7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصيدة للسيدة رقيه بحر طويل
من ديوان
#مواجع_الطف_الجزء_الثاني
[ رقيه لراس ابوها تريد]
رقيه لراس ابوها اتريد والونه تعليها
مارادت اكل لاماي رقيه تريد واليها
•───✧◐◐✧───•
رقيه فزت من النوم صاحت صوت ياعمه
اجاني والدي هسه شفته مخضب بدمه
اشتاكيت الحجاياته يعمه وكعدتي يمه
ولن عمتها سمعتها اجت ليها تهديها
•───✧◐◐✧───•
رقيه تلطم اعله الراس صاحت والدي وينه
اجاني بنومي ويگلي حضَّنـي واهملت عينه
اجيتج يالعزيزه هنا رقيه آ يالحنينه
يگلي سكتي لا تبجين دمعتج بويه نشفيها
•───✧◐◐✧───•
ولن ايزيد سمعاها وصلّ صوتها ابأذنه
كالوله رقيه تريد ابوها وعلت الونه
كاللهم دشيلو الراس ومنه تكطع الضنه
لمن آمر الملعون جابو راس واليها
•───✧◐◐✧───•
ومن جابو الراس الها بطشت ومغطه بالمنديل
صاحت ما اريد الزاد تبچي والدموع تسيل
اريداً والدي هاليوم اشوفه ويرد بيه الحيل
ولمن شالت المنديل شافت راس واليها
•───✧◐◐✧───•
شافت بالطشت راسه مخظب شيبته بدمه
هوت عالراس وتشمه وصعدت روحه يمه
زين العابدين يصيح نحي الطفله ياعمه
رقيه ماتت عالراس بچه ودموعه يجريها
•───✧◐◐✧───•
زينب صاحت السجاد بالله وياي ساعدني
خلي انغسل الطفله حال الطفله يوجعني
ولمن جابو مغسله شافتها وبقت تبچي
كالت ما اغسلها اظن بيهها مرض معدي
جسمه من المرض موروم ازرك والدمه عليها
•───✧◐◐✧───•
تجاوبها العقيله تصيح مابيها مرض معدي
هذه اسياط ال يزيد يظربوها وتضل تبجي
وطول الدرب جابونه وضرب اصياطهم تحدي
ودخلنه للخرابه وصار وشوفي شصار تاليها
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🏴 إستشهاد سبط رسول الله الأكبر مولانا وإمامنا الحسن بن علي المجتبىٰ ع في مدينة جده ص مسموماً باللبن على يد زوجته اللعينة جعدة بنت الأشعث بن قيس الكندي لع في ساعة إفطاره حيث كان صائماً … في السابع 7 من صفرالخير 50هـ وبتخطيط أموي من معاوية الملعون ومروان اللعين ..
الآ لعنة الله على الظالمين
السلام على كريم آل محمد …
⬛️◾️القصيدة-1-◾️⬛️
للحسنِ المسمومِ دمعي جرىٰ
بِـحقدِه الباغي عليه ِ اجترا
رأىٰ الرزايا إذ ألَـمّت به ِ
وغدرُ أصحاب ٍ به ِ أثّـرا
كريمُ أهلِ البيت ِفي مِحنةٍ
مـَن سيُواسي أمَهُ يا تُرىٰ !
فجُعدَةٌ من يَدِها قَدّمَت
سُماً لَـهُ مُذ هَمَّ أن يفطُرا
في لَبنٍ زُعافُها غالَهُ
والكبدَ للمظلومِ حالاً فرىٰ
وظلَّ يشكُو مِنـهُ حتىٰ قضىٰ
والعرشُ ضجَ والملا كبّـرا
وزينبٌ جاءَتهُ في لَوعة ٍ
أخي تصيحُ يابنَ خيرِ الورىٰ
روحي فداكَ لاتَغِـبْ عاجلاً
عليكَ عيني نَـثرَت أحمَرا
أمّا حسينٌ مُذ رآهُ بكىٰ
وشجوَهُ بـحُرقَة ٍ أظهرا
وللبقيعِ نعشَهُ حاملاً
إذ صارَ من لؤمِ العِدا مُجبرا
ينعىٰ أخاه ُ السبطَ لهفي لهُ
ودمعُـهُ القـاني َخطَّ الثرىٰ
#سمير_الصالحي
#تمت_في_البصرة_الفيحاء
#29_محرم_الحرام_1446هـ
#الإثنين_5_8_2024هـ
🏴نعي نصاري
گعد يم گبره ودموعه تهل دم
يبو محمد يخويه يصيح وبهم
عگب عينك اعداك علينه تلتم
وبموتك يخويه تهدم الحيل
يريحانة الهادي لا عدمناك
يريت الموت جاني ورحت وياك
گلي شلون صبري خلاف عيناك
ودمع زينب اختنه لجلك يسيل
🏴أبوذية
تره بذكر الحسن راحه وبلسم
شريف وبالكرم شايع وبلسم
وسافه اعدااا يغدرونه وبلسم
يموت وتفرح بچتله أميه
#سمير_الصالحي
#تمت_في_البصرة_الفيحاء
#29_محرم_الحرام_1446هـ
#الإثنين_5_8_2024هـ
السيده رقيه ع
يـحــسيــن ابوي الــراح شوف اخـيـاله
أنـه الزغــيــره الچنت اعـيـش ابـجـالـه
============================
بويه الـهــجــر يكـتــل يــضـي اعــيوني
تــرضــاهــا يـحـــسيــن العــده يسبوني
لا انــتــه يـمــي يــبـقــه لاعــمــي اهنــا
أنـــه الزغـــيــره بـــويـــــه وتـعــوفوني
بنتك رقــيّــه انــه وعـــزيـــــزت گـلبـك
مايحله عــيــشـــي يلـتـسـافــر بــعــدك
تبقه الــعــــيــون ابروحـــتـك هـمّــالـــه
يـحــسيــن ابوي الــراح شوف اخـيـاله
============================
گلبي انشلع والـــروح مهضومه الــروح
تـتـــركه بنتك هــــيــــچ يابويـه اتروح
ترجــعـلــي يـمـتـه حتى اكــول مسافر
لو اگــطــع الضـنـــــه واظل بس للنوح
بويه الأمــــــل يــــراد لــيــه ابـــشــاره
حـتـــى انه اگولن هـاي اجتني اخباره
تمنيتك ويـاي وتــشـــــوف الحــــالـــه
يـحـسيــن ابوي الــراح شوف اخـيـاله
============================
وبـيــــوم عاشــــر مِــــن بعد روحتكم
راح الــــــدلال وگـــــادوا ابـنـيــتــكـم
بويــــــــه العـساكر علـمـخـيـم تـفــتـر
