7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
اخاف .......يابويه تذبح كلمة امسافر
اخاف .....تهجرني رايح لو كلت باجر
***
بويه تدريني عليله وهذا حالي
البيت من باجر اكلك يبقى خالي
بلايه ماي الورده تذبل بويه تالي
وانه اموت البيت وحشه بلايه والي
اخاف......بعدك يبويه اكسر الخاطر
اخاف ....تهجرني رايح لو كلت باجر
***
بويه خذني وياك تدريني عليله
والحمل لو طاح جا منهو اليشيله
بويه احلفك خاف سفرتكم طويله
خاف اشوفن عمتي بنوك الهزيله
اخاف.....ظلمه الليالي بليلة العاشر
***
بويه حاجيك التفت بالله عليه
من يجيني الليل حسره بلا اخيه
احسب الفركه وشم شيلة رقيه
وهذا عبدالله اناغي كل مسيه
اخاف.....يابويه يمك ينفطم حاضر
*****
بويه اكعد من وكت وفرش عباتي
بلكي وحده وياي تكعد من خواتي
ليش مجبوره انه اعيشن ذكرياتي
طيف ياخذني ويرد شل امنياتي
اخاف....مرعوبه اظلن والفكر حاير
****
التفكد الوالد تره امبين عليهه
خنكة المغرب سوالفهه وبجيهه
منهو اليدللهه لو يسمع حجيهه
من يمر طاري الابو تصفك بديهه
اخاف ....باجر يتيمه ودمعي متناثر
****
بويه جنهه قسمتي ابقى وحيده
والجرح ماخذ جرح ليش الاريده
بويه اكتب قصتي تبجي القصيده
والرسايل تنذبح حسرة حميده
اخاف..بالخيل يسحك صدرك الحافر
اخاف ...تهجرني رايح لو كلت باجر
***
تمت بعون الله
خادمكم ....يوسف الفتلاوي
ناديتك بالدموع ناديتك
تذبحني بالفراك حسيتك
واحسيناه....
*******
يابويه حاچيني بدمعاتي المضن
وبهجرك ذابحني مشتاكه واون
يا ليلي تلفيني بسنيني واحن
جن روحي بفراكك لابيت وسكن
يالغالي وبابي تانيتك
تسبيحي ونفاسي خليتك
واحسيناه
*******
بحلامي والامي كل عمري انطوه
بسنيني ضي عيني اصبحلك ضوه
بنفاسي وحساسي مخنوك الهوه
چن خيمه بالهيمه عبدالله انچوه
ياعمري مشتاكه النظراته
یحييني عبدالله بضحكاته
واحسيناه
*******
يابويه بس نظره منك لوتصد
بعيونك حاچيني ماچنك ترد
ارتاح بنبراتك تقرالي الحمد
چن طه وچن حيدر صاحولك اعد
يابويه تسمعني يا ريتك
لو بيدي بعيوني ضميتك
واحسيناه
*******
بحزاني عنواني تلكاني شجن
مقسومه دمعاتي بالغربه امتحن
عافوني وخلوني بهموم الزمن
اتمنه وياكم يحديني الضعن
يابويه حاجيني يالغالي
موتني من هجرك دلالي
واحسيناه
*******
افرشهه مصلايه روحي بكل فرض
لو ذكرك بلساني دك كلبي نبض
يادمعي مو كافي جرحي لو يفض
چن طيفك لو مرني شع نور الأرض
وصيتك بالضعون وصيتك
تانيني عله ممشاك ناديتك
واحسيناه
*******
لجماتي وشوغاتي دلالي انسحن
بس غربه أحلامي مرت ونطعن
معقوله تلكاني بيت بلا وطن
بغيابك جن روحي ملفوفه بچفن
يا روحي تلكاني تانيتك
وبجرحي يا بويه وافيتك
واحسيناه
*******
تمت بعون الله
خادمكم.... يوسف الفتلاوي
بتوفيق الله وصاحب الزمان
محرم ٢٠٢٤
يوم العاشر
ياطائر السماِء يــا زينة الكِساِء
ياباب للرجاءِ
نحرك نبي يِشمه يتحسر إلدمة
ياسيد النعمة
مٌخـضـَبٌ الدِماء
حيَّ على العـزاء
ياحامـِل الـرزايا يــاوارث الـمَزايـا
يامٌجزي العَـطايا
يَـل مِنسـحّك جِسمه والحافر إتهشمة
يــا قِبـلة العـِصمَـة
ضمآن؛ فيك الماءِ!!
نــور وفي العلاء
حيَّ على العـزاء
في نهجك الضِياء في ركبك البقاء
في ذكرك العطاء
والتــايه.. إتلِمَـه
والـحاير إتفِهمَـه
يَل مكتمل عِلمَه
إجــابة الســماء
حيَّ على العـزاء
رضــيتَ بالقـضاءِ أٌحــييتَ بالفَنَاءِ
أوٌجبتَ بالثناءِ
للحَك صرت جِلمَة
والبــاطل إتـهِـدمَه
والواضح إترسمَه
شــهــادة البقــاء
حـيَّ على العـزاء
مسلوباً الرداءِ مخضبٌ الدماءِ
شمسٌ وفي العراءِ
إنت القلم واللوح إنت إلضوة المذبوح
نَهجَك سفينة نوح
يــاطائر الســماء
حي على العــزاء
لٌــــبـابة آلــ ياسـين
من يدي ليد صاحب الزمان
(( #معجزة_الوفاء ))
…………………………………………………………
معجزةُ الوفاء •• سلطانةٌ العزاء
في هذهِ الارضِ أسمُها أم البنينِ
وفي السماءِ كعبةُ الحُبِ الحسيني
ام البنينِ .. أم البنينِ
……………………………………………………………
من عدها الاخلاص انخلق
والوفه من عدها انطلق . لاهل البريه
جي ماكو اخت عد فاطمه
خلقاها جبار السمه . لفاطم هديه
من طين سبحة فاطمه . رب العرش خلقاها
من عطر الحسين الزكي . قبل الخلق رشّاها
حتى تضل ريه و نفس . تختنگ لو عافاها
طينتُها دُموع •• للنحرِ و الضلوع
للطفِ نهرٌ قد جَرى في كُلِ عينِ
وفي السماءِ كعبةُ الحبِ الحُسيني
أم البنينِ .. أم البنينِ
……………………………………………………………
في عالم الذر اختبر
ربك جمع كل البشر . بيهم يسائل
من يخدم حسين وسأل
اول بشر گام و قبل . ام ابو فاضل
مو ايد وحده ام الگمر . رفعت اثنين ايديها
مو مره من گالت أنا . مرات عادت بيها
يارب اسس مملكه . ومن الخدم امليها
يا واهبَ الحياة •• عهدٌ الى الممات
صوتُ العزاءِ يعتلي في الخاقينِ
وفي السماءِ كعبةُ الحبِ الحسيني
أم البنينِ ..أم البنينِ
……………………………………………………………
ازغيره ما عرفت لعب
عدها حرز بيه منكتب . احروف اسم الحسين
تنوح وتظل تمطر مُطر
امبلل بگه بيت الشَعَر . من دمعة العين
لو صدت العين الشمس . وجه الحسين اتنظره
وبالگمر تنظر هامته . تضوي العمامه الخضره
وكل ليله تحلم بيه أجه . چـ الفضّه يلمع نحره
تحسّهُ شَهيق •• كـ نسمةِ الغريق
تراهُ في شِمالِها و في اليمينِ
وفي السماءِ كعبةُ الحبِ الحسيني
أم البنينِ .. أم البنينِ
……………………………………………………………
من وصلت البيت ام حسن
رجلين وايدين ارجفن . اصعب مهمه
وما صدگت چن ابحلم
يگلها الحسين و مبتسم . اهلا ييمه
لا يا بعد نبض الگلب . وبعد اليشوفن ذني
خدامه لترابك تره . خيعوني لو تقبلني
هالچلمه من ارض السمه . الفوگ الگمر رفعتني
يا ربِ يا قدير •• أُمٌ لهُ أصير
سلطانةٌ يعني انكتب فوقَ الجبينِ
وفي السماءِ كعبةُ الحبِ الحسيني
أم البنينِ .. أم البنينِ
……………………………………………………………
كل امهات اذب جهد
وتباري و اتربي الولد . لساعة كبرهن
بس هي وبحرص و تعب
ربتهن الاربع رگب . لسيف اليحزهن
والاعجب و تحسب تظل . هالعدد عدها شويه
