7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
يمظلوم اختك سبيه
يمظلوم بـالـغاضـريه
يمظلوم عفتك رميه
ـــــــــــــــــــــــــــــــــــــــــــــــــــــــ
سبـونـي خـويـه سـبـوني
سبـونـي ولـيـه ولــونــي
سبـونـي خـويـه اشتموني
سبوني واحمل اذيه
ــــــــــــــــــــــــــــــــــــــــــــــــــــــــ
عـلـى الأآه تـهـمـل دمـعـتي
عـلـى الأآه رحـت اپـغـربتي
عـلـى الأآه ضـلـت حسرتي
على الأآه لبن الزچيه
ــــــــــــــــــــــــــــــــــــــــــــــــــــــــ
رحت وين عـنـكـم يالأطياب
رحت وين ظل دمعي سچاب
رحت وين بـديـار الأجـناب
رحت وين عنكم سبيه
ــــــــــــــــــــــــــــــــــــــــــــــــــــــــ
يــدهــري خـويـه هـظمني
يــدهــري خـيـب ألي ضني
يــدهــري زيــدلــي ونـــي
يــدهــري حيل اگصه بيه
ــــــــــــــــــــــــــــــــــــــــــــــــــــــــ
يـعـبـاس خـويـه اشيجيبه
يـعـبـاس بـي شـح نصيبه
يـعـبـاس اخـتـك غـريـبـه
يـعـبـاس رحت امن اديه
ــــــــــــــــــــــــــــــــــــــــــــــــــــــــ
على الزان ابــن الـزچــيــه
على الزان. يـنـضـر عـلـيـه
على الزان ودوه هــديــــه
على الزان لـبـن الـدعـيـه
ــــــــــــــــــــــــــــــــــــــــــــــــــــــــ
لشاعر اهل البيت عليهم السلام
خـالـد عـامـر الـزيـادي
#شهر_محرم_الحرام
القصيدة الثامنه 8
زينب حايره _شور
زينب حايره وتطي الوجه وين
بالطف طاحو العباس وحسين
الجانت عايشه بنص گلب عباس
هسه داخله بنص الدواوين
الجانت ريت حسين
دخلت بالدواوين
طاحت نده عل الكاع
طاحت وركت التين
طاحت.. مكسورت گلب
طاحت.. وبين الغرب
طاحت.. والمدمع يصب
ويلاه ويلاه
..........................................
من ديوان تطلع تدخل بسوك
تركض حافيه والجدم محروك
بنات الشام صاحن كلهن بصوت
صعدوه خطيه زينب بنوك
شماته هواي بشام
مايرحمون ضلام
صاحو كلهم بصوت
بهيمه زينب تنام
نامت.. مهمومه وتون
نامت.. متروسه حزن
نامت.. ماطبكت جفن
ويلاه ويلاه
...............................................
حتارت والمصيبه شتحجي وتكول
على جسم الحسين شوف الخيول
تسحك عل صدره بحيله دوس
وتفتر عل عياله الخيل وجول
زينب صاحت اب اه
اخيي الخيل فوكاه
الهندس صعد عل كمره
وخله النور جواه
صاحت.. الحك كافلي
صاحت.. طاح امدللي
صاحت.. محد ضال الي
ويلاه ويلاه
...............................................
صفنه اجيبه وتاخذنه صفنه
تفكر بالحسين شلون دفنه
حترت بالحسين وبين الايتام
تلم ايتامه حسين التجفنه
زينب تهب نسمه
تلم حسين جسمه
بعبايته تجفنه
ومن نحره تشمه
صارت.. لحسينه جفن
صارت.. وبكليبها ندفن
صارت.. لبن امه وطن
ويلاه ويلاه
...........................................
خادم العليلة
علي الحاتمي
مو عجيبه .. راسك تكلم
العجيبه .. خدري التهدم
مو عجب راسك قره چم آيه
والعجب كله يخويه اسبايه
وين لحسين .. وين عباس
@@@
مو عجبه المصرع .. وجسمك يتگطع
العجبه نطلع .. بلا اگناع
مو عجبه هچي .. لو راسك يحچي
العجبه نبچي .. بلا گناع
…
مو عجيبه البطل يوگع بالدمه
ومن حقد اعداءه صدره مهشمه
ومو عجيبه الربنه وحيه ألهمه
ميت ويحچي بسور من محكمه
العجب والتنطبگ بيه السمه
الشمر يضرب بنت حامي الحمه
…
العجب زينب .. هالاسيره
وهيه اخوها .. ابوغيره
شلون ضل ابنومته عالثايه
والعجب كله يخويه اسبايه
وين لحسين .. وين عباس
@@@
لونك يعيوني .. تسألني شلوني
بعدك اسروني .. بولكبر
وابرمحك آيه .. نقراها هوايه
بين السبّايه .. بولكبر
…
خويه بعدك كلشي صاير صعب
من طحت وخيامي چن ساحة حرب
بس نسا تركض كسيرات الگلب
وطبوا اعلينه ويسلبونه الغرب
والاشد غصبن علينه وننضرب
وراسك ابنص المخيم منصلب
…
هذا يشتم . وذاك بالسوط
وابدمانه .. الدمع مخلوط
بعدك اتعذبنه خويه اهوايه
والعجب كله يخويه اسبايه
وين لحسين .. وين عباس
@@@
واشعظم الليله .. بن سعد او خيله
حاطوا هالعيله .. سبايه
وحصروا للخدر .. ولطفالي تنهر
وخلونخ بالبر .. سبايه
…
ياللي عالرمح ونزف دم الوريد
جمعونه بهالفلا طغمة يزيد
ونسمع اصوات السلاسل والحديد
وربطونه بالحبل ايد اعله ايد
وخل اخبرك شالجره تالي وازيد
عاملونه چنه يا خويه عبيد
…
جمعونه .. بهيمة البر
والمتقبل .. گوه تنجر
وغصب عنك ننسحب مشايه
والعجب كله يخويه اسبايه
وين لحسين .. وين عباس
@@@
هذي محروگه .. هذي مطگوگه
وهذي مخنوگه .. ابحزنه
وانته بوالغيره .. وفجعتنه اكبيره
ما إلنه جيره .. ابحزنه
…
هذا يرگض وره بنت وسلباها
وشتم امها وشتم تالي هم اباها
وذيك في سلبي التراچي عذباها
جر اذنها ابليه رحمه وانهباها
وطلفه تحت اخيول اميه بنت طه
تركض وجاها الدعي ابخيله اوطاها
…
هذا ضامي .. ومات عطشان
وذاك ينخه .. گمر عدنان
وذاك ماسك من طرف بالرايه
والعجب كله يخويه اسبايه
وين لحسين .. وين عباس
@@@
صرنه عالهزل .. ابكل خطوه ننذل
وكافلني امنول .. بوفاضل
شماته اعلينه .. الشمر ايجينه
وينادي وينه .. بوفاضل
…
والله عجبه بت علي تحديها لرجاس
وحولنه ابسب وشتم مجتمعه حراس
والشمر تدري يخويه ابدون احساس
اگبالنه ايهز الرمح ويطيح الراس
يشمت اعلينه ويگلنه وين عباس
ولو بچينه تجتمع للفرجه هالناس
…
شلون تالي .. من عمرنه
بين اسواگ .. فرجه صرنه
خارجيه الناس بس حچايه
والعجب كله يخويه اسبايه
وين لحسين .. وين عباس
@@@
وانا مچتوفه .. طبيت الكوفه
وعيني مخطوفه .. يويلي
ديرة والدنه .. صارت موعدنه
بديوان الضدنه .. يويلي
…
ابن مرجانه فرح عنده نصر
وأمر خلوا بت علي گبالي تمر
وگال شوفي راس اخيچ منحر
وانا من شفتك تمنيت الگبر
گبالي راسك بالطشت حطه ابكتر
وثغرك ابضرب العصا دمه يخر
…
اتشفه بيه .. ابن مرجان
وكان يضحك .. وهو سكران
هاللي چان الذلتي بس رايه
والعجب كله يخويه اسبايه
وين لحسين .. وين عباس
@@@
علي احمد الحمود
٢٦-٧-٢٠٢٣
السبي
دخول الكوفه
محرم
نعي لسان حال مولاتي زينب عليها السلام
من وصلت للكوفة والناس طلغت تتفرج علی السبايا مولاتي تذكرت بالامس كانت اميرة الكوفة واليوم تاتيها علی ظهور عجف النياق . تلتفت يميناً ويساراً لم تجد احداً ذو رحمٍ يرأف بحالها ويرق قلبه عليها .. كاني بها قالت والالم يحرق قلبها والحسرة بانت بعينيها ..
