7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
لشهادة القاسم بن الحسن المجتبى عليهما السلام على طور (حرم عندي) لباسم الكربلائي
يصب دمي لأجل عمي
أمامي وقرة أعيوني
★★★★★
انا ابن النبي المرسول رحمه وخير للوادم
وابوي المجتبى الطاهر امام ومن بني هاشم
أصلنه على الارض رحمه وعالم من بعد عالم
وجدي المرتضى الكرار وانا الباسل ( القاسم )
أحاربكم واعرَّفكُم
بنفسي لوتجهلوني
★★★★★
هظمتوا حسين ابواليمه ومنكم ياخلگ همي
بشهر واحد نكرتوها رسايل وصلت العمي
جهل لوماتعرفونه لولمع الذهب يعمي
انا ابن الحسن روحي لبواليمه وفداه دمي
إله أسنيني ونظر عيني
النصرته ماتمنعوني
★★★★★
أنا القاسم اتعنيت للحومه اواجهكم
أحمي عمي وعياله وخيام الحرم منكم
شتنكرون بالمحشر لوتشهد رسايلكم
يلكل رحمه مابيكم وغير الغدر ماعدكم
العمر ذمه لبواليمه
حب حسين مضموني
★★★★★
قليله بعيني كثرتهم شماتكثر عساكرها
الحومه ماتهد عزمي ولاكثرة مخاطرها
بوادم علطمع والمال مبيوعه ضمايرها
كسروا هيبة الاسلام ياهو البعد يجبرها
مثل عمي يضل عزمي
الحرب ماغيرت لوني
★★★★★
رخص عمري لبواليمه وشبابي وزهرة أيامي
للضل لامعين وناس ومهموم الگلب ضامي
ومن اسهام تتخاطف جبينه للاسف دامي
البواتر ماتألمني غربته زادت آلامي
يوصوني ويذكروني
للطف اهلي رَبوُّني
الشاعر حسن لعيبي الحريشاوي
نعي
الليله الثامنه (القاسم)
لسان حال رمله ع
يـجـاسم يبني ربـيـتـك ولـلشـيـب الـولـد يراد
يـزهـرة عـمـري وسنيني ما ادري زمانـي اشـراد
اكـابـر وحـمـل جروحي لچن ماينفع الهه اضماد
شسوي وفرگتك صعبه والگلبي الـصبـر مـا فـاد
احـلـم بـيـك يـولـيـدي افـز وصورتـك بـالـعـين
يالغالي انگطع رجواي هالفجعه اجتني مـنـيـن
عفتني بحزني والدمعه وعگبك ما رحمني البين
امــك يـا بــعــد امــك واهلك عـرسـك متانين
چانت ضنتي اتشوفـك عيني وبـيـدك الـحنـه
يـوم بـيـوم احـسـبـهـن گـلـت يـكـبـر وزفـنـه
اجتنه الغاضـريـه منين يـويلي وگطعت الضنه
يـيـمه الـمـوت اشوالـي امـوت واخلص اتـمـنـه
دهـري زاوداني أعـلـيك وبـعـد هيهات نتلاگـه
الـمـثـلـك ولـد ويـروح يـتـرك نـار حـرّاگــه
ثـكـلـه وبالحزن ضليت وروحي عليك متلاگه
يگلولي خـذاچ الـشـيب گلتلـهـم عـلـى فـراگـه
*------------------*--------------*
ابوذيات
الـلـيـالـي خـوش بـفـراگـك .. يزتني
وشـجـاهـه أسـهـام عدوانك .. يزتني
يـجـاســم يـاهـو الـگــبــري .. يزتني
ويـقـره الـفـاتـحـة ويـنـصب عـزيـه
*-----------------*--------------*
ظـهـري انـكـسـر بـمـصـابـك.. وحنيت
ودمـعـتـي ســالــت بــخـدي.. وحنيت
يـجـاسـم خـضـبـت شـيـبـي.. وحنيت
بــدمــك والـنــهــار اظـلــم عــلــيـــــه
*---------------*---------------*
✍خادم الحسين ع
الشاعر رعد الجريخي
يجـــاسم عالــــوطيه
بقـــت جثتــــك رميه
*-----*-----*-----*-----*
جــاسم يــا نبــض روحــي وألمها
اطشــرهــــا بعــد عينـــك ولمـــها
ازعـــل عينــي بغيابــك وألـــومها
أذا متصب دمـــع صبــح ومسيه
*-----*-----*-----*-----*
شمعـــات الحــزن أمـــــك وجنـها
يمن فگــدك سلـب روحــي وجنها
لــوّن تهمــل دمــع أنســـن وجنـها
مـــا تشبــه دمـــع عيني الجــــريه
*-----*-----*-----*-----*
يريحه من الحسن دهري نشرها
ورايــات الحزن بعـــدك نشــرها
المدامــع يمّــه عالوجنه نشــرها
مـــا تنشف لحـــد يـــوم المنيــه
*-----*-----*-----*-----*
ييمّـه الونــه هـاك اسمــع لحنـها
بعد عينــك رمـــاح الـهم لحنـها
اچفوفي مــن دمـه الهامه لحنها
مــو حنّـت عـــرس حنّــت منيـه
*-----*-----*-----*-----*
ييمه الــروح مـن بعدك شجـاها
بس النــوح يـا جــاسم شجـاها
كــون بهامتي الصابـك شجـاها
ولا هامــك تخضــب عالــوطيه
*-----*-----*-----*-----*
الشاعر
موسى البديري
راوي الحدث خيمه ضل منها بالهيمه
وتسولف الأم
معرس رخص روحه جروح أمه بجروحه
رمله ويجسام
.............................................
خيالي بليلة الحادي عشر للطف اخذني وهام
ولگيت الطف جثث وسيوف ولايمشي بخيالي جدام
اريدن من يسولفلي موادع رمله ويجسام
وحيد امه وگرب عرسه وماتدري الزمان اشضام
ياهو لسئله ويحجيلي موادع الولد يرويلي
وصله من خيم توميلي ورحتلها
حنت العرس حنتها دمعة أم ولد دمعتها
لوعة الفگد لوعتها وگلتلها
بين الرمل شفتج وعن جاسم اسئلتج
عندج خبر هام
معرس رخص روحه جروح أمه بجروحه
رمله ويجسام
"""""""""""'''''''''''''''''''''''''''''''''''''''''''''''''''''''""""""""""""
بدت تحجيلي وتگلي على هونك وحجي يل ولهان
يل رايد خبر مني على جاسم زينة الشبان
انه خيمته وشفته من أنوى يروح للميدان
راح العمه ابو اليمه واذن من عمه رايد جان
عمه من نظر لوصيه لفرگتك نده مابيه
ومن إذن رجع هم ليه الوالدته
رايح الحرب والديني أفدي هالعمر لحسيني
اوفي انه الج بسنيني وشبگته
صاحت يادلالي شيعوضك يل غالي
بدر امك التام
معرس رخص روحه جروح أمه بجروحه
رمله ويجسام
"""""""""""""""""""""""""""""""""""""""""""""""""""""
راح ورمله تانته وبيها النار لهابه
بطه وعمه گصدله وراح لحد ما عالصدر جابه
وجاسم حين شافته ومنها العين سجابه
گعدت يمه وتگله الصابك گلبي هم صابه
موتي يالولد موبيدي بداعت الربه يوليدي
جلمة رد علي يوحيدي يايمه
للحرب عسن ماخذني يبني للدمع عايفني
بفرگتك ذبح ذابحني يالچمه
جروحك ولم بيه خليهن عليه
على امك ترى ولام
معرس رخص روحه جروح أمه بجروحه
رمله ويجسام
"""""""'""""""""""""""""""""""""""""""""""""""""""""""
عرسك جان ياجاسم تگله مناطرته سنين
ويرسمك صور بالي مو وحده ولاهي ثنين
الهواشم توگف بعرسك ييمه واليزف حسين
ماحسبت يبني بيوم يخطفك من اديه البيت
عمك العرس منتظره صوغة ضم الك لو بشره
شگد الك حجي وياكثره ويبالي
تالي بالدمه تتحنه وللعرس بعد ياضنه
گبلك الأجل أتمنه يالوالي
منين ابدي وحجيلك يل فرهدو حيلك
فرهود الخيام
معرس رخص روحه جروح أمه بجروحه
رمله ويجسام
"""""""'''''''"""""""'''''''''''''""""""""""""""""""""""
عدها وصلت الخيمه حجت وتلفتت ليه
