7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصيدة رثاء أم البنين ع السلام لحن
دهري ذبني
خادمكم عبدالهادي العريفاوي
--------------------------------------------
ليلة وفاتي وليش ماجاني الحسين
وبرض الطفوف هناك عندي اربع ابنين
صاحت وناحت
ويلادي ماالهم بعد جيه
-------------------------------
وكت المنيه الروح فايض صبرها
شو مااجاها حسين لا رد كمرها
روحي بحزن وبنوح يخلص عمرها
امكم تريد اخبار شابح نظرها
ليلة وفاتي وليش ماجاني الحسين
برض الطفوف هناك عندي اربع ابنين
صاحت ناحت
ويلادي ماالهم بعد جيه
------------------------------------
حل الوداع اليوم موتي لفاني
واتنطر الغياب محد اجاني
للغاضريه شلون محد خذاني
معقوله ابو السجاد راح ونساني
ليلة وفاتي وليش ماجاني الحسين
برض الطفوف هناك عندي اربع ابنين
صاحت ناحت
ويلادي ماالهم بعد جيه
----------------------------
منهو اليودي اخبار للغاضريه
امكم يكلهم هاي بس هالمسيه
هاي الابيوت شلون ظلت خليه
اتمنه بس حسين يرجع اليه
ليلة وفاتي وليش ماجاني الحسين
برض الطفوف هناك عندي اربع ابنين
صاحت ناحت
ويلادي ماالهم بعد جيه
---------------------------------
ننصب عزانه اليوم كوموا يشيعه
ونخبرها عن عباس يم الشريعه
برض الطفوف هناك اعظم فجيعه
ومسبيه لرض الشام حتى الوديعه
ليلة وفاتي وليش ماجاني الحسين
برض الطفوف هناك عندي اربع ابنين
صاحت ناحت
ويلادي ماالهم بعد جيه
-------------------------------
الكم يبعد الروح تتربه العيون
كل يوم اكول اليوم ليه يرجعون
من اذكر العباس يتغير اللون
عبدالله مارد ليش لا جعفر وعون
ليلة وفاتي وليش ماجاني الحسين
برض الطفوف هناك عندي اربع ابنين
صاحت ناحت
ويلادي ماالهم بعد جيه
-------------------------------
بالغاضريه تصيربيها المنايا
وكالوا وكع عباس وبصفه رايه
حتى الأهل للشام راحوا سبايا
وحدي بكيت هنا وهاي النهايه
ليلة وفاتي وليش ماجاني الحسين
برض الطفوف هناك عندي اربع ابنين
صاحت ناحت
ويلادي ماالهم بعد جيه
-----------------------
مو مثل باقي النساء
بيهه تحجي ارض وسماء
ضحت الأجل الحسين
كمر ضاوي بكربلاء ...
......١
خذت بالتضحيه دور البطوله
وهدت اربع ولد كلهم رجوله
واحدهم يسد الشمس طوله
كل هذا وتكول انه خجوله
يمه حسين اعذرني هواي... منك خجلانه اتعذر
كل الاملك ذوله اضناي .... ما ادري بعازت اكثر
لون ادري يا امير
ابعازت الخوه تصير
مثل عباس الكفيل
عشره اخلفلك يخير
.....٢
كبل ام الوفه مسويتهه يا هي
تضحي اربع ولد وادكله ألهي
ابجاه الزهره احلفك موش جاهي
تردلي حسين ابني الطوله راهي
اخذ أبنيني وشوفي ارجاك... ياربي واخذ اسنيني
ولا تفجعني بموته اهناك ... موته اهواي ايأذيني
حسين نبضات الدليل
ابدونه اعيشن مستحيل
ونفترض لو ردت اعيش
حسبت ايام واشيل
......٣
الولد الزهره انطت ألافضليه
على حساب الابدور الهاشميه
جانت كل وكت دعوتهه هيه
كبل حسين تاخذهه المنيه
عمري ابدونه اكضي بالاه ... واكضي بالحسره ولوعه
شيصبر كلبي اليهواه ... ويدري بسحكات اضلوعه
ما أريد اسمع ذبيح
بموت ابو الاكبر اطيح
كون ما تبقالي روح
من ابن حذلم يصيح
......٤
بم الاربعه العالم تباهه
كفوئه ام الكمر حيدر خذاهه
حوت بيت الزجيه واحتواهه
مضرب كل مثل صارت تراهه
مو مرت اب عاشت يا ناس... خدامه ابيت العتره
جانت جلمتهه ام عباس ... وين انه اوين الزهره
قدمت درس السنين
الكل نساء العالمين
بيومهه الاول عروس
وبالهه يم الحسين
.......٥
الله اختارهه ورحمه اختياره
باب الحاجه صارت وبجداره
المهدي بطلعته باجر شعاره
يبني الجدته حضره ومناره
ما بين الكافل وحسين ... والزوار ايزوروهه
كل حاجه اويه ادموع العين ..مقضيه امن ايكصدوهه
عدهه اجابه الكل سؤال
الفاتحه سرهه يُقال
القراهه الهه ابخشوع
تكضي حاجاته الثكال
........
كلمات
موسى الخادم
#جديد
في استشهاد مولاتنا باب الحوائج أم البنين عليها السلام
طور : من گطع اوصالك بسيفه يا علي
ريتك يبو فاضل تجي وتحضر بدفنتها
أمك گضت واعليك چانت والله ونتها
واتنادي آياحسين .. يبني وينور العين
.
راحت ابحسرتها اللي ماتت يوم مقتلكم
والنصبت اگبور اربعه من بعد غيبتكم
الليله گضت يابا الفضل واشگد تمنتكم
ابساعه منيتها تجوها واهي اتودعكم
واحد يغمضها .. وواحد يمددها
.
واحد يمددها وعلى الجبهه يقبِّلها
واحد يغمضها بحنانه ابهيده يحملها
وواحد جنازتها ابدمع عينه يبللها
ايشيعها ويلي وبالگبر هوه الينزلها
اتمنتكم اتجوها .. وانتوا التدفنوها
.
الگضَّت عمرها اعليكم ابدمعتها والعبره
اتشاهدكم الليله بگبرها وتحضر العتره
ويحضرها من عاشت عمرها بخدمته وأمره
واحسين من يحضرها حتماً تحضر الزهره
لكن من اتنظره .. شتشاهد ابنحره !!
.
محتاره اظنها بالگبر وتنعه أظن أكثر
لو شافت المظلوم اجه ويلي بلا منحر
مگطوع راسه امهشمینه صدر ابو الأكبر
وابلايه چفين الگمر وابهامته امطبَّر
من تغفه بالتربان .. تجدد الأحزان
____
تمت ببركات أم البنين عليها السلام
#فاطمة_كريم
٢٠٢٣ م
⬛️◼️القصيدة-3-◼️⬛️
توَسلْ واستجرْ في النائباتِ
بِمَنْ حازت عظيمَ المَكرُماتِ
ومَن تُدعى ببابِ اللهِ فخراً
سمّيةِ فاطمٍ روحِ الحياةِ
هيَ الأمُ الوفيةُ بنتُ خِدرٍ
ووالدةُ البنينَ ذَوي الثباتِ
فهمْ وقفٌ لخدمةِ سبطِ طٰه
سَقتهُم حُبَهُ سقيَ النباتِ
فذكراهمْ ليالٍ أرَقَتها
وسلوتُها خيالُ الذكرياتِ
بقيعُ الحُزنِ يبكي من بُكاها
ولم تسمعْ ملآمَ اللائماتِ
تخاطبُهمْ بشوق ِالأُمِ وَلهىٰ
ألآ هلّآ حضرتمْ في مماتي !!
ألآ ياجعفر ٌ عباسُ عونٌ
وعبدُ اللهِ ياخيرَ الكُماةِ
أحقاً كُلكُمْ في الطفِ قتلى !
عراةً قد بقِيتُم في الفلاةِ !
