7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
تايهة بين المخيم والـيگلي ياهي هاي
ظالة أبالي چلمتك من تگلي بوية جاي
شما بچيت بالي بالهم ينوجع
لوحچيت حافر وكسرة ضلع
***
يتيمة وردت واحد يرحم بحالي
جثث ظلوا هلي وبعازة الوالي
الوجه يا صوب اديره السوط يبرالي
البقن عن حلفة الله دمعي وأخيالي
حايرة ياصوب أروحن والخيم مشتعلة نار
بعازة أمشابگ محنة من تگلي بوية صار
مالگيت الشوف يفرق عالسمع
لو حچيت حافر وكسرة ضلع
***
احساس اليتم بوية ماتشوفه العين
عشت حيرة أفراگ أبين وين و وين
أرد لعمتي زينب لو اجي لحسين
دخان وشتم والدرب مدري منين
محد يگلي خطية والشتم يآذي الوحيد
نظرة امعاتب بعيني بس احسنك بعيد
صوتي مات الحرة زحمة تندفع
لوحچيت حافر وكسرة ضلع
***
وحگ بيت الدلال وعمتي واهمومي
من اهد مافارگيتك فارگت نومي
لهفتي والعطش باگن من أرسومي
شيخلصه بغيابك بالهضم يومي
صوتي من گلبي طلعته ومحد يدليني بيك
انشد الوادم بحسرة بوية مشتاگة ارد اجيك
من بطيت احترگ مثل الشمع
لوحچيت حافر وكسرة ضلع
***
اليظل وحده عليمن ينتچي و أيگوم
الدلال يموت عطره من يرد مهضوم
شرايك بالگضت ليل ونهار أهموم
فوگ الصار بينا والشماتة أتلوم
الدنيا سودة بعيني صارت والأمل مثل السراب
ضحكة الشامت مصيبة والنحبهم عالتراب
شما بچيت ذاني يلچمها الدمع
لوحچيت حافر وكسرة ضلع
***
اليتيمة التايهة بالغربة وين أتروح
بعد ما اريد أسولف خاف أهيج أجروح
ردت واگف أشوفك ماردت مطروح
الچف البي حبل بالشبگ صعبة أيلوح
أندفنت بدمعي امنياتي من شفت سحگ الخيول
طفلة و أيسحگون أبوها بالوصف مدري شتگول
من أنوليت ضاگت بعيني السبع
لوحچيت حافر وكسرة ضلع
****
خادم خدام الحسين
صدام آل جريو
#العاشر
#أطوار_مختلفة
#طور_تمنيته_الليل
#وصول_السيدة_زينب_الى_ مصرع الحسين ع
▪︎...وصلت زينب الى مصرع الحسين .. وهو يقبض يمينا ويبسط شمالا .. وطرفه نحو الخيام..
السهام والنبال على جسده .. والجراحات غطت ملامحه الشريفه .. ولكن عطر الحسين كعطر الزهراء وكأني بهذا إستدلت على الحسين💔
نادته أأنت الحسين حمانا...!!!
أأنت رجانا...!!!
(مشتاقة بعد مرة) نور عيني يا حسين ...
مشتاقه بعد مره
حتى وانا حاضِنْتَك
عطر امي أشمْ منك
اعلى هاذا وآنه عارِفْتَك
ساكت ليش جاوبني .. حق العِشره و الخوه
بزمان المَر فقدنه احباب .. وانته الباقي لي سلوه
واذا بيدي اموت وياك .. حق أيامنه الحلوه
ابوداعك كل جرح بيّه .. لِجمّني لمّا وادَعْتَك
اظنّك لو تموت الساع .. أموت وياك يروح الروح
واتنفس تقلي شلون؟؟ .. وانته مرضرض ومذبوح
خيال أمشي أظل بعدك .. وتراتيلي البكى والنوح
أقوم واعثر من الهم .. صدق ياخويه فاقِدْتَك ؟؟
ساعة وتنذبح يحسين .. وأصير مكفله بأيتام
اتلفت يسار يمين .. وعلينه تِنحرق لخيام
واذا جِيتك إلَك أفزع .. كعبه وانرمي بسهام
وبعد يومك يسيروني .. يروحي وآنه عاذِرْتَك
🖊خادمة أبي الفضل
#في_خدمة_الراوديد
#لحن هايزينب [ للسيد حجازي حجازي]
▪︎...مولاتنا زينب تستغيث بالعباس ع وهي على ظهر النياق بلا ستر ولا غطاء ولا وطاء ، يجاوبها العباس ع :
روحي زينب ... لا تظنّي بعيني غافي
روحي زينب ... اوياك أمشي لا تخافي
روحي زينب ... تدري بيّه ما أجافي .. روحي زينب
صعبة أقبلها يا زينبنه غريبه
سِتْرِك اكفوفك وشوفنّك سليبه
حجابك حجاب الله هاي انت النجيبه!
والتراب اعلى العِبي يروي المصيبه
انه شِفتك ... من ركضتي وجيتي ليّه
انه شِفتك ... مقطعات لقِيتِي ديّه
انه شِفتك ... تبچي سكته بصوت خافي .. روحي زينب
أذكر وصية اُبونه ودمعا سايل
خيمة فَيّ اعلى إختك يا بوفاضل
وابرقُبتك .اختارك الله إلها كافل
ياوسافه بموتتي اتصعدِي الهوازل
يا عجيبه ... زينب الحره العقيله
يا عجيبه ... تطلع اظهور الهزيله
يا عجيبه ... والسهم في عيني طافي ... روحي زينب
#الجواب من مولاتنا زينب ع :
وحدي أمشي بالظعن ما حَسَبتها
وكافل اظعوني بنهر ما اتوقعتها
كلمه الخوه أنه من بعدَك عِفْتها
العِدْها مِثلَك آيخويه يا بختها
بس عِفتني .. جَتلي بتواسي العطاشى
بس عِفتني .. أشعر بحيلي تلاشى
بس عِفتني .. حزني صايرلي طوافي .. روحي زينب
بإسمي صاحولي يزينب آيدهري
ومتني بسياط انجرح ياخويه تدري
شبوا النّار بخيامي إحرقوا خدري
و اذكرت امي و لهب نيران تسري
عالهزيلة ... انْظُر اشقَد انه أعاني
عالهزيلة ... يالأخو دهري رماني
عالهزيلة ... ربي حافظلي عفافي .. روحي زينب
انا أبكيلًكْ يخويه وونّ عليّه
هاذا حالي من مُصاب الغاضريّه
خوية انظرها الحبيبتنه رقيه
من الرّعُب تتراجف و تمسك بديّه
وينه عمّنه .. أصفن وتحكي دمعتي
وينه عمّنه .. تسأل تهيج حَسرتي
وينه عمّنه .. كافي غيبة عني كافي .. روحي زينب
🖊خادمة أبي الفضل
يانعي يوصف عظيم امصيبتك
ماشي والدنيه ظلام ابغيبتك
يالشفت حز الوريد
شاهد وبالسم شهيد
باقر الآل .. باقر الآل
@@@
باقر اعلوم النبي ونفسه الصميده
هاللي عاين جده يتگطع وريده
الليله بخيوط الچفن شدوله ايده
ميت ابسم الدعي وربعه و عبيده
…
ميت وروحه الشريفه للسمه
صعدت لطه وعلي وي فاطمه
من غدر ابن الوليد
شاهد وبالسم شهيد
باقر الآل .. باقر الآل
@@@
اربع اسنين ولفه بالطف رزيه
شاف شالسوت على العتره اميه
ابعينه شاف الروس فوگ السمهريه
وعمته الحوره على الهزل سبيه
…
كل تفاصيل الضحايه ابكربله
وباقي برگبته اثر للسلسله
حزته اگيود الحديد
شاهد وبالسم شهيد
باقر الآل .. باقر الآل
@@@
هاللي عانه من صغر سنه الألم
ابعينه صورت منذبح صدره انهشم
والكفيل امگطع ويمه العلم
وجدمه مچويه بعد حرگ الخيم
…
