من على الناگه. لگبر حسين ابو العتره
ركضت والجدم مدمي
تصرخ والدمع يهمي
آ يحسين يبن امي
زينب للگبر ركضت. والكل ركض ويّاها
٠٠٠٠٠٠٠٠٠٠٠٠٠٠
من وصلت لبواليمه. زينب عالكبر طاحت
آنه اختك يبعد اختك. شيّبني السبي صاحت
ايام الجنت ويّاك. بالعز والخدر راحت
يحسين شكثر آلام
بالكوفه ودخول الشام
آنه ام الخدر انضام
وگفتي بمجلس ابن زياد. هاي شلون انساها
٠٠٠٠٠٠٠٠٠٠٠٠٠٠٠٠٠
تبجي عله الكبر زينب. خويه حسين حاچيني
معقوله التراب يصير. حاجب بينك وبيني
يريت الموت أخذني ولا أظل بعدك يضي عيني
من كثر المصايب هاي
خويه تغيّريت هواي
اطفال وحرم وياي
بس بنتك رقية هناك. ماتت خويه عفناها
٠٠٠٠٠٠٠٠٠٠٠٠٠٠٠٠٠٠
ماتت بالخرابه عليك. ما تحمل الم وجروح
ماتت من حزنها عليك. ظلت بس تون وتنوح
شبگت راسك وماتت. وطلعت من جسمها الروح
طفله وتبچي ليل انهار
من سوط العده الاشرار
يحسين بمتنها آثار
بجروح السبي وهمها. من ماتت دفنّاها
٠٠٠٠٠٠٠٠٠٠٠٠٠٠٠٠٠٠٠٠٠٠٠
ماريد العمر يحسين. ريت وياك دفنوني
آنه الماچنت انشاف. خويه حسين شافوني
بية اتشمّت الملعون. يزيد اگباله چتفوني
شلّي بهالعمر بعدك
خلّيني انزل بلحدك
اروي بدمعتي چبدك
ياريت اندفن ويّاك. روحي الضيم اذّاها
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
#الأربعين
زينب ع عند قبر مولانا الحسين ع
لحن الشيخ علي الجفيري♪
ردينه خويه من اليسر
ودليني وينه هالگبر
مشتاگه اشمن هالنحر
عطره اشمه وعنبره
〰〰〰〰〰〰
خليني أضمك بالحضن
خويه يا مسلوب الكفن
عطشان اخيّه وما أظن
رَوّوا وِريده ومنحره
〰〰〰〰〰〰
خلني أقبّل منحرك
خلني احبه خنصرك
اشبع وداعك وانظرك
احضن ضلوع مكسّره
〰〰〰〰〰
لحظة بشمك يا ورد
سالم يا ريته هالجسد
راسك ندفنه باللحد
نحط على خده عالتره
〰〰〰〰〰〰
ارد ٱسولفلك عالدرب
عن مشيتي ويّا لغرب
ضربوني والمدمع يصب
اختك واجيت ميسره
〰〰〰〰〰〰
ترضى يخويه عالهزل
ويحدي بظعني هالنذل
مشدودة ايدي بالحبل
يضرب عزيزة حيدره
〰〰〰〰〰〰
الشاعرة الحسينية
خادمة آل محمد ص✍🏻
قصيدة للاربعين {ليل اهدعش}كأني بمولاتي زينب عندما وصلت الئ كربلاء قالت ....
