7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
لاستشهاد الامام محمد الباقر عليه السلام
يابحر الفضل (وزن نصاري )
يابحر الفضل يامنبع النور
بعيوني المدامع لجلك تفور
يبو الصادق يمظلوم
اليوم الدين مهظوم
بعيوني المدامع لجلك تفور
★★★★★
يانور الهداية وشمعة الدين
ياثاني بدر من نور الحسين
لجلك كل جرح يندار جرحين
يامنهل عذب شفت الأمريين
يبوالصادق يمولاي
يبن الماشرب ماي
يوم الطف غريب وگلبه مكسور
★★★★★
كلمن حاربك وانت السلامه
مايجني ابد غير الندامه
شخصك من سطع نور الامامه
شالوا حقد عدوان الكرامه
كلمن حاربك صار
حطب ملموم للنار
وعلى الباغي النوايب لازم ادور
★★★★★
يلبطف شفت مولانا لوعات
من عدوان ماترحم وشمات
عساكر للعلم نظمت حملات
نهج حسين شامخ بيك مامات
تشهد دوم الايام
عزمك يبني الاسلام
وعلم آل النبي بكل بلد منشور
★★★★★
الطمعوا بالمناصب والإمارات
المعارف شافت من الگوم ويلات
صارت بس عناوين وشعارات
گضيت ايامك وياهم معانات
صاروا حرب للدين
گوم الذبحوا حسين
أمية بچفها صار الدين منحور
★★★★★
ينعاك الشرع والدين مولاي
ياطيب عهد للخلگ وفاي
الناس بدون رايك مالهم راي
بيك الموت عنهم صار حداي
الصادق عاش الايام
بعدك حزن وآلام
گلبه من القهر واللوعه مفطور
الشاعر حسن لعيبي الحريشاوي
ليلة العليله
.
.
.
وي ما ضعنهم گام يمشي
حسيت رأساً شاب رمشي
اويــلاه .. هــلي راحــو .. اويــلاه
***
عليله بس ابين الهم صحيحه وكلشي مابيه
الحقــيقه واگـــفه انـي بالـگوه اعــله رجليه
گلت بلكت يصيحولي اويانه امـشي يعلويه
اهديــماتي بدياتـي بــس مــحد نـــده لـــيه
بساعتها چن انگطع هرشي
حسـيت رأسا شاب رمـشي
اويــلاه .. هـــلي راحو .. اويـــلاه
***
بعد ماودعونــي وصار نيتـهـــم يخــلوني
وي ماشالت الناگه رجلها طاحن اعيــوني
هلي وحنان ادريهم هلـي مومال ينسـوني
وراهم حافيه اركض بلكــت لن يشوفوني
من مالتـــفتــو راح كلـشي
حسيت رأسا شـاب رمشي
اويــلاه .. هلـــي راحــــو .. اويــلاه
***
بــده يبــعد ظـعن اهلي وشـوفي بعد ميلوحه
وافرفح گمت من راحو چـني طويره مذبوحه
الروحه رايــحه العاشــور شله مچــلب بروحه
اليلوحه الــف وتسعميه شيطــيبهن اجــروحه
بدلالي نـابت رمح وحشي
حسيت رأسا شاب رمشي
اويــلاه .. هلـــي راحو .. اويــلاه
***
شـــلت ايدي اودعهـــم وچــن انشــــال تــابوتي
مــدري اشــمات بيه وگام مايطلــع بعـــد صوتي
مــن ماصدو اعلـيــه حيــلي استـــشهد وقــوتي
طحت عالكاع چن جثه وصحت توه بتده موتي
عالكاع اهيس طاح نعشي
حسيت رأسا شـاب رمشي
اويــلاه .. هلي راحـــو .. اويــلاه
***
العـوده شــوكت ماگالو يوم ثنين عــشر أيام
حتى اعــرف اتانيهم واتـجرع غصـص والام
وين الله ويردولي نـحور وماكــو بيها اسهام
وين الله ويــردولي وعليــهم ماتـوج لــخيام
بروحتهم نهد صرح عرشي
حســيت رأسا شـاب رمشي
هلي راحو اويلاه
***
حيدر تركي الكربلائي
ليلة العليلة
.
.
.
حسين بس هوه الصدگ صاحب طويله
واحنــه غيــر حســين ماعـدنه وســـيله
***
الله يرحـم حجـــي مـهـــدي الامـوي
گــال هالجـــمله وبقـــت تـدوي دوي
حسين صاحب لچن هالصاحب قوي
واليســنده حسيـــن لامـــــاينـــــلوي
ابحـثنه وبحـثنه وطــلعنه بهالحصيله
واحــنه غيــر حسـين ماعــدنه وسيله
***
حسين ماهــد ربـعه يوم من الأيام
بالــضــوه لازم ادينــــه وبالـــظلام
امرار ياخــذنه الهوه وحــلو الكلام
نبــتــعد وتـــردنه نفــحات الامــام
مستـحيله يعــوف ربـعه مستــحيله
واحنه غير حسيــن ماعــدنه وسيله
***
عـــن ابوالـــسجاد نـــبعد مســـتحيل
بيـــتـنه وعـــن بيـــتنه لامـــانـــشيل
حسين حيـل هواي والبـــاقي قـــليل
غــير هـــوه المن اجلنـــه انـطه كفيل
حسين مو صم ينطي من ينطي بشليله
واحنــه غيـــر حــسين ماعـــدنه وسيله
***
حســين واليتــمسك بحـبـله المتين
مايــــزل جــدمه شـــمال ولا يـمين
حسين ونعـرفه شنو من چـنه طـين
ولــِهــذا السبـــب بــــي متمـســكين
نحيــي بي يــاناس ونموت بسبيله
واحنه غير حســين ماعـدنه وسيله
***
حـسين جـــننه وحـــلو بيــه الجنـون
حســـين ايــاتً لقــــومــن يعـقــــلون
حسين لـو ما هــو احــنه مــَن نــكون
حسين بس هوه السكن وسط العيون
باقـي وســـط گــلوبنـــه ولامانـــشيله
واحنــه غير حسين ماعــــدنـه وسيله
***
الدنيــا ياهــالناس مابيــها ضمان
شيلگه بلله الي يــعوفه بـهالزمان
حسين من نلــوذ بي نلگـي الأمان
هـــوه أبو الحنـيه بـل رب الحنان
شما نوصفه اوصافنه تبـقى قليله
واحنه غير حسين ماعدنه وسيله
***
بصاية الله وصاية حسين الحنين
حســين أصــحابـه دلال مـــدللين
بفضله وبجوده وعطائه عايــشين
الــف نــعمــلله وشــكراً للـــحسين
شيخـنه المهيوب طبــعن مـنتميله
واحنه غيـر حسين ماعدنه وسيله
***
حيدر تركي الكربلائي
عافوني هلي وما حنّو اعليه
ومن كل گلبي ادعي راشده النيه
………………………
چنْت متانيه اوياهم يصعدوني
ضعنهم راح وانه الدمعه بعيوني
عليله شلون وبوحدي يعوفوني
المرض تعبني شيسوي الهجر بيه
………………………
شگد توسلت بيهم ولا نفعت
طلعت روحي من اضعونهم طلعت
وراهم راحت وليهسه ما رجعت
جسد ظليت بس وروحي ماهيه
………………………
ابوي الما مفارگني ولو ساعه
يناس شلون انه اتحمل اوداعه
راح وما دريت شصار بوضاعه
كل خوفي يروح وما اله جيه
………………………
اليطيح بمرض كون اهله يدارونه
مو يمشون وبغربه يخلونه
ماريد المْداره وروحي ممنونه
اريد اضعونهم هسه ترد ليه
………………………
لو امشي مشي هم ارضه واتحمل
والحگ عمّتي من تصعد اعله التل
وباچر وي خواتي اركب الهزّل
يمر بيه اليمر بسكينه وارقيه
احمد العگيلي. شور او نعي
1446 هـ
#قصيدة_لمحرم_الحرام
ياگلبي أتقوّه بالوداع.. أواعدني اتكابر
بس ليله أتحمّل الضياع...لعيون الحاير
خل يمشي بسلامه احسين
وأطفيلك سواد العين... لعيون الحاير
//////////////////////////////////////
انطيني كلمه احسين ناوي ايشيل لأبعد ديره عني
احجايه لاتحجي يگلبي العافني والجان اخذني
ولا تضل بالضعن تحسّب آنه اگلك ما حسبني
لتبين مهضومه ارسومي
فوگ الهم ما احمله اهمومي... يموت
ما أحرجه بعلتي وماألمه
ياگلبي وخل نلزم يمه... السكوت
شيقرر راح اگله صار... من يودعني
وشد حيلك ضم الانكسار... لوما صعدني