ومن بعد طف كربله وذبح الحسين
شاف ضيم الصاب زين العابدين
بمجلس الطاغي يزيد
شاهد وبالسم شهيد
باقر الآل .. باقر الآل
@@@
الباقر افاده من الدنيه انمرد
ولا لفه لحظه من العيش ابسعد
وبني مروان ابظلمهم عالاشد
وهو ثابت منهجه لفرد الصمد
…
ابن زمزم والركن وي المقام
چبده فتتها بأثر سمه هشام
اوسده برمل الصعيد
شاهد وبالسم شهيد
باقر الآل .. باقر الآل
@@@
سبط طه وابن بن مير النحل
بعده بالخمسين عمره وارتحل
حگ على الوادم اذا تعمي المقل
تبچي عالباقر اذا لحده نزل
…
هالشريف ابن الشريف ابن الشريف
تسوه ليه العين لو صبت نزيف
وبالگبر خده وسيد
شاهد وبالسم شهيد
باقر الآل .. باقر الآل
@@@
هاللي من السم چبده منخذم
عاش مظلوم وگضه تالي ابظلم
خنجره البلوه وصل حتى العظم
وحيف گبة گبره تالي تنهدم
…
بيا سنن واليا نهج وابيا كتاب
گبره بس شاهد حجر ويه التراب
ولا يضل گبره جريد
شاهد وبالسم شهيد
باقر الآل .. باقر الآل
@@@
علي آحمد الحمود
٢٥-٥-٢٠٢٤
شهادة الباقر ع
بَسْمِ اللهِ الرَّحْمَنِ الرَّحِيْمِ
[ أقدس علامة ]
أقدس علامة نهج الخدامة
يبيّن قدرها يوم القيامة
___
ربنا شرف جعلها الخدمة تريد اهلها
وخدمتنه بالمجالس راعي العَلَم كفلها
خدمتنه عن قناعة مضمونة هالبضاعة
والخادم الحقيقي ترجم حياته طاعة
اليخدم حبيبه طاهر حليبه
ايحصّل فخرها رغم الملامة
___
علَّمنه ابن مَظَاهُر خدمتنه مو مَظَاهُر
چم نَـص وِرَد يأكّد نحييهن الشّعائر
بالمجلس انجمعنه ثابت يظل طبعنه
در النّجف نشوفه عالخد يهل دمعنه
تشفي المواجع هاي المدامع
معلوم اجرها بيها السّلامة
___
ذمّت جزعنه كثره الماكو بگلبها جمرة
ما وگّف المسيرة الصّار بدربها عثرة
واحنه بنفس أبيّه جاوبنه وبرويّة
عدنه الجزع حضاري نستشهد بـرقيّة
لمّن سبوها جزعت لابوها
عافت صبرها بفقد الإمامة
___
اليحسبهن ويراقب عدنه سبع عجائب
واتفوّقت عليهن خدمتنه بالمواكب
بينه جذر إغاثة من يگدر اجتثاثة
عدنه قضيّة كبرى نخدمها بالوراثة
هاي المسيرة إرث العشيرة
أفنت عمرها لهاي الكرامة
___
واقعنه مو تخلُّف ما نقبل التّطرُّف
عَـ المَا فهم وضعنه عدنا شكثر تأسُّف
كل الّذي نقدمه من ذي الجلالة نعمة
بهاي الشّعائر احنه نتأسّى بالأئمّة
نمشي بأثرهم نعمل بامرهم
واللّي نكرها فاقد شهامة
___
أعظم وَاجَل فَجيعة مرّت على الوديعة
نبچي لمصاب اخوها ربنا خلقنه شيعة
كلمتنه بالبداية وموقفنه بالنّهاية
نخدم مدى عمرنه شلنه العقيدة راية
بهاي الإرادة عشنه السّعادة
وضدنه شمرها شاهر حسامه
شكرًا لله ولآل الله صلوات الله عليهم أجمعين
[ هَذَا مِنْ فَضْلِ رَبِّي ] والحمد لله
بركات الكفيل سلام الله عليه
#أبو_فاضل_هوّه_المفتاح
#رزقهم_صلوات_الله_عليهم_أجمعين
حيدر الموسوي
بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده شور للحسين بداية محرم 🌺
-------------------------------------------------------
فرض العاشقين .. دمعات و ونين
نلطم عالصدور .. لمصاب الحسين
حسييين ااااه .. حسييين ااااه
💔💔💔💔💔
كل وكت عاشور اتاني و خدمته ابقه انتظر
و انتظر وكت المصيبه و گلبي يلهب كالجمر
كل وكت نذكر مصابه بس محرم يا ذكر
نفسك اتحسها اويا زينب املوّعه وفگدت گمر
هالحان الفرض .. و نبجي اعله الركض
وزينب من تون .. لمصاب الحسين
💔💔💔
خل يِحضّر صدره هسه كلمن ايتاني و يحب
هذا مصباح الهدايه يسوه لمن تنتحب
محنته ما صارت ابداً من ذبح ويلي و سلب
و اخته حيرانه اجته اطلع ابسهم الگلب
من جَرِت السهم .. نص گلبه انثلم
لطمت عالوجه .. لمصاب الحسين
💔💔💔
كون اعيشن دور زينب من بقت متحيره
و سلبو ابن امها ثيابه والضلوع امطشره
گلبي ما يحمل مصيبه شلون گلب الصابره
من الالم و آهات روحي روحي تبقه امجمره
ما نحمل مصاب .. يا ذاك العذاب
حگ لو ندك .. لمصاب الحسين
💔💔💔
يا مصيبه الما جرت فد يوم ما مثلج ابد
اتشيب الرضعان والله و اتشيب البلمهد
هذا الك يحسين اخذه سيدي مني وعد
تبقه الك هاي العزيه كل سنيني ابلا عدد
انصب كل سنه .. و ماانساك انه
وعيني ما تمل .. لمصاب الحسين
💔💔💔
يا سفينتنا يغالي و يا شفيع المذنبين
انحبك ابفطرتنه كلنا ابحبك احنه امسودنين
واليخدمك عونه والله اعذرنه خاف امقصرين
لجلك انقيم المأتم وكلنا نصرخ ياحسين
لبينا النداء .. الك روحي فداء
و ما تهجع ابد .. لمصاب الحسين
---------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده للهلال بداية محرم 🌺
-------------------------------------------------------
يشهر الشوم .. ترا المظلوم
ضامي منذبح نحره
بگلب مجروح .. كلها اتنوح
و كلها اتعاون الزهره
يشهر الشوم ما ريدن تجي ليه
بيامك بقه المذبوح عاري فوگ الاوطيه
واخواني على التربان بس اجساد مرميه
وبيوم اهدعش مريت عليهم امشي مسبيه
على الهزلات .. علويات
مجتوفات يا حسره
يشهر النايبه والضيم بيك ابقيت مهضومه
بيك ابن امي عالتربان شفته فايضه ادمومه
طحنت صدره عشر اخيول وتالي سلبو اهدومه
ااه يا لوعة العاشر من ضليت بالحومه
وحدي ابقيت .. ما ونيت
و بالايتام متحيره
يا لوعة مصاب حسين و الخوان يا لوعه
من ضليت برض الطف اركض واني مفجوعه
اطفي النار بذيالي و الاطفال متروعه
شماته اهواي وايضحكون والوليان مصروعه
بلايه اخيام .. ماكو ازلام
اشوفنهم على الغبره
ضلو عالثره امنومين و عليهم جفني ما غافي
اني امحزمه واركض و يبست مني اشفافي
شحال الفاگده الخوان و ما ضلها حضن دافي
من الضيم ما ضل حيل صحت بكربلا كافي
كافي اهموم .. بس ادموم
و بگلبي بقت عبره
الراحو من اديها اخوان تبقه امعاشره الونه
يا شهر الحزن حزني اعله اهلي ما ابطلنه
