7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
فتناولته زينب بحرقة وألم، ضمّته إلى صدرها، وألصقت نحره على نحرها، وانهالت الدموع من مدمعها، نادبة صارخةً: وا محمداه.. وا علياه، ماذا لقينا بعدكما من الأعداء.. وا لهفتاه على طفل مخضّب بدمائه البريئة، وا أسفاه على رضيع فطم بسهم الأعداء..~ أمه مذهوله ياساعد الله قلب الأم
مصاب الطفل الرضيع
لحن الخضيب ♪
يم الولد راح الولد نوحي عليه اليوم~
ظامي الرضيع بكربله بسهم العدا مفطوم~
يعين الله گلبك منفجع
ومن حضنه محروم~
صابه بوريده حرمله وما ترحمه الظلّام
وارضيعاه وارضيعاه وارضيعاه ~ آه
----------------
يبني زغير على الذبح واتحمّلت المصاب
يبني زغير على الدفن ومهدك لحد وتراب
يبني فجعني هالدهر مفجوعه بالأحباب
من حضني محروم الولد وحضنه نبل وسهام
خادمة آل محمد✍🏻
اه اه قلب الام مفجوع مكسور الرباب تأن وتنوح واعبدالله واولداه~ نعي لحن الجفيري♪
عبدالله يا غصن الورد
إلمن أهز بيدي المهد
منهو يا عبدالله بعد
يسهرني ليلي للفجر
〰〰〰〰
ما أگدر أنسى صورتك
حسرة بگلبي فرگتك
فجعتني يبني نبلتك
صابت وريدك والنحر
〰〰〰〰
ذوّب دليلي منظرك
دامي ورديك وْمنحرك
يبني المنية تحضرك
تمنيت ٱضمك للصدر
〰〰〰〰
شذنبك تموت وتنذبح
وراسك يشيلونه برمح
يا ليته لا يطلع صبح
عاشر محرم والقهر
〰〰〰〰
عبدالله بالجنة أمير
وي عمك المحسن تطير
تنام بمهد بس من حرير
وتشرب من الكوثر نهر
〰〰〰〰〰
خادمة آل محمد✍🏻
ثم أخذ الإمام (ع) سيفه وحفر له قبراً بطرف سيفه، فأودعه الله تعالى فيه مستقرّاً راجعاً إلى ربه تعالى انا لله وانا اليه راجعون… فلطخه الإمام (ع) ببقية دمه ليكون شاهداً على شراسة الأعداء وعميق ظلمهم وقساوة قلوبهم..
عظم الله اجوركم… يُروى ساعة شهادة الرضيع نودي من أرجاء السماء بنداء هاطلاً على أبيه الحسين (ع) ومواسياً للنسوة الثاكلات: "دعه يا حسين، فإن له مرضعاً في الجنة"
طور الأنين العاملي~ *الزهراء ع حاضرة عند مصاب الرضيع*
الزهره الزچيه معوله
تنادي حبيبي يا حسين
طفلك دمومه سايله
ياويلي مذبوح الوتين
ها يانا جيت لكربله
اعينك وما عندك معين
عندي ثلاثة من المحن
سهام وتصوب بالدليل
واولداه² ~واولده ~²
--------------------
سلامة قلبك يا زهراء اي سهام أصابت قلبك سيدتي…
يا كربله² ~ ياكربله²
اول سهم صاب الرضيع
صابچ وانت حاضره
تشوفي الرضيع من العطش
چبده يا ويلي مفطّره
عاصدر أبوه ويلي انذبح
صاب السهم في منحره
فرفر مثل طير ويطير
ودمه من وريده يسيل
------------------
يالزهره صابچ كم ألم
من رحتي يم المشرعه
من شفتي شيّال العلم
واوصاله كلها موزّعه
وبعينه نابت هالسهم
شماله ويمينه مگطّعه
كم مره صابچ بالضلع
سهم لطفى عين الكفيل
------------------
*بعد أي سهم ألّم قلبك الشريف سيدتي بعد أتراه السهم الذي أصاب الحسين في چبده…*
وسهم لفجع گلبچ بعد
سهم واله ثلاثة شعب
هد حيله من صاب الحسين
ساعة هوا فوق الترب
يشبه لمسمارچ نبت
يا زهره في وسط الگلب
شال السهم دمه جره
ومن مهره طاح ماله حيل
حســين~~~
خادمة آل محمد ✍🏻
والمراد بالاجتناب عن الظن – وكما يقول العلامة الطباطبائي - الاجتناب عن ترتيب الأثر عليه كأن يظن بأخيه المؤمن سوءً فيرميه به ويذكره لغيره ويرتب عليه سائر آثاره، وأما نفس الظن بما هو نوع من الإدراك النفساني فهو أمر يفاجئ النفس لا عن اختيار فلا يتعلق به النهي، اللهم إلا إذا كان بعض مقدماته اختياريا.
وعلى هذا فكون بعض الظن إثما من حيث كون ما يترتب عليه من الأثر إثما كإهانة المظنون به وقذفه وغير ذلك من الآثار السيئة المحرمة . الميزان ج١٨ ص٣٢٣
*حرمة سوء الظن في الروايات:*
ان من أسوأ الذنوب هو سوء الظن بالله تعالى… فكم مرة نرتكب هذا الذنب في اليوم فكل اضطراباتنا النفسية ومخاوفنا بسبب هذا الذهن اذ انصرف الى سوء الظن بالله… فنظن تارة ان الله قد تخلّى عنّا او أهملنا أو تركنا أو أنه لا يحبنا… وهذا هو سوء الظن بالله…
يقول آحد العلماء ان الله تبارك وتعالى يُري نفسه لعباده دائما فإن أقبلت على الله محى لك سائر خواطر ذهنك… فهنا نصبح في محضر الله وساحة قدسه الربانية ونمسي في رحمته الإلهية… فيتحقق حسن الظن…
لقد أكدت أحاديث العترة الطاهرة تلك الحرمة لمن يسيئ الظن …
ومن جملتها: عن النبي (صلى الله عليه وآله وسلم) قال:إياكم والظن فإن الظن أكذب الكذب، وكونوا إخوانا في الله كما أمركم، لا تتنافروا ولا تتجسسوا ولا تتفاحشوا، ولا يغتب بعضكم بعضاً، ولا تتنازعوا ولا تتباغضوا ولا تتدابروا ولا تتحاسدوا فإن الحسد يأكل الإيمان كما تأكل النار الحطب اليابس» وسائل الشيعة ج ٢٧ص ٥٩
والظاهر من الحديث بقرينة ضم الأمر بالأخوة والنهي عن التجسس والتنافر والتباغض والتنازع والتدابر والتفاحش أن الظن المنهي عنه من شاكلته أيضاً أي من الأمور المرتبطة بعلاقات المؤمنين مع بعضهم، فيحمل على سوء الظن بالمؤمنين، وعلى أقل تقدير فإن سوء الظن بالمؤمن منهي عنه أيضا لأنه من أفراد الظن بلا شك وريب.
وعن أمير المؤمنين (عليه السلام): ضع أمر أخيك على أحسنه حتى يأتيك ما يغلبك منه» أي حتى يأتي اليقين الذي تتحقق به الغلبة والعلم بأمر أخيك سواء كان المنكشف بالعلم هو المحمود من أمر أخيك أو المذموم منه، ولا تظنن بكلمة خرجت من أخيك سوءا وأنت تجد لها في الخير محملا».
الكافي ج ٢ص١٦١
ولا بد من الالتفات إلى أن حسن الظن بالمؤمن لن تترتب عليه آثار محرمة بخلاف سوء الظن به، فمن يظن سوءا بمؤمن يهينه أو يهجره أو يسيء إليه في التعامل أو يتجسس عليه أو يغتابه وغير ذلك من نتائج محرمة على سوء الظن، وكذلك من يظن ظنا غير معتبر بالحكم الشرعي فإنه يرتكب محرماً كبيراً وهو نسبة حكم إلى الله عز وجل من غير دليل، أما من يحسن الظن بالمؤمن فإنه لن تترتب آثار محرمة على حسن ظنه بل هو سيستمر فيما كان عليه سابقاً من الإحسان إليه وحسن الخلق معه وتوقيره، فالفارق أن أحد الظنين يقود إلى الحرام بخلاف الآخر، ولم يثبت ولم يدع أحد من الفقهاء أن المؤمن إذا عمل بأي ظن حتى في المباحات وأمور الدنيا فقد ارتكب الحرام كمن ظن أن الكنز في هذا المكان فحفره أو ظن أنه سيجد السلعة المعينة إذا ذهب إلى هذا المتجر.
*المؤمن ومواطن التهمة:*
من الآداب التي حث عليها أهل البيت (عليه السلام) أن لايجر المؤمن بتصرفاته ما يوجب إساءة الآخرين الظن به، بحيث يقطع مادة الظن عن غيره، ولكي يحفظ نفسه وقيمته في المجتمع كي لا يسترخصه الآخرون وينتقصون:
عن أمير المؤمنين (ع: من عرض نفسه للتهمة فلا يلومن من أساء به الظن»الكافي ج٨ ص١٥٢
ولا يراد من هذا الحديث جواز إساءة الظن بالمؤمن الذي وضع نفسه في موطن التهمة، بل المقصود أن المؤمن ينبغي أن ينأى بنفسه عن موجبات إساءة الظن كالجلوس مع الفساق والظالمين والجهلة أو التردد على الأماكن التي تكثر فيها المعاصي...