تعصر بديها امن الخجل . امن ام الحسن مستحيه
لحسين تحسبهم صفر . لو عدها جانوا ميه
أسطورةُ الفداء •• مملوءةٌ سخاء
والابنُ صارَ مثلُها اعطى اليدينِ
وفي السماءِ كعبةُ الحبِ الحسيني
أم البنينِ .. أم البنينِ
……………………………………………………………
عدها أمنيه ظلت جرح
من الگفه هم تنذبح . منها الدمه يسيل
وضلوع تطبگ عالظهر
وتنسحگ في عظم النحر . من حافر الخيل
وي روحها تحجي ابدمع . ابيت أكعد ومحميه
وابزينب اتچوّي الشمس . ابسوط الشمر محنيه
ياريت وياهن واظل . مدفونه يم ارقيه
في ضَعنِهن أكون •• السوطُ في المتون
ياسوطُ دع بنتَ النبي قم واعتليني
وفي السماءِ كعبةُ الحبِ الحسيني
أم البنينِ .. أم البنينِ
……………………………………………………………
✍️ ( سيد خضر الزاملي )
بصوت. مسلم المطيري
بطل نازل بيهم
كلمات الشاعر
ابو ماجد الشغانبي
(( #مدرسة_الوفاء ))
……………………………………………………………
خل ندخل ابمدرسة ابو فاضل
المنها تخرج للـخدر كافل
ام البنين .. ام البنين
……………………………………………………………
هالدعوه من رب النِعم
الكل واحد ابـ آل الخدم . وايسجل اسمه
في مدرسة عز وفخر
اسم المديره ام الگمر . و هي المعلمه
لازم تجيب اربع صور . في مجلس ابن الزهره
وحده ابلطم وحده ابدمع . واثنين ونه وحسره
وتأييد تسكن بالعزا . امن المنبر انت اتحضره
والگلب جنسيتك يهل خادم
ينبض يريدونه ابعشگ فاطم
نبضه الگمر .. نبضه الحُسين
ام البنين .. ام البنين
……………………………………………………………
وضعت شروط المدرسه
المابيه ابد مندرّسه . اخلاص وعقيده
واللي تكبر عالخدم
يعتبر هاجم عالخيم . حارگها بيده
عالباب ام المدرسه . كتبت عباره اچبيره
ما يدخل الـ بالشهره هَم . وبس بالرياء تفكيره
نستقبل اليشتم وفه . وبي عالشعائر غيره
نحنُ نرحب بالكثر نوحه
السحگ الحوافر تنزف جروحه
مثل البچت .. طول السنين
ام البنين .. ام البنين
……………………………………………………………
والمنهج وما بيه حذف
امن الالف للياء ينعرف . عنوانه الحسين
ظلمه الجهل نور العلم
واستاذتك تحمل اسم . الحره ام لبـ نين
لو شرحت الطف تنگلب . ارض وسمه احسينيه
واتعيشك ابنص الخيم . وتسمع بواجي ارقيه
من كثر ما تفهم تظل . كل درس تاخذ ميه
والمجتهد تكريم إله اتقدمه
اتعلگ وسام ابموضع اللطمه
امن ام الوفه .. و گلب الحنين
ام البنين … ام البنين
……………………………………………………………
ما بيها عطله و معلنه
لا نص سنه واخر سنه . دوم الخدامه
بالجمعه هم واجب حضر
تندب المهدي المنتظر . نور الامامه
تبتدي ابعاشور النحر . و الخدمه لو مشايه
وامحرم الباب وضلع . اثلثتشر كلها اقرايه
وبرجب لم عون الذكر . و الموسى نرفع رايه
ولكل امام المجلس انعيده
ذكر الحسين ايدوم تجديده
منها الوفاء .. امعلمين
ام البنين .. ام البنين
……………………………………………………………
تتخرج امن ام الگمر
ابرتبة امير اعل البشر . اتعيشك ابجنه
ابموكبها وتسجلك عضو
ام وحضنها اقدس دفو . ام المحنه
لا مو خرافه ولا حجي . و لا شعر صار ابالي
اقرب مثل اضرب الك . تشييع سيد الفالي
ابقم والنجف و بكربله . تابوته يفتر عالي
والقبله سيد جاسم و صيته
وي الحسين اندفن تاليته
عدها ادرسوا .. همه الثنين
ام البنين ... ام البنين
……………………………………………………………
يا اخت فاطم والوعد
نمشي اعل دربج للابد . مانترك حسين
تسعر تظل نار الذبح
وصورة شمس فوگ الرمح . مرسومه بالعين
انظل ننذبح لمن نصد . كاروك لو ترچيه
باذانه جمرة صده . من جلمة المسبيه
ماننسه سوط المنطبع . في متن چم علويه
والماي يجرح لمن انشوفه
بي صورة الگطعوهن أچفوفه
وبخيمته .. متجمعين
ام البنين ... ام البنين
……………………………………………………………
✍️ ( سيد خضر الزاملي )
مِن عَباتـﭻ طِلعَت اشمُوس العَفاف
ونور سِتر اَلله اويَه الخيُوط اِنطبگ
ﮔالوا اِحتِرﮔت واَنه اِرفَضت المَقال
شلون مَحروﮔـه إذن سِترَه اِحتِرگ
يازينب
**
بالسِتر دِنيـَـانه زَيـَّـنها الجَلـيل
ودُونـَه كل قِيمه أبَد ماتِنطلُب
ودنيه مَابيها سِتر ماتِبقى هَيـﭻ
وشي أكيد البَاري يـﮔلبها ﮔـلب
يازينب
**
ألله مِـن اَسمَاءَه سَتار العِـيوب
امغَطّي مِن اعبَاده ﭼَم زِلمَه ومَرَه
مُذنبين ، اِنـّوب يفضَح هالمَـلَاك
المِن صلب زَهره الزﭼيه وحَيدره
يازينب
**
زينب آيَـة خِدر بكتَاب العَفاف
بَسمَلتها النور والخَـتمه السَبي
وبشهَـر عاشُـور نَـزّلهه الإله
ومَوضِع التَنزيل تَـل الزينبي
يازينب
**
إسِم زينب جَامع احرُوف النَـقاء
زِينه, يسر ,ونور, وَي بيت العطف
ونِدري واجِب عالبشَر مُو مَستَحب
المَاهو مَتوَضّي فلا يلفـظ حَرف
يازينب
----------------------------
لقمان البدران
فزاعية للإمام الحسين "عليه السلام"
نوخ بالضعن يحسين
وين أتريد بالعيله
اطفال اوياك وبنيات
والارض البله مغربات
درب الخوف والعثرات
دمع اختك دمه اتسيله
•••••••••••••••••••••••••••••
تبچي والگلب مجروح
تتـــخــيل نحر مذبوح
تمـــشي لكن إبلا روح
سفـرة موت واطويله
•••••••••••••••••••••••••••••
احس گلبي لچمني وخاف
تتجمع علـــــــــيك الالاف
جـنازه تضل بلايه اجتاف
من ادمومه تغسيله
•••••••••••••••••••••••••••••
الاحسه صــــــــعب تفسيره
شفت اچــــفوف ابو الغيره
وانه حيـــــــــــرتي اجبيره
سبيه امشي بلا حيله
•••••••••••••••••••••••••••••
امشي بلا فكر لا راي
اخييي ماسمع مبچاي
باچـر لو يشـح المـاي
احتـار بـمـداليــــله
•••••••••••••••••••••••••••••
اضل بين الخيم والنار
تضيع امن اللهيب ازغار
انخـه بت علي الكرار
كـل خـادم تحضريله
•••••••••••••••••••••••••••••
تمت بعون الله وتوفيقه بأقلام الخادمات
✍🏻ام علي البابلي
✍🏻ام وليد الموسوي
✍🏻زينب الواسطي
🚫لا نجيز حذف الاسماء نسألكم الدعاء 🤲
وكأني بلسان مولاتنا رملة "عليها السلام"
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياتعبي التفرهد يوم عاشور
تطشر طولك الربيته بنذور
كـل شـبـر ابنذر ربيت
الك يمه الولـد حنيت
الخاطر والگلب بجفاك مكسور
يا تـعـبـي الـتـفـرهد يوم عاشور
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يجاسم ماطفه وسط الگلب جمري