جاسم سولفت عنه ماگتلي شجره عليه
انه الماكلتني النار رغم كل شي كلت بيه
وصيت الحسن لن ظميت طفت من گربت ليه
گلبي محترگ لاجنه علي من دماه اتحنه
ونت ام ولد بي ونه وشبيدي
جاسم الحسن وعلومه وسفه زفته بالحومه
ورمله نادته ومهظومه يوليدي
شموع وياس محضره لعرسك عود مگدره
وغدر الدهر ظام
معرس رخص روحه جروح أمه بجروحه
رمله ويجسام
"""""""""""""""""""""""""""""""""""""""""""""""""
خادمكم قاسم المالكي
يا ابن الحسن المجتبى
القصيدة : ايصلي لو صافه
محرم الحرام 1446 هــ
▫️▪️▫️▪️▫️▪️
من اعيونه ومبسمه الله خلق هالسمه
الكمر لو شافه ايصلي لوصافه ويصيح الله الله
ــــــــــــــــــــــــــــــــــــــــــــــــــــــــــــــــ
القاسم والجمال امن الحسن كله
ابمشيته وبالكرم وبشكله وبفعله
اللغـاز ابجماله وصعـــبه تتفســـر
الــعمه مثل ابو فاضل صعب حله
اجه الطف واجـــه بلامـه ودرع من الحسن كامل
طلع مثل الشمس يضوي بشروقه جنه ابو فاضل
ياجماله البلضمه خضار وحل موسمه
النهر وضفافه ايصلي لوصافه ويصيح الله الله
ــــــــــــــــــــــــــــــــــــــــــــــــــــــــــــــــ
روحـــه امن الورد لا بل ورد جنه
واكبر من وصف شاعر يصف حسنه
تشوفه المجتبى ومره تشوفه الماي
وجه من الكمـــر بل الكمـــر منه
ابن اكرم بشر والله خلق من طينته القاسم
نهر من الوفه العمه جــره بغيرة بني هاشم
خاتم مبهم طلسمه بروحه لوحه مرسمه
الشافه ماعافه ايصلي لوصافه ويصيح الله الله
ــــــــــــــــــــــــــــــــــــــــــــــــــــــــــــــــ
وصيه على الزند معكــوده من غيره
اذا يبقى الحُسين الوحـــده وبحيره
قبل لاتنفتح طك عرجـه سل السيف
الوفيـــه ذاتـــه مـن كيفه يهل خيره
بوصافه وفعل ذاتـــه تشوفـــه سيد الموقف
نزل شايل عزم حيدر وانه ابن الحسن يهتف
الجرح العم بلسمه بوصافه الحب سمه
الحب لو طافه ايصلي لوصافه ويصيح الله الله
ــــــــــــــــــــــــــــــــــــــــــــــــــــــــــــــــ
شبل مــن الحسن بالطف بذل روحـــه
وعلى متون الوفـــه دك لافته ولوحـــه
اهدعش من العمر قدمها بس لحسين
عشك درب الشهاده ونزفت اجروحـــه
وره اعيونه وفه مبني وشهاده وعزه والنخوه
بثنيات الخيم صيته ولمع نجمه وركض هوه
يامحله الخاتمه ونطى بجفه الدمه
العالم بطيافه ايصلي لوصافه ويصيح الله الله
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
الامام القاسم ع
القصيدة : جنه الماي
محرم الحرام
▪️▫️▪️▫️▪️▫️
يجسام .. اشعل شمع لعيونك
يجسام .. ابهل عرس خيعونك
ــــــــــــــــــــــــــــــــــــــــــــــــــــــــــــــــ
الليله مختلفه يغالي والسمه تضويلك
الليله مومثل اليالي والكمر يحجيلك
الفرح يوليدي راحه ومن شفت يوميلك
بسمك العطشان يروه والنهر يصغيلك
جنه الماي .. هذا اهواي .. وشلونه
كلنه نصيح .. هاي الريح .. من لونه
يجسام .. بيرغ تشيله متونك
يجسام .. ابهل عرس خيعونك
ـــــــــــــــــــــــــــــــــــــــــــــــــــــــــــــــ
سودن العشاك طوله وياحلاة اعناده
جاسم العريس هذا هيبه وابن الساده
بلسم الملجوم صار وصار والله ضماده
فرحة العشاك ايه وعنده بيها ايراده
كلشي وياه .. بس تقراه .. تلكونه
هاي الروح .. فدوه تروح .. لعيونه
يجسام .. وبالفرح يردونك
يجسام .. ابهل عرس خيعونك
ــــــــــــــــــــــــــــــــــــــــــــــــــــــــــــــــ
الفرح مرسوم زفه وبوسه من اوريدك
وزفة العشاك طولك تنرسم من عيدك
يافرح ماخذني نجمه من ترد بجديدك
يبني ما ادري بفرحها روحي هاي تريدك
كلشي يصير .. والتدبير .. بفراحه
لم الناس .. والعباس .. واجراحه
يجسام .. كلشي يصيح شلونك
يجسام .. ابهل عرس خيعونك
ــــــــــــــــــــــــــــــــــــــــــــــــــــــــــــــــ
ياحلاة الحنه يبني تنرسم بجفوفك
وانرسم ضحكة حبايب ياحلاة زلوفك
العرس يايمه ديره وتنرسم بطيوفك
جبت حناتك بديه بكلشي يفرح شوفك
انته ادواي .. وانته اهواي .. بصفاتك
جنك طير .. يمه وغير .. نظراتك
يجسام .. مشهد صار من لونك
يجسام .. ابهل عرس خيعونك
ــــــــــــــــــــــــــــــــــــــــــــــــــــــــــــــــ
انكتب يايمه اشوفك لابس ثياب العرس
ومنك اتحنت ليالي بيها معروف الهمس
يومك الماصح مثيله يختلف عن الامس
انته ياضي كل حياتي انته ياقرص الشمس
افرح دوم .. موش بيوم .. فرحانه
دمع العين .. صار سنين .. حزنانه
يجسام .. تكسر روح من دونك
يجسام .. ابهل عرس خيعونك
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
الامام القاسم ع
القصيدة : حنت اللام
محرم الحرام
▪️▫️▪️▫️▪️▫️
حنت اللام يبني جسام
حظرت ثوب العرس عطرت الخيام
ــــــــــــــــــــــــــــــــــــــــــــــــــــــــــــــــ
عطرت ثوبك دمع اخ وحزن هاليله
حضرت صينيه الك الليله موش طويله
بخيامي وزعت الشمع الفركه هاي ثكيله
يبني بالحومه انكتب رايح تودع العيله
حضروا سهام وماتت احلام
البيها اريدنك شمس عطرت الاخيام
ــــــــــــــــــــــــــــــــــــــــــــــــــــــــــــــــ
بحِنتك ردته الفرح ليش الحزن يبرالي
ياجاسم بهذا المسه والله نفطر دلالي
الزفتك انصب عزه ما مرت اهيه ابالي
كل ظني اشوفك تبتسم وافرح الك بالتالي
جفت اقلام لحضتي بعام
يومك احلى امن الامس عطرت الاخيام
ــــــــــــــــــــــــــــــــــــــــــــــــــــــــــــــــ
تلبس ثياب العرس يبني وضحكتك حلوه
وتكشخ اكبال الكمر عمك يكلك فدوه
تمشي ونطش الورد ونزفك اعلى اللبوه
ثاري كل هذا حلم مات الحلم بالصحوه
بليل الاوهام تصعب ايام
بعطرك البي منغرس عطرت الاخيام
ــــــــــــــــــــــــــــــــــــــــــــــــــــــــــــــــ
تحنت اجفوفك دمه وجسمك ييمه مطبر
ماشفتك بثوب العرس جايمته اشوفك اكدر
مثل النوارس عالجرف حلمك ييمه اطشر
يبني يجسام العمر ياريتـــه يكصر اكثر
فرحت اقوام هاي الاحكام
بيه حزنك منحبس عطرت الاخيام
ــــــــــــــــــــــــــــــــــــــــــــــــــــــــــــــــ
جنت متأمله الفرح ومحظره يمه الزينه
وهسه كلبي انه انجرح والشامت يصد لينه
