7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
#الليالي_الفاطمية
نار الباب باجر تاكل خيام
وسقيفتهم شتال تخضر الشام
جم ديوان باجر
والبسمار حافر
يمه زينب يمه زينب
ــــــــــــــــــــــــــــــــــــــــــــــــــــــــــــــــــــــــــ
كسر يتبع الكسر السقيفه والشمر
ماتخلص يزينب يمه هايه
حزن باجر تره وضلوع مكسرة
والقرآن ينزف ايه ايه
وراج شجم خرابه ونوك هزلات
وتتقشر وجوه الطالبيات
من حر الشموس البلخرابات
لا راحه وعذاب نوم بالليل
ولو تغمض عيونج تصهل الخيل
والسجاد حاير
والبسمار حافر
يمه زينب يمه زينب
"" "" "" "'"''''
الم نفس الالم خشب بابي السهم
ويجي بعين الكفيل ويطفي عينه
الاشد من الذبح ويطعنات الرمح
من هدمه الحسين مسلبينه
ياحيل اليظل لمن تشوفين
الشمر من الكفه من يذبح احسين
مدري شلون يُمه وماتموتين
ومن غير السياط وحر الارمال
من عز الخدور لجر الاحبال
والمثلج تكابر
والبسمار حافر
يمه زينب يمه زينب
"" "" "" "" "" "
يرد نفس الوكت عليهم من صحت
ليش المرتضى بحبال ينجر
قصص ماتختلف علي هم ينجتف
وعلي السجاد يشبه جده حيدر
أبوج المرتضى تجتفه الوصيه
والسجاد بحبال ال اميه
علي يشبه علي بنفس الاذيه
شفت بعيني من جروا الكرار
وانت وياالعليل مشاكف احجار
والماصار صاير
والبسمار حافر
يمه زينب يمه زينب
"" "" "" "" "" "" "
ومحسن من وكع هرش كلبي نشلع
أشد من الضلع من طاح مني
وعبدالله الطفل يفك ريجه بنبل
وامه تكله كتالك كتلني
من كد ماصغير الراس من طاح
شدوا عالسهم مو فوك الارماح
دللول الولد يمه الولد راح
دللول الولد يم رمحه الولي
يوصلة من الكلب يابعد طولي
وليدي الجان نادر
والبسمار حافر
يمه زينب يمه زينب
"" "" "" "" ""
اصبري كل صبر المهم يمه الخدر
وحجابج يالعقيلة غاية وإثبات
بنات المرتضى ونساء الرافضه
قمم فوك الشرف وتصير رايات
واجب عالتوالي كون ابو تراب
احنه القدوة ليها وموش الاجناب
نوصيهن ييمه بلبس الاحجاب
اهم شغلة الحجاب وهذا الاثبات
ومثل زينب اريد الفاطميات
تربية منابر
والبسمار حافر
يمه زينب يمه زينب
"" "" "" "" "" "
القصر ذاك القصر رقية تنقهر
وعلى راس الابو تموت الصغيرة
تدفنوها بغرب اويلي شكد صعب
موش بكربله وبغير ديرة
مو وحدها راح تصير هيه
وراها شجم سنه والهاشمية
بشام الغربه دفنتجن سويه
موش بكربله مابين اخوتج
بين الغربه انتِ يصير موتج
وبدمع النواظر
والبسمار حافر
يمه زينب يمه زينب
''''''''''''''''
مرتضى فيصل الشمري
ياكَمرة طاحت من سِـمـة
ياذينـي ضــِلعـج فاطـمـة
جـِــثــة أبــــوها أمــــدده
وأصحاب كالـوا بس عِده!
شرد احجي آنه وشرد أرِد
والســـيف بكَرابه الـحِـقـد
كٌبــه شحـلاها إمــهـشــمة
ياذيني ضِـلعــج فاطــمــة
لٌبـابة آلـ يـٰـس
القصيدة كاملة موجودة بالقناة
#لبابة_آل_ياسين
#الليالي_الفاطمية
#نصر_من_الله_وفتح_قريب
الليالي الفاطميه
قصيده گــعــده
وتقرء لطــم
.
.
.
يالمنكـسـرلك ضـلع … حقـك اذا تنـفجع
اهمومـك اكبار
ابگبلـك شصار
وشسوه بيك الدمع … يالمنكسرلك ضلع
------------------------
عله ياهي التجري عينك يابو صالح هنه كثره
عالذي كسرو ضلعها وفوگ خدهه اثار سطره
لو على الداست ابصدره اعوجيه خيول عشره
بصدرك يمهدي شنغرس
بسـمار لو حـافر فــرس
ثغــرك امبــلل لــو يبـس
عله حسين اليبـس ثغره
مو عن كبر حَدبت ... چيه لهلك اتعذبت
ابگلبك الام
بكـثر الايام
شتتحمل ابهالوضع … يالمنكسرلك ضلع
------------------------------
ابكثر مامحروگ گلبك من وره باب الزچيه
صارن اضلوعك رماد الصار بمك مو اشويه
النار ما ترحم يمهدي واسأل اعليها السبيه
الشافت خيمها اموجره
وبالنار هــيه امـحاصره
شتسوي يالمهدي المره
وكـل اهـلها عالــوطـيه
ياهو الذي اتفَزعه … وكافلهه عالمشرعه
اتطفي الكبار
مـدري الزغار
محنتهه ما تنجرع … يالمنكسرلك ضلع
--------------------------------------
أبچي يالمكسور ضهرك والبچي لازم تدومه
واليـلومك عالبـواچي الله يالمــهدي اليلومه
السَلبو لمك فدكها حسين هم سلبو اهدومه
الــبالـسهـم چـبـده منــثلم
ضل عاري مسلوب الجسم
عالرمل مـرمـي ابــلا هـدم
والــرمــل غــيـر ارســـومه
بگد ما طعن منترس … مچوي گفاه بالشمس
ضل عالتراب
اغله الاحباب
حقه الگلب منشلع … يالمنكسرلك ضلع
---------------------------------------
يابو صالح عله اهلك حـقك اتزيد النوايح
خلص گلبك عالزچيه لو عله البطف ذبايح
المثلث صاب چبدك لو المحسن هوه رايح
حرمـله مـاعــنـده عقـل
لمـن رمــه نحـر الطــفل
نحـره زغير اشيحـتمل
هالسهم چن بيك طايح
بگلبك يزيد الالم … كل ما سمعت بسهم
تنحني شبيك
چــن يـأذيــك
من حرمله منصدع … يالمنكسرلك ضلع
----------------------------------
الدنيه ماشالت الشلته عفه صبرك يابو صالح
حزن امك بيـك ياكـل عله وجهك صار واضح
يا جرح وتعـيش انـته ابهالزمـان الحيل مالح
بجــروحك اشــــسوه المــلح
عالـــراحت اويـــه الــمنــذبح
چيه تحچي هيه اويه الرمح
بيــها يتــشـمــت الــــذابــــح
بوجهه شماته شكثر ... لمن يطـگها الشمر
زورگ ايــدين
اخت الحسين
عمتك تره تنوجع … يالمنكسرلك ضلع
--------------------
لخادمكم حيدر تركي الكربلائي
قناة حيدر تركي الكربلائي:
الفاطميه
.
.
.