أحقاً عين ُ عباس ٍ أُصيبَت
وأطفأ نورَها سهمُ البُغاةِ !
وكَفّا جودِهِ قُطِعا بغدرٍ !
وقد حاطُوهُ من كُلِ الجهاتِ !
وأهوى البدرُ مفضوخاً جبيناً
ونام َ مُعّفراً عند الفراتِ!!
وقالوا إنكم لم تخذُلوني
بنُصرةِ خيرِ من وطئَ الحصاةِ
بيومٍ صارَ ناصرُهُ عزيزاً
وقدَمتُم جميلَ التضحياتِ
وراحَ الرأسُ مرفوعاً برمحٍ
وصارَ الجسمُ نهبَ المُرهَفاتِ
حسينٌ بلسمُ الأسقامِ يُشفي
وحبُ السبطِ مطبوعٌ بذاتي
حسينٌ آهِ لإسمك يا حسينٌ
أرددهُ الى حينِ الوفاةِ
سأرحلُ ساعتي والروحُ مني
يلّوعُها أنين ُ الثاكلات ِ
#سمير_الصالحي
#النجف_الأشرف
⚫️ وزن - الحدي
حَسَت منيتهه احضَرت
دموع اعله خدهه تگاطرت
بدفنتهه ويلي تحيرت
لا عمد عدهه ولاتچيه
منوتهه لولاد اتحضَر
أم وگطع بيهه الدهر
بلچن يگصرون السفر
ويلَحِگون اعله الوفيه
يولاد حيدر يازلم
انتو ويَ عباس الشهم
ساعاتي بيكم آنه اهم
وبكل صباح وكل مسيه
بيضتوا وجهي ويه الولي
وهمومي بيكم تنجلي
لفراگكم دمعي يهلي
واليوم حضرتني المنيه
مفجوعه خلّصت العمر
وخلافكم ماظل صبر
سهرانه ليلي وانتظر
عبراتي ودموعي جريه
آه اشكبرهه امصيبتي
أنحب واجر بحسرتي
منهو اليشيل جنازتي
نمتوا عسن نومه هنيه
لمن يوسدوني بلحد
چني أعاين للولد
لا واحد المنكم يرد
والفاتحه يقراهه ليه
#سمير_الصالحي
#النجف_الأشرف
الشاعر الحسيني ظاهر حبيب الهليجي (للسيدة ام البنين ع)
يم البنين بدفترج سجلينه
والفاطمه هل الدفتر اتسلمينه
* * *
سجلينه وحنه بعازة أمن تسجلين
اسمائنا والفخر خدام حسين
يم البنين وطبعج المتقصرين
وبيد أم الحسين السجل تنطبنه
* * *
نطلبها منج وانتي باب المعبود
ونقسم عليج بأبنج الضحه زنود
لخته واخيه تسجلين الموجود
الهاي الخدامه بجاهج توفقينه
* * *
كل دمعه منه يمج تسجليها
ويوم النشور الفاطمه راويها
عدنه يقين الدمعه هاي شبيها
بأمر الله من هول الحشر تحمينه
* * *
خدامج احنه يل وفيه الحره
توصين فاطم لليموت اتحضره
الكلمن خدمها من ينام ابگبره
وبينه علي مولاتي اتوصينه
* * *
يل ماتردين النخه من ينضام
يم البنين ابصايتج هل خدام
رادود شاعر والنعه واللطام
عدنه حوائج وانتي ماتنسينه
يم الاربعه احلفـݘ بعباسݘ
اريدن حاجتي تگضيها يم بابݘ
*******
ياباب الحوئج يانظر عيني
يم عباس اجيتݘ لاترديني
يمݘ حاجتي وانتي تعرفيني
الغيرݘ مارحت گلبي تعنالݘ
يم الاربعه احلفـݘ بعباسݘ
*******
فخر من اذكرݘ مولاتي في شعري
اخدم ولد فاطم گلتي كل عمري
وربݘ عله شانݘ والخلگ تدري
كل صعبه تهون وتسهل گبالݘ
يم الاربعه احلفـݘ بعباسݘ
*******
كل صعبه تهون وتنهي يمݘ
وكل واحد اجاݘ وحلفݘ ببنݘ
خايب مايرد مولاتي من عندݘ
يرد وحاجته مگضيه اله بجالݘ
يم الاربعه احلفـݘ بعباسݘ
*******
اصيله وعد اصيل وتاج فوگ الراس
حرم حامي الحمه ومعروفه بين الناس
صرتي للوفه واهل الوفه نبراس
وعلالݘ ݘـم علم بالعاشر اعلالݘ
يم الاربعه احلفـݘ بعباسݘ
*******
وسيلتنه صبحتي يم البنين
ال اله الكون يالضحيتي لحسين
نتمنه بحشرنه انتي تكونين
شفيعتنه وتغطينه بعباتݘ
يم الاربعه احلفـݘ بعباسݘ
*******
عليݘ بداعت الراحت سبيه
نريدݘ بالحشر النه تݘيه
عمل ماعدنه بس حب الزݘيه
وحبݘ يللي ربنه عله شانݘ
يم الاربعه احلفـݘ بعباسݘ
*******
خادم اهل البيت / ابومحمد العاشور (07810010732)
حي ام الگمر عباس حياها
ربك للحوايج باب خلاها
*******
حي ام البنين الخلفت عباس
صارت للوفه واهل الوفه مقياس
باب الله جعلها اتطرقه كل الناس
تگضي حاجته كلمن تعناها
حي ام الگمر عباس حياها
*******
الدگ باب الوفيه صافيه نيته
كل الطالبه ام عباس ناطيته
تگضيها اله والفرحه غاطيته
ال على الفطره السليمه يحجي وياها
حي ام الگمر عباس حياها
*******
حرم حامي الحمه والأصل بدويه
وجيهه ويم اله الكون مرضيه
الگصدها حاجته ابذن الله مكضيه
كرامه الها النعبده بحكمته انطاها
حي ام الگمر عباس حياها
*******
منازل نور الها كلش هوايه
ضحت للغريب الماشرب مايه
بعباس الغضنفر صاحب الرايه
وثلاثه إخوته قطعة جلاها
حي ام الگمر عباس حياها
*******
باب الله الجبير ام الوفه صارت
لاصحاب الحوايج للمله بانت
نطاها الله التريده مثل مارادت
مثل ذكر الزجيه صار ذكراها
حي ام الگمر عباس حياها
*******
خن ننخه الوفيه ام الميامين
ونحلفها بگمر هاشم والحسين
بالمحشر شفيعه النه تكونين
حاشاها تقصر لو نخيناها
حي ام الگمر عباس حياها
*******
خادم اهل البيت / ابومحمد العاشور (07810010732)
يم الاربعه الله يعينݘ
وكت الموت ماحضروا بنينݘ
******
يم الاربعه محنتݘ محنه
ما حضروا الݘ اهل المحنه
او وناتݘ عليهم غدت حنه
والهم زاد ياحره حنينݘ يم الاربعه الله يعينݘ
******
منج والنعم يا ام البنين
الله اختارݘ السيد الوصيين
ربيتي ضناݘ بحي الحسين
وضحوا بالعمر فدوه لحسينݘ يم الاربعه الله يعينݘ
******
تنتظرين يالحره يجيونݘ
گمر هاشم واخوته يودعونݘ
وتتمنين هما اليشيعونݘ
اذا خلصت يمولاتي سنينݘ يم الاربعه الله يعينݘ
******
وفاتݘ يالعفيفه اعظم مصيبه
عليݘ المحب مابطل نحيبه
تظل دمعاته عالوجنه سجيبه
الوفه منݘ تعلمت محبينݘ يم الاربعه الله يعينݘ
******
نصبنالݘ عزه بهايه المسيه
اويانه اتحضر امنه الزݘيه
تشاركنه بالعزه بدمعه جريه
تنوح نشوفها بليلة رحيلݘ يم الاربعه الله يعينݘ
******
وبالمجلس بجي يحضر وعدنه
لكن منحجب منشوفه احنه
وعلى ام عباس يلطم لولطمنه
وينادي اخذ الثار وماي عينݘ يم الاربعه الله يعينݘ
******
خادم اهل البيت / ابومحمد العاشور(07810010732)
ولد ام الوفه من نزلوا الحومه
خلوا بالمعاره الگوم مهزومه
****
ولد ام الوفه من طبوا الساحه
صار بجيش اميه صياح ونياحه
من ضرباتهم ماشافوا الراحه
غرگوا عسكر العدوان بدمومه
ولد ام الوفه من نزلوا الحومه
****
ضربات الگمر وإخوانه جتاله
رجّاله اشردت منهم وخياله
واحدهم طريق المفر ماناله
والتيه طريق المفر لتلومه
ولد ام الوفه من نزلوا الحومه
****
لتلوم الشرد والتيه الشرده
أمن الخوفه تراه منمرد جبده
ياهو اليوكف لعباس ويرده
وإخوانه الابطال وبانت علومه