واي مدرسة أعظم من مدرسة كربلاء تعلمنا في صفوفها دروس حسن الظن بالله فإن من أهم الدروس والعبر المستوحاة من تلك المدرسة هي حسن الظن بالله وحمده في الشدة والرخاء، ولا شك أن ما مر به آل الرسول لم يكن هينا، فغربة أبي عبد الله (ع) وتركه وحيدا في صحاري جرداء وإحاطة الأعداء به وهو يرى عياله وقد شبت النار في خيامهم ثم معرفته بالشهادة وتاركهم ولا من ناصر لهم سوى الله، أمر ليس بالهين على ابن بنت الرسول ولا على نسائه، فينطق في تلك اللحظة: (اللهم أنت ثقتي في كل كرب ورجائي في كل شدة)...
هو لم يطلب النصر "ولو دعا ﻷجيب" او ان يطيل الله في عمره او أن ينزل الغيث بل وثق بالله وترك الأمور لتدبيره تعالى من دون اعتراض او تردد على أمره…وهذا هو حسن الظن بالله… وقد بلغ الحسين ع ما بلغ من مراتب سامية في حسن الظن بالله حتى ما عاد يُبصر سوى الله فأقبل بروحه ومهجته ونفسه وولده وكل ما يملك على الله…
قصيده القمر بني هاشم الطور اهوازي
.
يوم الطب كمر هاشم حارت وين ملفاها
كل ذاك الجمع كله الكافل ذل رواياها
*___*
* *
بيوم الطب كمر عدنان حارت وين مشردها
ياخذ بيها عرض بطول. يوديها وبده يردها
طب بصارمه الباشط. كل الروس يحصدها
ماتت كلها من الخوف ماتت كل سوعدهاذ
كل ذاك جمع والجيش سيفه الركب حشاها
*___*
* *
تدري شكال المشكر يوم الطب عله الجيمه
اسويكم وتد بالكاع واربط بيكم الخيمه
طبها ومن يطب عباس بيهم يترس الهيمه
رب الغيره ابو فاضل ينبع زود والشيمه
سيفه صاكر القادات الحره بزوده غذها
*___*
* *
شمال اعله الشرق ذبه كلب سافلها عاليها
زينب تبقه دوم الدوم حره بزود اهاليها
تبقه السيده للموت جي عباس واليها
حته من مشت للشام. راح وياها حاديها
الكدها كلمته الوفاي الكدها بشرف وفاها
*___*
* *
وفاها ونعم عباس منك يا عجيد الكوم
العساكر من توسطها شربهم بكاسه اسموم
نازل بيده ذل فقار. تموت اليوم كلها اليوم
نازل عالجمع زلزال. بالميدان وحده يحوم
ماصار وبعد ميصير مثلك شايل الواها
*___*
* *
وفاي بعزم حيدر الكافل كد الحجايه
محد يشببهك للموت ماكو بس المرايه
السوه بيهم الما صار كبله ولا مسوايه
بسمه الغيره سموها الواحد ما مسمايه
ياشيخ العشيره ودوم ربعك بيك تتباها
*___*
* *
حسن صالح العيساوي
يا محرم شنهي اخبار الحبايب
يا محرم جايب هلالك مصايب
بيك اشم ريحة رزية
اشصار بارض الغاضرية
يا محرم
اسمع اسمع
قاللي جايبلك خبر عن كف قطيعة
وعن قمر مجروح طايح عالشريعة
اسم ابو فاضل ضوا عيون الوديعة
شفته شفته
مقطعين بحد البواتر
شفته شفته
والسهم بعيونه صاير
يا شهر خفف عليي
اشصار بارض الغاضرية
يا محرم
بعد بعد
بعد بيي مصيبة تشعل قلبي جمرة
اسمع المصيبة
حسين دامي والشمر جاثي اعلى صدره
صيح واحسينااااااه
شيلو ايدكم ونادو حسييييين
حسيييين يا حسيييين
بعد بيي مصيبة تشعل قلبي جمرة
حسين دامي والشمر جاثي اعله صدره
قابض اعله الشيبة والطبرة اعله الطبرة
راسه راسه
عالرمح شاله التعده
راسه راسه
جنه راس الهادي جده
ولا تقلي اعله الوطية
اشصار بارض الغاضرية
يا محرم
الشيخ محمد نعمه العاملي
منقووووول نازلي عبد الله
تجمع الزهراء العاشوراءي
https://youtube.com/watch?v=BS0HTsfD6Kg&feature=shared
قصيدة بحق ابو الفضل العباس عليه السلام عن السيدة زينب عليها السلام
عباس يالشــــوفك دوة يا اغلى من شم الهوة
لوعني غابت صورتك اتمــــــنى اموت بنينوى
-------------------------------------------------
ما بيـــــــني وبيــــــــنك عمر عـــشرة ورد وي النده
ريحتك ترست شـــــــيلتي ايدك لچتفي تسانده
شلتك على متوني شكثر دين وتريد تــــــــسددة
سهرانه الوليلك چنت تحرسني هسه من العدة
وفـــــــــــــيت يالكلك وفة كلشي بصفاتك عارفة
غيرة وشهامة ومرجلة مشكور يا راعي اللوة
___
اشكَد عزيز اعله الكَلب تدري الاخو عد الاخت
تنـــــشد علـــيه ابغيـــــــبته وانــــــــته بغيابك طولت
لاطارش ايــردلي الخبر ولا انته جيت اتعذرت
الله اليعوضچ بالاخو هذا الحچي المنه خفت
اتراجف ولوني انخطف لحسين شو حالة اختلف
دمعه اعله عينة ينهمر يتمايل وظهرة التوة
___
چنت من اشوفك بالخيم ينسر دليلي وابتشر
مرهم تــــــــداوي كل جرح يا يسر دومك بالعسر
من حدرت صـــــوب النهر صــوتك اجاني تعتذر
ما يـــــــرهم لكَلـــــــــبي دوة موتي تكَرب واحتظر
اتنفسك چنت ابلطف حنية متروس وعطف
ينكَطع وياك النـــــفس چنه ابجسد واحد سوة
___
كل لحظة وياك انكَظت كَامت تمر وي روحتك
اذكر كَعدنه اهنا ســـــوة واكَعد واشمن ريحتك
بهذا المچان اشكَد چنت واكَف ترفرف رايتك
يتغازل وياها الهوة خوية اعله راسك ريشتك
ايامي راحــــت ماتـــرد يالفركَتك تمرد مرد
اتحسر لعمــــري الكَظة كَلبي يعباس انچوة
___
عيني لطريجك وانتحب مايحصل بعيني دمع
نشفت ويبسها العطش مطرت مطر ماينكَطع
نيران الك وسط الكَلب چويات الك حدر الظلع
جنحي بغيابك ينكسر يالغـــــيبتك ما تنـــــجرع
وياك اذكر من چنت يابــــــــو الحـــــمية ادللت
العين تعمه بفركَتك مــــــنك دلـــــيلي ما روة
_
شلتك وسط عيني ضوة عباس يا نبض الكَلب
ترويني خوية بشوفتك ياعازتي وكت الصعب
شدني على متنك علكَ ابرالك ابوكت الحرب
لاماي عدي حتى اذب خوية ابكَفاك اعله الدرب
سالم تردلي انتــــظر بغيابك اطحن بالصبر
من انظر لصوب النهر ماهو العلم چنه انطوة
_
أسالكم الدعاء رائد الاسدي
سوه بيهم مجزرة. هلا بسبع الكنطرة
طبهه والسيف بيمينه ورايته معلايه
وطشت الماي ابو فاضل طش المسنايه
حسين يناظر عضيده وفرح بيه اهوايه
وگله جتف النهر يمي وذله هوه ومايه
ذكرتنه بحيدرة هلا بسبع الكنطرة
ومن سمع صوت الشفيه نبض عرج الغيرة
وسحگ واحد فوگ واحد من سمع تكبيرة
گله انه السبع الهواشم لاتضل بحيرة
الدنيه امحيها اعلى مودك كربلاء ازغيرة
حضر الهم مكبرة هلا بسبع الكنطرة
شمر درعه وشمر سيفه وكام بيده يقاتل
تدري سطرات ابو فاضل اسرع من النايل
حته مهره فك عنانه ونزل الهم راجل
وهذا سلطان المعارة بكيف هيج ينازل
ضربت ايده اموجره هلا بسبع الكنطرة
اسد ومبجي المعاره ومن يمر بحدوده
تسع وتسعين فرقه مرداهه بزوده
اضلم الدنيه عليها والگصص ممروده
وركض القاده الاخيه بالحبل مشدوده
مدداهم اعلى الثرة هلا بسبع الكنطرة
زينب من الخيمة صاحت هلا براعي الراية
يبن ابوي الحومه خلها من الدمه محناية
الله خلاك الأخيك بالحرب تجاية
وكله عد عيناج يخيتي الطلبة سهلة هواية
وههلهلتله المفخرة. هلا بسبع الكنطرة
خادم الزهراء (ع) ابو احمد الطائي
جديد#
قصيده موشح
للامام العباس عليه السلام
روحي وي روحك تراها امعلگه
من بعد عينك يبعد اهلي اشبقه
من بعد عينك يعباس الگلب
نار وبشريانه يالوالي تصب
يخنگ الريه لون مرها العذب
واختك الساعه تراها امشبگه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شبگوها اختك يوسفه أهل الردى
والحزن بگليبي مايعرف مدى
انظر اهل الغيره كلها امدده
اوروحي مامرها يخي غير الشگه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بس تعب يالغالي عذب مهجتي
لا ابد ماتنوصف يابلوتي
ضيم وهموم اوقهر يادنيتي
مدري ياگلبي الدهر عندي اشلگه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ياكفيلي اوياسند وكت الشدد
ياشفى الكل عله والجرحي ضمد
اهمومي صارت خويه ماالها عدد
عني انت اتروح ماني امصدگه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انت وي روحي مثل گلب أو يدگ