وحيـده امـك عفتها يابعد عـمـري
اخـلافـك يالـمدلل حايـره ابأمري
لون الموت الي اتمنيت
الك يـمـه الـولـد حنيت
الخاطر والگلب بجفاك مكسور
بقلم خادمة آل البيت ع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مكـسور الگلب بجفاك يمچنه
يـاذاك الربـه ضاع ايست منه
مكسورة عبرتي ابصدري الونه
رحت عني ولا ظليت
الك يمه الـولد حنيت
الخاطر والگلب بجفاك مكسور
أم عــ✍🏻ــلـي الـحـلـفـي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
طـــــولك يالولد چن ماي واتبده
داريــــتـك واباوعلك مثل ورده
گلت يگبر وليدي واگعد ابـسده
صوتك فارگاه البيت
الك يمه الولد حنيت
الخاطر والگلب بجفاك مكسور
زينب الواسطي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
گلت يكبر اوليدي واگعد بفيه
اعد سنين عمــــرك يمه ليليه
اسم الله عليك من الجفه وطاريه
بعز.الگيض شو شحيت
الك يمه الولد حنيت
الخاطر والگلب بجفاك مكسور
ام علي البابلي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وشل ماي عيني وشلي بعيوني
يجاسم من غيابك خابت اظنوني
ريت وياك يمه بكبر دفنوني
فرح لا من عرس سويت
الك يمه الولد حنيت
✍🏻الشاعره مريم العبوديه 💔
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
افرح من اعاين طولك اكبالي
واگول ابني الخلف ويعوض الغالي
بثياب العرس شو منذبح تالي
بس حزن الگلب خليت
الك يمه الولد حنيت
الخاطر والگلب بجفاك مكسور
✍🏻العلوية أم منتظر
جمال الدين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /ذو القعده / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قصيده لاستقبال عاشوراء
___
يالله استعدوا بهالشهر علنوا المصيبه
قصة حـسين ومنــحره زيـنب غريبه
حرگ الخيم ذكروها
زينب صدگ عازوها
زينب غريبه،،،،زينب غريبه
_
وينه اليجي المجلس صدگ يحضر دموعه
يذكر مصايب كربله ويذكر اللوعه
شوفة حسين مكسره كلها ضلوعه
يساعده الله الشافه
متروسه دم اوصافه
زينب غريبه،،،،زينب غريبه
أم صـــ✍️ـــــادق المنصوري
٠٠٠٠٠٠٠٠٠٠٠٠٠٠٠٠٠٠
ياخــدم يلا نستـعد ونساعد ام عون
نبچي المصــايبها ونون ونهل العيون
باجر اهلها امن العطش كلهم يموتون
وحسين ينحز نحره
وگليبها الله يصبــره
زينب غريبة ... زينب غريبة
زينــ✍️ـــب الواسطي
٠٠٠٠٠٠٠٠٠٠٠٠٠٠٠٠٠٠
نشرت قميص امن الحزن هاي الزجية
تريد اليواسيها محب صادق النية
لا غاية عنده ولا هدف بس العزية
دمعاته اله تذخرها
بيوم الحشر تذكرها
زينب غريبه،،،،زينب غريبه
✍🏻العلوية أم منتظر
جمال الدين
٠٠٠٠٠٠٠٠٠٠٠٠٠٠٠٠٠٠٠٠
حضر يخادم مهجتك للهم والاحزان
وانـشـر بيارغ للعـزه هـذا الشهر بان
للضلت ابديـرة غرب من غير خوان
نار الـخيم والبيها
ابدمعاتك اطفيها
زينب غريبة ... زينب غريبة
خادمة آل البيت
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يالله استعدوا للحزن لمصاب الحسين
ذكروا ذبحته بكربله واصحابه سبعين
وابچوا یشیعه ع المشت ويه الملاعین
لرض الغرب سابيها
راس الاخو يباريها
زينب غریبه....زينب غريبه
خادمة اهل البيت عليهم السلام العلويه ام سيد مهدي الموسوي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /ذو القعده / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
منهاج محرم الحرام لعام 1446 هـ
مولاي أبا الفضل العباس (عليه السلام)
لا الشَـمـسُ تُـدركُ القَـمَـر
لا الجـود بحـاجـة للنـهـر
لا مِـنــهُ أوفــى بـالبـشـر
هـو ذا العـبـاس
نور...تهواه الأفئـدة
نور...متناثر بي نده
وطفل وقبَّل حيدر چفه.... وحيدر باب العلم
ذلك يعنـي ظِـفـر الكافل.... هـيبه وتـاج الزلم
وين...مــحـــد يـســأل أبـد
وين...يمشي حسين انوجد
صدر حسين اكثر من مهده.... شاله بلهفه وعشگ
ولـو مـا شـافه بـأول يـومه....وكـته ايمـر مختنگ
وما تهتـم رِيِتـه للهوه
ولا يفتح عينه للضوه
إلا اوياه ينجمع سوه
هـو ذا العـبـاس
ـــــــــــــــــــــــــــــــــ١ـــــــــــــــــــــــــــــــــ
دوم...زينب من تنذكر
دوم...يسجد لله شِـكُر
وزينب من اتشوفه اتنادي....اهلا يا ذا الحِسِن
ظِـلٍّ مَـمْـدُودٍ ويـن امشـي....ألـگـاك وأطـمِـئِـن
ليل...يم وجهه الما يصح
ليل....بنـوره ايبين صُبُح
لا يُظلِمُ لَيَّـلٌ بي وجهـه....وهوَّ امنَوَّر الشمس
داود أجمل صوت ويَمَه....ضـاع بأول هَمس
يحسين اينادي لو نهض
ويا زيـنب گلبه لو نبض
وطـاريهم غيره ما لفظ
هـو ذا العـبـاس
ـــــــــــــــــــــــــــــــــ٢ـــــــــــــــــــــــــــــــــ
جِود...مو بس يروي الضمه
جِود...العـنده اتحـبه السمه
ويطلب منه الغيم امراده.... لو بـس يمـطـر رِغَب
وگدما بركه اتصير ابمايه....ايخَضَّر حتى الحطب
ماي...كل هالصيت الإله
ماي...من جـوده بكربله
كلشي اتمسه اچفوف الكافل....هيبه ايزيد وشرف
والمــاي ابــلا يــوم الســابــع....مـو هـلـگـد انعـرَف
اليَم ذكره اتشوفه كالقِمَم
ولـــذلـك أصــبــح العَـلَـم
تـبـيـــان لـهـيـبـة الأُمَــم
هـو ذا العـبـاس
ـــــــــــــــــــــــــــــــــ٣ـــــــــــــــــــــــــــــــــ
جيش... كـل السـبـعـيـن ألف
جيش...اگـباله وزحفـو زحف
بس شافـوه قادم ما واحد ...بيهـم ينهـض گـدر
رجفو طاحو طيحة گطره ...الوحدها وعالصخر
عين...وحِـده الهـم ما بقت
عين ...گدما بالطف بچت
تيهو شـردو بس ليه ردو ...والسـر فيـمـا يـلي
لأن الكافل يجذب سيفه...الرگب التبغض علي
ويستنگـه الأكـثر الحـقد
ولخيامه الشافه مستعد
يحـرگـهـن هـذا مـا يـرد
هـو ذا العـبـاس
ـــــــــــــــــــــــــــــــــ٤ـــــــــــــــــــــــــــــــــ
سوط...بالجيـش الشايلّه
سوط...يمحيه من كربله
چفه ايطيح وعينه وراسه...ولـو يـتـوذر سهل
بـس المـا يحمـلها الكـافـل...سوط ايلوع طفل
بنار ...اي جندي اللي ظهر
بنار...يـرمــيـــه أو بـالنـهـر
طارف خيمه زينـب عنده...بـشـوف ومـا تـنـلـمس
عن لا يبهت لون الخيـمه...اتخاف اتمسها الشمس
