7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
#يوم_الاربعين
رَد العليل وذابلات عيونه
مــأجـــــوره يــزهـــــراء
ٱمن السلسله برگبته دم ومتونه
مــأجـــــوره يــزهـــــراء
وچانت اُمنيته اِخوانه يتلّگونه
مــأجـــــوره يــزهـــــراء
ومِنّ الهزيله بچفهم ينّزلونه
مــأجـــــوره يــزهـــــراء
ما گام اخُو وحَيّاه ،، بس جابر اتلگاه
واتحاضنو حسرات ،، وشهگه ودموع وآه
مــأجـــــوره يــزهـــــراء
;;؛؛;;؛؛;;؛؛;;؛؛;;؛؛;;؛؛;;؛؛;;؛؛;;
زينب اجت ودموعهه حرّاگه
مــأجـــــوره يــزهـــــراء
مشتاگه لحسين شكثر مشتاگه
مــأجـــــوره يــزهـــــراء
بس وِصلته الشالع گلبهه فراگه
مــأجـــــوره يــزهـــــراء
يم گبره شُمرت روحهه من الناگه
مــأجـــــوره يــزهـــــراء
شتِحچي شتِضِم تحتار ،، وكل الجروح كبار
تبدي الشكايه منين ،، واهونهه سوط ونار
مــأجـــــوره يــزهـــــراء
;;؛؛;;؛؛;;؛؛;;؛؛;;؛؛;;؛؛;;؛؛;;؛؛;;
من گبر ابو الاكبر لگبر الكافل
مــأجـــــوره يــزهـــــراء
گامت وسيل اعبارهه متواصل
مــأجـــــوره يــزهـــــراء
عالراس لُطمت والگمر يستاهل
مــأجـــــوره يــزهـــــراء
وتگله حِملي وظَهري دُونك مايل
مــأجـــــوره يــزهـــــراء
شاهدو طولي اعداي ،، وجارو عليه هواي
واسمعهم يصيحون ،، اخت ابو فاضل هاي
مــأجـــــوره يــزهـــــراء
;;؛؛;;؛؛;;؛؛;;؛؛;;؛؛;;؛؛;;؛؛;;؛؛;;
تنشد اجت ام الرضيع بحسره
مــأجـــــوره يــزهـــــراء
وين ابني يالسجاد دلني بگبره
مــأجـــــوره يــزهـــــراء
گَلهه اويه ابويه وسّديته بصدره
مــأجـــــوره يــزهـــــراء
واتشابگن نَحر الحُسين ونحره
مــأجـــــوره يــزهـــــراء
گعدت تون ساعات ،، وتنعه وتهل دمعات
عبد الله يبني اعليك ،، بروحي شكثر لوعات
مــأجـــــوره يــزهـــــراء
;;؛؛;;؛؛;;؛؛;;؛؛;;؛؛;;؛؛;;؛؛;;؛؛;;
ليلى ام الاكبر عالولد محتامه
مــأجـــــوره يــزهـــــراء
يم گبر ابنهه الگلب بَث الامه
مــأجـــــوره يــزهـــــراء
حنت لوجهه وذِكرت احله ايامه
مــأجـــــوره يــزهـــــراء
بطوله ومشيته وهيبته وهندامه
مــأجـــــوره يــزهـــــراء
اليشبه رسول الله ،، بكسرة ظهر تنعاه
بگبري انتّ تحفر كون ،، مو گبرك احچي اوياه
مــأجـــــوره يــزهـــــراء
;;؛؛;;؛؛;;؛؛;;؛؛;;؛؛;;؛؛;;؛؛;;؛؛;;
ضجه ونواعي ولا صَمِت لا مُهله
مــأجـــــوره يــزهـــــراء
وبلوعه صِرخت آيجاسم رَمله
مــأجـــــوره يــزهـــــراء
شِلّه بحياته الفگد مثلك شِلّه
مــأجـــــوره يــزهـــــراء
الأم حيلهه فرگة ابنهه تشِلّه
مــأجـــــوره يــزهـــــراء
شَوفي اويه دمك راح ،، وعمري اويه جسمك طاح
ما چان حلمي ارثيك ،، حلمي تلمنه افراح
مــأجـــــوره يــزهـــــراء
;;؛؛;;؛؛;;؛؛;;؛؛;;؛؛;;؛؛;;؛؛;;؛؛;;
ظلّن ثلثة ايام نوح ودمعه
مــأجـــــوره يــزهـــــراء
لحَد ما نظرهن ذاب مثل الشمعه
مــأجـــــوره يــزهـــــراء
لا رض المدينه عاودن يالبضعه
مــأجـــــوره يــزهـــــراء
تلّگيهن وبچّي الارض والسبعه
شباقيلهن بالبيت ،، وانذبحو اهل البيت
وزينب اجت وتصيح ،، المن أنه رديت
مــأجـــــوره يــزهـــــراء
;;؛؛;;؛؛;;؛؛;;؛؛;;؛؛;;؛؛;;؛؛;;؛؛;;
ياسر حسن
صفر ¹⁴⁴⁶
#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_
#حصرياً 💔🔥🔥🔥🔥
#ثگيلة_للاربعين_
🏴🏴🏴💔🏴🏴🏴
يالجايه.....للمگبره لوليانج
يالجايه....روحج تحن لخوانج
ايسي مايگعدون
الماتو مايرجعون
يالجايه ..........يالجايه
🏴🏴🏴💔🏴🏴🏴
يالجايه لخوانج وگلبج خذاج
گاعده وتحچين يم گبر الجفاج
افراكهم يالفاگده شكد عذباج
براضه هنانه يم عون
الماتو مايرجعون
يالجايه .......يالجايه
🏴🏴🏴💔🏴🏴🏴
براضه عتبي يالعقيله اعليهم
احنان اخوتج والعتب ياذيهم
ادري گلبج هوه اليحاجيهم
گلبج عله اليحنون
الماتو مايرجعون
يالجايه .......يالجايه
🏴🏴🏴💔🏴🏴🏴
گلبج يفرفح محنه الليله
وكاعده يم الگبور نحيله
اه يافراگ الاهل شيشيله