آه آه آه يامولاتي
حسبالي هلي يتبعون ظعني
لسه ولا زلمه ال تبعني
ابوي اظنّه ماسمعني
درب السبي ذلّه شبعني
🏴
ياحيدر بطرگ العبايه
طبيت آنه والسبايه
وجه الخدر يتبدّه مايه
لاهودج او لا فوگه رايه
🏴
بويه
گوم واستقبل بناتك
غطّيهن بهيبة عباتك
ياحيدر وداعة غلاتك
الهظم مسنه ورايداتك
🏴
ممشه البراري ماهو انّه
من الفشل ميتات چَنّه
حته الهزل ونن الونّه
يابويه اجاك اعتاب منّه
🏴
امن المستحه يبست لهاتي
اخاف الهوه يحرّك عباتي
نندب الغوث آنه وخواتي
ماگلت حي الله بناتي
🏴
ماندري بعد الكوفه لا وين ؟
چم ليله چم يوم ومرحلين ؟
مانعلم ليا ديره ماشين
ياعلي جاي ادخل دواوين
🏴
لا حول ولا قوة الا بالله العلي العظيم
ام محمد الحجاج
ابو ذيه وصول السبايا للكوفة
لسان حال مولاتي زينب عليها اليلام
🏴🏴
يمن لا گالهه الله انطب // نجفهه
او وگفه بسوگهم لازم // نجفهه ( نوگفها )
الدموع سيول مانگدر // نجفهه
الحبل من هل سبيه لهل سبيه
🏴🏴
نصر عدهم تلگونه // يطبلون
لون يروح هلوادم// يطب لون
وجهي اطوار كل ساعة // يطبلون
اليبيع اليشيري يتفرّج علبّه
علي بويه
🏴🏴
اجيت وللظعن مامن // علم .. عون
اتّفرّج طلعت الكوفه // عَله ام عون
الهظم ياعلي ماتدري / عِله ام عون
تدير العين والدمعه جريّه
🏴🏴
انسبينه وفرهديتو // مال اهلنه
النجف مو مال اميّه // مال اهلنه
مافزعو ورانه // مال اهلنه
تره اضحايه اتركتهم عالوطيه
🏴🏴
العدكم هذن كلهن // خيل اهنّه
وماظل يرد بينه // خي لهنّه
من راسك اتعذّر // خي لهنّه
المصايب . يمن تنزف بس حميّه
🏴🏴
ام محمد الحجاج
وصول السبايا الی الكوفة
🏴🏴
تلگاها يحيدر
وصلت الكوفه
زينب عالهزل
بحبال مچتوفه
🏴🏴
انهض ياعلي لزينب اتلگاها
يتامه والحرم والروس وياها
شنهي تگول من تشوف بلواها
يل مأدّبه العايل طبرت سيوفه
زينب عالهزل
بحبال مچتوفه
🏴🏴
لسه ماگمت وتشوف دمعتهه
ياوسفه تره الشمات وجعتهه
هاي الناس حتی الغيره نزعتهه
يبوها شحال زينب
ماتجي تشوفه
زينب ياعلي
بحبال مچتوفه
🏴🏴
عله الناگه سترها بس عبايتهه
ومن حرگو الخيمه النار لاحتهه
وفوگ امن العبايه الرايه لفّتهه
بيهه ريحت
العباس وچفوفه
زينب ياعلي
بحبال مچتوفه
🏴🏴
عله الناگه سترها بس عبايتهه
من حرگو الخيمه النار لاحتهه
فوگ امن العبايه الرايه لفّتهه
بيهه ريحت
العباس وچفوفه
زينب ياعلي
بحبال مچتوفه
🏴🏴
زينب تستحي وبلعبره مخنوگه
امن اذيال العبايه امبينه محروگه
واشگد عاثره وهواي مسحوگه
والشگ ياعلي مالحگت تروفه
زينب عالهزل
بحبال مچتوفه
🏴🏴
كون تشوف يابا الحسن ناگتهه
ابلا هودج وشمس الگيض حرگتهه
بدرب السبي چعوب رماح طگّتهه
وعثرات المسير
وطيحته وخوفه
زينب ياعلي
بحبال مچتوفه
🏴🏴
🏴
يازيتب
هوسه
ويني او وين رچب النوگ
او لا والي اليباريني
چبيرة عمر بالخمسين
اريدن من يداريني
يمه التعب هدلي الحيل
يم الحسن حضريني
شسوت بيّه الكوفه
خووت راسي اطگ بحجار
😭😭
اشگف والحجار هواي
كل ضربه اجت بيّه
براسي بوجهي بمتوني
مارحمتني كوفيّه
من فوگ السطوح الناس
اصعدت تتفرّج اعليّه
بنص السوگ اوگفنه
فرجه لكلمن رايح جاي
🏴🏴
واااااازينباه
ام محمد الحجاج
#قصائد_في_خدمة_الخطباء
#يوم_الحادي_عشر
#وداع_السيدة_زينب_للأجساد_الطاهرة
(طور عاري حبيبي عالغبره)
١/ودّعكم دمع عيوني
ماشِيَه عنكم عذروني
ما هي بديّه گوّه خَذوني
بحبل چفوفي گيدوها
بسوط متوني ضِربوها
عِذروني لو گلْتِلْكُم سِبوني
عنكم ما ردت لحظه أغيب
بس شبيدي آسرني الغريب
مو عجبه إذا راسي يشيب
راح اگضي العمر بس بالنحيب
الوداع .. راح امشي آْنه وأيتامي
الوداع .. بْگلبي أحمل آلامي
الوداع .. بالوَن راح اگضي ايامي
(تخاطب الحسين ص)
٢/خايفه اوصل للكوفه
وادخل مجلس مچتوفه
خايفه منِّ العيني تِشوفه!