اهنا حرت ليل اهدعش المن اروح
اهنا تعبت وانه اعدن بالجروح
اهنا شفت جف الكمر ** اهنا خذه حيلي النحر
اهنا تعبت وانه اعدن بالجروح
❥❥❥❥ـــــــــــــ❁❁ـــــــــــــ❥❥❥
اهنا شفت اعظم انواع من المصايب
آخ منها الدنيا راوتني العجايب
نام ابو فاضل واخيه اعله الترايب
رحت اعد بجروحهم والگلب ذايب
عشت انواع الحزن ** شيب الراس الزمن
اهنا تعبت وانه اعدن بالجروح
❥❥❥❥ـــــــــــــ❁❁ـــــــــــــ❥❥❥
شيب الراس الزمن من يوم الطفوف
چي شفت عالنهر طاحن منه الجفوف
ياهظيمه ايعوفني المخوف الخوف
جانت امنيتي فجر عاشور ماشوف
چان ماشفت الذبح ** ولاشفت راسه برمح
اهنا تعبت وانه اعدن بالجروح
❥❥❥❥ـــــــــــــ❁❁ـــــــــــــ❥❥❥
كلشي عشته بكربله مني اخذ حيل
بعيني شفت اهنا تسحگ صدره الخيل
اهنا صحت وينك يضي عيني يالكفيل
لا تخليني وحيده الحگلي ادخيل
مافزع ليه الحنين ** وحيل ماخله الونين
اهنا تعبت وانه اعدن بالجروح
❥❥❥❥ـــــــــــــ❁❁ـــــــــــــ❥❥❥
اهنا صحت چم مره روحي ماتموتين
ناموا اعله الگاع عافوچ العزيزين
اميسره من دونهم للشام تمشين
والخوان اعليچ لو رحتي بعيدين
تالي رحت اميسره ** وهسه جيت لمكبره
اهنا تعبت وانه اعدن بالجروح
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
وي زينب اومشاية...نكصد لربعين .
.حسين.
وي زينب اومشايه.
&&&&&&&&****&&&&&&&
جينه لكربله هاليوم.
جينه وبكلب ملجوم.
انواسي الحرة عالمضلوم.
واترف عالية الرايه..نكصد لربعين.
.حسين.
وي زينب او مشاية.
&&&&&&&&&&&&&&&&&
جينة انواسي احنه ام عون.
حسين مصابة بجه الكون.
وجده المصطفى يدرون.
راسة اعله المسناية..نكصد لربعين.
. حسين.
وي زينب اومشاية.
&&&&&&&&&&&&&&&&&
وية الحرة ها يولاد.
مشاية لبو السجاد.
نلعن شمر وابن ازياد.
ذبحو منحر الأية..نكصد لربعين.
. حسين.
وي زينب اومشاية.
&&&&&&&&&&&&&&&&&&
ناس اليوم تتبع ناس.
جينه اورافعين الراس.
لجل حسين والعباس.
جبنه العلكمي اوماية..نكصد لربعين.
. حسين.
. وي زينب اومشاية.
&&&&&&&&&&&&&&&&
زينب ردت من الشام .
شكد عدهه حزن والام.
لخوتهه الكلب محتام.
اتلكوها يوفاية...نكصد لربعين.
.حسين .
.وي زينب اوفاية.
&&&&&&&&&&&&&&
::: لخادم زوار الحسين:::
""" الشاعر"""
؛؛؛ ابوعبدالله الشمري؛؛؛
من بعد محنتها وجور سباها
بصوت الخطيب الشيخ رياض الطليباوي
قصائد مقدمة المجلس
#رقم_239
#مصيبة_الأربعين
الخطيب الشيخ سمير الصالحي
1_ مِن بَعدِ مِحنَتِها وجَورِ سِباها
عادَت بأيتامٍ لها ونِساها
2_ رَجِعَت بيومِ الأربعينَ لكربلا
لِـتَبُثَ عندَ حُماتِها شَكواها
3_ وتزورَ إخوَتَها بُعَيَدَ فراقِهِم
وهُـمُ ضحايا عُفِّـروا بثراها
4_ يا حُرقةً في قلبِ زينبَ حينَما
جالَت هناكَ بِبالِها ذِكراها
5_ حيثُ الحُسينُ تَوَزَعّت أشلاؤُهُ
ولقدَ رأتهُ وحالُـهُ أشجاها
6_ من فوقِ ناقَتِها هَوَت مفجوعةً
تنعىٰ علىٰ القبرِ الشريفِ أخاها
7_ وبِـتُربهِ كانت تُمَـرِّغُ وجهَها
أحسينُ نادَت والأسىٰ بِـنِداها
8_ ملهوفةً قد جئتُ عندَكَ يا أخي
ذي نارُ فقدِكَ أكتوي بِـلظاها
9_ أفَهل عَلِـمتَ بأنَ أُختَكَ رُوِّعَت !
