7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
*مجالس خدمة العبرة المقدسة* 🩸
*مأتم أبا الفضل العباس عليه السلام*
المقدمة
صلے الله عليك يـا أبـا عبدالله³
اَلسَّلامُ عَلَيْكَ يا أَبَا الْفَضْلِ الْعَبّاسَ ابْنَ أَميرِ الْمُؤْمِنينَ، المواسي أخاه بنفسه، الآخذ لغده من أمسه، الفادي له، الواقي الساعي إليه بمائه، المقطوعة يداه ~
السَّلَامُ عَلَى قطيع الكفين
السَّلَامُ عَلَى ابن ام البنين
السَّلَامُ عَلَى قمر العشيرة ونافذ البصيرة ابي الفضل ع لعن الله الظالمين لكم يا ليتنا كنا معكم فنفوز فوزا عظيما ~
القصيدة¹
لسانُ حال العباس عليه السلام بعد أن فقد ماء القُربة
قف يا جوادُ هُنا إلامَ تسيرُ
لم يبقَ من ماءِ السِّقاءِ قليلُ
لا لن أعودَ وقد عَجِزْتُ عنِ السِّقا
فلِمَ الحياةُ إذا الحُسينُ غليلُ
ما لي زنودٌ كي أَذُبَّ عنِ الخِبا
ولزينبٍ بيدَيَّ كيفَ أشيلُ
أم كيفَ أَحملُ رايتي أُبدي بها
عند الحُسينِ تَخضُّعي وأُطيلُ
أم كيفَ أَأْخُذُ من ثرى أقدامِهِ
لأُعفِّرَ الوجناتِ ثُمَّ أُهيلُ
أم كيف أَلقى الظامئينَ وقد رَجَوا
ماءَ السِّقاءِ وما لذاكَ بديلُ
دعني هنا أَلقى السهامَ ولا أرى
تلكَ العيونَ الغائراتِ تَسيلُ
فأصابَ سهمٌ عينَهُ اليُمنى وما
في الزّندِ كفٌ للسهامِ يُزيلُ
والعينُ يُؤلمُها القذى مُتمَلمِلاً
ولكي يُزيلَ السهمَ راحَ يَميلُ
سقطَتْ عِمامتُهُ وبُيِّنَ رأسُهُ
وإذا بعامودٍ عليهِ يَهيلُ
فهوى بلا الكفّينِ يرطِمُ وجهَهُ
ومُنادياً رُزءُ الحُسينِ جَليلُ
عُذراً أيا أولادَ فاطمةٍ فقد
قُطِعَتْ يَديَّ فمن لذاكَ مُقيلُ
د الشاعر محمد الدغلي
[عذرا أيا أماه يا زهراء ها انا قد قدمت للحسين ع كفوفي وعيني وواسيته بمهجتي عسى أن تقبلي مني خدمتي ومهجتي… ]
[فهوى فوق الرمال مناديا
روحي فداك أيا حسين قليل
فلقد أتت أمي البتولة فاطمة
والبشرى أني بالجنان كفيل
تمسح جروحي والسهام تنزع
ولها الأنين في الطفوف طويل ]
خادمة آل محمد✍🏻
يا زهراء عظم الله لك الاجر بالعباس قطيع الكفين الذي هوى من عليائه ينادي اخي يا حسين والجواب ياتيه من فاطمة ولدي عباس~
واعباساه (يلا ساعد الزهراء وقد دوّت صيحتها في السماء ولدي عباس… ولدي عباس~)
(يلا تهيأ للمصيبة قبل ان ترتقي روح العباس الى الرفيق الأعلى كأني بالزهراء حضرت عنده وكيف لا تحضر واهل البيت ع يحضرون عند موت كل موالي فكيف بالعباس آه )
وكأني بالحسين لما جاء الى مصرع العباس ع وجد امه فاطمة حاضرة عنده ~يگلها
من ارض المدينه يمه شو اجيتي~~~
يم گمر هاشم ٱحْضَرتي وبچيتي~~~
من طاحن چفوفه ظهرچ ٱحنيتي~~~
وشاب راسچ يا يمه بهالمصاب~~~
--------------------
راسي يا يمه شاب گبل راسك~~~
وظهري انكسر يمه ويّا عباسك~~~
وگطعة چفوفه تگطّع احساسك~~~
وسهم لـ بعينه خل راسي شاب~~~
------------------
*جواب الزهراء ع تگله~*
بدم ابو فاضل وگطعة الچفين~~~
بالمحشر اطالب يا ضيا العين~~~
بيا ذنب گطعوهن من الزندين~~~
وطاحن عالمسنايه فوق لتراب~~~
خادمة آل محمد✍🏻
نعم الزهراء ع ستطالب بكفوف العباس في المحشر وكأني بها قبلت كفوفه والحسين ع قد قبل كفوف الاخوة والوفاء وهو ينادي واعباساه~~`وتجيبه الزهراء بانينها وحنينها
❈❈❈❈❈❈❈❈
لحن الخضيب•♪
أكعد يبو لاكبر نِوِن ونقبّل الچفين
نشيل السهام من الصدر وننزع سهم هالعين
نمسح عن جبينه الدمه والطبره والزندين
نضمد جروحه بالعجل ونعاين العباس
يابو فاضل ~³ آه
❈❈❈❈❈❈❈❈
بحجره يحط راسه الحسين ومحنيّه منّه ضلوع
ينادي بأمان الله طحت ومنّه الگلب موجوع
انفاسه طلعت بالعجل وهل الحسين دموع
نادى كفيل العايله يا خويه يا عباس
يابو فاضل ~³ آه
❈❈❈❈❈❈❈❈
خادمة آل محمد ✍🏻
❈❈❈❈❈❈❈❈
المحاضرة
*اليقـــين*
✾•{بِسْمِ اللَّهِ الرَّحْمَنِ الرَّحِيمِ}•✾
{… ﴿كَلاَ لَوْ تَعْلَمُونَ عِلْمَ الْيَقِينِ*لَتَرَوُنَّ الْجَحِيمَ*ثُمَّ لَتَرَوُنَّهَا عَيْنَ الْيَقِينِ﴾ 6 ﴿إِنَّ هَذَا لَهُوَ حَقُّ الْيَقِينِ﴾7. سورة التكاثر
*مراتب اليقين*
ان اليقين عدة مراتب :
المرتبة الأولى: علم اليقين.