تدري بغيابك أوج او. احترگ
والعدو اعله امتوني بسياطه يطگ
والعبي ابنار الخيام امحرگه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
جديد#
قصيده للامام العباس عليه السلام
عباس النهر شو حرمو مايه
أفزع يبن حيدر وارفع الرايه
أفزع ياكفيل اعدانه هضمونه
ومن الماي ياعباس حرمونه
أفزع يكفالي وليك ممنونه
راوايهم يكافل واگطع الثايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هد مثل الصگر لاتمشي عالبيده
خليها الجثث تتسطر ابهيده
والمثلك سبع كل موزمه اتريده
واليصد اعله عينك ينشده رايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليصد اعله عينك ماعرف دربه
يبو الكلفات يل ماكضتك صعبه
عله العدوان سيفك چن غضب صبه
اعرفنك سبع يل بيك الكفايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اعرفنك شهم ماتحمل العيله
والعايل ترده اوتعدل الميله
لو مال الحمل بچفوفك اتشيله
بحلوگ الخلگ خليهم احچايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خلي الطف يسولف بيك يالغالي
ياتچايتي وياسوري العالي
يماي اعيوني ياشريان دلالي
اكحيله الجابتك اي والله وفايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
#محرم1446
رئيسية/ ابا الفضل العباس عليه السلام 2024
ظهري انكسر يا ناس من ودعت عباس
عالشاطي عفته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
آنه الحسين ابن الوصي شايل محن ما تنحصي
وستقبلتها بصبري
اولادي ونصاري سوه. واولاد اخوتي بنينوه
كلهم اخذهم دهري
ظليت أكابر عالألم. بس من برز راعي العلَم
ضاع الهوى من صدري
لمن وگع عالمشرعه شفته وچفوفه امگطعه
هذا الكسرلي ظهري
يم جسمه طاح الحيل. اشبگته ودمعتي تسيل
ظهري لزمته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
ظهري انكسر لمن شفت. متكطعه جفوفه وصحت
يا بالفضل حاچيني
مطفيه عينك بالسهم. والثانية امغطيها دم
ياريت طفوا عيني
مو راح اموت أمن القهر. عباس سولف يا كمر
بلا اخو لتخلّيني
يا بالفضل حيلي انهدم. عباس اشيلك للخيم
لو تبقى شتوصيني
من طيحتك مهضوم وستوحدوني الگوم
گلبي فجعته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
حاچاني بدموعه الگمر. يشبگني راد وما گدر
متگطعات چفوفه
مواعد اسكينه وعيلتك. بالماي اجيبه لخيمتك
ولجيّتي ملهوفه
بلا ماي اموت ولا ارد خليني عنهم مبتعد
يم النهر ماعوفه
بلا ماي ما ارجع عدل. عطشانه چم طفله وطفل
تنتظر جودي تشوفه
اعذرني خويه حسين. ما رد بلا چفين
لمن سمعته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
عباس ودعني وبچه. انفاسه طلعن من حچه
وصّل سلامي لزينب
گللهه ما يرجع بعد. عباس مصيوب ابعَمَد
خل تصبر ولا تنحب
حامي الظعن گلهه انغدر. كطعوا چفوفه عله النهر
كبلج اخوج اتسلّب
گلهه الگمر وفّه العهد. بچفوفه وجروح الجسد
لطاري السبي يتعذّب
خادم ألك ممنون. وتعذرني زينب كون
بدمعي شبگته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
عباس ابوالغيره الكفو. مات وتركني بلا اخو
روحه اطلعت بحضاني
عباس ياخويه صحت ظهري انكسر لمن متت
وتشمّتت عدواني
شلون ارجع بلا هيبتك. مو تدري ختنه بخيمتك
ياخويه تتلگاني
تسألني عنك ونفجع. يخنگني ياخويه الدمع
وتعثّر باحزاني
من يوگع العامود تعرف يراعي الجود
ما ترجع انته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
وگعت الخيمه وعرفتك. زينب يخوها وندبتك
وينك يحامي ظعوني
انت الجبتني امن الوطن. براية علي وتحدي الظعن
تذكر ينور عيوني
من تهجم خيول وزلم. من يحمي ضعنك يا شهم
مو تدري ميرحموني
تقبل يراعي المرجله. نطلع سبي من كربله
وعدوانك يچتفوني
نمشي بسبي عالنوگ. تقبل نطب للسوگ
وجهي لطمته. وصبري فگدته
من ودعت عباس
#سيد #زيد #الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
#محرم1446
ساقي العزم ..زود الشهم.. ماينرسم.. جماله
هـوَ الگمر ... ياهـو الگدر... يرسم صور.. كماله
طلبة علي.. وأبن الولي.. نوره الجلي.. بخصاله
تصنع زلم،، لفت لثامه
ماتنثلم،، شفرة حسامه
من شاربه،، تفيض الرجوله
ما ينرسم،، شيخ الوسامه
رب الشجعان يسمونه... والرايه ترف فوگ متونه
لو يزعل سياف الحومه.. أدخيل الله وخزرات عيونه
منه المدد.. كلشي أنوجد.. ماحده حد.. جميله
ماشاهدت... لا ناظرت... ولا دورت... مثيله
رب الأدب.. نعم الحسب.. ونعم النسب.. دخيله
القدره أنزلت،، كلها بيمينه
شگد كاونت ،،بالخزره عينه
شبعت دفو،، اخيامه بحنانه
من أطفحت،، الغيره بجبينه
من گصته يصب نهر الغيره.. وميخلي العشگوه بحيره
فوگاهم يمطر معروفه ... بتسهيله وحكمه وتدبيره
الحب والوفه.. والمعرفه... والعاطفه... بحنانه
البيهـ ألتزم.. الدرب الخيم.. جاب الخدم...أمانه
مـن غيرته... ومـروّته... ومـن جربته... روانه
بگلبه اليطب،، ياخذ كفاله
يرسم درب،، الكلمن أجاله
يسوي ملك،، وينهي ضياعه
يستسقي حُب،، بس من خلاله
المد أيده ولخيامه أيقربه.. من الجربه ماي أيشربه
مديت أيدي صوب أچفوفه.. وهايم گلبي بحبه وحربه
لما دنى.. الكل أنحنى.. أني أنا.. يقولو
قد قالها.. أني لها ..أردى بها... الفحولو
راعي السقا ..ليث الوغى.. في الملتقى.. ينولو
بان النقص،، ومابادي صوله
بيهم يگص،، سيف الرجوله
يقتل أخــذ،،، كلمن يجيله
گامت تغص،، الگاع بنزوله
يسحگ ألاف بصولاته... ويخوف خصمه بريشاته
زلمه وتجدح غيظ أعيونه... ياخد يتحمل سطراته
سر فاطمه ..وحامي الحمه ..بأمر السمه.. خلوده
ظهر الأخو... منه كفوو.... ذل العدو ... بصموده
بيده العلم ..راعي الشيم.. تعيش الخيم.. بوجوده
چنها عسل،،، بيه السوالف
بڤي الفحل،، تلوذ الطوايف
أدخيله صبح،، ظهر العضيده
لمن حمل،،، ثبت مواقف
تلوذ الوادم كلها بڤيه.... نور الكون أشوي من ضيه
نهر الغير يصب من جوده.. ومايخلص لاشح جاريه
✍️#حسين #حمدان #الدلفي
#محرم1446
كافل
بس ابو فاضل
الهاشمي الباسل... أبا الفضل
قائد
من ظهر قائد
هوه بس واحد... أبا الفضل
صمصام السماء … محراب الوفاء
حمال اللواء.... كبشٌ للفداء أبا الفضل
قسور ومـن ظـهـر قسور طالع
الخوذة والريشه منارة وجامع
ياهو مثله هوا بعده بظهر أبوه
الگمر ضوه بنور وجهه الساطع
___.
القاهر
الناصح الناصر
الخوتّه مئازر ...أبا الفضل
الغاضب
لو نوة أيحارب
بخزرة الحاجب... أبا الفضل
ريشاته النصر... قتال الكفر
يكر وما يفر ... يذبح بالخزر ...أبا الفضل
صـار حـيـل الله القوي بيمينه
طفح عرجه الهاشمي بجبينه
دخيل خزرة عينه لو حان النزال
الشرد من سيفه يذبحه بعينه
__
يندم
الطگه مايسلم
امن أيده لجهنم... أبا الفضل
كاسر
جم خشم ماذر
شگد زلم ناحر ....أبا الفضل
حلاّل الشدد... أيات الوعد
مامثله أحد... نهتفله المدد... أبا الفضل
الراجفه أتحل لو نزل للحومه.
شهم حيد ومرجله وجيدومه.
لو غضب والغيظ يطفح يعني گول
ينـفتح بـاب القـيـامه بـيومه.
،__
رايه
بيها دگ ثايه
من حچه أحچايه ... أبا الفضل
يكتل
للحرب يدخل
بشاربه يفتل.... أبا الفضل
يغدو بالسقا .. في سوح الوغى
يوم الملتقى... والموت رقا..... أبا الفضل
مـن يـطب يتـلثم أبچفيته
أيدمر الجيش أوله وتاليته
من يطب عالحومه مايبقى شجاع
يامحارب گدر يوصل صيته
__""_
هايم
عبده وخادم
القاضي والحاكم ...أبا الفضل
بلطفه
وارتجي بعطفه
مغرم بوصفه.... أبا الفضل
كفال الخدم ... يتناثر شيم
من أيده النعم... شيال العلم.... أبا الفضل
باب للرحمه التصب عالخدمه
بشكره يتجسد دوام النعمه...