والشمرُ بعدَ كفيلِها يرعاها؟
10_ حتىٰ مَضَت نحوَ الشريعةِ عَلّها
تُلقي العتابَ وهضمَها لِـحِماها
11_ عبّاسُ ليتَكَ حاضرٌ في مِحنَتي
بِنتُ الأكآبرِ والطليقُ يراها
12_ عُذرًا لقسوةِ مَنطقي فمَصائبي
ما لا تُطاقُ وكيفَ لي أنساها؟
*
آنه العقيله وجيت هليوم
للغاضريه واشچي الهموم
من عصر عاشر گلبي ملچوم
أبچي واسيل دموع بدموم
يحسين ما تگعد يمظلوم
وتشوف حالي وحال چلثوم
وانت يبو فاضل يجيدوم
چنه حلِالك بالفله النوم
ياخويه ردنه للوطن گوم
مراثي الأطهار عليهم السلام
عادت لأرضِ الطف زينبُ باكيه
بصوت الخطيب الشيخ حسام المسافره
سجادُ يا بنَ الطيبينَ وزينةَ الـ
بصوت الخطيب الشيخ باقر الدراجي
لستُ أنسى زينياً في الأربعين
بصوت الخطيب الشيخ باقر الدراجي
ما لي اذا أبصرتُ زحفَ قوافلٍ
بصوت الخطيب الشيخ باقر الدراجي
قصائد مقدمة المجلس
#رقم_137
#مصيبة_الأربعين
السيد عدنان الموسوي
1_ مَا لي إذا أبصَرتُ زَحفَ قَوافلٍ
للطفِّ يُغشي القَلبَ هَمٌ مُفجِعُ
2_ جَاءُوا بِشوقٍ يُعلنونَ وِلاءَهم
والمِسكُ من صِدقِ الوِلا يَتَضوَّعُ
3_ ما بينَ باكٍ فاضَ مِحجَرُ عينهِ
وَشجيِّ صَوتٍ للمَسَامِعِ يَقرَعُ
4_ قَد هالَهُم رُزءُ الحُسينِ ورأسُهُ
بسيوفِ شرِّ الخَلقِ عَدواً يُقطَعُ
5_ والجِسمُ مِنهُ على الصَّعيدِ مُوزَّعٌ
والصَّدرُ تحتَ الصَّافناتِ يُبضَّعُ
6_ ويُهيجُهم سَبيُ العقيلةِ زينبٍ
وأذى اليتامى والدموعُّ الهُمَّعُ
7_ وإمامُهم زينُ العبادِ أضرَّهُ
ظلمٌ وأسرٌ ثمَّ قيدٌ مُوجِعُ
8_ مُتَذَكِّرينَ وُصولَهُ أرضَ الإبا
وفــؤادُهُ من لوعــةٍ يتوجَّعُ
9_ وَمَجيءَ زَينبَ يَومَ صبَّت دَمعَها
وَنِداؤها صُمَّ الصِّخــورِ يُصَدِّعُ
10_ يا ساكنينَ بكربلا قد جِئتُكم
أشكو السِّبا وفراقَكم أتجرَّعُ
11_ قُومُوا فَبَينَ القَومِ سِرنا والعِدى
لنسائِكم طولَ المسيرِ تُرَوِّعُ
12_ وَهَوَت على قَبرِ الحُسينِ تَشُمُّهُ
وسَقَت تُرابَ الطفِّ منها الأدمُعُ
****
الشعر الدارج للخطيب الشيخ سمير الصالحي :
من درب اليسر بالشام اجيتك يا ضوه عيني
فارگتك غصب عني أشم تربتك خليني
يم گبرك لفيت اليوم أنوح وأهمل الدمعه
رباب الي تون وياي وسكنه ويه الحرم تنعه
احجي اشكثر عندي هموم وحجيي كونك تسمعه
مصايب شفنه من بعدك
أولهن ألم فگدك
مهضومه وحگ جدك
خليني أسولفلك نار بصدري توچيني
عگب طيحتك مشَونه سبايا وناگتي عجفه
جتفونه العده بحبال وتدريها يخَي كلفه
يسبون الوصي حيدر وامي الزهره يا وسفه
شمر وزجر ويه سنان
آ يشماتت العدوان
صحت وينك گمر عدنان
عگب عباس أبوالغيره
جتاله اليباريني
وهذا اليوم كل الروس جبتها وكون ازورنكم
من عاشر شهر عاشور ولهانه اعله شوفتكم
أدري باربعينك صار لنصب ماتمي يمكم
رمله تصيح يا بلواي
وتبجي ليله وي بجاي
وام جلثوم تنعى وياي
لحد ما ينگطع وني ويمكم تخلص سنيني
مراثي الأطهار عليهم السلام
آه حسين خويه حسين
دليني أعله كبرك وين
أجيتك والدمــع بالعين
آه يحسين يا خويه
........................................