المرتبة الثانية: عين اليقين.
المرتبة الثالثة: حقّ اليقين.
وكمثال لتوضيح الفرق بين هذه المراتب نقول: لو رأينا دخاناً يتصاعد يحصل لنا اليقين بوجود النار. وعين اليقين: يحصل عند رؤية النار نفسها، وحقّ اليقين: يحصل عند الاحتراق بتلك النار.
عن الامام علي عليه السلام: "اليقين عماد الدِّين"ميزان الحكمة ٧٧٤ ج١٠
*أهميّة اليقين وثمراته
الأحاديث كثيرة في أهميّة اليقين وثمراته، نذكر بعضها:
1ـ رأس الدِّين وعماده: وعن الإمام عليّ عليه السلام: "اليقين رأس الدِّين" ميزان الحكمة ج١٠ ٧٧٤ص
2ـ قوّة العمل: قال لقمان لابنه: "يا بُنيّ، العمل لا يُستطاع إلّا باليقين، ومن يضعف يقينه يضعُف عمله"
3ـ شرط العبادة:عن رسول الله صلى : "لا عمل إلّا بنيّة، ولا عبادة إلّا باليقين"ميزان. الحكمة ج ١٠ ص٧٧٦
*حضور الزهراء ع عند مصرع العباس ع*
*الزهراء تنظر للسهام التي اصابت العباس ع ~الله الله يا سهم شسويت بقلب فاطمة وكم سهم افجع قلب مولاتنا الزهراء ع*)
طور الانين العاملي~ او حدي
اسمع اسمع انين الزهراء عند مصرع العباس ع
*يابا الفضل يا ابا الفضل~²*
--------------------
تكله يا عباس الگمر
ذاك السهم صاب الدليل
(اصابني بقلبي يا ولدي)
ساعة وطحت يم النهر
حْضَرتك يابن حامي الدخيل
ياوليدي والگلب انفطر
وانظر لحالك يالكفيل
سهم لْنبت وسط البصر
بوسط الضلوع تارك أثر
يابا الفضل يا ابا الفضل~²
--------------------
*الزهراء جلست عند مصرع العباس تندبه وتأنّ أنينا~*
منهو الّي گطّع هالچفوف
فْجعها بمصابك فاطمه
سهام الي تنبت بالصدر
بگلبي جروح تألّمه
والضربة كنها بهامتك
ضربة علي حامي الحمه
فتح عيونك صدّلي
عباسي يا أغلى گمر
------------------
*جواب العباس~*
ٱعذرني يازهره البتول
مقصّر انا في هالعهد
نحري فديته للرسول
وچفوفي أقدمهن بعد
كن اسمع لزينب تقول
وين الكفيل وين الوعد
تذرف مدامعها هطول
من تمشي مسبيه بأسر
-------------------
بعيني بعد لا ما اشوف
وعيني الي طفّاها سهم
سهم لحجب نار الطفوف
انظرها محروقة الخيم
بس سمعت صوت الصراخ
تناديني زينب والحرم
تگلي كفيلي وين اروح
يضربني بسياط الشمر
خادمة آل محمد✍🏻
زينب زينب زينب ~
*واعباساه~*
لحن أمانة هالوصيه~
يا نايم عالشريعه~
وچفّينه گطيعه~
يا حامي للظعينه
منهو للوديعه~
راح عباس عباس عباس
راح عباس عباس عباس
-------------------
انكسر ظهر الإمامه
يا رايح بالسلامه
انهدم حيلي يخويه
وطاحت هالعمامه
راس مطبور مطبور مطبور
ظهر مكسور مكسور مكسور
خادمة آل محمد✍🏻
وداعة الله… يابو فاضل ودعتني
وداعة الله… بلحظة خويه فارگيتك
وداعة الله… للمحن وحدي عفتني
آيخويه… منهو بعدك للحرم
آيخويه… گوم واحرس هالخيم
آيخويه… فجع گلبي هالسهم
أي سهم ابا عبدالله السهام التي اصابت العباس في صدره ام السهم الذي اطفأ عينه وايلاه
يگله يخويه هالسهم صوب بگلب حسين
جارح دليلي بالألم
وگلبي انفطر نصين
سهم الحقد گلبي فجع
طفّاها من عين
وبطيحتك ظهري انكسر
وحيلي انهدم عباس
يابو فاضل~ ³آه~
---------------------
جواب العباس ع~
عيني الي طفاها السهم ما تنظر الايتام
ساعة وتفر من الخيم وتضربها هالظلاّم
ما انظر لحال الحرم
من تنسبي للشام
ما اشوفن سياط الشمر تألّم متن زينب
آيخويه آيخويه آيخويه آه~
-------------------------
خادمة آل محمد✍🏻
#عاشوراء
وداع العباس لزينب
محمد باقر أحمد جابر
عَبَّاسُ ، وَدَّعَ زينبًا : أُخْتَاهُ
حَانَ الفِرَاقُ ، وَشَجْوُها أَبْكَاهُ
قَالَ: اصْبِرِي أُخْتَاهُ ، قَطَّعَ خَافِقِي
حَالُ الحُسَيْنِ مَتَى عَلَتْ شَكْوَاهُ
صَاحَتْ أَيَا عَبَّاسُ مَنْ يَحْمِي اليَتَامى؟
مَنْ لَهُمْ إِنْ رُوِّعوا أو تاهوا؟
أَنَا رَاحِلٌ ، يا لَبْوَةً مِنْ لَيْثِ
هاشِمَ ، حُرَّةً ، ما أقْعَدَتْها الآهُ!