ميته ريت وما شفت جسمك اموذرينه
من حكي الطم وانتحب راح الولد وسنينه
هل خبر هام يبن الاكرام
للخيم رد بالهمس عطرت الاخيام
ـــــــــــــــــــــــــــــــــــــــــــــــــــــــــــــــ
ادفنت روحي ابالم جبت الدمع لجفوني
والطمت وجهي بترب ردت تعمه اعيوني
يايمه عكبك ياصبر ينفع بعد لظنوني
جان ابني والسند شايل حملها امتوني
مابقى اودام الموعد الشام
ضليت بعده ابلا نفس عطرت الاخيام
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
الامام القاسم ع
القصيدة : قراري ومصيري
محرم الحرام
▪️▫️▪️▫️▪️▫️
قراري ومصيري _ لحسين اميري
ــــــــــــــــــــــــــــــــــــــــــــــــــــــــــــــــ
انه القاسم انه وعمــي الكمر وحسين
انه ابن البلكرم ينطي ضوه من العين
انـــه جــدي القلع خيبر بطــل صفين
على نهج الذكرته امشي نهجنه الدين
ادافـع عن خيام العـــم مصيري البين
فلا اركع واعرف ابدربــي ياخــذ ويـــن
محكم ضميري _ لحسين اميري
ــــــــــــــــــــــــــــــــــــــــــــــــــــــــــــــــ
يِبن سعــد وجهودك هايه ابــد متفيد
جمعك هـذا ماراهبنـــي عزمـي ايزيد
يشجــرة باطــل المــاي الظلاله اتريد
ظَلك ابـنَ هنــد ومـد ظـــلام الايــد
وركضت البيعته ولاجله تهــد وتحيد
فـ واللهِ النصــر دمــي واحسبه العيد
بنـــارٍ سعيري _ لحسين اميري
ــــــــــــــــــــــــــــــــــــــــــــــــــــــــــــــــ
انــه الماخايف وجــدي علـــي الكـرار
علــم عدنــه اشيصير ابكربله ويندار
رضيت بقسمة الباري والي اشيختار
اضــل متوذر ابحــر الشمس والنــار
كلشــي ولا تظلنــي الدنيـــا ياكُفـــار
انطبع دين الله بينه وصرنه كلنه احرار
شذاي وعبيري _ لحسين اميري
ــــــــــــــــــــــــــــــــــــــــــــــــــــــــــــــــ
وحــك رب العــرش وبعزتــه وقــدره
على دين الله اساسي ومصدري العتره
وصيــة امن العزيـــز الوالد وأمـــره
اذا شفت السبط وحده تجي اتنصره
ونحــرك قدمــه يوليدي قبل نحـــره
وجسمك عـ الارض جدك علي يحضره
بشمس الضهيري _ لحسين اميري
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
حضرت لوليدي شمعه وذيج الثياب
لجاسم تلوك الهلاهل موش التراب
يا ترافه ابني ميت ومتحني
...........................................................
شايل احساس الفراشه ال علورد تفتر
الله خالق مثل لونه بس علي الاكبر
تغار من عده البلابل ترف ومعطر
كمر كامل راح ابني بس اجه موذر
كتله مو حلوة الترابه وانته عريس
التراب يلوح خده وشامته يجيس
راح تعبي وضني ميت ومتحني
..................................................................
ملتزم ابني بصلاته وعارف بدينه
عينه ما تنضر معاصي تنضر حسينه
لو يمر ضل حرمة يمه يغض طرف عينه
كربلا نهبت جماله وذبحت سنينه
ذكرى بالخيمه ثيابه وعود البخور
والعصافير اعله وجهه تصلي وتزور
بالذبح متهني. ميت ومتحني
................................................................
جفنه غافي وشعره نازل واصل متونه
مثل راية سلم كلبه الكل يحبونه
شامته بخده عجيبه وانفرد لونه
من بريق العرش ابني انخلقن عيونه
بالاعراس الناس تنثر ورد والياس
ويوم عرسه سكينه نثرت رمل ع الراس
كبر همي وحزني. ميت ومتحني
.............................................................
عمره ما سمعني جلمه غير يا عيني
شما اكله يكول حاضر يمه امريني
قل اعوذو من فراكة وتالي يجفيني
يا وصيته المثله ترفه بعرس ذكريني
والورد محروك كلبه مثل الشموع
زفته اعله رماح صارت طشو دموع
والبواجي تعتني ميت ومتحني
...................................................................
ذاكة دمة الترس ثوبه بياض وجه امه
لا حسافه ولا هضيمه جي نصر عمه
ما يدور ع المعاصي اليلكة ابو اليمه
مثل ابو شيخ يتمنه وفرهدوا حلمه
مثل ابوه وليدي طالع كله مرجله
الجيش اجه يذبح يريد وكاللهم هلا
راح المدللني ميت ومتحني
....................................................................
امنيتي حنه وبيها شمعه بعرس جاسم
يهوس العباس عمه بنص بني هاشم
ويلبس ابني ثوب عرسه ويكشخ الهايم
واسمع اعله الخير رمله والفرح دايم
مبارك يكلولي رمله و شايفه الخير
يهلهلن عماته يمه ويفرح الطير
الشوك كام يهزني ميت ومتحني
....................................................................
..
الشاعر مرتضى عامر الشمري
كعديه للقاسم
ياجسام للخدام
بالكوفه اتشع قدوه بكل ايمانك
لوحت امجاد ارسمت
الهاي الشبان وصرت
بالكوفه اتشع قدوه بكل ايمانك
1
انته يا اشرف مجاهد تنمتي لأشرف قضيه
من نزعت اثياب عرسك البست ثوب العزه نيه
اروع امثال البطوله مثلت بالغاضريه
من اخلعت ثوب العرس
نيتك تهذيب النفس
وانطيت للخادم درس
بوگفتك لأبن الزچيه
دمك صار للأحرار
قلعه مجدك واتشيد عنوانك
قمه الهم واتمثلت
الهاي الشبان وصرت
بالكوفه اتشع قدوه بكل ايمانك
2
من كريم وكرم روحه
العمه مو تحصيل حاصل
وگف بالطف ابشموخه
وصان امجاد البواسل
يكفي شايل بالحرايب عزم عمه ابو فاضل
صال بجماله الهاشمي
والخوف ظل بيه يحتمي
عالموت راح ويرتمي
ونزل للحومه يقاتل
للشبان يا عنوان
قدمته وانته اترتل قرآنك
عنوان العز من طحت
الهاي الشبان وصرت
بالكوفه اتشع قدوه بكل ايمانك
3
كل مجاهد بالمئاثر ربك ايرفعه بجهاده
وانته ياجسام بالطف موتتك صارت ولاده
المثلك بهذا جماله اتكحله اعيون الشهاده
واتكحلت رغم الألم
ياجاسم وهذا الاهم
من اجل ماتنطق نعم
بعزم كامل وبأراده
مثل الطيف بوجه السيف
تضحك بالحومه وكاتم احزانك
من ضحيت وقررت
الهاي الشبان وصرت
بالكوفه اتشع قدوه بكل ايمانك
٤
الليله جاسمنه النويني
بليلة القاسم نذكره
هالشباب انريد تسمع وتاخذ من الحچي عبره
من قره جاسم الجاسم بليلة المصرع ابحسره
قصة عرس قصة شمع
لمن قره وحس منفجع
وي النويني انهل الدمع
وخلي وياه كلنه نقره
جسام ياضنوتي رايح رايح من اعيوني
مارحمني الدهر
وانته نور البصر
رايح رايح من اعيوني
المثلك نار عالكفار
لو ما موقف بالطف صار وخانك
والهذا انته اتخلدت
الهاي الشبان وصرت
