7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
((نذر يارمله))
نذر يا رمله هذا وليدي منذور
العمه حسين مـن يصير عاشور
حرس واباب الخيام
نـــــذر منذور جسام .. يرمله
"""""""""""""""""""""""""""""""""""''''''''''
من حسّ على جبينه الندى وصارت چبيره العله
صاح اعله رمله بالدمع اتقربي يارمله
يم راسة گعدتّ وانچفت تشبه شجون الدله
تگله احوالي من حالك
يبعد اهـــلي شتهيالك
وصيني وأنــــه اگبالك .. يبونه يالحسن
يبونه وچنك مسافر
يا أمسي وحلم باچر
اشوفك گــوه وتكابر .. يبونه يالحسن
يحاچيها ودمعته بطرف العيون
وداعــــاً والصبح يارمله مدفون
وصيتي التالي الايام
نـــــذر منذور جسام .. يرمله
"""""""""""""""""""""""""""""""""""''''''''''
رمله بدمعها الماسكت ذكرى وجرح تبچيله
يارمله گلها بيا جرح واتذكري من الليله
باچر اذا تبدي الحرب بحنةّ عشگ حنيله
حنةّ وداع وعـاطفه
حنةّ سوالف فلسفه
گلتله ياراعي الوفه .. يبونه يالحسن
گلتله والچـــــــلمه ترف
كون بحضورك من نزف
جاسم وإيده اعله الچتف .. يبونه يالحسن
بحضورك ياامامي وردتك تشوف
من إيصول شبلك يـــوم الطفوف
بطولك يوكف ولآم
نذر منـــذور جسام .. يرمله
"""""""""""""""""""""""""""""""""""''''''''''
گصريله ثوبي للحرب وهم لامتي حضريها
وسيفي وحيازيم العشگ بخصره عدل شديها
مهندم اريده بالحرب حته الحرب يچفيها
گلتله صار وراضيه
ياسيدي ويالعــافيه
انه الكلامك شاريه .. يبونه يالحسن
انته حيــــاتي ودولـتي
يالساكن بنص صفنتي
بيا چف اودع دمــعتي .. يبونه يالحسن
حاچاها بدمعته وگلبه ملچوم
يارمله العشگ بالعــاشر يدوم
وگلب العاشگ احتام
نـــــذر منــذور جسام .. يرمله
"""""""""""""""""""""""""""""""""""''''''''''
وبدمعةّ عيونه حچي وين الگمر يحسيني
وگلاله عونك يالاخو ابشر يمالك عيني
اسمعني هايابو الفضل گلاله لتوصيني
زينب اعــز من رايتي
زينب أخيتـي وعمتي
چّفيني فدوه وهامتي .. يبونه يالحسن
مو جـربه اجيبلها نهر
آنــــه المليك المقتدر
بالخدمه يامحلا السهر .. يبونه يالحسن
وكفو يحزامي يمدللّ ابونه
ياعباس هذا حسين اخونه
انته وجاسم حزام
نذر منـذور جسام .. يرمله
"""""""""""""""""""""""""""""""""""''''''''''
ودار النضر لام الخدر هايابعد عافيتي
هايابعد كلشي المضى ونفسي البگلبي وريتي
ياخويه دربالچ جمر من فزعو وركضيتي
وتگله هينه اعله الجمر
بـــــس لا تفارگنه ويمر
نعشك يــالمودع العمر .. يبونه يالحسن
وتگله يانــبض الگلب
فدواتك يلمني الترب
يادربي ويضيع الدرب .. يبونه يالحسن
تغمض ياعطر باجي من اهلنه
عگـب چفك بعد ياهو اليلمنه
گلها العـمر مادام
نذر منذور جسام .. يرمله
عبد زينب
محمد الابراهيمي
((تلگوها بالعزاء))
تــلگوها بـــالعزاء وخل نفسح المجال
جابت جمر خيام وجـــابتــهن الحبال
الزهــره عالوجود تنشر جـرح قميص
تـتـعـثر البــــتول بـيــاحاله يــــاسـؤال
هـذا القميص الزهره تگول
وجبت الحـوافر مال خيول
ياشيعه جرحي بكبر حسين
ولدي قتــيل بصــف مقتول
البتول .... يايمه
"""""""""""""""""""""""""""""""""""''''''''''
نفـرشلچ الدموع ونحنيلچ الضــلوع
يافاطمه الجروح صارت مثل شموع
تغطينه بالقميص وبحـــوافر الخيول
نتــلـوه بــالبــكاء يـــايـــمه والدمـوع
حـــزنك محــرم بــيه يكون
مثــل اليَصيحّ بــس مدفون
هاي الــزجيه بصــف البــاب
بنص المجالس تبچي عيون
البتول ... يايمه
"""""""""""""""""""""""""""""""""""''''''''''
شضميتي بالعباةّ راويني ارد اشــوف
تـــتــعثر الاجدام ومحنيه عالچـفوف
ومگــطعه النياط متحزمه بالـــگماط
يانبلةّ الـــــرضيع بس وَحدچ طفـوف
جـــابت ضعينه بــس نسوان
وگلب السبيه شــگد عطشان
وجابت جسم وتحمله بشوگ
هذا ابني عاري عــالتــربـــان
البتول ... يايمه
"""""""""""""""""""""""""""""""""""''''''''''
مــذهوله هـاي نار وخيامك التطيح
ولاخيمه بالطفوف يــازينب وتصـيح
بنشغتها يـــاحسين مجـروحه يالونين
من طيحتك اموت يوليدي يالجـريح
اختك غريبه بدرب الشام
زينب چبيره وعدها ايـتام
اختك ييمـه يطگها السوط
بهيمه ضعـنها بدون اخـيام
البتول ... يايمه
"""""""""""""""""""""""""""""""""""''''''''''
بـالهزله والچفـوف متچـتفه بقـــرار
يا ديره من تفــوت يرموها بالحـجار
تشگف عن الرباب ومتگبعه بالتراب
وتتلفت بشـجــون لو طاحت الزغـار
زينب عزيزه شلون تلوگ
اطب سبيه بنص السـوگ
بالگوه ترمش من الــظيم
ماتت ييمه من الشـــــوگ
البتول ... يايمه
"""""""""""""""""""""""""""""""""""''''''''''
ياهضمت الكلام مرعوبه بـــالمكان
العفه والعـــفاف مســــبيه يـــازمان
گعدتهم بخــراب والعيـــله عــالتراب
ياوحشةّ العـيون بالضلمه ماكو امان
تبچــي رقيه تريد حسين
وزينب تگلها نجيبه منين
جــــابو ابـوها بس الراس
وماتت رقيه برمشتْ عين
البتول ... يايمه
عبد زينب
محمد الابراهيمي
((عباس آياته))
عباس آياته عشگ بــــالنضرات
عباس بخـــــر خيمةّ الـــعلويات
عباس حــــارس خيمةّ المهيوبه
وأعله المخيم ضل يدگ الرايات
من عيـونه الباسمه
وفه تمطرله السمه
ويا جماله الهاشمي
هاشمي بن فاطمه
بالجيش صارت زلزله
عباس طب الكــــربله ...