لـيــش اتركــتـنـه وننـتـــظــر جيـتكم
شــعـلــو الـنـار ودوت نـار الــخـيـمــه
نـســـــوانكم يابـــويــه طــرّن هـيمــه
السافر ايــــــرد ما يــعـــوف اعــيـالـه
يـحـسيـن ابوي الــراح شوف اخـيـاله
============================
آه الـهِــزل والـحــبـل آه آشــأحـــچـي
كـــــل السوالف بـيّــه هـــاي اتـبـچـي
طفله وزغيره وچفي مــو مال احبال
ياريــت يـمّــي وخــل اشــوفك چفي
هان الشتم هان الضرب ممشه النوگ
بس الي تكتل بويه طرينه الــســوگ
وتـفـــتر علــيـنـه العـسـكــر وخيّــالـه
يـحـسين ابوي الــراح شوف اخـيـاله
============================
بس عــمـتـي زينب يمنه واسال عنك
اسألها تــــــرجع بويــــه واشـبـع منك
كالتلي ابــــــوچ احسين راح امسافر
امـطـوّل ســفــرتك لـيـش ماشوفنّك
والتارك احــــبابه شــهـر لو شــهـرين
يحچي بسفرته يگول چا گاصد وين
ويطمن أهلـــــــه ابســفـرتــه واحواله
يحــسيـن ابوي الــراح شوف اخـياله
============================
شِــفـت بحـلـم يابـــويه گــاصـد لـيّــه
تِـفـگــد ضـعـنـكـم تارك انــتـه ابـنـيـه
فزيت اصيحن ليه جيبولي حـــسيـن
گالولي هس انجيبه صبري اشـــويّـه
جابولي راسك بالطشت شو مگطوع
وگالو ببوچ احسين كسرنه اضلـــوع
فاضت الـــروح ومــا حِـمـلـت الگـالـه
يـحـسيـن ابوي الراح شوف اخـيـاله
============================
✍️عباس مالك العفريت
#محرم_الحرام١٤٤٦هـ
نسألكم الدعاء
اللحن 👇
شكرا مولاتي رقيه
#الطميه_بديوان_بحر_الولاء_الجزء_٦_.
لطميه للأمام زيد الشهيد عليه السلام
زيد الشهيد اليوم حركوا جثته
تشبه لبو السجاد صارت قصته
❥━──➸➽❥💔❥━──➸➽❥💔
بالرمح راسه امعلكينه اهل الرده
يشبه الجده زيد بلصار اوسده
الراس بلبلدان فروه العده
واتفطر الدلال ويلي امصيبته
❥━──➸➽❥💔❥━──➸➽❥💔
اعزلوا راسه امنلجسد عدوانه
واسنين ظل مصلوب يا جثمانه
مثل ابو اليمه من هوه امنحصانه
والشمر بيده السيف حزهه ركبته
❥━──➸➽❥💔❥━──➸➽❥💔
شنهي المصيبه هل عده السووهه
ايطلعون جثت زيد وايصلبوهه
واسنين تبكه ليش ميدفنوهه
وايخلد التاريخ هايه ثورته
❥━──➸➽❥💔❥━──➸➽❥💔
ابدم الشهيد حسين يطلب ثاره
من اهل كوفه اهل الرده الغداره
يشهدله من ذاك الزمن بتاره
يتذكر حسين او مصابه او غربته
❥━──➸➽❥💔❥━──➸➽❥💔
مثل الشهيد حسين خاضاهه الحرب
متروس جسمه اسهام طاح اعلترب
من دم وريده اليوم ويلي مختضب
وين الهواشم خل تشيع اجنازته
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
قصيده فزاعيه سريعه
لمولاي الحسن المجتبى
ــــــــــــــــــــــــــــــــــــــــــ ـــــــــــ
المستهل 👇👇👇
شايل وين يالمجتبى /هالليله
ــــــــــــــــــــــــــــــــــــــــــ
عايف دياره وكل هله
والموت مستعجل اله
والدنيه بعده مايله
شايل وين يالمجتبى هالليله
ــــــــــــــــــــــــــــــــــــــــــ ـــــــــــ
والسم مرد دلاله
والليله يفجع حاله
وين المحب وناله
شايل وين يالمجتبى هالليله
ــــــــــــــــــــــــــــــــــــــــــ ـــــــــــ
الدنيه صارت مضلمه
شال اليحل الموزمه
وخوانه كلها محزمه
شايل وين يالمجتبى هالليله
ــــــــــــــــــــــــــــــــــــــــــ ـــــــــــ
والنعش شالوه اخوته
وزينب تون وحاجته
ارجع يضيــــي نادته
شايل وين يالمجتبى هالليله
ــــــــــــــــــــــــــــــــــــــــــ ـــــــــــ
وحسين مكسور الضهر
نفس انكساره عل نهر
من بعده ياراحه التمر
شايل وين يالمجتبى هالليله
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان عج
قصيده فزاعيه رباط هوسه للحسن عليه السلام
ــــــــــــــــــــــــــــــــــــــــــ ـــــــــــ
المستهل 👇👇👇
وهاي اعمامتك/ ضلت يوالينه
يبو محمد بعد ماترجع علينه
ــــــــــــــــــــــــــــــــــــــــــ ـــــــــــ
وسفه شلـون شايل يانظر عيني
يـــبو جف السخيه لا تخليني
صعبه اخلاف عينك تخلص سنيني
(اختك ياخوها /ابقى وياها)
ــــــــــــــــــــــــــــــــــــــــــ ـــــــــــ
احنه اليوم مكسورين ياخونه
يمجانك عوض من راح ابـونه
خطارك اجو خـويه يــشدونه
(نشدونه /عنك خطارك)
ــــــــــــــــــــــــــــــــــــــــــ ـــــــــــ
هذه حسين محني ظهره عليك
والسم ماخذك يبن امي ماذيك
كـــون بروحي اظمنك وخليك
(ترد روحي/ من تبقي وياي)
ــــــــــــــــــــــــــــــــــــــــــ ـــــــــــ
السم ظاهدك ومتعبك حيـــل
انظر حالتك والمدمع يســـيل
على مصابك يخونه نصيح ياويل
(لو راح عضيدي /ياويلي)
ــــــــــــــــــــــــــــــــــــــــــ ـــــــــــ