بالكوفه اتشع قدوه بكل ايمانك
٥
اسمع القاسم الليله منك شراد بطلبته
درس كون اليوم تاخذ انته من سيرة نهضته
مو مثل بعض الشباب الخاويه الجهلت طلعته
شاب ورفض لمن طلع
كل مغريات المجتمع
طلگ الدنيه من سمع
صوت عمه وهاي قصته
قصة شاب بالحب ذاب
حتى الباري ايخلدك يرفع شانك
بالحومه لمن طحت
الهاي الشبان وصرت
بالكوفه اتشع قدوه بكل ايمانك
المصيبه
كل شباب بعرسه شمعه يعلگوله وبيده حنه
وانته اول شاب انته الحومة المصرع تعنه
لأن خير نفسه بالطف بين نار وبين جنه
وأمك تناظر مشيتك
للحومه ماشي بهيبته
بس وسفه لمن شافتك
امگطع بسيف الشهاده نظرته وجذبت الونه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
للقاسم
عالقاسم وضعها
رمله ايهل دمعها
١
عريس الهواشم ياحلاته
ودع أمه هالليله وخواته
لابس لامته وكمل صلاته
وأمه اتعاين الطوله ونبعها
عالقاسم وضعها
رمله ايهل دمعها
٢
راح العمه عريس الهواشم
كله ياهله بجيتك يجاسم
رايح تفجع كلوب الفواطم
وأمك ينكسر بعدك ضلعها
عالقاسم وضعها
رمله ايهل دمعها
٣
رمله تنظر اللحظه الرهيبه
وزينب يمها بدموع المصيبه
الله يساعد اكليبج نحيبه
تعاين حنته وطفت شمعها
عالقاسم وضعها
رمله ايهل دمعها
٤
تقدم جاسم و أده التحيه
عنده من الحسن شايل وصيه
قبلها حسين عمه من أخيه
قراها جاسم وعمه سمعها
عالقاسم وضعها
رمله ايهل دمعها
٥
رمله تنظر ودمتعها بالعين
ياجاسم ييمه رايح الوين
فدوه اتروح اريد العمك حسين
موقف روحتك جاسم فجعها
عالقاسم وضعها
رمله ايهل دمعها
٦
آخر نظرت اوداع الرزيه
جاسم مرمي ضل فوك الوطيه
ابني كطعته اسيوف المنيه
وجاب حسين جثة ابني ورفعها
عالقاسم وضعها
رمله ايهل دمعها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
▪️عريس الطَّفِّ
في استشهاد المولى القاسم بن الحسن عليهما السلام
عريسٌ قامَ في طفِّ الأُباةِ
خطيباً بالمُهنَّدِ والقناةِ
قَدِ اختارتْ كـــرامتُهُ فتــاةً
تُسمَّى الموتَ منْ أجْلِ الحياةِ
فديْتُ شبابَهُ ما زالَ شِبْلاً
تزيَّنَ بالجميلِ منَ الصِّفاتِ
رأى في الطَّفِّ مولاهُ حُسيْناً
إماماً مُفْرداً بَيْنَ الطُّغاةِ
فأَقْدَمَ حامِلاً للهِ سيْفاً
يسيرُ إلى المنيِّةِ في ثباتِ
لَقَدْ قرَّتْ بهِ عينا أبيهِ
وكمْ أبكى عيونَ الأمَّهاتِ؟!
"وداعاً"قالَ "يا أمُّ اذكُريني
شباباً غالَهُ سهْمُ المماتِ"
وألْوى راجِزاً "إن تُنْكروني"
يُريْهِمْ بأسَ حيدرةِ الكُماةِ
لَقَدْ أنِفَ ابنُ طلّاعِ الثَّنايا
قِتالاً دونَ نعْلٍ في الفلاةِ
فأحنى كيْ يشدَّ النعلَ فِيهِمْ
وما بالى بآلافِ العُتاةِ
على "الأزديِّ" لعنَةُ كُلِّ أمٍّ
بغدرٍ شجَّ رأسَ الأمنياتِ
فرمْلةُ كمْ تمنَّتْ ذاتَ عُرسٍ
ستنثرُ وَرْدَه في الناثِراتِ
يعيشُ ويقضيانِ العُمْرَ أمْناً
ويحملُ نعشَها عندَ الوفاة
وها هُوَ قَدْ دعا "عمّاهُ عجِّلْ"
وأدْرِكْ قاسِماً قَبْلَ الفواتِ
فلبّاهُ وألفـــاهُ صريعــاً
رميلاً بالدماءِ السائلاتِ..
علي عسيلي العاملي
نزله للقاسم
اليوم نرفع للوه اليوم كل دمعه ضوه
اليوم كلحنه سوه بالميادين
ه ه ه ه
اليوم حي عله المحبه والامانه
وكل سنه نتنطر الغالي واجانه
الليله للقاسم تجمع كل عزانه
وحي على خير العمل يصدح اذانه
انشوف نجل المصطفه انشوفه شايل مرهفه
انشوف دمعات الوفه تجري لحسين
ه ه ه ه
عدنه مو عريس عدنه احنه مقاتل
صله فرض المعركه ويه النوافل
كلمن يلاكي يلاكي الموت عاجل
السيف حاصوده ورؤوس اعداه سنابل
ايصيح بيهم ياهله ايصيح زلزل كربله
ايصيح ابشمر وحرمله المفر لاوين
ه ه ه ه
القاسم اتلطعش عام اسنين عمره
الحومه ظلمه وطلع بيهم جنه كمره
عيونه سوده حجابه سيف خدوده حمره
وعله جبينه من العمامه نزل شعره
الجيش للقاسم نضر الجيش من حسنه انبهر
الجيش طالعله كمر من الصواوين
ه ه ه ه
الجيش كل الجيش محتار بنزاله
من الشجاعه من البساله ومن جماله
حسين ينضرله ودمع عينه تلاله
يشوف اخوه الحسن متجسد كباله
عليه دمعاته تصب عليه مفطور الكلب
عليه كطعوله الدرب يروح لاوين
ه ه ه ه
الليله الله يعين كلب الامه رمله
اشلون تتحمل اظن تموت كبله
اتحضنه ساعه اتقبله ومدري اشتكله
هذا يوم ومايصح هليوم كبله
راح يارمله الولد راح مايرجع بعد
راح ماجنه انولد انولد للبين
ابو احمد الهنداوي
حديث استشهاد القاسم ابن الحسن عليهما السلام
لاحول ولاقوة الا بالله العلي العظيم ... انا لله وانا اليه راجعون
لما قتل العباس عليه السلام اقبل من بعده القاسم ابن الحسن عليه السلام وهو غلام لم يبلغ الحلم وقيل ان عمره ثلاثه عشر سنه وكان وجهه كفلقة قمر فلما نظر الحسين عليه السلام اليه قد برز اعتنقه وجعلا يبكيان حتى غشي عليهما فلما استفاقا استأذن القاسم عمه في المبارزه فلم يأذن له قائلا له : ( ياابن الاخ انت من اخي علامه واريد ان تبقى لاتسلى بك )
فجلس مهموما مغموما باكيا حزين واضعا راسه على رجليه وذكر القاسم ان اباه قد ربط له عوذه في كتفه الايمن وقال له : ( اذا اصابك الم او هم فعليك بحل العوذه وقرائتها وفهم معناها واعمل بكل ماتراه مكتوبا فيها ) فقال القاسم لنفسه مضت اعوام ولم يصبني من مثل هذا الالم فحل العوذه وفضها ونظر الى كتابتها واذا فيها : ( ياولدي قاسم اوصيك انك اذا رأيت عمك الحسين في كربلاء وقد احاطت به الاعداء فلا تترك البراز والجهاد لاعداء رسول الله ولاتبخل عليه بروحك وكلما نهاك عن البراز عاوده لياذن لك في البراز لتحضى في السعاده الابديه )
فاتى بالعوذه الى عمه الحسين عليه السلام فلما نظر الحسين الى خط اخيه الحسن عليه السلام بكى بكاء شديدا
فلم يزل القاسم يقبل يدي عمه ورجليه حتى اذن له فالبسه ثيابه بصورة الكفن وشد سيفه بوسطه واركبه فرسه وارسله الى المعركه وماهي الا فتره واذا بالنداء : ادركني ياعماه فاتاه الحسين عليه السلام ودموعه جاريه ثم نزل اليه واحتمله على صدره ورجلاه تخطان في الارض لان الحسين اصبح محني الظهر لمصيبة القاسم هذا حال الحسين فما كان حال امه ساعد الله قلبها عندما رأت ابنها مطبور على راسه لايقدر ان يفتح عينه طلعت من الخيمه تقوم مره وتقع مره اخرى تنادي واولداه ... واقاساماه ...