عـاشــوراء .. الــزهـــراء
قــد اقــبل
يابو صالح
_
ردت الايـــــام .. وكـــــــبـــرت الالام .. ابگلبك انته اشضام
يــارزيه
اشخله بيك الباب .. چم جرح ومصاب .. ادري راسك شاب
عالزچيه
متبدي من عـينك نهر بس الله يدري اشكبره
يالخلصت عمرك بچي مـاذيــك جـرح الزهره
يــوما أت .. لــلاهــات
قــد اقــبل
يابو صالح
_
حزنك المنشور .. بي ضلع مكسور .. وبي وجه مسطور
وبي عذابات
تحـترگ ادريك .. ومــحد ايطفيك .. محــسن امــأذيك
وكلك اهات
اهاتك اتفطر الصخر بسمار چن بضلوعك
خدك امصـلاية دمع صلت عليها ادموعك
حزن الآل .. في الأصال
قد اقبل
يابو صالح
_
شهگـــتك دخان .. دمعـــتك نيران .. اتلچــمك البيبان
لو شفتها
عيشتك جرحين .. بيها عاشورين .. الفاطمه وحسين
وضفتها
انته الحزن بس حصتك وعطر المجالس عطـرك
بسمار لــو حافر فــرس يالمهدي شنهو ابصدرك
واويلاه .. سمهم الاه
قد اقبل
يابو صالح
_
تتــنحب مالو .. عالظــلع مهظوم .. تعـثر امــن اتگون
بالمصايب
دمعتك تسبيح .. يالزچيه اتصيح .. انـته من اتطيح
عالترايب
لو طحت تذكر فاطمه من طاحت اعله الغبره
تتبده يالچـنك دمــع من تذكــر انته السـطـره
دمـعً لاح .. فيك وصاح
قد اقبل
يابو صالح
__
اهدومك اتضل سود .. عالذي مگيود .. وگبلك الممرود
شايل اهواي
حيدره امن انگاد .. گــادو السجاد .. يلي صرت ارماد
انته من هاي
ابدلالك اشسوه السبي وهيچي تهل دمعاتك
چيه عالهزل يالمنتظر راحــن ســـبي عماتك
صوت عزاء .. صوت بكاء
قد اقبل
يابو صالح
_
سـيدي ندريك .. شنهو المبــچـــيك .. فاطــمه اتاذيك
يالمغيب
وعالجره مقهور .. تبچي عالمنحور .. هسه وين اتدور
وين تنحب
يم مذبح حسين السبط لو بالبقيع انته اتنوح
لجــل الزچــيه وَنــتك لو عالذي ظل مطروح
جرحا بات .. لامامات
قد اقبل
يابو صالح
_
تمت والحمد لله
حيدر تركي الكربلائي
قصيده جنوبيه بهوسات لفاطمة الزهراء عليه السلام
وي امي الزجيه اليوم دفنوني
بفراگ الحنينه يعمن اعيوني
من نعش الزجيه انشال عن بيتي
حسيت الهوه مايدخل الريتي
شالت للكبر ياوسفه عافيتي
((طلعت هالروح بممشاها!))
خذت روحي الحنينه اليوم وياها
هاي الوالده الما ننسه ارباها
وسفه الموت من عيني خذاها
((مضيعيها ياجلمة يمه))
اظلن عايشه بالدنيه چا المن
وحزان ومصايب عندي يلتمن
تجيني اسهام باجر مايرحمن
((ردتج يايمه اتعينيني))
تعنيني اريد بحزني وبهمي
مابطل نحيبي اعليج ياامي
كلبي يالزجيه معذب ومدمي
((مالوم وتجويني احزاني))
زغيره والحزن يكبرني بهوايه
وياروح اللي تحمل فركتج هايه
يمه انتي لكليبي زاده ومايه
((ضليت اخلافج مفجوعه))
تدرين الكلب بالفركة يتعلعل
وعودي بروحتج يتكسر ويذبل
هذا اول جرح چتف الصبر هدل
((وشلون احمل جرح التالي))
ياجرح الاحمله وياهو اشدنه
ضلعح يم حسن خله الف ونه
مرد لهموم بگليبي يمردنه
((وتعذب كل يوم بضيمي))
تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم
الا بذكر الزهراء تطمئنُ القلوب
ــــــــــــــــــــــــــــــــــــــــــــــــــ
بذكــــــــــر فاطم تطمئن اكلوبنه
هيه شمــــــعتنه التضوي ادروبنه
هـــــــــاي ام حسين ام محبوبنه
هيه التوقــــــــــع غــــداً مكتوبنه
خل نفهم المافهم هيه تشفع للخدم
غدآ يم رب النعم هيه تستقبلنه
احنه عشاك الامام اهناك يم رب الأنام
ادخلوها بسلام فاطمه اتكولنه
الا بذكر الزهراء تطمئن القلوب
ــــــــــــــــــــــــــــــــــــــــــــــــــ
الفاطمه اتباوعله حضه اشكبره
ليخدم ويخلص وياهه اتشكره
من الله شيريد الترزقه ابنضره
والف هنياله التشكره الزهرة
اليرزق نضره صدك هاذه كلبه محترك
ومثل ميثم بالعشك كلبه تلكاه هايم
ليجري دمعه عله الضلع شانه حتما يرفع
وصوت باجر يرتفع ياهلا بالخادم
الا بذكر الزهراء تطمئن القلوب
ــــــــــــــــــــــــــــــــــــــــــــــــــ
الخدمه أمنه ومانعيش ابدونها
والف هنيال الذي يصونونها
الخدم كلش فاطمه يعشكونها
وفاطمه اتحب الذي يحبونها
الزهرة هيه اشرف مره اشكد حنينه وطاهره
اتقدر الخادم تره ودوم ترفع شانه
البجه دمعه الكربله ينال اعظم منزله
وبالقيامه ادللة فاطمه السلطانه
الا بذكر الزهراء تطمئن القلوب
ــــــــــــــــــــــــــــــــــــــــــــــــــ
هيه باب الله واجينه لبابها
انريدها اتسجلنه من احبابها
فاطمه البينه يعيش اصوابها
يمته نتشرف نبوس اعتابها
ان شاءالله الموعد قريب يبني مرقدها الحبيب
ومجلس انقيمه ابنحيب وبحضور القائم
ويجي صوت من السمه هذا مرقد فاطمه
والملائك خادمه باب صحنج فاطم
الا بذكر الزهراء تطمئن القلوب
ــــــــــــــــــــــــــــــــــــــــــــــــــ
ماتهمنه ناس خلها اشما حجت
عدنه اهم شي فاطمه علينه رضت
عميه عين اللي بعزاها ما بجت
وفازت اللي بحبها دوم اتمسكت
لبيها متمسك تره فاز دنيه واخره
وعل صراط اتعبره ماتعوفه بحيره
ماتمسه الحاطمه لاوحك رب السمه
والتعبره فاطمه هاي نعمه اجبيره
الا بذكر الزهراء تطمئن القلوب
ــــــــــــــــــــــــــــــــــــــــــــــــــ
حسين عبد الزهرة الدراجي
هوسات بحق الزهراء عليها السلام عن السيدة زينب عليها السلام
حيل مهضومة.. حيل مهضومة.. صحت يالزهرة يمة حيل مهضومة
======================
من اشم بيها .. من اشم بيها.. تشيبني العباية من اشم بيها
======================
رايحة عيوني.. رايحة عيوني .. ييمة ابيوم رحتي رايحة عيوني
=================
حيل ياذيني .. حيل ياذيني.. الباب اشما اشوفة حيل ياذيني
===================
ما ترد لينة .. ما ترد لينة.. عمت عيني الحنينة ما ترد لينة
===================
موحشة اعلينة.. موحشة اعلينة.. الدار اخلاف شخصچ موحشة علينة
====================
ما نطب ليها.. ما نطب ليها.. حجرتچ يالزچية ما نطب ليها
====================*
كون مدفونة .. كون مدفونة.. تمنيت انة وامي كون مدفونة
=====================
ما تحاچيني.. ما تحاچيني.. احاچي اهدومها امي ما تحاچيني
======================
موش ويانة .. موش ويانة.. نفز بالليل وامي موش ويانة
====================
تشوف بلوانة.. تشوف بلوانة .. يريت ام المحنة تشوف بلوانة.