ولد ام الوفه من نزلوا الحومه
****
شبول المرتضى هدوا على العدوان
داسوا عالجماجم هجت الفرسان
الشرد منهم شرد والطاح عالتربان
وجن الطف هذاك اليوم مهيومه
ولد ام الوفه من نزلوا الحومه
****
اتحزموا بالوفه الامهم الوفايه
لجل ابن الرسول الماشرب مايه
ثبتوا للوفه يم النهر رايه
بدم الاربعه موقعه مختومه
ولد ام الوفه من نزلوا الحومه
****
منهم والنعم ذوله الميامين
ضحوا بالدمه لسيدهم حسين
صاروا مدرسه لكل الموالين
علمتنه الوفه ومعناة مفهومه
ولد ام الوفه من نزلوا الحومه
****
خادم أهل البيت /ابومحمد العاشور (07810010732(
تبقـين تـاج اعـالراس
يأُم الوفه وام عباس
ضحيتي ولدج لحسين بمنزلته زين تعرفين
يأُم الوفه وام عباس
****
يأُم الـوفـه يالمـاكـوا مـثلـج موجود
انـتي الـجـزيتي بـالـوفـه كـل حـدود
من جودج اصبح يرتوي بحر الجود
وبالطف بنينج للـحـشر تبـقه شـهود
ثبتوا بالطف ثايه والهم ترفرف رايه
تبقه وعلي اليوم الدين بمنزلته زين تعرفين
****
لمن دخلتي لدار داحي البيبان
جيت انا اخدم ولد سيد الاكوان
گلتيهه وانتي عالمه بهذا الشان
اولاد فـاطـم حـجـة اللـه الـمـنان
وشكثر بيهم اسرار ولد الرسول الاطهار
حسين وحسن گرة العين بمنزلته زين تعرفين
****
والنعم منج يا ام راعي الجفـين
ربيتي ولدج كلهم بحـب حسين
انتـي وبنيـنج بالوفه مـعـروفين
ضحيتوا كلشي خالص لوجه الدين
گلتوا العمر فدوه يروح للدمه بالطف مسفوح
واهله وانصاره السبعين بمنزلته زين تعرفين
****
كحيله وعفيفه وبيج حيدر ادره
حبيتي بيـت ال النبي اعللفطره
اختـارݘ اله زوجـه يبنـت الحره
ودخلتي بيته يالخـدمـتي العـتره
وهناك ماينسونج بالمحشر يشفعولج
سفن النجاة الطيبين بمنزلته زين تعرفين
****
بطف كربله قدمتي ياحره اقمار
ضحوا عمرهم فدوه لبن الكرار
وسالم يردلج ردتي سبط المختار
مـاحـسبيتي الـدهـر بـيـهم يـنـدار
يبقون فوگ التربان ومسبيه تمشي النسوان
هلي الدمع من العين بمنزلته زين تعرفين
****
ومن ترد زينب بالضعن مهضومه
تـرحيـلهه تنـشدينـهه شنهي علومه
وعن ولدج اسووا ابارض الحومه
وتبـجـن سوه وارواحجن مهمومه
يحسين انتي تنادين وصرختهه يابو الجفين
كلهم مشوا وي البين بمنزلته زين تعرفين
****
خادم اهل البيت / ابومحمد العاشور
انتي ام الوفه يا ام البنين
بالطف اربعه قدمتي لحسين
*
يم عباس انتي تاج راسي
بلسم للجرح يااغله ناسي
اشمج بالهوه اليدخل انفاسي
سلام الله عليج ام الميامين
*
مثل صرتي ابوفائج ياعظيمه
ال النبي صرتي انتي خيمه
ابفضلهم جنتي مولاتي عليمه
والله اخـــــــــتارهم وبهاي تدرين
*
اسمج فاطمه مثل الزجيه
كلتي للوصي حامي الحميه
اريدك بسمي لاتنادي عليه
وتذكرهم بامهم حسن وحسين
*
وبن حذلم ياحره من سمعتيه
ابو اليمه عدل طمني اعليه
ونسيتي الاربعه لمن سألتيه
وعلى المظلوم نزلت دمعة العين
*
تلكيتي العقيله ابدمع سجاب
اوعزه اوياها نصبتي الكل الاطياب
عليها اه وعليج اعظم مصاب
مصاب بن الوصي وبن النبيين
*
دفنتج ردتي حاضرها ابوالغيره
وينزلج للكبر وسط الحفيره
اشيجيبه امن النهر بدر العشيره
وهو ابليه عين اوماله ايدين
*
يا ام البدور انتي الوسيله
انتوسل بيج للله يل النبيله
الحشدنه اليوم بسمج نندعيله
ابنصر والجيشنه اعله الباعو الدين
*
((نسأ لكم الدعاء))
خادم اهل البيت
ابومحمد العاشور
اليوم رجعت امك المولاها
كوم يبن المرتضى اتلگاها
******
اليوم ام عباس وام الاربعه
عافت الدنيه ولربها راجعه
ماتت وبالخلگ حلت فاجعه
وناحت اعليهه الارض وسماها كوم يبن المرتضى اتلگاها
******
ابآخر انفاس وتمــــنتك تجي
تحضرلها تريد وياك اتحجي
والنــعم منك تگلك يالـــوفي
لكن بسرعه الاجـــــــل وافاها كوم يبن المرتضى اتلگاها
******
هايه ام الكـــــمر ماالها مثيل
اختريت الحيدره حماي الدخيل
اربعه اتخــــلف او ولهم كفيل
حزام ظهر بن النـــــبي مولاها كوم يبن المرتضى اتلگاها
******
عالمه جانت وبيِّن هـــــالامر
تعرف حسين واخيه والطهر
گالت اخدمهم انه كـــل العمر
وربك لهذا الســـبب عــــلاها كوم يبن المرتضى اتلگاها
******
رحلت اليـــــوم النجيبه ام الوفاء
يالله ياشيعة علي انصبوا العزاء
واحيوا هالليله بحزنكم والبـــكاء
يفوزمـــــن ابدمــــــعته واساها كوم يبن المرتضى اتلگاها
******
مجلس ام عباس واجب نحضره
ونرفع اليـــــــوم التعازي الحيدره
ول أبنها البطـل سبـع الكنـــــــــطره
ونصرخ امــــــك ابد ماننـــــساها كوم يبن المرتضى اتلگاها
******
خادم اهل البيت / ابومحمد العاشور
يالحـــاجتك مـــا تنكَضي
أم البنيـــــن أنخــــــاها
**
لكــــل وآحد يهــد الألــــم حيــلة
ومينــام من كثـــر القــهر ليـــلة
موكـل شخص بالنـاس تمشيــلة؟
يُفــرَح أكــو لــو دمَـعك تسيــــلة؟
كَدام كل أهل الأرض بــأم البنــين اتبــــاها
**
انخـــاها يامـن كثرت همـــومك
أحــزان كَلبــك تنتــهي بيــومــك
المــا يعتقد والجـــاهل يلومــــك؟
شمـــرهم مثلما تشمــر هدومــك؟
تتمنــه تطلب حــاجتك تتنَطَــــرك تلكَــــاها
**
صفيـــها نيتـــك وأعتقــد بيــها
كــل الحوائـــج ألـــــك تكَضيــها
شتـــريد هيـــه البـــاري ينطيها
چـــي وآفــت الزهــــرة يوافيـها
عتـــرة محمــد للحشــر نحيـــه ونموت عليها
**
لا تستحـــي وإيـــــاك تتـــــردد
لــوچنـــت بالمــــريخ أو ابـــعد
حاجـــات كَضَـــت والله ما تنـعد
للـــي يحب حســـين تنطي ازيد
هـــذي كرامات شكـثر سبحـــانهَ الله أنطـــاها
**
نصــرت حسين بأغلى ما عدها
تكَضـــي الكــلايف الله رايــــدها
لو ردت تنخـــه انخــاها وحدها
عدهـــــا مــواقف محــد يعــدها
يالأيَــست من دنيــتك اتخَيِبَــــك حاشـــــاها
**
عدهــــا الحســـين يعــادل الدنية
انطت ولِدهـــا وتستحــي شــوية
عنــد الله وأهـــل البيــت مرضـية
ما عدهــــا عطلـــة تنطــي يومية
أصعب مرض يشفه أله البالمنذبــح وآسـاها
**
هــــاي المكـــانه من الله والرفــعة
الينخـــاها لو سابع سِمــهَ اتسمعة
واليلـــطم تشـــوفه ويهـــل دمـــعة
هيهـــات خـــايب فاطمــة ترجـــعة