رايح هاي هيه ها يبو محمد
ها يجبير اخوتي فدوه لاتبعد
بعد لجروح اخيتك ياهو ليضمد
(من تروح راح /تزيد الجروح)
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان عج
لطميه لزيد الشهيد ابن علي السجاد عليهم السلام
==========
على زيد الشهيد
نعازي الزهره
علمصلوب خمس سنين علشجره
==========
ثار على الطغاة السيد بزوده
ثوره على الظلم هداته مشهوده
ياشهم ونفل طالع على جدوده
ياهيبة اجداده وفخر للعتره
🌾🌾🌾🌾🌾
ماخذ شمرته من عمه بو فاضل
يرد المعتدي يلعدل المايل
ابو الشارات هاذا ويسطر العايل
من هيبة عمامه ماخذ الشمره
🌾🌾🌾🌾🌾
على الشجره نصلب محد تدناله
محد رحم حاله ومحد الشاله
خمس سنين تبجي احبابه وعياله
محد غسله ومحد حفر كبره
🌾🌾🌾🌾🌾
ثار على الظلم محد وكف دونه
نعمين وكفو للضيج يردونه
زيد ابن علي الينخاه ياعونه
ميخيبج ابد حلفيه بلزهره
🌾🌾🌾🌾🌾
ذكري ابن الامام وليش تنسينه
حاجات شكثر بلضيج ينطينه
لو ردتي الحاجه بس تندبنه
نريد اليوم منك سيدي نضره
🌾🌾🌾🌾🌾
سيد وبن سيد وامه علويه
شجاعه ومرجله ممدوح طاريه
علم مرفوع هيبه وفوق ساريه
نعازي فاطمه ونعازي العتره
===========
الى مقام سيدي ومولاي الشهيد زيد ابن علي عليهم السلام . نسألكم الدعاء
خادمة ال البيت وخادمتكم الحجيه ام علي البصره
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيدة مربعة و فزاعية ( لزيد الشهيد ع ) 🌺
-------------------------------------------------------
على زيد الشهيد ونن الليلة
ابن زين العباد الروحه انحيلة
ونن للشهيد ولهلة الاحيودة
يستاهل مناحة بروح ممرودة
مظلوم الشهيد وهم مثل عودة
خلي العين لجلة المدمع اتسيلة
يسوة ادموعنة والنوح والونة
ابن زين الاعباد اللي تعرفنة
لطمن عل صدر والهام دگنة
حملج لو وكع مولاج اللي يشيلة
شيال الكلافة مثل اجدادة
دگن حيل للزين للسادة
مارحموه وسفة شكثر اوغادة
وماتم بلحزن كلنة نسويلة
نون اليوم لجلة ونرفع الراية
دكن حيل لجلة ورفعن الراية
خدامك يغاتي وكلنة وفاية
كلف يوم الشهيد اليوم شيشيلة
عازو ام الحسن وحسين عازوها
عل مصلوب ونو احبابة ذكروها
وخلو العين هذا اليوم بجوها
اليوم العين للمصلوب تبجيلة
-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
اهدي الى روح اهلي وارواح المسلمين والمسلمات كافة ومن لم يذكرهم ذاكر والى شهداءنا الابرار
ذمة عدم حذف الاسم وغير مبرئ الذمة كل من ياخذ من الكلام وينسبه له
نعي للشهيد زيد ابن علي السجاد عليهم السلام
===========
من ذبحتك ياجدي يحسين
ماغمضت مانامت العين
اخذ الثار من الملاعين
..........😭
انه گبال عيني كربلا تلوح
من يوم راس حسين مذبوح
بلايه دفن علثرى ومطروح
..........😭
مطروح جدي ابين عدوان
ومحيره زينب ابنسوان
وسجاد ابوي عليل وجعان
...........😭
للشام ويه الشمر ماشين
والدمه يجري من الايدين
وعلسمهريه راس الحسين
............😭
عملت كربلا حرمتني النوم
واكبر هظم راسك يمظلوم
اخذ بثارك كون فد يوم
.............😭
عدوان كفر ويكرهونه
ذبحونه يشيعه ومارعونه
وعلى النخله بحقدهم صلبونه
==========
خادمة ال البيت الحجيه ام علي البصره
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
صَفَرٌ وما بكَ كم عظيمٍ خطبُهُ
فالرّكبُ بالأحزان حلّ الشّاما
دقّوا طبولَ العُرسِ آلُ أميّةٍ
وتزيّنوا رفعوا بها الأعلاما
آهٍ وقد رقصوا على جرح الأسى
وبـــلاء آل محمّدٍ قد قـــــاما
صبّوا قدورَ الزّيت فوق رؤوسهم
شمتوا بهم ما راعَوا الأيتـاما
من ثمَّ شجّوا الرأسَ ثانيةً كما
في كربلاءَ فجرحهُ ما نـــاما
كم أنّةٍ في الشّام تُخفيها النّسا
كم طفلةٍ رجفت هنا إيلاما
إن يَنظروهنَّ احتَمَيْنَ بزينبٍ
زدْ في مصيبةِ زينبٍ إعظاما
لا زال زينُ العابدين مقيّدًا
لا زال حزنًا دمعُهُ يتهامى
نور لمع / مصائب صفر
ابوذيات لشهادة السيدة رقيه سلام الله عليها
وكتها بياوعد تالي وعدها
لاعم لاابو يمها وعدها
الليالي احسابها يكتل وعدها
بغياب حسين شيصبر رقيه
طفله ومالگت بالعمر راحات
مثل عمر الورد ياحيف راحات
لصفگ يارقيه عليچ. راحات
ودمّيه الصدر بثنين اديه
الشاعر حسن لعيبي الحريشاوي
رجعت اضعون السبايه لي اراضي كربله
گوم يا عباس واصرخ عالاجولك يا هلا
لوّح ابگطع اليدين
اجت زينب للحسين
@@@
اجت والبيرغ معاها اترفرفه ابچبد السمه
تنادي جيت انا العقيله يا بني حامي الحمه
مو طبع عباس يگعد لو اجت بت فاطمه
من بعد سفره مريره امن الاذى مو سالمه
…
ابغصه خانگها الحنين
اجت زينب للحسين
@@@
من بعد ماعنها رحت اموسد ابجرف النهر
يابوفاضل گوم لختك هاللتي شبعت قهر