"""""""""""""""""""""""""""""""""""''''''''''
نوماس سبحــــانه البده بتكوينه
من الجنه حور العين ترسم عينه
من صلب حيدر والشــعر بمتونه
ويتمايل العـــباس عـــــم سكينه
حاجِبه قوس السهم
دورةّ عيـــونه شيـــم
مرتدي زيّ الحـــرب
ويغسل بوجه الخيم
حتى المخيــم دلله
عباس طب الكربله ...
"""""""""""""""""""""""""""""""""""''''''''''
خط عالمخيم خطه بيده العباس
ياهو اليقرب خـــل يرد ابلا راس
جعفر وعون وجاسم الشد احزام
وبصــــفه الاكبر يانبع يا احساس
وهوه بالنــــص ارتكز
أبـــو فـــاضل وأرتجز
گلهم آنه ابن الحـرب
وجيشهم خوفه انوعز
الحومه غرگت مرجله
عـــباس طـب الكربله ...
"""""""""""""""""""""""""""""""""""''''''''''
ضل يخزر الجـــندي ويتيهّ رايه
همه الشويه هوه صار أهــــوايه
لَمن سحگ راس النهر وجروفه
ماي النهر بالجــــربه حَوَل مايه
والنخل منه اختفه
لَمن عــاين مرهفه
هوه أكسير الــــزلم
هوه عين من الوفه
ياهوّ العلهَ صوته عله
عباس طـــب الكربله ....
"""""""""""""""""""""""""""""""""""''''''''''
وحسين ينضر والعجاج اشكبره
حتى بنضرته خضرت هم نضره
راية گمرهم ترف وسـط الحومه
من الرفيف الرايه صارت حمره
والـــزلم منه انتهت
ويجر بالگاع ومشت
ويصد بعيونه الشهم
والعســــــاچر تيهت
تايه الجيش بأكمله
عباس طب الكربله ...
عبد زينب
محمد الابراهيمي
((ياجسام يايمه))
بهذا الوداع دليلي انطر
يبـــــني جسام يالمشكر
شمعتك ويـــــن تخليها
غيابك الموت بعد أكثر
خذني وياك على الموت عذاب بضلتي
يمــــــه جسام ترى النار احسها بدمعتي
الخيمـه تنـــعاك بالدموع اموتن بالهجر
راعي البيـــت يجسام عمــــود الخيمتي
تودعني بيـا بچي .. بعد امك يا عذب
وسنـينك دولتــي .. عايفنــي انتــحب
ما ردني بروحتك .. تغربني بــيا غرب
يا جسام ... يايمه
"""""""""""""""""""""""""""""""""""''''''''''
روح وانخاك ترد ليه
چه دللول بعــــد بيه
أرد اناغـيك بعد يمه
يمه جسام ألـك جيه
ماخذ الروح والجروح تظل تنزف حچي
تچـــوت الشيب يجسام بعد وين انتچي
بغربه والناس بلـــــياك مـــا تحشم بـشر
بسهرلك ابچيت تأذيت ييـمه من البچي
حزمني بالـصبر .. ما ترجعلي بعد
تدريني أختنـگ .. ياسهري بالمهد
ياجرحي يولدي .. ودعتك ياضمد
يا جسام ... يايمه
"""""""""""""""""""""""""""""""""""''''''''''
راح اتانيك على الجـمره
صول ياخير على الشگره
عمك حسين يعــــــايلك
ويَمه عباس يجـر حسره
صاح جسام يهالناس تراني ابن الحسن
هذا الحسين يــــالرجاس اسير ومرتهن
اليعتني يموت يجي هنا ترد بـس جثته
آنه خيال يحـــماي الضــــعن وبالضعن
هذا عمي وسيدي .. ياجـــيوش الكافره
آنه ابن كل الشيم .. جدي حيدر قسوره
النهروان بيمنـتي .. وأنه اكض الگـنطره
يا جسام ... يايمه
"""""""""""""""""""""""""""""""""""''''''''''
صال عالگوم مثل جده
خيل وأبطال فلا تـرده
هذا جسام ابــو النخوه
يم الخـــيام منــو تعده
زاف الموت على الجيش ظل ينزل مطر
معصـــــب الراس يضرغام يزاود كل نهر
هــــــذا ميدان بالردان يكف كــف الزلم
شايــــل الگاع بالچفوف مثل عمه الگمر
آنه شـــــيال الأرض .. والحچي كـله ألي
هذا سيفي وهمـتي .. ولا فـــتى الا عـلي
جاسم وأبن الحسن .. أنه زودي من هلي
يا جسام ... يايمه
"""""""""""""""""""""""""""""""""""''''''''''
لأچـن الموت أجــه محتم
وعلى التربان يفيض الدم
وصاح عمـــاه تعال ألحگ
وشال الچفوف عـليّ سلم
محني الحسين والعيون تصب بيا ألم
شاله مـذبوح على الروح جــابه للخيم
ومدده بــــاَه وويلاه وزينب حـــــاضره
وتلطم العين يالحسين وبصدره السهم
خويه راسه منطبر .. طفن شمعات العرس
جاسم الحنه بچت .. وغيمت عين الشمس
وذابل ودمعه يهل .. وگلب امه منهجس
يا جسام ... يايمه
عبد زينب
محمد الابراهيمي
((قمر الله))
روحي بثـوابك
مــــاي بتـرابك .. قمر الله ابو فاضل
خادم مصـابك
وبروحي بابك .. قمر الله ابو فاضل
ألك .. كل حياتي ياگمر بالخدمه
ألك .. سهر لــيلي يـاحبيب اليمه
ألك .. روحــي ياكفال ذيچ العمه
ألك .. تعبي ياعطر الوفاء اشتمه
يـــاعطــر بنــفـاسي
بالخدمه رافع راسي
بيدك مسلجني خادم .. يا ابا الفضل
عبد عـــد أرقيه
وخادم حسينيه
ياگمر كل الهواشم .. يا أبا الفضل
ياسيدي يا ابا الفضل ...
"""""""""""""""""""""""""""''''''''''''"""""""
صاحب دمعتي
بيـــدك خدمتي .. قمر الله ابو فاضل
انتــــه سلوتي
ومبسم كلمتي .. قمر الله ابــو فاضل
بطل .. مــايهاب الدنيا من نـضراته
بطل .. هذا محبوبي عشگ چـلماته
بطل .. كله غيره وحـارس الخيماته
بطل .. والحميه بروحه صارت ذاته
يامحامي ضعونه
روحي نذر عيونه
آنه من دونك ولاشي .. يا أبا الفضل
دونك أبلا صاحب
من نذر للحــاجب
والجدم وياك ماشي .. يا أبا الفضل
ياسيدي يا ابا الفضل ...