يفگس فص العيون
الماتو مايرجعون
يالجايه.....يالجايه
🏴🏴🏴💔🏴🏴🏴
عيونج افراگ الاهل عاميها
كون بيبان المگابر بيها
جان شفنه احبابنه نحاجيها
واكلهم ضمي شلون
الماتو مايرجعون
يالجايه...........يالجايه
🏴🏴🏴💔🏴🏴🏴
افتحو گبوركم يهلي شجاكم
نوم المگبره كلش كضاكم
شوفو اكلوبنه شسوت وراكم
كضت عالماينشدون
الماتو مايرجعون
يالجاية......يالجايه
🏴🏴🏴💔🏴🏴🏴
تمت بعون الله وتوفيقه 🧿
#بقلم ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع
اهدي عملي هذا صدقة جارية لسلامة الإمام المنتظر عج
في رد الروؤس للاجساد في العشرين من صفر (موشح )
گوم زيد النوح عشرين بصفر
روس اهل البيت ردت للحفر
★★★★★
ردوا بهلروس. گصدوا كربله
بالشماته الگوم اجت متجحفله
هذا راس حسين ياهو استقبله
ماكو من هاشم ولاواحد حظر
★★★★★
گوم ونحب نوح علصار وجره
على الروس البلتراب امعفره
يبستها الشمس حيل امسومره
ذبل وجه الدين وي نور الگمر
★★★★★
جابر استقبل الروس ابلوعته
گام يتعثر تدمت جبهته
شاف راس حسين هاذي حالته
أمطبر ومهشوم مرضوض بحجر
★★★★★
لطم وجهه وصاح ياحامي الحمه
هاي روس اعزازك المتهشمه
شلون ماتنطبگ علگاع السمه
شلون روح المصطفى أمگطع وذر
★★★★★
هاي زينب صدگ دمعتها تهل
الأبد مابين خيال الها وشكل
تنسبي وتركب على عجوف الهزل
وين اهلها احيود عدنان ومضر
★★★★★
لطم صدره وصاح يازين العباد
طحن روحي الهظم سواها رماد
ابيضن اعيونك ولابيهن سواد
گلب يعگوب على محبوبه انكسر
★★★★★
صاح جابر يابواليمه ياغريب
ياحبيب المايرد على الحبيب
جروحي حد الموت بعدك ماتطيب
شلي بروحي بعدك ونور البصر
الشاعر حسن لعيبي الحريشاوي
نعي إلى السيدة زينب عليها السلام
بيه الدهر ماضي اصوابه
وحيرني الحسين ابمصابه
اميسره صرت ابغيابه
اخلاف عينه مالي حماي
انظر مصابه وكلبي مفجوع
ولفراك اخوتي تجري الدموع
انحب على مرضوض الضلوع
عطشان اخوي وماشرب ماي
ضليت أنا بولية العدوان
اكفل يتامى وارعى نسوان
خويه عليه اهواي الاحزان
يحسين ماضليت وياي
كونك يخويه وياي يحسين
وتشوف بيه شيعمل البين
بناتك ينوحن والنساوين
انخا ولا من يرد نخواي
مابينهم امشي هظيمه
عدوان وانفسهم لئيمه
بالعرب مامش بقت شيمه
وين ابو الشيمه الكمر رجواي
خويه الدهر دارت ايامه
واصبحنا بيد اهل اللئامه
أنا وبناتك واليتامى
امشي يسيره بولية اعداي
عفتك يخويه ابحر الرمال
وتيسريت ابين الانذال
مال الزمن من حال لاحال
الجاتل اخيي صار حداي
محمد دعبل النوري
*نعي للاربعين ((من ديوان 📗 عبرات وأنين في رثاء الطاهرين الجزء الخامس))*
تگول زينب:
❥━──➸➽❥❂❥━──➸➽❥❂
دخلت المگبره وبگلبي أعتاب
ووجوه الاحبهم حدرالتراب
صحت ابصوت يمهم ماكواجواب
❥━──➸➽❥❂❥━──➸➽❥❂
خويه ليش عفتونه ومشيتو
وشنهو الزعلاكم وبعديتو
و بيه ابد ماحسبيتو
❥━──➸➽❥❂❥━──➸➽❥❂
عفت اختك حزينه بضيم وتنوح
ما بطلت مناحه اعليك هالروح
وگلبي على فركاك مجروح
❥━──➸➽❥❂❥━──➸➽❥❂
انه تمنيت الگبر يحسين بي باب
ادخل واشوف اوجوه الاحباب
وجرحك بالگلب خزن ولاطاب
❥━──➸➽❥❂❥━──➸➽❥❂
اتعثر اجيت بهدوة الليل
وعله فراگم جر ونه العليل
ذاكركم ودمعه عالخد ايسيل
❥━──➸➽❥❂❥━──➸➽❥❂
مشيتو وين خويه اليانويه
وعله ادروبكم عيني ربيه
فلت الخوه وهاي هيه
❥━──➸➽❥❂❥━──➸➽❥❂و
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
قصيدة للاربعين {اجيت امحمله}
اجيت امحمله اعتاب ** للناموا بالتراب
اعاتبهم واجر ونات يمهم
العافوني ولا شبعانه منهم
طولو ليش الغياب ** اجيت امحمله اعتاب
❥❥❥❥ـــــــــــــ❁❁ـــــــــــــ❥❥❥
طولو ليش الغياب مو انه احبهم
اجيت اليوم اريدن بس اشتم تربهم
هم مشتاگ اليه هسه يا گلبهم
ابعيد اعليه وسفه يا وادم دربهم
ليهم جابني الشوگ ** والدلال مخنوگ
خذه حيلي يالمصاب** اجيت امحمله اعتاب
❥❥❥❥ـــــــــــــ❁❁ـــــــــــــ❥❥❥
يخلوني حريمه مشتاگه ويرحون