عنه مو معصوم گالو وانا أگول
بذكره يتجلى كمال العصمه.
__$$_"
✍️#حسين #حمدان #الدلفي
قصيدة.. ( إلى ابا الفضل العباس .ع.) محرم الحرام.. 1446..
( كَليم الماي )
جان الماي زمزم انت بيدك
واخيام العطش كلها تريدك
سِر ماينعرف وين _ صرت لعيون الحسين
يعباس ، يعباس
-----------------------
إنت سِر الله الإعظم عالخِيْام
قررت معنى الضِمه يعني الهِيّام
يانَفس هُوني كِلت عن الأمام
إنت ابوفاضل بعد عالي المُقام
مُعجِزة الشريعه بيد جَفين
شُمرت الماي من ايدك للحسين
كلشي بيدك يلين - صرت لعيُون الِحسين
يعباس ، يعباس
------------------------
يابوفاضل أسمك أنت سَيّد الماء
هاي فلسفة العشك في كَربلاء
للحُسين أنت صِرت باب الدُعاء
اليدخل الحَضرّه أطمئّن من الشِفاء
رُوحك تِنبُض أنتَ و آ حُسيناه
اليمُوت إويّه الحُسين يعيش وَيّاه
بكد باب الضريحَين - صرت لعيُون الِحسين
يعباس ، يعباس
-------------------------
ياكَليم الماي بس تدعي النَهر
جان ينزل عالخيم مثل المُطّر
الله راد بكربله وشَاءَ القَدّر
يِمُوت ضامي بالعَطش أغله نَحر
حتى العلكُميّ يعشك الكافل
دخيلك سَمعآ وطاعة بُوفاضل
بدُعائك يجري نَهرين - صرت لعيُون الِحسين
يعباس ، يعباس
-------------------------
أنت ياساقي العُطاشى والمُخَيّم
حلم بِجفُوفَك شِلت بالجِربَه زَمزّم
اخيام كُل الهاشميّه من مُحرم
تصيح ياباالفضل جُودك وين ياعّمْ
لحد الآن عَطشانه خِيَمكُم
تُبقه كُل مَحرم وي ذِكركُم
تشهد تُبقه الِسنين - صرت لعيُون الِحسين
يعباس ، يعباس
-------------------------
الطف ابد ما ينتهي من لا نهايّه
لأن ياعباس أنتَ كُل بدايّه
مثل طبع الغَيم طبعك عالضِمايّه
وبعد عاشوراء زينب والحِكايّه
سَلمت الإمُر بيد العَقيله
وبعد العاشر الرحلة الطويله
معناها السبي يحين - صرت لعيُون الِحسين
يعباس ، يعباس
---------------------------
الخادم _ ابو فدك الشامي
قصيدة . نزله ( لمولاي ابا الفضل العباس عليه السلام ) محرم الحرام.. 1446.
ياباالفضل نَحنُ اِبحِمَاك
-----------------------
زينب اني الهاشميه .. ياباالفضل
بالخيم عُطشت رقية .. ياباالفضل
انتظر اتعود اليّه .. ياباالفضل
ياكفيلي تدري بيه .. ياباالفضل
ياباالفضل نَحنُ اِبحِمَاك
------------------------
خويه يابدر العشيره .. ياباالفضل
اخلافك الكسره جبيره .. ياباالفضل
يابوفاضل يبو الغيره .. ياباالفضل
بلا كمر معناها حِيره .. ياباالفضل
ياباالفضل نَحنُ اِبحِمَاك
-------------------------
اِبحِمَاك الخيم هايّه .. ياباالفضل
انت ساقي الضِمايّه .. ياباالفضل
وين رايح يبو الرايه .. ياباالفضل
يالوداعك لا نهايّه .. ياباالفضل
ياباالفضل نَحنُ اِبحِمَاك
-----------------------
ينشد اعليك المُخيم .. ياباالفضل
العطش بالروح يلتم .. ياباالفضل
ياحلم شايله زمزم .. ياباالفضل
يالعفتني اني بالهم .. ياباالفضل
ياباالفضل نَحنُ اِبحِمَاك
-----------------------
خويه ياراعي الحميه .. ياباالفضل
خويه ياعين الزجيه .. ياباالفضل
آخر اوداع المنيه .. ياباالفضل
زينبك بعدك سبيه .. ياباالفضل
ياباالفضل نَحنُ اِبحِمَاك
------------------------
الخادم _ ابو فدك الشامي ✍
يبو فاضل رسايل عتب وديت
الك امشي ولبو السجاد وديت
جرح كلي صرت لحسين وديت
واريداً فزعتك عباس اليــــــه
،،،،،،
اريدن فزعتك ياصاحب الـــــــفزعه
عليك بنحر اخوك وخنصره وضلعه
عليك بستر زينب ومك البضعـــــــه
اما تدري عليه انطبگت السبعــــــــه
انوبه بكيفك ضلت
وانته الحاكم والدكتور
،،،،،،
محمد الفهداوي
للعباس ع
يكافل كل هلي يا إيد الله وعلي
يبو فاضل يبو فاضل
****
يالكفلت احبابك اجه يوم اصوابك
مهرتك تتانيك خل يعج اترابك
ياللي طولك رايه طب للمسنايه
ارد اشوفك عباس تدگ يمها الثايه
شيل سيفك يبو فاضل وخنگ انفاس الهوه
انته زلزال الحرايب لايگ الچفك لوى
حدر جدمك خويه هزها كل ضواحي نينوى
يوارث حيدره يسبع الگنطره
يبو فاضل يبو فاضل
****
المشرعه ملزومه خويه طب للحومه
بيك حيدر ينشاف يالله كرر يومه
لمن ايلاگونك ارد اشوف عيونك
يا بطل تجدح نار خل تهب افنونك
چم الف همه يكافل ما اقيسك بيهم
انته وحدك جيش كامل غضب طش اعليهم
چن نسو صفين خويه يالله رد ربيهم
زلمهم مو زلم شرارك خل يعم
يبو فاضل يبو فاضل
****
ابدائرة ميدانك خلي كل عدوانك
الما فهم معنى الموت درّسه ابديوانك
يا هلا بضيوفك مد يخويه چفوفك
من سقر افتح باب خل تشوف اطفوفك
انته محشر انته مالك انته باب الواقعه
ابصلب حيدر چنت عايش يعني خيبر قالعه
أربعة آلاف خويه والله سهله المشرعه
اريدك عالنهر تراويهم سقر
يبو فاضل يبو فاضل
****
المرجله تحلالك بيّنت افعالك
امن السمه حد الگاع بس اشوف اخيالك
احلى يومك عيشه خل ترف الريشه
شكو قائد يدناك طمه هوه وجيشه
انته عسكر وانته قائد فرح بيك احسينك
يا چبير ابگد فعالك ضاع كون ابعينك
كل عددهم حجمه محبس ما يطب چفينك
ردت اكثر عدد تدوّر عالشرد
يبو فاضل يبو فاضل
****
اتبختر انته ابكيفك عالمتن حط سيفك
النهر ترسه بالجود تالي اخذ كل حيفك
المشرعه صفيها ملحمه سويها
بالنهر طم الگوم وتالي دوس اعليها
خلهم ايفهمون حيدر ليش بيدك باسك
تبتسم خليني اشوفك من يدخن راسك
خلي عزرائيل يحظر من تجر انفاسك
يفنان القتل ولا يبقه عدل
يبو فاضل يبو فاضل
****
يالنطيت اوعودك سهم خيطب جودك
انته اغلى امن الماي لا تطيح ازنودك
حاول اترد لينه خويه لتخلينه
سكنه صاحتلك صوت ابو فاضل وينه
انچان لينه ما تعاود يبو الغيره ننسبي
والحبل يلتف علينه ويحدي بينه الاجنبي
ويه خيماتك تراها تحترگ حتى العبي
يحرگون الخيم يشتمون الحرم
يبو فاضل يبو فاضل
****
#الشاعر #اياد #الديراوي
فقام بإلقاء الحجة على القوم الظالمين فتوجه نظره (ع) إلى القوم المصطفيّن بوجوه مكفهرّة، لعل فيهم من ينجيه النظرُ إلى نور وجهه الكريم، علّ أحدُهم يستدعي وصايا رسول الله (ص) في الإمام الحسين (ع) يوم كان صغيراً.. فتوجّه ناحيتهم ونادى في القوم:
هل من ذابٍ يذبّ عن حرم رسول الله (ص)؟ هل من موحّد يخاف الله فينا؟ هل من مغيثٍ يرجو الله بإغاثتنا؟ هل من معين يرجو ما عند الله في إعانتنا؟
فأتمّ عليهم الحجة وأوصل الرسالة بأبلغ معانيها، وأجلى صورها..
أيها القوم.. هاهي نساء رسول الله (ص) الذي تدّعون انتمائكم إليه، فأين هو إيمانكم بتوحيد الله وخوف معاده؟ وأين هم الذين يرجون ما ادخره الله لأصحاب النفوس الكبيرة، الذين يغيثون الملهوف ويعينون المحتاج؟!
توجّه الإمام الحسين (ع) ناحية خيمة أم المصائب زينب (عليها السلام)، يحيطه البهاء، وتتوزّع من عينيه معاني الوداع.. فناداها: أختاه، أوصيكِ بطفلي الصغيرِ عبد الله، ناوليني إيّاه لكي أشمّه وأضمّه وأودّعه...