گالت
ياهو اليگومني اعله حيلي
يومك جمر يچوي بدليلي
چا وين اروح اگعد احچيلي
چا وين اروح اخلاف عينك
تون ويفت گلبي ونينك
ليش اعله راسك طابرينك
شو جيت للصيوان مطبور
گوه تون ودمك ايفور
اشلون ازفنك للگبور
للمگبره زفيتك اشلون
يومك يبز اصبي العيون
اويلاه يالبعدك ازغيرون
ازغيرون يوليدي عله الموت
روحك گضت والوجه مبهوت
چنك بعد ماتسمع الصوت
چنك بعد مليت الاعتاب
بالنوم شلك توك اشباب
الچفن ذبه والبس اثياب
ذب الچفن والبس اهدومك
اليوم يبني موش يومك
اصواب العدو غير ارسومك
اصواب العدو حار ومضهدك
ردتك ضخر واگعد بسدك
وصلك گطعته وهاذه حدك
لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر
نعي لشباب الشهداء
ابوذيه
روحي اتروح كبل الولد ياريت
والدنيه على امك حيل ياريت
يالشلت الولد للكلب ياريت
كطعته ولابكه كل حيل بيه
نعي
ونيت ونه بكلب خلصان
واكول احاه ياونت الشبان
اسم عالطاريكم يصبيان
.........
اسم الله عليكم لاتونون
ماهي وكت موته وتموتون
بعيد البله بيكم يشيعون
.........
شحلاتها عليكم الونات
بله اشكلتن يالمضيعات
ياموت لا تاخذ شبابات
.......
اخذ الوالده والولد خله
والفاكد ولد بالعمر شله
وكفت على راسه وتكله
.......
اتناني يبعد امك اتناني
يانبعت الريحان تاني
ليش الدهر ما بدلاني
.......
يالفاكده الله ايعينج
وايفلش المرمر ونينج
راح الشكه وثمرة اسنينج
......
للقاسم المحروم وني
شبيب خذاه الموت مني
يالمضيعات كلجن عاونني
✍ام زينب كربلاء
غير مبري الذمه من ياخذ الكلام وينسبه له او يحذف الاسم
هوسات شجاعيه بحق قمر العشيره ((ع))
قائد ماكو قائد حيد بس هوه
جر نهر الفرات وجابه بالگوه
سبعين ألف عِد عباس ماتسوه
من صدهم ماترسوا عينه
*---------------*---------------*
سل سيفه الگمر وتْنكْروا القاده
وما رد هام سالم هيبة الساده
اليجي عنّاي لازم ياخذ امراده
و يوزع موت العدوانه
*---------------*---------------*
نفخت صور گالوا هايه مو صوله
برز و الگوم ضلت كلها مذهوله
جمدت يمه خصمه اتگول مشلوله
خالسهم و يجول بكيفه
*---------------*---------------*
طلع بيده العلم عباس المچنه
الزلم بالخوف گامت ترتجف منه
بدم اعداه خله السيف يتحنه
و فرحان السيف بصولاته
*---------------*---------------*
✍ خادم العباس ع
الشاعر رعد الچريخي
ابو ذيات الليله الثامنه
الليالي ابچبدتي تطحن ... رحه الها
اوعيني امن الدمع مامش .. راحلها
اشلون اوليد هل ليله ...... راح الها
ابليلة زفته او ذبحوه أميه
جدامي انذبح ضامي ... وشفتاه
يخر الدمه من نحره ..... وشفتاه
يجاسم شفت كل لوعه ... وشفت آه
منها الموت اشوه او اخف ليه ...
الحزن ما دام لحد ... دام عليها
اهل دمعه اعله بنها .. دمعه ليها
لگت أثياب عرسه ..... دم عليها
عمت عيني اصرخت راح امن اديه
ابو فاطمة الطائي
#يوم_سابع
صاح أخوي
هاي اول مره يسمعها الحُسين
صاح أخوي
ضيع ابدرب النهر ما يدري وين
صاح أخوي
هاي دنيا والقــــدر قصــة غَريب
راعي خيمه وي عضيده السليب
حسين عينه علـ النهر ما غَمضت
سمع صوت أمن النهر زاد النحيب
من سمعها سولف بگلبه الضيـــــاع
ليش گتلي (خويه ) لا قصدك وداع
هاي كلمة وحسره چانت للحسيـــن
عاش ويه حسين والسيـــد مطــــاع
××××××××××××××××××××××
وين أخوه
حسين محني ظهره رايح للنهر
وين أخوه
وايده ما تركت صفاحه يالگمر
وين اخوه
كعد يم راسه ويگله اشلون بيه
خويه گوم ولا ترد خاطر أليـــه
فتح عينه لكن أبعينه مصــاب
السهم نايم والدمه غطه الثنيه
گله گـــــوم وما گـــــدر ينهض اله
شَدّ الحسيـــــن أعله حيله بهالبله
خويه گوم وخل نرد صوب الخيم
راح اضل وحدي غَريــــب أبكربله
يا عباس ... يا خويه
××××××××××××××××××××××
ابلا چفوف
هاي مِحنه وما مثلها بهالمصاب
أبلا چفوف
يا خلگ الينصاب يلزم بالصواب
أبلا چفوف
حيرة العباس مـا صـــــارت مِثلهـــا
من طرف واحد يشبگه صعبه حلها
راد يحضن راسه بس سهمهَ عِرض
الحيره هاي الماكو واحد يگدر الها
طيحت اليسند ظهر يكسر ظهر
ويكسر إِعماد الخيم موت الگمر
الچان واگف علـ الخيم چنه علي
هسه طايح حيله كله أعله النهـر
يا عباس ... يا خويه
××××××××××××××××××××××
علـ الخيام
هاي أخر نضره لخيام الحَميه
علـ الخيام
بعينه دمعه ويعتذر منها رُقيه
علـ الخيام
الخيمه دمعه وترتوي منــك دلال
الماي عوفه وارجـــع لچف العيال
أطفال تعطش بالخيم كلها عليك
بغيبتك يتبدل أبچفــــك حِبـــــال
أخر أوداع الخيم حسره وحنين
وهاي ثاني مره بانت علـ الحسين
يجي من مصاب محني أعله الارض
ويه كل مصـــــاب يكبر بالسنيـن
×××××××××××××××××××××
لا يموت
حسين راجع وحده يصفج بالادين
لا يموت
صاح زينب خويه مهضوم الحسين
لا يموت
خويه هضموني الشماته علهـالنهر
صوت منهم وحـــــدك ابلايه گمر
ها كسرنه ظهرك بـــــدون الكفيل
صحت خويه كوم مو ظهري انكسر
طاح عامود الخيم يمّ الخـــــدر
حَضري روحج خويه لايام العِسر
هاي ساعات وتشب نار الخيـــم
وأبقه عاري علترب أبشمس الظهر
××××××××××××××××××××××
#عمار_التميمي
ميمر """القاسم""""
ابن الحسن وسط الحرب صاح انه
...............................................
سوح الوغى كشخت بحلو ارسومه
وحسن الحسن كحل نظرها الحومه
دروب الزمها عليها ماملزومه
والزلم من عده غدت حيرانه
.........
حيرانه ماتدري الزلم عالمشرد
جسام خلاها الحرايب تحتد
يانار سيفه على الزلم ماتخمد
فراس ميدان الحرب ميدانه
........
ميدانه من ابن وجد بحروبه
من ال مايوم بحرب مغلوبه
الوكت الضراب أمثالهم مضروبه
التاريخ يشهد مايجل السانه
.......
السانه يسولف رغم كل العاده
بيت الحمد عالعرب جانو ساده
بملگه الزلم هاشم عليهم قاده
صيده الكلف يتخيره بعدوانه
.......
بعدوانه يتخير الثاجل صارم
صاحو رجع لينه الحسن موجاسم
بالروس يهشم مثل زاده الهاشم
ليگلط الحربه بدم يكرمه امجانه
..........
امجانه ثابت يحصد العياله
ومنه غدت تتراجف الخياله
تيه يمينه العسكر ويشماله
ويعزب بسيفه الحرب ديوانه
........................