=====================
حيل ما بية .. حيل ما بية.. اجت لية اربعينچ حيل ما بية
====================
أسالكم الدعاء رائد الاسدي
على طور راعي الشدايد وينه لملا جليل الكربلائي
الليله اصعب ليله
حيدر اتهَدَّم حيله
الليله اصعب ليله
★★★★★
چم كسره علي مكسور چم كسره
من شَيَّع الهادي أو وسده بگبره
رد مهظوم شاف الگوم تنتظره
ابحرگ الدار اجوه وضربوا الزهره
بالصبر حيدر ملزوم والجدم گوه يشيله
الليله أصعب ليله
★★★★★
يضمد ياجرح وجروحه ياذنه
العمر لاطال بعد اليوم يتمنه
ناره ماتهيد الفارگ الجنه
وين يروح وإلمن من مشت عنه
سكته الزچيه بلاصوت الچانت گبل تشكيله
الليله أصعب ليله
★★★★★
جافوها وبعد گبر النبي ماجف
طبع الذيب ظالم بيش يتوصف
منع عنها الورث مالحظه يتأسف
ابحكم الدين چنه من الزچيه اعرف
عن الورث بالقرآن مافاد من تحچيله
الليله أصعب ليله
★★★★★
عرفتهم اهل شر وصدگ ظنها
گلوب الماطفح بس الحقد منها
بضماير ماصفت مغشوش معدنها
نكسر ضلع الزچيه ومات محسنها
الهدم ركن من الدين يوم الحشر ياويله
الليله أصعب ليله
★★★★★
يودعها ويلاگي المرتضى الحسره
بسيف النايبه مطعون الف مره
ظلمه الدنيا صارت واصبحت مره
گبرها مادره المحفور لو گبره
يدفن سمه وسط الگاع وبيده التراب يهيله
الليله أصعب ليله
الشاعر حسن لعيبي الحريشاوي
يمظلومه لاستشهاد الزهراء عليها السلام
الرادود عادل خضير الكربلائي
الشاعر حسن لعيبي الحريشاوي
لاستشهاد الزهراء عليها السلام ( ميمر )
البضعة محمد لوعتي للمحشر
حالي بحزن للدوم مايتغير
★★★★★
الرب السمه من كل ذنب عاصمها
وجنة عدن فوگ الارض راسمها
ريت العمر طول العمر خادمها
وياخدي كون من الدمع يتحفر
★★★★★
اسباب الهدايه فاطمة ومحورها
عنصرها نور الباري من صورها
ويله الكسر گبل الظلع خاطرها
ينصان كون الظلع مويتكسر
★★★★★
ربي الاكوان بقبضته مطويه
ماخلق نور ولاسمه مبنيه
ولاشمس تضوي ولاارض مدحيه
الا لجل بيت الزهر بالكوثر
★★★★★
العابد صنم يا ايه اليفسرها
ويعرف خفايا الدين ويقدرها
ياسر إلهي وين يعرف سرها
ام الحسن كل فكر بيها أتحيَّر
★★★★★
فخر الكمال المقتدر أيَّدها
حجة الخالق والحجج من عدها
فوك العقل من يگدر يحددها
اسرار الزچيه يخوضهن من يگدر
★★★★★
قبل الخليقه اتكونت قبل آدم
يافاطمة فخر النسة بهلعالم
خير أنرفع منصوب لجله مأتم
ياخير مامثله بعد يتكرر
الشاعر حسن لعيبي الحريشاوي
((مفاتيح الجرائم)) بحق مولاتنا الزهراء ص
الأم التي انطلقت منها كل المصائب
حرگة دار.. حرّگة خيمه
هنا بسمار... تحول حافر
نفس احبال الچتفت حيدر
هنــــــــاك تگاود زينب باچر
ـــــــــــــــــــــــــــــــــــ
زغيره وشاهدت كلشي
وشيب بالهـضم رمشي
فرد ساعه خسرت اثنين
أمي ومحسن او عشي
المصيبه الشتت بالي
الانطره امــــدد گبالي
طفل فوگ الجمر طايح
لا يحچي ولا يمشي
لطمت اعله الوجه من عاينت حاله
ما معقوله محــد دنـگ او شـــاله
ضل يتلوه فوگ النــــــــار اشوفنه
المثله احضان موگاع وجـمر فــاله
باب اجذوع... وانته اتصور
يضل يـــلوع... البي يــتعثر
حيل يطبگه وحيل اتــجاسر
هنـــــــاك تـگاود زينب باچر
ـــــــــــــــــــــــــــــــــــ
ادني اعيوني يمَه بخوف
عمت عيني علذاك الشوف
أحسه يگلي يـــــــــا زينب
اكل ضهري الجمر مـــلهوف
أشوفن نضرته ونــوحه
علصوب الباب مشبوحه
چنه يگلي لحــگي امي
أمي الــــــزهره مجروحه
حقيقه مـــــو حلم هذا الجره وشفته
محسن يا خلگ مــــــــن الجمر شلته
شويه وصــــوت خافت گوه اسمعنه
أول ركضه أول جــــمر انه اسحگته
أول نااار.... شافت عيني
وال بسمااار... باگ سنيني
باب الـدار اتـــــحول حافر
هنــــــــاك تگاود زينب باچر
ـــــــــــــــــــــــــــــــــــ
الشده بـــــالي بعد اكثر
صاحت فضه مو حيدر
اليــــــفزع للغرب ندري
لفزعت أمـــــي ما يگدر
الهضمني داســــــو اعتابه
وحــــــــــرگو بالحقد بابه
خلف الباب عصــــــــروها
رحمة الله وحجــــــــــابه
أثاري بالوصيه مچتف اوحــــــــاير
حسرته بروحه تاكل والــــدمع غاير
ما شايف جــــــــبل وحــبال چتفنه
صحت بويه دخـــيلك كلي اشصاير
ليش احبال..... جتفت ايدك
ما تنـــــگال....مااات وليدك
من زغري بـــهم گلبي يتاجر
هنــــــــاك تگاود زينب باچر
ـــــــــــــــــــــــــــــــــــ
كل أم للضــــــــنه تحسب
وعكسهن أمـي بس تنحب
الما شبگت ضناها تــــلوع
تنوح الليل ماتغفى لمن تتعب
جمال الما شفت مثله
تتاني طلعــــــته اهله
تعب أمي ثواني ضاع
بعد ألمن تضـــل عدله
بس الفاگد أوليده يعيش الحال
غدت من الهضم امي شبه لخيال
محسن مات بقى بس المهد فارغ
أفز واسمع نواعيـها تــــهز الجبال
وبهل حاااال.... ماتت أمنه
شمســووين... وتيـــــتمنه
ياهو المـــــــاتت أمه وصابر
هنــــــــاك تگاود زينب باچر
ـــــــــــــــــــــــــــــــــــ
تمت برعايتها ص
خادم الزهراء ص
✍ياسر الزيادي
(( #شهيد_الباب )) المحسن ع
…………………………………………………………..
شهيد الباب انا ابن الزجيه
انه المامرت النسمات بيه
ورد ميت ربيعه •• انه المحسن يشيعه
شهيد الباب •• شهيد الباب
……………………………………………………………
متت عايز ضوه وكمره . من الظلمه للظلمه
متت واللهفه بعيوني . اشوفن شمس لو نجمه
اسيره وبقت بلساني . ماتت جلمة اليمه
انه المولود بين النار . تراب ومو مهد ضمه
انا المامش اذان ولا اقامه
متت ما شفت من امي ابتسامه
تون امي وصريعه ••انه المحسن يشيعه
شهيد الباب •• شهيد الباب
…………… .............................................