ارحمني وأرحم مودعين
وأطفيلك سواد العين... يگلبي
//////////////////////////////////////
فدوه قويني يگلبي من اضل افرك بديه
ولاتضل تعصرني يمه لو نوّه ايسلم عليه
وافرح شما بيك افرح ابروحة اسكينه ورقيه
خل ايروحن ويه الوالد
ياگلبي آنه اوياهن واحد..اصير
جانن ليليه ايدارني
اوحده أكثر من وحده اتحبني...شحير
بارك عالروحه للخوات...وأرحم تعبانه
وأفتر خليني عالبنات...أسگي العطشانه
واسكي اعيوني والماشين
وأطفيلك سواد العين..لعيون الحاير
//////////////////////////////////////
أطمّن وضل بمجانك ليش بين الحِجر تفتر
ساعه يم عماتي رايح وساعه يم المهد تعثر
حسبة اشجم صبح اظلم ويرجع وياخذنه الأكبر
هوّد وصّه اعليه اوليده
للكوفه ايوصلني بأيده... اخوي
وحاشا احسين ايغير رايه
مايخلف من ينطي احجايه.... ابوي
بس هسه لخاطر البتول... جزيني اوداعه
خل يمشي وكلشي لاتگول... كابر جم ساعه
لاتنشدني سافر وين
واطفيلك سواد العين...لعيون الحاير
//////////////////////////////////////
عوّد وصيّتك يگلبي وتالي ما تالي عفتني
وره النوگ اشبيك ترگض والف طيحه طيحتني
ارجع لصدري دخيلك ياگلب مو تعبتني
بس خل يبعد ضعن الوالد
عاد ابراحه ايموت الواحد... عذاب
وبيني وبينك آخ افراگه
شل اجدامي ارگاض الناگه.. مصاب
مجبوره لخاطر الحسين.... للواقع أخضع
يلحابس ضيمي والونين...مرخوص أتگطع
احرگ شكو بيه اسنين
واطفيلك سواد العين ...لعيون الحاير
//////////////////////////////////////
غربّو اهل العوافي والدوه أطشر اگبالي
يله خل ابجي اعله حالك وانته گوم ابجي اعله حالي
وموت يلكلك محنه الدار من احسين خالي
ما ادري انحط بهالموقف
ناخيتك تجوّه وتنزف...غريب
يلتنبض موتني ابيتي
مااريد اهتم بعافيتي.... واطيب
ياگلبي يذبح السكوت...من غير عيونه
أدگ المن يله هسه موت...ماهيه اضعونه
دليني طريق البين
واطفيلك سواد العين ...لعيون الحاير
#أحمد #ماجد #الكلابي
تمت بعون وتسديد وتوفيق مولاي بقية الله الحجه بن الحسن صلوات الله عليه
1446 هـ
#قصيدة_لمحرم_الحرام
بخوف... من شفت الضعن جاي
رحت وشايله الماي.. بدموع امنياتي
سجدت اعله بابي... وشلت ل الله اديه
ياربي شكراً... رجعت رقيه
///////////////////////////////////
ياهلا بضعن احسين بي مشايخ هاشم
الهوى رد للدار ولازم افرح لازم
شما اشوف الوديان منها راجع عطشان
وحضّرت بيدي الماي خاف لساه صايم
اجهبت الضعن ترابه
ومو مثل امس مهابه
ابذاك المسك يربي
شو جاي اشم خرابه
شصار... وهلي كلهم بلا روح... بيهم ياهو مذبوح... وهيجي اتغير الحال
انجفه ماي أديه... وبديت ابجي سكته
ولا واحد اندار... عليه وعرفته
//////////////////////////////////////
عيشوني ابنص نار وگوه صبّرت العين
وحيره شحجي اويه النوگ هاي مو نوگ احسين
اشبيها العلاوي ابلا لون شو ساكته عمتي ام عون
جا وين ذاك الميمون وراعيه غرب لاوين
مايحجن العلاوي
وكتلني بالنعاوي
امجرحات اديهن
المن اروح اداوي
ليش.. ما جاي ألمح احسين.. ومهد عبدالله جا وين.. ياهو يگلي وينه
مشتاگه اشوفه... عمري وحبيبي
المرض زاد عليه.. وهوه طبيبي
//////////////////////////////////////
أتعلعلت واتجويت بالضعن ماكو ازلام
وياهيه ألزمها اتصيح الشام يابويه الشام
ولطمت فوگ الراس وين عمي العباس
اوين كل ذاك الياس اوين حنة جاسم
وحاجني وينه الأكبر
بيا كربله توذر
معقوله اخوي الهيبه
فوگ الترب تطشر
وين... حبيب وعابس وجون... اصدگ ياهلي اشلون.. بالطف وعذابه
عجب والله دنيه.. ترّخص امامي
امير الشريعه....يذيحونه ضامي
//////////////////////////////////////
ومن لمحت السجاد اشويه عاد اتقويت
ارگضتله ابلا حيل وبالبواجي انهديت
الكيته معلول اهواي حاجيته هاك اخذ ادواي
وكثر ما ون عالسوگ بجّه حيطان البيت
گتله رقيه اشبيها
شو ما جبت طاريها
شفت الطشت بعيونه
وامحرگه رجليها
آه... عزيزة گلب عباس... ماتت شابگه الراس.. وخلتني مريضه
تمنيت منيتي... تعجل عليه
شسوي بحياتي.. وماجت رقيه
///////////////////////////////////
ولن حجت عمتي ام عون عن والدي واحواله
گالتلي صدر العطشان أتوزع على الخياله
وحده ابنص ديره اسهام مو گدره عالگاع اينام
ويافاطمه اتلتيام ابن امي محد شاله
ابعز الظهاري الحمره
فرن بنات الزهره
حرگو اخيمنه اعلينه
وطفيت بيدي الجمره
طاح.. ابوج اعله الرمل غاد.. وثوبه اتوزع امراد.. مابين العساكر
حسافه وهضيمه..سبايه مشينه
بلا حادي خيّر... والاعيون علينه
تمت بعون الله ورعاية مولاي بقية الله
#احمد #ماجد #الكلابي
ليلة 3 محرم الماي بسفركم ماشربه
الماي بسفركم ماشربه
جي روحي عدكم ماشربه
اني اليرويني اهلي وحسيني
الماي بسفركم ماشربه
اليعطش اهله ماكو كل بارد ينفعه
لو يضل بالنيل يشرب يبقه وضعه
يبقه حسبه تودي والحسبه الترجعه
وعله خده دمعه مرچيه عله دمعه
كل دمعه بجمره بدلالي
وياكبر الحسره بدلالي
تبين من عيني اهلي وحسيني
الماي بسفركم ماشربه
ماهنالي العيش يهلي من بعدكم
انتو مو تدروني يهلي حيل اودكم
شلون خليتوني ومشيتو الوحدكم
فاطمه ادري عزيزه هوايه عدكم
صعبه بلا اهلي بهل حاله
بس دمعي يهلي بهل حاله
الفرگه تجويني اهلي وحسيني
الماي بسفركم ماشربه
ماغفت عيني واناطر بابي يندگ
جدمي من گد ما افر ابداري ازرگ
ياهلي حگي عليكم ما اجه الحگ
گلبي عل ملگه احسه ياهلي طگ
انا العليله بحسراتي
دمعي منسيله بحسراتي
دمعي ونيني اهلي وحسيني
الماي بسفركم ماشربه
ياهلي مشتاگه اگعد وي رقيه
والله صحبه بديره اني بديره هيه
شبيها معرف ولادرت هيه عليه
ولا اكو يودي ويجيب اخبار اليه
اني الرقيه مشتاگه
والجمره بيه مشتاگه
يمته تجيني اهلي وحسيني
الماي بسفركم ماشربه
واخوي البالمهد مشتاگه اناغيله
انا كل ليله من يگعد الوليله
السلامة عمره اصلي انا ودعيله
مثل لمحت بصر وحدي انا اليله
شوخالي مهده گدامي
ياهو اليرده گدامي
عمري وسنيني اهلي وحسيني
الماي بسفركم ماشربه
الحمدلله
كرار الزهيري
ليلة 3 محرم موشح للعليله ع
انظر الضعن المشه بولياني
وبيه خواتي وبيه كل اخواني
بوحدي ظليت بدياري الموحشه
فرحتي راحت ويه الضعن المشه
فراگهم لگليبي كلساه يخدشه
ليش ابويه بس الي خلاني
راحو وظلت الي الدمعه ونس
كلشي يخنگني بعدهم گلمت احس
نهاري اظلم رغم موجوده الشمس
كلشي مبعد بس مصابي داني