خادمكم قاسم المالكي
الامام القاسم ع
القصيدة : عودك الاخضر ذبل ياضنوتي
محرم الحرام
▪️▫️▪️▫️▪️▫️
يالرحت عني بعجل
المــاي منك ماخجل
عودك الاخضر ذبــل ياضنوتـــي
ــــــــــــــــــــــــــــــــــــــــــــــــــــــــــــــــ
مساهره الليل ودمعاتي مثل موادعك ماخلت الحيل
يايمـه بالويـل مكابله الحنه بحركتي ودمعتي اتسيل
وليلك اطويل شلون يكظي وانه حملي بدونك ايميل
افراكك اثكيل وبيه جــم ذكــره ابفركتك ضلت اتعيل
ما بينك ونـــار الحــرب
ياجاسم اشسيوه القلب
وحـــدك وجيش الغرب ياضنوتـــي
ــــــــــــــــــــــــــــــــــــــــــــــــــــــــــــــــ
يا حـر الصواب شـاب لايكله العـرس لا مو للمصاب
عطرت الاثياب للفــرح مـــو تنترس بالــدم والتراب
وصـــار الغياب ولسه اشم ابثوبك وجرحي ولاطاب
شمعـــك الذاب انه من دونك ظــلام ابوسط سرداب
للعـــرس ياما افرحت
وبالوداع انـــه طحت
شفيد عمــري لو رحت ياضنوتـــي
ــــــــــــــــــــــــــــــــــــــــــــــــــــــــــــــــ
يابني جســام جم فرح عاش الضحكتك جانت أحلام
ومـرت اعـوام البيهـا جنـت الزفتـك احسبهـا ايـــام ..
الردتـــه مادام ليش اعيشن بالجـــرح وبنفس الالام
مابين السهــام ضــاع حلمـي الورد وما بين الاخيــــام
بالصوانـــي اشكد شمع
ياوسفه طفاها الدمـــع
وبروحتك راح انفجـــع ياضنوتـــي
ــــــــــــــــــــــــــــــــــــــــــــــــــــــــــــــــ
يايمـــه العيـون شافت الماينجرع من توكــع اشلــون
ردتك الي عـون و روحتك خلت كسر عكس اليروحون
شاهــد اللــــون حكــه يتغير يجاسم واعمــي العيــون
اصــواب المتون اهــون وما اسمع الطايــح يصيحون
رضيت كلبـــي بالبعد
عالفركه لا ما مستعد
وانه مـــو مالت فكد ياضنوتـــي
ــــــــــــــــــــــــــــــــــــــــــــــــــــــــــــــــ
اشكبره كســري يبني من حزن الحزن بيه انته تدري
امنيتي كبــــري اوياك اموتن واندفن مايسوه عمري
وضاق صـــدري ياجاسم الفرحه صفت دمعات تجري
ومحني ضهـري وعايشه على النايحه ومفتقده صبري
جسام ياقرص الشمس
ردتك ابثــــوب العرس
العطـــر بيك وينغرس ياضنوتـــي
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
الامام القاسم ع
القصيدة : دربك مثل لون الورد
محرم الحرام
▪️▫️▪️▫️▪️▫️
جســام ردتــك للفرح واحلامي ورديه
دربك مثل لون الورد راسمته بيديه
ياوسفة الوسفه _ طفو ضوه الزفه
ــــــــــــــــــــــــــــــــــــــــــــــــــــــــــــــــ
جسام ردتك للفرح يابعد عيني وروحي
ربيتك الحد التعب ماسولفت عن نوحي
يوليدي يهروش الكلب بانت تراها جروحي
ياروحي لايام الحزن حضري متاعج روحي
ربيتك وردتــــه الربــه للزفـــه تاليه
ودمعي عالوجنه دبـــه وحيل مابيـه
ياوسفة الوسفه _ طفو ضوه الزفه
ــــــــــــــــــــــــــــــــــــــــــــــــــــــــــــــــ
كل خطوه محسوبه بعرس هذا الحلم ماينشاف
يبني يجاسم من رحت دمعي بالحنه انــــراف
يالتزهي يالوجهك كمر ومجمل انجومه اوصاف
يأبني يا عطــر الحسن وبيا حـــزن كلبي انعاف
البعد خلانـــي انجـــوي ماتعـــرف شبيه
ومن انه اشوفك ارتـوي واحسبها مكضيه
ياوسفة الوسفه _ طفو ضوه الزفه
ــــــــــــــــــــــــــــــــــــــــــــــــــــــــــــــــ
كل ليله تكضي للسهر يبن الحسن لفراحك
هسه الفرق زفتك حرب ويتعالى بيها انياحك
ظليت بالخيمه انتظر وترجع الي بجراحك
الطف ييمه الما رحم جنحي انكسر وجناحك
الحنه صارت بالدمـــه وبالامــي ليليه
وحزنانه يايمه السمــه وعيوني مجويه
ياوسفة الوسفه _ طفو ضوه الزفه
ــــــــــــــــــــــــــــــــــــــــــــــــــــــــــــــــ
عمري تبده على الشمع يالماخذ اسنيني وياك
ملجومه من هذا الجره متوذره ياريت احذاك
اذاني فكدك يالرحت ومايرحم كليبي جفاك
اشلون اودعك يانبُض ماتنحجي الـ الله وياك
بكلبي بس ماتنحجي واشصعبها اعليه
اعيونــي اذاها البجي تريدك أنت شويه
ياوسفــه ياوسفه _ طفو ضوه الزفه
ــــــــــــــــــــــــــــــــــــــــــــــــــــــــــــــــ
ياحلم روحي شما رحت تبقى وتضل يمه وياي
انتَ السند وانتَ الهوئ يالطولك ايهبلي فياي
راسمتك بكلشي حلو يانبض كلبي وعيناي
عطشانه شوفك وارتوي جا شلي يمه بالماي
ياضوه عيوني وانتظر بلكت الك جيه
كلبي جم مره انكسر ياهوئ الريه
ياوسفة الوسفه _ طفو ضوه الزفه
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
#نزله الامام القاسم ع
القصيدة : اشراقه قدسيه
محرم الحرام
▫️▪️▫️▪️▫️▪️
يبني جاســــم يبني جاســــم
ــــــــــــــــــــــــــــــــــــــــــــــــــــــــــــــــ
خــل اشوفك أسد زائـــر بالمعـــاره ياشهم
انته من تاريخ واضــــح بيك متوزع العلم
الينظر بقاموس دربــك يفهـــم المــاينفهم
انته التوضح الرساله بعمر للحــب ينرسم
والثكال اعلومه رايد الملزومه
يبني جاســــم يبني جاســــم
ــــــــــــــــــــــــــــــــــــــــــــــــــــــــــــــــ
اشراقه قدسية بطلعتك ونرسم وجهك كمر
غالب الورده ابترافه وصبحك اليروي النهر
الدنيا تحله ابفي وجودك دونك ايصير السهر
اعيوني مشبوحه الجمالك يبني يحزام الضهر
بالجروح اداوي يالنهارك ضاوي
يبني جاســــم يبني جاســــم
ــــــــــــــــــــــــــــــــــــــــــــــــــــــــــــــــ
يبني ياسباح كلبي غالي ومحلي النبض
كل حلم تكبرله زفه وحلمي هذا المفترض
وتالي ابدي من وداعك حلمي حسيته انرفض
وكامت اعيوني ابدمعها ياسفر بيها انعرض
عايش بنص روحي لاتجمل اجروحي
يبني جاســــم يبني جاســــم
ــــــــــــــــــــــــــــــــــــــــــــــــــــــــــــــــ
اخر ايامـــي ييمــه ابزفتـــك ميت صبح
وتروح ياوسفه بشبابك وانته مومالت جرح
ورده وازكيها ابحنانـــي اغبشلها وتنذبح
لابقت لايامـــي شمعه اهواي لاجمني الرمح
ويادمعها اعيوني ميته ماتدروني
يبني جاســــم يبني جاســــم
ــــــــــــــــــــــــــــــــــــــــــــــــــــــــــــــــ
يبني و الفرحه تلاشت بيها غابش هالجفه
وراحت اسنيني ابمماتك شمعه عمري وانطفه
شلون جازاني زمانـــي واليّ بالنيه اشخفى
وعله هالدنيا ييمــه مـــن غبت يبني العفه
مغمضات اعيونك ما اعيش ابدونك
يبني جاســــم يبني جاســــم
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
جنت انه اخاف عليك يمه يحسدونك
واشلون اشوف الكوم يبني يوذرونك
حلمي عرس وبخور عمامك يحنونك
و يهوس العباس لمن يزفونك
انطيني نحرك خل اشمه
وعرس المبارك ييمه
دايفه الحنه بدمعتي
وبالهلاهل صوت لجمه
عفت الحرب تكتل وبثيابك تعدل
ليك فزعت لمن شفت خيل الرفس تصهل
....................................................