أمن الشام يحسين يبن أمي أجيتك
أتمنيت لــــــــو جان واكف لكيتك
أشلونك وشصار من فاركيتك
أجيتك خويه من الشام أمشي أهلال محنيه
يمكن لـــــــو شفتني تكول زينب هاي موهيه
خويه الشام آه الشام لــــــــو تدري شعمل بيه
من غرب ضعنه وشال
بلا والــــــي ولا جمًال
مجتوفه وتجرهـا أحبال
آه يحسين يا خويه
.............................................
بيا حال ضليت من روعونــــــي
بـــــــــلا راس عفتك لمن سبوني
شالوك دفنوك من يسرونــــــــــي
عفتك من رحت يحسين ذاري وعالرمل جسمك
لا بيه وأشيلك كون لا بيه وأجـــــــــــــــي يمك
ولا سالم وأدفنك جان ولا واحد يجـــــــي أيلمك
راسك من مشيت أوياي
جبته ومــــا جبتلك ماي
طول الدرب جان أفياي
آه يحسين يا خويه
........................................................
من وين أبدي قصة يسرنـــــــــــه
حفاي للشام يبن أمــــــــــي رحنه
الما جان عالبال بالخربه نمنـــــــه
أبنياتك يماي العيــــــــــــــن نامن عالترب كلهن
ألا البيها روحك جان تغرب كـــــــــل مسه منهن
أدورها بثناية الليـــــــــــــل وأرد الغبشه أحسبهن
شما ضاعت أحشم الناس
وأعكد رايــــــــة العباس
أجي وألكاها فوك الراس
آه يحسين يا خويه
....................................................
أمن السوك للسوك يبن أمي يحسين
بحجار للناس صرنـــــــــــه نياشين
ميته مـــن كــــــون ولاطب دِواوين
طبينه ويخويه الناس تشتمنه وتسب بينــــــه
وتتكاطف علينه أحجارمن كل صوب رامينه
صابوا جبهتك يحسين ومـــــا واحد فزع لينه
وأباب الساعه تاليهــا
دف وأطبول أهاليهــا
شجاها الناس وأشبيها
آه يحسين يا خويه
......................................................
ونيت ناديت وأصفك بديـــــــه
عالراح بالراح كوم الحك عليه
أمن أيدي يحسين ضاعت رقيه
دخلنه للقصر خويه وراسك بالطشت جابه
وكله عالجسد وينه كله أمسلبه أثيابـــــــــه
ونيت وصحت يحسين آه يحسين وأمصابه
ورقيه ركضت أتشمك
وكعدت تمسح أبدمـــك
لحد كطع النفس يمـــك
آه يحسين يا خويه
................................................