حسين ديني حسين امامي ومصحفي
راح عني وبقه انطره يوسفي
والله لو ابچي عيوني مكتفي
هوه بس دمعي الي واحزاني
راحو لياصوب اهلي ليابلد
همه بعدو والفرح عني بعد
والله مشتاگه لخويه لبلمهد
بلهفه مشتاگه تحضنه احضاني
شلونها هسه رقيه وي هلي
وياها عبد الله وياها علي
لو وحدها وگاعده وتبچي الي
بصفها تنضر ماكو اليه صيواني
وعمتي زينب مايبين الها ظل
ماكو امان علل زمن ماله اصل
خاف تنشاف ويچفوها بحبل
خايفه لعمتي وخواتي اني
يازمان شظام لهلي يازمن
چن يگلي كل خواتچ ينسبن
والضلوع الوالدچ يتكسرن
يعني يتكسر الچان مچاني
الحمد لله
كرار الزهيري
العليله #احمد العكيلي
كلما يحل وكت الفرض
افرش دموعي عالارض
واتوجه لرب السمه انه العليله فاطمه
ــــــــــــــــــــــــــــــــــــــــــ
ارحل لبوي بحسْبتي .. من افرش امصلايته
من گال اعوفج وحّدج .. مو سهله هاي احجايته
يدري شكثر احتاج اله .. وابصاية الله وصايته
يعفيني من ضيم السفر .. اعرفهه جانت غايته
حنيته ما الهه وصف
شايل گلب كله عطف
يدري بسفرتي مؤلمه انه العليله فاطمه
ـــــــــــــــــــــــــــــــــــــــــ
لحظات انام اوانتفض .. وايمرني جم حلم ابحلم
عبدالله شفته من العطش ..لشفافه بدموعه يلم
صرخاته تشرح حالته .. بين الحرب ضاع السلم
يطلبله شربه والدي .. وامحاوط اسهام وزلم
عبدالله يتروه ارتجه
لن سهم المثلث اجه
هد حيلي ياسهم الضمه .. انه العليله فاطمه
ـــــــــــــــــــــــــــــــــــــــ
مر بيه هالليله حلم .. جن فاطمه ام الحسن
كالتلي نمشي الكربله .. ونشاهد افعال الزمن
جن شاهدت يم النهر .. جفين يم رايه ارتمن
لن عمي ابو فاضل وكع .. وعيونه بسهام انعمن
الجود طاح اعله عالنهر
وذاك الوعد يم الكمر
وعيوني نصبت مأتمه انه العليله فاطمه
ـــــــــــــــــــــــــــــــــــــــ
بيه استمر نفس الوضع .. اطول حلم طوله عمر
جاسم والاكبر بالحرب .. من العطش صارو جمر
ومن ظل ابوي ابوحّده .. بس العده بدربه تمر
حلمي انذبح من عاينت .. كاعد على صدره الشمر
ياويلي من حز منحره
ما ادري بالدنيه اشجره
صارت حياتي مظلمه .. انه العليله فاطمه
ـــــــــــــــــــــــــــــــــــــــ
لسكينه تهمل دمعتي .. وادري برقيه امدللـه
شيصير بيهن ياترا .. لمن يدخلن كربله
عماتي وامي بالدرب .. بيهن تمر جم مشكله
غربه وعطش نار وسبي .. تنطر وصول القافله
حالتهن اتشمت العدو
لا والي يبقه ولا اخو
بين البراري هايمه .. انه العليله فاطمه
ــــــــــــــــــــــــــــــــــــــــ
ضعن الحبايب من رجع .. جمعت حزنهه غيمتي
معقوله هاي ام الخدر .. متغيره كلش عمّتي
اتكلي ياعمه العده .. حركو عليه خيمتي
وايتام واطفال وحرم .. ظلو يعمه بذمتي
ظل فكري حاير منشده
واستغربت هذا الوجه
جرحتني اثار الدمه انه العليله فاطمه
لاستشهاد الإمام الباقر عليه السلام
لسان حاله يقول
بعد المصيبه. روحي غريبه
من كربله للموت
روحي غريبه
★★★★★
من شفت وكتي وعذابه وشوگي لهلي والحنين
ولوعة الطف وجرحها وغربتي وليل الونين
خاطبت دهري وگلتله أي وحگ جدي الحسين
الباقر انا وماتهمني وماتحيرني السنين
لاكن حسره تعيش بگلبي
وزادت گلبي بهلوعات
شمل احبابي الرايح مني
هم يرجع ماظن هيهات
ومنين اجيبه. روحي غريبه
من كربله للموت
روحي غريبه
★★★★★
اربع اسنين وشفتها. وتمر بعيوني وتلوح
لوعة الطف وحربها. منها أتعذب وانوح
خيام محروگة ويتامى وروح مهظومه على روح
وداست الخيل على جدي تلفي اشوفنها وتروح
ذيچ الساعه الماانساها.
عن بالي مالحظه تغيب
أهلي الراحوا كلهم مني
انوار الدين واهل الطيب
بدنيا عجيبه. روحي غريبه
من كربله للموت
روحي غريبه
★★★★★
للمنيه اتضل غربتي ولوعتي لأجل الغريب
للحسين ابن الزچيه. علارض طايح خضيب
يملي هذا الكون نوحي. وحرگتي وكثر النحيب
حرگتي للموت تبقه. علحبيب. أبن الحبيب
اشكر ربي وكثرة صبري.
وعزم الروح على الأيام
اتهدم اجبال احزان بروحي
واكثرهن لوعات الشام
العاشت حبيبه روحي غريبه
من كربله للموت
روحي غريبه
★★★★★
والدي السجاد شفته . ينظر الجدي الذبيح
الثأر ابواليمه تعنه. بخنگة الفاگد يصيح
من المخيم شفته طالع بسيفه يتوچه ويطيح
وعمتي للخيمه ترجعه. دموعه فوگ الخد تسيح
دارت كل الناس اعلينه.
علينه التمت كل الناس
بعد احسين الگطعوا نحره
ومن طاح الكافل عباس
گلبي ابنحيبه. روحي غريبه
من كربله للموت
روحي غريبه
★★★★★
أنظر أيامي الاخيره وهاذي ساعات الرحيل
من بعد شمل الأحبة. الراحه صارت مستحيل
چم حبيب الفارگيته. بلطفوف وچم. خليل
ماتركلي بعمري راحه يوم ابد. ماله. مثيل
عدوان الشر تترصدني.
من ذاك اليوم الهليوم
أعلم بالسم يخلص نحبي.
وهذا المني تريده الگوم
الچانت قريبه. روحي غريبه
من كربله للموت
روحي غريبه
الشاعر حسن لعيبي الحريشاوي
عشت الطف ابكل لوعاته
من اول لاخر مأساته
الله ايساعد كَلبك وانته
اتشوف حسين الحافر داسه
.......
يباقر علم اهل بيتك ... مصايب كلك اقريتك
من طف كربله مولاي ... ميت انت حسيتك
موش السم اخذ روحك ... يوم العاشر اجروحك
عطشان انحرمت الماي.... مثل ما مات مذبوحك
جم لوعه الشافت عينك جم امصاب
جم غالي ابغالي الخليته اعله اتراب
كل عمرك خمس اسنين ابذاك اليوم
ولحد الموت وجرحك ظل ما طاب
نازف ظل الاخر عمرك
كلمن شافك يبجي الامرك
يا سادس مسموم العتره
الفارك هاي الليله أنفاسه
.........
بيك العاشر اشخلف ... صور ما تنتهي امن الطف
يا باقر علوم الدين .... حد موتك تون للجف
صورة حركت الخيمه ...صورة ركضت ايتيمه
لو صورة نحر الحسين .... الظل مطروح بالهيمه
ياصورة الاكثر تذكرهه امن اتنوح
هنه اهواي وكلهن يحجن بجروح
بس لابد منظر بيك مأثر حيل
وهو السالب منك مولاي الروح
اني ابضني الاذاك اكثر
من عمتك ركضت صوب البر
وجابوهه ابحبل امكيديهه
وهي ام الخدر الحساسه
.........
خلَّصت العمر دمعه .... وكل يوم اليمر تنعه
فاركت الفرح من يوم .... شفت الخيل منجمعه
اعله الصدر المنكطع نحره ...صعدت عشره والعشره .... كلهه اثكال يا مسموم ...
طحنت بالدبج صدره
الله ايساعد كلبك من شفت الخيل
ترفس جسم احسين الما ظل بي حيل
مره اتشيله ومره اتذبه اعله الكاع
وحافرهم مثل بحسينك تمثيل
ما خلالك شي من جسمه
طشر طوله وطشر لحمه
كل لوعاتك من الحافر
ومن رمح البي شالو راسه
.......