يا سلسبيل الروح متبدي بالميدان
واول عرس شفناه بي تلطم النسوان
المثلك ورد متروس مو تنذبح عطشان
وترسوها دم و رمال صينيتك العدوان
ثياب عرسك من لكوها
بخيمه اسكينه احركوها
ويا صواني العرس ذيجه
بخيلهم شو طشروها
ما ينشبع منك واشلون اعوفنك
لا تبتعد بخدك ورد خليني اشمنك
.....................................................
موذر يبعد امك و ما ميزك باالعين
بس يبني نيشانك هاالحنه باالجفين
امنيتي الف مبروك ايكلي اكون حسين
و ع الخير يا رمله ولد ابنج اتشوفين
بعرسك الهلهوله ونه
واهليه نطش دمعنه
الخيل لاينطيها الله
جفت صينيه الحنه
ومرتك اجوا ليها وباكوا تراجيها
لو تنسلب لو تنضرب لو تنجوي ايديها
...............................................
عريس و اجمل شاب يا فرحه ايامي
الحنه وصواني الياس طشروها كدامي
بعين الحقيقه تموت يا اجمل احلامي
يمه اعله بخت الماي من تنذبح ضامي
وين اكو ام عريس تنعه
وابدال كل هلهوله دمعه
وع الرمح باجر ازفك
بكل خرابه احط شمعه
ما نثرت امك ياس نثرت رمل ع الراس
لمن طحت كافي اسمعت سكتني العباس
...................................................
ثوب العرس جسام يبني عليك يلوك
بس ما شفت عريس بحافر فرس مسحوك
كونك تشم عطاب كلب امك المحروك
من تسمع بمرتك باجر تطب لسوك
شفت واحد اجه علينه
كلت ابني رجع لينه
ثاري واحد لبس ثوبك
وحرك خيمتنه وبجينه
مهنه يبعد امك يالحنتك دمك
لعرسك عفت ما قصرت يسوه الذبح عمك
..................................................
مرتضى عامر الشمري
شور
يا يمة يا جسام
ــــــــــــــــــ
يا رباتي وعمري انته ويا ضواي
اني امك رد علية يا هواي
يالعيني تربي طايح يتعبي
يا يمة اموتن وراك
حلمي اعله عيني ولهفة حنيني
شدعي اعله موت الخذاك
للحومة يمة من الخيمة اجيتك ركض
وانفاسي تعثر وبقلبي يعثر نبض
يا يمة يا جسام
ــــــــــــــــــ
من لمحتك تنزف اجروحك سنين
الورده من توكع بذبلها الحنين
طحت بمصابك رايح شبابك
ومطشر اعله الرمال
من اعتنيتك ترفس لكيتك
راح من اديه الدلال
طولك تكطع بالدم تنكع نزف
كلي شيرجعك للخيمة يبني الكلف
يا يمة يا جسام
ــــــــــــــــــ
راح اوداعك خيمة اجيبن يلة اجيك
حتى اخلي جوة ظهرك خيمة ليك
ثكلوني يبني يا يمة وني
وعرسك اشوفه يضيع
يا فادي عمك والحنة دمك
وراسك يغالي قطيع
عطرك تتطشر بس ما تفسر حلم
يا يمة كلي من جسمك اني شألم
يا يمة يا جسام
ــــــــــــــــــ
قلبي يمك من تبده عالتراب
يا عزيزي وشوفي دونك بس سراب
هالليلة وحدي وبالحومة جبدي
تفتر منيتي السهام
يم جسمك افتر قلبي تكسر
كسرة جناح الحمام
حزني شيحملة ما جني رملة وطن
همي اعله كبره جنه مضيف الحسن
يا يمة يا جسام
ــــــــــــــــــ
يا اماني واني هسه بلا امان
كون يوليدي يرد بية الزمان
حتى امنياتي يمه بحياتي
تتمنى يمة وتعود
بس انته غايب وقليبي ذايب
وبحزنه والهم يزود
يا يمة عيني ينفعها گلي الدمع
ياهو اليفارك وقليبي حارك شمع
يا يمه يا جسام
ــــــــــــــــــ
الشاعر زين العابدين الشمري
فتحت عزاء القاسم
دم القاسم النه شراسم
بالحومه
١
خل نعرف اشقدم دمه بالحومه
مفاهيم الشباب بنحره مرسومه
الصلاه والصوم والطاعه احترام الغير
يطبقها بحياته القاسم ويومه
صاح بصوته وناده بموته
بالحومه
٢
لا تبقه بخيالك عايش اواهم
وعلى مبدأ حياتك بالك اتساوم
شرايد منك القاسم وضحه الروح
أمك احترمها ايريدك القاسم
ضحه بدمه الخاطر عمه
بالحومه
٣
رساله ايريد يرسل قاسم العريس
عن ضعف العقيده بهاي انته وقيس
داس المغريات وطلع بسم الله
صير انته بمكانه تصبح وقديس
افتح عينك واعرف دينك
بالحومه
٤
وصلك رساله القاسم ابدمه
عن طاعة ارحامه من وصل عمه
الميوعه مو صحيحه الشاب لازم كون
تلكاه بالمواقف ثابت بعزمه
بالطف قانع بعزمه وطالع
بالحومه
٥
ثبتلك القاسم مبدأ وبرهان
جان ايصلي قبل الذبح بالميدان
ويقره انا فتحنا وهذا مامطلوب
يعني ياشباب اتمسكو بالقرآن
وبقرآنك يكبر شانك
بالحومه
لاتنسون والدي ووالدتي وابني عباس من الرحمه والمغفره خادمكم رياض الرسل الجابري
قصيده بحق القاسم بن الحسن (ع)
طاح القاسم
وبالدم راسم
وجه الكون
من طاح بياحاله
من ثغره ويتلاله
وجه الكون
١
امن الخيمه طلع يتلاله وجه النور
لابس لامته يمشي ويحس مسرور
شايل جرح صبره والمنايه اتدور
ترك بصمة غضب سيفه بكلب عاشور
ياخذ حيفه
وراسم سيفه
وجه الكون
وتشوفه الخياله
من ثغره ويتلاله
وجه الكون
٢
وجه نور الحسن لمن طلع ازهر
بوجه القاسم وبالحومه يامنظر
الناس اتشاهد الايمان والكوثر
صورهن الباري بنسخه من حيدر
سحر عيونه
وشايل لونه
وجه الكون
والصاحو هنياله
من ثغره ويتلاله
وجه الكون
٣
مو مالت حرب صاحب وجه شفاف
من حر الشمس لازم عليه ينخاف
المذهوله بجماله وحايره الاوصاف
هسه بمعركه هذا الوجه ينشاف
وبيا صوره
شايل نوره
وجه الكون
نوره ومحد شاله
من ثغره ويتلاله
وجه الكون
٤
طلع بسمة وجه والدنيه متعطره
شايل سيفه يلمع والضوه بثغره
يعاين على الجيش ومستخف بامره
مثل عباس عمه البل وفه اشكبره
شاف العسكر
بنوره وازهر
وجه الكون
والبسمه التحلاله
من ثغره ويتلاله
وجه الكون
٥
طاح وراسم بدمه ورود وياس
الشمس نزلت تبوسه المثله اي ينباس
مو دم ينزف المذبوح من الراس
مشاعر فايضه بوجدانه والاحساس
رقه بموته
وراسم صوته
وجه الكون
حب ينبض دلاله
من ثغره ويتلاله
وجه الكون
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
جَاسِمْ يَا ضِوَه عْيُونِي أَلْزَمْ ظَهْرِي مَا بِيَّه
أَشُوفِ الْمُجْتَبَى بْوَجْهَكْ وْتِهِيجَنْ كِلْ نِوَاعِيَّه