راسك يالغالي صعبه
أنظر للطاغي يْضربه!!
گلبي يخويه كل هذا خوفه!
وِمْصاب الصّعب أتحمّله
يْودّوني لْيَزيد ومحفَلَه
وتتجدد مُصايب كربله
راسك بالطشت أنظر إله!!!
حسين .. ما أدري شلون اتصبّر
حسين .. همومي كل لحظه تكبر!
حسين .. إدعيلي يا بو الأكبر
#عظم_الله_أجوركم ◾️
فاطمة علي رزق
اسألكم الدعاء
قصيده للسبي لزينب عليها السلام
كون انموت... كون انموت
تمنيت انحط ابتابوت
صعبه ابسوك من انفوت
ولا بحبال مجروره
بسوك الكوفه مديوره
والشامت صفه زاتوت
كون انموت كون انموت
.....................
شامتنه صفه زاتوت من عكبك يبو الغيره
وضع اختك صعب عباس. وكلش صعب تفسيره
مجروره بحبل ياحيف تطب من ديره الديره
عكب ماجنت اميره حيف هسه حيرتي حيره
ريت الكاع تاخذني
وياكم يخال ابني
مهضومين مهضومين
والشامت صفه زاتوت
كون انموت كون انموت
صعبه ابسوك من انفوت
....................
ريت الكاع تاخذني ولاشامت يجرجرني
انه مخدرة عباس ليش الدهر دولبني
اتعبني اليسر والكيد ورمح الشامت بمتني
من نشدوني اخيج وين هاي النشده اذتني
شامتكم ضحك وايكول
اخيج عالرمح مشيول
شمتانين شمتانين
والشامت صفه زاتوت
كون انموت كون انموت
.......................
شامتكم ضحك وايكول يزينب وين كافلجن
من بعد الخدر يم عون محد باقي ضل الجن
تره المبجه يأاخت احسين ماينفع فلا تبجن
هذا اعله الرمح عباس اشوفه شلون ينضرجن
اشوف الغضب بعيونه
يباوعلج يخاتونه
لاتبجين لاتبجين
والشامت صفه زاتوت
كون انموت كون انموت
....................
زينب ونت اعله النوك واتنادي يحادينه
بسوك الكوفه اترجاك فشله لاتمر بينه
اشوفه امزاحم وبييه ناس خافن ينغشه اعلينه
لان تدرينه متعلمين عالحشمه وتربينه
زينب ونت بيا حتل
ضعن زحمه تشوفه ارجال
محتارين محتارين
والشامت صفه زاتوت
كون انموت كون انموت
...................
زحمه نطب تره ديوان وانجر الجدم كوه
نلوذ، بسد رماح او روس ننادي وين ابو النخوه
رغم مارووس فوك ارماح متعشمين بالخوه
اشوف اعيونهم تبجي من نعثر بلا تجوه
عثرت وصاحلي اسم الله
وراسه يرتل وصلى
صحنه بصوت صحنه بصوت
والشامت صفه زاتوت
كون انموت كون انموت
......................
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب ونسألكم الدعاء والفاتحه لوالديني وولدي محمد علاء واختي امل عباس
#محرم1446هـ
ياماي الله عطشانك
دليني عله مــــجانك
وين ابيا ثنيه تبجي عله السبيه
ــــــــــــــــــــــــــــــــــــــــــــــــــ
عطشان وبصـــــفي نهر بس مايه مايرويني
عطشان انـــــه الشوفتك يالشوفتك تحييني
ذنبي الوكـــــــف حاجز تره مابينك ومابيني
وحبل العمر يكصر بده وطيفك ولا مر عيني
مشتاگلك والـــــــشوگ ذمه
وعمري تطـــــشر بيش المه
خلصت حياتي لچمه لچمه
ضل اخر امل عندي
الله وانت يلمهدي
يبو ادموع الجريه تبجي عله السبيه
ــــــــــــــــــــــــــــــــــــــــــــــــــ
غصني يــبس شوك وضمه وذبلت جميع اوراقي
من جودك اسگيني وفه بداعت اچفوف الساقي
يبن الشـــــموس الطالعه الجيتك دگلي اشباقي
الشوفت عيــــــــونك سيدي ماتنوصف اشواقي
گلب الـيـحبك هذا حاله
بدمعه كتب اعظم رساله
ياهضـــــمة المحد بقاله
انت الكل هلك رحلو
ابطف النايبه انجتلو
يبو الونه الشجيه تبجي عله السبيه
ــــــــــــــــــــــــــــــــــــــــــــــــــ
(أينَ استقرَ بكَ النّوى ) يالتبچي دم لحسينك
دليني عـــــن بيتك تره تعبت كلبي الـ وينك
من تسمع حسين انذبح عل بچي ياهو يعينك
يمته تكف مــن البچي مو حمره صارت عينك
ذبــــــــــلان لونك من النياح
تبچي الضعنكم وي غرب راح
جا يمــــــته گلبك گلي يرتاح
شبعت بس هضم روحك
ويامكــــــثرهن اجروحك
لك ماصح تجيه تبجي عله السبيه
ــــــــــــــــــــــــــــــــــــــــــــــــــ
الياحد اضـــــــــل مناطرك يالعذبتني ابُّعدك
گربني لــــــــك ياسيدي وعلمني اون الجدك
يمك أخذني امسح لك كل دمعه تجري بخدك
تكفيني يا ابن الحسن نظره فقط من عندك
امنيتي صارت بس اشوفك
يالماتــــــــمر عيني طيوفك
خايــف تجي وانه الأعوفك
وين الله ويحضّيني
بيك وتنضرك عيني
دعائي بكل مسيه تبجي عله السبيه
ــــــــــــــــــــــــــــــــــــــــــــــــــ
وجهت وجهي الحضرتك وسلمت بيدك أمري
يامؤنسي في وحشتي اوياك ارد اخلص عمري
يهلال عيدي بيا وكــــــت تطلع تره مل صبري
شايلّك بكــــــــلبي عشگ مايوصفه كل شعري
وين انت ياصاحب زماني
(اشهدُ انــــــــك قد تراني)
بـــس كلي يمته الكاك اني
كلبي اشتاكگك ورادك
دليــــني اعله مگعادك
يبو اجفوف السخيه تبجي عله السبيه
ــــــــــــــــــــــــــــــــــــــــــــــــــ