چا ليش الاحبهم يعوفوني ويموتون
حته بحلم اليه بعد لا مايردون
خل تعمي بلاهم ماريدنها العيون
المن ضال هالشوف ** وفوگ النهر الجفوف
بكبرهم سدوا الباب ** اجيت امحمله اعتاب
❥❥❥❥ـــــــــــــ❁❁ـــــــــــــ❥❥❥
سدوا باب الكبور وناموا عالوطيه
بعد هيهات يلفون يعزازي اليه
ليهم مايقبلون انصبها العزيه
عليهم لو اونن يضربوني ال اميه
خله السوط اثار ** ابمتن بت علي الكرار
بيه الجمر لهاب ** اجيت امحمله اعتاب
❥❥❥❥ـــــــــــــ❁❁ـــــــــــــ❥❥❥
يلهب جمر الفراگ من اشتاگ ليهم
اعزازي والهم اشتاگ واشتاگ لحجيهم
كل يوميه بالليل ترف عيني عليهم
يجوني بس بالاحلام الكبر اشسوه بيهم
كل ما بيه يلفون ** بحوالي ينشدون
جرح الذبح ماطاب ** اجيت امحمله اعتاب
❥❥❥❥ـــــــــــــ❁❁ـــــــــــــ❥❥❥
ينشدوني عليه ما ناسيني الاخوان
اعليه وهمه بالگاع ضلوا كلهم احنان
بس آخ والف آخ الدهر بخواني خوان
يعوفوني وحيده اعليهم ادري ماهان
احنان اخواني الاسباع ** ناموا وسفه بالگاع
للناموا بالتراب ** اجيت امحمله اعتاب
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
*١٤٤٦هـ*
**,*,,
*قصيــده للأربعيـــن*
*طور: يازينب راح لمدلل /الرادود : مسلم الوائلي*
يخويه جيتك اتعثر... على قبرك أصب دمعي
اجيتك والقلب شيب.. ياخويه وانحنى ضلعي
وراح الشوف من عندي.. ياخويه عاين الوضعي
طلعت ابليلة الحادي.. ودورك يا بدر سعدي
رِدت أدفنك مو بيديه ..مو بيديه..مو بيديه
السوط ورمهن ايديه..ايديه ..ايديه
راح خويه الحيل مني راح مني
★★★★★★★★★★
لِقيتك عالرمل نايم...وكل اعضاك متطشره
تحاچيني يخو زينب.. ومدري مِن هِي يَا وذره
اريد أبچي العمر كله.. وأبوح ألآم هالسفره
مشيت دروب ويه أجناب ..وهظيمه تمشي الحره
الليل كله ما أنامه ..ما أنامه ..ما أنامه
لا تظن بعدك سلامه ..سلامه ..سلامه
راح خويه الحيل مني راح مني
★★★★★★★★★★
هدايه أويانا جبناها ..تِوعى يا بعد هالروح
عبايه امحرقه بنار ..تسولفلك قصص وجروح
رقيه بالخرابه تنام .. تنادي وينه المذبوح
أبويه بالحلم شفته.. على الرمضى بقى مطروح
عبايتها جبتها هديه..هديه ..هديه
ماتت ابنيتك رقيه.. رقيه.. رقيه
راح خويه الحيل مني راح مني
★★★★★★★★★★★
يخويه أنظر لچفيني ..تسيل ادموم من رآسك
بقى وياي يداريني..ومنك اعتذر أرجاك
يزيد ابمجلسه تجبر ..وخله عوده عشفافك
أنلِچم قلبي بعد أكثر..يخويه كسر أضراسك
رآسك أويايه جبته ..جبته ..جبته
بس مجروحه شفته ..شفته ..شفته
راح خويه الحيل مني راح مني
★★★★★★★★★
*خــادمة أهل البيت عليهم السلام*
*زهـ✍🏻ــرا الحســــاوي*
من بعد محنتها وجور سباها
بصوت الخطيب الشيخ كرار الكعبي
عادت لأرضِ الطف زينبُ باكيه
بصوت الخطيب الشيخ كرار الكعبي
قصائد مقدمة المجلس
#رقم_238
#مصيبة_الأربعين
السيد عدنان الموسوي
1_ عَادَت لأرضِ الطَّفِّ زَينبُ باكِيه
وَبِقَلبِها نارُ المَصائبِ وارِيه
2_ والغَاضِريَّةُ قد بَكَت لبُكائِها
وَغَدَت على نَعيِ العَقيلةِ ناعِيه
3_ مِن بَعدِ رِحلةِ سَبيها عادَت وَقَد
حَمَلَت هُمومًا كالجبالِ الرَّاسِيه
4_ مَزَجَت بأدمُعِها تُرابًا قد جَرَتْ
فيهِ دِماءٌ زَاكِياتٌ قانيه
5_ نادَت حُسينًا والنِّدا يُدمي الحَشا
إنَّا سُبِينا والمَشاهِدُ قاسيه
6_ أَ أُخيَّ لَمَّا غِبتَ غابَ مُحَمَّدٌ
والمُرتَضى والمُجتَبى والزَّاكيه
7_ قُمْ يا ابنَ مَريمَ والدُّخانِ وفُصِّلَت
والذَّارياتِ وَهَلْ أتى والغاشِيه
8_ مِن بعدِ قَتلِكَ قَد رَأينا في السِّبا
أَدهَى المَصائِبِ قد أَتَت متواليه
9_ بَقِيَتْ بناتُكَ بينَ آهاتٍ وإنْ
صَبَّرتُ واحِدةً بَكتكَ الثَّانِيه
10_ جِئنا وفي أرضِ الشَّآمِ رقيةٌ
مَاتَت وَمَا فَتِئَتْ لِفقدِكِ باكِيه
11_ قُلْ لي أأترُكُ بالرَّحيلِ قُبُورَكُمْ
وَأَرَى بأعلاها كُفوفًا حَانِيه؟
12_ أم كيفَ أقصُدُ طَيبةً وأرى بها