"""""""""""""""""""""""""""''''''''''''"""""""
اغلـط وأجيــلك
واصرخ دخيـلك .. قمر الله ابو فاضل
حيل الله حـيلك
ضمني ويه ليلك .. قمر الله ابو فاضل
قمر .. نور وجـه كــــاسر أعله الديـره
قمر .. بــلـل الخــيمات مــاي وغـيـره
قمر .. من خزرته الجيش ضل بحيره
قمر .. ياقمر حيدر ومـــــامش غـيره
ياعشگ بدروبي
ياگمر محــبوبي
وقف دمعاتي بثوابك .. يا ابا الفضل
نشمي يابو الرايه
انته ابو المـشايه
وأحنه زوار أعله بابك .. يا ابا الفضل
ياسيدي يا ابا الفضل ...
"""""""""""""""""""""""""""''''''''''''"""""""
وجداني أنـــته
بيــدك صـنعـته .. قمر الله ابو فاضل
حبـــــك حمـلته
ومچوي بجمرته .. قمر الله ابو فاضل
هلي .. يابو فاضل كلهم بتــعزيتــك
هلي .. چـــانو يحبونك وحـــبــيتك
هلي .. بخيرك يعيشون وحسينيتك
هلي .. مــن عشگهم هل أنه ناديتك
انته كلشي بروحي
انته حتى جروحي
ما أمل دمعةّ عيوني .. يا ابا الفضل
حبـك أمشيني
يالچبير بعيني
بيك مجنون وأزيد جنوني .. يا ابا الفضل
ياسيدي يا ابا الفضل ...
عبد زينب
محمد الابراهيمي
((عطشانه))
عطشانه .. بس ميت بروحي الـماي
لهفـــانه .. ليل أهدعش قاسي وياي
تعـــبانه .. بـــــالعيله مشــدوه الراي
ليل وهجــر .. گلــبي انذبح
سوط وجمر .. حيلي انطرح .. يويل
يبچي الطفل .. شيسكته
وبيده الحبل .. يــادمعته .. يليل
مـــاينگضي .. ليل اهدعش
وما ينمضي .. بگلبي العطش .. يحيل
ويـــــن الدرب ماگـمت اشوفن
خـــــويه الگـمر بالحـيره افوتن
خوف ورعب كل لحضه أموتن
حسين ...
"""""""""""""""""""""""""""""""""""''''''''''
مسبيه .. ويحمـوني چــانو سبعين
علــويه .. زينب تراني اخت حسين
مـابيــه .. وســــياط ودمـــوع العين
سوط وشتم .. مـــاينحمل
ونوح ويــتم .. وجابو حبل .. أدين
مــاينجرع .. ليل الغرب
بس الدمع .. مني يصب .. حُسين
نمنه بترب .. وبـلا خيم
وادم غرب .. لا مو شيم .. حُسين
خوله بحبل بصفــها رقيه
وسكنه تعرف مچويه أديه
وين الدرب مـدري النويه
حسين ...
"""""""""""""""""""""""""""""""""""''''''''''
بضنوني .. ليمت ترد خويه شلون
بعـيوني .. خاطر اشوفك يــــالون
تدروني .. آنه العزيزه آنـه ام عون
وين العمر .. ويـن الدرب
والاجــنبي .. صعبه يطب .. عفاف
ذولي الـغرب .. وأحنه الستر
ماهم الشرف .. احنــه الخدر .. اخاف
ياكافــلي .. بيمن أصد
يامسكني .. يَبـــنُ عبد .. مناف
باچـــــر سبي وين النشامه
وضعني غـــــده كلــه يتامه
وين اخوتي وعگل الشهامه
حسين ...
"""""""""""""""""""""""""""""""""""''''''''''
عالهزله .. والـــحادي يركض بالنوگ
شنگــله .. يهـــــددني ويگول السوگ
ياعــــله .. المحروگ يدري بمحروگ
تركض هزل .. گلبي احترگ
طاح الطفل .. ويـلي اختنگ .. عذاب
گـــوه قنع .. يوگف ألي
وگوه رجع .. وبيـــاعلي .. ومصاب
إيد الحـــبل .. إيـــد العبي
موت الهزل .. موت السبي .. وخراب
الكوفه ألــم ودمعه أعله دمعه
مسبيه أطب وياجرحي اسمعه
ضلمه الضعن ودموعي شمعه .. حسين
حسين ...
"""""""""""""""""""""""""""""""""""''''''''''
يبن أمي .. ذاك الدرب شفته وياي
يالـــيمي .. راســـــك وراس الوفاي
ياهـــمي .. مو بالعطــش انته الماي
شـــام البله .. عدهم عرس
مامش هلا .. جـوه الشمس .. ننام
باب القصر .. هذا الجرح
آنــه انتضر .. وانـته برمح .. يشام
ليش الوكت .. بـــــيه يفر
آنه اوگــفت .. مثل الجمر .. حرام
گلبي غده بـــناره السريه
وطفله بچت مـاكو حميه
وراسك نعش صار الرقيه
حسين ...
عبد زينب
محمد الابراهيمي
((تقبلوني خادمه))
يـــــا آلـَ بيتِ فــاطمه
هـل تقبلوني خــادمه
ياغوث يادار الشــرف
يامسكن تزوره السمه
خضر على بيوت الشعر ورد العشگـ
وفرحانه خيمات البدوّ
بكل خطوه اموتن ياعلي ثم اختــنگـ
واتنفـــــس بحبك دفوّ
جابوني اهـلي الديرتك يبن الصـدگـ
والگــــــايد الهــودچ ابوّ
مبتشـــره يـــابيت النبــي ودمه
امــ البنيـــن وأسمـــــي يتــسمه
بس بيه خوفه وذمــه من ذمــه
خــــاف آنه أقصر مره بالخدمه
هل تقبلوني خادمه ..
"""""""""""""""""""""""""""""""""""''''''''''
ذرني اعله شاطيك عشگ
حــــتى من اخضر احترگ
ياحيــدر ارزقنــــي هـــوى
وارزقني حب حتى اختنگ
مابين صدرك والنفس گلبي ارتهن
وعبـــــاس احس بدمعتي
يـــــــاغربةّ الضايع أنـــه بعازةّ وطن
وضيعني اوفــــــ بحسرتي
هــــــل تقبلوني خادمه ها يالحسن
وبس نضره اريدن حصتي
غرگانه يانسمةّ هوى اقبلني
يالراضي الله أعليك كلمني
حيرني بالحب يالحسن وآنه
منكـــم اريد الحيــره حيرني
هل تقبلوني خادمه ..