يالرازق النمله نـــــــــــفس ترزقني نظره ابودي
للـــــــــــتارك بروحي جــــرح والدمعه نار بخدي
بين اهلي وناسي عشت بس احس روحي الوحدي
(عميت عــــــــين لا تـــــــراه في كل صباح المهدي)
يوميه اقنّع روحي ها جاي
وياخذني دمعي وأفگد الراي
صوفر خضاري وجيتك ماي
گلي بيا زمان اترد
بجيتك روحي اتورد
دخيلك حن عليه تبجي عله السبيه
ــــــــــــــــــــــــــــــــــــــــــــــــــ
نسألكم الدعاء
حسين عبد الزهرة الدراجي
جديد #
نعي حول وداع زينب سلام الله عليها للاجساد الطاهره
ابوذيه
غفل يحسين دهري انه بعدكم
سبيه إبلا ولي روحي بعدكم
على التربان ياوسفه. بعدكم
جثثكم عالثرى يهل الحميه
عنك غصب يحسين امشي
وكل الدرب هالعين تبچي
هالروح من ياضيم تشكي
رافكت غصبن خويه الاجناب
وعفت الجسد متوسد اتراب
ديرة غرب مابيها احباب
لامن صديگ اليوم يفزع
ولامن ولي للصوت يسمع
حگه الگلب لو راد يطلع
ميت اخوي وحشميته
بلا رأس ياوسفه لگيته
راعي الكفاله عاتبيته
عاتبته من ضيم العليه
بعده يصيحولي سبيه
مالومه شبت نار بيه
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
طور الركباني
نعي مفجع
يـحـادي الـضـعـن يـاسـايـگ الـبـل
خـلـيـنــه نـودّع بـالـعَــزه الـخِـل
عـالـراس الـكـفـلـنـه انـريـد نـعـول
ودمـوع الـجـفــن لـلـگــاع تـنـزل
افــراگ الـشـهــم تـدريــه يـكـتــل
مـانـصـبـر نـروح ولـيـلـنـه ايـچـل
بـيـن الــزلــم والــخـيـل تـصـهـل
ونـوگ الــهــزل عـرجـه وتـگــزل
بـالـچـن يـگـوم وصـارمـه ايـسـل
وحــمـلـت عـلـي الــكــرار يـمـل
*-----------*----------*
✍بقلم خادم الحسين ع
الشاعر رعد الجريخي
ابو ذيات من كربلاء والكوفة والشام لسان حال مولاتي زينب عليها السلام
جروح السبي 😭😭
نايم ياكفيل اختك .. وناوين
وين السبي ياخويه .. وناوين
هذنِّ الهزل جابوهن .. وناوين
يخويه ياخذون اختك سبيه
🏴🏴
جواب كفيلها
يخيتي كفي من ونّچ .. وعتباچ
اهيس جروحي يازينب .. وعتباچ
اخاف الشمر مجّاسر .. وعتباچ؟
اندهي الراس يابت الزچية
🏴🏴
كاني بمولاتي رقية عليها السلام بقصر اللعين يزيد
بعينچ للطشت عمه .. ترابين
ورانه بالقصر يفتر .. ترابين
راس ابوي اشوفنّه .. ترابين
ادين ايزيد ويصد عينه اليه
🏴🏴
مولاتي زينب بالكوفة
يحامي من تنخت بيك .. والجار ( وحامي الجار)
جمر الهظم بالدلّال .. وجّار
اجينه بحبل مچتوفات .. والجار
يجر حيل الحبل ويگص بديّه
🏴🏴
بناتك لاحمى ظلن .. ولاچن
أمر امن الصبر ضاگن .. ولاچن
يحيدر كلش احملنه .. ولاچن
طبت السوگ امر امن المنيّه
🏴🏴
سمعتچن من تنخّيتن .. عَلِيچن
اگص السان الاطّاول .. عليچن
طير البين يازينب .. عليه چن
يبويه الگاللچ چلمه رديّه
🏴🏴
عرفتيني أنا بت من .. يهزلاي
عرجه ومحملچ مايل .. يهزلاي
يريت الگبر بالعاشر .. يهزلاي . ( جهز الي )
ومتت وي الگمر بالغاضريه
🏴🏴
الليالي وياي مانصفن .. وراحن
دلالي جفن ايامه .. وراحن
شكثر عباس گلب اخته .. وراحن
مشه وبس مشه مال الوكت بيّه
🏴🏴
اهل دمعي واجرن آخ .. من آخ
يخويه الضعن وسط السوگ .. من ناخ
التفت فزعة ردت من ابو .. من آخ
بس شمّات يهلي تحيط بيّه
🏴🏴
احنه اللي گبل ادم .. بدينه
وجدنه التهتدي الوادم .. بدينه
سبايا والحبل ملتف .. بدينه
وابونه الفحل حماي الحميه
🏴🏴
رقية برمح عثروها .. شفتهه
وامن العطش متفطره .. شفتهه
اميّه احقادها بينه .. شفتهه
تطب ديوان يمته الهاشمية؟
🏴🏴
تشم ربحة كفيلي .. ودي ريتي
يجي وتصبح حقيقة .. ودي ريتي
يزينب اخوه بالطف .. ودّريتي
وبعد بالشام ضيعتي رقية
🏴🏴
لك العزاء يامولاي ياصاحب الزمان
ام محمد الحجاج
لطميه للسبي
روس أهلي مشت .. علرمح ويانه
وعفنه بلطفوف حسين جثمانه
❥━──➸➽❥💔❥━──➸➽❥💔
روس أهلي مشت علرمح للكوفه
أو روحي من مرار السبي مضعوفه
وعالهزل مشيت أو أيدي مچتوفه
أو كفال الخدر وي شمر خلانه
❥━──➸➽❥💔❥━──➸➽❥💔
أمشي علهزل والشمس سطرتني
أو سوط أبن الدعيه أيلوح أبمتني
ويا ونت رقيه أو سكنه فجعتني
وعليهن خفت من أبن مرجانه
❥━──➸➽❥💔❥━──➸➽❥💔
دلالي أنشلع من الهضم نوطه
وأرجيچ الگلب ما يحمل الشوطه
وهليوم الشمر گطع علي سوطه
أو يا ثگل السلاسل منه تعبانه
❥━──➸➽❥💔❥━──➸➽❥💔
أمشي والشمس حرهه يأذيني
ويهتز راس أخوي أمن أجهر ونيني
أو منه ما شلت طول الدرب عيني
وشفته أمنلعطش هليوم ذبلانه
❥━──➸➽❥💔❥━──➸➽❥💔
الما بيهم رحم مسبيه مشوني
بچلمة خارجيه أهواي هضموني
ضربوهه اليتامه وتهمل عيوني
وسفه بن سعد هليوم شتمانه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ١٢ من شهر محرم الحرام
الموافق / ٢٠٢٣/٧/٣١
وين اخواني. خيفزعولي
كلها الوادم. شافت طولي