انا الكوكب الرابع . انذبحت بالفضه انواره
ابطن امي وسمعت الاه .عليها الرجس شب ناره
عصرها وللنحر جاني . مثل السهم بسماره
صرخنه اثنينه وفد صوت .دمعي و دمها يتجاره
يا محسن تصيح وعين حمره
واصيحن انا يا يمه يزهره
صرخنه احنا ابفجيعه •• انه المحسن يشيعه
شهيد الباب •• شهيد الباب
……………………………………………………………
شهيد الباب والحايط . شهيد الجذع والعصره
غصن ماسمع صوت الطير.ولاصد للشمس نظره
حقد عالدنيه لمن شاف . وادم تعصر الشجره
انا المحسن وما اريد . دنيا وماكو اسم زهره
الفراشات وتحس مكسوره جنحين
اذا مامش ورد وحشه البساتين
الحياة تصبح فضيعه ••انا المحسن يشيعه
شهيد الباب •• شهيد الباب
……………………………………………………………
انا الماشفت حيدر . ولا گعديت بحضانه
اسمي انذبح يم الباب . ولا صاحاني بلسانه
عيني ومثل صوم الصيف.لخوي الحسن عطشانه
اصبن كهوه للخطار . وامد سماط ديوانه
تمنيت انحسب لحسين ناصر
وكون ابداله تسحكني الحوافر
فده لرگبة رضيعه •• انه المحسن يشيعه
شهيد الباب •• شهيد الباب
…………………………………………………… .……
منظر احد من السيف . وبكل لحظه يذبحني
اخيتي وتبجي وسط الدار.على التربان تنظرني
جنها اتگلي اريدك غاد . ليل اهدعش تحرسني
هديه والج رب الكون . بالعباس بدلني
عمامه يشيل فوگ الراس خدرج
وامه ام البنين اتصير امج
اجفوفه الكم گطيعه •• انا المحسن يشيعه
شهيد الباب •• شهيد الباب
……………………………………………………………
ها يالمهدي يالموعود . انا وامي ليه صحنه
ثجيله الباب يالمهدي . طبكة جفن طبكتنه
هذا اليرفس برجليه . ذاك بنار يحركنه
يا بو الثار تاخذ ثار . من الرجس جاتلنه
امي وما تنخت بالصميده
ثاري بأيد ابو صالح اريده
ايا حامي الشريعه •• انا المحسن يشيعه
شهيد الباب •• شهيد الباب
……………………………………………………………
✍️ ( سيد خضر الزاملي )
((( ميمر )))
…………………………………………………………
دگّت نواقيس الخطر
واتحضرت ليهم سقر
تگلب الدنيه ام حسين ... لو رفعت العصّابه
……………………………………………………………
سلمان هو الشاهد و يرويها
من شفت فاطم و السياط اعليها
شفت الحياطين ارتفع عاليها
شفت الجبال اتسيّرت
گلت القيامه قد بدت
نزلت جهنم عاالگاع ... نار الغضب لهّابه
……………………………………………………………
انتي الشفيعه وبت نبي الرحمه
ادخليج يزهره لا تعذبي الامه
لو بس دعيتي الزرگه تصبح ظلمه
اتموت الكواكب و الضوه
مامش بشر يشتم هوه
عالو ابـ الله الارجاس ... ضربوا اعز احبابه
……………………………………………………………
واهتزت اركان العرش والجنه
رجفت الاملاك ابغضب خالقنه
يا ربنا شنهو الصاير اتخبرنه
هالزمره داسو ثايتي
كسرو ضلع لمرايتي
يا فاطمه وعندي اليوم ... وي الصحابه اطلابه
……………………………………………………………
لجبريل رب العرش وجه امره
جناحك اليسطر للعذاب اتحضره
لو چف شفتها ارتفعت من الزهره
جيب الشرق فوگ الغرب
نزل الشمس فوگ الترب
واطويها صفحات الكون ... واختم فصول اكتابه
……………………………………………………………
واتحضر اسرافيل ينفخ صوره
و بسقر مالك يسجر ابتنوره
عزريل ينطر يمته يطلع دوره
من ام حسن ضلع انكسر
راح اقبض ارواح البشر
ما توفي هاي الارواح . عين بسطر منصابه
………………………………………… ،……………
لجل الاذان و لجل اسم امحمد
صبرت وما بانت المها لأحد
صارت الزهره كالخيال و ممتد
كسر وصفع طبگن سوه
بالكوه من تشتم هوه
صبرت الأجل الموعود ... وي شيعته الطلاّبه
……………………………………………………………
✍️ ( سيد خضر الزاملي )
فاطمه ام الحجاب
للستر لاذت بالباب
والطاغي يدفع بيها
هجمو على باب الدار
هجمو عليها بالنار
و الناصبي حاديها
*------------------*-----------------*
من بعد ما غاب النبي
رد بالاصنام الناصبي
يهجم على بضعة محمد
فكرة سقيفه قادته
قرر ينفذ غايته
يستهدف الهادي المؤيد
وصف محمد بالهجر
حيف وطلع خنجر غدر
انكر كتاب الله المسدد
انكر رسالات السمه
وقرر يهاجم فاطمه
عن الصواب الناصبي ارتد
هيج جميع الالام
اعلنها ضد الاسلام
يهجر وصف هاديها
فاطمه احتارت بالصار
هجمو عليها بالنار
والناصبي حاديها
*----------------------*-----------------*
بالضلع مسمارك نبت
يالباب صوبت البخت
تطبك على ضلع الزجيه
صوبت ضلع الطاهره
بجفوف ذله وغادره
اجلاف ماعدهم حميه
صارو ذوي القربى غرب
مابين اجلاف العرب
ماجن اجت بيهم وصيه
اية موده منزله
ونكرو حديث المنزله
رجعو لعهد الجاهليه
تعدو جميع الحدود
ردو على اللات اردود
ناس الجهل ماليها
فاطمه يطلبوها بثار
هجمو عليها بالنار
والناصبي حاديها
*------------------*-----------------*
طاح وسكط منها الطفل
بس ماكسر كلب النذل
ظالم تجبر عالوديعه
كال احركو الدار بحطب
مابيه عرك غيره نضب
هذا طبع نفسه الوضيعه
فكر الجهاله شرعته
عالنسا يبرز قوته
يهجم على بيت الشريعه
عالزهره يرفع يمنته
بالحرب يجبن همته
بالحرب يهرب بالطليعه
بوقعة احد ظل نيشان
اولهم اصبح هربان
يطلع رجل تاليها
مدهوشه بنت المختار
هجمو عليها بالنار
والناصبي حاديها
*--------------------*-------------------*
ها يبن صهاك اشجرى
تضربها ليش الطاهره
هاي اللي انقذكم ابوها
مو انت صاحب راشدي
ليش اعله حرمه تعتدي
بنت النبوه تضربوها
تبت يداك ثم تب
تبت كما ابي لهب
الزهره الملائك كرموها
فاطمه بت خير البشر
اعظم نساها بكل عصر
ليش الصحابه عذبوها
تكرمت من الرحمن
فاطمه اعظم عنوان
خير النسا تدريها
ظلو يحملون العار
هجمو عليها بالنار
والناصبي حاديها
*----------------------*------------------*
ظلت عليله من الظلم
تحملت حسرات والم
من راحت لربها حزينه
للخالق اتقدم الامر
يوم القيامه بالحشر
وتكله ياربي انولينه
دارو علينه اهل الرجس
صحب النبي الجانو امس
مجتف خذوه حيدر ولينه
غربه اصبحينه بهالارض
احنه المودتنه فرض
اهل الشرك ردو علينه
بحيره وحدي ضليت
عدوان طبو عالبيت
ياربي احكم بيها
وبفاطمه هذا الصار
هجمو عليها بالنار
والناصبي حاديها
*----------------*-----------------*
محمد النوري
#جديد
في التوسل بكريمة أهل البيت عليهم السلام السيدة فاطمة المعصومة عليها السلام
.