"""""""""""""""""""""""""""""""""""''''''''''
حــــاچيني يــــاشيخ السلف
يـــــم بابـــك وگـــلبي رجف
من عيني ظل يجري العشگـ
مثل الهوى وصــوت السعف
متروسه حُب يابو الحسن مسني الهوى
وطير الگــلب رف بالجنح
هسه اعــــرفت وين الگمر وين الضوى
هسه اعرفت ويــن الصبح
يــادار بــــــي حتى الدوى يشمكم دوى
وهذا اليحب طبعه الجرح
فرحانه روحي بخدمةّ العتره
وياداركم زهـره بوسط زهـره
زينــب ييمه بهاي اسمحـيلي
ادخل البيتچ والعمـــر سفره
هل تقبلوني خادمه ..
"""""""""""""""""""""""""""""""""""''''''''''
للمنسي يالبيتك ذكر
للمـــيت يصـير العمر
بعتابك يعيش الــورد
ومـــزاود بحبك عطر
عوز الغريب الماحضه بچلمةّ هلا
يحسين اخدمك وافتـخر
وبضعنك امشي لو ردتني الكربله
ومبخوته لو دست الـجمر
اجــبر خـــواطر تنكــــسر بالعايله
وافرش حدر ضعنك عمر
دلــــوني بيـــكم آنــــه شرايه
عطشانه وانتم للعشـــگـ مايه
روحـــي اعله منـواكم اخليها
ماعندي غايه وخدمتي الغايه
هل تقبلوني خادمه ..
عبد زينب
محمد الابراهيمي
((منطيني خيمه))
لو عمري يگضي .. عثــره اعله عثره
مـــا انسه امامي .. المنطــيني عمره
ومنطيني خيمه .. وركــض اليـتـيمه
ورحــله النهيبه .. وخيل اعله صدره
مجلس الضامي عـزيز وبيش ابدلنه
بگلبي منبر ياحسين وكــون احملنه
المايحب الدمعه اعذره ومــا أكلمنه
للحبيب حسين يرخص دمعي أهلنه
ماعندي الغير
محبـــوبي اول تالي
محبوبي الخير
بس هوه شاغل بالي
حسين ...
"""""""""""""""""""""""""""""""""""''''''''''
احضر مجـــالس .. وألطـم مصابي
وجرحي بدمعتي .. ولوعه بخطابي
وحـــرگه بدليلي .. وأصـــرخ يويلي
واگـــضي حياتي .. وانـــزف شبابي
كل شبابي بخدمةّ الحب كل مضاميني
مشتريني وغالي سعري حسين شـاريني
ماتــــركني من اطيحن هــــوه يحـديني
غير ابو السجاد عشگي حسين يحسيني
وبّفــــيه انام
بس فيه خيمه اعلينه
وبظل اخيام
ويحــــــبنه ما ناسينه
حسين ...
"""""""""""""""""""""""""""""""""""''''''''''
الهزله بصفـنتي .. وأنصب دمعتي
واشهگ حسافه .. احبال بحسرتي
اخت الأمــــامه .. مــــــو بالسلامه
بسوط وشماته .. وتفـــــزع عبرتي
ياعبــرتي افــــــزعي للسموها مسبيه
وهيه بت المصطفى المعروفه علويه
ياعبرتي اليوم ضجي بدمعچ اليچوي
هاي زينب والشــماته تصـيح محنـيه
وبقصر الشوم
طبت عقيلةّ حيدرى
والناس اتلوم
وبيا هضيمه أميسرى
حسين ...
"""""""""""""""""""""""""""""""""""''''''''''
ضلمه الخرابه .. وطفله تريده
تصرخ يـــــبابا .. وتشـم وريده
هيه المصـيبه .. عيـله وغريبه
دروبك يبـويه .. صارت بعيده
يابعيد الدرب بــويه الحگ الحــالي
فراگك الخلاني اهيم وصار چـــالي
ويني ويـــــن السبيه والحجر يــرمي
كون ميته بسحگ حافر بويه اشوالي
يابويه شلون
آنـــــه التگلي مدلله
بيه وتدرون
صارت دمعتي سايله
حسين ...
عبد زينب
محمد الابراهيمي
((رد الرقيه))
عشگك چواني مــو جمر .. شمسوي بيه
ليمت تمر كـــافي الهجر .. رد الـــــرقيه
اه .. كافي هجرانك
اه .. گلبي عطشانك ..
كــل باچر إيمر وانتضر ويتعده بـاچــر
والساعه بفراگ اليحب تكـسر خـواطر
علمني أنام من التعب شو گمت أساهر
ليش بحلم شوغه وتمر چندوب أكابــر
ياحلمي لتعوف الجرح .. بكبر الخرابا
وبجرحي لترش المـلح .. رجعـلي بابا
آه .. خـالي أمچـانك
آه .. گلبي عطشانك
"""""""""""""""""""""""""""""""""""'''''''''''
فَزت دمــعتي وتنــدبك .. محبوبي اريده
وروحي الكسيره تطلبك .. ادري بعيـــده
آه .. بويه وجـــدانك
آه .. گلبي عطشانك
وطشت المنيه من حضر طشت المنيه
ولن راس ابـــوها وبالـــدمع وتگـله لَيه
حاچـــــيني يـــابعد العمر آنـــــــه رقيه
آنــه رقيه لا گبــــل هــــــسه سبيـــــــه
شو ساكت ومالك خلگ .. افتــح عيونك
هجرك حرگ گلبي حرگ .. وثلمةّ سنـونك
آه .. كسرو اسنـانك
آه .. گلبي عطشانك
"""""""""""""""""""""""""""""""""""'''''''''''
كضني بخيالك يانبع .. وعيشني ذاتك
مـــوتني يابويه الدمع .. بـــويه وغلاتك
آه .. تمـــرد احزانك
آه .. گلبي عطشانك
يابويه اخــذني ما اضل ماتسوه اضلــن
مـــوتني بعيـــــونك ألم وخليني أونــن
خليني أغفه بعالـمك بس ابقه أحنـــن
موتني يم نحرك عطش وعيوني يمشن
ماريد أعيشن بالندم .. يابويه اخذني
واليــنذبح مو ألا دم .. حبــك ذبحني
آه .. ضمني بحضانك
آه .. گلبــي عطشانك
"""""""""""""""""""""""""""""""""""'''''''''''
ماتت رقيه بياهضم .. مــاتت رقيه
وزينب گلبها بيالطم .. تگلها شبديه
آه .. خــويه ولسانك
آه .. گلبي عطشانك
يبست مثل ورگــةّ عـنب ياراس ابوها
والصفنه ودموع العشـگ مـن گلبـوها
تشكيله راحت عالسبي ومن سلبــوها
ونار والمخيم والركض ومن أضربوها
لازم يموت ألـــي يحب .. هيچ النهايه
والبي شجون وينتحب .. بعيـونه رايه
آه .. زينب بشـــانك
آه .. گلبي عطشانك
عبد زينب
محمد الابراهيمي
📝 #محرم_1446هـ
😔 كأني بزينب ع ذهبت للحسين روحي فداه رأته مقلوب على وجهه وراسه مقطوع وشافت راسه وعينه تنظر لها كأني بها تكلمه...