نَظَرَتْ إليهِ ، كانَ أصلَبَ مِنْ جبالِ
الكَونِ، في قَلْبِ العِدَى سَيْفَاهُ
ثَأْرُ البَتُولِ ، وَصَرْخةُ عَلَوِيَّةٌ
ما كَانَ يُشْبِهُ حَيْدرًا إِلَّاهُ!
*
زَرَعَ الرُّؤوسَ على الرِّمَالِ وَكُلَّمَا
هَزَّ المُهَنَّدَ ، كُتِّمَتْ أَفْوَاهُ
الكُلُّ فَرَّ ، تَسَارَعَتْ خُطُوَاتُهُمْ
هَذا ابْنُ حَيْدَرَ، خَابَ مَنْ نَاوَاهُ
كَانوا نِعَاجًا ، كَانَ عُذْرُ أَشَدِّهِمْ
عَبَّاسُ هَذا ، ما لَهُ أَشْبَاهُ!
*
حَمَلُوا عَلَيْهِ ، وَكَانَ يَرْفَعُ إِصْبَعًا
فَتَخِرُّ مِنْ بَأْسِ الكَمِيِّ جِبَاهُ
وتُصَمُّ أَسْمَاعٌ لِرَعدَةِ سَيْفِهِ
وَبِرُعبِها رَاحَتْ تَضِجُّ شِفَاهُ
مَنْ فَرَّ مِنْ سَاحِ القِتَالِ يَمُوتُ مِنْ
رُعبٍ ، وإِلَّا حَتْفُهُ يَلْقَاهُ!
حَمَلوا عَلَيْهِ بِغَدرِهِمْ، وتَزَاحَمُوا
إِذْ رَاحَ يُغْمِدُ في العِدَى يُمْنَاهُ
قَطَعُوا لَهُ اليُمْنَى ، وَلَيْسَ يُضِيرُهُ
إِنْ أَنْزَلَ اليُمْنَى ، عَلَتْ يُسْرَاهُ
*
هَذَا الفَتَى رُوحُ البَسَالَةِ رُوحُهُ
كَرَّارُ حَربٍ ، جَلَّ مَنْ سَمَّاهُ
مَنْ قَالَ يُعْطِي رَايَةً ؟! حَاشَاهُ
لَيسَ بِتَارِكٍ إِنْ قُطِّعَتْ كَفَّاهُ
*
هَذَا هُوَ العَبَّاسُ ، كُلُّ بُطُولَةٍ
مِنْهُ ، ولَيْسَ يُحَاطُ في مَعْنَاهُ
هَذَا غِيَاثُ الله ، أَرْوَعُ مَاجِدٍ
يَأْبَى المَمَاتَ ، وَمَوْتُهُ يَأْبَاهُ
يَسْقِي قُلُوبَ العَاشِقِينَ مَهَابَةً
وَتُثِيرُ أَوْرِدَةَ الإِبَا ذِكْرَاهُ
قَمَرٌ ، تَعَمَّدَ في ضِيَاءِ مُحَمَّدٍ
بَدرٌ ، وفي حَلَكِ الدُّجَى تَيَّاهُ
يَبْني لِزَيْنَبَ كُلَّ حِصْنٍ ، فَهْوَ بابٌ
للحَوَائِجِ ، فَازَ مَنْ نَادَاهُ
أَعلَاهُ رَبُّ العَالمَيِنَ مَرَاتِبًا
مَا مَاتَ مَنْ صَلَّى عَلَيهِ الله!
***
...................