شيبك من وكت بين ... من يوم الهزل ركبن
عماتك بلا عباس .... للسوك بغصب طبن
اه الشام اه الشام .... اشد من باقي كل ايام
فرحانه جميع الناس ..... مارحمو ابحال ايتام
شافت عينك جم واحد دك اطبول
فرحان ابذبح حسين الظل بالجول
من غير الشماته التضحك واتصيح
هاي الروس الجبناهه الجم مقتول
الله يعينك ذيج الساعه
من وكفوك اباب الساعه
وانت بذيج الحال وتنظر
شمر ايسولف فعله الناسه
........
✍ كلمات : موسى الخادم
للباقر سلام.............من خير ألأنام
ولجابر جواب......عن حرك الخيام
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
معنه الكلام إلي جره بين الامام وجابر
عندي أمانه من النبي وعمري وصل للآخر
گلي وتجارت دمعته بروحه الحزن متناثر
تلگه حفيدي ونسختي اسمه الامام الباقر
ياجابر أريد ............توصل للشهيد
وتگله الرسول...............ودالك سلام
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
وصل سلامه المؤتمن وصار الحچي كالتالي
الباقر أنته؟ ياهله بالغالي وبن الغالي
ياما رويتلكم حچي بس شغله وحده ابالي
احچيلي عن طف كربله وبيهه ختام اقوالي
من يوم الكساء........ولطف كربلاء
عيني للسماء............فارگت المنام
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
دمعت عيونه ونخطف وجه الامام ولونه
هالحاله تحصله اذا عن كربله يسألونه
گله شفت منحر نبي فوگ الثرى يدوسونه
وخدر السماوات السبع شفت العده يسلبونه
وعمتي بالنحيب.....صاحت يالحبيب
عالشاطي تغيب؟............يابدر التمام
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
ياجابر شأحچي بعد عن عمتي والوادي
صعدت على تل الالم و گامت لخوها تنادي
صاحت يمن كونك عدل جاوبني يبن الهادي
لا خيمة ضلت لاخدر وينك يخال اولادي
ياروح الرسول........ياقلب البتول
بس نار وخيول...وهالحل الظلام
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
ياجابر واذكر بعد ضل والدي بالخيمه
ومحتاره صاحت عمتي بين الخيم والهيمه
يالعرب مدري موعرب؟ ما ضلت الكم شيمه
بس العليل الي بقى ناحل يون من ضيمه
دارت عالكفيل......يانبض الدليل
الحگ للعليل......مو وكت المنام
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
وما أنسه من جابو هزل والناگه حنت لينه
تبچي وتگل باقي الابل رحمن خوات سكينه
وعمتي تگلنه بهمس لا نبچي توصينه
لا تعثر النوگ ونگع وماكو الي يرحم بينه
من بعد الغيور........يحدينا الجسور
واليعثر يگوم.............بسياط اللئام
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
شاعرها
جهاد البصيراوي
*مصاب الامام الباقر (ع) والرزايا التي رآها في كربلاء~ مرّ على الإمام الباقر عليه السلام الكثير من الأحداث المؤلمة, ومن أعظمها فجيعة ما شاهده بأمّ عينيه من أحداث كربلاء, فقد رُوي عنه قوله: "قُتل جدّي الحسين عليه السلام ولي أربع سنين, وإنّي لأذكر مقتله وما نالنا في ذلك الوقت".*
أنا~ الباقر وشفت الأهوال
قتل وذبح وسبي واطفال
شفت الاجساد فوق الغبره
وشفت المذبوح والراس انشال
يمه يمه يمه يمه يمه
〰️〰️〰️〰️〰️
بعيني شفت مْصايب كثره
وشفت المذبوح حزوا نحره
وشفت خيول وحافر مطبوع
تهشم جسم حسين وصدره
ويلاه ويلاه ويلاه ويلاه
〰️〰️〰️〰️〰️
شفت بعيني سبي النسوان
وجسد مگطع فوق التربان
تلّ وحومه ونهر وچفين
ونار وخيمة وحرگ الصيوان
خادمة آل محمد✍
https://youtu.be/CejRG5FhkTg
بصوت. مسلم المطيري
رابع الاطهار من ولد الزچيه
كلمات الشاعر
حسن لعيبي الحريشاوي
نعزي الإمام الحجة #المهدي عليه السلام والعلماء الأجلاء والأمة الإسلامية بذكرى استشهاد #الإمام_محمد_الباقر عليه السلام
..
#موشح بهذه المناسبة الأليمة
..
باقـر اعلـوم الرسـول و دينـه
گضه من سم آل أميه اسنينه
.....................................
١/
ما رعت هالأمـه أسيـاد العلـم
سلّطوا أهـل الضغايـن والأثـم
ظل دليل الهادي منهم منلچم
و بالمـدامـــع ما تـهـوّد عينــه
.....................................
٢/
باقر اعلوم الوصي وطه الرسول
فيــض علمـه حيّـر أصحـاب العقـول
كل سؤال تشوف عنده أرقى الحلول
لومـُا علمــه بالجهـــل ظلّينــه
.....................................
٣/
شكثر انقذ دين جده المصطفى
من دُعـاة أهـل العلـم والمعـرفـه
والأعادي سعــت حتـى اتـزّيـفـه
لكـن العتـره الشـرع حامينـه
.....................................
٤/
دفـع كـل شبهـات گـوم المغـرضـه
من علم وحي الله باحسن موعظه
اي لأن هــو سليـــل المـرتـضــى
بـاب علـم المصطفـى هادينـه
.....................................
٥/
راد من هالأمـه تصبـح بازدهار
و آل أميه تريد ليها الأندثار
اغتالوا الباقر وسف وضح النهار
وصاح كون اللّٰه ارتحل والينه
.....................................
٦/
ظل هشام بكل وكت يترصده
مستمر غدر العده بأهل الهده
يلوج بالسم خلّته أهل الـرده
و السمـه السبعـه تـون لونينـه
.....................................
٧/
لبسـت الحوزات لثیـاب السـواد
والحـزن هالليلـه عـم كـل البـلاد
يبو الصادق تنحب اگلوب العباد
ويـن رايـح سيُدي امخلّينـه
.....................................
٨/
بعينه ما غابت مصايب كربلاء
بعينه ما غابت دمـاء الاوليـاء
بعينه ما غابت نساء بلا خباء
بعينه ما غابت دمـاء احسينه
.....................................
٩/
شيّعـوه الشيعـه و بعـز اندفن
بالبقيع و مرقده قرب الحسن
لچـن ما نسـوان ليـه اتسلّبـن
ولا تصوّبت بالحجاره اجبينه
.....................................
✍🏻علي نوري الحلفي
برنامج محرم الحرام 1446 هـ
قصيدة زيارة الحسين ع (6)
اللهم ارزقني في الدنيا زيارة الحسين
وارزقني في الاخره شفاعة الحسين
ربي اجمع مابيني ومابين الحسين
يارب الحسين. يارب الحسين
……
إبتهالاتي ودعائي و دمعتي
جيتك وشايلهن بچف خدمتي
والله سفره من العمر لمن اجيك
ليلة الجمعه شحلات زيارتي
كل صاحب يكثر جيته يملونه ربعه
بكل جيه تگلي ياهلا البعيونه دمعه
ثمن بيبان الك ويه الكمر مفتوحه تسعه
اللهم اكتبني وارزقني خدامة الحسين
اللهم اجعلني منظوراً بحرمة الحسين
ربي اجمع مابيني ومابين الحسين
يارب الحسين.
…….
وصل لانفاسي عطر من حضرتك
وهيّج بكلبي عشك لزيارتك
اعقد النيه واجي اشتم هواك
راحه نفسيه من اشوفن كبتك
ياصاحب ابد عن صاحبه لا مايجافي
رغم اني اجي مذنب واقدم اعترافي
هنياله اليموت بحضرتك موت العوافي
اللهم اختم لي انفاسي بحضرة الحسين
ياربي ياربي ياربي بمنحر الحسين
ربي اجمع مابيني ومابين الحسين
يارب الحسين.
…………
ماترد سائل واعرفك من اجيك
بحاجتي من اجي واوكف بين اديك
كبل ما احچي البكلبي تكلي هاك
ياسلام الله وملائكته عليك
يل مثل الابو للخادم بأبنه اهتمامه
أديت القسم خادم ولا عوف الخدامه
يا امن يجيب المضطر بيوم القيامه
اللهم الحقني في حشري بصحبة الحسين
واجعلني مسرورا ياربي برؤية الحسين
ربي اجمع مابيني ومابين الحسين
يارب الحسين.
…………..