دُورَ النُّبوّةِ بَعدَ فَقدِكِ خالِيه ؟
**
الشعر الدارج للشيخ عبد الامير المنصوري :
زينب ردّت من الشام تگصد گبر واليها
ليل نهار تمشي النوگ والشمّات تحديها
لمّن وصلت الحرّه وشافت كربله من بعيد
ظلّت ذكريات حسين بيها وبالخيال تعيد
من ظهر الهزل للگاع تطيح عله التراب تريد
وغيمت بالحزن والون ارض كربله وواديها
زينب ردّت من الشام جنها بعمر مية عام
شيبتها ليالي الظيم حرمه امكلّفه بايتام
ما ظن بعد كل الصار لزينب صدگ عين تنام
صاير كل جسمها نحيل من سياط سابيها
اليوم أم الخدر ردّت لخوها الشافته بالعين
عله صدره تدوس الخيل وبعد تنطي الوجه لا وين
تصيح بصوت يبن امي (ياتالي هلي يحسين)
ريت اختك تموت وياك ما تگعد تحاچيها
زينب جابت عيالك ياالله اگعد تلگاها
الچانت من تطب اعليك تصيح بصوت حياها
اليوم لكربله ردّت ورد الراس وياها
صدگ مگطوع ومجرّح لاچن چان ساليها
ردّت ليه مستحيه ودمعها يترجم الحاله
من يوم الرحت لليوم منها العين هماله
رقيه ما اجت يا حيف روحه وزينة اطفاله
ماتت عل طشت ويلي القهر واليتم عاليها
مراثي الأطهار عليهم السلام
قصائد مقدمة المجلس
#رقم_139
#مصيبة_الأربعين
الخطيب السيد سجاد الحسيني
1_سجادُ يا ابنَ الطيّبينَ وزينةَ الـ
عُبّادِ أنتَ وعروةَ الإيمانِ
2_ قُل للدليلِ إذا وَصَلتَ لكربلا
عَرَّج على قَبرِ الشَّهيدِ الحَاني
3_ هذي الطُّفوفُ فأينَ مَدفَنُ أهلِها
أينَ القبورُ وأينَ هُم أخواني
4_ مُذ أربعينَ على الصَّعيدِ تَركتُهم
صَرعَى وَرحتُ أسيرةَ الأحزانِ
5_ واليومَ عُدتُ فأينَ هُم أحبابُنا؟
مَن منهُم بعدَ السّبا يَلقاني
6_ أينَ الحُسينُ وَمَن تَراهُ يَدُلُّني
أينَ الضَّريحُ أبتُّهُ أشجاني
7_أين الكفيلُ وهذه أخواتُهُ
جاءتهُ من ألمِ السياطِ تُعاني
8_ عبَّاسُ شُلوُكَ إن بقي في كربلا
فالرأسُ في دَربِ السّبا يَرعاني
9_ شَكوايَ يا ابنَ أبي المُتونُ تَبثُّها
فالسَّوطُ يا عبَّاسُ قد آذاني
10_ نارُ الشماتةِ والحبالُ وغُربتي
وفِراقُكم قد غيّرت ألواني
***
يحسين گوم وشوف زينب
جتك من أرض الشام تنحب
وتصيح وينه اللي تسلب
وينه الذي بدمه تخضّب
وبكربلا خدّه تترب
وبخيمة اخته اعداه تنهب
يحسين گوم أسأل اشبيّه
آنه اختك آنه الهاشميه
يابو علي اخذوني سبيه
ومجتفين بكيد إيديه
تتفرج الوادم عليّه
ضيم السبي يبن الزجيه
ناره تشب كلساع بيه
ياخويه جيناك بشجيه
اعله الطشت ماتت رقيه
عالراس وافتهه المنيه
يحسين هاي اختك اجتكم
صار أربعين مفارگتكم
گوموا يخويه تلگوا اختكم
انطوهه العذر لو عاتبتكم
انته وأبو فاضل نختكم
سلبونه ناس الذبحتكم
يحسين ردّيت بيتاماك
مشتهيه اشبع بجي وانعاك
عاري وفوگ الترب عفناك
واساع حدر الكاع نلگاك
مراثي الأطهار عليهم السلام
قصائد مقدمة المجلس
#رقم_138
#مصيبة_الأربعين
الشاعر علي عسيلي العاملي
1_ لَسْتُ أنسى زينباً في الأربعينْ
عنْـدما أهْوتْ على قبْرِ الحُسينْ
قُمْ أخي واستقْبِلِ الركْبَ الحزينْ
واسمَعِ الشَّكْوى مِنَ القلْبِ الوجيعْ
2_ بالأسى عُدنا مِنَ الأَسْرِ الطَّويلْ
وابْنُ سُفْيانَ شفى مِنَّا الغلِيلْ
كلُّ ما أحْكـــيهِ عَنْ رُزْئي قليلْ!
فانْظُرِ الوجْهَ تَرَ الحالَ الفجِيْعْ
3_ وإذا بالصَّوْتِ مِنْ تَحْتِ التُّرابْ
أَنْتِ حقّاً زيْنــبٌ "أمُّ الحِجابْ"؟
لا..أخي لا..إنني "أمُّ المُصابْ"
عَنْ مُصابي فاسْألِ الرّأْسَ القطيعْ
4_ عُدْتُ في زَنْدي مِنَ القيْدِ جِراحْ
وعلى مَتْنِي مِنَ السَّوْطِ وِشَاحْ
كلُّ صوْتٍ صارَ في أذني نياحْ
آهِ مِنْ كوفانَ والسِّجنِ المُريعْ
5_ أنتَ أمِّي وَأَبِي أنتَ الحَبِيبْ
كَيْفَ أنسى الشامَ والرأس الخضيبْ!
فَبِها الأسنانُ آذاها القضيبْ
ويتاماكَ ترى الفِعْلَ الشَّنِيعْ!
6_ كلُّ قَبْرٍ عِنْدَهُ يعْلو انْتِحابْ
وَهُنَا ليلى نعَتْ وَرْدَ الشَّبَابْ
يا بنَ أمِّي أحْرقتْ قلبي الربابْ
سألتْ عَنْ حُفْرةِ الطِّفْلِ الرضيعْ!