-----------------------
يَعَمِّي هَدِّمِتْ حِيلِي وْدِلِيلِي تْصَوَّبِ بْفَرْگَاكْ
طِحِتْ عَالْغَبْرَه وِتْفَايَضْ مِنْ نَحْرَكْ مَسِيلِ دْمَاكْ
يِعِزِّ عْلَيَّه يَا عَمِّي أَشُوفَكْ طَايِحِ وْأَنْعَاكْ
حَبِيبِي لُو تِفُكْ عِينَكْ
تِعَايِنْ حَالَةِ حْسِينَكْ
عَسَنْهَه طَالَتِ سْنِينَكْ
وَلَا تِتْخَضَّبِ گْبَالِي بِالطَّفِ وْنِوَاحِيَّه
-----------------------
أُنْصُرْ عَمَّكِ الْمَظْلُومْ وَصَّاكِ الْحَسَنْ عُودَكْ
إِذَا شِفْتِ الْغَرِيبِ حْسِينْ إِبْذِلْ يَبْنِي مَجْهُودَكْ
عِفِتْنِي وْلِلْمَعَارَه مْشِيتْ تِرِيدِ تْوَفِّي بِعْهُودَكْ
وَفَّايِ وْإٍبِنْ وَفَّايْ
أَبَدْ مَا قَصَّرِتْ وَيَّايْ
عَلَى فَگْدَكْ عِمَتْ عِينَايْ
مُصَابَكْ جَمْرَه بِالدَّلَّالْ عَلِيكِ ضْلُوعِي مَحْنِيَّه
-----------------------
شَبَابَكْ مَا كِمَلْ عُمْرَه وَلَا ثُوبِ الْعِرِسْ شِفْتَه
وْمِثِلْ رَمْلَه أَنَا تْمَنِّيتْ وَاگُولَنْ يَا وَكِتْ يَمْتَه
أَعْلِگْ لِلْفَرَحْ شَمْعَاتْ وَاشُوفَنْ جَاسِمِ وْزَفْتَه
أَشُوفَنْ حُوفَةِ الْجَاسِمْ
وَاهَوِّسْ وَيْ گُمَرْ هَاشِمْ
تَالِي عْلَه الثَّرَى نَايِمْ
وَسْفَه الْعِرِسْ صَارَ احْزَانْ وِالْهَلْهُولَه لَطْمِيَّه
-----------------------
يَعَمِّي بْكَرْبَلَه هَالْيُومْ أَوَاسِيكِ وْتِوَاسِينِي
مِثِلْ مَا خِلْصَتِ سْنِينَكْ تَرَاهَه تِخْلَصِ سْنِينِي
رِحِتْ ظَامِي وْأَنَا بْهَالْحَالْ أَرُوحَنْ يَا بَعَدْ عِينِي
لَاچِنْ يِخْتِلِفْ أَمْرِي
الشِّمِرْ يِتْرَبَّعِ بْصَدْرِي
وْيِگْطَعْ مِنْ گُفَه نَحْرِي
وْعَلَى جِسْمِي تِدُوسِ الْخِيلْ رِيتَكْ تِنْظُرِ عْلَيَّه
-----------------------
أُمَّكْ مِنْ بَعَدْ مُوتَكْ يَعَمِّي بْخِيَمَه مَحْجُوبَه
لَاچِنْ مِنْ بَعَدْ مُوتِي تِصِيرِ الْخِيمَه مَنْهُوبَه
رَبَّاتِ الْخِدِرْ تِنْصَابْ أَوِيلِي تْطِيحْ مَسْلُوبَه
عَلِيهَه تِهْجِمِ الظِّلَّامْ
تِضِيعِ الْعِيلَه وِالْأَيْتَامْ
تِرُوحِ مْيَسَّرَه لِلشَّامْ
عَلَى نُوگِ الْهِزِلْ بِحْبَالْ زِينَبْ تِمْشِي مَسْبِيَّه
-----------------------
#القاسم
#محرم_١٤٤٦هج
حسن خنافر العاملي
ياربي عجّل فرج القائم
......
چلمه الثار شكثر نحچيهه
وهل چلمه تجرح حيل راعيهه
زينب بعدها بأمل مهديهه
ضعون المشت مهدينه يحديهه
يًقيِننا بأنّهُ قادم
ياربي عجّل فرج القائم
......
عندك مخيّم ماطفت ناره
يل ماكو غيرك ياخذ بثاره
وعمّاتك اعله الهزله محتاره
وعبدالله الك ضل شابح انظاره
بوضعهِ ربُ الملا عالم
ياربي عجّل فرج القائم
......
يل شيّبتّك كربله وهمهه
وعينك دمعها اتفايض بدمهه
چبيره السوالف وانت التلمهه
بس ياهو يجمع جمرة اخيمهه
عليُ قد ابكاكَ والقاسم
ياربي عجّل فرج القائم
......
مصبوغه ايدك من دمه ادموعك
ونار المخيم لسعت ضلوعك
اتواسي رمله عالگ شموعك
طف ومحرم هذا موضوعك
ايتامكم في مجلس الظالم
ياربي عجّل فرج القائم
......
عمك يمهدي عللنهر طايح
ويسحگ حسين الجاي والرايح
يادم رقيه أمن المتن سايح
تنظرب وتنادي يبو صالح
قد شاخ من كان لنا خادم
ياربي عجّل فرج القائم
......
الشاعر محمد حسن ضيغم
/channel/kasaedalatharDaygham
مجلس نعي للقاسم (عليه السلام)
◆━━━◆❃◆━━━◆
(نعي مجاريد)
وسط الحرب زفتك يجسام
وامـــــك تون الگلب محتام
بالارض نايـــــم كلك اسهام
يهون اعليك گلب امك تمرده
يـــماي العــــافيه ومنها تبده
راح الـــــــولد لمـــه اشـيرده
جســــــام راح وبعـد ميعود
بالحومه جاسم طاح ممدود
بلعمد راســه انضرب ممرود
◆━━━◆❃◆━━━◆
(نعي عاشوري)
ابنج يرمـــــله ابعمد صابوه..اه اه
من الدمـــــــه هاليوم حنوه.. اه اه
ايـــــلوب منه النحر گطعوه.. اه اه
ابنج يرمله وســــط هالناس.. اه اه
مگطوع نحره وخمد النفاس.. اه اه
طفي شموعه وخربي الياس.. اه اه
طاح الولـــــد طفي شموعه.. اه اه
وايــــسي منه ومن رجوعه.. اه اه
اتضوگيــــــن بفراگه اللوعه.. اه اه
◆━━━◆❃◆━━━◆
(نعي ملائي)
طايح بالتــــراب ٢ ابنج يون طايح بالتراب
وبراسه منصاب ٢ بالحومه جاسم راسه منصاب
ابهذا المـصاب ٢ يجبرج ﷲ ابهذا المصاب
ﷲ يـجــــبرج ٢ بمـــصاب الولد ﷲ يجبرج
بفراگه يصبرج ٢ ينزل السلوى وبفراگه يصبرج
وبحيرة امـرج ٢ويعيــنج يرمله بحيرة امرج
◆━━━◆❃◆━━━◆
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
صاحبة دواوين 📚
[شهيدة ﷲ]و[مظلومية ال فاطمة]
لا اجيز حذف الاسم أو التلاعب بالكلام
غير مبري الذمه من ينسب الكلام إله
قصيده جلوه حول القاسم ع لحن يمه اذكريني من تمر زفت شباب
*شمعت القاسم بالله اشعلوهه*
*امعرس المدلول الحنه اعجنوهه*
يا ابني يا محروم يمه حاجيني
من الهوه محروم يا بعد عيني
ابونتك تدري الكلبي تاذيني
*ام الشباب اليوم رمله اذكروهه*
فاكده الغالي والكلب مالوم
من الهوه ياحيف يا الولد محروم
امعرس وعرسه والغضاب اهدوم
*حنته دمه من تشوفوهه*
يا عزيز امك يابني يا جسام
عل تراب اشلون يالولد واتنام
ماحسبت احساب خانت الايام
*خانت الايام يل نسيتوهه*
غمض اعيونه ونايم الغالي
وحنته من الدم عل ترب ذاري
يمه يا يمه تنضر الحالي
*من بعد عيناك روحي اذوهه*
ماترد هيهات ماترد لينه
وبلحزن تنحب ظلت اسكينه
ترضه ويه اجناب من تخلينه
*وامك الضلت يبني ياسروها*
انطفي اشموعه ولا تخليهه
وسكنه ثوب احزان كومي لبسيهه
وحنت العريس لا تعجنيهه
*رمله هذه اليوم يالله واسوهه*
*لخادمة الزهراء العلويه ام جعفر*
غير مبري الذمه من بحذف الاسم وياخذ الكلام وينسبه له