كل دربها ابعين تدمع عالرمح شايل گمر
يلي بس طگها خوَلّه امن الرمح درت النحر
…
وينزف ابغيض الجبين
اجت زينب للحسين
@@@
شيباها الضيم چنها حتى صعبه تنتهض
هاللي من گعده بعدكم گامت اتأدي الفرض
ردت ابصبر اللي هدم كل رواسي عالارض
وهيه تنخه وين اخوتي ابصوت بحه منخفض
…
الصوت راح امن الحنين
اجت زينب للحسين
@@@
عودت لاچن أديها امحززه ابگيد الحديد
والعبايه بيها حرگ اخيام لو شام أليزيد
ولا يزال الدم عليها باقي من دم الوريد
جاتك ويطفح دمعها ياكفيل الماله ايد
…
گوم داوي الها اليدين
اجت زينب للحسين
@@@
ابلا متن صاحي تورم ردت اباقي الجروح
وصوت ناعيها يفتت للحجر لمن تنوح
شتحچي لو تحسب هضمها روح تطلع وره روح
ويكفي شوف الناس لمن بالسبه لأختك يلوح
…
تجرها بالحبل المتين
اجت زينب للحسين
@@@
امن اهدعش لي اربعينك ماهنت لحظه بعد
وترى ماكو گلب بيها من كثر ماهو انمرد
لو رمح لو سوط طگها لو هي نبله لو وتد
ودم على الدم ابنزيفه من جوارحها جمد
…
والاثر واضح يبين
اجت زينب للحسين
@@@
من بعد حامي حماها شافت انواع للمحن
وسفرت الهزل عصيبه اتضعضع اعظام البدن
صعبه عالحره الخفيره ينگلب بيها الزمن
وتالي عالناگه ابشماته يعرضوا بت ام الحسن
…
تمشي وامدنگه الجبين
اجت زينب للحسين
@@@
ماكو ديره فزعه ليها عالهزل لمن لفت
وبالاخص بالشام ويلي اعليها لمن عيدت
هذا بحجاره يطگها وذاك بلسانه انفلت
وفي دواووين الردايه وسفه بت طه اوگفت
…
استقبلوها امعيدين
اجت زينب للحسين
@@@
وادم ابشام آل اميه شايله الحقد ابنفوس
بالدفوف اطلعت چنها ابزفه تستقبل عروس
شتموا حيدر بغاني ورادت العتره تدوس
وماي حار او نار ذبوا وصوبوا حتى الرؤوس
…
وماسلمت منها البنين
اجت زينب للحسين
@@@
علي أحمد الحمود
٧-٨-٢٠٢٤
السبي
الاربعين
لسان حال رقية تخاطب ابيها الحسين عليه السلام
ودعتك الله بويه يحسين
ودعتك الله بويه يحسين
★★★★★
بنتك رقيه ابحسره وبنوح
اغيابك يبويه عذب الروح
لگيتك يماي العين مذبوح
محتاره وين انطي الوجه وين
★★★★★
شَنَّوا يبويه الگوم غارات
من كل كتر شالوا الرايات
طلعوا بچتلك بويه شمات
وللشام بينه اليوم ماشين
★★★★★
ماشين بينه اليوم للشام
صاروا يبويه اعيالك ايتام
لامامثلها مرت. ايام
لاحامي عدنه ولا صواويين
★★★★★
صرنه سبايا بلايه وليان
من بعد ذاك الجاه والشان
نصعد جبال ونطب وديان
ياوكت بويه انطب دواويين
★★★★★
حادي الرديه ايگود الارچاب
چمل اصوابي مية اصواب
اتموتني والله فرگه الاحباب
امنين اجتني كربله امنين
★★★★★
طول الطريق الناس يحچون
ايسبون بينه. ومايسكتون
ذوله الخوارج من يگولون
يصبح نهاري ليل بالعين
★★★★★
اسمع الشامت لمن ايفوت
بالطشت راسك اسمع الصوت
شيبني ذبحك واطلب الموت
ماچنه عمري اربع اسنين
الشاعر حسن لعيبي الحريشاوي
*فزاعية مع هوسات للسيدة رقية(ع)*
*من ديوان 📚 عبرات وانين في رثاء الطاهرين الجزء5*
❥━──➸➽❥❂❥━──➸➽❥❂
بتك يالولي ماتت على الراس
بارض الشام شهگت آخر انفاس
❥━──➸➽❥❂❥━──➸➽❥❂
المدلوله رقيه ياضوه العين
برض الشام موتوها الملاعين
جابو راسك الها بطشت يحسين
*((فجعوها//يالوالي براسك))*
❥━──➸➽❥❂❥━──➸➽❥❂
فجعوها العدة والراس جابوه
گبال اعيونها يالوالي خلوه
شافتة وگلبها اهواي عذبوه
*((عذبوها//يالغالي ابنيتك))*
❥━──➸➽❥❂❥━──➸➽❥❂
راسك شبگته واتهل العيون
وراحت روحها والگلب محزون
واني محيرة ياخوية تدرون
((وهد حيلي//يمصاب ارقية))
❥━──➸➽❥❂❥━──➸➽❥❂
احتاريت برقيه خويه بالشام
اشلون ادفنها واني بين ظلام
يا گلبي اشبعد يتحمل الام
*((ظليت بحيرة//ومهظومة))*
❥━──➸➽❥❂❥━──➸➽❥❂
يبن امي رقية اتحيرت بيها
بديار الغريبه اشلون اخليها
ماظنك يخوية تقبل عليها
*((يدفنوها//بديار الغربة))*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
صحت وين
يعمه والدي وين
خبر ماكو على لحسين
انه اشتاگيتله هواي
...
جزينه كربله وچم يوم صار وطالت السفره
وضعنه حاله ابد موزين وطبينه لارض خطره
يم بوابة الساعات شفتچ حيل منقهـره
الجماهير البلد حاطوچ وكلها تشتم الزهره
يصيحون
منو همه ويصيحون!!
منو انتي يعرفون؟
عليمن فاگده الراي!
..
على كلاً يجي لحسين عمه تحملي وصبري
والوالد يبيد الشام كون بحالتچ يدري
منهو المن ظهر رجال خله دمعتج تجري
ما يدري بأبو فاضل گلچ يالهوه بصدري
يجي اليوم
وجب عمي يجي اليوم
ويدوس ابرجله عالگوم
ويگلچ انتي بحماي
..
دخلنه للخرابه وما وصلوا والدي وعمي
رقيه المن يصيحون يامسبيه مو اسمي
من الترچيه بالگوه ياعمه نشف دمي
شو ردوا يضربوني وشو زاد الوضع همي
عجب ليش
يضربوني انا ليش
شنو السويته للجيش
انه بكل هاي دنياي
..