بالحـومه وبـعـده باقـي فـيّ
لخــيـامـه دامــه لـســه حي
امن اجبينه الدنيا تروه مي
هـو ذا العـبـاس
ـــــــــــــــــــــــــــــــــ٥ـــــــــــــــــــــــــــــــــ
نسألكم الدعاء والفاتحة لوالديَّ
أحمد البصراوي العبادي
منهاج محرم الحرام لعام 1446 هـ
سفير الحسين مسلم بن عقيل (عليه السلام)
برگبته السيف يمشي وضحك محياه
وصـاح المـوت لاجـل حسيـن محلاه
ولاجله المات عطشان
لَـــهُ رَوْحٌ وَرَيْــحَــــان
صـاح المـوت لاجـل حسيـن محلاه
عالقصر والسيف يلمع... وبده بنحره بحقد يگطع
وصوته يُسمع....إِمشي أسرع....حتى يُتبع
للأرض مـذبـوح أوگع... حتـى بلكي شـويه اقـنع
جزء وفيّت الحسين
وياهو يوفي
الشــابـع العــالــم ضـوه
المنطي للشمس الضوه
الما نطق شي عن هوى
ياهو يوفي
حَضرَّو احبالكم جِروني بالسوگ
يتـوذر العاشـگ فـده المعـشـوگ
وعـداً مـن الـرحـمـــن
لـــهُ رَوْحٌ وَرَيْــحَــــان
صـاح المـوت لاجـل حسيـن محلاه
ـــــــــــــــــــــــــــ١ـــــــــــــــــــــــــــ
نـادى هـذا المـوت احـبه...واِبـدِمه المنـحـر اكتبه
لذوي القربى....موتي أطلبه....ابين غربه
وسهل هذا الحاله احسبه...إلا فرگه حسين صعبه
حتى في اعلى الجنان
بالي يَمَه
وهاي وادم بس غـدر
وحاقد انظرله الشمـر
ايريد يجلس عالصدر
بالي يَمَه
صـعبـه اتحمـل اسـمـع وخـزه تـاذيه
اشحال اتـريـد خيـل وتسحگ اعليه
اليبچـي لهـذه انـسـان
لـــهُ رَوْحٌ وَرَيْــحَــــان
صـاح المـوت لاجـل حسيـن محلاه
ـــــــــــــــــــــــــــ٢ـــــــــــــــــــــــــــ
بنحره سيف ودمه يجري... ونادى نظرو شلونه صبري
حزو نحري....رضو صدري....كثرو أجري
وانـا مـا اهتـمـلـه عـمـري... لان بـس بحـسيـن فـكـري
وما يهم كلشي عداه
ما يهمني
السيف يگطع بالنحر
وعالسطح دمي إنثّر
لــو تــوذرونــي وذر
ما يهمني
اليهمني حسين يسلم من الرماح
وانـه بـذبـحـي والعـبـاس ارتـاح
بـهـاي العـنــده ايـمـان
لـــهُ رَوْحٌ وَرَيْــحَــــان
صـاح المـوت لاجـل حسيـن محلاه
ـــــــــــــــــــــــــــ٣ـــــــــــــــــــــــــــ
شوگه يعلن او يكتمه... وين اكو هنانه اليفهمه
ناس ظلمه....وابو اليمه....اليكتب اسمه
وبعشگ صادق يشمه... يـحـس جـبـرائيل يَمَـه
ايگله ذا فوزٌ عظيم
يا عظمته
ما يحـبـه الا الشـهـم
وعنـده مـن الله علم
ايعينه في فهم الزلم
يا عظمته
مو ياهو اليجي ويختـار الحسيـن
يحبـه مـن الله بـس الطاهر وزين
وذا مـن اللـه احســان
لـــهُ رَوْحٌ وَرَيْــحَــــان
صـاح المـوت لاجـل حسيـن محلاه
ـــــــــــــــــــــــــــ٤ـــــــــــــــــــــــــــ
الذِبَح راسه شاله بيده... والارض چانت بعيده
وبوعيده....صاح ازيده....ايطيح اريده
وطيحته بگدما شديده...فَـزَت ابنيـته حميده
وصابه شي صاحت ابوي
راح ابوها
وعـمهـا باچـر يـنـذبح
وماي تشرب ما يصح
طفلـه تحمـل يا جرح
راح ابوها
ويـه العـايـلـه اتـفـر مـن الاخـيـام
وتركض عالجمر وي باقي الايتـام
وتصيح بوجه عدوان
لـــهُ رَوْحٌ وَرَيْــحَــــان
صـاح المـوت لاجـل حسيـن محلاه
ـــــــــــــــــــــــــــ٥ــــــــــــــــــــــــــ
نسألكم الدعاء والفاتحة لوالديَّ
أحمد البصراوي العبادي
نعي للسيدة العليلة محرم 1446
------------------------------------------
رايح ابوي أبعيد رايح
گمت أسال بدمع النوايح
ينفع وره المجفين صايح ؟
طايح يگلبي الليله طايح
ونيت اريد اوجوه الاحنان
فارغ البيت يريد وليان
يا گلبي عيش شلون ما چان
ساعه العمر والنوب خلصان
هذا الدهر هاي المصيبه
بالدار واتسمى الغريبه
الرباني هسه منين اجيبه
گلبي اليون فارگ حبيبه
ليهسه بذني اصوات الاحباب
ظليت أون ومگابله الباب
من الفرگه چني چفوف شياب
يا ضيمي گعد حدر التراب
يلفون ما يلفون حيره
بالبيت بس حال الاسيره
ديرة هلي ما چنهه ديره
ظلمه ونواعيهه چثيره
كلمات الخادم / رعد الفريجي
محرم الحرام 1446
قصيدة في حق استشهاد الأمام محمد الجواد عليه السلام
نزل وحي الحزن عنده یسولف عن جرح چبده
ینادي یالجواد لبس ثوب السواد
*****
نزل وحي الألم و دموعه تلالي
یالجواد ایصیح ظل ابصوت عالي
تاسع الیمه انفگد بدر المعالي
بدر یزهي و خطفته اچفوف اللیالي
ثلاثه اعله السطح طایح حیلك بالشمس رایح
بچه حته الجماد لبس ثوب السواد
****
صاح صیحه و ینعه بصوات الرزیه
بیها تلطم ظلت انجوم الثریه
یالجواد انته صرت تاسع ضحیه
و اعله فگدك ظلت اتنوح الزچیه
تصیح ابصوت یولیدي یشمعه و راحت من ایدي
متت دامي الفؤاد لبس ثوب الحداد
*****
عالسطح باقي ثلاثه و مرمي جسمه
نزلت اطیور السمه ابلهفه تضمه
بالشمس نایم بقه تاسع الــ یِمه
رحمة الله سَمِته الما عدها رحمه
فرحانه العده ابــ چتله عنه ابعاد کل اهله
انچتل خیر العباد لبس ثوب الحداد
****
شاف جسمه و یروي ظل بدموعه الأخبار
انذبلن اخدود الورد بچفوف الأشرار
ابوالهادي استسلمت روحه للأقدار
مات عطشان و دلیله یلتهب نار
بچت ام العُله الحاله علیه دمعتها هماله
انهدم دین الرشاد لبس ثوب الحداد
*****
صاح عگبه غابت انجوم الموده
مات ابوالهادي و تگطع وسفه چبده
بالگلب ظلت تشب نیران فگده
عالجواد المات محد حظر عنده
جمر یتواگد ابروحه ابگلبه تلهب اجروحه
الحزن بگلیبه زاد لبس ثوب الحداد
**
الجواد العاش عمره کله مظلوم
مات وحده و الگلب من عنده ملچوم
ابخامس و عشرین عمره راح مهموم
مثل جده حسین ظامي و مات مسموم
اجه الهادي لطم راسه جرحو گلبه و احساسه
الحزن عم البلاد لبس ثوب الحداد
**
لخادم الحسين علي فلاح الواسطي
25ذي القعده
1445
ابوذيات عن الامام محمد الجواد عليه السلام
الصبر ثوبك يبو الطيبات ورداك
عشرين على خمسه وذبل ورداك
راواك اللئيم الحتف ورداك
يبو الهادي يبن خير البريه
يگلبي علجواد اليوم ونهاك
ولا علنوح لحظه اعترض ونهاك
بالسم يبوالهادي ارداك ونهاك
العاداك وكسر گلب الزجيه
الجواد انته الكرم طبعك وجودك
سبب للناس والدنيا وجودك
اشرب جيت من چفك وجودك
يجود وخير بارض الكاظميه