💠 #جفيري
يامـــا نبينــــا قبّـــلك
باهى الخلايق والمـــلك
الأجلك اتــدُور الفــلك
واليوم اشوفك منذبح
ــــــــــ ❖ ❖ ❖ ـــــــــــ
صدرك يخويـه يالأبـيّ
لازال بــي عطــر النبــي
هسه يدوسـه الناصبــي
يالسابح ابدمك سبــح
ــــــــــ ❖ ❖ ❖ ـــــــــــ
قلبك حمل علم السمه
و اسرار امنــا فاطمــة
واليــوم ذابــل بالضمــه
حامل جرح فوك الجرح
ــــــــــ ❖ ❖ ❖ ـــــــــــ
💠 #مجاريد
ياروح النبي وخـامس العتــرة
منــو تجــرّأ على راسك يبتــره
مــا راعــوا قلب امــك الزهــرة
ـــــــــــــــ ❖ ❖ ❖ ــــــــــــــــ
هاي اعضاء جسمك آه يحسين
كل عضو ابنويّــه ياضوه العين
قلبك بالسهم مكسوم نصيــن
ـــــــــــــــ ❖ ❖ ❖ ــــــــــــــــ
ياضامي العطش فطّر الجبــدك
مثل دمعك علينا الفطر خــدّك
خصيم اعداك طه النبي جـدك
ـــــــــــــــ ❖ ❖ ❖ ــــــــــــــــ
📝 #الشاعرة_زينب_الخفاجي
🌿 #اللهم_صل_على_محمد_وآله
🔶 قسـ ( #المشاركات ) ـم 🔶
🔸 #الصوتيات_والمرئيات 🔸
┈┉┅━◕❀ـ◕ـ❀◕━┅┉┈
هاذي عيني..
فدوة لعيــونك يخيــي
هاذي عيني..
يـالجنت ظلــي وفيــي
هاذي عيني..
خذها وارجع ليّه ضيي
🔉 بصوت الملا كرار الطائي
✍ الشاعرة زينب الخفاجي
#مجالس_محرم_الحرام_١٤٤٦هـ
💫💫
كل المجالس مدارس .. ومعلم الغيره عابس
والمدرسة حبك سعه .. يتخرج من الجامعه
ثوب الشهاده لابس
🔹🔹🔹🔹🔹🔹🔹🔹
عدنه احنه يحسين المجالس هيبه
المنبر درسنه الاول وترتيبه
مجلسنه لا مو للهو وللغيبه
الينحرف عن الطريق انجيبه
عن توبة الحر الدرس .. وعن وهب العاف العرس
ثوب الشهاده لابس
🔹🔹🔹🔹🔹
من صف الاول ندرس انسانيه
واحدنه كون اخلاقه قرآنيه
الدار دار الخدمة الحسينيه
الدور المواكب عالدرب مبنيه
وبجنوني اصيرن رسام .. وماارسم اعليك اسهام
ثوب الشهاده لابس
🔹🔹🔹🔹
بقسم الوفه استاذ الوفاء العباس
مو عالمعدل ياخذ على الاحساس
يسلم الوثيقه اكبال كل هاي الناس
طف كربله الهاي الشباب المقياس
نفكر وتكتب لاقلام .. من الخيمه طالع جسام
ثوب الشهاده لابس
🔹🔹🔹🔹🔹
من جامعة حبك يااجمل دكتور
ظلمه الحياة وبس طريقك بي نور
المكسور گلبه تطيبه انتَ المكسور
ياخذ دواه من صيدلية عاشور
وعلاجه مجاني يصير .. بدموع عينه التفسير
ثوب الشهاده لابس
🔹🔹🔹🔹
يالمنبرك سر الحياة انشوفه
وسر الضوه عين الگمر وجفوفه
بكل المراحل نعبر من نطوفه
من اول رسالة مسلم البالكوفه
لحد المخيم والنار .. والينجح يصيح الثار
ثوب الشهاده لابس
🔹🔹🔹🔹🔹
علي حسين المنصوري
#قصائد_في_خدمة_الخطباء
#اليوم_الثاني
#وداع_المدينة
#محرم_١٤٤٦
لسان حال رسول الله صلى الله عليه وآله لولده الحسين عليه السلام عندما جاء مودّعًا قبره الشريف..
(طور "منين اجيلك دربك منين" للشيخ زمان الحسناوي)
إلك بالدنيا يوم وإسمه عاشر
وارض لازم تروح الها وتسافر
الك يوليدي موعد وي بُقُعتَك
والك جنه تحصّلها بذبحتك
على التربان لا بد تبقى جثتك
وتسحگها أميه بالحوافر!