غابه كلبي ومن دخل حبك اكيد
مملكة حب صار يحسين الشهيد
من اموت بصفنتي واسمع حسين
اصحه بسمك وارد ميت من جديد
ياسادس فرض يابو علي يا احله طاعه
ارزقني خدمتك اربعه وعشرين ساعه
بلساني يمر اسمك واحس طعم الشفاعه
اللهم احفظني من نفسي بغربة الحسين
واهديني في الدنيا وجاهة الحسين
ربي اجمع مابيني ومابين الحسين
يارب الحسين
………
زيارتي عندك امانه يالحبيب
ياحسين ولو صبح موتي قريب
الكبر غربه ولا عرف الكالي غاد
سيدي وحگ الغريب اعله الغريب
اتلفت اظل لامن اهل لا اخوه يمي
بس عندي امل انته تجي وتنادي بسمي
ادخيلك يابو الاكبر لوصحت بأبي وامي
اللهم اوزعني ان اشكر مواقف الحسين
اللهم ارحمني واشملني برحمة الحسين
ربي اجمع مابيني ومابين الحسين
يارب الحسين
……..
حسين صادق العقابي
ليلة العليله
.
.
.
اشبگني حيل / خلـي راسـي عله صدرك
اشبگني حيل / خاف ماشــم بعد عطرك
تگلي انطري شلون اناطر
وعطرك اتــدوره الحوافر
بويه بويه
***
حنيـــنه وهاجـت الحنيـه نــص الليل
عليـــله وجيت اجر بالويــل والياويل
اشتاگيت ارد اشم صدرك الچنه الهيل
خـافن باچــر اتطـشره يبـــويه الخيل
الخيل هناك صلفه .. وضـلوعك بويه ترفه
الخــياله يـدورون .. المــكان البيــه اغــفه
اشبكني حيل / الليله اخر ليله اشبگك
اشبكني حيل / وادري سالفتي تخنگك
تروح ويضل فكري حاير
وعطرك اتدوره الحـوافر
بويه بويه
***
اتريد اتروح والمعــلوله تتحسر
يَـمبخر بيتنه ونضل بــلا مبخر
بلا عرضــه يبــويه لـون تـتأخر
أخافن على صدرك بويه يتكسر
بالطف كلشي ينداس .. الناس هناك مو ناس
طبيـــعـية يــگـــولون .. عـدهم كطعة الراس
اشبگني حيل / وبعد ماتحچي وصيتك
اشبگني حيل / ارد اشــم بويه لحــيتك
گلبي مثل الجمره صاير
وعطرك اتدوره الحوافر
بويه بويه
***
اناطر بويـه عادي جــداً وما هم
بس كون بشرط ترجع الي سالم
تطــمع بيك خاف بـكربله الوادم
اذا شـافوك بــويه عالتــرب نايم
بنحرك تغفه الاسهام .. بمكان بنيتك اتنام
ادعيلي بويه بالموت .. ولا ابقـه الـهالايام
اشبكني حيل / اشبكني وانته بشوگي تعرف
اشبكني حيل / وشوفني شگــد بـويه ارجف
فـــدوه بـــويه لاتـــسافر
وعطرك اتــدوره الحوافر
بويه بويه
***
بديني اعله صدرك شوگ بديني
ونــداوه الكـربله ويــاك وديــني
بلكت لو عطش ثغـرك تــلاگيني
اصيــرنلك عذب وي ماتــناديني
اذا ماصيـــرلك مـــاي .. اصــيرن بلكت فياي
الشمس خافن تأذيك .. وانته جروحك هواي
اشبكني حيل .. يالوداعك بويه شده
اشبكني حيل .. شبــكت المـا أله رده
بهالشــعور وهالمـشـاعر
وعطرك اتدوره الحوافر
بويه بويه
***
الزغيره بعمري بويه امـرار تحچي كـبار
خصوصاً لو حـچت بالفرگة تحچي بنار
گـــتلي بــــدارنه ابقـي وباقيـــه بــالدار
يبـــو الخاطر باچــر شـــحچـي للخـطار
تجري بساع الدموع .. وتچوي بويه الضلوع
واگولن صعبه للنـاس .. راس الابـــو مگطوع
اشبكني حيل .. شــبگــت بـــنيه زغيره
اشبكني حيل .. وتلچم الشبگة الاخيره
اتطشــرت هـاي النواظر
وعطرك اتدوره الحوافر
بويه بويه
***
حيدر تركي الكربلائي
ليلة العليله
.
.
.
اليعيش ابلا هله العمر بالنسبه اله
كأنه كربله
كأنه كربله
***
بتكم زغيره معلعله وحيل المـرض باليها
النسمه الذي بيـها تـمر تلچـــــمها وتأذيها
ماگول ناســــيها لان مااعتـــــقد ناسـيها
چاليش يااهل الرحم مستوحشه مخليها
عشت عيشة جرح وكــع فوگه ملــح
بمسير القافله
كـــأنه كــربله
***
العنده مريض بهالوضع لابــد يأجـــــل السفره
وحالة مريضتكم هلي تــــــــدرون بيها خطره
ساعة هجركم للذبح من رحتــو ساعه الكشره
بوجوهكم اقره الحچي وتهمل دموعي الحمره
على وجهي طحت وراكم من صحت
فراق العايله
كـــأنه كربله
***
بطف كربله يهلي الخطر جاي انا احسه زياده
گالولي اكو هناك شمر يكـــــطع بروس الساده
من رحتو يهلي بهالســـفر گلبـــــي وراكم ناده
والدي بــــس لا هالثـــره حدره يصير اوساده
ذبح خدي البچي وخلص كل الحچي
كلامي اوله
كأنه كربله
***
گوطر ضعنهم والضـــــعن فت گلبي من اتعده
وي ما شلت ايدي الحزن كله اعله وجهي تبده
النوگ الــــــتروح الكربـله مابيـــــها يمـكن رده
ويلاه والراحــــو هله تحفر ادمـــــــوعه بخده
الهجر لمن يهب سبي هم ينحسب
كلامي اتأمله
كـأنــه كربلـه
***
ياوجعة افراگ الاهل ماتنـــــــــحمل چتاله
الفارگ بخت اهل البخت فارگ جميع اماله
الضيع اخو چنه البدر هم حــــــرمله بدلاله
شيصبره والماعنده اهل كل مغــربيه اكباله
بدون اهل الشيم صرت متروسه هم
العمر وبأكمله
كـــأنه كــربله
***
حيدر تركي الكربلائي
تسافر من دوني... يانور عيوني
بغيابك اني... يتغير لوني
............
تكسر ضهري واكسر ضهرك وگلبك مايرتاح اعليه
رايح ماخذ كل اعيالك وعايفلك بالدار ابنيه
هواي اشتاك الشوفت عينك روحي اعليك تضل مجويه
اشتم انفاسي بحنيتك وين الكه بهاي الحنيه
جنت انه اتصور.... كدامك اكبر
ويمك تلكاني.... شمحلاته المنضر
.....................
يادمعه تفيد وابجيهه من ماشوفنك كدامي
يابويه ومن بعد عيونك ليل ايصيرن كل ايامي
تسافر من حضنك تحرمني وبس بحضنك انه أحلامي
بشوفت عينك بويه اتعافه وتخمد يمك نار الأمي
ياخيمت روحي... شيطيب اجروحي
واعليك احزاني... ومايبرد نوحي
...................
تمشي واني بطرك ادموعي ولااخوه اليمي تسليني
ماخذهم كلهم يالغالي جاالمن بويه مخليني
فدوه العينك وياك امشي فراكك والعله تأذيني
ماريدن كلشي امن الدنيه بويه وبس صوتك يشفيني
وين تخليني... يانور اسنيني
البيت الرباني .... مايحله بعيني
....................
خليني امشي كبال عيونك وشوف شلون امشي ومااتعب
يابويه وضحكت عبدالله. لو عفتوني هواي اتعذب
من يطلع ضعنك كدامي تطلع روحي وداعت زينب
مااتحمل كسر الخاطر وفركاكم يلجمني وانحب
من تودعني... ماينشف جفني
ايضل گلبي متاني... بهمومي وحزني
...................
راح اتنطر انه وجرحي جرح الغربه اليكسر ضهري
الله يصبرني اعله غيابك وشلون اتحمل ماادري
لو غابت عينك عن عيني فدوه العمرك شلي بعمري
صحتي وعافيتي واحلامي وياك ايروحن ياذخري
گلبي شما صله... ادعيلك الله
سالم تلفاني.... انته وعبد الله
محمد هادي العقابي
1446 هـ
#قصيدة_لمحرم_الحرام
كأني بمولاتي العليله قبل ليله من سفر مولاي الحسين ع تجلس ليلاً وحيده قبل النوم وتكلم نفسها..