الشاعر محمد باقر أحمد جابر (العاملي)
#واعباساه
*ابا الفضل العباس وعطاشى كربلاء*
*مشهد تصويري حوار بين سكينة وطفلة من اطفال الحسين ع يوم عاشوراء يريدون بإسم الأطفال طلب الماء من ساقي العطاشى*
(حوار بين اطفال الحسين ع)
طفله تگلها گومي نروح ذايب چبدي ذاب حشاي
الظما فتت چبد الاطفال خلنا نروح للسقاي~
بكفّه خلّه يروينه هوّ الِّي يجيب الماي~
كافلنه النهر يگصد ويملا القربه للأطفال
〰️〰️〰️〰️〰️〰️
گامت بالعجل سكنه والاطفال وياها~
گصدت خيمة العباس والدمعه في عيناها
يا سور الحرم كفك كف الجود يملاها
اسقينه قطرة يا عباس والمدمع جرى همال
〰️〰️〰️〰️〰️〰️
سل سيفه بعجل عباس
ركب مهره وحمل جوده
بيمنه السيف من لاحه
والقربه على زنوده
والرايه ترف وياها
يوفّي الگمر بعهوده
بماي المشرعه مكتوب
ساقي الحرم والأطفال
خادمة آل محمد✍🏻
الامام الحسين ع عند مصرع العباس ع
لحن جاوبني يا علي~
اتعنه لمصرعه
شافه بموضعه
مطبور هامته
نايم عالمشرعه
مگطوعه يمنته
مگطوعه يسرته
شافه بلا چفوف
يجري له دمعته
گعد يم الگمر
كْسرت خويه الظهر
شاف بعينه سهم
وسهامه بالصدر
يبكي عبره الحسين
لجذب لاجله الونين
جاوبني يالگمر
يا ابن أم البنبن
فتّح عينه وصاح
خيّك من مهره طاح
ودعتك يالأخو
عضيدك يخويه راح
يگله راعي العلم
يعتذر من الحرم
خليني بهالمكان
ولا تردني للخيم
خادمة آل محمد✍🏻
مشهد تصويري الامام الحسين ع جلس عند مصرع العباس ع ودموعه على خديه يعاين حاله ويتحسّر على اخيه وكبش كتيبته الذي قال له :يا أخي أنت صاحب لوائي وإذا مضيت تفرق عسكري!
*لحن يا ناقتي~ للسيد علي حجازي~*
*نداء الحسين ع!!!*
أبا الفضل~ جاوبني لحظة يالگمر
أبا الفضل~ يالنايم بجنب النهر
أبا الفضل~ تدري انكسر مني الظهر
أبا الفضل~ اگعد يا شيّال العلم
أبا الفضل ~ تنتظرك هناك الحرم
أبا الفضل ~ خليني اشيله هالسهم
*جواب العباس!!!*
يگله حسين~ خليني جنب المشرعه
يگله حسين~ خلي اخوك بمصرعه
يگله حسين~ خلي السهم لا تشلعه
*ليش يا خويه ليش ابو فاضل اخاف السهم يألمك يا خوي خليني اشيله من عينك؟؟؟😭*
خلي السهم~ ولا عيني تنظر للخيم
خلي السهم~ مشهد يروّعني بألم
خلي السهم ~ بعيني ما انظر للحرم
أي مشهد يا عباس~؟
بعينه انظره~ بسوطه وانعتاها الشمر
بعينه انظره~ يضربها زينب عالظهر
بعينه انظره~ ويشتم ابوها والگمر
مشهد أليم~ ويعز عليّه انظره
مشهد أليم ~ اختي تروح ميسّره
مشهد أليم~ وعين الأجانب ناظره
لحن قلب امك يبني مفتت~♪
صعبه صعبه صعبه صعبه²
انظر زينب تمشي بغربه
المدمع منها اويلي تصبّه
وعين الظالم سهم وحربه
زينب زينب زينب زينب²
يعز عليّه اسمه كلمه
سبي الحورا اصعب صدمه
ترافق شمّات هاي الحرمه
ويشتم اخوها وتسمع كلمه
زينب زينب زينب زينب²
خادمة آل محمد✍
كيف رأى الإمام الحسين ع أخيه العباس لما نزل الى المشرعه وبأي حالة /لحن اسمع عتابي~
رآه بهذه الحاله~
يم الشريعه~ زنوده گطيعه
سهامه بصدره~ بدر الطليعه
الطبره بجبينه~ الدم على عينه
انگطعت چفوفه~ وزايد ونينه
غُسله دماءه~ وطايح لواءه
وينادي خويه~ ويعلا نداءه
تنزف جراحه~ ويعلا نياحه
من شاف الـِ حسين ~صفق بـ راحه
يگعد بكتره ~ راسه بحجره
وينادي عباس ~ ٱخوك شْيِصبره
ظهري كسرته~ وگلبي فطرته
يا گمر هاشم ~ عزّي فِگَدْته
خادمة آل محمد✍
*خويه عباس عباس عباس*
*خويه عباس عباس عباس*
راحت زينب يم العباس
شافت دمه سال من الراس
اخوها مخمد ويلي الانفاس
ليته سهامه صابت صدري
*خويه عباس عباس عباس*
〰️〰️〰️〰️〰️〰️
سالت دمعة فوق الخدين
وراحت تصفق راح بكفين
ظهري كسرته يا نور العين
راح الحامي وكافل خدري
خادمة آل محمد
ليلة العاشر /واويلاه بعد عين العباس يحرسنا الشمر اللعين واويلاه