.
يا معصومة الآل .. نخوه نخوه
وإنتي أدرى بالحال .. نخوه نخوه
.
.
إجيتچ شايل اهمومي وأناجيچ
وأنا ادري بالكرم تمطر أياديـــچ
دخيلچ سمعي الجاي وگصد ليچ
على الله امخلي كل اهمومه واعليچ
مفزعنا بالأهوال .. نخوه نخوه
يا معصومة الآل .. نخوه نخوه
.
.
يبنت الكاظم وباب الكرامـــات
الگصد له ما يرد بهمومه هيهات
اجيتچ وآنه عندي اهواي حاجات
وإنتــيِ مفزعــي ابكــل المُلمِـات
همي ابگلبي اجبال .. نخوه نخوه
يا معصومة الآل .. نخوه نخوه
.
.
اجيتچ واسألچ خاطـــر الزهره
بحريگ الباب واللطمه والعصره
يمعصومه اعله گلبي الليله نظره
من اجروحي ومُصابي الليله أبره
بيدچ كل الأفضال .. نخوه نخوه
يا معصومة الآل .. نخوه نخوه
.
.
وبعد عندي قَسَـم يالهاشميــه
لجل عين الرضا عينـچ عليــه
أريــدن منچ الليـــله عطيـــه
تِنَسّينـي اشجرى بيه امن أذيه
وتِتحقق الآمال .. نخوه نخوه
يا معصومة الآل .. نخوه نخوه
____
تمت ببركات مدد مولاتي المعصومة عليها السلام
#فاطمة_كريم
٢٠٢٤ م
(( #النبي_يستقبل_الزهراء ))
……………………………………………………………
گوم يا جبريل نتلگاها
بنتي خلصت بالعجل دنياها
ورده ماتت و انذبح بيها العطر
ظهري وي ضلع ام حسن هم منكسر
أم ابوها .. أم ابوها
……………………………………………………………
هيه هاي ابنتي فاطم . لو اظنن مشتبه
المشيه مو مشيتها هاذي .والوجه موش الوجه
يجبريل الأجه اعلينه . خيال و لابس اعبايه
اهلال ويمشي اشوفنه . ظهرها امحنب اهوايه
اشوفن نهر من ادموع . فاضت عدن من مايه
ما اصدگ هيجي فاطم صارت
اعليها من بعدي المصايب دارت
و انختم بثمنطعش عدها العمر
ظهري وي ضلع ام الحسن هم منكسر
أم ابوها .. أم ابوها
……………………………………………………………
عن علي ضميتي عينج . وعني هم تخفي الجفن
ساعه تخفيها ابحجابج . ساعه بطراف الردن
يبويه وگلبي وي عينج . هم يلجم يالبضعه
ليل وصبح ماذيتج . لان تلّچم بالدمعه
وجهج الله قاري اعليه . اشلون الطاغيه ايصفعه
يلا خل الحور تفزع ليها
واسيا ومريم تجي اداويها
سيدتهن خدها احمر منسطر
ظهري وي ضلع ام حسن هم منكسر
أم ابوها .. ام ابوها
……………………………………………………………
امطلعه ايد امن العبايه . و ادري الاخره ابيا كتر
ضلعج اتلزمينه بيها . حيل ماذيج الكسر
حگج والجذوع اثگال . وحايط طين جن صخره
طبگن مثل صفگ الايد . وضلعج ينسمع كسره
حتى الهوه ضاع اعليج. صارت نسمتج حسره
صحتي يافضه ابعجل لحگيني
الجنه صارت كلها ظلمه ابعيني
العرش صاح شلون فاطم تنعصر
ظهري وي ضلع ام حسن هم منكسر
أم ابوها .. ام ابوها
……………………………………………………………
بويه وسط الجنه ذاك . امسوي للمحسن مهد
صعد ليّه يگلي جدي . ضوه ما شايف بعد
عليه استعجل البسمار . سيف و يذبح ابروحه
صعد ليه و يسولف بيج . عالگاع امي مطروحه
ما شاف الحسن وحسين . ظلت عينه مجروحه
محسن اهون من رضيع العاشر
ابرگبته النبله و لبوه يناظر
وياه طبت نبلته ابنص الگبر
ظهري وي ضلع ام حسن هم منكسر
أم ابوها .. ام ابوها
……………………………………………………………
بويه فاطم جيتي ليّه . و نگعد ابجنة عدن
ابغربه ظل حيدر عضيدي . گلبه نبضاته اوگفن
ابمحرابج يطب يبچي . ويظل يستورح السبحه
لان عطرج بقه بيها . يفر يوميه بالرحّه
وجهج شمس يعتبره . بعد مامش ضوه ابصبحه
الذكريات اعليه صفت مجموعه
حتى من ينام تجري ادموعه
الباب لو شافه جن ساحگ جمر
ظهري وي ضلع ام حسن هم منكسر
أم ابوها .. ام ابوها
……………………………………………………………
الحسن وحسين اعل صدرج . وكل ملك ظل ينتحب
وانا وياهم دمعتي . نهر فوگ الخد يصب
الملائك مدري شسوي . لمن تحضر العاشر
تشوف حسين مامش راس . وبيه ايطشّر الحافر
بين المدن والبلدان . راسه اعل الرمح داير
زغيره بنتج هسه تبچي اوحيده
وباجر اوجودج يزهره اتريده
من يطيح حسين ويموت الخدر
ظهري وي ضلع ام حسن هم منكسر
ام ابوها .. ام ابوها
……………………………………………………………
✍️ ( سيد خضر الزاملي )
يالــزهرة رحـتي وللأبد .هاللـيلة مـَنشوفج
حِزنج عــلى فراك الــنبي يِتْفَسَّر ابـخوفـج
عَهدج فلا نبيعه ... يامنبع الشيعة
مِـحراب نـورج فــاطمة مايـنطـفي للــدوم
كَبل الأرض لأهل السِمه يِتلاله جَنَّه نـجـوم
مَحّد عُرف كَدرج أبَد من طِحتي ذاك اليوم مِشكاة ربِّج من ضِوَّت يَم ضِلعج المـَلجـوم
رادو غَصٌب بِيعة ... يامَنبع الشيعة
أوّل ظٌلامه مِن فَـدَك أخـذوهـا مـِن إيــدج
بصٌحبتهم أنفاس ألحقد من طَيّحو اوليدج
أعراب بــثياب الــغـدر بـاكــو فـَرح عــيدج
مظلومة رحتي يَم حَـسن لِهناك َ يم حـيدج
هذا الخبر ذيـعة ... يا مَـنبع الـشيعة
بيت الله وِابْابـه الحَطب مشتعلة بيها النار
حـركوها بابـِج فـاطـمـة يا شـمـعـة الـكرار