إلك بالطّف رمُح بيهِ انتَه موعود
عَليه راسك يصير بّين لحشود
والك إخت التّعاينله وْيَه لجنود
وعَليها تهجم رجال وعساكر
إلك بالطف خيم موعوده بالنار
والك نسوان بالأطفال تحتار
يمر عليك يوم المثله ما صار
ولا مثله على النسوان صاير
#عظم_الله_أجوركم ◾️
فاطمة علي رزق
اسألكم الدعاء
لينك الطور
https://youtu.be/EXGYaiPnnf4?si=WaQTlJLTFPkSU7bm
#قصائد_في_خدمة_الخطباء
#اليوم_الثاني
#وداع_المدينة
#محرم_١٤٤٦
[قصيدة عمودية]
على قبر البتولِ علا النّداءُ
أنا المظلومُ فارتفع البكاءُ
أنا الإبنُ الحبيبُ أنا حسينٌ
أنا من هدَّ أركاني البلاءُ
أيا أمّاهُ قومي ودّعيني
فقد خطّ الرّحيلَ ليَ القضاءُ
سأمضي في ظلام الليلِ هذا
لِتُستَرَ عن أعاديَّ النِّساءُ
سأصحبُ جُلَّ أهلي ذاكَ وحيٌ
إلى رؤيايَ ألقتهُ السّماءُ
فإنَّ الله شاء لنا بلاءً
وإنَّ اللهَ يفعلُ ما يشاءُ
إلى أرض الطفوفِ يكون سعيي
فأيّامي هناكَ لها انقضاءُ
سأبقى مفردًا فيها وحيدًا
ويُرهقُني الهجومُ والاِعتداءُ
سأهوي عن جوادٍ يومَ قتلي
لهُ وجهٌ تخضّبُهُ الدّماءُ
أيا زهراءُ للتّوديعِ قومي
فدونَ الرّأسِ يختلفُ اللِّقاءُ
#عظم_الله_أجوركم ◾️
فاطمة علي رزق
اسألكم الدعاء
هل محرم يمه گومي من التراب
يمه سوي قرايه لحسين وثواب
هل محرم ،، هل محرم يمه يمه
-------------------------------------------
يمه زينب راح توصل گومي زينب هل أجت
يمه ادري الگبر غربه گوه حيلچ يلبخَت
هل أجت زينب واهلهه
يمه زحمه من الكفلهه
راح تنشد شرد أگلهه
يمه يمه
وينها الچانت تجينه ؟
بثوب الاسود تعتنينه ؟
تبچي بذيال الضعينه
يمه يمه
عمت عيني الزينب وحالة رقيه
هاي چانت چلمتچ يلرافضيه
يمه يا لون الحزن بالغاضريه
ردي مو كل عام بديارچ عزيه
سُفره أم عباس ودموع المصاب
يمه سوي قرايه لحسين وثواب
هل محرم ،، هل محرم يمه يمه
----------------------------------------
يمه هم تبچين هسه لو سمعتي ابكربله
هم تلطمين اعله خدچ علنحر والعايله
هناك هم يصير مجلس ؟
بالظلام وحيل هندس
واليموت شلون ؟ شيحس ؟
يمه يمه
بالگبر وحشه ومصيبه
لا حبيب اليم حبيبه
اخ يا أمي الغريبه
يمه يمه
يمه انشدچ هم بعد عينچ تلالي
لو سمعتي حسين ظل بالحومه تالي
هم بچيتي لضعن زينب صار خالي
يمه غالي حسين عندچ حيل غالي
يمه بعدچ بالحزن سود الثياب
يمه سوي قرايه لحسين وثواب
هل محرم ،، هل محرم يمه يمه
------------------------------------
انتي علمتيني انوحن علحسين بكل سنه
من الزغر صوتچ يلولي بطور فاگد للضنه
بحظنچ وأسمع بواچي
وين راحن هالمحاچي
يمه بعدچ كلشي باچي
يمه يمه
علسياط ابظهر طفله
علذبيح أگبال اهله
علرضيع أبنحره نبله
يمه يمه
يمه أگعدي انريد مجلس وانتي يمنه
انريد حظنچ كون صوتچ مو تعبنه
حتى باوقات الدمع نحتاج لمنه
تالي هذا الموت من عندچ حرمنه
اه يا أم الهلا فگدچ عذاب
يمه سوي قرايه لحسين وثواب
هل محرم،، هل محرم يمه يمه
-----------------------------------------
هل محرم وانه وحدي ميته يلكلچ صدگ
ياهو ينعى اعله السبايه لو صبح يوم الطبگ
ياهو ينحب علعقيله
وللحسين وللعليله
ماتت الدمعه الثگيله
يمه يمه
راحت وياچ المحنه
يمه منتظرين كلنه
شنهي مامش يعني ضنه ؟
يمه يمه
لو صبح عاشور والمقتل نسمعه
نصير لحسين الغريب المات دمعه
بليلة الوحشه وعلى العباس ننعه
نروح يم گبرچ نخلي العين شمعه
يحلى يم گبرچ دمعنه وي العتاب
يمه سوي قرايه لحسين وثواب
هل محرم ،، هل محرم يمه يمه
---------------------------------------
وتقرب ايام الزياره والمواكب تنصب
وينچ انتي الخدمه حانت گومي يمشيبه الگلب
يذكر الموكب خدمتچ
والتعب ذاك أوگفتچ
هالسنه وسفه خسرتچ
يمه يمه
هالسنه اخدم بدالچ
يلي چف الموت شالچ
نكبر ونبقى جهالچ
يمه يمه
شما كبرنه ازغار يمچ يلحنينه
ميته بس چفچ نحسه يكض ادينه
نامي يمه ارتاحي يلبالچ علينه
هاي خدمتنه الچ لا كلشي بينه
واحنه المقصرين لو صار الحساب
يمه سوي قرايه لحسين وثواب
هل محرم ،، هل محرم يمه يمه
كلمات الخادم / رعد الفريجي
16 / 5 / 2024 الخميس
ثوابها الى روح والدتي
لحن(تلگوها للعزاء)
بصوت
ملا علي زياد المحمداوي
بغداد
لحن(عباس آياته)
بصوت
ملا مرتضى المياحي
بغداد
لحن(ياجسام يايمه)
بصوت
ملا يحيى الاسدي
بصره
لحن( قمر الله)
بصوت
ملا مرتضى الوالي
سماوه
لحن(عطشانه)
بصوت
ملا مصطفى الفياضي
بصره
لحن (تقبلوني خادمه)
بصوت
سيد سلام الحسيني
كربلاء
لحن(منطيني خيمه)
بصوت
ملا حسن الزينبي
ناصريه
لحن (رد الرقيه)
بصوت
ملا ميثم الصافي
اهواز
🔶 #محرم_1446هـ
🔸 #لسان_حال_ام_البنين_ع
🔸 #نعي
لفــى الليــل يمــه وانتـو غيّـاب
تفت روح القلب فركــة الاحبــاب
أبد ما هوّدِّت عينـي على البــاب
┈┉┅━❀◕ـ◕❀◕ـ◕❀━┅┉┈
آنــه امكم يبعـد امكم يشبّــان
صرت مثل السجينة ابّين قضبان
صُبَح بيتي بعدكم بيت الاحـزان
┈┉┅━❀◕ـ◕❀◕ـ◕❀━┅┉┈
لـــوَن هــذا السفــر لَيّــه يردكــم
مــا ظــل القلب ينـدب بُعــدكـم