****
الشعر الدارج لبعض الشعراء :
يگلولي اعله صدر حسين نايم يا بعد عمري
ابيّك رضرضوا صدره تعال اغفه على صدري
يبني يعبد الله يغالي
برباك ساهرت الليالي
يلجنت بالظلمه تلالي
عگبگ بگت وحشه الليالي
وردتگ عليَّ عين والي
اديرن عن يميني وعن شمالي
اهز بالمهد والمهد خالي
مآتــم للحــزن ننصب ونبني
فجعنه حرمله ابسهمه ونبنبي
الطفل عاده يفطمونه ونبني
انفطم ويلاه بسهام المنيه
مراثي الأطهار عليهم السلام
ما لي اذا أبصرتُ زحفَ قوافلٍ
بصوت الخطيب الشيخ حامد الحسّاني
زُر قبرَ سبطِ الهاشمي الهادي
بصوت الخطيب الشيخ حسام المسافره
على طور مرتضا حرب
ذبوا عمايمهم
●●●●●●●●
جيت المكابرهم
اكظي عزيتهم
شهرين طولها عليه الغيبه
بلكبر نام حسين راعي الهيبه
اوتنحب اخيتهم
جيت المكابرهم
●●●●●●●●
من الشام جيتك خويه جبت اعيالك
ويايه جبتها وجيت هاي اطفالك
ياريتني ميته يخويه ابدالك
والنوم يامظلوم اظن يحلالك
نخيته على بخته
خيشوف حال اخته
مشتاكه من اليسر اورجعتلهم
اسوت عداهم بيه انه اكلهم
ميتين خلتهم
اكظي عزيتهم
●●●●●●●●
اكعد يوالي اوشوف حال اسكينه
طر الكبر ياخويه شوف اشبينه
انهض يبوا اليمه واحن اعلينه
بلهظم يا وسفه الولي امخلينه
انهض يبوا الغيرة
اختك ترى بحيرة
على الكبر ظلت بس تجر حسرتها
واسكينه تتنحب لمن شافتها
عافوا ابنيتهم
اكظي عزيتهم
جيت المكابرهم
●●●●●●●●
الكبرك اجن يحسين متعنياتك
كوم اوتلكاهن هله ابخياتك
ينوحن عليك اويبجن ابنياتك
عليهن جبيرة صايرة خلاتك
انهض تلكاهن
والظيم علاهن
ام الخدر زينب المسميني
وعينك ابد مافاركتها العيني
بلحومه عافتهم
اكظي عزيتهم
●●●●●●●●
يم كبر اخوها الحرم كلها التمت
وعلى الوجه تنحب الحرة اونحبت
اكعد تلكاهن يوالي صاحت
وين الكفيل البطل يلحك حشمت
على المشرعه نايم
اه ياكمر هاشم
عكبك يكافل ظاعن امخدراتك
الحك يبوا الغيرة عليها اخواتك
طولت سفرتهم
اكظي عزيتهم
●●●●●●●●
لشاعرة اهل البيت ام عمار الصائغ الفاتحه الى روح ابنتي وامواتكم
نعي للاربعين#
كلمات✍//خادمة يعسوب الدين ام ذو الفقار إلمانيا [اسراء اللامي]
❀❥❃❥❀━┅┄ ┈┉━❀❥❃❥❀
وصلنه لمكبرة وذولاك اهلنه
على گبوركم ياخوي طحنه
نصيح بصوت اه يهل المحنه
❀❥❃❥❀━┅┄ ┈┉━❀❥❃❥❀
للمكبره هاليوم اجينه
تعبانين وامتربه عبيينه
وين اليجي ويمسح بچينه
❀❥❃❥❀━┅┄ ┈┉━❀❥❃❥❀
كعديت يم کبرك واونن
گلولي يخويه وين اروحن
وببيوتكم ماريد اظلن
❀❥❃❥❀━┅┄ ┈┉━❀❥❃❥❀
المن ضاله بيتك يوالي
وراح اليگل للولد خالي
اليوم اربعينك شوف حالي
❀❥❃❥❀━┅┄ ┈┉━❀❥❃❥❀
هاليوم اربعينك گوم وياي
ونرد لبيتنه وتسكت ابچاي
من فرگاك ولله امهدهده اعضاي
❀❥❃❥❀━┅┄ ┈┉━❀❥❃❥❀
صار اربعين وجيت ازورك
مشتاگه يخويه لذاك طولك
يخويه دگلي شوكت نومك
❀❥❃❥❀━┅┄ ┈┉━❀❥❃❥❀
نوم المگبره يغير ارسومك
من اشتاگ اركض عالهدومك
وماينحمل ياخويه يومك
❀❥❃❥❀━┅┄ ┈┉━❀❥❃❥❀
شمحله الاخو لو مربخيته
ولو عالوا عليها حشمته
محله الاخو ومحله فزعته
❀❥❃❥❀━┅┄ ┈┉━❀❥❃❥❀
هيبه الولي وللعوزه ردناه
لوعالوا علينه احنه كصدناه
شال الحنين ووين نلگاه
❀❥❃❥❀━┅┄ ┈┉━❀❥❃❥❀
ضعينه الحنين اليمر بينه
بعد للبيت چامنهو يجينه
حنين ويطيب يسئل علينه
❀❥❃❥❀━┅┄ ┈┉━❀❥❃❥❀
❀❥❃❥❀━┅┄ ┈┉━❀❥❃❥❀
تمت بعون الله وتوفيقه🧿✍
غير مبري الذمه من يحذف الأسم ويغير في الكلمات أو ينسبه الكلام لغير شاعرة مشكول الذمه
🕊🌟اهدي عملي هذا الى صاحب العصر والزمان عجل الله فرجه صدقه جاريه لسلامته🕊🌟
على السلطان..بچى القرآن
آه يالرضا .. آه يالرضا
•••☆☆☆•••☆☆☆•••
تنوح الشيعه حزنانه على الوالي
صفت ظلمه برحيلك يااعز غالي
يخيمتنه لجلك هالدمع هالي
شمس انت تغيب وهم تظل عالي
الدهر خوان ..... يجيب احزان
مات الضوى آه يالرضا ...... آه يالرضا
•••☆☆☆•••☆☆☆•••
لجل دينك عشت ضيم الوطن غربه
يا نور الحقيقه التايه اتگربه
بيكم آدم اتوسل ندب ربه
بعلي وطه التوسل ينغفر ذنبه
ولي الرحمن ..... على الاديان
ليك النوى آه يالرضا ...آه يالرضا
•••☆☆☆•••☆☆☆•••
قرآن الله انته وخالقك معصوم
العدل كله نعرف منك خبر معلوم
كفر بالله الجهل دينه بهذاك اليوم
يسمك ياشمس ضاوي على هالكوم
على هالكون ..... الك ممنون
ينعى الفضا آه يالرضا ...... آه يالرضا
•••☆☆☆•••☆☆☆•••
ينعى الباقر وهاجر بالف حسره