الشاعر حسن لعيبي الحريشاوي
بتوفيق الله وصاحب الزمان
محرم ٢٠٢٤
نعي يوم العاشر
زيــنب يخـوية ابـلايـــا والــــــي
حال الــغِريبـة الضـــيـم حـــالــي
خٌــوية الكِـــفل بَــس رد عـَلـيّــة
بـَــعدك يَخوي إســمـي السِـــبيّة
احـســين طــاح ابــــغـاضــريـــَّة
حـــتَّى النــجــِم طاح ونِــعّــالــي
زيــنب يَــخويـة ابــلايـــا والــــي
حال الــغِريبـة الضـــيـم حـــالــي
كون وتـــجـي شـوف الـمــٌصــيبه
إســـمـع وجــع كلــبي ونــحيــبـه
ظل يــجري دمــِعي منين أجــيبه
راح الــفرح بــس هــمّ صُــفالــي
زيــنب يَـخويـة ابـــلايـــا والــــي
حال الــغِريبـة الضـــيـم حـــالــي
خويــَة الكٌــمـر مارايــده اتـروح
كـَبـل المَتــن بـ كَـليبي لــجروح
سٌــوط ابن اميه يِعلـعـل الـروح
حــيف الــوكت رخــصلي غالـي؟
زينب يــخــوية ابــلايـــا والـــــي
حال الــغِريبـة الضـــيـم حـــالــي
عـــينك يَـخويـَه الـحـلوة نامــت
واعـــله الرمح بـِــعيوني هامــت
تـنزف دمــع وي حالــي كــامَــت
راســك يـخــويـــه الـــدوم عـالي
زيـنب يـخــوية ابـلايـــا والـــــي
حال الــغِريبـة الضـــيـم حـــالــي
إبـكـــل كـِتـِر مــرفــوع راســـي
زيـنب عــلي وعبَّـاسي اسـاسـي
ليــش الــوكـت طَشــرلي ناسـي
امشـي مــجرحة الرجلــين تـالي
زيـنب يـخــويــة ابـلايـــا والــــي
حال الــغِريبـة الضـــيـم حـــالــي
عيني اعــله راسك فـوك مرفـوع
كل كِطرة ويـَه كلـيـبــي مـفجوع
كسرك يـَخاطــر كــَسـر الضـلـوع
ويــنج يــَزهــرة وشــوفـي حالي
زيـنب يخــوية ابــلايـــا والـــــي
حال الــغِريبـة الضـــيـم حـــالــي
لٌبــابة آلــ ياسين
وزن : نعي
#نعي
من يدي ليد صاحب الزمان❤️❤️
بتوفيق الله وصاحب الزمان
محرم ٢٠٢٤
عَل شِـــريعة ....
لأبا الفضل روحي له الفداء
عــَل شــريعة ألموت إجاهم عــَل شـريعة
اليـــوم يِـــصدر هـــالقَــرار
بــيدي جَـــنه وبـــيدي نار
هــَل شَمـِس والـكٌمــَر نــِزلـن
مــِن الــسِمه بأرض الـطفوف
وبــضـواهـــم كــِلشي بــيِّــن
عيــن الَاعمــه وهـــم تشوف
هــٰــذا طــاغـوتـــِج أٌمـــيَّــة
وهايــَّه كــَعــبه وبيـها طٌوف
إللــــسـِن خــلّيــها تــِســكـِت
تـــِحجي هــاللـــيلـه السيوف
اليـــوم بِالـــدم إنــتــصــار
بــيدي جَـــنه وبـــيدي نار
عــَل شــريعة ألموت إجاهم عــَل شريعة
بـــصولتـي الفٌـــرسان هجَّت
والـــخــيول إتـــســابٌــكَــت
والشِـــريــعة بــنـــار وجَّــت
والـجيــــوش إتـــصـَافٌــكت
والــــمِنايــه بـــسيفي عجَّت
وِحــده وِحـــده إتــشابُــكت
والســـِمه أُوي الِـكاع رجَّـت
هِيــده هِــيده إتـــلاحــِكـت
ســــيفي صــــفــَّـاهم دمـار
بــيدي جَـــنه وبـــيدي نـار
عــَل شــريعة ألموت إجاهم عــَل شريعة
عــَل شِــريعه اليــوم غـيمي
غـــضب يٍـــجفـــِلهم رَشك
كـــون تِــصبـرلي يَخـــويه
بــــخزرة أحـــركهم حــَـرك
خَلــني مِـثل الموت اجيهم
بـــيدي وســحَكــهُم سحك
مااكـــلك تَـــــمرة تــِكفــي
والله انـَــزِّلـهـم عـِــثـــك
بالــــعقيدة كـــِليــبي فــار
بيـــدي جَـنــه وبيـــدي نار
عــَل شــريعة ألموت إجاهم عــَل شريعة
لاتــــوصـــيني يَــغــالـــي
آنـــه إبـــن أٌم الـــبنـيـــن
ثــوبي تـفصاله المــٌوالي
وعـِــندنا عِــــلم اليــقين
أدري روحــك وي خَيالي
وادري تــِعشكَـها الإديـن
روحــي افـديها وعِــيالي
فـــدوة لـِتــراب الحُسين
الـــيوم أضــوَّكهم مَـــرار
بـــيدي جَـــنه وبيدي نـار
عَــل شريعه الموت اجاهم عل شريعه
سـِكنه عـــطشانه ورٌقيـة
وآنـــه كوثر مـــو نــَهــر
مِـن غــِميج المـاي أغرٌف
جٍربة بس صــورة بَــشر
آنـــه تِـــربــــاة الـمـعارك
خـــويــه مِن سابع ظهر
لو أطـــٌب الحـومه يعني
إعـــداي يِـــكتلـــها القَهر
الـــيوم أعــَدِّل هالـمَـسار
بــيدي جَـــنه وبيدي نـار
عــَل شــريعة ألموت إجاهم عــَل شريعة
طاح خـــيَّـرهم تِضعضَـع
من سِمَع صوت الكِــفـيل
صار يِـرجف حيل زَعـزَع
ينجفي إلوَحده ويـمـــيل
كــله يلَــ عــَـباس بـــيدك
سيدي وآنـــه الـدِخـيـــل
خلَّه مــِشــراده ابـثواني
والـــنعم يَــبن الأصـــيل
أرفــع اليــــوم الشِـــعـار
بــيدي جَـــنه وبيدي نـار
عــَل شــريعة ألموت إجاهم عــَل شريعة
لٌبـــابة آلــ ياسين
من يدي ليد صاحب الزمان
# ملاحظة لا احلل مسح الاسم
العباس ع بطولات العباس يوم العباس
(( ميمر كربلائي ))
يابويه وحدي بهالدار
__ بطرك الحزن عفتوني
***
مفتاح گلبي بس حزن مفتاحه
والبيت وحشه وفارگتني الراحه
ظليت چن فاگد يگض اصفاحه
ماشفته نومي ابفرگاك
..........خاف الاهل ينسوني
***
ظليت حسبه ابالي بلكت ترضه
لو تدري بويه بالگلب وبنبضه
ما اريد اصير بهالسفر بي عرضه
معقوله ماروح وياك
.........حال السفر تجفوني
***
عديتهم گلهم اخوتي اگبالي
حتى خواتي اتحضرن يالوالي
مكسور بويه خاطري ودلالي
روحي تكلك يحسين
...........يابويه نور اعيوني
***
تدري صعب يابويه فگد الاحباب
تجرحني كلمة اهلي صارو غياب
منتظره منهم فدوه لو دگة باب
ثاري الهوه يزيد اجروح
.............ماغمضتهه اجفوني
***
اذن اذان اجروحي وكت افراگه
يمك اسولف واني هم مشتاگه
يحسين گلي بيا جرح نتلاگه
عذبني حال المرسال
..........يهلي اشبعد حاچوني
***
گلبي يون يابويه تدري احساسي
ادري برحيلك شفته موت انفاسي
حزني وعذابي بويه شيب راسي
والغاظريه بس موت
.......... نار الكلب تدروني
***
اهات ظلت بس تعيش ابدنياي
معقوله چبدك بويه ماضاك الماي
لو اركض ابروحي وشربك بهداي
ميت ولاتروه اشلون
..........من ذبحتك ذبحوني
***
#تمت بعون الله تعالى
#خادمكم........ يوسف الفتلاوي
(نزال العلي الاكبر ع السلام)
بــطـل نــــازل بيهم..ودري متخليهم
علي يبني
اليوم اشوف افعالك..بالي ضل يمبالك
علي يبني
....................................................................