دخلت زينب بجلالها الخيمةَ، فأتت به للحسين تحمله، وتجرّ معها اللوعة والأسى على الطفل الرضيع..هاكَ رضيعك قد يبس لسانُه من شدّة الظمأ والجوع، فلم يشرب لبناً ولا ماء منذ ثلاثة أيام، وقد جفّ لبن أمّه من عطشها، فاحمل طفلك يا خيرة الباقين ورائحة الماضين إلى هؤلاء القوم لعلّ صحراء قلوبهم ترقّ لحاله.
تناول الحسين (ع) الأبُ ولدَه الرضيع بحال يرثى لها، فهو لا يقوى على الحراك ويراوده الإغماء حيناً بعد حين،(من شدة الحرّ والظمأ) فانعطف الحسين بوجهه الكريم ناحية طفله هامساً يخاطبه: يا بني! ويل لهؤلاء القوم إذ كان غداً خصمهم جدّك محمد (ص).
والتفت به إلى ناحية القوم المدجّجين بالحقد والطمع قبل السلاح والحديد، واستقبل الجيش الجرار فرداً رافعاً الطفل بيديه، وردّد فيهم:
يا قوم قد قتلتم شيعتي وأهلَ بيتي، وقد بقي هذا الطفلُ يتلظّى عطشاً، فاسقوه شربة من الماء، فإن كان هنالك جرم للكبار فما لكم على الصغار من سبيل.
إلا أن القوم أصرّوا واستكبروا استكباراً، وحارت بين قلوبهم الأطماع فاشتعلت أحقاداً، فتمكّن الشيطان اللعين حرملة بن كاهل، فانتفض معربداً، واستلّ سهامه المسمومة، ليقطع نزاع القوم فيما بينهم… وسدّدها ناحية رقبة الطفل الرضيع المندلعة، التي كانت تشعّ بياضاً أي واعبدالله فرماه بسهمه المثلث انا لله وانا اليه راجعون فاخترق السهم رقبة الطفل الرضيع فذبحه من الوريد إلى الوريد ~ واعبدالله آه آه فانتفض الطفل من حرارة السهم فشقّ القماط وأخرج يده منطلقة ناحية صدر أبيه، علّه يستقبل ألمه، لكن صدر الحسين تثخنه الآلام، وهنالك الألم قد اعتنق الألم..
آه~/ لحن الفراق او الحسناوي ~
يگله يبني… تنذبح ما بين اديّه
يگله يبني… تصيبك سهام المنيه
يگله يبني… فتّح عيونك عليّه
يا رضيعي… منذبح يبني مفطوم
يا رضيعي…تنزف اوداجك دموم
يا رضيعي… من الشرب يبني محروم
خادمة آل محمد✍🏻
الله الله ساعد الله قلبك سيدي يا حسين ~ فبَسطَ الحسينُ يديه الشريفتين يجمع دماء الطفل.. وشفقة على أهل الأرض، كي لا يطبق عليهم العذاب أجمعين، رمى بقطع الدم إلى السماء وتصاعدت الدماء وتقبلها أهل السماء بقبول الألم، ولم تنزل من تلك الدماء الزاكية ولا قطرة واحدة على الأرض.
وردّد الإمام المظلوم لرضيعه المسفوك دمه: هوّن عليَّ ما نزل بك أنّه بعين الله.
فإن الله سميع بصير وهو خير الشاهدين..
ثم شخص ببصره إلى السماء داعياً الله: يا رب لا يكون هذا الطفل المذبوح أهون عليك من فصيل ناقة صالح، ربّ إن تكن حبستَ عنّا النصرَ من السماء، فاجعل ذلك لما هو خير، وانتقم من هؤلاء الظالمين... انا لله وانا اليه راجعون ~
وقفل الإمام الحسين (ع) راجعاً إلى الخيام محتضنا رضيعه، ومترقباً لآهات النساء ونحيبهن، فاستقبلته سكينة ابنته، قائلة: يا أبه.. لعلك سقيت أخي الماء!
فمدت ذراعيها لتقر عينها بأخيها بعد معاناته، إلا أن النازلة نزلت عليها فجأة بصوت أبيها يخبرها: هاكِ أخاكِ مذبوحاً، فقد أجابني الأعداء بسهم منيته، اخترق رقبته من الوريد إلى الوريد~~
سكينة تبكي اخيها الرضيع ع/لحن الفراق♪او الحسناوي
آيخويه… لا تغمضعن عيونك
آيخويه… من طبق گلي جفونك
أُخويه… منخطف عبدالله لونك
آيا عبدالله… فتح عيونك شويّه
آيا عبدالله… نظرة من عينك إليّه
آيا عبدالله… نايم ونومه هنيه
آيظامي… والروّا يا خويه محروم
آيظامي… يرتوي نحرك بالدموم
آيظامي… وبالسهم يغالي مفطوم
هنا سكينة تناغي اخاها تحاكيه لا ما من جواب ~
تگله نام… بمهدك الليله تهنّه
تگله نام… نومتك صارت بالجنه
تگله نام… يا ذبيح بدمه تحنّه
خادمة آل محمد✍🏻
فتصاعدت من الخيام النياحة والعويل بقلوب محترقة... فتلقفته النسوة، عمته زينب (ع) وأمه الرباب، وأخته سكينة، وأم كلثوم.. بقلوب محترقة على من قال عنه الإمام الحسين (أشبه الناس برسول الله (ص)، لما عرف من أصل منبته وطهارة حجره..
والذي لا إله إلا هو لا يحسن ظن عبد بالله إلا كان الله عند ظن عبده المؤمن لأن الله كريم بيده الخيرات يستحيي أن يكون عبده المؤمن قد أحسن به الظن ثم يخلف ظنه ورجاءه، فأحسنوا بالله الظن وارغبوا إليه.
مدخل:
حسن الظن بالله عبادة قلبية جليلة لا يتم إيمان العبد إلا به؛ لأنه من صميم التوحيد وواجباته ، وهو ظنّ ما يليق بالله تعالى واعتقاد ما يحق بجلاله وما تقتضيه أسماؤه الحسنى وصفاته العليا مما يؤثر في حياة المؤمن على الوجه الذي يرضي الله تعالى، لذلك ينبغي أن يكون سمة لازمة يتجلى في حياة المؤمن وعند احتضاره وقرب موته.
والحديث الشريف - الوارد في تصدير الموعظة - يلغي مفهوم الفصل الذي يحاول أن يطرحه المتكاسلون وغير العاملين فيما يرتبط بحسن الظن بالله، فمن يرجو الله يضم إلى رجائه الأعمال الصالحة من حسن الخلق والكف عن اغتياب المؤمنين، ومن يسوء ظنه بالله فهو يضم إلى سوء ظنه التقصير وسوء الخلق واغتياب المؤمنين، وهي أعمال طالحة تبعث على سوء الظن بالله سبحانه وتعالى.
*حسن الظن بالله وبالمؤمنين:*
ولأهمية هذا الموضوع سنتاوله من خلال الآيات والروايات في محورين:
1- المحور الأول: حسن الظن بالله:
فيما يرتبط بالمحور الأول فقد وردت الكثير من الروايات الصادرة عن أهل البيت (عليه السلام) التي تحث على حسن الظن بالله تعالى وتحذّر من سوء الظن به تعالى.
منها: ما عن أبي الحسن الرضا (عليه السلام) قال:: أحسن الظن بالله فإن الله عز وجل يقول: أنا عند ظن عبدي المؤمن، إن خيراً فخير، وإن شراً فشر.
أي إن كان ظنه بي خيراً فجزاؤه خير، وإن كان ظنه بي شراً فجزاؤه شر.
وهذا الحديث يؤكّد على وجود الارتباط بين الظن الذي يختاره العبد بالله مع الجزاء، وإن الأمر لا يتعدى الاختيار القلبي الذي يظهر أثره على المرء في عمله.
ومنها: ما عن أبي جعفر الباقر (عليه السلام)، قال: قال رسول الله (صلى الله عليه وآله وسلم): قال الله تبارك وتعالى: لا يتّكل العاملون على أعمالهم التي يعملونها لثوابي فإنهم لو اجتهدوا وأتعبوا أنفسهم وأفنوا أعمارهم في عبادتي كانوا مقصّرين غير بالغين في عبادتهم كنه عبادتي فيما يطلبون عندي من كرامتي والنعيم في جناتي ورفيع درجاتي العلى في جواري، ولكن فبرحمتي فليثقوا، وبفضلي فليفرحوا، وإلى حسن الظن بي فليطمئنوا، فإن رحمتي عند ذلك تدركهم، ومني يبلغهم رضواني، ومغفرتي تلبسهم عفوي، فإني أنا الله الرحمن الرحيم...»الكافي ج٢ص ٧٢
وهذا الحديث يسلّط الضوء على نقطة مهمة في مسألة حسن الظن بالله، وهي أن حسن الظن لا يعني ترك العمل بل عدم الاتكال على العمل واعتبار العمل لوحده المنجي للإنسان والبالغ به عبادة الله ورضوانه، فحاجة الإنسان إلى رحمة الله وحسن ظنه بها أكثر من حاجته إلى عمله.
ومنها: ما عن بعض أصحاب الإمام الكاظم (عليه السلام) أنه قال: كنت وراء أبي الحسن موسى (عليه السلام) على الصفا أو على المروة، وهو لا يزيد على حرفين: "اللهم إني أسألك حسن الظن بك في كل حال، وصدق النية في التوكل عليك»الكافي ج٢ص ٧٢
وفي الحديث تأكيد على أن المؤمن لا يستغني عن حسن الظن بالله تبارك وتعالى في جميع حالاته، سواء عند نزول النعمة بأن يرجو استمرارها والمزيد منها، أو عند نزول المصيبة بأن يرجو زوالها وعدم حدوثها ثانية، وسواء عند ارتكاب الطاعة بأن يرجو من الله قبولها، أو عند ارتكاب المعصية بأن يستغفر الله ويرجو قبول توبته.