انطت ولِدها الأربــعة ورب العرش وآفاها
**
أم البنيـــــن تحــــب مجالسنـــــه
لكــــل المــــواكب تجــــي تتمـــنه
هـــذا العــــزاء يدَخــــلك الجــــنه
أنخــــاها بـس من كَلـــبك اتعـــنه
ما ترد وآحــد لو دَعـه أم الكَمـــــر حيـــاها
**
بيـــها أطمَـِـن يالخــابت ظنـــونك
جربهـــا وأنت تشـــوف بعيـــونك
بعض الهمــــج خلـــهم يلومــونك
إحذرهــــم وبـــــالك يغيــــــرونك
هاي العقـــول التــالفهَ المفروض نتحـاشاها؟
**
حيدر حسين الكَرعاوي
ام البنين :
كرب موتي و خفت صوتي
وانا انعى على احسيني
----------
عشره ونتهت وي حزني ولامي
وخلص كلشي چفني صار الي حزامي
ورتاحي بعد يا عيني ونامي
وفرحانه اروح بشوفة الضامي
ما نشفت دموعي للبقه دامي
عشت بالويل - دموع اسيل
بني حسين حاجيني
وانا انعى على حسيني
----------
انا ام البنين وحزني عاش وياي
لوعه وبالكلب جمره بكبر بلواي
على الغالي حسين ولاخلص مبچاي
وذكره لو عطش كلبي ويريد الماي
وكرب مني الاجل ووليدي اريده بهاي
يحفر كبري - ويشوف امري
وبيده. يوسد ايديني
وانا انعى على حسيني
----------
انه ام البنين بحزني اتلوه
عشكت النوح والدمعه الي سلوه
مصاب حسين اخذ حيلي وعلل سوه
و ليل انهار ابجيله وعشت كوه
فرحانه ودنه موتي اموت اشوه
افرح العين - تشوف احسين
واواسيها وتواسيني
وانا انعى على حسيني
----------
اني ام البنين وخلصت اسنيني
وراح الحيل كف مني نضر عيني
ردت عباس من أكبر يـباريني
احبه اهواي ظخر دنياي يدريني
ييمه افرح من اسمع يحاجيني
فكد عباس - يشيب الراس
وكلبي ضل يأذيني
وانا انعى على حسيني
كلمات
احمد السالمي :
----------
ابوذيات
١٠٧٠- عتاب ام البنين (ع)
بعـد ماخيّط اجـروحي وشلها
عله اللي دمعة عيونـي وشلها
الگمر ماگال اجي لامي وشلها
اعذره اعله النهــر طايح رميه
✍ فراس المحمداوي
١٠٧١- وفاة السيدة ام البنين (ع)
١٣ جمادي الآخرة ٦٤ هـ
النواعــي والنوايــــح ما تملها
وبفــــرگاك الغوالي مات املها
وجوب الليله ننصب ماتم الها
وانقدم لبو فــــــــــاضل عزيه
✍ فراس المحمداوي
قصيدة نززله الى ام البنين ع السلام
خادمكم عبدالهادي العريفاوي
------------------------‐
خدامج احنه وللابد يم البنين الأربعه
نلبس سواد بكل حزن وترفرف الرايات
لم البنين الفاضله والقاضيه الحاجات
مانتعب احنه من اللطم لا والله لا هيهات
رادود يقره المستهل هالليله وافاها الأجل للشارع الموكب نزل
ليلة وفاة أم الكمر للشيعه اعظم فاجعه
--------------------------------
اعله السجه تتنطر بكت محد وصل ليها
ماجاها الحسين وحضر للفاجعه البيها
ولايمها عباس الكمر ويمدد ايديها
ظلت تصد اعله الدرب تسأل عله اوضاع الحرب عالجثه ملتمه الغرب
وتدريبه بو فاظل وكع ياويلي صوب المشرعه
------------------------------
محد وصل ليها وأجه ويشيل الاجنازه
ياعازة اولادي صفت بالنايبه عازه
كلمن وكف ضد النبي بفعاله يتجازه
يوم الحشر خل يستعد وعن رحمة الله مبتعد ياويلي من اهل الحقد
من ارفع جفوف الدعه لصوب السماء السابعه
--------------------------------------
اذكر مصايب كربله وتتهيج احزاني
اللعنه عالاول بعد واللعنه عالثاني
واللعنه حد يوم الحشر مايوكف لساني
من يوكف بيوم الحشر ياويلي من أهل الكفر وشينطي للباري العذر
والزمره هاي الخائنه يأتيها يوم الواقعه
---------------------------------
مارحتي ليش لكربله يم الميامين
يامحله كعدتكم سوه وكبال الحسين
برض المدينه بحجرتج وحدج تظلين
للديره شو محد نزل ماظل بعد عندج أمل لمن كرب منها الأجل
بنهج الرسول المصطفى الشيعه الكم طائعه
-------------------------------------
ياشيعه خل ننصب عزه ونلطم عله الاصدور
اعله ام البنين الفاظله الطيبه ام الابدور
لاوصلت لطف كربله ولا راحت اتزور
اعله المشرعه ننصب عزه والشيعه هيه الفائزه والوعد ربك انجزه
ينهج الرسول المصطفى الشيعه الكم طائعه
سؤال سؤال ... ياهو الدفن ام الكمر
سؤال سؤال ... ياهو الكبر بيده حفر
سؤال سؤال ... ابحاجة الاجابه يابشر
........١
من النفس منهه انكطع ... ياهو الجنازتهه رفع
واعليهه بدموعه وكع ... ام البنين الاربعه
من عدهه باكت كربله ... اهل المضايف والهله
محد بقى التشكي اله ... بعد المشه للمشرعه
عاشت ابحسرة فكد الاحباب
كضت عمرهه ابلوعه وامصاب
طشت حلمهه فوك الاتراب
والعين ما شالت من الباب
تشوف تشوف ... رادت ولدهه بلا دمه
تشوف تشوف ... كل التحبهم فاطمه
تشوف تشوف ... حسين ما محني الظهر
.......٢
ذبلهه يا ناس السهر .... ام البنين ام الكمر
ماتت بواجي اعله النحر ... ذاك التكطع بالذبح
ليل وصبح تجري الدمع ... لحسين مسحوك الضلع ... صرخة بجيهه تنسمع ... عالعلكو راسه برمح
علتهه جانت ذبحت حسين
موش الجفوف وفكد الابنين
جانت ابهمه تحجي كل حين
فدوه الولد لبن الميامين
حسين حسين ... صيحتهه جانت كل وكت
حسين حسين ... فدوه النظر عينك رحت
حسين حسين .. كل ولدي يفدونك نحر
.....٣
كبور الولدهه شيَّدت .... ورجعتهم أله ما رجت
بس تنطر حسين اكعدت ... وتدري أله ما يرجع بعد
يمهم تروح امن الصبح ... تكعد تون ونت ذبح
وتسولف اسوالف جرح ... عل بلسهم جبده انمرد
اترش الاكبور بطاسة الماي
وادكلهم اترو يعيناي
يايمه كومو كومو وياي
زينب بعدكم فكدت الراي
حرام حرام ... ما واحد المنكم يرد
حرام حرام .... اوجوهم ضمهه اللحد
حرام حرام .... ام الخدر شبعت قهر
........٤
ابعازت ولدهه الاربعه .. ماتت الجانت مشرعه
بيد الغرب متودعه ... هاي المصيبه ياخلك
الكمر مصيوب بسهم.... معذور من رفع العلم
جفه انكطع راسه انهشم ... وكلبه على الماي احترك
ما حاضر ابدفنتهه عباس
جفينه مكطوعات يا ناس
وبغدر صابه العمد بالراس
عالمشرعه مخنوكه الانفاس
وكع وكع .... من مهره هوه وجربته
وكع وكع .... ابعيده عنه يمنته
وكع وكع .... والرايه ضلت عالنهر
......٥
زين الاعباد ابلوعته ... شيعهه تجري دمعته
ما تسر ناظر حالته .... جانت امشاركته الحزن
بالكوه نزلهه الكبر .... شاهد علي ذاك الظهر ...