مطمئنه ابداخلي... حتى لو ما گادره
وي خواتي اوالدي.... باجر آنه امسافره
شفته حضّر كل دوه بالبيت عندي
باجر اول وحده ابوي ايگلي اصعدي
استراحي ونامي..... استراحي ونامي
.............................................
آنه يا اول عليله... تحب مرضها... وما تريد اطيب منه
باجر ادري جي مريضه.....وگلبه يمي....يحسب احسابي اويه ضعنه
والدوه من گد فرحتي... ما أخذته... ولا نشدت الليله عنه
للصبح ما ضل شي واسافر....للغاضريه
باجر بنفس الناگه نصعد...آنه ورقيه
ومن اتعب ينزلني بيده... ويگود اديه
وبيه لو مابيه... لازم امشي اگباله
حتى أفرحه بحيلي.. وحتى ليضل باله
ودام هوه اوياي خله المرض ضدي
باجر اول وحده ابوي ايگلي اصعدي
باجر آنه امسافره..باجر آنه امسافره
..............................................
حيرة ام عباس حيره... وبيها افكر... من أمس گلبي عليها
باجر اتصبح غريبه... الموغريبه... وبس تضل تفرك بديها
نذرتلها وضاله ادعي... اويانه تمشي....وبلكي ما اسمع بجيها
ام البنين اشلون بيها.. تهضم يربي
شما اشوف ابوي يضيف محمل.. ويگلي گلبي
باجر يغير رايه يمكن....ويگلها اركبي
ما يغرب واحد... ولا اكو هيج بنيته
لو تصير وبيده... حتى ياخذ بيته
ماكو حد اوياه واگولن هذا حدي
باجر اول وحده ابوي ايگلي اصعدي
باجر آنه امسافره... باجر آنه امسافره
..........................................
.
اتخيلت بالدرب نمشي.... وعمي يوگف... ايصيح وگفوها المحامل
خاف عطشانه العليله... انطوها جودي... وخلي ترتاح القوافل
ايخاف من فيي الهوادج.. يجي بنفسه... ايفيي بالرايه ابو فاضل
ايلاطفني.نساني الصحاري... هوه وعضيده
والدوه كلما صار وكته... ايشربني بيده
مابين ابوي وبين عمي... كل الاريده
بالدرب ماعافني... ايخاف اخاف امن البر
ومن يروح لغيري... يودي يمي الأكبر
واغلب اللحظات خلصهن ابسدي
باجر اول وحده ابوي ايگلي اصعدي
باجر آنه امسافره... باجر آنه امسافره
.............................................
ان شاء الله من نوصل الطف... بالسلامه... اسجد ل الله واشكره
وأخيراً راح احضر... عرس جاسم... العمري كله احلم احضره
واگعد اگبال الصواني... وعمتي رمله.... بالخيم قرآن تقره
باجر أعز يوم بحياتي... يمرني بزماني
بس ليش دمعي بطرف عيني... ومدري شجواني
وشبيه ما اگدر اغمض.... ولا اغفه اني
الليله مدري شمالني... ماحلتلي النومه
آنه صح فرحانه... بس احس مهضومه
جاي احس بإحساس ما احسه اعله گدي
باجر اول وحده ابوي ايگلي اصعدي
باجر آنه امسافره... باجر آنه امسافره
.............................................
ولما انتهت تلك الليله وحل الصباح بدأت المصيبه :
سمعت ابوي ايصيح گومن... وآنه اتاني... السره يوصلني يمته
الشمس طلعت عليه... وماكو اسمي.... وگمت محترگه لحگته
ارگضتله وگتله بويه... وين اصعد... ماحجه ونزلت دمعته
شفته بجه وعلت اعله گلبي.... ضليت اكابر
ساعدته گتله آنه مريضه... ومابيه اسافر
فدوه اله كل امنياتي... ولا يبقه حاير
هوه اعرف بيه... حسين امامي وروحي
ودعيته ابفرحه... والملح بجروحي
وراح اخلص عمري بس مرسال أودي
باجر اول وحده ابوي ايگلي اصعدي
#أحمد #ماجد #الكلابي
1446 هـ
#قصيدة_لمحرم_الحرام
عندما أعلن الحسين صلوات الله عليه ان هنالك طفله لم تذهب الى كربلاء بدأ الخوف والقلق يداهم جميع بنات الحسين ع
فسكينه تقول انا هذه الطفله
وخوله تقول انا هذه الطفله
حتى رقيه قالت انا هذه الطفله
ولم يتوقع أحد بأن السيده فاطمه العليله هيه التي لاتذهب كونها تحتاج الى عنايه ورعايه صحيه من قبل الاهل
فكأني بمولاتي رقيه تذهب خفية الى مولاتي العليله لكي تجعلها وسيط بالذهاب الى كربلاء ولكن مولاتنا رقيه تتفاجئ بذلك الرد المؤلم
//////////////////////////////////////
المستهل
عن لسان حال مولاتي رقيه صلوات الله عليها
گال وحده امن البنات... ماتروح اويانه
يلعليله حاجي ابوي...خاف أطلع آنه
شما اشوفه عايفني
وحسّيته قاصدني......حاجي ابوي
//////////////////////////////////////
ياقريبة گلب ابوي....أدخلّي وحليها
شوفي ياهي امن البنات... القرر ايخليها
وخاف آنه الما اروح....يلعليله أگضيها
رايده أتجيبيلي هالليله الابشاره
ان شاء الله غيري اليضل بهاي داره
وحتى أذا گلج ابيتي اتضل رقيه
لذت بيج وانتي اليغير قراره
ماكو غيرج بالخوات.....انتي التحاجينه
جي مريضه أبساع ابوي...أتوقع اتقنعينه
بعيونه حيّرني
وحسّيته قاصدني...حاجي ابوي
//////////////////////////////////////
لكربله امبارك عليج... وجيتج آنه ادخيله
اهناك گليله دوّاي... اختي أريد اشيله
وحتى عبدالله الرضيع... اثنينه انلوليله
ياعليلتنه الطبيبه انتي الوحيده
روحّتج للطف أحس بيها أكيده
وحگه اول وحده بينه يسجل اسمج
ايسافر بياگلب ويعوفج بعيده
المرض ماخله بيج... ولازم انتي اگباله
ابحالتج وصّه الطبيب... وقدرينه الحاله
وضل گلبي يوجعني
وحسّيته قاصدني... حاجي ابوي
//////////////////////////////////////
أمن امس لميت الاهدوم... أوحگ هاي ارسومج
ماردت واحد يشوف.. خاف تالي ايلومج
وقررت بسكوت أحط... اهدومي بين اهدومج
وعيشت روحي بسفر من واعدتهن
يلعليله جا والاهدوم شأكلهن؟؟
لخاطر آمال الهدم سويلي جاره
غافلت عمي وابوي وحضرتهن
خالطت بيدي الغراض... وفكرّت بهمومي
گلت خافن ما اروح... عاد تمشي اهدومي
من أمس عذنبي
وحسّيته قاصدني... حاجي ابوي
//////////////////////////////////////
من بعد ذاك الدلال.... الشفته من اخواني
ويني اوين الافراگ.... صيّري بلّه امجاني
أتخيلي لو ماخذوج... وبالهوادج اني
يلعليله شما أصبره گلبي يرجف
الله لا خلاج يختي بهيج موقف
ايصير اسمج فجأه بالديره غريبه
وماتعرفين الجروح امنين تنزف
تضعن ابدونج النوگ... هم اجتي ابالج
وتنگطع اخبار ابوج...الگضّه عمره اگبالج
بهالنيه تعبني
وحسّيته قاصدني... حاجي ابوي
/////////////////////////////////////
فاطمه ابكل انكسار.... سوّلفت واتباچن
آنه ادورلي وسيط... حتى امشي اوياچن
أمس كلما اگله اروح... شو ابوي ولا چن
ويارقيه انتي اطمئني احسين قابل
شفته جاب اسمج وحطه اعله المحامل
خلي گلبج بارد آنه الما حسبني
وآنه هاي الراح اضل اكتب رسايل
بيه خو شفتي شيصير...وعشتي كل اجروحي
وقبل لا يطلع ابوي ...ادعيلي تطلع روحي
فوگ المرض هدني
وحسّبته قاصدني...