خادم خدمة الحسين
الشاعر
محمد الموالي
يالرايحين الكربلا أعلى حسين سلمولي
زوار من عدكم اريدن خطوه تهدولي
أعلى حسين سلمولي
حسين حسين حسين حسين
يالمشيت الكربله اخذ الوصيه
هالوصيه من تطب الغاضريه
بيها زينب بيها هم دمعة رقيه
والتراجي بيها تحجي هالقضيه
يالرايحين الكربلا اعله احسين سلمولي
زوار من عدكم اريدن خطوه تهدولي
أعلى حسين سلمولي
حسين حسين حسين حسين
&&&&&&&&&&&&&&
ياللي قاصد كربلا احمل دموعي
كله نار الشوق تجويها ضلوعي
وماكو غيره حسين هوه يهدي روعي
كله احلفك بالضلع ارحم هجوعي
يالرايحين الكربلا اعله احسين سلمولي
زوار من عدكم اريدن خطوه تهدولي
أعلى حسين سلمولي
&&&&&&&&&&&&&&
يالمشيت الكربلا وناوي الزياره
ومن تصد بعينك لذيج المناره
سلم على الوالي بدموع الحيارى
ياحسين وكل محب ينطر اشاره
يالرايحين الكربلا اعله احسين سلمولي
زوار من عدكم اريدن خطوه تهدولي
حسين حسين حسين حسين
&&&&&&&&&&&&&&&&
يالمشيت الكربلا لحضرة امامي
وصل احسين اشتياقي وكل هيامي
و لضريحك انتظر توصل احلامي
بيها اختم عمري انه واختم ايامي
يالرايحين الكربلا اعله احسين سلمولي
زوار من عدكم اريدن خطوه تهدولي
&&&&&&&&&&&&&&&&
ياللي قاصد كربله وبهذي الايام
انحني ابابه يزاير طأطأ الهام
ولا تذكّره للغريب بحرك الخيام
تهيجه بذكر العقيله ودخلة الشام
يالرايحين الكربلا اعله احسين سلمولي
زوار من عدكم اريدن خطوه تهدولي
تمت بعون الله
خادمة الزهراء/ ليلى زغيب
لصحن الحسن مشايه
المشايه امن البحر
والگـصـدت للنـحر
في وقـت المنتـظر....للحسن تندب
اويه حسين وتستعد
مجـمـوعـات أو فـرد
من صـحنـه وللچـبد....تطلع بموكب
وبالدرب أصحابه اموزعهم مولانه
والحـر اينـادينه وايـرَحـب ملگانه
وايرحب وهب
كـل مــوكــب الوفـايه
لصحن الحسن مشايه
ـــــــــــــــــــــــــ١ــــــــــــــــــــــــ
من عابس كل هلا
ايـوصـلـهـا لكربله
وتوصلـنه امـهـيله....وعذبه محبوبه
وايـوزع مـوكـبـه
مـن بعـد المـأدبه
لـزوار المجـتـبـى....علـگ مـن ثـوبه
والعلگ من ثوبه اللي اتـمـزگ بجنونه
والأخذ من عنده ايشع نور من عيونه
من گد العشگ
وهـنـيالـه واللـه بهـايه
لصحن الحسن مشايه
ـــــــــــــــــــــــــ٢ــــــــــــــــــــــــ
مسلم بنْ عوسجه
بالمـوكـب منـهـجه
كــل زايـر لـو إجـه....منـه ما يعـبـر
مـــن زاده الـمـا أكـل
ما يمشي شما حصل
وايـــوزع لـلــوصــل....لؤلؤات ودر
والذهـب كـل زايـر خـلالـه بنـص زاده
من الحسن متعلم هيچ وينطي مراده
لزوار الحسن
ومـا ينـطي إلا هـوايه
لصحن الحسن مشايه
ـــــــــــــــــــــــــ٣ــــــــــــــــــــــــ