لجل السَــقيفـة الـمارقِــة تــتــبدل الأدوار
لليــوم دمـِّج مانـِشف ونصيح لجلـه الــثار
ثـار الله وِنْـطيعه ... يامَـنبع الشـيعة
قـرآن صـَبـرج وَي عـلي بِالـهضمـة يِحجيله
مِن شاف جرحِج ماسِكت والدمعة تشكيله
مـحسـن يِطـيح إبـلا ذنـب بــالآه لــولـيلــه
نضرة وِداعـج فــاطمـة هـدّتـله كــِل حـيله
هاللـيلـة تـوديـعة ... يا مَنبع الشـيعة
حال اليتـامى بنص ألم شيخضـر الـيابس؟
كل كَطرة من دم الوفه جَـن ينخلق عابس
للـمهدي واجب نـِفتدي واحدنه كالـفـارس
لجروحي مو بس بالدمه بـالثار هـم تارس
يا شيعة ياشيعة .... هالليلة توديعة
لٌبــابة آلـــ ياســين
٧ اكتوبر ٢٠٢٤
وزن : منسجم
مقاصير :مستفعلن فعلن
#لبابة_آل_ياسين
#الليالي_الفاطمية
#الايام_الفاطمية #نصر_من_الله_وفتح_قريب
فاطميا .. مازلــتُ عـلى العهدِ
فاطميا .. من المهد الى اللحدِ
فاطميا .. كما علمني المهديِ
------------
فاطمه قد اُنزلت من السماء
أيه لا مو للقراءه للبكاء
فُصلت باباً وضلعاً للعزاء
والقراها بيها يلگه كربلاء
فاطميا .. حسينـــيا بــــلى ثــائر
فاطميا .. ال وأن من قالها كافر
فاطميا .. وهــذا كــــلُ ماعندي
__
قاتل الزهره الذي يرضه عليه
اگطع ايدي انچانها اتسالم اديه
آني حربا للذي حارب نبيه
لايجيني اولا اريد انه اجيه
فاطميا .. وبغــضي قــائم قائم
فاطميا .. الى ان ترتضي فاطم
فاطميا ..صريحاً واضحً قصدي
____
ما اساوم عالظلع لا مستحيل
وعن ولائي الفاطمه لا ما اميل
طالب وعلمني عباس الكفيل
المايوالي فاطمه يصبح ذليل
فاطميا .. عزيزا ابقى كالمصحف
فاطميا .. غيورا مولدي في الطف
فاطميا .. وارثــي زاخــرا بعـــدي
_
اني مدرستي الرفض ثم الدموع
علي علمني فلا ارضه الخنوع
اي وحق عيسى وموسى واليسوع
باقياً في عنُقي ثأر الظلوع
فاطميا .. وذو فقاري ان كبر
فاطميا .. جعلت الدم للمئزر
فاطميا .. بجيش المرضى جندي
_
الفاطم ابجي بكل مساء وكل صباح
ومن اجلها رافگت طور النياح
لو شفت مسمار مره اكبالي لاح
ابصدري احسن تنغرس روس الرماح
فاطميا .. وحتى موعد الحشرِ
فاطميا .. اطالبُ ابقى بالكسرِ
فاطميا .. الى ان يصلب الوغدِ
-----------
ماكو شي بالدنيه يالودام بعيد
باجر المهدي نعم يظهر اكيد
وناخذ اوياه ثارها وثار الشهيد
من الاول لحد خامسهم يزيد
فاطميا .. وقد افلح من والا
فاطميا .. ابــا الزهراء والألا
فاطميا .. ومن بالروح قد يفدي
---------
حيدر تركي الكربلائي
قصيده تنقري بعدة الحان
عن لسان حال زينب ع تنعى امها الزهراء عليه السلام
وينج..... يا امي الحنينه وياج احجي.
ريتج.. تشوفي العين بالهجران تبجي
كونج هسه تلفين
تشوفي دمعة العين
وينج..... وينج
وصل حزني لحد اعظامي يمه
وماشوفن نهاري ودنيه ظلمه
فكدج بالكلب يايمه هظمه
خدي بالجفوف اعليج الطمه
رحتي وانه احيرن لنهايه
متي وانه هسه باالبدايه
ريتج يم لحسين
تشوفي دمعة العين
وينج... وينج
شكثر احتاج يمه المس جفوفج
ماكدر انه لحظه اعوفج
عجب ترحين عني وماشوفج
عنه اليوم غابت كل طيوفج
وين الطول ذاك وين ملگاج
احن الشوفتج ومسامري وياج
امي ام كلب الحنين
تشوفي الدمعة بالعين
وينج وينج
يروحي اللي اشد انفاسي بيها
داري امغمضة من جنت اجيها
الرحمة تفيض من جفوف اديها
روحي تسلطن العاصف عليها
رحتي بساع يمه مو وكت موت
ما اكدر اظل وانتي بلا صوت
يسار التفت ويمين
تشوفي دمعة العين
وينج وينج
اخذتي وياج روحي وذكرياتي
بعدج ماشفت راحه بحياتي
اردد يمه ردي بكل صلاتي
اظل انعاج يمه لحد مماتي
رمش العين انتي لبيها اشوفن
عجب ترضين الشخصج اعوفن
بحالي يمه تدرين
تشوفي دمعة العين
وينج وينج
الچفن هامل دمع يجريلج امطار
وعزمي بروحتج يالغالية انهار
ما احمل مصاب الجره والصار
ونتي بالكلب يايمه تذكار
حسيت بعجز ياوسفه هسه
من نورج تغيب عني شمسه
هاي الفركه لاوين
تشوفي دمعة العين
وينج... وينج
تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم
حســـــــــــين.. حســـــــــــين
~~
مضمــــــــون العزاء يالـــردت تــفسيره
يرضه الله ورسوله كلمـــن ايحــــــضره
من هالمنطــــــلق خلــــصت كل عمـري
وصحت ابصوت فدوه الفاطمه الزهره
واليخدمهه ..تره الله ايزيده
وعلي... ياخذ بيده
وتوفقه الزهره
وبهالخدمه ...اذن حگي اتباهه
وصحت.. يامحلاهه
الشفاعه الكبره
حســـــــــــين.. حســـــــــــين
~~
ابو القاسم حديثه ياخلگ واضح
من سَر فاطمه للمصطفى ايسره
ومن نحظر عزاء للطاهره البضعه
الحظور ايفرح المختار والزهره
الذارف دمعه..الف يا هنياله
البچي..ايزكي اعماله
وحسن عاقبته
هيّه الزهره.. تره اتسجل اسمه
ويضل فوك القمه
الشرف جائزته
.....