#أحمد #ماجد #الكلابي
تمت بعون الله وببركات والطاف مولاي بقية الله صاحب الزمان عج صلوات الله عليه
ليلة 3 محرم ويلاه شالو هلي
عليله بغربتي وحدي ودمعي علل وجن تجري
هلي شالو مشو عني خذو روحي وخذو عمري
ويلاه شالو هلي
گدامي الضعن حمل واني بونه وبحسره
اتنطر ابوي يگول گومي واني متحظره
عرضت علتي بوجهه وگلي بعبره متكسره
تبقين انتي يابويه حچاها وجمرته بصدره
هل سفره تريد الحيل وحيلچ بي تعب نظري
هلي شالو مشو عني خذو روحي وخذو عمري
ويلاه شالو هلي
كلهم حملو واني عليهم تنظر عيوني
اگلهم موعليله وحيل عندي وياكم اخذوني
شلي بروحي وعمري اذا وحدي تخلوني
اذا يا اهلي رديتو ميته بداري تالگوني
بروحتكم يروحي انتو بأيدي احفره الگبري
هلي شالو مشو عني خذو روحي وخذو عمري
ويلاه شالو هلي
مشو عني وبقيت اني وحدي بداري مهظومه
چانو فرحتي همه وهسه الفرحه معدومه
دور الزاهيه بيهم احسها عليه مهدومه
تبقه بصدري جمراتي وگلبي يبقه بهمومه
يلحگهن بعد ثالث من عيني يصب نهري
هلي شالو مشو عني خذو روحي وخذو عمري
ويلاه شالو هلي
بأيدي لازمه گلبي عليله وخايفه عليهم
هلي همه نبض گلبي خطر خوفي يمر بيهم
اقرأ أية المضطر واهديها الأساميهم
ابيعن روحي لو بيدي واهلي بروحي اشريهم
عليهم ناري مشتعله تحرگني بوصط صدري
هلي شالو مشو عني خذو روحي وخذو عمري
ويلاه شالو هلي
عليله وخايفه عله هلي وعيني بدمعي غرگانه
لعمتي زينب الحره يخوفي تكون تعبانه
وحزينه لعمي ابو فاضل لهامه لعينه ضرعانه
لحسين الابو ونحره وچبته خوفي عطشانه
وجسام وعلي الاكبر بدلالي شتعل جمري
هلي شالو مشو عني خذو روحي وخذو عمري
ويلاه شالو هلي
لرقيه روحي ملهوفه اتمنه اللاگيها
اختي تشبه الورده الفراش الها تراچيها
تخاف الظلمه والظجه رقيه اني ادريها
كل خوفي يظربوها طفله وظربه مابيها
يمي متلله بالعز من تغفه وصط حجري
هلي شالو مشو عني خذو روحي وخذو عمري
ويلاه شالو هلي
الحمد لله
كرار الزهيري
(العليله) يل نمت حدر التراب يحله وياك العتاب صارت احلامي سراب
بويه بويه
***********
احلام عندي بيمن ابدي وانه اعرف كلشي راح
يالعفتني موتتني عيشتني ويه الجراح
احلامي صاراً مني طاراً وحده وحده ويه الرياح
همي يكبر عمري يكصر بعد مالحظه استراح
بس اوعدك ياحسين ماابطل امن الونين للقاء احسب حساب صارت احلامي سراب
بويه بويه
************
ايامي حلوه جنت سلوه سلوتي من الزمان
اندار وكتي وقسمتي عني ترحل للجنان
خذني يمك ارد اشمك شوفلي يمك مكان
يامعزتك يامحنتك والله تتكاطر حنان
راح كلشي وكلشي ضاع عايشه بعدك صراع مرض وفراك ومصاب صارت احلامي سراب
بويه بويه
************
بيدي شمعه بعيني دمعه وكاعه كعده يتيم
انت رحمه انت نعمه نعمه مارادت تديم
دنية دارت ضدي صارت صارت اشبهه بالجحيم
ياضوانه ياهوانه للنفس انت نسيم
يل عفت كل شي ظلام انكسر كلبي حرام بغيبتك دلالي ذاب صارت احلامي سراب
بويه بويه
*********
هذا حالي مابغالي فقط بس الذكريات
هنا كعدنه هنا لعبنه انه وي باقي البنات
كلشي ليه يارقيه والله حلوات الخوات
الطفله شلهه بعد اهلهه وبالاخص لو بوها مات
ابد ما صدك تموت وابقى اربي اعلى اليفوت
وما ترد من الغياب صارت احلامي سراب
بويه بويه
********
ياحبيبي ياطبيبي لو حلم رتك تعود
كون ترجع حته افزع الدنيه انثرها ورود
انه دونك وعيونك مالي اصلاً وجود
روحي بيدك وتريدك شراح اكللهه وتهود
رويحتي متعلقه بيك لو تجيني لواجيك
لاتخليني بعذاب صارت احلامي سراب
بويه بويه
************
جان حلمي كون يمي ما تفاركني العمر
تالي تمشي وعفت رمشي لدمع بي مستمر
صعب كسره وشيجبره الكلب من ينكسر
والله حيره شكد جبيره فركتك مثل الجمر
من زغر وتيتميت عفت حالي من مشيت
بس اشماً بالثياب صارت احلامي سراب
بويه بويه
**********
للشاعر عباس الصالحي
(يهدا ثواب هذا العمل الى روح والدي)
🌟 *اعلان اداري* 🌟
*يستمر تجمّع الزهراء ع العاشورائي بإعلانه عن برنامجه لمحرم الحرام لسنة 2024*
سيتم نشر اغلب ما يخص الليلة الثالثة الخروج من المدينة والعليلة بنت الامام الحسين ع
مجالس نعي قصائد
*عظم الله أجورنا وأجوركم
🖤🌗🖤🌗🖤🌗
للباقر ... يعلو النداء
للباقر ... قام العزاء
مدد مدد .. يا علي يابا الحسن
......
هالليله مجلسنه انعقد للسممو جبده
الما راحه شاف ابدنيته وكل فرحه ما عنده
ليله ونهاره والصبح لازم بديه جرحه
وين اليحبه يعتني ايواسي الفحل جده
للباقر .... تبكي السماء
للباقر .... قام العزاء
مدد مدد .. يا علي يابا الحسن
......
مجلس عزائه بكل سنه انقيمه ويضل قائم
والرايه ما تنزل ابد من خادم الخادم
ليلة مصابه بالدمع نحيهه والأنَّه
كل سنه يجدد عزانه ويسمع اللايم
للباقر ... نبقى فداء
للباقر .... قام العزاء
مدد مدد .. يا علي يابا الحسن
......
للباقر انطينه العهد ما نترك ايامه
كل عام اليِمرنه ابفخر نحجيهه خدامه
ما شفنه تعب بخدمته بس راحه شفناهه
وانضل لحد اخر عمر توجعنه ألاَمه
للباقر .... في كربلاء
للباقر .... قام العزاء
مدد مدد .. يا علي يابا الحسن
.......
لطم الصدر واجب يضل لاخر نفس بينه
للباقر العمره خلص وانذبحت اسنينه
الجعفر الصادق تعزيتنه انجدد الليله
وميهمنه كلمن يعترضنه ويشكل اعلينه
للباقر .... يحلو البكاء
للباقر .... قام العزاء
مدد مدد .. يا علي يابا الحسن
.......
ندعي الله تعجيل الفرج للقائم المهدي
تنتظره ثارات اشكثر بيهه اشوكت يبدي
طالت علينه غيبته وما ظل صبر بينه
هالشكوه ترفعهه الخدم مو بس انه الوحدي
للباقر ... ثأراً بداء
للباقر ...قام العزاء
مدد مدد .. يا علي يابا الحسن
.......
✍ كلمات : موسى الخادم
لسان حال الامام الباقر ع:
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
انه الخلص سنينه آهات......وآلام
ولا غير الحزن للروح............والم
يسألوني عليهن ألأشد ........وألم
أگلهم من خذو عمتي سبيه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
أعيوني نار المخيم..............عمتها
وحياتي بحزن من عدها.......عمتها
رقيه تنادي أسمعها...............عمتها
بأذاني من الزغر للشيب بيه!!
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
متت وعيوني أعله الطف...شابحها
ولهسه الغاضريه يمر..........شبحها
وصيح دمانا ياعالم..........شأباحها؟
وعمتي بيا ذنب راحت سبيه!!