باچر توگع الرايه وكافلنه عنا يروح
باچر انظر الشبان مذبوح وبصف مذبوح
باچر عالترب نومه كلكم والأخو مطروح
باچر حتى عبدالله يعوفن هالمهد خالي
--------------------------
باچر توگع الرايه وعلينه يهجمو العسكر
باچر عالشريعه ينام حامي خيمنا والخدر
باچر عينه مطفيّه واحنا بعد نتيسر
باچر خدري يتسلب وانا ابقى بلا والي
خادمة آل محمد✍🏻
*لما عاد الحسين ع من مصرع العباس الى المخيم تلقته زينب ع… يا للفجيعة بين الانين والنياح وعظم المصيبة وهول الفاجعة زينب ارادت ان تنزل لمصع العباس ولكن الحسين ع منعها من النزول اسمع زينب شـ تگول*
لابو فاضل خليني اطلع
اگعد يمه بساح المصرع
اروي چبده بفيض المدمع
ظامي الكافل چبده تفطر
خويه عباس عباس عباس³
-------------------------
گله المظلوم لا لا تروحي
گلبي فجعتي ويّا روحي
يمه طلعت يختي روحي
وعين. الكافل بس عالخدّر
خويه عباس عباس عباس³
-------------------------
صاحت ويلاه يابو فاضل
بعدك تدري دمعي سايل
خدري تعوفه وانت الكافل
تظل عالنهر وانه اتيسّر
خويه عباس عباس عباس³
-------------------------
يكلها المظلوم كفي العبره
وساعة تشوفي حسين ونحره
انت وديعة امي الزهره
وهذا الكافل مِنْچِ اتعذّر
خويه عباس عباس عباس³
-------------------------
خادمة آل محمد✍🏻
*بعد شهادة العباس*
*حيرة الامام الحسين ع عند مصرع اخيه العباس*
اتحيّر المظلوم حيره آه يا عُظم الرزيه~
وصاح بوداعة الله ودموع اويلي جريه~
جذب حسره ويون عليه ونه خفيه ~
راح الگمر حيلي انهدم وانكسر ظهري~
---------------------------
لا اتغمّض عيونك تره ظهري كسرته
تعوف اخوك وحده وانت الكافل اخته
حلّفتك بزينب والوعد الوعدته
ارجع يا گمر اخذ مني العمر يحزام. ظهري
خادمة آل محمد✍🏻
*مصرع العباس~*
نادى: الآن انكسر ظهري~ لحن الخضيب~
ظهري انكسر آيالگمر يا ضي اخوك حسين~
يم النهر طاح الگمر ومنه انگطع چفين~
راسه انطبر دمه نهر جاري على الجبين~
بدره انطفى وصاح العفا بعدك يبو النوماس
يابو فاضل ~³آه
-----------------------
حسين انحنه ظهره ودنه ويهمس بعد باسمه
السهم الـ بعينه يرفعه لو خايف يْأَلمه
يحبه بچفوفه يودعه ويمسح بعد دمه
بوداعة الله ابو الفضل يا خويه يا عباس
يابو فاضل يابو فاضل يابو فاضل آه~²
خادمة آل محمد ✍🏻
*عودة الحسين ع من مصرع العباس ع* لحن الفراق~ الحسناوي
گومي زينب… واستعدي للمصاب
گومي زينب… كافلچ فوق التراب
گومي زينب… شفته ويلي وراسي شاب
يالوديعه… كافلچ يم الشريعه
يالوديعه… جثة مطروحه وصريعه
يالوديعه… چفوفه واويلي گطيعه
راح عباس… يختي گومي ودعينه
راح عباس… نوحي لاجله يالحزينه
راح عباس… والعمد صابه بجبينه
خادمة آل محمد✍🏻
*طايح كفيلك* لطمية لحن عاري حبيبي عالغبره♪
طايح كفيلچ يا حُرّه
مگطوعه يمنه واليسره
والسهم نابت في وسط عينه
معفّر يا زينب بترابه
عينيني يختي عامصابه
راسه بالعمد يختي مطبرينه
هامه يالوديعه منطبر
دمّه غُسله في جنب النهر
جرحه شفته ظهريِ انكسر
عباس~ لو عينك يختي تشوفه
عباس ~ يَمّه القربة وچفوفه
عباس ~ بصدره سهام اهل الكوفه
عباس آه~~~
❈❈❈❈❈❈❈❈
(حال زينب~)
شبحت عالشريعه عيناها
وصاحت يبو فاضل ترضاها
ام الخدر زينب تمشي مسبيه
بحماكم اميره يسبوني
وسوط الشمر خويه بمتوني
ويحدي بظعني شامت من آل اميه
عباس… وينه شيّال الرايه
عباس… طايح فوق مْسَنّايه
عباس… جودك ينعاك ومايه
❈❈❈❈❈❈❈❈
(جواب العباس)
گلها يالوديعه اعذريني
مگطوعه مني چفّيني
والسهم نابت يختي بعيوني
زينب يختي لا~ تِعْتبي
لو مشيتي بـ درب السبي
أدري صعبة انت تنسبي
زينب~ آه…
الشاعرة خادمة آل محمد ✍🏻
العباس عند المشرعة أسرع اليه الحسين ع مهرولا اخي عباس~ بأي حالة رآه/لحن اسمع عتابي~