2- المحور الثاني: حسن الظن بالمؤمنين وسوء الظن بهم:
حسن الظن بالمؤمنين خلق فريد وأمر حض عليه الإسلام ، وهو من أبرز أسباب التماسك الاجتماعي على مستوى الفرد والأسرة والمجتمع ، حسن الظن راحة للفؤاد وطمأنينة للنفس وسلامة من أذى الخواطر المقلقة التي تفني الجسد ، وتهدم الروح ، وتطرد السعادة ، وتكدر العيش ، بفقده وتلاشيه تتقطع حبال القربى وتزرع بذور الشر وتلصق التهم والمفاسد بالمسلمين الأبرياء ، لذلك كان أصلاً من أصول أخلاق الإسلام ، وعليه فلا يجوز لإنسان أن يسيء الظن بالآخرين لمجرد التهمة أو التحليل لموقف ، فإن هذا عين الكذب قالى تعالى: ﴿ يا أيها الذين آمنوا اجتنبوا كثيرا من الظن إن بعض الظن إثم ﴾(الحجرات / 12)، ولابد من التعرض للآية بشكل موجز بنقل ما قاله العلماء والمفسرون من الشيعة الإمامية.
قوله تعالى: ﴿ اجتنبوا ﴾أي كونوا على جانب منه، أي ابتعدوا عنه.
وقوله: ﴿ كثيرا من الظن ﴾ والمقصود به: "كل ظن لم يقم على اعتباره دليل معتبر".
وبناء على هذا الرأي فإن سوء الظن يكون أحد أفراد هذا الظن المنهي عنه ﴿ إن بعض الظن إثم ﴾ فالظن الذي يكون إثما إنما هو ما يفعله صاحبه وله طريق إلى العلم بدلا منه مما يعمل عليه، فهذا ظن محرم لا يجوز فعله، فأما ما لا سبيل له إلى دفعه بالعلم بدلا منه فليس بإثم، فلذلك كان بعض الظن إثماً دون جميعه"الطوسي
[[ يمنـة حيدرة ]]
لشجاعة مولاي ابا الفظل العباس ع
ابو فاظل والنعم
هلا بيمنة حيدره
◾◽◾◽◾◽◾◽◾◽◾
تخوصر ومـتبســم
غيض وسط عيونه
صاح هذا العســكر
اگــــبالي شويونــه
وگال أنه البالشـده
ما تغـــــــيـر لونــه
حيــــدر وحملاتــه
بصولتي يشوفونـه
حي ابن حامي الحمه
الما رجع مره وره
◾◽◾◽◾◽◾◽◾◽◾
مدربه ابــــوه بأيـده
يبوسه وسط اجبينه
هلا بمعـصب زيــنب
زماط اخوه حسينـه
سيفـه ضــل بغــمده
يــــعارك بچـــــفينــه
اليســـــطــره بخــده
اگــبالـه توگـــع عينـه
عمره سبعه واللقب
صار سبع الگنطره
◾◽◾◽◾◽◾◽◾◽◾
واحــــد يصدولــه
وهو حيـــل هوايه
كــافـــل العـــلويــه
بچفه محله الــرايه
مشهد امن افعـــاله
ثنـــه ركبــه بمــايه
وگله هسه بســرعه
تمشي ركضه ويايه
بشاربي كافل نسه
شچم طفل ومخدره
◾◽◾◽◾◽◾◽◾◽◾
فــــارس ومهيــوبه
بسدة زينب اخـــته
والگرب يــــم خيمه
برجله يسحگ جثته
من قره الارجــــوزه
كل زلمــــهم سكتــه
واليخـــزره الكـافـل
بعد خلّــــص وكتــه
صاحو ادخيلك علي
واحنه نرجو المعذره
◾◽◾◽◾◽◾◽◾◽◾
يومه حار ويرعـب
كلها خافت يومــه
الينتحر يوم الطف
هذا ياهــــو يلومه
ضاگت بعسكــرها
خنگه كل الحومـه
الما تفـض اطلابته
نزع كــل اهـدومـه
عاد الامجاد الـبطل
غدت كلها مطشره
◾◽◾◽◾◽◾◽◾◽◾
عبد العليلـه
✍حيدر ابو كيان الفاطمي
شِد الحيل * ردِ الخيل * يمشكر
ياوفاي * جيب الماي * للخـَدَر
لف الجيش بالرايه
جيب العلگمي اومايه
شد الحيل * رد الخيل * يمشكر
""""""""""""""""""""""""""""""""""""""""
شدها وگوم ،ياجيدوم ،خل اشيوخهم تندم
صفها اصفوف خوف الخوف بلفرسان لاتهتم
حز ارگاب، خلها اتراب، غرگها الجثث بالدم
طگ زلال ، هد جبال ، كون الخان يتندم
معروف الحرب عيدك
تـِل ارگابـهـم بيدك
صيتك بان ، بالعربان ، معلوم البدر يضهر
"""""""""""""""""""""""""""""""''''''''''''''''''''''''''
يومك حان * ياطعان* خل اخيولهم تتعب
ياكفال *عودك گال * سيفك بالحرب تلهب
من وصاك * كض يمناك * گال بشاربك زينب
يعلم بيك ماناسيك ،وانته السيف المجرب
كلك مرجله اونخوه
صيتك بيهم اشسوه
راعي الزود * مثل العود *هذا الحيد من حيدر
""""""""""""""""""""""""""""""'''''''''''''''''''"""
طب عباس * عالي الراس *خله اكبارهم تنذل
صاح ابصوت *شنهي الموت *بين الخيل يتوغل
طبها ابزود *شال الجود * خله الگوم ماتندل
طرها وراح * داس الطاح * سيفه عله الرگب هلهل
رد إمحقـق أحلامـه
جاب الماي لخيامـه
غيـَر حال- روه إعيال . ويه احسين ماقَـصر
"""""“"""""""""""""“""""""""""""""""'''''''''''
ردها وشاط * صار ازماط * گام السيف بيهه ايحز
ترجف خوف *من.تشوف * عباس الگمر يبرز
كلهه اتطيح * من ايصيح * لاساحر ولامخرز
هل كفار*صارت عار * ذلت ماتعيش ابعز
كثره اچفوف شلاها
روس الگوم ذلاها
شبها ابنار * جاب الثار* گال الضلع يتجبر
"""""""""""""""""""""""""""""""""""""""
دمهم فاض * من اغتاض* سوا الحيد يوم اسود
واگف سور *وجهه ينور * ماواحد وصل للحد
گام يدوس *فوگ الروس * والتاريخ ضل يشهد
من يصول * كلهه اتگول * طاحت ناس ماتنعد
جاب الماي لخيامي
خله الجـود گـدامي
هذا اليوم * يضل الحوم* ياكل بالجثث بالبر
"""""""""""""""'''''''''''''''''''''''''''''''''''''''''''''''''
✍️ فاخر علي الشبيبي
جديد#
فزاعيه للامام العباس عليه السلام
اصيح ابصوت ياعباس
بعدك شمر يحديني
اندهك ياشبل حيدر
مني اشلون تتعذر
يخويه اگليبي اتفطر
اگعد يابعد عيني
بعدك شمر يحديني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اگعد عاين الحالي
شمر ياحيف يبرالي
يخويه الموت اشوالي
ماارضاها تدريني
بعدك شمر يحديني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ما ارضى الشمر حادي
اريدن خال ويلادي
يشوف ابحالي اشسادي
مو طبعك تجافيني
بعدك شمر يحديني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اعرفك صاحب الغيره
عمرنه العمرك انديره
اخلافك يالولي حيره
ريتك تسمع اونيني
بعدك شمر يحديني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ريتك تسمع العبره
جرحي ما اظن يبره
ظلت بالگلب حسره
اشلون الغرب توليني
بعدك شمر يحديني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
جديد #
نعي للامام العباس عليه السلام
يشريان الگلب يانشغة الروح
على مصابك نون يالغالي ونوح
يمن شوفك دوه اوبلسم للجروح
لو ينفع اضمك بين الضلوع
يعباس الگلب مابطل ايلوع
بفراگك يون اوحيل موجوع
بفراگك اون والون كتلني
وبنص الگلب دهري طعني
يعملات الدهر خويه عمني
على گلبي الهموم اهواي كثرن
ومثل ساطور وبگلبي يطبرن
ال اجروحه غميگه اشلون يبرن
ال اجروحه غميگه ماظن اتطيب
وصل حد الرمش ياخويه هالشيب
ال على المثلك تون دلالها ايعيب
يعباس يل كلك حميه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
جديد#
هوسات للامام العباس عليه السلام
گصد نهر الفرات ومگصده يجيب النهر
ابد مو صعبه اعله كافل زينب اربات الفخر
شنهو الماي گال الماي اجيبه وحتى لو اصيرن وذر
الخاطر زينب /ماي الكون ايصبح اهنا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
رخيص الماي شنهي الماي عباس اويشيله ابجود
اجه ايعلم النهر هاليوم عن معنى الكرم و الجود
درس خله الفرات ايدوخ ذله ابچفه راعي الزود
وچف الكافل /علم وندرس بيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شذكر لو اسولف بيه حاير بيش اوصفنه
شجاعه أو مرجله اوتاريخ كلهن سولفن عنه
انجمعن كلهن ابعباس قياده أو هيبه اعرفنه