امــك اتنومس بصيتك الــيوم زلـــزل كــربله
خـلـي گــــاع الـطف تمـايل بلـخيول الـصايله
مــثــل حـيدر بـل حـــرايب ايـدك انته معـدله
اوربـــي يـدريها ياوالي اجيوش اجتلك كامله
خوف ساكن بلگلب
وترس العسكر رعب
علي يبني.... علي يبني
....................................................................
ادري مــايلحگ الشفته بساحت الـحومه خـتل
يـاشـبيه الـنـبي الــهادي مــوت وبجسمك نـزل
صــــــارو گبـــالـك جنايز ماضن واحــــد عـدل
هـــذاء يـومـك هايلكبر يـــوم مــــاقـبله جدل
تاهو اوماكو درب
منين مارايح تطب
علي يبني.. علي يبني
...................................................................
يـــــادلال حسين انته اليـوم نـاوي عـــل رحـيل
شـــماء يميل الـجيش مــنك انـته ويــاهم تميل
يمـــيل عليسره اوتـــرده وعينك اتصــد الكفيل
انــــــه حـسنك يــاغالي نيتـك اتسمــعه العويل
هذاء يومك للحرب
تاهواوماضل سرب
علي يبني.. علي يبني
...................................................................
ادري بيـك اربـــــات وادم مـايرف عدهه گــلـب
يسهل شما زاد غــــــيضه يسـهل اگـباله صــعب
مثـــل جـــدك بـــل معارك ساس الــكم بلــحرب
اگـطع انـفاس العساكر هـيچي اريــدنك تـــطب
لاشرقـها ولاغرب
امنع عليها الشرب
علي يبني.. علي يبني
...................................................................
كـــون اريــــــد الـگاع ترجـف لـو عليها هـوست
غــــير مـاتـدري ابـحـــالي شكثر بيـك تنومست
مـــــن جـبت راس ابـن غانم على جفك بوست
مـــــن فــرح گلبي يوالي حسابي چنك عرست
دمعي گدامك يصب
مـالي بلــدنيا محب
علي يبني.. علي يبني
،.............................................................
حـــــال مهضومه اوغريبه اوبـــك اشيلن راسي
يــــاعلي وشـيبت الــزهره وكــتي كلـش قاسي
چــــني احــــسك يبني رايح هچ گلي حساسي
وانـــــه راح ابقه وحيده اومــــا اشـوفن ناسي
همي شاربته شرب
مــثل مــاي العذب
علي يبني.. علي يبني
...................................................................
كلمات ابو ماجد الشغانبي
أبوذية للإمام الحسين "عليه السلام"
بلاية افياي وسط الشمس...لــمــاي "لا ماي"
ويــنـــه اليــعتني ويگول....لـــمـــاي "الأمي"
تطشر جسمه بيدج گومي.....لـــمــاي "لمي"
"بـلـكي ابـإيـدهـا اتـرد روحـي لـيـه"
✍🏻زينب الواسطي
📜🖋️قصيدة لمولاتنا العليلة "عليها السلام"
عليلتكم....
يــهــلهــا تــســولـــف بحيره عليلتكم
عليلتكم....
عــــليها شلون ضلت حسره شوفتكم
شحيحه العافيه يحسين من دونك
يـعافيتي وهواي وگـلي شــلونك
عدل لو بالبسيوف اموذر ومنحور
خافن بالحوافر ذبلت اعيونك
بساعات الغروب تحن الك روحي
واشيلن ايدي وادعيلك واجر نوحي
عليه طولت والفركه چتاله
تنزف حيل شيلملمها اجروحي
ـــــــــــــــــــــــــــ➊ــــــــــــــــــــــــ
اون الليل....
مرض وافراگ يل رحتو ونسيتوني
اون الليل....
اخذتو الشوف مني وطافيه عيوني
اونن وبدمع حار واعد بيكم
هنا كعدو هلي واذكر محاجيكم.
قميص حسين دزو خل يرد شوفي
مثل يعگوب اشمن بي واتانيكم
خذتو الحيل مني وگوه اشيل الثوب
اصبر الروح واعليكم ترد تلوب
الفرگه اعله العليل تزيد اصوابه
تعاندني وتگلي يللوعد جم دوب
ـــــــــــــــــــــــــــ➋ــــــــــــــــــــــــ
شسولفلك...
البـــنـيـه الـهــجـر غـيّـر مـعـانيـهـا
شسولفلك...
عن يا ضيم شفته وهضمتي احچيها
يضل گلبي عليل بحسرته يناطر
ابـــدونك يالعفتني اكسر الخاطر
لا من طارش ايمرني ولا مرسال
يـــــــومية اكول اليوم ها باجـر
أكعد وي خيالي ساعة ساعة انعد
اليوم امن الأهل واحد علي ينشد
مـــا واحـــد فـگدني وريح الدلال
بعتبة باب بيتي كل مسية أكـعــد
ــــــــــــــــــــــــــ➌ـــــــــــــــــــــــــ
ترجعولي...
أريد أنذر نذر لو بس ترجعولي
ترجعولي...
يبعد العافية البيه وبعد طولي
يا ليل التمرني خبر احسيني
دمعات الموادع لسه ابعيني
اعدن بالنجم واتسامر اوي الطير
لو مرني ذكركم من يسليني
احن ليام لمتنه وانوح الها
يا وردة حياتي البُعد ذبـلها
اشتاگ الرقية ولمت الخوان
خذتها كربلاء إبلا رحم كلها
ــــــــــــــــــــــــــ➍ـــــــــــــــــــــــــ
خذت روحي...
اجت نسمت هوى وريحت حرگ لو نار
خذت روحي....
گلت ربي دخيلك بالحسين شصار
بقيت على الدرب بلكي خبر منهم
اريد اعتب على العافوني اگللهم
هدووم ال بالنزل ضليت اشمنها
بلكي بالعتب والدمعه اردنهم
اضل طول العمر بالحسرة والونة
يريت حسين بيدي امشي اچفننه
مشيت على الطريق واحسب الخطوات
وتراب الجدم. ضليت اشمنه
ــــــــــــــــــــــــــ➎ـــــــــــــــــــــــــ
نضل نكتب....
بحب بيت النبي كل قافيه بعبرة
نضل نكتب...