يم الشريعه~ قمر الوديعه
سهامه بصدره~ چفوفه گطيعه
يجذب ونينه~ الطبره بجبينه
موذر اوصاله ~ وسهمه بعينه
غُسله دماءه~ مسلّب رداءه
قمر الهواشم~ طايح لواءه
تنزف جراحه~ ويعلا نياحه
من شاف الـِ حسين ~يصفق بـ راحه
يگعد بكتره ~ راسه بحجره
وينادي عباس ~ ٱخوك شْيِصبره
ظهري كسرته~ وگلبي فطرته
گمر هاشم ~ عزّي فِگَدْته
بعد بعد ~العباس يخاطب الحسين
يالمحني ظهرك ~ راسي بحجرك
ومن بعد ساعة ~ ويحزو نحرك
اخي حسين ~ حسين
خادمة آل محمد✍
*واعباساه~ واعطشاه~*
… حين اصابت السهام قربة العباس ع وقُطعت يساره ويمينه اصعب موقف على العباس كيف يرجع الى المخيم دون الماء ودون كفين ~
وگف بالكون متحير
وينظر چبرته بعينه
سالت ما يه عالتربان
ومنّه گطعو يمينه
وسهام الردى بصدره
ودم سايل من جبينه
بعامود انطبر هامه
وطاح على الترب عباس
〰️〰️〰️〰️
يلا اتخيل المنظر امام عينيك العباس مقطوع شماله ويمينه والقربة أُصيبت بالسهام وسال ماؤها والعامود هوى فوق جبينه شقّه رأسه نصفين ويلاه واعباساه
سال الماي من القربة واتحسّر على مايه
هوى من مهره عالغبره ومنه طاحت الرايه
ما عنده بعد چفين طاحن عالمسنايه
وصاح بصوت ادركني يخويه بالعجل حسين
خادمة آل محمد ✍
*الامام الحسين ع عند مصرع العباس*… *فأتاهُ الحسينُ عليه السلام مُسرعاً، ففرَّقَ القومَ عنه، حتَّى إذا وصلَ إليهِ رآهُ مقطوعَ اليَدينِ، مَفْضوخَ الهامةِ، مُطفأَ العينِ، مُثخناً بالجراحِ، فأخذَ رأسَه الشريفَ ووَضَعَهُ في حِجْرِه، وجعلَ يَمْسَحُ الدمَ والترابَ عنهُ، وقالَ بَاكياً: "الآنَ انكسَرَ ظَهري، وقلَّتْ حِيلَتي، وَشمِتَ بي عَدُوِّي"* /لحن قلب امك يبني مفتت♪
يم عْضِيده طاح بكتره
يجري دموعه ومحني ظهره
تمدد يمه وضمّه بحجره
يعاين هامه براسه الطبره
خويه خويه خويه خويه²
〰️〰️〰️〰️〰️
نادى عباس يا نور العين
فتّح عينك ها يا ٱنا حسين
وين زنودك وين الچفين
تعوف المظلوم بحيره هالحين
خويه خويه خويه خويه²
〰️〰️〰️〰️〰️
يحبّ چفوفه بمدمع همّال
بصدره شاف سهامه ونبال
ينزف دمّه وعالغبره سال
يجذب ونّه ونادى الكفّال
خويه خويه خويه خويه²
خادمة آل محمد ✍🏻
يازينب تمهلّي
لاتراوي دمعچ إلي
لمّن تشوفي السهم
بعيوني تتحمّلي
يم النهر من تجيني
حسره وعيونك دميعه
بيدچ فلا تمسحي هامي
وتلمّي چفي الگطيعه
لاتنحني حنية امچّ
عالمحسن بكل فجيعه
سلمي من ابعيد وروحي
احوالي صعبه وفضيعه
آنه ادري ضاع الشمل
اشگد مستحي من الطفل
وسكينه تبچي ابألم
وتنادي ياكافلي
يازينب اتمهّلي
لاتراوي دمعچ إلي
لمّن تشوفي السهم
بعيوني تتحمّلي
…………… ..
لاتطلعي من خيامچ
هالطلعه تصعب عليه
واعظم مصيبه يزينب
يوم التروحي سبيه
وتنادي آه ياكفيلي
بس يمته ترجع إليه
يكفلني شمر بغيابك
وهم بالحبل شد إيديه
غير الشتم والضرب
آنه انسحب عالترب
وينزف من متوني دم
ومني الالم يعتلي
يازينب اتمهلي
لاتراوي دمعچ إلي
لمّن تشوفي السهم
بعيوني تتحمّلي
تمت صادق سويد
لما نزل ركب الامام الحسين ع في كربلاء خفق قلب زينب ع ولما ودعها العباس في ليلة العاشر قبلت يداه وبكت ~ وكانت عيون زينب عالعباس و~
إجت الحزينه~ لحامي الظعينه
بعبره جريه~ تقبّل إدينه
تبدي الشكايه~ لصاحب الرايه
خويه بفقدكم~ نصبح سبايا
بارض النوايب~ اشوف العجايب
وعليّ ينادو ~ يا ٱم المصايب
اگبالي انرسم~ قربه وعلم
چف وشريعه ~ وحرق الخيم
بهاي الوطيه~ اطلع سبيه
اخوتي ذبايح~ فوق الوطيه
جواب العباس
انتي بحمانا~ نقدّم دمانا
للباري قربان ~ هذا رجانا
خادمة آل محمد ✍🏻
#واعباساه
~ طور الجزع~
لحظة وإجا حسين بگلب مفطور
للمشرعه ومنه الظهر مكسور
عاين گمر بدره انخسف والنور