بنص الليل ذاك اذكر رحت لبن امي المنه
امطشر عالثره يا حيف و عاري ابيش استرنه
ضل مسلوب .. بلايه ثوب
و اني انحب بكتره
---------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده فزاعيه للحسين ع بداية محرم 🌺
-------------------------------------------------------
كل عام ننصب مأتمك
يالعلثره اموذرينك
كل عام نلطم عالصدر
للمات محزوز النحر
و ما ننسه امصاب الگمر
و فاتحه انسويلك
ننصب مأآتم بالحزن
و انگابل الزهره و نون
و الشيعه تنعاك بشجن
كل عام ما ناسينك
يالجمرتك وسط الگلب
بجيت كل عين اليحب
يالوذروك اعله الترب
يا كعبة امحبينك
يا كعبة احزان الخلگ
لمصابك ادليلي احترگ
الناس هامت وبالعشگ
و اتفرح الناخينك
ننخاك نبقه ابخدمتك
و متروح هايه امحبتك
و ترزقنه كون ازيارتك
و عبرة حزن و ونينك
---------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده فزاعيه سريعه للهلال 🌺
-------------------------------------------------------
بين اهلالك يا شهر
والشيعة هالحزنانة
الشيعة هالليلة ابكدر
بالسمه بين هالگمر
نتحزم اويا ام الخدر
باجر تضل حيرانة
باجر تضل امحيرة
وحسين گطعو منحرة
و تبقة الحزينة صابرة
اتعوف الاخو بمجانة
اتعوفه عاري ابلا جفن
و العدة يحدون الضعن
و النوگ وياها تون
و من يومهم تعبانة
انعين زينب بت علي
و العين وياها اتهلي
نلطم على الضل بالخلي
نلطم عليه بدمانة
نلطم على العاري بقة
وادمومة ويلي فايضة
محروم من ماية گضة
و جبدته عطشانة
الليلة نبديه العزة
للگلبه بسهام انغزة
و انحور اخوته امحززة
و نبجي لذبح مولانة
---------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده سلام للحسين ع🌺
-------------------------------------------------------
سلام الله على المذبوح من نحره
سلام الله على اللي امه الزهره
سلام الله على الرگبته مگطوعه
واخيول اعوجية رضت اضلوعه
دارت دايرة و اعليه مجموعه
واخته اتصيح ويلي وتنحب بكتره
يم ابن امها گعدت حالها اشلونه
جرو لحيته و گامو يذبحونه
ما يكفي الذبح بعده يدوسونه
تسمع صوت اضلاعه المتكسره
سلام الله على اضلاعه الرضوها
سلام الله على اخته اللي ضربوها
ومن يم جسم اخوها بسوط بعدوها
و ضلت حايرة بوسط الگلب جمره
سلام الله عليها شكثر مهضومه
حيرانه و عليها الناس ملمومه
اخوها حسين منه سلبو اهدومه
ما يمها ابوها ابحالها تخبره
سلام الله عليج و هم على احجابج
سلام الله عليج و حرگت اثيابج
سلام الله عليج و يكلف امصابج
سلام الله على الوجنه المنسطره
سلام الله عليها و اعله لوعتها
سلام الله العقيلةطه شلون حالتها
يم حسين ونت من مصيبتها
على التربان ضل و هيه متحيره
على التربان ضل اتشوفه متوذر
ماكو امجان صاحي كلشي امطبر
المثلها شلون گولو و بيش تتصبر
مخنوگه و تجر انفاسها ابحسره
سلام الله على الما عافت الونه
مهضومه ودمعها ايهل على الوجنه
راح الحيل منها بعد الامجنه
و ضلت تون زينب حيل متكدره
---------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
جديد نعي بعد مرور سنه على فراق الاحباب الحسين و َال الحسين عليهم السلام
____
مظلمة وموحشة يديار اهلنه
شو دارت سنه ومحد وصلنه
شيعودة العزيز ألراح منه
من يوم المشيتوا أظلم نزلنه
تجافونه سنه يهل المحنه
___
ماچنها سنه چم يوم ظنها
لهسه رسومكم بالدار چنها
تنوح أعله العزيز الراح منها
تون الدار ما يهداش ونها
اعزاز الروح كلها بعيد عنها
__
حزينة الروح ياخوية حزينة
اهنا نگعد سوية و سولفينة
تمر ايام هجرك ما نسينة
عمت عيني على الراح من ادينة
ياوسفة الزمان اشسوة بينة
علينا بعاد متردون لينة
____
نعي عن الام الفاقدة الولد بعد مرور سنه ام الأكبر ام القاسم ام عبدالله آلرضيع
__
يا يمة الولد نارك سرية
سنه مرت ولا مريت بية
أظل انعاك حد يوم المنية
مر بالطيف ماهي امك خطية
اباب الدار اتانيك أعله جية
___
اطلع بالهدوم ودمعة اصبها
ترة التفگد ولد يفطر گلبها
تتيه ما تظل تندل دربها
وعلى هدوم الولد يكثر عتبها
عيون امك ترة شيب هدبها
__
ايا فگد الولد أكبر مصيبة
ينصاب الدليل ومالة طيبة
چا صبري عليك منين اجيبة
تخلي امك يبعد امك غريبة
فلا يگطع حزن گلبي ونحيبة
__
نعي عن الإمام السجاد بعد مرور سنه على فقد ابوه وعمه وإخوانه
_
هالدارت سنتكم ها يزينين
ما تدرون بينا يالبعــــيدين
نهار وليل انحب بوية يحسين
انحنة ظهري عليك وراحت العين
چا مثلك يبوية يحصل منين
_
عمي الراح مني وراحت الروح
اخذ وياه گلبي ودمعي مسفوح
يالماكو بحنانك گلبي مجروح
ابوي الثاني دوم انعاك بالنوح
من كثر البواچي صوتي مبحوح
_
احا يالاخو يالتسوة الونين
أظل انعاك خوية بطول السنين
يبن امي اجيبن مثلك منين
الاخو لو راح مايحصل بعد وين
هالمره سنة يهلي الحنينين
__
يحزام الظهر يالاخو الثاني
ابن عمي واخيي فارگاني
يبن عمي غيابك دوهناني
سنة دارت عليه وما اجاني
حنه ظهري اخيي من جفاني
___
نعي عن أم البنين بعد مرور سنة
____
صدكَ مرت سنة وما شايفتكم
وانه لتالي عمري رايدتكم
ياحيف اعله غفلة مفارگتكم
لما اموتن ييمة متانيتكم
عمت عيني من ادية ظيعتكم
_
دارتلك سنة يا ابعيد عني
ييمة حسين ما يهداش وني
اشوفن صورتك كل ساع چني
مهو سباح گلبي وراح مني
حسبت حساب يمة وخاب ظني
___
يا محلى الليالي الچانت وياك
يلب حشاي تمرد روحي فرگاك
اخذني للگبر يا يمة وياك
طول ايام عمري بدمعي انعاك
لما يطمني الگبر بلساني طرواك
_
أسألكم الدعاء رائد الاسدي
سرى ضعن الفواطم حمل وشال
مصيبتهم مصيبه تهدم الجبال
......................................