عنوان القصيدة حسين والزهره
لهل البيت نرثي والحزن عنوان
الشاعر لو كتب خل يرسم الرضعان
وخيال امن العليله تبچي عالمذبوح
وبعد وسع الكتابه وخاطب الدفان
احسين من ندفن لماهن اضلوعه
وارسم عائله امن العطش مفجوعه
لهبت نار اجتني وخلي اختمها
وكون حبال بيدي تبقى مطبوعه
ــــــــــــــــــــــــــ➏ـــــــــــــــــــــــــ
تمت بعون الله وتوفيقه بأقلام الخادمات
✍🏻ام علي البابلي
✍🏻ام وليد الموسوي
✍🏻زينب الواسطي
🚫لانجيز حذف الاسماء نسألكم الدعاء 🤲
قصيدة للقاسم ابن الإمام الحسن "عليه السلام"
يلغالي برحيلك كلبي اكسرته
عمري اخلاف عينك يبني ماردته
شمصعبها الحياة بفركة اعيونك
اعيش شلون وانته اللي يدفنونك
بيا جرأءة يجاسم من يچتلونك
وسيوف الاعادي جسمك اخذتّه
✍🏻الشاعره مريم اسيرة الاحزان 💔
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بسيوف العده لمن يگطعونه
جسمه اموذرينه ودمه بعيونه
ماشفنه الولد عرسه يشيعونه
يومك ها يجاسم كون ماشفته
أم صــ✍️ـــــادق المنصوري
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يومك يالولد ودرهن اعيوني
ردت اوياك اظلن مايخلوني
نايم عالترابه وبيك فجعوني
والليل الطويل اعليك ساهرته
✍️أم أحمد الساعدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
سـاهرت الليالي واحسب ايامك
مــا ادري الـمـنـيـه يـمـه گدامك
بـالطف يـالولـد ضيعت احلامك
وعـمرك يـالمچنه ابـساع ودعته
أم عــ✍🏻ـلـي الـحـلـفـي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ودعت الليالي الحلوه بوداعك
يا حلو الوصف يالتعجب اطباعك
عمت عينه زماني للغرب باعك
يالعمرك ابد مايوم ثمنته
خادمة آل البيت ع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عمت عين الزمان الباگك امن ايدي
وجهك چـــان يبني فرحتي وعيدي
ويــــن الفـــاگــده اتعازيني بوليدي
هــــم اويــاي مـــثلي الـولد فاگـدته
زينب الواسطي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /ذو القعده / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قصيدة لمولاتنا العليلة عليها السلام طلب إحدى الأخوات لشفاء المرضى وقضاء الحوائج
عليلة وللعليلة أشكيت حزني
بــعد مـــــا أيس الدكتور مني
نخيتج زيلي كل داي
بـــيــدج اعرفه ادواي
بــعد مـــــا أيس الدكتور مني
ــــــــــــــــــــــــــــــــــــــــ
اليـــــأيـــس طـــبيبة يتجه ليچ
دكــــتــورة يـــــمــولاتي أسميچ
بكل وكت الفجر ابچي واحاجيچ
وصـــفــــة رايده اتكتبيلي بيديچ
سـائل وامد يمناي
بيدج اعرفه ادواي
بــعد مـــــا أيس الدكتور مني
ــــــــــــــــــــــــــــــــــــــــ
كـــــلمـــن يعتنيلچ يهمل العين
ما يــــرجع ابهمه وعلته تشفين
اقـــــضـيها الحوائج لا تقصرين
امحلفتج ابدمعاتج على حسين
وأبـــــعـــــمج الرواي
بـــيــدج اعرفه ادواي
بــعد مـــــا أيس الدكتور مني
✍🏻زينب الواسطي
ــــــــــــــــــــــــــــــــــــــــ
امشي عليـــــــچ ابو الغيره وچفه
عيني من الوجــــــع مايوم تغفه
منچ رايده مــــــــــولاتي وصـفه
ادري اليگصد لحـــــضرتج يشفه
وانه اليوم عناي
بيدج اعرفه ادواي
بعد ماايــــــــــــــس الدكتور مني
ــــــــــــــــــــــــــــــــــــــــ
عفت كل باب ادگ اليوم بابچ
كلفه اجروحي منتظره جوابچ
بحق يوم المشو عنج احبابچ
وضىل طول الزمن يدي صوابچ
جبت حسين مشاي
بيدج اعرفه ادواي
بعد ماايس الدكتور مني
✍🏻ام علي البابلي
ــــــــــــــــــــــــــــــــــــــــ
جبت حسين وابنه علي السجاد
عليل وكل عليـل أبايـده المـراد
تعّبنه المـرض لا من دوه الــفاد
بخوچ نكلفج وبطبـع الاگيـــــاد
سمعي هذا مبچاي
بيدچ اعرفه دواي
بعـد ماايس الدكتــــور مني
ــــــــــــــــــــــــــــــــــــــــ
الچ نجري الدمع والگلب متـــعوب
مــانــگــدر نــزور ابعـيـده الـدروب
بـــــحق الي بقه عالوجه مگلـــوب
رفعنه چفـوفنـه بساعــات الغـروب
حوائج عدنه اهواي
بيدج اعرفه ادواي،
بعد ماايس، الدكتور مني
✍🏻ام وليد الموسوي
ــــــــــــــــــــــــــــــــــــــــ
تمت بعون الله وتوفيقه بأقلام الخادمات
✍🏻ام علي البابلي
✍🏻ام وليد الموسوي
✍🏻 زينب الواسطي
لانجيز حذف الاسماء نسألكم الدعاء
منهاج محرم الحرام لعام 1446 هـ
الأنصار (رضوان الله عليهم)
لسان حال....
الحُر بن يزيد الرياحي (رضوان الله عليه)
جـاي نـــادم بلـكي تــغــفـر
أنــت حُــر واگــبالك الــحُر
الما تِقِـبله ايـروح وين
ضايع ايظل يا حسين
أنــت حُــر واگــبالك الــحُر
انـه لسـه الحُر فـقـط بــس إسـم بــيه
اقبلني حتى اشعر بأسمي ايـلوگ اليه
انــه مــن جعجعت لســـه ودم بأديــه
كثــر ما افــرك نــدم صـبـح ومــسـيه
ولـسـه مـن گـد ما أعـاني
الجـفــن مــا لايـح الثـاني
والإلك ما يـوفـي ديّن
ضايع ايظل يا حسين
أنــت حُــر واگــبالك الــحُر
ـــــــــــــــــــــــــــ١ـــــــــــــــــــــــــــ
كلـشـي گـالـولي الـك بــس ردت يـمك
الدنــيا كـلها تـروح فـدوه لأثر جـدمك
عشـــگ أرجـف ويـن ما يـنذكر اسـمك
اعذرني أرجف هسه مولاي امن اكلمك
انـــه مــن شـفتـك لهسه
گلبي بـس مـلكـك احسه
المو الـك نـاذر العـيـن
ضايع ايظل يا حسين
أنــت حُــر واگــبالك الــحُر
ـــــــــــــــــــــــــــ٢ـــــــــــــــــــــــــــ
المـا يحبك سيـدي اشـما طـال عـمره
لا يلـوحه الـضوه ولا زينـه التـــذكره
ولاله صيت اويه الزلم لا هـمهم أمره
ومـن يطـب ديـوان ما واحـد يقـدره
واليحبك بـخت والحظ
بذكر اسـمه الزلم تنهض
والـيـتركك خطـوتيـن
ضايع ايظل يا حسين
أنــت حُــر واگــبالك الــحُر
ـــــــــــــــــــــــــــ٣ـــــــــــــــــــــــــــ
هــنانه مـيــزان الزلــم واليــوم فاصـل
انـــت حــق وهـــناك وادم كـلـها باطـل
هنـاك خنگـه وكـل وجـه مـختـوم قاتل
وراحة شوفة وجهك اوجهه ابو فاضل
اويــاك تــرتـاح الضـماير
وكـلها شر ذيچ العسـاكر
المــا يبـاوع هـاي زيـن
ضايع ايظل يا حسين
أنــت حُــر واگــبالك الــحُر
ـــــــــــــــــــــــــــ٤ـــــــــــــــــــــــــــ
هنانه حتى الضامي وجهه اتشوفه راوي
وال امـيــه الراوي بـيــهم وجـهه خـاوي
هـــناك قائــدهم ضغـينه وحـقـد حـاوي
وانــت لاصــحابك بـسمـتـك بالتـسـاوي
بكلشي يا مولاي الأوحد
وَكـَــأن جـــدك مـحــمــد
والفِـصَل بيـن الاثنين
ضايع ايظل يا حسين
أنــت حــر واگــبالك الــحر
ـــــــــــــــــــــــــــ٥ـــــــــــــــــــــــــــ
اويـاك اريـد المـوت لا يـذبحنـي قهري
بـوحـده مـن ذنـي امــوتن والـله ادري
وشحـلاته الموت لاجلك وانطي نحري
وانت سـالم وانه خيل اتدوس صدري
نحـري ينـحز گـبل نحـرك
تنــجرح ما بيـــه انـظـرك
العاش بعـدك نظرتين
ضايع ايظل ياحسين
أنــت حُــر واگــبالك الــحُر
ـــــــــــــــــــــــــــ٦ـــــــــــــــــــــــــــ
نسألكم الدعاء والفاتحة لوالديَّ
أحمد البصراوي العبادي
عباس زينب مشت للشام ميسوره
.