على عوده انكسر گلبه صعب كسره
ينوح وياه كون الله بعضم أسره
بفگدك سيدي الدين انهدم جسره
ينوح الدين ..... على الطيبين
وگلبه انچوى آه يالرضا ...آه يالرضا
•••☆☆☆•••☆☆☆•••
ينوح الدين كله بلوعة احزانه
يريد الچان عليه عيونه سهرانه
الفجر أظلم تغير كله عنوانه
على المعصوم بحسن يقراله قرآنه
بچى الحيطان ..... على الوجدان
منه هوى آه يالرضا ...... آه يالرضا
كلمات
الملا احمد السالمي
•••☆☆☆•••☆☆☆•••
#جديدحصريآ
قصيدة للأمام الرضا حال الزهراء { يالزهره }
يالزهره / اليوم المن تونيـن
ونتچ علرضا لو لبنچ حسين
•───✧◐◐✧───•
بعدچ بالمصيبة ومانشف دمعچ
لمصايب الطف الشيبن كلبچ
وانتي معلعله من الكسر ضلعچ
{ ماتشفي جروحچ / مفتوحه }
•───✧◐◐✧───•
الله يساعدچ يوميه منكوبـه
اليوم اعله الرضالدمعات مسچوبه
للميت غريب وبعدت دروبـه
{ يوميه بواحد / مصيوبه }
•───✧◐◐✧───•
اليوم اعله الرضا مريتي عصريه
شفتي مصيبة الصارت يعلويه
تعنيتي اله بدمعات مجريـه
{ يلزهره الطوس / تعنيتي }
•───✧◐◐✧───•
چم ونـه على المسموم ونيتي
وياهو الكابلچ بمصابه ونعيتي
هم صحتي يزينب لمن بچيتي
{ تتكابل يمچ / ردتيها }
•───✧◐◐✧───•
وتتجدد تعازييچ على الساده
السم والقتل صار عليچ كالعاده
كلها تهون بس الما أله وساده
{ مرضوض وضل / محد شاله }
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف براء الذمه من القصيدة
قصيدة إلى زينب وعودتها الى كربلاء
ردت لاهلها بالحزن وتنادي
مهظومه زينبكم يجدي الهادي
وين الوالي ويتلكاها
*-----------*------------*------------*
هاي العزيزه الطاهره بت حيدر
مهظومه مابين العدا وتتفكر
يال العجب بت فاطمه تتاسر
وتروح اسيره بين أدين العادي
والامه تكيد بت طه
*------------*------------*--------------*
كومو يهلها بالدمع واسوها
متكبعه بالهم والحزن تلكوها
زينب عزيزه بياوصع عفتوها
وليه ولووها وين اخوي تنادي
يالكافل كوم اتلكاها
*--------------*-------------*--------------*
ثوره على اعروش الظلم شنوها
والامه بالحق ترتقي رادوها
ال النبي بفيض الدما علوها
راية وفى وترفرف بكل وادي
والناس اعلى الحق دلاها
*--------------*-------------*--------------*
شجايه اجتكم يالاهل شجايه
تعتب على ذاك الفرات ومايه
الكافلها خويه هالاجتك هايه
كوم اعدل المحمل قهرني الحادي
زينب ياخويه اتولاها
*--------------*---------------*--------------*
ردت واجت تشكي الهظم والالام
متغيره من ظيم اليسر والظلام
مو هيه شو شمسويه بيها الأيام
ياظلم بت فاطم عليها اشسادي
زينب ماضلو ولياها
*------------*------------*--------------*
محمد دعبل النوري
قصيدة للاربعين {ليل اهدعش}كأني بمولاتي زينب عندما وصلت الئ كربلاء قالت ....
اهنا حرت ليل اهدعش المن اروح
اهنا تعبت وانه اعدن بالجروح
اهنا شفت جف الكمر ** اهنا خذه حيلي النحر
اهنا تعبت وانه اعدن بالجروح
❥❥❥❥ـــــــــــــ❁❁ـــــــــــــ❥❥❥
اهنا شفت اعظم انواع من المصايب
آخ منها الدنيا راوتني العجايب
نام ابو فاضل واخيه اعله الترايب
رحت اعد بجروحهم والگلب ذايب
عشت انواع الحزن ** شيب الراس الزمن
اهنا تعبت وانه اعدن بالجروح
❥❥❥❥ـــــــــــــ❁❁ـــــــــــــ❥❥❥
شيب الراس الزمن من يوم الطفوف
چي شفت عالنهر طاحن منه الجفوف
ياهظيمه ايعوفني المخوف الخوف
جانت امنيتي فجر عاشور ماشوف
چان ماشفت الذبح ** ولاشفت راسه برمح
اهنا تعبت وانه اعدن بالجروح
❥❥❥❥ـــــــــــــ❁❁ـــــــــــــ❥❥❥
كلشي عشته بكربله مني اخذ حيل
بعيني شفت اهنا تسحگ صدره الخيل
اهنا صحت وينك يضي عيني يالكفيل
لا تخليني وحيده الحگلي ادخيل
مافزع ليه الحنين ** وحيل ماخله الونين
اهنا تعبت وانه اعدن بالجروح
❥❥❥❥ـــــــــــــ❁❁ـــــــــــــ❥❥❥
اهنا صحت چم مره روحي ماتموتين
ناموا اعله الگاع عافوچ العزيزين
اميسره من دونهم للشام تمشين
والخوان اعليچ لو رحتي بعيدين
تالي رحت اميسره ** وهسه جيت لمكبره
اهنا تعبت وانه اعدن بالجروح
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
وي زينب اومشاية...نكصد لربعين .
.حسين.
وي زينب اومشايه.
&&&&&&&&****&&&&&&&
جينه لكربله هاليوم.
جينه وبكلب ملجوم.
انواسي الحرة عالمضلوم.
واترف عالية الرايه..نكصد لربعين.