حســــــــــــــين.. حســــــــــــــين
~
الزهره ام الايمه وللخلگ صــارت
مثل المصطفى الهاي البشر رحمه
قديـسـه وعطرها يـشبه التـفـــاح
ام حسين نعـمـــــه ونشكر النعمـه
مامن مجلس.. يخص المـــظلومه
الگلب. يجلي اهمومه
بصفاء النيه
لا مانشبع..بجي اشما ونينه
لان ماتكفينه
الف لطميه
حســـــــــــين.. حســـــــــــين
~
مجروحه الزچيه بضربة البسمــار
وهالعـــزيات للزهره تداويـهـــــــا
خاطرها يطيب وتفرح الـــبضــعه
من تـــــشـوف دمـــعـات المواليها
وهاي الدمعه.. تكع بيد الزهره
غداً.. يوم الحسره
رصيد الخادم
وبقاروره.. المدامع من تلتم
ضوه..ايطفي اجهنم
شعاعج فاطم
حســـــــــــين .. حســـــــــــين
~
ماخاف الـــــگبــر وانه الــجبت عــمري
مــــن مجـــلس المجلـس احظر وهايم
ونسيت اسمي الحقيقي وكنيتي ياناس
وفرحت اهواي من صار اسمي الخادم
وميخافون الگبر.. اهل الخدمه
لان..لام اليمه
گلبهم دامي
العايف اهله وگصد.. مجلس يحظر
وبچه.. الذاك المنحر
يحظره الضامي
~
حيدر بشار الدراجي
نعي جديد في خروج زينب عليها السلام خلف امها عندما اخرجها الامام علي عليه السلام كأني بها تخاطبه وتقول
ريض يجناز.. بنعش امي الهدة وريض يجناز
يوداع الاعزاز.. ما يخلص عسن يوداع الاعزاز
دوم امها تعتاز.. البنية ابزغر دوم امها تعتاز
بالطيب تنجاز .. ويكون الوالدة بالطيب تنجاز
=======================
بنية وزغيرة.. اشلون ابحالها بنية و زغيرة
حيرتها حيرة.. تشوف امها بنعش حيرتها حيرة
العلة الچبيرة.. يفگد الوالدة العلة الچبيرة
المن يديرة .. التروح امه النضر المن يديرة
====================
حطني بنعشها.. يشيال النعش حطني بنعشها
غمض رمشها.. حسافة الوالدة غمض رمشها
افرش فرشها .. چا المن بعد افرش فرشها
ياهو اليمشها.. ييمة ودمعتي ياهو اليمشها
=================
اسالكم الدعاء رائد الاسدي
شايل تابوت لوعمري نشال
دمعات العين تشرح هالحال
نعشج هادل متوني
دمعه اتغرگ عيوني
شايل تابوت
****
العشرتها حلوه للقبر راحت
تعاند سكوتي دمعتي الطاحت
غير الهضم واللوعه ماشافت
فاطمه لچمات اشكثر شافت
ياصبر يفيد ومضيع اعزاز
بنعش الزهراء طالع جناز
مايل ضهري شافوني
دمعه اتغرگ عيوني
شايل تابوت
****
مثل الجمر يسعر وسط روحي
بغيابج شمكثرهن اجروحي
بعدج تره ماينگطع نوحي
كلبي نذبح سميته مذبوحي
عاشرت النوح بغياب النور
ضلع الزهراء وگلبي المكسور
اشهگ حسره سمعوني
دمعه اتغرگ عيوني
شايل تابوت
****
فكيت ريجي بدمعة عيوني
نعش الحبيبه شالته متوني
درب المقابر غيره لو ني
مكسور ضهري وحيلي شافوني
ذاك البسمار تاركلي آلام
بس الحسرات وبالدار أيتام
ولدج من يسألوني
دمعه اتغرگ عيوني
شايل تابوت
****
دافنها بيدي وراجع بدمعه
الفارگ حبيبه ينكسر ضلعه
اگعد حزين ابداري أو انعه
النايم بگبره لبيته شيرجعه
الدافنله احباب يرجع مكسور
راحت ياناس قنديل النور
بفگد الزهره كسروني
دمعه اتغرگ عيوني
شايل تابوت
****
انضر ايتامي ودمعتي بخدي
مكسور گلبي تيتمو ولدي
عام الحزن بفگد ام حسن يبدي
راحت أم روحي وباقي لوحدي
زينب بالنوح شبتلي النار
لأمي اشتاقيت ترجع للدار
عنها لاتمنعوني
دمعه اتغرگ عيوني
شايل تابوت
****
بالدمعه ذابت عيني بغيابج
يوميه ايتامج تجي لبابج
فكدچ يزهره هاظم احبابج
ليليه امشي واشتم اترابج
كل حسره دگول بگلبي المصيوب
الشيعله احباب دلاله يذوب
ميت إني شيعوني
دمعه اتغرگ عيوني
****
علي محسن الفرطوسي
يمظلومه لحن ياقاروره
الشاعر حسن لعيبي الحريشاوي
لاستشهاد فاطمة الزهراء عليها السلام على طور ( يقاروره) لباسم الكربلائي
يمظلومه شكثر عانت
شكثر منهم ظلم شافت
ولاواحد رعاها الزمن لمن جفاها
يمظلومه
★★★★★
ارعد على الزهره الزمن جحفل لياليه ولفه
يلچم جرح بعد الجرح لوجرح من عدها غفه
ماجاز عنها ولارحل ماگال بنت المصطفى
لملم رعيد من الغدر سجيل صار وعاصفه
القهر عجل على الزهره
سهم دمعه وسهم جمره
ولاسهم الخطاها الزمن لمن جفاها
★★★★★
اتبضَّع گلبها من الحزن بضعة رسول الله وصفت
تودع جرح ويرد جرح شگد الوديعه اتعذبت
ذبلت نظر عين النبي ياشمعة البيت الطفت
مات الفرح بيه وجفه وعاش الحزن يوم المشت
صفه حيدر يودعها
بهظم ينظر مواجعها
جفه الراحه ونساها الزمن لمن جفاها
يمظلومه
★★★★★
املاك السمه وگفت حزن لمن جره المدمع يصب
لامن رعايه ولاحفظ حال وصفه حال الغرب
جهلوا قدرها اهل الحقد شلون الارض ماتنگلب
من بيت قرآن أو وحي ومهبط رسالات وكتب
جمع ظالم وگف ضدها
وبشر حاقد سطر خدها
منع حگها ونهاها الزمن لمن جفاها
يمظلومه
★★★★★
وبليل مظلم تندفن حيدر ينفذ هلطلب
بهلطلب تحتج فاطمه واعلنت علسلطة الغضب
فضحت دسايس كل عدو كلمن نهب حگها وسلب
الكتبت مظامين العلم عليها الهظم ليش انكتب
على الزادوا مواجعها
ارفظت واحد يشيعها
عمد طفوا ضواها الزمن لمن جفاها
يمظلومه
★★★★★
مهجة حبيب الله النبي وسلوة وصيه المرتضى
عشرين ماتم العمر حسره وهظم تالي گضه
بالمحن وايام الفتن عمر الورد وسفه مضه
ياجفن ماغمض ابد بليل ودمع يچوي حضه
اسف حيدر گضه عمره
حزن دايم على الزهره
بدمع من دم نعاها الزمن لمن جفاها
يمظلومه
الشاعر حسن لعيبي الحريشاوي
لاستشهاد الصديقة الزهراء عليها السلام (ميمر)
غدّاره دنياها
مانصفت وياها
بعد النبي طه آه الزچيه
★★★★★
مهظومه من بعد النبي ومفجوعه
من لوعه تبدي لوگضت من لوعه
ونتّها صارت للخلگ مسموعه
چبدتها من كثر الهظم مصدوعه
للموت ونتها
العدوان خلتها
ياكثر غربتها. آه الزچيه
★★★★★
سيل المصايب غافلن حالتها
كسرن گلبها ونزلّن دمعتها
صبح ومسه ماتنگطع ونتّها
شنهي الجريمه فاطمه السوّتها
الظنت يراعوها
بالحسره خلوها
من ونّها ملوّها آه الزچيه
★★★★★
جروح الزچيه نار وجت بيها
حتى الدمع نيران شيطفيّها