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
عظم الله أجوركم
بإستشهاد الامام الباقر ع
٠٠جهادالبصيراوي٠٠
*استشهاد الامام الباقر ع~ طور الخضيب♪*
الباقر عظيمه محنته وحصّل بعد دفّان
وين الي يحضر دفنته ويبچي بدمع غدران
الزهره تنوح لمحنته وتبچي على العطشان
نوبة تون عالمنذبح ونوبه على المسموم
واماماه واماماه واماماه آه~
〰️〰️〰️〰️〰️
وكأني بمولانا الباقر ع حين تحضر فاطمة الزهره عند احتضاره يناديها بلسان الحال~
لحن اسمع عتابي♪
يمه يا زهره ~كفَّيِ العبره
بس نوحي عاحسين ~ گطعوله نحره
كل عضو مصيوب~ بدمه مخضوب
وراسه برمحه~ يا يمه منصوب
راسي عا جسمي~ وما يجري دمي ~ ومكفّن بثوب~ وكل ألي يَمّي
جثة خضيبه~ وعِمّه سليبه
منذبح ظامي ~ واخته غريبه
راسه على رماح~ وكل طعنه بجراح
ابچي على حسين ~ بونّه والنياح
حسين حسين حسين
نعم يا زهراااا هذا ولدك الباقر شالو جنازته بإجلال وتوقير بتكبير وتهليل ولكن اسفي على ذبيح كربلاء الشهيد الذي بقي ثلاثا بالعراء تصهره الشمس بحرارتها وقد صنعت له الرياح ثوبا من الرمال وكفنا من التراب وغسله من فيض نحره صح ونادي وحسيناه…
لحن الجفيري قلب امك يبني مفتت
ميت مذبوح حزوا نحره
ثلاثه الحسين فوق الغبره
ظامي مذبوح وداسو صدره
نوحي لاجله يمه زهره
ويلاه ويلاه ويلاه ويلاه
〰️〰️〰️〰️〰️
لحن جاوبني يا علي~
ميت على التراب
ومن دمهِ الخضاب
ظامي انذبح غريب
وراسه قرا الكتاب
وهله مشين سبي
وهتكو خدري العبي
وزينب على الهزل
تنوحن بنت النبي
مروهن بجسد
ميت بلا لحد
لا غسل ولا كفن
ولا من يمه أحد
محّد نعشه يشيل
ودم النحر يسيل
وراسه على الرمح
وشيبته بس تميل
وزينب لن تنظره
وجسمه على الثره
وراسه بسبي مشى
ومعفّر منحره
حسين انذبح شهيد
مدمي من الوريد
مسلّب من الكفن
مرمي على الصعيد
خادمة آل محمد✍
https://youtu.be/pG7w5cv2zmE
لاستشهاد الامام محمد الباقر عليه السلام - ( تجليبه )
الشاهد كربله وعايش مواجعها
اليوم بلوعته الباقر يودعها
★★★★★
يودع كربله باللوعه. والحسره
وكل ذكره توجر بالگلب جمره
ويودع ايام بالطف گصَّرت عمره
ونوايب كربله البلگب جامعها
★★★★★
جامعها النوايب بالگلب ظلت
من شاف الاطفال وي الحرم هجت
يصد محتار نيران الخيم وجت
چفوفه شما دنه من النار تلسعها
★★★★★
تلسع بالچفوف وروحه مذعوره
بعمر الاربعه وشيب ابعاشوره
من البال ابد ماتنمحي الصوره
تهد الحيل كل ذكره اليراجعها
★★★★★
اليراجعها صور مرت على الباقر
بذبح حسين لمن يذكر العاشر
چم طعنه يعد ابصدره چم حافر
شلون على الارض مطيح سابعها
★★★★★
سابعها السمه ظلت عليه تنحب
دموع الصادق ابنه چن جمر تلهب
على النوره بظلام اللحد يتغّيب
سموم اهل الغدر بحشاه جارعها
★★★★★
جارعها السموم بعاشر محرم
لحد سبعه بشهر ذو الحجة المحتم
النهايه لوقتل محسومه لوبالسم
يدري العتره ماتخلص فواجعها
الشاعر حسن لعيبي الحريشاوي
قصيدة لاستشهاد الامام محمد الباقر عليه السلام (گعديه ) على طور احنه غير حسين ماعدنه وسيله
لرابع الاطهار من ولد الزچيه. نوحي علباقر يروحي بهلمسيه
(ونت الافلاك والدنيا الوسيعه )
(هذا يوم النايحه ويوم الفجيعه)
نوحي علباقر يروحي بهلمسيه
★★★★★★
من عذاب الطف رحلته. بدت حد يوم المنيه
فاجعه وغربه ونوايب. لوعه ودموع ورزيه
شاف نحر حسين دامي وجسمه عاري على الوطيه
مذبوح بسيوف الغدر
وشاف العقيله ام الخدر
مسبيه من كتر الكتر. ياوكت زينب سبيه
آه يازينب ولوعتها الخفيه
صاحوا الشمات هاي الخارجيه
(هاي بنت المرتضى وبنت الوديعه)
(هاي اخت الثبت احكام الشريعه)
نوحي علباقر يروحي بهلمسيه
★★★★★★
گلبه مهبط للنوايب. وشهر ماتنسي أيامه
شمل طه من تشتت وأبد ماحصلت سلامه
بس عليل ونسه الظلت وزينب اتلم اليتامه
للكتب لحسين وغدر
لوللنوايب. والقدر
لوللتعنه. وماحضر. المن أيوجه الملامه
المن ايوجه ملامه بهلجريمه
أسباب مخفيه ودوافعها قديمه
(راحت ابدور الهواشم والطليعه)
(حسرة الباقر على حسين ورضيعه)
نوحي علباقر يروحي بهلمسيه
★★★★★★
الطف ولافارگت روحه من الطفوله لحد وفاته
رغم صولات النوايب. ابد مايهتز ثباته
وتعرف العدوان طبعه وشيمته وعلمه وصفاته
لهذا السبب ردة فعل
حاكم خياناته غفل
بأي صوره راد واي شكل يختصر بالسم حياته
توجه بسم الغدر تشهد افعاله
بيها قاصد تنطفي أنوار الرساله
(بأي شكل وبحال وانواع الخديعه)
( للمعارف يهدم اسواره المنيعه. )
نوحي علباقر يروحي بهلمسيه
★★★★★★
غيم يمطر بالمعارف فكرك ويملي المحافل
على حساب الحق سجيه ماخضعت ولاتجامل
وانعرف كلمن يضدك. انته حق وهوه باطل
من مثلك بوجه الالم
عاف الجرح دم وابتسم
فكرك ضوه وچفك كرم ماردت منهم مقابل
يلصغت معنى الصبر اجمل صياغه
ياعطر علم الوصي ونهج البلاغه
(ياگمر درب النبي وزهرة ربيعه )
(اليوم تلطم علصدر لجلك الشيعه)
نوحي علباقر يروحي بهلمسيه
الشاعر حسن لعيبي الحريشاوي
نعزي الإمام الحجة #المهدي عليه السلام والعلماء الأجلاء والأمة الإسلامية بذكرى استشهاد #الإمام_محمد_الباقر عليه السلام
..
#موشح بهذه المناسبة الأليمة
..
باقـر اعلـوم الرسـول و دينـه
گضه من سم آل أميه اسنينه
.....................................
١/
ما رعت هالأمـه أسيـاد العلـم
سلّطوا أهـل الضغايـن والأثـم
ظل دليل الهادي منهم منلچم
و بالمـدامـــع ما تـهـوّد عينــه
.....................................
٢/
باقر اعلوم الوصي وطه الرسول
فيــض علمـه حيّـر أصحـاب العقـول
كل سؤال تشوف عنده أرقى الحلول
لومـُا علمــه بالجهـــل ظلّينــه
.....................................
٣/
شكثر انقذ دين جده المصطفى
من دُعـاة أهـل العلـم والمعـرفـه
والأعادي سعــت حتـى اتـزّيـفـه
لكـن العتـره الشـرع حامينـه
.....................................
٤/
دفـع كـل شبهـات گـوم المغـرضـه
من علم وحي الله باحسن موعظه
اي لأن هــو سليـــل المـرتـضــى
بـاب علـم المصطفـى هادينـه
.....................................
٥/
راد من هالأمـه تصبـح بازدهار
و آل أميه تريد ليها الأندثار
اغتالوا الباقر وسف وضح النهار
وصاح كون اللّٰه ارتحل والينه
.....................................
٦/
ظل هشام بكل وكت يترصده
مستمر غدر العده بأهل الهده
يلوج بالسم خلّته أهل الـرده
و السمـه السبعـه تـون لونينـه
.....................................
٧/
لبسـت الحوزات لثیـاب السـواد
والحـزن هالليلـه عـم كـل البـلاد
يبو الصادق تنحب اگلوب العباد
ويـن رايـح سيُدي امخلّينـه
.....................................
٨/
بعينه ما غابت مصايب كربلاء
بعينه ما غابت دمـاء الاوليـاء
بعينه ما غابت نساء بلا خباء
بعينه ما غابت دمـاء احسينه
.....................................
٩/
شيّعـوه الشيعـه و بعـز اندفن
بالبقيع و مرقده قرب الحسن
لچـن ما نسـوان ليـه اتسلّبـن
ولا تصوّبت بالحجاره اجبينه
.....................................
✍🏻علي نوري الحلفي