مشى ضعن الغريبه بليله ظلمه
لاخوان تمشى وياها زحمه
بس اطفال تحدي بلايه زلمه
عافن عل شريعه هناك خيال
.........................................
راح الحيل منها وتهمل العين
من شافت اخوها بلايه جفين
احتارت وين تنطي الوجه لا وين
تروح ويه الضعن من غير كفال
............................................
صوت اصياطهم هزهز الكونين
من ضربو رقيه أكبال الحسين
تاهت بالفله هاي النساوين
حسين اعله الرمح ينضر للعيال
.................................
سارت بالضعن بنت الأجاويد
فوگ الهزل تمشي ومدري شتريد
مغربه بت علي والحبل بالأيد
من عظم المصيبه شيب البال
.....................................
غصب راحت الحرة وكوه للشام
وعافت نعش أخوها مترس أسهام
تعاين عل رمح والكلب محتام
تروح مجتفه وبيديها الحبال
....................................
غصب تمشي الغريبه وبالگلب نار
اثر ضرب الصياط وحرگ الزغار
تريد اليحدي بيها وياخذ الثار
لا والي البقه والدمع همال
..................................
خادم خدمة الحسين
الشاعر
محمد الموالي
يمحمد تعبنه هواي مسبيات ردينه
لا عباسنه ولا حسين ماتو كل اهالينه
*
هاي منين ؟ زينب هاي !
اي خويه انوليت هواي
شنهي الصار ؟ مات حسين
عباس انذبح علماي
عبد الله بسهم ذبحوه
يشرب ماي ما خلوه
ست شهور ما رحموه
لأمه بلا نفس ردوه
يمحمد ،، حوافر خيل
يمحمد ،، تدوس الهيل
يمحمد ،، سهم عباس
يمحمد ،، يشيب الراس
چفينه وعلم ممدود طفو بالسهم عينه
لا عباسنه ولا حسين ماتو كل اهالينه
**
كلشي ويانه بالطف مات
حنة جاسم الدمعات
رمله اتشوفه دمه يفور
صاحت ها يعلويات
هذا وليدي أموت وياه
تربان الحرب غطاه
مذبوح النحر ويلاه
ميت صعبه تترجاه
يمحمد ،، ذبيح الشاب
يمحمد ،، غطاه تراب
يمحمد ،، عطش وسيوف
يمحمد ،، بعد شنشوف
عريس ودماه اتسيل راح وما رجع لينه
لا عباسنه ولا حسين ماتو كل اهالينه
*
صاحو بالخيم فرهود
وآنه أركض وارد اردود
تعثر طفله طفله اتطيح
وين الفزعه يابو الزود
ضاع اچم طفل وانداس
شنهي النومه يا عباس
نار التحرگ الانفاس
من شفت الولي بلا راس
يمحمد ،، سكينه تنوح
يمحمد ،، گمر مذبوح
يمحمد ،، شتم وحبال
يمحمد ،، عدونه شگال
هاي الخارجيه شلون هاي الچلمه تاذينه
لا عباسنه ولا حسين ماتو كل اهالينه
*
من هم كربله وللشام
نمشي وروسهم گدام
راس حسين ظل ناطور
لحظه اعله الرمح ما نام
من بعيد شفته أندار
راس حسين شنهي الصار
ها خويه الولي محتار
اي خويه أنضربنه حجار
يمحمد ،، صعب ممشاي
يمحمد ،، كرهنه الماي
يمحمد ،، وصلنه الشام
يمحمد ،، حرم وايتام
طبتنه القصر متصير لو عباس حادينه
لا عباسنه ولا حسين ماتو كل اهالينه
****
مرو زينب اعله السوگ
هزل يبن ابوي النوگ
زينب بت علي بيا حال
والهدم العَلّيّ محروگ
ندعي الشمس كون تغيب
وجروح المتون اتطيب
عيون الناس خويه اتصيب
فشل يا خويه زحمه وعيب
يمحمد ،، حرم تنشاف
يمحمد ،، يتامه اتخاف
يمحمد ،، تون وتموت
يمحمد ،، بچي بلا صوت
صاير كل بچينه بليل بس دمعات رجعينه
لا عباسنه ولا حسين ماتو كل اهالينه
✍️ رعد الفريجي
فزاعية لبداية محرم (والبيوت مفتوحه)
اليوم الروايه امعلگه
والبيوت مفتوحه
نسوان حزنانه وزلم
كل بيت يخفگ بي علم
لحسين نذكر ياالم
بدموعنه المسفوحه
واجب علينه هالدمع
ولحسين نلطم عالضلع
ماننسه عباس السبع
ودم هامته واجروحه
ماننسه چفه وهامته
عباس حلوه وگفته
ولحسين تلطم شيعته
هيهات تگطع نوحه
للموت ننصب ماتمه
ونعازي امه فاطمه
ضلت عيونه امسلهمه
ولم الحزن مشبوحه
شابح الزينب عينه
ومره يصد لسكينه
وامصيبته تبچينه
عطشان راحت روحه
عطشان گطعو منحره
وعظامه كلهه امكسره
واتصيح بت الطاهره
يالخوتك مملوحه
يالخوتهه بيهه وفه
بعدك عله الدنيه عفه
جرح البراسك ماشفه
واجنازتك مطروحه
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
((تغطيت بجرح))
تغطيت بجرح هجـرك
نمت وعيوني مختنگه
بويه احلامــــي نادلي
بدَت يافـــاطمه الفـرگه
بدت يافاطمه احزانچ
خواتچ راحن اخـوانچ
غريــبه صــار عنوانچ .. غريبه
"""""""""""""""""""""""""""''''''''''''"""""""
من صِفنتّ دمعتي الآخـر المحمل
مـــن رديت بابـــي والاثـــر وشــــل
بقت بس عين تنضر مالگيت الحل
مريضه وإيدي ترجف والـدمع بــلل
ويهَ الدمع چم ذكرى شالت عيني
أهنا يصلي أهنانه چــان حسـيني
بنبضات الگــــلب ونه
تطلـــع ويه كــــل دگه
بويه احلامــــي نادلي
بدَت يافـــاطمه الفـرگه
غفت ياچلمه بلسانچ
وسالت نبرةّ ألــوانچ
غريــبه صار عنوانچ .. غريبه
"""""""""""""""""""""""""""''''''''''''"""""""
مر بـــيه الزمـــن وآنـــــه بفرد ذكره
غروب الدنيا كلها وجرحي شيفسره
يجيني الليل عبره وتـــــاكل بعـــبره
وتمر بحلامي بويه طـايــــح بغـــبره
بويه الحلم شادهني وآنه أعليله
ياهو الادگ بابــه واروح اشكيله
يمر نحرك على عيوني
وتمر الخيل والسحگه
بويه احلامــــي نادلي
بدَت يافـــاطمه الفـرگه
يزينب وين صـيوانچ
حتى الخيل عدوانچ
غريــبه صار عنوانچ .. غريبه
"""""""""""""""""""""""""""''''''''''''"""""""
افك بابي وأناطر وآنــــه بالدمعه
وصوت يصيح بذني مابعد رجعه
المفارگ عزيــــزه بــــونته تسمعه
المفارگ حبيبه تعرفه مـــن طبعه
ورگه بهواك العالي صاير حالي
غيابك يبــــــويه بالفعل چتالي
أحس النــار بچفوفي
وخواتي بويه محترگه
بويه احلامــــي نادلي
بدَت يافـــاطمه الفـرگه
يروحي حان ميحانچ
هــــذا الموت بركانچ
غريــبه صــار عنوانچ .. غريبه
"""""""""""""""""""""""""""''''''''''''"""""""
مابسچ يروحي هيـــــدي يـاروحي
ثگيله احزانچ وماتنحصي جروحي
يباب البيت صاير يفتهم نــــــوحي
وحسينچ غـده ياروحي مذبــوحي
باب الجرح هم ينتضر ويتاني
ملَــلّـتـه من كثر النشد ويعاني
أدور ويني چا وينك
وين ألگاني ويـن ألگه
بويه احلامــــي نادلي
بدَت يافـــاطمه الفـرگه
عطش وميبس اغصانچ
وماتت شجرةّ اشجـانچ
غريــبه صــار عنـــوانچ .. غريبه
عبد زينب
محمد الابراهيمي
وراكم يا هلــي ثابت يقيني
وراكم أنتضر موتي يجيني
يا هلي
....................................................