من اهل السقيقه الصار كله أعليها
ياشيعي اندب فاطمة اوواسيها
شاركها دمعتها
واذكر مصيبتها
يردون ذلتها. آه الزچيه
★★★★★
يلتنشد الصار وجره علزهره
طاح الطفل مثل الگمر تنتظره
مسطّور خدها وعين تهمل حمره
بيت احترگ وظلوعها متكسره
واسنينها المرّن
عشرين ماوصلّن
نوح ودمع خلصن. آه الزچيه
★★★★★
ليش الزچيه بس تون خلوها
وبياذنب اهل الذنب ظلمّوها
مثل النبي بيوم الدفن عافوها
لجل المصالح كل قيّم داسوها
محد نشد عنها
حيدر يچفنّها
وبليل يدفنها. آه الزچيه
الشاعر حسن لعيبي الحريشاوي
السيدة الزهراء عليها الصلاة والسلام في مجالس العزاء
----------------------------------------------
يمكم تراني وحيلي تعبان
بهاي المجالس گلبي نيران
أم الحسن ها يلتواسوني
هوه آنه يمكم دمعه تلگوني
****
ياهو اليواسيني اعله ابني
ياهو اليطيب اضلوعي ذني
ضلوع الحسين الموتني
تحت التراب وعذبني
اباب المجالس يمكم انعه
ياهو اليهل لوليدي دمعه
مو مهم ضلعي المهم ضلعه
من صاح بس انه الاسمعه
يهل العزاء النوح مريود
والدمعه حگهه الجنه وتزود
باحساسكم لمن تشوفوني
هوه آنه يمكم دمعه تلگوني
***
وينه اليساعدني اعله هايه
شبعت حرگ ذيچ العبايه
ضيم الكفل ضيم السبايه
ودعنه يم الماي رايه
الطم يشيعي اليوم علراس
زينب بقت من دون عباس
رايه وچفوف شلون تنداس
المفروض چف النعمه ينباس
شافوهه زينب وسفه وشلون
هاي الگبل متشوفهه عيون
يا حال زينب طيح امتوني
هوه آنه يمكم دمعه تلگوني
***
مشتعل مثل الموگد بليل
ميت يگلبي وضيمك يعيل
تمرني الهلا مرت مچاتيل
تاخذ مناحه وآه وتشيل
كلما ينوح الناعي باسمه
تاخذني روحي وحيل اشمه
واذكر مصابه وفيض دمه
واركض واريد الگاه والمه
حسين الغريب الفوگه الحجار
مو داري وجت روحي بالنار
والموت بين بيه بعيوني
هوه آنه يمكم دمعه تلگوني
***
شوغة مصاب الطف چبيره
من النحر حد الاسيره
تبدي وصعب نلگى الاخيره
زلمتنه ملموم بحصيره
ذاك الگمر متوسد تراب
مو بالغيوم من الطعن غاب
ويلاه يصدره الصار محراب
خيل ورماح وعالرمل ذاب
وجفوف منه بعيد بالگاع
طاحن يوسفه وصار الوداع
سموني ام عباس سموني
هوه آنه يمكم دمعه تلگوني
**
بالدنيا هم بالاخره وياي
انتم واهلكم فزتو بهاي
تدرون دمعه بمجلس دواي
وزعو بثواب وليدي الماي
انتم بچيتو بگلب محروگ
علدخلوهه الشام والسوگ
علصعدت لوحدهه علنوگ
علعبره ذيچ بصدر مخنوگ
واسيتو گلبي بحرگ الخيام
كل الاجر الكم يخدام
الف انعم الله يلتعزوني
هو آنه يمكم دمعه تلگوني
***
كلمات الخادم / رعد الفريجي
ثوابها الى روح والدتي
گوم يا سلمان و الحگ فاطمه
خاف تدعي وماتظل ارض وسمه
يا زهراء •• يا زهراء
…………………………………………………… .....
كوم يا سلمان للزهره ابعجل
العرش دخن غيض والخالق زعل
وفزع جبرائيل و محزّم نزل
ما يظل بالدنيه شط و لا جبل
يطفه نور الشمس تصبح مظلمه
خاف تدعي و ماتظل ارض و سمه
يا زهراء •• يازهراء
……………………………………………………………
كوم يا سلمان والحگها ابركض
كلها ابوج انبعث رحمه الـ هالارض
الدنيا گصرت طولها وضاگ العرض
الدنيا حبة حنطه بيدج تنقبض
بيج كل هاي الكواكب قائمه
خاف تدعي وماتظل ارض وسمه
يازهراء •• يا زهراء
.........................................................
خاف تدعي وتحجي وي رب البشر
التراب ايطير و يذوب الحجر
تشتعل نيران بوراق الشجر
وتزعل الحيتان و يجف البحر
والانهار اتموت من كثر الضمه
خاف تدعي وما تظل ارض وسمه
يا زهراء •• يا زهراء
……………………………………………………………
حكها حمرة عين مكسورة ضلع
بيد قنفذ وجه فاطم منصفع
مدري الاكثر دمها لو سيل الدمع
سگطت الروح او يبنها المنصرع
محسن الماشاف بس سيل الدمه
خاف تدعي و ماتظل ارض وسمه
يا زهراء •• يا زهراء
……………………………………………………………
الله عنده ام الحسن اول رقم
يغضب و لو بس مجرد تنهظم
شلون لو شافاها ظلت بس عظم
امحنبه من عصرات شيطان الظلم
بالحشر كل الخلائق ترجمه
خاف تدعي وما تظل ارض وسمه
يازهراء •• يا زهراء
……………………………………………………………
ردها يا سلمان للدار و تطب
عين الحسين وحسن تربي الدرب
زغيره زينب حالها كلش صعب
جويعده احذ الباب والمدمع يصب
تحجي وي باب الجريمه المؤلمه
خاف تدعي وماتظل ارض وسمه
يازهراء •• يازهراء
……………………………………………………………
خلها يا سلمان تنطيني العذر
بالوصيه امجتف ومن كل كتر
كون ميت كون مدفون ابكبر
ولا تصيح الزهره من كثر العصر
بسم فضه ومو علي اتحشمه
خاف تدعي و ماتظل ارض وسمه
يا زهراء •• يا زهراء
……………………………………………………………
✍️ ( سيد خضر الزاملي)
نعي للسيدة الزهراء عليها السلام
بعدك يبو الزهره الزمن غار
واصحابك الهجمو على الدار
ياحيف طلعو ماهم أحرار
بالنار اجو للزهره عدوان
للدار كال إلا اعتنيها
واكشفها وأعرف مخابيها
كالوله دار الزهره بيها
جاوب وأن وأشعل النيران
يابويه شعلو نار بالباب
الجانو يسموهم الأصحاب
جرحك يبويه كبر ماطاب
لمن رحت وجه الحقد بان
لجل الرئاسه ارتدت أصحاب
إنزال القناع وحل النكاب
آمر ابن صهاك بالباب
باب الوحي يحركونه صحبان
محمد النوري
#الليالي_الفاطمية
#استشهاد الصديقة الكبرى #فاطمة_الزهراء عليها السلام
طور : جاوبني يا علي ، وعدة أطوار أخرى
.
.
بأعتابچ انحنيت
وعلى بابچ بچیت
وابحسرتي نعيت
يا يمه فاطمه
ما ظلت ليّه روح
ذبحتني الجُروح
على ضلعچ أنوح
يا يمه فاطمه
بابچ ليش ابجمر
يا يمــه يستعـــر
واجروحچ اشكثر
يا يمه فاطمه
ضلعچ لیش انكسر
خدچ ليش انسطر
صدرچ ليش انحفر
يا يمه فاطمه
ملطومةِ المتـن
داميــةِ الجِفـن
مُنهِــدّةِ الركــن
يا يمه فاطمه
وابلحظة الغُــروب*
اسنينچ وسف تذوب
وبدأ ليل الكُـــروب
ورحتي يا فاطمه
__
#فاطمة_كريم
٢٠٢٤ م
*(١) عن جعفر بن محمد، عن آبائه (عليهم السلام) قال : ماتت فاطمة (عليها السلام) ما بين المغرب والعشاء . 📚 بحار الأنوار ج ٤٣ ص ٢٠٠