بن ظاهـر هيبته
يتـلگـه بشـيـبته
زوار الـوصـلـتـه..ويكتب التالي
هالزايـر ينكـتـب
ما عنده أي ذنب
وذنوبه تنشـطب..زايـر الغــالي
وبالسجـل كـتـبـولـه زايـر حـتـى الزهـره
ومن بَعَد وايسجل چم حجه وچم عمره
وايضاعـف إله
في كل دعا واحچـايه
لصحن الحسن مشايه
ـــــــــــــــــــــــــ٤ــــــــــــــــــــــــ
والـدرب يـنـظـرَّه
لن موكب مفخره
وايسر كل ناظـره..موكب الكافل
بي خيمه من الضوه
ويسـتـأذن كـل هـوه
ايـمـر بيـهـا لـو نـوه..من ابو فاضل
زينبه چي بيها امضويها امغطيها
وجِربِته ماليها ويم اخته مخليها
وما تعطش بعد
ومـا تــروه إلا بـمـايه
لصحن الحسن مشايه
ـــــــــــــــــــــــــ٥ــــــــــــــــــــــــ
هـنـا يـبـدأ لـلحـسن
مـأتـمـهـم والشجـن
ومن ثمَ من الوطن..موكب يغادر
ايـردون لـكـربلـه
والحـره امـدلـلـه
بس تذكر سنسله..وتذكر الحافر
وتنتحب بـس لَمّن يسمعـها الكافلها
بالهودج تتبسم بس چفه ايمده الها
وتفرح زينبه
وإلـهــا يــرف بـالـرايه
لصحن الحسن مشايه
ـــــــــــــــــــــــــ٦ــــــــــــــــــــــــ
نسألكم الدعاء والفاتحة لوالديَّ
احمد البصراوي العبادي
#رجوع السيدة
جايبه اجروحي لكبرك ما اجه أبالي ارد
حيل كبرانه بغِيابك وروحي ذبلها البعد
هوايه تعبني الوكت
ردت اموت وما متت
جيتك بيوم أربعينك شايله آهات والم
جيتك محدبه ونحيله بلا محامل لا علم
عليك دلاني حنيني وگبرك المتروس دم
مبين من ابعيد گبرك مغطه برماد الخيم
انكسر خاطر اخيتك ومحد يجبره وعلي
هايه اول مره اجيلك وانت ما گايم الي
اعذرني خويه تعطلت
ردت اموت وما متت
.
.
.
.
على ترابك يا جروحي كون يتبده العمر
ما اذبن ماي خافن يفز نحرك بالگبر
لسه ريجي اعليك يابس والهوى يدخل جمر
شلون ابلل ريجي وانت ريجك مشبعيه طبر
يا خسارتنا الجبيره ياللي نظراتك وطن
عفتك مطشر يغالي جسمك شلون اندفن
شحالي بعدك من رحت
ردت اموت وما متت
.
.
.
.
كربله شچم حلم باگت بحسره خلتني اعتنيك
جيتك ابلايه رقيه وجر اجر بروحي ليك
ماتت وازرگ جسمها ماتت بحسرة عليك
احتار من تنشدني عنك شرد اگول شلون اجيك
شكثر كالت بابا بابا مردت بكلبي النياط
ميته من الحرگه بنتك مدري ميته من السياط
وبدفنها تحيرت
ردت اموت وما متت
.
.
.
.
وين ذيج الهيبه كلها خويه شو گبرك زغِير
شايل الدنيا بكبرها شلون شالوك بحصير
على گلبك خيل تركض وانت ابو گلب الجبير
وراسك الخلصها ساجد عالرمح تالي يصير
الگابلك ما يسوه كلشي وانت أمام وابن امام
سيوف دم احجار غربه صارت عليك ازدحام
الكلفه من اطشرِت
ردت اموت وما متت
.
.
.
.