لو بيده ينطيهه العمر .... يمهه كعد يبجي ويون
اتذكر سوالفهه اعله الاحنان
وصيحتهه مات حسين عطشان
تتمنى جانت كمر عدنان
ايشيعهه ويصيرلهه دفان
نعش نعش .... ام البنين الطاهره
نعش نعش .... اعليهه السماء امكدره
نعش نعش .... ما شالته اجفوف الكمر
.......
كلمات
موسى الخادم
⬛️🔳القصيدة-4-🔳⬛️
عَمِيَت على فقدِ الحسينِ عيوني
وتقَرّحَت بعدَ المُصابِ جفوني
والحُزنُ في قلبي كنارٍ سُعّرت
لا شُغل َ لي إلآ رثآءَ بنيني
ولقد أتىٰ ناعي المصابِ لطيبةٍ
ينعىٰ الحسينَ بعبرة ٍ وأنين ِ
فسألتُهُ يابشرُ أينَ أحبتي!
هل منهُم ُ أحدٌ تُرىٰ يأتيني!
أينَ ابنُ فاطمةٍ حبيبُ محمدٍ
أينَ الشبابُ ! فكلُهُم تركوني
قالَ اندبي سبط َالرسولِ وإخوةً
كانوا لـهُ سنداً حُماةَ الدين ِ
والشهمُ عباسٌ قضىٰ من ضربةٍ
بعمودِ غدرٍ بعدَ قطعِ يمينِ
فبقيتُ من هذا المصابِ بنكبةٍ
وبِلَوعة ٍ حتىٰ انقضآءِ سنيني
عندَ البقيعِ أنوحُهُم في حرقةٍ
والذكرياتُ مع البكا تؤذيني
ومَنيتي حلّت بغيرِ أحبتي
قد هاجَ حينَ الإحتضار ِحنيني
آه ٍ علىٰ فقدِ الكرامِ وهذهِ
نار ُ الأسىٰ بفراقِهِم تكويني
ياليتَهُم عادُوا لطيبةَ كلُهُم
ياليتَ وقتَ منيتي حضروني
#سمير_الصالحي
#النجف_الأشرف
🏴 عن لسان مولاتنا الطاهرة أم البنين ع .. وهي في ساعات الرحيل الأخيرة ..
لفاني الموت وآنه بعمر ستين
وخلّصت العمر أندب بالبنين
معروفه الوِلِد لو أمهم تموت
يحضروهه وعليها الكل محزنين
حسافه بلايه ولدي بحيره ظليت
وانه عليهم ليالي شابعه ونين
گضيت ايامي ألطم واخمش خدود
وبحسراتي اجرن واصفچ ايدين
يسموني الخلگ باسم ام البنين
اوبنيني ياخلگ صاروا بعيدين
هيچ يعوفني عباس ويروح!
بس معذور چي مگطوع الايدين
أنه الربيتهم واتعبت برباي
نذر يرحون كلهم فدوه لحسين
منيتي گرُبَت واتمنه هالساع
يجوني يوادعوني ريت هالحين
وترد ظعونهم من گبل مااموت
واشوفنهم گبل ما تغمض العين
شيفيد العتب عل گشعوا بليل
وخلوني التفت ليساري ويمين
منهم أيست واگطعت رجواي
واگول احا يدهري وعملة البين
🏴 أبوذية
إلي چانوا اصبيّ العين ويداي
نحت والأرض كلهه اسمعت ويداي
لبنيني الاربعه وحسين ويداي
يحضروني بعجل وكت المنيه
#سمير_الصالحي
#النجف_الأشرف
.⬛️◼️القصيدة-2-◼️⬛️
لم أنسَ توديعَهُم والرَكبُ مُرتحِل ُ
نحوَ الطُفوفِ ودمعُ العينِ مُنهمل ُ
أحسَستُ ساعَتهَا رُِزءَاً يُلاحِقُني
والقلبُ مُعتصِرٌ ينتابُهُ الوَجل ُ
وحلّ ماخِفتُ مُذ غابَت ظعونُهُمُ
عن ناظرِي حينَما في كربلا نَزلوا
وصارَ ما صارَ من جَورٍ بعَسكرِهِم
وكانَ ماكانَ والأبناءُ قد قُتِلوا
وقصَّ لي بشرُ أوجاعاً تؤرقُني
مِنها رؤوسَهُمُ أعداؤهُم حَملوا
وقد بقيتُ أُعاني من فِراقِهمُ
وهكذا الحالُ حتى جآءَني الأجل ُ
ذكرى بَني ّبعيني لا تُفارقُني
أمٌ أنا بعدَهُم لم يبقَ لي أمل ُ
عندَ الصباحاتِ أنعىٰ ثمَّ أندُبُهُم
وفي المَساءاتِ أدعُو علّهُم يَصِلوا
هذي حياتي انقضَتْ نَوحاً وفي كدَرٍ
ونكبةُ السِبط خَطبٌ فادحٌ جَلل ُ
أما الفؤادُ عليهِم ظلَّ مُنفَطِراً
والروحُ بالنارِ والآهاتِ تَشتعل ُ
#سمير_الصالحي
#النجف_الأشرف
🏴وكأني بها بلسان الحال حين
حضرت عندها المنية ، تقول يمه :
متنطره بلچن تـردون
ومن البواچي عميه لعيون
تمنيت يولادي تحضرون
وكت المنية وبيه تدرون
حزمة زلم ويه اليشيعـون
واعله الجنازه دموم تبچون
والدفن بيديكم تدفنون
تراب اللحد كلكم تهيلون
أيست منكم ما ترجعون
وسفه تخلوني و ترحلون
وللموت گبلي شلون تمشون
#سمير_الصالحي
#النجف_الأشرف
السيده ام البنين ع
جديد
الشاعر الحسيني ظاهر حبيب الهليجي (للسيدة ام البنين ع)
أرسل كلامي لحسين أمامي
من المدينه للطف هيامي
*
أنه ام البنين العايشه بحسره
عله شوفك ييمه ودمعتي حمره
الك يحسين احنن وانت بي ادره
انه امك مثل مـا امـك الزهـره
فدوه بنيني وعمري وسنيني
لجلك ييمه يلهب حنيني
*
انت الي اشوفك جنه بعيوني
من يوم الرحت ما هادت اظنوني
من كثر البواجي ذابت اجفوني
عن لابيك خوفي لايفجعوني
يلهب غليلي عن لايجيلي
طارش يگلي ويفجع دليلي
*
مو لولادي هذا المدمع وانحب
ذبل عودي ييمه والظهر حدب
من خوفي انه اليوميه اتعذب
عليك امنل بواشط خاف تتصوب
اتمنه نحري يوليدي يجري
وانت بسلامه ماريده عمري
*
فداك الاربعه البل طف يبوالاكبر
ويمن فدوه الك عمري وبعد اكثر
تعال أعيوني مشتاگه بعد مگدر
وحگك ياضوه عيوني دليلي انطر
مشتاگه يبني فگدك ذبحني
رد الديارك هذا اليهمني
*
عله الدنيا العفه أمن تروح ما ترجع
وأدع الله اموت ولاخبر اسمع
عنك من تجي اخبار عل المصرع
يصبر ايوب لأم الأربع تفـزع
فدوه اربعتهم يوليدي وامهم
غانم يريتك ماهم خبرهم
اويلاه يم الگمر اويلاه يم الگمر
*******
ايام عمرݘ خلصت اويلاه يم الگمر
وروحݘ الباريها ارجعت اويلاه يم الگمر
والخلگ محزونه بقت اويلاه يم الگمر
بثوب السواد اتوشحت اويلاه يم الگمر
وشيعتج ياحره بݘت اويلاه يم الگمر
ودموعها عالخد جرت اويلاه يم الگمر
والدمع مثل الدم حمر اويلاه يم الگمر اويلاه يم الگمر
*******
حصلتي احسن منزله اويلاه يم الگمر
بخدمتݘ لسياد المله اويلاه يم الگمر