فوق الترب دم الگمر منثور
ويصرخ يا عباس~
〰〰〰〰〰〰〰
يحنى الظهر ضم البدر الحسين
عاين طبر راس الگمر نصين
طاح العلم كف اليسر ويمين
ومنطبر للراس
〰〰〰〰〰〰
بعد بعد بأي حال الحسين يعاين اخيه العباس واويلاه واعباساه
لحن الفراق~
يگله خويه~ اگعد خويه حاچيني
يگله خويه ~ لحظة لا تردعني
يگله خويه ~ كلمه خويه اسمعني
لا تعوفني~ وتترك حسين بغربته
لا تعوفني~ تدري عباس بمحنته
لا تعوفني~ عهدي وي عهدك وفيته
الله وياك~ وافي وجروحك وفيّه
الله وياك~ فرّحت گلب الزچيه
الله وياك~ يا گمر في الغاضريه
خادمة آل محمد ✍🏻
*سكينة والعباس ع*
لما اراد العباس النزول للمشرعة لجلب الماء نظر بوجه الاطفال~ السلام على الوجوه الشاحبات والاكباد الظامآت~ فصاحت سكينة عماه العطش العطش يا ابا الفضل~
لحن قلب امك يبني مفتت~
صدلي بعينك يا راعي الباس
اسقينا قطرة عمي عباس
تحشّم عمها يسقي الاطفال
سكينه تنادي يبو النوماس
عباس عباس عباس عباس
〰️〰️〰️〰️〰️
شال الجود مغضب بالحال
وبيده سيفه لاحه الكفّال
گلها لعيونك يا سكينه
بسيفي يشوفون كل الأهوال
〰️〰️〰️〰️〰️
هلّت دمعات فوق الخدين
تقبّل عمها بوسط الچفين
تگله سالم الرجع لينه
الله يحميك يا آخو حسين
عباس عباس عباس عباس
خادمة آل محمد ✍🏻
*العقيلة زينب تودع ابا الفضل ع*
يا ضوا عيوني لا تروح الشريعه
خوفي على تطيح چفوفك گطيعه
ومن بعد عيناك يسبوها الوديعه
يصيوان عزّي وحامي هالخدر
〰️〰️〰️〰️〰️
صاح الها الوداع بدر الطفوف
وگامت تقبّل هامته والچفوف
تگله بأمان والمدمع ذروف
دير بالك لا يغدرونك عالنهر
〰️〰️〰️〰️〰️
جواب العباس~
لحن يا ناقتي~
راحل أنا~ أملاها جودي للحرم
راحل آنا~ وعيني تظل على الخيم
راحل آنا~ ويرفرف بإيدي العلم
يخت الگمر~ عيوني فدا أم الخدر
يخت الگمر ~اعذري لو تلگي عذر
يخت الگمر ~ لا تزيدي عتبچ عالگمر
تگله دريت ~ يا كافلي بلي جره
تگله دريت ~ عنك بروح ميسّره
تگله دريت~ وحمل الأُخُوّه عالثره
خادمة آل محمد✍
*زينب ع تنشد اخيها الحسين ع عن كفيلها العباس لما فاضت روحه الطاهرة عند المشرعة ورجع الحسين منحني الظهر شتگله؟*
لحن الجفيري لحظة يخويه~ سوال زينب ع للحسين ع؟
منحي الظهر خويه تِرِد ؟
وين الگمر وين العمد؟
جاوبها راح يختي السند
ومطفيّه عينه بالسهم
〰〰〰〰〰
تگله شنو هذا الخبر
يعني تگول مات الگمر
من بعده حادينا الشمر
من يكفل ايتام وحرم؟
〰〰〰〰〰
ودارت وجه عالمشرعه
وتنادي اخوها مودّعه
يابو الچفوف مگطّعه
بامان الله يا راعي العلم
*(يلاّ نودع العباس مع زينب… ارفع ايدك ووردع العباس بامان الله يا كفيل زينب~³)*تگله
ياخو زينب… يلي نايم عالشريعه
يا خو زينب… اتعنتك خويه الوديعه
يا خو زينب… اركّب چفوفه الگطيعه
*وصوت من المشرعه يجاوب زينب~~~*
لا تجيني… لا تشوفي يختي حالي
لا تجيني… مگطّعه يساري وشمالي
لاتجيني… حرمة انت بلا يا والي
ردي يختي… ظهر اخوچ منكسر
ردي يختي… ولا تجي يم النهر
ريدي يختي…والزمي يختي الصبر
آيزينب~
خادمة آل محمد✍
*سامحيني حال العباس وي زينب ع*
*سامحيني سامحيني*
يختي لو ناديتي باسمي يالگمر~
سامحيني. سامحيني
لو ما اجيتك وعنك ادفعت الشمر~
سامحيني سامحيني
لو اجا بسوطه وضرب ام الخدر~
سامحيني سامحيني
لو ياحورا سلبوچ بهالعصر
سامحيني سامحيني
عني لو غصب عني شتموچِ
سامحيني سامحيني
لو اجا يا حرّه وبالرمح ضربوچِ
سامحيني سامحيني
لو خيامچ يالعقيله يحرگوها
سامحيني سامحيني
لو عقيلتنا الغريبه سلبوها
سامحيني سامحيني
لو ايديچ بحبال خشنه چتفوها
سامحيني سامحيني
لو بعد عيني هالحرم يختي سبوها
خادمة آل محمد✍🏻
*ليلة العاش وداع زينب للعباس*
*يلا اتخيل زينب دارت وجهها تودع العباس بيا حاله~~~~*
اگعد يبو الطلعه البهيه~