وحق شيباتك وعطفك اختنگ لو شفت ماي
بالسبي مشدوهه خويه وراسك الينطيني راي
شكد حنين وما تركني بالشمس يفتر وراي
اعله الضعينه هواي يفتر ساعة رايح ساعة جاي
رغم ما تعبان راسك بيه شديت العزم
راس من رتل الايه خورس احلوگ الزلم
كباله حيل اتعذبت
ردت اموت وما متت
الشاعر عبدالله الشويلي
اشما تباعدني البلاد او مهما لو دهري اختِلٓف
تبقه كل ايّامي عاشر او كل مكان ابعيني طٓـف
___
حتّى لو جسمي ابتعد روحي تظل يّمك تحِف
و آنه واعدتك جناحي ابغير جـوَّك ما يرِف
اجروح إلـبْـگلبي چثيره لچن جرحك يختلِف
اوياك يا أقدس جرِح
عندي سِرْ ما ينشرِح
و آنا ساكت منفضِح
اشلون لو أحچي او أگول اشلون لو سرنه انكشف
___
وين ما ينزل رِكابي چني نازل بالطفوف
ألتِفِت بربع جهات او غير شخصك ما أشوف
صرت ما أسمع بذاني غير رنَّات السُّـيُوف
او صِرت بعدك ما أحِس
كلشي اشوفه بالعكِس
مظلمه ابعيني الشمس
و البدر ليلة تمامه ابعيني اشوفنّه انخسف
___
آنه من يوم العرفتك طلَّگـت معنى الفرح
او كلشي مربوط اويه غيرك من وسط گلبي انمسح
صدِّگ ابغير الجرالك أبد فكري ما سِرَح
ذكرياتي و الصِّوَر
راحن او ماظل أثر
بس بقت صورة نحر
او عين نابت سهم بيها او علَم مرمي او يمّه چف
____
آنه كل ونسه اعتبرها ابغير أبو اليمّه حرام
و اللي ما جرّب غرامك لا يسولف عالغرام
الدنيا لو مابيها إنته چا عله الدنيا السلام
بيك يحسين الجمال
مَدري واقع لو خيال ؟
يا جلالة ذو الجلال
العلگمي ظامي إجاك او من عذِب مايك غِرف
_____
بين أحبابي او هلي عايش لچن عايش وحيد
حتّى لو بالجنّه أنزِل ما أظن أصبح سعيد
إخذ كلشي من حياتي غير دمعي ما أريد
إخذ عمري او دنيتي
خلني آنه او دمعتي
بيها اسلّي وحشتي
يا طعَم يبقه لحياتي لو دمِع عيني نِشَف ؟!
_____
گلبي يستوْحش تره ابغير المدامع و النحيب
و اشعر ابروحي ترِد من اسمع اِلونّة خطيب
من أدِگ صدري اويه رادود اشعر ابصدري يطيب
ابدنيتي يكفيني بَـسْ
شلتك ابصدري نَفَـسْ
و ابوجودك گلبي حَـسْ
يا نبض دلالي لولا امحبتّك نبضي وگف !
_____
| معنى الفرَح |
الميرزا عادل أشكناني
#نعي شعبي
#لحن أومت بيديها صوب الشريعه
••وصول-زينب-يوم-الأربعين••
وصلت ارض الطفوف الهاشميه
وطاحت عالگبر تون ونه شجيه
وجوهنا مغيرة من حر اللظيه
والمتون مورمه من ضرب الدعيّه..
صاحت يسكنه تعالي ويا نساوين
وصلنا والدمع سال عل الخدين
إجيتك سبيه وانه اصفق بالأيدين
بنوحي وحنيني والدمعه جريّه..
نامت زينب بكتر گبر اخوهه
تنعي وتعتب ع اللي دللوهه
اختك بعد عينك بغصب سبوهه
وخذوها من بعد عزهه سبيّه..
يا عمه شو والدك راسه مَعنده
اقدرت تنزّله شلون عمه بلحده
ياعلي حد وياه لو ادفنته وحده
عساني وياه مدفونة سويّه..
شمّت تراب الگبر وبكتره ناحت
يا ابن امي شنهالفاجعه علينا لاحت
يا ريت روحي وياك يبن الزهرا راحت
من يوم الطحت عالغبره رميّه..
هاجت احزاني يخويه من وصلناكم
صرنا ننادي واحنه ما نسمع نداكم
معذور خويه وريتها روحي فداكم
لكن اشبيدي المحتم رماكم...
_______**
خادمة أبالفضل
قسم المنبر الحسيني/مجموعة الاخوات