لكنّــي احس دهـــري حصدكــم
┈┉┅━❀◕ـ◕❀◕ـ◕❀━┅┉┈
حصدكم هذا دهــري وخـان بيــه
فزعتــوا فــزعــة وحــدة للمنيــة
وابدمكــم سقيتــــوا الغاضريــــة
┈┉┅━❀◕ـ◕❀◕ـ◕❀━┅┉┈
📝 #الشاعرة_زينب_الخفاجي
🌿 #اللهم_صل_على_محمد_وآله
#محرم_١٤٤٦
#طور_الجفيري
#الليلة_الاولى
#حالة الإمام المهدي عج في الليالي الأولى لشهر محرم
قوموا يا شيعة للحزن
واسود هِدمنا وهم نوّن
هالليلة بيها فاجعة
ومهدينه ندري اشقد يحنّ
دمعاته بخدوده جمر
يعاين هلاله لهالشهر
يعاين جسوم موذره
ويبكي الذبيح من النّحر
يقعد على المنبر يقول
إبكوا على سبط الرسول
دامي عفير اعلى الثرى
وبصدره داسته الخيول
يضج المكان ابصيحته (متى ؟؟؟)
من يبدي يوصف شيبته
دم وتَرابه مخضبه
وين اليعينه ابندبته
خادمة ابي الفضل
#هل من معين فأطيل معه العويل والبكاء، هل من جزوع فأساعد جزعه إذا خلا، هل قذيت عين فساعدتها عيني على القذى، هل إليك يا بن أحمد سبيل فتلقى، هل يتصل يومنا منك بعده فنحظى .. متى نرد مناهلك الرويه فنروى ، متى ننتفع من عذب مأئك فقد طال الصدى ، متى ترانا ونراك وقد نشرت لواء النصر ترى
متى تنادي يا أهل العالم انا الصمصام المنتقم 💔
# لطم
قاعد وين يالمهدي ابوسط المأتم
كم ونّه على جدك وهم بعد لاطم
تنوح المنذبح عطشان
مسلوب الردى عُريان
واخيامه التشتعل نيران .. وهم بعد لاطم
تروح المشرعة تنظر القطعوا كفوفه
تعاتب عمك الغافي وعينك ذروفه
زينب رايده الكافل
دخِيلك يا ابو فاضل
بمتنها السوط ترى نازل .. وعينك ذروفه
✍الشاعرة خادمة ابا الفضل
#متى تجلس عند قبر جدك بكربلاء و تنادي يا لثارات جدي الحسين .. وتسلم سلام تائق والهٍ مشتاق ونحن معك:
خلينه نزور اوياك ونحس طيبة انفاسك
يالمهدي ونصيح الآه نوكف كلنه حراسك
من تصيح آ يحسين دمعك يجري كالوديان
نسمع بالندب والنوح تنادي جدي ياعطشان
ولو تصرخ بإسم زينب منها امذبّحة الوليان
على ونة رقية اتذوب وسلب امخيم النسوان
🖊الشاعرة زينب الخفاجي
#طور الفراق
آيمهدي تفضل وإقره الزياره
آيمهدي ندري بِفأدك حراره
آيمهدي للأبد ما تُطفى ناره
آيمهدي تصرخ الشيعه محرم
آيمهدي بكل مكان و عِدنه مأتم
آيمهدي حقها عينك تهمل الدم
🖊خادمة ابي الفضل
#سيدي على من تهمل الدموع دماً .. اعلى ذبح الحسين ؟؟
ام اعلى رضه بالخيول الأعوجيه ؟؟
أم على راسه الذي ما وضع على حجر إلا سالت من تحته الدماء ؟؟
اما على كافل الخدر على شط العلقم ؟؟
بالله عليك على ما تبكي بدل الدموع دما :
دمعي الأصبه دموم للهاشميه
حزني عليها ايطول في الغاضريّه
مصيبة التشيب الراس حد المنيّه
هاذي النجيبه شلون تمشي سبيّه
حبل بإيدها القوم خلوا ورقيه
ما انسى يوم التل وديوان أميّه
وذاك اللعين يقول يالخارجيّه
#يروى نادى ذلك اللعين من هذه المتخفية عني ، جاوبته مولاتي زينب
خِفَت لوعة صدرها وخفت ونّتها
دارت للمدينة اتبوح حسرتها
لجدها المصطفى تشرح مصيبتها
مُصيبة المامثلها امصيبة بالإسلام
زينب بت علي وبمجلس الظلّام
نوايب هالدهر شدّن عليها احزام
🖊الشاعرة زينب الخفاجي
🔶 #محرم_1446هـ
🔶 حديث السيدة زينب مع اخيها العباس عليهما السلام
🔸 #طور_الفراق
هاذي عيني.. فدوة لعيــونك يخيــي
هاذي عيني.. يـالجنت ظلــي وفيــي
هاذي عيني.. خذها وارجع ليّه ضيي
┈┉┅━◕❀◕ـ◕❀◕ـ◕❀◕━┅┉┈
هاذي عيني.. تــرخص لعينك يغالــي
هاذي عيني.. ريت سهم البين اجالـي
هاذي عيني.. خذها رد و انظر لحالي
┈┉┅━◕❀◕ـ◕❀◕ـ◕❀◕━┅┉┈
مااشوفك.. غبت يــا كافـل ضعونــي
مااشوفك.. شنهــو قيمتهــا عيونــي
مااشوفك.. لـــو بــدالك طبّرونــــي
┈┉┅━◕❀◕ـ◕❀◕ـ◕❀◕━┅┉┈
ياهضيمة.. يـا گمــر و انت بجـلالك
ياهضيمة.. يا عجب غـايب جمـالك
ياهضيمة.. نـــــوم الِتــرايب حِــلالك
┈┉┅━◕❀◕ـ◕❀◕ـ◕❀◕━┅┉┈
📝 #الشاعرة_زينب_الخفاجي
📜 #اللهم_صل_على_محمد_وآله
#قصائد_في_خدمة_الخطباء
#اليوم_الثاني
#وداع_المدينة
#محرم_١٤٤٦
صورة شعرية: كأني بمولاتي زينب عليها السلام عندما ساروا من المدينة، توجهت ناحية قبر امها الزهراء عليها السلام...
(طور الجفيري)
١/ودّعتچ الله يامْ حسن
دهري عَلَيْ صَبّ المِحَن
راح امشي واترك هالوطن
وارجع لچن متغيّره
٢/أرجع ولا عباس الي
لا عندي جاسم لا علي
عالغبره اعوف آنه الولي
مسلوب دامي منحره
٣/أرجعلچ ومحني الظّهَر
وبمتني للتعذيب اثَر
وبروحي بس لوعه وقهَر
لكن أرد مِتصبّره
#عظم_الله_أجوركم ◾️
فاطمة علي رزق
اسألكم الدعاء
#قصائد_في_خدمة_الخطباء
#اليوم_الثاني
#وداع_المدينة
#محرم_١٤٤٦
صورة شعرية: لسان حال الزهراء عليها السلام لولدها الحسين عليه السلام..
راح اجيلك يا حبيبي وما أعوفك
ويّه زينب أگصد المصرع واطوفك
بيدي اجمّع خنصرك يابني وچُفوفك
واگعد گبالك واشد بيديّه لجروح
أحني أضلاعي عْلى أضلاعك يروحي
بلچن جروحك تداويها جُروحي
فوگ نحرك راح اعلّي يابني نوحي
وابقى أصرخ آه يوليدي يمذبوح
صدرك عْلَيَّه أسِنْدَنَّه وأشمّه
لكن الرّاس شْيْوصِّل إيدي يمّه؟!