بقيت ودمعتي بخدي هلي وبيا جرح تبدي
العليــله
ألمن أحسب أيامـــي هجركم ذابح أحلامي
القليـــله
مشيتوا ولا خبر منكم أسولف أسأل أصوركم
وسيــــله
بعدكم بيمن أتصبر ونيــــران الهجر تسعر
يـــــويله
وراكم ثوبت دمعات عينـي
وراكم أنتضر موتي يجيني
ياهلي
.........................................................
كعدت أبابي محتاره واليفارك هلـــــــه ناره
تفضحه
بين الشوك والفركه واليتاني ضوه الملكــــه
تذبحـــه
الفاكد سلوته دمعه ويريد اليكعد أيسمعـــــــه
ويفرحـه
مشيتوا اوحدي عفتوني بعدكم خابت أضنوني
يجرحــه
وراكم يا هلي فايض حنيني
وراكم أنتضر موتـي يجيني
ياهلي
.........................................................
تمنيت الوكت يرجـــــع وضعنكم كبل لايطلع
وأعوفه
أجي يـــــــم والدي بلهفه وأبوسه وأكعد بصفه
وأشوفه
واحشم عمي أبــو فاضل ويترس مدمعي الهامل
جفوفــه
وأكله بوالدي أتوسل وحلفـــــــــــه بزينب ويقبل
وأطوفه
وراكم شلي بيامي وسنيني
وراكم أنتضر موتي يجيني
يا هلي
.........................................................
أمن أذكـــــــر ذيجه لمتنه كعدنه أهنانه سولفنه
يويلي
رقيه وياها جنت ألعب وأركض لأمي من أتعب
يحيلي
وعبدالله أجــــــــــي عنده وأسهر وأغفه يم مهده
يليلـي
أفــــــك عيني بضوه عيني أبوبه وهيبتي حسيني
دليلي
وراكم صفه نوحي اوونيني
وراكم أنتضر موتي يجيني
ياهلي
.........................................................
صوركم عاشت أبالي يهلي وموتي يحلالي
وأريده
أدور أثــــــر ممشاكم ودمعي جرح فركاكم
نشيــده
أكلب بالصور وأدري شوفتكــــم حلم عمري
بعيـــده
ما بيكم أثـــــــر رجعه دمعه وطاحت الدمعه
شيعيده
وراكم عن يساري وعن يميني
وراكم أنتضر موتـــــي يجيني
ياهلي
.........................................................
خادم خدمة الحسين
الشاعر
محمد الموالي
#طور_خويه_وحدة_من_اليتامى
#ليلة_الحادي_عشر
#حال السيدة زينب ع ليلة الحادي عشر :
خلصت الذّبحة الأليمه .. وخيّم الليل بظلامه
وزينب الظلت وحَدها .. باقي عِدها بس يتامى
احتارت بليل الفجيعة .. وراحت لأهل النشامه
💔 وين !! ؟؟؟
عالنّهر تقره النواعي .. وتِلثِم كفوف الكفلها
#وكأني وصلت الى شط العلقمي
اروي خويه كيف اِجيتك .. لو أقلك عن متوني
يركض الظالم ورايا .. والرّمل ذبو بعيوني
💔 متى يا زينب ...؟
من نِدَهتِلك تبَّسم .. ومني هاجت كل شجوني
بسوطه قام يهز شماته .. يجرح لإختك قلبها
طايح الكافل خدرنا .. حقنه لو جتنا المنيه
منه مقطوعه كفوفه .. ورايته بكتره رميه
وعينه مطعونه بنظرها ..و للسهم نادى إليّه
حتى عيني ما تشاهد .. زينب وطيحت خدرها
🖊خادمة ابي الفضل
على الباقر .. على الباقر
دموع العين ما تنشف .. على الباقر
@@@
دمعتي والونين .. ما گضت والحنين
عاللي عانه ابجروح .. داميه بالسنين
شاهد لكربله .. و قتل جده الحسين
وطفل چان ابضعن .. بالحديد امگيدين
…
بلا ناصر .. بلا ناصر
لعظيم امصاب بارض الطف .. على الباقر
@@@
عانه من الظلم .. ودمعته عالوجن
عالطفوف او حاله .. تنبع اجروح الحزن
ابن زين العابدين .. گظه عمره يون
اعمامه تالي والده .. عالهظم تندفن
…
بني الطاهر .. بني الطاهر
ومصايب كل بني الزهره .. على الباقر
@@@
الباقر ابن النبي .. شسوه بيه الكفر
عالقهر عيشته .. ومضه بيه العمر
سمماه الدعي .. وصوباه الغدر
وختم عمره بألم .. حتى بعد الگبر
…
حلم صاير .. حلم صاير
البقيع اقباب نبنيها .. على الباقر
@@@
سمه ابن الوليد .. وشيعته ناحبه
وعزه في كل زمن .. بالحزن ناصبه
ناره وسط الگلب .. ماطفت لاهبه
ويلي لال النبي .. ويلي لهل العبه
…
الحزن ناشر .. الحزن ناشر
جناح اهمومه بالامه .. على الباقر
@@@
ريت يمه تجي .. شيعته قادمه
وبالبقيع الشموع .. تضوي حتى السمه
نواسي طه وعلي .. وجدته فاطمه
وعنده نرفع علم .. وبالعزا لاطمه
…
مثل عاشر .. مثل عاشر
لعد گبر احسين نتعنه .. على الباقر
@@@
علي أحمد الحمود
٢٦-٥-٢٠٢٤
شهادة الباقر ع
بَسْمِ اللهِ الرَّحْمَنِ الرَّحِيْمِ
أبقى هنا، لو أمشي بكيفه مولاي ويعرف تكليفه
بس تلچم گلبي المحروگ من اسمع أجراس النّوگ
___
عن وجهي من دارت عينه
يمّي وعاشت كلمة "وينه"
ما طالع بعده لـهالسَّفرة
وآني ودمعاتي متانينه
بكل خطوة تثبّتلي افراگه
يتقدّم عمري اويه النّاگة
خل گلبي يعيش بأوجاعه وآني شبيدي غير الطّاعة
حالي يهون ويصبح زين علتي الكبرى افراگ حسين
___
آني اقبل بالـ ظلّي هنانه
بس چنت احلم بـ امشي ويانه
ودمعاتي الصّبّن بوداعه
ظلّن ذكرى بطرف اردانه
من تنزل شكلين الدّمعة
دمعة روحة، ودمعة رجعة
والظّايگ بالرّوحة اللّوعة يسكت وتظل تحچي دموعه
واللّي يناطر جية احباب يزرع عينه بظهر الباب
___
بهاي السَّفرة وهاي الرّحلة
راحت سكنة وراحت خولة
حكمة امن حسين ابقى هنانه
بس لمتي اويه الرّاحن أحلى
ما معترضة وأعـرُف حگّه
بس جاي احچي بضيم الفرگة
وجهي اخلافه المن اديره مو هينة الرّاحولي عشيرة
كلهم سادة ووين الحيد كلمة "سهلة" هنا متـفيد