خذونه عد قصر عملاق وانه لعمتي بقيت اربي
صفره وجوها اهلي هواي شراح يصير ياربي
من صوت الطبل والناس والسب تيهت دربي
هناك اسمعت اسم حسين وساعتها لزمت گلبي
گلت ريت
اجاني والدي ريت
ويردنه ونرد للبيت
ويحط يمنته بيمناي
..
گعدنه بالقصر والناس كلها بينه متشمته
شعور الغربه ويه الخوف هذا ما قبل عشته
بلاط وعسكر وسلطان صاح بصوت واسمعته
طشت الذهـب دخلوا گال خل اتعاينه بنته
طشت من؟
الطشت هذا طشت من؟
الحچي هذا قصدمن
الحچي معقوله وياي؟
..
واجه يمي الطشت بس من فتحته چانت الصدمه
شفت اخر امل مذبوح وصابغ لحيته دمه
بقيت ابچيو اون هواي واون ثاني واصيح اسمه
ومدلي من السمه ايده ورفعت ايدي ورحت يمه
اعرفت وين
يعمه والدي وين
ورحت هسه للحسين
ابوني وثگل مبچاي
الخادم
حسن مبثاق الربيعي
١٣ محرم الحرام ١٤٤٥
كتبت في صحن المولى سيد الشهداء صلوات الله عليه
نعي للسيده رقيه عليها السلام
حزنانه والحسره چبيره
يابويه من بعدك اسيره
طفله آنه ظلموني زغيره
مشونه من ديره لحد ديره
يا حيرتي الما منهه حيره
من غبت ياشيخ العشيره
.................................
فرگاك يالغالي هضمني
هالزمن من عندك حرمني
والشمر من بعدك يطگني
بنتك رقيه وشوف متني
ما چان هذا الصار ظني
عگب الدلال الدللتني
...............................
ظليت من بعدك يتيمه
من الطفوف وذاك ضيمه
يالما جرت مثله جريمه
ويسبون للهادي حريمه
يمشون بينه وسط هيمه
يضربونه ونسمع شتيمه
....................... ...........
خادمكم مالك السعيدي
يحسين ابوي(السيده رقيه)
عباس مالك العفريت
#الفزاعيه_بديوان_منابر_النور_الجزء_٩_.
فزاعيه للأمام زيد الشهيد عليه السلام
احاه يا زيد الشهيد
والله هزني امصابه
❥━──➸➽❥💔❥━──➸➽❥💔
يوم عزلو جثته
اشكد عضيمه امصيبته
والعده مارحمته
طلعته العدوان من اترابه
❥━──➸➽❥💔❥━──➸➽❥💔
راسه عن جسمه اعزلوه
فوك نخله واصلبوه
والجسد ويلي احركوه
امصابه خله دمعتي سجابه
❥━──➸➽❥💔❥━──➸➽❥💔
انذبح مثل الحسين
ثورته ابرفعت الدين
دم تهل منه العين
حيل ونت صحبته لغيابه
❥━──➸➽❥💔❥━──➸➽❥💔
طلعوه امنلترب
شلون ابو الغيره انصلب
بي لعب ريح اليهب
كطع راسه الملعون ماهابه
❥━──➸➽❥💔❥━──➸➽❥💔
زيد محد لحده
يوم ذبحوه العده
اصلبو جثته الوحده
وين عنه صحبته واحبابه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
#الحديث_بديوان_بحر_الولاء_الجزء_٦_.
حديث شهادة زيد الشهيد عليه السلام
هوه زيد بن علي بن الحسين بن علي بن ابي طالب عليه السلام ويكني ابا الحسين ولد سنه ٧٨ هجري وقيل سنه ٧٥ في مدينه الرسول(ص) نشأ زيد في بيت النبوة والامامة وتغذى بلباب الحكمة وكان ابوه الامام السجاد عليه السلام باب المدينة العلم بتعهده بالادب ويرسم له طريق الهداية والخير واصبح عليه السلام فقيها واسع العلم والمعرفة يأخذ بكتاب الله وسنة رسوله وقد تحدث الامام زيد عليه السلام عن سعة علومه ومعارفه حين عد نفسه لقيادة الأمة والثورة على الحكم الأموي حيث قال: ( والله ما خرجت ولا قمت مقامي هذا قرأت القرآن واتقنت الفرائض واحكمت السنة والأدب وعرفت التنزيل كما عرفت التأويل وفهمت الناسخ والمنسوخ والمحكم وما تحتاج اليه الأمه في دينها مما لا بد منه ولا غنى عنه واني لعلى بينة من ربي )
لقد ثار الامام زيد عليه السلام على الحكم الأموي وقد اعلن شارة الثورة بكلمتة الخالدة التي اصبحت اشعاراً للجهاد ضد الظلم والجور في معركة الحق وقد فجر ثورتة المباركة التي كانت امتداد لثورة الامام الحسين عليه السلام ضد الحكم الأموي ليرفع لواء الحق ومن اهداف ثورتة الثار لدم جده سيد الشهداء الامام الحسين عليه السلام في معركة الحق الذي نشده الامام زيد عليه السلام ضد الباطل الاموي وتحت جنح الليل رمي زيد عليه السلام بسهم غادر اصاب جبهته ووصل الى دماغة الشريف فحلت الكارثة في اصحابه فهاموا في تيارات مذهلة من الاسى والحزن طلب له طبيب فانتزع منه السهم فتوفي من فوره وذلك يوم الجمعه الثالث من صفر سنه ١٢٢ هجري وقام اصحابه بمواراته بنهر هناك قطعوا ماء وحفروا فيه قبر وواروا الجسد الطاهر فيه قم اجروا الماء وكان مع اصحاب زيد عليه السلام احد عيون السلطة يراقب تحركاتهم فبادر مسرعا الى الكوفة واخبر حكامها بموضع الدفن فامر بنبش القبر واخراجه منه وحمل الى القصر في الكوفة وامر بصلبه منكوسا في سوق الكناسة بعد حز رأسه الشريف وقد رفع رأسه كما رفع رأس جده الحسين عليه السلام على رمح يطاف به في الاقطار حيث ارسل الرأس هدية الى الشام بن عبد الملك (لع) ففرح به كما فرح يزيد (لع) برأس الحسين عليه السلام فأمر بنصب الراس الشريف على باب دمشق أما الجسد الطاهر فقد صلب على جذع شجرة واحاط به حرس مكثف مخافة ان يسرق ويدفن وبقى مصلوباً على هذا الحال طيلة اربع سنوات ولما مات هاشم وولي من بعده الوليد بن يزيد كتب كتاب الى الحاكم في الكوفة يوسف بن عمر كتاباً يأمر بأن ينزل الجثمان الطاهر ويحرقه بالنار وقام والي الكوفه باحراق الجسد الطاهر وذره في الفرات إنا لله وأنا اليه راجعون .