اسمك ياهيبه/ظل تاريخ وماننساه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
أنه الهايم باسم عباس واعشگ ذرة اترابه
حيد امجرب أمن انخاه ولو ضاگت ادگ بابه
كل شده اعله ابابه اتهون اوتنحل باسمه الطلابه
ابن البدويه/گدها اودوم انفاخر بيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
#محرم1446
مقدمة/ ابا الفضل العباس عليه السلام 2024
جيت ازورك يا گمر. وشعر بظهري انكسر
نعادت بعيني المصيبه. من طحت يم النهر
٠٠٠٠٠٠٠٠٠٠٠٠٠٠٠٠٠٠٠٠٠
جيت ازورك يابوفاضل. عمي يا سبع الطفوف
آنه بوصالح المهدي عالگبر انحب وطوف
ما برد دمك وهذا. اثر من دم الچفوف
وهذا ماي النهر يجري. وصوره بي منك اشوف
عالمُهُر شايل علم. وراجع لصوب الخيم
وزينب بخيمتها جانت. تنتظر منك خبر
٠٠٠٠٠٠٠٠٠٠٠٠٠٠٠٠٠٠٠٠٠٠٠
هنا طحت يا عمي ضامي. وهيه هاي المشرعه
بالعَـمَـــد راسك تصوّب والچفوف امگطعه
من اجاك حسين جدي. شگد بچه عليك ونعه
چفوف ما عندك تحضنه. ما گدرت اتودّعه
التكتل گبال العدو يصعب فراگ الاخو
جدي گام نكسر ظهره. والألم زاد وكثر
٠٠٠٠٠٠٠٠٠٠٠٠٠٠٠٠٠٠٠٠٠
ارد اسألك يابوفاضل. عمي ونطيني الجواب
ياهو اكثر جرح گلبك وانت طايح عالتراب
جروحك الينزف دماها. لو عتب ام الحجاب
زينب الظلت تنطرك. بالخيم تشكي بعتاب
ياهو اشد كطع الوريد. لو كسر ظهر العضيد
شگال گلبك يابوفاضل. راح اموت امن القهر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جاوب المهدي بوفاضل. سيدي يبن النبي
اصعب جروحي واشدهن. عالگمر جرح السبي
زينب اختي يابوصالح. يحدي بيها الأجنبي
اشد من جروح ادية. من شتمها الناصبي
الچانت بعزّ الخدر. تالي يسببها الشمر
نظرة الشامت عليها. اشد من گطع النحر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يابوصالح والمصيبه الأشد من كطع الوريد
مچتفه زينب شفتها. تدخل لمجلس يزيد
يسأل عليها اسمعه. بيها يتشمّت يريد
شكد تمنّيت آنه عايش عندي سيف وعندي ايد
چنت احز راسه النذل. وذبح الحط الحبل
وآخذ بثار العقيله. إلّا راويهم سقر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جيت اشكرك يابوفاضل. انت وفيت العهد
ثار زينب عمتي يمي. وهذا من عندي وعد
إلا اسبي اللي سبوها. اطمئـن وكثـر بعـد
اقتل ابن زياد بيدي وسحك بخيلي الجسد
وقتل ايزيد بعدد. جروح ابواليمه واشد
آل اميه والتبعهم ما يظل منهم اثر
#سيد #زيد #الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
#محرم1446
#قصيده_بحق_العباس_عليه_السلام
جفك خيمه
جفك خيمه وبين اعيونك سر الماي
وخدري العايش ويه انفاسك يالحماي
مخلوق الخدري وسرك بيه انقاس
يالتجري ابمجرى انفاسي ياعباس
جفك خيمه
-------------------------------------------------------
يطولي وهيبتي ورجواي يسر خدري يريع الروح
وجودي كله بيك انصاغ وكانت زينب امن اتروح
على انفاسك نِبض خدري غيابك ترس گلبي اجروح
بجالك هيبتي عباس وعگبك رافگاني النوح
ادري العدهه كافل مثلك ماتحتار
يالراسم بعيوني الخوه بيك اسرار
ياسور الداير خدري ماينجاس
يالتجري ابمجرى انفاسي ياعباس
جفك خيمه
--------------------------------------------------------
اروى من اشوفنك العطش معناه ماكو انته
ي اول كافل اعله الگاع مايحجي بحضور اخته
حجيي اتعرفه بالنضرات بعده ابگلبي ماگلته
ابشري اتگلي يازينب لو نجم السمه ردته
يمعيشني بجالك هيبه وبيك الزود
جنت اتگلي انتي احدودي بهاي اعهود
عبرت بحدودك عگبك هاي الناس
يالتجري ابمجرى انفاسي ياعباس
جفك خيمه
-------------------------------------------------
على اجناح الكفاله الروح مرهونه وعلى الرايه
يمي انته وشتاگك تغيب اشلون انه ابهايه
شربته الماي من عگبك ضگته مو عذب مايه
اثاري اعذوبته ابجفك الشخصك روحي ضمايه
ماعطشانه بس عطشانه الخوه وياك
يالعايفني ابهم اجروحي وين الگاك
يابير اجروحي عگبك ماينقاس
يالتجري ابمجرى انفاسي ياعباس
جفك خيمه
-------------------------------------------------
من عيني شلت رسمك بس بكلبي زارعته
يالمعودني زينب جاي حجي لفراگ مسمعته
اتروح ايروح كلشي وياك گلبي ونبضته ودگته
يعباس الخدر مرهون بطولك هيبته وبخته
شنهو اليبقه بزينب گلي وشنهو ايطيب
انته التنبض حدر اضلوعي اشلون اتغيب
يالزارع بيه الخوه اوي الانفاس
يالتجري ابمجرى انفاسي ياعباس
جفك خيمه
-------------------------------------------------
عفتني اميسره ابهمي وغيرك بيه ضل يحدي
السبي صح هدل امتوني بس فگدك فطر جبدي
عگب ذاك الضعن عباس تالي ردتي وحدي
انه ولهزله ودموعي غير الااه ماعندي
يالضميت اختك بعيونك گلي اشلون
امشي وهاي الناس انگلبت كلهه اعيون
ونضرات الشامت تجرح بالاحساس
يالتجري ابمجرى انفاسي ياعباس
جفك خيمه
-------------------------------------------------
علي سليم الحسناوي
#محرم_الحرام
#محرم1446
عباس.. شمايل حيدره.. وجزه حدود الغضب
نوماس ...دخيله لو زعل... وأبو للعركه رب
زلزال.. ثگيله خطوته.. أنچفت منها الارض
صنديد.. تخيل مهرته.. وتراب الطف هرب
أبو فاضل.. يشبهونه بعلي بكل موزمه
أبو فاضل.. بغضب سيفه صنعها الملحمه
أبو فاضل.. وعد الله النزل من السمه
صفت ظلمه الحرب .. وابو فاضل.. قمر
زعل عينه أجدحت.. على العايل ..قمر
نزل عالمشرعه..... عقاب من السمه
فتح برزخ لهم.. الحشر نازل... قمر
........................................
ريشات.. تشيم خوذته.. شهامه ومرجله
صولات.. ولافارس گدر.. بحرب يوصل أله
قعقاع.. يدمر لو نزل.. ويمينه القارعه
صعبات.. يحلهه بصارمه.. ويسهل المعضله
أبو فاضل.... دخيله لو زعل راعي العلم
أبو فاضل.... تناثر خزرته غيض وحمم
أبو فاضل.. أبو الغيره وصنع چفه الشيم
گمر الله وعلي.. فقط هوه... قمر
عظيمه هيبته.. أبو أمروه .. قمر
شديد بكل حرب.... ولا مثله أخو
أبن أم البنين... وبعد تگوه.. قمر
.................................
محلاه.. ولا جابه رسم.. حواجب لو نهر
يمناه... تلوح الگابله... أذا يبعد شهر
معروف.. لقب حازه بفخر.. يسبع الگنطره
الله... أذا أسمه يمر .... أصيح بكل فخر
أبو فاضل.. وسامه ومرجله وشيخ وكفو
أبو فاضل.. يصب نار وغضب فوگ العدو
أبو فاضل. وعلى الخيمه يصب برد ودفو
يسبحان الذي.. خلق نوره... قمر
رسم وجهه منو.. نبي أحروره.. قمر
رفيع المستوى... هوه الزاهد هوه
ولا يوجد شبه.. أله بصوره.. قمر
.....................................
مهيوب.. القيامه خزرته.. ووعيد الراجفه
مكتوب.. الكفيل الهاشمي.. اعله عيله ماغفه
بيمناه.. حساب ألي كفر ...وعقاب الأخره
محجوب.. أنخلق ماي وضوه.. ومهابه توصفه
أبو فاضل… عقاب الأخره وصوت الرعد
أبو فاضل… عذاب أهل الأرض نازل وعد
أبو فاضل… ولا مثله أنخلق فارس أبد
مخيف وحاجبه… عضيم السر.. قمر
علامات النصر... أذا يسطر..... قمر
يصوت القارعه...... أذا صوته زئر
تصير الزلزله ...وغضب يمطر.. قمر
..........................................