___
حُجّة ربّي بكيفه يقرّر
هوّه إمامي وينهى ويأمُـر
بس هوّه العالِم بالحالة
هاي الفرگة اهواي اتمرمُـر
فِتَح الباب وفِتَح جروحي
طلع وويّاه طلعت روحي
كلهم راحوا محّد باقي السّجّاد، الباقر، والسّاقي
خيل الفرگة بصدري اتروك ما ظَـلِّي حتّه الكاروك
___
وي ام عبّاس بهالشّدة
وحدة تساعد دمعة وحدة
نأمل بالخير يعود النه
بلكي افراگه يطوّل مُدّة
حسّيت بصعدة ميمونه
يعطشونه وثُــمَّ يذبحونه
إحساسي يخبّرني شما أنظر ينگطع الرّاس اويه الخنصر
هذا احساسي ايهدم الحيل ما يرجع وتسحگه الخيل
___
آآآ يا گلبي وحزنه وضيمه
سارت عمتي بهيئة خيمة
للهودج صعّدها الكافل
والهودج يرسملي الهيمة
راحت بالكافل محميّة
بس گلبي يگلّي المسبيّة
مرسومة بهودجها الهزلة ودم، وتراب، وغربة، وتلّة
من راحت عشت الآلآم گلبي يصيح آخ امن الشّام
شكرًا لله ولآل الله صلوات الله عليهم أجمعين
[ هَذَا مِنْ فَضْلِ رَبِّي ] والحمد لله
بركات الكفيل سلام الله عليه
#أبو_فاضل_هوّه_المفتاح
#رزقهم_صلوات_الله_عليهم_أجمعين
حيدر الموسوي
https://youtu.be/g-IuMaU1iyg?si=6ucUinujZivEuZZa
حبڪ يا حسين امجنُن احوالي
ما غيرڪ سڪن يحسين دلالي
꧁꧁꧁ﷲ꧂꧂꧂
حبڪ يا حسين ابعاصمة روحي
قرآن العشگ اسمڪ و الي يوحي
يا حضرت طبيب انفاسي و جروحي
من زغري انذرتلڪ دمعتي و نوحي
امي ابذاني بسمڪ چانت اتلالي
ما غيرڪ سڪن يحسين دلالي
꧁꧁꧁ﷲ꧂꧂꧂
يا مصحف دموعي الأقره بيه آنه
دين اگليبي انت و انت قرآنه
حبڪ يلهب ابشرياني برڪانه
روّيني ابضيائڪ يحلى ريحانه
ناقش الله اسمڪ دوم في بالي
ما غيرڪ سڪن يحسين دلالي
꧁꧁꧁ﷲ꧂꧂꧂
يطفه هالعمر فانوصه من دونڪ
والله هالگلب يحسين مجنونڪ
اتمنّى اموتن و انظر عيونڪ
خادم لو تعدني يڪفي ممنونڪ
لن خدمت مضيفڪ رفعت اجلالي
ما غيرڪ سڪن يحسين دلالي
꧁꧁꧁ﷲ꧂꧂꧂
فدوه الضي جمالڪ يا جمال الله
و الضيْ وجهڪ الباري ابعشگ صلّه
جنّنت العوالم يا بو عبدالله
و الّي ابحبّڪ انجنّ اكتمل عگله
لو ذبحوني لجلڪ والله ما بالي
ما غيرڪ سڪن يحسين دلالي
꧁꧁꧁ﷲ꧂꧂꧂
يا شمس العوالم يا شمس طيبه
مَن مثلڪ ذبيح اعلى الرمح هيبه
ماڪو چن مصيبةْ ذبحڪ امصيبه
من دم النبي متخضّبه الشيبه
وجه الله انرفع راسڪ على العالي
ما غيرڪ سڪن يحسين دلالي
꧁꧁꧁ﷲ꧂꧂꧂
خادم لخدمة الامام الحسين عليه السلام
ناصر البوعبيد
بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده فزاعيه للحسين بداية محرم 🌺
-------------------------------------------------------
للموت ننعه ابو علي
و انوح لجل امصابه
للموت ننعه امصيبته
ما ننسة اهله واخوته
و بيوم حزو رگبته
و بالحومه ضل بخضابه
امخضب و صاير وذر
جم ضلع من صدره انكسر
كل عظم مشمور ابكتر
و اخته تون مرتابه
يا حالة اخته تنضره
و اتنوح يمه امكدره
ضلت تلمه حايره
ضل يدي بيه اصوابه
حگها العقيله من تون
حسين يستاهل حزن
منهو اضلوعه اتطشرن
و منهو بقه بترابه
امصابه ما مثله ابد
جم اخو راح و جم ولد
و نعرف شگد ياذي الفگد
و نار الفگد لهابه
---------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
قصيدة فزاعيه للحسين ع بداية محرم
.....................
كل يوم لطمتنه الك
مو كل سنه مولانه
كل يوم ننصب مأتمك
بگلوبنه و ننحب الك
يحسين لا منبدلك
و دموعنه جريانه
تجري الاعيون لمحنتك
و انواسي زينب خيّتك
بالگلب والله فجعتك
و انعاون الحزنانه
انعين زينب باللطم
و ما ننسه شيال العام
جمرة امصابك والهضم
برواحنه كبرانه
بالروح والله و بالگلب
يالمنحرم شرب العذب
خلوك جثه عالترب
و امصابك الهضمانه
يهضم تراهو امصابك
و عذب اگلوب احبابك
نتمنه ذاك اصوابك
بگلوبنه و أذانه
امصابك امأذينه
يحسين ما ناسينه
بالحشر يشفع لينه
و بس حبكم النجانه
------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
قصيدة مربعه ( لهلال محرم )
.....................
المن جايني ياشهر الاحزان
هليت المسيه و گلبي وجعان
المن جايني يا شهر الاهموم
گلبي اعله الاهل لساعه مالوم
بيك حسين ضل عاري بلا اهدوم
و يم نهر الفرات انذبح عطشان
انذبح ضامي اخوي و كل الاحباب
و اني ابقيت حرمه ابين الاجناب
يا لوعة هلي و يا ذاك الامصاب
و ضل گلبي على الوليان وجعان
گلبي ما هده لحظه بعدهم
عزيزين اعله گلبي شگد ردتهم
اه يا دنيتي المني خذتهم
حلوين الجهامه و كلهم احنان
احنان اعليه وسفه لجن راحو
حلوين المعاني ابترب نامو
ما ضگت الفرح من يوم شالو
ضل دمعي عليهم حيل غدران
همال الدمع من يوم الافراگ
و ليليه اهيمن و الله و اشتاگ
بعدها ابگلبي يا حسرات الاعراگ
و ضل البيت عگب المشو خلوان
خالي البيت كتلتني وحشته
عگب الحملو ماريد طبته
يا شهر الحزن گلبي لجمته
و لشوفة اخوتي الگلب لهفان
------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 مجلس نعي لبداية شهر محرم الحرام 🌺
-------------------------------------------------------
حديث ليلة واحد من محرم 💔
في مثل هذه الليله من بعد مقتل مولانا الحسين و اخوته بسنة واحدة مولاتنا زينب ع تنظر إلى السماء وترى هلال محرم الحرام كأني بلسان حالها تقول ....