زيد الشهيد المات مظلوم
دارت عليه بسيوفهه الكوم
بلتار حركو جثته اليوم
❥━──➸➽❥💔❥━──➸➽❥💔
يشبه مصاب الجده الاحسين
الراس كطعوه الملاعين
لمصيبته دم تهمل العين
❥━──➸➽❥💔❥━──➸➽❥💔
مصابه مثل جده الشفيه
المذبوح بارض الغاضريه
الراس ابرمح ودوه هديه
❥━──➸➽❥💔❥━──➸➽❥💔
زيد الشهيد امصابه ما صار
يشبه الجده ابو الاطهار
راسه ابرمح بلبلد يندار
❥━──➸➽❥💔❥━──➸➽❥💔
امصيبته مثل ابو اليمه
اكطعوا راسه او فاض دمه
حسين ضل علكاع جسمه
❥━──➸➽❥💔❥━──➸➽❥💔
او زيد احركوا ياويلي ابنار
ماكو رحم بكلوب الأشرار
يوم القيامه اشعدهم اعذار
❥━──➸➽❥💔❥━──➸➽❥💔
مصلوب زيد امعلك اسنين
شعملوا بي كوم الملاعين
عليه من دم تهمل العين
❥━──➸➽❥💔❥━──➸➽❥💔
مثل الحسين الراس مرفوع
فوك الرمح وايهل الادموع
وعليه اعداه امجمعه اجموع
❥━──➸➽❥💔❥━──➸➽❥💔
تشبه الجده امصيبته اليوم
حسين الشهيد المات مظلوم
راسه ابرمح يتسايل دموم
❥━──➸➽❥💔❥━──➸➽❥💔
راسه ابرمح يا ويلي يهدوه
من واحد الواحد يرسلوه
او جسمه ابجذع نخله يصلبوه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
ابوذيه للحسن عليه السلام
ــــــــــــــــــــــــــــــــــــــــــ ـــــــــــ
روحي اليوم تفارك حسنها
حياتي نرسمت بشخصك حسنها
الدنيه اليوم حزنانه لحسنها
راح يروح وتزيد الرزيه
, ــــــــــــــــــــــــــــــــــــــــــ ـــــــــــ
معـــي طور مجاريد للحسن عليه السلام
لسان حال مولاتي زينب وهي تتمنى حظور امها الزهراء عليها السلام بوفاة الحسن
كأني بها تقول
👇👇👇👇
يمه يم حسن مري علينه
الليله سممو ابنج يالحنينه
والسم ظاهده ويدير عينه
ــــــــــــــــــــــــــــــــــــــــــ
بلارحم سمو الهيبه
وذا راح منعدنه شيجيبه
لحگي وليدج يالحبيبه
ــــــــــــــــــــــــــــــــــــــــــ
يمه تعبانه ومهدوم حيلي
اونن يالزجيه ومانمت ليلي
خال الولد كاسر دليلي
ــــــــــــــــــــــــــــــــــــــــــ
رغم سمه الحسن مشغول بيه
يگول زينب لاتبجي عليه
هاي العزيـــزه الهاشميه
ــــــــــــــــــــــــــــــــــــــــــ
خايف عليه وناسي روحه
وناتي لمزيده جروحه
خال الولد ياليسوه كلشي
ــــــــــــــــــــــــــــــــــــــــــ
يمه شستعد ليامصيبه
والراح منعندي شيجيبه
صعبه ليفارك حبيبه
ــــــــــــــــــــــــــــــــــــــــــ
اون للحسن ونات ونات
يروح الحيل ويا اذا مات
گلبي استعد لهواي طعنات
ــــــــــــــــــــــــــــــــــــــــــ
راح يروح أجبير اخوتي
گبل هاليوم انه تمنيت موتي
زادت عليه بفراگه بلوتي
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان عج
قصيده مربعه
لمولاي كريم اهل البيت الحسن المجتبى عليه السلام
ــــــــــــــــــــــــــــــــــــــــــ ـــــــــــ
المستهل 👇👇👇
سدووها المظايف كثرو الونين
شال معدل الميله وحجي الزين
ــــــــــــــــــــــــــــــــــــــــــ ـــــــــــ
سدوها المظايف شيلو الدله
هل ديوان بعد الزين مايحله
والمايل حجيهم هوا ليعدله
ابو محمد كفو منك ونعمين
ــــــــــــــــــــــــــــــــــــــــــ ـــــــــــ
كريم وبالكرم معروف عنوانه
وبجفه السخيه فتح ديوانه
كلمن گاصده والروح وجعانه
يسمع طلبتك ويقرلك العين
ــــــــــــــــــــــــــــــــــــــــــ ـــــــــــ
بيته اليوم خالي وموحش خلافه
حزنانه الطوايف والسلف عافه
وكل الساده تبجي فگدت أوصافه
بـفگد المجتبى متــگدر الديــــن
ــــــــــــــــــــــــــــــــــــــــــ ـــــــــــ
يبو جف الكريــــمه والسخـــيه
يـــبن الطاهره الزهره الزجيــه
يــــالكلك حميـــــه هاشميــــــه
نسل المصطفى وابن المــيامين
ــــــــــــــــــــــــــــــــــــــــــ ـــــــــــ
يبو محمد وين الماعرف شانك
ونته من الزغر معروف عنوانك
وي حيدر علي مشهود ميدانك
تشهدلك ساحات وميــــاديـــــن
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان عج
بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيدة فزاعية مع هوسات ( لزيد الشهيد ع ) 🌺
-------------------------------------------------------
يومك فت دليلي يبن الاحيود
على زيد الشهيد النوح مريود
يومك يوجع الدلال واصوابة
يبن العابد و يا ابن الاهيابة
اريد ابجي عليك وعيني سجابة
( محلاهة .. الونة اعلة اسمك )
اليوم النوح واللطمة اشتراكية
على زيد الشهيد الونة جمعية
عيني ام الحسن دگي يشيعية
( عينيها .. عل صلبو جثته )
مصلوب وعلى شجرة بقت جثته
توجع ياخلك حدر الگلب ونته
الطمن حيل والملطم امسجلته
( عينوني .. بلمجلس لطمن )
الطمن للشهيد الضال عل شجرة
مصلوب وعمت عيني على امرة
دكن واسن السادات والزهرة
( الونة الهم .. لو ونينة )
نلطم واللطم لحسين وعيالة
ضل اعلة الثرة ومگطعة اوصالة
الضبابي على رمح راس الولي شالة
( وناته .. تسمعهن زينب )
-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
اهدي الى روح اهلي وارواح المسلمين والمسلمات كافة ومن لم يذكرهم ذاكر والى شهداءنا الابرار
ذمة عدم حذف الاسم وغير مبرئ الذمة كل من ياخذ من الكلام وينسبه له
هوسات لزيد الشهيد عليه السلام
=========
لزيد ابن علي خل ننصب الماتم
ونذكر يوم صلباه العدو الظالم
على مصابك يازيد تنوح هلوادم
وماننساه / مصابه ويومه
.....................