الكوفه فرحانه. بجيتي لهنانه
زينب اختكم اني. يخواني طحت ابلوه
سوط الشمر ياحيف . فوك المتن يتلوه
شكدها جروحي. روحي. ملت من اسنيني
لاخر ديره. من الحيره. واصل صوت اونيني
ماضل غالي. يفزع ليه
سوط الشامت. وجر بيه
روحي خلصانه. بجيتي لهنانه
درب السبي اذاني. غير ملامح شكلي
واليحدي بيه شلون. يكرهني يكره اهلي
كل مره يطكني. ايسبني. وصرخ يابو الغيره
افزع لختك. ناطرتك . بعدك طحت بحيره
ها يالكافل. وين ايمينك
ضربو متني. وينك وينك
عيوني ذبلانه. بجيتي لهنانه
للكوفه من دخلنه. من منزلي مروني
من اصرخت حيدر. واحد سطرلي عيوني
يازينب اسكتي. عشتي . اهنانه ومهيوبه
منهوه اليمج. واسمج. هسه المسلوبه
بكلبي واندب. بكل احزاني
حيدر وينك. وين اخواني
بتكم تعبانه. بجيتي لهنانه
هذي تره البدايه. شام الحزن ورايه
متهيأ كلها اتكول. يمته تجي السبايه
جم شاب وشايب. ما يتعاتب. ينطر جية ضعني
تره وجم حاقد. رايد. ينظر دمعة جفني
حته الجاهل. اتكله امه
ضعن القادم. لا تحترمه
وابجي حيرانه. بجيتي لهنانه
باجر اطب قصرهم. ادخل وطر زلمهم
ابجي على المذبوح. بس همه ما يهمهم
ايزيد بعصه. فرصه . اينزل دمعة عيني
وبوجه المذنب. يضرب. ضل شفاف حسيني
يضربه واصرخ. خايب تركه
ميت ضامي. شفافه زركه
اترك مولانه. بجيتي لهنانه
الشاعر /علي الاصبحي
#نعي
مرينه اعلى جسمك لحظة وداع
بس مرة سبايه ومستعجلين..
الله وياك كتلك خويه عباس
طلع موكب خواتك ماكلت وين
اشو ماناشدتني اعللهزل ليش
ولاگتلي يزينب وين تردين
ومالحكنه نوكف نلطم عليك
وسلمنه اعلى جسمك واحنه ماشين..
نخيتك ماكمت مستحيه رديت
واكل للروح ميت لاتعتبين..
على كلن طلعنه بدك الطبول
ومشه موكب الروس وقائده حسين
وطلع موكب عزانه ومشه استعراض
موكب بس منصاته الدواوين..
وجمهور اليعاين موش جمهور
شماته تكول حسبالك مجانين..
نلطم يالطم زنجيلنه السوط
واللطامه زينب والنساوين..
الفشل كل الفشل من طبت السوك
شكثر صعبه اعلى بنت الهاشميين..
شفت نسوانهم تضحك يعباس..
كلها تكول حامي ضعونجن وين..
صدگ عافج يزينب ستر الخدور
وينه الگالج بحماي تمشين
صرت مجبورة ادنگ من ينشدون
افزعه شلون زحمة لماله جفين
وخلصنه العزه وانتهه الزنجيل
بس بظهورنه ظلت نياشين..
ونصبنالك عزه بنص الخرابات..
بس شلون تعزيت مساجين..
ونعيتلكم نواعي تشيب الراس
لما ماتت رقيه بكثر الونين..
ولمن حسيت راسك صاح كافيج..
عميتيها يزينب هيه بس عين..
رائد الناشي
#اللهم_عجل_لوليك_الفرج
(هوسات )
تعبني الشمر وحسين هد حيلي
بعيوني النهار اصبح مثل ليلي
احجي بالضنون وضني يحجيلي
اسمع صوت بذني يكلي شوفيني
ام عون ياخويه يجويني الرمل
...........
ركضت الطف واجيت من التعب يمه
دخيله وجيت خوف بجيت الضلمه
اصيحن اااااه بويه واااااه يا يمه
مطشر جسم اخوي وحايره بلمه
وبيش المنه محتركه العباية
..............
طريت الزلم وتعثر بخوفي
ودم جروح متني تارس جفوفي
وين الدكلي صدره وكالي اوفي
كسر ضهري بفكدته ونطفه شوفي
وين ابو الغير ضربو اخته زينب
...........
حسين شبيه سوت ليلة العاشر
ضلمه وحالي كلش يكسر الخاطر
ضعت مادري ليه شضاملي باجر
الصاير بيه ما قبلي بشر صاير
ليلة العاشر كسرت ال هاشم
.............
بحبل واحد مشينه للسبي كوه
وراحت ونكضت ايامنه الحلوه
طحت بناس لا غيره ولا نخوه
شما طال الدرب بسياطهه اتلوه
مهدله متوني من سوط ال اميه
..........
تمت
الشاعر مصطفى الحسني
#شهر_محرم_الحرام
القصيدة الرابعة
شور _كعده _
خيم اعليه الحزن
مولاتي السيدة زينب تجلس المغربيه تعب
اخوه الحسين صلوات الله عليهم
لسان حال مولاتي
خيم اعليه الحزن
وبالخريب كمت اون
ليله وحده مانمت
عيني ماغمضت جفن
ليله ليله مانمت
بالظعن اتغربت
ضيعوني بالفله
انه وعيالي تهت
بالفله خويه وغريبه
مصيبه ذبتني بمصيبه
اخي اخي اخي
................................
اسروني عل هزل
وبالظعن يحدي النذل
كمت اشكف بالصيط
ويدي مشدوه بحبل
جفي بالصوط التوه
وبيه مخنوك الهواء
غيرك انته ياضماي
الجرحي مايرهم دوه
بلسم اجروحي الثجيله
ماكو غيرك اشتكيله
اخي اخي اخي
................................
غيم ابراسي الزمن
ويمطر اعليه محن
طشر اعيالي بغرب
بالفله طش الظعن
طشرنه بالدرب
تهنه مابين الغرب
وافترگ كل الظعن
والفراك اشكد صعب
ابنار الفراك انجوينه
والحزن خيم علينه
اخي اخي اخي
...................................
بين الفراك وصبر
ضاعن اسنين العمر
عيني تربي عل الدرب
ليلي مانام انتظر
عيني لحضه ماغفت
عيني بجفوفي طفت
بيها حسره ويه اللم
كلمه لكن ماحجت
كل سوالفها الايمه
بيها حزن الكون خيمه
اخي اخي اخي
...................................