خلني اودعك هالمسيه~
عيني على عيونك يخيهّ~
تتصوب بسهم المنيه~
-----------------------
خليني اقبّلها چفوفك~
تفارگها زينب ما تعوفك~
باچر على الشاطي اشوفك~
نايم ومگطوعه چفوفك~
--------------------------
*بعد زينب لديها حديث طويل مع العباس اسمع اسمع ايها الموالي عندك دمعة بعد تودع العباس*
تگله اختك يبو فاضل ترضى النذل يشتمها~
شيگولو اخت عباس
هذا الكان مدلّـلها~
وسبيه ترافق الاجناب
وشمر يحدي بمحملها~
صعبه مخدّرة عباس
سبيه تروح للشامات
*والله صعبه يبو فاضل زينب يسبوها تگله~*
يحلا والوداع وياكم يخوتي بهالمسيه~
وباچر زينبكم راح تمشي سبيه~
وكلمن يشوف خدري يأشر عليّه~
أميرة وتروح مسبيه عالجمال
〰️〰️〰️〰️〰️
بعد وداع آخر بين العباس وزينب~.يگلها / لحن الخضيب~
گمر العشيرة عالوعد يختي وتدريني
وياچِ آنه قصّرت اريدچ تعذريني
لعيونچ افدي هالعمر وافديها چفّيني
كفي العتب لو عالنهر باچر تشوفيني~
آيزينب آيزينب آيزينب آه
〰️〰️〰️〰️〰️〰️
ولو حرگوا خيام الطهر لا تبدي ليّه عتاب
باچر چفوفي عالنهر يطيحن على التراب
ولو سلبوا منچ هالخدر
اشكي لداحي الباب
ما اشوفچ بعيني السهم و
دم غطَ عا عيوني
يابو فاضل يابو فاضل يابو فاضل آه~
خادمة آل محمد✍🏻
*يا اهل العزاء الحسين يسمع انين العباس من اثر السهم الذي اصابه في عينه فأطفأها ~* لحن لفى عاشور ~ يگله
انفجع گلبي يا خويه من اسمع شهگة ونينك~
السهم خليني اشيلنّه ولا يبقى وسط عينك~
اشحلات عيون ابو فاضل وعلينا تظللّ يمينك~
يا سبع الگنطره انهض وضمد جرحك الـ بيّه
----------------------------
جواب العباس!!!! گله
لا تشيله يا مظلوم في عيني السهم خلّهِ
ما اريد انظر لزينب واشوف خيمها مشتعله
ولا شوف يجي ليها بسوطه اتمرجل خولّه
ولا شوف الشمر اجاها وصاح الها يمسبيه
----------------------
قسمت براسك الغالي لا تنظر الي زينب
شگد صعبه اعاينها وخدرها منها يتسلب
الشمر يجذب عبايتها مشهد اعظم واصعب
يم المشرعه خلني تراها تعتب عليّه
---------------------
خادمة آل محمد✍🏻
*مصرع العباس*… واعباساه ~ وخرّ العباس على الأرض منادياً: أخي أبا عبد الله أدركني~ حسين يا حسين~ / طور الجزع ~♪
لحظة وگع فيها الگمر عباس~
تلگه الارض جرح الزند والراس~
بصدره السهم نابت لابو النوماس~
ومطفيه هالعين
-----------------------
طاح البطل والطبره بجبينه
مگطوعه چفه وشماله ويمينه
صاح بعجل وينك يبو سكينه
ادركني يا حسين
خادمة آل محمد ✍🏻
*الامام الحسين عند مصرع العباس اسمع المصيبة امامك شاب رأسه عند مصرع ابا الفضل ليش لان العباس حامي الظعينة وبعده ستُسبى زينب~*
انحنى المظلوم على خيّه وراسه شاب من الاهوال
شافه مگطّع الچفين
وبعد مگطع الأوصال
نادى يا ابو فاضل
بعدك هالعمر لا طال
كسرت ظهري يخو زينب
وانت بحالتي تعلم
--------------------
جذب ونّه وعليه ينوح
ويتحسّر على الكافل
وصفق راحه فوق الراح
وجفنه بالدمع سايل
يخو زينب دگوم وياي
خلنه نروح للمخيم
خادمة آل محمد ✍🏻
*زينب توجهت لنهر العلقمي تخاطب العباس وحالها*
زينبكم يبو فاضل سبوها
وبحبال خشنه ربطوها
ترضى يبو الغيره ولوها
مكتوفه للشامات خذوها آه آه
-----------------------
جفيري~
ترضى يا عزي وكافلي
من عگب عينك يالولي
يسبوني وانه بت علي
يأشر عليّه ابن الدعي
-----------------------
يالنايم بجنب النهر
خواتك سبايا يالگمر
حادي الظعن بعد شمر
يشتم ابونه بمسمعي
-----------------------
تگله يابو فاضل… من بعد عينك سبيه
يابو فاضل… گيدوا حبال بإديّه
يابو فاضل… منين. اجتني الغاضريه
يا كفيلي… راح عزي يا والفخر
يا كفيلي… من الله مكتوب القدر
يا كفيلي… تبقى نايم عالنهر
خادمة آل محمد✍🏻