ماننسه مصابك لو تمر سنين
يلوفيت لجل اليمه لجل الدين
بزوده يتباها ابوه وجده حسين
النشمي وابن النشمي / نتباها بزوده
.....................
هيبه ومرجله نشمي شديد الباس
ماخذ هيبته من حسين ابو النوماس
وارثه الشجاعه من عمه العباس
انتم هيبه / يسباع الحد
=========
خادمة ال البيت الحجيه ام علي البصره
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
قصيده للسيد الشهيد زيد ابن علي عليهم السلام
تقرأ بطور ثقيله وفزاعيه
=========
الك شارات
ماتنعد يمولانه
جيت بحاجتي والروح تعبانه
=========
الك شارات يبن الزهره معروفه
زيد ابن علي يليكرم ضيوفه
عليك العين يابن علي مذروفه
يازيد الشهيد اليومك اذانه
🌴🌴🌴🌴
هاذا ابن علي كلهم يندبونه
للكلفات بس هاذا الينخونه
ابن زين العباد الكل يعرفونه
مراد نريد من جفك العوانه
🌴🌴🌴🌴
يلمصلوب علنخله بقيت سنين
عليك دموم تجري سيدي هلعين
الشيعه عليك يامولاي مندومين
من حسك يحيف الدور خلوانه
🌴🌴🌴🌴
زيد ابن علي معروفه صولاته
ثار على الظلم ياخذ بثاراته
ماهاب الزلم رفرفن راياته
شجاعه ومرجله والفخر عنوانه
🌴🌴🌴🌴
زيد ابن علي ماطفت انواره
يرحب بيهم من بعيد خطاره
منك سيدي ونريد البشاره
اجيت بحاجتي والروح تعبانه
=========
خادمة ال البيت الحجيه ام علي البصره
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
فزاعية للسيدة رقية عليها السلام ( للسلبوا تراچيهه )
خل نلطم عله الهامات
للسلبوا تراچيهه
خل ننصب عزانه اليوم
كلنه انصيح يامظلوم
بتك فزت امن النوم
وتريدك يواليهه
فزت صارخه اونت
حيل الشوفتك حنت
مو ميت عدل ضنت
وزينب حايره بيهه
الله يعين عمتهه
ماگدرت تسكته
والعدوان سمعتهه
وجابو منحرك ليهه
جابوا نحرك العدوان
للوجعان والنسوان
طاحت والگلب خلصان
بتك وانغمه اعليهه
مره اتصيح مره اتنوح
ياعطشان يامذبوح
ليش بساع عني تروح
واصوابك يبچيهه
تدني الراس وتشمه
وتغسل بالدمع دمه
وتنادي يبو اليمه
والهضمات تشچيهه
تشچيلك مصايبهه
وضيم البين دولبهه
ماتت ياحبايبهه
وماحضروها اهاليهه
✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
عن لسان رقيه تخاطب والدها الامام الحسين عليه السلام
صغيره وما اعرف شلون الهموم
يبويه عليك أًصبُّحْ چنت كل يوم
يابدر السما ياحلو الرسوم
يلوجهك سمه وضحكاتك انجوم
صدك بويه عليك التمت الگوم
بحوافرخيلها عدوانك اتحوم
ومن شم الهوة ياحيد محروم
جسمك گالوا على الگاع مهشوم
وين الظيم عني چان مظموم
گلبي بالحزن والنوح محكوم
بچتلك عيد بويه صار للگوم
بيرغكم تگول الناس ملموم
وجيشك علترب مطحون الجسوم
يدين الله صفه بفرگاك مثلوم
يروح المصطفى الغالي يجيدوم
اضل للموت انوح وگلبي ملچوم
الشاعر حسن لعيبي الحريشاوي
خطاب رقية لأبيها الحسين عليه السلام وزن (تجليبه)
وينك يابويه حسين. وينك يانور العين
تناديني رقيه. اتمنه بهلمسيه
وينك يا نور العين
★★★★★★
أشوف دموع عمتي تحرگ بخدها
يوم اتشوفني اتقرب واناشدها
عرفت من المدامع شنهي مقصدها
دنيه ويانه. غير الغدر. ماعدها
امشي وماضل من حيل
موحش يابويه الليل
تمر لوحلم بيه. اتمنى بهلمسيه
وينك يا نور العين
★★★★★★
اموتن من غيابك بويه چم مره
ماادري تسْكَّت روحي ياحسره
بخدي دموع جمرة تشابگ الجمره
خنگني الشوگ ثوبك من اشم عطره
متعوده عليك الروح. شيظل بيها من اتروح
تمر بويه عليه. اتمنى بهلمسيه
وينك يانور العين
★★★★★★
جم مرة اموتن بويه بغيابك
ردت بحشاي سهم مثلث الصابك
حلم روحي اندفن وتغطه بترابك
يبو گلب الچبير مفارگ احبابك
من انظر گدامي الگاك
شلون اتعود فرگاك
تلفيني المنية. . اتمنه بهلمسيه
وينك يانور العين
★★★★★★
اموتن ريت من صغري ولااقبل
ظعون اهلي العزيزه تگوطر وترحل
مذموم الفراگ اهواي. لو طَوَّل
موسهله علينه نركب الهزَّل
موسهله ادروب الشام. بلاوالي نروح ايتام
يلفي الموت إليه. اتمنه بهلمسيه
وينك يانور العين
★★★★★★
غبت عني يروحي ويانظر عيني
لعد گبرك اريدن من يوديني
يجنة عمري وبهيمه تخليني
زغيره وهاكثر. دهري يراويني
صعبه عليه من تغيب يلكلك رحمه وطيب
اندفن تحت الوطيه. اتمنه بهلمسيه
وينك يانور العين
الشاعر حسن لعيبي الحريشاوي