خادم زينب
علي الحاتمي
ابو ذيات
مولاتي زينب عليها َلما وصلت الكوفة كاني بها وجهت عتبها لابيها امير المؤمنين عليه السلام ... بلسان حال الشاعر 😢😢
وشيله
تگله ياعلي يابويه
الضعن كل يوم اله حطّه وشَيله
وبعد بالعين ماظلت وشِيله
عبايه اريد يابويه وشيله
اخاف السوط ايشگ هاي العليّه
🏴🏴
دريت . الشمر ضعني اليوم ياباه
وكل سوط اليطگني الگلب ياب آه
انه زينب كتلني الهظم ياباه
اميره امس هسه ادخل سبيه
ياعلي يابويه
🏴🏴
سبيّه واصعدت هزله بلادين
اويه ناس المامش امروّه بلادِين
امن امس لليوم طرّينه بلادين
وبعد الشام ياحامي الحميّه
🏴🏴
ياعلي ياعلي يابويه
تسلّبنه ، انسبينه ، ونهظمنه
يفت الصخر بويه ون هظمنه
إن شمت بينه عدونه وإن هظمنه
يظل محفوظ خدر الفاطمية
🏴🏴
وادم رافگتنه لومه شينه
حچيهم بس مسبّه لو مُشبنه
يبويه شلون باچر لو مشينه
الموش اجواد باڿر تحدي بيّه
علي يابويه
يبويه ارّيد بالممشه حمه النه
ثجيل يريدله والي حملنه
عدونه اعله الهزل ترضه حمَلنه
ول اهل الشام باچر يحدي بيّه
🏴🏴
ام محمد الحِجّاج
لاتزال مولاتي زينب عليها السلام بالكوفة وخطابها لابيها امير المؤمنين سلام الله عليه ،،،
بلسان حال الشاعر،،،،
🏴🏴
علي بويه
الضعينه تريد ياحيدر حمه الهه
وبتك ياعلي طايح حملهه
مصايب كربله گلبي حملهه
لچن مايحمل اتسمّه سبيّه
🏴🏴
بعدچ عدله لو متّي يروحي
اخياط ودوه ماينفع يروحي
امشي اخيال والوادم يروه حي
بعد ياروح بالمذبوح اخيّه
🏴🏴
غدت كل يوم روحي ماتم الهه
الموت اويه ابو اليمه ماتم الهه
اليتامه تريد اشيّد ماتم الهه
وانه كل يوم اباتلّي بنويّه
🏴🏴
عمت عين الوكت ياناس لادار
وحگّه الدمع ليل نهار لادار
زينب صفت لا خوان لا دار
ومشيت ادروب ماترهم عليّه
🏴🏴
ام محمد الحِجّاج
وصول السبايا الی الكوفة 😭
🏴🏴
اتلگّو النوگ
الكوفه بالشماته
اتلگّو النوگ ٢
😭😭
معيدين بسبينه .. اتگّو النوگ
يجرّون بعبينه ..
مدري شصار بينه ..
خذونه او وگّفونه
بوسطت السوگ
😭😭
ويلاه من وگفنه .. اتلگّو النوگ
ابسوگ الكوفه طفنه ..
الحجار بچتفنه ..
علينه تشامر النسوان
من فوگ
😭😭
كلمن من سطحها .. اتلگّو النوگ
والنسوان وكحه ..
الغيره هناك شحّه ..
يايابه بدليلي
صارن شگوگ
😭😭
عبيد ابيت اهلنه .. اتلگّو النوگ
چانو من جهلنه ..
والله الذل كتلنه ..
عدهم صايره
السانات وحلوگ
😭😭
الچانو خدم عندي .. اتلگّو النوگ
واحدهم مجدّي ..
يطگ بحجاره خدي ..
وراسي امن الفشل
للگاع مطبوگ
😭😭
امس بالكوفه اميره .. اتلگو النوگ
بشر مييت ضميره ..
ما بلروس غيره ..
وينك ياعلي
طلّاع الحگوگ
😭😭
زماني شسوه بيّه .. اتلگّو النوگ
ارد ليهم سليّه ..
الحرّه الطالبيّه ..
هذا الحال يهلي
اعليهه ميلوگ
يازينب 😭😭
من هوان الزمان
بنتُ مَن اختُ مَن
😭😭
ام محمد الحجاج
#في_خدمة_الخطباء
#محرم_1445
كأنّي بالعقيلة زينب سلام الله عليها تصوّر حزنها عند وداع الحسين عليه السلام وتذكر وصيته لها، ولسان حالها يقول
(طور اسمع عتابي)
ما اقْدَرَ اعُوفَه
تِنزِف كفوفه
خوفي عْلى أُمّي
الزهرا تِشوفَه
راسه نِظَرْلي
چنه يِگلي
ذِكريني كِلْ ليل
انْ گِمتِن تِصلّي
داري رُقيّه
نوحي عَليّا
ذِكري مُصابي
صبح ومِسِيّه
بعدي عجيبه
تبگي غريبه
تمشي بْلا كافل
والله مصيبه
#عظم_الله_أجوركم
فـاطِــمَـة مَـلّاح✍︎
#نعي
ودعتك الله ياعيوني
يردون عنك ياخذوني
يردون عنك للسبي نروح
ونعوفك اعله الغبره مطروح
يحسين اخذ من زينب الروح
ناويّن غبشه أيَّسرووني
ماعندي روح و مرمي اخليك
گبل الفجر جيت انضر البيك
مذبوح خويه شلون اداويك
وياك ياريت اذبحوني
گلبي علمّني والهظم زاد
مذبوح مايرهملك أضماد
من خيمتي هدموها الاوغاد
وما اجيتني من طلعوني
لو گلبك يدگ يا ضوه العين
چا غيرته تحمّي الصواوين
مصيوب بالدلال يحسين
لو مو بگلبك ما يجوني
ودعتك الله آخر وداع
أبساع يا روح اختك ابساع
حاچيتها وما تسمع الگاع
ضميني يم الدللوني
ودعتك الله باچر نشيل
ممشه السبايا انهارها وليل
مانعرف لركب المهازيل
بمدللاتي إيدوهنوني
ريت الشمس عن كربله أتغيب
وتتبع ضعنه يالمساليب
بدرب السبايا اشكال تعذيب
هيّنه الشمس تتبع ضِعوُني
اطيني راي اسمع يگولون
للكوفه باچر بينه يمشون
بحيّنه الگبل خافن ينشدون
عنك شگل للناشدوني
الشاعر سيد مرتضى الياسري
#اللهم_عجل_لوليك_الفرج
{ رواية مع نعي للسبي }
يا اهل الكوفة غضوا ابصاركم عنا اما تستحون !!
يروى نادَتِ السيدة أمّ كلثوم عليها السلام:
"يا أهلَ الكوفةِ غضّوا أبصارَكم عنّا، أما تستحونَ من اللهِ ورسولِه أن تنظروا إلى حرَمِ رسولِ الله صلى الله عليه وآله وهنّ حواسِر؟
قال: فوقفوا ببابِ بَني خزَيمة والرأسُ على قناةٍ طويلة".