.
مضهومه اختك مشت درب السبي يالكمر
بصوت الهضم حشمت وينك يراعي الامر
محتركه من الشمس لون العبايه سمر
رد الها يابن علي مهضومه بيد الكفر
ها يالكمر صاحتك
كوم الها و بغيرتك
وما تقبل امروتك
لو شاهدتها الصوره
عباس زينب مشت للشام ميسوره
.
.
وامتون زينب زرك من الضرب ورمن
عيونها عل درب بغياب عينك ععمن
صوت العلاوي بهضم ياكافلي حشمن
احساب يوم السبي بيه شكثر حسبن
تحضر يبن حيدره
شوف العيال ميسره
زينب تضل حايره
من الزمان وجوره
عباس زينب مشت للشام ميسوره
.
.
ديوان لمن تطب بيا حال فوك الصعب
عكب الاهل والزلم زينب مشت وي غرب
بين عليها الهضم بين عليها التعب
كون انته مو عالرمح وياها طول الدرب
بصوت الهضم نادتك
راس برمح شافتك
لا يسره لا يمنتك
والمهامه مطبوره
عباس زينب مشت للشام ميسوره
.
.
تعبانه زينب صدك كافلها راس برمح
تنعه اخوها بدمع وحسين هم منذبح
ماغمضت ما هدت تبجي وتون لصبح
موش التعب والسفر ماذيها حيل الجرح
والعين تذرف دمع
بيها الكمر ماسمع
من عهد باب وضلع
بس بالنعي و طوره
عباس زينب مشت للشام ميسوره
.
.
عرجه الهزل يل كمر والعين دم اتهمل
مذبوح حتى الحلم مذبوح مو بس طفل
محد عليها نشد لا اخوه لا من اهل
كلبج يزينب عجب هاي المصيبه احتمل
ما مات من الهضم
من شاهديتي الضلم
من مات راعي العلم
ومشيتي مجبوره
عباس زينب مشت للشام ميسوره
.
.
حسن صالح العيساوي
.
.
تدري بيها روحي عندك
ونتظر....يابويه وعدك
واحسيناه......واحسيناه
*****
طيفي فسر روحتك كلبي انچوه
ياحلم عاش... ابخيالي المحتوه
جرحي مايرهم دوه ضاع الضوه
انت بنفاسي وعلي يسري الهوه
لو تجاوب...دمعه ردك
ونتظر ..يابويه وعدك
****
انه متعوده عله صدرك بي اشم
گعدتك چانت تمرني ابكل حلم
حسرة الفاگد ابوها اشكد تهم
مثل ...حيلك بويه وياك أنهدم
والدمه ايسيل عله خدك
ونتظر......يابويه وعدك
****
كون اهزن رايتك وشبع عشك
والله يحسين .. بغيابك احترك
شايف المشتاك گلبه شگد يدك
بداري مگطوع الهوه بأه اختنك
والهجر ياخذني بعدك
ونتظر...يابويه وعدك
****
عمري.....مر بلا طعم عشت دمع
ينذبح ليش الضوه بطول الشمع
خايفه ...يحسين گلبي ينصدع
باچر ...الخيل عله ظهرك تنطبع
بويه لوتشرحلي قصدك
ونتظر.....يابويه وعدك
****
اشبگ ابطيفك وحس جاي الگلب
ياحلم باقي عله شوفك هم صعب
بيا وگت يحسين لو داري تطب
احذف ايامي العشتهه بس غرب
اشگد اتاني بهذا عهدك
ونتظر....يابويه وعدك
*****
راحت ايامك وشوفك بس جرح
انه ميته ومن تجي يعيش الصبح
وجهك ينگط محنه اشگد سمح
انذبح.. واسنيني خلصت عالرمح
بطيحتك منهو اليسندك
ونتظر.....يابويه وعدك
*****
#تمت....بعون الله تعالى
#خادمكم....يوسف الفتلاوي
لاستشهاد الامام محمد الجواد عليه السلام (ملمع)
( السلام عليك ياامامي الجواد. )
( السلام عليك يا أمامي الجواد )
٠**
تاسع الاطهار يانعم الولي
بزمرة الاشرار گلبك مبتلي
يا محمد سيدي يابن علي
صوت للحق على الباطل معتلي
(طالبا للسلام داعيا للسداد )
(السلام عليك ياامامي الجواد )
★★★★★
زيارتك من الگلب تمحي التعب
ياوجيه الگلب بيه لله اقترب
والظلام بنورك أَعليه احتجب
شوگي واجب بالعشك مومستحب
(جئت شوقا اليك يبن خير العباد )
( السلام عليك ياامامي الجواد )
★★★★★
عارف بحقك اجيت وملتزم
بشوگ مايعرف حدود ولاحجم
منهجك شلال من نور وعلم
وارث من حسين ثورات وعزم
(واقفا في خشوع قرب باب المراد )
( السلام عليك ياامامي الجواد )
★★★★★
علسطح ايام مرمي عافتك
ام الفضل بالغدرلمن سمتك
مثل ابوها ماتدور راحتك
زادت الغربه عليك بغربتك
(في فؤاد كئيب قد اقمت الحداد )
(السلام عليك ياامامي الجواد )
★★★★★
بعيد عن احبابك ودمعك يهل
بلاذنب مجبور عنهم. ترتحل
شكثر صعبه الدنيا علگلبه سهل
شگد مسامح سيدي وي اليزل
(لك نجري الدموع ولبسنا السواد)
(السلام عليك ياامامي الجواد )
★★★★★
ياوجيه ابزمرة الشر امتحن
الخلوا الدنيا جحيم من الفتن
شموع عمرك حيف بالغربه طفن
خمسه وعشرين باللوعه كظن
(لك حزن عميق في صميم الفؤاد )
(السلام عليك ياامامي الجواد )
الشاعر حسن لعيبي الحريشاوي
وحدك لا عشيره تـلفي مهـــيوبه
غريب وچبدتك بسموم مصيوبه
_
الله يعين گـــلبك بالألم هــايم
أخر يـوم هذه و ما تظـل سالم
عمامك وينهم عنك بني هاشم
تحشمهم ادموعك عون مطلوبه
_
حَيهُم بني هاشم غوث وكت الشوم
تفزَع لـ الغــــريب الفزعه هذه اليوم
ما يـــــدرون أبنــهم بالغُرُب مسموم
وين الـ ما تعيش بيوم مغلوبه
_
تعالو لـ الجــــواد و شاهدو حاله
يــــعالج بالـــمنـــيّه و ذاب دلاله
لا عـــم لا أخـــو لا أخت تــنعاله
روحه من السم ابنار ملهوبه
_
شوصــفه بنايـــــــباته يعــلم الباري
صح مسموم مات و مدمعـــه جاري
ثلث تيام ظل بس جسمه مو عاري
مثل حســـين لا ما سَلِــبو ثوبه
__
ما صابه السهم وبحجر هدله الحيل
ما حرگو اخيامه و شاف هم يا ويل
و ما سحگت ضلوعه بالحوافر خيل
ولا صارت خواته گباله مسلوبه
الشاعر حاتم صبري الكاظمي