بحماه.. أنادي بالشدد.. عبد عين الگمر
أنخاه.. ويجي رب المدد.. وينومسني فخر
كفال.... خيامه والخدم... ويغيث الندبه
ماصار..اخو مثله أبد.. ولا اقيسه أببشر
أبو فاضل.. أبو الغيره اليندبونه الخدم
أبو فاضل.. المدد هوا ويرويهم شيم
أبو فاضل.. صور ماله ولا مره أنرسم
شعاعه من علي..ضوه ينگط..قمر
أذا يركب فرس..جدامه اتخط..قمر
العلي صاغه وبعد....ولا حطله شبه
يموت الگابله...شرط يشرط .. قمر
✍️#حسين #حمدان #الدلفي
قصيدة رئيسية ( ابا الفضل العباس ع )
محرم الحرام. 1446.. ( رسالات الخِيام )
أنتهت كل الرسايل
أرجع يابوفاضل
هاك أخذ عيني وتعال اعله الخيم
أدري عينك خويه طفاها السَهم
أرجع يابوفاضل
-------------------------
مانريد الماي خويه شوفِتك ماي
من تروح بعيد عني ظلمه دنياي
ياأمير اخيام خِدري عذّب رَواي
اني زينب يابوفاضل تبجي عيناي
اشوفك كلشي أنسه
الكمر ميعوف شمسه
من رحت اعله النهر عشت بألم
ادري عينك خويه طفاها السَهم
أرجع يابوفاضل
-------------------------
الرساله الإولى دَعوات الفواطم
أمَنْ يجيب الكَفيل ويرد سالم
الك مشتاكه سُكينَه بكَلُب هايم
ذبل كلشي بالخيم ياكمر هاشم
اجاني ابالي احساس
يزينب راح عباس
مثل راسك كلبي نصين اْنجسَمْ
ادري عينك خويه طفاها السَهم
أرجع يابوفاضل
---------------------------
الرساله الثانيه من رَد الحسين
شفت ظَهره إهلال محني طاح مرتين
بطيحته يعني يكلي لا تِنطريّن
إعرفت معناها اني على الجفين
عكبك يبو الغيره
تره الكَسرّه جِبيره
جن خِسُوف وصار ياراعي العَلم
ادري عينك خويه طفاها السَهم
أرجع يابوفاضل
-------------------------
الرساله الثالثه تِكْسِر الخاطِر
ريت ياباالفضل يمي إنت حاضِر
بين خِيل ونار اني وبين حافِر
خَذّت حيلي كَربَله بِنهار عاشِر
من حِركوها الِخيام
أحسب كُمت للشام
شاب راسي وعُمري بعدك إنهدَم
ادري عينك خويه طفاها السَهم
أرجع يابوفاضل
--------------------------
الرساله الإخيره والنهايّه
راح تِبدي قِصتِي من البدايّه
لَوَن ماترجع إلِي رُوحَك إويايّه
اعيُونك إنت عالرمح تشوف السّبايّه
السّبِي حَضرلِي الِمتُون
تبقى بحيره أُم عُون
للغريبه طف سّبي ثاني إنْرِسّمْ
ادري عينك خويه طفاها السَهم
أرجع يابوفاضل
---------------------------
الخادم _ ابو فدك الشامي ✍
لحن.. قصيدة .. النزله.. ⬆️
ياباالفضل نَحنُ اِ بحِمَاك ⬆️
ليلة العباس ع...
قصيده القمر بني هاشم الطور اهوازي
.
يوم الطب كمر هاشم حارت وين ملفاها
كل ذاك الجمع كله الكافل ذل رواياها
*___*
* *
بيوم الطب كمر عدنان حارت وين مشردها
ياخذ بيها عرض بطول. يوديها وبده يردها
طب بصارمه الباشط. كل الروس يحصدها
ماتت كلها من الخوف ماتت كل سوعدهاذ
كل ذاك جمع والجيش سيفه الركب حشاها
*___*
* *
تدري شكال المشكر يوم الطب عله الجيمه
اسويكم وتد بالكاع واربط بيكم الخيمه
طبها ومن يطب عباس بيهم يترس الهيمه
رب الغيره ابو فاضل ينبع زود والشيمه
سيفه صاكر القادات الحره بزوده غذها
*___*
* *
شمال اعله الشرق ذبه كلب سافلها عاليها
زينب تبقه دوم الدوم حره بزود اهاليها
تبقه السيده للموت جي عباس واليها
حته من مشت للشام. راح وياها حاديها
الكدها كلمته الوفاي الكدها بشرف وفاها
*___*
* *
وفاها ونعم عباس منك يا عجيد الكوم
العساكر من توسطها شربهم بكاسه اسموم
نازل بيده ذل فقار. تموت اليوم كلها اليوم
نازل عالجمع زلزال. بالميدان وحده يحوم
ماصار وبعد ميصير مثلك شايل الواها
*___*
* *
وفاي بعزم حيدر الكافل كد الحجايه
محد يشببهك للموت ماكو بس المرايه
السوه بيهم الما صار كبله ولا مسوايه
بسمه الغيره سموها الواحد ما مسمايه
ياشيخ العشيره ودوم ربعك بيك تتباها
*___*
* *
حسن صالح العيساوي
تحجي دنيانه اعله جودك يابو فاضل
شاهدك بالطف زنودك يابو فاضل
ترفع الراس. انته عباس يابو فاضل
=======================
حاير امنين ابدي اوصفك والله حيره
زغير اني وانته اسمك وحده ديره
زينب توصفك بدر ذيج العشيره
انته كافل وحده عالعالم اميره
تمشي غيره بنص وريدك يابو فاضل
شحجي وحسينك عضيدك يابو فاضل
تنكط احساس. انته عباس يابو فاضل
======================
لو حجينا اعله الشجاعة انته فارس
ماكو بالزود لحضرتك اي منافس
بابو فاضل والله تاريخك مدارس
نرفع الروس ونذكرك بالمجالس
انته بس اسمك حضاره يابو فاضل
صارن اجفوفك مناره يابو فاضل
يشمك الياس. انته عباس يابو فاضل
======================
حتى التراب التسحكه اترسه هيبه
انته مو ثامن عجيبة اول عجيبه
الغيم لو ناديته ينزل مو غريبه
يعشكك حسين ويجلك يا حبيبه
شوفة اعيونك علامه يابو فاضل
زينب اتحس بالسلامه يابو فاضل
عطرك انفاس. انته عباس. يابو فاضل
=========================
شرف التاريخ اسمك من تخلد
وكفتك عالنهر بالطف ايه تشهد
قمة بالايثار شخصك مالك اي حد
جفك يباهي الخلائق بي محمد
منين ما صدلك مأثر يابو فاضل
بالمواقف كلها حاضر يابو فاضل
ايه تنباس. انته عباس يابو فاضل
========================
انته ابو الجود وطفوفك تبقى شاهد
جيش جنك وحدك انته وهمه واحد
لن اخوك الحسن جان وعلي الوالد
الجيش من طكَة يمنتك كله شارد
والعزم عندك عقيده يابو فاضل
للسمه اليشرد تصيده يابو فاضل
تبقه نبراس. انته عباس يابو فاضل
===================
حكَنه لو بيك انتفاخر وانتباها
الغيره رادت غيره منك وانتباها
الكابلك ينشغل فكره وانتباها
الجنه تفخر بيك باجر وانتباها
ربنه كلشي مخلي عندك يابو فاضل
وفي وما اخلفته وعدك يابو فاضل
قبله للناس. انته عباس. يابو فاضل
===============حسين المحامي
((انطيني اديك))
انطيـــــني اديك وخل اعينك
چــا ويـــــن اديك أوين عينك
ما ادري اركض مدري اطيحن
محتــــار بيــــن الــخيمه بينك
عباس .. محيرني
عباس .. مغـربني .. يبن امي مضيعني
عباس .. حاچيني
عباس .. دليــــني .. ياليموتك يچويني
مدري انته مدري آنه الرميه
عباس گـــــوم شلـــــون بيه
چــــــا هيه هيچ الخوه هيه
ترحـــــــون ياخــــويه سويه
عباس ياخويه ...
"""""""""""""""""""""""""""""""""""''''''''''
چا رد عليه وجـاي اكلمك
يــالعشريعه شلـون ألــمك
متـــــوذر وماتگـدر اتگـوم
خليني چا بس مره اشمك
خويه .. وين امشي
خويه .. يـــالكلشي .. يالرسمك وبرمشي
خويه .. شو سكـته
خويه .. ويـن انتــه .. وحسينك شو عفته
والحيره مصبوبه اعله راسي
آنــــــــه الغريب ابلايه ناسي
يـــاروح اخوك شلـون طايح
خويه العـــــمد وياك جاسي
عباس ياخويه ...
"""""""""""""""""""""""""""""""""""''''''''''
يمخلي اخوك بروحه عثره
ومخلي حتـى عيونه حـمره
عباس خويه الجيش اجاني
دونك اتصير العشره مــــره
يحزام .. وسندني
يحزام .. ساعدني .. والظيم ضاهدني
يحزام .. بالــكلفه
يحزام .. باللــهفه .. والجــيش يتشفه
زينب شگلها مـــــن تگلي
لمن تگلـــي ويـــــن خلي
الرجعه دونك موت خويه
وبعمري دونك خويه شلي
عباس ياخويه ...
"""""""""""""""""""""""""""""""""""''''''''''
وشلون أرد لخـيامي وحدي
ياخويه شوف الجيش ضدي
ســــويلي يمك خـــويه نومه
يالغافي وآنه انفــطر چبدي
مو هيچ .. عشــرتنه
مو هيچ .. خُــــوتنه .. ياعيــن صابتنه
مو هيچ .. تــتركني
مو هيچ .. تصدمني .. عباس تهجرني
خويه السهم خلينه اسحبه
يــــاخـــــويه گلبي لا تتعبه
عايفني بين الجيش عباس
آنــــــــــه اخوك ألـي تحبه
عباس ياخويه ...
عبد زينب
محمد الابراهيمي