📚 مقتل أبي مخنف ص111📚
نعي مجاريد للسبي
تتفرج علينا الناس يحسين
بنات الرساله والسلاطين
وطبونه تالي بدواوين
•───✧◐◐✧───•
مجلس يزيد شلونه اطب ليه
ذباح اخيي شلون احاجيه
ابن امي بطشت راسه امخليه
•───✧◐◐✧───•
فرجه بقينه بعين شمات
شبعنه هظم خويه ولوعات
بخرابه كعدنه وبيهه انبات
•───✧◐◐✧───•
بناتك يصيحن وين ابونه
بخرابه يبويه كعدونه
من عكب ذاك العز سبونه
•───✧◐◐✧───•
مسبيات واشبعنه اذيه
ايد باايد مربوطات اديه
وفوك الراس ياموتت رقيه
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🗓 #محرم_1446هـ
#لطمية.
بــوداعــة الله بـوداعــة الله
شبـــان نمتــوا اعله الثـرى
اولاد طــــــــه وحيــــــــدره
ياخيـرة الله .. بوداعــة الله
ـــــــــــــ ✿ ✿ ✿ ـــــــــــــ
عفتونــي ياخوتــي وهـلي
حرمــة وغــــريبــة وانولــي
يشـمت عـــدوّي و عــاذلـي
بيّــــه وأصيحــــن ياعلــــي
يا حجـة الله .. بوداعـة الله
ـــــــــــــ ✿ ✿ ✿ ـــــــــــــ
عينــــونــــي بس ابرَكبِتـــي
وي الذبحكــــم سفــرتــــــي
خافـــــن تطيــــح ابنَيّتــــي
وانــه اندهِتكــــم يخوِتــــي
كومولي يالله .. بوداعة الله
ـــــــــــــ ✿ ✿ ✿ ـــــــــــــ
يضـرب رقيـــة الأجنبــي
ويسلب من اسكينه العبـي
و يحدي بضعننــا الناصبي
الذابــح إبـــن بنت النبــي
مايخشى الله .. بوداعة الله
ـــــــــــــ ✿ ✿ ✿ ـــــــــــــ
ويــــن الكفلنـــي ورايتــه
كطعـوا يمينــه ويسرتـــــه
وحـدي و احامــي لعيلتــه
و زيــــن العبـــاد ابعلّتــــــه
ايساعِده الله .. بوداعـة الله
ـــــــــــــ ✿ ✿ ✿ ـــــــــــــ
ظليت احجـي اويـه القَـدَر
ويـانــه شــو خــان الدهــــر
مذبــوح إبــن سيـــد البشــر
و غركــان بــدمـوم النحــر
يا رحمة الله .. بوداعة الله
ـــــــــــــ ✿ ✿ ✿ ـــــــــــــ
📝 #الشاعرة_زينب_الخفاجي
🌿 #اللهم_صل_على_محمد_وآله
( حميده ع وطوعه ) الشاعر ذوالفقار جلعاوي
من دخلت الكوفه مجتوفه وسبيه
حرمه ركضت عالضعن تنشد عليه
عالوجه طاحت شفتها نادت بأسمي اسمعتها يا حميده
...............
عالهزل للكوفه أدخل امشي مجتوفه وسبيه
من الخيم وجهي تجوه والحبل يذبح بديه
كل طفل بالدرب اشوفه يحجي وي منحر ابيه
واني مسلم ما لكيته ولا بجيت أبكد رقيه
عالتراجي تشكي لحسين أبواجي
واني شكو اذني من جر التراجي
الماكو ابوها المن حجتها نادت بأسمي اسمعتها يا حميده
...............
حرمه نادت آنه طوعه وعالضعن ركضت وحيده
طاسه ماي ابجفها كالت هايه من مسلم بريده
ريجه يابس ما شربها وكلي ضميها الحميده
من الضعن عالطاسه اطيحن كمت اشمن لزمت ايده
طوعه عرفتني ابكثر ما وجهي الطمه
انطتني طاسة مسلم الصابغها دمه
من العطش حيل اشبكتها نادت بأسمي اسمعتها يا حميده
...............
طوعه جرتني الحضنها وبالصدر خنكتها عبره
اتكلي مسلم وحده شفته منحني و إيده اعله ظهره
بالحجر عسكر تضربه وعسكر إيحفروله حفره
من وكع بيها أحركوها او جوته بكل صفحه جمره
وادم اتشيل السعف فوكا تشمره
عالوجه كلما طلع يرمونه صخره
حفرته الناس أحركتها نادت بأسمي اسمعتها يا حميده
...............
ابحفرته يطيح اعله وجها مختنك يشهك أسمعه
بصدره جم سهم اليطعنه بظهره جم رمح اليدفعه
دخلت العسكر حفرته ومسلم امجتف تطلعه
أحباله بالخيل اربطوها وجرته الخيل و اتبعه
بهذا سوك الكوفه ينجر اعله ظهره
واليمر من يمه شد سيفه ويطبره
جثته عالدم ألحكتها نادت بأسمي اسمعتها يا حميده
...............
للقصر مسلم تبعته عالي فوكه أمصعدينه
امجتف او واحد يدفعه وطاح والطيحه اعله عينه
جنه عباس ابوكعته ما سند وجها أبأدينه
كسرت اعظامه اسمعتها والدمه امخضب جبينه
ركضت الوادم اله ابظني وتسعفه
ثاري بيها السلبت بيها التشفه
عفته والوادم عفتها نادت بأسمي اسمعتها يا حميده
...............
طوعه كالت عندي امانه حمره من مسلم جبتها
قطعة من سلبو ثيابه كوه منهم حصلتها
طلعت من جسمي روحي اكبالي لمن طلعتها
قطعه تشرح حال أبويه خيوط ألمها وشمشمتها
الزينب اركض شايله القطعه بأديه
عمه من مسلم بقت بس هاي اليه
بهايه زينب موتتها نادت بأسمي اسمعتها يا حميده
.................
.................