صيتݘ يبدويه عله اويلاه يم الگمر
بحبݘ لبن عقد الوله اويلاه يم الگمر
حسين الذبيح بكربله اويلاه يم الگمر
الضحيتي كل ولدݘ اله اويلاه يم الگمر
الوگعوا على شاطي النهر اويلاه يم الگمر اويلاه يم الگمر
*******
مرضعݘ طيب مرضعه اويلاه يم الگمر
يم البنين الاربعه اويلاه يم الگمر
انوارݘ علينه ساطعه اويلاه يم الگمر
شانݘ الخالق رافعه اويلاه يم الگمر
عالوفه دوم مربعه اويلاه يم الگمر
والوفه انتي منبعه اويلاه يم الگمر
معروفه عد كل البشر اويلاه يم الگمر اويلاه يم الگمر
*******
بنفسݘ يمولاتي امل اويلاه يم الگمر
تمنيتي ولدݘ بالاجل اويلاه يم الگمر
يحضرون يمج بالعجل اويلاه يم الگمر
وعينݘ تدور الهم تظل اويلاه يم الگمر
يلفولݘ اولاد الفحل اويلاه يم الگمر
وكت المنيه اوي الاهل اويلاه يم الگمر
لكن ولا واحد حضر اويلاه يم الگمر اويلاه يم الگمر
*******
انتي مره ونعم المره اويلاه يم الگمر
اختارج الباري الحيدره اويلاه يم الگمر
تبقين تاج ومفخره اويلاه يم الگمر
والدة سبع الگنطره اويلاه يم الگمر
وهالاسم هذا شمكبره اويلاه يم الگمر
للفاهم احݘي ياورى اويلاه يم الگمر
اصحاب البصيره والبصر اويلاه يم الگمر
*******
ياحرم حماي الحمه اويلاه يم الگمر
لحسين صرتي خادمه اويلاه يم الگمر
للوفه صوره راسمه اويلاه يم الگمر
واسيتي امه فاطمه اويلاه يم الگمر
الوالاݘ نال الغانمه اويلاه يم الگمر
يشفعله رب المرحمه اويلاه يم الگمر
ونشوفه بالجنه ظفر اويلاه يم الگمر اويلاه يم الگمر
*******
خادم اهل البيت / ابومحمد العاشور (07810010732)
يمه عبــــاس تمنيـــتك تجيني
ابساعة الموت تشوفك ريت عيني يمه عباس
*******
ابنادم بساعة منــيته يريد ولده
بلحظة التـــــــوديع كلهم كون عنده
وهما اليجهزونه وينزلونه لحده
لان بس هل اللحظه يبقه النوب وحده
ايا يــبو الجود اناديـــك انه امك
اودعـك اليوم وشبع شوف منك يمه عباس
*******
يانظر عيني يبو فاضل ييمه
هموم هجرانك يغالي اعليه لمه
ليش غايب ياكمر دنياي ظلمه
من كبل ماروح اسمع مني كلمه
لبني الحسين تحياتي وسلامي
يوم الحســـاب يخلصني امامي يمه عباس
*******
هذا عزائيل اجه يريد الامانه
ياخذ الروح ويظل جسمي ابمكانه
بالكبر اصبح واصيرن باجر انه
يالهي رحـــــــــمتك يامن ترانه
اصرخ بصوت يبو الرحمه الجبيره
عفـــوك نريد بحق صاحب الغيره يمه عباس
*******
شكد تمنيتك تجي اتسكت ونيني
وتكعد حذاي وتسد بيديك عيني
يابدر ابعث الك شــــوكي وحنيني
ودري ياغــــالي صعب كلش تجيني
مرمي عالكاع يم شاطي الشــريعه
سايله دمــاك جفيــــــنك كطــيعه يمه عباس
*******
ماتظل يوم الحشر عندي وسيله
غير ابوحسين ونبي الله وخليله
ابوكت الحساب اكــول انه دخليه
عند ابواتـــراب واحلفه بالعقيله
اقسم اعليك علي ابت الزجيه
تــشفع هناك الي بحـــق السبيه يمه عباس
*******
التقي ويــــــاك باذن الله ونبيه
بالحشر والجنه نـــدخلها سويه
ويه ولاد الوصــي حامي الحميه
ونلكه الحسيــــــن واخيته والزجيه
وكل الاملاك ترحب اهناك بينه
وبني الحسـين يجي يسـلم علينه يمه عباس
*******
خادم اهل البيت / ابومحمد العاشور
يمه عبــــاس تمنيـــتك تجيني
ابساعة الموت تشوفك ريت عيني يمه عباس
*******
ابنادم بساعة منــيته يريد ولده
بلحظة التـــــــوديع كلهم كون عنده
وهما اليجهزونه وينزلونه لحده
لان بس هل اللحظه يبقه النوب وحده
ايا يــبو الجود اناديـــك انه امك
اودعـك اليوم وشبع شوف منك يمه عباس
*******
يانظر عيني يبو فاضل ييمه
هموم هجرانك يغالي اعليه لمه
ليش غايب ياكمر دنياي ظلمه
من كبل ماروح اسمع مني كلمه
لبني الحسين تحياتي وسلامي
يوم الحســـاب يخلصني امامي يمه عباس
*******
هذا عزائيل اجه يريد الامانه
ياخذ الروح ويظل جسمي ابمكانه
بالكبر اصبح واصيرن باجر انه
يالهي رحـــــــــمتك يامن ترانه
اصرخ بصوت يبو الرحمه الجبيره
عفـــوك نريد بحق صاحب الغيره يمه عباس
*******
شكد تمنيتك تجي اتسكت ونيني
وتكعد حذاي وتسد بيديك عيني
يابدر ابعث الك شــــوكي وحنيني
ودري ياغــــالي صعب كلش تجيني
مرمي عالكاع يم شاطي الشــريعه
سايله دمــاك جفيــــــنك كطــيعه يمه عباس
*******
ماتظل يوم الحشر عندي وسيله
غير ابوحسين ونبي الله وخليله
ابوكت الحساب اكــول انه دخليه
عند ابواتـــراب واحلفه بالعقيله
اقسم اعليك علي ابت الزجيه
تــشفع هناك الي بحـــق السبيه يمه عباس
*******
التقي ويــــــاك باذن الله ونبيه
بالحشر والجنه نـــدخلها سويه
ويه ولاد الوصــي حامي الحميه
ونلكه الحسيــــــن واخيته والزجيه
وكل الاملاك ترحب اهناك بينه
وبني الحسـين يجي يسـلم علينه يمه عباس
*******
خادم اهل البيت / ابومحمد العاشور
يل عندك حوائج گد الجبال
ورايد يالمحب تنگضي بالحال
گوم اركع ركعتين بثواب الخدمت حسين
الك تگضيها ام عباس بالحال
*****
يل عندك حوائج كلش هواي
وماعندك فكر باقي ولا راي
سهله وداعتك لتفكر بهاي
انخه الناحت اعلل ماشرب ماي
القدمت اربع اقمار فدوه لبن الاطهار
ام حامي الميادين بثواب الخدمت حسين
*****
ربنه هواي منطيها كرامات