▪️السيدة رقية عليها السلام
إلْطمُوا الصَّدرَ وصبُّوا المُقْلَتينْ
للذي يُبكي عيونَ المشرقينْ
بعدَ حجرِ المُصطفى خيرِ الورى
صارَ في طشتِ الخنا رأسُ الحُسينْ
فسلاماتٌ على العَظْمِ الذي
شعَّ في الجبهةِ نوراً كاللُّجينْ
وسلاماتٌ على الجرحِ الذي
شاهدتْهُ زينبٌ في الحاجِبَيْنْ
وسلاماتٌ على الثغرِ الذي
جرَّحوا بالعودِ منهُ الشفتينْ
وسلاماتٌ لآثارٍ بدتْ
منْ سياطِ الرجسِ فوقَ الوجنتينْ
كيفَ لا تقضي عليهِ بنتُهُ
وإليها جاءَ دامي الوَدَجَينْ
بعدَما في الطَّيفِ أهوى فوقَها
بِحنانٍ وبِرِفقٍ سابِغَينْ
ها هيَ الآنَ ترى في نَحْرِهِ
طَعَناتٍ مِنْ حُسامٍ ورُدَينْ
نَحْوَهُ مدَّتْ يديْها لهفةً
آهِ لكنْ لَمْ تجِدْ فيهِ يدينْ
حضَنَتْهُ فرأى في خدِّها
صفعَةً والسَّوطُ أحنى المَنْكِبَينْ
والذي أغمضَ منهُ عينَهُ
قدْ رأى منها دماءَ الأُذنينْ
فدعا بنتاهُ قومي وارفعي
آيةَ الشكوى لأمِّ الحسَنينْ
تمت بعناية الحجة عجل الله فرجه
الشاعر علي عسيلي العاملي
#السيدة_رقية
#اللهم_عجل_لولیك_الفرج
انه قصـت رقيه شلـون ارويـها
كل كلمة ابـجرح لو رايّده احچيها
ايـــام كلها جرح ' والشام كلها جرح
..
عُبرنـه كربلَه واشتايّـم الكـوفهَ
درب صحره وبنات إحسين مَچتوفه
اْو رقيه تگلي گلبي رايـِد إيشـوفه
طفـله وبالغُـرب محتاجه واليّها
ايـــام كلها جرح ' والشام كلها جرح
...
عبرنـه كربله واشتايـم الكـوفه
درب صحره وبنات احسين مچتوفه
او رقيه تگلي گلبي رايـد ايشـوفه
طفـله وبالغُـرب محتاجه واليّها
ايـــام كلها جرح ' والشام كلها جرح
..
دِخلنَه الشام آه الشام آه الشام
وبَنات اُم الحَـسن وَسط الخرابه اتنام
ابو فاضل ردِت يحضَرّني هالأيام
يشوف اخته العقيلة اشبيها ما بيها
ايـــام كلها جرح ' والشام كلها جرح
...
مشينه للقـصر يا ساعَةّ السودة
سبايّه والقَبائل كِلهـا مَوجُـودة
دخلت انه الأميره وچفي مَگيودة
جِزات المُصطفـى چا هاي تاليها؟
ايـــام كلها جرح ' والشام كلها جرح
..
وعَزيزة گلب اخوي الچانَت انفاسَه
السبي هدها وتريـد احضانه واحساسه
انزَعج من گد بچيها وصاح حراسه
يَزيّد اْو خوفي لا بِالسوط ياذيهـا
ايـــام كلها جرح ' والشام كلها جرح
..
ينادي ابصوت هاي الطِفله سَكتوها
تريد احسين ؟! وين احسين شوفوها
اذا عدها آمل براس إصِـدمـوها
وخل يسكت نبضها مو بواچيها
ايـــام كلها جرح ' والشام كلها جرح
..
العطشانه السِبيه التِعبت اْو قاست
شنو جوه الطـشت ياوادم احتارت
شافت راس ابوها وشهگت وماتت
الوردة اتموت لومات اليّ يسگيها
ايـــام كلها جرح ' والشام كلها جرح
..
برد چَف الزِغـيِرة وذَبلت چنها
گضه اخر نفس لَمَّن گضت ونها
تشوف احسين كامل چان كِل ضنها
اْو بس راسه اجاها ويلّي اعليها
ايـــام كلها جرح ' والشام كلها جرح
الخادم
حسن ميثاق الربيعي
الف هنيالَه الطِـلَع مَشايّه
...
عدنه مَوعـد للوفَه ضَّل يقتـرُبْ
والخدَم ضد التَعـب شَنت حرُبْ
ولَوّن شافو زاير ابهذا الدَربْ
اتلگو الزاير ابفرد احچايّه
الف هنيالَه الطِـلَع مَشايّه
...
اْلسمـاء اتصير بيّـن الحَرمَيـن
ونوگف احنه إنّجوم وَسط الگبتين
والگـمر عباس والشَمسْ الحُسين
وّ مثل نجم اسهيل شفنه الرايه
الف هنيالَه الطِـلَع مَشايّه
..
خطوه خطوه نقترب صوب الغَريب
دَرُب بي گال الرضا لأبّنَ شَبيّب
بلا ذنب لاگه الله ليزور الحبيب
عالِم اهل البيت واضح رايه
الف هنيالَه الطِـلَع مَشايّه
...
قَبل لا نوصَل لعشرين إبصَفر
اْلي عنده عائق ابهذا الشهر
يقره كون الفاتِحَة لأم الگمر
وتدعي اله الربتّ زلم وفايّه
الف هنيالَه الطِـلَع مَشايّه
...
من طَريق احسين نتعلم درس
أمتحان ايهــذب هواي النفس
خلها فرصه تصحح اخطاء الأمس
وكون اخلاصك يصير الغايّه
الف هنيالَه الطِـلَع مَشايّه
...
ويه جابر راح نِتلگه العَليل
فوگ عِلته اتحَمل الدربْ الطويل
رغم ما جَرح الحُسين إشگد ثِگيل
لْچَن نظرات الشِماته اهوايّه
الف هنيالَه الطِـلَع مَشايّه
...
نطلع نواسي الآميره الحايّره
رجعت لعباسها متيسره
تگله ياعباس لو تدري إشجره ؟
من وْلايه يطببونه ولايه
الف هنيالَه الطِـلَع مَشايّه
الخادم
حسن ميثاق الربيعي