.حسين.
وي زينب او مشاية.
&&&&&&&&&&&&&&&&&
جينة انواسي احنه ام عون.
حسين مصابة بجه الكون.
وجده المصطفى يدرون.
راسة اعله المسناية..نكصد لربعين.
. حسين.
وي زينب اومشاية.
&&&&&&&&&&&&&&&&&
وية الحرة ها يولاد.
مشاية لبو السجاد.
نلعن شمر وابن ازياد.
ذبحو منحر الأية..نكصد لربعين.
. حسين.
وي زينب اومشاية.
&&&&&&&&&&&&&&&&&&
ناس اليوم تتبع ناس.
جينه اورافعين الراس.
لجل حسين والعباس.
جبنه العلكمي اوماية..نكصد لربعين.
. حسين.
. وي زينب اومشاية.
&&&&&&&&&&&&&&&&
زينب ردت من الشام .
شكد عدهه حزن والام.
لخوتهه الكلب محتام.
اتلكوها يوفاية...نكصد لربعين.
.حسين .
.وي زينب اوفاية.
&&&&&&&&&&&&&&
::: لخادم زوار الحسين:::
""" الشاعر"""
؛؛؛ ابوعبدالله الشمري؛؛؛
من بعد محنتها وجور سباها
بصوت الخطيب الشيخ رياض الطليباوي
قصائد مقدمة المجلس
#رقم_239
#مصيبة_الأربعين
الخطيب الشيخ سمير الصالحي
1_ مِن بَعدِ مِحنَتِها وجَورِ سِباها
عادَت بأيتامٍ لها ونِساها
2_ رَجِعَت بيومِ الأربعينَ لكربلا
لِـتَبُثَ عندَ حُماتِها شَكواها
3_ وتزورَ إخوَتَها بُعَيَدَ فراقِهِم
وهُـمُ ضحايا عُفِّـروا بثراها
4_ يا حُرقةً في قلبِ زينبَ حينَما
جالَت هناكَ بِبالِها ذِكراها
5_ حيثُ الحُسينُ تَوَزَعّت أشلاؤُهُ
ولقدَ رأتهُ وحالُـهُ أشجاها
6_ من فوقِ ناقَتِها هَوَت مفجوعةً
تنعىٰ علىٰ القبرِ الشريفِ أخاها
7_ وبِـتُربهِ كانت تُمَـرِّغُ وجهَها
أحسينُ نادَت والأسىٰ بِـنِداها
8_ ملهوفةً قد جئتُ عندَكَ يا أخي
ذي نارُ فقدِكَ أكتوي بِـلظاها
9_ أفَهل عَلِـمتَ بأنَ أُختَكَ رُوِّعَت !
والشمرُ بعدَ كفيلِها يرعاها؟
10_ حتىٰ مَضَت نحوَ الشريعةِ عَلّها
تُلقي العتابَ وهضمَها لِـحِماها
11_ عبّاسُ ليتَكَ حاضرٌ في مِحنَتي
بِنتُ الأكآبرِ والطليقُ يراها
12_ عُذرًا لقسوةِ مَنطقي فمَصائبي
ما لا تُطاقُ وكيفَ لي أنساها؟
*
آنه العقيله وجيت هليوم
للغاضريه واشچي الهموم
من عصر عاشر گلبي ملچوم
أبچي واسيل دموع بدموم
يحسين ما تگعد يمظلوم
وتشوف حالي وحال چلثوم
وانت يبو فاضل يجيدوم
چنه حلِالك بالفله النوم
ياخويه ردنه للوطن گوم
مراثي الأطهار عليهم السلام
عادت لأرضِ الطف زينبُ باكيه
بصوت الخطيب الشيخ حسام المسافره
سجادُ يا بنَ الطيبينَ وزينةَ الـ
بصوت الخطيب الشيخ باقر الدراجي
لستُ أنسى زينياً في الأربعين
بصوت الخطيب الشيخ باقر الدراجي
ما لي اذا أبصرتُ زحفَ قوافلٍ
بصوت الخطيب الشيخ باقر الدراجي
قصائد مقدمة المجلس
#رقم_137
#مصيبة_الأربعين
السيد عدنان الموسوي
1_ مَا لي إذا أبصَرتُ زَحفَ قَوافلٍ
للطفِّ يُغشي القَلبَ هَمٌ مُفجِعُ
2_ جَاءُوا بِشوقٍ يُعلنونَ وِلاءَهم
والمِسكُ من صِدقِ الوِلا يَتَضوَّعُ
3_ ما بينَ باكٍ فاضَ مِحجَرُ عينهِ
وَشجيِّ صَوتٍ للمَسَامِعِ يَقرَعُ
4_ قَد هالَهُم رُزءُ الحُسينِ ورأسُهُ
بسيوفِ شرِّ الخَلقِ عَدواً يُقطَعُ
5_ والجِسمُ مِنهُ على الصَّعيدِ مُوزَّعٌ
والصَّدرُ تحتَ الصَّافناتِ يُبضَّعُ
6_ ويُهيجُهم سَبيُ العقيلةِ زينبٍ
وأذى اليتامى والدموعُّ الهُمَّعُ
7_ وإمامُهم زينُ العبادِ أضرَّهُ
ظلمٌ وأسرٌ ثمَّ قيدٌ مُوجِعُ
8_ مُتَذَكِّرينَ وُصولَهُ أرضَ الإبا
وفــؤادُهُ من لوعــةٍ يتوجَّعُ
9_ وَمَجيءَ زَينبَ يَومَ صبَّت دَمعَها
وَنِداؤها صُمَّ الصِّخــورِ يُصَدِّعُ
10_ يا ساكنينَ بكربلا قد جِئتُكم
أشكو السِّبا وفراقَكم أتجرَّعُ
11_ قُومُوا فَبَينَ القَومِ سِرنا والعِدى
لنسائِكم طولَ المسيرِ تُرَوِّعُ
12_ وَهَوَت على قَبرِ الحُسينِ تَشُمُّهُ
وسَقَت تُرابَ الطفِّ منها الأدمُعُ
****
الشعر الدارج للخطيب الشيخ سمير الصالحي :
من درب اليسر بالشام اجيتك يا ضوه عيني
فارگتك غصب عني أشم تربتك خليني
يم گبرك لفيت اليوم أنوح وأهمل الدمعه
رباب الي تون وياي وسكنه ويه الحرم تنعه
احجي اشكثر عندي هموم وحجيي كونك تسمعه
مصايب شفنه من بعدك
أولهن ألم فگدك
مهضومه وحگ جدك
خليني أسولفلك نار بصدري توچيني
عگب طيحتك مشَونه سبايا وناگتي عجفه
جتفونه العده بحبال وتدريها يخَي كلفه
يسبون الوصي حيدر وامي الزهره يا وسفه
شمر وزجر ويه سنان
آ يشماتت العدوان
صحت وينك گمر عدنان
عگب عباس أبوالغيره
جتاله اليباريني
وهذا اليوم كل الروس جبتها وكون ازورنكم
من عاشر شهر عاشور ولهانه اعله شوفتكم
أدري باربعينك صار لنصب ماتمي يمكم
رمله تصيح يا بلواي
وتبجي ليله وي بجاي
وام جلثوم تنعى وياي
لحد ما ينگطع وني ويمكم تخلص سنيني
مراثي الأطهار عليهم السلام
آه حسين خويه حسين
دليني أعله كبرك وين
أجيتك والدمــع بالعين
آه يحسين يا خويه
........................................