النخاها بضيج لا مترده هيهات
تگضي حاجته اوواضحه الآيات
شگد للناس خلصت يمها حاجات
مايحتاج توضيح كل الوادم تصيح
دخليج يم البنين بثواب الخدمت حسين
*****
باب الله اصبحت امك يعباس
نشوف بكل وكت تدعيها هالناس
الدعاها ماتخيبه عنده احساس
فخر هاي المره وتاج اعله كل راس
ايه ولدت آيات وحگ رب السموات
وقدمتهم قرابين بثواب الخدمت حسين
*****
نقصر بالشعر من نحجي عنها
هاي ام الوفه الطاهر لبنها
تعلمنه الوفه ومعناه منها
يكفيها فخر عباس ابنها
وصته اوي اخوته گبل حسين موته
ابن سيد النبيين بثواب الخدمت حسين
******
بدويه واصيله وعاليه الشان
ولدتها الفحول الكلها شجعان
تگول انعم علي ربي المنان
خلاني بمجان ونعم المجان
حرم حامي الحميه اظل حد المنيه
واخدم گرة العين بثواب الخدمت حسين
******
منغالي وعلي بهاذا حجينه
نقره الفاتحه الها لونوينه
نعمل كل عمل يسهل علينه
واضح كالشمس ومجربينه
حجينه عن تجارب تحل كل المصاعب
شاهدها الموالين بثواب الخدمت حسين
******
خادم اهل البيت /ابومحمد العاشور( 07810010732)
من يكثر هم دنياي انخاها ام الوفاي
تفرجها ام العباس
رحمه الله مخليها ال كلمن يگصد ليها
مترده ام العباس
******
من يكثر هم دنياك وكلشي يضيگ بعيناك دگ باب الوفايه
الضحت باربع اقمار والدهم حامي الجار والطف شاهد هايه
طاحوا گبل المظلوم وخلدوا وياه للدوم وعدهم هايه الغايه
وصتهم بي امهم حسين يظل سيدهم ويسيرون برايه
امهم ويطيعوها وعالراس يخلوها
سر الخالق بيها رحمه الله مخليها
******
ام الكافل هيه يسموها البدويه باب الحاجات الناس
الرايد منها مراده يحصل منها الراده متقصر ام عباس
اتخلص حاجات اكثار اباذن الله الغفار تاج تظل اعلل راس
ماخاب الينخاها فايز من والاها وبالوادم ماتنقاس
يرد من عدها البيته والفرحه مغطيته
كلمة حق احجيها رحمه الله مخليها
******
خلفت اربع شجعان قدمتهم للعطشان قربه لامه الزهره
خدمة ولد الهادي وگالت فدوه اولادي لجل الداسوا صدره
گالت لوصح بيدي انطي حسين وريدي وتگطع عالغبره
لكن شاء الباري ابقه انه بنص داري وروحي اعلي متوجره
عالراحوا ماجوني تجري دموع عيوني
دم عالوجنه اجريها رحمه الله مخليها
******
هي اول ماخدمت منها الناس اتعلمت كل انواع الخدمه
ام الضحه جفوفه كلمتها المعروفه لحسين اخدم وامه
وانه الهم ممنونه شما قدم مديونه لهل الضحع بدمه
هما اسياد العالم والعاداهم ظالم ماال ابهل كلمه
شما اول بسنيني ديني يظل حسيني
وهل الصرخه معليها رحمه الله مخليها
لو رايد تنخاها حلفها ابولياها عباس واخوانه
گللها اتعنيتج وبالاربع حلفيتج غيرج ماعندي انه
دخيلج يامولاتي اگضيها الحاجاتي ياب المولانه
باب الله الواسع شانج كلش شاسع يل دومج حزنانه
لجل التجري دمومه ومسلبين هدومه
والرايه وراعيها رحمه الله مخليها
******
صارت حاجات الناس تگضيها ام العباس برب السبعه اقسملك
انخاها اعلل فطره وگلها اعليج الزهره جن تسمعها اتگلك
حاجاتك مگضيه وعيون المسبيه وفرحان اترد لهلك
حي الله ام الكافل لا مترد السائل متعوفك توگفلك
توگف للگصدوها فازوا من والوها
بالشده مجربيها رحمه الله مخليها
******
خادم اهل البيت / ابومحمد العاشور(07810010732)
بدنيتك لمن تمر بمشكله
لاتحير ولاتعظم المسأله
انخه ام عباس وقره الفاتحه وقسم اعليهه بجفوف الطايحه
ماتقصر اوياك تنهي المشكله
******
بمشكله لمن تمر بهل زمن
وتجبل اعليك البلاوي والفتن
تشوف ابواب الله كلهه اتفتحن
وباب ام عباس واحد من هذن
روح دگ الباب وطلب حاجتك تگضي يم باب الوفيه وداعتك
كالشمس باب الحوائج واضحه انخه ام عباس وقره الفاتحه
******
هاي ام الگمر وام الاربعه
عالوفه وعرش الوفه متربعه
قدمت لحسن باعظم موقعه
كل ولدهه عالفرات مصرعه
قدمت شما تملك لمولاها والنعم من هل مره وحياها
تبقه كفتهه على الكل راجحه انخه ام عباس وقره الفاتحه
******
الله خالقهه لعلي حامي الحمه
حتى تنجب اربعه لوادي الضمه
حزام ظهر بن البتوله فاطمه
بكربله يفدونه برواح ودمه
امهم انطتهم وصيه بهايه ضحوا لجل حسين يالوفايه
وروحي تتمنه معاكم رايحه انخه ام عباس وقره الفاتحه
******
صيت ام الوفه اعلا من النجم
عالمه ابآل النبي عدهه علم
بحب الحسين وعلي جانت تهم
ربت اولاد الوصي بحب هالاسم
جنه حب حسين گالت ليهم عالمه وتدري اهو واليهم
تگلهمودمعتهه عالخد سافحه انخه ام عباس وقره الفاتحه
******
من تطيح بضيج انخه ام البنين
ماتقصر اقسم بدم الحسين
انطاها شان جبير رب العالمين
يمهه يسهل كل صعب يامؤمنين
ماترد كلمن يجي ينخاها حاجته تگضي وحگ ولياها
وبخدر زينب هذيج النايحه انخه ام عباس وقره الفاتحه
******
يا اله الكون يالمالك مثيل
اعليك اقسم بالعفيفه ام الكفيل
بالفرج عجل لبن حامي الدخيل
منتظرنه بن الحسين راعي الدليل
عجل لثارك وراعي الوانه خل يصول بصارمه اعله اعدانه
شيعته بوجوده هيه الرايحه انخه ام عباس وقره الفاتحه
******
خادم اهل البيت / ابومحمد العاشور
لطمية لأم البنين عليها السلام ((اخذنه الموت))
اخذنه الموت ... منچ ماتبرينه
بطلي اعتاب يايمه واعذرينه