#طور_جديد
#الخروج من كربلاء
#احوال السيدة زينب ع وبنات الحسين ع
شحالك يا زينب والسبي
أدري الجرالك تتعبي
حمره عيونك
زرقة متونك
ومحترقة اذيال العبي
عافت أخوها اعلى الرمل
ومشوها قوة اويَ النذل
ما عِدها حيله
تمشي ونحيله
ويوجعها مشدود الحبل
زينب تناشد كربله
جثة اخيّ مرمله
ميت وعريان
لا يَمّه دفان
ومنها المدامع هامله
سِكنه ورقية بالدرب
روعها ظالم بالضرب
يشتم ابوهن
وين الكلفهن
ومسبيّه عمتهن عجب
🖊خادمة أبي الفضل
لسان حال العقيلة زينب تخاطب أبا الفضل العباس عليهما السلام (وزن النعي )
عفتك طريح امفارگ الراس
ودعتك الله خويه عباس
★★★★★
ودعتك الله ودمعي هَمّال
رحت بضعن ماعندي كَفَّال
امشي الدرب كله وي چتال
شلون العده يصيرون حراس
ودعتك الله خويه عباس
★★★★★
ظل الضعن من دون حَمَّاي
أيتام وعليل الضلوا أوياي
البسيفه دمك صار حَدَّاي
بعين الزغيره اتشوفنه الناس
ودعتك الله خويه عباس
★★★★★
المعزوز عگب احبابه لاعاش
تراب الخرابه الگعدته افراش
شفت الشمر بالسوط غَبّاش
صياح وزجر لاشيمه واحساس
ودعتك الله خويه عباس
★★★★★
آه ياكفيلي على الترب طاح
غط بالهظم ياگلب يرتاح
أمسه يگود الضعن ذبّاح
بالغيره ماله معدن وساس
ودعتك الله خويه عباس
★★★★★
امگدر عليه وصار مكتوب
للموت ما أسوفك يمهيوب
وحشه على گلبي وكت الغروب
ياضوه عيوني وشم الانفاس
ودعتك الله خويه عباس
★★★★★
يردون بينه الوجهت الشام
مفزوعه فزت شوف الايتام
ومحروگه ضلت تالي الخيام
بخيل الجيوش المحمل انداس
ودعتك الله خويه عباس
الشاعر حسن لعيبي الحريشاوي
نعي
وصول سبايا آل الرسول الی الكوفه
🏴🏴
لسان حال مولاتي زينب عليها السلام
ياهلي للكوفه وصلنه
يوم اثنعش ليهه دخلنه
والغرب يحدون بحملنه
كل ساع ويعثرن هزلنه
امن اتميل وياها احنه ملنه
حسبالنه يتبعونه اهلنه
يفكّون ردناهم حبلنه
خشن الحبل يوجع كتلنه
وبنفسه مچتوفات كلنه
🏴🏴
ام محمد الحجاج
.#طور التغريد الحزين - وغيره
#وصول السبايا إلى الكوفة
وصلت زينب لكوفان بِلا عباس بِلا الحسين
أمس بيها أميرة قوم سبية اليوم يبو الحسنين
شلون أنسى عِشرتي وياه ابويه الكان إلي سلطان
واخُوتي ليوث بني هاشم سِتر ليّه وفخر عدنان
تراني اليوم مكتوفه ورووس اهلي على السنان
الف حسرة على ايامي الكانت زاهره بطيبين
وصلناها وتِصد النّاس راس حسين على العِسال
فرحانه وتِدق اطبول وانا منّي الدّمع همال
أميرة شلون تتيسر جا وينه الأخو الكفال
معقوله حريم الآل مشدودة بحبال اثنين
#نعم ادخلوا السبايا من آل محمدٍ وعلي وهنّ يلذنّ بزينب المخدّرة ، العزيزة ...
أدخلوهنّ إلى مجلس ذلك اللعين عبيد الله بن زياد وزينب روحي فداها مكبلة بالسلاسل والأصفاد ، وقفت بصلابة أمها ومنطق أبيها لتخاطب اهل الكوفة :
#وَيْلَكُمْ أتَدْرون أَيَّ كَبِدٍ لرسول الله (ص) فَرَيتمْ ،
وَأَيَّ كَرِيمَةٍ لَهُ أَبْرَزْتُمْ ، وَأَيَّ حُرْمَةٍ لَهُ انتَهكتمْ ، وَأَيَّ دَمٍ لَهُ سَفَكْتُمْ أفَعَجِبتُم أن مَطْرَت السّماءُ دَما ؟؟ولعذابُ الآخِرةِ أخزى وأنتُم لا تُنصَرون ...
(أي مصيبة قمتم بها ؟؟💔)
مصيبة ما مِثلها صار زينب تخطب ابديوان
كم شامت يصد ينظر وهيّه للخدر عنوان
حجاب الله انخلق ليها مهيوبه وتِهز اركان
وقفَتها مثل أمها يوم الخاطبت عدوان
🖊خادمة أبي الفضل
*وداع الاجساد الطاهرة*
*حين مروا بالفواطم على اجساد الشهداء… ..ناداها زين العابدين *"عمّة يا زينب لا تُلقي بنفسك من على ظهر النّاقة! فإذا ألقيتِ بنفسك فمن ذا الذي يُركِبُكِ وأنا عليل، ودّعيه وأنت على ظهر النّاقة!"**
لحن الجفيري♪
ودعتك الله يالغريب
يلي على الرمضا خضيب
جسمك من اكفانه سليب
راح امشي عنك باليسر
✵✵✵✵✵✵✵✵✵
هاي اختك ميسرينها
تبكي ويزيد ونينها
اعله الهزل وامربطينها
وحاديها بالسبي الشمر
واويلاه وازينباه واسبيتاه
بعد بعد اسمع ايها الموالي ابيات الوداع بين زينب والحسين ~
بأمان الله يحجاب صوني عنك راحله ~
جابو هوازلهم وعنكم تحدي القافله ~
ودعتك الله يا حبيبي يابن سيد المله ~
بالغصب مشّوني عنكم والجنازة عالترب
✵✵✵✵✵✵✵✵✵
خويه العذر منكم جابو نياق السبي ~
والحادي يصرخ بالعجل گومي واركبي ~
حرمه انه وشلون يحدي بطعني اجنبي ~
من بعد عين ابو فاضل امشي وْيالغرب ~
✵✵✵✵✵✵✵✵✵
لحن الفراق الحسناوي♪
وداعة الله… يا حبيب امي الزچية
وداعة الله… يا دمع عيني الجريه
وداعة الله… يا ذبيح الغاضريه
تگله خويه… عالهزيله مربطينه
تگله خويه… وبالحبال مچتفينه
تگله… الشكوى الله و لْوِلينه
تم مشى ظعن الفواطم وكانت اصعب ساعة على قلب زينب ع ان تخرج من كربلاء اوخوها طريح الرمضاء دون غسل ولا تكفين وجنازته معطلة فصاحت ولسان حالها / لحن عاري حبيبي عالغبره ~
راح امشي عنكم يالغالي
وانه سبيه بلا والي
گوه خذوني يا خويه مسبيه
صعبه اختك تروح الكوفه
وبحبل ايديّه مچتوفه
واطلع يخويه من الغاضريه
عنكم انه راح امشي بسبي
ويحدي ظعني خويه اجنبي
ويشتم ببناتي ناصبي
ويلاه… محّد وراى جنايزكم
ويلاه… عالغبره ويلي شفتكم
ويلاه… بلا غسل ودفنه عفتكم
حسين آه ~
خادمة آل محمد✍🏻