عالرُّمح بعيوني اشوفه يْسيل دمّه!
والطم عْلى ضلوعي والزم لجلك النّوح
#عظم_الله_أجوركم ◾️
فاطمة علي رزق
اسألكم الدعاء
ثوب الخدم لبسته عمري ألك نذرته
حبيبي يا حسين
...........................................
يا أول حلـم عشته ويه أنفاسي قافلته
تمشي والعمر يمشــي بأمان الله وأمانك
عالفطرة أنولد حبك خير وعافية دربك
يالمغركني خيرك من رحت فدوه الحنانك
يحسين الكلب غيرك فـــــلا يهوه
ولولا خدمتك فلسين مـــــــا يسوه
أشلون أنساك وأنسه أيامك الحلوه
كل عاشور أحس كلبــي أنولد توه
بكل مجلس وعزية أسمك صبح هوية
حبيبي يا حسين
.........................................................
يالمالك هوه أنفاسي رفعت بخدمتك راسي
وأحس روحي ملك عايش وقور وكلي هيبه
حلمي شما عتك يكبر وبثياب الخدم أفخر
وأني شعندي غيرك يا نبض كلبــــي وحبيبه
لحد كطع النفس يحسين ما اعوفك
وأضل خادم ألك ومعزب أضيوفك
يابو الخير خيـرك رحمة وأجفوفك
كعبة وتحرم الحجـــاج أذا أتطوفك
أسمك حرز كتبته وسط الجفن رسمته
حبيبي يا حسين
..................................................
يالرسمك وسط عيني شنهو تريد سويني
عبدك أنه عبدك وأفتخر تقبلني عبدك
ثوب الخدمة فصلته وبالدم عهدي وقعته
يالمالكني غيرك ما ألي بهالدنيا بعدك
أذا تطردنــي ألمن واتجه لا وين
يالماخذني منـــي يالسكنت العين
عدل ميت أضل خادم ألك يحسين
مثل حمزه ومثل عبد الرضا وياسين
لآخر نفس ندائي حسيني كربلائي
حبيبي يا حسين
.............................................
خادم أسمي واتشرف بيه جمرة من الطف
وأبخدي أنرسم دمعة طفل قـــدم وريده
بعيوني الدمـــــع يقره نار وخيمــة مستعره
وما بين الزلم زينب بقت تركض وحيده
خلص عمري أعله بابك أشتعل شمعه
لا فاكد أخـــــــــــو لا من ردت فزعه
نعم الله عليك الطم وأهـــــــــــل دمعه
كون أضلوعي أكسرهن ألــــــك وانعه
واعلن ألك ولائي يا عزوتي ورجائي
حبيبي يا حسين
.......................................................
يالما صح بشر مثلك أمشي أعمى واندلك
أشتمك هوه وشفتك ضوه اينورلي دربي
وشما أبتعد عنـــــــك أرد وبدمعي أحشمنك
واتكلي هلا وميــــــة هلا وتغفرلي ذنبي
يبو كلب الوسيع الما نسه أحبابه
يمن كـــل عله تشفه بشمة أترابه
يا شيــــخ السلف ويفض الطلابه
الملك والعنده حاجه يوكــف أبابه
حاشه اليجي وتعوفه تترس هلا جفوفه
حبيبي يا حسين
........................................
خادم خدمة الحسين
الشاعر
محمد الموالي
يا اللهي الليله هاي الليله
يا اللهي ارزقني بس ابچيله
هيچ واحضر مجلسه
انه والله اتنفسه
يا الهي يا الهي
---------------------
ربي ما اريد بحياتي لا غنى ولا منزله
كون اصير تراب يسحگني اليزور ابكربله
هيچ وانذر عيني تجري وكل دموعي مسبله
رتبة الخادم عظيمه وياهو يگدر يوصله
راسي مرفوع بخدمته وشاني عالي
هوه غير الله بعظمته يگله غالي
ربي وفق دمعتي
علحسين وحسرتي
چفوفي من تلطم حزن تحچيله
يا اللهي ارزقني بس ابچيله
-----------------------
وين ماكو ادموع امشي وعالمجالس من اطب
عطر من الجنه اشمه ونار چنهه من الحرب
اسمع اصوات اليتامى وزينب بوليت غرب
ومنظر شگد ردت اوصفه وما گدرت شگد صعب
علنحر طفله وتصيح شبيك بابا
أگعد البحماك راحت للخرابه
رجلي مچويه بچمر
وعمتي واليهه الشمر
العين حمره ولا علي وتشكيله
يا اللهي ارزقني بس ابچيله
-------------------------
مجلس حسين اليحضره بكل نفس ياخذ أجر
دمعة عيون الموالي اتطفي نيران وجمر
هناك لا تحزن يشيعي ولا تخاف من الگبر
عيونك مغمضهه لكن من تشم ذاك العطر
گول اجاك حسين لو اهلك تعوفك
جاب دمعة عينك ولطمة چفوفك
خلهن بگبرك حرز
بالقيامه ومن تفز
صيح خادم للحسين دخيله
يا اللهي ارزقني بس ابچيله
-----------------------------
بروحي جمره اعلى العقيله وعليتامى وما طفت
لهسه ممصدگ سبوهه وعلهزل زينب مشت
يعني يا عالم رقيه اعلى النحر ماتت ؟ غفت ؟
يا رباب شلون حالچ ويا عبد الله انتهت !
شلون عريس انذبح بالغاضريه
الله لا ينطيهه جسام المنيه
علي الاكبر من وگع
بصدره چم حافر ركع
يا دموع اتطيح وتكفيله
يا اللهي ارزقني بس ابچيله
---------------------------
هوه مو مجلس أشوفه وتنجمع وادم سوى
لا اشوف الزهره هايه وتنطي حاجات ودوى
لهسه عباس وچفوفه وگلبه ضامي وما روى
الا من نبچي اعلى زينب يرجع يشم الهوى
هذا مجلس وابو صالح والله بيه
عجل الله الدمع منه وعليه
يا امامي المنتظر
والله مخنوگه البشر
الحيل انته وياهو يترك حيله
يا اللهي ارزقني بس ابچيله
---------------------------
ربي لا تحرمني منه وكون اظل بخدمته
بالمجالس والمواكب گلبي تنزل دمعته
كل محرم من يجيني انا اعلگ رايته
وانا وصيت بمماتي وهو كلمن ساعته
راية حسين الچفن لازم تصير
حتى ما يوصلني منكر لا نكير
درعي ما توصلني نار
گبري بس جنه وخضار
الدمعه لحسين العذاب تشيله
يا اللهي ارزقني بس ابچيله
كلمات الخادم / رعد الفريجي