بطل اعتاب تدرين العتب بلوه
ماعفناچ اخذنه الموت بالگوه
تحنين الهذيچ ايامنه الحلوه
حته المن صخر گلبه تبچينه
اخذنه الموت ... منچ ماتبرينه
تبچين الصخر والحجر من تنعين
وين الاربعه تصيحين وين حسين
واحنه بكربله منچ خذانه البين
ضحايه امگطعين الروس ضلينه
اخذنه الموت ... منچ ماتبرينه
ضلينه جنايز روس ماعدنه
من ايدچ ييمه الموت فرهدنه
واعتابچ الم واجروح زودنه
لو عدلين نتعناچ تدرينه
اخذنه الموت ... منچ ماتبرينه
لو عدلين چا شلناچ فوگ الروس
نسويلچ عراضه وچادر وناموس
بس شبيدنه العسكر علينه ايدوس
عشر اخيول تركض داست اعلينه
اخذنه الموت ... منچ ماتبرينه
عشر اخيول اجتنه وتركض العشره
ذاك حسين چم حافر بنص صدره
مو بس هاي شالو عالرمح نحره
راس حسين يتباوع عله سكينه
اخذنه الموت ... منچ ماتبرينه
دم اتسيل عينه من يشتموها
يتيمه الگوم چا بيمن يطلبوها
انشدينه اعله زينب وين ودوها
مشت للشام وايزيد ودواوينه
اخذنه الموت ... منچ ماتبرينه
راحت عالهزل للشام مچتوفه
الچان اخيالهه ماواحد يشوفه
وسفه اتگول اخوي انگطعت اچفوفه
وسفه اتگول صوبهه السهم عينه
اخذنه الموت ... منچ ماتبرينه
لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر
نخوة توسل بالسيدة أم البنين طلب شفاء مريض
يام البنين جينا عنّايه
نقسم عليچ ابصاحب الرايه
نقسم عليچ جاه ابو فاضل
ساقي العطاشه الوافي الكافل
منچ نريد هالطلب عاجل
طقينا بابچ وانتي عطايه
يام الكفيل جينا وانريدچ
تعطينا حاجه اوحرمة اوليدچ
عدنا عليل والدوا بيدچ
يارحمة الله اوعندچ الغايه
جينا نصيح والقلب ذايب
يا قبلة الله اورحمة الواهب
هذا العليل مايرد خايب
من كرم چفچ وانتي وفايه
طقينا بابچ وانتي معروفه
المشلول يجي لچ ينهض انشوفه
ابجاه الكفيل القطعوا اچفوفه
جيناچ يام القمر شكّايا
ندخل عليچ ابقطعة ازنوده
والرايه يام الأربعه اوجوده
حني على اللي چبده ممروده
ويصيح منچ أطلب ادوايه
ابجاه ابو فاضل وابسهم عينه
جينا نطلبچ لا تخيبينا
هذا العليل ابعجل داوينه
يام البنين انصيح نَخَّايَه
رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي
السيد موسى الأحسائي
اللهم بحق أم الكرم والجود أم البنين صلوات ربي وسلامه عليها من على أبي السيد محمد ولد السيد ناصر بالشفاء العاجل وألبسه ثوب الصحة والعافية
▪️نشر جديد
لمولاتنا أمِّ البنين عليها السلام
عن الحسن بن خضر عن أبيه عن جعفر بن مُحَمَّد [الصادق] عليه السلام :بُكِيَ الحُسَينُ عليه السلام خَمسَ حِجَجٍ ، وكانَت اُمُّ جَعفَرٍ الكِلابِيَّةُ تَندُبُ الحُسَينَ عليه السلام وتَبكيهِ وقَد كُفَّ بَصَرُها..
الأمالي للشجري : ج ۱ ص ١٧٥ .
مَرْجعُ الدمعةِ بينَ العالمينْ
إنَّها فاطمةٌ أمُّ البنينْ
عينُها كُفَّتْ ، وهذي وحْدَها
عِبرةٌ بلْ عَبْرةٌ طولَ السنينْ !
جَسَّدتْ في وُلْدِها معْنى الظَّما
وحسينٌ وحْدَهُ الماءُ المَعِينْ
أرخصتْهُمْ للهدى في كربلا
فبجنبِ السبطِ ما كانَ ثمينْ
عينُها كُفَّتْ بما قدْ سمِعَتْ
ما بها لو نظرتْ حالَ الحسينْ ؟!
إنَّ وجهَ الشَّمسِ يا سيِّدَتي
بِحِجارٍ كسروا منهُ الجبينْ
إنَّ صدرَ العطفِ بل صدرَ السما
إرتقى أضلاعَهُ شمرُ اللعينْ
إنَّ رأسَ المجدِ أمسى في القنا
ونساهُ دونَ كهفٍ أوْ مُعينْ
هلْ نعى بشرٌ لكِ الخدر الذي
باتَ نهباً لأيادي السالبينْ ؟
هل نعى بشرٌ بناتِ المرتضى
ميِّتاتٍ بقيودِ الشاتمينْ ؟
آهِ لو شاهدتِ جهراً زينباً
أُدْخِلتْ في الشامِ قصرَ الشامتينْ
أُدْخِلتْ والرجسُ سكْراناً دعا
أينَها بنتُ أميرِ المؤمنينْ ؟!
أعذريني ، وبحبلٍ شدَّها
فهوتْ بينَ جموعِ الظالمينْ
عبَسَ العبَّاسُ منْ فعلِ الخنا
آهِ لكنْ قطعوا منهُ اليمينْ ..
تمت بعناية الحجة عجل الله تعالى فرجه
الشاعر علي عسيلي العاملي
#السيدة_أم_البنين
#اللهم_عجل_لوليك_الفرج
نزلة لوفاة ام البنين
روحي وامنيتها
واولادي اربعتها
بالجنه ونخدمج يم الاحسين
++++++++++
شلّج بالجواري آني وبنيني
نخدمچ يم حسن بس جربيني
شوفها بخدمتي اخلاصي وحنيني
اكنس مو بديه برمشه عيني
وتعرفينه انــتي
اخلاصي بخدمتي
وصلولچ حناني وعني تدرين
بالجنه ونخدمچ يم الاحسين
+++++++++
دنيه واخـره رب البريـه
خصصنه الرضاتچ يالزچيه
وجـابتني الچ هسّه المنيه
كل امنيتي مرضاتچ عليه
ام الاربعه اني
بيكم عالي شاني
اتمنـى ابجزاتچ لم الابنــين
بالجنه ونخدمچ يم الاحسين
++++++++
غايه كــل عباداتي وعملها
روحي بموتي يتحقق املها
مو قصدي الجنان اولا حللها
منچ نظـره تسوه الجنه كلها
التنظرله الزچيه
هاي اعظم هديه
يكفي بشوفتچ تتكحل العين
بالجنه ونخدمچ يم الاحسين
++++++++++
واطمئناني هيچ بروحي نازل
يمج يسكن الينطيله كافـل
تقبليني المهم وحسيني قابل
بچفوف ابني افرشلچ منازل
يالزهره وغلاتچ
چي بيهن رضاتچ
صيت ابني وچفوفه واصل الوين
بالجنه ونخدمچ يم الاحسين
+++++++++
عمري وناتج ايامي وثمرها
كلها ابغرفة الچف الشمرها
عالي ام الگمر اصبح قدرها
صارت ناسي تهديلي بنذرها
واليقرالي سوره
تتسهل اموره
اذا مو انتي شاني يعتلي منين
بالجنّه ونخدمچ يم الاحسين
ثائر الربيعي