*نعي قريض💔*
* * *
نـاديتُ يــا شهر الـحـزنِ
رِفقاً بقـلبـي الـمـوجَـعُ
بللّهِ لاتقبل عليّ بحزنكَ
فاءنَ الجروح تنعاد و ترجعُ
اني تركتُ الاهل على تراب كربلا
سُلبٌ مقطعينَ و صُرّعُ
اجسادهم اشلاءَ تركتها
و نحورِهم فوقَ القناة ترفعُ
اذكـر سُبينا والـهضيمةِ
على تلك النياق الهزل ندمعُ
المتنُ اصبحَ ازرقاً من سوطِهم
و عَلى الحالِ حتى النياق تَدمعُ
اهٍ على الـشامُ و غربتُها
فيها حسراتُ القلبِ كثُرتْ و اتلوعُ
وتلك مجالسُ الأنذالِ التي حظرتها
بشجاعةٍ ذللت فيها الطغاة أجمعُ
🕊🕊🕊🕊🕊🕊🕊
نعي مجرد 😭
الليله علية بان الاهلال
و الهضم بالدلال جتال
باجر كفيلة اصبح بالاعيال
اهلال الشهر شفته وهضمني
و عالگاع ضلو خوال ابني
صارت سنة و ما يهدة وني
العام اذكر من خذوني
عالهزل مجتوفة سبوني
ماگامو اخوتي و ودعوني
رحت ابهضم و اخواني عالگاع
حلوين المعاني وحلوة الاطباع
و حسين ما ضلتله اظلاع
انعاد الحزن هالليلة بية
ياهو اليوديني المسية
عفت اخوتي بالغاضرية
الليله الزجية شايلة اعلام
لحسين اجت تلطم على الهام
متحزمة اجتي ابدمع سجام
دمع الزجية اليوم يجري
و تصيح يبني وبعد عمري
امصابك تراهو كسر ظهري
اليوم ام حسن محنية جاية
گوة اجت بيديها راية
اتريد العزة و رادت اقراية
بكل مجلس ام حسين تحظر
تبجي اعلة ابنها المات بالحر
ويانة تبجي و حيل تقهر
انعزي الزجية و نعاهدها
للموت ما ننسة ولدها
انريد الشفاعة هناك عدها
---------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
نعي محرم
زينب عليها السلام والفاقدات اولادهن عندما يهل هلال محرم
-------------------------------------
هل اهلال حزني وزاد وني
اعيش بكربله لليـــــــوم چني
خذاك البين خوية بساع مني
عليكم ماكَطع نوحي اونيني
---------------------------------------_
على الزينين ماتبطل دمعتي
شد وياي شنهي يريد وكتي
ترة فراكَ الاهل فتت مهجتي
ليل انهار بس اتسيل عيني
---------------------------------------
نتكَابل على هدومك نــــشمها
ورسومك حسافة تراب طمها
ودارك تنتحب ماهم زلــــــمها
تكَول الراح مني هم يجيــني
---------------------------------------
لسان حال زينب بعد فقد الحسين
---------------------------------------
الجنازة اتريد من يبچي لجلها
وكل غالي على مـــتونة حملها
شـــــلون البالغرب ظـلوا اهلها
احشم ما فـــــزع واحد دفنهم
-------------------------------------------
يــتخير الزيــــــن المـوت مالة
والفاكَد عزيــــــزة شـلون حالة
يجــيم النوح والمـدمع حلالة
وانة ليل ونهار اندب لـجلهم
--------------------------------------------
عادت كل نعش من بيتة يطلع
اوراه اولاد والـخـوان تفـزع
ظل بارض الغرب جسمة تكَطع
حسين واخوتة واولادة كلهم
-------------------------------------------
رملة ام القاسم
**
يبعد رويحتي يابعد شيبي
اشمن بيك چن شمة عذيبي
ييمة اذكر رباي ودر حليبي
خذاك البين ياوسفة من ادية
*
يشمعة بيتي ياضي البالعيون
يبعد امكم فرد روحة تروحون
الفاركَها ضناها تصبر شلون
بطول الليل دمعتها جرية
**
اسهرلك ليالي وانـحب ايام
يبو طول الحلو دلالي محتام
اشوفنك يغالي بس بالاحلام
صارت شوفتك حسرة علية
*
اليروح وليدها يزرف كَلبها
مسيل عيونها ايشيب هدبها
تظل انوب ما تندل دربها
ادور عليك ويكَودون بية
*
ليلى ام علي الاكبر
*
چنت بالبيت يامدلول شمعة
طفت واليوم بس ظليت دمعة
لون كَلبي تشوف شلون وضعة
يكسر خاطرك بالبيت حالي
****
افرشلك فراش ابجية الليل
وهدمك اشمها يالولد حيل
اغطيها بعباتي ودمعتي تسيل
اخاف من الهوه تبرد يغالي
*
الله ايعين من فكَدت ابنها
شباب وبالكَبر وبعيد عنها
يبعد امك نحل امك بدنها
لا هادت نهار ولا ليالي
***
أسالكم الدعاء رائد الاسدي
قصيدة بدون حرف الراء بحق العليلة
طول ياليل ابوداع الغالي
خاف ما اشوفة بعد للـتالي
------------------------------------------------
تجهزن كلهن خــــواتي وانة لا
واسـمع يكَلن لبــونة اختنة چا
شلون بيها ما بعد تحمل بلا
دمعة وهموم وسكَم چــــتالي
-----------------------------------------------
آه ياليـــل البُعد ليلك صعب
عذبتني وآه الك وسط الگلب
الدموع عليك من عيني تصب
كَامــــت ظنـوني تجول ابالي
------------------------------------------------
خاف لوعات الكَلب مايحتمل
لوعتي ظليت وحدي ابلا اهل
فوكَ دايي انوب حطيتوا علل
ما شفت ياليــل نوحي وحالي
------------------------------------------------
للصبح ما انام عيني شابحة
من يحين وداع كَلبي تذبحة
بوية من اتشيل بعدك نايحة
ابيتي مدفونة بغياب الوالي
------------------------------------------------
ياعلي انـــخاك وگفها الشــــمس
خل يطول الليل محزونة النفس
لا يجي المصباح خلها تنحبس
مظــــــلم البيـت بغــــيابة وخالي
------------------------------------------------
خاف عني ايشيل ويطول الامد
والزمان ايطـــول ويظل للابد
واكَعـــد انة اتناه ميعود بعد
الــــدمع يالـيل ظـل يــــحلالي
=================
أسالكم الدعاء رائد الاسدي
نعي للسيدة زينب عليها السلام