أمن الشام يحسين يبن أمي أجيتك
أتمنيت لــــــــو جان واكف لكيتك
أشلونك وشصار من فاركيتك
أجيتك خويه من الشام أمشي أهلال محنيه
يمكن لـــــــو شفتني تكول زينب هاي موهيه
خويه الشام آه الشام لــــــــو تدري شعمل بيه
من غرب ضعنه وشال
بلا والــــــي ولا جمًال
مجتوفه وتجرهـا أحبال
آه يحسين يا خويه
.............................................
بيا حال ضليت من روعونــــــي
بـــــــــلا راس عفتك لمن سبوني
شالوك دفنوك من يسرونــــــــــي
عفتك من رحت يحسين ذاري وعالرمل جسمك
لا بيه وأشيلك كون لا بيه وأجـــــــــــــــي يمك
ولا سالم وأدفنك جان ولا واحد يجـــــــي أيلمك
راسك من مشيت أوياي
جبته ومــــا جبتلك ماي
طول الدرب جان أفياي
آه يحسين يا خويه
........................................................
من وين أبدي قصة يسرنـــــــــــه
حفاي للشام يبن أمــــــــــي رحنه
الما جان عالبال بالخربه نمنـــــــه
أبنياتك يماي العيــــــــــــــن نامن عالترب كلهن
ألا البيها روحك جان تغرب كـــــــــل مسه منهن
أدورها بثناية الليـــــــــــــل وأرد الغبشه أحسبهن
شما ضاعت أحشم الناس
وأعكد رايــــــــة العباس
أجي وألكاها فوك الراس
آه يحسين يا خويه
....................................................
أمن السوك للسوك يبن أمي يحسين
بحجار للناس صرنـــــــــــه نياشين
ميته مـــن كــــــون ولاطب دِواوين
طبينه ويخويه الناس تشتمنه وتسب بينــــــه
وتتكاطف علينه أحجارمن كل صوب رامينه
صابوا جبهتك يحسين ومـــــا واحد فزع لينه
وأباب الساعه تاليهــا
دف وأطبول أهاليهــا
شجاها الناس وأشبيها
آه يحسين يا خويه
......................................................
ونيت ناديت وأصفك بديـــــــه
عالراح بالراح كوم الحك عليه
أمن أيدي يحسين ضاعت رقيه
دخلنه للقصر خويه وراسك بالطشت جابه
وكله عالجسد وينه كله أمسلبه أثيابـــــــــه
ونيت وصحت يحسين آه يحسين وأمصابه
ورقيه ركضت أتشمك
وكعدت تمسح أبدمـــك
لحد كطع النفس يمـــك
آه يحسين يا خويه
................................................
خادم خدمة الحسين
الشاعر
محمد الموالي
يالرايحين الكربلا أعلى حسين سلمولي
زوار من عدكم اريدن خطوه تهدولي
أعلى حسين سلمولي
حسين حسين حسين حسين
يالمشيت الكربله اخذ الوصيه
هالوصيه من تطب الغاضريه
بيها زينب بيها هم دمعة رقيه
والتراجي بيها تحجي هالقضيه
يالرايحين الكربلا اعله احسين سلمولي
زوار من عدكم اريدن خطوه تهدولي
أعلى حسين سلمولي
حسين حسين حسين حسين
&&&&&&&&&&&&&&
ياللي قاصد كربلا احمل دموعي
كله نار الشوق تجويها ضلوعي
وماكو غيره حسين هوه يهدي روعي
كله احلفك بالضلع ارحم هجوعي
يالرايحين الكربلا اعله احسين سلمولي
زوار من عدكم اريدن خطوه تهدولي
أعلى حسين سلمولي
&&&&&&&&&&&&&&
يالمشيت الكربلا وناوي الزياره
ومن تصد بعينك لذيج المناره
سلم على الوالي بدموع الحيارى
ياحسين وكل محب ينطر اشاره
يالرايحين الكربلا اعله احسين سلمولي
زوار من عدكم اريدن خطوه تهدولي
حسين حسين حسين حسين
&&&&&&&&&&&&&&&&
يالمشيت الكربلا لحضرة امامي
وصل احسين اشتياقي وكل هيامي
و لضريحك انتظر توصل احلامي
بيها اختم عمري انه واختم ايامي
يالرايحين الكربلا اعله احسين سلمولي
زوار من عدكم اريدن خطوه تهدولي
&&&&&&&&&&&&&&&&
ياللي قاصد كربله وبهذي الايام
انحني ابابه يزاير طأطأ الهام
ولا تذكّره للغريب بحرك الخيام
تهيجه بذكر العقيله ودخلة الشام
يالرايحين الكربلا اعله احسين سلمولي
زوار من عدكم اريدن خطوه تهدولي
تمت بعون الله
خادمة الزهراء/ ليلى زغيب