ونت وونتها ضعيفه
بليلة حزن كلش مخيفه
بت فاطمه الزهره الشريفه
بولية اعداها المايرحمون
ونت لخوها حسين ونت
بصوت الظليمه وليه حنت
سود الليالي بحزن جنت
خلت الحره تسيل العيون
سالت اعيون الحره زينب
وجن للدهر وياها مطلب
حسين انذبح والقلب عطب
وين الغيارى لهمها يجلون
خوف العدى يسمعون بيها
لو ونت وتندب وليها
زينب اعداها مناصبيها
عدوان ولذلها يريدون
يردون زينب كون تنذل
من بعد كافلها المعدل
درب النجف ياهوه يندل
اهل المروه الها يفزعون
درب النجف ياناس وينه
وصو لبو روح الحنبنه
كولوله ابنك ذابحينه
وضلت بناتك تجري الجفون
ضلن ينوحن وين اهلهن
والدهر اضنه يريد ذلهن
من راحو اهل الغيره عنهن
النار شبت بين الظعون
محمد النوري
بتوفيق الله وصاحب الزمان❤️
قصيدة : ها يــَجــابــر؟
ها يــَجابر.... ها يــَجابـر
دَمعي نازِل ..كَلبي صابِر
روحــي فِــجعَت ياوِلينـه
ويــنــها الزهَــرة وعَـلِينه
أحسين ماظَنتي ويِجينه
مِــنــذبِح جَــوه الحَوافـر
ها يــجابر هــا يــجابِــر
دمعي نازل ...كَلبي صابر
❀¸¸.•*¨*•.لٌبابة آل ياسين .•*¨*•.¸¸❀
ألشَمِــس ظِـهرية غابَـت
روحي ويَّه حسين لابَـت
أجروح تِنزف عين ذابت
شمعة جَن فوك المــكَابِر
ها يَجابر ...ها يَــجابـــِر
دمعي نازِل ..كَلُب صابِر
❀¸¸.•*¨*•.لٌبابة آل ياسين .•*¨*•.¸¸❀
كَبله مٌسلم جان حِيدر
طاح شَرهٌم باب خِيبر
جَن أسد بالغاب يزئَــر
بس غَدرهٌم مالَه دابِـر
ها يجــابــر ...ها يجــابـــر
دمعي يِنزِل كَــلبــي صابـر
❀¸¸.•*¨*•.لٌبابة آل ياسين .•*¨*•.¸¸❀
إل كِفل كَطْعٌوا جِفوفه
كَطِعوهَا إبلايا خٌــوفــه
جـان كَعبه وآنه اطوفه
زودي بِــيهــم لو أكـابِـر
ها يجابر ... هايـَجـابــر
دمعي نــازِل كَلبي صابِر
❀¸¸.•*¨*•.لٌبابة آل ياسين .•*¨*•.¸¸❀
والرِضــيــع أشلون نايـــِم
بالحضن نــوم الحَــمـايِــم
زهَرته وي النِده وصـايـِـم
مَنــحره هَــزهــا الــمـنابـر
ها يَــجابــر ها يــجابـر
دمعي نازل كلبي صابر
❀¸¸.•*¨*•.لٌبابة آل ياسين .•*¨*•.¸¸❀
وِجه لكْبَر يل هِضــيمة
يٌمطر الدَم جَنه غــيمه...
أبلاشَرَف وبلايا شيمه
يِنــذبــِح إبــن الأكابِر
ها يجابر ...ها يــَجابـر
دمعي نازل كلبي صابر
❀¸¸.•*¨*•.لٌبابة آل ياسين .•*¨*•.¸¸❀
إبن أخوية وليــدي قاسِم
بالحرب جَن خٌويه حاسِم
بالشجاعة وغِــيرة راسِـم
أغـــلـى لوحــة لـــلمعابِر
ها يجابر...ها يــجابـــر
دمعي نازل كلبي صابر
❀¸¸.•*¨*•.لٌبابة آل ياسين .•*¨*•.¸¸❀
والـــعِلـيل أنجومَه طاحَـن
والـسِمـــا و الكَـاع نـاحَــن
ذكريــاته وروحـه صاحـَن...
حَـسرَة ياخويـة الخَواطِر
ها يجابر ..ها يجــابــِر
دمعي نازل كلبي صابر
❀¸¸.•*¨*•.لٌبابة آل ياسين .•*¨*•.¸¸❀
والخيِّــم نار ودٌخَــانــــه
أنريد عادل ماإجـــانــه
يمطٌر الخٌوف إبسِـمـانَــه
ضَعَن وتحٌوفه العَــساكِر
ها يجابر ...ها يــجـابر
دمعي نازل كلبي صَابر
❀¸¸.•*¨*•.لٌبابة آل ياسين .•*¨*•.¸¸❀
طاح راس الــخِير كِــلَــه
أحسين ماكو ظـلمة خَلّه
صَـــعِبــوها وهــي سَهلة
هذا امــام وذاك كــافــر
هــا يجابر هـــا يــجابــر
دمعي نازلي كلبي صابـر
❀¸¸.•*¨*•.لٌبابة آل ياسين .•*¨*•.¸¸❀
لٌـــبابة آلــ يـــاسين
من يديَّ ليد صاحب الزمان❤️
وزن: مدور مربع شبكه
#جديد
#الهلال ودخول محرم
طور : يا عيد الفطر ، ملا محمد الجنامي
https://youtu.be/kCeVZNCLd_o?si=HxA0ztENVDbEksa1
.
.
يَهلال المُحـــرّم لا تجينه
ما خليت والله اعزاز لينه
يَهلال الحزن كل أهلي ميتين
ومن كثر البواچي ما بُگت عين
____
هليت يا شهر الحزن .. يا ريت أبد ما هليت
وابطلعتك چم هدّمت .. يهلال لينه چم بيت
چم غالي من عدنه خّذِت .. لَيّه إخو ما خليت
ميته عساني أو لا يِهل .. اهلالك عليه يا ريت
شتذكّر وأنا الما ناسيه ابيوم
بالخيل اسحگوا جثة المظلوم
بعيني شفته محزوز الوريدين
يَهلال الحزن كل أهلي ميتين
___
شتذكّر او آنه الشفت .. كل أهلي بالطف صرعه
بعيني نظرت لكافلي .. واچفوف اديه متگطعه
وجســــام بالدم حنته .. طَفّوله ويلي الشمعه
وشفت الرباب اعله الولد .. اتلوليه مره وتنعه
وليله اتجمّع ابجثة الأكبر
يهلال وبعد شحچيلك أكثر
بنفس اليوم أنظرهم مطاعين
يَهلال الحزن كل أهلي ميتين
___
يهلال وابگلبي جرح .. حين اصعدت على التل
ابحيرة دليلي ألتفت .. بلكت مكانــــه أنـــــدل
حمره أشوفنها السمه ..وبگلبي أحس المقتــــل
ابن أمي ما يرجع بعد .. إشما أنــــادي وأســـأل
عميه العين ريت أو لا أصد ليه
فوگ الرمح لن راســــه امعلگيه
اهنا ناديت آيا خويه يحسين
يَهلال الحزن كل أهلي ميتين
___
يهلال أو هم تدري بعد .. عگب أهلي والله بحالي
زينــــب وأروح اميســـره .. ما چــــان ايمر اببالي
بنت الأميـــر وفـاطمـــه .. فوگ الهزيـــله تــالــــي
ايدخلوني ديــوان الرجس .. وراس الغريب اگبالي
آيهــــلال مِنِّ اتمر عليــــه
شنهو الظل بعد يهلال بيه
كل دُور الأهل يَهلال خالين
يَهلال الحزن كل أهلي ميتين
___
تمت ببركات مولاتي العقيلة زينب عليها السلام
#فاطمة_كريم
٢٠٢٤ م
لحن (وين الدموع)
بصوت
ملا حسين السوداني
كربلاء